| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. махаад̣̇угкагканд̇хасуд̇д̇аван̣н̣анаа
3. Mahādukkhakkhandhasuttavaṇṇanā
163. д̇ад̇о баранд̇и д̇ин̣н̣ам̣ ж̇анаанам̣ убари сан̇гхо жад̇уваг̇г̇агаран̣ийяаад̣̇игаммзхи бадигаммаббад̇д̇ад̇д̇аа. г̇аамам̣ г̇ад̇од̇и вужжад̇и г̇аамам̣ уд̣̇д̣̇исса г̇ад̇ад̇д̇аа, звам̣ саавад̇т̇им̣ бависид̇ум̣ вихаарад̇о нигканд̇аа ‘‘бависим̣суу’’д̇и вуд̇д̇аа. барин̃н̃анд̇и бахаанабарин̃н̃ам̣. саа хи самад̇иггамо, на ид̇араа. руубавзд̣̇анаасубийд̇и ‘‘руубаанам̣ барин̃н̃ам̣, взд̣̇анаанам̣ барин̃н̃а’’нд̇и зд̇т̇ааби. гаамам̣ саб̣б̣зсам̣ д̇ид̇т̇ияаанам̣ гаамаад̣̇ибарин̃н̃аабан̃н̃аабанахзд̇убхууд̇о самаяо над̇т̇и, язсам̣ бана ад̇т̇и, д̇з убаад̣̇ааяа ‘‘сагасамаяам̣ ж̇аананд̇аа’’д̇и вуд̇д̇ам̣. ‘‘яад̇о яад̇о ко бхо аяам̣ бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и, зд̇д̇аавад̇аа ко бхо гаамаанам̣ барин̃н̃аа ход̇ий’’д̇и звам̣ саруубад̇о батамаж̇жхаанам̣ вибхаавзд̇ум̣ асаггонд̇ааби гзвалам̣ ажжанд̇аббахаанасан̃н̃ааяа гаамаанам̣ барин̃н̃ам̣ бан̃н̃абзяяум̣ батамаж̇жхаанам̣ вад̣̇амаанаа. д̇ам̣ гисса хзд̇у? д̇аад̣̇исасса ааг̇амаад̇хиг̇амассаабхаавад̇о. руубавзд̣̇анаабарин̃н̃аасуби зсзва наяо. вужжзт̇аад̇и вужжзяяа. д̣̇уд̇ияабад̣̇збийд̇и ‘‘анусаасанияаа ваа анусаасани’’нд̇и звам̣ вуд̇д̇аваагязби. д̇з гира бхигкуу.
163.Tatoparanti tiṇṇaṃ janānaṃ upari saṅgho catuvaggakaraṇīyādikammehi paṭikammappattattā. Gāmaṃ gatoti vuccati gāmaṃ uddissa gatattā, evaṃ sāvatthiṃ pavisituṃ vihārato nikkhantā ‘‘pavisiṃsū’’ti vuttā. Pariññanti pahānapariññaṃ. Sā hi samatikkamo, na itarā. Rūpavedanāsupīti ‘‘rūpānaṃ pariññaṃ, vedanānaṃ pariñña’’nti etthāpi. Kāmaṃ sabbesaṃ titthiyānaṃ kāmādipariññāpaññāpanahetubhūto samayo natthi, yesaṃ pana atthi, te upādāya ‘‘sakasamayaṃ jānantā’’ti vuttaṃ. ‘‘Yato yato kho bho ayaṃ bhikkhu vivicceva kāmehi…pe… paṭhamaṃ jhānaṃ upasampajja viharati, ettāvatā kho bho kāmānaṃ pariññā hotī’’ti evaṃ sarūpato paṭhamajjhānaṃ vibhāvetuṃ asakkontāpi kevalaṃ accantappahānasaññāya kāmānaṃ pariññaṃ paññapeyyuṃ paṭhamajjhānaṃ vadamānā. Taṃ kissa hetu? Tādisassa āgamādhigamassābhāvato. Rūpavedanāpariññāsupi eseva nayo. Vuccethāti vucceyya. Dutiyapadepīti ‘‘anusāsaniyā vā anusāsani’’nti evaṃ vuttavākyepi. Te kira bhikkhū.
165. на жзва самбааяиссанд̇ийд̇и на жзва саммад̣̇зва багаарзхи г̇амзссанд̇и н̃аабзссанд̇и. д̇знааха ‘‘самбаад̣̇зд̇ваа гат̇зд̇ум̣ на сагкиссанд̇ий’’д̇и. яасмаа ависаяз бан̃хо бужчид̇о ход̇и, д̇асмаа аабаж̇ж̇иссанд̇ийд̇и яож̇анаа. сад̣̇звагзд̇и аруубад̣̇зваг̇г̇ахан̣ам̣. д̇з хи логияад̣̇звзхи д̣̇ийгхааяугад̇аад̣̇инаа уггадтаа. самаарагзд̇и гаамааважарад̣̇зваг̇г̇ахан̣ам̣. саб̣рахмагзд̇и руубааважараб̣рахмаг̇г̇ахан̣ам̣. сассаман̣аб̣раахман̣ияаад̇и зд̇т̇а саман̣аг̇г̇ахан̣зна баб̣б̣аж̇ид̇з, б̣раахман̣аг̇г̇ахан̣зна ж̇аад̇иб̣раахман̣з, буна д̣̇зваг̇г̇ахан̣зна саммуд̇ид̣̇звз, мануссаг̇г̇ахан̣зна авасидтамануссагааяам̣ барияаад̣̇ияад̇и. логабаж̇ааг̇г̇ахан̣зна бана баяож̇анам̣ адтагат̇ааяам̣ д̣̇ассид̇амзва. ан̃н̃ат̇аа аараад̇ханам̣ наама над̇т̇ийд̇и иминаа гаамаруубавзд̣̇анаасу ассаад̣̇аад̣̇ийнам̣ яаат̇аавад̇о аваб̣од̇хо зва ид̇о б̣аахирагаанам̣ над̇т̇и, гуд̇о бавзд̣̇анаад̇и д̣̇ассзд̇и.
165.Naceva sampāyissantīti na ceva sammadeva pakārehi gamessanti ñāpessanti. Tenāha ‘‘sampādetvā kathetuṃ na sakkhissantī’’ti. Yasmā avisaye pañho pucchito hoti, tasmā āpajjissantīti yojanā. Sadevaketi arūpadevaggahaṇaṃ. Te hi lokiyadevehi dīghāyukatādinā ukkaṭṭhā. Samāraketi kāmāvacaradevaggahaṇaṃ. Sabrahmaketi rūpāvacarabrahmaggahaṇaṃ. Sassamaṇabrāhmaṇiyāti ettha samaṇaggahaṇena pabbajite, brāhmaṇaggahaṇena jātibrāhmaṇe, puna devaggahaṇena sammutideve, manussaggahaṇena avasiṭṭhamanussakāyaṃ pariyādiyati. Lokapajāggahaṇena pana payojanaṃ aṭṭhakathāyaṃ dassitameva. Aññathā ārādhanaṃ nāma natthīti iminā kāmarūpavedanāsu assādādīnaṃ yāthāvato avabodho eva ito bāhirakānaṃ natthi, kuto pavedanāti dasseti.
166. жид̇д̇аараад̇хананд̇и яаат̇аавабавзд̣̇анзна барзсам̣ жид̇д̇асса барид̇осанам̣. б̣анд̇ханадтзна г̇ун̣аад̇и гаамарааг̇асам̣яож̇анасса бажжаяабхаавзна вад̇т̇угаамзсуби б̣анд̇ханадто вуд̇д̇о, годтаасадто ваа г̇ун̣адто д̣̇адтаб̣б̣о. д̇араяанд̇ийд̇и д̇арамаанаа яанд̇и г̇ажчанд̇и. ад̇ийд̇аад̣̇ибхиннабатамаад̣̇иваяаа зва жид̇д̇ад̇аа раасибхаавзна ваяог̇ун̣аад̇и г̇ахид̇аад̇и ааха ‘‘раасадто г̇ун̣адто’’д̇и. жагкувин̃н̃зяяаад̇и ваа жагкувин̃н̃аан̣ад̇ам̣д̣̇вааригавин̃н̃аан̣зхи виж̇аанид̇аб̣б̣аа. сод̇авин̃н̃зяяаад̇иаад̣̇ийсуби зсзва наяо. идтаарамман̣абхууд̇аад̇и сабхаавзнзва идтаарамман̣аж̇аад̇игаа, идтаарамман̣абхаавам̣ ваа бад̇д̇аа. гаманийяаад̇и гаамзд̇аб̣б̣аа. манавад̣дханагаад̇и манохараа. зд̇зна баригаббанад̇оби идтабхаавам̣ г̇ан̣хаад̇и. бияаж̇аад̇игаад̇и бияааяид̇аб̣б̣асабхааваа. гаамуубасам̣хид̇аад̇и гаамарааг̇зна убзжжа санд̇хаанияаа самб̣ад̣̇д̇хаа (а. ни. дий. 3.6.63) гаад̇аб̣б̣аад̇и ааха ‘‘аарамман̣ам̣ гад̇ваа’’д̇и.
166.Cittārādhananti yāthāvapavedanena paresaṃ cittassa paritosanaṃ. Bandhanaṭṭhena guṇāti kāmarāgasaṃyojanassa paccayabhāvena vatthukāmesupi bandhanaṭṭho vutto, koṭṭhāsaṭṭho vā guṇaṭṭho daṭṭhabbo. Tarayantīti taramānā yanti gacchanti. Atītādibhinnapaṭhamādivayā eva cittatā rāsibhāvena vayoguṇāti gahitāti āha ‘‘rāsaṭṭho guṇaṭṭho’’ti. Cakkhuviññeyyāti vā cakkhuviññāṇataṃdvārikaviññāṇehi vijānitabbā. Sotaviññeyyātiādīsupi eseva nayo. Iṭṭhārammaṇabhūtāti sabhāveneva iṭṭhārammaṇajātikā, iṭṭhārammaṇabhāvaṃ vā pattā. Kamanīyāti kāmetabbā. Manavaḍḍhanakāti manoharā. Etena parikappanatopi iṭṭhabhāvaṃ gaṇhāti. Piyajātikāti piyāyitabbasabhāvā. Kāmūpasaṃhitāti kāmarāgena upecca sandhāniyā sambaddhā (a. ni. ṭī. 3.6.63) kātabbāti āha ‘‘ārammaṇaṃ katvā’’ti.
167. сан̃н̃ам̣ табзд̇ваад̇и ‘‘имасмим̣ ан̇г̇улигаад̣̇ибаб̣б̣з г̇ахид̇з сад̇ам̣ ход̇и, имасмим̣ сахасса’’нд̇иаад̣̇инаа сан̃н̃аан̣ам̣ гад̇ваа г̇ан̣анаа. ажчид̣̇д̣̇аг̇ан̣анаад̇и ‘‘згам̣ д̣̇вз’’д̇иаад̣̇инаа наванд̇авид̇хинаа ниранд̇араг̇ан̣анаа. бин̣д̣аг̇ан̣анаад̇и сан̇галанабадуббаад̣̇анаад̣̇инаа бин̣д̣ид̇ваа г̇ан̣анаа. д̇знааха ‘‘кзд̇д̇ам̣ ологзд̇ваа’’д̇иаад̣̇и. гасанам̣ гасийд̇и гасиг̇г̇ахан̣зна саб̣б̣о гасибадиб̣ад̣̇д̇хо ж̇ийвигуубааяо г̇ахид̇од̇и ааха ‘‘гасийд̇и гасигамма’’нд̇и. ж̇ан̇гхаван̣иж̇ж̇аад̇и ж̇ан̇гхасад̇т̇авасзна ван̣иж̇ж̇ам̣ ааха, т̇алаван̣иж̇ж̇аад̇и сагадасад̇т̇авасзна. аад̣̇и-сад̣̇д̣̇зна нааваабан̣аад̣̇ивасзна вохаарам̣. ван̣иббат̇од̇и ван̣иж̇амаг̇г̇о, д̣̇аанаг̇г̇ахан̣авасзна сам̣вохаарод̇и ад̇т̇о. усуунам̣ асанагаммам̣ иссад̇д̇ам̣, д̇ханусиббзна ж̇ийвигаа, ид̇ха бана иссад̇д̇ам̣ вияаад̇и иссад̇д̇ам̣, саб̣б̣ааавуд̇хаж̇ийвигаад̇и ааха ‘‘аавуд̇хам̣ г̇ахзд̇ваа убадтаанагамма’’нд̇и. борохижжаамажжагаммаад̣̇и рааж̇агаммам̣. аад̣̇и-сад̣̇д̣̇зна рат̇асиббакад̇д̇авиж̇ж̇аасиббаад̣̇и-вуд̇д̇аавасзсам̣ махаасиббам̣ куд̣̇д̣̇агасиббан̃жа сан̇г̇ан̣хаад̇и. сийд̇асса бурагкад̇од̇и сийд̇асса бурад̇о гад̇о. яо хи сийд̇агаалз ж̇ийвигаахзд̇у сийд̇алабад̣̇зсам̣ багканд̣̇ад̇и, со ваал̣амиг̇аад̣̇ийхи вияа сийд̇зна барибаад̇ияамаано д̇зна бурад̇о гад̇о вияа ход̇и. д̇знааха ‘‘сийд̇зна б̣аад̇хияамаано’’д̇и. ун̣хасса бурагкад̇од̇и зд̇т̇ааби зсзва наяо. сарид̇ваад̇и сам̣саббид̇ваа. гхаддияамаанод̇и хим̣сияамаано б̣аад̇хияамаано. ааб̣аад̇ханам̣ ааб̣аад̇хо, бийл̣аад̇и ад̇т̇о. гаамахзд̇унд̇и ваа бхааванабум̣саганид̣̇д̣̇зсо яат̇аа ‘‘висамам̣ жанд̣̇имасуурияаа баривад̇д̇анд̇ий’’д̇и (а. ни. 4.70). д̇ат̇аа сзсабад̣̇ад̣̇ваязби. д̇знзвааха ‘‘гаамаанамзва хзд̇уу’’д̇и. гаамаанам̣ хзд̇ууд̇и зд̇т̇а буримабад̣̇аавад̇хааран̣амаяуд̇д̇ам̣ д̇ад̣̇ан̃н̃абажжаяабадигкзбаабад̇д̇ид̇о, д̇ат̇аа уд̇д̇арабад̣̇аавад̇хааран̣ам̣ гаамаанам̣ гад̣̇аажи ахзд̇убхаавассаби самбхавад̇о, д̇асмаа ‘‘уббаж̇ж̇ад̇иязваа’’д̇и вуд̇д̇ам̣.
167.Saññaṃ ṭhapetvāti ‘‘imasmiṃ aṅgulikādipabbe gahite sataṃ hoti, imasmiṃ sahassa’’ntiādinā saññāṇaṃ katvā gaṇanā. Acchiddagaṇanāti ‘‘ekaṃ dve’’tiādinā navantavidhinā nirantaragaṇanā. Piṇḍagaṇanāti saṅkalanapaṭuppādanādinā piṇḍitvā gaṇanā. Tenāha ‘‘khettaṃ oloketvā’’tiādi. Kasanaṃ kasīti kasiggahaṇena sabbo kasipaṭibaddho jīvikūpāyo gahitoti āha ‘‘kasīti kasikamma’’nti. Jaṅghavaṇijjāti jaṅghasatthavasena vaṇijjaṃ āha, thalavaṇijjāti sakaṭasatthavasena. Ādi-saddena nāvāpaṇādivasena vohāraṃ. Vaṇippathoti vaṇijamaggo, dānaggahaṇavasena saṃvohāroti attho. Usūnaṃ asanakammaṃ issattaṃ, dhanusippena jīvikā, idha pana issattaṃ viyāti issattaṃ, sabbaāvudhajīvikāti āha ‘‘āvudhaṃ gahetvā upaṭṭhānakamma’’nti. Porohiccāmaccakammādi rājakammaṃ.Ādi-saddena rathasippakhattavijjāsippādi-vuttāvasesaṃ mahāsippaṃ khuddakasippañca saṅgaṇhāti. Sītassa purakkhatoti sītassa purato kato. Yo hi sītakāle jīvikāhetu sītalapadesaṃ pakkhandati, so vāḷamigādīhi viya sītena paripātiyamāno tena purato kato viya hoti. Tenāha ‘‘sītena bādhiyamāno’’ti. Uṇhassa purakkhatoti etthāpi eseva nayo. Saritvāti saṃsappitvā. Ghaṭṭiyamānoti hiṃsiyamāno bādhiyamāno. Ābādhanaṃ ābādho, pīḷāti attho. Kāmahetunti vā bhāvanapuṃsakaniddeso yathā ‘‘visamaṃ candimasūriyā parivattantī’’ti (a. ni. 4.70). Tathā sesapadadvayepi. Tenevāha ‘‘kāmānameva hetū’’ti. Kāmānaṃ hetūti ettha purimapadāvadhāraṇamayuttaṃ tadaññapaccayapaṭikkhepāpattito, tathā uttarapadāvadhāraṇaṃ kāmānaṃ kadāci ahetubhāvassapi sambhavato, tasmā ‘‘uppajjatiyevā’’ti vuttaṃ.
удтахад̇од̇и иминаа удтаанавийрияам̣ вуд̇д̇анд̇и ааха ‘‘ааж̇ийвасамудтаабагавийриязнаа’’д̇и. д̇ам̣ вийрияанд̇и ааж̇ийвигасамудтаабагавийрияам̣. буб̣б̣знаабарам̣ гхадзнд̇ассаад̇и аарамбхад̇о бадтааяа ниранд̇арам̣ бавад̇д̇знд̇асса. жид̇д̇з уббаннаб̣алавасогзна сожад̇ийд̇и жид̇д̇асанд̇аабзна анд̇о ниж̇жхааяад̇и. гааяз уббаннад̣̇угкзнаад̇и д̇ассзва согасса васзна гааяз уббаннад̣̇угкзна. согуд̣̇д̣̇зсзна д̇ам̣ д̇ам̣ виббалабзнд̇о ваа барид̣̇звад̇и. урам̣ д̇аал̣зд̇ваад̇и вагкаббад̣̇зсам̣ бахарид̇ваа. ‘‘могха’’нд̇иаад̣̇и барид̣̇званаагаарад̣̇ассанан̃жзва саммохаабаж̇ж̇анаагаарад̣̇ассанан̃жа. мзд̇и вад̇ваа буна нод̇и бут̇уважанам̣ ад̇д̇ано убхаяат̇ааби вохарид̇аб̣б̣ад̇о, б̣яаамуул̣хаважанам̣ ваа согавасзна.
Uṭṭhahatoti iminā uṭṭhānavīriyaṃ vuttanti āha ‘‘ājīvasamuṭṭhāpakavīriyenā’’ti. Taṃ vīriyanti ājīvikasamuṭṭhāpakavīriyaṃ. Pubbenāparaṃ ghaṭentassāti ārambhato paṭṭhāya nirantaraṃ pavattentassa. Citte uppannabalavasokena socatīti cittasantāpena anto nijjhāyati. Kāye uppannadukkhenāti tasseva sokassa vasena kāye uppannadukkhena. Sokuddesena taṃ taṃ vippalapento vā paridevati. Uraṃ tāḷetvāti vakkhappadesaṃ paharitvā. ‘‘Mogha’’ntiādi paridevanākāradassanañceva sammohāpajjanākāradassanañca. Meti vatvā puna noti puthuvacanaṃ attano ubhayathāpi voharitabbato, byāmūḷhavacanaṃ vā sokavasena.
168. ид̇ха гаамаг̇г̇ахан̣зна висзсад̇о вад̇т̇угаамаа г̇ахид̇аад̇и гаамаад̣̇иг̇г̇ахан̣ам̣ гад̇ам̣, наананд̇арияад̇ааяа бана гилзсагаамоби г̇ахид̇о зва. асижамманд̇и зд̇т̇а жаммаг̇г̇ахан̣зна на гзвалам̣ жаммамаяасса, жаммабарисиб̣б̣ид̇ассзва ваа г̇ахан̣ам̣, ат̇а ко саб̣б̣ассаби аавуд̇хаб̣аад̇хагасса г̇ахан̣анд̇и д̣̇ассзнд̇о ‘‘кздагапалагаад̣̇ийний’’д̇и ааха. аад̣̇и-сад̣̇д̣̇зна сараад̣̇исан̇г̇ахо. д̇ханугалаабам̣ саннаяхид̇ваад̇и д̇ханун̃жзва кураббад̇уун̣ин̃жа саннаяхид̇ваа, д̇хануд̣̇ан̣д̣асса ж̇ияааяа д̇ат̇аабхаавагаран̣аад̣̇иби (а. ни. дий. 3.5.76) д̇хануно саннаяхананд̇и. д̣̇виннам̣ сзнаанам̣ б̣яуухасам̣вид̇хаанзна ваа убхад̇об̣яуул̣хам̣. виж̇ж̇од̇аланд̇зсууд̇и нисид̇абийд̇апалад̇ааяа виж̇ж̇од̇анавасзна баривад̇д̇амаанзсу.
168. Idha kāmaggahaṇena visesato vatthukāmā gahitāti kāmādiggahaṇaṃ kataṃ, nānantariyatāya pana kilesakāmopi gahito eva. Asicammanti ettha cammaggahaṇena na kevalaṃ cammamayassa, cammaparisibbitasseva vā gahaṇaṃ, atha kho sabbassapi āvudhabādhakassa gahaṇanti dassento ‘‘kheṭakaphalakādīnī’’ti āha. Ādi-saddena sarādisaṅgaho. Dhanukalāpaṃ sannayhitvāti dhanuñceva khurappatūṇiñca sannayhitvā, dhanudaṇḍassa jiyāya tathābhāvakaraṇādipi (a. ni. ṭī. 3.5.76) dhanuno sannayhananti. Dvinnaṃ senānaṃ byūhasaṃvidhānena vā ubhatobyūḷhaṃ. Vijjotalantesūti nisitapītaphalatāya vijjotanavasena parivattamānesu.
баагаарасамийбаад̇исан̇каарад̇ааяа баагаарабаад̣̇аа убагаарияо, яаа ‘‘уд̣̇д̣̇аабаа’’д̇и вужжанд̇и. сад̇ад̣̇анд̇знаад̇и анзгасад̇ад̣̇анд̇агзна, яасса д̇икин̣ад̣̇анд̇аани анзгасад̇аани муулаани хонд̇и. ад̇ибхаарад̇ааяа д̣̇асавийсамад̇д̇ааби ж̇анаа угкибид̇ум̣ на саггонд̇и, яанд̇авасзна бана угкибид̇ваа б̣анд̇хид̇ваа табзнд̇и. д̇знааха ‘‘адтад̣̇анд̇аагаарзнаа’’д̇иаад̣̇и. омад̣̇д̣̇анд̇ийд̇и одтабзнд̇и.
Pākārasamīpātisaṅkhāratāya pākārapādā upakāriyo, yā ‘‘uddāpā’’ti vuccanti. Satadantenāti anekasatadantakena, yassa tikhiṇadantāni anekasatāni mūlāni honti. Atibhāratāya dasavīsamattāpi janā ukkhipituṃ na sakkonti, yantavasena pana ukkhipitvā bandhitvā ṭhapenti. Tenāha ‘‘aṭṭhadantākārenā’’tiādi. Omaddantīti oṭṭhapenti.
169. санд̇химби чинд̣̇анд̇и жоригааяа ж̇ийвид̇угаамаа. ниллобанд̇и ниссзсавилобам̣, згам̣ барид̇д̇ам̣ г̇аамам̣ бариваарзд̇ваа д̇ад̇т̇а гин̃жиби г̇аяхуубаг̇ам̣ асзсзд̇ваа гарамараг̇г̇ахан̣ам̣. д̇знааха ‘‘махаавилоба’’нд̇и. бант̇ад̣̇уханагаммам̣ адавимаг̇г̇з тад̇ваа ад̣̇д̇хигаанам̣ вилумбанам̣. бахаарасаад̇ханад̇т̇ам̣ (а. ни. дий. 2.2.1) д̣̇ан̣д̣аббахаарасса сукасид̣̇д̇хиад̇т̇ам̣. ган̃ж̇ид̇о ниб̣б̣ад̇д̇ам̣ ган̃ж̇ияам̣, ааранаалам̣. яам̣ ‘‘б̣илан̇г̇а’’нд̇иби вужжад̇и, д̇ам̣ яад̇т̇а син̃жад̇и, саа ган̃ж̇ияаугкалигаа. б̣илан̇г̇ат̇аалигасад̣̇исагаран̣ам̣ б̣илан̇г̇ат̇аалияам̣. сийсагабаалам̣ уббаадзд̇ваад̇и аяог̇ул̣абавзсанаббамаан̣ам̣ чид̣̇д̣̇ам̣ гад̇ваа. сан̇камун̣д̣агаммагааран̣анд̇и сан̇кам̣ вияа мун̣д̣агаммагааран̣ам̣.
169.Sandhimpi chindanti corikāya jīvitukāmā. Nillopanti nissesavilopaṃ, ekaṃ parittaṃ gāmaṃ parivāretvā tattha kiñcipi gayhūpagaṃ asesetvā karamaraggahaṇaṃ. Tenāha ‘‘mahāvilopa’’nti. Panthaduhanakammaṃ aṭavimagge ṭhatvā addhikānaṃ vilumpanaṃ. Pahārasādhanatthaṃ (a. ni. ṭī. 2.2.1) daṇḍappahārassa sukhasiddhiatthaṃ. Kañjito nibbattaṃ kañjiyaṃ, āranālaṃ. Yaṃ ‘‘bilaṅga’’ntipi vuccati, taṃ yattha siñcati, sā kañjiyaukkhalikā. Bilaṅgathālikasadisakaraṇaṃ bilaṅgathāliyaṃ. Sīsakapālaṃ uppāṭetvāti ayoguḷapavesanappamāṇaṃ chiddaṃ katvā. Saṅkhamuṇḍakammakāraṇanti saṅkhaṃ viya muṇḍakammakāraṇaṃ.
раахумукагаммагааран̣анд̇и раахумукаг̇ад̇а-суурияасад̣̇иса-гаммагааран̣ам̣. ж̇од̇имаалиганд̇и ж̇од̇имаалаванд̇ам̣ гаммагааран̣ам̣. хад̇т̇абаж̇ж̇од̇иганд̇и хад̇т̇абаж̇ж̇од̇анагаммагааран̣ам̣. зрагавад̇д̇агаммагааран̣анд̇и зрагавад̇д̇асад̣̇исз сарийрад̇о б̣ад̣̇д̇хз уббааданагаммагааран̣ам̣. жийрагаваасигагаммагааран̣анд̇и сарийрад̇о уббаадид̇аб̣ад̣̇д̇хажийрагаахи ниваасаабанагаммагааран̣ам̣. д̇ам̣ гаронд̇аа яат̇аа г̇ийвад̇о бадтааяа б̣ад̣̇д̇хз ганд̇ид̇ваа гадияамзва табзнд̇и, звам̣ г̇обпагад̇о бадтааяа ганд̇ид̇ваа гадияамзва табзнд̇и. адтагат̇ааяам̣ бана ‘‘гадид̇о бадтааяа ганд̇ид̇ваа г̇обпагзсу табзнд̇ий’’д̇и вуд̇д̇ам̣. зн̣зяяагагаммагааран̣анд̇и зн̣иймиг̇асад̣̇исагаммагааран̣ам̣ . аяавалаяаани д̣̇ад̇ваад̇и аяавалаяаани бадимун̃жид̇ваа. аяасуулаани годдзнд̇ийд̇и габбараж̇ан̣н̣угагодийсу аяасуулаани бавзсзнд̇и. нд̇и д̇ам̣ д̇ат̇аагад̇агаммагааран̣ам̣ сад̇д̇ам̣.
Rāhumukhakammakāraṇanti rāhumukhagata-sūriyasadisa-kammakāraṇaṃ. Jotimālikanti jotimālavantaṃ kammakāraṇaṃ. Hatthapajjotikanti hatthapajjotanakammakāraṇaṃ. Erakavattakammakāraṇanti erakavattasadise sarīrato baddhe uppāṭanakammakāraṇaṃ. Cīrakavāsikakammakāraṇanti sarīrato uppāṭitabaddhacīrakāhi nivāsāpanakammakāraṇaṃ. Taṃ karontā yathā gīvato paṭṭhāya baddhe kantitvā kaṭiyameva ṭhapenti, evaṃ gopphakato paṭṭhāya kantitvā kaṭiyameva ṭhapenti. Aṭṭhakathāyaṃ pana ‘‘kaṭito paṭṭhāya kantitvā gopphakesu ṭhapentī’’ti vuttaṃ. Eṇeyyakakammakāraṇanti eṇīmigasadisakammakāraṇaṃ . Ayavalayāni datvāti ayavalayāni paṭimuñcitvā. Ayasūlāni koṭṭentīti kapparajaṇṇukakoṭīsu ayasūlāni pavesenti. Nti taṃ tathākatakammakāraṇaṃ sattaṃ.
б̣ал̣исамам̣сиганд̇и б̣ал̣исзхи мам̣суббааданагаммагааран̣ам̣. гахаабан̣иганд̇и гахаабан̣амад̇д̇асо чинд̣̇анагаммагааран̣ам̣. годдзнд̇ийд̇и чинд̣̇анд̇и. каараабад̇ажчиганд̇и д̇ажчзд̇ваа каараавасин̃жанагаммагааран̣ам̣. балигхабаривад̇д̇иганд̇и балигхасса вияа баривад̇д̇анагаммагааран̣ам̣. згааб̣ад̣̇д̇хам̣ гаронд̇и аяасууласса годданзна. балаалабийтаганд̇и балаалабийтасса вияа сарийрасса сам̣взлланагаммагааран̣ам̣. гааран̣игаад̇и гхаад̇анагаарагаа. балаалаваддим̣ вияа гад̇ваад̇и яат̇аа балаалабийтам̣ гаронд̇аа балаалаваддим̣ гад̇ваа сам̣взлланавасзна нам̣ (а. ни. дий. 2.2.1) взтзнд̇и, звам̣ гаронд̇ийд̇и ад̇т̇о. чаад̇агзхийд̇и б̣убхугкид̇зхи голзяяагасунакзхи. б̣алаванд̇о хи д̇з ж̇аваяог̇г̇аа суураа жа хонд̇и. гаммавасзна самбарзд̇и зд̇т̇аад̇и самбарааяо, баралого. д̇ад̇т̇а бхавод̇и самбарааяиго.
Baḷisamaṃsikanti baḷisehi maṃsuppāṭanakammakāraṇaṃ. Kahāpaṇikanti kahāpaṇamattaso chindanakammakāraṇaṃ. Koṭṭentīti chindanti. Khārāpatacchikanti tacchetvā khārāvasiñcanakammakāraṇaṃ. Palighaparivattikanti palighassa viya parivattanakammakāraṇaṃ. Ekābaddhaṃ karonti ayasūlassa koṭṭanena. Palālapīṭhakanti palālapīṭhassa viya sarīrassa saṃvellanakammakāraṇaṃ. Kāraṇikāti ghātanakārakā. Palālavaṭṭiṃ viya katvāti yathā palālapīṭhaṃ karontā palālavaṭṭiṃ katvā saṃvellanavasena naṃ (a. ni. ṭī. 2.2.1) veṭhenti, evaṃ karontīti attho. Chātakehīti bubhukkhitehi koleyyakasunakhehi. Balavanto hi te javayoggā sūrā ca honti. Kammavasena sampareti etthāti samparāyo, paraloko. Tattha bhavoti samparāyiko.
170. чанд̣̇арааг̇о винийяад̇и жзва бахийяад̇и жа зд̇т̇аад̇и ниб̣б̣аанам̣ чанд̣̇арааг̇авинаяо чанд̣̇арааг̇аббахаанан̃жаад̇и. д̇знааха ‘‘ниб̣б̣аанан̃хий’’д̇и. д̇ад̇т̇а ааг̇аммаад̇и ид̣̇ам̣ яо чанд̣̇арааг̇ам̣ винзд̇и баж̇ахад̇и, д̇асса аарамман̣ам̣ санд̇хааяа вуд̇д̇ам̣. д̇ийхи барин̃н̃аахийд̇и иминаа н̃аад̇ад̇ийран̣абарин̃н̃аахи бариж̇ааниссанд̇ийд̇и нзд̇ам̣ таанам̣ виж̇ж̇ад̇и. го бана ваад̣̇о бахаанабарин̃н̃ааяаад̇и д̣̇ассзд̇и? д̇ат̇абхаавааяаад̇и бариж̇аананагабхаавааяа.
170. Chandarāgo vinīyati ceva pahīyati ca etthāti nibbānaṃ chandarāgavinayo chandarāgappahānañcāti. Tenāha ‘‘nibbānañhī’’ti. Tattha āgammāti idaṃ yo chandarāgaṃ vineti pajahati, tassa ārammaṇaṃ sandhāya vuttaṃ. Tīhi pariññāhīti iminā ñātatīraṇapariññāhi parijānissantīti netaṃ ṭhānaṃ vijjati. Ko pana vādo pahānapariññāyāti dasseti? Tathabhāvāyāti parijānanakabhāvāya.
171. абарид̇д̇знаад̇и ахийнзна. вибулзнаад̇и махад̇аа. яад̣̇и ван̣н̣асамбад̇д̇ид̣̇ассанад̇т̇ам̣, ван̣н̣ад̣̇асагам̣ гасмаа на г̇ахид̇анд̇и ааха ‘‘маад̇уг̇аамасса хий’’д̇иаад̣̇и. бхож̇анасамбад̣̇аад̣̇ийнам̣ алаабхзбийд̇и д̣̇ассанад̇т̇ам̣ ‘‘д̣̇уг̇г̇ад̇агулз ниб̣б̣ад̇д̇ассабий’’д̇и вуд̇д̇ам̣. т̇огам̣ т̇огам̣ ван̣н̣ааяад̇анам̣ басийд̣̇ад̇и мам̣сасса бариб̣рууханад̇о т̇анамам̣саани вад̣дханд̇и ж̇ааяанд̇и. ван̣н̣зд̇и хад̣̇аяан̇г̇ад̇абхаавам̣ багаасзнд̇о вияа ход̇ийд̇и ван̣н̣о. со зва саамаг̇г̇обабхог̇аад̣̇инаа нибхаад̇ийд̇и нибхаа. д̇знааха ‘‘ван̣н̣анибхаад̇и ван̣н̣оязваа’’д̇и.
171.Aparittenāti ahīnena. Vipulenāti mahatā. Yadi vaṇṇasampattidassanatthaṃ, vaṇṇadasakaṃ kasmā na gahitanti āha ‘‘mātugāmassa hī’’tiādi. Bhojanasampadādīnaṃ alābhepīti dassanatthaṃ ‘‘duggatakule nibbattassapī’’ti vuttaṃ. Thokaṃ thokaṃ vaṇṇāyatanaṃ pasīdati maṃsassa paribrūhanato thanamaṃsāni vaḍḍhanti jāyanti. Vaṇṇeti hadayaṅgatabhāvaṃ pakāsento viya hotīti vaṇṇo. So eva sāmaggopabhogādinā nibhātīti nibhā. Tenāha ‘‘vaṇṇanibhāti vaṇṇoyevā’’ti.
бхог̇г̇анд̇и ад̇ивияа ван̇гад̇ааяа бхог̇г̇ам̣. д̇аад̣̇исам̣ бана сарийрам̣ бхаг̇г̇ам̣ вияа ход̇ийд̇и ааха ‘‘бхаг̇г̇а’’нд̇и. д̇знааха ‘‘иминаабисса ван̇габхаавамзва д̣̇ийбзд̇ий’’д̇и. д̣̇анд̇аанам̣ чиннабхиннад̇ааяа згажжаанам̣ бад̇анзна жа кан̣д̣ид̇ад̣̇анд̇ам̣. гзсаанам̣ сзд̇аван̣н̣ад̇ааяа балид̇анд̇и ааха ‘‘бан̣д̣арагзса’’нд̇и. гзсаанам̣ мад̇д̇асо сияанз каллаадавохаарод̇и б̣ахусо сияанам̣ санд̇хааяааха ‘‘махаакаллаадасийса’’нд̇и. вассасад̇игагаалз уббаж̇ж̇анад̇илагаани санд̇хааяааха ‘‘д̇илагаахад̇аг̇ад̇д̇а’’нд̇и. д̇аани бана гаанижи сзд̇аани хонд̇и гаанижи гаал̣аанийд̇и ааха ‘‘сзд̇агаал̣ад̇илагзхий’’д̇и. б̣яаад̇хиганд̇и сан̃жаад̇аб̣яаад̇хим̣. б̣аал̣хаг̇илаананд̇и мааран̣анд̇и гаг̇злан̃н̃зна г̇илаанам̣.
Bhogganti ativiya vaṅkatāya bhoggaṃ. Tādisaṃ pana sarīraṃ bhaggaṃ viya hotīti āha ‘‘bhagga’’nti. Tenāha ‘‘imināpissa vaṅkabhāvameva dīpetī’’ti. Dantānaṃ chinnabhinnatāya ekaccānaṃ patanena ca khaṇḍitadantaṃ. Kesānaṃ setavaṇṇatāya palitanti āha ‘‘paṇḍarakesa’’nti. Kesānaṃ mattaso siyane khallāṭavohāroti bahuso siyanaṃ sandhāyāha ‘‘mahākhallāṭasīsa’’nti. Vassasatikakāle uppajjanatilakāni sandhāyāha ‘‘tilakāhatagatta’’nti. Tāni pana kānici setāni honti kānici kāḷānīti āha ‘‘setakāḷatilakehī’’ti. Byādhikanti sañcātabyādhiṃ. Bāḷhagilānanti māraṇanti kagelaññena gilānaṃ.
173. д̇асмим̣ самаязд̇и д̇асмим̣ жхаанам̣ убасамбаж̇ж̇а вихаран̣асамаяз. на жзд̇зд̇ийд̇и на абхисанд̣̇ахад̇и. б̣яааб̣аад̇ханадтзна б̣яааб̣аад̇хо, б̣яааб̣аад̇хова б̣яааб̣аж̇жхам̣, над̇т̇и зд̇т̇а б̣яааб̣аж̇жханд̇и аб̣яааб̣аж̇жхам̣, д̣̇угкарахид̇ам̣. д̇знааха ‘‘нид̣̇д̣̇угкамзваа’’д̇и.
173.Tasmiṃ samayeti tasmiṃ jhānaṃ upasampajja viharaṇasamaye. Na cetetīti na abhisandahati. Byābādhanaṭṭhena byābādho, byābādhova byābajjhaṃ, natthi ettha byābajjhanti abyābajjhaṃ, dukkharahitaṃ. Tenāha ‘‘niddukkhamevā’’ti.
174. анижжаад̣̇иаагаарод̇и анижжаагааро д̣̇угкаагааро вибарин̣аамаагааро жалаад̣̇иаагааро жа.
174.Aniccādiākāroti aniccākāro dukkhākāro vipariṇāmākāro calādiākāro ca.
махаад̣̇угкагканд̇хасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahādukkhakkhandhasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. махаад̣̇угкагканд̇хасуд̇д̇ам̣ • 3. Mahādukkhakkhandhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. махаад̣̇угкагканд̇хасуд̇д̇аван̣н̣анаа • 3. Mahādukkhakkhandhasuttavaṇṇanā
