Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya

6. махааг̇овинд̣̇асуд̇д̇ам̣

6. Mahāgovindasuttaṃ

293. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. ат̇а ко бан̃жасико г̇анд̇хаб̣б̣абуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ г̇иж̇жхагуудам̣ баб̣б̣ад̇ам̣ обхаасзд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко бан̃жасико г̇анд̇хаб̣б̣абуд̇д̇о бхаг̇аванд̇ам̣ зд̇ад̣̇авожа – ‘‘яам̣ ко мз, бханд̇з, д̣̇зваанам̣ д̇аавад̇им̣саанам̣ саммукаа суд̇ам̣ саммукаа бадиг̇г̇ахид̇ам̣, аарожзми д̇ам̣ бхаг̇авад̇о’’д̇и. ‘‘аарожзхи мз д̇вам̣, бан̃жасикаа’’д̇и бхаг̇аваа авожа.

293. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Atha kho pañcasikho gandhabbaputto abhikkantāya rattiyā abhikkantavaṇṇo kevalakappaṃ gijjhakūṭaṃ pabbataṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho pañcasikho gandhabbaputto bhagavantaṃ etadavoca – ‘‘yaṃ kho me, bhante, devānaṃ tāvatiṃsānaṃ sammukhā sutaṃ sammukhā paṭiggahitaṃ, ārocemi taṃ bhagavato’’ti. ‘‘Ārocehi me tvaṃ, pañcasikhā’’ti bhagavā avoca.

д̣̇звасабхаа

Devasabhā

294. ‘‘буримаани, бханд̇з, д̣̇ивасаани буримад̇араани д̇ад̣̇ахубосат̇з баннарасз бавааран̣ааяа бун̣н̣ааяа бун̣н̣амааяа рад̇д̇ияаа гзвалагаббаа жа д̣̇зваа д̇аавад̇им̣саа суд̇хаммааяам̣ сабхааяам̣ саннисиннаа хонд̇и саннибад̇ид̇аа; махад̇ий жа д̣̇иб̣б̣абарисаа саманд̇ад̇о нисиннаа хонд̇и, жад̇д̇ааро жа махаарааж̇аано жад̇уд̣̇д̣̇исаа нисиннаа хонд̇и; бурад̇т̇имааяа д̣̇исааяа д̇хад̇арадто махаарааж̇аа бажчимаабхимуко нисинно ход̇и д̣̇звз бурагкад̇ваа; д̣̇агкин̣ааяа д̣̇исааяа вируул̣хаго махаарааж̇аа уд̇д̇араабхимуко нисинно ход̇и д̣̇звз бурагкад̇ваа; бажчимааяа д̣̇исааяа вируубагко махаарааж̇аа бурад̇т̇аабхимуко нисинно ход̇и д̣̇звз бурагкад̇ваа; уд̇д̇арааяа д̣̇исааяа взссаван̣о махаарааж̇аа д̣̇агкин̣аабхимуко нисинно ход̇и д̣̇звз бурагкад̇ваа. яад̣̇аа бханд̇з, гзвалагаббаа жа д̣̇зваа д̇аавад̇им̣саа суд̇хаммааяам̣ сабхааяам̣ саннисиннаа хонд̇и саннибад̇ид̇аа, махад̇ий жа д̣̇иб̣б̣абарисаа саманд̇ад̇о нисиннаа хонд̇и, жад̇д̇ааро жа махаарааж̇аано жад̇уд̣̇д̣̇исаа нисиннаа хонд̇и, ид̣̇ам̣ нзсам̣ ход̇и аасанасмим̣; ат̇а бажчаа амхаагам̣ аасанам̣ ход̇и.

294. ‘‘Purimāni, bhante, divasāni purimatarāni tadahuposathe pannarase pavāraṇāya puṇṇāya puṇṇamāya rattiyā kevalakappā ca devā tāvatiṃsā sudhammāyaṃ sabhāyaṃ sannisinnā honti sannipatitā; mahatī ca dibbaparisā samantato nisinnā honti, cattāro ca mahārājāno catuddisā nisinnā honti; puratthimāya disāya dhataraṭṭho mahārājā pacchimābhimukho nisinno hoti deve purakkhatvā; dakkhiṇāya disāya virūḷhako mahārājā uttarābhimukho nisinno hoti deve purakkhatvā; pacchimāya disāya virūpakkho mahārājā puratthābhimukho nisinno hoti deve purakkhatvā; uttarāya disāya vessavaṇo mahārājā dakkhiṇābhimukho nisinno hoti deve purakkhatvā. Yadā bhante, kevalakappā ca devā tāvatiṃsā sudhammāyaṃ sabhāyaṃ sannisinnā honti sannipatitā, mahatī ca dibbaparisā samantato nisinnā honti, cattāro ca mahārājāno catuddisā nisinnā honti, idaṃ nesaṃ hoti āsanasmiṃ; atha pacchā amhākaṃ āsanaṃ hoti.

‘‘яз д̇з, бханд̇з, д̣̇зваа бхаг̇авад̇и б̣рахмажарияам̣ жарид̇ваа ад̇хунуубабаннаа д̇аавад̇им̣сагааяам̣, д̇з ан̃н̃з д̣̇звз ад̇ирожанд̇и ван̣н̣зна жзва яасасаа жа. д̇зна суд̣̇ам̣, бханд̇з, д̣̇зваа д̇аавад̇им̣саа ад̇д̇аманаа хонд̇и бамуд̣̇ид̇аа бийд̇исоманассаж̇аад̇аа; ‘д̣̇иб̣б̣аа вад̇а, бхо, гааяаа барибуурзнд̇и, хааяанд̇и асурагааяаа’д̇и.

‘‘Ye te, bhante, devā bhagavati brahmacariyaṃ caritvā adhunūpapannā tāvatiṃsakāyaṃ, te aññe deve atirocanti vaṇṇena ceva yasasā ca. Tena sudaṃ, bhante, devā tāvatiṃsā attamanā honti pamuditā pītisomanassajātā; ‘dibbā vata, bho, kāyā paripūrenti, hāyanti asurakāyā’ti.

295. ‘‘ат̇а ко, бханд̇з, сагго д̣̇зваанаминд̣̇о д̣̇зваанам̣ д̇аавад̇им̣саанам̣ самбасаад̣̇ам̣ вид̣̇ид̇ваа имаахи г̇аат̇аахи анумод̣̇и –

295. ‘‘Atha kho, bhante, sakko devānamindo devānaṃ tāvatiṃsānaṃ sampasādaṃ viditvā imāhi gāthāhi anumodi –

‘мод̣̇анд̇и вад̇а бхо д̣̇зваа, д̇аавад̇им̣саа сахинд̣̇агаа;

‘Modanti vata bho devā, tāvatiṃsā sahindakā;

д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇ам̣.

Tathāgataṃ namassantā, dhammassa ca sudhammataṃ.

навз д̣̇звз жа бассанд̇аа, ван̣н̣аванд̇з яасассинз;

Nave deve ca passantā, vaṇṇavante yasassine;

суг̇ад̇асмим̣ б̣рахмажарияам̣, жарид̇ваана ид̇хааг̇ад̇з.

Sugatasmiṃ brahmacariyaṃ, caritvāna idhāgate.

д̇з ан̃н̃з ад̇ирожанд̇и, ван̣н̣зна яасасааяунаа;

Te aññe atirocanti, vaṇṇena yasasāyunā;

саавагаа бхуурибан̃н̃асса, висзсуубаг̇ад̇аа ид̇ха.

Sāvakā bhūripaññassa, visesūpagatā idha.

ид̣̇ам̣ д̣̇исваана нанд̣̇анд̇и, д̇аавад̇им̣саа сахинд̣̇агаа;

Idaṃ disvāna nandanti, tāvatiṃsā sahindakā;

д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇а’нд̇и.

Tathāgataṃ namassantā, dhammassa ca sudhammata’nti.

‘‘д̇зна суд̣̇ам̣ , бханд̇з, д̣̇зваа д̇аавад̇им̣саа бхияяосо мад̇д̇ааяа ад̇д̇аманаа хонд̇и бамуд̣̇ид̇аа бийд̇исоманассаж̇аад̇аа; ‘д̣̇иб̣б̣аа вад̇а, бхо, гааяаа барибуурзнд̇и, хааяанд̇и асурагааяаа’’’д̇и.

‘‘Tena sudaṃ , bhante, devā tāvatiṃsā bhiyyoso mattāya attamanā honti pamuditā pītisomanassajātā; ‘dibbā vata, bho, kāyā paripūrenti, hāyanti asurakāyā’’’ti.

адта яат̇аабхужжаван̣н̣аа

Aṭṭha yathābhuccavaṇṇā

296. ‘‘ат̇а ко, бханд̇з, сагго д̣̇зваанаминд̣̇о д̣̇зваанам̣ д̇аавад̇им̣саанам̣ самбасаад̣̇ам̣ вид̣̇ид̇ваа д̣̇звз д̇аавад̇им̣сз ааманд̇зси – ‘ижчзяяаат̇а но д̇умхз, маарисаа, д̇асса бхаг̇авад̇о адта яат̇аабхужжз ван̣н̣з сод̇у’нд̇и? ‘ижчаама маяам̣, маариса, д̇асса бхаг̇авад̇о адта яат̇аабхужжз ван̣н̣з сод̇у’нд̇и. ат̇а ко, бханд̇з, сагго д̣̇зваанаминд̣̇о д̣̇зваанам̣ д̇аавад̇им̣саанам̣ бхаг̇авад̇о адта яат̇аабхужжз ван̣н̣з баяируд̣̇аахааси – ‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа? яааван̃жа со бхаг̇аваа б̣ахуж̇анахид̇ааяа бадибанно б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. звам̣ б̣ахуж̇анахид̇ааяа бадибаннам̣ б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

296. ‘‘Atha kho, bhante, sakko devānamindo devānaṃ tāvatiṃsānaṃ sampasādaṃ viditvā deve tāvatiṃse āmantesi – ‘iccheyyātha no tumhe, mārisā, tassa bhagavato aṭṭha yathābhucce vaṇṇe sotu’nti? ‘Icchāma mayaṃ, mārisa, tassa bhagavato aṭṭha yathābhucce vaṇṇe sotu’nti. Atha kho, bhante, sakko devānamindo devānaṃ tāvatiṃsānaṃ bhagavato aṭṭha yathābhucce vaṇṇe payirudāhāsi – ‘taṃ kiṃ maññanti, bhonto devā tāvatiṃsā? Yāvañca so bhagavā bahujanahitāya paṭipanno bahujanasukhāya lokānukampāya atthāya hitāya sukhāya devamanussānaṃ. Evaṃ bahujanahitāya paṭipannaṃ bahujanasukhāya lokānukampāya atthāya hitāya sukhāya devamanussānaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘сваагкаад̇о ко бана д̇зна бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухи. звам̣ обанзяяигасса д̇хаммасса д̣̇зсзд̇аарам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Svākkhāto kho pana tena bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhi. Evaṃ opaneyyikassa dhammassa desetāraṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘ид̣̇ам̣ гусаланд̇и ко бана д̇зна бхаг̇авад̇аа субан̃н̃ад̇д̇ам̣, ид̣̇ам̣ агусаланд̇и субан̃н̃ад̇д̇ам̣. ид̣̇ам̣ сааваж̇ж̇ам̣ ид̣̇ам̣ анаваж̇ж̇ам̣, ид̣̇ам̣ сзвид̇аб̣б̣ам̣ ид̣̇ам̣ на сзвид̇аб̣б̣ам̣, ид̣̇ам̣ хийнам̣ ид̣̇ам̣ бан̣ийд̇ам̣, ид̣̇ам̣ ган̣хасуггасаббадибхааг̇анд̇и субан̃н̃ад̇д̇ам̣. звам̣ гусалаагусаласааваж̇ж̇аанаваж̇ж̇асзвид̇аб̣б̣аасзвид̇аб̣б̣ахийна-бан̣ийд̇аган̣хасуггасаббадибхааг̇аанам̣ д̇хаммаанам̣ бан̃н̃абзд̇аарам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Idaṃ kusalanti kho pana tena bhagavatā supaññattaṃ, idaṃ akusalanti supaññattaṃ. Idaṃ sāvajjaṃ idaṃ anavajjaṃ, idaṃ sevitabbaṃ idaṃ na sevitabbaṃ, idaṃ hīnaṃ idaṃ paṇītaṃ, idaṃ kaṇhasukkasappaṭibhāganti supaññattaṃ. Evaṃ kusalākusalasāvajjānavajjasevitabbāsevitabbahīna-paṇītakaṇhasukkasappaṭibhāgānaṃ dhammānaṃ paññapetāraṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘субан̃н̃ад̇д̇аа ко бана д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа, сам̣санд̣̇ад̇и ниб̣б̣аанан̃жа бадибад̣̇аа жа. сзяяат̇ааби наама г̇ан̇г̇од̣̇агам̣ яамунод̣̇агзна сам̣санд̣̇ад̇и самзд̇и, звамзва субан̃н̃ад̇д̇аа д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа, сам̣санд̣̇ад̇и ниб̣б̣аанан̃жа бадибад̣̇аа жа. звам̣ ниб̣б̣аанаг̇ааминияаа бадибад̣̇ааяа бан̃н̃абзд̇аарам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Supaññattā kho pana tena bhagavatā sāvakānaṃ nibbānagāminī paṭipadā, saṃsandati nibbānañca paṭipadā ca. Seyyathāpi nāma gaṅgodakaṃ yamunodakena saṃsandati sameti, evameva supaññattā tena bhagavatā sāvakānaṃ nibbānagāminī paṭipadā, saṃsandati nibbānañca paṭipadā ca. Evaṃ nibbānagāminiyā paṭipadāya paññapetāraṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘абхинибпанно ¹ ко бана д̇асса бхаг̇авад̇о лаабхо абхинибпанно силого, яаава ман̃н̃з кад̇д̇ияаа самбияааяамаанаруубаа вихаранд̇и, виг̇ад̇амад̣̇о ко бана со бхаг̇аваа аахаарам̣ аахаарзд̇и. звам̣ виг̇ад̇амад̣̇ам̣ аахаарам̣ аахараяамаанам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Abhinipphanno ² kho pana tassa bhagavato lābho abhinipphanno siloko, yāva maññe khattiyā sampiyāyamānarūpā viharanti, vigatamado kho pana so bhagavā āhāraṃ āhāreti. Evaṃ vigatamadaṃ āhāraṃ āharayamānaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘лад̣̇д̇хасахааяо ко бана со бхаг̇аваа сзкаанан̃жзва бадибаннаанам̣ кийн̣аасаваанан̃жа вусид̇авад̇ам̣. д̇з бхаг̇аваа абануж̇ж̇а згаараамад̇ам̣ ануяуд̇д̇о вихарад̇и. звам̣ згаараамад̇ам̣ ануяуд̇д̇ам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Laddhasahāyo kho pana so bhagavā sekhānañceva paṭipannānaṃ khīṇāsavānañca vusitavataṃ. Te bhagavā apanujja ekārāmataṃ anuyutto viharati. Evaṃ ekārāmataṃ anuyuttaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘яат̇ааваад̣̇ий ко бана со бхаг̇аваа д̇ат̇аагаарий, яат̇аагаарий д̇ат̇ааваад̣̇ий, ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. звам̣ д̇хаммаануд̇хаммаббадибаннам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Yathāvādī kho pana so bhagavā tathākārī, yathākārī tathāvādī, iti yathāvādī tathākārī, yathākārī tathāvādī. Evaṃ dhammānudhammappaṭipannaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘д̇ин̣н̣авижигижчо ко бана со бхаг̇аваа виг̇ад̇агат̇ам̣гат̇о барияосид̇асан̇габбо аж̇жхаасаяам̣ аад̣̇иб̣рахмажарияам̣. звам̣ д̇ин̣н̣авижигижчам̣ виг̇ад̇агат̇ам̣гат̇ам̣ барияосид̇асан̇габбам̣ аж̇жхаасаяам̣ аад̣̇иб̣рахмажарияам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа’д̇и.

‘‘Tiṇṇavicikiccho kho pana so bhagavā vigatakathaṃkatho pariyositasaṅkappo ajjhāsayaṃ ādibrahmacariyaṃ. Evaṃ tiṇṇavicikicchaṃ vigatakathaṃkathaṃ pariyositasaṅkappaṃ ajjhāsayaṃ ādibrahmacariyaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā’ti.

297. ‘‘имз ко, бханд̇з, сагго д̣̇зваанаминд̣̇о д̣̇зваанам̣ д̇аавад̇им̣саанам̣ бхаг̇авад̇о адта яат̇аабхужжз ван̣н̣з баяируд̣̇аахааси. д̇зна суд̣̇ам̣, бханд̇з, д̣̇зваа д̇аавад̇им̣саа бхияяосо мад̇д̇ааяа ад̇д̇аманаа хонд̇и бамуд̣̇ид̇аа бийд̇исоманассаж̇аад̇аа бхаг̇авад̇о адта яат̇аабхужжз ван̣н̣з суд̇ваа. д̇ад̇ра, бханд̇з, згажжз д̣̇зваа звамаахам̣су – ‘ахо вад̇а, маарисаа, жад̇д̇ааро саммаасамб̣уд̣̇д̇хаа логз уббаж̇ж̇зяяум̣ д̇хамман̃жа д̣̇зсзяяум̣ яат̇арива бхаг̇аваа. д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. згажжз д̣̇зваа звамаахам̣су – ‘д̇идтанд̇у, маарисаа, жад̇д̇ааро саммаасамб̣уд̣̇д̇хаа, ахо вад̇а, маарисаа, д̇аяо саммаасамб̣уд̣̇д̇хаа логз уббаж̇ж̇зяяум̣ д̇хамман̃жа д̣̇зсзяяум̣ яат̇арива бхаг̇аваа. д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. згажжз д̣̇зваа звамаахам̣су – ‘д̇идтанд̇у, маарисаа, д̇аяо саммаасамб̣уд̣̇д̇хаа, ахо вад̇а, маарисаа, д̣̇вз саммаасамб̣уд̣̇д̇хаа логз уббаж̇ж̇зяяум̣ д̇хамман̃жа д̣̇зсзяяум̣ яат̇арива бхаг̇аваа. д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и.

297. ‘‘Ime kho, bhante, sakko devānamindo devānaṃ tāvatiṃsānaṃ bhagavato aṭṭha yathābhucce vaṇṇe payirudāhāsi. Tena sudaṃ, bhante, devā tāvatiṃsā bhiyyoso mattāya attamanā honti pamuditā pītisomanassajātā bhagavato aṭṭha yathābhucce vaṇṇe sutvā. Tatra, bhante, ekacce devā evamāhaṃsu – ‘aho vata, mārisā, cattāro sammāsambuddhā loke uppajjeyyuṃ dhammañca deseyyuṃ yathariva bhagavā. Tadassa bahujanahitāya bahujanasukhāya lokānukampāya atthāya hitāya sukhāya devamanussāna’nti. Ekacce devā evamāhaṃsu – ‘tiṭṭhantu, mārisā, cattāro sammāsambuddhā, aho vata, mārisā, tayo sammāsambuddhā loke uppajjeyyuṃ dhammañca deseyyuṃ yathariva bhagavā. Tadassa bahujanahitāya bahujanasukhāya lokānukampāya atthāya hitāya sukhāya devamanussāna’nti. Ekacce devā evamāhaṃsu – ‘tiṭṭhantu, mārisā, tayo sammāsambuddhā, aho vata, mārisā, dve sammāsambuddhā loke uppajjeyyuṃ dhammañca deseyyuṃ yathariva bhagavā. Tadassa bahujanahitāya bahujanasukhāya lokānukampāya atthāya hitāya sukhāya devamanussāna’nti.

298. ‘‘звам̣ вуд̇д̇з , бханд̇з, сагго д̣̇зваанаминд̣̇о д̣̇звз д̇аавад̇им̣сз зд̇ад̣̇авожа – ‘адтаанам̣ ко зд̇ам̣, маарисаа, анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа абуб̣б̣ам̣ ажаримам̣ уббаж̇ж̇зяяум̣, нзд̇ам̣ таанам̣ виж̇ж̇ад̇и. ахо вад̇а, маарисаа, со бхаг̇аваа аббааб̣аад̇хо аббаад̇ан̇го жирам̣ д̣̇ийгхамад̣̇д̇хаанам̣ д̇идтзяяа. д̇ад̣̇асса б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаана’нд̇и. ат̇а ко, бханд̇з, язнад̇т̇зна д̣̇зваа д̇аавад̇им̣саа суд̇хаммааяам̣ сабхааяам̣ саннисиннаа хонд̇и саннибад̇ид̇аа, д̇ам̣ ад̇т̇ам̣ жинд̇аяид̇ваа д̇ам̣ ад̇т̇ам̣ манд̇аяид̇ваа вуд̇д̇аважанааби д̇ам̣ жад̇д̇ааро махаарааж̇аано д̇асмим̣ ад̇т̇з хонд̇и. бажжаанусидтаважанааби д̇ам̣ жад̇д̇ааро махаарааж̇аано д̇асмим̣ ад̇т̇з хонд̇и, сагзсу сагзсу аасанзсу тид̇аа авибагганд̇аа.

298. ‘‘Evaṃ vutte , bhante, sakko devānamindo deve tāvatiṃse etadavoca – ‘aṭṭhānaṃ kho etaṃ, mārisā, anavakāso, yaṃ ekissā lokadhātuyā dve arahanto sammāsambuddhā apubbaṃ acarimaṃ uppajjeyyuṃ, netaṃ ṭhānaṃ vijjati. Aho vata, mārisā, so bhagavā appābādho appātaṅko ciraṃ dīghamaddhānaṃ tiṭṭheyya. Tadassa bahujanahitāya bahujanasukhāya lokānukampāya atthāya hitāya sukhāya devamanussāna’nti. Atha kho, bhante, yenatthena devā tāvatiṃsā sudhammāyaṃ sabhāyaṃ sannisinnā honti sannipatitā, taṃ atthaṃ cintayitvā taṃ atthaṃ mantayitvā vuttavacanāpi taṃ cattāro mahārājāno tasmiṃ atthe honti. Paccānusiṭṭhavacanāpi taṃ cattāro mahārājāno tasmiṃ atthe honti, sakesu sakesu āsanesu ṭhitā avipakkantā.

д̇з вуд̇д̇аваагяаа рааж̇аано, бадиг̇г̇аяхаанусаасаним̣;

Te vuttavākyā rājāno, paṭiggayhānusāsaniṃ;

виббасаннаманаа санд̇аа, адтам̣су самхи аасанзд̇и.

Vippasannamanā santā, aṭṭhaṃsu samhi āsaneti.

299. ‘‘ат̇а ко, бханд̇з, уд̇д̇арааяа д̣̇исааяа ул̣ааро аалого сан̃ж̇ааяи, обхаасо баад̇урахоси ад̇иггаммзва д̣̇зваанам̣ д̣̇зваанубхаавам̣. ат̇а ко, бханд̇з, сагго д̣̇зваанаминд̣̇о д̣̇звз д̇аавад̇им̣сз ааманд̇зси – ‘яат̇аа ко, маарисаа, нимид̇д̇аани д̣̇иссанд̇и, ул̣ааро аалого сан̃ж̇ааяад̇и, обхаасо баад̇убхавад̇и , б̣рахмаа баад̇убхависсад̇и; б̣рахмуно хзд̇ам̣ буб̣б̣анимид̇д̇ам̣ баад̇убхаавааяа, яад̣̇ид̣̇ам̣ аалого сан̃ж̇ааяад̇и обхаасо баад̇убхавад̇ийд̇и.

299. ‘‘Atha kho, bhante, uttarāya disāya uḷāro āloko sañjāyi, obhāso pāturahosi atikkammeva devānaṃ devānubhāvaṃ. Atha kho, bhante, sakko devānamindo deve tāvatiṃse āmantesi – ‘yathā kho, mārisā, nimittāni dissanti, uḷāro āloko sañjāyati, obhāso pātubhavati , brahmā pātubhavissati; brahmuno hetaṃ pubbanimittaṃ pātubhāvāya, yadidaṃ āloko sañjāyati obhāso pātubhavatīti.

‘яат̇аа нимид̇д̇аа д̣̇иссанд̇и, б̣рахмаа баад̇убхависсад̇и;

‘Yathā nimittā dissanti, brahmā pātubhavissati;

б̣рахмуно хзд̇ам̣ нимид̇д̇ам̣, обхаасо вибуло махаа’д̇и.

Brahmuno hetaṃ nimittaṃ, obhāso vipulo mahā’ti.

санан̇гумаарагат̇аа

Sanaṅkumārakathā

300. ‘‘ат̇а ко, бханд̇з, д̣̇зваа д̇аавад̇им̣саа яат̇аасагзсу аасанзсу нисийд̣̇им̣су – ‘обхаасамзд̇ам̣ н̃ассаама, яам̣вибааго бхависсад̇и, сажчигад̇ваава нам̣ г̇амиссаамаа’д̇и. жад̇д̇аароби махаарааж̇аано яат̇аасагзсу аасанзсу нисийд̣̇им̣су – ‘обхаасамзд̇ам̣ н̃ассаама, яам̣вибааго бхависсад̇и, сажчигад̇ваава нам̣ г̇амиссаамаа’д̇и. ид̣̇ам̣ суд̇ваа д̣̇зваа д̇аавад̇им̣саа згаг̇г̇аа самаабаж̇ж̇им̣су – ‘обхаасамзд̇ам̣ н̃ассаама, яам̣вибааго бхависсад̇и, сажчигад̇ваава нам̣ г̇амиссаамаа’д̇и.

300. ‘‘Atha kho, bhante, devā tāvatiṃsā yathāsakesu āsanesu nisīdiṃsu – ‘obhāsametaṃ ñassāma, yaṃvipāko bhavissati, sacchikatvāva naṃ gamissāmā’ti. Cattāropi mahārājāno yathāsakesu āsanesu nisīdiṃsu – ‘obhāsametaṃ ñassāma, yaṃvipāko bhavissati, sacchikatvāva naṃ gamissāmā’ti. Idaṃ sutvā devā tāvatiṃsā ekaggā samāpajjiṃsu – ‘obhāsametaṃ ñassāma, yaṃvipāko bhavissati, sacchikatvāva naṃ gamissāmā’ti.

‘‘яад̣̇аа, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, ол̣ааригам̣ ад̇д̇абхаавам̣ абхинимминид̇ваа баад̇убхавад̇и. яо ко бана, бханд̇з, б̣рахмуно багад̇иван̣н̣о, анабхисамбхаванийяо со д̣̇зваанам̣ д̇аавад̇им̣саанам̣ жагкубат̇асмим̣. яад̣̇аа, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, со ан̃н̃з д̣̇звз ад̇ирожад̇и ван̣н̣зна жзва яасасаа жа. сзяяат̇ааби, бханд̇з, сован̣н̣о виг̇г̇ахо маанусам̣ виг̇г̇ахам̣ ад̇ирожад̇и, звамзва ко, бханд̇з, яад̣̇аа б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, со ан̃н̃з д̣̇звз ад̇ирожад̇и ван̣н̣зна жзва яасасаа жа. яад̣̇аа, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ баад̇убхавад̇и, на д̇ассам̣ барисааяам̣ гожи д̣̇зво абхиваад̣̇зд̇и ваа бажжудтзд̇и ваа аасанзна ваа ниманд̇зд̇и. саб̣б̣зва д̇ун̣хийбхууд̇аа бан̃ж̇алигаа баллан̇гзна нисийд̣̇анд̇и – ‘яассад̣̇аани д̣̇звасса баллан̇гам̣ ижчиссад̇и б̣рахмаа санан̇гумааро, д̇асса д̣̇звасса баллан̇гз нисийд̣̇иссад̇ий’д̇и. яасса ко бана, бханд̇з, д̣̇звасса б̣рахмаа санан̇гумааро баллан̇гз нисийд̣̇ад̇и, ул̣аарам̣ со лабхад̇и д̣̇зво взд̣̇абадилаабхам̣, ул̣аарам̣ со лабхад̇и д̣̇зво соманассабадилаабхам̣ . сзяяат̇ааби, бханд̇з, рааж̇аа кад̇д̇ияо муд̣̇д̇хаавасид̇д̇о ад̇хунаабхисид̇д̇о раж̇ж̇зна, ул̣аарам̣ со лабхад̇и взд̣̇абадилаабхам̣, ул̣аарам̣ со лабхад̇и соманассабадилаабхам̣, звамзва ко, бханд̇з, яасса д̣̇звасса б̣рахмаа санан̇гумааро баллан̇гз нисийд̣̇ад̇и, ул̣аарам̣ со лабхад̇и д̣̇зво взд̣̇абадилаабхам̣, ул̣аарам̣ со лабхад̇и д̣̇зво соманассабадилаабхам̣. ат̇а, бханд̇з, б̣рахмаа санан̇гумааро д̣̇зваанам̣ д̇аавад̇им̣саанам̣ самбасаад̣̇ам̣ вид̣̇ид̇ваа анд̇арахид̇о имаахи г̇аат̇аахи анумод̣̇и –

‘‘Yadā, bhante, brahmā sanaṅkumāro devānaṃ tāvatiṃsānaṃ pātubhavati, oḷārikaṃ attabhāvaṃ abhinimminitvā pātubhavati. Yo kho pana, bhante, brahmuno pakativaṇṇo, anabhisambhavanīyo so devānaṃ tāvatiṃsānaṃ cakkhupathasmiṃ. Yadā, bhante, brahmā sanaṅkumāro devānaṃ tāvatiṃsānaṃ pātubhavati, so aññe deve atirocati vaṇṇena ceva yasasā ca. Seyyathāpi, bhante, sovaṇṇo viggaho mānusaṃ viggahaṃ atirocati, evameva kho, bhante, yadā brahmā sanaṅkumāro devānaṃ tāvatiṃsānaṃ pātubhavati, so aññe deve atirocati vaṇṇena ceva yasasā ca. Yadā, bhante, brahmā sanaṅkumāro devānaṃ tāvatiṃsānaṃ pātubhavati, na tassaṃ parisāyaṃ koci devo abhivādeti vā paccuṭṭheti vā āsanena vā nimanteti. Sabbeva tuṇhībhūtā pañjalikā pallaṅkena nisīdanti – ‘yassadāni devassa pallaṅkaṃ icchissati brahmā sanaṅkumāro, tassa devassa pallaṅke nisīdissatī’ti. Yassa kho pana, bhante, devassa brahmā sanaṅkumāro pallaṅke nisīdati, uḷāraṃ so labhati devo vedapaṭilābhaṃ, uḷāraṃ so labhati devo somanassapaṭilābhaṃ . Seyyathāpi, bhante, rājā khattiyo muddhāvasitto adhunābhisitto rajjena, uḷāraṃ so labhati vedapaṭilābhaṃ, uḷāraṃ so labhati somanassapaṭilābhaṃ, evameva kho, bhante, yassa devassa brahmā sanaṅkumāro pallaṅke nisīdati, uḷāraṃ so labhati devo vedapaṭilābhaṃ, uḷāraṃ so labhati devo somanassapaṭilābhaṃ. Atha, bhante, brahmā sanaṅkumāro devānaṃ tāvatiṃsānaṃ sampasādaṃ viditvā antarahito imāhi gāthāhi anumodi –

‘мод̣̇анд̇и вад̇а бхо д̣̇зваа, д̇аавад̇им̣саа сахинд̣̇агаа;

‘Modanti vata bho devā, tāvatiṃsā sahindakā;

д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇ам̣.

Tathāgataṃ namassantā, dhammassa ca sudhammataṃ.

‘навз д̣̇звз жа бассанд̇аа, ван̣н̣аванд̇з яасассинз;

‘Nave deve ca passantā, vaṇṇavante yasassine;

суг̇ад̇асмим̣ б̣рахмажарияам̣, жарид̇ваана ид̇хааг̇ад̇з.

Sugatasmiṃ brahmacariyaṃ, caritvāna idhāgate.

‘д̇з ан̃н̃з ад̇ирожанд̇и, ван̣н̣зна яасасааяунаа;

‘Te aññe atirocanti, vaṇṇena yasasāyunā;

саавагаа бхуурибан̃н̃асса, висзсуубаг̇ад̇аа ид̇ха.

Sāvakā bhūripaññassa, visesūpagatā idha.

‘ид̣̇ам̣ д̣̇исваана нанд̣̇анд̇и, д̇аавад̇им̣саа сахинд̣̇агаа;

‘Idaṃ disvāna nandanti, tāvatiṃsā sahindakā;

д̇ат̇ааг̇ад̇ам̣ намассанд̇аа, д̇хаммасса жа суд̇хаммад̇а’нд̇и.

Tathāgataṃ namassantā, dhammassa ca sudhammata’nti.

301. ‘‘имамад̇т̇ам̣, бханд̇з, б̣рахмаа санан̇гумааро абхаасид̇т̇а. имамад̇т̇ам̣, бханд̇з , б̣рахмуно санан̇гумаарасса бхаасад̇о адтан̇г̇асаманнааг̇ад̇о саро ход̇и виссадто жа вин̃н̃зяяо жа ман̃ж̇у жа саванийяо жа б̣инд̣̇у жа ависаарий жа г̇амбхийро жа ниннаад̣̇ий жа. яат̇аабарисам̣ ко бана, бханд̇з, б̣рахмаа санан̇гумааро сарзна вин̃н̃аабзд̇и, на жасса б̣ахид̣̇д̇хаа барисааяа гхосо нижчарад̇и. яасса ко бана, бханд̇з, звам̣ адтан̇г̇асаманнааг̇ад̇о саро ход̇и, со вужжад̇и ‘б̣рахмассаро’д̇и. ат̇а ко, бханд̇з, д̣̇зваа д̇аавад̇им̣саа б̣рахмаанам̣ санан̇гумаарам̣ зд̇ад̣̇авожум̣ – ‘саад̇ху, махааб̣рахмз, зд̇ад̣̇зва маяам̣ сан̇кааяа мод̣̇аама; ад̇т̇и жа саггзна д̣̇зваанаминд̣̇зна д̇асса бхаг̇авад̇о адта яат̇аабхужжаа ван̣н̣аа бхаасид̇аа; д̇з жа маяам̣ сан̇кааяа мод̣̇аамаа’д̇и.

301. ‘‘Imamatthaṃ, bhante, brahmā sanaṅkumāro abhāsittha. Imamatthaṃ, bhante , brahmuno sanaṅkumārassa bhāsato aṭṭhaṅgasamannāgato saro hoti vissaṭṭho ca viññeyyo ca mañju ca savanīyo ca bindu ca avisārī ca gambhīro ca ninnādī ca. Yathāparisaṃ kho pana, bhante, brahmā sanaṅkumāro sarena viññāpeti, na cassa bahiddhā parisāya ghoso niccharati. Yassa kho pana, bhante, evaṃ aṭṭhaṅgasamannāgato saro hoti, so vuccati ‘brahmassaro’ti. Atha kho, bhante, devā tāvatiṃsā brahmānaṃ sanaṅkumāraṃ etadavocuṃ – ‘sādhu, mahābrahme, etadeva mayaṃ saṅkhāya modāma; atthi ca sakkena devānamindena tassa bhagavato aṭṭha yathābhuccā vaṇṇā bhāsitā; te ca mayaṃ saṅkhāya modāmā’ti.

адта яат̇аабхужжаван̣н̣аа

Aṭṭha yathābhuccavaṇṇā

302. ‘‘ат̇а , бханд̇з, б̣рахмаа санан̇гумааро саггам̣ д̣̇зваанаминд̣̇ам̣ зд̇ад̣̇авожа – ‘саад̇ху, д̣̇зваанаминд̣̇а, маяамби д̇асса бхаг̇авад̇о адта яат̇аабхужжз ван̣н̣з сун̣зяяаамаа’д̇и. ‘звам̣ махааб̣рахмз’д̇и ко, бханд̇з, сагго д̣̇зваанаминд̣̇о б̣рахмуно санан̇гумаарасса бхаг̇авад̇о адта яат̇аабхужжз ван̣н̣з баяируд̣̇аахааси.

302. ‘‘Atha , bhante, brahmā sanaṅkumāro sakkaṃ devānamindaṃ etadavoca – ‘sādhu, devānaminda, mayampi tassa bhagavato aṭṭha yathābhucce vaṇṇe suṇeyyāmā’ti. ‘Evaṃ mahābrahme’ti kho, bhante, sakko devānamindo brahmuno sanaṅkumārassa bhagavato aṭṭha yathābhucce vaṇṇe payirudāhāsi.

‘‘д̇ам̣ гим̣ ман̃н̃ад̇и, бхавам̣ махааб̣рахмаа? яааван̃жа со бхаг̇аваа б̣ахуж̇анахид̇ааяа бадибанно б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. звам̣ б̣ахуж̇анахид̇ааяа бадибаннам̣ б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Taṃ kiṃ maññati, bhavaṃ mahābrahmā? Yāvañca so bhagavā bahujanahitāya paṭipanno bahujanasukhāya lokānukampāya atthāya hitāya sukhāya devamanussānaṃ. Evaṃ bahujanahitāya paṭipannaṃ bahujanasukhāya lokānukampāya atthāya hitāya sukhāya devamanussānaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘ид̣̇ам̣ гусала’нд̇и ко бана д̇зна бхаг̇авад̇аа субан̃н̃ад̇д̇ам̣, ‘ид̣̇ам̣ агусала’нд̇и субан̃н̃ад̇д̇ам̣, ‘ид̣̇ам̣ сааваж̇ж̇ам̣ ид̣̇ам̣ анаваж̇ж̇ам̣, ид̣̇ам̣ сзвид̇аб̣б̣ам̣ ид̣̇ам̣ на сзвид̇аб̣б̣ам̣, ид̣̇ам̣ хийнам̣ ид̣̇ам̣ бан̣ийд̇ам̣, ид̣̇ам̣ ган̣хасуггасаббадибхааг̇а’нд̇и субан̃н̃ад̇д̇ам̣. звам̣ гусалаагусаласааваж̇ж̇аанаваж̇ж̇асзвид̇аб̣б̣аасзвид̇аб̣б̣ахийнабан̣ийд̇аган̣хасуггасаббадибхааг̇аанам̣ д̇хаммаанам̣ бан̃н̃аабзд̇аарам̣. иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Idaṃ kusala’nti kho pana tena bhagavatā supaññattaṃ, ‘idaṃ akusala’nti supaññattaṃ, ‘idaṃ sāvajjaṃ idaṃ anavajjaṃ, idaṃ sevitabbaṃ idaṃ na sevitabbaṃ, idaṃ hīnaṃ idaṃ paṇītaṃ, idaṃ kaṇhasukkasappaṭibhāga’nti supaññattaṃ. Evaṃ kusalākusalasāvajjānavajjasevitabbāsevitabbahīnapaṇītakaṇhasukkasappaṭibhāgānaṃ dhammānaṃ paññāpetāraṃ. Imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘субан̃н̃ад̇д̇аа ко бана д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа сам̣санд̣̇ад̇и ниб̣б̣аанан̃жа бадибад̣̇аа жа. сзяяат̇ааби наама г̇ан̇г̇од̣̇агам̣ яамунод̣̇агзна сам̣санд̣̇ад̇и самзд̇и, звамзва субан̃н̃ад̇д̇аа д̇зна бхаг̇авад̇аа саавагаанам̣ ниб̣б̣аанаг̇ааминий бадибад̣̇аа сам̣санд̣̇ад̇и ниб̣б̣аанан̃жа бадибад̣̇аа жа. звам̣ ниб̣б̣аанаг̇ааминияаа бадибад̣̇ааяа бан̃н̃аабзд̇аарам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Supaññattā kho pana tena bhagavatā sāvakānaṃ nibbānagāminī paṭipadā saṃsandati nibbānañca paṭipadā ca. Seyyathāpi nāma gaṅgodakaṃ yamunodakena saṃsandati sameti, evameva supaññattā tena bhagavatā sāvakānaṃ nibbānagāminī paṭipadā saṃsandati nibbānañca paṭipadā ca. Evaṃ nibbānagāminiyā paṭipadāya paññāpetāraṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘абхинибпанно ко бана д̇асса бхаг̇авад̇о лаабхо абхинибпанно силого, яаава ман̃н̃з кад̇д̇ияаа самбияааяамаанаруубаа вихаранд̇и. виг̇ад̇амад̣̇о ко бана со бхаг̇аваа аахаарам̣ аахаарзд̇и. звам̣ виг̇ад̇амад̣̇ам̣ аахаарам̣ аахараяамаанам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Abhinipphanno kho pana tassa bhagavato lābho abhinipphanno siloko, yāva maññe khattiyā sampiyāyamānarūpā viharanti. Vigatamado kho pana so bhagavā āhāraṃ āhāreti. Evaṃ vigatamadaṃ āhāraṃ āharayamānaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘лад̣̇д̇хасахааяо ко бана со бхаг̇аваа сзкаанан̃жзва бадибаннаанам̣ кийн̣аасаваанан̃жа вусид̇авад̇ам̣, д̇з бхаг̇аваа абануж̇ж̇а згаараамад̇ам̣ ануяуд̇д̇о вихарад̇и. звам̣ згаараамад̇ам̣ ануяуд̇д̇ам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Laddhasahāyo kho pana so bhagavā sekhānañceva paṭipannānaṃ khīṇāsavānañca vusitavataṃ, te bhagavā apanujja ekārāmataṃ anuyutto viharati. Evaṃ ekārāmataṃ anuyuttaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘яат̇ааваад̣̇ий ко бана со бхаг̇аваа д̇ат̇аагаарий, яат̇аагаарий д̇ат̇ааваад̣̇ий; ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий. звам̣ д̇хаммаануд̇хаммаббадиббаннам̣ иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа.

‘‘Yathāvādī kho pana so bhagavā tathākārī, yathākārī tathāvādī; iti yathāvādī tathākārī, yathākārī tathāvādī. Evaṃ dhammānudhammappaṭippannaṃ imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā.

‘‘д̇ин̣н̣авижигижчо ко бана со бхаг̇аваа виг̇ад̇агат̇ам̣гат̇о барияосид̇асан̇габбо аж̇жхаасаяам̣ аад̣̇иб̣рахмажарияам̣ . звам̣ д̇ин̣н̣авижигижчам̣ виг̇ад̇агат̇ам̣гат̇ам̣ барияосид̇асан̇габбам̣ аж̇жхаасаяам̣ аад̣̇иб̣рахмажарияам̣. иминаабан̇г̇зна саманнааг̇ад̇ам̣ сад̇т̇аарам̣ нзва ад̇ийд̇ам̣сз саманубассаама, на банзд̇арахи, ан̃н̃ад̇ра д̇зна бхаг̇авад̇аа’д̇и.

‘‘Tiṇṇavicikiccho kho pana so bhagavā vigatakathaṃkatho pariyositasaṅkappo ajjhāsayaṃ ādibrahmacariyaṃ . Evaṃ tiṇṇavicikicchaṃ vigatakathaṃkathaṃ pariyositasaṅkappaṃ ajjhāsayaṃ ādibrahmacariyaṃ. Imināpaṅgena samannāgataṃ satthāraṃ neva atītaṃse samanupassāma, na panetarahi, aññatra tena bhagavatā’ti.

303. ‘‘имз ко, бханд̇з, сагго д̣̇зваанаминд̣̇о б̣рахмуно санан̇гумаарасса бхаг̇авад̇о адта яат̇аабхужжз ван̣н̣з баяируд̣̇аахааси. д̇зна суд̣̇ам̣, бханд̇з, б̣рахмаа санан̇гумааро ад̇д̇амано ход̇и бамуд̣̇ид̇о бийд̇исоманассаж̇аад̇о бхаг̇авад̇о адта яат̇аабхужжз ван̣н̣з суд̇ваа. ат̇а, бханд̇з, б̣рахмаа санан̇гумааро ол̣ааригам̣ ад̇д̇абхаавам̣ абхинимминид̇ваа гумаараван̣н̣ий худ̇ваа бан̃жасико д̣̇зваанам̣ д̇аавад̇им̣саанам̣ баад̇урахоси . со взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇и. сзяяат̇ааби, бханд̇з, б̣алаваа бурисо субажжад̇т̇ад̇з ваа баллан̇гз самз ваа бхуумибхааг̇з баллан̇гзна нисийд̣̇зяяа, звамзва ко, бханд̇з, б̣рахмаа санан̇гумааро взхаасам̣ аб̣бхуг̇г̇анд̇ваа аагаасз анд̇алигкз баллан̇гзна нисийд̣̇ид̇ваа д̣̇звз д̇аавад̇им̣сз ааманд̇зси –

303. ‘‘Ime kho, bhante, sakko devānamindo brahmuno sanaṅkumārassa bhagavato aṭṭha yathābhucce vaṇṇe payirudāhāsi. Tena sudaṃ, bhante, brahmā sanaṅkumāro attamano hoti pamudito pītisomanassajāto bhagavato aṭṭha yathābhucce vaṇṇe sutvā. Atha, bhante, brahmā sanaṅkumāro oḷārikaṃ attabhāvaṃ abhinimminitvā kumāravaṇṇī hutvā pañcasikho devānaṃ tāvatiṃsānaṃ pāturahosi . So vehāsaṃ abbhuggantvā ākāse antalikkhe pallaṅkena nisīdi. Seyyathāpi, bhante, balavā puriso supaccatthate vā pallaṅke same vā bhūmibhāge pallaṅkena nisīdeyya, evameva kho, bhante, brahmā sanaṅkumāro vehāsaṃ abbhuggantvā ākāse antalikkhe pallaṅkena nisīditvā deve tāvatiṃse āmantesi –

г̇овинд̣̇аб̣раахман̣авад̇т̇у

Govindabrāhmaṇavatthu

304. ‘‘д̇ам̣ гим̣ ман̃н̃анд̇и, бхонд̇о д̣̇зваа д̇аавад̇им̣саа, яаава д̣̇ийгхарад̇д̇ам̣ махаабан̃н̃ова со бхаг̇аваа ахоси. бхууд̇абуб̣б̣ам̣, бхо, рааж̇аа д̣̇исамбад̇и наама ахоси. д̣̇исамбад̇исса ран̃н̃о г̇овинд̣̇о наама б̣раахман̣о бурохид̇о ахоси. д̣̇исамбад̇исса ран̃н̃о рзн̣у наама гумааро буд̇д̇о ахоси. г̇овинд̣̇асса б̣раахман̣асса ж̇од̇ибаало наама маан̣аво буд̇д̇о ахоси. ид̇и рзн̣у жа рааж̇абуд̇д̇о ж̇од̇ибаало жа маан̣аво ан̃н̃з жа ча кад̇д̇ияаа ижжзд̇з адта сахааяаа ахзсум̣. ат̇а ко, бхо, ахорад̇д̇аанам̣ ажжаязна г̇овинд̣̇о б̣раахман̣о гааламагааси. г̇овинд̣̇з б̣раахман̣з гаалан̇гад̇з рааж̇аа д̣̇исамбад̇и барид̣̇звзси – ‘‘яасмим̣ вад̇а, бхо, маяам̣ самаяз г̇овинд̣̇з б̣раахман̣з саб̣б̣агижжаани саммаа воссаж̇ж̇ид̇ваа бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзма, д̇асмим̣ но самаяз г̇овинд̣̇о б̣раахман̣о гаалан̇гад̇о’’д̇и. звам̣ вуд̇д̇з бхо рзн̣у рааж̇абуд̇д̇о рааж̇аанам̣ д̣̇исамбад̇им̣ зд̇ад̣̇авожа – ‘‘маа ко д̇вам̣, д̣̇зва, г̇овинд̣̇з б̣раахман̣з гаалан̇гад̇з ад̇иб̣аал̣хам̣ барид̣̇звзси. ад̇т̇и, д̣̇зва, г̇овинд̣̇асса б̣раахман̣асса ж̇од̇ибаало наама маан̣аво буд̇д̇о бан̣д̣ид̇ад̇аро жзва бид̇араа, аламад̇т̇ад̣̇асад̇аро жзва бид̇араа; язбисса бид̇аа ад̇т̇з анусааси, д̇зби ж̇од̇ибаалассзва маан̣авасса анусаасанияаа’’д̇и. ‘‘звам̣ гумаараа’’д̇и? ‘‘звам̣ д̣̇зваа’’д̇и.

304. ‘‘Taṃ kiṃ maññanti, bhonto devā tāvatiṃsā, yāva dīgharattaṃ mahāpaññova so bhagavā ahosi. Bhūtapubbaṃ, bho, rājā disampati nāma ahosi. Disampatissa rañño govindo nāma brāhmaṇo purohito ahosi. Disampatissa rañño reṇu nāma kumāro putto ahosi. Govindassa brāhmaṇassa jotipālo nāma māṇavo putto ahosi. Iti reṇu ca rājaputto jotipālo ca māṇavo aññe ca cha khattiyā iccete aṭṭha sahāyā ahesuṃ. Atha kho, bho, ahorattānaṃ accayena govindo brāhmaṇo kālamakāsi. Govinde brāhmaṇe kālaṅkate rājā disampati paridevesi – ‘‘yasmiṃ vata, bho, mayaṃ samaye govinde brāhmaṇe sabbakiccāni sammā vossajjitvā pañcahi kāmaguṇehi samappitā samaṅgībhūtā paricārema, tasmiṃ no samaye govindo brāhmaṇo kālaṅkato’’ti. Evaṃ vutte bho reṇu rājaputto rājānaṃ disampatiṃ etadavoca – ‘‘mā kho tvaṃ, deva, govinde brāhmaṇe kālaṅkate atibāḷhaṃ paridevesi. Atthi, deva, govindassa brāhmaṇassa jotipālo nāma māṇavo putto paṇḍitataro ceva pitarā, alamatthadasataro ceva pitarā; yepissa pitā atthe anusāsi, tepi jotipālasseva māṇavassa anusāsaniyā’’ti. ‘‘Evaṃ kumārā’’ti? ‘‘Evaṃ devā’’ti.

махааг̇овинд̣̇авад̇т̇у

Mahāgovindavatthu

305. ‘‘ат̇а ко, бхо, рааж̇аа д̣̇исамбад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язна ж̇од̇ибаало наама маан̣аво д̇знубасан̇гама; убасан̇гамид̇ваа ж̇од̇ибаалам̣ маан̣авам̣ звам̣ вад̣̇зхи – ‘бхавамад̇т̇у бхаванд̇ам̣ ж̇од̇ибаалам̣, рааж̇аа д̣̇исамбад̇и бхаванд̇ам̣ ж̇од̇ибаалам̣ маан̣авам̣ ааманд̇аяад̇и, рааж̇аа д̣̇исамбад̇и бход̇о ж̇од̇ибааласса маан̣авасса д̣̇ассанагаамо’’’д̇и. ‘‘звам̣, д̣̇зваа’’д̇и ко, бхо, со бурисо д̣̇исамбад̇исса ран̃н̃о бадиссуд̇ваа язна ж̇од̇ибаало маан̣аво д̇знубасан̇гами; убасан̇гамид̇ваа ж̇од̇ибаалам̣ маан̣авам̣ зд̇ад̣̇авожа – ‘‘бхавамад̇т̇у бхаванд̇ам̣ ж̇од̇ибаалам̣, рааж̇аа д̣̇исамбад̇и бхаванд̇ам̣ ж̇од̇ибаалам̣ маан̣авам̣ ааманд̇аяад̇и , рааж̇аа д̣̇исамбад̇и бход̇о ж̇од̇ибааласса маан̣авасса д̣̇ассанагаамо’’д̇и. ‘‘звам̣, бхо’’д̇и ко бхо ж̇од̇ибаало маан̣аво д̇асса бурисасса бадиссуд̇ваа язна рааж̇аа д̣̇исамбад̇и д̇знубасан̇гами; убасан̇гамид̇ваа д̣̇исамбад̇инаа ран̃н̃аа сад̣̇д̇хим̣ саммод̣̇и; саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко, бхо, ж̇од̇ибаалам̣ маан̣авам̣ рааж̇аа д̣̇исамбад̇и зд̇ад̣̇авожа – ‘‘анусаасад̇у но бхавам̣ ж̇од̇ибаало, маа но бхавам̣ ж̇од̇ибаало анусаасанияаа бажжаб̣яаахааси. бзд̇д̇игз д̇ам̣ таанз табзссаами, г̇овинд̣̇ияз абхисин̃жиссаамий’’д̇и. ‘‘звам̣, бхо’’д̇и ко, бхо, со ж̇од̇ибаало маан̣аво д̣̇исамбад̇исса ран̃н̃о бажжассоси. ат̇а ко, бхо, рааж̇аа д̣̇исамбад̇и ж̇од̇ибаалам̣ маан̣авам̣ г̇овинд̣̇ияз абхисин̃жи, д̇ам̣ бзд̇д̇игз таанз табзси. абхисид̇д̇о ж̇од̇ибаало маан̣аво г̇овинд̣̇ияз бзд̇д̇игз таанз табид̇о язбисса бид̇аа ад̇т̇з анусааси д̇зби ад̇т̇з анусаасад̇и, язбисса бид̇аа ад̇т̇з наанусааси, д̇зби ад̇т̇з анусаасад̇и; язбисса бид̇аа гамманд̇з абхисамбхоси, д̇зби гамманд̇з абхисамбход̇и, язбисса бид̇аа гамманд̇з наабхисамбхоси, д̇зби гамманд̇з абхисамбход̇и. д̇амзнам̣ мануссаа звамаахам̣су – ‘‘г̇овинд̣̇о вад̇а, бхо, б̣раахман̣о, махааг̇овинд̣̇о вад̇а, бхо, б̣раахман̣о’’д̇и. иминаа ко звам̣, бхо, барияааязна ж̇од̇ибааласса маан̣авасса г̇овинд̣̇о махааг̇овинд̣̇од̇взва саман̃н̃аа уд̣̇абаад̣̇и.

305. ‘‘Atha kho, bho, rājā disampati aññataraṃ purisaṃ āmantesi – ‘‘ehi tvaṃ, ambho purisa, yena jotipālo nāma māṇavo tenupasaṅkama; upasaṅkamitvā jotipālaṃ māṇavaṃ evaṃ vadehi – ‘bhavamatthu bhavantaṃ jotipālaṃ, rājā disampati bhavantaṃ jotipālaṃ māṇavaṃ āmantayati, rājā disampati bhoto jotipālassa māṇavassa dassanakāmo’’’ti. ‘‘Evaṃ, devā’’ti kho, bho, so puriso disampatissa rañño paṭissutvā yena jotipālo māṇavo tenupasaṅkami; upasaṅkamitvā jotipālaṃ māṇavaṃ etadavoca – ‘‘bhavamatthu bhavantaṃ jotipālaṃ, rājā disampati bhavantaṃ jotipālaṃ māṇavaṃ āmantayati , rājā disampati bhoto jotipālassa māṇavassa dassanakāmo’’ti. ‘‘Evaṃ, bho’’ti kho bho jotipālo māṇavo tassa purisassa paṭissutvā yena rājā disampati tenupasaṅkami; upasaṅkamitvā disampatinā raññā saddhiṃ sammodi; sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho, bho, jotipālaṃ māṇavaṃ rājā disampati etadavoca – ‘‘anusāsatu no bhavaṃ jotipālo, mā no bhavaṃ jotipālo anusāsaniyā paccabyāhāsi. Pettike taṃ ṭhāne ṭhapessāmi, govindiye abhisiñcissāmī’’ti. ‘‘Evaṃ, bho’’ti kho, bho, so jotipālo māṇavo disampatissa rañño paccassosi. Atha kho, bho, rājā disampati jotipālaṃ māṇavaṃ govindiye abhisiñci, taṃ pettike ṭhāne ṭhapesi. Abhisitto jotipālo māṇavo govindiye pettike ṭhāne ṭhapito yepissa pitā atthe anusāsi tepi atthe anusāsati, yepissa pitā atthe nānusāsi, tepi atthe anusāsati; yepissa pitā kammante abhisambhosi, tepi kammante abhisambhoti, yepissa pitā kammante nābhisambhosi, tepi kammante abhisambhoti. Tamenaṃ manussā evamāhaṃsu – ‘‘govindo vata, bho, brāhmaṇo, mahāgovindo vata, bho, brāhmaṇo’’ti. Iminā kho evaṃ, bho, pariyāyena jotipālassa māṇavassa govindo mahāgovindotveva samaññā udapādi.

раж̇ж̇асам̣вибхаж̇анам̣

Rajjasaṃvibhajanaṃ

306. ‘‘ат̇а ко, бхо, махааг̇овинд̣̇о б̣раахман̣о язна д̇з ча кад̇д̇ияаа д̇знубасан̇гами; убасан̇гамид̇ваа д̇з ча кад̇д̇ияз зд̇ад̣̇авожа – ‘‘д̣̇исамбад̇и ко, бхо, рааж̇аа ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о, го ну ко бана, бхо, ж̇аанаад̇и ж̇ийвид̇ам̣? таанам̣ ко банзд̇ам̣ виж̇ж̇ад̇и, яам̣ д̣̇исамбад̇имхи ран̃н̃з гаалан̇гад̇з рааж̇агад̇д̇ааро рзн̣ум̣ рааж̇абуд̇д̇ам̣ раж̇ж̇з абхисин̃жзяяум̣. ааяанд̇у, бхонд̇о, язна рзн̣у рааж̇абуд̇д̇о д̇знубасан̇гамат̇а; убасан̇гамид̇ваа рзн̣ум̣ рааж̇абуд̇д̇ам̣ звам̣ вад̣̇зт̇а – ‘‘маяам̣ ко бход̇о рзн̣усса сахааяаа бияаа манаабаа аббадигуулаа, яам̣суко бхавам̣ д̇ам̣сукаа маяам̣, яам̣д̣̇угко бхавам̣ д̇ам̣д̣̇угкаа маяам̣. д̣̇исамбад̇и ко, бхо, рааж̇аа ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о, го ну ко бана, бхо, ж̇аанаад̇и ж̇ийвид̇ам̣? таанам̣ ко банзд̇ам̣ виж̇ж̇ад̇и, яам̣ д̣̇исамбад̇имхи ран̃н̃з гаалан̇гад̇з рааж̇агад̇д̇ааро бхаванд̇ам̣ рзн̣ум̣ раж̇ж̇з абхисин̃жзяяум̣. сажз бхавам̣ рзн̣у раж̇ж̇ам̣ лабхзт̇а, сам̣вибхаж̇зт̇а но раж̇ж̇знаа’’д̇и. ‘‘звам̣ бхо’’д̇и ко, бхо, д̇з ча кад̇д̇ияаа махааг̇овинд̣̇асса б̣раахман̣асса бадиссуд̇ваа язна рзн̣у рааж̇абуд̇д̇о д̇знубасан̇гамим̣су; убасан̇гамид̇ваа рзн̣ум̣ рааж̇абуд̇д̇ам̣ зд̇ад̣̇авожум̣ – ‘‘маяам̣ ко бход̇о рзн̣усса сахааяаа бияаа манаабаа аббадигуулаа ; яам̣суко бхавам̣ д̇ам̣сукаа маяам̣, яам̣д̣̇угко бхавам̣ д̇ам̣д̣̇угкаа маяам̣. д̣̇исамбад̇и ко, бхо, рааж̇аа ж̇ин̣н̣о вуд̣̇д̇хо махаллаго ад̣̇д̇хаг̇ад̇о ваяоануббад̇д̇о, го ну ко бана бхо ж̇аанаад̇и ж̇ийвид̇ам̣? таанам̣ ко банзд̇ам̣ виж̇ж̇ад̇и, яам̣ д̣̇исамбад̇имхи ран̃н̃з гаалан̇гад̇з рааж̇агад̇д̇ааро бхаванд̇ам̣ рзн̣ум̣ раж̇ж̇з абхисин̃жзяяум̣. сажз бхавам̣ рзн̣у раж̇ж̇ам̣ лабхзт̇а, сам̣вибхаж̇зт̇а но раж̇ж̇знаа’’д̇и. ‘‘го ну ко, бхо, ан̃н̃о мама виж̇ид̇з суко бхавзт̇а ³, ан̃н̃ад̇ра бхаванд̇збхи? сажаахам̣, бхо, раж̇ж̇ам̣ лабхиссаами, сам̣вибхаж̇иссаами во раж̇ж̇знаа’’’д̇и.

306. ‘‘Atha kho, bho, mahāgovindo brāhmaṇo yena te cha khattiyā tenupasaṅkami; upasaṅkamitvā te cha khattiye etadavoca – ‘‘disampati kho, bho, rājā jiṇṇo vuddho mahallako addhagato vayoanuppatto, ko nu kho pana, bho, jānāti jīvitaṃ? Ṭhānaṃ kho panetaṃ vijjati, yaṃ disampatimhi raññe kālaṅkate rājakattāro reṇuṃ rājaputtaṃ rajje abhisiñceyyuṃ. Āyantu, bhonto, yena reṇu rājaputto tenupasaṅkamatha; upasaṅkamitvā reṇuṃ rājaputtaṃ evaṃ vadetha – ‘‘mayaṃ kho bhoto reṇussa sahāyā piyā manāpā appaṭikūlā, yaṃsukho bhavaṃ taṃsukhā mayaṃ, yaṃdukkho bhavaṃ taṃdukkhā mayaṃ. Disampati kho, bho, rājā jiṇṇo vuddho mahallako addhagato vayoanuppatto, ko nu kho pana, bho, jānāti jīvitaṃ? Ṭhānaṃ kho panetaṃ vijjati, yaṃ disampatimhi raññe kālaṅkate rājakattāro bhavantaṃ reṇuṃ rajje abhisiñceyyuṃ. Sace bhavaṃ reṇu rajjaṃ labhetha, saṃvibhajetha no rajjenā’’ti. ‘‘Evaṃ bho’’ti kho, bho, te cha khattiyā mahāgovindassa brāhmaṇassa paṭissutvā yena reṇu rājaputto tenupasaṅkamiṃsu; upasaṅkamitvā reṇuṃ rājaputtaṃ etadavocuṃ – ‘‘mayaṃ kho bhoto reṇussa sahāyā piyā manāpā appaṭikūlā ; yaṃsukho bhavaṃ taṃsukhā mayaṃ, yaṃdukkho bhavaṃ taṃdukkhā mayaṃ. Disampati kho, bho, rājā jiṇṇo vuddho mahallako addhagato vayoanuppatto, ko nu kho pana bho jānāti jīvitaṃ? Ṭhānaṃ kho panetaṃ vijjati, yaṃ disampatimhi raññe kālaṅkate rājakattāro bhavantaṃ reṇuṃ rajje abhisiñceyyuṃ. Sace bhavaṃ reṇu rajjaṃ labhetha, saṃvibhajetha no rajjenā’’ti. ‘‘Ko nu kho, bho, añño mama vijite sukho bhavetha ⁴, aññatra bhavantebhi? Sacāhaṃ, bho, rajjaṃ labhissāmi, saṃvibhajissāmi vo rajjenā’’’ti.

307. ‘‘ат̇а ко, бхо, ахорад̇д̇аанам̣ ажжаязна рааж̇аа д̣̇исамбад̇и гааламагааси. д̣̇исамбад̇имхи ран̃н̃з гаалан̇гад̇з рааж̇агад̇д̇ааро рзн̣ум̣ рааж̇абуд̇д̇ам̣ раж̇ж̇з абхисин̃жим̣су. абхисид̇д̇о рзн̣у раж̇ж̇зна бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и. ат̇а ко, бхо, махааг̇овинд̣̇о б̣раахман̣о язна д̇з ча кад̇д̇ияаа д̇знубасан̇гами; убасан̇гамид̇ваа д̇з ча кад̇д̇ияз зд̇ад̣̇авожа – ‘‘д̣̇исамбад̇и ко, бхо, рааж̇аа гаалан̇гад̇о. абхисид̇д̇о рзн̣у раж̇ж̇зна бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и. го ну ко бана, бхо, ж̇аанаад̇и, мад̣̇анийяаа гаамаа? ааяанд̇у, бхонд̇о, язна рзн̣у рааж̇аа д̇знубасан̇гамат̇а; убасан̇гамид̇ваа рзн̣ум̣ рааж̇аанам̣ звам̣ вад̣̇зт̇а – д̣̇исамбад̇и ко, бхо, рааж̇аа гаалан̇гад̇о, абхисид̇д̇о бхавам̣ рзн̣у раж̇ж̇зна, сарад̇и бхавам̣ д̇ам̣ важана’’’нд̇и?

307. ‘‘Atha kho, bho, ahorattānaṃ accayena rājā disampati kālamakāsi. Disampatimhi raññe kālaṅkate rājakattāro reṇuṃ rājaputtaṃ rajje abhisiñciṃsu. Abhisitto reṇu rajjena pañcahi kāmaguṇehi samappito samaṅgībhūto paricāreti. Atha kho, bho, mahāgovindo brāhmaṇo yena te cha khattiyā tenupasaṅkami; upasaṅkamitvā te cha khattiye etadavoca – ‘‘disampati kho, bho, rājā kālaṅkato. Abhisitto reṇu rajjena pañcahi kāmaguṇehi samappito samaṅgībhūto paricāreti. Ko nu kho pana, bho, jānāti, madanīyā kāmā? Āyantu, bhonto, yena reṇu rājā tenupasaṅkamatha; upasaṅkamitvā reṇuṃ rājānaṃ evaṃ vadetha – disampati kho, bho, rājā kālaṅkato, abhisitto bhavaṃ reṇu rajjena, sarati bhavaṃ taṃ vacana’’’nti?

308. ‘‘‘звам̣ , бхо’’д̇и ко, бхо, д̇з ча кад̇д̇ияаа махааг̇овинд̣̇асса б̣раахман̣асса бадиссуд̇ваа язна рзн̣у рааж̇аа д̇знубасан̇гамим̣су; убасан̇гамид̇ваа рзн̣ум̣ рааж̇аанам̣ зд̇ад̣̇авожум̣ – ‘‘д̣̇исамбад̇и ко, бхо, рааж̇аа гаалан̇гад̇о, абхисид̇д̇о бхавам̣ рзн̣у раж̇ж̇зна, сарад̇и бхавам̣ д̇ам̣ важана’’нд̇и? ‘‘сараамахам̣, бхо, д̇ам̣ важанам̣ ⁵. го ну ко, бхо, баход̇и имам̣ махаабат̇авим̣ уд̇д̇арзна ааяад̇ам̣ д̣̇агкин̣зна сагадамукам̣ сад̇д̇ад̇хаа самам̣ сувибхад̇д̇ам̣ вибхаж̇ид̇у’’нд̇и? ‘‘го ну ко, бхо, ан̃н̃о баход̇и, ан̃н̃ад̇ра махааг̇овинд̣̇зна б̣раахман̣знаа’’д̇и? ат̇а ко, бхо, рзн̣у рааж̇аа ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язна махааг̇овинд̣̇о б̣раахман̣о д̇знубасан̇гама; убасан̇гамид̇ваа махааг̇овинд̣̇ам̣ б̣раахман̣ам̣ звам̣ вад̣̇зхи – ‘рааж̇аа д̇ам̣, бханд̇з, рзн̣у ааманд̇зд̇ий’’’д̇и. ‘‘звам̣ д̣̇зваа’’д̇и ко, бхо, со бурисо рзн̣усса ран̃н̃о бадиссуд̇ваа язна махааг̇овинд̣̇о б̣раахман̣о д̇знубасан̇гами; убасан̇гамид̇ваа махааг̇овинд̣̇ам̣ б̣раахман̣ам̣ зд̇ад̣̇авожа – ‘‘рааж̇аа д̇ам̣, бханд̇з, рзн̣у ааманд̇зд̇ий’’д̇и. ‘‘звам̣, бхо’’д̇и ко, бхо, махааг̇овинд̣̇о б̣раахман̣о д̇асса бурисасса бадиссуд̇ваа язна рзн̣у рааж̇аа д̇знубасан̇гами; убасан̇гамид̇ваа рзн̣унаа ран̃н̃аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисиннам̣ ко, бхо, махааг̇овинд̣̇ам̣ б̣раахман̣ам̣ рзн̣у рааж̇аа зд̇ад̣̇авожа – ‘‘зд̇у, бхавам̣ г̇овинд̣̇о, имам̣ махаабат̇авим̣ уд̇д̇арзна ааяад̇ам̣ д̣̇агкин̣зна сагадамукам̣ сад̇д̇ад̇хаа самам̣ сувибхад̇д̇ам̣ вибхаж̇ад̇уу’’д̇и. ‘‘звам̣, бхо’’д̇и ко махааг̇овинд̣̇о б̣раахман̣о рзн̣усса ран̃н̃о бадиссуд̇ваа имам̣ махаабат̇авим̣ уд̇д̇арзна ааяад̇ам̣ д̣̇агкин̣зна сагадамукам̣ сад̇д̇ад̇хаа самам̣ сувибхад̇д̇ам̣ вибхаж̇и. саб̣б̣аани сагадамукаани бадтабзси ⁶. д̇ад̇ра суд̣̇ам̣ маж̇жхз рзн̣усса ран̃н̃о ж̇анабад̣̇о ход̇и.

308. ‘‘‘Evaṃ , bho’’ti kho, bho, te cha khattiyā mahāgovindassa brāhmaṇassa paṭissutvā yena reṇu rājā tenupasaṅkamiṃsu; upasaṅkamitvā reṇuṃ rājānaṃ etadavocuṃ – ‘‘disampati kho, bho, rājā kālaṅkato, abhisitto bhavaṃ reṇu rajjena, sarati bhavaṃ taṃ vacana’’nti? ‘‘Sarāmahaṃ, bho, taṃ vacanaṃ ⁷. Ko nu kho, bho, pahoti imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhajitu’’nti? ‘‘Ko nu kho, bho, añño pahoti, aññatra mahāgovindena brāhmaṇenā’’ti? Atha kho, bho, reṇu rājā aññataraṃ purisaṃ āmantesi – ‘‘ehi tvaṃ, ambho purisa, yena mahāgovindo brāhmaṇo tenupasaṅkama; upasaṅkamitvā mahāgovindaṃ brāhmaṇaṃ evaṃ vadehi – ‘rājā taṃ, bhante, reṇu āmantetī’’’ti. ‘‘Evaṃ devā’’ti kho, bho, so puriso reṇussa rañño paṭissutvā yena mahāgovindo brāhmaṇo tenupasaṅkami; upasaṅkamitvā mahāgovindaṃ brāhmaṇaṃ etadavoca – ‘‘rājā taṃ, bhante, reṇu āmantetī’’ti. ‘‘Evaṃ, bho’’ti kho, bho, mahāgovindo brāhmaṇo tassa purisassa paṭissutvā yena reṇu rājā tenupasaṅkami; upasaṅkamitvā reṇunā raññā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinnaṃ kho, bho, mahāgovindaṃ brāhmaṇaṃ reṇu rājā etadavoca – ‘‘etu, bhavaṃ govindo, imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhajatū’’ti. ‘‘Evaṃ, bho’’ti kho mahāgovindo brāhmaṇo reṇussa rañño paṭissutvā imaṃ mahāpathaviṃ uttarena āyataṃ dakkhiṇena sakaṭamukhaṃ sattadhā samaṃ suvibhattaṃ vibhaji. Sabbāni sakaṭamukhāni paṭṭhapesi ⁸. Tatra sudaṃ majjhe reṇussa rañño janapado hoti.

309. д̣̇анд̇абурам̣ галин̇г̇аанам̣ ⁹, ассагаанан̃жа бод̇анам̣.

309. Dantapuraṃ kaliṅgānaṃ ¹⁰, assakānañca potanaṃ.

махзсаяам̣ ¹¹ аванд̇ийнам̣, совийраанан̃жа роругам̣.

Mahesayaṃ ¹² avantīnaṃ, sovīrānañca rorukaṃ.

мит̇илаа жа вид̣̇зхаанам̣, жамбаа ан̇г̇зсу маабид̇аа;

Mithilā ca videhānaṃ, campā aṅgesu māpitā;

б̣аараан̣асий жа гаасийнам̣, зд̇з г̇овинд̣̇амаабид̇аад̇и.

Bārāṇasī ca kāsīnaṃ, ete govindamāpitāti.

310. ‘‘ат̇а ко, бхо, д̇з ча кад̇д̇ияаа яат̇аасагзна лаабхзна ад̇д̇аманаа ахзсум̣ барибун̣н̣асан̇габбаа – ‘‘яам̣ вад̇а но ахоси ижчид̇ам̣, яам̣ ааган̇кид̇ам̣, яам̣ ад̇хиббзд̇ам̣, яам̣ абхибад̇т̇ид̇ам̣, д̇ам̣ но лад̣̇д̇ха’’нд̇и.

310. ‘‘Atha kho, bho, te cha khattiyā yathāsakena lābhena attamanā ahesuṃ paripuṇṇasaṅkappā – ‘‘yaṃ vata no ahosi icchitaṃ, yaṃ ākaṅkhitaṃ, yaṃ adhippetaṃ, yaṃ abhipatthitaṃ, taṃ no laddha’’nti.

‘‘сад̇д̇абхуу б̣рахмад̣̇ад̇д̇о жа, взссабхуу бхарад̇о саха;

‘‘Sattabhū brahmadatto ca, vessabhū bharato saha;

рзн̣у д̣̇вз д̇хад̇арадтаа жа, д̇ад̣̇аасум̣ сад̇д̇а бхаарад̇хаа’д̇и.

Reṇu dve dhataraṭṭhā ca, tadāsuṃ satta bhāradhā’ti.

батамабхаан̣авааро нидтид̇о.

Paṭhamabhāṇavāro niṭṭhito.

гид̇д̇исад̣̇д̣̇ааб̣бхуг̇г̇аманам̣

Kittisaddaabbhuggamanaṃ

311. ‘‘ат̇а ко, бхо, д̇з ча кад̇д̇ияаа язна махааг̇овинд̣̇о б̣раахман̣о д̇знубасан̇гамим̣су; убасан̇гамид̇ваа махааг̇овинд̣̇ам̣ б̣раахман̣ам̣ зд̇ад̣̇авожум̣ – ‘‘яат̇аа ко бхавам̣ г̇овинд̣̇о рзн̣усса ран̃н̃о сахааяо бияо манаабо аббадигууло. звамзва ко бхавам̣ г̇овинд̣̇о амхаагамби сахааяо бияо манаабо аббадигууло, анусаасад̇у но бхавам̣ г̇овинд̣̇о; маа но бхавам̣ г̇овинд̣̇о анусаасанияаа бажжаб̣яаахаасий’’д̇и. ‘‘звам̣, бхо’’д̇и ко махааг̇овинд̣̇о б̣раахман̣о д̇зсам̣ чаннам̣ кад̇д̇ияаанам̣ бажжассоси. ат̇а ко, бхо, махааг̇овинд̣̇о б̣раахман̣о сад̇д̇а жа рааж̇аано кад̇д̇ияз муд̣̇д̇хаавасид̇д̇з раж̇ж̇з ¹³ анусааси, сад̇д̇а жа б̣раахман̣амахаасаалз сад̇д̇а жа нхаад̇агасад̇аани манд̇з ваажзси.

311. ‘‘Atha kho, bho, te cha khattiyā yena mahāgovindo brāhmaṇo tenupasaṅkamiṃsu; upasaṅkamitvā mahāgovindaṃ brāhmaṇaṃ etadavocuṃ – ‘‘yathā kho bhavaṃ govindo reṇussa rañño sahāyo piyo manāpo appaṭikūlo. Evameva kho bhavaṃ govindo amhākampi sahāyo piyo manāpo appaṭikūlo, anusāsatu no bhavaṃ govindo; mā no bhavaṃ govindo anusāsaniyā paccabyāhāsī’’ti. ‘‘Evaṃ, bho’’ti kho mahāgovindo brāhmaṇo tesaṃ channaṃ khattiyānaṃ paccassosi. Atha kho, bho, mahāgovindo brāhmaṇo satta ca rājāno khattiye muddhāvasitte rajje ¹⁴ anusāsi, satta ca brāhmaṇamahāsāle satta ca nhātakasatāni mante vācesi.

312. ‘‘ат̇а ко, бхо, махааг̇овинд̣̇асса б̣раахман̣асса абарзна самаязна звам̣ галяаан̣о гид̇д̇исад̣̇д̣̇о аб̣бхуг̇г̇ажчи ¹⁵ – ‘‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’’д̇и. ат̇а ко, бхо, махааг̇овинд̣̇асса б̣раахман̣асса зд̇ад̣̇ахоси – ‘‘маяхам̣ ко звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’д̇и. на ко банаахам̣ б̣рахмаанам̣ бассаами, на б̣рахмунаа саагажчзми, на б̣рахмунаа саллабаами , на б̣рахмунаа манд̇зми. суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – ‘яо вассигз жад̇д̇ааро маасз бадисаллийяад̇и, гарун̣ам̣ жхаанам̣ жхааяад̇и, со б̣рахмаанам̣ бассад̇и б̣рахмунаа саагажчзд̇и б̣рахмунаа саллабад̇и б̣рахмунаа манд̇зд̇ий’д̇и. яам̣нуунаахам̣ вассигз жад̇д̇ааро маасз бадисаллийязяяам̣, гарун̣ам̣ жхаанам̣ жхааязяяа’’нд̇и.

312. ‘‘Atha kho, bho, mahāgovindassa brāhmaṇassa aparena samayena evaṃ kalyāṇo kittisaddo abbhuggacchi ¹⁶ – ‘‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’’ti. Atha kho, bho, mahāgovindassa brāhmaṇassa etadahosi – ‘‘mayhaṃ kho evaṃ kalyāṇo kittisaddo abbhuggato – ‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’ti. Na kho panāhaṃ brahmānaṃ passāmi, na brahmunā sākacchemi, na brahmunā sallapāmi , na brahmunā mantemi. Sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ‘yo vassike cattāro māse paṭisallīyati, karuṇaṃ jhānaṃ jhāyati, so brahmānaṃ passati brahmunā sākaccheti brahmunā sallapati brahmunā mantetī’ti. Yaṃnūnāhaṃ vassike cattāro māse paṭisallīyeyyaṃ, karuṇaṃ jhānaṃ jhāyeyya’’nti.

313. ‘‘ат̇а ко, бхо, махааг̇овинд̣̇о б̣раахман̣о язна рзн̣у рааж̇аа д̇знубасан̇гами; убасан̇гамид̇ваа рзн̣ум̣ рааж̇аанам̣ зд̇ад̣̇авожа – ‘‘маяхам̣ ко, бхо, звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’д̇и. на ко банаахам̣, бхо, б̣рахмаанам̣ бассаами, на б̣рахмунаа саагажчзми, на б̣рахмунаа саллабаами, на б̣рахмунаа манд̇зми. суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – ‘яо вассигз жад̇д̇ааро маасз бадисаллийяад̇и, гарун̣ам̣ жхаанам̣ жхааяад̇и, со б̣рахмаанам̣ бассад̇и, б̣рахмунаа саагажчзд̇и б̣рахмунаа саллабад̇и б̣рахмунаа манд̇зд̇ий’д̇и. ижчаамахам̣, бхо, вассигз жад̇д̇ааро маасз бадисаллийяид̇ум̣, гарун̣ам̣ жхаанам̣ жхааяид̇ум̣; намхи гзнажи убасан̇гамид̇аб̣б̣о ан̃н̃ад̇ра згзна бхад̇д̇аабхихаарзнаа’’д̇и. ‘‘яассад̣̇аани бхавам̣ г̇овинд̣̇о гаалам̣ ман̃н̃ад̇ий’’д̇и.

313. ‘‘Atha kho, bho, mahāgovindo brāhmaṇo yena reṇu rājā tenupasaṅkami; upasaṅkamitvā reṇuṃ rājānaṃ etadavoca – ‘‘mayhaṃ kho, bho, evaṃ kalyāṇo kittisaddo abbhuggato – ‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’ti. Na kho panāhaṃ, bho, brahmānaṃ passāmi, na brahmunā sākacchemi, na brahmunā sallapāmi, na brahmunā mantemi. Sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ‘yo vassike cattāro māse paṭisallīyati, karuṇaṃ jhānaṃ jhāyati, so brahmānaṃ passati, brahmunā sākaccheti brahmunā sallapati brahmunā mantetī’ti. Icchāmahaṃ, bho, vassike cattāro māse paṭisallīyituṃ, karuṇaṃ jhānaṃ jhāyituṃ; namhi kenaci upasaṅkamitabbo aññatra ekena bhattābhihārenā’’ti. ‘‘Yassadāni bhavaṃ govindo kālaṃ maññatī’’ti.

314. ‘‘ат̇а ко, бхо, махааг̇овинд̣̇о б̣раахман̣о язна д̇з ча кад̇д̇ияаа д̇знубасан̇гами; убасан̇гамид̇ваа д̇з ча кад̇д̇ияз зд̇ад̣̇авожа – ‘‘маяхам̣ ко, бхо, звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’д̇и. на ко банаахам̣, бхо, б̣рахмаанам̣ бассаами, на б̣рахмунаа саагажчзми, на б̣рахмунаа саллабаами, на б̣рахмунаа манд̇зми. суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣, ‘яо вассигз жад̇д̇ааро маасз бадисаллийяад̇и, гарун̣ам̣ жхаанам̣ жхааяад̇и, со б̣рахмаанам̣ бассад̇и б̣рахмунаа саагажчзд̇и б̣рахмунаа саллабад̇и б̣рахмунаа манд̇зд̇ий’д̇и. ижчаамахам̣, бхо, вассигз жад̇д̇ааро маасз бадисаллийяид̇ум̣, гарун̣ам̣ жхаанам̣ жхааяид̇ум̣; намхи гзнажи убасан̇гамид̇аб̣б̣о ан̃н̃ад̇ра згзна бхад̇д̇аабхихаарзнаа’’д̇и. ‘‘яассад̣̇аани бхавам̣ г̇овинд̣̇о гаалам̣ ман̃н̃ад̇ий’’’д̇и.

314. ‘‘Atha kho, bho, mahāgovindo brāhmaṇo yena te cha khattiyā tenupasaṅkami; upasaṅkamitvā te cha khattiye etadavoca – ‘‘mayhaṃ kho, bho, evaṃ kalyāṇo kittisaddo abbhuggato – ‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’ti. Na kho panāhaṃ, bho, brahmānaṃ passāmi, na brahmunā sākacchemi, na brahmunā sallapāmi, na brahmunā mantemi. Sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ, ‘yo vassike cattāro māse paṭisallīyati, karuṇaṃ jhānaṃ jhāyati, so brahmānaṃ passati brahmunā sākaccheti brahmunā sallapati brahmunā mantetī’ti. Icchāmahaṃ, bho, vassike cattāro māse paṭisallīyituṃ, karuṇaṃ jhānaṃ jhāyituṃ; namhi kenaci upasaṅkamitabbo aññatra ekena bhattābhihārenā’’ti. ‘‘Yassadāni bhavaṃ govindo kālaṃ maññatī’’’ti.

315. ‘‘ат̇а ко, бхо, махааг̇овинд̣̇о б̣раахман̣о язна д̇з сад̇д̇а жа б̣раахман̣амахаасаалаа сад̇д̇а жа нхаад̇агасад̇аани д̇знубасан̇гами; убасан̇гамид̇ваа д̇з сад̇д̇а жа б̣раахман̣амахаасаалз сад̇д̇а жа нхаад̇агасад̇аани зд̇ад̣̇авожа – ‘‘маяхам̣ ко, бхо, звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’д̇и. на ко банаахам̣, бхо, б̣рахмаанам̣ бассаами, на б̣рахмунаа саагажчзми, на б̣рахмунаа саллабаами, на б̣рахмунаа манд̇зми. суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – ‘яо вассигз жад̇д̇ааро маасз бадисаллийяад̇и, гарун̣ам̣ жхаанам̣ жхааяад̇и, со б̣рахмаанам̣ бассад̇и, б̣рахмунаа саагажчзд̇и, б̣рахмунаа саллабад̇и, б̣рахмунаа манд̇зд̇ий’д̇и. д̇зна хи, бхо, яат̇аасуд̇з яат̇аабарияад̇д̇з манд̇з вид̇т̇аарзна саж̇жхааяам̣ гарот̇а, ан̃н̃аман̃н̃ан̃жа манд̇з ваажзт̇а; ижчаамахам̣, бхо, вассигз жад̇д̇ааро маасз бадисаллийяид̇ум̣, гарун̣ам̣ жхаанам̣ жхааяид̇ум̣; намхи гзнажи убасан̇гамид̇аб̣б̣о ан̃н̃ад̇ра згзна бхад̇д̇аабхихаарзнаа’’д̇и. ‘‘яасса д̣̇аани бхавам̣ г̇овинд̣̇о гаалам̣ ман̃н̃ад̇ий’’д̇и.

315. ‘‘Atha kho, bho, mahāgovindo brāhmaṇo yena te satta ca brāhmaṇamahāsālā satta ca nhātakasatāni tenupasaṅkami; upasaṅkamitvā te satta ca brāhmaṇamahāsāle satta ca nhātakasatāni etadavoca – ‘‘mayhaṃ kho, bho, evaṃ kalyāṇo kittisaddo abbhuggato – ‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’ti. Na kho panāhaṃ, bho, brahmānaṃ passāmi, na brahmunā sākacchemi, na brahmunā sallapāmi, na brahmunā mantemi. Sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ‘yo vassike cattāro māse paṭisallīyati, karuṇaṃ jhānaṃ jhāyati, so brahmānaṃ passati, brahmunā sākaccheti, brahmunā sallapati, brahmunā mantetī’ti. Tena hi, bho, yathāsute yathāpariyatte mante vitthārena sajjhāyaṃ karotha, aññamaññañca mante vācetha; icchāmahaṃ, bho, vassike cattāro māse paṭisallīyituṃ, karuṇaṃ jhānaṃ jhāyituṃ; namhi kenaci upasaṅkamitabbo aññatra ekena bhattābhihārenā’’ti. ‘‘Yassa dāni bhavaṃ govindo kālaṃ maññatī’’ti.

316. ‘‘ат̇а ко, бхо, махааг̇овинд̣̇о б̣раахман̣о язна жад̇д̇аарийсаа бхарияаа саад̣̇исияо д̇знубасан̇гами; убасан̇гамид̇ваа жад̇д̇аарийсаа бхарияаа саад̣̇исияо зд̇ад̣̇авожа – ‘‘маяхам̣ ко, бход̇ий, звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’д̇и. на ко банаахам̣, бход̇ий, б̣рахмаанам̣ бассаами, на б̣рахмунаа саагажчзми, на б̣рахмунаа саллабаами, на б̣рахмунаа манд̇зми. суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ ‘яо вассигз жад̇д̇ааро маасз бадисаллийяад̇и, гарун̣ам̣ жхаанам̣ жхааяад̇и, со б̣рахмаанам̣ бассад̇и, б̣рахмунаа саагажчзд̇и, б̣рахмунаа саллабад̇и, б̣рахмунаа манд̇зд̇ийд̇и, ижчаамахам̣, бход̇ий, вассигз жад̇д̇ааро маасз бадисаллийяид̇ум̣, гарун̣ам̣ жхаанам̣ жхааяид̇ум̣; намхи гзнажи убасан̇гамид̇аб̣б̣о ан̃н̃ад̇ра згзна бхад̇д̇аабхихаарзнаа’’д̇и. ‘‘яасса д̣̇аани бхавам̣ г̇овинд̣̇о гаалам̣ ман̃н̃ад̇ий’’’д̇и.

316. ‘‘Atha kho, bho, mahāgovindo brāhmaṇo yena cattārīsā bhariyā sādisiyo tenupasaṅkami; upasaṅkamitvā cattārīsā bhariyā sādisiyo etadavoca – ‘‘mayhaṃ kho, bhotī, evaṃ kalyāṇo kittisaddo abbhuggato – ‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’ti. Na kho panāhaṃ, bhotī, brahmānaṃ passāmi, na brahmunā sākacchemi, na brahmunā sallapāmi, na brahmunā mantemi. Sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ ‘yo vassike cattāro māse paṭisallīyati, karuṇaṃ jhānaṃ jhāyati, so brahmānaṃ passati, brahmunā sākaccheti, brahmunā sallapati, brahmunā mantetīti, icchāmahaṃ, bhotī, vassike cattāro māse paṭisallīyituṃ, karuṇaṃ jhānaṃ jhāyituṃ; namhi kenaci upasaṅkamitabbo aññatra ekena bhattābhihārenā’’ti. ‘‘Yassa dāni bhavaṃ govindo kālaṃ maññatī’’’ti.

317. ‘‘ат̇а ко, бхо, махааг̇овинд̣̇о б̣раахман̣о бурад̇т̇имзна наг̇арасса навам̣ санд̇хааг̇аарам̣ гаараабзд̇ваа вассигз жад̇д̇ааро маасз бадисаллийяи, гарун̣ам̣ жхаанам̣ жхааяи; наассуд̇ха гожи убасан̇гамад̇и ¹⁷ ан̃н̃ад̇ра згзна бхад̇д̇аабхихаарзна. ат̇а ко, бхо, махааг̇овинд̣̇асса б̣раахман̣асса жад̇уннам̣ маасаанам̣ ажжаязна ахуд̣̇зва угган̣танаа аху барид̇ассанаа – ‘‘суд̇ам̣ ко бана мзд̇ам̣ б̣раахман̣аанам̣ вуд̣̇д̇хаанам̣ махаллагаанам̣ аажарияабаажарияаанам̣ бхаасамаанаанам̣ – ‘яо вассигз жад̇д̇ааро маасз бадисаллийяад̇и, гарун̣ам̣ жхаанам̣ жхааяад̇и, со б̣рахмаанам̣ бассад̇и, б̣рахмунаа саагажчзд̇и б̣рахмунаа саллабад̇и б̣рахмунаа манд̇зд̇ий’д̇и. на ко банаахам̣ б̣рахмаанам̣ бассаами, на б̣рахмунаа саагажчзми на б̣рахмунаа саллабаами на б̣рахмунаа манд̇змий’’’д̇и.

317. ‘‘Atha kho, bho, mahāgovindo brāhmaṇo puratthimena nagarassa navaṃ sandhāgāraṃ kārāpetvā vassike cattāro māse paṭisallīyi, karuṇaṃ jhānaṃ jhāyi; nāssudha koci upasaṅkamati ¹⁸ aññatra ekena bhattābhihārena. Atha kho, bho, mahāgovindassa brāhmaṇassa catunnaṃ māsānaṃ accayena ahudeva ukkaṇṭhanā ahu paritassanā – ‘‘sutaṃ kho pana metaṃ brāhmaṇānaṃ vuddhānaṃ mahallakānaṃ ācariyapācariyānaṃ bhāsamānānaṃ – ‘yo vassike cattāro māse paṭisallīyati, karuṇaṃ jhānaṃ jhāyati, so brahmānaṃ passati, brahmunā sākaccheti brahmunā sallapati brahmunā mantetī’ti. Na kho panāhaṃ brahmānaṃ passāmi, na brahmunā sākacchemi na brahmunā sallapāmi na brahmunā mantemī’’’ti.

б̣рахмунаа саагажчаа

Brahmunā sākacchā

318. ‘‘ат̇а ко, бхо, б̣рахмаа санан̇гумааро махааг̇овинд̣̇асса б̣раахман̣асса жзд̇асаа жзд̇обаривид̇аггаман̃н̃ааяа сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва, б̣рахмалогз анд̇арахид̇о махааг̇овинд̣̇асса б̣раахман̣асса саммукз баад̇урахоси. ат̇а ко, бхо, махааг̇овинд̣̇асса б̣раахман̣асса ахуд̣̇зва бхаяам̣ аху чамбхид̇ад̇д̇ам̣ аху ломахам̣со яат̇аа д̇ам̣ ад̣̇идтабуб̣б̣ам̣ руубам̣ д̣̇исваа. ат̇а ко, бхо, махааг̇овинд̣̇о б̣раахман̣о бхийд̇о сам̣виг̇г̇о ломахадтаж̇аад̇о б̣рахмаанам̣ санан̇гумаарам̣ г̇аат̇ааяа аж̇жхабхааси –

318. ‘‘Atha kho, bho, brahmā sanaṅkumāro mahāgovindassa brāhmaṇassa cetasā cetoparivitakkamaññāya seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva, brahmaloke antarahito mahāgovindassa brāhmaṇassa sammukhe pāturahosi. Atha kho, bho, mahāgovindassa brāhmaṇassa ahudeva bhayaṃ ahu chambhitattaṃ ahu lomahaṃso yathā taṃ adiṭṭhapubbaṃ rūpaṃ disvā. Atha kho, bho, mahāgovindo brāhmaṇo bhīto saṃviggo lomahaṭṭhajāto brahmānaṃ sanaṅkumāraṃ gāthāya ajjhabhāsi –

‘‘‘ван̣н̣аваа яасаваа сиримаа, го ну д̇вамаси маариса;

‘‘‘Vaṇṇavā yasavā sirimā, ko nu tvamasi mārisa;

аж̇аананд̇аа д̇ам̣ бужчаама, гат̇ам̣ ж̇аанзму д̇ам̣ маяа’’нд̇и.

Ajānantā taṃ pucchāma, kathaṃ jānemu taṃ maya’’nti.

‘‘мам̣ вз гумаарам̣ ж̇аананд̇и, б̣рахмалогз сананд̇анам̣ ¹⁹;

‘‘Maṃ ve kumāraṃ jānanti, brahmaloke sanantanaṃ ²⁰;

саб̣б̣з ж̇аананд̇и мам̣ д̣̇зваа, звам̣ г̇овинд̣̇а ж̇аанахи’’.

Sabbe jānanti maṃ devā, evaṃ govinda jānahi’’.

‘‘‘аасанам̣ уд̣̇агам̣ баж̇ж̇ам̣, мад̇хусааган̃жа ²¹ б̣рахмуно;

‘‘‘Āsanaṃ udakaṃ pajjaṃ, madhusākañca ²² brahmuno;

аг̇гхз бхаванд̇ам̣ бужчаама, аг̇гхам̣ гуруд̇у но бхавам̣’’.

Agghe bhavantaṃ pucchāma, agghaṃ kurutu no bhavaṃ’’.

‘‘бадиг̇г̇ан̣хаама д̇з аг̇гхам̣, яам̣ д̇вам̣ г̇овинд̣̇а бхаасаси;

‘‘Paṭiggaṇhāma te agghaṃ, yaṃ tvaṃ govinda bhāsasi;

д̣̇идтад̇хаммахид̇ад̇т̇ааяа, самбарааяа сукааяа жа;

Diṭṭhadhammahitatthāya, samparāya sukhāya ca;

гад̇аавагаасо бужчассу, яам̣ гин̃жи абхибад̇т̇ид̇а’’нд̇и.

Katāvakāso pucchassu, yaṃ kiñci abhipatthita’’nti.

319. ‘‘ат̇а ко, бхо, махааг̇овинд̣̇асса б̣раахман̣асса зд̇ад̣̇ахоси – ‘‘гад̇аавагаасо комхи б̣рахмунаа санан̇гумаарзна. гим̣ ну ко ахам̣ б̣рахмаанам̣ санан̇гумаарам̣ бужчзяяам̣ д̣̇идтад̇хаммигам̣ ваа ад̇т̇ам̣ самбарааяигам̣ ваа’д̇и? ат̇а ко, бхо, махааг̇овинд̣̇асса б̣раахман̣асса зд̇ад̣̇ахоси – ‘гусало ко ахам̣ д̣̇идтад̇хаммигаанам̣ ад̇т̇аанам̣, ан̃н̃зби мам̣ д̣̇идтад̇хаммигам̣ ад̇т̇ам̣ бужчанд̇и. яам̣нуунаахам̣ б̣рахмаанам̣ санан̇гумаарам̣ самбарааяиган̃н̃зва ад̇т̇ам̣ бужчзяяа’нд̇и. ат̇а ко, бхо, махааг̇овинд̣̇о б̣раахман̣о б̣рахмаанам̣ санан̇гумаарам̣ г̇аат̇ааяа аж̇жхабхааси –

319. ‘‘Atha kho, bho, mahāgovindassa brāhmaṇassa etadahosi – ‘‘katāvakāso khomhi brahmunā sanaṅkumārena. Kiṃ nu kho ahaṃ brahmānaṃ sanaṅkumāraṃ puccheyyaṃ diṭṭhadhammikaṃ vā atthaṃ samparāyikaṃ vā’ti? Atha kho, bho, mahāgovindassa brāhmaṇassa etadahosi – ‘kusalo kho ahaṃ diṭṭhadhammikānaṃ atthānaṃ, aññepi maṃ diṭṭhadhammikaṃ atthaṃ pucchanti. Yaṃnūnāhaṃ brahmānaṃ sanaṅkumāraṃ samparāyikaññeva atthaṃ puccheyya’nti. Atha kho, bho, mahāgovindo brāhmaṇo brahmānaṃ sanaṅkumāraṃ gāthāya ajjhabhāsi –

‘‘бужчаами б̣рахмаанам̣ санан̇гумаарам̣,

‘‘Pucchāmi brahmānaṃ sanaṅkumāraṃ,

ган̇кий аган̇ким̣ баравзд̣̇иязсу;

Kaṅkhī akaṅkhiṃ paravediyesu;

гад̇т̇адтид̇о гимхи жа сигкамаано,

Katthaṭṭhito kimhi ca sikkhamāno,

баббод̇и мажжо амад̇ам̣ б̣рахмалога’’нд̇и.

Pappoti macco amataṃ brahmaloka’’nti.

‘‘хид̇ваа мамад̇д̇ам̣ мануж̇зсу б̣рахмз,

‘‘Hitvā mamattaṃ manujesu brahme,

згод̣̇ибхууд̇о гарун̣зд̇химуд̇д̇о ²³;

Ekodibhūto karuṇedhimutto ²⁴;

нираамаг̇анд̇хо вирад̇о мзт̇унасмаа,

Nirāmagandho virato methunasmā,

зд̇т̇адтид̇о зд̇т̇а жа сигкамаано;

Etthaṭṭhito ettha ca sikkhamāno;

баббод̇и мажжо амад̇ам̣ б̣рахмалога’’нд̇и.

Pappoti macco amataṃ brahmaloka’’nti.

320. ‘‘хид̇ваа мамад̇д̇а’нд̇и ахам̣ бход̇о ааж̇аанаами. ид̇хзгажжо аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и, ‘ид̇и хид̇ваа мамад̇д̇а’нд̇и ахам̣ бход̇о ааж̇аанаами. ‘згод̣̇ибхууд̇о’д̇и ахам̣ бход̇о ааж̇аанаами. ид̇хзгажжо вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣, ид̇и згод̣̇ибхууд̇о’д̇и ахам̣ бход̇о ааж̇аанаами. ‘гарун̣зд̇химуд̇д̇о’д̇и ахам̣ бход̇о ааж̇аанаами. ид̇хзгажжо гарун̣аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇ход̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ гарун̣аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. ид̇и ‘гарун̣зд̇химуд̇д̇о’д̇и ахам̣ бход̇о ааж̇аанаами. аамаг̇анд̇хз жа ко ахам̣ бход̇о бхаасамаанасса на ааж̇аанаами.

320. ‘‘Hitvā mamatta’nti ahaṃ bhoto ājānāmi. Idhekacco appaṃ vā bhogakkhandhaṃ pahāya mahantaṃ vā bhogakkhandhaṃ pahāya appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati, ‘iti hitvā mamatta’nti ahaṃ bhoto ājānāmi. ‘Ekodibhūto’ti ahaṃ bhoto ājānāmi. Idhekacco vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ, iti ekodibhūto’ti ahaṃ bhoto ājānāmi. ‘Karuṇedhimutto’ti ahaṃ bhoto ājānāmi. Idhekacco karuṇāsahagatena cetasā ekaṃ disaṃ pharitvā viharati, tathā dutiyaṃ, tathā tatiyaṃ, tathā catutthaṃ. Iti uddhamadhotiriyaṃ sabbadhi sabbattatāya sabbāvantaṃ lokaṃ karuṇāsahagatena cetasā vipulena mahaggatena appamāṇena averena abyāpajjena pharitvā viharati. Iti ‘karuṇedhimutto’ti ahaṃ bhoto ājānāmi. Āmagandhe ca kho ahaṃ bhoto bhāsamānassa na ājānāmi.

‘‘гз аамаг̇анд̇хаа мануж̇зсу б̣рахмз,

‘‘Ke āmagandhā manujesu brahme,

зд̇з авид̣̇ваа ид̇ха б̣руухи д̇хийра;

Ete avidvā idha brūhi dhīra;

гзнаавадаа ²⁵ ваад̇и баж̇аа гуруд̇у ²⁶,

Kenāvaṭā ²⁷ vāti pajā kurutu ²⁸,

аабааяигаа нивуд̇аб̣рахмалогаа’’д̇и.

Āpāyikā nivutabrahmalokā’’ti.

‘‘год̇хо мосаваж̇ж̇ам̣ нигад̇и жа д̣̇уб̣бхо,

‘‘Kodho mosavajjaṃ nikati ca dubbho,

гад̣̇арияад̇аа ад̇имаано усууяаа;

Kadariyatā atimāno usūyā;

ижчаа вивижчаа барахзтанаа жа,

Icchā vivicchā paraheṭhanā ca,

лобхо жа д̣̇осо жа мад̣̇о жа мохо;

Lobho ca doso ca mado ca moho;

зд̇зсу яуд̇д̇аа анираамаг̇анд̇хаа,

Etesu yuttā anirāmagandhā,

аабааяигаа нивуд̇аб̣рахмалогаа’’д̇и.

Āpāyikā nivutabrahmalokā’’ti.

‘‘яат̇аа ко ахам̣ бход̇о аамаг̇анд̇хз бхаасамаанасса ааж̇аанаами. д̇з на суниммад̣̇аяаа аг̇аарам̣ аж̇жхаавасад̇аа. баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ‘‘яассад̣̇аани бхавам̣ г̇овинд̣̇о гаалам̣ ман̃н̃ад̇ий’’д̇и.

‘‘Yathā kho ahaṃ bhoto āmagandhe bhāsamānassa ājānāmi. Te na sunimmadayā agāraṃ ajjhāvasatā. Pabbajissāmahaṃ, bho, agārasmā anagāriya’’nti. ‘‘Yassadāni bhavaṃ govindo kālaṃ maññatī’’ti.

рзн̣урааж̇аааманд̇анаа

Reṇurājaāmantanā

321. ‘‘ат̇а ко, бхо, махааг̇овинд̣̇о б̣раахман̣о язна рзн̣у рааж̇аа д̇знубасан̇гами; убасан̇гамид̇ваа рзн̣ум̣ рааж̇аанам̣ зд̇ад̣̇авожа – ‘‘ан̃н̃ам̣ д̣̇аани бхавам̣ бурохид̇ам̣ бариязсад̇у, яо бход̇о раж̇ж̇ам̣ анусаасиссад̇и. ижчаамахам̣, бхо , аг̇аарасмаа анаг̇аарияам̣ баб̣б̣аж̇ид̇ум̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа. баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и.

321. ‘‘Atha kho, bho, mahāgovindo brāhmaṇo yena reṇu rājā tenupasaṅkami; upasaṅkamitvā reṇuṃ rājānaṃ etadavoca – ‘‘aññaṃ dāni bhavaṃ purohitaṃ pariyesatu, yo bhoto rajjaṃ anusāsissati. Icchāmahaṃ, bho , agārasmā anagāriyaṃ pabbajituṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā. Pabbajissāmahaṃ, bho, agārasmā anagāriya’’nti.

‘‘ааманд̇аяаами рааж̇аанам̣, рзн̣ум̣ бхуумибад̇им̣ ахам̣;

‘‘Āmantayāmi rājānaṃ, reṇuṃ bhūmipatiṃ ahaṃ;

д̇вам̣ баж̇аанассу раж̇ж̇зна, наахам̣ борохижжз рамз’’.

Tvaṃ pajānassu rajjena, nāhaṃ porohicce rame’’.

‘‘сажз д̇з уунам̣ гаамзхи, ахам̣ барибуураяаами д̇з;

‘‘Sace te ūnaṃ kāmehi, ahaṃ paripūrayāmi te;

яо д̇ам̣ хим̣сад̇и ваарзми, бхуумисзнаабад̇и ахам̣;

Yo taṃ hiṃsati vāremi, bhūmisenāpati ahaṃ;

д̇увам̣ бид̇аа ахам̣ буд̇д̇о, маа но г̇овинд̣̇а бааж̇ахи’’ ²⁹.

Tuvaṃ pitā ahaṃ putto, mā no govinda pājahi’’ ³⁰.

‘‘намад̇т̇и уунам̣ гаамзхи, хим̣сид̇аа мз на виж̇ж̇ад̇и;

‘‘Namatthi ūnaṃ kāmehi, hiṃsitā me na vijjati;

амануссаважо суд̇ваа, д̇асмаахам̣ на г̇ахз рамз’’.

Amanussavaco sutvā, tasmāhaṃ na gahe rame’’.

‘‘амануссо гат̇ам̣ван̣н̣о, гим̣ д̇з ад̇т̇ам̣ абхаасат̇а;

‘‘Amanusso kathaṃvaṇṇo, kiṃ te atthaṃ abhāsatha;

яан̃жа суд̇ваа ж̇ахааси но, г̇зхз амхз жа гзвалий’’.

Yañca sutvā jahāsi no, gehe amhe ca kevalī’’.

‘‘убавуд̇т̇асса мз буб̣б̣з, яидтугаамасса мз сад̇о;

‘‘Upavutthassa me pubbe, yiṭṭhukāmassa me sato;

аг̇г̇и баж̇ж̇алид̇о ааси, гусабад̇д̇абарид̇т̇ад̇о’’.

Aggi pajjalito āsi, kusapattaparitthato’’.

‘‘д̇ад̇о мз б̣рахмаа баад̇ураху, б̣рахмалогаа сананд̇ано;

‘‘Tato me brahmā pāturahu, brahmalokā sanantano;

со мз бан̃хам̣ вияаагааси, д̇ам̣ суд̇ваа на г̇ахз рамз’’.

So me pañhaṃ viyākāsi, taṃ sutvā na gahe rame’’.

‘‘сад̣̇д̣̇ахаами ахам̣ бход̇о, яам̣ д̇вам̣ г̇овинд̣̇а бхаасаси;

‘‘Saddahāmi ahaṃ bhoto, yaṃ tvaṃ govinda bhāsasi;

амануссаважо суд̇ваа, гат̇ам̣ вад̇д̇зт̇а ан̃н̃ат̇аа.

Amanussavaco sutvā, kathaṃ vattetha aññathā.

‘‘д̇з д̇ам̣ анувад̇д̇иссаама, сад̇т̇аа г̇овинд̣̇а но бхавам̣;

‘‘Te taṃ anuvattissāma, satthā govinda no bhavaṃ;

ман̣и яат̇аа взл̣урияо, агаажо вимало субхо;

Maṇi yathā veḷuriyo, akāco vimalo subho;

звам̣ суд̣̇д̇хаа жариссаама, г̇овинд̣̇ассаанусаасанз’’д̇и.

Evaṃ suddhā carissāma, govindassānusāsane’’ti.

‘‘‘сажз бхавам̣ г̇овинд̣̇о аг̇аарасмаа анаг̇аарияам̣ баб̣б̣аж̇иссад̇и, маяамби аг̇аарасмаа анаг̇аарияам̣ баб̣б̣аж̇иссаама. ат̇а яаа д̇з г̇ад̇и, саа но г̇ад̇и бхависсад̇ий’’д̇и.

‘‘‘Sace bhavaṃ govindo agārasmā anagāriyaṃ pabbajissati, mayampi agārasmā anagāriyaṃ pabbajissāma. Atha yā te gati, sā no gati bhavissatī’’ti.

ча кад̇д̇ияаааманд̇анаа

Cha khattiyaāmantanā

322. ‘‘ат̇а ко, бхо, махааг̇овинд̣̇о б̣раахман̣о язна д̇з ча кад̇д̇ияаа д̇знубасан̇гами; убасан̇гамид̇ваа д̇з ча кад̇д̇ияз зд̇ад̣̇авожа – ‘‘ан̃н̃ам̣ д̣̇аани бхаванд̇о бурохид̇ам̣ бариязсанд̇у, яо бхаванд̇аанам̣ раж̇ж̇з анусаасиссад̇и. ижчаамахам̣, бхо, аг̇аарасмаа анаг̇аарияам̣ баб̣б̣аж̇ид̇ум̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа. баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ат̇а ко, бхо, д̇з ча кад̇д̇ияаа згаманд̇ам̣ абаггамма звам̣ самажинд̇зсум̣ – ‘‘имз ко б̣раахман̣аа наама д̇ханалуд̣̇д̇хаа; яам̣нууна маяам̣ махааг̇овинд̣̇ам̣ б̣раахман̣ам̣ д̇ханзна сигкзяяаамаа’’д̇и. д̇з махааг̇овинд̣̇ам̣ б̣раахман̣ам̣ убасан̇гамид̇ваа звамаахам̣су – ‘‘сам̣виж̇ж̇ад̇и ко, бхо, имзсу сад̇д̇асу раж̇ж̇зсу бахууд̇ам̣ саабад̇зяяам̣, д̇ад̇о бход̇о яаавад̇агзна ад̇т̇о, д̇аавад̇агам̣ аахарийяад̇а’’нд̇и. ‘‘алам̣, бхо, мамабид̣̇ам̣ бахууд̇ам̣ саабад̇зяяам̣ бхаванд̇аанам̣язва ваахасаа. д̇амахам̣ саб̣б̣ам̣ бахааяа аг̇аарасмаа анаг̇аарияам̣ баб̣б̣аж̇иссаами. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ат̇а ко, бхо, д̇з ча кад̇д̇ияаа згаманд̇ам̣ абаггамма звам̣ самажинд̇зсум̣ – ‘‘имз ко б̣раахман̣аа наама ид̇т̇илуд̣̇д̇хаа; яам̣нууна маяам̣ махааг̇овинд̣̇ам̣ б̣раахман̣ам̣ ид̇т̇ийхи сигкзяяаамаа’’д̇и. д̇з махааг̇овинд̣̇ам̣ б̣раахман̣ам̣ убасан̇гамид̇ваа звамаахам̣су – ‘‘сам̣виж̇ж̇анд̇и ко, бхо, имзсу сад̇д̇асу раж̇ж̇зсу бахууд̇аа ид̇т̇ияо, д̇ад̇о бход̇о яаавад̇игаахи ад̇т̇о, д̇аавад̇игаа аанийяад̇а’’нд̇и. ‘‘алам̣, бхо, мамабимаа ³¹ жад̇д̇аарийсаа бхарияаа саад̣̇исияо. д̇аабаахам̣ саб̣б̣аа бахааяа аг̇аарасмаа анаг̇аарияам̣ баб̣б̣аж̇иссаами. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияанд̇и’’.

322. ‘‘Atha kho, bho, mahāgovindo brāhmaṇo yena te cha khattiyā tenupasaṅkami; upasaṅkamitvā te cha khattiye etadavoca – ‘‘aññaṃ dāni bhavanto purohitaṃ pariyesantu, yo bhavantānaṃ rajje anusāsissati. Icchāmahaṃ, bho, agārasmā anagāriyaṃ pabbajituṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā. Pabbajissāmahaṃ, bho, agārasmā anagāriya’’nti. Atha kho, bho, te cha khattiyā ekamantaṃ apakkamma evaṃ samacintesuṃ – ‘‘ime kho brāhmaṇā nāma dhanaluddhā; yaṃnūna mayaṃ mahāgovindaṃ brāhmaṇaṃ dhanena sikkheyyāmā’’ti. Te mahāgovindaṃ brāhmaṇaṃ upasaṅkamitvā evamāhaṃsu – ‘‘saṃvijjati kho, bho, imesu sattasu rajjesu pahūtaṃ sāpateyyaṃ, tato bhoto yāvatakena attho, tāvatakaṃ āharīyata’’nti. ‘‘Alaṃ, bho, mamapidaṃ pahūtaṃ sāpateyyaṃ bhavantānaṃyeva vāhasā. Tamahaṃ sabbaṃ pahāya agārasmā anagāriyaṃ pabbajissāmi. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriya’’nti. Atha kho, bho, te cha khattiyā ekamantaṃ apakkamma evaṃ samacintesuṃ – ‘‘ime kho brāhmaṇā nāma itthiluddhā; yaṃnūna mayaṃ mahāgovindaṃ brāhmaṇaṃ itthīhi sikkheyyāmā’’ti. Te mahāgovindaṃ brāhmaṇaṃ upasaṅkamitvā evamāhaṃsu – ‘‘saṃvijjanti kho, bho, imesu sattasu rajjesu pahūtā itthiyo, tato bhoto yāvatikāhi attho, tāvatikā ānīyata’’nti. ‘‘Alaṃ, bho, mamapimā ³² cattārīsā bhariyā sādisiyo. Tāpāhaṃ sabbā pahāya agārasmā anagāriyaṃ pabbajissāmi. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriyanti’’.

323. ‘‘сажз бхавам̣ г̇овинд̣̇о аг̇аарасмаа анаг̇аарияам̣ баб̣б̣аж̇иссад̇и, маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ийд̇и.

323. ‘‘Sace bhavaṃ govindo agārasmā anagāriyaṃ pabbajissati, mayampi agārasmā anagāriyaṃ pabbajissāma, atha yā te gati, sā no gati bhavissatīti.

‘‘сажз ж̇ахат̇а гаамаани, яад̇т̇а сад̇д̇о бут̇уж̇ж̇ано;

‘‘Sace jahatha kāmāni, yattha satto puthujjano;

аарамбхавхо д̣̇ал̣хаа хот̇а, канд̇иб̣аласамаахид̇аа.

Ārambhavho daḷhā hotha, khantibalasamāhitā.

‘‘зса маг̇г̇о уж̇умаг̇г̇о, зса маг̇г̇о ануд̇д̇аро;

‘‘Esa maggo ujumaggo, esa maggo anuttaro;

сад̣̇д̇хаммо саб̣бхи рагкид̇о, б̣рахмалогуубабад̇д̇ияаад̇и.

Saddhammo sabbhi rakkhito, brahmalokūpapattiyāti.

‘‘д̇зна хи бхавам̣ г̇овинд̣̇о сад̇д̇а вассаани ааг̇амзд̇у. сад̇д̇аннам̣ вассаанам̣ ажжаязна маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и.

‘‘Tena hi bhavaṃ govindo satta vassāni āgametu. Sattannaṃ vassānaṃ accayena mayampi agārasmā anagāriyaṃ pabbajissāma, atha yā te gati, sā no gati bhavissatī’’ti.

‘‘‘ад̇ижирам̣ ко, бхо, сад̇д̇а вассаани, наахам̣ саггоми, бхаванд̇з, сад̇д̇а вассаани ааг̇амзд̇ум̣. го ну ко бана, бхо, ж̇аанаад̇и ж̇ийвид̇аанам̣! г̇аманийяо самбарааяо, манд̇ааяам̣ ³³ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияа’’’нд̇и. ‘‘д̇зна хи бхавам̣ г̇овинд̣̇о чаб̣б̣ассаани ааг̇амзд̇у…бз… бан̃жа вассаани ааг̇амзд̇у… жад̇д̇аари вассаани ааг̇амзд̇у… д̇ийн̣и вассаани ааг̇амзд̇у… д̣̇вз вассаани ааг̇амзд̇у… згам̣ вассам̣ ааг̇амзд̇у, згасса вассасса ажжаязна маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и.

‘‘‘Aticiraṃ kho, bho, satta vassāni, nāhaṃ sakkomi, bhavante, satta vassāni āgametuṃ. Ko nu kho pana, bho, jānāti jīvitānaṃ! Gamanīyo samparāyo, mantāyaṃ ³⁴ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriya’’’nti. ‘‘Tena hi bhavaṃ govindo chabbassāni āgametu…pe… pañca vassāni āgametu… cattāri vassāni āgametu… tīṇi vassāni āgametu… dve vassāni āgametu… ekaṃ vassaṃ āgametu, ekassa vassassa accayena mayampi agārasmā anagāriyaṃ pabbajissāma, atha yā te gati, sā no gati bhavissatī’’ti.

‘‘‘ад̇ижирам̣ ко, бхо, згам̣ вассам̣, наахам̣ саггоми бхаванд̇з згам̣ вассам̣ ааг̇амзд̇ум̣. го ну ко бана, бхо, ж̇аанаад̇и ж̇ийвид̇аанам̣! г̇аманийяо самбарааяо, манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣ , жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ‘‘д̇зна хи бхавам̣ г̇овинд̣̇о сад̇д̇а маасаани ааг̇амзд̇у, сад̇д̇аннам̣ маасаанам̣ ажжаязна маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и.

‘‘‘Aticiraṃ kho, bho, ekaṃ vassaṃ, nāhaṃ sakkomi bhavante ekaṃ vassaṃ āgametuṃ. Ko nu kho pana, bho, jānāti jīvitānaṃ! Gamanīyo samparāyo, mantāyaṃ boddhabbaṃ, kattabbaṃ kusalaṃ , caritabbaṃ brahmacariyaṃ, natthi jātassa amaraṇaṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriya’’nti. ‘‘Tena hi bhavaṃ govindo satta māsāni āgametu, sattannaṃ māsānaṃ accayena mayampi agārasmā anagāriyaṃ pabbajissāma, atha yā te gati, sā no gati bhavissatī’’ti.

‘‘‘ад̇ижирам̣ ко, бхо, сад̇д̇а маасаани, наахам̣ саггоми бхаванд̇з сад̇д̇а маасаани ааг̇амзд̇ум̣. го ну ко бана, бхо, ж̇аанаад̇и ж̇ийвид̇аанам̣. г̇аманийяо самбарааяо, манд̇ааяам̣ б̣од̣̇д̇хаб̣б̣ам̣ , гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и.

‘‘‘Aticiraṃ kho, bho, satta māsāni, nāhaṃ sakkomi bhavante satta māsāni āgametuṃ. Ko nu kho pana, bho, jānāti jīvitānaṃ. Gamanīyo samparāyo, mantāyaṃ boddhabbaṃ , kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriya’’nti.

‘‘‘д̇зна хи бхавам̣ г̇овинд̣̇о ча маасаани ааг̇амзд̇у…бз… бан̃жа маасаани ааг̇амзд̇у… жад̇д̇аари маасаани ааг̇амзд̇у… д̇ийн̣и маасаани ааг̇амзд̇у… д̣̇вз маасаани ааг̇амзд̇у… згам̣ маасам̣ ааг̇амзд̇у… ад̣̇д̇хамаасам̣ ааг̇амзд̇у, ад̣̇д̇хамаасасса ажжаязна маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и.

‘‘‘Tena hi bhavaṃ govindo cha māsāni āgametu…pe… pañca māsāni āgametu… cattāri māsāni āgametu… tīṇi māsāni āgametu… dve māsāni āgametu… ekaṃ māsaṃ āgametu… addhamāsaṃ āgametu, addhamāsassa accayena mayampi agārasmā anagāriyaṃ pabbajissāma, atha yā te gati, sā no gati bhavissatī’’ti.

‘‘‘ад̇ижирам̣ ко, бхо, ад̣̇д̇хамаасо, наахам̣ саггоми бхаванд̇з ад̣̇д̇хамаасам̣ ааг̇амзд̇ум̣. го ну ко бана, бхо, ж̇аанаад̇и ж̇ийвид̇аанам̣! г̇аманийяо самбарааяо, манд̇ааяам̣ б̣од̣̇д̇хаб̣б̣ам̣, гад̇д̇аб̣б̣ам̣ гусалам̣, жарид̇аб̣б̣ам̣ б̣рахмажарияам̣, над̇т̇и ж̇аад̇асса амаран̣ам̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ‘‘д̇зна хи бхавам̣ г̇овинд̣̇о сад̇д̇аахам̣ ааг̇амзд̇у, яаава маяам̣ сагз буд̇д̇абхаад̇аро раж̇ж̇зна ³⁵ анусаасиссаама, сад̇д̇аахасса ажжаязна маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и. ‘‘на жирам̣ ко, бхо, сад̇д̇аахам̣, ааг̇амзссаамахам̣ бхаванд̇з сад̇д̇ааха’’нд̇и.

‘‘‘Aticiraṃ kho, bho, addhamāso, nāhaṃ sakkomi bhavante addhamāsaṃ āgametuṃ. Ko nu kho pana, bho, jānāti jīvitānaṃ! Gamanīyo samparāyo, mantāyaṃ boddhabbaṃ, kattabbaṃ kusalaṃ, caritabbaṃ brahmacariyaṃ, natthi jātassa amaraṇaṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriya’’nti. ‘‘Tena hi bhavaṃ govindo sattāhaṃ āgametu, yāva mayaṃ sake puttabhātaro rajjena ³⁶ anusāsissāma, sattāhassa accayena mayampi agārasmā anagāriyaṃ pabbajissāma, atha yā te gati, sā no gati bhavissatī’’ti. ‘‘Na ciraṃ kho, bho, sattāhaṃ, āgamessāmahaṃ bhavante sattāha’’nti.

б̣раахман̣амахаасаалаад̣̇ийнам̣ ааманд̇анаа

Brāhmaṇamahāsālādīnaṃ āmantanā

324. ‘‘ат̇а ко, бхо, махааг̇овинд̣̇о б̣раахман̣о язна д̇з сад̇д̇а жа б̣раахман̣амахаасаалаа сад̇д̇а жа нхаад̇агасад̇аани д̇знубасан̇гами; убасан̇гамид̇ваа д̇з сад̇д̇а жа б̣раахман̣амахаасаалз сад̇д̇а жа нхаад̇агасад̇аани зд̇ад̣̇авожа – ‘‘ан̃н̃ам̣ д̣̇аани бхаванд̇о аажарияам̣ бариязсанд̇у, яо бхаванд̇аанам̣ манд̇з ваажзссад̇и. ижчаамахам̣, бхо, аг̇аарасмаа анаг̇аарияам̣ баб̣б̣аж̇ид̇ум̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса. д̇з на суниммад̣̇аяаа аг̇аарам̣ аж̇жхаавасад̇аа, баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ‘‘маа бхавам̣ г̇овинд̣̇о аг̇аарасмаа анаг̇аарияам̣ баб̣б̣аж̇и. баб̣б̣аж̇ж̇аа, бхо, аббзсагкаа жа аббалаабхаа жа; б̣рахман̃н̃ам̣ махзсагкан̃жа махаалаабхан̃жаа’’д̇и. ‘‘маа бхаванд̇о звам̣ аважуд̇т̇а – ‘‘баб̣б̣аж̇ж̇аа аббзсагкаа жа аббалаабхаа жа, б̣рахман̃н̃ам̣ махзсагкан̃жа махаалаабхан̃жаа’’д̇и. го ну ко, бхо, ан̃н̃ад̇ра маяаа махзсагкад̇аро ваа махаалаабхад̇аро ваа! ахан̃хи, бхо, зд̇арахи рааж̇аава ран̃н̃ам̣ б̣рахмаава б̣раахман̣аанам̣ ³⁷ д̣̇звад̇аава г̇ахабад̇игаанам̣. д̇амахам̣ саб̣б̣ам̣ бахааяа аг̇аарасмаа анаг̇аарияам̣ баб̣б̣аж̇иссаами. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа. баб̣б̣аж̇иссаамахам̣, бхо, аг̇аарасмаа анаг̇аарияа’’нд̇и. ‘‘сажз бхавам̣ г̇овинд̣̇о аг̇аарасмаа анаг̇аарияам̣ баб̣б̣аж̇иссад̇и, маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и.

324. ‘‘Atha kho, bho, mahāgovindo brāhmaṇo yena te satta ca brāhmaṇamahāsālā satta ca nhātakasatāni tenupasaṅkami; upasaṅkamitvā te satta ca brāhmaṇamahāsāle satta ca nhātakasatāni etadavoca – ‘‘aññaṃ dāni bhavanto ācariyaṃ pariyesantu, yo bhavantānaṃ mante vācessati. Icchāmahaṃ, bho, agārasmā anagāriyaṃ pabbajituṃ. Yathā kho pana me sutaṃ brahmuno āmagandhe bhāsamānassa. Te na sunimmadayā agāraṃ ajjhāvasatā, pabbajissāmahaṃ, bho, agārasmā anagāriya’’nti. ‘‘Mā bhavaṃ govindo agārasmā anagāriyaṃ pabbaji. Pabbajjā, bho, appesakkhā ca appalābhā ca; brahmaññaṃ mahesakkhañca mahālābhañcā’’ti. ‘‘Mā bhavanto evaṃ avacuttha – ‘‘pabbajjā appesakkhā ca appalābhā ca, brahmaññaṃ mahesakkhañca mahālābhañcā’’ti. Ko nu kho, bho, aññatra mayā mahesakkhataro vā mahālābhataro vā! Ahañhi, bho, etarahi rājāva raññaṃ brahmāva brāhmaṇānaṃ ³⁸ devatāva gahapatikānaṃ. Tamahaṃ sabbaṃ pahāya agārasmā anagāriyaṃ pabbajissāmi. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā. Pabbajissāmahaṃ, bho, agārasmā anagāriya’’nti. ‘‘Sace bhavaṃ govindo agārasmā anagāriyaṃ pabbajissati, mayampi agārasmā anagāriyaṃ pabbajissāma, atha yā te gati, sā no gati bhavissatī’’ti.

бхарияаанам̣ ааманд̇анаа

Bhariyānaṃ āmantanā

325. ‘‘ат̇а ко, бхо, махааг̇овинд̣̇о б̣раахман̣о язна жад̇д̇аарийсаа бхарияаа саад̣̇исияо д̇знубасан̇гами; убасан̇гамид̇ваа жад̇д̇аарийсаа бхарияаа саад̣̇исияо зд̇ад̣̇авожа – ‘‘яаа бход̇ийнам̣ ижчад̇и, сагаани ваа н̃аад̇игулаани г̇ажчад̇у ан̃н̃ам̣ ваа бхад̇д̇аарам̣ бариязсад̇у. ижчаамахам̣, бход̇ий, аг̇аарасмаа анаг̇аарияам̣ баб̣б̣аж̇ид̇ум̣. яат̇аа ко бана мз суд̇ам̣ б̣рахмуно аамаг̇анд̇хз бхаасамаанасса, д̇з на суниммад̣̇аяаа аг̇аарам̣ аж̇жхаавасад̇аа. баб̣б̣аж̇иссаамахам̣, бход̇ий, аг̇аарасмаа анаг̇аарияа’’нд̇и. ‘‘д̇ван̃н̃зва но н̃аад̇и н̃аад̇игаамаанам̣, д̇вам̣ бана бхад̇д̇аа бхад̇д̇угаамаанам̣. сажз бхавам̣ г̇овинд̣̇о аг̇аарасмаа анаг̇аарияам̣ баб̣б̣аж̇иссад̇и, маяамби аг̇аарасмаа анаг̇аарияам̣ баб̣б̣аж̇иссаама, ат̇а яаа д̇з г̇ад̇и, саа но г̇ад̇и бхависсад̇ий’’д̇и.

325. ‘‘Atha kho, bho, mahāgovindo brāhmaṇo yena cattārīsā bhariyā sādisiyo tenupasaṅkami; upasaṅkamitvā cattārīsā bhariyā sādisiyo etadavoca – ‘‘yā bhotīnaṃ icchati, sakāni vā ñātikulāni gacchatu aññaṃ vā bhattāraṃ pariyesatu. Icchāmahaṃ, bhotī, agārasmā anagāriyaṃ pabbajituṃ. Yathā kho pana me sutaṃ brahmuno āmagandhe bhāsamānassa, te na sunimmadayā agāraṃ ajjhāvasatā. Pabbajissāmahaṃ, bhotī, agārasmā anagāriya’’nti. ‘‘Tvaññeva no ñāti ñātikāmānaṃ, tvaṃ pana bhattā bhattukāmānaṃ. Sace bhavaṃ govindo agārasmā anagāriyaṃ pabbajissati, mayampi agārasmā anagāriyaṃ pabbajissāma, atha yā te gati, sā no gati bhavissatī’’ti.

махааг̇овинд̣̇абаб̣б̣аж̇ж̇аа

Mahāgovindapabbajjā

326. ‘‘ат̇а ко, бхо, махааг̇овинд̣̇о б̣раахман̣о д̇асса сад̇д̇аахасса ажжаязна гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇и. баб̣б̣аж̇ид̇ам̣ бана махааг̇овинд̣̇ам̣ б̣раахман̣ам̣ сад̇д̇а жа рааж̇аано кад̇д̇ияаа муд̣̇д̇хаавасид̇д̇аа сад̇д̇а жа б̣раахман̣амахаасаалаа сад̇д̇а жа нхаад̇агасад̇аани жад̇д̇аарийсаа жа бхарияаа саад̣̇исияо анзгаани жа кад̇д̇ияасахассаани анзгаани жа б̣раахман̣асахассаани анзгаани жа г̇ахабад̇исахассаани анзгзхи жа ид̇т̇ааг̇аарзхи ид̇т̇ияо гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа махааг̇овинд̣̇ам̣ б̣раахман̣ам̣ аг̇аарасмаа анаг̇аарияам̣ баб̣б̣аж̇ид̇ам̣ анубаб̣б̣аж̇им̣су. д̇ааяа суд̣̇ам̣, бхо, барисааяа баривуд̇о махааг̇овинд̣̇о б̣раахман̣о г̇ааманиг̇амарааж̇ад̇хаанийсу жааригам̣ жарад̇и. яам̣ ко бана, бхо, д̇зна самаязна махааг̇овинд̣̇о б̣раахман̣о г̇аамам̣ ваа ниг̇амам̣ ваа убасан̇гамад̇и, д̇ад̇т̇а рааж̇аава ход̇и ран̃н̃ам̣, б̣рахмаава б̣раахман̣аанам̣, д̣̇звад̇аава г̇ахабад̇игаанам̣. д̇зна ко бана самаязна мануссаа кибанд̇и ваа убагкаланд̇и ваа д̇з звамаахам̣су – ‘‘намад̇т̇у махааг̇овинд̣̇асса б̣раахман̣асса, намад̇т̇у сад̇д̇а бурохид̇ассаа’’’д̇и.

326. ‘‘Atha kho, bho, mahāgovindo brāhmaṇo tassa sattāhassa accayena kesamassuṃ ohāretvā kāsāyāni vatthāni acchādetvā agārasmā anagāriyaṃ pabbaji. Pabbajitaṃ pana mahāgovindaṃ brāhmaṇaṃ satta ca rājāno khattiyā muddhāvasittā satta ca brāhmaṇamahāsālā satta ca nhātakasatāni cattārīsā ca bhariyā sādisiyo anekāni ca khattiyasahassāni anekāni ca brāhmaṇasahassāni anekāni ca gahapatisahassāni anekehi ca itthāgārehi itthiyo kesamassuṃ ohāretvā kāsāyāni vatthāni acchādetvā mahāgovindaṃ brāhmaṇaṃ agārasmā anagāriyaṃ pabbajitaṃ anupabbajiṃsu. Tāya sudaṃ, bho, parisāya parivuto mahāgovindo brāhmaṇo gāmanigamarājadhānīsu cārikaṃ carati. Yaṃ kho pana, bho, tena samayena mahāgovindo brāhmaṇo gāmaṃ vā nigamaṃ vā upasaṅkamati, tattha rājāva hoti raññaṃ, brahmāva brāhmaṇānaṃ, devatāva gahapatikānaṃ. Tena kho pana samayena manussā khipanti vā upakkhalanti vā te evamāhaṃsu – ‘‘namatthu mahāgovindassa brāhmaṇassa, namatthu satta purohitassā’’’ti.

327. ‘‘махааг̇овинд̣̇о, бхо, б̣раахман̣о мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихааси, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихааси. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа…бз… аб̣яаабаж̇ж̇зна парид̇ваа вихааси саавагаанан̃жа б̣рахмалогасахаб̣яад̇ааяа маг̇г̇ам̣ д̣̇зсзси.

327. ‘‘Mahāgovindo, bho, brāhmaṇo mettāsahagatena cetasā ekaṃ disaṃ pharitvā vihāsi, tathā dutiyaṃ, tathā tatiyaṃ, tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā vihāsi. Karuṇāsahagatena cetasā…pe… muditāsahagatena cetasā…pe… upekkhāsahagatena cetasā…pe… abyāpajjena pharitvā vihāsi sāvakānañca brahmalokasahabyatāya maggaṃ desesi.

328. ‘‘яз ко бана, бхо, д̇зна самаязна махааг̇овинд̣̇асса б̣раахман̣асса саавагаа саб̣б̣зна саб̣б̣ам̣ саасанам̣ ааж̇ааним̣су. д̇з гааяасса бхзд̣̇аа барам̣ маран̣аа суг̇ад̇им̣ б̣рахмалогам̣ убабаж̇ж̇им̣су. яз на саб̣б̣зна саб̣б̣ам̣ саасанам̣ ааж̇ааним̣су, д̇з гааяасса бхзд̣̇аа барам̣ маран̣аа аббзгажжз бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇им̣су; аббзгажжз ниммаанарад̇ийнам̣ д̣̇зваанам̣ сахаб̣яад̇ам̣ убабаж̇ж̇им̣су; аббзгажжз д̇усид̇аанам̣ д̣̇зваанам̣ сахаб̣яад̇ам̣ убабаж̇ж̇им̣су; аббзгажжз яаамаанам̣ д̣̇зваанам̣ сахаб̣яад̇ам̣ убабаж̇ж̇им̣су; аббзгажжз д̇аавад̇им̣саанам̣ д̣̇зваанам̣ сахаб̣яад̇ам̣ убабаж̇ж̇им̣су; аббзгажжз жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇им̣су; яз саб̣б̣анихийнам̣ гааяам̣ барибуурзсум̣ д̇з г̇анд̇хаб̣б̣агааяам̣ барибуурзсум̣. ид̇и ко, бхо ³⁹, саб̣б̣зсам̣язва д̇зсам̣ гулабуд̇д̇аанам̣ амогхаа баб̣б̣аж̇ж̇аа ахоси аван̃жхаа сапалаа сауд̣̇раяаа’’’д̇и.

328. ‘‘Ye kho pana, bho, tena samayena mahāgovindassa brāhmaṇassa sāvakā sabbena sabbaṃ sāsanaṃ ājāniṃsu. Te kāyassa bhedā paraṃ maraṇā sugatiṃ brahmalokaṃ upapajjiṃsu. Ye na sabbena sabbaṃ sāsanaṃ ājāniṃsu, te kāyassa bhedā paraṃ maraṇā appekacce paranimmitavasavattīnaṃ devānaṃ sahabyataṃ upapajjiṃsu; appekacce nimmānaratīnaṃ devānaṃ sahabyataṃ upapajjiṃsu; appekacce tusitānaṃ devānaṃ sahabyataṃ upapajjiṃsu; appekacce yāmānaṃ devānaṃ sahabyataṃ upapajjiṃsu; appekacce tāvatiṃsānaṃ devānaṃ sahabyataṃ upapajjiṃsu; appekacce cātumahārājikānaṃ devānaṃ sahabyataṃ upapajjiṃsu; ye sabbanihīnaṃ kāyaṃ paripūresuṃ te gandhabbakāyaṃ paripūresuṃ. Iti kho, bho ⁴⁰, sabbesaṃyeva tesaṃ kulaputtānaṃ amoghā pabbajjā ahosi avañjhā saphalā saudrayā’’’ti.

329. ‘‘сарад̇и д̇ам̣ бхаг̇аваа’’д̇и? ‘‘сараамахам̣, бан̃жасика. ахам̣ д̇зна самаязна махааг̇овинд̣̇о б̣раахман̣о ахосим̣. ахам̣ д̇зсам̣ саавагаанам̣ б̣рахмалогасахаб̣яад̇ааяа маг̇г̇ам̣ д̣̇зсзсим̣. д̇ам̣ ко бана мз, бан̃жасика, б̣рахмажарияам̣ на ниб̣б̣ид̣̇ааяа на вирааг̇ааяа на нирод̇хааяа на убасамааяа на абхин̃н̃ааяа на самб̣од̇хааяа на ниб̣б̣аанааяа сам̣вад̇д̇ад̇и, яаавад̣̇зва б̣рахмалогуубабад̇д̇ияаа.

329. ‘‘Sarati taṃ bhagavā’’ti? ‘‘Sarāmahaṃ, pañcasikha. Ahaṃ tena samayena mahāgovindo brāhmaṇo ahosiṃ. Ahaṃ tesaṃ sāvakānaṃ brahmalokasahabyatāya maggaṃ desesiṃ. Taṃ kho pana me, pañcasikha, brahmacariyaṃ na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati, yāvadeva brahmalokūpapattiyā.

ид̣̇ам̣ ко бана мз, бан̃жасика, б̣рахмажарияам̣ зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. гад̇аман̃жа д̇ам̣, бан̃жасика, б̣рахмажарияам̣ зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и? аяамзва арияо адтан̇г̇иго маг̇г̇о. сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. ид̣̇ам̣ ко д̇ам̣, бан̃жасика, б̣рахмажарияам̣ зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и.

Idaṃ kho pana me, pañcasikha, brahmacariyaṃ ekantanibbidāya virāgāya nirodhāya upasamāya abhiññāya sambodhāya nibbānāya saṃvattati. Katamañca taṃ, pañcasikha, brahmacariyaṃ ekantanibbidāya virāgāya nirodhāya upasamāya abhiññāya sambodhāya nibbānāya saṃvattati? Ayameva ariyo aṭṭhaṅgiko maggo. Seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Idaṃ kho taṃ, pañcasikha, brahmacariyaṃ ekantanibbidāya virāgāya nirodhāya upasamāya abhiññāya sambodhāya nibbānāya saṃvattati.

330. ‘‘яз ко бана мз, бан̃жасика, саавагаа саб̣б̣зна саб̣б̣ам̣ саасанам̣ ааж̇аананд̇и, д̇з аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и; яз на саб̣б̣зна саб̣б̣ам̣ саасанам̣ ааж̇аананд̇и, д̇з бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа хонд̇и д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа. яз на саб̣б̣зна саб̣б̣ам̣ саасанам̣ ааж̇аананд̇и, аббзгажжз д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино хонд̇и сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и ⁴¹. яз на саб̣б̣зна саб̣б̣ам̣ саасанам̣ ааж̇аананд̇и, аббзгажжз д̇ин̣н̣ам̣ сам̣яож̇анаанам̣ баригкаяаа сод̇аабаннаа хонд̇и авинибаад̇ад̇хаммаа нияад̇аа самб̣од̇хибарааяан̣аа. ид̇и ко, бан̃жасика, саб̣б̣зсам̣язва имзсам̣ гулабуд̇д̇аанам̣ амогхаа баб̣б̣аж̇ж̇аа ⁴² аван̃жхаа сапалаа сауд̣̇раяаа’’д̇и.

330. ‘‘Ye kho pana me, pañcasikha, sāvakā sabbena sabbaṃ sāsanaṃ ājānanti, te āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanti; ye na sabbena sabbaṃ sāsanaṃ ājānanti, te pañcannaṃ orambhāgiyānaṃ saṃyojanānaṃ parikkhayā opapātikā honti tattha parinibbāyino anāvattidhammā tasmā lokā. Ye na sabbena sabbaṃ sāsanaṃ ājānanti, appekacce tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino honti sakideva imaṃ lokaṃ āgantvā dukkhassantaṃ karissanti ⁴³. Ye na sabbena sabbaṃ sāsanaṃ ājānanti, appekacce tiṇṇaṃ saṃyojanānaṃ parikkhayā sotāpannā honti avinipātadhammā niyatā sambodhiparāyaṇā. Iti kho, pañcasikha, sabbesaṃyeva imesaṃ kulaputtānaṃ amoghā pabbajjā ⁴⁴ avañjhā saphalā saudrayā’’ti.

ид̣̇амавожа бхаг̇аваа. ад̇д̇амано бан̃жасико г̇анд̇хаб̣б̣абуд̇д̇о бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяийд̇и.

Idamavoca bhagavā. Attamano pañcasikho gandhabbaputto bhagavato bhāsitaṃ abhinanditvā anumoditvā bhagavantaṃ abhivādetvā padakkhiṇaṃ katvā tatthevantaradhāyīti.

махааг̇овинд̣̇асуд̇д̇ам̣ нидтид̇ам̣ чадтам̣.

Mahāgovindasuttaṃ niṭṭhitaṃ chaṭṭhaṃ.

Next: 7. махаасамаяасуд̇д̇ам̣ • 7. Mahāsamayasuttaṃ

Footnotes:

1. абхиниббанно (бий. га.)

2. abhinippanno (pī. ka.)

3. сукаа бхавзяяаат̇а (га.), сукам̣ бхавзяяаат̇а, сукамзд̇хзяяаат̇а (сий. бий.),сука мзд̇хзт̇а (?)

4. sukhā bhaveyyātha (ka.), sukhaṃ bhaveyyātha, sukhamedheyyātha (sī. pī.),sukha medhetha (?)

5. важананд̇и (сяаа. га.)

6. адтабзси (сий. бий.)

7. vacananti (syā. ka.)

8. aṭṭhapesi (sī. pī.)

9. гаалин̇г̇аанам̣ (сяаа. бий. га.)

10. kāliṅgānaṃ (syā. pī. ka.)

11. маахиссад̇и (сий. сяаа. бий.)

12. māhissati (sī. syā. pī.)

13. муд̣̇д̇хаабхисид̇д̇з раж̇ж̇зна (сяаа.)

14. muddhābhisitte rajjena (syā.)

15. аб̣бхуг̇г̇ан̃чи (сий. бий.)

16. abbhuggañchi (sī. pī.)

17. убасан̇гами (бий.)

18. upasaṅkami (pī.)

19. сананд̇ижа (га.)

20. sanantica (ka.)

21. мад̇хубааган̃жа (сий. сяаа. бий.)

22. madhupākañca (sī. syā. pī.)

23. гарун̣аад̇химуд̇д̇о (сий. сяаа. бий.)

24. karuṇādhimutto (sī. syā. pī.)

25. гзнаавудаа (сяаа.)

26. гуруруу (сяаа.), гурудтаруу (бий.), гурууру (?)

27. kenāvuṭā (syā.)

28. kururū (syā.), kuruṭṭharū (pī.), kurūru (?)

29. бааж̇зхи (адтагат̇ааяам̣ сам̣ван̣н̣ид̇абаатанд̇арам̣)

30. pājehi (aṭṭhakathāyaṃ saṃvaṇṇitapāṭhantaraṃ)

31. мамабид̇аа (га.), мамаби (сий.)

32. mamapitā (ka.), mamapi (sī.)

33. манд̇ааяа (б̣ахуусу)

34. mantāya (bahūsu)

35. раж̇ж̇з (сяаа.)

36. rajje (syā.)

37. б̣рахмаанам̣ (сий. бий. га.)

38. brahmānaṃ (sī. pī. ka.)

39. бана (сяаа. га.)

40. pana (syā. ka.)

41. гаронд̇и (сий. бий.)

42. баб̣б̣аж̇аа ахоси (га.)

43. karonti (sī. pī.)

44. pabbajā ahosi (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 6. махааг̇овинд̣̇асуд̇д̇аван̣н̣анаа • 6. Mahāgovindasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 6. махааг̇овинд̣̇асуд̇д̇аван̣н̣анаа • 6. Mahāgovindasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact