| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. махаад̣̇угкагканд̇хасуд̇д̇аван̣н̣анаа
3. Mahādukkhakkhandhasuttavaṇṇanā
163. звам̣ мз суд̇анд̇и махаад̣̇угкагканд̇хасуд̇д̇ам̣. д̇ад̇т̇а винаяабарияааязна д̇аяо ж̇анаа самб̣ахулаад̇и вужжанд̇и, д̇ад̇о барам̣ сан̇гхо. суд̇д̇анд̇абарияааязна д̇аяо д̇аяо зва, д̇ад̇о уд̣̇д̇хам̣ самб̣ахулаад̇и вужжанд̇и. ид̇ха суд̇д̇анд̇абарияааязна самб̣ахулаад̇и взд̣̇ид̇аб̣б̣аа. бин̣д̣ааяа баависим̣сууд̇и бавидтаа, д̇з бана на д̇аава бавидтаа, бависиссаамаад̇и нигканд̇ад̇д̇аа бана бависим̣сууд̇и вуд̇д̇аа. яат̇аа г̇аамам̣ г̇амиссаамийд̇и нигканд̇абурисо д̇ам̣ г̇аамам̣ аббад̇д̇оби ‘‘гухим̣ ид̇т̇аннаамо’’д̇и вуд̇д̇з ‘‘г̇аамам̣ г̇ад̇о’’д̇и вужжад̇и, звам̣. бариб̣б̣ааж̇агаанам̣ аараамод̇и ж̇зд̇аванад̇о авид̣̇уурз ан̃н̃ад̇ид̇т̇ияаанам̣ бариб̣б̣ааж̇агаанам̣ аараамо ад̇т̇и, д̇ам̣ санд̇хааяа звамаахам̣су. саман̣о, аавусод̇и, аавусо, д̇умхаагам̣ сад̇т̇аа саман̣о г̇од̇амо. гаамаанам̣ барин̃н̃анд̇и гаамаанам̣ бахаанам̣ самад̇иггамам̣ бан̃н̃абзд̇и. руубавзд̣̇анаасуби зсзва наяо.
163.Evaṃme sutanti mahādukkhakkhandhasuttaṃ. Tattha vinayapariyāyena tayo janā sambahulāti vuccanti, tato paraṃ saṅgho. Suttantapariyāyena tayo tayo eva, tato uddhaṃ sambahulāti vuccanti. Idha suttantapariyāyena sambahulāti veditabbā. Piṇḍāya pāvisiṃsūti paviṭṭhā, te pana na tāva paviṭṭhā, pavisissāmāti nikkhantattā pana pavisiṃsūti vuttā. Yathā gāmaṃ gamissāmīti nikkhantapuriso taṃ gāmaṃ appattopi ‘‘kuhiṃ itthannāmo’’ti vutte ‘‘gāmaṃ gato’’ti vuccati, evaṃ. Paribbājakānaṃ ārāmoti jetavanato avidūre aññatitthiyānaṃ paribbājakānaṃ ārāmo atthi, taṃ sandhāya evamāhaṃsu. Samaṇo, āvusoti, āvuso, tumhākaṃ satthā samaṇo gotamo. Kāmānaṃ pariññanti kāmānaṃ pahānaṃ samatikkamaṃ paññapeti. Rūpavedanāsupi eseva nayo.
д̇ад̇т̇а д̇ид̇т̇ияаа сагасамаяам̣ ж̇аананд̇аа гаамаанам̣ барин̃н̃ам̣ бан̃н̃абзяяум̣ батамаж̇жхаанам̣ вад̣̇амаанаа, руубаанам̣ барин̃н̃ам̣ бан̃н̃абзяяум̣ аруубабхавам̣ вад̣̇амаанаа, взд̣̇анаанам̣ барин̃н̃ам̣ бан̃н̃абзяяум̣ асан̃н̃абхавам̣ вад̣̇амаанаа. д̇з бана ‘‘ид̣̇ам̣ наама батамаж̇жхаанам̣ аяам̣ руубабхаво аяам̣ аруубабхаво’’д̇иби на ж̇аананд̇и. д̇з бан̃н̃абзд̇ум̣ асаггонд̇ааби гзвалам̣ ‘‘бан̃н̃абзма бан̃н̃абзмаа’’д̇и вад̣̇анд̇и. д̇ат̇ааг̇ад̇о гаамаанам̣ барин̃н̃ам̣ анааг̇аамимаг̇г̇зна бан̃н̃абзд̇и, руубавзд̣̇анаанам̣ арахад̇д̇амаг̇г̇зна . д̇з звам̣ маханд̇з висзсз виж̇ж̇амаанзби ид̇ха но, аавусо, го вивзсод̇иаад̣̇имаахам̣су.
Tattha titthiyā sakasamayaṃ jānantā kāmānaṃ pariññaṃ paññapeyyuṃ paṭhamajjhānaṃ vadamānā, rūpānaṃ pariññaṃ paññapeyyuṃ arūpabhavaṃ vadamānā, vedanānaṃ pariññaṃ paññapeyyuṃ asaññabhavaṃ vadamānā. Te pana ‘‘idaṃ nāma paṭhamajjhānaṃ ayaṃ rūpabhavo ayaṃ arūpabhavo’’tipi na jānanti. Te paññapetuṃ asakkontāpi kevalaṃ ‘‘paññapema paññapemā’’ti vadanti. Tathāgato kāmānaṃ pariññaṃ anāgāmimaggena paññapeti, rūpavedanānaṃ arahattamaggena . Te evaṃ mahante visese vijjamānepi idha no, āvuso, ko vivesotiādimāhaṃsu.
д̇ад̇т̇а ид̇хаад̇и имасмим̣ бан̃н̃аабанз. д̇хаммад̣̇зсанааяа ваа д̇хаммад̣̇зсананд̇и яад̣̇ид̣̇ам̣ саман̣асса ваа г̇од̇амасса д̇хаммад̣̇зсанааяа сад̣̇д̇хим̣ амхаагам̣ д̇хаммад̣̇зсанам̣, амхаагам̣ ваа д̇хаммад̣̇зсанааяа сад̣̇д̇хим̣ саман̣асса г̇од̇амасса д̇хаммад̣̇зсанам̣ аараб̣бха наанаагаран̣ам̣ вужжзт̇а, д̇ам̣ гиннаамаад̇и вад̣̇анд̇и. д̣̇уд̇ияабад̣̇зби зсзва наяо . ид̇и взмаж̇жхз бхиннасуван̣н̣ам̣ вияа саасанзна сад̣̇д̇хим̣ ад̇д̇ано лад̣̇д̇хиважанамад̇д̇зна самад̇хурам̣ табаяим̣су. нзва абхинанд̣̇им̣сууд̇и звамзд̇анд̇и на самбадижчим̣су. наббадиггосим̣сууд̇и наяид̣̇ам̣ званд̇и наббадисзд̇хзсум̣. гасмаа? д̇з гира д̇ид̇т̇ияаа наама анд̇хасад̣̇исаа, ж̇аанид̇ваа ваа аж̇аанид̇ваа ваа гат̇зяяунд̇и наабхинанд̣̇им̣су, барин̃н̃анд̇и важанзна ийсагам̣ саасанаг̇анд̇хо ад̇т̇ийд̇и наббадиггосим̣су. ж̇анабад̣̇аваасино ваа д̇з сагасамаяабарасамаязсу на судту гусалаад̇иби убхаяам̣ наагам̣су.
Tattha idhāti imasmiṃ paññāpane. Dhammadesanāya vā dhammadesananti yadidaṃ samaṇassa vā gotamassa dhammadesanāya saddhiṃ amhākaṃ dhammadesanaṃ, amhākaṃ vā dhammadesanāya saddhiṃ samaṇassa gotamassa dhammadesanaṃ ārabbha nānākaraṇaṃ vuccetha, taṃ kinnāmāti vadanti. Dutiyapadepi eseva nayo . Iti vemajjhe bhinnasuvaṇṇaṃ viya sāsanena saddhiṃ attano laddhivacanamattena samadhuraṃ ṭhapayiṃsu. Neva abhinandiṃsūti evametanti na sampaṭicchiṃsu. Nappaṭikkosiṃsūti nayidaṃ evanti nappaṭisedhesuṃ. Kasmā? Te kira titthiyā nāma andhasadisā, jānitvā vā ajānitvā vā katheyyunti nābhinandiṃsu, pariññanti vacanena īsakaṃ sāsanagandho atthīti nappaṭikkosiṃsu. Janapadavāsino vā te sakasamayaparasamayesu na suṭṭhu kusalātipi ubhayaṃ nākaṃsu.
165. на жзва самбааяиссанд̇ийд̇и самбаад̣̇зд̇ваа гат̇зд̇ум̣ на сагкиссанд̇и. уд̇д̇арин̃жа вигхаад̇анд̇и асамбааяанад̇о уд̇д̇аримби д̣̇угкам̣ аабаж̇ж̇иссанд̇и. самбаад̣̇зд̇ваа гат̇зд̇ум̣ асаггонд̇аанам̣ наама хи д̣̇угкам̣ уббаж̇ж̇ад̇и. яат̇аа д̇ам̣, бхигкавз, ависаяасминд̇и зд̇т̇а яат̇аад̇и гааран̣аважанам̣, д̇анд̇и нибаад̇амад̇д̇ам̣. яасмаа ависаяз бан̃хо бужчид̇о ход̇ийд̇и ад̇т̇о. сад̣̇звагзд̇и саха д̣̇звзхи сад̣̇звагз. самаарагаад̣̇ийсуби зсзва наяо. звам̣ д̇ийн̣и таанаани логз багкибид̇ваа д̣̇вз баж̇ааяаад̇и бан̃жахиби сад̇д̇алогамзва барияаад̣̇ияид̇ваа зд̇асмим̣ сад̣̇звагаад̣̇ибхзд̣̇з логз д̇ам̣ д̣̇звам̣ ваа мануссам̣ ваа на бассаамийд̇и д̣̇ийбзд̇и. ид̇о ваа бана суд̇ваад̇и ид̇о ваа бана мама саасанад̇о суд̇ваа ад̇ат̇ааг̇ад̇оби ад̇ат̇ааг̇ад̇асаавагоби аараад̇хзяяа барид̇осзяяа. ан̃н̃ат̇аа аараад̇ханам̣ наама над̇т̇ийд̇и д̣̇ассзд̇и.
165.Na ceva sampāyissantīti sampādetvā kathetuṃ na sakkhissanti. Uttariñca vighātanti asampāyanato uttarimpi dukkhaṃ āpajjissanti. Sampādetvā kathetuṃ asakkontānaṃ nāma hi dukkhaṃ uppajjati. Yathā taṃ, bhikkhave, avisayasminti ettha yathāti kāraṇavacanaṃ, tanti nipātamattaṃ. Yasmā avisaye pañho pucchito hotīti attho. Sadevaketi saha devehi sadevake. Samārakādīsupi eseva nayo. Evaṃ tīṇi ṭhānāni loke pakkhipitvā dve pajāyāti pañcahipi sattalokameva pariyādiyitvā etasmiṃ sadevakādibhede loke taṃ devaṃ vā manussaṃ vā na passāmīti dīpeti. Ito vā pana sutvāti ito vā pana mama sāsanato sutvā atathāgatopi atathāgatasāvakopi ārādheyya paritoseyya. Aññathā ārādhanaṃ nāma natthīti dasseti.
166. ид̣̇аани ад̇д̇ано д̇зсам̣ бан̃хаанам̣ взяяаагаран̣зна жид̇д̇аараад̇ханам̣ д̣̇ассзнд̇о го жа, бхигкавзд̇иаад̣̇имааха. гаамаг̇ун̣аад̇и гаамаяид̇аб̣б̣адтзна гаамаа. б̣анд̇ханадтзна г̇ун̣аа. ‘‘ануж̇аанаами, бхигкавз, ахад̇аанам̣ вад̇т̇аанам̣ д̣̇виг̇ун̣ам̣ сан̇гхаади’’нд̇и (махаава. 348) зд̇т̇а хи бадаладто г̇ун̣адто. ‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇ий’’д̇и (сам̣. ни. 1.4) зд̇т̇а раасадто г̇ун̣адто. ‘‘сад̇аг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379) зд̇т̇а аанисам̣садто г̇ун̣адто. ‘‘анд̇ам̣ анд̇аг̇ун̣ам̣ (ку. баа. 3 д̣̇вад̇д̇им̣саагаарз; д̣̇ий. ни. 2.377) гаяираа маалааг̇ун̣з б̣ахуу’’д̇и (д̇ха. ба. 53) зд̇т̇а б̣анд̇ханадто г̇ун̣адто. ид̇хааби зсзва ад̇хиббзд̇о, д̇зна вуд̇д̇ам̣ ‘‘б̣анд̇ханадтзна г̇ун̣аа’’д̇и. жагкувин̃н̃зяяаад̇и жагкувин̃н̃аан̣зна бассид̇аб̣б̣аа. зд̇знубааязна сод̇авин̃н̃зяяаад̣̇ийсуби ад̇т̇о взд̣̇ид̇аб̣б̣о. идтаад̇и барияидтаа ваа хонд̇у маа ваа, идтаарамман̣абхууд̇аад̇и ад̇т̇о. ганд̇аад̇и гаманийяаа. манаабаад̇и манавад̣дханагаа. бияаруубаад̇и бияаж̇аад̇игаа. гаамуубасам̣хид̇аад̇и аарамман̣ам̣ гад̇ваа уббаж̇ж̇амаанзна гаамзна убасам̣хид̇аа. раж̇анийяаад̇и раж̇ж̇анияаа, рааг̇уббад̇д̇игааран̣абхууд̇аад̇и ад̇т̇о.
166. Idāni attano tesaṃ pañhānaṃ veyyākaraṇena cittārādhanaṃ dassento ko ca, bhikkhavetiādimāha. Kāmaguṇāti kāmayitabbaṭṭhena kāmā. Bandhanaṭṭhena guṇā. ‘‘Anujānāmi, bhikkhave, ahatānaṃ vatthānaṃ dviguṇaṃ saṅghāṭi’’nti (mahāva. 348) ettha hi paṭalaṭṭho guṇaṭṭho. ‘‘Accenti kālā tarayanti rattiyo, vayoguṇā anupubbaṃ jahantī’’ti (saṃ. ni. 1.4) ettha rāsaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho guṇaṭṭho. ‘‘Antaṃ antaguṇaṃ (khu. pā. 3 dvattiṃsākāre; dī. ni. 2.377) kayirā mālāguṇe bahū’’ti (dha. pa. 53) ettha bandhanaṭṭho guṇaṭṭho. Idhāpi eseva adhippeto, tena vuttaṃ ‘‘bandhanaṭṭhena guṇā’’ti. Cakkhuviññeyyāti cakkhuviññāṇena passitabbā. Etenupāyena sotaviññeyyādīsupi attho veditabbo. Iṭṭhāti pariyiṭṭhā vā hontu mā vā, iṭṭhārammaṇabhūtāti attho. Kantāti kamanīyā. Manāpāti manavaḍḍhanakā. Piyarūpāti piyajātikā. Kāmūpasaṃhitāti ārammaṇaṃ katvā uppajjamānena kāmena upasaṃhitā. Rajanīyāti rajjaniyā, rāguppattikāraṇabhūtāti attho.
167. яад̣̇и муд̣̇д̣̇ааяаад̇иаад̣̇ийсу муд̣̇д̣̇аад̇и ан̇г̇улибаб̣б̣зсу сан̃н̃ам̣ табзд̇ваа хад̇т̇амуд̣̇д̣̇аа. г̇ан̣анаад̇и ажчид̣̇д̣̇аг̇ан̣анаа. сан̇каананд̇и бин̣д̣аг̇ан̣анаа. яааяа кзд̇д̇ам̣ ологзд̇ваа ид̇ха зд̇д̇агаа вийхий бхависсанд̇и , ругкам̣ ологзд̇ваа ид̇ха зд̇д̇агаани палаани бхависсанд̇и, аагаасам̣ ологзд̇ваа имз аагаасз сагун̣аа зд̇д̇агаа наама бхависсанд̇ийд̇и ж̇аананд̇и.
167.Yadi muddāyātiādīsu muddāti aṅgulipabbesu saññaṃ ṭhapetvā hatthamuddā. Gaṇanāti acchiddagaṇanā. Saṅkhānanti piṇḍagaṇanā. Yāya khettaṃ oloketvā idha ettakā vīhī bhavissanti , rukkhaṃ oloketvā idha ettakāni phalāni bhavissanti, ākāsaṃ oloketvā ime ākāse sakuṇā ettakā nāma bhavissantīti jānanti.
гасийд̇и гасигаммам̣. ван̣иж̇ж̇аад̇и ж̇ан̇гхаван̣иж̇ж̇ат̇алаван̣иж̇ж̇аад̣̇иван̣иббат̇о. г̇орагканд̇и ад̇д̇ано ваа барзсам̣ ваа г̇ааво рагкид̇ваа бан̃жаг̇орасавиггаязна ж̇ийванагаммам̣. иссад̇т̇о вужжад̇и аавуд̇хам̣ г̇ахзд̇ваа убадтаанагаммам̣. рааж̇аборисанд̇и аавуд̇хзна рааж̇агаммам̣ гад̇ваа убадтаанам̣. сиббан̃н̃ад̇аранд̇и г̇ахид̇аавасзсам̣ хад̇т̇иассасиббаад̣̇и. сийд̇асса бурагкад̇од̇и лагкам̣ вияа сарасса сийд̇асса бурад̇о, сийд̇зна б̣аад̇хийяамаанод̇и ад̇т̇о. ун̣хзби зсзва наяо. д̣ам̣саад̣̇ийсу д̣ам̣саад̇и бин̇г̇аламагкигаа. магасаад̇и саб̣б̣амагкигаа, сарийсабаад̇и яз гзжи сарид̇ваа г̇ажчанд̇и. риссамаанод̇и руббамаано, гхаддияамаано. мийяамаанод̇и марамаано. аяам̣, бхигкавзд̇и, бхигкавз, аяам̣ муд̣̇д̣̇аад̣̇ийхи ж̇ийвигагаббанам̣ ааг̇амма сийд̇аад̣̇ибажжаяо ааб̣аад̇хо. гаамаанам̣ аад̣̇ийнавод̇и гаамзсу убад̣̇д̣̇аво, убассаг̇г̇од̇и ад̇т̇о. санд̣̇идтигод̇и бажжагко саамам̣ бассид̇аб̣б̣о. д̣̇угкагканд̇ход̇и д̣̇угкарааси. гаамахзд̇ууд̇иаад̣̇ийсу бажжаяадтзна гаамаа асса хзд̇ууд̇и гаамахзд̇у. мууладтзна гаамаа нид̣̇аанамассаад̇и гааманид̣̇аано. лин̇г̇авибаллаасзна бана гааманид̣̇аананд̇и вуд̇д̇о. гааран̣адтзна гаамаа ад̇хигаран̣ам̣ ассаад̇и гаамаад̇хигаран̣о. лин̇г̇авибаллаасзнзва бана гаамаад̇хигаран̣анд̇и вуд̇д̇о. гаамаанамзва хзд̇ууд̇и ид̣̇ам̣ нияамаважанам̣, гаамабажжаяаа уббаж̇ж̇ад̇иязваад̇и ад̇т̇о.
Kasīti kasikammaṃ. Vaṇijjāti jaṅghavaṇijjathalavaṇijjādivaṇippatho. Gorakkhanti attano vā paresaṃ vā gāvo rakkhitvā pañcagorasavikkayena jīvanakammaṃ. Issattho vuccati āvudhaṃ gahetvā upaṭṭhānakammaṃ. Rājaporisanti āvudhena rājakammaṃ katvā upaṭṭhānaṃ. Sippaññataranti gahitāvasesaṃ hatthiassasippādi. Sītassa purakkhatoti lakkhaṃ viya sarassa sītassa purato, sītena bādhīyamānoti attho. Uṇhepi eseva nayo. Ḍaṃsādīsu ḍaṃsāti piṅgalamakkhikā. Makasāti sabbamakkhikā, sarīsapāti ye keci saritvā gacchanti. Rissamānoti ruppamāno, ghaṭṭiyamāno. Mīyamānoti maramāno. Ayaṃ, bhikkhaveti, bhikkhave, ayaṃ muddādīhi jīvikakappanaṃ āgamma sītādipaccayo ābādho. Kāmānaṃ ādīnavoti kāmesu upaddavo, upassaggoti attho. Sandiṭṭhikoti paccakkho sāmaṃ passitabbo. Dukkhakkhandhoti dukkharāsi. Kāmahetūtiādīsu paccayaṭṭhena kāmā assa hetūti kāmahetu. Mūlaṭṭhena kāmā nidānamassāti kāmanidāno. Liṅgavipallāsena pana kāmanidānanti vutto. Kāraṇaṭṭhena kāmā adhikaraṇaṃ assāti kāmādhikaraṇo. Liṅgavipallāseneva pana kāmādhikaraṇanti vutto. Kāmānameva hetūti idaṃ niyamavacanaṃ, kāmapaccayā uppajjatiyevāti attho.
удтахад̇од̇и ааж̇ийвасамудтаабагавийриязна удтаханд̇асса. гхадад̇од̇и д̇ам̣ вийрияам̣ буб̣б̣знаабарам̣ гхадзнд̇асса. вааяамад̇од̇и вааяаамам̣ бараггамам̣ баяог̇ам̣ гаронд̇асса. наабхинибпаж̇ж̇анд̇ийд̇и на нибпаж̇ж̇анд̇и, хад̇т̇ам̣ наабхируханд̇и. сожад̇ийд̇и жид̇д̇з уббаннаб̣алавасогзна сожад̇и. гиламад̇ийд̇и гааяз уббаннад̣̇угкзна гиламад̇и. барид̣̇звад̇ийд̇и ваажааяа барид̣̇звад̇и. урад̇д̇аал̣инд̇и урам̣ д̇аал̣зд̇ваа. ганд̣̇ад̇ийд̇и род̣̇ад̇и. саммохам̣ аабаж̇ж̇ад̇ийд̇и висан̃н̃ий вияа саммуул̣хо ход̇и. могханд̇и д̇ужчам̣. апалод̇и нибпало. аарагкаад̇хигаран̣анд̇и аарагкагааран̣аа. гинд̇ийд̇и гзна ну ко убааязна. яамби мзд̇и яамби маяхам̣ гасигаммаад̣̇ийни гад̇ваа уббаад̣̇ид̇ам̣ д̇ханам̣ ахоси. д̇амби но над̇т̇ийд̇и д̇амби амхаагам̣ ид̣̇аани над̇т̇и.
Uṭṭhahatoti ājīvasamuṭṭhāpakavīriyena uṭṭhahantassa. Ghaṭatoti taṃ vīriyaṃ pubbenāparaṃ ghaṭentassa. Vāyamatoti vāyāmaṃ parakkamaṃ payogaṃ karontassa. Nābhinipphajjantīti na nipphajjanti, hatthaṃ nābhiruhanti. Socatīti citte uppannabalavasokena socati. Kilamatīti kāye uppannadukkhena kilamati. Paridevatīti vācāya paridevati. Urattāḷinti uraṃ tāḷetvā. Kandatīti rodati. Sammohaṃ āpajjatīti visaññī viya sammūḷho hoti. Moghanti tucchaṃ. Aphaloti nipphalo. Ārakkhādhikaraṇanti ārakkhakāraṇā. Kintīti kena nu kho upāyena. Yampi meti yampi mayhaṃ kasikammādīni katvā uppāditaṃ dhanaṃ ahosi. Tampi no natthīti tampi amhākaṃ idāni natthi.
168. буна жабарам̣, бхигкавз, гаамахзд̇ууд̇иаад̣̇инааби гааран̣ам̣ д̣̇ассзд̇ваава аад̣̇ийнавам̣ д̣̇ийбзд̇и. д̇ад̇т̇а гаамахзд̇ууд̇и гаамабажжаяаа рааж̇ааноби рааж̇уухи вивад̣̇анд̇и. гааманид̣̇аананд̇и бхааванабум̣сагам̣, гаамз нид̣̇аанам̣ гад̇ваа вивад̣̇анд̇ийд̇и ад̇т̇о. гаамаад̇хигаран̣анд̇иби бхааванабум̣сагамзва, гаамз ад̇хигаран̣ам̣ гад̇ваа вивад̣̇анд̇ийд̇и ад̇т̇о. гаамаанамзва хзд̇ууд̇и г̇ааманиг̇аманаг̇арасзнаабад̇ибурохид̇адтаананд̇араад̣̇ийнам̣ гаамаанамзва хзд̇у вивад̣̇анд̇ийд̇и ад̇т̇о. убаггаманд̇ийд̇и бахаранд̇и. асижамманд̇и асин̃жзва кздагапалагаад̣̇ийни жа. д̇ханугалаабам̣ саннаяхид̇ваад̇и д̇ханум̣ г̇ахзд̇ваа сарагалаабам̣ саннаяхид̇ваа. убхад̇об̣яуул̣анд̇и убхад̇о раасибхууд̇ам̣. багканд̣̇анд̇ийд̇и бависанд̇и. усуусууд̇и ган̣д̣зсу. виж̇ж̇од̇аланд̇зсууд̇и вибаривад̇д̇анд̇зсу. д̇з д̇ад̇т̇аад̇и д̇з д̇асмим̣ сан̇г̇аамз.
168.Puna caparaṃ, bhikkhave, kāmahetūtiādināpi kāraṇaṃ dassetvāva ādīnavaṃ dīpeti. Tattha kāmahetūti kāmapaccayā rājānopi rājūhi vivadanti. Kāmanidānanti bhāvanapuṃsakaṃ, kāme nidānaṃ katvā vivadantīti attho. Kāmādhikaraṇantipi bhāvanapuṃsakameva, kāme adhikaraṇaṃ katvā vivadantīti attho. Kāmānameva hetūti gāmanigamanagarasenāpatipurohitaṭṭhānantarādīnaṃ kāmānameva hetu vivadantīti attho. Upakkamantīti paharanti. Asicammanti asiñceva kheṭakaphalakādīni ca. Dhanukalāpaṃ sannayhitvāti dhanuṃ gahetvā sarakalāpaṃ sannayhitvā. Ubhatobyūḷanti ubhato rāsibhūtaṃ. Pakkhandantīti pavisanti. Usūsūti kaṇḍesu. Vijjotalantesūti viparivattantesu. Te tatthāti te tasmiṃ saṅgāme.
ад̣̇д̣̇аавалзбанаа убагаарияод̇и жзд̇т̇а мануссаа баагаарабаад̣̇ам̣ ассакурасан̣таанзна идтагаахи жинид̇ваа убари суд̇хааяа лимбанд̇и. звам̣ гад̇аа баагаарабаад̣̇аа убагаарияод̇и вужжанд̇и. д̇аа д̇инд̇зна галалзна сид̇д̇аа ад̣̇д̣̇аавалзбанаа наама хонд̇и. багканд̣̇анд̇ийд̇и д̇аасам̣ хздтаа д̇икин̣ааяасуулаад̣̇ийхи виж̇жхийяамаанааби баагаарасса бижчилабхаавзна аарохид̇ум̣ асаггонд̇ааби убад̇хааванд̇иязва. чаган̣агааяаад̇и гут̇ид̇аг̇омаязна. абхиваг̇г̇знаад̇и сад̇ад̣̇анд̇зна. д̇ам̣ адтад̣̇анд̇аагаарзна гад̇ваа ‘‘наг̇арад̣̇ваарам̣ бхинд̣̇ид̇ваа бависиссаамаа’’д̇и ааг̇ад̇з убарид̣̇ваарз тид̇аа д̇асса б̣анд̇ханаяод̇д̇аани чинд̣̇ид̇ваа д̇зна абхиваг̇г̇зна омад̣̇д̣̇анд̇и.
Addāvalepanāupakāriyoti cettha manussā pākārapādaṃ assakhurasaṇṭhānena iṭṭhakāhi cinitvā upari sudhāya limpanti. Evaṃ katā pākārapādā upakāriyoti vuccanti. Tā tintena kalalena sittā addāvalepanā nāma honti. Pakkhandantīti tāsaṃ heṭṭhā tikhiṇaayasūlādīhi vijjhīyamānāpi pākārassa picchilabhāvena ārohituṃ asakkontāpi upadhāvantiyeva. Chakaṇakāyāti kuthitagomayena. Abhivaggenāti satadantena. Taṃ aṭṭhadantākārena katvā ‘‘nagaradvāraṃ bhinditvā pavisissāmā’’ti āgate uparidvāre ṭhitā tassa bandhanayottāni chinditvā tena abhivaggena omaddanti.
169. санд̇химби чинд̣̇анд̇ийд̇и гхарасанд̇химби чинд̣̇анд̇и. ниллобанд̇и г̇аамз бахарид̇ваа махаавилобам̣ гаронд̇и. згааг̇аариганд̇и бан̣н̣аасамад̇д̇ааби садтимад̇д̇ааби бариваарзд̇ваа ж̇ийваг̇г̇аахам̣ г̇ахзд̇ваа аахараабзнд̇и. барибант̇зби д̇идтанд̇ийд̇и бант̇ад̣̇ууханагаммам̣ гаронд̇и. ад̣дхад̣̇ан̣д̣агзхийд̇и муг̇г̇арзхи бахаарасаад̇ханад̇т̇ам̣ ваа жад̇ухад̇т̇ад̣̇ан̣д̣ам̣ д̣̇взд̇хаа чзд̇ваа г̇ахид̇ад̣̇ан̣д̣агзхи. б̣илан̇г̇ат̇аалиганд̇и ган̃ж̇ияаугкалигаммагааран̣ам̣, д̇ам̣ гаронд̇аа сийсагабаалам̣ уббаадзд̇ваа д̇ад̇д̇ам̣ аяог̇ул̣ам̣ сан̣д̣аасзна г̇ахзд̇ваа д̇ад̇т̇а багкибанд̇и, д̇зна мад̇т̇алун̇г̇ам̣ баггут̇ид̇ваа убари уд̇д̇арад̇и. сан̇камун̣д̣иганд̇и сан̇камун̣д̣агаммагааран̣ам̣, д̇ам̣ гаронд̇аа уд̇д̇ародтаубхад̇оган̣н̣ажуул̣игаг̇ал̣аваадабарижчзд̣̇зна жаммам̣ чинд̣̇ид̇ваа саб̣б̣агзсз згад̇о г̇ан̣тим̣ гад̇ваа д̣̇ан̣д̣агзна валлид̇ваа уббаадзнд̇и, саха гзсзхи жаммам̣ удтахад̇и. д̇ад̇о сийсагадаахам̣ т̇ууласагкараахи гхам̣сид̇ваа д̇хованд̇аа сан̇каван̣н̣ам̣ гаронд̇и.
169.Sandhimpi chindantīti gharasandhimpi chindanti. Nillopanti gāme paharitvā mahāvilopaṃ karonti. Ekāgārikanti paṇṇāsamattāpi saṭṭhimattāpi parivāretvā jīvaggāhaṃ gahetvā āharāpenti. Paripanthepi tiṭṭhantīti panthadūhanakammaṃ karonti. Aḍḍhadaṇḍakehīti muggarehi pahārasādhanatthaṃ vā catuhatthadaṇḍaṃ dvedhā chetvā gahitadaṇḍakehi. Bilaṅgathālikanti kañjiyaukkhalikammakāraṇaṃ, taṃ karontā sīsakapālaṃ uppāṭetvā tattaṃ ayoguḷaṃ saṇḍāsena gahetvā tattha pakkhipanti, tena matthaluṅgaṃ pakkuthitvā upari uttarati. Saṅkhamuṇḍikanti saṅkhamuṇḍakammakāraṇaṃ, taṃ karontā uttaroṭṭhaubhatokaṇṇacūḷikagaḷavāṭaparicchedena cammaṃ chinditvā sabbakese ekato gaṇṭhiṃ katvā daṇḍakena vallitvā uppāṭenti, saha kesehi cammaṃ uṭṭhahati. Tato sīsakaṭāhaṃ thūlasakkharāhi ghaṃsitvā dhovantā saṅkhavaṇṇaṃ karonti.
раахумуканд̇и раахумукагаммагааран̣ам̣, д̇ам̣ гаронд̇аа сан̇гунаа мукам̣ виварид̇ваа анд̇омукз д̣̇ийбам̣ ж̇аалзнд̇и . ган̣н̣ажуул̣игаахи ваа бадтааяа мукам̣ никаад̣̇анзна кан̣анд̇и. лохид̇ам̣ баг̇гхарид̇ваа мукам̣ буурзд̇и. ж̇од̇имаалиганд̇и сагаласарийрам̣ д̇злабилод̇игааяа взтзд̇ваа аалимбанд̇и. хад̇т̇абаж̇ж̇од̇иганд̇и хад̇т̇з д̇злабилод̇игааяа взтзд̇ваа д̣̇ийбам̣ вияа ж̇аалзнд̇и. зрагавад̇д̇иганд̇и зрагавад̇д̇агаммагааран̣ам̣, д̇ам̣ гаронд̇аа г̇ийвад̇о бадтааяа жаммаб̣ад̣̇д̇хз ганд̇ид̇ваа г̇обпагз табзнд̇и. ат̇а нам̣ яод̇д̇зхи б̣анд̇хид̇ваа гад̣дханд̇и. со ад̇д̇ано жаммаб̣ад̣̇д̇хз аггамид̇ваа аггамид̇ваа бад̇ад̇и. жийрагаваасиганд̇и жийрагаваасигагаммагааран̣ам̣, д̇ам̣ гаронд̇аа д̇ат̇зва жаммаб̣ад̣̇д̇хз ганд̇ид̇ваа гадияам̣ табзнд̇и. гадид̇о бадтааяа ганд̇ид̇ваа г̇обпагзсу табзнд̇и. убаримзхи хздтимасарийрам̣ жийраганиваасананивад̇т̇ам̣ вияа ход̇и. зн̣зяяаганд̇и зн̣зяяагагаммагааран̣ам̣. д̇ам̣ гаронд̇аа убхосу габбарзсу жа ж̇аан̣уусу жа аяавалаяаани д̣̇ад̇ваа аяасуулаани годдзнд̇и. со жад̇уухи аяасуулзхи бхуумияам̣ бад̇идтахад̇и. ат̇а нам̣ бариваарзд̇ваа аг̇г̇им̣ гаронд̇и. ‘‘зн̣зяяаго ж̇од̇ибариг̇г̇ахо яат̇аа’’д̇и ааг̇ад̇адтаанзби ид̣̇амзва вуд̇д̇ам̣. д̇ам̣ гаалзна гаалам̣ суулаани абанзд̇ваа жад̇уухи адтигодийхиязва табзнд̇и. зваруубаа гааран̣аа наама над̇т̇и.
Rāhumukhanti rāhumukhakammakāraṇaṃ, taṃ karontā saṅkunā mukhaṃ vivaritvā antomukhe dīpaṃ jālenti . Kaṇṇacūḷikāhi vā paṭṭhāya mukhaṃ nikhādanena khaṇanti. Lohitaṃ paggharitvā mukhaṃ pūreti. Jotimālikanti sakalasarīraṃ telapilotikāya veṭhetvā ālimpanti. Hatthapajjotikanti hatthe telapilotikāya veṭhetvā dīpaṃ viya jālenti. Erakavattikanti erakavattakammakāraṇaṃ, taṃ karontā gīvato paṭṭhāya cammabaddhe kantitvā gopphake ṭhapenti. Atha naṃ yottehi bandhitvā kaḍḍhanti. So attano cammabaddhe akkamitvā akkamitvā patati. Cīrakavāsikanti cīrakavāsikakammakāraṇaṃ, taṃ karontā tatheva cammabaddhe kantitvā kaṭiyaṃ ṭhapenti. Kaṭito paṭṭhāya kantitvā gopphakesu ṭhapenti. Uparimehi heṭṭhimasarīraṃ cīrakanivāsananivatthaṃ viya hoti. Eṇeyyakanti eṇeyyakakammakāraṇaṃ. Taṃ karontā ubhosu kapparesu ca jāṇūsu ca ayavalayāni datvā ayasūlāni koṭṭenti. So catūhi ayasūlehi bhūmiyaṃ patiṭṭhahati. Atha naṃ parivāretvā aggiṃ karonti. ‘‘Eṇeyyako jotipariggaho yathā’’ti āgataṭṭhānepi idameva vuttaṃ. Taṃ kālena kālaṃ sūlāni apanetvā catūhi aṭṭhikoṭīhiyeva ṭhapenti. Evarūpā kāraṇā nāma natthi.
б̣ал̣исамам̣сиганд̇и убхад̇омукзхи б̣ал̣исзхи бахарид̇ваа жаммамам̣санхаарууни уббаадзнд̇и. гахаабан̣иганд̇и сагаласарийрам̣ д̇ин̣хаахи ваасийхи годид̇о бадтааяа гахаабан̣амад̇д̇ам̣ гахаабан̣амад̇д̇ам̣ баад̇знд̇аа годдзнд̇и. каараабад̇ажчиганд̇и сарийрам̣ д̇ад̇т̇а д̇ад̇т̇а аавуд̇хзхи бахарид̇ваа гожчзхи каарам̣ гхам̣санд̇и. жаммасам̣санхаарууни баг̇гхарид̇ваа саванд̇и. адтигасан̇калигаава д̇идтад̇и. балигхабаривад̇д̇иганд̇и згзна бассзна нибаж̇ж̇аабзд̇ваа ган̣н̣ажчид̣̇д̣̇з аяасуулам̣ годдзд̇ваа бат̇авияаа згааб̣ад̣̇д̇хам̣ гаронд̇и. ат̇а нам̣ баад̣̇з г̇ахзд̇ваа аавиж̇жханд̇и. балаалабийтаганд̇и чзго гааран̣иго чавижаммам̣ ажчинд̣̇ид̇ваа нисад̣̇абод̇зхи адтийни бхинд̣̇ид̇ваа гзсзсу г̇ахзд̇ваа угкибанд̇и. мам̣сараасиязва ход̇и, ат̇а нам̣ гзсзхзва барияонанд̇хид̇ваа г̇ан̣ханд̇и. балаалаваддим̣ вияа гад̇ваа бана взтзнд̇и. сунакзхибийд̇и гад̇ибаяаани д̣̇ивасаани аахаарам̣ ад̣̇ад̇ваа чаад̇агзхи сунакзхи каад̣̇аабзнд̇и. д̇з мухуд̇д̇зна адтисан̇калигамзва гаронд̇и. самбарааяигод̇и самбарааяз д̣̇уд̇ияад̇д̇абхаавз вибаагод̇и ад̇т̇о.
Baḷisamaṃsikanti ubhatomukhehi baḷisehi paharitvā cammamaṃsanhārūni uppāṭenti. Kahāpaṇikanti sakalasarīraṃ tiṇhāhi vāsīhi koṭito paṭṭhāya kahāpaṇamattaṃ kahāpaṇamattaṃ pātentā koṭṭenti. Khārāpatacchikanti sarīraṃ tattha tattha āvudhehi paharitvā kocchehi khāraṃ ghaṃsanti. Cammasaṃsanhārūni paggharitvā savanti. Aṭṭhikasaṅkhalikāva tiṭṭhati. Palighaparivattikanti ekena passena nipajjāpetvā kaṇṇacchidde ayasūlaṃ koṭṭetvā pathaviyā ekābaddhaṃ karonti. Atha naṃ pāde gahetvā āvijjhanti. Palālapīṭhakanti cheko kāraṇiko chavicammaṃ acchinditvā nisadapotehi aṭṭhīni bhinditvā kesesu gahetvā ukkhipanti. Maṃsarāsiyeva hoti, atha naṃ keseheva pariyonandhitvā gaṇhanti. Palālavaṭṭiṃ viya katvā pana veṭhenti. Sunakhehipīti katipayāni divasāni āhāraṃ adatvā chātakehi sunakhehi khādāpenti. Te muhuttena aṭṭhisaṅkhalikameva karonti. Samparāyikoti samparāye dutiyattabhāve vipākoti attho.
170. чанд̣̇арааг̇авинаяо чанд̣̇арааг̇аббахаананд̇и ниб̣б̣аанам̣. ниб̣б̣аанан̃хи ааг̇амма гаамзсу чанд̣̇арааг̇о винийяад̇и жзва бахийяад̇и жа, д̇асмаа ниб̣б̣аанам̣ чанд̣̇арааг̇авинаяо чанд̣̇арааг̇аббахаананд̇и жа вуд̇д̇ам̣. саамам̣ ваа гаамз бариж̇ааниссанд̇ийд̇и саяам̣ ваа д̇з гаамз д̇ийхи барин̃н̃аахи бариж̇ааниссанд̇и. д̇ат̇ад̇д̇ааяаад̇и д̇ат̇абхаавааяа. яат̇аабадибаннод̇и яааяа бадибад̣̇ааяа бадибанно.
170.Chandarāgavinayo chandarāgappahānanti nibbānaṃ. Nibbānañhi āgamma kāmesu chandarāgo vinīyati ceva pahīyati ca, tasmā nibbānaṃ chandarāgavinayo chandarāgappahānanti ca vuttaṃ. Sāmaṃ vā kāme parijānissantīti sayaṃ vā te kāme tīhi pariññāhi parijānissanti. Tathattāyāti tathabhāvāya. Yathāpaṭipannoti yāya paṭipadāya paṭipanno.
171. кад̇д̇ияаган̃н̃аа ваад̇иаад̣̇и абарид̇д̇зна вибулзна гусалзна г̇ахид̇абадисанд̇хигам̣ вад̇т̇аалан̇гаараад̣̇ийни лабханадтаанз ниб̣б̣ад̇д̇ам̣ д̣̇ассзд̇ум̣ вуд̇д̇ам̣. баннарасавассуд̣̇д̣̇зсигаад̇и баннарасавассаваяаа. д̣̇уд̇ияабад̣̇зби зсзва наяо. ваяабад̣̇зсам̣ гасмаа г̇ан̣хаад̇и? ван̣н̣асамбад̇д̇ид̣̇ассанад̇т̇ам̣. маад̇уг̇аамасса хи д̣̇уг̇г̇ад̇агулз ниб̣б̣ад̇д̇ассааби зд̇асмим̣ гаалз т̇огам̣ т̇огам̣ ван̣н̣ааяад̇анам̣ басийд̣̇ад̇и. бурисаанам̣ бана вийсад̇ивассагаалз бан̃жавийсад̇ивассагаалз басаннам̣ ход̇и. наад̇ид̣̇ийгхаад̇иаад̣̇ийхи чад̣̇осавирахид̇ам̣ сарийрасамбад̇д̇им̣ д̣̇ийбзд̇и. ван̣н̣анибхаад̇и ван̣н̣оязва.
171.Khattiyakaññāvātiādi aparittena vipulena kusalena gahitapaṭisandhikaṃ vatthālaṅkārādīni labhanaṭṭhāne nibbattaṃ dassetuṃ vuttaṃ. Pannarasavassuddesikāti pannarasavassavayā. Dutiyapadepi eseva nayo. Vayapadesaṃ kasmā gaṇhāti? Vaṇṇasampattidassanatthaṃ. Mātugāmassa hi duggatakule nibbattassāpi etasmiṃ kāle thokaṃ thokaṃ vaṇṇāyatanaṃ pasīdati. Purisānaṃ pana vīsativassakāle pañcavīsativassakāle pasannaṃ hoti. Nātidīghātiādīhi chadosavirahitaṃ sarīrasampattiṃ dīpeti. Vaṇṇanibhāti vaṇṇoyeva.
ж̇ин̣н̣анд̇и ж̇арааж̇ин̣н̣ам̣. г̇обаанасиван̇ганд̇и г̇обаанасий вияа ван̇гам̣. бхог̇г̇анд̇и бхаг̇г̇ам̣, иминаабисса ван̇габхаавамзва д̣̇ийбзд̇и. д̣̇ан̣д̣абарааяан̣анд̇и д̣̇ан̣д̣абадисаран̣ам̣ д̣̇ан̣д̣ад̣̇уд̇ияам̣. бавзд̇хамаананд̇и гамбамаанам̣. аад̇уранд̇и ж̇араад̇урам̣. кан̣д̣ад̣̇анд̇анд̇и ж̇ин̣н̣абхаавзна кан̣д̣ид̇ад̣̇анд̇ам̣. балид̇агзсанд̇и бан̣д̣арагзсам̣. вилуунанд̇и лун̃жид̇ваа г̇ахид̇агзсам̣ вияа каллаадам̣. калид̇асиранд̇и махаакаллаадасийсам̣. валинанд̇и сан̃ж̇аад̇авалим̣. д̇илагаахад̇аг̇ад̇д̇анд̇и сзд̇агаал̣ад̇илагзхи вигин̣н̣асарийрам̣. ааб̣аад̇хиганд̇и б̣яаад̇хигам̣. д̣̇угкид̇анд̇и д̣̇угкабад̇д̇ам̣.
Jiṇṇanti jarājiṇṇaṃ. Gopānasivaṅkanti gopānasī viya vaṅkaṃ. Bhogganti bhaggaṃ, imināpissa vaṅkabhāvameva dīpeti. Daṇḍaparāyaṇanti daṇḍapaṭisaraṇaṃ daṇḍadutiyaṃ. Pavedhamānanti kampamānaṃ. Āturanti jarāturaṃ. Khaṇḍadantanti jiṇṇabhāvena khaṇḍitadantaṃ. Palitakesanti paṇḍarakesaṃ. Vilūnanti luñcitvā gahitakesaṃ viya khallāṭaṃ. Khalitasiranti mahākhallāṭasīsaṃ. Valinanti sañjātavaliṃ. Tilakāhatagattanti setakāḷatilakehi vikiṇṇasarīraṃ. Ābādhikanti byādhikaṃ. Dukkhitanti dukkhapattaṃ.
б̣аал̣хаг̇илаананд̇и ад̇химад̇д̇аг̇илаанам̣. сиват̇игааяа чад̣д̣ид̇анд̇и аамагасусаанз баад̇ид̇ам̣. сзсамзд̇т̇а сад̇ибадтаанз вуд̇д̇амзва. ид̇хааби ниб̣б̣аанам̣язва чанд̣̇арааг̇авинаяо.
Bāḷhagilānanti adhimattagilānaṃ. Sivathikāya chaḍḍitanti āmakasusāne pātitaṃ. Sesamettha satipaṭṭhāne vuttameva. Idhāpi nibbānaṃyeva chandarāgavinayo.
173. нзва д̇асмим̣ самаяз ад̇д̇аб̣яааб̣аад̇хааяаад̇и д̇асмим̣ самаяз ад̇д̇аноби д̣̇угкад̇т̇ааяа на жзд̇зд̇и. аб̣яааб̣аж̇жхам̣язваад̇и нид̣̇д̣̇угкамзва .
173.Neva tasmiṃ samaye attabyābādhāyāti tasmiṃ samaye attanopi dukkhatthāya na ceteti. Abyābajjhaṃyevāti niddukkhameva .
174. яам̣, бхигкавз, взд̣̇анаа анижжаад̇и, бхигкавз, яасмаа взд̣̇анаа анижжаа, д̇асмаа аяам̣ анижжаад̣̇иаагаарова взд̣̇анааяа аад̣̇ийнавод̇и ад̇т̇о, ниссаран̣ам̣ вуд̇д̇аббагаарамзваад̇и.
174.Yaṃ, bhikkhave, vedanā aniccāti, bhikkhave, yasmā vedanā aniccā, tasmā ayaṃ aniccādiākārova vedanāya ādīnavoti attho, nissaraṇaṃ vuttappakāramevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаад̣̇угкагканд̇хасуд̇д̇аван̣н̣анаа нидтид̇аа.
Mahādukkhakkhandhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. махаад̣̇угкагканд̇хасуд̇д̇ам̣ • 3. Mahādukkhakkhandhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. махаад̣̇угкагканд̇хасуд̇д̇аван̣н̣анаа • 3. Mahādukkhakkhandhasuttavaṇṇanā
