| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. махааг̇обаалагасуд̇д̇аван̣н̣анаа
3. Mahāgopālakasuttavaṇṇanā
346. звам̣ мз суд̇анд̇и махааг̇обаалагасуд̇д̇ам̣. д̇ад̇т̇а д̇иссо гат̇аа зганаал̣игаа, жад̇урассаа, нисиннавад̇д̇игаад̇и. д̇ад̇т̇а баал̣им̣ вад̇ваа згзгабад̣̇асса ад̇т̇агат̇анам̣ зганаал̣игаа наама. абан̣д̣ид̇ам̣ г̇обаалагам̣ д̣̇ассзд̇ваа, абан̣д̣ид̇ам̣ бхигкум̣ д̣̇ассзд̇ваа, бан̣д̣ид̇ам̣ г̇обаалагам̣ д̣̇ассзд̇ваа, бан̣д̣ид̇ам̣ бхигкум̣ д̣̇ассзд̇ваад̇и жад̇уггам̣ б̣анд̇хид̇ваа гат̇анам̣ жад̇урассаа наама. абан̣д̣ид̇ам̣ г̇обаалагам̣ д̣̇ассзд̇ваа барияосаанаг̇аманам̣, абан̣д̣ид̇ам̣ бхигкум̣ д̣̇ассзд̇ваа барияосаанаг̇аманам̣, бан̣д̣ид̇ам̣ г̇обаалагам̣ д̣̇ассзд̇ваа барияосаанаг̇аманам̣, бан̣д̣ид̇ам̣ бхигкум̣ д̣̇ассзд̇ваа барияосаанаг̇амананд̇и аяам̣ нисиннавад̇д̇игаа наама. аяам̣ ид̇ха саб̣б̣аажарияаанам̣ аажин̣н̣аа.
346.Evaṃme sutanti mahāgopālakasuttaṃ. Tattha tisso kathā ekanāḷikā, caturassā, nisinnavattikāti. Tattha pāḷiṃ vatvā ekekapadassa atthakathanaṃ ekanāḷikā nāma. Apaṇḍitaṃ gopālakaṃ dassetvā, apaṇḍitaṃ bhikkhuṃ dassetvā, paṇḍitaṃ gopālakaṃ dassetvā, paṇḍitaṃ bhikkhuṃ dassetvāti catukkaṃ bandhitvā kathanaṃ caturassā nāma. Apaṇḍitaṃ gopālakaṃ dassetvā pariyosānagamanaṃ, apaṇḍitaṃ bhikkhuṃ dassetvā pariyosānagamanaṃ, paṇḍitaṃ gopālakaṃ dassetvā pariyosānagamanaṃ, paṇḍitaṃ bhikkhuṃ dassetvā pariyosānagamananti ayaṃ nisinnavattikā nāma. Ayaṃ idha sabbācariyānaṃ āciṇṇā.
згаад̣̇асахи, бхигкавз, ан̇г̇зхийд̇и згаад̣̇асахи аг̇ун̣агодтаасзхи. г̇ог̇ан̣анд̇и г̇оман̣д̣алам̣. барихарид̇унд̇и бариг̇г̇ахзд̇ваа вижарид̇ум̣. паад̇им̣ гаад̇унд̇и вад̣дхим̣ аабаад̣̇зд̇ум̣. ид̇хаад̇и имасмим̣ логз. на руубан̃н̃уу ход̇ийд̇и г̇ан̣анад̇о ваа ван̣н̣ад̇о ваа руубам̣ на ж̇аанаад̇и. г̇ан̣анад̇о на ж̇аанаад̇и наама ад̇д̇ано г̇уннам̣ сад̇ам̣ ваа сахассам̣ ваад̇и сан̇кяам̣ на ж̇аанаад̇и. со г̇аавийсу хадаасу ваа балаад̇аасу ваа г̇ог̇ан̣ам̣ г̇ан̣зд̇ваа, аж̇ж̇а зд̇д̇игаа на д̣̇иссанд̇ийд̇и д̣̇вз д̇ийн̣и г̇ааманд̇араани ваа адавим̣ ваа вижаранд̇о на бариязсад̇и, ан̃н̃зсам̣ г̇аавийсу ад̇д̇ано г̇ог̇ан̣ам̣ бавидтаасуби г̇ог̇ан̣ам̣ г̇ан̣зд̇ваа, ‘‘имаа зд̇д̇игаа г̇ааво на амхаага’’нд̇и яадтияаа бот̇зд̇ваа на нийхарад̇и, д̇асса надтаа г̇аавияо надтаава хонд̇и. бараг̇аавияо г̇ахзд̇ваа вижаранд̇ам̣ г̇осаамигаа д̣̇исваа, ‘‘аяам̣ зд̇д̇агам̣ гаалам̣ амхаагам̣ д̇хзнум̣ г̇ан̣хаад̇ий’’д̇и д̇аж̇ж̇зд̇ваа ад̇д̇ано г̇аавияо г̇ахзд̇ваа г̇ажчанд̇и. д̇асса г̇ог̇ан̣оби барихааяад̇и, бан̃жаг̇орасабарибхог̇ад̇оби бариб̣аахиро ход̇и. ван̣н̣ад̇о на ж̇аанаад̇и наама – ‘‘зд̇д̇игаа г̇ааво сзд̇аа, зд̇д̇игаа рад̇д̇аа, зд̇д̇игаа гаал̣аа, зд̇д̇игаа габ̣араа зд̇д̇игаа нийлаа’’д̇и на ж̇аанаад̇и, со г̇аавийсу хадаасу ваа…бз… бан̃жаг̇орасабарибхог̇ад̇оби бариб̣аахиро ход̇и.
Ekādasahi, bhikkhave, aṅgehīti ekādasahi aguṇakoṭṭhāsehi. Gogaṇanti gomaṇḍalaṃ. Pariharitunti pariggahetvā vicarituṃ. Phātiṃ kātunti vaḍḍhiṃ āpādetuṃ. Idhāti imasmiṃ loke. Na rūpaññū hotīti gaṇanato vā vaṇṇato vā rūpaṃ na jānāti. Gaṇanato na jānāti nāma attano gunnaṃ sataṃ vā sahassaṃ vāti saṅkhyaṃ na jānāti. So gāvīsu haṭāsu vā palātāsu vā gogaṇaṃ gaṇetvā, ajja ettikā na dissantīti dve tīṇi gāmantarāni vā aṭaviṃ vā vicaranto na pariyesati, aññesaṃ gāvīsu attano gogaṇaṃ paviṭṭhāsupi gogaṇaṃ gaṇetvā, ‘‘imā ettikā gāvo na amhāka’’nti yaṭṭhiyā pothetvā na nīharati, tassa naṭṭhā gāviyo naṭṭhāva honti. Paragāviyo gahetvā vicarantaṃ gosāmikā disvā, ‘‘ayaṃ ettakaṃ kālaṃ amhākaṃ dhenuṃ gaṇhātī’’ti tajjetvā attano gāviyo gahetvā gacchanti. Tassa gogaṇopi parihāyati, pañcagorasaparibhogatopi paribāhiro hoti. Vaṇṇato na jānāti nāma – ‘‘ettikā gāvo setā, ettikā rattā, ettikā kāḷā, ettikā kabarā ettikā nīlā’’ti na jānāti, so gāvīsu haṭāsu vā…pe… pañcagorasaparibhogatopi paribāhiro hoti.
на лагкан̣агусало ход̇ийд̇и г̇аавийнам̣ сарийрз гад̇ам̣ д̇ханусад̇д̇исуулаад̣̇ибхзд̣̇ам̣ лагкан̣ам̣ на ж̇аанаад̇и , со г̇аавийсу хадаасу ваа балаад̇аасу ваа аж̇ж̇а асугалагкан̣аа жа асугалагкан̣аа жа г̇ааво на д̣̇иссанд̇и…бз… бан̃жаг̇орасабарибхог̇ад̇оби бариб̣аахиро ход̇и.
Na lakkhaṇakusalo hotīti gāvīnaṃ sarīre kataṃ dhanusattisūlādibhedaṃ lakkhaṇaṃ na jānāti , so gāvīsu haṭāsu vā palātāsu vā ajja asukalakkhaṇā ca asukalakkhaṇā ca gāvo na dissanti…pe… pañcagorasaparibhogatopi paribāhiro hoti.
на аасаадигам̣ хаарзд̇аад̇и г̇уннам̣ каан̣уган̣дагаад̣̇ийхи бахададтаанзсу ван̣о ход̇и. д̇ад̇т̇а нийламагкигаа ан̣д̣агаани баад̇знд̇и, д̇зсам̣ аасаадигаад̇и наама. д̇аани д̣̇ан̣д̣зна абанзд̇ваа бхзсаж̇ж̇ам̣ д̣̇аад̇аб̣б̣ам̣ ход̇и. б̣аало г̇обаалаго д̇ат̇аа на гарод̇и, д̇зна вуд̇д̇ам̣ – ‘‘на аасаадигам̣ хаарзд̇аа ход̇ий’’д̇и. д̇асса г̇уннам̣ ван̣аа вад̣дханд̇и, г̇амбхийраа хонд̇и, баан̣агаа гужчим̣ бависанд̇и, г̇ааво г̇злан̃н̃аабхибхууд̇аа нзва яаавад̣̇ад̇т̇ам̣ д̇ин̣аани каад̣̇ид̇ум̣, на баанийяам̣ баад̇ум̣ саггонд̇и. д̇ад̇т̇а г̇уннам̣ кийрам̣ чиж̇ж̇ад̇и, г̇он̣аанам̣ ж̇аво хааяад̇и, убхаязсам̣ ж̇ийвид̇анд̇арааяо ход̇и. звамасса г̇ог̇ан̣оби барихааяад̇и, бан̃жаг̇орасад̇оби бариб̣аахиро ход̇и.
Na āsāṭikaṃ hāretāti gunnaṃ khāṇukaṇṭakādīhi pahaṭaṭṭhānesu vaṇo hoti. Tattha nīlamakkhikā aṇḍakāni pātenti, tesaṃ āsāṭikāti nāma. Tāni daṇḍena apanetvā bhesajjaṃ dātabbaṃ hoti. Bālo gopālako tathā na karoti, tena vuttaṃ – ‘‘na āsāṭikaṃ hāretā hotī’’ti. Tassa gunnaṃ vaṇā vaḍḍhanti, gambhīrā honti, pāṇakā kucchiṃ pavisanti, gāvo gelaññābhibhūtā neva yāvadatthaṃ tiṇāni khādituṃ, na pānīyaṃ pātuṃ sakkonti. Tattha gunnaṃ khīraṃ chijjati, goṇānaṃ javo hāyati, ubhayesaṃ jīvitantarāyo hoti. Evamassa gogaṇopi parihāyati, pañcagorasatopi paribāhiro hoti.
на ван̣ам̣ бадижчаад̣̇зд̇аа ход̇ийд̇и г̇уннам̣ вуд̇д̇анаязнзва сан̃ж̇аад̇о ван̣о бхзсаж̇ж̇ам̣ д̣̇ад̇ваа ваагзна ваа жийрагзна ваа б̣анд̇хид̇ваа бадижчаад̣̇зд̇аб̣б̣о ход̇и. б̣аало г̇обаалаго д̇ат̇аа на гарод̇и, ат̇асса г̇уннам̣ ван̣зхи яуусаа баг̇гхаранд̇и, д̇аа ан̃н̃аман̃н̃ам̣ нигхам̣сзнд̇и, д̇зна ан̃н̃зсамби ван̣аа ж̇ааяанд̇и. звам̣ г̇ааво г̇злан̃н̃аабхибхууд̇аа нзва яаавад̣̇ад̇т̇ам̣ д̇ин̣аани каад̣̇ид̇ум̣…бз… бариб̣аахиро ход̇и.
Na vaṇaṃ paṭicchādetā hotīti gunnaṃ vuttanayeneva sañjāto vaṇo bhesajjaṃ datvā vākena vā cīrakena vā bandhitvā paṭicchādetabbo hoti. Bālo gopālako tathā na karoti, athassa gunnaṃ vaṇehi yūsā paggharanti, tā aññamaññaṃ nighaṃsenti, tena aññesampi vaṇā jāyanti. Evaṃ gāvo gelaññābhibhūtā neva yāvadatthaṃ tiṇāni khādituṃ…pe… paribāhiro hoti.
на д̇хуумам̣ гад̇д̇аа ход̇ийд̇и анд̇овассз д̣ам̣самагасаад̣̇ийнам̣ уссаннагаалз г̇ог̇ан̣з важ̇ам̣ бавидтз д̇ад̇т̇а д̇ад̇т̇а д̇хуумо гаад̇аб̣б̣о ход̇и, абан̣д̣ид̇о г̇обаалаго д̇ам̣ на гарод̇и. г̇ог̇ан̣о саб̣б̣арад̇д̇им̣ д̣ам̣саад̣̇ийхи убад̣̇д̣̇уд̇о нид̣̇д̣̇ам̣ алабхид̇ваа бунад̣̇ивасз аран̃н̃з д̇ад̇т̇а д̇ад̇т̇а ругкамуулаад̣̇ийсу нибаж̇ж̇ид̇ваа нид̣̇д̣̇ааяад̇и, нзва яаавад̣̇ад̇т̇ам̣ д̇ин̣аани каад̣̇ид̇ум̣…бз… бан̃жаг̇орасабарибхог̇ад̇оби бариб̣аахиро ход̇и.
Na dhūmaṃ kattā hotīti antovasse ḍaṃsamakasādīnaṃ ussannakāle gogaṇe vajaṃ paviṭṭhe tattha tattha dhūmo kātabbo hoti, apaṇḍito gopālako taṃ na karoti. Gogaṇo sabbarattiṃ ḍaṃsādīhi upadduto niddaṃ alabhitvā punadivase araññe tattha tattha rukkhamūlādīsu nipajjitvā niddāyati, neva yāvadatthaṃ tiṇāni khādituṃ…pe… pañcagorasaparibhogatopi paribāhiro hoti.
на д̇ид̇т̇ам̣ ж̇аанаад̇ийд̇и д̇ид̇т̇ам̣ саманд̇и ваа висаманд̇и ваа саг̇ааханд̇и ваа ниг̇г̇ааханд̇и ваа на ж̇аанаад̇и, со ад̇ид̇т̇зна г̇аавияо од̇аарзд̇и. д̇аасам̣ висамад̇ид̇т̇з баасаан̣аад̣̇ийни аггаманд̇ийнам̣ баад̣̇аа бхиж̇ж̇анд̇и, саг̇аахам̣ г̇амбхийрам̣ д̇ид̇т̇ам̣ од̇ин̣н̣аа гумбхийлаад̣̇аяо г̇аахаа г̇ан̣ханд̇и. аж̇ж̇а зд̇д̇игаа г̇ааво надтаа, аж̇ж̇а зд̇д̇игаад̇и вад̇д̇аб̣б̣ад̇ам̣ аабаж̇ж̇ад̇и. звамасса г̇ог̇ан̣оби барихааяад̇и, бан̃жаг̇орасад̇оби бариб̣аахиро ход̇и.
Na titthaṃ jānātīti titthaṃ samanti vā visamanti vā sagāhanti vā niggāhanti vā na jānāti, so atitthena gāviyo otāreti. Tāsaṃ visamatitthe pāsāṇādīni akkamantīnaṃ pādā bhijjanti, sagāhaṃ gambhīraṃ titthaṃ otiṇṇā kumbhīlādayo gāhā gaṇhanti. Ajja ettikā gāvo naṭṭhā, ajja ettikāti vattabbataṃ āpajjati. Evamassa gogaṇopi parihāyati, pañcagorasatopi paribāhiro hoti.
на бийд̇ам̣ ж̇аанаад̇ийд̇и бийд̇амби абийд̇амби на ж̇аанаад̇и. г̇обаалагзна хи ‘‘имааяа г̇аавияаа бийд̇ам̣, имааяа на бийд̇ам̣, имааяа баанийяад̇ид̇т̇з огаасо лад̣̇д̇хо, имааяа на лад̣̇д̇хо’’д̇и звам̣ бийд̇аабийд̇ам̣ ж̇аанид̇аб̣б̣ам̣ ход̇и. аяам̣ бана д̣̇ивасабхааг̇ам̣ аран̃н̃з г̇ог̇ан̣ам̣ рагкид̇ваа баанийяам̣ бааязссаамийд̇и над̣̇им̣ ваа д̇ал̣аагам̣ ваа г̇ахзд̇ваа г̇ажчад̇и. д̇ад̇т̇а махааусабхаа жа ануусабхаа жа б̣алаваг̇аавияо жа д̣̇уб̣б̣алаани жзва махаллагаани жа г̇оруубаани син̇г̇зхи ваа паасугаахи ваа бахарид̇ваа ад̇д̇ано огаасам̣ гад̇ваа ууруббамаан̣ам̣ уд̣̇агам̣ бависид̇ваа яат̇аагаамам̣ биванд̇и. авасзсаа огаасам̣ алабхамаанаа д̇ийрз тад̇ваа галаламиссагам̣ уд̣̇агам̣ биванд̇и, абийд̇аа зва ваа хонд̇и. ат̇а нз г̇обаалаго бидтияам̣ бахарид̇ваа буна аран̃н̃ам̣ бавзсзд̇и, д̇ад̇т̇а абийд̇аг̇аавияо бибаасааяа сугкамаанаа яаавад̣̇ад̇т̇ам̣ д̇ин̣аани каад̣̇ид̇ум̣ на саггонд̇и, д̇ад̇т̇а г̇уннам̣ кийрам̣ чиж̇ж̇ад̇и, г̇он̣аанам̣ ж̇аво хааяад̇и…бз… бариб̣аахиро ход̇и.
Napītaṃ jānātīti pītampi apītampi na jānāti. Gopālakena hi ‘‘imāya gāviyā pītaṃ, imāya na pītaṃ, imāya pānīyatitthe okāso laddho, imāya na laddho’’ti evaṃ pītāpītaṃ jānitabbaṃ hoti. Ayaṃ pana divasabhāgaṃ araññe gogaṇaṃ rakkhitvā pānīyaṃ pāyessāmīti nadiṃ vā taḷākaṃ vā gahetvā gacchati. Tattha mahāusabhā ca anuusabhā ca balavagāviyo ca dubbalāni ceva mahallakāni ca gorūpāni siṅgehi vā phāsukāhi vā paharitvā attano okāsaṃ katvā ūruppamāṇaṃ udakaṃ pavisitvā yathākāmaṃ pivanti. Avasesā okāsaṃ alabhamānā tīre ṭhatvā kalalamissakaṃ udakaṃ pivanti, apītā eva vā honti. Atha ne gopālako piṭṭhiyaṃ paharitvā puna araññaṃ paveseti, tattha apītagāviyo pipāsāya sukkhamānā yāvadatthaṃ tiṇāni khādituṃ na sakkonti, tattha gunnaṃ khīraṃ chijjati, goṇānaṃ javo hāyati…pe… paribāhiro hoti.
на вийт̇им̣ ж̇аанаад̇ийд̇и ‘‘аяам̣ маг̇г̇о само кзмо, аяам̣ висамо саасан̇го саббадибхаяо’’д̇и на ж̇аанаад̇и. со самам̣ кзмам̣ маг̇г̇ам̣ важ̇ж̇зд̇ваа г̇ог̇ан̣ам̣ ид̇арам̣ маг̇г̇ам̣ бадибаад̣̇зд̇и, д̇ад̇т̇а г̇ааво сийхаб̣яаг̇гхаад̣̇ийнам̣ г̇анд̇хзна жорабариссаязна ваа абхибхууд̇аа бханд̇амиг̇асаббадибхааг̇аа г̇ийвам̣ угкибид̇ваа д̇идтанд̇и, нзва яаавад̣̇ад̇т̇ам̣ д̇ин̣аани каад̣̇анд̇и, на баанийяам̣ биванд̇и, д̇ад̇т̇а г̇уннам̣ кийрам̣ чиж̇ж̇ад̇и…бз… бариб̣аахиро ход̇и.
Na vīthiṃ jānātīti ‘‘ayaṃ maggo samo khemo, ayaṃ visamo sāsaṅko sappaṭibhayo’’ti na jānāti. So samaṃ khemaṃ maggaṃ vajjetvā gogaṇaṃ itaraṃ maggaṃ paṭipādeti, tattha gāvo sīhabyagghādīnaṃ gandhena coraparissayena vā abhibhūtā bhantamigasappaṭibhāgā gīvaṃ ukkhipitvā tiṭṭhanti, neva yāvadatthaṃ tiṇāni khādanti, na pānīyaṃ pivanti, tattha gunnaṃ khīraṃ chijjati…pe… paribāhiro hoti.
на г̇ожарагусало ход̇ийд̇и г̇обаалагзна хи г̇ожарагусалзна бхавид̇аб̣б̣ам̣, бан̃жаахигавааро ваа сад̇д̇аахигавааро ваа ж̇аанид̇аб̣б̣о, згад̣̇исааяа г̇ог̇ан̣ам̣ жаарзд̇ваа бунад̣̇ивасз д̇ад̇т̇а на жаарзд̇аб̣б̣о. махад̇аа хи г̇ог̇ан̣зна жин̣н̣адтаанам̣ бхзрид̇алам̣ вияа суд̣̇д̇хам̣ ход̇и нид̇д̇ин̣ам̣, уд̣̇агамби аалул̣ийяад̇и. д̇асмаа бан̃жамз ваа сад̇д̇амз ваа д̣̇ивасз буна д̇ад̇т̇а жаарзд̇ум̣ ваддад̇и, зд̇д̇агзна хи д̇ин̣амби бадивирухад̇и, уд̣̇агамби басийд̣̇ад̇и. аяам̣ бана имам̣ бан̃жаахигаваарам̣ ваа сад̇д̇аахигаваарам̣ ваа на ж̇аанаад̇и, д̣̇ивасз д̣̇ивасз рагкид̇адтаанзязва рагкад̇и. ат̇асса г̇ог̇ан̣о харид̇ад̇ин̣ам̣ на лабхад̇и, сугкад̇ин̣ам̣ каад̣̇анд̇о галаламиссагам̣ уд̣̇агам̣ бивад̇и, д̇ад̇т̇а г̇уннам̣ кийрам̣ чиж̇ж̇ад̇и…бз… бариб̣аахиро ход̇и.
Na gocarakusalo hotīti gopālakena hi gocarakusalena bhavitabbaṃ, pañcāhikavāro vā sattāhikavāro vā jānitabbo, ekadisāya gogaṇaṃ cāretvā punadivase tattha na cāretabbo. Mahatā hi gogaṇena ciṇṇaṭṭhānaṃ bheritalaṃ viya suddhaṃ hoti nittiṇaṃ, udakampi āluḷīyati. Tasmā pañcame vā sattame vā divase puna tattha cāretuṃ vaṭṭati, ettakena hi tiṇampi paṭiviruhati, udakampi pasīdati. Ayaṃ pana imaṃ pañcāhikavāraṃ vā sattāhikavāraṃ vā na jānāti, divase divase rakkhitaṭṭhāneyeva rakkhati. Athassa gogaṇo haritatiṇaṃ na labhati, sukkhatiṇaṃ khādanto kalalamissakaṃ udakaṃ pivati, tattha gunnaṃ khīraṃ chijjati…pe… paribāhiro hoti.
анавасзсад̣̇охий жа ход̇ийд̇и бан̣д̣ид̇аг̇обаалагзна яаава важчагасса мам̣салохид̇ам̣ сан̣таад̇и, д̇аава згам̣ д̣̇вз т̇анз табзд̇ваа саавасзсад̣̇охинаа бхавид̇аб̣б̣ам̣. аяам̣ важчагасса гин̃жи анавасзсзд̇ваа д̣̇ухад̇и, кийрабаго важчо кийрабибаасааяа сугкад̇и, сан̣таад̇ум̣ асаггонд̇о гамбамаано маад̇у бурад̇о бад̇ид̇ваа гаалан̇гарод̇и. маад̇аа буд̇д̇агам̣ д̣̇исваа, ‘‘маяхам̣ буд̇д̇аго ад̇д̇ано маад̇укийрам̣ баад̇умби на лабхад̇ий’’д̇и буд̇д̇асогзна на яаавад̣̇ад̇т̇ам̣ д̇ин̣аани каад̣̇ид̇ум̣, на баанийяам̣ баад̇ум̣ саггод̇и, т̇анзсу кийрам̣ чиж̇ж̇ад̇и. звамасса г̇ог̇ан̣оби барихааяад̇и, бан̃жаг̇орасад̇оби бариб̣аахиро ход̇и.
Anavasesadohī ca hotīti paṇḍitagopālakena yāva vacchakassa maṃsalohitaṃ saṇṭhāti, tāva ekaṃ dve thane ṭhapetvā sāvasesadohinā bhavitabbaṃ. Ayaṃ vacchakassa kiñci anavasesetvā duhati, khīrapako vaccho khīrapipāsāya sukkhati, saṇṭhātuṃ asakkonto kampamāno mātu purato patitvā kālaṅkaroti. Mātā puttakaṃ disvā, ‘‘mayhaṃ puttako attano mātukhīraṃ pātumpi na labhatī’’ti puttasokena na yāvadatthaṃ tiṇāni khādituṃ, na pānīyaṃ pātuṃ sakkoti, thanesu khīraṃ chijjati. Evamassa gogaṇopi parihāyati, pañcagorasatopi paribāhiro hoti.
г̇уннам̣ бид̇удтаанам̣ гаронд̇ийд̇и г̇обид̇аро. г̇ааво барин̣аяанд̇и яат̇ааружим̣ г̇ахзд̇ваа г̇ажчанд̇ийд̇и г̇обарин̣ааяагаа. на ад̇ирзгабууж̇ааяаад̇и бан̣д̣ид̇о хи г̇обаалаго зваруубз усабхз ад̇ирзгабууж̇ааяа бууж̇зд̇и, бан̣ийд̇ам̣ г̇обхад̇д̇ам̣ д̣̇зд̇и, г̇анд̇хабан̃жан̇г̇улигзхи ман̣д̣зд̇и, маалам̣ биланд̇хзд̇и, син̇г̇з суван̣н̣араж̇ад̇агосагз жа д̇хаарзд̇и, рад̇д̇им̣ д̣̇ийбам̣ ж̇аалзд̇ваа жзлавид̇аанасса хздтаа саяаабзд̇и. аяам̣ бана д̇ад̇о згасаггаарамби на гарод̇и, усабхаа ад̇ирзгабууж̇ам̣ алабхамаанаа г̇ог̇ан̣ам̣ на рагканд̇и, бариссаяам̣ на ваарзнд̇и. звамасса г̇ог̇ан̣о барихааяад̇и, бан̃жаг̇орасад̇о бариб̣аахиро ход̇и.
Gunnaṃ pituṭṭhānaṃ karontīti gopitaro. Gāvo pariṇayanti yathāruciṃ gahetvā gacchantīti gopariṇāyakā. Na atirekapūjāyāti paṇḍito hi gopālako evarūpe usabhe atirekapūjāya pūjeti, paṇītaṃ gobhattaṃ deti, gandhapañcaṅgulikehi maṇḍeti, mālaṃ pilandheti, siṅge suvaṇṇarajatakosake ca dhāreti, rattiṃ dīpaṃ jāletvā celavitānassa heṭṭhā sayāpeti. Ayaṃ pana tato ekasakkārampi na karoti, usabhā atirekapūjaṃ alabhamānā gogaṇaṃ na rakkhanti, parissayaṃ na vārenti. Evamassa gogaṇo parihāyati, pañcagorasato paribāhiro hoti.
347. ид̇хаад̇и имасмим̣ саасанз. на руубан̃н̃уу ход̇ийд̇и, ‘‘жад̇д̇аари махаабхууд̇аани жад̇уннан̃жа махаабхууд̇аанам̣ убаад̣̇ааяарууба’’нд̇и звам̣ вуд̇д̇аруубам̣ д̣̇вийхаагаарзхи на ж̇аанаад̇и г̇ан̣анад̇о ваа самудтаанад̇о ваа. г̇ан̣анад̇о на ж̇аанаад̇и наама, ‘‘жагкааяад̇анам̣, сод̇а-гхаана-ж̇ивхаа-гааяааяад̇анам̣, рууба-сад̣̇д̣̇а-г̇анд̇ха-раса-подтаб̣б̣ааяад̇анам̣, ид̇т̇инд̣̇рияам̣, бурисинд̣̇рияам̣, ж̇ийвид̇инд̣̇рияам̣, гааяавин̃н̃ад̇д̇и, важийвин̃н̃ад̇д̇и, аагаасад̇хаад̇у, аабод̇хаад̇у, руубасса лахуд̇аа, муд̣̇уд̇аа, гамман̃н̃ад̇аа, убажаяо, санд̇ад̇и, ж̇арад̇аа, руубасса анижжад̇аа, габ̣ал̣ийгааро аахааро’’д̇и звам̣ баал̣ияам̣ ааг̇ад̇аа бан̃жавийсад̇и руубагодтаасаад̇и на ж̇аанаад̇и. сзяяат̇ааби со г̇обаалаго г̇ан̣анад̇о г̇уннам̣ руубам̣ на ж̇аанаад̇и, д̇ат̇уубамо аяам̣ бхигку. со г̇ан̣анад̇о руубам̣ аж̇аананд̇о руубам̣ бариг̇г̇ахзд̇ваа аруубам̣ вавад̇т̇абзд̇ваа руубааруубам̣ бариг̇г̇ахзд̇ваа бажжаяам̣ саллагкзд̇ваа лагкан̣ам̣ ааробзд̇ваа гаммадтаанам̣ мад̇т̇агам̣ баабзд̇ум̣ на саггод̇и. со яат̇аа д̇асса г̇обаалагасса г̇ог̇ан̣о на вад̣дхад̇и, звам̣ имасмим̣ саасанз сийласамаад̇хивибассанаамаг̇г̇апаланиб̣б̣аанзхи на вад̣дхад̇и, яат̇аа жа со г̇обаалаго бан̃жахи г̇орасзхи бариб̣аахиро ход̇и, звам̣ асзгкзна сийлагканд̇хзна, асзгкзна самаад̇хи, бан̃н̃аа, вимуд̇д̇и, вимуд̇д̇ин̃аан̣ад̣̇ассанагканд̇хзнаад̇и бан̃жахи д̇хаммагканд̇хзхи бариб̣аахиро ход̇и.
347.Idhāti imasmiṃ sāsane. Na rūpaññū hotīti, ‘‘cattāri mahābhūtāni catunnañca mahābhūtānaṃ upādāyarūpa’’nti evaṃ vuttarūpaṃ dvīhākārehi na jānāti gaṇanato vā samuṭṭhānato vā. Gaṇanato na jānāti nāma, ‘‘cakkhāyatanaṃ, sota-ghāna-jivhā-kāyāyatanaṃ, rūpa-sadda-gandha-rasa-phoṭṭhabbāyatanaṃ, itthindriyaṃ, purisindriyaṃ, jīvitindriyaṃ, kāyaviññatti, vacīviññatti, ākāsadhātu, āpodhātu, rūpassa lahutā, mudutā, kammaññatā, upacayo, santati, jaratā, rūpassa aniccatā, kabaḷīkāro āhāro’’ti evaṃ pāḷiyaṃ āgatā pañcavīsati rūpakoṭṭhāsāti na jānāti. Seyyathāpi so gopālako gaṇanato gunnaṃ rūpaṃ na jānāti, tathūpamo ayaṃ bhikkhu. So gaṇanato rūpaṃ ajānanto rūpaṃ pariggahetvā arūpaṃ vavatthapetvā rūpārūpaṃ pariggahetvā paccayaṃ sallakkhetvā lakkhaṇaṃ āropetvā kammaṭṭhānaṃ matthakaṃ pāpetuṃ na sakkoti. So yathā tassa gopālakassa gogaṇo na vaḍḍhati, evaṃ imasmiṃ sāsane sīlasamādhivipassanāmaggaphalanibbānehi na vaḍḍhati, yathā ca so gopālako pañcahi gorasehi paribāhiro hoti, evaṃ asekkhena sīlakkhandhena, asekkhena samādhi, paññā, vimutti, vimuttiñāṇadassanakkhandhenāti pañcahi dhammakkhandhehi paribāhiro hoti.
самудтаанад̇о на ж̇аанаад̇и наама, ‘‘зд̇д̇агам̣ руубам̣ згасамудтаанам̣, зд̇д̇агам̣ д̣̇висамудтаанам̣, зд̇д̇агам̣ д̇исамудтаанам̣, зд̇д̇агам̣ жад̇усамудтаанам̣, зд̇д̇агам̣ на гуд̇ожисамудтаад̇ий’’д̇и на ж̇аанаад̇и. сзяяат̇ааби со г̇обаалаго ван̣н̣ад̇о г̇уннам̣ руубам̣ на ж̇аанаад̇и, д̇ат̇уубамо аяам̣ бхигку. со самудтаанад̇о руубам̣ аж̇аананд̇о руубам̣ бариг̇г̇ахзд̇ваа аруубам̣ вавад̇т̇абзд̇ваа…бз… бариб̣аахиро ход̇и.
Samuṭṭhānato na jānāti nāma, ‘‘ettakaṃ rūpaṃ ekasamuṭṭhānaṃ, ettakaṃ dvisamuṭṭhānaṃ, ettakaṃ tisamuṭṭhānaṃ, ettakaṃ catusamuṭṭhānaṃ, ettakaṃ na kutocisamuṭṭhātī’’ti na jānāti. Seyyathāpi so gopālako vaṇṇato gunnaṃ rūpaṃ na jānāti, tathūpamo ayaṃ bhikkhu. So samuṭṭhānato rūpaṃ ajānanto rūpaṃ pariggahetvā arūpaṃ vavatthapetvā…pe… paribāhiro hoti.
на лагкан̣агусало ход̇ийд̇и гаммалагкан̣о б̣аало, гаммалагкан̣о бан̣д̣ид̇од̇и звам̣ вуд̇д̇ам̣ гусалаагусалам̣ гаммам̣ бан̣д̣ид̇аб̣аалалагкан̣анд̇и на ж̇аанаад̇и. со звам̣ аж̇аананд̇о б̣аалз важ̇ж̇зд̇ваа бан̣д̣ид̇з на сзвад̇и, б̣аалз важ̇ж̇зд̇ваа бан̣д̣ид̇з асзванд̇о габбияаагаббияам̣ гусалаагусалам̣ сааваж̇ж̇аанаваж̇ж̇ам̣ г̇аругалахугам̣ сад̇згижчаад̇згижчам̣ гааран̣аагааран̣ам̣ на ж̇аанаад̇и; д̇ам̣ аж̇аананд̇о гаммадтаанам̣ г̇ахзд̇ваа вад̣дхзд̇ум̣ на саггод̇и. со яат̇аа д̇асса г̇обаалагасса г̇ог̇ан̣о на вад̣дхад̇и, звам̣ имасмим̣ саасанз яат̇аавуд̇д̇зхи сийлаад̣̇ийхи на вад̣дхад̇и, г̇обаалаго вияа жа бан̃жахи г̇орасзхи бан̃жахи д̇хаммагканд̇хзхи бариб̣аахиро ход̇и.
Na lakkhaṇakusalo hotīti kammalakkhaṇo bālo, kammalakkhaṇo paṇḍitoti evaṃ vuttaṃ kusalākusalaṃ kammaṃ paṇḍitabālalakkhaṇanti na jānāti. So evaṃ ajānanto bāle vajjetvā paṇḍite na sevati, bāle vajjetvā paṇḍite asevanto kappiyākappiyaṃ kusalākusalaṃ sāvajjānavajjaṃ garukalahukaṃ satekicchaatekicchaṃ kāraṇākāraṇaṃ na jānāti; taṃ ajānanto kammaṭṭhānaṃ gahetvā vaḍḍhetuṃ na sakkoti. So yathā tassa gopālakassa gogaṇo na vaḍḍhati, evaṃ imasmiṃ sāsane yathāvuttehi sīlādīhi na vaḍḍhati, gopālako viya ca pañcahi gorasehi pañcahi dhammakkhandhehi paribāhiro hoti.
на аасаадигам̣ хаарзд̇аа ход̇ийд̇и уббаннам̣ гаамавид̇агганд̇и звам̣ вуд̇д̇з гаамавид̇аггаад̣̇игз на винод̣̇зд̇и, со имам̣ агусалавид̇аггам̣ аасаадигам̣ ахаарзд̇ваа вид̇аггавасиго худ̇ваа вижаранд̇о гаммадтаанам̣ г̇ахзд̇ваа вад̣дхзд̇ум̣ на саггод̇и, со яат̇аа д̇асса г̇обаалагасса…бз… бариб̣аахиро ход̇и.
Na āsāṭikaṃ hāretā hotīti uppannaṃ kāmavitakkanti evaṃ vutte kāmavitakkādike na vinodeti, so imaṃ akusalavitakkaṃ āsāṭikaṃ ahāretvā vitakkavasiko hutvā vicaranto kammaṭṭhānaṃ gahetvā vaḍḍhetuṃ na sakkoti, so yathā tassa gopālakassa…pe… paribāhiro hoti.
на ван̣ам̣ бадижчаад̣̇зд̇аа ход̇ийд̇и жагкунаа руубам̣ д̣̇исваа нимид̇д̇аг̇г̇аахий ход̇ийд̇иаад̣̇инаа наязна саб̣б̣аарамман̣зсу нимид̇д̇ам̣ г̇ан̣ханд̇о яат̇аа со г̇обаалаго ван̣ам̣ на бадижчаад̣̇зд̇и, звам̣ сам̣варам̣ на самбаад̣̇зд̇и. со вивадад̣̇вааро вижаранд̇о гаммадтаанам̣ г̇ахзд̇ваа вад̣дхзд̇ум̣ на саггод̇и…бз… бариб̣аахиро ход̇и.
Na vaṇaṃ paṭicchādetā hotīti cakkhunā rūpaṃ disvā nimittaggāhī hotītiādinā nayena sabbārammaṇesu nimittaṃ gaṇhanto yathā so gopālako vaṇaṃ na paṭicchādeti, evaṃ saṃvaraṃ na sampādeti. So vivaṭadvāro vicaranto kammaṭṭhānaṃ gahetvā vaḍḍhetuṃ na sakkoti…pe… paribāhiro hoti.
на д̇хуумам̣ гад̇д̇аа ход̇ийд̇и со г̇обаалаго д̇хуумам̣ вияа д̇хаммад̣̇зсанаад̇хуумам̣ на гарод̇и, д̇хаммагат̇ам̣ ваа сарабхан̃н̃ам̣ ваа убанисиннагат̇ам̣ ваа анумод̣̇анам̣ ваа на гарод̇и . д̇ад̇о нам̣ мануссаа б̣ахуссуд̇о г̇ун̣аваад̇и на ж̇аананд̇и, д̇з г̇ун̣ааг̇ун̣ам̣ аж̇аананд̇аа жад̇уухи бажжаязхи сан̇г̇ахам̣ на гаронд̇и . со бажжаязхи гиламамаано б̣уд̣̇д̇хаважанам̣ саж̇жхааяам̣ гаад̇ум̣ вад̇д̇абадибад̇д̇им̣ буурзд̇ум̣ гаммадтаанам̣ г̇ахзд̇ваа вад̣дхзд̇ум̣ на саггод̇и…бз… бариб̣аахиро ход̇и.
Na dhūmaṃ kattā hotīti so gopālako dhūmaṃ viya dhammadesanādhūmaṃ na karoti, dhammakathaṃ vā sarabhaññaṃ vā upanisinnakathaṃ vā anumodanaṃ vā na karoti . Tato naṃ manussā bahussuto guṇavāti na jānanti, te guṇāguṇaṃ ajānantā catūhi paccayehi saṅgahaṃ na karonti . So paccayehi kilamamāno buddhavacanaṃ sajjhāyaṃ kātuṃ vattapaṭipattiṃ pūretuṃ kammaṭṭhānaṃ gahetvā vaḍḍhetuṃ na sakkoti…pe… paribāhiro hoti.
на д̇ид̇т̇ам̣ ж̇аанаад̇ийд̇и д̇ид̇т̇абхууд̇з б̣ахуссуд̇абхигкуу на убасан̇гамад̇и, убасан̇гаманд̇о, ‘‘ид̣̇ам̣, бханд̇з, б̣яан̃ж̇анам̣ гат̇ам̣ робзд̇аб̣б̣ам̣, имасса бхаасид̇асса го ад̇т̇о, имасмим̣ таанз баал̣и гим̣ вад̣̇зд̇и, имасмим̣ таанз ад̇т̇о гим̣ д̣̇ийбзд̇ий’’д̇и звам̣ на барибужчад̇и на барибан̃хад̇и, на ж̇аанаабзд̇ийд̇и ад̇т̇о. д̇асса д̇з звам̣ абарибужчад̇о авивадан̃жзва на виваранд̇и, бхааж̇зд̇ваа на д̣̇ассзнд̇и, ануд̇д̇аанийгад̇ан̃жа на уд̇д̇аанийгаронд̇и, абаагадам̣ на баагадам̣ гаронд̇и. анзгавихид̇зсу жа ган̇каатааниязсу д̇хаммзсууд̇и анзгавид̇хаасу ган̇каасу згам̣ ган̇камби на бадивинод̣̇знд̇и. ган̇каа зва хи ган̇каатаанияаа д̇хаммаа наама. д̇ад̇т̇а згам̣ ган̇камби на нийхаранд̇ийд̇и ад̇т̇о. со звам̣ б̣ахуссуд̇ад̇ид̇т̇ам̣ анубасан̇гамид̇ваа саган̇ко гаммадтаанам̣ г̇ахзд̇ваа вад̣дхзд̇ум̣ на саггод̇и. яат̇аа жа со г̇обаалаго д̇ид̇т̇ам̣ на ж̇аанаад̇и, звам̣ аяамби бхигку д̇хаммад̇ид̇т̇ам̣ на ж̇аанаад̇и, аж̇аананд̇о ависаяз бан̃хам̣ бужчад̇и, абхид̇хаммигам̣ убасан̇гамид̇ваа габбияаагаббияам̣ бужчад̇и, винаяад̇харам̣ убасан̇гамид̇ваа руубааруубабарижчзд̣̇ам̣ бужчад̇и. д̇з ависаяз будтаа гат̇зд̇ум̣ на саггонд̇и, со ад̇д̇анаа саган̇ко гаммадтаанам̣ г̇ахзд̇ваа вад̣дхзд̇ум̣ на саггод̇и…бз… бариб̣аахиро ход̇и.
Na titthaṃ jānātīti titthabhūte bahussutabhikkhū na upasaṅkamati, upasaṅkamanto, ‘‘idaṃ, bhante, byañjanaṃ kathaṃ ropetabbaṃ, imassa bhāsitassa ko attho, imasmiṃ ṭhāne pāḷi kiṃ vadeti, imasmiṃ ṭhāne attho kiṃ dīpetī’’ti evaṃ na paripucchati na paripañhati, na jānāpetīti attho. Tassa te evaṃ aparipucchato avivaṭañceva na vivaranti, bhājetvā na dassenti, anuttānīkatañca na uttānīkaronti, apākaṭaṃ na pākaṭaṃ karonti. Anekavihitesu ca kaṅkhāṭhāniyesu dhammesūti anekavidhāsu kaṅkhāsu ekaṃ kaṅkhampi na paṭivinodenti. Kaṅkhā eva hi kaṅkhāṭhāniyā dhammā nāma. Tattha ekaṃ kaṅkhampi na nīharantīti attho. So evaṃ bahussutatitthaṃ anupasaṅkamitvā sakaṅkho kammaṭṭhānaṃ gahetvā vaḍḍhetuṃ na sakkoti. Yathā ca so gopālako titthaṃ na jānāti, evaṃ ayampi bhikkhu dhammatitthaṃ na jānāti, ajānanto avisaye pañhaṃ pucchati, abhidhammikaṃ upasaṅkamitvā kappiyākappiyaṃ pucchati, vinayadharaṃ upasaṅkamitvā rūpārūpaparicchedaṃ pucchati. Te avisaye puṭṭhā kathetuṃ na sakkonti, so attanā sakaṅkho kammaṭṭhānaṃ gahetvā vaḍḍhetuṃ na sakkoti…pe… paribāhiro hoti.
на бийд̇ам̣ ж̇аанаад̇ийд̇и яат̇аа со г̇обаалаго бийд̇аабийд̇ам̣ на ж̇аанаад̇и, звам̣ д̇хаммуубасан̃хид̇ам̣ баамож̇ж̇ам̣ на ж̇аанаад̇и на лабхад̇и, саванамаяам̣ бун̃н̃агирияавад̇т̇ум̣ ниссааяа аанисам̣сам̣ на винд̣̇ад̇и, д̇хаммассаванаг̇г̇ам̣ г̇анд̇ваа саггажжам̣ на сун̣аад̇и, нисинно нид̣̇д̣̇ааяад̇и, гат̇ам̣ гат̇зд̇и, ан̃н̃авихид̇аго ход̇и, со саггажжам̣ д̇хаммам̣ асун̣анд̇о гаммадтаанам̣ г̇ахзд̇ваа вад̣дхзд̇ум̣ на саггод̇и…бз… бариб̣аахиро ход̇и.
Na pītaṃ jānātīti yathā so gopālako pītāpītaṃ na jānāti, evaṃ dhammūpasañhitaṃ pāmojjaṃ na jānāti na labhati, savanamayaṃ puññakiriyavatthuṃ nissāya ānisaṃsaṃ na vindati, dhammassavanaggaṃ gantvā sakkaccaṃ na suṇāti, nisinno niddāyati, kathaṃ katheti, aññavihitako hoti, so sakkaccaṃ dhammaṃ asuṇanto kammaṭṭhānaṃ gahetvā vaḍḍhetuṃ na sakkoti…pe… paribāhiro hoti.
на вийт̇им̣ ж̇аанаад̇ийд̇и со г̇обаалаго маг̇г̇аамаг̇г̇ам̣ вияа, – ‘‘аяам̣ логияо аяам̣ логуд̇д̇аро’’д̇и арияам̣ адтан̇г̇игам̣ маг̇г̇ам̣ яат̇аабхууд̇ам̣ на баж̇аанаад̇и. аж̇аананд̇о логияамаг̇г̇з абхинивисид̇ваа логуд̇д̇арам̣ ниб̣б̣ад̇д̇зд̇ум̣ на саггод̇и…бз… бариб̣аахиро ход̇и.
Na vīthiṃ jānātīti so gopālako maggāmaggaṃ viya, – ‘‘ayaṃ lokiyo ayaṃ lokuttaro’’ti ariyaṃ aṭṭhaṅgikaṃ maggaṃ yathābhūtaṃ na pajānāti. Ajānanto lokiyamagge abhinivisitvā lokuttaraṃ nibbattetuṃ na sakkoti…pe… paribāhiro hoti.
на г̇ожарагусало ход̇ийд̇и со г̇обаалаго бан̃жаахигаваарз сад̇д̇аахигаваарз вияа жад̇д̇ааро сад̇ибадтаанз , ‘‘имз логияаа имз логуд̇д̇араа’’д̇и яат̇аабхууд̇ам̣ на баж̇аанаад̇и. аж̇аананд̇о сукумадтаанзсу ад̇д̇ано н̃аан̣ам̣ жараабзд̇ваа логияасад̇ибадтаанз абхинивисид̇ваа логуд̇д̇арам̣ ниб̣б̣ад̇д̇зд̇ум̣ на саггод̇и…бз… бариб̣аахиро ход̇и.
Na gocarakusalo hotīti so gopālako pañcāhikavāre sattāhikavāre viya cattāro satipaṭṭhāne , ‘‘ime lokiyā ime lokuttarā’’ti yathābhūtaṃ na pajānāti. Ajānanto sukhumaṭṭhānesu attano ñāṇaṃ carāpetvā lokiyasatipaṭṭhāne abhinivisitvā lokuttaraṃ nibbattetuṃ na sakkoti…pe… paribāhiro hoti.
анавасзсад̣̇охий жа ход̇ийд̇и бадиг̇г̇ахан̣з мад̇д̇ам̣ аж̇аананд̇о анавасзсам̣ д̣̇ухад̇и. нид̣̇д̣̇зсаваарз банасса абхихадтум̣ баваарзнд̇ийд̇и абхихарид̇ваа баваарзнд̇и. зд̇т̇а д̣̇вз абхихаараа ваажаабхихааро жа бажжаяаабхихааро жа. ваажаабхихааро наама мануссаа бхигкусса санд̇игам̣ г̇анд̇ваа, ‘‘вад̣̇зяяаат̇а, бханд̇з, язнад̇т̇о’’д̇и баваарзнд̇и. бажжаяаабхихааро наама вад̇т̇аад̣̇ийни ваа д̇злапаан̣ид̇аад̣̇ийни ваа г̇ахзд̇ваа бхигкусса санд̇игам̣ г̇анд̇ваа, ‘‘г̇ан̣хат̇а, бханд̇з, яаавад̇агзна ад̇т̇о’’д̇и вад̣̇анд̇и. д̇ад̇ра бхигку мад̇д̇ам̣ на ж̇аанаад̇ийд̇и бхигку д̇зсу бажжаязсу бамаан̣ам̣ на ж̇аанаад̇и, – ‘‘д̣̇ааяагасса васо взд̣̇ид̇аб̣б̣о, д̣̇зяяад̇хаммасса васо взд̣̇ид̇аб̣б̣о, ад̇д̇ано т̇аамо взд̣̇ид̇аб̣б̣о’’д̇и рат̇авинийд̇з вуд̇д̇анаязна бамаан̣аяуд̇д̇ам̣ аг̇г̇ахзд̇ваа яам̣ аахаранд̇и, д̇ам̣ саб̣б̣ам̣ г̇ан̣хаад̇ийд̇и ад̇т̇о. мануссаа виббадисаарино на буна абхихарид̇ваа баваарзнд̇и. со бажжаязхи гиламанд̇о гаммадтаанам̣ г̇ахзд̇ваа вад̣дхзд̇ум̣ на саггод̇и…бз… бариб̣аахиро ход̇и.
Anavasesadohī ca hotīti paṭiggahaṇe mattaṃ ajānanto anavasesaṃ duhati. Niddesavāre panassa abhihaṭṭhuṃ pavārentīti abhiharitvā pavārenti. Ettha dve abhihārā vācābhihāro ca paccayābhihāro ca. Vācābhihāro nāma manussā bhikkhussa santikaṃ gantvā, ‘‘vadeyyātha, bhante, yenattho’’ti pavārenti. Paccayābhihāro nāma vatthādīni vā telaphāṇitādīni vā gahetvā bhikkhussa santikaṃ gantvā, ‘‘gaṇhatha, bhante, yāvatakena attho’’ti vadanti. Tatra bhikkhu mattaṃ na jānātīti bhikkhu tesu paccayesu pamāṇaṃ na jānāti, – ‘‘dāyakassa vaso veditabbo, deyyadhammassa vaso veditabbo, attano thāmo veditabbo’’ti rathavinīte vuttanayena pamāṇayuttaṃ aggahetvā yaṃ āharanti, taṃ sabbaṃ gaṇhātīti attho. Manussā vippaṭisārino na puna abhiharitvā pavārenti. So paccayehi kilamanto kammaṭṭhānaṃ gahetvā vaḍḍhetuṃ na sakkoti…pe… paribāhiro hoti.
д̇з на ад̇ирзгабууж̇ааяа бууж̇зд̇аа ход̇ийд̇и со г̇обаалаго махааусабхз вияа д̇з т̇зрз бхигкуу имааяа аави жзва рахо жа мзд̇д̇ааяа гааяагаммаад̣̇игааяа ад̇ирзгабууж̇ааяа на бууж̇зд̇и. д̇ад̇о т̇зраа, – ‘‘имз амхзсу г̇аружид̇д̇ийгаарам̣ на гаронд̇ий’’д̇и навагз бхигкуу д̣̇вийхи сан̇г̇ахзхи на сан̇г̇ан̣ханд̇и, на аамисасан̇г̇ахзна жийварзна ваа бад̇д̇зна ваа бад̇д̇абарияаабаннзна ваа васанадтаанзна ваа. гиламанд̇з милааяанд̇зби наббадиж̇аг̇г̇анд̇и. баал̣им̣ ваа адтагат̇ам̣ ваа д̇хаммагат̇ааб̣анд̇хам̣ ваа г̇уяхаг̇ант̇ам̣ ваа на сигкаабзнд̇и. навагаа т̇зраанам̣ санд̇игаа саб̣б̣асо имз д̣̇вз сан̇г̇ахз алабхамаанаа имасмим̣ саасанз бад̇идтаад̇ум̣ на саггонд̇и. яат̇аа д̇асса г̇обаалагасса г̇ог̇ан̣о на вад̣дхад̇и, звам̣ сийлаад̣̇ийни на вад̣дханд̇и. яат̇аа жа со г̇обаалаго бан̃жахи г̇орасзхи бариб̣аахиро ход̇и, звам̣ бан̃жахи д̇хаммагканд̇хзхи бариб̣аахираа хонд̇и. суггабагко ган̣хабагкз вуд̇д̇авибаллаасавасзна яож̇зд̇ваа взд̣̇ид̇аб̣б̣од̇и.
Te na atirekapūjāya pūjetā hotīti so gopālako mahāusabhe viya te there bhikkhū imāya āvi ceva raho ca mettāya kāyakammādikāya atirekapūjāya na pūjeti. Tato therā, – ‘‘ime amhesu garucittīkāraṃ na karontī’’ti navake bhikkhū dvīhi saṅgahehi na saṅgaṇhanti, na āmisasaṅgahena cīvarena vā pattena vā pattapariyāpannena vā vasanaṭṭhānena vā. Kilamante milāyantepi nappaṭijagganti. Pāḷiṃ vā aṭṭhakathaṃ vā dhammakathābandhaṃ vā guyhaganthaṃ vā na sikkhāpenti. Navakā therānaṃ santikā sabbaso ime dve saṅgahe alabhamānā imasmiṃ sāsane patiṭṭhātuṃ na sakkonti. Yathā tassa gopālakassa gogaṇo na vaḍḍhati, evaṃ sīlādīni na vaḍḍhanti. Yathā ca so gopālako pañcahi gorasehi paribāhiro hoti, evaṃ pañcahi dhammakkhandhehi paribāhirā honti. Sukkapakkho kaṇhapakkhe vuttavipallāsavasena yojetvā veditabboti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махааг̇обаалагасуд̇д̇аван̣н̣анаа нидтид̇аа.
Mahāgopālakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. махааг̇обаалагасуд̇д̇ам̣ • 3. Mahāgopālakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. махааг̇обаалагасуд̇д̇аван̣н̣анаа • 3. Mahāgopālakasuttavaṇṇanā
