| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. махаад̣̇угкагканд̇хасуд̇д̇ам̣
3. Mahādukkhakkhandhasuttaṃ
163. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко самб̣ахулаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависим̣су. ат̇а ко д̇зсам̣ бхигкуунам̣ зд̇ад̣̇ахоси – ‘‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣, яам̣ нууна маяам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяаамаа’’д̇и. ат̇а ко д̇з бхигкуу язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамим̣су; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇им̣су; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннз ко д̇з бхигкуу д̇з ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ – ‘‘саман̣о, аавусо, г̇од̇амо гаамаанам̣ барин̃н̃ам̣ бан̃н̃абзд̇и, маяамби гаамаанам̣ барин̃н̃ам̣ бан̃н̃абзма; саман̣о, аавусо, г̇од̇амо руубаанам̣ барин̃н̃ам̣ бан̃н̃абзд̇и, маяамби руубаанам̣ барин̃н̃ам̣ бан̃н̃абзма; саман̣о, аавусо, г̇од̇амо взд̣̇анаанам̣ барин̃н̃ам̣ бан̃н̃абзд̇и, маяамби взд̣̇анаанам̣ барин̃н̃ам̣ бан̃н̃абзма; ид̇ха но, аавусо, го висзсо, го ад̇хиббаяаасо, гим̣ наанаагаран̣ам̣ саман̣асса ваа г̇од̇амасса амхаагам̣ ваа – яад̣̇ид̣̇ам̣ д̇хаммад̣̇зсанааяа ваа д̇хаммад̣̇зсанам̣, анусаасанияаа ваа анусаасани’’нд̇и? ат̇а ко д̇з бхигкуу д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇им̣су, наббадиггосим̣су; анабхинанд̣̇ид̇ваа аббадиггосид̇ваа удтааяаасанаа баггамим̣су – ‘‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамаа’’д̇и.
163. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho sambahulā bhikkhū pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisiṃsu. Atha kho tesaṃ bhikkhūnaṃ etadahosi – ‘‘atippago kho tāva sāvatthiyaṃ piṇḍāya carituṃ, yaṃ nūna mayaṃ yena aññatitthiyānaṃ paribbājakānaṃ ārāmo tenupasaṅkameyyāmā’’ti. Atha kho te bhikkhū yena aññatitthiyānaṃ paribbājakānaṃ ārāmo tenupasaṅkamiṃsu; upasaṅkamitvā tehi aññatitthiyehi paribbājakehi saddhiṃ sammodiṃsu; sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinne kho te bhikkhū te aññatitthiyā paribbājakā etadavocuṃ – ‘‘samaṇo, āvuso, gotamo kāmānaṃ pariññaṃ paññapeti, mayampi kāmānaṃ pariññaṃ paññapema; samaṇo, āvuso, gotamo rūpānaṃ pariññaṃ paññapeti, mayampi rūpānaṃ pariññaṃ paññapema; samaṇo, āvuso, gotamo vedanānaṃ pariññaṃ paññapeti, mayampi vedanānaṃ pariññaṃ paññapema; idha no, āvuso, ko viseso, ko adhippayāso, kiṃ nānākaraṇaṃ samaṇassa vā gotamassa amhākaṃ vā – yadidaṃ dhammadesanāya vā dhammadesanaṃ, anusāsaniyā vā anusāsani’’nti? Atha kho te bhikkhū tesaṃ aññatitthiyānaṃ paribbājakānaṃ bhāsitaṃ neva abhinandiṃsu, nappaṭikkosiṃsu; anabhinanditvā appaṭikkositvā uṭṭhāyāsanā pakkamiṃsu – ‘‘bhagavato santike etassa bhāsitassa atthaṃ ājānissāmā’’ti.
164. ат̇а ко д̇з бхигкуу саавад̇т̇ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘ид̇ха маяам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа саавад̇т̇им̣ бин̣д̣ааяа баависимха. д̇зсам̣ но, бханд̇з, амхаагам̣ зд̇ад̣̇ахоси – ‘ад̇иббаг̇о ко д̇аава саавад̇т̇ияам̣ бин̣д̣ааяа жарид̇ум̣, яам̣ нууна маяам̣ язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамзяяаамаа’д̇и. ат̇а ко маяам̣, бханд̇з, язна ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо д̇знубасан̇гамимха; убасан̇гамид̇ваа д̇зхи ан̃н̃ад̇ид̇т̇иязхи бариб̣б̣ааж̇агзхи сад̣̇д̇хим̣ саммод̣̇имха; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇имха. згаманд̇ам̣ нисиннз ко амхз, бханд̇з, д̇з ан̃н̃ад̇ид̇т̇ияаа бариб̣б̣ааж̇агаа зд̇ад̣̇авожум̣ – ‘саман̣о, аавусо, г̇од̇амо гаамаанам̣ барин̃н̃ам̣ бан̃н̃абзд̇и, маяамби гаамаанам̣ барин̃н̃ам̣ бан̃н̃абзма . саман̣о, аавусо, г̇од̇амо руубаанам̣ барин̃н̃ам̣ бан̃н̃абзд̇и, маяамби руубаанам̣ барин̃н̃ам̣ бан̃н̃абзма. саман̣о, аавусо, г̇од̇амо взд̣̇анаанам̣ барин̃н̃ам̣ бан̃н̃абзд̇и, маяамби взд̣̇анаанам̣ барин̃н̃ам̣ бан̃н̃абзма. ид̇ха но, аавусо, го висзсо, го ад̇хиббаяаасо, гим̣ наанаагаран̣ам̣ саман̣асса ваа г̇од̇амасса амхаагам̣ ваа, яад̣̇ид̣̇ам̣ д̇хаммад̣̇зсанааяа ваа д̇хаммад̣̇зсанам̣ анусаасанияаа ваа анусаасани’нд̇и. ат̇а ко маяам̣, бханд̇з, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ бхаасид̇ам̣ нзва абхинанд̣̇имха, наббадиггосимха; анабхинанд̣̇ид̇ваа аббадиггосид̇ваа удтааяаасанаа баггамимха – ‘бхаг̇авад̇о санд̇игз зд̇асса бхаасид̇асса ад̇т̇ам̣ ааж̇ааниссаамаа’’’д̇и.
164. Atha kho te bhikkhū sāvatthiyaṃ piṇḍāya caritvā pacchābhattaṃ piṇḍapātapaṭikkantā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha mayaṃ, bhante, pubbaṇhasamayaṃ nivāsetvā pattacīvaramādāya sāvatthiṃ piṇḍāya pāvisimha. Tesaṃ no, bhante, amhākaṃ etadahosi – ‘atippago kho tāva sāvatthiyaṃ piṇḍāya carituṃ, yaṃ nūna mayaṃ yena aññatitthiyānaṃ paribbājakānaṃ ārāmo tenupasaṅkameyyāmā’ti. Atha kho mayaṃ, bhante, yena aññatitthiyānaṃ paribbājakānaṃ ārāmo tenupasaṅkamimha; upasaṅkamitvā tehi aññatitthiyehi paribbājakehi saddhiṃ sammodimha; sammodanīyaṃ kathaṃ sāraṇīyaṃ vītisāretvā ekamantaṃ nisīdimha. Ekamantaṃ nisinne kho amhe, bhante, te aññatitthiyā paribbājakā etadavocuṃ – ‘samaṇo, āvuso, gotamo kāmānaṃ pariññaṃ paññapeti, mayampi kāmānaṃ pariññaṃ paññapema . Samaṇo, āvuso, gotamo rūpānaṃ pariññaṃ paññapeti, mayampi rūpānaṃ pariññaṃ paññapema. Samaṇo, āvuso, gotamo vedanānaṃ pariññaṃ paññapeti, mayampi vedanānaṃ pariññaṃ paññapema. Idha no, āvuso, ko viseso, ko adhippayāso, kiṃ nānākaraṇaṃ samaṇassa vā gotamassa amhākaṃ vā, yadidaṃ dhammadesanāya vā dhammadesanaṃ anusāsaniyā vā anusāsani’nti. Atha kho mayaṃ, bhante, tesaṃ aññatitthiyānaṃ paribbājakānaṃ bhāsitaṃ neva abhinandimha, nappaṭikkosimha; anabhinanditvā appaṭikkositvā uṭṭhāyāsanā pakkamimha – ‘bhagavato santike etassa bhāsitassa atthaṃ ājānissāmā’’’ti.
165. ‘‘звам̣ваад̣̇ино, бхигкавз, ан̃н̃ад̇ид̇т̇ияаа бариб̣б̣ааж̇агаа звамассу важанийяаа – ‘го банаавусо, гаамаанам̣ ассаад̣̇о, го аад̣̇ийнаво, гим̣ ниссаран̣ам̣? го руубаанам̣ ассаад̣̇о, го аад̣̇ийнаво, гим̣ ниссаран̣ам̣? го взд̣̇анаанам̣ ассаад̣̇о, го аад̣̇ийнаво, гим̣ ниссаран̣а’нд̇и? звам̣ будтаа, бхигкавз, ан̃н̃ад̇ид̇т̇ияаа бариб̣б̣ааж̇агаа на жзва самбааяиссанд̇и, уд̇д̇арин̃жа вигхаад̇ам̣ аабаж̇ж̇иссанд̇и. д̇ам̣ гисса хзд̇у? яат̇аа д̇ам̣, бхигкавз, ависаяасмим̣. наахам̣ д̇ам̣, бхигкавз, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яо имзсам̣ бан̃хаанам̣ взяяаагаран̣зна жид̇д̇ам̣ аараад̇хзяяа, ан̃н̃ад̇ра д̇ат̇ааг̇ад̇зна ваа д̇ат̇ааг̇ад̇асаавагзна ваа, ид̇о ваа бана суд̇ваа.
165. ‘‘Evaṃvādino, bhikkhave, aññatitthiyā paribbājakā evamassu vacanīyā – ‘ko panāvuso, kāmānaṃ assādo, ko ādīnavo, kiṃ nissaraṇaṃ? Ko rūpānaṃ assādo, ko ādīnavo, kiṃ nissaraṇaṃ? Ko vedanānaṃ assādo, ko ādīnavo, kiṃ nissaraṇa’nti? Evaṃ puṭṭhā, bhikkhave, aññatitthiyā paribbājakā na ceva sampāyissanti, uttariñca vighātaṃ āpajjissanti. Taṃ kissa hetu? Yathā taṃ, bhikkhave, avisayasmiṃ. Nāhaṃ taṃ, bhikkhave, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo imesaṃ pañhānaṃ veyyākaraṇena cittaṃ ārādheyya, aññatra tathāgatena vā tathāgatasāvakena vā, ito vā pana sutvā.
166. ‘‘го жа, бхигкавз, гаамаанам̣ ассаад̣̇о? бан̃жимз, бхигкавз, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа, сод̇авин̃н̃зяяаа сад̣̇д̣̇аа…бз… гхаанавин̃н̃зяяаа г̇анд̇хаа … ж̇ивхаавин̃н̃зяяаа расаа… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа – имз ко, бхигкавз, бан̃жа гаамаг̇ун̣аа. яам̣ ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣ – аяам̣ гаамаанам̣ ассаад̣̇о.
166. ‘‘Ko ca, bhikkhave, kāmānaṃ assādo? Pañcime, bhikkhave, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā, sotaviññeyyā saddā…pe… ghānaviññeyyā gandhā … jivhāviññeyyā rasā… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, bhikkhave, pañca kāmaguṇā. Yaṃ kho, bhikkhave, ime pañca kāmaguṇe paṭicca uppajjati sukhaṃ somanassaṃ – ayaṃ kāmānaṃ assādo.
167. ‘‘го жа, бхигкавз, гаамаанам̣ аад̣̇ийнаво? ид̇ха, бхигкавз, гулабуд̇д̇о язна сиббадтаанзна ж̇ийвигам̣ габбзд̇и – яад̣̇и муд̣̇д̣̇ааяа яад̣̇и г̇ан̣анааяа яад̣̇и сан̇каанзна 1 яад̣̇и гасияаа яад̣̇и ван̣иж̇ж̇ааяа яад̣̇и г̇орагкзна яад̣̇и иссад̇т̇зна яад̣̇и рааж̇аборисзна яад̣̇и сиббан̃н̃ад̇арзна – сийд̇асса бурагкад̇о ун̣хасса бурагкад̇о д̣ам̣самагасаваад̇аад̇абасарийм̣сабасампассзхи риссамаано 2 куббибаасааяа мийяамаано; аяамби, бхигкавз, гаамаанам̣ аад̣̇ийнаво санд̣̇идтиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
167. ‘‘Ko ca, bhikkhave, kāmānaṃ ādīnavo? Idha, bhikkhave, kulaputto yena sippaṭṭhānena jīvikaṃ kappeti – yadi muddāya yadi gaṇanāya yadi saṅkhānena 3 yadi kasiyā yadi vaṇijjāya yadi gorakkhena yadi issatthena yadi rājaporisena yadi sippaññatarena – sītassa purakkhato uṇhassa purakkhato ḍaṃsamakasavātātapasarīṃsapasamphassehi rissamāno 4 khuppipāsāya mīyamāno; ayampi, bhikkhave, kāmānaṃ ādīnavo sandiṭṭhiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
‘‘д̇асса жз, бхигкавз, гулабуд̇д̇асса звам̣ удтахад̇о гхадад̇о вааяамад̇о д̇з бхог̇аа наабхинибпаж̇ж̇анд̇и. со сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и – ‘могхам̣ вад̇а мз удтаанам̣, апало вад̇а мз вааяаамо’д̇и. аяамби, бхигкавз, гаамаанам̣ аад̣̇ийнаво санд̣̇идтиго д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
‘‘Tassa ce, bhikkhave, kulaputtassa evaṃ uṭṭhahato ghaṭato vāyamato te bhogā nābhinipphajjanti. So socati kilamati paridevati urattāḷiṃ kandati, sammohaṃ āpajjati – ‘moghaṃ vata me uṭṭhānaṃ, aphalo vata me vāyāmo’ti. Ayampi, bhikkhave, kāmānaṃ ādīnavo sandiṭṭhiko dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
‘‘д̇асса жз, бхигкавз, гулабуд̇д̇асса звам̣ удтахад̇о гхадад̇о вааяамад̇о д̇з бхог̇аа абхинибпаж̇ж̇анд̇и. со д̇зсам̣ бхог̇аанам̣ аарагкаад̇хигаран̣ам̣ д̣̇угкам̣ д̣̇оманассам̣ бадисам̣взд̣̇зд̇и – ‘гинд̇и мз бхог̇з нзва рааж̇аано харзяяум̣, на жораа харзяяум̣, на аг̇г̇и д̣̇ахзяяа, на уд̣̇агам̣ вахзяяа 5, на аббияаа д̣̇ааяаад̣̇аа харзяяу’нд̇и. д̇асса звам̣ аарагкад̇о г̇обаяад̇о д̇з бхог̇з рааж̇аано ваа харанд̇и, жораа ваа харанд̇и, аг̇г̇и ваа д̣̇ахад̇и, уд̣̇агам̣ ваа вахад̇и, аббияаа ваа д̣̇ааяаад̣̇аа харанд̇и. со сожад̇и гиламад̇и барид̣̇звад̇и урад̇д̇аал̣им̣ ганд̣̇ад̇и, саммохам̣ аабаж̇ж̇ад̇и – ‘яамби мз ахоси д̇амби но над̇т̇ий’д̇и. аяамби, бхигкавз, гаамаанам̣ аад̣̇ийнаво санд̣̇идтиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
‘‘Tassa ce, bhikkhave, kulaputtassa evaṃ uṭṭhahato ghaṭato vāyamato te bhogā abhinipphajjanti. So tesaṃ bhogānaṃ ārakkhādhikaraṇaṃ dukkhaṃ domanassaṃ paṭisaṃvedeti – ‘kinti me bhoge neva rājāno hareyyuṃ, na corā hareyyuṃ, na aggi daheyya, na udakaṃ vaheyya 6, na appiyā dāyādā hareyyu’nti. Tassa evaṃ ārakkhato gopayato te bhoge rājāno vā haranti, corā vā haranti, aggi vā dahati, udakaṃ vā vahati, appiyā vā dāyādā haranti. So socati kilamati paridevati urattāḷiṃ kandati, sammohaṃ āpajjati – ‘yampi me ahosi tampi no natthī’ti. Ayampi, bhikkhave, kāmānaṃ ādīnavo sandiṭṭhiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
168. ‘‘буна жабарам̣, бхигкавз, гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у рааж̇ааноби рааж̇уухи вивад̣̇анд̇и, кад̇д̇ияааби кад̇д̇иязхи вивад̣̇анд̇и , б̣раахман̣ааби б̣раахман̣зхи вивад̣̇анд̇и, г̇ахабад̇ийби г̇ахабад̇ийхи вивад̣̇анд̇и, маад̇ааби буд̇д̇зна вивад̣̇ад̇и, буд̇д̇оби маад̇араа вивад̣̇ад̇и, бид̇ааби буд̇д̇зна вивад̣̇ад̇и, буд̇д̇оби бид̇араа вивад̣̇ад̇и, бхаад̇ааби бхаад̇араа вивад̣̇ад̇и, бхаад̇ааби бхаг̇инияаа вивад̣̇ад̇и, бхаг̇инийби бхаад̇араа вивад̣̇ад̇и, сахааяоби сахааязна вивад̣̇ад̇и. д̇з д̇ад̇т̇а галахавиг̇г̇ахавиваад̣̇аабаннаа ан̃н̃аман̃н̃ам̣ баан̣ийхиби убаггаманд̇и, лзд̣д̣уухиби убаггаманд̇и, д̣̇ан̣д̣зхиби убаггаманд̇и, сад̇т̇зхиби убаггаманд̇и. д̇з д̇ад̇т̇а маран̣амби ниг̇ажчанд̇и, маран̣амад̇д̇амби д̣̇угкам̣ . аяамби, бхигкавз, гаамаанам̣ аад̣̇ийнаво санд̣̇идтиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
168. ‘‘Puna caparaṃ, bhikkhave, kāmahetu kāmanidānaṃ kāmādhikaraṇaṃ kāmānameva hetu rājānopi rājūhi vivadanti, khattiyāpi khattiyehi vivadanti , brāhmaṇāpi brāhmaṇehi vivadanti, gahapatīpi gahapatīhi vivadanti, mātāpi puttena vivadati, puttopi mātarā vivadati, pitāpi puttena vivadati, puttopi pitarā vivadati, bhātāpi bhātarā vivadati, bhātāpi bhaginiyā vivadati, bhaginīpi bhātarā vivadati, sahāyopi sahāyena vivadati. Te tattha kalahaviggahavivādāpannā aññamaññaṃ pāṇīhipi upakkamanti, leḍḍūhipi upakkamanti, daṇḍehipi upakkamanti, satthehipi upakkamanti. Te tattha maraṇampi nigacchanti, maraṇamattampi dukkhaṃ . Ayampi, bhikkhave, kāmānaṃ ādīnavo sandiṭṭhiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
‘‘буна жабарам̣, бхигкавз, гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у асижаммам̣ г̇ахзд̇ваа, д̇ханугалаабам̣ саннаяхид̇ваа, убхад̇об̣яуул̣хам̣ сан̇г̇аамам̣ багканд̣̇анд̇и усуусуби киббамаанзсу , сад̇д̇ийсуби киббамаанаасу, асийсуби виж̇ж̇од̇аланд̇зсу. д̇з д̇ад̇т̇а усуухиби виж̇жханд̇и, сад̇д̇ияааби виж̇жханд̇и, асинааби сийсам̣ чинд̣̇анд̇и. д̇з д̇ад̇т̇а маран̣амби ниг̇ажчанд̇и, маран̣амад̇д̇амби д̣̇угкам̣. аяамби, бхигкавз, гаамаанам̣ аад̣̇ийнаво санд̣̇идтиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
‘‘Puna caparaṃ, bhikkhave, kāmahetu kāmanidānaṃ kāmādhikaraṇaṃ kāmānameva hetu asicammaṃ gahetvā, dhanukalāpaṃ sannayhitvā, ubhatobyūḷhaṃ saṅgāmaṃ pakkhandanti usūsupi khippamānesu , sattīsupi khippamānāsu, asīsupi vijjotalantesu. Te tattha usūhipi vijjhanti, sattiyāpi vijjhanti, asināpi sīsaṃ chindanti. Te tattha maraṇampi nigacchanti, maraṇamattampi dukkhaṃ. Ayampi, bhikkhave, kāmānaṃ ādīnavo sandiṭṭhiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
‘‘буна жабарам̣, бхигкавз, гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у асижаммам̣ г̇ахзд̇ваа, д̇ханугалаабам̣ саннаяхид̇ваа, ад̣̇д̣̇аавалзбанаа 7 убагаарияо багканд̣̇анд̇и усуусуби киббамаанзсу, сад̇д̇ийсуби киббамаанаасу , асийсуби виж̇ж̇од̇аланд̇зсу. д̇з д̇ад̇т̇а усуухиби виж̇жханд̇и, сад̇д̇ияааби виж̇жханд̇и, чаган̣агааяаби 8 осин̃жанд̇и, абхиваг̇г̇знаби омад̣̇д̣̇анд̇и, асинааби сийсам̣ чинд̣̇анд̇и. д̇з д̇ад̇т̇а маран̣амби ниг̇ажчанд̇и, маран̣амад̇д̇амби д̣̇угкам̣. аяамби, бхигкавз, гаамаанам̣ аад̣̇ийнаво санд̣̇идтиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
‘‘Puna caparaṃ, bhikkhave, kāmahetu kāmanidānaṃ kāmādhikaraṇaṃ kāmānameva hetu asicammaṃ gahetvā, dhanukalāpaṃ sannayhitvā, addāvalepanā 9 upakāriyo pakkhandanti usūsupi khippamānesu, sattīsupi khippamānāsu , asīsupi vijjotalantesu. Te tattha usūhipi vijjhanti, sattiyāpi vijjhanti, chakaṇakāyapi 10 osiñcanti, abhivaggenapi omaddanti, asināpi sīsaṃ chindanti. Te tattha maraṇampi nigacchanti, maraṇamattampi dukkhaṃ. Ayampi, bhikkhave, kāmānaṃ ādīnavo sandiṭṭhiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
169. ‘‘буна жабарам̣, бхигкавз, гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у санд̇химби чинд̣̇анд̇и, ниллобамби харанд̇и, згааг̇ааригамби гаронд̇и, барибант̇зби д̇идтанд̇и, барад̣̇аарамби г̇ажчанд̇и. д̇амзнам̣ рааж̇аано г̇ахзд̇ваа вивид̇хаа гаммагааран̣аа гаарзнд̇и – гасаахиби д̇аал̣знд̇и, взд̇д̇зхиби д̇аал̣знд̇и, ад̣дхад̣̇ан̣д̣агзхиби д̇аал̣знд̇и; хад̇т̇амби чинд̣̇анд̇и, баад̣̇амби чинд̣̇анд̇и, хад̇т̇абаад̣̇амби чинд̣̇анд̇и, ган̣н̣амби чинд̣̇анд̇и, наасамби чинд̣̇анд̇и, ган̣н̣анаасамби чинд̣̇анд̇и; б̣илан̇г̇ат̇аалигамби гаронд̇и , сан̇камун̣д̣игамби гаронд̇и, раахумукамби гаронд̇и, ж̇од̇имаалигамби гаронд̇и, хад̇т̇абаж̇ж̇од̇игамби гаронд̇и, зрагавад̇д̇игамби гаронд̇и, жийрагаваасигамби гаронд̇и, зн̣зяяагамби гаронд̇и, б̣ал̣исамам̣сигамби гаронд̇и, гахаабан̣игамби гаронд̇и, каараабад̇ажчигамби гаронд̇и, балигхабаривад̇д̇игамби гаронд̇и, балаалабийтагамби гаронд̇и, д̇ад̇д̇знаби д̇злзна осин̃жанд̇и, сунакзхиби каад̣̇аабзнд̇и, ж̇ийванд̇амби суулз уд̇д̇аасзнд̇и, асинааби сийсам̣ чинд̣̇анд̇и . д̇з д̇ад̇т̇а маран̣амби ниг̇ажчанд̇и, маран̣амад̇д̇амби д̣̇угкам̣. аяамби, бхигкавз, гаамаанам̣ аад̣̇ийнаво санд̣̇идтиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
169. ‘‘Puna caparaṃ, bhikkhave, kāmahetu kāmanidānaṃ kāmādhikaraṇaṃ kāmānameva hetu sandhimpi chindanti, nillopampi haranti, ekāgārikampi karonti, paripanthepi tiṭṭhanti, paradārampi gacchanti. Tamenaṃ rājāno gahetvā vividhā kammakāraṇā kārenti – kasāhipi tāḷenti, vettehipi tāḷenti, aḍḍhadaṇḍakehipi tāḷenti; hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti; bilaṅgathālikampi karonti , saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cīrakavāsikampi karonti, eṇeyyakampi karonti, baḷisamaṃsikampi karonti, kahāpaṇikampi karonti, khārāpatacchikampi karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṃ chindanti . Te tattha maraṇampi nigacchanti, maraṇamattampi dukkhaṃ. Ayampi, bhikkhave, kāmānaṃ ādīnavo sandiṭṭhiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
‘‘буна жабарам̣, бхигкавз, гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у гааязна д̣̇ужжарид̇ам̣ жаранд̇и, ваажааяа д̣̇ужжарид̇ам̣ жаранд̇и, манасаа д̣̇ужжарид̇ам̣ жаранд̇и. д̇з гааязна д̣̇ужжарид̇ам̣ жарид̇ваа, ваажааяа д̣̇ужжарид̇ам̣ жарид̇ваа, манасаа д̣̇ужжарид̇ам̣ жарид̇ваа, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. аяамби, бхигкавз, гаамаанам̣ аад̣̇ийнаво самбарааяиго, д̣̇угкагканд̇хо гаамахзд̇у гааманид̣̇аанам̣ гаамаад̇хигаран̣ам̣ гаамаанамзва хзд̇у.
‘‘Puna caparaṃ, bhikkhave, kāmahetu kāmanidānaṃ kāmādhikaraṇaṃ kāmānameva hetu kāyena duccaritaṃ caranti, vācāya duccaritaṃ caranti, manasā duccaritaṃ caranti. Te kāyena duccaritaṃ caritvā, vācāya duccaritaṃ caritvā, manasā duccaritaṃ caritvā, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Ayampi, bhikkhave, kāmānaṃ ādīnavo samparāyiko, dukkhakkhandho kāmahetu kāmanidānaṃ kāmādhikaraṇaṃ kāmānameva hetu.
170. ‘‘гин̃жа, бхигкавз, гаамаанам̣ ниссаран̣ам̣? яо ко, бхигкавз, гаамзсу чанд̣̇арааг̇авинаяо чанд̣̇арааг̇аббахаанам̣ – ид̣̇ам̣ гаамаанам̣ ниссаран̣ам̣.
170. ‘‘Kiñca, bhikkhave, kāmānaṃ nissaraṇaṃ? Yo kho, bhikkhave, kāmesu chandarāgavinayo chandarāgappahānaṃ – idaṃ kāmānaṃ nissaraṇaṃ.
‘‘яз хи гзжи, бхигкавз, саман̣аа ваа б̣раахман̣аа ваа звам̣ гаамаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ наббаж̇аананд̇и д̇з вад̇а саамам̣ ваа гаамз бариж̇ааниссанд̇и, барам̣ ваа д̇ат̇ад̇д̇ааяа самаад̣̇абзссанд̇и яат̇аа бадибанно гаамз бариж̇ааниссад̇ийд̇и – нзд̇ам̣ таанам̣ виж̇ж̇ад̇и. яз жа ко гзжи, бхигкавз, саман̣аа ваа б̣раахман̣аа ваа звам̣ гаамаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ баж̇аананд̇и, д̇з вад̇а саамам̣ ваа гаамз бариж̇ааниссанд̇и барам̣ ваа д̇ат̇ад̇д̇ааяа самаад̣̇абзссанд̇нд̇д̇и яат̇аа бадибанно гаамз бариж̇ааниссад̇ийд̇и – таанамзд̇ам̣ виж̇ж̇ад̇и.
‘‘Ye hi keci, bhikkhave, samaṇā vā brāhmaṇā vā evaṃ kāmānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nappajānanti te vata sāmaṃ vā kāme parijānissanti, paraṃ vā tathattāya samādapessanti yathā paṭipanno kāme parijānissatīti – netaṃ ṭhānaṃ vijjati. Ye ca kho keci, bhikkhave, samaṇā vā brāhmaṇā vā evaṃ kāmānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ pajānanti, te vata sāmaṃ vā kāme parijānissanti paraṃ vā tathattāya samādapessantntti yathā paṭipanno kāme parijānissatīti – ṭhānametaṃ vijjati.
171. ‘‘го жа, бхигкавз, руубаанам̣ ассаад̣̇о? сзяяат̇ааби, бхигкавз, кад̇д̇ияаган̃н̃аа ваа б̣раахман̣аган̃н̃аа ваа г̇ахабад̇иган̃н̃аа ваа баннарасавассуд̣̇д̣̇зсигаа ваа сол̣асавассуд̣̇д̣̇зсигаа ваа, наад̇ид̣̇ийгхаа наад̇ирассаа наад̇игисаа наад̇ит̇уулаа наад̇игаал̣ий наажжод̣̇аад̇аа барамаа саа, бхигкавз, д̇асмим̣ самаяз субхаа ван̣н̣анибхаад̇и? ‘звам̣, бханд̇з’. яам̣ ко, бхигкавз, субхам̣ ван̣н̣анибхам̣ бадижжа уббаж̇ж̇ад̇и сукам̣ соманассам̣ – аяам̣ руубаанам̣ ассаад̣̇о.
171. ‘‘Ko ca, bhikkhave, rūpānaṃ assādo? Seyyathāpi, bhikkhave, khattiyakaññā vā brāhmaṇakaññā vā gahapatikaññā vā pannarasavassuddesikā vā soḷasavassuddesikā vā, nātidīghā nātirassā nātikisā nātithūlā nātikāḷī nāccodātā paramā sā, bhikkhave, tasmiṃ samaye subhā vaṇṇanibhāti? ‘Evaṃ, bhante’. Yaṃ kho, bhikkhave, subhaṃ vaṇṇanibhaṃ paṭicca uppajjati sukhaṃ somanassaṃ – ayaṃ rūpānaṃ assādo.
‘‘го жа, бхигкавз, руубаанам̣ аад̣̇ийнаво? ид̇ха, бхигкавз, д̇амзва бхаг̇иним̣ бассзяяа абарзна самаязна аасийд̇игам̣ ваа наавуд̇игам̣ ваа вассасад̇игам̣ ваа ж̇аад̇ияаа, ж̇ин̣н̣ам̣ г̇обаанасиван̇гам̣ бхог̇г̇ам̣ д̣̇ан̣д̣абарааяанам̣ бавзд̇хамаанам̣ г̇ажчанд̇им̣ аад̇урам̣ г̇ад̇аяоб̣б̣анам̣ кан̣д̣ад̣̇анд̇ам̣ 11 балид̇агзсам̣ 12, вилуунам̣ калид̇асирам̣ валинам̣ д̇илагаахад̇аг̇ад̇д̇ам̣ 13. д̇ам̣ гим̣ ман̃н̃ат̇а, бхигкавз, яаа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и? ‘звам̣, бханд̇з’. аяамби, бхигкавз, руубаанам̣ аад̣̇ийнаво.
‘‘Ko ca, bhikkhave, rūpānaṃ ādīnavo? Idha, bhikkhave, tameva bhaginiṃ passeyya aparena samayena āsītikaṃ vā nāvutikaṃ vā vassasatikaṃ vā jātiyā, jiṇṇaṃ gopānasivaṅkaṃ bhoggaṃ daṇḍaparāyanaṃ pavedhamānaṃ gacchantiṃ āturaṃ gatayobbanaṃ khaṇḍadantaṃ 14 palitakesaṃ 15, vilūnaṃ khalitasiraṃ valinaṃ tilakāhatagattaṃ 16. Taṃ kiṃ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti? ‘Evaṃ, bhante’. Ayampi, bhikkhave, rūpānaṃ ādīnavo.
‘‘буна жабарам̣, бхигкавз, д̇амзва бхаг̇иним̣ бассзяяа ааб̣аад̇хигам̣ д̣̇угкид̇ам̣ б̣аал̣хаг̇илаанам̣, сагз муд̇д̇агарийсз балибаннам̣ сзмаанам̣ 17, ан̃н̃зхи вудтаабияамаанам̣, ан̃н̃зхи сам̣взсияамаанам̣. д̇ам̣ гим̣ ман̃н̃ат̇а, бхигкавз, яаа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и? ‘звам̣, бханд̇з’. аяамби, бхигкавз, руубаанам̣ аад̣̇ийнаво.
‘‘Puna caparaṃ, bhikkhave, tameva bhaginiṃ passeyya ābādhikaṃ dukkhitaṃ bāḷhagilānaṃ, sake muttakarīse palipannaṃ semānaṃ 18, aññehi vuṭṭhāpiyamānaṃ, aññehi saṃvesiyamānaṃ. Taṃ kiṃ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti? ‘Evaṃ, bhante’. Ayampi, bhikkhave, rūpānaṃ ādīnavo.
172. ‘‘буна жабарам̣, бхигкавз, д̇амзва бхаг̇иним̣ бассзяяа сарийрам̣ сиват̇игааяа чад̣д̣ид̇ам̣ – згаахамад̇ам̣ ваа д̣̇вийхамад̇ам̣ ваа д̇ийхамад̇ам̣ ваа, уд̣̇д̇хумаад̇агам̣ винийлагам̣ вибуб̣б̣агаж̇аад̇ам̣. д̇ам̣ гим̣ ман̃н̃ат̇а, бхигкавз, яаа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и? ‘звам̣, бханд̇з’. аяамби, бхигкавз, руубаанам̣ аад̣̇ийнаво.
172. ‘‘Puna caparaṃ, bhikkhave, tameva bhaginiṃ passeyya sarīraṃ sivathikāya chaḍḍitaṃ – ekāhamataṃ vā dvīhamataṃ vā tīhamataṃ vā, uddhumātakaṃ vinīlakaṃ vipubbakajātaṃ. Taṃ kiṃ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti? ‘Evaṃ, bhante’. Ayampi, bhikkhave, rūpānaṃ ādīnavo.
‘‘буна жабарам̣, бхигкавз, д̇амзва бхаг̇иним̣ бассзяяа сарийрам̣ сиват̇игааяа чад̣д̣ид̇ам̣ – гаагзхи ваа каж̇ж̇амаанам̣, гулалзхи ваа каж̇ж̇амаанам̣, г̇иж̇жхзхи ваа каж̇ж̇амаанам̣, ган̇гзхи ваа каж̇ж̇амаанам̣, сунакзхи ваа каж̇ж̇амаанам̣, б̣яаг̇гхзхи ваа каж̇ж̇амаанам̣, д̣̇ийбийхи ваа каж̇ж̇амаанам̣, син̇г̇аалзхи ваа каж̇ж̇амаанам̣, вивид̇хзхи ваа баан̣агаж̇аад̇зхи каж̇ж̇амаанам̣. д̇ам̣ гим̣ ман̃н̃ат̇а, бхигкавз , яаа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и? ‘звам̣, бханд̇з’. аяамби, бхигкавз, руубаанам̣ аад̣̇ийнаво.
‘‘Puna caparaṃ, bhikkhave, tameva bhaginiṃ passeyya sarīraṃ sivathikāya chaḍḍitaṃ – kākehi vā khajjamānaṃ, kulalehi vā khajjamānaṃ, gijjhehi vā khajjamānaṃ, kaṅkehi vā khajjamānaṃ, sunakhehi vā khajjamānaṃ, byagghehi vā khajjamānaṃ, dīpīhi vā khajjamānaṃ, siṅgālehi vā khajjamānaṃ, vividhehi vā pāṇakajātehi khajjamānaṃ. Taṃ kiṃ maññatha, bhikkhave , yā purimā subhā vaṇṇanibhā sā antarahitā, ādīnavo pātubhūtoti? ‘Evaṃ, bhante’. Ayampi, bhikkhave, rūpānaṃ ādīnavo.
‘‘буна жабарам̣, бхигкавз, д̇амзва бхаг̇иним̣ бассзяяа сарийрам̣ сиват̇игааяа чад̣д̣ид̇ам̣ – адтигасан̇калигам̣ самам̣салохид̇ам̣ нхаарусамб̣анд̇хам̣, адтигасан̇калигам̣ нимам̣салохид̇амагкид̇ам̣ нхаарусамб̣анд̇хам̣, адтигасан̇калигам̣ абаг̇ад̇амам̣салохид̇ам̣ нхаарусамб̣анд̇хам̣, адтигаани абаг̇ад̇асамб̣анд̇хаани д̣̇исаавид̣̇исаавигкид̇д̇аани – ан̃н̃зна хад̇т̇адтигам̣, ан̃н̃зна баад̣̇адтигам̣, ан̃н̃зна г̇обпагадтигам̣, ан̃н̃зна ж̇ан̇гхадтигам̣, ан̃н̃зна уурудтигам̣, ан̃н̃зна гадидтигам̣, ан̃н̃зна паасугадтигам̣, ан̃н̃зна бидтидтигам̣, ан̃н̃зна канд̇хадтигам̣, ан̃н̃зна г̇ийвадтигам̣, ан̃н̃зна ханугадтигам̣, ан̃н̃зна д̣̇анд̇адтигам̣, ан̃н̃зна сийсагадаахам̣. д̇ам̣ гим̣ ман̃н̃ат̇а, бхигкавз, яаа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и? ‘звам̣, бханд̇з’. аяамби, бхигкавз, руубаанам̣ аад̣̇ийнаво.
‘‘Puna caparaṃ, bhikkhave, tameva bhaginiṃ passeyya sarīraṃ sivathikāya chaḍḍitaṃ – aṭṭhikasaṅkhalikaṃ samaṃsalohitaṃ nhārusambandhaṃ, aṭṭhikasaṅkhalikaṃ nimaṃsalohitamakkhitaṃ nhārusambandhaṃ, aṭṭhikasaṅkhalikaṃ apagatamaṃsalohitaṃ nhārusambandhaṃ, aṭṭhikāni apagatasambandhāni disāvidisāvikkhittāni – aññena hatthaṭṭhikaṃ, aññena pādaṭṭhikaṃ, aññena gopphakaṭṭhikaṃ, aññena jaṅghaṭṭhikaṃ, aññena ūruṭṭhikaṃ, aññena kaṭiṭṭhikaṃ, aññena phāsukaṭṭhikaṃ, aññena piṭṭhiṭṭhikaṃ, aññena khandhaṭṭhikaṃ, aññena gīvaṭṭhikaṃ, aññena hanukaṭṭhikaṃ, aññena dantaṭṭhikaṃ, aññena sīsakaṭāhaṃ. Taṃ kiṃ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti? ‘Evaṃ, bhante’. Ayampi, bhikkhave, rūpānaṃ ādīnavo.
‘‘буна жабарам̣, бхигкавз, д̇амзва бхаг̇иним̣ бассзяяа сарийрам̣ сиват̇игааяа чад̣д̣ид̇ам̣ – адтигаани сзд̇аани сан̇каван̣н̣абадибхааг̇аани, адтигаани бун̃ж̇агид̇аани д̇зровассигаани, адтигаани бууд̇ийни жун̣н̣агаж̇аад̇аани. д̇ам̣ гим̣ ман̃н̃ат̇а, бхигкавз, яаа буримаа субхаа ван̣н̣анибхаа саа анд̇арахид̇аа, аад̣̇ийнаво баад̇убхууд̇од̇и? ‘звам̣, бханд̇з’. аяамби, бхигкавз, руубаанам̣ аад̣̇ийнаво.
‘‘Puna caparaṃ, bhikkhave, tameva bhaginiṃ passeyya sarīraṃ sivathikāya chaḍḍitaṃ – aṭṭhikāni setāni saṅkhavaṇṇapaṭibhāgāni, aṭṭhikāni puñjakitāni terovassikāni, aṭṭhikāni pūtīni cuṇṇakajātāni. Taṃ kiṃ maññatha, bhikkhave, yā purimā subhā vaṇṇanibhā sā antarahitā, ādīnavo pātubhūtoti? ‘Evaṃ, bhante’. Ayampi, bhikkhave, rūpānaṃ ādīnavo.
‘‘гин̃жа, бхигкавз, руубаанам̣ ниссаран̣ам̣? яо, бхигкавз, руубзсу чанд̣̇арааг̇авинаяо чанд̣̇арааг̇аббахаанам̣ – ид̣̇ам̣ руубаанам̣ ниссаран̣ам̣.
‘‘Kiñca, bhikkhave, rūpānaṃ nissaraṇaṃ? Yo, bhikkhave, rūpesu chandarāgavinayo chandarāgappahānaṃ – idaṃ rūpānaṃ nissaraṇaṃ.
‘‘яз хи гзжи, бхигкавз, саман̣аа ваа б̣раахман̣аа ваа звам̣ руубаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ наббаж̇аананд̇и д̇з вад̇а саамам̣ ваа руубз бариж̇ааниссанд̇и, барам̣ ваа д̇ат̇ад̇д̇ааяа самаад̣̇абзссанд̇и яат̇аа бадибанно руубз бариж̇ааниссад̇ийд̇и – нзд̇ам̣ таанам̣ виж̇ж̇ад̇и. яз жа ко гзжи, бхигкавз, саман̣аа ваа б̣раахман̣аа ваа звам̣ руубаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ баж̇аананд̇и д̇з вад̇а саамам̣ ваа руубз бариж̇ааниссанд̇и барам̣ ваа д̇ат̇ад̇д̇ааяа самаад̣̇абзссанд̇и яат̇аа бадибанно руубз бариж̇ааниссад̇ийд̇и – таанамзд̇ам̣ виж̇ж̇ад̇и.
‘‘Ye hi keci, bhikkhave, samaṇā vā brāhmaṇā vā evaṃ rūpānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nappajānanti te vata sāmaṃ vā rūpe parijānissanti, paraṃ vā tathattāya samādapessanti yathā paṭipanno rūpe parijānissatīti – netaṃ ṭhānaṃ vijjati. Ye ca kho keci, bhikkhave, samaṇā vā brāhmaṇā vā evaṃ rūpānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ pajānanti te vata sāmaṃ vā rūpe parijānissanti paraṃ vā tathattāya samādapessanti yathā paṭipanno rūpe parijānissatīti – ṭhānametaṃ vijjati.
173. ‘‘го жа, бхигкавз, взд̣̇анаанам̣ ассаад̣̇о? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. яасмим̣ самаяз, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и, нзва д̇асмим̣ самаяз ад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и ; аб̣яааб̣аж̇жхам̣язва д̇асмим̣ самаяз взд̣̇анам̣ взд̣̇зд̇и. аб̣яааб̣аж̇жхабарамаахам̣, бхигкавз, взд̣̇анаанам̣ ассаад̣̇ам̣ вад̣̇аами.
173. ‘‘Ko ca, bhikkhave, vedanānaṃ assādo? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Yasmiṃ samaye, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati, neva tasmiṃ samaye attabyābādhāyapi ceteti, na parabyābādhāyapi ceteti, na ubhayabyābādhāyapi ceteti ; abyābajjhaṃyeva tasmiṃ samaye vedanaṃ vedeti. Abyābajjhaparamāhaṃ, bhikkhave, vedanānaṃ assādaṃ vadāmi.
‘‘буна жабарам̣, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и…бз… яасмим̣ самаяз, бхигкавз, бхигку бийд̇ияаа жа вирааг̇аа, убзгкаго жа вихарад̇и, сад̇о жа самбаж̇аано сукан̃жа гааязна бадисам̣взд̣̇зд̇и яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и…бз… яасмим̣ самаяз, бхигкавз, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и, нзва д̇асмим̣ самаяз ад̇д̇аб̣яааб̣аад̇хааяаби жзд̇зд̇и, на бараб̣яааб̣аад̇хааяаби жзд̇зд̇и, на убхаяаб̣яааб̣аад̇хааяаби жзд̇зд̇и; аб̣яааб̣аж̇жхам̣язва д̇асмим̣ самаяз взд̣̇анам̣ взд̣̇зд̇и. аб̣яааб̣аж̇жхабарамаахам̣, бхигкавз, взд̣̇анаанам̣ ассаад̣̇ам̣ вад̣̇аами.
‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati…pe… yasmiṃ samaye, bhikkhave, bhikkhu pītiyā ca virāgā, upekkhako ca viharati, sato ca sampajāno sukhañca kāyena paṭisaṃvedeti yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati…pe… yasmiṃ samaye, bhikkhave, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati, neva tasmiṃ samaye attabyābādhāyapi ceteti, na parabyābādhāyapi ceteti, na ubhayabyābādhāyapi ceteti; abyābajjhaṃyeva tasmiṃ samaye vedanaṃ vedeti. Abyābajjhaparamāhaṃ, bhikkhave, vedanānaṃ assādaṃ vadāmi.
174. ‘‘го жа, бхигкавз, взд̣̇анаанам̣ аад̣̇ийнаво? яам̣, бхигкавз, взд̣̇анаа анижжаа д̣̇угкаа вибарин̣аамад̇хаммаа – аяам̣ взд̣̇анаанам̣ аад̣̇ийнаво.
174. ‘‘Ko ca, bhikkhave, vedanānaṃ ādīnavo? Yaṃ, bhikkhave, vedanā aniccā dukkhā vipariṇāmadhammā – ayaṃ vedanānaṃ ādīnavo.
‘‘гин̃жа, бхигкавз, взд̣̇анаанам̣ ниссаран̣ам̣? яо, бхигкавз, взд̣̇анаасу чанд̣̇арааг̇авинаяо, чанд̣̇арааг̇аббахаанам̣ – ид̣̇ам̣ взд̣̇анаанам̣ ниссаран̣ам̣.
‘‘Kiñca, bhikkhave, vedanānaṃ nissaraṇaṃ? Yo, bhikkhave, vedanāsu chandarāgavinayo, chandarāgappahānaṃ – idaṃ vedanānaṃ nissaraṇaṃ.
‘‘яз хи гзжи, бхигкавз, саман̣аа ваа б̣раахман̣аа ваа звам̣ взд̣̇анаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ наббаж̇аананд̇и, д̇з вад̇а саамам̣ ваа взд̣̇анам̣ бариж̇ааниссанд̇и, барам̣ ваа д̇ат̇ад̇д̇ааяа самаад̣̇абзссанд̇и яат̇аа бадибанно взд̣̇анам̣ бариж̇ааниссад̇ийд̇и – нзд̇ам̣ таанам̣ виж̇ж̇ад̇и. яз жа ко гзжи, бхигкавз, саман̣аа ваа б̣раахман̣аа ваа звам̣ взд̣̇анаанам̣ ассаад̣̇ан̃жа ассаад̣̇ад̇о аад̣̇ийнаван̃жа аад̣̇ийнавад̇о ниссаран̣ан̃жа ниссаран̣ад̇о яат̇аабхууд̇ам̣ баж̇аананд̇и д̇з вад̇а саамам̣ ваа взд̣̇анам̣ бариж̇ааниссанд̇и, барам̣ ваа д̇ат̇ад̇д̇ааяа самаад̣̇абзссанд̇и яат̇аа бадибанно взд̣̇анам̣ бариж̇ааниссад̇ийд̇и – таанамзд̇ам̣ виж̇ж̇ад̇ий’’д̇и.
‘‘Ye hi keci, bhikkhave, samaṇā vā brāhmaṇā vā evaṃ vedanānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ nappajānanti, te vata sāmaṃ vā vedanaṃ parijānissanti, paraṃ vā tathattāya samādapessanti yathā paṭipanno vedanaṃ parijānissatīti – netaṃ ṭhānaṃ vijjati. Ye ca kho keci, bhikkhave, samaṇā vā brāhmaṇā vā evaṃ vedanānaṃ assādañca assādato ādīnavañca ādīnavato nissaraṇañca nissaraṇato yathābhūtaṃ pajānanti te vata sāmaṃ vā vedanaṃ parijānissanti, paraṃ vā tathattāya samādapessanti yathā paṭipanno vedanaṃ parijānissatīti – ṭhānametaṃ vijjatī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
махаад̣̇угкагканд̇хасуд̇д̇ам̣ нидтид̇ам̣ д̇ад̇ияам̣.
Mahādukkhakkhandhasuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. махаад̣̇угкагканд̇хасуд̇д̇аван̣н̣анаа • 3. Mahādukkhakkhandhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. махаад̣̇угкагканд̇хасуд̇д̇аван̣н̣анаа • 3. Mahādukkhakkhandhasuttavaṇṇanā
