Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā)

    6. махааг̇овинд̣̇асуд̇д̇аван̣н̣анаа

    6. Mahāgovindasuttavaṇṇanā

    293. звам̣ мз суд̇анд̇и махааг̇овинд̣̇асуд̇д̇ам̣. д̇ад̇рааяамануд̇д̇аанабад̣̇аван̣н̣анаа – бан̃жасикод̇и бан̃жажуул̣о бан̃жагун̣д̣алиго. со гира мануссабат̇з бун̃н̃агаммагаран̣агаалз д̣̇ахаро бан̃жажуул̣агад̣̇аарагагаалз важчабаалагаж̇здтаго худ̇ваа ан̃н̃зби д̣̇аарагз г̇ахзд̇ваа б̣ахиг̇аамз жад̇умаг̇г̇адтаанзсу саалам̣ гаронд̇о богкаран̣им̣ кан̣анд̇о сзд̇ум̣ б̣анд̇ханд̇о висамам̣ маг̇г̇ам̣ самам̣ гаронд̇о яаанаанам̣ агкабадигхаад̇анаругкз харанд̇од̇и зваруубаани бун̃н̃аани гаронд̇о вижарид̇ваа д̣̇ахарова гааламагааси. д̇асса со ад̇д̇абхааво идто ганд̇о манаабо ахоси. со гаалам̣ гад̇ваа жаад̇умахаарааж̇игад̣̇звалогз навуд̇ивассасад̇асахассаббамаан̣ам̣ ааяум̣ г̇ахзд̇ваа ниб̣б̣ад̇д̇и. д̇асса д̇иг̇аавуд̇аббамаан̣о суван̣н̣агканд̇хасад̣̇исо ад̇д̇абхааво ахоси. со сагадасахассамад̇д̇ам̣ аабхаран̣ам̣ басаад̇хзд̇ваа навагумбхамад̇д̇з г̇анд̇хз вилимбид̇ваа д̣̇иб̣б̣арад̇д̇авад̇т̇ад̇харо рад̇д̇асуван̣н̣аган̣н̣игам̣ бил̣анд̇хид̇ваа бан̃жахи гун̣д̣алагзхи бидтияам̣ вад̇д̇амаанзхи бан̃жажуул̣агад̣̇аарагабарихаарзнзва вижарад̇и. д̇знзд̇ам̣ ‘‘бан̃жасико’’ д̇взва сан̃ж̇аананд̇и.

    293.Evaṃme sutanti mahāgovindasuttaṃ. Tatrāyamanuttānapadavaṇṇanā – pañcasikhoti pañcacūḷo pañcakuṇḍaliko. So kira manussapathe puññakammakaraṇakāle daharo pañcacūḷakadārakakāle vacchapālakajeṭṭhako hutvā aññepi dārake gahetvā bahigāme catumaggaṭṭhānesu sālaṃ karonto pokkharaṇiṃ khaṇanto setuṃ bandhanto visamaṃ maggaṃ samaṃ karonto yānānaṃ akkhapaṭighātanarukkhe harantoti evarūpāni puññāni karonto vicaritvā daharova kālamakāsi. Tassa so attabhāvo iṭṭho kanto manāpo ahosi. So kālaṃ katvā cātumahārājikadevaloke navutivassasatasahassappamāṇaṃ āyuṃ gahetvā nibbatti. Tassa tigāvutappamāṇo suvaṇṇakkhandhasadiso attabhāvo ahosi. So sakaṭasahassamattaṃ ābharaṇaṃ pasādhetvā navakumbhamatte gandhe vilimpitvā dibbarattavatthadharo rattasuvaṇṇakaṇṇikaṃ piḷandhitvā pañcahi kuṇḍalakehi piṭṭhiyaṃ vattamānehi pañcacūḷakadārakaparihāreneva vicarati. Tenetaṃ ‘‘pañcasikho’’ tveva sañjānanti.

    абхигганд̇ааяа рад̇д̇ияаад̇и абхигганд̇ааяа кийн̣ааяа рад̇д̇ияаа, згагодтаасам̣ ад̇ийд̇ааяаад̇и ад̇т̇о. абхигганд̇аван̣н̣од̇и ад̇иидтаганд̇аманаабаван̣н̣о. багад̇ияааби хзса ганд̇аван̣н̣о, алан̇гарид̇ваа ааг̇ад̇ад̇д̇аа бана абхигганд̇аван̣н̣о ахоси. гзвалагаббанд̇и анавасзсам̣ саманд̇ад̇о. анавасзсад̇т̇о зд̇т̇а гзваласад̣̇д̣̇о. гзвалабарибун̣н̣анд̇и зд̇т̇а вияа. саманд̇ад̇о ад̇т̇о габбасад̣̇д̣̇о, гзвалагаббам̣ ж̇зд̇авананд̇иаад̣̇ийсу вияа. обхаасзд̇ваад̇и аабхааяа парид̇ваа, жанд̣̇имаа вияа суурияо вияа жа згобхаасам̣ згабаж̇ж̇од̇ам̣ гарид̇ваад̇и ад̇т̇о.

    Abhikkantāya rattiyāti abhikkantāya khīṇāya rattiyā, ekakoṭṭhāsaṃ atītāyāti attho. Abhikkantavaṇṇoti atiiṭṭhakantamanāpavaṇṇo. Pakatiyāpi hesa kantavaṇṇo, alaṅkaritvā āgatattā pana abhikkantavaṇṇo ahosi. Kevalakappanti anavasesaṃ samantato. Anavasesattho ettha kevalasaddo. Kevalaparipuṇṇanti ettha viya. Samantato attho kappasaddo, kevalakappaṃ jetavanantiādīsu viya. Obhāsetvāti ābhāya pharitvā, candimā viya sūriyo viya ca ekobhāsaṃ ekapajjotaṃ karitvāti attho.

    д̣̇звасабхааван̣н̣анаа

    Devasabhāvaṇṇanā

    294. суд̇хаммааяам̣ сабхааяанд̇и суд̇хаммааяа наама ид̇т̇ияаа рад̇анамад̇д̇аган̣н̣игаругканиссанд̣̇зна ниб̣б̣ад̇д̇асабхааяам̣ . д̇ассаа гира палигамаяаа бхууми, ман̣имаяаа аан̣ияо , суван̣н̣амаяаа т̇амбхаа, раж̇ад̇амаяаа т̇амбхагхадигаа жа сан̇гхаад̇аа жа, баваал̣амаяаани ваал̣аруубаани, сад̇д̇арад̇анамаяаа г̇обаанасияо жа багкабаасагаа жа мукавадди жа, инд̣̇анийлаидтагаахи чад̣̇анам̣, сован̣н̣амаяам̣ чад̣̇анабийтам̣, раж̇ад̇амаяаа т̇уубигаа, ааяаамад̇о жа вид̇т̇аарад̇о жа д̇ийн̣и яож̇анасад̇аани, баригкзбад̇о наваяож̇анасад̇аани, уб̣б̣зд̇хад̇о бан̃жаяож̇анасад̇аани, зваруубааяам̣ суд̇хаммааяам̣ сабхааяам̣.

    294.Sudhammāyaṃ sabhāyanti sudhammāya nāma itthiyā ratanamattakaṇṇikarukkhanissandena nibbattasabhāyaṃ . Tassā kira phalikamayā bhūmi, maṇimayā āṇiyo , suvaṇṇamayā thambhā, rajatamayā thambhaghaṭikā ca saṅghātā ca, pavāḷamayāni vāḷarūpāni, sattaratanamayā gopānasiyo ca pakkhapāsakā ca mukhavaṭṭi ca, indanīlaiṭṭhakāhi chadanaṃ, sovaṇṇamayaṃ chadanapīṭhaṃ, rajatamayā thūpikā, āyāmato ca vitthārato ca tīṇi yojanasatāni, parikkhepato navayojanasatāni, ubbedhato pañcayojanasatāni, evarūpāyaṃ sudhammāyaṃ sabhāyaṃ.

    д̇хад̇арадтод̇иаад̣̇ийсу д̇хад̇арадто г̇анд̇хаб̣б̣арааж̇аа г̇анд̇хаб̣б̣ад̣̇звад̇аанам̣ годисад̇асахассзна баривуд̇о годисад̇асахассасуван̣н̣амаяаани палагаани жа суван̣н̣асад̇д̇ияо жа г̇аахаабзд̇ваа бурад̇т̇имааяа д̣̇исааяа бажчимаабхимуко д̣̇вийсу д̣̇звалогзсу д̣̇звад̇аа бурад̇о гад̇ваа нисинно.

    Dhataraṭṭhotiādīsu dhataraṭṭho gandhabbarājā gandhabbadevatānaṃ koṭisatasahassena parivuto koṭisatasahassasuvaṇṇamayāni phalakāni ca suvaṇṇasattiyo ca gāhāpetvā puratthimāya disāya pacchimābhimukho dvīsu devalokesu devatā purato katvā nisinno.

    вируул̣хаго гумбхан̣д̣арааж̇аа гумбхан̣д̣ад̣̇звад̇аанам̣ годисад̇асахассзна баривуд̇о годисад̇асахассараж̇ад̇амаяаани палагаани жа суван̣н̣асад̇д̇ияо жа г̇аахаабзд̇ваа д̣̇агкин̣ааяа д̣̇исааяа уд̇д̇араабхимуко д̣̇вийсу д̣̇звалогзсу д̣̇звад̇аа бурад̇о гад̇ваа нисинно.

    Virūḷhako kumbhaṇḍarājā kumbhaṇḍadevatānaṃ koṭisatasahassena parivuto koṭisatasahassarajatamayāni phalakāni ca suvaṇṇasattiyo ca gāhāpetvā dakkhiṇāya disāya uttarābhimukho dvīsu devalokesu devatā purato katvā nisinno.

    вируубагко нааг̇арааж̇аа нааг̇аанам̣ годисад̇асахассзна баривуд̇о годисад̇асахассаман̣имаяаани махаапалагаани жа суван̣н̣асад̇д̇ияо жа г̇аахаабзд̇ваа бажчимааяа д̣̇исааяа бурад̇т̇имаабхимуко д̣̇вийсу д̣̇звалогзсу д̣̇звад̇аа бурад̇о гад̇ваа нисинно.

    Virūpakkho nāgarājā nāgānaṃ koṭisatasahassena parivuto koṭisatasahassamaṇimayāni mahāphalakāni ca suvaṇṇasattiyo ca gāhāpetvā pacchimāya disāya puratthimābhimukho dvīsu devalokesu devatā purato katvā nisinno.

    взссаван̣о яагкарааж̇аа яагкаанам̣ годисад̇асахассзна баривуд̇о годисад̇асахассабаваал̣амаяаани махаапалагаани жа суван̣н̣асад̇д̇ияо жа г̇аахаабзд̇ваа уд̇д̇арааяа д̣̇исааяа д̣̇агкин̣аабхимуко д̣̇вийсу д̣̇звалогзсу д̣̇звад̇аа бурад̇о гад̇ваа нисиннод̇и взд̣̇ид̇аб̣б̣о.

    Vessavaṇo yakkharājā yakkhānaṃ koṭisatasahassena parivuto koṭisatasahassapavāḷamayāni mahāphalakāni ca suvaṇṇasattiyo ca gāhāpetvā uttarāya disāya dakkhiṇābhimukho dvīsu devalokesu devatā purato katvā nisinnoti veditabbo.

    ат̇а бажчаа амхаагам̣ аасанам̣ ход̇ийд̇и д̇зсам̣ бажчад̇о амхаагам̣ нисийд̣̇ид̇ум̣ огаасо баабун̣аад̇и. д̇ад̇о барам̣ бависид̇ум̣ ваа бассид̇ум̣ ваа на лабхаама. саннибаад̇агааран̣ам̣ банзд̇т̇а буб̣б̣з вуд̇д̇ам̣ жад̇уб̣б̣ид̇хамзва. д̇зсу вассуубанааяигасан̇г̇ахо вид̇т̇аарид̇о. яат̇аа бана вассуубанааяигааяа, звам̣ махаабавааран̣ааяаби бун̣н̣амад̣̇ивасз саннибад̇ид̇ваа ‘‘аж̇ж̇а гад̇т̇а г̇анд̇ваа гасса санд̇игз баваарзссаамаа’’д̇и манд̇знд̇и. д̇ад̇т̇а сагго д̣̇зваанаминд̣̇о язбхуяязна бияан̇г̇уд̣̇ийбамахаавихаарасмим̣язва баваарзд̇и. сзсаа д̣̇звад̇аа баарижчад̇д̇агаад̣̇ийни д̣̇иб̣б̣абубпаани жзва д̣̇иб̣б̣ажанд̣̇анажун̣н̣аани жа г̇ахзд̇ваа ад̇д̇ано ад̇д̇ано манаабадтаанамзва г̇анд̇ваа баваарзнд̇и. звам̣ бавааран̣асан̇г̇ахад̇т̇ааяа саннибад̇анд̇и .

    Atha pacchā amhākaṃ āsanaṃ hotīti tesaṃ pacchato amhākaṃ nisīdituṃ okāso pāpuṇāti. Tato paraṃ pavisituṃ vā passituṃ vā na labhāma. Sannipātakāraṇaṃ panettha pubbe vuttaṃ catubbidhameva. Tesu vassūpanāyikasaṅgaho vitthārito. Yathā pana vassūpanāyikāya, evaṃ mahāpavāraṇāyapi puṇṇamadivase sannipatitvā ‘‘ajja kattha gantvā kassa santike pavāressāmā’’ti mantenti. Tattha sakko devānamindo yebhuyyena piyaṅgudīpamahāvihārasmiṃyeva pavāreti. Sesā devatā pāricchattakādīni dibbapupphāni ceva dibbacandanacuṇṇāni ca gahetvā attano attano manāpaṭṭhānameva gantvā pavārenti. Evaṃ pavāraṇasaṅgahatthāya sannipatanti .

    д̣̇звалогз бана аасаавад̇ий наама лад̇аа ад̇т̇и. саа бубписсад̇ийд̇и д̣̇зваа вассасахассам̣ убадтаанам̣ г̇ажчанд̇и. баарижчад̇д̇агз бубпамаанз згавассам̣ убадтаанам̣ г̇ажчанд̇и. д̇з д̇асса бан̣д̣убалаасаад̣̇ибхаавад̇о бадтааяа ад̇д̇аманаа хонд̇и. яат̇ааха –

    Devaloke pana āsāvatī nāma latā atthi. Sā pupphissatīti devā vassasahassaṃ upaṭṭhānaṃ gacchanti. Pāricchattake pupphamāne ekavassaṃ upaṭṭhānaṃ gacchanti. Te tassa paṇḍupalāsādibhāvato paṭṭhāya attamanā honti. Yathāha –

    ‘‘яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро бан̣д̣убалаасо ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘бан̣д̣убалаасо ко д̣̇аани баарижчад̇д̇аго говил̣ааро, на жирассзва баннабалаасо бхависсад̇ий’д̇и. яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро баннабалаасо ход̇и, каарагаж̇аад̇о ход̇и, ж̇аалагаж̇аад̇о ход̇и, гудумалагаж̇аад̇о ход̇и, горагаж̇аад̇о ход̇и. ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и – ‘горагаж̇аад̇о д̣̇аани баарижчад̇д̇аго говил̣ааро на жирассзва саб̣б̣абаалипулло бхависсад̇ий’д̇и (а. ни. 7.69).

    ‘‘Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro paṇḍupalāso hoti, attamanā, bhikkhave, devā tāvatiṃsā tasmiṃ samaye honti – ‘paṇḍupalāso kho dāni pāricchattako koviḷāro, na cirasseva pannapalāso bhavissatī’ti. Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro pannapalāso hoti, khārakajāto hoti, jālakajāto hoti, kuṭumalakajāto hoti, korakajāto hoti. Attamanā, bhikkhave, devā tāvatiṃsā tasmiṃ samaye honti – ‘korakajāto dāni pāricchattako koviḷāro na cirasseva sabbapāliphullo bhavissatī’ti (a. ni. 7.69).

    саб̣б̣абаалипулласса ко бана, бхигкавз, баарижчад̇д̇агасса говил̣аарасса саманд̇аа бан̃н̃ааса яож̇анаани аабхааяа пудам̣ ход̇и, ануваад̇ам̣ яож̇анасад̇ам̣ г̇анд̇хо г̇ажчад̇и. аяамаанубхааво баарижчад̇д̇агасса говил̣аарассаа’’д̇и.

    Sabbapāliphullassa kho pana, bhikkhave, pāricchattakassa koviḷārassa samantā paññāsa yojanāni ābhāya phuṭaṃ hoti, anuvātaṃ yojanasataṃ gandho gacchati. Ayamānubhāvo pāricchattakassa koviḷārassā’’ti.

    бубпид̇з баарижчад̇д̇агз аарохан̣агижжам̣ ваа ан̇гусагам̣ г̇ахзд̇ваа наманагижжам̣ ваа бубпаахаран̣ад̇т̇ам̣ жан̇годагагижжам̣ ваа над̇т̇и, ганд̇анагаваад̇о удтахид̇ваа бубпаани ван̣дад̇о ганд̇ад̇и, самбадижчанагаваад̇о самбадижчад̇и, бавзсанагаваад̇о суд̇хаммам̣ д̣̇звасабхам̣ бавзсзд̇и, саммаж̇ж̇анагаваад̇о бураан̣абубпаани нийхарад̇и, сант̇аран̣агаваад̇о бад̇д̇аган̣н̣игагзсараани нажжанд̇о сант̇арад̇и, маж̇жхадтаанз д̇хаммаасанам̣ ход̇и. яож̇анаббамаан̣о рад̇анабаллан̇го убари д̇ияож̇анзна сзд̇ажчад̇д̇зна д̇хаараяамаанзна, д̇ад̣̇ананд̇арам̣ саггасса д̣̇зваран̃н̃о аасанам̣ ад̇т̇арияад̇и. д̇ад̇о д̇зд̇д̇им̣сааяа д̣̇звабуд̇д̇аанам̣, д̇ад̇о ан̃н̃аасам̣ махзсагкад̣̇звад̇аанам̣. ан̃н̃ад̇арад̣̇звад̇аанам̣ бана бубпаган̣н̣игаава аасанам̣ ход̇и.

    Pupphite pāricchattake ārohaṇakiccaṃ vā aṅkusakaṃ gahetvā namanakiccaṃ vā pupphāharaṇatthaṃ caṅkoṭakakiccaṃ vā natthi, kantanakavāto uṭṭhahitvā pupphāni vaṇṭato kantati, sampaṭicchanakavāto sampaṭicchati, pavesanakavāto sudhammaṃ devasabhaṃ paveseti, sammajjanakavāto purāṇapupphāni nīharati, santharaṇakavāto pattakaṇṇikakesarāni naccanto santharati, majjhaṭṭhāne dhammāsanaṃ hoti. Yojanappamāṇo ratanapallaṅko upari tiyojanena setacchattena dhārayamānena, tadanantaraṃ sakkassa devarañño āsanaṃ atthariyati. Tato tettiṃsāya devaputtānaṃ, tato aññāsaṃ mahesakkhadevatānaṃ. Aññataradevatānaṃ pana pupphakaṇṇikāva āsanaṃ hoti.

    д̣̇зваа д̣̇звасабхам̣ бависид̇ваа нисийд̣̇анд̇и. д̇ад̇о бубпзхи рзн̣увадди уг̇г̇анд̇ваа убари ган̣н̣игам̣ аахажжа нибад̇амаанаа д̣̇звад̇аанам̣ д̇иг̇аавуд̇аббамаан̣ам̣ ад̇д̇абхаавам̣ лаакаарасабаригаммасаж̇ж̇ид̇ам̣ вияа гарод̇и. д̇зсам̣ саа гийл̣аа жад̇уухи маасзхи барияосаанам̣ г̇ажчад̇и. звам̣ баарижчад̇д̇агагийл̣аанубхаванад̇т̇ааяа саннибад̇анд̇и.

    Devā devasabhaṃ pavisitvā nisīdanti. Tato pupphehi reṇuvaṭṭi uggantvā upari kaṇṇikaṃ āhacca nipatamānā devatānaṃ tigāvutappamāṇaṃ attabhāvaṃ lākhārasaparikammasajjitaṃ viya karoti. Tesaṃ sā kīḷā catūhi māsehi pariyosānaṃ gacchati. Evaṃ pāricchattakakīḷānubhavanatthāya sannipatanti.

    маасасса бана адтад̣̇ивасз д̣̇звалогз махаад̇хаммасаванам̣ гхусад̇и. д̇ад̇т̇а суд̇хаммааяам̣ д̣̇звасабхааяам̣ санан̇гумааро ваа махааб̣рахмаа, сагго ваа д̣̇зваанаминд̣̇о, д̇хаммагат̇игабхигку ваа, ан̃н̃ад̇аро ваа д̇хаммагат̇иго д̣̇звабуд̇д̇о д̇хаммагат̇ам̣ гат̇зд̇и. адтамияам̣ багкасса жад̇уннам̣ махаарааж̇аанам̣ амажжаа, жаад̇уд̣̇д̣̇асияам̣ буд̇д̇аа, баннарасз саяам̣ жад̇д̇ааро махаарааж̇аано нигкамид̇ваа суван̣н̣абаддан̃жа ж̇аад̇ихин̇г̇улаган̃жа г̇ан̣хид̇ваа г̇ааманиг̇амарааж̇ад̇хаанияо анувижаранд̇и. д̇з – ‘‘асугаа наама ид̇т̇ий ваа бурисо ваа б̣уд̣̇д̇хам̣ саран̣ам̣ г̇ад̇о, д̇хаммам̣ саран̣ам̣ г̇ад̇о. сан̇гхам̣ саран̣ам̣ г̇ад̇о. бан̃жасийлаани рагкад̇и. маасасса адта убосат̇з гарод̇и. маад̇уубадтаанам̣ буурзд̇и. бид̇уубадтаанам̣ буурзд̇и. асугадтаанз уббалахад̇т̇агасад̇зна бубпагумбхзна бууж̇аа гад̇аа. д̣̇ийбасахассам̣ ааробид̇ам̣. агаалад̇хаммасаванам̣ гаарид̇ам̣. чад̇д̇авзд̣̇игаа будавзд̣̇игаа гужчивзд̣̇игаа сийхаасанам̣ сийхасобаанам̣ гаарид̇ам̣. д̇ийн̣и сужарид̇аани буурзд̇и. д̣̇асагусалагаммабат̇з самаад̣̇ааяа вад̇д̇ад̇ий’’д̇и суван̣н̣абаддз ж̇аад̇ихин̇г̇улагзна ликид̇ваа аахарид̇ваа бан̃жасикасса хад̇т̇з д̣̇знд̇и. бан̃жасико маад̇алисса хад̇т̇з д̣̇зд̇и. маад̇али сан̇г̇аахаго саггасса д̣̇зваран̃н̃о д̣̇зд̇и.

    Māsassa pana aṭṭhadivase devaloke mahādhammasavanaṃ ghusati. Tattha sudhammāyaṃ devasabhāyaṃ sanaṅkumāro vā mahābrahmā, sakko vā devānamindo, dhammakathikabhikkhu vā, aññataro vā dhammakathiko devaputto dhammakathaṃ katheti. Aṭṭhamiyaṃ pakkhassa catunnaṃ mahārājānaṃ amaccā, cātuddasiyaṃ puttā, pannarase sayaṃ cattāro mahārājāno nikkhamitvā suvaṇṇapaṭṭañca jātihiṅgulakañca gaṇhitvā gāmanigamarājadhāniyo anuvicaranti. Te – ‘‘asukā nāma itthī vā puriso vā buddhaṃ saraṇaṃ gato, dhammaṃ saraṇaṃ gato. Saṅghaṃ saraṇaṃ gato. Pañcasīlāni rakkhati. Māsassa aṭṭha uposathe karoti. Mātuupaṭṭhānaṃ pūreti. Pituupaṭṭhānaṃ pūreti. Asukaṭṭhāne uppalahatthakasatena pupphakumbhena pūjā katā. Dīpasahassaṃ āropitaṃ. Akāladhammasavanaṃ kāritaṃ. Chattavedikā puṭavedikā kucchivedikā sīhāsanaṃ sīhasopānaṃ kāritaṃ. Tīṇi sucaritāni pūreti. Dasakusalakammapathe samādāya vattatī’’ti suvaṇṇapaṭṭe jātihiṅgulakena likhitvā āharitvā pañcasikhassa hatthe denti. Pañcasikho mātalissa hatthe deti. Mātali saṅgāhako sakkassa devarañño deti.

    яад̣̇аа бун̃н̃агаммагаарагаа б̣ахуу на хонд̇и, бод̇т̇аго куд̣̇д̣̇аго ход̇и, д̇ам̣ д̣̇исваава д̣̇зваа – ‘‘бамад̇д̇о, вад̇а бхо махааж̇ано вихарад̇и, жад̇д̇ааро абааяаа барибууриссанд̇и, ча д̣̇звалогаа д̇ужчаа бхависсанд̇ий’’д̇и анад̇д̇аманаа хонд̇и. сажз бана бод̇т̇аго махаа ход̇и, д̇ам̣ д̣̇исваава д̣̇зваа – ‘‘аббамад̇д̇о, вад̇а бхо, махааж̇ано вихарад̇и, жад̇д̇ааро абааяаа сун̃н̃аа бхависсанд̇и , ча д̣̇звалогаа барибууриссанд̇и, б̣уд̣̇д̇хасаасанз бун̃н̃аани гарид̇ваа ааг̇ад̇з махаабун̃н̃з бурагкад̇ваа нагкад̇д̇ам̣ гийл̣ид̇ум̣ лабхиссаамаа’’д̇и ад̇д̇аманаа хонд̇и. д̇ам̣ бод̇т̇агам̣ г̇ахзд̇ваа сагго д̣̇зварааж̇аа ваажзд̇и. д̇асса багад̇инияаамзна гат̇знд̇асса сад̣̇д̣̇о д̣̇ваад̣̇аса яож̇анаани г̇ан̣хаад̇и. ужжзна сарзна гат̇знд̇асса жа сагалам̣ д̣̇асаяож̇анасахассам̣ д̣̇званаг̇арам̣ чаад̣̇зд̇ваа д̇идтад̇и. звам̣ д̇хаммасаванад̇т̇ааяа саннибад̇анд̇и. ид̇ха бана бавааран̣асан̇г̇ахад̇т̇ааяа саннибад̇ид̇аад̇и взд̣̇ид̇аб̣б̣аа.

    Yadā puññakammakārakā bahū na honti, potthako khuddako hoti, taṃ disvāva devā – ‘‘pamatto, vata bho mahājano viharati, cattāro apāyā paripūrissanti, cha devalokā tucchā bhavissantī’’ti anattamanā honti. Sace pana potthako mahā hoti, taṃ disvāva devā – ‘‘appamatto, vata bho, mahājano viharati, cattāro apāyā suññā bhavissanti , cha devalokā paripūrissanti, buddhasāsane puññāni karitvā āgate mahāpuññe purakkhatvā nakkhattaṃ kīḷituṃ labhissāmā’’ti attamanā honti. Taṃ potthakaṃ gahetvā sakko devarājā vāceti. Tassa pakatiniyāmena kathentassa saddo dvādasa yojanāni gaṇhāti. Uccena sarena kathentassa ca sakalaṃ dasayojanasahassaṃ devanagaraṃ chādetvā tiṭṭhati. Evaṃ dhammasavanatthāya sannipatanti. Idha pana pavāraṇasaṅgahatthāya sannipatitāti veditabbā.

    д̇ат̇ааг̇ад̇ам̣ намассанд̇аад̇и навахи гааран̣зхи д̇ат̇ааг̇ад̇ам̣ намассамаанаа . д̇хаммасса жа суд̇хаммад̇анд̇и сваагкаад̇ад̇аад̣̇ибхзд̣̇ам̣ д̇хаммасса суд̇хаммад̇ам̣ уж̇уббадибаннад̇аад̣̇ибхзд̣̇ам̣ сан̇гхасса жа суббадибад̇д̇инд̇и ад̇т̇о.

    Tathāgataṃ namassantāti navahi kāraṇehi tathāgataṃ namassamānā . Dhammassa ca sudhammatanti svākkhātatādibhedaṃ dhammassa sudhammataṃ ujuppaṭipannatādibhedaṃ saṅghassa ca suppaṭipattinti attho.

    адтаяат̇аабхужжаван̣н̣анаа

    Aṭṭhayathābhuccavaṇṇanā

    296. яат̇аабхужжзд̇и яат̇аабхууд̇з яат̇аасабхаавз. ван̣н̣зд̇и г̇ун̣з. баяируд̣̇аахаасийд̇и гат̇зси. б̣ахуж̇анахид̇ааяа бадибаннод̇и гат̇ам̣ бадибанно? д̣̇ийбан̇гарабаад̣̇амуулз адта д̇хаммз самод̇хаанзд̇ваа б̣уд̣̇д̇хад̇т̇ааяа абхинийхарамааноби б̣ахуж̇анахид̇ааяа бадибанно наама ход̇и.

    296.Yathābhucceti yathābhūte yathāsabhāve. Vaṇṇeti guṇe. Payirudāhāsīti kathesi. Bahujanahitāyapaṭipannoti kathaṃ paṭipanno? Dīpaṅkarapādamūle aṭṭha dhamme samodhānetvā buddhatthāya abhinīharamānopi bahujanahitāya paṭipanno nāma hoti.

    д̣̇аанабаарамий, сийлабаарамий, нзгкаммабаарамий, бан̃н̃аабаарамий, вийрияабаарамий, канд̇ибаарамий, сажжабаарамий, ад̇хидтаанабаарамий, мзд̇д̇аабаарамий, убзгкаабаарамийд̇и габбасад̇асахассаад̇хигаани жад̇д̇аари асан̇кязяяаани имаа д̣̇аса баарамияо буурзнд̇оби б̣ахуж̇анахид̇ааяа бадибанно.

    Dānapāramī, sīlapāramī, nekkhammapāramī, paññāpāramī, vīriyapāramī, khantipāramī, saccapāramī, adhiṭṭhānapāramī, mettāpāramī, upekkhāpāramīti kappasatasahassādhikāni cattāri asaṅkhyeyyāni imā dasa pāramiyo pūrentopi bahujanahitāya paṭipanno.

    канд̇иваад̣̇ид̇аабасагаалз, жуул̣ад̇хаммабаалагумаарагаалз, чад̣̇д̣̇анд̇анааг̇арааж̇агаалз, бхуурид̣̇ад̇д̇ажамбзяяасан̇кабааланааг̇арааж̇агаалз, махаагабигаалз жа д̇аад̣̇исаани д̣̇уггараани гаронд̇оби б̣ахуж̇анахид̇ааяа бадибанно. взссанд̇арад̇д̇абхаавз тад̇ваа сад̇д̇асад̇агамахаад̣̇аанам̣ д̣̇ад̇ваа сад̇д̇асу таанзсу бат̇авим̣ гамбзд̇ваа баарамийгуудам̣ г̇ан̣ханд̇оби б̣ахуж̇анахид̇ааяа бадибанно. д̇ад̇о ананд̇арз ад̇д̇абхаавз д̇усид̇абурз яаавад̇ааяугам̣ д̇идтанд̇оби б̣ахуж̇анахид̇ааяа бадибанно.

    Khantivāditāpasakāle, cūḷadhammapālakumārakāle, chaddantanāgarājakāle, bhūridattacampeyyasaṅkhapālanāgarājakāle, mahākapikāle ca tādisāni dukkarāni karontopi bahujanahitāya paṭipanno. Vessantarattabhāve ṭhatvā sattasatakamahādānaṃ datvā sattasu ṭhānesu pathaviṃ kampetvā pāramīkūṭaṃ gaṇhantopi bahujanahitāya paṭipanno. Tato anantare attabhāve tusitapure yāvatāyukaṃ tiṭṭhantopi bahujanahitāya paṭipanno.

    д̇ад̇т̇а бан̃жа буб̣б̣анимид̇д̇аани д̣̇исваа д̣̇асасахассажаггаваал̣ад̣̇звад̇аахи яаажид̇о бан̃жа махаавилоганаани вилогзд̇ваа д̣̇зваанам̣ сан̇г̇ахад̇т̇ааяа бадин̃н̃ам̣ д̣̇ад̇ваа д̇усид̇абураа жавид̇ваа маад̇угужчияам̣ бадисанд̇хим̣ г̇ан̣ханд̇оби б̣ахуж̇анахид̇ааяа бадибанно.

    Tattha pañca pubbanimittāni disvā dasasahassacakkavāḷadevatāhi yācito pañca mahāvilokanāni viloketvā devānaṃ saṅgahatthāya paṭiññaṃ datvā tusitapurā cavitvā mātukucchiyaṃ paṭisandhiṃ gaṇhantopi bahujanahitāya paṭipanno.

    д̣̇аса маасз маад̇угужчияам̣ васид̇ваа лумб̣инийванз маад̇угужчид̇о нигкаманд̇оби, згуунад̇им̣савассаани аг̇аарам̣ аж̇жхаавасид̇ваа махаабхинигкаманам̣ нигкамид̇ваа аноманад̣̇ийд̇ийрз баб̣б̣аж̇анд̇оби, чаб̣б̣ассаани бад̇хаанзна ад̇д̇аанам̣ гиламзд̇ваа б̣од̇хибаллан̇гам̣ ааруяха саб̣б̣ан̃н̃уд̇ан̃н̃аан̣ам̣ бадивиж̇жханд̇оби, сад̇д̇асад̇д̇аахам̣ б̣од̇химан̣д̣з яаабзнд̇оби, исибад̇анам̣ ааг̇амма ануд̇д̇арам̣ д̇хаммажаггам̣ бавад̇д̇знд̇оби, яамагабаадихаарияам̣ гаронд̇оби, д̣̇зворохан̣ам̣ ороханд̇оби, б̣уд̣̇д̇хо худ̇ваа бан̃жажад̇д̇аалийса вассаани д̇идтанд̇оби, ааяусан̇каарам̣ оссаж̇анд̇оби, яамагасаалаанаманд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇оби б̣ахуж̇анахид̇ааяа бадибанно. яаавасса саасабамад̇д̇ааби д̇хаад̇уяо д̇харанд̇и, д̇аава б̣ахуж̇анахид̇ааяа бадибаннод̇и взд̣̇ид̇аб̣б̣о. сзсабад̣̇аани зд̇ассзва взважанаани. д̇ад̇т̇а бажчимам̣ бажчимам̣ буримасса буримасса ад̇т̇о.

    Dasa māse mātukucchiyaṃ vasitvā lumbinīvane mātukucchito nikkhamantopi, ekūnatiṃsavassāni agāraṃ ajjhāvasitvā mahābhinikkhamanaṃ nikkhamitvā anomanadītīre pabbajantopi, chabbassāni padhānena attānaṃ kilametvā bodhipallaṅkaṃ āruyha sabbaññutaññāṇaṃ paṭivijjhantopi, sattasattāhaṃ bodhimaṇḍe yāpentopi, isipatanaṃ āgamma anuttaraṃ dhammacakkaṃ pavattentopi, yamakapāṭihāriyaṃ karontopi, devorohaṇaṃ orohantopi, buddho hutvā pañcacattālīsa vassāni tiṭṭhantopi, āyusaṅkhāraṃ ossajantopi, yamakasālānamantare anupādisesāya nibbānadhātuyā parinibbāyantopi bahujanahitāya paṭipanno. Yāvassa sāsapamattāpi dhātuyo dharanti, tāva bahujanahitāya paṭipannoti veditabbo. Sesapadāni etasseva vevacanāni. Tattha pacchimaṃ pacchimaṃ purimassa purimassa attho.

    нзва ад̇ийд̇ам̣сз саманубассаама, на банзд̇арахийд̇и ад̇ийд̇зби б̣уд̣̇д̇хад̇о ан̃н̃ам̣ на саманубассаама, анааг̇ад̇зби на саманубассаама, зд̇арахи бана ан̃н̃асса сад̇т̇уно абхаавад̇оязва ан̃н̃ад̇ра д̇зна бхаг̇авад̇аа на саманубассаамаад̇и аяамзд̇т̇а ад̇т̇о. адтагат̇ааяамби хи – ‘‘ад̇ийд̇аанааг̇ад̇аа б̣уд̣̇д̇хаа амхаагам̣ сад̇т̇аараа сад̣̇исааязва, гим̣ сагго гат̇зд̇ий’’д̇и вижаарзд̇ваа – ‘‘зд̇арахи б̣ахуж̇анахид̇ааяа бадибанно сад̇т̇аа амхаагам̣ сад̇т̇аарам̣ мун̃жид̇ваа ан̃н̃о гожи над̇т̇и, д̇асмаа на бассаамаад̇и гат̇зд̇ий’’д̇и вуд̇д̇ам̣. яат̇аа жа зд̇т̇а, звам̣ ид̇о барзсуби бад̣̇зсу аяамад̇т̇о взд̣̇ид̇аб̣б̣о. сваагкаад̇аад̣̇ийни жа гусалаад̣̇ийни жа вуд̇д̇ад̇т̇аанзва.

    Neva atītaṃse samanupassāma, na panetarahīti atītepi buddhato aññaṃ na samanupassāma, anāgatepi na samanupassāma, etarahi pana aññassa satthuno abhāvatoyeva aññatra tena bhagavatā na samanupassāmāti ayamettha attho. Aṭṭhakathāyampi hi – ‘‘atītānāgatā buddhā amhākaṃ satthārā sadisāyeva, kiṃ sakko kathetī’’ti vicāretvā – ‘‘etarahi bahujanahitāya paṭipanno satthā amhākaṃ satthāraṃ muñcitvā añño koci natthi, tasmā na passāmāti kathetī’’ti vuttaṃ. Yathā ca ettha, evaṃ ito paresupi padesu ayamattho veditabbo. Svākkhātādīni ca kusalādīni ca vuttatthāneva.

    г̇ан̇г̇од̣̇агам̣ яамунод̣̇агзнаад̇и г̇ан̇г̇ааяамунаанам̣ самааг̇амадтаанз уд̣̇агам̣ ван̣н̣знаби г̇анд̇хзнаби расзнаби сам̣санд̣̇ад̇и самзд̇и, маж̇жхз бхиннасуван̣н̣ам̣ вияа згасад̣̇исамзва ход̇и, на махаасамуд̣̇д̣̇ауд̣̇агзна сам̣садтагаалз вияа висад̣̇исам̣. барисуд̣̇д̇хасса ниб̣б̣аанасса бадибад̣̇ааби барисуд̣̇д̇хаава. на хи д̣̇ахарагаалз взж̇ж̇агаммаад̣̇ийни гад̇ваа аг̇ожарз жарид̇ваа махаллагагаалз ниб̣б̣аанам̣ д̣̇адтум̣ саггаа, ниб̣б̣аанаг̇ааминий бана бадибад̣̇аа барисуд̣̇д̇хаава ваддад̇и аагаасуубамаа. яат̇аа хи аагаасамби алаг̇г̇ам̣ барисуд̣̇д̇хам̣ жанд̣̇имасуурияаанам̣ аагаасз ижчид̇ижчид̇адтаанам̣ г̇ажчанд̇аанам̣ вияа ниб̣б̣аанам̣ г̇ажчанд̇асса бхигкуно бадибад̣̇ааби гулз ваа г̇ан̣з ваа алаг̇г̇аа аб̣ад̣̇д̇хаа аагаасуубамаа ваддад̇и. саа банзсаа д̇аад̣̇исаава бхаг̇авад̇аа бан̃н̃ад̇д̇аа гат̇ид̇аа д̣̇зсид̇аа. д̇зна вуд̇д̇ам̣ – ‘‘сам̣санд̣̇ад̇и ниб̣б̣аанан̃жа бадибад̣̇аа жаа’’д̇и.

    Gaṅgodakaṃ yamunodakenāti gaṅgāyamunānaṃ samāgamaṭṭhāne udakaṃ vaṇṇenapi gandhenapi rasenapi saṃsandati sameti, majjhe bhinnasuvaṇṇaṃ viya ekasadisameva hoti, na mahāsamuddaudakena saṃsaṭṭhakāle viya visadisaṃ. Parisuddhassa nibbānassa paṭipadāpi parisuddhāva. Na hi daharakāle vejjakammādīni katvā agocare caritvā mahallakakāle nibbānaṃ daṭṭhuṃ sakkā, nibbānagāminī pana paṭipadā parisuddhāva vaṭṭati ākāsūpamā. Yathā hi ākāsampi alaggaṃ parisuddhaṃ candimasūriyānaṃ ākāse icchiticchitaṭṭhānaṃ gacchantānaṃ viya nibbānaṃ gacchantassa bhikkhuno paṭipadāpi kule vā gaṇe vā alaggā abaddhā ākāsūpamā vaṭṭati. Sā panesā tādisāva bhagavatā paññattā kathitā desitā. Tena vuttaṃ – ‘‘saṃsandati nibbānañca paṭipadā cā’’ti.

    бадибаннаананд̇и бадибад̣̇ааяа тид̇аанам̣. вусид̇авад̇анд̇и вуд̇т̇аваасаанам̣ зд̇зсам̣. лад̣̇д̇хасахааяод̇и зд̇зсам̣ д̇ад̇т̇а д̇ад̇т̇а саха аяанад̇о сахааяо. ‘‘ад̣̇уд̇ияо асахааяо аббадисамо’’д̇и ид̣̇ам̣ бана асад̣̇исадтзна вуд̇д̇ам̣. абануж̇ж̇аад̇и д̇зсам̣ маж̇жхзби паласамаабад̇д̇ияаа вихаранд̇о жид̇д̇зна абануж̇ж̇а, абануж̇ж̇зва згаараамад̇ам̣ ануяуд̇д̇о вихарад̇ийд̇и ад̇т̇о.

    Paṭipannānanti paṭipadāya ṭhitānaṃ. Vusitavatanti vutthavāsānaṃ etesaṃ. Laddhasahāyoti etesaṃ tattha tattha saha ayanato sahāyo. ‘‘Adutiyo asahāyo appaṭisamo’’ti idaṃ pana asadisaṭṭhena vuttaṃ. Apanujjāti tesaṃ majjhepi phalasamāpattiyā viharanto cittena apanujja, apanujjeva ekārāmataṃ anuyutto viharatīti attho.

    абхинибпанно ко бана д̇асса бхаг̇авад̇о лаабход̇и д̇асса бхаг̇авад̇о махаалаабхо уббанно. гад̣̇аа бадтааяа уббанно? абхисамб̣од̇хим̣ бад̇ваа сад̇д̇асад̇д̇аахам̣ ад̇иггамид̇ваа исибад̇анз д̇хаммажаггам̣ бавад̇д̇зд̇ваа ануггамзна д̣̇звамануссаанам̣ д̣̇аманам̣ гаронд̇асса д̇аяо ж̇адилз баб̣б̣ааж̇зд̇ваа рааж̇аг̇ахам̣ г̇ад̇асса б̣имб̣исаарад̣̇аманад̇о бадтааяа уббанно. яам̣ санд̇хааяа вуд̇д̇ам̣ – ‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о абажид̇о лаабхий жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и (сам̣. ни. 2.70). сад̇асахассагаббаад̇хигзсу жад̇уусу асан̇кязяязсу уссаннабун̃н̃аниссанд̣̇асамуббанно лаабхасаггааро махогхо вияа аж̇жход̇т̇арамаано ааг̇ажчад̇и.

    Abhinipphannokho pana tassa bhagavato lābhoti tassa bhagavato mahālābho uppanno. Kadā paṭṭhāya uppanno? Abhisambodhiṃ patvā sattasattāhaṃ atikkamitvā isipatane dhammacakkaṃ pavattetvā anukkamena devamanussānaṃ damanaṃ karontassa tayo jaṭile pabbājetvā rājagahaṃ gatassa bimbisāradamanato paṭṭhāya uppanno. Yaṃ sandhāya vuttaṃ – ‘‘tena kho pana samayena bhagavā sakkato hoti garukato mānito pūjito apacito lābhī cīvarapiṇḍapātasenāsanagilānapaccayabhesajjaparikkhārāna’’nti (saṃ. ni. 2.70). Satasahassakappādhikesu catūsu asaṅkhyeyyesu ussannapuññanissandasamuppanno lābhasakkāro mahogho viya ajjhottharamāno āgacchati.

    згасмим̣ гира самаяз рааж̇аг̇ахз саавад̇т̇ияам̣ саагзд̇з госамб̣ияам̣ б̣аараан̣асияам̣ бхаг̇авад̇о бадибаадибхад̇д̇ам̣ наама уббаннам̣, д̇ад̇т̇зго – ‘‘ахам̣ сад̇ам̣ виссаж̇ж̇зд̇ваа д̣̇аанам̣ д̣̇ассаамий’’д̇и бан̣н̣ам̣ ликид̇ваа вихаарад̣̇ваарз б̣анд̇хи. ан̃н̃о – ахам̣ д̣̇вз сад̇аани. ан̃н̃о – ахам̣ бан̃жа сад̇аани. ан̃н̃о – ахам̣ сахассам̣. ан̃н̃о – ахам̣ д̣̇вз сахассаани. ан̃н̃о – ахам̣ бан̃жа. д̣̇аса. вийсад̇и. бан̃н̃аасам̣; ан̃н̃о – ахам̣ сад̇асахассам̣. ан̃н̃о – ахам̣ д̣̇вз сад̇асахассаани виссаж̇ж̇зд̇ваа д̣̇аанам̣ д̣̇ассаамий’’д̇и бан̣н̣ам̣ ликид̇ваа вихаарад̣̇ваарз б̣анд̇хи. ж̇анабад̣̇ажааригам̣ жаранд̇амби огаасам̣ лабхид̇ваа – ‘‘д̣̇аанам̣ д̣̇ассаамий’’д̇и сагадаани буурзд̇ваа махааж̇ано ануб̣анд̇хиязва. яат̇ааха – ‘‘д̇зна ко бана самаязна ж̇аанабад̣̇аа мануссаа б̣ахум̣ лон̣амби д̇зламби д̇ан̣д̣уламби каад̣̇анийяамби сагадзсу ааробзд̇ваа бхаг̇авад̇о бидтид̇о бидтид̇о ануб̣анд̇хаа хонд̇и – ‘яад̇т̇а бадибаадим̣ лабхиссаама, д̇ад̇т̇а бхад̇д̇ам̣ гариссаамаа’д̇и’’ (махаава. 282). звам̣ ан̃н̃ааниби канд̇хагз жа винаяз жа б̣ахууни вад̇т̇ууни взд̣̇ид̇аб̣б̣аани.

    Ekasmiṃ kira samaye rājagahe sāvatthiyaṃ sākete kosambiyaṃ bārāṇasiyaṃ bhagavato paṭipāṭibhattaṃ nāma uppannaṃ, tattheko – ‘‘ahaṃ sataṃ vissajjetvā dānaṃ dassāmī’’ti paṇṇaṃ likhitvā vihāradvāre bandhi. Añño – ahaṃ dve satāni. Añño – ahaṃ pañca satāni. Añño – ahaṃ sahassaṃ. Añño – ahaṃ dve sahassāni. Añño – ahaṃ pañca. Dasa. Vīsati. Paññāsaṃ; añño – ahaṃ satasahassaṃ. Añño – ahaṃ dve satasahassāni vissajjetvā dānaṃ dassāmī’’ti paṇṇaṃ likhitvā vihāradvāre bandhi. Janapadacārikaṃ carantampi okāsaṃ labhitvā – ‘‘dānaṃ dassāmī’’ti sakaṭāni pūretvā mahājano anubandhiyeva. Yathāha – ‘‘tena kho pana samayena jānapadā manussā bahuṃ loṇampi telampi taṇḍulampi khādanīyampi sakaṭesu āropetvā bhagavato piṭṭhito piṭṭhito anubandhā honti – ‘yattha paṭipāṭiṃ labhissāma, tattha bhattaṃ karissāmā’ti’’ (mahāva. 282). Evaṃ aññānipi khandhake ca vinaye ca bahūni vatthūni veditabbāni.

    асад̣̇исад̣̇аанз банзса лаабхо мад̇т̇агам̣ бад̇д̇о. згасмим̣ гира самаяз бхаг̇авад̇и ж̇анабад̣̇ажааригам̣ жарид̇ваа ж̇зд̇аванам̣ самбад̇д̇з рааж̇аа ниманд̇зд̇ваа д̣̇аанам̣ ад̣̇ааси. д̣̇уд̇ияад̣̇ивасз нааг̇араа ад̣̇ам̣су. буна д̇зсам̣ д̣̇аанад̇о ад̇ирзгам̣ рааж̇аа, д̇асса д̣̇аанад̇о ад̇ирзгам̣ нааг̇араад̇и звам̣ б̣ахуусу д̣̇ивасзсу г̇ад̇зсу рааж̇аа жинд̇зси – ‘‘имз нааг̇араа д̣̇ивасз д̣̇ивасз ад̇ирзгад̇арам̣ гаронд̇и, бат̇ависсаро бана рааж̇аа нааг̇арзхи д̣̇аанз барааж̇ид̇од̇и г̇арахаа бхависсад̇ий’’д̇и. ат̇асса маллигаа убааяам̣ аажигки. со рааж̇ан̇г̇ан̣з саалагаляаан̣ибад̣̇арзхи ман̣д̣абам̣ гаарзд̇ваа д̇ам̣ нийлуббалзхи чаад̣̇зд̇ваа бан̃жа аасанасад̇аани бан̃н̃аабзд̇ваа бан̃жа хад̇т̇исад̇аани аасанаанам̣ бажчаабхааг̇з табзд̇ваа згзгзна хад̇т̇инаа згзгасса бхигкуно сзд̇ажчад̇д̇ам̣ д̇хаараабзси. д̣̇виннам̣ д̣̇виннам̣ аасанаанам̣ анд̇арз саб̣б̣аалан̇гаарабадиман̣д̣ид̇аа згзгаа кад̇д̇ияад̇хийд̇аа жад̇уж̇ж̇аад̇ияаг̇анд̇хам̣ бисад̇и. нидтид̇ам̣ нидтид̇ам̣ маж̇жхадтаанз г̇анд̇хамб̣ан̣з багкибад̇и, д̇ам̣ абараа кад̇д̇ияад̇хийд̇аа нийлуббалахад̇т̇агзна самбаривад̇д̇зд̇и. звам̣ згзгасса бхигкуно д̇иссо д̇иссо кад̇д̇ияад̇хийд̇аро бариваараа, абараа саб̣б̣аалан̇гаарабадиман̣д̣ид̇аа ид̇т̇ий д̇аалаван̣дам̣ г̇ахзд̇ваа б̣ийж̇ад̇и, ан̃н̃аа д̇хамагаран̣ам̣ г̇ахзд̇ваа уд̣̇агам̣ бариссаавзд̇и, ан̃н̃аа бад̇д̇ад̇о уд̣̇агам̣ харад̇и. бхаг̇авад̇о жад̇д̇аари анаг̇гхаани ахзсум̣. баад̣̇агат̇алигаа аад̇хаараго абассзнапалагам̣ чад̇д̇абаад̣̇аман̣ийд̇и имаани жад̇д̇аари анаг̇гхаани ахзсум̣. сан̇гханавагасса д̣̇зяяад̇хаммо сад̇асахассам̣ аг̇гхад̇и. д̇асмин̃жа д̣̇аанз ан̇г̇улимаалад̇т̇зро сан̇гханаваго ахоси. д̇асса аасанасамийбз аанийд̇о хад̇т̇ий д̇ам̣ убаг̇анд̇ум̣ наасагки. д̇ад̇о ран̃н̃о аарожзсум̣. рааж̇аа – ‘‘ан̃н̃о хад̇т̇ий над̇т̇ий’’д̇и? д̣̇удтахад̇т̇ий бана ад̇т̇и, аанзд̇ум̣ на саггаад̇и. саммаасамб̣уд̣̇д̇хо – сан̇гханаваго гад̇аро махаарааж̇аад̇и? ан̇г̇улимаалад̇т̇зро бхаг̇аваад̇и. д̇зна хи д̇ам̣ д̣̇удтахад̇т̇им̣ аанзд̇ваа табзд̇у, махаарааж̇аад̇и. хад̇т̇им̣ ман̣д̣аяид̇ваа аанаяим̣су. со т̇зрасса д̇зж̇зна наасааваад̇асан̃жаран̣амад̇д̇амби гаад̇ум̣ наасагки. звам̣ ниранд̇арам̣ сад̇д̇а д̣̇ивасаани д̣̇аанам̣ д̣̇ийяид̇т̇а. сад̇д̇амз д̣̇ивасз рааж̇аа д̣̇асаб̣алам̣ ванд̣̇ид̇ваа – ‘‘бхаг̇аваа маяхам̣ д̇хаммам̣ д̣̇зсзт̇аа’’д̇и ааха.

    Asadisadāne panesa lābho matthakaṃ patto. Ekasmiṃ kira samaye bhagavati janapadacārikaṃ caritvā jetavanaṃ sampatte rājā nimantetvā dānaṃ adāsi. Dutiyadivase nāgarā adaṃsu. Puna tesaṃ dānato atirekaṃ rājā, tassa dānato atirekaṃ nāgarāti evaṃ bahūsu divasesu gatesu rājā cintesi – ‘‘ime nāgarā divase divase atirekataraṃ karonti, pathavissaro pana rājā nāgarehi dāne parājitoti garahā bhavissatī’’ti. Athassa mallikā upāyaṃ ācikkhi. So rājaṅgaṇe sālakalyāṇipadarehi maṇḍapaṃ kāretvā taṃ nīluppalehi chādetvā pañca āsanasatāni paññāpetvā pañca hatthisatāni āsanānaṃ pacchābhāge ṭhapetvā ekekena hatthinā ekekassa bhikkhuno setacchattaṃ dhārāpesi. Dvinnaṃ dvinnaṃ āsanānaṃ antare sabbālaṅkārapaṭimaṇḍitā ekekā khattiyadhītā catujjātiyagandhaṃ pisati. Niṭṭhitaṃ niṭṭhitaṃ majjhaṭṭhāne gandhambaṇe pakkhipati, taṃ aparā khattiyadhītā nīluppalahatthakena samparivatteti. Evaṃ ekekassa bhikkhuno tisso tisso khattiyadhītaro parivārā, aparā sabbālaṅkārapaṭimaṇḍitā itthī tālavaṇṭaṃ gahetvā bījati, aññā dhamakaraṇaṃ gahetvā udakaṃ parissāveti, aññā pattato udakaṃ harati. Bhagavato cattāri anagghāni ahesuṃ. Pādakathalikā ādhārako apassenaphalakaṃ chattapādamaṇīti imāni cattāri anagghāni ahesuṃ. Saṅghanavakassa deyyadhammo satasahassaṃ agghati. Tasmiñca dāne aṅgulimālatthero saṅghanavako ahosi. Tassa āsanasamīpe ānīto hatthī taṃ upagantuṃ nāsakkhi. Tato rañño ārocesuṃ. Rājā – ‘‘añño hatthī natthī’’ti? Duṭṭhahatthī pana atthi, ānetuṃ na sakkāti. Sammāsambuddho – saṅghanavako kataro mahārājāti? Aṅgulimālatthero bhagavāti. Tena hi taṃ duṭṭhahatthiṃ ānetvā ṭhapetu, mahārājāti. Hatthiṃ maṇḍayitvā ānayiṃsu. So therassa tejena nāsāvātasañcaraṇamattampi kātuṃ nāsakkhi. Evaṃ nirantaraṃ satta divasāni dānaṃ dīyittha. Sattame divase rājā dasabalaṃ vanditvā – ‘‘bhagavā mayhaṃ dhammaṃ desethā’’ti āha.

    д̇ассан̃жа барисад̇и гаал̣о жа ж̇ун̣хо жаад̇и д̣̇вз амажжаа хонд̇и. гаал̣о жинд̇зси – ‘‘нассад̇и рааж̇агуласса санд̇агам̣, гим̣ наамзд̇з зд̇д̇агаа ж̇анаа гариссанд̇и, бхун̃ж̇ид̇ваа вихаарам̣ г̇анд̇ваа нид̣̇д̣̇ааяиссанд̇зва, ид̣̇ам̣ бана зго рааж̇абурисо лабхид̇ваа гим̣ наама на гарзяяа, ахо нассад̇и ран̃н̃о санд̇ага’’нд̇и. ж̇ун̣хо жинд̇зси – ‘‘маханд̇ам̣ ид̣̇ам̣ рааж̇ад̇д̇анам̣ наама, го ан̃н̃о ид̣̇ам̣ гаад̇ум̣ сагкиссад̇и? гим̣ рааж̇аа наама со, яо рааж̇ад̇д̇анз тид̇оби зваруубам̣ д̣̇аанам̣ д̣̇аад̇ум̣ на саггод̇ий’’д̇и. бхаг̇аваа барисааяа аж̇жхаасаяам̣ ологзнд̇о д̇зсам̣ д̣̇виннам̣ аж̇жхаасаяам̣ вид̣̇ид̇ваа – ‘‘сажз аж̇ж̇а ж̇ун̣хасса аж̇жхаасаязна д̇хаммагат̇ам̣ гат̇зми, гаал̣асса сад̇д̇ад̇хаа муд̣̇д̇хаа палиссад̇и . маяаа ко бана сад̇д̇аануд̣̇д̣̇аяад̇ааяа баарамияо буурид̇аа. ж̇ун̣хо ан̃н̃асмимби д̣̇ивасз маяи д̇хаммам̣ гат̇аяанд̇з маг̇г̇апалам̣ бадивиж̇жхиссад̇и, ид̣̇аани бана гаал̣ам̣ ологзссаамий’’д̇и ран̃н̃о жад̇уббад̣̇игамзва г̇аат̇ам̣ абхааси –

    Tassañca parisati kāḷo ca juṇho cāti dve amaccā honti. Kāḷo cintesi – ‘‘nassati rājakulassa santakaṃ, kiṃ nāmete ettakā janā karissanti, bhuñjitvā vihāraṃ gantvā niddāyissanteva, idaṃ pana eko rājapuriso labhitvā kiṃ nāma na kareyya, aho nassati rañño santaka’’nti. Juṇho cintesi – ‘‘mahantaṃ idaṃ rājattanaṃ nāma, ko añño idaṃ kātuṃ sakkhissati? Kiṃ rājā nāma so, yo rājattane ṭhitopi evarūpaṃ dānaṃ dātuṃ na sakkotī’’ti. Bhagavā parisāya ajjhāsayaṃ olokento tesaṃ dvinnaṃ ajjhāsayaṃ viditvā – ‘‘sace ajja juṇhassa ajjhāsayena dhammakathaṃ kathemi, kāḷassa sattadhā muddhā phalissati . Mayā kho pana sattānuddayatāya pāramiyo pūritā. Juṇho aññasmimpi divase mayi dhammaṃ kathayante maggaphalaṃ paṭivijjhissati, idāni pana kāḷaṃ olokessāmī’’ti rañño catuppadikameva gāthaṃ abhāsi –

    ‘‘на вз гад̣̇арияаа д̣̇звалогам̣ важ̇анд̇и,

    ‘‘Na ve kadariyā devalokaṃ vajanti,

    б̣аалаа хавз наббасам̣санд̇и д̣̇аанам̣;

    Bālā have nappasaṃsanti dānaṃ;

    д̇хийро жа д̣̇аанам̣ анумод̣̇амаано,

    Dhīro ca dānaṃ anumodamāno,

    д̇знзва со ход̇и сукий барад̇т̇аа’’д̇и. (д̇ха. ба. 177);

    Teneva so hoti sukhī paratthā’’ti. (dha. pa. 177);

    рааж̇аа анад̇д̇амано худ̇ваа – ‘‘маяаа махаад̣̇аанам̣ д̣̇иннам̣, сад̇т̇аа жа мз манд̣̇амзва д̇хаммам̣ гат̇зси, наасагким̣ ман̃н̃з д̣̇асаб̣аласса жид̇д̇ам̣ г̇ахзд̇у’’нд̇и. со бхуд̇д̇абаад̇араасо вихаарам̣ г̇анд̇ваа бхаг̇аванд̇ам̣ ванд̣̇ид̇ваа бужчи – ‘‘маяаа, бханд̇з, маханд̇ам̣ д̣̇аанам̣ д̣̇иннам̣, анумод̣̇анаа жа мз на махад̇ий гад̇аа, го ну ко мз, бханд̇з, д̣̇осо’’д̇и? над̇т̇и, махаарааж̇а, д̇ава д̣̇осо, барисаа бана абарисуд̣̇д̇хаа, д̇асмаа д̇хаммам̣ на д̣̇зсзсинд̇и. гасмаа бана бхаг̇аваа барисаа на суд̣̇д̇хаад̇и? сад̇т̇аа д̣̇виннам̣ амажжаанам̣ баривид̇аггам̣ аарожзси. рааж̇аа гаал̣ам̣ бужчи – ‘‘звам̣, д̇аад̇а, гаал̣аа’’д̇и? ‘‘звам̣, махаарааж̇аа’’д̇и. ‘‘маяи мама санд̇агам̣ д̣̇ад̣̇амаанз д̇ава гад̇арам̣ таанам̣ руж̇ж̇ад̇и, на д̇ам̣ саггоми бассид̇ум̣, баб̣б̣ааж̇зт̇а нам̣ мама радтад̇о’’д̇и ааха. д̇ад̇о ж̇ун̣хам̣ баггосаабзд̇ваа бужчи – ‘‘звам̣ гира, д̇аад̇а, жинд̇зсий’’д̇и? ‘‘аама, махаарааж̇аа’’д̇и. ‘‘д̇ава жид̇д̇аануруубамзва ход̇уу’’д̇и д̇асмим̣язва ман̣д̣абз звам̣ бан̃н̃ад̇д̇зсуязва аасанзсу бан̃жа бхигкусад̇аани нисийд̣̇аабзд̇ваа д̇ааязва кад̇д̇ияад̇хийд̇аро бариваараабзд̇ваа рааж̇аг̇зхад̇о д̇ханам̣ г̇ахзд̇ваа маяаа д̣̇иннасад̣̇исамзва сад̇д̇а д̣̇ивасаани д̣̇аанам̣ д̣̇зхийд̇и. со д̇ат̇аа ад̣̇ааси. д̣̇ад̇ваа сад̇д̇амз д̣̇ивасз – ‘‘д̇хаммам̣ бхаг̇аваа д̣̇зсзт̇аа’’д̇и ааха.

    Rājā anattamano hutvā – ‘‘mayā mahādānaṃ dinnaṃ, satthā ca me mandameva dhammaṃ kathesi, nāsakkhiṃ maññe dasabalassa cittaṃ gahetu’’nti. So bhuttapātarāso vihāraṃ gantvā bhagavantaṃ vanditvā pucchi – ‘‘mayā, bhante, mahantaṃ dānaṃ dinnaṃ, anumodanā ca me na mahatī katā, ko nu kho me, bhante, doso’’ti? Natthi, mahārāja, tava doso, parisā pana aparisuddhā, tasmā dhammaṃ na desesinti. Kasmā pana bhagavā parisā na suddhāti? Satthā dvinnaṃ amaccānaṃ parivitakkaṃ ārocesi. Rājā kāḷaṃ pucchi – ‘‘evaṃ, tāta, kāḷā’’ti? ‘‘Evaṃ, mahārājā’’ti. ‘‘Mayi mama santakaṃ dadamāne tava kataraṃ ṭhānaṃ rujjati, na taṃ sakkomi passituṃ, pabbājetha naṃ mama raṭṭhato’’ti āha. Tato juṇhaṃ pakkosāpetvā pucchi – ‘‘evaṃ kira, tāta, cintesī’’ti? ‘‘Āma, mahārājā’’ti. ‘‘Tava cittānurūpameva hotū’’ti tasmiṃyeva maṇḍape evaṃ paññattesuyeva āsanesu pañca bhikkhusatāni nisīdāpetvā tāyeva khattiyadhītaro parivārāpetvā rājagehato dhanaṃ gahetvā mayā dinnasadisameva satta divasāni dānaṃ dehīti. So tathā adāsi. Datvā sattame divase – ‘‘dhammaṃ bhagavā desethā’’ti āha.

    сад̇т̇аа д̣̇виннамби д̣̇аанаанам̣ анумод̣̇анам̣ згад̇о гад̇ваа д̣̇вз махаанад̣̇ияо згогхабун̣н̣аа гурумаано вияа махаад̇хаммад̣̇зсанам̣ д̣̇зсзси. д̣̇зсанаабарияосаанз ж̇ун̣хо сод̇аабанно ахоси. рааж̇аа басийд̣̇ид̇ваа д̣̇асаб̣аласса б̣аахиравад̇т̇ум̣ наама ад̣̇ааси. звам̣ абхинибпанно ко бана д̇асса бхаг̇авад̇о лаабход̇и взд̣̇ид̇аб̣б̣о.

    Satthā dvinnampi dānānaṃ anumodanaṃ ekato katvā dve mahānadiyo ekoghapuṇṇā kurumāno viya mahādhammadesanaṃ desesi. Desanāpariyosāne juṇho sotāpanno ahosi. Rājā pasīditvā dasabalassa bāhiravatthuṃ nāma adāsi. Evaṃ abhinipphanno kho pana tassa bhagavato lābhoti veditabbo.

    абхинибпанно силогод̇и ван̣н̣аг̇ун̣агид̇д̇анам̣. соби бхаг̇авад̇о д̇хаммажаггаббавад̇д̇анад̇о бадтааяа абхинибпанно. д̇ад̇о бадтааяа хи бхаг̇авад̇о кад̇д̇ияааби ван̣н̣ам̣ гат̇знд̇и. б̣раахман̣ааби г̇ахабад̇аяоби нааг̇аа субан̣н̣аа г̇анд̇хаб̣б̣аа д̣̇звад̇аа б̣рахмааноби гид̇д̇им̣ вад̇ваа – ‘‘ид̇иби со бхаг̇аваа’’д̇иаад̣̇инаа. ан̃н̃ад̇ид̇т̇ияааби варарож̇асса сахассам̣ д̣̇ад̇ваа саман̣асса г̇од̇амасса аван̣н̣ам̣ гат̇зхийд̇и уяяож̇зсум̣. со сахассам̣ г̇ахзд̇ваа д̣̇асаб̣алам̣ баад̣̇ад̇алад̇о бадтааяа яаава гзсанд̇аа абалогаяамаано лигкаамад̇д̇амби важ̇ж̇ам̣ ад̣̇исваа – ‘‘виббагин̣н̣ад̣̇вад̇д̇им̣самахаабурисалагкан̣з асийд̇иануб̣яан̃ж̇анавибхуусид̇з б̣яаамаббабхаабаригкид̇д̇з супуллид̇абаарижчад̇д̇агад̇аарааг̇ан̣асамуж̇ж̇алид̇аанд̇алигкавижид̇д̇агусумасассиригананд̣̇анаванасад̣̇исз анаваж̇ж̇аад̇д̇абхаавз аван̣н̣ам̣ вад̣̇анд̇асса мукамби вибаривад̇д̇зяяа, муд̣̇д̇хааби сад̇д̇ад̇хаа палзяяа, аван̣н̣ам̣ вад̇д̇ум̣ убааяо над̇т̇и, ван̣н̣амзва вад̣̇иссаамий’’д̇и баад̣̇ад̇алад̇о бадтааяа яаава гзсанд̇аа ад̇ирзгабад̣̇асахассзна ван̣н̣амзва гат̇зси. яамагабаадихаарияз банзса ван̣н̣о наама мад̇т̇агам̣ бад̇д̇о. звам̣ абхинибпанно силогод̇и.

    Abhinipphannosilokoti vaṇṇaguṇakittanaṃ. Sopi bhagavato dhammacakkappavattanato paṭṭhāya abhinipphanno. Tato paṭṭhāya hi bhagavato khattiyāpi vaṇṇaṃ kathenti. Brāhmaṇāpi gahapatayopi nāgā supaṇṇā gandhabbā devatā brahmānopi kittiṃ vatvā – ‘‘itipi so bhagavā’’tiādinā. Aññatitthiyāpi vararojassa sahassaṃ datvā samaṇassa gotamassa avaṇṇaṃ kathehīti uyyojesuṃ. So sahassaṃ gahetvā dasabalaṃ pādatalato paṭṭhāya yāva kesantā apalokayamāno likkhāmattampi vajjaṃ adisvā – ‘‘vippakiṇṇadvattiṃsamahāpurisalakkhaṇe asītianubyañjanavibhūsite byāmappabhāparikkhitte suphullitapāricchattakatārāgaṇasamujjalitaantalikkhavicittakusumasassirikanandanavanasadise anavajjaattabhāve avaṇṇaṃ vadantassa mukhampi viparivatteyya, muddhāpi sattadhā phaleyya, avaṇṇaṃ vattuṃ upāyo natthi, vaṇṇameva vadissāmī’’ti pādatalato paṭṭhāya yāva kesantā atirekapadasahassena vaṇṇameva kathesi. Yamakapāṭihāriye panesa vaṇṇo nāma matthakaṃ patto. Evaṃ abhinipphanno silokoti.

    яаава ман̃н̃з кад̇д̇ияаад̇и кад̇д̇ияаа б̣раахман̣аа взссаа суд̣̇д̣̇аа нааг̇аа субан̣н̣аа яагкаа асураа д̣̇зваа б̣рахмаанод̇и саб̣б̣зва д̇з самбияааяамаанаруубаа хадтад̇удтаа вихаранд̇и. виг̇ад̇амад̣̇о ко банаад̇и зд̇д̇агаа мам̣ ж̇анаа самбияааяамаанаруубаа вихаранд̇ийд̇и на мад̣̇абамад̇д̇о худ̇ваа д̣̇аваад̣̇ивасзна аахаарам̣ аахаарзд̇и, ан̃н̃ад̣̇ад̇т̇у виг̇ад̇амад̣̇о ко бана со бхаг̇аваа аахаарам̣ аахаарзд̇и.

    Yāva maññe khattiyāti khattiyā brāhmaṇā vessā suddā nāgā supaṇṇā yakkhā asurā devā brahmānoti sabbeva te sampiyāyamānarūpā haṭṭhatuṭṭhā viharanti. Vigatamado kho panāti ettakā maṃ janā sampiyāyamānarūpā viharantīti na madapamatto hutvā davādivasena āhāraṃ āhāreti, aññadatthu vigatamado kho pana so bhagavā āhāraṃ āhāreti.

    яат̇ааваад̣̇ийд̇и яам̣ ваажааяа вад̣̇ад̇и, д̇ад̣̇анваяамзвасса гааяагаммам̣ ход̇и. яан̃жа гааязна гарод̇и, д̇ад̣̇анваяамзвасса важийгаммам̣ ход̇и. гааяо ваа ваажам̣, ваажаа ваа гааяам̣ наад̇иггамад̇и, ваажаа гааязна, гааяо жа ваажааяа самзд̇и. яат̇аа жа –

    Yathāvādīti yaṃ vācāya vadati, tadanvayamevassa kāyakammaṃ hoti. Yañca kāyena karoti, tadanvayamevassa vacīkammaṃ hoti. Kāyo vā vācaṃ, vācā vā kāyaṃ nātikkamati, vācā kāyena, kāyo ca vācāya sameti. Yathā ca –

    ‘‘ваамзна суугаро ход̇и, д̣̇агкин̣зна аж̇аамиг̇о;

    ‘‘Vāmena sūkaro hoti, dakkhiṇena ajāmigo;

    сарзна нзлаго ход̇и, висаан̣зна ж̇араг̇г̇аво’’д̇и. –

    Sarena nelako hoti, visāṇena jaraggavo’’ti. –

    аяам̣ суугараяагко суугарз д̣̇исваа суугарасад̣̇исам̣ ваамабассам̣ д̣̇ассзд̇ваа д̇з г̇ахзд̇ваа каад̣̇ад̇и, аж̇аамиг̇з д̣̇исваа д̇ам̣сад̣̇исам̣ д̣̇агкин̣абассам̣ д̣̇ассзд̇ваа д̇з г̇ахзд̇ваа каад̣̇ад̇и, нзлагаважчагз д̣̇исваа важчагаравам̣ раванд̇о д̇з г̇ахзд̇ваа каад̣̇ад̇и, г̇он̣з д̣̇исваа д̇зсам̣ висаан̣асад̣̇исаани висаан̣аани маабзд̇ваа д̇з д̣̇уурад̇ова – ‘‘г̇он̣о вияа д̣̇иссад̇ий’’д̇и звам̣ убаг̇ад̇з г̇ахзд̇ваа каад̣̇ад̇и. яат̇аа жа д̇хаммигавааяасаж̇аад̇агз сагун̣зхи будто вааяасо – ‘‘ахам̣ ваад̇абхагко, ваад̇абхагкад̇ааяа мукам̣ виварид̇ваа баан̣агаанан̃жа маран̣абхаязна згзнзва баад̣̇зна тид̇о, д̇асмаа д̇умхзби –

    Ayaṃ sūkarayakkho sūkare disvā sūkarasadisaṃ vāmapassaṃ dassetvā te gahetvā khādati, ajāmige disvā taṃsadisaṃ dakkhiṇapassaṃ dassetvā te gahetvā khādati, nelakavacchake disvā vacchakaravaṃ ravanto te gahetvā khādati, goṇe disvā tesaṃ visāṇasadisāni visāṇāni māpetvā te dūratova – ‘‘goṇo viya dissatī’’ti evaṃ upagate gahetvā khādati. Yathā ca dhammikavāyasajātake sakuṇehi puṭṭho vāyaso – ‘‘ahaṃ vātabhakkho, vātabhakkhatāya mukhaṃ vivaritvā pāṇakānañca maraṇabhayena ekeneva pādena ṭhito, tasmā tumhepi –

    ‘‘д̇хаммам̣ жарат̇а бхад̣̇д̣̇ам̣ во, д̇хаммам̣ жарат̇а н̃аад̇аяо;

    ‘‘Dhammaṃ caratha bhaddaṃ vo, dhammaṃ caratha ñātayo;

    д̇хаммажаарий сукам̣ сзд̇и, асмим̣ логз барамхи жаа’’д̇и.

    Dhammacārī sukhaṃ seti, asmiṃ loke paramhi cā’’ti.

    сагун̣зсу виссаасам̣ уббаад̣̇зси, д̇ад̇о –

    Sakuṇesu vissāsaṃ uppādesi, tato –

    ‘‘бхад̣̇д̣̇аго вад̇ааяам̣ багкий, д̣̇иж̇о барамад̇хаммиго;

    ‘‘Bhaddako vatāyaṃ pakkhī, dijo paramadhammiko;

    згабаад̣̇зна д̇идтанд̇о, д̇хаммо д̇хаммод̇и бхаасад̇ий’’д̇и.

    Ekapādena tiṭṭhanto, dhammo dhammoti bhāsatī’’ti.

    звам̣ виссаасамааг̇ад̇з сагун̣з каад̣̇ид̇т̇а. д̇зна д̇зсам̣ ваажаа гааязна, гааяо жа ваажааяа на самзд̇и, на звам̣ бхаг̇авад̇о. бхаг̇авад̇о бана ваажаа гааязна, гааяо жа ваажааяа самзд̇иязваад̇и д̣̇ассзд̇и.

    Evaṃ vissāsamāgate sakuṇe khādittha. Tena tesaṃ vācā kāyena, kāyo ca vācāya na sameti, na evaṃ bhagavato. Bhagavato pana vācā kāyena, kāyo ca vācāya sametiyevāti dasseti.

    д̇ин̣н̣аа д̇арид̇аа вижигижчаа ассаад̇и д̇ин̣н̣авижигижчо. ‘‘гат̇амид̣̇ам̣ гат̇амид̣̇а’’нд̇и зваруубаа виг̇ад̇аа гат̇ам̣гат̇аа ассаад̇и виг̇ад̇агат̇ам̣гат̇о. яат̇аа хи махааж̇ано – ‘‘аяам̣ ругко, гим̣ ругко наама, аяам̣ г̇аамо, аяам̣ ж̇анабад̣̇о, ид̣̇ам̣ радтам̣, гим̣ радтам̣ наама, гасмаа ну ко аяам̣ ругко уж̇угканд̇хо, аяам̣ ван̇гагканд̇хо, гасмаа ган̣даго гожи уж̇уго ход̇и, гожи ван̇го, бубпам̣ гин̃жи суг̇анд̇хам̣, гин̃жи д̣̇уг̇г̇анд̇хам̣, палам̣ гин̃жи мад̇хурам̣, гин̃жи амад̇хура’’нд̇и саган̇кова ход̇и, на звам̣ сад̇т̇аа. сад̇т̇аа хи – ‘‘имзсам̣ наама д̇хаад̇уунам̣ уссаннуссаннад̇д̇аа ид̣̇ам̣ звам̣ ход̇ий’’д̇и виг̇ад̇агат̇ам̣гат̇ова . яат̇аа жа батамаж̇жхаанаад̣̇илаабхийнам̣ д̣̇уд̇ияаж̇жхаанаад̣̇ийсу ган̇каа ход̇и. бажжзгаб̣уд̣̇д̇хаанамби хи саб̣б̣ан̃н̃уд̇ан̃н̃аан̣з яаат̇аавасаннидтаанаабхаавад̇о вохааравасзна ган̇каа наама ход̇иязва, на звам̣ б̣уд̣̇д̇хасса. со хи бхаг̇аваа саб̣б̣ад̇т̇а виг̇ад̇агат̇ам̣гат̇од̇и д̣̇ассзд̇и.

    Tiṇṇā taritā vicikicchā assāti tiṇṇavicikiccho. ‘‘Kathamidaṃ kathamida’’nti evarūpā vigatā kathaṃkathā assāti vigatakathaṃkatho. Yathā hi mahājano – ‘‘ayaṃ rukkho, kiṃ rukkho nāma, ayaṃ gāmo, ayaṃ janapado, idaṃ raṭṭhaṃ, kiṃ raṭṭhaṃ nāma, kasmā nu kho ayaṃ rukkho ujukkhandho, ayaṃ vaṅkakkhandho, kasmā kaṇṭako koci ujuko hoti, koci vaṅko, pupphaṃ kiñci sugandhaṃ, kiñci duggandhaṃ, phalaṃ kiñci madhuraṃ, kiñci amadhura’’nti sakaṅkhova hoti, na evaṃ satthā. Satthā hi – ‘‘imesaṃ nāma dhātūnaṃ ussannussannattā idaṃ evaṃ hotī’’ti vigatakathaṃkathova . Yathā ca paṭhamajjhānādilābhīnaṃ dutiyajjhānādīsu kaṅkhā hoti. Paccekabuddhānampi hi sabbaññutaññāṇe yāthāvasanniṭṭhānābhāvato vohāravasena kaṅkhā nāma hotiyeva, na evaṃ buddhassa. So hi bhagavā sabbattha vigatakathaṃkathoti dasseti.

    барияосид̇асан̇габбод̇и яат̇аа гзжи сийламад̇д̇зна, гзжи вибассанаамад̇д̇зна, гзжи батамаж̇жхаанзна…бз… гзжи нзвасан̃н̃аанаасан̃н̃ааяад̇анасамаабад̇д̇ияаа, гзжи сод̇аабаннабхаавамад̇д̇зна…бз… гзжи арахад̇д̇зна, гзжи саавагабаарамийн̃аан̣зна, гзжи бажжзгаб̣од̇хин̃аан̣зна барияосид̇асан̇габбаа барибун̣н̣аманорат̇аа хонд̇и, на звам̣ мама сад̇т̇аа. мама бана сад̇т̇аа саб̣б̣ан̃н̃уд̇ан̃н̃аан̣зна барияосид̇асан̇габбод̇и д̣̇ассзд̇и.

    Pariyositasaṅkappoti yathā keci sīlamattena, keci vipassanāmattena, keci paṭhamajjhānena…pe… keci nevasaññānāsaññāyatanasamāpattiyā, keci sotāpannabhāvamattena…pe… keci arahattena, keci sāvakapāramīñāṇena, keci paccekabodhiñāṇena pariyositasaṅkappā paripuṇṇamanorathā honti, na evaṃ mama satthā. Mama pana satthā sabbaññutaññāṇena pariyositasaṅkappoti dasseti.

    аж̇жхаасаяам̣ аад̣̇иб̣рахмажарияанд̇и гаран̣ад̇т̇з бажжад̇д̇аважанам̣, ад̇хигаасаязна уд̇д̇аманиссаяабхууд̇зна аад̣̇иб̣рахмажариязна бораан̣аб̣рахмажарияабхууд̇зна жа арияамаг̇г̇зна д̇ин̣н̣авижигижчо виг̇ад̇агат̇ам̣гат̇о барияосид̇асан̇габбод̇и ад̇т̇о. ‘‘буб̣б̣з анануссуд̇зсу д̇хаммзсу саамам̣ сажжаани абхисамб̣уж̇жхи, д̇ад̇т̇а жа саб̣б̣ан̃н̃уд̇ам̣ бад̇д̇о, б̣алзсу жа васийбхаава’’нд̇и хи важанад̇о барияосид̇асан̇габбад̇ааби бхаг̇авад̇о арияамаг̇г̇знзва нибпаннаад̇и.

    Ajjhāsayaṃ ādibrahmacariyanti karaṇatthe paccattavacanaṃ, adhikāsayena uttamanissayabhūtena ādibrahmacariyena porāṇabrahmacariyabhūtena ca ariyamaggena tiṇṇavicikiccho vigatakathaṃkatho pariyositasaṅkappoti attho. ‘‘Pubbe ananussutesu dhammesu sāmaṃ saccāni abhisambujjhi, tattha ca sabbaññutaṃ patto, balesu ca vasībhāva’’nti hi vacanato pariyositasaṅkappatāpi bhagavato ariyamaggeneva nipphannāti.

    297. яат̇арива бхаг̇аваад̇и яат̇аа бхаг̇аваа, звам̣ згасмим̣ ж̇амб̣уд̣̇ийбад̇алз жад̇уусу д̣̇исаасу жааригам̣ жарамаанаа ахо вад̇а жад̇д̇ааро ж̇инаа д̇хаммам̣ д̣̇зсзяяунд̇и бажжаасисамаанаа вад̣̇анд̇и. ат̇аабарз д̇ийсу ман̣д̣алзсу згад̇о вижаран̣абхаавам̣ ааган̇камаанаа д̇аяо саммаасамб̣уд̣̇д̇хаад̇и аахам̣су. абарз – ‘‘д̣̇аса баарамияо наама буурзд̇ваа жад̇уннам̣ д̇ин̣н̣ам̣ ваа уббад̇д̇и д̣̇уллабхаа, сажз бана зго ниб̣ад̣̇д̇хаваасам̣ васанд̇о д̇хаммам̣ д̣̇зсзяяа, зго жааригам̣ жаранд̇о, звамби ж̇амб̣уд̣̇ийбо собхзяяа жзва, б̣ахун̃жа хид̇асукамад̇хиг̇ажчзяяаа’’д̇и жинд̇зд̇ваа ахо вад̇а, маарисаад̇и аахам̣су.

    297.Yathariva bhagavāti yathā bhagavā, evaṃ ekasmiṃ jambudīpatale catūsu disāsu cārikaṃ caramānā aho vata cattāro jinā dhammaṃ deseyyunti paccāsisamānā vadanti. Athāpare tīsu maṇḍalesu ekato vicaraṇabhāvaṃ ākaṅkhamānā tayo sammāsambuddhāti āhaṃsu. Apare – ‘‘dasa pāramiyo nāma pūretvā catunnaṃ tiṇṇaṃ vā uppatti dullabhā, sace pana eko nibaddhavāsaṃ vasanto dhammaṃ deseyya, eko cārikaṃ caranto, evampi jambudīpo sobheyya ceva, bahuñca hitasukhamadhigaccheyyā’’ti cintetvā aho vata, mārisāti āhaṃsu.

    298. адтаанамзд̇ам̣ анавагаасо яанд̇и зд̇т̇а таанам̣ авагаасод̇и убхаяамзд̇ам̣ гааран̣аад̇хиважанамзва. гааран̣ан̃хи д̇идтад̇и зд̇т̇а д̇ад̣̇ааяад̇д̇авуд̇д̇ид̇ааяа паланд̇и таанам̣. огаасо вияа жасса д̇ам̣ д̇зна винаа ан̃н̃ад̇т̇а абхаавад̇од̇и авагаасо. яанд̇и гаран̣ад̇т̇з бажжад̇д̇ам̣. ид̣̇ам̣ вуд̇д̇ам̣ ход̇и – ‘‘язна гааран̣зна згиссаа логад̇хаад̇уяаа д̣̇вз б̣уд̣̇д̇хаа згад̇о уббаж̇ж̇зяяум̣, д̇ам̣ гааран̣ам̣ над̇т̇ий’’д̇и.

    298.Aṭṭhānametaṃ anavakāso yanti ettha ṭhānaṃ avakāsoti ubhayametaṃ kāraṇādhivacanameva. Kāraṇañhi tiṭṭhati ettha tadāyattavuttitāya phalanti ṭhānaṃ. Okāso viya cassa taṃ tena vinā aññattha abhāvatoti avakāso. Yanti karaṇatthe paccattaṃ. Idaṃ vuttaṃ hoti – ‘‘yena kāraṇena ekissā lokadhātuyā dve buddhā ekato uppajjeyyuṃ, taṃ kāraṇaṃ natthī’’ti.

    зд̇т̇а жа –

    Ettha ca –

    ‘‘яаавад̇аа жанд̣̇имасуурияаа, барихаранд̇и д̣̇исаа бханд̇и вирожанаа;

    ‘‘Yāvatā candimasūriyā, pariharanti disā bhanti virocanā;

    д̇аава сахассад̇хаа лого, зд̇т̇а д̇з вад̇д̇ад̇з васо’’д̇и. (ма. ни. 1.503) –

    Tāva sahassadhā loko, ettha te vattate vaso’’ti. (ma. ni. 1.503) –

    г̇аат̇ааяа згажаггаваал̣амзва згаа логад̇хаад̇у. ‘‘сахассий логад̇хаад̇у агамбид̇т̇аа’’д̇и (а. ни. 3.126) ааг̇ад̇адтаанз жаггаваал̣асахассам̣ згаа логад̇хаад̇у. ‘‘ааган̇камаано, аананд̣̇а, д̇ат̇ааг̇ад̇о д̇исахассимахаасахассилогад̇хаад̇ум̣ сарзна вин̃н̃аабзяяа, обхаасзна жа парзяяаа’’д̇и (а. ни. 3.81) ааг̇ад̇адтаанз д̇исахассимахаасахассий згаа логад̇хаад̇у. ‘‘аяан̃жа д̣̇асасахассий логад̇хаад̇уу’’д̇и (ма. ни. 3.201) ааг̇ад̇адтаанз д̣̇асажаггаваал̣асахассаани згаа логад̇хаад̇у. д̇ам̣ санд̇хааяа згиссаа логад̇хаад̇уяаад̇и ааха. зд̇д̇аган̃хи ж̇аад̇икзд̇д̇ам̣ наама. д̇ад̇рааби табзд̇ваа имасмим̣ жаггаваал̣з ж̇амб̣уд̣̇ийбасса маж̇жхимад̣̇зсам̣ на ан̃н̃ад̇ра б̣уд̣̇д̇хаа уббаж̇ж̇анд̇и ж̇аад̇икзд̇д̇ад̇о бана барам̣ б̣уд̣̇д̇хаанам̣ уббад̇д̇идтаанамзва на бан̃н̃ааяад̇и. язнад̇т̇знаад̇и язна бавааран̣асан̇г̇ахад̇т̇зна.

    Gāthāya ekacakkavāḷameva ekā lokadhātu. ‘‘Sahassī lokadhātu akampitthā’’ti (a. ni. 3.126) āgataṭṭhāne cakkavāḷasahassaṃ ekā lokadhātu. ‘‘Ākaṅkhamāno, ānanda, tathāgato tisahassimahāsahassilokadhātuṃ sarena viññāpeyya, obhāsena ca phareyyā’’ti (a. ni. 3.81) āgataṭṭhāne tisahassimahāsahassī ekā lokadhātu. ‘‘Ayañca dasasahassī lokadhātū’’ti (ma. ni. 3.201) āgataṭṭhāne dasacakkavāḷasahassāni ekā lokadhātu. Taṃ sandhāya ekissā lokadhātuyāti āha. Ettakañhi jātikhettaṃ nāma. Tatrāpi ṭhapetvā imasmiṃ cakkavāḷe jambudīpassa majjhimadesaṃ na aññatra buddhā uppajjanti jātikhettato pana paraṃ buddhānaṃ uppattiṭṭhānameva na paññāyati. Yenatthenāti yena pavāraṇasaṅgahatthena.

    санан̇гумаарагат̇ааван̣н̣анаа

    Sanaṅkumārakathāvaṇṇanā

    300. ван̣н̣зна жзва яасасаа жаад̇и алан̇гаарабариваарзна жа бун̃н̃асирияаа жаад̇и ад̇т̇о.

    300.Vaṇṇena ceva yasasā cāti alaṅkāraparivārena ca puññasiriyā cāti attho.

    301. саад̇ху махааб̣рахмзд̇и зд̇т̇а самбасаад̣̇анз саад̇хусад̣̇д̣̇о. сан̇кааяа мод̣̇аамаад̇и ж̇аанид̇ваа мод̣̇аама.

    301.Sādhu mahābrahmeti ettha sampasādane sādhusaddo. Saṅkhāya modāmāti jānitvā modāma.

    г̇овинд̣̇аб̣раахман̣авад̇т̇уван̣н̣анаа

    Govindabrāhmaṇavatthuvaṇṇanā

    304. яаава д̣̇ийгхарад̇д̇ам̣ махаабан̃н̃ова со бхаг̇аваад̇и зд̇д̇аганд̇и барижчинд̣̇ид̇ваа на саггаа вад̇д̇ум̣, ат̇а ко яаава д̣̇ийгхарад̇д̇ам̣ ад̇ижирарад̇д̇ам̣ махаабан̃н̃ова со бхаг̇аваа. нод̇и гат̇ам̣ д̇умхз ман̃н̃ат̇аад̇и. ат̇а саяамзвзд̇ам̣ бан̃хам̣ б̣яаагаад̇угаамо – ‘‘анажчарияамзд̇ам̣, маарисаа, яам̣ ид̣̇аани баарамияо буурзд̇ваа б̣од̇хибаллан̇гз д̇ин̣н̣ам̣ маараанам̣ мад̇т̇агам̣ бхинд̣̇ид̇ваа бадивид̣̇д̇хаасаад̇хааран̣ан̃аан̣о со бхаг̇аваа махаабан̃н̃о бхавзяяа, гимзд̇т̇а ажчарияам̣, абарибаггааяа бана б̣од̇хияаа бад̣̇зсан̃аан̣з тид̇асса сарааг̇аад̣̇игаалзби махаабан̃н̃абхаавамзва во, маарисаа, гат̇зссаамий’’д̇и бхавабадижчаннагааран̣ам̣ аахарид̇ваа д̣̇ассзнд̇о бхууд̇абуб̣б̣ам̣ бход̇иаад̣̇имааха.

    304.Yāva dīgharattaṃ mahāpaññova so bhagavāti ettakanti paricchinditvā na sakkā vattuṃ, atha kho yāva dīgharattaṃ aticirarattaṃ mahāpaññova so bhagavā. Noti kathaṃ tumhe maññathāti. Atha sayamevetaṃ pañhaṃ byākātukāmo – ‘‘anacchariyametaṃ, mārisā, yaṃ idāni pāramiyo pūretvā bodhipallaṅke tiṇṇaṃ mārānaṃ matthakaṃ bhinditvā paṭividdhaasādhāraṇañāṇo so bhagavā mahāpañño bhaveyya, kimettha acchariyaṃ, aparipakkāya pana bodhiyā padesañāṇe ṭhitassa sarāgādikālepi mahāpaññabhāvameva vo, mārisā, kathessāmī’’ti bhavapaṭicchannakāraṇaṃ āharitvā dassento bhūtapubbaṃ bhotiādimāha.

    бурохид̇од̇и саб̣б̣агижжаани анусаасанабурохид̇о. г̇овинд̣̇од̇и г̇овинд̣̇ияаабхисзгзна абхисид̇д̇о , багад̇ияаа банасса ан̃н̃ад̣̇зва наамам̣, абхисид̇д̇агаалад̇о бадтааяа ‘‘г̇овинд̣̇о’’д̇и сан̇кяам̣ г̇ад̇о. ж̇од̇ибаалод̇и ж̇од̇анад̇о жа бааланад̇о жа ж̇од̇ибаало. д̇асса гира ж̇аад̇ад̣̇ивасз саб̣б̣аавуд̇хаани уж̇ж̇од̇им̣су. рааж̇ааби бажжуусасамаяз ад̇д̇ано ман̇г̇алаавуд̇хам̣ баж̇ж̇алид̇ам̣ д̣̇исваа бхийд̇о адтааси. г̇овинд̣̇о баад̇ова рааж̇уубадтаанам̣ г̇анд̇ваа сукасзяяам̣ бужчи рааж̇аа – ‘‘гуд̇о мз аажарияа, сукасзяяаа’’д̇и вад̇ваа д̇ам̣ гааран̣ам̣ аарожзси. маа бхааяи, махаарааж̇а, маяхам̣ буд̇д̇о ж̇аад̇о, д̇ассаанубхаавзна сагаланаг̇арз аавуд̇хаани баж̇ж̇алим̣сууд̇и. рааж̇аа – ‘‘гим̣ ну ко мз гумааро бажжад̇т̇иго бхавзяяаа’’д̇и жинд̇зд̇ваа судтуд̇арам̣ бхааяи. ‘‘гим̣ вид̇аггзси махаарааж̇аа’’д̇и жа будто д̇амад̇т̇ам̣ аарожзси. ат̇а нам̣ г̇овинд̣̇о ‘‘маа бхааяи махаарааж̇а, нзсо гумааро д̇умхаагам̣ д̣̇уб̣бхиссад̇и, сагалаж̇амб̣уд̣̇ийбз бана д̇зна само бан̃н̃ааяа на бхависсад̇и, мама буд̇д̇асса важанзна махааж̇анасса ган̇каа чиж̇ж̇иссад̇и, д̇умхааган̃жа саб̣б̣агижжаани анусаасиссад̇ий’’д̇и самассаасзд̇и. рааж̇аа д̇удто – ‘‘гумаарасса кийрамуулам̣ ход̇уу’’д̇и сахассам̣ д̣̇ад̇ваа ‘‘гумаарам̣ махаллагагаалз мама д̣̇ассзт̇аа’’д̇и ааха. гумааро анубуб̣б̣зна вуд̣дхимануббад̇д̇о. ж̇од̇ид̇ад̇д̇аа банасса бааланасамад̇т̇ад̇ааяа жа ж̇од̇ибаалод̇взва наамам̣ агам̣су. д̇зна вуд̇д̇ам̣ – ‘‘ж̇од̇анад̇о жа бааланад̇о жа ж̇од̇ибаало’’д̇и.

    Purohitoti sabbakiccāni anusāsanapurohito. Govindoti govindiyābhisekena abhisitto , pakatiyā panassa aññadeva nāmaṃ, abhisittakālato paṭṭhāya ‘‘govindo’’ti saṅkhyaṃ gato. Jotipāloti jotanato ca pālanato ca jotipālo. Tassa kira jātadivase sabbāvudhāni ujjotiṃsu. Rājāpi paccūsasamaye attano maṅgalāvudhaṃ pajjalitaṃ disvā bhīto aṭṭhāsi. Govindo pātova rājūpaṭṭhānaṃ gantvā sukhaseyyaṃ pucchi rājā – ‘‘kuto me ācariya, sukhaseyyā’’ti vatvā taṃ kāraṇaṃ ārocesi. Mā bhāyi, mahārāja, mayhaṃ putto jāto, tassānubhāvena sakalanagare āvudhāni pajjaliṃsūti. Rājā – ‘‘kiṃ nu kho me kumāro paccatthiko bhaveyyā’’ti cintetvā suṭṭhutaraṃ bhāyi. ‘‘Kiṃ vitakkesi mahārājā’’ti ca puṭṭho tamatthaṃ ārocesi. Atha naṃ govindo ‘‘mā bhāyi mahārāja, neso kumāro tumhākaṃ dubbhissati, sakalajambudīpe pana tena samo paññāya na bhavissati, mama puttassa vacanena mahājanassa kaṅkhā chijjissati, tumhākañca sabbakiccāni anusāsissatī’’ti samassāseti. Rājā tuṭṭho – ‘‘kumārassa khīramūlaṃ hotū’’ti sahassaṃ datvā ‘‘kumāraṃ mahallakakāle mama dassethā’’ti āha. Kumāro anupubbena vuḍḍhimanuppatto. Jotitattā panassa pālanasamatthatāya ca jotipālotveva nāmaṃ akaṃsu. Tena vuttaṃ – ‘‘jotanato ca pālanato ca jotipālo’’ti.

    саммаа воссаж̇ж̇ид̇ваад̇и саммаа воссаж̇ж̇ид̇ваа. аяамзва ваа баато. аламад̇т̇ад̣̇асад̇арод̇и самад̇т̇о бадиб̣ало ад̇т̇ад̣̇асо аламад̇т̇ад̣̇асо, д̇ам̣ аламад̇т̇ад̣̇асам̣ д̇ирзд̇ийд̇и аламад̇т̇ад̣̇асад̇аро. ж̇од̇ибаалассзва маан̣авасса анусаасанияаад̇и соби ж̇од̇ибаалам̣язва бужчид̇ваа анусаасад̇ийд̇и д̣̇ассзд̇и.

    Sammā vossajjitvāti sammā vossajjitvā. Ayameva vā pāṭho. Alamatthadasataroti samattho paṭibalo atthadaso alamatthadaso, taṃ alamatthadasaṃ tiretīti alamatthadasataro. Jotipālasseva māṇavassa anusāsaniyāti sopi jotipālaṃyeva pucchitvā anusāsatīti dasseti.

    305. бхавамад̇т̇у бхаванд̇ам̣ ж̇од̇ибааланд̇и бход̇о ж̇од̇ибааласса бхаво вуд̣̇д̇хи висзсаад̇хиг̇амо саб̣б̣агаляаан̣ан̃жзва ман̇г̇алан̃жа ход̇ууд̇и ад̇т̇о. саммод̣̇анийяам̣ гат̇анд̇и? ‘‘алам̣, махаарааж̇а, маа жинд̇аяи, д̇хувад̇хаммо зса саб̣б̣асад̇д̇аана’’нд̇иаад̣̇инаа наязна маран̣аббадисам̣яуд̇д̇ам̣ согавинод̣̇анабадисант̇аарагат̇ам̣ барияосаабзд̇ваа. маа но бхавам̣ ж̇од̇ибаало анусаасанияаа бажжаб̣яаахаасийд̇и маа бадиб̣яаагааси, ‘‘анусаасаа’’д̇и вуд̇д̇о – ‘‘наахам̣ анусаасаамий’’д̇и но маа анусаасанияаа бажжагкаасийд̇и ад̇т̇о. абхисамбхосийд̇и сам̣вид̣̇ахид̇ваа бадтабзси. мануссаа звамаахам̣сууд̇и д̇ам̣ бид̇араа махаабан̃н̃ад̇арам̣ саб̣б̣агижжаани анусаасанд̇ам̣ саб̣б̣агаммз абхисамбхаванд̇ам̣ д̣̇исваа д̇удтажид̇д̇аа г̇овинд̣̇о вад̇а, бхо, б̣раахман̣о, махааг̇овинд̣̇о вад̇а, бхо, б̣раахман̣од̇и звамаахам̣су. ид̣̇ам̣ вуд̇д̇ам̣ ход̇и, ‘‘г̇овинд̣̇о вад̇а, бхо, б̣раахман̣о ахоси зд̇асса бид̇аа; аяам̣ бана махааг̇овинд̣̇о вад̇а, бхо, б̣раахман̣о’’д̇и.

    305.Bhavamatthubhavantaṃ jotipālanti bhoto jotipālassa bhavo vuddhi visesādhigamo sabbakalyāṇañceva maṅgalañca hotūti attho. Sammodanīyaṃ kathanti? ‘‘Alaṃ, mahārāja, mā cintayi, dhuvadhammo esa sabbasattāna’’ntiādinā nayena maraṇappaṭisaṃyuttaṃ sokavinodanapaṭisanthārakathaṃ pariyosāpetvā. Mā no bhavaṃ jotipālo anusāsaniyāpaccabyāhāsīti mā paṭibyākāsi, ‘‘anusāsā’’ti vutto – ‘‘nāhaṃ anusāsāmī’’ti no mā anusāsaniyā paccakkhāsīti attho. Abhisambhosīti saṃvidahitvā paṭṭhapesi. Manussā evamāhaṃsūti taṃ pitarā mahāpaññataraṃ sabbakiccāni anusāsantaṃ sabbakamme abhisambhavantaṃ disvā tuṭṭhacittā govindo vata, bho, brāhmaṇo, mahāgovindo vata, bho, brāhmaṇoti evamāhaṃsu. Idaṃ vuttaṃ hoti, ‘‘govindo vata, bho, brāhmaṇo ahosi etassa pitā; ayaṃ pana mahāgovindo vata, bho, brāhmaṇo’’ti.

    раж̇ж̇асам̣вибхаж̇анаван̣н̣анаа

    Rajjasaṃvibhajanavaṇṇanā

    306. язна д̇з ча кад̇д̇ияаад̇и яз д̇з ‘‘сахааяаа’’д̇и вуд̇д̇аа ча кад̇д̇ияаа, д̇з гира рзн̣усса згабид̇игаа ганидтабхаад̇аро, д̇асмаа махааг̇овинд̣̇о ‘‘аяам̣ абхисид̇д̇о зд̇зсам̣ раж̇ж̇асам̣вибхааг̇ам̣ гарзяяа ваа на ваа, яам̣нуунаахам̣ д̇з бадигажжзва рзн̣усса санд̇игам̣ бзсзд̇ваа бадин̃н̃ам̣ г̇ан̣хаабзяяа’’нд̇и жинд̇знд̇о язна д̇з ча кад̇д̇ияаа д̇знубасан̇гами. рааж̇агад̇д̇аарод̇и рааж̇агаарагаа амажжаа.

    306.Yenate cha khattiyāti ye te ‘‘sahāyā’’ti vuttā cha khattiyā, te kira reṇussa ekapitikā kaniṭṭhabhātaro, tasmā mahāgovindo ‘‘ayaṃ abhisitto etesaṃ rajjasaṃvibhāgaṃ kareyya vā na vā, yaṃnūnāhaṃ te paṭikacceva reṇussa santikaṃ pesetvā paṭiññaṃ gaṇhāpeyya’’nti cintento yena te cha khattiyā tenupasaṅkami. Rājakattāroti rājakārakā amaccā.

    307. мад̣̇анийяаа гаамаад̇и мад̣̇агараа бамаад̣̇агараа гаамаа. г̇ажчанд̇з г̇ажчанд̇з гаалз зса ануссарид̇умби на саггун̣зяяа, д̇асмаа ааяанд̇у бхонд̇о ааг̇ажчанд̇ууд̇и ад̇т̇о.

    307.Madanīyā kāmāti madakarā pamādakarā kāmā. Gacchante gacchante kāle esa anussaritumpi na sakkuṇeyya, tasmā āyantu bhonto āgacchantūti attho.

    308. сараамахам̣ бход̇и д̇ад̣̇аа гира мануссаанам̣ сажжаваад̣̇игаало ход̇и, д̇асмаа ‘‘гад̣̇аа маяаа вуд̇д̇ам̣, гзна д̣̇идтам̣, гзна суд̇а’’нд̇и абхууд̇ам̣ авад̇ваа ‘‘сараамахам̣ бхо’’д̇и ааха. саммод̣̇анийяам̣ гат̇анд̇и гим̣ махаарааж̇а д̣̇звад̇д̇ам̣ г̇ад̇з ран̃н̃з маа жинд̇аяид̇т̇а, д̇хувад̇хаммо зса саб̣б̣асад̇д̇аанам̣, звам̣бхаавино сан̇каараад̇и зваруубам̣ бадисант̇аарагат̇ам̣. саб̣б̣аани сагадамукаани бадтабзсийд̇и саб̣б̣аани ча раж̇ж̇аани сагадамукаани бадтабзси. згзгасса ран̃н̃о раж̇ж̇ам̣ д̇ияож̇анасад̇ам̣ ход̇и, рзн̣усса ран̃н̃о раж̇ж̇осаран̣абад̣̇зсо д̣̇асаг̇аавуд̇ам̣, маж̇жхз бана рзн̣усса раж̇ж̇ам̣ вид̇аанасад̣̇исам̣ ахоси. гасмаа звам̣ бадтабзсийд̇и? гаалзна гаалам̣ рааж̇аанам̣ бассид̇ум̣ ааг̇ажчанд̇аа ан̃н̃асса раж̇ж̇ам̣ абийл̣зд̇ваа ад̇д̇ано ад̇д̇ано раж̇ж̇абад̣̇зсзнзва ааг̇амиссанд̇и жзва г̇амиссанд̇и жа. барараж̇ж̇ам̣ од̇ин̣н̣асса хи – ‘‘бхад̇д̇ам̣ д̣̇зт̇а, г̇он̣ам̣ д̣̇зт̇аа’’д̇и вад̣̇ад̇о мануссаа уж̇жхааяанд̇и – ‘‘имз рааж̇аано ад̇д̇ано ад̇д̇ано виж̇ид̇зна на г̇ажчанд̇и, амхаагам̣ бийл̣ам̣ гаронд̇ий’’д̇и. ад̇д̇ано виж̇ид̇зна г̇ажчанд̇асса ‘‘амхаагам̣ санд̇игаа иминаа ид̣̇ан̃жид̣̇ан̃жа лад̣̇д̇хаб̣б̣амзваа’’д̇и мануссаа бийл̣ам̣ на ман̃н̃анд̇и. имамад̇т̇ам̣ жинд̇аяид̇ваа махааг̇овинд̣̇о ‘‘саммод̣̇амаанаа рааж̇аано жирам̣ раж̇ж̇аманусаасанд̇уу’’д̇и звам̣ бадтабзси.

    308.Sarāmahaṃ bhoti tadā kira manussānaṃ saccavādikālo hoti, tasmā ‘‘kadā mayā vuttaṃ, kena diṭṭhaṃ, kena suta’’nti abhūtaṃ avatvā ‘‘sarāmahaṃ bho’’ti āha. Sammodanīyaṃ kathanti kiṃ mahārāja devattaṃ gate raññe mā cintayittha, dhuvadhammo esa sabbasattānaṃ, evaṃbhāvino saṅkhārāti evarūpaṃ paṭisanthārakathaṃ. Sabbāni sakaṭamukhāni paṭṭhapesīti sabbāni cha rajjāni sakaṭamukhāni paṭṭhapesi. Ekekassa rañño rajjaṃ tiyojanasataṃ hoti, reṇussa rañño rajjosaraṇapadeso dasagāvutaṃ, majjhe pana reṇussa rajjaṃ vitānasadisaṃ ahosi. Kasmā evaṃ paṭṭhapesīti? Kālena kālaṃ rājānaṃ passituṃ āgacchantā aññassa rajjaṃ apīḷetvā attano attano rajjapadeseneva āgamissanti ceva gamissanti ca. Pararajjaṃ otiṇṇassa hi – ‘‘bhattaṃ detha, goṇaṃ dethā’’ti vadato manussā ujjhāyanti – ‘‘ime rājāno attano attano vijitena na gacchanti, amhākaṃ pīḷaṃ karontī’’ti. Attano vijitena gacchantassa ‘‘amhākaṃ santikā iminā idañcidañca laddhabbamevā’’ti manussā pīḷaṃ na maññanti. Imamatthaṃ cintayitvā mahāgovindo ‘‘sammodamānā rājāno ciraṃ rajjamanusāsantū’’ti evaṃ paṭṭhapesi.

    ‘‘д̣̇анд̇абурам̣ галин̇г̇аанам̣, ассагаанан̃жа бод̇анам̣;

    ‘‘Dantapuraṃ kaliṅgānaṃ, assakānañca potanaṃ;

    маахиссад̇и аванд̇ийнам̣, совийраанан̃жа род̣̇угам̣.

    Māhissati avantīnaṃ, sovīrānañca rodukaṃ.

    мит̇илаа жа вид̣̇зхаанам̣, жамбаа ан̇г̇зсу маабид̇аа;

    Mithilā ca videhānaṃ, campā aṅgesu māpitā;

    б̣аараан̣асий жа гаасийнам̣, зд̇з г̇овинд̣̇амаабид̇аа’’д̇и. –

    Bārāṇasī ca kāsīnaṃ, ete govindamāpitā’’ti. –

    зд̇аани сад̇д̇а наг̇араани махааг̇овинд̣̇знзва д̇зсам̣ рааж̇уунам̣ ад̇т̇ааяа маабид̇аани.

    Etāni satta nagarāni mahāgovindeneva tesaṃ rājūnaṃ atthāya māpitāni.

    ‘‘сад̇д̇абхуу б̣рахмад̣̇ад̇д̇о жа, взссабхуу бхарад̇о саха;

    ‘‘Sattabhū brahmadatto ca, vessabhū bharato saha;

    рзн̣у д̣̇вз жа д̇хад̇арадтаа, д̇ад̣̇аасум̣ сад̇д̇а бхаарад̇хаа’’д̇и. –

    Reṇu dve ca dhataraṭṭhā, tadāsuṃ satta bhāradhā’’ti. –

    имаани д̇зсам̣ сад̇д̇аннамби наамаани. д̇зсу хи зго сад̇д̇абхуу наама ахоси, зго б̣рахмад̣̇ад̇д̇о наама, зго взссабхуу наама, зго д̇знзва саха бхарад̇о наама, зго рзн̣у наама, д̣̇вз бана д̇хад̇арадтаад̇и имз сад̇д̇а ж̇амб̣уд̣̇ийбад̇алз бхаарад̇хаа махаарааж̇аано ахзсунд̇и.

    Imāni tesaṃ sattannampi nāmāni. Tesu hi eko sattabhū nāma ahosi, eko brahmadatto nāma, eko vessabhū nāma, eko teneva saha bharato nāma, eko reṇu nāma, dve pana dhataraṭṭhāti ime satta jambudīpatale bhāradhā mahārājāno ahesunti.

    батамабхаан̣аваараван̣н̣анаа нидтид̇аа.

    Paṭhamabhāṇavāravaṇṇanā niṭṭhitā.

    гид̇д̇исад̣̇д̣̇ааб̣бхуг̇г̇аманаван̣н̣анаа

    Kittisaddaabbhuggamanavaṇṇanā

    311. убасан̇гамим̣сууд̇и ‘‘амхаагам̣ аяам̣ иссарияасамбад̇д̇и на ан̃н̃ассаанубхаавзна, махааг̇овинд̣̇ассаанубхаавзна нибпаннаа. махааг̇овинд̣̇о амхз сад̇д̇а рааж̇аано самаг̇г̇з гад̇ваа ж̇амб̣уд̣̇ийбад̇алз бад̇идтаабзси, буб̣б̣уубагаарисса бана на сугараа бадигирияаа гаад̇ум̣. амхз сад̇д̇аби ж̇анз зсоязва анусаасад̇у, зд̇ам̣язва сзнаабад̇ин̃жа бурохид̇ан̃жа гарома, звам̣ но вуд̣̇д̇хи бхависсад̇ий’’д̇и жинд̇зд̇ваа убасан̇гамим̣су. махааг̇овинд̣̇оби – ‘‘маяаа зд̇з самаг̇г̇аа гад̇аа, сажз зд̇зсам̣ ан̃н̃о сзнаабад̇и бурохид̇о жа бхависсад̇и, д̇ад̇о ад̇д̇ано ад̇д̇ано сзнаабад̇ибурохид̇аанам̣ важанам̣ г̇ахзд̇ваа ан̃н̃аман̃н̃ам̣ бхинд̣̇иссанд̇и, ад̇хиваасзми нзсам̣ сзнаабад̇идтаанан̃жа бурохид̇адтаанан̃жаа’’д̇и жинд̇зд̇ваа ‘‘звам̣ бхо’’д̇и бажжассоси.

    311.Upasaṅkamiṃsūti ‘‘amhākaṃ ayaṃ issariyasampatti na aññassānubhāvena, mahāgovindassānubhāvena nipphannā. Mahāgovindo amhe satta rājāno samagge katvā jambudīpatale patiṭṭhāpesi, pubbūpakārissa pana na sukarā paṭikiriyā kātuṃ. Amhe sattapi jane esoyeva anusāsatu, etaṃyeva senāpatiñca purohitañca karoma, evaṃ no vuddhi bhavissatī’’ti cintetvā upasaṅkamiṃsu. Mahāgovindopi – ‘‘mayā ete samaggā katā, sace etesaṃ añño senāpati purohito ca bhavissati, tato attano attano senāpatipurohitānaṃ vacanaṃ gahetvā aññamaññaṃ bhindissanti, adhivāsemi nesaṃ senāpatiṭṭhānañca purohitaṭṭhānañcā’’ti cintetvā ‘‘evaṃ bho’’ti paccassosi.

    сад̇д̇а жа б̣раахман̣амахаасаалзд̇и ‘‘ахам̣ саб̣б̣адтаанзсу саммуко бхавзяяам̣ ваа на ваа, яад̇т̇аахам̣ саммуко на бхависсаами, д̇ад̇т̇зва д̇з гад̇д̇аб̣б̣ам̣ гариссанд̇ий’’д̇и сад̇д̇а анубурохид̇з табзси. д̇з санд̇хааяа ид̣̇ам̣ вуд̇д̇ам̣ – ‘‘сад̇д̇а жа б̣раахман̣амахаасаалз’’д̇и. д̣̇ивасасса д̣̇вигкад̇д̇ум̣ ваа сааяам̣ баад̇о ваа нахааяанд̇ийд̇и нахаад̇агаа. вад̇ажарияабарияосаанз ваа нахаад̇аа, д̇ад̇о бадтааяа б̣раахман̣зхи сад̣̇д̇хим̣ на каад̣̇анд̇и на биванд̇ийд̇и нахаад̇агаа.

    Satta ca brāhmaṇamahāsāleti ‘‘ahaṃ sabbaṭṭhānesu sammukho bhaveyyaṃ vā na vā, yatthāhaṃ sammukho na bhavissāmi, tattheva te kattabbaṃ karissantī’’ti satta anupurohite ṭhapesi. Te sandhāya idaṃ vuttaṃ – ‘‘satta ca brāhmaṇamahāsāle’’ti. Divasassa dvikkhattuṃ vā sāyaṃ pāto vā nahāyantīti nahātakā. Vatacariyapariyosāne vā nahātā, tato paṭṭhāya brāhmaṇehi saddhiṃ na khādanti na pivantīti nahātakā.

    312. аб̣бхуг̇г̇ажчийд̇и абхиуг̇г̇ажчи. д̇ад̣̇аа гира мануссаанам̣ ‘‘на б̣рахмунаа сад̣̇д̇хим̣ аманд̇зд̇ваа саггаа звам̣ сагалаж̇амб̣уд̣̇ийбам̣ анусаасид̇у’’нд̇и нисиннанисиннадтаанз аяамзва гат̇аа бавад̇д̇ид̇т̇а. на ко банааханд̇и махаабурисо гира – ‘‘аяам̣ маяхам̣ абхууд̇о ван̣н̣о уббанно, ван̣н̣уббад̇д̇и ко бана на бхаарияаа, уббаннасса ван̣н̣асса рагканамзва бхаарияам̣, аяан̃жа мз ажинд̇зд̇ваа аманд̇зд̇ваа гаронд̇ассзва ван̣н̣о уббаннова, жинд̇зд̇ваа манд̇зд̇ваа гаронд̇асса бана вид̇т̇ааригад̇аро бхависсад̇ий’’д̇и б̣рахмад̣̇ассанз убааяам̣ бариязсанд̇о д̇ам̣ д̣̇исваа суд̇ам̣ ко бана мзд̇анд̇иаад̣̇иад̇т̇ам̣ баривид̇аггзси.

    312.Abbhuggacchīti abhiuggacchi. Tadā kira manussānaṃ ‘‘na brahmunā saddhiṃ amantetvā sakkā evaṃ sakalajambudīpaṃ anusāsitu’’nti nisinnanisinnaṭṭhāne ayameva kathā pavattittha. Na kho panāhanti mahāpuriso kira – ‘‘ayaṃ mayhaṃ abhūto vaṇṇo uppanno, vaṇṇuppatti kho pana na bhāriyā, uppannassa vaṇṇassa rakkhanameva bhāriyaṃ, ayañca me acintetvā amantetvā karontasseva vaṇṇo uppannova, cintetvā mantetvā karontassa pana vitthārikataro bhavissatī’’ti brahmadassane upāyaṃ pariyesanto taṃ disvā sutaṃ kho pana metantiādiatthaṃ parivitakkesi.

    313. язна рзн̣у рааж̇аа д̇знубасан̇гамийд̇и звам̣ мз анд̇араа д̣̇адтугаамо ваа саллабид̇угаамо ваа на бхависсад̇и, яад̇о чиннабалиб̣од̇хо сукам̣ вихариссаамийд̇и балиб̣од̇хубажчзд̣̇анад̇т̇ам̣ убасан̇гами, зса наяо саб̣б̣ад̇т̇а.

    313.Yenareṇu rājā tenupasaṅkamīti evaṃ me antarā daṭṭhukāmo vā sallapitukāmo vā na bhavissati, yato chinnapalibodho sukhaṃ viharissāmīti palibodhupacchedanatthaṃ upasaṅkami, esa nayo sabbattha.

    316. саад̣̇исияод̇и самаван̣н̣аа самаж̇аад̇игаа.

    316.Sādisiyoti samavaṇṇā samajātikā.

    317. навам̣ санд̇хааг̇аарам̣ гаарзд̇ваад̇и рад̇д̇идтаанад̣̇иваадтаанажан̇гаманасамбаннам̣ вассигз жад̇д̇ааро маасз васанагкамам̣ б̣ахи нал̣абаригкид̇д̇ам̣ вижид̇д̇ам̣ аавасат̇ам̣ гаарзд̇ваа. гарун̣ам̣ жхаанам̣ жхааяийд̇и гарун̣ааяа д̇игажад̇уггаж̇жхаанам̣ жхааяи, гарун̣аамукзна банзд̇т̇а авасзсааби д̇аяо б̣рахмавихаараа г̇ахид̇аава. угган̣танаа барид̇ассанаад̇и жхаанабхуумияам̣ тид̇асса анабхирад̇иугган̣танаа ваа бхаяабарид̇ассанаа ваа над̇т̇и, б̣рахмуно бана ааг̇аманабад̇т̇анаа ааг̇аманад̇ан̣хаа ахууд̇и ад̇т̇о.

    317.Navaṃ sandhāgāraṃ kāretvāti rattiṭṭhānadivāṭṭhānacaṅkamanasampannaṃ vassike cattāro māse vasanakkhamaṃ bahi naḷaparikkhittaṃ vicittaṃ āvasathaṃ kāretvā. Karuṇaṃ jhānaṃ jhāyīti karuṇāya tikacatukkajjhānaṃ jhāyi, karuṇāmukhena panettha avasesāpi tayo brahmavihārā gahitāva. Ukkaṇṭhanā paritassanāti jhānabhūmiyaṃ ṭhitassa anabhiratiukkaṇṭhanā vā bhayaparitassanā vā natthi, brahmuno pana āgamanapatthanā āgamanataṇhā ahūti attho.

    б̣рахмунаасаагажчааван̣н̣анаа

    Brahmunāsākacchāvaṇṇanā

    318. бхаяанд̇и жид̇д̇уд̇раасабхаяамзва. аж̇аананд̇аад̇и аж̇аанамаанаа. гат̇ам̣ ж̇аанзму д̇ам̣ маяанд̇и (д̣̇ий. ни. 2.179) маяам̣ гинд̇и д̇ам̣ ж̇аанаама, аяам̣ гад̇т̇аваасиго, гиннаамо, гим̣ г̇од̇д̇од̇иаад̣̇ийнам̣ аагаараанам̣ гзна аагаарзна д̇ам̣ д̇хаараяаамаад̇и ад̇т̇о.

    318.Bhayanti cittutrāsabhayameva. Ajānantāti ajānamānā. Kathaṃ jānemu taṃ mayanti (dī. ni. 2.179) mayaṃ kinti taṃ jānāma, ayaṃ katthavāsiko, kinnāmo, kiṃ gottotiādīnaṃ ākārānaṃ kena ākārena taṃ dhārayāmāti attho.

    мам̣ вз гумаарам̣ ж̇аананд̇ийд̇и мам̣ ‘‘гумааро’’д̇и ‘‘д̣̇ахаро’’д̇и ж̇аананд̇и. б̣рахмалогзд̇и сздталогз. сананд̇ананд̇и жирад̇анам̣ бораан̣агам̣ . ахам̣ со бораан̣агумааро санан̇гумааро наама б̣рахмаад̇и д̣̇ассзд̇и. звам̣ г̇овинд̣̇а ж̇аанаахийд̇и г̇овинд̣̇а бан̣д̣ид̇а, д̇вам̣ звам̣ ж̇аанаахи, звам̣ мам̣ д̇хаарзхи.

    Maṃ ve kumāraṃ jānantīti maṃ ‘‘kumāro’’ti ‘‘daharo’’ti jānanti. Brahmaloketi seṭṭhaloke. Sanantananti ciratanaṃ porāṇakaṃ . Ahaṃ so porāṇakumāro sanaṅkumāro nāma brahmāti dasseti. Evaṃ govinda jānāhīti govinda paṇḍita, tvaṃ evaṃ jānāhi, evaṃ maṃ dhārehi.

    ‘‘аасанам̣ уд̣̇агам̣ баж̇ж̇ам̣, мад̇хусааган̃жа б̣рахмуно;

    ‘‘Āsanaṃ udakaṃ pajjaṃ, madhusākañca brahmuno;

    аг̇гхз бхаванд̇ам̣ бужчаама, аг̇гхам̣ гуруд̇у но бхава’’нд̇и. –

    Agghe bhavantaṃ pucchāma, agghaṃ kurutu no bhava’’nti. –

    зд̇т̇а аг̇гханд̇и ад̇ит̇ино убанаамзд̇аб̣б̣ам̣ вужжад̇и. д̇знзва ид̣̇амаасанам̣ бан̃н̃ад̇д̇ам̣, зд̇т̇а нисийд̣̇ат̇а, ид̣̇ам̣ уд̣̇агам̣ барисуд̣̇д̇хам̣, ид̇о баанийяам̣ биват̇а, баад̣̇з д̇ховат̇а, ид̣̇ам̣ баж̇ж̇ам̣ баад̣̇аанам̣ хид̇ад̇т̇ааяа абхисан̇кад̇ам̣ д̇злам̣, ид̇о баад̣̇з магкзт̇а, ид̣̇ам̣ мад̇хусааганд̇и. б̣од̇хисад̇д̇асса б̣рахмажарияам̣ на ан̃н̃зсам̣ б̣рахмажарияасад̣̇исам̣ ход̇и, на со ‘‘ид̣̇ам̣ свз, ид̣̇ам̣ д̇ад̇ияад̣̇ивасз бхависсад̇ий’’д̇и саннид̇хим̣ наама гарод̇и. мад̇хусаагам̣ бана алон̣ам̣ ад̇хуубанам̣ ад̇аггам̣ уд̣̇агзна сзд̣̇ид̇асаагам̣, д̇ам̣ санд̇хааязса – ‘‘ид̣̇ам̣ барибхун̃ж̇ат̇аа’’д̇и вад̣̇анд̇о ‘‘аг̇гхз бхаванд̇ам̣ бужчаамаа’’д̇иаад̣̇имааха. имз саб̣б̣зби аг̇гхаа б̣рахмуно ад̇т̇и. д̇з аг̇гхз бхаванд̇ам̣ бужчаама. звам̣ бужчанд̇аанан̃жа аг̇гхам̣ гуруд̇у но бхавам̣, бадиг̇г̇ан̣хаад̇у но бхавам̣ ид̣̇амаг̇гханд̇и вуд̇д̇ам̣ ход̇и. гим̣ банзса – ‘‘ид̇о згамби б̣рахмаа на бхун̃ж̇ад̇ий’’д̇и ид̣̇ам̣ на ж̇аанаад̇ийд̇и. но на ж̇аанаад̇и, ж̇аананд̇оби ад̇д̇ано санд̇игз ааг̇ад̇о ад̇ит̇и бужчид̇аб̣б̣од̇и вад̇д̇асийсзна бужчад̇и.

    Ettha agghanti atithino upanāmetabbaṃ vuccati. Teneva idamāsanaṃ paññattaṃ, ettha nisīdatha, idaṃ udakaṃ parisuddhaṃ, ito pānīyaṃ pivatha, pāde dhovatha, idaṃ pajjaṃ pādānaṃ hitatthāya abhisaṅkhataṃ telaṃ, ito pāde makkhetha, idaṃ madhusākanti. Bodhisattassa brahmacariyaṃ na aññesaṃ brahmacariyasadisaṃ hoti, na so ‘‘idaṃ sve, idaṃ tatiyadivase bhavissatī’’ti sannidhiṃ nāma karoti. Madhusākaṃ pana aloṇaṃ adhūpanaṃ atakkaṃ udakena seditasākaṃ, taṃ sandhāyesa – ‘‘idaṃ paribhuñjathā’’ti vadanto ‘‘agghe bhavantaṃ pucchāmā’’tiādimāha. Ime sabbepi agghā brahmuno atthi. Te agghe bhavantaṃ pucchāma. Evaṃ pucchantānañca agghaṃ kurutu no bhavaṃ, paṭiggaṇhātu no bhavaṃ idamagghanti vuttaṃ hoti. Kiṃ panesa – ‘‘ito ekampi brahmā na bhuñjatī’’ti idaṃ na jānātīti. No na jānāti, jānantopi attano santike āgato atithi pucchitabboti vattasīsena pucchati.

    ат̇а ко б̣рахмаа – ‘‘гим̣ ну ко бан̣д̣ид̇о мама барибхог̇агаран̣аабхаавам̣ н̃ад̇ваа бужчад̇и, уд̣̇ааху гохан̃н̃з тад̇ваа бужчад̇ий’’д̇и саманнаахаранд̇о ‘‘вад̇д̇асийсз тид̇о бужчад̇ий’’д̇и н̃ад̇ваа бадиг̇г̇ан̣хид̇ум̣ д̣̇аани мз ваддад̇ийд̇и бадиг̇г̇ан̣хаама д̇з аг̇гхам̣, яам̣ д̇вам̣ г̇овинд̣̇а бхаасасийд̇и ааха. яам̣ д̇вам̣ г̇овинд̣̇а бхаасаси – ‘‘ид̣̇амаасанам̣ бан̃н̃ад̇д̇ам̣, зд̇т̇а нисийд̣̇ат̇аа’’д̇иаад̣̇и, д̇ад̇ра д̇з маяам̣ аасанз нисиннаа наама хома, баанийяам̣ бийд̇аа наама хома, баад̣̇ааби мз д̇ход̇аа наама хонд̇у, д̇злзнаби магкид̇аа наама хонд̇у, уд̣̇агасаагамби барибхуд̇д̇ам̣ наама ход̇у, д̇аяаа д̣̇иннам̣ ад̇хиваасид̇агаалад̇о бадтааяа яам̣ яам̣ д̇вам̣ бхаасаси, д̇ам̣ д̇ам̣ маяаа бадиг̇г̇ахид̇амзва ход̇и. д̇зна вуд̇д̇ам̣ – ‘‘бадиг̇г̇ан̣хаама д̇з аг̇гхам̣, яам̣ д̇вам̣ г̇овинд̣̇а бхаасасий’’д̇и. звам̣ бана аг̇гхам̣ бадиг̇г̇ан̣хид̇ваа бан̃хасса огаасам̣ гаронд̇о д̣̇идтад̇хаммахид̇ад̇т̇ааяаад̇иаад̣̇имааха.

    Atha kho brahmā – ‘‘kiṃ nu kho paṇḍito mama paribhogakaraṇābhāvaṃ ñatvā pucchati, udāhu kohaññe ṭhatvā pucchatī’’ti samannāharanto ‘‘vattasīse ṭhito pucchatī’’ti ñatvā paṭiggaṇhituṃ dāni me vaṭṭatīti paṭiggaṇhāma te agghaṃ, yaṃ tvaṃ govinda bhāsasīti āha. Yaṃ tvaṃ govinda bhāsasi – ‘‘idamāsanaṃ paññattaṃ, ettha nisīdathā’’tiādi, tatra te mayaṃ āsane nisinnā nāma homa, pānīyaṃ pītā nāma homa, pādāpi me dhotā nāma hontu, telenapi makkhitā nāma hontu, udakasākampi paribhuttaṃ nāma hotu, tayā dinnaṃ adhivāsitakālato paṭṭhāya yaṃ yaṃ tvaṃ bhāsasi, taṃ taṃ mayā paṭiggahitameva hoti. Tena vuttaṃ – ‘‘paṭiggaṇhāma te agghaṃ, yaṃ tvaṃ govinda bhāsasī’’ti. Evaṃ pana agghaṃ paṭiggaṇhitvā pañhassa okāsaṃ karonto diṭṭhadhammahitatthāyātiādimāha.

    ган̇кий аган̇ким̣ баравзд̣̇иязсууд̇и ахам̣ савижигижчо бхаванд̇ам̣ барзна саяам̣ абхисан̇кад̇ад̇д̇аа барасса баагадзсу баравзд̣̇иязсу бан̃хзсу ниб̣б̣ижигижчам̣.

    Kaṅkhīakaṅkhiṃ paravediyesūti ahaṃ savicikiccho bhavantaṃ parena sayaṃ abhisaṅkhatattā parassa pākaṭesu paravediyesu pañhesu nibbicikicchaṃ.

    хид̇ваа мамад̇д̇анд̇и ид̣̇ам̣ мама, ид̣̇ам̣ мамаад̇и убагаран̣ад̇ан̣хам̣ жаж̇ид̇ваа. мануж̇зсууд̇и сад̇д̇зсу, мануж̇зсу яо гожи мануж̇о мамад̇д̇ам̣ хид̇ваад̇и ад̇т̇о. згод̣̇ибхууд̇од̇и згийбхууд̇о, зго д̇идтанд̇о зго нисийд̣̇анд̇од̇и. важанад̇т̇о банзд̇т̇а зго уд̣̇зд̇и бавад̇д̇ад̇ийд̇и згод̣̇и, д̇аад̣̇исо бхууд̇од̇и згод̣̇ибхууд̇о . гарун̣зд̇химуд̇д̇од̇и гарун̣аажхаанз ад̇химуд̇д̇о, д̇ам̣ жхаанам̣ ниб̣б̣ад̇д̇зд̇ваад̇и ад̇т̇о. нираамаг̇анд̇ход̇и виссаг̇анд̇хавирахид̇о. зд̇т̇а тид̇од̇и зд̇зсу д̇хаммзсу тид̇о. зд̇т̇а жа сигкамаанод̇и зд̇зсу д̇хаммзсу сигкамаано. аяамзд̇т̇а сан̇кзбо, вид̇т̇ааро бана убари махааг̇овинд̣̇зна жа б̣рахмунаа жа вуд̇д̇оязва.

    Hitvā mamattanti idaṃ mama, idaṃ mamāti upakaraṇataṇhaṃ cajitvā. Manujesūti sattesu, manujesu yo koci manujo mamattaṃ hitvāti attho. Ekodibhūtoti ekībhūto, eko tiṭṭhanto eko nisīdantoti. Vacanattho panettha eko udeti pavattatīti ekodi, tādiso bhūtoti ekodibhūto . Karuṇedhimuttoti karuṇājhāne adhimutto, taṃ jhānaṃ nibbattetvāti attho. Nirāmagandhoti vissagandhavirahito. Ettha ṭhitoti etesu dhammesu ṭhito. Ettha ca sikkhamānoti etesu dhammesu sikkhamāno. Ayamettha saṅkhepo, vitthāro pana upari mahāgovindena ca brahmunā ca vuttoyeva.

    320. д̇ад̇т̇а зд̇з авид̣̇ваад̇и зд̇з аамаг̇анд̇хз ахам̣ авид̣̇ваа, на ж̇аанаамийд̇и ад̇т̇о. ид̇ха б̣руухи д̇хийраад̇и д̇з мз д̇вам̣ ид̇ха д̇хийра бан̣д̣ид̇а, б̣руухи, вад̣̇а. гзнаавадаа ваад̇и баж̇аа гуруд̇ууд̇и гад̇амзна гилзсааваран̣зна ааварид̇аа баж̇аа бууд̇игаа вааяад̇и. аабааяигаад̇и абааяуубаг̇аа. нивуд̇аб̣рахмалогаад̇и нивуд̇о бихид̇о б̣рахмалого ассаад̇и нивуд̇аб̣рахмалого. гад̇амзна гилзсзна баж̇ааяа б̣рахмалогуубаг̇о маг̇г̇о нивуд̇о бихид̇о бадижчаннод̇и бужчад̇и.

    320. Tattha ete avidvāti ete āmagandhe ahaṃ avidvā, na jānāmīti attho. Idha brūhi dhīrāti te me tvaṃ idha dhīra paṇḍita, brūhi, vada. Kenāvaṭā vāti pajā kurutūti katamena kilesāvaraṇena āvaritā pajā pūtikā vāyati. Āpāyikāti apāyūpagā. Nivutabrahmalokāti nivuto pihito brahmaloko assāti nivutabrahmaloko. Katamena kilesena pajāya brahmalokūpago maggo nivuto pihito paṭicchannoti pucchati.

    год̇хо мосаваж̇ж̇ам̣ нигад̇и жа д̣̇уб̣бход̇и гуж̇жханалагкан̣о год̇хо жа, барависам̣ваад̣̇аналагкан̣о мусааваад̣̇о жа, сад̣̇исам̣ д̣̇ассзд̇ваа ван̃жаналагкан̣аа нигад̇и жа, мид̇д̇ад̣̇уб̣бханалагкан̣о д̣̇уб̣бхо жа. гад̣̇арияад̇аа ад̇имаано усууяаад̇и т̇ад̣̇д̇хамажчарияалагкан̣аа гад̣̇арияад̇аа жа, ад̇иггамид̇ваа ман̃н̃аналагкан̣о ад̇имаано жа, барасамбад̇д̇икийяаналагкан̣аа усууяаа жа. ижчаа вивижчаа барахзтанаа жаад̇и д̇ан̣хаалагкан̣аа ижчаа жа, мажчарияалагкан̣аа вивижчаа жа, вихим̣саалагкан̣аа барахзтанаа жа. лобхо жа д̣̇осо жа мад̣̇о жа моход̇и яад̇т̇а гад̇т̇ажи луб̣бханалагкан̣о лобхо жа, д̣̇уссаналагкан̣о д̣̇осо жа, маж̇ж̇аналагкан̣о мад̣̇о жа, муяханалагкан̣о мохо жа. зд̇зсу яуд̇д̇аа анираамаг̇анд̇хаад̇и зд̇зсу жуд̣̇д̣̇асасу гилзсзсу яуд̇д̇аа баж̇аа нираамаг̇анд̇хаа на ход̇и, аамаг̇анд̇хаа сагун̣абаг̇анд̇хаа бууд̇иг̇анд̇хааязваад̇и вад̣̇ад̇и. аабааяигаа нивуд̇аб̣рахмалогаад̇и зсаа бана аабааяигаа жзва ход̇и, бадижчаннаб̣рахмалогамаг̇г̇аа жаад̇и. ид̣̇ам̣ бана суд̇д̇ам̣ гат̇знд̇зна аамаг̇анд̇хасуд̇д̇зна д̣̇ийбзд̇ваа гат̇зд̇аб̣б̣ам̣, аамаг̇анд̇хасуд̇д̇амби иминаа д̣̇ийбзд̇ваа гат̇зд̇аб̣б̣ам̣.

    Kodho mosavajjaṃ nikati ca dubbhoti kujjhanalakkhaṇo kodho ca, paravisaṃvādanalakkhaṇo musāvādo ca, sadisaṃ dassetvā vañcanalakkhaṇā nikati ca, mittadubbhanalakkhaṇo dubbho ca. Kadariyatā atimāno usūyāti thaddhamacchariyalakkhaṇā kadariyatā ca, atikkamitvā maññanalakkhaṇo atimāno ca, parasampattikhīyanalakkhaṇā usūyā ca. Icchā vivicchā paraheṭhanā cāti taṇhālakkhaṇā icchā ca, macchariyalakkhaṇā vivicchā ca, vihiṃsālakkhaṇā paraheṭhanā ca. Lobho ca doso ca mado ca mohoti yattha katthaci lubbhanalakkhaṇo lobho ca, dussanalakkhaṇo doso ca, majjanalakkhaṇo mado ca, muyhanalakkhaṇo moho ca. Etesu yuttā anirāmagandhāti etesu cuddasasu kilesesu yuttā pajā nirāmagandhā na hoti, āmagandhā sakuṇapagandhā pūtigandhāyevāti vadati. Āpāyikā nivutabrahmalokāti esā pana āpāyikā ceva hoti, paṭicchannabrahmalokamaggā cāti. Idaṃ pana suttaṃ kathentena āmagandhasuttena dīpetvā kathetabbaṃ, āmagandhasuttampi iminā dīpetvā kathetabbaṃ.

    д̇з на суниммад̣̇аяаад̇и д̇з аамаг̇анд̇хаа суниммад̣̇аяаа сукзна ниммад̣̇зд̇аб̣б̣аа бахаад̇аб̣б̣аа на хонд̇и, д̣̇уббаж̇ахаа д̣̇уж̇ж̇аяаад̇и ад̇т̇о. яасса д̣̇аани бхавам̣ г̇овинд̣̇о гаалам̣ ман̃н̃ад̇ийд̇и ‘‘яассаа баб̣б̣аж̇ж̇ааяа бхавам̣ г̇овинд̣̇о гаалам̣ ман̃н̃ад̇и, аяамзва ход̇у, звам̣ сад̇и маяхамби д̇ава санд̇игз ааг̇аманам̣ свааг̇аманам̣ бхависсад̇и, гат̇ид̇ад̇хаммагат̇аа сугат̇ид̇аа бхависсад̇и, д̇вам̣ д̇аад̇а сагалаж̇амб̣уд̣̇ийбз аг̇г̇абурисо д̣̇ахаро батамаваяз тид̇о, звам̣ маханд̇ам̣ наама самбад̇д̇исиривилаасам̣ бахааяа д̇ава баб̣б̣аж̇анам̣ наама г̇анд̇хахад̇т̇ино аяаб̣анд̇ханам̣ чинд̣̇ид̇ваа г̇аманам̣ вияа ад̇иул̣аарам̣, б̣уд̣̇д̇хад̇анд̇и наамзсаа’’д̇и махаабурисасса д̣̇ал̣хийгаммам̣ гад̇ваа б̣рахмаа санан̇гумааро б̣рахмалогамзва г̇ад̇о.

    Te na sunimmadayāti te āmagandhā sunimmadayā sukhena nimmadetabbā pahātabbā na honti, duppajahā dujjayāti attho. Yassa dāni bhavaṃ govindo kālaṃ maññatīti ‘‘yassā pabbajjāya bhavaṃ govindo kālaṃ maññati, ayameva hotu, evaṃ sati mayhampi tava santike āgamanaṃ svāgamanaṃ bhavissati, kathitadhammakathā sukathitā bhavissati, tvaṃ tāta sakalajambudīpe aggapuriso daharo paṭhamavaye ṭhito, evaṃ mahantaṃ nāma sampattisirivilāsaṃ pahāya tava pabbajanaṃ nāma gandhahatthino ayabandhanaṃ chinditvā gamanaṃ viya atiuḷāraṃ, buddhatanti nāmesā’’ti mahāpurisassa daḷhīkammaṃ katvā brahmā sanaṅkumāro brahmalokameva gato.

    рзн̣урааж̇аааманд̇анааван̣н̣анаа

    Reṇurājaāmantanāvaṇṇanā

    321. махаабурисоби ‘‘мама ид̇ова нигкамид̇ваа баб̣б̣аж̇анам̣ наама на яуд̇д̇ам̣, ахам̣ рааж̇агуласса ад̇т̇ам̣ анусаасаами, д̇асмаа ран̃н̃о аарожзссаами. сажз соби баб̣б̣аж̇иссад̇и, сунд̣̇арамзва. но жз баб̣б̣аж̇иссад̇и, бурохид̇адтаанам̣ нияяаад̇зд̇ваа ахам̣ баб̣б̣аж̇иссаамий’’д̇и жинд̇зд̇ваа рааж̇аанам̣ убасан̇гами, д̇зна вуд̇д̇ам̣ – ‘‘ат̇а ко бхо махааг̇овинд̣̇о,…бз… наахам̣ борохажжз рамз’’д̇и.

    321. Mahāpurisopi ‘‘mama itova nikkhamitvā pabbajanaṃ nāma na yuttaṃ, ahaṃ rājakulassa atthaṃ anusāsāmi, tasmā rañño ārocessāmi. Sace sopi pabbajissati, sundarameva. No ce pabbajissati, purohitaṭṭhānaṃ niyyātetvā ahaṃ pabbajissāmī’’ti cintetvā rājānaṃ upasaṅkami, tena vuttaṃ – ‘‘atha kho bho mahāgovindo,…pe… nāhaṃ porohacce rame’’ti.

    д̇ад̇т̇а д̇вам̣ баж̇аанассу раж̇ж̇знаад̇и д̇ава раж̇ж̇зна д̇вамзва ж̇аанаахи. наахам̣ борохижжз рамзд̇и ахам̣ бурохид̇абхаавз на рамаами, угган̣тид̇осми, ан̃н̃ам̣ анусаасагам̣ ж̇аанаахи, наахам̣ борохижжз рамзд̇и.

    Tattha tvaṃ pajānassu rajjenāti tava rajjena tvameva jānāhi. Nāhaṃ porohicce rameti ahaṃ purohitabhāve na ramāmi, ukkaṇṭhitosmi, aññaṃ anusāsakaṃ jānāhi, nāhaṃ porohicce rameti.

    ат̇а рааж̇аа – ‘‘д̇хувам̣ жад̇д̇ааро маасз бадисаллийнасса б̣раахман̣асса г̇зхз бхог̇аа манд̣̇аа ж̇аад̇аа’’д̇и жинд̇зд̇ваа д̇ханзна ниманд̇знд̇о – ‘‘сажз д̇з уунам̣ гаамзхи. ахам̣ барибуураяаами д̇з’’д̇и вад̇ваа буна – ‘‘гинну ко зса згаго вихаранд̇о гзнажи вихим̣сид̇о бхавзяяаа’’д̇и жинд̇зд̇ваа,

    Atha rājā – ‘‘dhuvaṃ cattāro māse paṭisallīnassa brāhmaṇassa gehe bhogā mandā jātā’’ti cintetvā dhanena nimantento – ‘‘sace te ūnaṃ kāmehi. Ahaṃ paripūrayāmi te’’ti vatvā puna – ‘‘kinnu kho esa ekako viharanto kenaci vihiṃsito bhaveyyā’’ti cintetvā,

    ‘‘яо д̇ам̣ хим̣сад̇и ваарзми, бхуумисзнаабад̇и ахам̣;

    ‘‘Yo taṃ hiṃsati vāremi, bhūmisenāpati ahaṃ;

    д̇увам̣ бид̇аа ахам̣ буд̇д̇о, маа но г̇овинд̣̇а бааж̇ахий’’д̇и. –

    Tuvaṃ pitā ahaṃ putto, mā no govinda pājahī’’ti. –

    ааха . д̇ассад̇т̇о – яо д̇ам̣ хим̣сад̇и, д̇ам̣ ваарзми, гзвалам̣ д̇умхз ‘‘асуго’’д̇и аажигкат̇а, ахамзд̇т̇а гад̇д̇аб̣б̣ам̣ ж̇ааниссаамийд̇и. бхуумисзнаабад̇и аханд̇и ат̇а ваа ахам̣ бат̇авияаа саамий, сваахам̣ имам̣ раж̇ж̇ам̣ д̇умхзязва бадижчаабзссаами. д̇увам̣ бид̇аа ахам̣ буд̇д̇од̇и д̇вам̣ бид̇идтаанз тассаси, ахам̣ буд̇д̇адтаанз. со д̇вам̣ мама манам̣ харид̇ваа ад̇д̇аноязва манам̣ г̇овинд̣̇а, бааж̇зхи; яат̇аа ижчаси д̇ат̇аа бавад̇д̇ассу. ахам̣ бана д̇ава манам̣язва анувад̇д̇анд̇о д̇аяаа д̣̇иннабин̣д̣ам̣ барибхун̃ж̇анд̇о д̇ам̣ асижаммахад̇т̇о ваа убадтахиссаами, рат̇ам̣ ваа д̇з бааж̇зссаами. ‘‘маа но г̇овинд̣̇а, баж̇ахий’’д̇и ваа баато . д̇ассад̇т̇о – д̇вам̣ бид̇идтаанз д̇идта, ахам̣ буд̇д̇адтаанз тассаами. маа но д̇вам̣ бхо г̇овинд̣̇а, баж̇ахи, маа барижжаж̇ийд̇и. ат̇а махаабурисо яам̣ рааж̇аа жинд̇зси, д̇асса ад̇д̇ани абхаавам̣ д̣̇ассзнд̇о –

    Āha . Tassattho – yo taṃ hiṃsati, taṃ vāremi, kevalaṃ tumhe ‘‘asuko’’ti ācikkhatha, ahamettha kattabbaṃ jānissāmīti. Bhūmisenāpati ahanti atha vā ahaṃ pathaviyā sāmī, svāhaṃ imaṃ rajjaṃ tumheyeva paṭicchāpessāmi. Tuvaṃ pitā ahaṃ puttoti tvaṃ pitiṭṭhāne ṭhassasi, ahaṃ puttaṭṭhāne. So tvaṃ mama manaṃ haritvā attanoyeva manaṃ govinda, pājehi; yathā icchasi tathā pavattassu. Ahaṃ pana tava manaṃyeva anuvattanto tayā dinnapiṇḍaṃ paribhuñjanto taṃ asicammahattho vā upaṭṭhahissāmi, rathaṃ vā te pājessāmi. ‘‘Mā no govinda, pajahī’’ti vā pāṭho . Tassattho – tvaṃ pitiṭṭhāne tiṭṭha, ahaṃ puttaṭṭhāne ṭhassāmi. Mā no tvaṃ bho govinda, pajahi, mā pariccajīti. Atha mahāpuriso yaṃ rājā cintesi, tassa attani abhāvaṃ dassento –

    ‘‘на мад̇т̇и уунам̣ гаамзхи, хим̣сид̇аа мз на виж̇ж̇ад̇и;

    ‘‘Na matthi ūnaṃ kāmehi, hiṃsitā me na vijjati;

    амануссаважо суд̇ваа, д̇асмаахам̣ на г̇ахз рамз’’д̇и. –

    Amanussavaco sutvā, tasmāhaṃ na gahe rame’’ti. –

    ааха. д̇ад̇т̇а на мад̇т̇ийд̇и на мз ад̇т̇и. г̇ахзд̇и г̇зхз. ат̇а нам̣ рааж̇аа бужчи –

    Āha. Tattha na matthīti na me atthi. Gaheti gehe. Atha naṃ rājā pucchi –

    ‘‘амануссо гат̇ам̣ ван̣н̣о, гим̣ д̇з ад̇т̇ам̣ абхаасат̇а;

    ‘‘Amanusso kathaṃ vaṇṇo, kiṃ te atthaṃ abhāsatha;

    яан̃жа суд̇ваа ж̇ахааси но, г̇зхз амхз жа гзвалий’’д̇и.

    Yañca sutvā jahāsi no, gehe amhe ca kevalī’’ti.

    д̇ад̇т̇а ж̇ахааси но, г̇зхз амхз жа гзвалийд̇и б̣раахман̣асса самбад̇д̇ибхарид̇з г̇зхз сан̇г̇ахавасзна ад̇д̇ано г̇зхз гаронд̇о яам̣ суд̇ваа амхаагам̣ г̇зхз жа амхз жа гзвалий саб̣б̣з абарисзсз ж̇амб̣уд̣̇ийбаваасино ж̇ахаасийд̇и вад̣̇ад̇и.

    Tattha jahāsi no, gehe amhe ca kevalīti brāhmaṇassa sampattibharite gehe saṅgahavasena attano gehe karonto yaṃ sutvā amhākaṃ gehe ca amhe ca kevalī sabbe aparisese jambudīpavāsino jahāsīti vadati.

    ат̇асса аажигканд̇о махаабурисо убавуд̇т̇асса мз буб̣б̣зд̇иаад̣̇имааха. д̇ад̇т̇а убавуд̇т̇ассаад̇и жад̇д̇ааро маасз згийбхаавам̣ убаг̇анд̇ваа вуд̇т̇асса. яидтагаамасса мз сад̇од̇и яаж̇ид̇угаамасса мз самаанасса. аг̇г̇и баж̇ж̇алид̇о ааси, гусабад̇д̇абарид̇т̇ад̇од̇и гусабад̇д̇зхи барид̇т̇ад̇о саббид̣̇ад̇химад̇хуаад̣̇ийни багкибид̇ваа аг̇г̇и ж̇алаяид̇умаарад̣̇д̇хо ааси, звам̣ аг̇г̇им̣ ж̇аалзд̇ваа ‘‘махааж̇анасса д̣̇аанам̣ д̣̇ассаамий’’д̇и звам̣ жинд̇зд̇ваа тид̇асса мамаад̇и аяамзд̇т̇а ад̇т̇о.

    Athassa ācikkhanto mahāpuriso upavutthassa me pubbetiādimāha. Tattha upavutthassāti cattāro māse ekībhāvaṃ upagantvā vutthassa. Yiṭṭhakāmassa me satoti yajitukāmassa me samānassa. Aggi pajjalito āsi, kusapattaparitthatoti kusapattehi paritthato sappidadhimadhuādīni pakkhipitvā aggi jalayitumāraddho āsi, evaṃ aggiṃ jāletvā ‘‘mahājanassa dānaṃ dassāmī’’ti evaṃ cintetvā ṭhitassa mamāti ayamettha attho.

    сананд̇анод̇и санан̇гумааро б̣рахмаа. д̇ад̇о рааж̇аа саяамби баб̣б̣аж̇ид̇угаамо худ̇ваа сад̣̇д̣̇ахаамийд̇иаад̣̇имааха. д̇ад̇т̇а гат̇ам̣ вад̇д̇зт̇а ан̃н̃ат̇аад̇и гат̇ам̣ д̇умхз ан̃н̃ат̇аа вад̇д̇иссат̇а. д̇з д̇ам̣ анувад̇д̇иссаамаад̇и д̇з маяамби д̇умхзязва анувад̇д̇иссаама, анубаб̣б̣аж̇иссаамаад̇и ад̇т̇о. ‘‘ануваж̇иссаамаа’’д̇иби баато, д̇асса ануг̇ажчиссаамаад̇и ад̇т̇о. агаажод̇и ниггаажо агаггасо. г̇овинд̣̇ассаанусаасанзд̇и д̇ава г̇овинд̣̇асса саасанз. бхаванд̇ам̣ г̇овинд̣̇амзва сад̇т̇аарам̣ гарид̇ваа жариссаамаад̇и вад̣̇ад̇и.

    Sanantanoti sanaṅkumāro brahmā. Tato rājā sayampi pabbajitukāmo hutvā saddahāmītiādimāha. Tattha kathaṃ vattetha aññathāti kathaṃ tumhe aññathā vattissatha. Te taṃ anuvattissāmāti te mayampi tumheyeva anuvattissāma, anupabbajissāmāti attho. ‘‘Anuvajissāmā’’tipi pāṭho, tassa anugacchissāmāti attho. Akācoti nikkāco akakkaso. Govindassānusāsaneti tava govindassa sāsane. Bhavantaṃ govindameva satthāraṃ karitvā carissāmāti vadati.

    ча кад̇д̇ияаааманд̇анааван̣н̣анаа

    Cha khattiyaāmantanāvaṇṇanā

    322. язна д̇з ча кад̇д̇ияаа д̇знубасан̇гамийд̇и рзн̣ум̣ рааж̇аанам̣ ‘‘саад̇ху махаарааж̇а раж̇ж̇ам̣ наама маад̇арам̣ бид̇арам̣ бхаад̇ибхаг̇инийаад̣̇аяоби маарзд̇ваа г̇ан̣ханд̇зсу сад̇д̇зсу звам̣ маханд̇ам̣ раж̇ж̇асирим̣ бахааяа баб̣б̣аж̇ид̇угаамзна ул̣аарам̣ махаарааж̇зна гад̇а’’нд̇и убад̇т̇амбхзд̇ваа д̣̇ал̣хад̇арамасса уссаахам̣ гад̇ваа убасан̇гами . звам̣ самажинд̇зсунд̇и ран̃н̃о жинд̇ид̇анаязнзва гад̣̇аажи б̣раахман̣асса бхог̇аа барихийнаа бхавзяяунд̇и ман̃н̃амаанаа самажинд̇зсум̣. д̇ханзна сигкзяяаамаад̇и убалаабзяяаама сан̇г̇ан̣хзяяаама. д̇аавад̇агам̣ аахарийяад̇анд̇и д̇аавад̇агам̣ аахараабияад̇у г̇ан̣хияад̇у, яад̇д̇агам̣ ижчат̇а, д̇ад̇д̇агам̣ г̇ан̣хат̇аад̇и вуд̇д̇ам̣ ход̇и. бхаванд̇аанам̣язва ваахасаад̇и бхаванд̇з бажжаяам̣ гад̇ваа, д̇умхзхи д̣̇иннад̇д̇ааязва бахууд̇ам̣ саабад̇зяяам̣ ж̇аад̇ам̣.

    322.Yenate cha khattiyā tenupasaṅkamīti reṇuṃ rājānaṃ ‘‘sādhu mahārāja rajjaṃ nāma mātaraṃ pitaraṃ bhātibhaginīādayopi māretvā gaṇhantesu sattesu evaṃ mahantaṃ rajjasiriṃ pahāya pabbajitukāmena uḷāraṃ mahārājena kata’’nti upatthambhetvā daḷhataramassa ussāhaṃ katvā upasaṅkami . Evaṃ samacintesunti rañño cintitanayeneva kadāci brāhmaṇassa bhogā parihīnā bhaveyyunti maññamānā samacintesuṃ. Dhanena sikkheyyāmāti upalāpeyyāma saṅgaṇheyyāma. Tāvatakaṃ āharīyatanti tāvatakaṃ āharāpiyatu gaṇhiyatu, yattakaṃ icchatha, tattakaṃ gaṇhathāti vuttaṃ hoti. Bhavantānaṃyeva vāhasāti bhavante paccayaṃ katvā, tumhehi dinnattāyeva pahūtaṃ sāpateyyaṃ jātaṃ.

    323. сажз ж̇ахат̇а гаамаанийд̇и сажз вад̇т̇угаамз жа гилзсагаамз жа барижжаж̇ат̇а. яад̇т̇а сад̇д̇о бут̇уж̇ж̇анод̇и язсу гаамзсу бут̇уж̇ж̇ано сад̇д̇о лаг̇г̇о лаг̇г̇ид̇о. аарамбхавхо д̣̇ал̣хаа хот̇аад̇и звам̣ санд̇з вийрияам̣ аарабхат̇а, асит̇илабараггамад̇ам̣ ад̇хидтааяа д̣̇ал̣хаа бхават̇а. канд̇ийб̣аласамаахид̇аад̇и канд̇иб̣алзна саманнааг̇ад̇аа бхават̇аад̇и рааж̇уунам̣ уссаахам̣ ж̇анзд̇и.

    323.Sace jahatha kāmānīti sace vatthukāme ca kilesakāme ca pariccajatha. Yattha satto puthujjanoti yesu kāmesu puthujjano satto laggo laggito. Ārambhavho daḷhā hothāti evaṃ sante vīriyaṃ ārabhatha, asithilaparakkamataṃ adhiṭṭhāya daḷhā bhavatha. Khantībalasamāhitāti khantibalena samannāgatā bhavathāti rājūnaṃ ussāhaṃ janeti.

    зса маг̇г̇о уж̇умаг̇г̇од̇и зса гарун̣аажхаанамаг̇г̇о уж̇умаг̇г̇о наама. зса маг̇г̇о ануд̇д̇арод̇и зсзва б̣рахмалогуубабад̇д̇ияаа асад̣̇исамаг̇г̇о уд̇д̇амамаг̇г̇о наама. сад̣̇д̇хаммо саб̣бхи рагкид̇од̇и зсо зва жа б̣уд̣̇д̇хабажжзгаб̣уд̣̇д̇хасаавагзхи саб̣бхирагкид̇ад̇хаммо наама. ид̇и гарун̣аажхаанасса ван̣н̣абхан̣анзнааби д̇зсам̣ анивад̇д̇анад̇т̇ааяа д̣̇ал̣хийгаммамзва гарод̇и.

    Esa maggo ujumaggoti esa karuṇājhānamaggo ujumaggo nāma. Esa maggo anuttaroti eseva brahmalokūpapattiyā asadisamaggo uttamamaggo nāma. Saddhammo sabbhi rakkhitoti eso eva ca buddhapaccekabuddhasāvakehi sabbhirakkhitadhammo nāma. Iti karuṇājhānassa vaṇṇabhaṇanenāpi tesaṃ anivattanatthāya daḷhīkammameva karoti.

    го ну ко бана бхо ж̇аанаад̇и ж̇ийвид̇аананд̇и бхо ж̇ийвид̇ам̣ наама уд̣̇агабубпул̣уубамам̣ д̇ин̣аг̇г̇з уссааваб̣инд̣̇уубамам̣ д̇ан̇кан̣авид̣̇д̇хам̣санад̇хаммам̣, д̇асса го г̇ад̇им̣ ж̇аанаад̇и, гисмим̣ кан̣з бхиж̇ж̇иссад̇и? г̇аманийяо самбарааяод̇и баралого бана авассам̣ г̇анд̇аб̣б̣ова, д̇ад̇т̇а бан̣д̣ид̇зна гулабуд̇д̇зна манд̇ааяам̣ б̣од̣̇д̇хаб̣б̣ам̣. манд̇аа вужжад̇и бан̃н̃аа, д̇ааяа манд̇зд̇аб̣б̣ам̣ б̣уж̇жхид̇аб̣б̣ам̣, убабаригкид̇аб̣б̣ан̃жа ж̇аанид̇аб̣б̣ан̃жаад̇и ад̇т̇о. гаран̣ад̇т̇з ваа бхуммам̣. манд̇ааяам̣ б̣од̣̇д̇хаб̣б̣анд̇и манд̇ааяа б̣уж̇жхид̇аб̣б̣ам̣, н̃аан̣зна ж̇аанид̇аб̣б̣анд̇и ад̇т̇о. гим̣ б̣уж̇жхид̇аб̣б̣ам̣? ж̇ийвид̇асса д̣̇уж̇ж̇аанад̇аа, самбарааяасса жа авассам̣ г̇аманийяад̇аа, б̣уж̇жхид̇ваа жа бана саб̣б̣абалиб̣од̇хз чинд̣̇ид̇ваа гад̇д̇аб̣б̣ам̣ гусалам̣ жарид̇аб̣б̣ам̣ б̣рахмажарияам̣. гасмаа? яасмаа над̇т̇и ж̇аад̇асса амаран̣ам̣.

    Ko nu kho pana bho jānāti jīvitānanti bho jīvitaṃ nāma udakapupphuḷūpamaṃ tiṇagge ussāvabindūpamaṃ taṅkhaṇaviddhaṃsanadhammaṃ, tassa ko gatiṃ jānāti, kismiṃ khaṇe bhijjissati? Gamanīyo samparāyoti paraloko pana avassaṃ gantabbova, tattha paṇḍitena kulaputtena mantāyaṃ boddhabbaṃ. Mantā vuccati paññā, tāya mantetabbaṃ bujjhitabbaṃ, upaparikkhitabbañca jānitabbañcāti attho. Karaṇatthe vā bhummaṃ. Mantāyaṃ boddhabbanti mantāya bujjhitabbaṃ, ñāṇena jānitabbanti attho. Kiṃ bujjhitabbaṃ? Jīvitassa dujjānatā, samparāyassa ca avassaṃ gamanīyatā, bujjhitvā ca pana sabbapalibodhe chinditvā kattabbaṃ kusalaṃ caritabbaṃ brahmacariyaṃ. Kasmā? Yasmā natthi jātassa amaraṇaṃ.

    б̣раахман̣амахаасаалаад̣̇ийнам̣ ааманд̇анааван̣н̣анаа

    Brāhmaṇamahāsālādīnaṃ āmantanāvaṇṇanā

    324. аббзсагкаа жа аббалаабхаа жаад̇и бхо баб̣б̣аж̇ж̇аа наама аббаяасаа жзва, баб̣б̣аж̇ид̇агаалад̇о бадтааяа хи раж̇ж̇ам̣ бахааяа баб̣б̣аж̇ид̇ам̣ вихзтзд̇ваа вихзтзд̇ваа лаамагам̣ анаат̇ам̣ гад̇ваава гат̇знд̇и. аббалаабхаа жа, сагалаг̇аамам̣ жарид̇вааби аж̇жхохаран̣ийяам̣ д̣̇уллабхамзва. ид̣̇ам̣ бана б̣рахман̃н̃ам̣ махзсагкан̃жа махааяасад̇д̇аа, махаалаабхан̃жа лаабхасаггаарасамбаннад̇д̇аа. бхаван̃хи зд̇арахи сагалаж̇амб̣уд̣̇ийбз аг̇г̇абурохид̇о саб̣б̣ад̇т̇а аг̇г̇аасанам̣ аг̇г̇од̣̇агам̣ аг̇г̇абхад̇д̇ам̣ аг̇г̇аг̇анд̇хам̣ аг̇г̇амаалам̣ лабхад̇ийд̇и.

    324.Appesakkhā ca appalābhā cāti bho pabbajjā nāma appayasā ceva, pabbajitakālato paṭṭhāya hi rajjaṃ pahāya pabbajitaṃ viheṭhetvā viheṭhetvā lāmakaṃ anāthaṃ katvāva kathenti. Appalābhā ca, sakalagāmaṃ caritvāpi ajjhoharaṇīyaṃ dullabhameva. Idaṃ pana brahmaññaṃmahesakkhañca mahāyasattā, mahālābhañca lābhasakkārasampannattā. Bhavañhi etarahi sakalajambudīpe aggapurohito sabbattha aggāsanaṃ aggodakaṃ aggabhattaṃ aggagandhaṃ aggamālaṃ labhatīti.

    рааж̇аава ран̃н̃анд̇и ахан̃хи бхо зд̇арахи багад̇иран̃н̃ам̣ маж̇жхз жаггавад̇д̇ирааж̇аа вияа. б̣рахмаава б̣рахмаананд̇и багад̇иб̣рахмаанам̣ маж̇жхз махааб̣рахмасад̣̇исо. д̣̇звад̇аава г̇ахабад̇игаананд̇и авасзсаг̇ахабад̇игаанам̣ банамхи саггад̣̇зварааж̇асад̣̇исо.

    Rājāva raññanti ahañhi bho etarahi pakatiraññaṃ majjhe cakkavattirājā viya. Brahmāva brahmānanti pakatibrahmānaṃ majjhe mahābrahmasadiso. Devatāva gahapatikānanti avasesagahapatikānaṃ panamhi sakkadevarājasadiso.

    бхарияаанам̣ ааманд̇анааван̣н̣анаа

    Bhariyānaṃ āmantanāvaṇṇanā

    325. жад̇д̇аарийсаа бхарияаа саад̣̇исияод̇и саад̣̇исияова жад̇д̇аарийсаа бхарияаа, ан̃н̃аа банасса д̇ийсу ваязсу наадагид̇т̇ияо б̣ахугааязва.

    325.Cattārīsā bhariyā sādisiyoti sādisiyova cattārīsā bhariyā, aññā panassa tīsu vayesu nāṭakitthiyo bahukāyeva.

    махааг̇овинд̣̇абаб̣б̣аж̇ж̇ааван̣н̣анаа

    Mahāgovindapabbajjāvaṇṇanā

    326. жааригам̣ жарад̇ийд̇и г̇ааманиг̇амабадибаадияаа жааригам̣ жарад̇и, г̇ад̇аг̇ад̇адтаанз б̣уд̣̇д̇хаголаахалам̣ вияа ход̇и. мануссаа ‘‘махааг̇овинд̣̇абан̣д̣ид̇о гира ааг̇ажчад̇ий’’д̇и суд̇ваа бурзд̇арамзва ман̣д̣абам̣ гаарзд̇ваа маг̇г̇ам̣ алан̇гарид̇ваа бажжуг̇г̇анд̇ваа г̇ан̣хид̇ваа знд̇и, махаалаабхасаггааро махогхо вияа аж̇жход̇т̇аранд̇о уббаж̇ж̇и. сад̇д̇абурохид̇ассаад̇и сад̇д̇аннам̣ рааж̇уунам̣ бурохид̇асса. ид̇и яат̇аа зд̇арахи зваруубзсу ваа таанзсу гисмин̃жид̣̇зва д̣̇угкз уббаннз ‘‘намо б̣уд̣̇д̇хассаа’’д̇и вад̣̇анд̇и, звам̣ д̇ад̣̇аа ‘‘намад̇т̇у махааг̇овинд̣̇асса б̣раахман̣асса, намад̇т̇у сад̇д̇абурохид̇ассаа’’д̇и вад̣̇анд̇и.

    326.Cārikaṃ caratīti gāmanigamapaṭipāṭiyā cārikaṃ carati, gatagataṭṭhāne buddhakolāhalaṃ viya hoti. Manussā ‘‘mahāgovindapaṇḍito kira āgacchatī’’ti sutvā puretarameva maṇḍapaṃ kāretvā maggaṃ alaṅkaritvā paccuggantvā gaṇhitvā enti, mahālābhasakkāro mahogho viya ajjhottharanto uppajji. Sattapurohitassāti sattannaṃ rājūnaṃ purohitassa. Iti yathā etarahi evarūpesu vā ṭhānesu kismiñcideva dukkhe uppanne ‘‘namo buddhassā’’ti vadanti, evaṃ tadā ‘‘namatthu mahāgovindassa brāhmaṇassa, namatthu sattapurohitassā’’ti vadanti.

    327. мзд̇д̇аасахаг̇ад̇знаад̇иаад̣̇инаа наязна баал̣ияам̣ б̣рахмавихаараава ааг̇ад̇аа, махаабурисо бана саб̣б̣ааби адта самаабад̇д̇ияо жа бан̃жа жа абхин̃н̃ааяо ниб̣б̣ад̇д̇зси. саавагаанан̃жа б̣рахмалогасахаб̣яад̇ааяа маг̇г̇ам̣ д̣̇зсзсийд̇и б̣рахмалогз б̣рахмунаа сахабхаавааяа маг̇г̇ам̣ гат̇зси.

    327.Mettāsahagatenātiādinā nayena pāḷiyaṃ brahmavihārāva āgatā, mahāpuriso pana sabbāpi aṭṭha samāpattiyo ca pañca ca abhiññāyo nibbattesi. Sāvakānañca brahmalokasahabyatāya maggaṃ desesīti brahmaloke brahmunā sahabhāvāya maggaṃ kathesi.

    328. саб̣б̣знасаб̣б̣анд̇и яз адта жа самаабад̇д̇ияо бан̃жа жа абхин̃н̃ааяо ниб̣б̣ад̇д̇зсум̣. яз на саб̣б̣зна саб̣б̣ам̣ саасанам̣ ааж̇ааним̣сууд̇и яз адтасу самаабад̇д̇ийсу згасамаабад̇д̇имби на ж̇ааним̣су, на сагким̣су ниб̣б̣ад̇д̇зд̇ум̣. амогхаад̇и савибаагаа. аван̃жхаад̇и на ван̃жхаа. саб̣б̣анихийнам̣ басаванд̇и г̇анд̇хаб̣б̣агааяам̣ басави. сапалаад̇и авасзсад̣̇звалогуубабад̇д̇ийхи саад̇т̇аа. сауд̣̇раяаад̇и б̣рахмалогуубабад̇д̇ияаа савуд̣дхи.

    328.Sabbenasabbanti ye aṭṭha ca samāpattiyo pañca ca abhiññāyo nibbattesuṃ. Ye na sabbena sabbaṃ sāsanaṃ ājāniṃsūti ye aṭṭhasu samāpattīsu ekasamāpattimpi na jāniṃsu, na sakkhiṃsu nibbattetuṃ. Amoghāti savipākā. Avañjhāti na vañjhā. Sabbanihīnaṃ pasavanti gandhabbakāyaṃ pasavi. Saphalāti avasesadevalokūpapattīhi sātthā. Saudrayāti brahmalokūpapattiyā savuḍḍhi.

    329. сараамаханд̇и сараами ахам̣ бан̃жасика, иминаа гира бад̣̇зна аяам̣ суд̇д̇анд̇о б̣уд̣̇д̇хабхаасид̇о наама ж̇аад̇о. на ниб̣б̣ид̣̇ааяаад̇и на ваддз ниб̣б̣инд̣̇анад̇т̇ааяа. на вирааг̇ааяаад̇и на ваддз вирааг̇ад̇т̇ааяа. на нирод̇хааяаад̇и на ваддасса нирод̇хад̇т̇ааяа. на убасамааяаад̇и на ваддасса убасаманад̇т̇ааяа. на абхин̃н̃ааяаад̇и на ваддам̣ абхиж̇аананад̇т̇ааяа. на самб̣од̇хааяаад̇и на гилзсанид̣̇д̣̇аавиг̇амзна ваддад̇о баб̣уж̇жханад̇т̇ааяа. на ниб̣б̣аанааяаад̇и на амад̇аниб̣б̣аанад̇т̇ааяа.

    329.Sarāmahanti sarāmi ahaṃ pañcasikha, iminā kira padena ayaṃ suttanto buddhabhāsito nāma jāto. Na nibbidāyāti na vaṭṭe nibbindanatthāya. Na virāgāyāti na vaṭṭe virāgatthāya. Na nirodhāyāti na vaṭṭassa nirodhatthāya. Na upasamāyāti na vaṭṭassa upasamanatthāya. Na abhiññāyāti na vaṭṭaṃ abhijānanatthāya. Na sambodhāyāti na kilesaniddāvigamena vaṭṭato pabujjhanatthāya. Na nibbānāyāti na amatanibbānatthāya.

    зганд̇аниб̣б̣ид̣̇ааяаад̇и зганд̇амзва ваддз ниб̣б̣инд̣̇анад̇т̇ааяа. зд̇т̇а бана ниб̣б̣ид̣̇ааяаад̇и вибассанаа. вирааг̇ааяаад̇и маг̇г̇о. нирод̇хааяа убасамааяаад̇и ниб̣б̣аанам̣. абхин̃н̃ааяа самб̣од̇хааяаад̇и маг̇г̇о. ниб̣б̣аанааяаад̇и ниб̣б̣аанамзва. звам̣ згасмим̣ таанз вибассанаа, д̇ийсу маг̇г̇о, д̇ийсу ниб̣б̣аанам̣ вуд̇д̇анд̇и звам̣ вавад̇т̇аанагат̇аа взд̣̇ид̇аб̣б̣аа. барияааязна бана саб̣б̣аанибзд̇аани маг̇г̇авзважанааниби ниб̣б̣аанавзважанааниби хонд̇иязва. саммаад̣̇идтиаад̣̇ийсу яам̣ вад̇д̇аб̣б̣ам̣, д̇ам̣ висуд̣̇д̇химаг̇г̇з сажжаван̣н̣анааяам̣ вуд̇д̇амзва.

    Ekantanibbidāyāti ekantameva vaṭṭe nibbindanatthāya. Ettha pana nibbidāyāti vipassanā. Virāgāyāti maggo. Nirodhāya upasamāyāti nibbānaṃ. Abhiññāya sambodhāyāti maggo. Nibbānāyāti nibbānameva. Evaṃ ekasmiṃ ṭhāne vipassanā, tīsu maggo, tīsu nibbānaṃ vuttanti evaṃ vavatthānakathā veditabbā. Pariyāyena pana sabbānipetāni maggavevacanānipi nibbānavevacanānipi hontiyeva. Sammādiṭṭhiādīsu yaṃ vattabbaṃ, taṃ visuddhimagge saccavaṇṇanāyaṃ vuttameva.

    330. яз на саб̣б̣знасаб̣б̣анд̇и яз жад̇д̇аароби арияамаг̇г̇з барибуурзд̇ум̣ на ж̇аананд̇и, д̇ийн̣и ваа д̣̇вз ваа згам̣ ваа ниб̣б̣ад̇д̇знд̇и. саб̣б̣зсам̣язва имзсам̣ гулабуд̇д̇аананд̇и б̣рахмажарияажин̣н̣агулабуд̇д̇аанам̣. амогхаа…бз… сапалаа сауд̣̇раяаад̇и арахад̇д̇анигуудзна д̣̇зсанам̣ нидтаабзси.

    330.Ye na sabbenasabbanti ye cattāropi ariyamagge paripūretuṃ na jānanti, tīṇi vā dve vā ekaṃ vā nibbattenti. Sabbesaṃyeva imesaṃ kulaputtānanti brahmacariyaciṇṇakulaputtānaṃ. Amoghā…pe… saphalā saudrayāti arahattanikūṭena desanaṃ niṭṭhāpesi.

    бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваад̇и (д̣̇ий. ни. 2.188) бхаг̇авад̇о д̇хаммад̣̇зсанам̣ жид̇д̇зна самбадижчанд̇о абхинанд̣̇ид̇ваа ваажааяа басам̣самаано анумод̣̇ид̇ваа маханд̇ам̣ ан̃ж̇алим̣ сирасмим̣ бад̇идтабзд̇ваа басанналаакаарасз нимуж̇ж̇амаано вияа д̣̇асаб̣аласса чаб̣б̣ан̣н̣арасмиж̇ааланд̇арам̣ бависид̇ваа жад̇уусу таанзсу ванд̣̇ид̇ваа д̇игкад̇д̇ум̣ бад̣̇агкин̣ам̣ гад̇ваа бхаг̇аванд̇ам̣ абхид̇т̇аванд̇о абхид̇т̇аванд̇о сад̇т̇у бурад̇о анд̇арад̇хааяид̇ваа ад̇д̇ано д̣̇звалогамзва аг̇амаасийд̇и.

    Bhagavantaṃabhivādetvā padakkhiṇaṃ katvāti (dī. ni. 2.188) bhagavato dhammadesanaṃ cittena sampaṭicchanto abhinanditvā vācāya pasaṃsamāno anumoditvā mahantaṃ añjaliṃ sirasmiṃ patiṭṭhapetvā pasannalākhārase nimujjamāno viya dasabalassa chabbaṇṇarasmijālantaraṃ pavisitvā catūsu ṭhānesu vanditvā tikkhattuṃ padakkhiṇaṃ katvā bhagavantaṃ abhitthavanto abhitthavanto satthu purato antaradhāyitvā attano devalokameva agamāsīti.

    ид̇и суман̇г̇алавилаасинияаа д̣̇ийгханигааяадтагат̇ааяам̣

    Iti sumaṅgalavilāsiniyā dīghanikāyaṭṭhakathāyaṃ

    махааг̇овинд̣̇асуд̇д̇аван̣н̣анаа нидтид̇аа.

    Mahāgovindasuttavaṇṇanā niṭṭhitā.




    Next: 7. махаасамаяасуд̇д̇аван̣н̣анаа • 7. Mahāsamayasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 6. махааг̇овинд̣̇асуд̇д̇ам̣ • 6. Mahāgovindasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 6. махааг̇овинд̣̇асуд̇д̇аван̣н̣анаа • 6. Mahāgovindasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact