| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. махаад̣̇идтисуд̇д̇ам̣
8. Mahādiṭṭhisuttaṃ
213. саавад̇т̇инид̣̇аанам̣. ‘‘гисмим̣ ну ко, бхигкавз, сад̇и, гим̣ убаад̣̇ааяа, гим̣ абхинивисса звам̣ д̣̇идти уббаж̇ж̇ад̇и – ‘сад̇д̇имз гааяаа агадаа, агадавид̇хаа, аниммид̇аа, аниммаад̇аа, ван̃жхаа, гуудадтаа, зсигадтааяидтид̇аа; д̇з на ин̃ж̇анд̇и, на вибарин̣аманд̇и 1, на ан̃н̃аман̃н̃ам̣ б̣яааб̣аад̇хзнд̇и; наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. гад̇амз сад̇д̇а? бат̇авийгааяо, аабогааяо, д̇зж̇огааяо, вааяогааяо, сукз, д̣̇угкз, ж̇ийвз сад̇д̇амз. имз сад̇д̇а 2 гааяаа агадаа, агадавид̇хаа, аниммид̇аа, аниммаад̇аа, ван̃жхаа, гуудадтаа зсигадтааяидтид̇аа; д̇з на ин̃ж̇анд̇и, на вибарин̣аманд̇и, на ан̃н̃аман̃н̃ам̣ б̣яааб̣аад̇хзнд̇и; наалам̣ ан̃н̃аман̃н̃асса сукааяа ваа д̣̇угкааяа ваа сукад̣̇угкааяа ваа. яоби д̇ин̣хзна сад̇т̇зна сийсам̣ чинд̣̇ад̇и, на соби ган̃жи 3 ж̇ийвид̇аа воробзд̇и; сад̇д̇аннам̣д̇взва гааяаанаманд̇арзна сад̇т̇ам̣ вивараманубависад̇и 4. жуд̣̇д̣̇аса ко банимаани яонибамукасад̇асахассаани садти жа сад̇аани ча жа сад̇аани бан̃жа жа гаммуно сад̇аани бан̃жа жа гаммаани, д̇ийн̣и жа гаммаани , гаммз жа ад̣дхагаммз жа д̣̇вадтибадибад̣̇аа, д̣̇вадтанд̇арагаббаа, чал̣аабхиж̇аад̇ияо, адтабурисабхуумияо, згуунабан̃н̃ааса ааж̇ийвагасад̇з, згуунабан̃н̃ааса бариб̣б̣ааж̇агасад̇з, згуунабан̃н̃ааса нааг̇аваасасад̇з, вийсз инд̣̇рияасад̇з, д̇им̣сз нираяасад̇з, чад̇д̇им̣сараж̇од̇хаад̇уяо, сад̇д̇а сан̃н̃ийг̇аб̣бхаа, сад̇д̇а асан̃н̃ийг̇аб̣бхаа, сад̇д̇а ниг̇ан̣тиг̇аб̣бхаа, сад̇д̇а д̣̇зваа , сад̇д̇а маанусаа, сад̇д̇а бзсаажаа, сад̇д̇а сараа, сад̇д̇а бавудаа 5, сад̇д̇а бабаад̇аа, сад̇д̇а жа бабаад̇асад̇аани, сад̇д̇а субинаа, сад̇д̇а субинасад̇аани, жуллаасийд̇и махаагаббино 6 сад̇асахассаани, яаани б̣аалз жа бан̣д̣ид̇з жа санд̇хаавид̇ваа сам̣сарид̇ваа д̣̇угкассанд̇ам̣ гариссанд̇и. д̇ад̇т̇а над̇т̇и иминаахам̣ сийлзна ваа вад̇зна ваа д̇абзна ваа б̣рахмажариязна ваа абарибаггам̣ ваа гаммам̣ барибаажзссаами; барибаггам̣ ваа гаммам̣ пусса пусса б̣яанд̇ийгариссаамийд̇и хзвам̣ над̇т̇и д̣̇он̣амид̇з сукад̣̇угкз барияанд̇агад̇з сам̣саарз, над̇т̇и хааяанавад̣дханз, над̇т̇и уггам̣саавагам̣сз. сзяяат̇ааби наама суд̇д̇аг̇ул̣з кид̇д̇з ниб̣б̣зтияамаанамзва балзд̇и; звамзва б̣аалз жа бан̣д̣ид̇з жа ниб̣б̣зтияамаанаа сукад̣̇угкам̣ балзнд̇ий’’’д̇и?
213. Sāvatthinidānaṃ. ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘sattime kāyā akaṭā, akaṭavidhā, animmitā, animmātā, vañjhā, kūṭaṭṭhā, esikaṭṭhāyiṭṭhitā; te na iñjanti, na vipariṇamanti 7, na aññamaññaṃ byābādhenti; nālaṃ aññamaññassa sukhāya vā dukkhāya vā sukhadukkhāya vā. Katame satta? Pathavīkāyo, āpokāyo, tejokāyo, vāyokāyo, sukhe, dukkhe, jīve sattame. Ime satta 8 kāyā akaṭā, akaṭavidhā, animmitā, animmātā, vañjhā, kūṭaṭṭhā esikaṭṭhāyiṭṭhitā; te na iñjanti, na vipariṇamanti, na aññamaññaṃ byābādhenti; nālaṃ aññamaññassa sukhāya vā dukkhāya vā sukhadukkhāya vā. Yopi tiṇhena satthena sīsaṃ chindati, na sopi kañci 9 jīvitā voropeti; sattannaṃtveva kāyānamantarena satthaṃ vivaramanupavisati 10. Cuddasa kho panimāni yonipamukhasatasahassāni saṭṭhi ca satāni cha ca satāni pañca ca kammuno satāni pañca ca kammāni, tīṇi ca kammāni , kamme ca aḍḍhakamme ca dvaṭṭhipaṭipadā, dvaṭṭhantarakappā, chaḷābhijātiyo, aṭṭhapurisabhūmiyo, ekūnapaññāsa ājīvakasate, ekūnapaññāsa paribbājakasate, ekūnapaññāsa nāgavāsasate, vīse indriyasate, tiṃse nirayasate, chattiṃsarajodhātuyo, satta saññīgabbhā, satta asaññīgabbhā, satta nigaṇṭhigabbhā, satta devā , satta mānusā, satta pesācā, satta sarā, satta pavuṭā 11, satta papātā, satta ca papātasatāni, satta supinā, satta supinasatāni, cullāsīti mahākappino 12 satasahassāni, yāni bāle ca paṇḍite ca sandhāvitvā saṃsaritvā dukkhassantaṃ karissanti. Tattha natthi imināhaṃ sīlena vā vatena vā tapena vā brahmacariyena vā aparipakkaṃ vā kammaṃ paripācessāmi; paripakkaṃ vā kammaṃ phussa phussa byantīkarissāmīti hevaṃ natthi doṇamite sukhadukkhe pariyantakate saṃsāre, natthi hāyanavaḍḍhane, natthi ukkaṃsāvakaṃse. Seyyathāpi nāma suttaguḷe khitte nibbeṭhiyamānameva paleti; evameva bāle ca paṇḍite ca nibbeṭhiyamānā sukhadukkhaṃ palentī’’’ti?
бхаг̇авам̣муулагаа но, бханд̇з, д̇хаммаа…бз… ‘‘руубз ко, бхигкавз, сад̇и, руубам̣ убаад̣̇ааяа, руубам̣ абхинивисса звам̣ д̣̇идти уббаж̇ж̇ад̇и – ‘сад̇д̇имз гааяаа агадаа, агадавид̇хаа…бз… сукад̣̇угкам̣ балзнд̇ий’д̇и. взд̣̇анааяа сад̇и…бз… сан̃н̃ааяа сад̇и… сан̇каарзсу сад̇и… вин̃н̃аан̣з сад̇и, вин̃н̃аан̣ам̣ убаад̣̇ааяа, вин̃н̃аан̣ам̣ абхинивисса звам̣ д̣̇идти уббаж̇ж̇ад̇и – ‘сад̇д̇имз гааяаа агадаа, агадавид̇хаа…бз… сукад̣̇угкам̣ балзнд̇ий’’’д̇и. ‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’…бз… ‘‘яам̣ банаанижжам̣ д̣̇угкам̣ вибарин̣аамад̇хаммам̣, аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘сад̇д̇имз гааяаа агадаа агадавид̇хаа…бз… сукад̣̇угкам̣ балзнд̇ий’’’д̇и? ‘‘но хзд̇ам̣, бханд̇з’’. ‘‘яамбид̣̇ам̣ д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа д̇амби нижжам̣ ваа анижжам̣ ваа’’д̇и? ‘‘анижжам̣, бханд̇з…бз… аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘сад̇д̇имз гааяаа агадаа агадавид̇хаа…бз… ниб̣б̣зтияамаанаа сукад̣̇угкам̣ балзнд̇ий’’’д̇и? ‘‘но хзд̇ам̣, бханд̇з’’.
Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘sattime kāyā akaṭā, akaṭavidhā…pe… sukhadukkhaṃ palentī’ti. Vedanāya sati…pe… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘sattime kāyā akaṭā, akaṭavidhā…pe… sukhadukkhaṃ palentī’’’ti. ‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ, bhante’’…pe… ‘‘yaṃ panāniccaṃ dukkhaṃ vipariṇāmadhammaṃ, api nu taṃ anupādāya evaṃ diṭṭhi uppajjeyya – ‘sattime kāyā akaṭā akaṭavidhā…pe… sukhadukkhaṃ palentī’’’ti? ‘‘No hetaṃ, bhante’’. ‘‘Yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tampi niccaṃ vā aniccaṃ vā’’ti? ‘‘Aniccaṃ, bhante…pe… api nu taṃ anupādāya evaṃ diṭṭhi uppajjeyya – ‘sattime kāyā akaṭā akaṭavidhā…pe… nibbeṭhiyamānā sukhadukkhaṃ palentī’’’ti? ‘‘No hetaṃ, bhante’’.
‘‘яад̇о ко, бхигкавз, арияасаавагасса имзсу жа таанзсу ган̇каа бахийнаа ход̇и, д̣̇угкзбисса ган̇каа бахийнаа ход̇и…бз… д̣̇угканирод̇хаг̇ааминияаа бадибад̣̇ааяабисса ган̇каа бахийнаа ход̇и – аяам̣ вужжад̇и, бхигкавз, арияасааваго сод̇аабанно авинибаад̇ад̇хаммо нияад̇о самб̣од̇хибарааяано’’д̇и. адтамам̣.
‘‘Yato kho, bhikkhave, ariyasāvakassa imesu ca ṭhānesu kaṅkhā pahīnā hoti, dukkhepissa kaṅkhā pahīnā hoti…pe… dukkhanirodhagāminiyā paṭipadāyapissa kaṅkhā pahīnā hoti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyano’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-10. махаад̣̇идтисуд̇д̇аад̣̇иван̣н̣анаа • 8-10. Mahādiṭṭhisuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-10. махаад̣̇идтисуд̇д̇аад̣̇иван̣н̣анаа • 8-10. Mahādiṭṭhisuttādivaṇṇanā
