| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੨. ਮਹਾਗੋਸਿਙ੍ਗਸੁਤ੍ਤਂ
2. Mahāgosiṅgasuttaṃ
੩੩੨. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਗੋਸਿਙ੍ਗਸਾਲવਨਦਾਯੇ વਿਹਰਤਿ ਸਮ੍ਬਹੁਲੇਹਿ ਅਭਿਞ੍ਞਾਤੇਹਿ ਅਭਿਞ੍ਞਾਤੇਹਿ ਥੇਰੇਹਿ ਸਾવਕੇਹਿ ਸਦ੍ਧਿਂ – ਆਯਸ੍ਮਤਾ ਚ ਸਾਰਿਪੁਤ੍ਤੇਨ ਆਯਸ੍ਮਤਾ ਚ ਮਹਾਮੋਗ੍ਗਲ੍ਲਾਨੇਨ ਆਯਸ੍ਮਤਾ ਚ ਮਹਾਕਸ੍ਸਪੇਨ ਆਯਸ੍ਮਤਾ ਚ ਅਨੁਰੁਦ੍ਧੇਨ ਆਯਸ੍ਮਤਾ ਚ ਰੇવਤੇਨ ਆਯਸ੍ਮਤਾ ਚ ਆਨਨ੍ਦੇਨ, ਅਞ੍ਞੇਹਿ ਚ ਅਭਿਞ੍ਞਾਤੇਹਿ ਅਭਿਞ੍ਞਾਤੇਹਿ ਥੇਰੇਹਿ ਸਾવਕੇਹਿ ਸਦ੍ਧਿਂ। ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਸਾਯਨ੍ਹਸਮਯਂ ਪਟਿਸਲ੍ਲਾਨਾ વੁਟ੍ਠਿਤੋ ਯੇਨਾਯਸ੍ਮਾ ਮਹਾਕਸ੍ਸਪੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਮਹਾਕਸ੍ਸਪਂ ਏਤਦવੋਚ – ‘‘ਆਯਾਮਾવੁਸੋ, ਕਸ੍ਸਪ, ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿਸ੍ਸਾਮ ਧਮ੍ਮਸ੍ਸવਨਾਯਾ’’ਤਿ। ‘‘ਏવਮਾવੁਸੋ’’ਤਿ ਖੋ ਆਯਸ੍ਮਾ ਮਹਾਕਸ੍ਸਪੋ ਆਯਸ੍ਮਤੋ ਮਹਾਮੋਗ੍ਗਲ੍ਲਾਨਸ੍ਸ ਪਚ੍ਚਸ੍ਸੋਸਿ। ਅਥ ਖੋ ਆਯਸ੍ਮਾ ਚ ਮਹਾਮੋਗ੍ਗਲ੍ਲਾਨੋ ਆਯਸ੍ਮਾ ਚ ਮਹਾਕਸ੍ਸਪੋ ਆਯਸ੍ਮਾ ਚ ਅਨੁਰੁਦ੍ਧੋ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿਂਸੁ ਧਮ੍ਮਸ੍ਸવਨਾਯ। ਅਦ੍ਦਸਾ ਖੋ ਆਯਸ੍ਮਾ ਆਨਨ੍ਦੋ ਆਯਸ੍ਮਨ੍ਤਞ੍ਚ ਮਹਾਮੋਗ੍ਗਲ੍ਲਾਨਂ ਆਯਸ੍ਮਨ੍ਤਞ੍ਚ ਮਹਾਕਸ੍ਸਪਂ ਆਯਸ੍ਮਨ੍ਤਞ੍ਚ ਅਨੁਰੁਦ੍ਧਂ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਨ੍ਤੇ ਧਮ੍ਮਸ੍ਸવਨਾਯ। ਦਿਸ੍વਾਨ ਯੇਨਾਯਸ੍ਮਾ ਰੇવਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਨ੍ਤਂ ਰੇવਤਂ ਏਤਦવੋਚ – ‘‘ਉਪਸਙ੍ਕਮਨ੍ਤਾ ਖੋ ਅਮੂ, ਆવੁਸੋ 1 ਰੇવਤ, ਸਪ੍ਪੁਰਿਸਾ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨ ਧਮ੍ਮਸ੍ਸવਨਾਯ। ਆਯਾਮਾવੁਸੋ ਰੇવਤ, ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿਸ੍ਸਾਮ ਧਮ੍ਮਸ੍ਸવਨਾਯਾ’’ਤਿ। ‘‘ਏવਮਾવੁਸੋ’’ਤਿ ਖੋ ਆਯਸ੍ਮਾ ਰੇવਤੋ ਆਯਸ੍ਮਤੋ ਆਨਨ੍ਦਸ੍ਸ ਪਚ੍ਚਸ੍ਸੋਸਿ। ਅਥ ਖੋ ਆਯਸ੍ਮਾ ਚ ਰੇવਤੋ ਆਯਸ੍ਮਾ ਚ ਆਨਨ੍ਦੋ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿਂਸੁ ਧਮ੍ਮਸ੍ਸવਨਾਯ।
332. Evaṃ me sutaṃ – ekaṃ samayaṃ bhagavā gosiṅgasālavanadāye viharati sambahulehi abhiññātehi abhiññātehi therehi sāvakehi saddhiṃ – āyasmatā ca sāriputtena āyasmatā ca mahāmoggallānena āyasmatā ca mahākassapena āyasmatā ca anuruddhena āyasmatā ca revatena āyasmatā ca ānandena, aññehi ca abhiññātehi abhiññātehi therehi sāvakehi saddhiṃ. Atha kho āyasmā mahāmoggallāno sāyanhasamayaṃ paṭisallānā vuṭṭhito yenāyasmā mahākassapo tenupasaṅkami; upasaṅkamitvā āyasmantaṃ mahākassapaṃ etadavoca – ‘‘āyāmāvuso, kassapa, yenāyasmā sāriputto tenupasaṅkamissāma dhammassavanāyā’’ti. ‘‘Evamāvuso’’ti kho āyasmā mahākassapo āyasmato mahāmoggallānassa paccassosi. Atha kho āyasmā ca mahāmoggallāno āyasmā ca mahākassapo āyasmā ca anuruddho yenāyasmā sāriputto tenupasaṅkamiṃsu dhammassavanāya. Addasā kho āyasmā ānando āyasmantañca mahāmoggallānaṃ āyasmantañca mahākassapaṃ āyasmantañca anuruddhaṃ yenāyasmā sāriputto tenupasaṅkamante dhammassavanāya. Disvāna yenāyasmā revato tenupasaṅkami; upasaṅkamitvā āyasmantaṃ revataṃ etadavoca – ‘‘upasaṅkamantā kho amū, āvuso 2 revata, sappurisā yenāyasmā sāriputto tena dhammassavanāya. Āyāmāvuso revata, yenāyasmā sāriputto tenupasaṅkamissāma dhammassavanāyā’’ti. ‘‘Evamāvuso’’ti kho āyasmā revato āyasmato ānandassa paccassosi. Atha kho āyasmā ca revato āyasmā ca ānando yenāyasmā sāriputto tenupasaṅkamiṃsu dhammassavanāya.
੩੩੩. ਅਦ੍ਦਸਾ ਖੋ ਆਯਸ੍ਮਾ ਸਾਰਿਪੁਤ੍ਤੋ ਆਯਸ੍ਮਨ੍ਤਞ੍ਚ ਰੇવਤਂ ਆਯਸ੍ਮਨ੍ਤਞ੍ਚ ਆਨਨ੍ਦਂ ਦੂਰਤੋવ ਆਗਚ੍ਛਨ੍ਤੇ। ਦਿਸ੍વਾਨ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚ – ‘‘ਏਤੁ ਖੋ ਆਯਸ੍ਮਾ ਆਨਨ੍ਦੋ! ਸ੍વਾਗਤਂ ਆਯਸ੍ਮਤੋ ਆਨਨ੍ਦਸ੍ਸ ਭਗવਤੋ ਉਪਟ੍ਠਾਕਸ੍ਸ ਭਗવਤੋ ਸਨ੍ਤਿਕਾવਚਰਸ੍ਸ! ਰਮਣੀਯਂ, ਆવੁਸੋ ਆਨਨ੍ਦ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ 3 ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਆਨਨ੍ਦ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ? ‘‘ਇਧਾવੁਸੋ ਸਾਰਿਪੁਤ੍ਤ , ਭਿਕ੍ਖੁ ਬਹੁਸ੍ਸੁਤੋ ਹੋਤਿ ਸੁਤਧਰੋ ਸੁਤਸਨ੍ਨਿਚਯੋ। ਯੇ ਤੇ ਧਮ੍ਮਾ ਆਦਿਕਲ੍ਯਾਣਾ ਮਜ੍ਝੇਕਲ੍ਯਾਣਾ ਪਰਿਯੋਸਾਨਕਲ੍ਯਾਣਾ ਸਾਤ੍ਥਾ ਸਬ੍ਯਞ੍ਜਨਾ; ਕੇવਲਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਅਭਿવਦਨ੍ਤਿ, ਤਥਾਰੂਪਾਸ੍ਸ ਧਮ੍ਮਾ ਬਹੁਸ੍ਸੁਤਾ ਹੋਨ੍ਤਿ, ਧਾਤਾ 4, વਚਸਾ ਪਰਿਚਿਤਾ, ਮਨਸਾਨੁਪੇਕ੍ਖਿਤਾ, ਦਿਟ੍ਠਿਯਾ ਸੁਪ੍ਪਟਿવਿਦ੍ਧਾ। ਸੋ ਚਤਸ੍ਸਨ੍ਨਂ ਪਰਿਸਾਨਂ ਧਮ੍ਮਂ ਦੇਸੇਤਿ ਪਰਿਮਣ੍ਡਲੇਹਿ ਪਦਬ੍ਯਞ੍ਜਨੇਹਿ ਅਨੁਪ੍ਪਬਨ੍ਧੇਹਿ 5 ਅਨੁਸਯਸਮੁਗ੍ਘਾਤਾਯ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
333. Addasā kho āyasmā sāriputto āyasmantañca revataṃ āyasmantañca ānandaṃ dūratova āgacchante. Disvāna āyasmantaṃ ānandaṃ etadavoca – ‘‘etu kho āyasmā ānando! Svāgataṃ āyasmato ānandassa bhagavato upaṭṭhākassa bhagavato santikāvacarassa! Ramaṇīyaṃ, āvuso ānanda, gosiṅgasālavanaṃ, dosinā ratti, sabbaphāliphullā 6 sālā, dibbā, maññe, gandhā sampavanti; kathaṃrūpena, āvuso ānanda, bhikkhunā gosiṅgasālavanaṃ sobheyyā’’ti? ‘‘Idhāvuso sāriputta , bhikkhu bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā; kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti, dhātā 7, vacasā paricitā, manasānupekkhitā, diṭṭhiyā suppaṭividdhā. So catassannaṃ parisānaṃ dhammaṃ deseti parimaṇḍalehi padabyañjanehi anuppabandhehi 8 anusayasamugghātāya. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
੩੩੪. ਏવਂ વੁਤ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ ਆਯਸ੍ਮਨ੍ਤਂ ਰੇવਤਂ ਏਤਦવੋਚ – ‘‘ਬ੍ਯਾਕਤਂ ਖੋ, ਆવੁਸੋ ਰੇવਤ, ਆਯਸ੍ਮਤਾ ਆਨਨ੍ਦੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਰੇવਤਂ ਪੁਚ੍ਛਾਮ – ‘ਰਮਣੀਯਂ, ਆવੁਸੋ ਰੇવਤ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਰੇવਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ? ‘‘ਇਧਾવੁਸੋ ਸਾਰਿਪੁਤ੍ਤ, ਭਿਕ੍ਖੁ ਪਟਿਸਲ੍ਲਾਨਾਰਾਮੋ ਹੋਤਿ ਪਟਿਸਲ੍ਲਾਨਰਤੋ, ਅਜ੍ਝਤ੍ਤਂ ਚੇਤੋਸਮਥਮਨੁਯੁਤ੍ਤੋ ਅਨਿਰਾਕਤਜ੍ਝਾਨੋ, વਿਪਸ੍ਸਨਾਯ ਸਮਨ੍ਨਾਗਤੋ, ਬ੍ਰੂਹੇਤਾ ਸੁਞ੍ਞਾਗਾਰਾਨਂ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
334. Evaṃ vutte, āyasmā sāriputto āyasmantaṃ revataṃ etadavoca – ‘‘byākataṃ kho, āvuso revata, āyasmatā ānandena yathāsakaṃ paṭibhānaṃ. Tattha dāni mayaṃ āyasmantaṃ revataṃ pucchāma – ‘ramaṇīyaṃ, āvuso revata, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso revata, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, bhikkhu paṭisallānārāmo hoti paṭisallānarato, ajjhattaṃ cetosamathamanuyutto anirākatajjhāno, vipassanāya samannāgato, brūhetā suññāgārānaṃ. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
੩੩੫. ਏવਂ વੁਤ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ ਆਯਸ੍ਮਨ੍ਤਂ ਅਨੁਰੁਦ੍ਧਂ ਏਤਦવੋਚ – ‘‘ਬ੍ਯਾਕਤਂ ਖੋ, ਆવੁਸੋ ਅਨੁਰੁਦ੍ਧ, ਆਯਸ੍ਮਤਾ ਰੇવਤੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਅਨੁਰੁਦ੍ਧਂ ਪੁਚ੍ਛਾਮ – ‘ਰਮਣੀਯਂ, ਆવੁਸੋ ਅਨੁਰੁਦ੍ਧ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਅਨੁਰੁਦ੍ਧ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ? ‘‘ਇਧਾવੁਸੋ ਸਾਰਿਪੁਤ੍ਤ, ਭਿਕ੍ਖੁ ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਹਸ੍ਸਂ ਲੋਕਾਨਂ વੋਲੋਕੇਤਿ। ਸੇਯ੍ਯਥਾਪਿ, ਆવੁਸੋ ਸਾਰਿਪੁਤ੍ਤ, ਚਕ੍ਖੁਮਾ ਪੁਰਿਸੋ ਉਪਰਿਪਾਸਾਦવਰਗਤੋ ਸਹਸ੍ਸਂ ਨੇਮਿਮਣ੍ਡਲਾਨਂ વੋਲੋਕੇਯ੍ਯ; ਏવਮੇવ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁ ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਹਸ੍ਸਂ ਲੋਕਾਨਂ વੋਲੋਕੇਤਿ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
335. Evaṃ vutte, āyasmā sāriputto āyasmantaṃ anuruddhaṃ etadavoca – ‘‘byākataṃ kho, āvuso anuruddha, āyasmatā revatena yathāsakaṃ paṭibhānaṃ. Tattha dāni mayaṃ āyasmantaṃ anuruddhaṃ pucchāma – ‘ramaṇīyaṃ, āvuso anuruddha, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso anuruddha, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, bhikkhu dibbena cakkhunā visuddhena atikkantamānusakena sahassaṃ lokānaṃ voloketi. Seyyathāpi, āvuso sāriputta, cakkhumā puriso uparipāsādavaragato sahassaṃ nemimaṇḍalānaṃ volokeyya; evameva kho, āvuso sāriputta, bhikkhu dibbena cakkhunā visuddhena atikkantamānusakena sahassaṃ lokānaṃ voloketi. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
੩੩੬. ਏવਂ વੁਤ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ ਆਯਸ੍ਮਨ੍ਤਂ ਮਹਾਕਸ੍ਸਪਂ ਏਤਦવੋਚ – ‘‘ਬ੍ਯਾਕਤਂ ਖੋ, ਆવੁਸੋ ਕਸ੍ਸਪ, ਆਯਸ੍ਮਤਾ ਅਨੁਰੁਦ੍ਧੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਮਹਾਕਸ੍ਸਪਂ ਪੁਚ੍ਛਾਮ – ‘ਰਮਣੀਯਂ, ਆવੁਸੋ ਕਸ੍ਸਪ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਕਸ੍ਸਪ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ? ‘‘ਇਧਾવੁਸੋ ਸਾਰਿਪੁਤ੍ਤ, ਭਿਕ੍ਖੁ ਅਤ੍ਤਨਾ ਚ ਆਰਞ੍ਞਿਕੋ ਹੋਤਿ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਪਿਣ੍ਡਪਾਤਿਕੋ ਹੋਤਿ ਪਿਣ੍ਡਪਾਤਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਪਂਸੁਕੂਲਿਕੋ ਹੋਤਿ ਪਂਸੁਕੂਲਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਤੇਚੀવਰਿਕੋ ਹੋਤਿ ਤੇਚੀવਰਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਅਪ੍ਪਿਚ੍ਛੋ ਹੋਤਿ ਅਪ੍ਪਿਚ੍ਛਤਾਯ ਚ વਣ੍ਣવਾਦੀ, ਅਤ੍ਤਨਾ ਚ ਸਨ੍ਤੁਟ੍ਠੋ ਹੋਤਿ ਸਨ੍ਤੁਟ੍ਠਿਯਾ ਚ વਣ੍ਣવਾਦੀ, ਅਤ੍ਤਨਾ ਚ ਪવਿવਿਤ੍ਤੋ ਹੋਤਿ ਪવਿવੇਕਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਅਸਂਸਟ੍ਠੋ ਹੋਤਿ ਅਸਂਸਗ੍ਗਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਆਰਦ੍ਧવੀਰਿਯੋ ਹੋਤਿ વੀਰਿਯਾਰਮ੍ਭਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਸੀਲਸਮ੍ਪਨ੍ਨੋ ਹੋਤਿ ਸੀਲਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ ਸਮਾਧਿਸਮ੍ਪਨ੍ਨੋ ਹੋਤਿ ਸਮਾਧਿਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ ਪਞ੍ਞਾਸਮ੍ਪਨ੍ਨੋ ਹੋਤਿ ਪਞ੍ਞਾਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ વਿਮੁਤ੍ਤਿਸਮ੍ਪਨ੍ਨੋ ਹੋਤਿ વਿਮੁਤ੍ਤਿਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ વਿਮੁਤ੍ਤਿਞਾਣਦਸ੍ਸਨਸਮ੍ਪਨ੍ਨੋ ਹੋਤਿ વਿਮੁਤ੍ਤਿਞਾਣਦਸ੍ਸਨਸਮ੍ਪਦਾਯ ਚ વਣ੍ਣવਾਦੀ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ , ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
336. Evaṃ vutte, āyasmā sāriputto āyasmantaṃ mahākassapaṃ etadavoca – ‘‘byākataṃ kho, āvuso kassapa, āyasmatā anuruddhena yathāsakaṃ paṭibhānaṃ. Tattha dāni mayaṃ āyasmantaṃ mahākassapaṃ pucchāma – ‘ramaṇīyaṃ, āvuso kassapa, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso kassapa, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, bhikkhu attanā ca āraññiko hoti āraññikattassa ca vaṇṇavādī, attanā ca piṇḍapātiko hoti piṇḍapātikattassa ca vaṇṇavādī, attanā ca paṃsukūliko hoti paṃsukūlikattassa ca vaṇṇavādī, attanā ca tecīvariko hoti tecīvarikattassa ca vaṇṇavādī, attanā ca appiccho hoti appicchatāya ca vaṇṇavādī, attanā ca santuṭṭho hoti santuṭṭhiyā ca vaṇṇavādī, attanā ca pavivitto hoti pavivekassa ca vaṇṇavādī, attanā ca asaṃsaṭṭho hoti asaṃsaggassa ca vaṇṇavādī, attanā ca āraddhavīriyo hoti vīriyārambhassa ca vaṇṇavādī, attanā ca sīlasampanno hoti sīlasampadāya ca vaṇṇavādī, attanā ca samādhisampanno hoti samādhisampadāya ca vaṇṇavādī, attanā ca paññāsampanno hoti paññāsampadāya ca vaṇṇavādī, attanā ca vimuttisampanno hoti vimuttisampadāya ca vaṇṇavādī, attanā ca vimuttiñāṇadassanasampanno hoti vimuttiñāṇadassanasampadāya ca vaṇṇavādī. Evarūpena kho, āvuso sāriputta , bhikkhunā gosiṅgasālavanaṃ sobheyyā’’ti.
੩੩੭. ਏવਂ વੁਤ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ ਆਯਸ੍ਮਨ੍ਤਂ ਮਹਾਮੋਗ੍ਗਲ੍ਲਾਨਂ ਏਤਦવੋਚ – ‘‘ਬ੍ਯਾਕਤਂ ਖੋ, ਆવੁਸੋ ਮੋਗ੍ਗਲ੍ਲਾਨ, ਆਯਸ੍ਮਤਾ ਮਹਾਕਸ੍ਸਪੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਮਹਾਮੋਗ੍ਗਲ੍ਲਾਨਂ ਪੁਚ੍ਛਾਮ – ‘ਰਮਣੀਯਂ, ਆવੁਸੋ ਮੋਗ੍ਗਲ੍ਲਾਨ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ? ‘‘ਇਧਾવੁਸੋ ਸਾਰਿਪੁਤ੍ਤ, ਦ੍વੇ ਭਿਕ੍ਖੂ ਅਭਿਧਮ੍ਮਕਥਂ ਕਥੇਨ੍ਤਿ, ਤੇ ਅਞ੍ਞਮਞ੍ਞਂ ਪਞ੍ਹਂ ਪੁਚ੍ਛਨ੍ਤਿ, ਅਞ੍ਞਮਞ੍ਞਸ੍ਸ ਪਞ੍ਹਂ ਪੁਟ੍ਠਾ વਿਸ੍ਸਜ੍ਜੇਨ੍ਤਿ, ਨੋ ਚ ਸਂਸਾਦੇਨ੍ਤਿ 9, ਧਮ੍ਮੀ ਚ ਨੇਸਂ ਕਥਾ ਪવਤ੍ਤਿਨੀ ਹੋਤਿ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
337. Evaṃ vutte, āyasmā sāriputto āyasmantaṃ mahāmoggallānaṃ etadavoca – ‘‘byākataṃ kho, āvuso moggallāna, āyasmatā mahākassapena yathāsakaṃ paṭibhānaṃ. Tattha dāni mayaṃ āyasmantaṃ mahāmoggallānaṃ pucchāma – ‘ramaṇīyaṃ, āvuso moggallāna, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso moggallāna, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, dve bhikkhū abhidhammakathaṃ kathenti, te aññamaññaṃ pañhaṃ pucchanti, aññamaññassa pañhaṃ puṭṭhā vissajjenti, no ca saṃsādenti 10, dhammī ca nesaṃ kathā pavattinī hoti. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
੩੩੮. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦવੋਚ – ‘‘ਬ੍ਯਾਕਤਂ ਖੋ, ਆવੁਸੋ ਸਾਰਿਪੁਤ੍ਤ, ਅਮ੍ਹੇਹਿ ਸਬ੍ਬੇਹੇવ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਪੁਚ੍ਛਾਮ – ‘ਰਮਣੀਯਂ, ਆવੁਸੋ ਸਾਰਿਪੁਤ੍ਤ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ? ‘‘ਇਧਾવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁ ਚਿਤ੍ਤਂ વਸਂ વਤ੍ਤੇਤਿ, ਨੋ ਚ ਭਿਕ੍ਖੁ ਚਿਤ੍ਤਸ੍ਸ વਸੇਨ વਤ੍ਤਤਿ। ਸੋ ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਪੁਬ੍ਬਣ੍ਹਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਮਜ੍ਝਨ੍ਹਿਕਸਮਯਂ 11 વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਮਜ੍ਝਨ੍ਹਿਕਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਸਾਯਨ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਸਾਯਨ੍ਹਸਮਯਂ વਿਹਰਤਿ। ਸੇਯ੍ਯਥਾਪਿ, ਆવੁਸੋ ਮੋਗ੍ਗਲ੍ਲਾਨ, ਰਞ੍ਞੋ વਾ ਰਾਜਮਹਾਮਤ੍ਤਸ੍ਸ વਾ ਨਾਨਾਰਤ੍ਤਾਨਂ ਦੁਸ੍ਸਾਨਂ ਦੁਸ੍ਸਕਰਣ੍ਡਕੋ ਪੂਰੋ ਅਸ੍ਸ। ਸੋ ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਪੁਬ੍ਬਣ੍ਹਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਪੁਬ੍ਬਣ੍ਹਸਮਯਂ ਪਾਰੁਪੇਯ੍ਯ; ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਮਜ੍ਝਨ੍ਹਿਕਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਮਜ੍ਝਨ੍ਹਿਕਸਮਯਂ ਪਾਰੁਪੇਯ੍ਯ; ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਸਾਯਨ੍ਹਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਸਾਯਨ੍ਹਸਮਯਂ ਪਾਰੁਪੇਯ੍ਯ। ਏવਮੇવ ਖੋ, ਆવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁ ਚਿਤ੍ਤਂ વਸਂ વਤ੍ਤੇਤਿ, ਨੋ ਚ ਭਿਕ੍ਖੁ ਚਿਤ੍ਤਸ੍ਸ વਸੇਨ વਤ੍ਤਤਿ। ਸੋ ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਪੁਬ੍ਬਣ੍ਹਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਮਜ੍ਝਨ੍ਹਿਕਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਮਜ੍ਝਨ੍ਹਿਕਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਸਾਯਨ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਸਾਯਨ੍ਹਸਮਯਂ વਿਹਰਤਿ। ਏવਰੂਪੇਨ ਖੋ, ਆવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
338. Atha kho āyasmā mahāmoggallāno āyasmantaṃ sāriputtaṃ etadavoca – ‘‘byākataṃ kho, āvuso sāriputta, amhehi sabbeheva yathāsakaṃ paṭibhānaṃ. Tattha dāni mayaṃ āyasmantaṃ sāriputtaṃ pucchāma – ‘ramaṇīyaṃ, āvuso sāriputta, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso sāriputta, bhikkhunā gosiṅgasālavanaṃ sobheyyā’’’ti? ‘‘Idhāvuso moggallāna, bhikkhu cittaṃ vasaṃ vatteti, no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ 12 viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Seyyathāpi, āvuso moggallāna, rañño vā rājamahāmattassa vā nānārattānaṃ dussānaṃ dussakaraṇḍako pūro assa. So yaññadeva dussayugaṃ ākaṅkheyya pubbaṇhasamayaṃ pārupituṃ, taṃ tadeva dussayugaṃ pubbaṇhasamayaṃ pārupeyya; yaññadeva dussayugaṃ ākaṅkheyya majjhanhikasamayaṃ pārupituṃ, taṃ tadeva dussayugaṃ majjhanhikasamayaṃ pārupeyya; yaññadeva dussayugaṃ ākaṅkheyya sāyanhasamayaṃ pārupituṃ, taṃ tadeva dussayugaṃ sāyanhasamayaṃ pārupeyya. Evameva kho, āvuso moggallāna, bhikkhu cittaṃ vasaṃ vatteti, no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Evarūpena kho, āvuso moggallāna, bhikkhunā gosiṅgasālavanaṃ sobheyyā’’ti.
੩੩੯. ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ ਤੇ ਆਯਸ੍ਮਨ੍ਤੇ ਏਤਦવੋਚ – ‘‘ਬ੍ਯਾਕਤਂ ਖੋ, ਆવੁਸੋ, ਅਮ੍ਹੇਹਿ ਸਬ੍ਬੇਹੇવ ਯਥਾਸਕਂ ਪਟਿਭਾਨਂ। ਆਯਾਮਾવੁਸੋ, ਯੇਨ ਭਗવਾ ਤੇਨੁਪਸਙ੍ਕਮਿਸ੍ਸਾਮ; ਉਪਸਙ੍ਕਮਿਤ੍વਾ ਏਤਮਤ੍ਥਂ ਭਗવਤੋ ਆਰੋਚੇਸ੍ਸਾਮ। ਯਥਾ ਨੋ ਭਗવਾ ਬ੍ਯਾਕਰਿਸ੍ਸਤਿ ਤਥਾ ਨਂ ਧਾਰੇਸ੍ਸਾਮਾ’’ਤਿ। ‘‘ਏવਮਾવੁਸੋ’’ਤਿ ਖੋ ਤੇ ਆਯਸ੍ਮਨ੍ਤੋ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਪਚ੍ਚਸ੍ਸੋਸੁਂ। ਅਥ ਖੋ ਤੇ ਆਯਸ੍ਮਨ੍ਤੋ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਗવਨ੍ਤਂ ਏਤਦવੋਚ – ‘‘ਅਦ੍ਦਸਂ ਖੋ ਅਹਂ, ਭਨ੍ਤੇ, ਆਯਸ੍ਮਨ੍ਤਞ੍ਚ ਰੇવਤਂ ਆਯਸ੍ਮਨ੍ਤਞ੍ਚ ਆਨਨ੍ਦਂ ਦੂਰਤੋવ ਆਗਚ੍ਛਨ੍ਤੇ। ਦਿਸ੍વਾਨ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚਂ – ‘ਏਤੁ ਖੋ ਆਯਸ੍ਮਾ ਆਨਨ੍ਦੋ! ਸ੍વਾਗਤਂ ਆਯਸ੍ਮਤੋ ਆਨਨ੍ਦਸ੍ਸ ਭਗવਤੋ ਉਪਟ੍ਠਾਕਸ੍ਸ ਭਗવਤੋ ਸਨ੍ਤਿਕਾવਚਰਸ੍ਸ! ਰਮਣੀਯਂ, ਆવੁਸੋ ਆਨਨ੍ਦ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ; ਕਥਂਰੂਪੇਨ, ਆવੁਸੋ ਆਨਨ੍ਦ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’ਤਿ? ਏવਂ વੁਤ੍ਤੇ, ਭਨ੍ਤੇ, ਆਯਸ੍ਮਾ ਆਨਨ੍ਦੋ ਮਂ ਏਤਦવੋਚ – ‘ਇਧਾવੁਸੋ, ਸਾਰਿਪੁਤ੍ਤ, ਭਿਕ੍ਖੁ ਬਹੁਸ੍ਸੁਤੋ ਹੋਤਿ ਸੁਤਧਰੋ…ਪੇ॰… ਅਨੁਸਯਸਮੁਗ੍ਘਾਤਾਯ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ। ‘‘ਸਾਧੁ ਸਾਧੁ, ਸਾਰਿਪੁਤ੍ਤ! ਯਥਾ ਤਂ ਆਨਨ੍ਦੋવ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯ। ਆਨਨ੍ਦੋ ਹਿ, ਸਾਰਿਪੁਤ੍ਤ, ਬਹੁਸ੍ਸੁਤੋ ਸੁਤਧਰੋ ਸੁਤਸਨ੍ਨਿਚਯੋ। ਯੇ ਤੇ ਧਮ੍ਮਾ ਆਦਿਕਲ੍ਯਾਣਾ ਮਜ੍ਝੇਕਲ੍ਯਾਣਾ ਪਰਿਯੋਸਾਨਕਲ੍ਯਾਣਾ ਸਾਤ੍ਥਾ ਸਬ੍ਯਞ੍ਜਨਾ; ਕੇવਲਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਅਭਿવਦਨ੍ਤਿ, ਤਥਾਰੂਪਾਸ੍ਸ ਧਮ੍ਮਾ ਬਹੁਸ੍ਸੁਤਾ ਹੋਨ੍ਤਿ, ਧਾਤਾ, વਚਸਾ ਪਰਿਚਿਤਾ, ਮਨਸਾਨੁਪੇਕ੍ਖਿਤਾ, ਦਿਟ੍ਠਿਯਾ ਸੁਪ੍ਪਟਿવਿਦ੍ਧਾ। ਸੋ ਚਤਸ੍ਸਨ੍ਨਂ ਪਰਿਸਾਨਂ ਧਮ੍ਮਂ ਦੇਸੇਤਿ ਪਰਿਮਣ੍ਡਲੇਹਿ ਪਦਬ੍ਯਞ੍ਜਨੇਹਿ ਅਨੁਪ੍ਪਬਨ੍ਧੇਹਿ ਅਨੁਸਯਸਮੁਗ੍ਘਾਤਾਯਾ’’ਤਿ।
339. Atha kho āyasmā sāriputto te āyasmante etadavoca – ‘‘byākataṃ kho, āvuso, amhehi sabbeheva yathāsakaṃ paṭibhānaṃ. Āyāmāvuso, yena bhagavā tenupasaṅkamissāma; upasaṅkamitvā etamatthaṃ bhagavato ārocessāma. Yathā no bhagavā byākarissati tathā naṃ dhāressāmā’’ti. ‘‘Evamāvuso’’ti kho te āyasmanto āyasmato sāriputtassa paccassosuṃ. Atha kho te āyasmanto yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā sāriputto bhagavantaṃ etadavoca – ‘‘addasaṃ kho ahaṃ, bhante, āyasmantañca revataṃ āyasmantañca ānandaṃ dūratova āgacchante. Disvāna āyasmantaṃ ānandaṃ etadavocaṃ – ‘etu kho āyasmā ānando! Svāgataṃ āyasmato ānandassa bhagavato upaṭṭhākassa bhagavato santikāvacarassa! Ramaṇīyaṃ, āvuso ānanda, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso ānanda, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā ānando maṃ etadavoca – ‘idhāvuso, sāriputta, bhikkhu bahussuto hoti sutadharo…pe… anusayasamugghātāya. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta! Yathā taṃ ānandova sammā byākaramāno byākareyya. Ānando hi, sāriputta, bahussuto sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā; kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti, dhātā, vacasā paricitā, manasānupekkhitā, diṭṭhiyā suppaṭividdhā. So catassannaṃ parisānaṃ dhammaṃ deseti parimaṇḍalehi padabyañjanehi anuppabandhehi anusayasamugghātāyā’’ti.
੩੪੦. ‘‘ਏવਂ વੁਤ੍ਤੇ, ਅਹਂ, ਭਨ੍ਤੇ, ਆਯਸ੍ਮਨ੍ਤਂ ਰੇવਤਂ ਏਤਦવੋਚਂ – ‘ਬ੍ਯਾਕਤਂ ਖੋ, ਆવੁਸੋ ਰੇવਤ ਆਯਸ੍ਮਤਾ ਆਨਨ੍ਦੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਰੇવਤਂ ਪੁਚ੍ਛਾਮ – ਰਮਣੀਯਂ, ਆવੁਸੋ ਰੇવਤ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ ਮਞ੍ਞੇ ਗਨ੍ਧਾ ਸਮ੍ਪવਨ੍ਤਿ। ਕਥਂਰੂਪੇਨ, ਆવੁਸੋ ਰੇવਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’ਤਿ? ਏવਂ વੁਤ੍ਤੇ, ਭਨ੍ਤੇ, ਆਯਸ੍ਮਾ ਰੇવਤੋ ਮਂ ਏਤਦવੋਚ – ‘ਇਧਾવੁਸੋ ਸਾਰਿਪੁਤ੍ਤ ਭਿਕ੍ਖੁ ਪਟਿਸਲ੍ਲਾਨਾਰਾਮੋ ਹੋਤਿ ਪਟਿਸਲ੍ਲਾਨਰਤੋ , ਅਜ੍ਝਤ੍ਤਂ ਚੇਤੋਸਮਥਮਨੁਯੁਤ੍ਤੋ, ਅਨਿਰਾਕਤਜ੍ਝਾਨੋ, વਿਪਸ੍ਸਨਾਯ ਸਮਨ੍ਨਾਗਤੋ, ਬ੍ਰੂਹੇਤਾ ਸੁਞ੍ਞਾਗਾਰਾਨਂ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ। ‘‘ਸਾਧੁ ਸਾਧੁ, ਸਾਰਿਪੁਤ੍ਤ! ਯਥਾ ਤਂ ਰੇવਤੋવ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯ। ਰੇવਤੋ ਹਿ, ਸਾਰਿਪੁਤ੍ਤ, ਪਟਿਸਲ੍ਲਾਨਾਰਾਮੋ ਪਟਿਸਲ੍ਲਾਨਰਤੋ, ਅਜ੍ਝਤ੍ਤਂ ਚੇਤੋਸਮਥਮਨੁਯੁਤ੍ਤੋ ਅਨਿਰਾਕਤਜ੍ਝਾਨੋ, વਿਪਸ੍ਸਨਾਯ ਸਮਨ੍ਨਾਗਤੋ ਬ੍ਰੂਹੇਤਾ ਸੁਞ੍ਞਾਗਾਰਾਨ’’ਨ੍ਤਿ।
340. ‘‘Evaṃ vutte, ahaṃ, bhante, āyasmantaṃ revataṃ etadavocaṃ – ‘byākataṃ kho, āvuso revata āyasmatā ānandena yathāsakaṃ paṭibhānaṃ. Tattha dāni mayaṃ āyasmantaṃ revataṃ pucchāma – ramaṇīyaṃ, āvuso revata, gosiṅgasālavanaṃ, dosinā ratti, sabbaphāliphullā sālā, dibbā maññe gandhā sampavanti. Kathaṃrūpena, āvuso revata, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā revato maṃ etadavoca – ‘idhāvuso sāriputta bhikkhu paṭisallānārāmo hoti paṭisallānarato , ajjhattaṃ cetosamathamanuyutto, anirākatajjhāno, vipassanāya samannāgato, brūhetā suññāgārānaṃ. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta! Yathā taṃ revatova sammā byākaramāno byākareyya. Revato hi, sāriputta, paṭisallānārāmo paṭisallānarato, ajjhattaṃ cetosamathamanuyutto anirākatajjhāno, vipassanāya samannāgato brūhetā suññāgārāna’’nti.
੩੪੧. ‘‘ਏવਂ વੁਤ੍ਤੇ, ਅਹਂ, ਭਨ੍ਤੇ, ਆਯਸ੍ਮਨ੍ਤਂ ਅਨੁਰੁਦ੍ਧਂ ਏਤਦવੋਚਂ – ‘ਬ੍ਯਾਕਤਂ ਖੋ ਆવੁਸੋ ਅਨੁਰੁਦ੍ਧ ਆਯਸ੍ਮਤਾ ਰੇવਤੇਨ…ਪੇ॰… ਕਥਂਰੂਪੇਨ, ਆવੁਸੋ ਅਨੁਰੁਦ੍ਧ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’ਤਿ। ਏવਂ વੁਤ੍ਤੇ, ਭਨ੍ਤੇ, ਆਯਸ੍ਮਾ ਅਨੁਰੁਦ੍ਧੋ ਮਂ ਏਤਦવੋਚ – ‘ਇਧਾવੁਸੋ ਸਾਰਿਪੁਤ੍ਤ, ਭਿਕ੍ਖੁ ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਹਸ੍ਸਂ ਲੋਕਾਨਂ વੋਲੋਕੇਤਿ। ਸੇਯ੍ਯਥਾਪਿ, ਆવੁਸੋ ਸਾਰਿਪੁਤ੍ਤ, ਚਕ੍ਖੁਮਾ ਪੁਰਿਸੋ…ਪੇ॰… ਏવਰੂਪੇਨ ਖੋ ਆવੁਸੋ ਸਾਰਿਪੁਤ੍ਤ ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ। ‘‘ਸਾਧੁ ਸਾਧੁ, ਸਾਰਿਪੁਤ੍ਤ, ਯਥਾ ਤਂ ਅਨੁਰੁਦ੍ਧੋવ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯ। ਅਨੁਰੁਦ੍ਧੋ ਹਿ, ਸਾਰਿਪੁਤ੍ਤ, ਦਿਬ੍ਬੇਨ ਚਕ੍ਖੁਨਾ વਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਹਸ੍ਸਂ ਲੋਕਾਨਂ વੋਲੋਕੇਤੀ’’ਤਿ।
341. ‘‘Evaṃ vutte, ahaṃ, bhante, āyasmantaṃ anuruddhaṃ etadavocaṃ – ‘byākataṃ kho āvuso anuruddha āyasmatā revatena…pe… kathaṃrūpena, āvuso anuruddha, bhikkhunā gosiṅgasālavanaṃ sobheyyā’ti. Evaṃ vutte, bhante, āyasmā anuruddho maṃ etadavoca – ‘idhāvuso sāriputta, bhikkhu dibbena cakkhunā visuddhena atikkantamānusakena sahassaṃ lokānaṃ voloketi. Seyyathāpi, āvuso sāriputta, cakkhumā puriso…pe… evarūpena kho āvuso sāriputta bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta, yathā taṃ anuruddhova sammā byākaramāno byākareyya. Anuruddho hi, sāriputta, dibbena cakkhunā visuddhena atikkantamānusakena sahassaṃ lokānaṃ voloketī’’ti.
੩੪੨. ‘‘ਏવਂ વੁਤ੍ਤੇ, ਅਹਂ, ਭਨ੍ਤੇ, ਆਯਸ੍ਮਨ੍ਤਂ ਮਹਾਕਸ੍ਸਪਂ ਏਤਦવੋਚਂ – ‘ਬ੍ਯਾਕਤਂ ਖੋ, ਆવੁਸੋ ਕਸ੍ਸਪ ਆਯਸ੍ਮਤਾ ਅਨੁਰੁਦ੍ਧੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਮਹਾਕਸ੍ਸਪਂ ਪੁਚ੍ਛਾਮ…ਪੇ॰… ਕਥਂ ਰੂਪੇਨ ਖੋ, ਆવੁਸੋ ਕਸ੍ਸਪ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’ਤਿ? ਏવਂ વੁਤ੍ਤੇ ਭਨ੍ਤੇ, ਆਯਸ੍ਮਾ ਮਹਾਕਸ੍ਸਪੋ ਮਂ ਏਤਦવੋਚ – ‘ਇਧਾવੁਸੋ ਸਾਰਿਪੁਤ੍ਤ, ਭਿਕ੍ਖੁ ਅਤ੍ਤਨਾ ਚ ਆਰਞ੍ਞਿਕੋ ਹੋਤਿ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਪਿਣ੍ਡਪਾਤਿਕੋ ਹੋਤਿ…ਪੇ॰… ਅਤ੍ਤਨਾ ਚ ਪਂਸੁਕੂਲਿਕੋ ਹੋਤਿ…ਪੇ॰… ਅਤ੍ਤਨਾ ਚ ਤੇਚੀવਰਿਕੋ ਹੋਤਿ…ਪੇ॰… ਅਤ੍ਤਨਾ ਚ ਅਪ੍ਪਿਚ੍ਛੋ ਹੋਤਿ…ਪੇ॰… ਅਤ੍ਤਨਾ ਚ ਸਨ੍ਤੁਟ੍ਠੋ ਹੋਤਿ…ਪੇ॰… ਅਤ੍ਤਨਾ ਚ ਪવਿવਿਤ੍ਤੋ ਹੋਤਿ…ਪੇ॰… ਅਤ੍ਤਨਾ ਚ ਅਸਂਸਟ੍ਠੋ ਹੋਤਿ…ਪੇ॰… ਅਤ੍ਤਨਾ ਚ ਆਰਦ੍ਧવੀਰਿਯੋ ਹੋਤਿ…ਪੇ॰… ਅਤ੍ਤਨਾ ਚ ਸੀਲਸਮ੍ਪਨ੍ਨੋ ਹੋਤਿ…ਪੇ॰… ਅਤ੍ਤਨਾ ਚ ਸਮਾਧਿਸਮ੍ਪਨ੍ਨੋ ਹੋਤਿ…ਪੇ॰… ਅਤ੍ਤਨਾ ਚ ਪਞ੍ਞਾਸਮ੍ਪਨ੍ਨੋ ਹੋਤਿ… ਅਤ੍ਤਨਾ ਚ વਿਮੁਤ੍ਤਿਸਮ੍ਪਨ੍ਨੋ ਹੋਤਿ… ਅਤ੍ਤਨਾ ਚ વਿਮੁਤ੍ਤਿਞਾਣਦਸ੍ਸਨਸਮ੍ਪਨ੍ਨੋ ਹੋਤਿ વਿਮੁਤ੍ਤਿਞਾਣਦਸ੍ਸਨਸਮ੍ਪਦਾਯ ਚ વਣ੍ਣવਾਦੀ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ । ‘‘ਸਾਧੁ ਸਾਧੁ, ਸਾਰਿਪੁਤ੍ਤ! ਯਥਾ ਤਂ ਕਸ੍ਸਪੋવ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯ। ਕਸ੍ਸਪੋ ਹਿ, ਸਾਰਿਪੁਤ੍ਤ, ਅਤ੍ਤਨਾ ਚ ਆਰਞ੍ਞਿਕੋ ਆਰਞ੍ਞਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਪਿਣ੍ਡਪਾਤਿਕੋ ਪਿਣ੍ਡਪਾਤਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਪਂਸੁਕੂਲਿਕੋ ਪਂਸੁਕੂਲਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਤੇਚੀવਰਿਕੋ ਤੇਚੀવਰਿਕਤ੍ਤਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਅਪ੍ਪਿਚ੍ਛੋ ਅਪ੍ਪਿਚ੍ਛਤਾਯ ਚ વਣ੍ਣવਾਦੀ, ਅਤ੍ਤਨਾ ਚ ਸਨ੍ਤੁਟ੍ਠੋ ਸਨ੍ਤੁਟ੍ਠਿਯਾ ਚ વਣ੍ਣવਾਦੀ, ਅਤ੍ਤਨਾ ਚ ਪવਿવਿਤ੍ਤੋ ਪવਿવੇਕਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਅਸਂਸਟ੍ਠੋ ਅਸਂਸਗ੍ਗਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਆਰਦ੍ਧવੀਰਿਯੋ વੀਰਿਯਾਰਮ੍ਭਸ੍ਸ ਚ વਣ੍ਣવਾਦੀ, ਅਤ੍ਤਨਾ ਚ ਸੀਲਸਮ੍ਪਨ੍ਨੋ ਸੀਲਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ ਸਮਾਧਿਸਮ੍ਪਨ੍ਨੋ ਸਮਾਧਿਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ ਪਞ੍ਞਾਸਮ੍ਪਨ੍ਨੋ ਪਞ੍ਞਾਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ વਿਮੁਤ੍ਤਿਸਮ੍ਪਨ੍ਨੋ વਿਮੁਤ੍ਤਿਸਮ੍ਪਦਾਯ ਚ વਣ੍ਣવਾਦੀ, ਅਤ੍ਤਨਾ ਚ વਿਮੁਤ੍ਤਿਞਾਣਦਸ੍ਸਨਸਮ੍ਪਨ੍ਨੋ વਿਮੁਤ੍ਤਿਞਾਣਦਸ੍ਸਨਸਮ੍ਪਦਾਯ ਚ વਣ੍ਣવਾਦੀ’’ਤਿ।
342. ‘‘Evaṃ vutte, ahaṃ, bhante, āyasmantaṃ mahākassapaṃ etadavocaṃ – ‘byākataṃ kho, āvuso kassapa āyasmatā anuruddhena yathāsakaṃ paṭibhānaṃ. Tattha dāni mayaṃ āyasmantaṃ mahākassapaṃ pucchāma…pe… kathaṃ rūpena kho, āvuso kassapa, bhikkhunā gosiṅgasālavanaṃ sobheyyā’ti? Evaṃ vutte bhante, āyasmā mahākassapo maṃ etadavoca – ‘idhāvuso sāriputta, bhikkhu attanā ca āraññiko hoti āraññikattassa ca vaṇṇavādī, attanā ca piṇḍapātiko hoti…pe… attanā ca paṃsukūliko hoti…pe… attanā ca tecīvariko hoti…pe… attanā ca appiccho hoti…pe… attanā ca santuṭṭho hoti…pe… attanā ca pavivitto hoti…pe… attanā ca asaṃsaṭṭho hoti…pe… attanā ca āraddhavīriyo hoti…pe… attanā ca sīlasampanno hoti…pe… attanā ca samādhisampanno hoti…pe… attanā ca paññāsampanno hoti… attanā ca vimuttisampanno hoti… attanā ca vimuttiñāṇadassanasampanno hoti vimuttiñāṇadassanasampadāya ca vaṇṇavādī. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti . ‘‘Sādhu sādhu, sāriputta! Yathā taṃ kassapova sammā byākaramāno byākareyya. Kassapo hi, sāriputta, attanā ca āraññiko āraññikattassa ca vaṇṇavādī, attanā ca piṇḍapātiko piṇḍapātikattassa ca vaṇṇavādī, attanā ca paṃsukūliko paṃsukūlikattassa ca vaṇṇavādī, attanā ca tecīvariko tecīvarikattassa ca vaṇṇavādī, attanā ca appiccho appicchatāya ca vaṇṇavādī, attanā ca santuṭṭho santuṭṭhiyā ca vaṇṇavādī, attanā ca pavivitto pavivekassa ca vaṇṇavādī, attanā ca asaṃsaṭṭho asaṃsaggassa ca vaṇṇavādī, attanā ca āraddhavīriyo vīriyārambhassa ca vaṇṇavādī, attanā ca sīlasampanno sīlasampadāya ca vaṇṇavādī, attanā ca samādhisampanno samādhisampadāya ca vaṇṇavādī, attanā ca paññāsampanno paññāsampadāya ca vaṇṇavādī, attanā ca vimuttisampanno vimuttisampadāya ca vaṇṇavādī, attanā ca vimuttiñāṇadassanasampanno vimuttiñāṇadassanasampadāya ca vaṇṇavādī’’ti.
੩੪੩. ‘‘ਏવਂ વੁਤ੍ਤੇ, ਅਹਂ ਭਨ੍ਤੇ ਆਯਸ੍ਮਨ੍ਤਂ ਮਹਾਮੋਗ੍ਗਲ੍ਲਾਨਂ ਏਤਦવੋਚਂ – ‘ਬ੍ਯਾਕਤਂ ਖੋ, ਆવੁਸੋ ਮੋਗ੍ਗਲ੍ਲਾਨ, ਆਯਸ੍ਮਤਾ ਮਹਾਕਸ੍ਸਪੇਨ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਮਹਾਮੋਗ੍ਗਲ੍ਲਾਨਂ ਪੁਚ੍ਛਾਮ…ਪੇ॰… ਕਥਂਰੂਪੇਨ, ਆવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’ਤਿ? ਏવਂ વੁਤ੍ਤੇ, ਭਨ੍ਤੇ, ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਮਂ ਏਤਦવੋਚ – ‘ਇਧਾવੁਸੋ ਸਾਰਿਪੁਤ੍ਤ, ਦ੍વੇ ਭਿਕ੍ਖੂ ਅਭਿਧਮ੍ਮਕਥਂ ਕਥੇਨ੍ਤਿ। ਤੇ ਅਞ੍ਞਮਞ੍ਞਂ ਪਞ੍ਹਂ ਪੁਚ੍ਛਨ੍ਤਿ, ਅਞ੍ਞਮਞ੍ਞਸ੍ਸ ਪਞ੍ਹਂ ਪੁਟ੍ਠਾ વਿਸ੍ਸਜ੍ਜੇਨ੍ਤਿ, ਨੋ ਚ ਸਂਸਾਦੇਨ੍ਤਿ, ਧਮ੍ਮੀ ਚ ਨੇਸਂ ਕਥਾ ਪવਤ੍ਤਿਨੀ ਹੋਤਿ। ਏવਰੂਪੇਨ ਖੋ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ। ‘‘ਸਾਧੁ ਸਾਧੁ, ਸਾਰਿਪੁਤ੍ਤ, ਯਥਾ ਤਂ ਮੋਗ੍ਗਲ੍ਲਾਨੋવ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯ। ਮੋਗ੍ਗਲ੍ਲਾਨੋ ਹਿ, ਸਾਰਿਪੁਤ੍ਤ, ਧਮ੍ਮਕਥਿਕੋ’’ਤਿ।
343. ‘‘Evaṃ vutte, ahaṃ bhante āyasmantaṃ mahāmoggallānaṃ etadavocaṃ – ‘byākataṃ kho, āvuso moggallāna, āyasmatā mahākassapena yathāsakaṃ paṭibhānaṃ. Tattha dāni mayaṃ āyasmantaṃ mahāmoggallānaṃ pucchāma…pe… kathaṃrūpena, āvuso moggallāna, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā mahāmoggallāno maṃ etadavoca – ‘idhāvuso sāriputta, dve bhikkhū abhidhammakathaṃ kathenti. Te aññamaññaṃ pañhaṃ pucchanti, aññamaññassa pañhaṃ puṭṭhā vissajjenti, no ca saṃsādenti, dhammī ca nesaṃ kathā pavattinī hoti. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta, yathā taṃ moggallānova sammā byākaramāno byākareyya. Moggallāno hi, sāriputta, dhammakathiko’’ti.
੩੪੪. ਏવਂ વੁਤ੍ਤੇ, ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਭਗવਨ੍ਤਂ ਏਤਦવੋਚ – ‘‘ਅਥ ਖ੍વਾਹਂ, ਭਨ੍ਤੇ, ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦવੋਚਂ – ‘ਬ੍ਯਾਕਤਂ ਖੋ, ਆવੁਸੋ ਸਾਰਿਪੁਤ੍ਤ, ਅਮ੍ਹੇਹਿ ਸਬ੍ਬੇਹੇવ ਯਥਾਸਕਂ ਪਟਿਭਾਨਂ। ਤਤ੍ਥ ਦਾਨਿ ਮਯਂ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਪੁਚ੍ਛਾਮ – ਰਮਣੀਯਂ, ਆવੁਸੋ ਸਾਰਿਪੁਤ੍ਤ, ਗੋਸਿਙ੍ਗਸਾਲવਨਂ, ਦੋਸਿਨਾ ਰਤ੍ਤਿ, ਸਬ੍ਬਫਾਲਿਫੁਲ੍ਲਾ ਸਾਲਾ, ਦਿਬ੍ਬਾ, ਮਞ੍ਞੇ, ਗਨ੍ਧਾ ਸਮ੍ਪવਨ੍ਤਿ। ਕਥਂਰੂਪੇਨ, ਆવੁਸੋ ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’ਤਿ? ਏવਂ વੁਤ੍ਤੇ, ਭਨ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ ਮਂ ਏਤਦવੋਚ – ‘ਇਧਾવੁਸੋ, ਮੋਗ੍ਗਲ੍ਲਾਨ, ਭਿਕ੍ਖੁ ਚਿਤ੍ਤਂ વਸਂ વਤ੍ਤੇਤਿ ਨੋ ਚ ਭਿਕ੍ਖੁ ਚਿਤ੍ਤਸ੍ਸ વਸੇਨ વਤ੍ਤਤਿ। ਸੋ ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਪੁਬ੍ਬਣ੍ਹਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਮਜ੍ਝਨ੍ਹਿਕਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਮਜ੍ਝਨ੍ਹਿਕਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਸਾਯਨ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਸਾਯਨ੍ਹਸਮਯਂ વਿਹਰਤਿ। ਸੇਯ੍ਯਥਾਪਿ, ਆવੁਸੋ ਮੋਗ੍ਗਲ੍ਲਾਨ, ਰਞ੍ਞੋ વਾ ਰਾਜਮਹਾਮਤ੍ਤਸ੍ਸ વਾ ਨਾਨਾਰਤ੍ਤਾਨਂ ਦੁਸ੍ਸਾਨਂ ਦੁਸ੍ਸਕਰਣ੍ਡਕੋ ਪੂਰੋ ਅਸ੍ਸ। ਸੋ ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਪੁਬ੍ਬਣ੍ਹਸਮਯਂ ਪਾਰੁਪਿਤੁਂ , ਤਂ ਤਦੇવ ਦੁਸ੍ਸਯੁਗਂ ਪੁਬ੍ਬਣ੍ਹਸਮਯਂ ਪਾਰੁਪੇਯ੍ਯ; ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਮਜ੍ਝਨ੍ਹਿਕਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਮਜ੍ਝਨ੍ਹਿਕਸਮਯਂ ਪਾਰੁਪੇਯ੍ਯ; ਯਞ੍ਞਦੇવ ਦੁਸ੍ਸਯੁਗਂ ਆਕਙ੍ਖੇਯ੍ਯ ਸਾਯਨ੍ਹਸਮਯਂ ਪਾਰੁਪਿਤੁਂ, ਤਂ ਤਦੇવ ਦੁਸ੍ਸਯੁਗਂ ਸਾਯਨ੍ਹਸਮਯਂ ਪਾਰੁਪੇਯ੍ਯ। ਏવਮੇવ ਖੋ, ਆવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁ ਚਿਤ੍ਤਂ વਸਂ વਤ੍ਤੇਤਿ, ਨੋ ਚ ਭਿਕ੍ਖੁ ਚਿਤ੍ਤਸ੍ਸ વਸੇਨ વਤ੍ਤਤਿ। ਸੋ ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਪੁਬ੍ਬਣ੍ਹਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਮਜ੍ਝਨ੍ਹਿਕਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਮਜ੍ਝਨ੍ਹਿਕਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਸਾਯਨ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਸਾਯਨ੍ਹਸਮਯਂ વਿਹਰਤਿ। ਏવਰੂਪੇਨ ਖੋ, ਆવੁਸੋ ਮੋਗ੍ਗਲ੍ਲਾਨ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’’ਤਿ। ‘‘ਸਾਧੁ ਸਾਧੁ, ਮੋਗ੍ਗਲ੍ਲਾਨ! ਯਥਾ ਤਂ ਸਾਰਿਪੁਤ੍ਤੋવ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯ। ਸਾਰਿਪੁਤ੍ਤੋ ਹਿ, ਮੋਗ੍ਗਲ੍ਲਾਨ, ਚਿਤ੍ਤਂ વਸਂ વਤ੍ਤੇਤਿ ਨੋ ਚ ਸਾਰਿਪੁਤ੍ਤੋ ਚਿਤ੍ਤਸ੍ਸ વਸੇਨ વਤ੍ਤਤਿ। ਸੋ ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਪੁਬ੍ਬਣ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਪੁਬ੍ਬਣ੍ਹਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਮਜ੍ਝਨ੍ਹਿਕਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਮਜ੍ਝਨ੍ਹਿਕਸਮਯਂ વਿਹਰਤਿ; ਯਾਯ વਿਹਾਰਸਮਾਪਤ੍ਤਿਯਾ ਆਕਙ੍ਖਤਿ ਸਾਯਨ੍ਹਸਮਯਂ વਿਹਰਿਤੁਂ, ਤਾਯ વਿਹਾਰਸਮਾਪਤ੍ਤਿਯਾ ਸਾਯਨ੍ਹਸਮਯਂ વਿਹਰਤੀ’’ਤਿ।
344. Evaṃ vutte, āyasmā mahāmoggallāno bhagavantaṃ etadavoca – ‘‘atha khvāhaṃ, bhante, āyasmantaṃ sāriputtaṃ etadavocaṃ – ‘byākataṃ kho, āvuso sāriputta, amhehi sabbeheva yathāsakaṃ paṭibhānaṃ. Tattha dāni mayaṃ āyasmantaṃ sāriputtaṃ pucchāma – ramaṇīyaṃ, āvuso sāriputta, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti. Kathaṃrūpena, āvuso sāriputta, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā sāriputto maṃ etadavoca – ‘idhāvuso, moggallāna, bhikkhu cittaṃ vasaṃ vatteti no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Seyyathāpi, āvuso moggallāna, rañño vā rājamahāmattassa vā nānārattānaṃ dussānaṃ dussakaraṇḍako pūro assa. So yaññadeva dussayugaṃ ākaṅkheyya pubbaṇhasamayaṃ pārupituṃ , taṃ tadeva dussayugaṃ pubbaṇhasamayaṃ pārupeyya; yaññadeva dussayugaṃ ākaṅkheyya majjhanhikasamayaṃ pārupituṃ, taṃ tadeva dussayugaṃ majjhanhikasamayaṃ pārupeyya; yaññadeva dussayugaṃ ākaṅkheyya sāyanhasamayaṃ pārupituṃ, taṃ tadeva dussayugaṃ sāyanhasamayaṃ pārupeyya. Evameva kho, āvuso moggallāna, bhikkhu cittaṃ vasaṃ vatteti, no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Evarūpena kho, āvuso moggallāna, bhikkhunā gosiṅgasālavanaṃ sobheyyā’’’ti. ‘‘Sādhu sādhu, moggallāna! Yathā taṃ sāriputtova sammā byākaramāno byākareyya. Sāriputto hi, moggallāna, cittaṃ vasaṃ vatteti no ca sāriputto cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharatī’’ti.
੩੪੫. ਏવਂ વੁਤ੍ਤੇ, ਆਯਸ੍ਮਾ ਸਾਰਿਪੁਤ੍ਤੋ ਭਗવਨ੍ਤਂ ਏਤਦવੋਚ – ‘‘ਕਸ੍ਸ ਨੁ ਖੋ, ਭਨ੍ਤੇ, ਸੁਭਾਸਿਤ’’ਨ੍ਤਿ? ‘‘ਸਬ੍ਬੇਸਂ વੋ, ਸਾਰਿਪੁਤ੍ਤ, ਸੁਭਾਸਿਤਂ ਪਰਿਯਾਯੇਨ। ਅਪਿ ਚ ਮਮਪਿ ਸੁਣਾਥ ਯਥਾਰੂਪੇਨ ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯ। ਇਧ, ਸਾਰਿਪੁਤ੍ਤ, ਭਿਕ੍ਖੁ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤੋ ਨਿਸੀਦਤਿ ਪਲ੍ਲਙ੍ਕਂ ਆਭੁਜਿਤ੍વਾ ਉਜੁਂ ਕਾਯਂ ਪਣਿਧਾਯ ਪਰਿਮੁਖਂ ਸਤਿਂ ਉਪਟ੍ਠਪੇਤ੍વਾ – ‘ਨ ਤਾવਾਹਂ ਇਮਂ ਪਲ੍ਲਙ੍ਕਂ ਭਿਨ੍ਦਿਸ੍ਸਾਮਿ ਯਾવ ਮੇ ਨਾਨੁਪਾਦਾਯ ਆਸવੇਹਿ ਚਿਤ੍ਤਂ વਿਮੁਚ੍ਚਿਸ੍ਸਤੀ’ਤਿ। ਏવਰੂਪੇਨ ਖੋ, ਸਾਰਿਪੁਤ੍ਤ, ਭਿਕ੍ਖੁਨਾ ਗੋਸਿਙ੍ਗਸਾਲવਨਂ ਸੋਭੇਯ੍ਯਾ’’ਤਿ।
345. Evaṃ vutte, āyasmā sāriputto bhagavantaṃ etadavoca – ‘‘kassa nu kho, bhante, subhāsita’’nti? ‘‘Sabbesaṃ vo, sāriputta, subhāsitaṃ pariyāyena. Api ca mamapi suṇātha yathārūpena bhikkhunā gosiṅgasālavanaṃ sobheyya. Idha, sāriputta, bhikkhu pacchābhattaṃ piṇḍapātapaṭikkanto nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā – ‘na tāvāhaṃ imaṃ pallaṅkaṃ bhindissāmi yāva me nānupādāya āsavehi cittaṃ vimuccissatī’ti. Evarūpena kho, sāriputta, bhikkhunā gosiṅgasālavanaṃ sobheyyā’’ti.
ਇਦਮવੋਚ ਭਗવਾ। ਅਤ੍ਤਮਨਾ ਤੇ ਆਯਸ੍ਮਨ੍ਤੋ 13 ਭਗવਤੋ ਭਾਸਿਤਂ ਅਭਿਨਨ੍ਦੁਨ੍ਤਿ।
Idamavoca bhagavā. Attamanā te āyasmanto 14 bhagavato bhāsitaṃ abhinandunti.
ਮਹਾਗੋਸਿਙ੍ਗਸੁਤ੍ਤਂ ਨਿਟ੍ਠਿਤਂ ਦੁਤਿਯਂ।
Mahāgosiṅgasuttaṃ niṭṭhitaṃ dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੨. ਮਹਾਗੋਸਿਙ੍ਗਸੁਤ੍ਤવਣ੍ਣਨਾ • 2. Mahāgosiṅgasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੨. ਮਹਾਗੋਸਿਙ੍ਗਸੁਤ੍ਤવਣ੍ਣਨਾ • 2. Mahāgosiṅgasuttavaṇṇanā
