| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
6. махааг̇овинд̣̇асуд̇д̇аван̣н̣анаа
6. Mahāgovindasuttavaṇṇanā
293. бан̃жагун̣д̣алигод̇и виссадтабан̃жавзн̣иго. жад̇умаг̇г̇адтаанзсууд̇и жад̇уннам̣ маг̇г̇аанам̣ винивиж̇жхид̇ваа г̇ад̇адтаанзсу. д̇ад̇т̇а хи гад̇аа саалаад̣̇аяо жад̇уухи д̣̇исаахи ааг̇ад̇амануссаанам̣ убабхог̇агкамаа хонд̇и. ‘‘зваруубааний’’д̇и иминаа ругкамууласод̇ханаад̣̇ийни жзва яат̇аасад̇д̇и аннад̣̇аанаад̣̇ийни жа бун̃н̃аани сан̇г̇ан̣хаад̇и. ‘‘суван̣н̣агканд̇хасад̣̇исо ад̇д̇абхааво идто ганд̇о манаабо ахосий’’д̇и баато. сагадасахассамад̇д̇анд̇и ваахасахассамад̇д̇ам̣, ваахо бана вийсад̇и каарий, каарий сол̣асад̣̇он̣амад̇д̇аа, д̣̇он̣ам̣ сол̣аса наал̣ияо взд̣̇ид̇аб̣б̣аа. гумбхам̣ д̣̇асамб̣ан̣аани. ‘‘сахассанаал̣ияо’’д̇и гзжи. рад̇д̇асуван̣н̣аган̣н̣иганд̇и рад̇д̇асуван̣н̣амаяам̣ вадам̣сагам̣.
293.Pañcakuṇḍalikoti vissaṭṭhapañcaveṇiko. Catumaggaṭṭhānesūti catunnaṃ maggānaṃ vinivijjhitvā gataṭṭhānesu. Tattha hi katā sālādayo catūhi disāhi āgatamanussānaṃ upabhogakkhamā honti. ‘‘Evarūpānī’’ti iminā rukkhamūlasodhanādīni ceva yathāsatti annadānādīni ca puññāni saṅgaṇhāti. ‘‘Suvaṇṇakkhandhasadiso attabhāvo iṭṭho kanto manāpo ahosī’’ti pāṭho. Sakaṭasahassamattanti vāhasahassamattaṃ, vāho pana vīsati khārī, khārī soḷasadoṇamattā, doṇaṃ soḷasa nāḷiyo veditabbā. Kumbhaṃ dasambaṇāni. ‘‘Sahassanāḷiyo’’ti keci. Rattasuvaṇṇakaṇṇikanti rattasuvaṇṇamayaṃ vaṭaṃsakaṃ.
яасмаа маж̇жхимаяаамз зва д̣̇звад̇аа сад̇т̇аарам̣ убасан̇гамид̇ум̣ авасарам̣ лабханд̇и, д̇асмаа ‘‘згагодтаасам̣ ад̇ийд̇ааяаа’’д̇и вуд̇д̇ам̣. ад̇игганд̇аван̣н̣од̇и ад̇ивияа гаманийяаруубо, гзвалагаббанд̇и ваа манам̣ уунам̣ авасзсам̣, ийсагам̣ асамад̇д̇анд̇и ад̇т̇о бхаг̇авад̇о хи самийбадтаанам̣ мун̃жид̇ваа саб̣б̣о г̇иж̇жхагуудавихааро д̇зна обхаасид̇о. д̇знааха ‘‘жанд̣̇имаа вияаа’’д̇иаад̣̇и.
Yasmā majjhimayāme eva devatā satthāraṃ upasaṅkamituṃ avasaraṃ labhanti, tasmā ‘‘ekakoṭṭhāsaṃ atītāyā’’ti vuttaṃ. Atikkantavaṇṇoti ativiya kamanīyarūpo, kevalakappanti vā manaṃ ūnaṃ avasesaṃ, īsakaṃ asamattanti attho bhagavato hi samīpaṭṭhānaṃ muñcitvā sabbo gijjhakūṭavihāro tena obhāsito. Tenāha ‘‘candimā viyā’’tiādi.
д̣̇звасабхааван̣н̣анаа
Devasabhāvaṇṇanā
294. рад̇анамад̇д̇аган̣н̣игаругканиссанд̣̇знаад̇и рад̇анаббамаан̣аругкамаяагуудад̣̇аанабун̃н̃аниссанд̣̇зна, д̇асса ваа бун̃н̃асса ниссанд̣̇апалабхаавзна. ниб̣б̣ад̇д̇асабхааяанд̇и самудтид̇аубадтаанасаалааяам̣. ман̣имаяаад̇и бад̣̇умарааг̇аад̣̇иман̣имаяаа. аан̣ияод̇и т̇амбхад̇улаасан̇гхаадагаад̣̇ийсу ваал̣аруубаад̣̇исан̇гхааданагааан̣ияо.
294.Ratanamattakaṇṇikarukkhanissandenāti ratanappamāṇarukkhamayakūṭadānapuññanissandena, tassa vā puññassa nissandaphalabhāvena. Nibbattasabhāyanti samuṭṭhitaupaṭṭhānasālāyaṃ. Maṇimayāti padumarāgādimaṇimayā. Āṇiyoti thambhatulāsaṅghāṭakādīsu vāḷarūpādisaṅghāṭanakaāṇiyo.
г̇анд̇хаб̣б̣арааж̇аад̇и г̇анд̇хаб̣б̣агааяигаанам̣ д̣̇звад̇аанам̣ рааж̇аа. яз д̇аавад̇им̣саанам̣ аасаннаваасино жаад̇умахаарааж̇игаа д̣̇зваа, д̇з бурад̇о гаронд̇о ‘‘д̣̇вийсу д̣̇звалогзсу д̣̇звад̇аа бурад̇о гад̇ваа нисинно’’д̇и вуд̇д̇о. сзсзсуби д̇ийсу таанзсу зсзва наяо.
Gandhabbarājāti gandhabbakāyikānaṃ devatānaṃ rājā. Ye tāvatiṃsānaṃ āsannavāsino cātumahārājikā devā, te purato karonto ‘‘dvīsu devalokesu devatā purato katvā nisinno’’ti vutto. Sesesupi tīsu ṭhānesu eseva nayo.
нааг̇арааж̇аад̇и нааг̇аанам̣ ад̇хибад̇и, на бана саяам̣ нааг̇аж̇аад̇иго.
Nāgarājāti nāgānaṃ adhipati, na pana sayaṃ nāgajātiko.
аасад̇и нисийд̣̇ад̇и зд̇т̇аад̇и аасанам̣, нисаж̇ж̇адтаананд̇и ааха ‘‘нисийд̣̇ид̇ум̣ огаасо’’д̇и. ‘‘зд̇т̇аа’’д̇и бад̣̇ам̣ нибаад̇амад̇д̇ам̣, зд̇т̇аад̇и ваа зд̇асмим̣ баатз. ад̇т̇уд̣̇д̇хааранаязна вад̇д̇аб̣б̣ам̣ буб̣б̣з вуд̇д̇ам̣ жад̇уб̣б̣ид̇хамзва. д̇аавад̇им̣саа, згажжз жа жаад̇умахаарааж̇игаа яат̇аалад̣̇д̇хааяа самбад̇д̇ияаа т̇ааварабхаавааяа, ааяад̇им̣ сод̇ханааяа жа бан̃жа сийлаани рагканд̇и, д̇з д̇асса висод̇ханад̇т̇ам̣ бавааран̣аасан̇г̇ахам̣ гаронд̇и. д̇зна вуд̇д̇ам̣ ‘‘махаабавааран̣ааяаа’’д̇иаад̣̇и.
Āsati nisīdati etthāti āsanaṃ, nisajjaṭṭhānanti āha ‘‘nisīdituṃ okāso’’ti. ‘‘Etthā’’ti padaṃ nipātamattaṃ, etthāti vā etasmiṃ pāṭhe. Atthuddhāranayena vattabbaṃ pubbe vuttaṃ catubbidhameva. Tāvatiṃsā, ekacce ca cātumahārājikā yathāladdhāya sampattiyā thāvarabhāvāya, āyatiṃ sodhanāya ca pañca sīlāni rakkhanti, te tassa visodhanatthaṃ pavāraṇāsaṅgahaṃ karonti. Tena vuttaṃ ‘‘mahāpavāraṇāyā’’tiādi.
вассасахассанд̇и мануссаг̇ан̣анааяа вассасахассам̣.
Vassasahassanti manussagaṇanāya vassasahassaṃ.
баннабалаасод̇и бад̇ид̇абад̇д̇о. каарагаж̇аад̇од̇и ж̇аад̇акуд̣̇д̣̇агамагул̣о. яз хи нийлабад̇д̇агаа ад̇ивияа куд̣̇д̣̇агаа магул̣аа, д̇з ‘‘каарагаа’’д̇и вужжанд̇и. ж̇аалагаж̇аад̇од̇и д̇зхиязва куд̣̇д̣̇агамагул̣зхи ж̇аад̇аж̇аалаго саб̣б̣асо ж̇аало вияа ж̇аад̇о. гзжи бана ‘‘ж̇аалагаж̇аад̇од̇и згаж̇аало вияа ж̇аад̇о’’д̇и ад̇т̇ам̣ вад̣̇анд̇и. бааричад̇д̇аго гира каарагаг̇г̇ахан̣агаалз саб̣б̣ад̇т̇агамзва баллавиго ход̇и, д̇з жасса баллаваа бабхассарабаваал̣аван̣н̣асамуж̇ж̇алаа хонд̇и, д̇зна со саб̣б̣асо самуж̇ж̇аланд̇о д̇идтад̇и. гудумалагаж̇аад̇од̇и сан̃ж̇аад̇амахаамагул̣о. горагаж̇аад̇од̇и сан̃ж̇аад̇асуужибхзд̣̇о самбад̇и вигасамаанаавад̇т̇о. саб̣б̣абаалипуллод̇и саб̣б̣асо пуллид̇авигасид̇о.
Pannapalāsoti patitapatto. Khārakajātoti jātakhuddakamakuḷo. Ye hi nīlapattakā ativiya khuddakā makuḷā, te ‘‘khārakā’’ti vuccanti. Jālakajātoti tehiyeva khuddakamakuḷehi jātajālako sabbaso jālo viya jāto. Keci pana ‘‘jālakajātoti ekajālo viya jāto’’ti atthaṃ vadanti. Pārichattako kira khārakaggahaṇakāle sabbatthakameva pallaviko hoti, te cassa pallavā pabhassarapavāḷavaṇṇasamujjalā honti, tena so sabbaso samujjalanto tiṭṭhati. Kuṭumalakajātoti sañjātamahāmakuḷo. Korakajātoti sañjātasūcibhedo sampati vikasamānāvattho. Sabbapāliphulloti sabbaso phullitavikasito.
ганд̇анагаваад̇од̇и д̣̇зваанам̣ бун̃н̃агаммабажжаяаа бубпаанам̣ чинд̣̇анагаваад̇о. ганд̇ад̇ийд̇и чинд̣̇ад̇и. самбадижчанагаваад̇од̇и чиннаанам̣ чиннаанам̣ бубпаанам̣ самбадиг̇г̇ан̣ханагаваад̇о . нажжанд̇од̇и наанаавид̇хабхад̇д̇им̣ саннивзсавасзна нажжанам̣ гаронд̇о. ан̃н̃ад̇арад̣̇звад̇аананд̇и наамаг̇од̇д̇авасзна аббан̃н̃аад̇ад̣̇звад̇аанам̣.
Kantanakavātoti devānaṃ puññakammapaccayā pupphānaṃ chindanakavāto. Kantatīti chindati. Sampaṭicchanakavātoti chinnānaṃ chinnānaṃ pupphānaṃ sampaṭiggaṇhanakavāto . Naccantoti nānāvidhabhattiṃ sannivesavasena naccanaṃ karonto. Aññataradevatānanti nāmagottavasena appaññātadevatānaṃ.
рзн̣уваддийд̇и рзн̣усан̇гхаад̇о. ган̣н̣игам̣ аахажжаад̇и суд̇хаммааяа гуудам̣ ааханд̇ваа.
Reṇuvaṭṭīti reṇusaṅghāto. Kaṇṇikaṃ āhaccāti sudhammāya kūṭaṃ āhantvā.
адта д̣̇ивасзд̇и бан̃жамияаа сад̣̇д̇хим̣ багкз жад̇д̇ааро д̣̇ивасз санд̇хааяа вуд̇д̇ам̣. яат̇аавуд̇д̇зсу адтасу д̣̇ивасзсу д̇хаммассаванам̣ ниб̣ад̣̇д̇хам̣ д̇ад̣̇аа бавад̇д̇ад̇ийд̇и д̇ад̇о ан̃н̃ад̣̇аа гаарид̇ам̣ санд̇хааяааха ‘‘агаалад̇хаммассаванам̣ гаарид̇а’’нд̇и. жзд̇ияз чад̇д̇асса хздтаа гаад̇аб̣б̣авзд̣̇игаа чад̇д̇авзд̣̇игаа. жзд̇ияам̣ баригкибид̇ваа бад̣̇агкин̣агаран̣адтаанам̣ анд̇огад̇ваа гаад̇аб̣б̣авзд̣̇игаа будавзд̣̇игаа. жзд̇ияасса гужчим̣ баригкибид̇ваа д̇ам̣ самб̣анд̇хамзва гад̇ваа гаад̇аб̣б̣авзд̣̇игаа гужчивзд̣̇игаа. сийхаруубабаад̣̇агам̣ аасанам̣ сийхаасанам̣. убхосу бассзсу сийхаруубаяуд̇д̇ам̣ собаанам̣ сийхасобаанам̣.
Aṭṭha divaseti pañcamiyā saddhiṃ pakkhe cattāro divase sandhāya vuttaṃ. Yathāvuttesu aṭṭhasu divasesu dhammassavanaṃ nibaddhaṃ tadā pavattatīti tato aññadā kāritaṃ sandhāyāha ‘‘akāladhammassavanaṃ kārita’’nti. Cetiye chattassa heṭṭhā kātabbavedikā chattavedikā. Cetiyaṃ parikkhipitvā padakkhiṇakaraṇaṭṭhānaṃ antokatvā kātabbavedikā puṭavedikā. Cetiyassa kucchiṃ parikkhipitvā taṃ sambandhameva katvā kātabbavedikā kucchivedikā. Sīharūpapādakaṃ āsanaṃ sīhāsanaṃ. Ubhosu passesu sīharūpayuttaṃ sopānaṃ sīhasopānaṃ.
ад̇д̇аманаа хонд̇и анияааманагабхаавад̇о. д̇знзвааха ‘‘махаабун̃н̃з бурагкад̇ваа’’д̇иаад̣̇и. бавааран̣аасан̇г̇ахад̇т̇ааяа саннибад̇ид̇аад̇и взд̣̇ид̇аб̣б̣аа ‘‘д̇ад̣̇ахубосат̇з баннарасз бавааран̣ааяа бун̣н̣ааяа бун̣н̣амааяа рад̇д̇ияаа’’д̇и (д̣̇ий. ни. 2.294) важанад̇о.
Attamanāhonti aniyāmanakabhāvato. Tenevāha ‘‘mahāpuññe purakkhatvā’’tiādi. Pavāraṇāsaṅgahatthāya sannipatitāti veditabbā ‘‘tadahuposathe pannarase pavāraṇāya puṇṇāya puṇṇamāya rattiyā’’ti (dī. ni. 2.294) vacanato.
295. навахи гааран̣зхийд̇и ‘‘ид̇иби со бхаг̇аваа араха’’нд̇иаад̣̇инаа (д̣̇ий. ни. 1.157, 255) вуд̇д̇зхи арахад̇д̇аад̣̇ийхи навахи б̣уд̣̇д̇хаанубхаавад̣̇ийбанзхи гааран̣зхи. д̇хаммасса жаад̇и зд̇т̇а жа-сад̣̇д̣̇о авуд̇д̇асамужжаяад̇т̇од̇и д̇зна самбин̣д̣ид̇амад̇т̇ам̣ д̣̇ассзнд̇о ‘‘уж̇уббадибаннад̇аад̣̇ибхзд̣̇ам̣ сан̇гхасса жа суббадибад̇д̇и’’нд̇и ааха.
295.Navahi kāraṇehīti ‘‘itipi so bhagavā araha’’ntiādinā (dī. ni. 1.157, 255) vuttehi arahattādīhi navahi buddhānubhāvadīpanehi kāraṇehi. Dhammassa cāti ettha ca-saddo avuttasamuccayatthoti tena sampiṇḍitamatthaṃ dassento ‘‘ujuppaṭipannatādibhedaṃ saṅghassa ca suppaṭipatti’’nti āha.
адтаяат̇аабхужжаван̣н̣анаа
Aṭṭhayathābhuccavaṇṇanā
296. яат̇аа ананд̇амзва аанан̃жам̣, бхисаггамзва бхзсаж̇ж̇ам̣ , звам̣ яат̇аабхууд̇аа зва яат̇аабхужжаад̇и баал̣ияам̣ вуд̇д̇анд̇и ааха ‘‘яат̇аабхужжзд̇и яат̇аабхууд̇з’’д̇и. ван̣н̣зд̇аб̣б̣ад̇о гид̇д̇зд̇аб̣б̣ад̇о ван̣н̣аа, г̇ун̣аа. гат̇ам̣ бадибаннод̇и хзд̇уавад̇т̇ааяам̣, палаавад̇т̇ааяам̣, сад̇д̇аанам̣ убагаараа вад̇т̇ааяанд̇и д̇ийсуби авад̇т̇аасу логанаат̇асса б̣ахуж̇анахид̇ааяа бадибад̇д̇ияаа гат̇зд̇угамяад̇аабужчаа. д̇ат̇аа хи нам̣ аад̣̇ид̇о бадтааяа яаава барияосаанаа сан̇кзбзнзва д̣̇ассзнд̇о ‘‘д̣̇ийбан̇гарабаад̣̇амуулз’’д̇иаад̣̇имааха. д̇ад̇т̇а абхинийхарамаанод̇и абхинийхаарам̣ гаронд̇о. яам̣ банзд̇т̇а махаабхинийхаарз, баарамийсу жа вад̇д̇аб̣б̣ам̣, д̇ам̣ б̣рахмаж̇ааладийгааяам̣ (д̣̇ий. ни. дий. 1.7) вуд̇д̇ам̣ зваад̇и д̇ад̇т̇а вуд̇д̇анаязнзва взд̣̇ид̇аб̣б̣ам̣.
296. Yathā anantameva ānañcaṃ, bhisakkameva bhesajjaṃ , evaṃ yathābhūtā eva yathābhuccāti pāḷiyaṃ vuttanti āha ‘‘yathābhucceti yathābhūte’’ti. Vaṇṇetabbato kittetabbato vaṇṇā, guṇā. Kathaṃ paṭipannoti hetuavatthāyaṃ, phalaavatthāyaṃ, sattānaṃ upakārā vatthāyanti tīsupi avatthāsu lokanāthassa bahujanahitāya paṭipattiyā kathetukamyatāpucchā. Tathā hi naṃ ādito paṭṭhāya yāva pariyosānā saṅkhepeneva dassento ‘‘dīpaṅkarapādamūle’’tiādimāha. Tattha abhinīharamānoti abhinīhāraṃ karonto. Yaṃ panettha mahābhinīhāre, pāramīsu ca vattabbaṃ, taṃ brahmajālaṭīkāyaṃ (dī. ni. ṭī. 1.7) vuttaṃ evāti tattha vuttanayeneva veditabbaṃ.
‘‘канд̇иваад̣̇ид̇аабасагаалз’’д̇иаад̣̇и (ж̇аа. 1.канд̇ийваад̣̇ийж̇аад̇ага) хзд̇уавад̇т̇ааяамзва анан̃н̃асаад̇хааран̣ааяа суд̣̇уггарааяа б̣ахуж̇анахид̇ааяа бадибад̇д̇ияаа вибхааванам̣. яат̇аад̇хиббзд̇ам̣ хид̇асукам̣ яааяа гирияааяа винаа на иж̇жхад̇и, сааби д̇ад̣̇ад̇т̇аа зваад̇и д̣̇ассзд̇ум̣ ‘‘д̇усид̇абурз яаавад̇ааяугам̣ д̇идтанд̇обий’’д̇иаад̣̇и вуд̇д̇ам̣.
‘‘Khantivāditāpasakāle’’tiādi (jā. 1.khantīvādījātaka) hetuavatthāyameva anaññasādhāraṇāya sudukkarāya bahujanahitāya paṭipattiyā vibhāvanaṃ. Yathādhippetaṃ hitasukhaṃ yāya kiriyāya vinā na ijjhati, sāpi tadatthā evāti dassetuṃ ‘‘tusitapure yāvatāyukaṃ tiṭṭhantopī’’tiādi vuttaṃ.
д̇хаммажаггаббавад̇д̇анаад̣̇и (сам̣. ни. 5.1081; махаава. 13; бади. ма. 3.30) бана ниб̣б̣ад̇д̇ид̇аа б̣ахуж̇анахид̇ааяа бадибад̇д̇и. ааяусан̇каароссаж̇ж̇анамби ‘‘зд̇д̇агам̣ гаалам̣ д̇идтаамий’’д̇и бавад̇д̇ияаа б̣ахуж̇анахид̇ааяа бадибад̇д̇и. анубаад̣̇исзсааяа ниб̣б̣аанад̇хаад̇уяаа бариниб̣б̣аанавасзна б̣ахуж̇анахид̇ааяа бадибад̇д̇и. д̇знааха ‘‘яаавассаа’’д̇иаад̣̇и. сзсабад̣̇аанийд̇и ‘‘б̣ахуж̇анасукааяаа’’д̇иаад̣̇ийни бад̣̇аани. бажчиманд̇и ‘‘ад̇т̇ааяа хид̇ааяа сукааяаа’’д̇и бад̣̇ад̇д̇аяам̣. буримассаад̇и д̇ад̇о буримасса бад̣̇ад̇д̇аяасса. ад̇т̇од̇и ад̇т̇анид̣̇д̣̇зсо.
Dhammacakkappavattanādi (saṃ. ni. 5.1081; mahāva. 13; paṭi. ma. 3.30) pana nibbattitā bahujanahitāya paṭipatti. Āyusaṅkhārossajjanampi ‘‘ettakaṃ kālaṃ tiṭṭhāmī’’ti pavattiyā bahujanahitāya paṭipatti. Anupādisesāya nibbānadhātuyā parinibbānavasena bahujanahitāya paṭipatti. Tenāha ‘‘yāvassā’’tiādi. Sesapadānīti ‘‘bahujanasukhāyā’’tiādīni padāni. Pacchimanti ‘‘atthāya hitāya sukhāyā’’ti padattayaṃ. Purimassāti tato purimassa padattayassa. Atthoti atthaniddeso.
яад̣̇иби ад̇ийд̇знан̇г̇зна саманнааг̇ад̇аа сад̇т̇ааро ахзсум̣, д̇зби бана б̣уд̣̇д̇хаа зваад̇и ад̇т̇ад̇о амхаагам̣ сад̇т̇аа анан̃н̃од̇и ааха ‘‘ад̇ийд̇зби б̣уд̣̇д̇хад̇о ан̃н̃ам̣ на саманубассаамаа’’д̇и. яат̇аа жа ад̇ийд̇з, звам̣ анааг̇ад̇з жаад̇и аяамад̇т̇о наяад̇о лаб̣бхад̇ийд̇и гад̇ваа вуд̇д̇ам̣ ‘‘анааг̇ад̇зби на саманубассаамаа’’д̇и. сагго бана д̣̇зварааж̇аа д̇амад̇т̇ам̣ ад̇т̇аабаннамзва гад̇ваа ‘‘на банзд̇арахи’’ ижжзвааха. гим̣ сагго гат̇зд̇ийд̇и вижаарзд̇ваад̇и ‘‘нзва ад̇ийд̇ам̣сз саманубассамаа’д̇и вад̣̇анд̇о сагго гим̣ гат̇зд̇ий’’д̇и вижааран̣ам̣ самудтабзд̇ваа. яасмаа ад̇ийд̇з б̣уд̣̇д̇хаа ахзсум̣, анааг̇ад̇з бхависсанд̇ийд̇и нааяамад̇т̇о саггзна д̣̇зварааж̇зна барин̃н̃аад̇о, д̇з бана б̣уд̣̇д̇хасааман̃н̃зна амхаагам̣ бхаг̇авад̇аа сад̣̇д̇хим̣ г̇ахзд̇ваа зд̇арахи ан̃н̃асса саб̣б̣зна саб̣б̣ам̣ абхаавад̇о д̇ат̇аа вуд̇д̇анд̇и д̣̇ассзд̇ум̣ ‘‘зд̇арахий’’д̇иаад̣̇и вуд̇д̇ам̣. сваагкаад̇аад̣̇ийнийд̇и сваагкаад̇абад̣̇аад̣̇ийни. гусалаад̣̇ийнийд̇и ‘‘ид̣̇ам̣ гусала’’нд̇иаад̣̇ийни бад̣̇аани.
Yadipi atītenaṅgena samannāgatā satthāro ahesuṃ, tepi pana buddhā evāti atthato amhākaṃ satthā anaññoti āha ‘‘atītepi buddhato aññaṃ na samanupassāmā’’ti. Yathā ca atīte, evaṃ anāgate cāti ayamattho nayato labbhatīti katvā vuttaṃ ‘‘anāgatepi na samanupassāmā’’ti. Sakko pana devarājā tamatthaṃ atthāpannameva katvā ‘‘na panetarahi’’ iccevāha. Kiṃ sakko kathetīti vicāretvāti ‘‘neva atītaṃse samanupassamā’ti vadanto sakko kiṃ kathetī’’ti vicāraṇaṃ samuṭṭhapetvā. Yasmā atīte buddhā ahesuṃ, anāgate bhavissantīti nāyamattho sakkena devarājena pariññāto, te pana buddhasāmaññena amhākaṃ bhagavatā saddhiṃ gahetvā etarahi aññassa sabbena sabbaṃ abhāvato tathā vuttanti dassetuṃ ‘‘etarahī’’tiādi vuttaṃ. Svākkhātādīnīti svākkhātapadādīni. Kusalādīnīti ‘‘idaṃ kusala’’ntiādīni padāni.
г̇ан̇г̇ааяамунаанам̣ асамааг̇амадтаанз уд̣̇агам̣ бхиннаван̣н̣ам̣ хонд̇амби самааг̇амадтаанз абхиннаван̣н̣ам̣ зваад̇и ааха ‘‘ван̣н̣знаби сам̣санд̣̇ад̇и самзд̇ий’’д̇и. д̇ад̇т̇а гира г̇ан̇г̇од̣̇агасад̣̇исамзва яамунод̣̇агам̣. яат̇аа ниб̣б̣аанам̣ гзнажи гилзсзна анубаггилидтад̇ааяа барисуд̣̇д̇хам̣, звам̣ ниб̣б̣аанаг̇ааминибадибад̣̇ааби гзнажи гилзсзна анубаггилидтад̇ааяа барисуд̣̇д̇хаава ижчид̇аб̣б̣аа. д̇знааха ‘‘на хий’’д̇иаад̣̇и. язна барисуд̣̇д̇хад̇т̇зна ниб̣б̣аанасса, ниб̣б̣аанаг̇ааминияаа бадибад̣̇ааяа жа аагаасуубамад̇аа, со гзнажи анубалзбо, анубаггилзсо жаад̇и ааха ‘‘аагаасамби алаг̇г̇ам̣ барисуд̣̇д̇ха’’нд̇и. ид̣̇аани д̇амад̇т̇ам̣ нид̣̇ассанзна вибхууд̇ам̣ гад̇ваа д̣̇ассзд̇ум̣ ‘‘жанд̣̇имасуурияаана’’нд̇иаад̣̇и вуд̇д̇ам̣. сам̣санд̣̇ад̇и яуж̇ж̇ад̇и бадибаж̇ж̇ид̇аб̣б̣ад̇аабадибаж̇ж̇анзхи ан̃н̃аман̃н̃аанужчавигад̇ааяа.
Gaṅgāyamunānaṃ asamāgamaṭṭhāne udakaṃ bhinnavaṇṇaṃ hontampi samāgamaṭṭhāne abhinnavaṇṇaṃ evāti āha ‘‘vaṇṇenapi saṃsandati sametī’’ti. Tattha kira gaṅgodakasadisameva yamunodakaṃ. Yathā nibbānaṃ kenaci kilesena anupakkiliṭṭhatāya parisuddhaṃ, evaṃ nibbānagāminipaṭipadāpi kenaci kilesena anupakkiliṭṭhatāya parisuddhāva icchitabbā. Tenāha ‘‘na hī’’tiādi. Yena parisuddhatthena nibbānassa, nibbānagāminiyā paṭipadāya ca ākāsūpamatā, so kenaci anupalepo, anupakkileso cāti āha ‘‘ākāsampi alaggaṃ parisuddha’’nti. Idāni tamatthaṃ nidassanena vibhūtaṃ katvā dassetuṃ ‘‘candimasūriyāna’’ntiādi vuttaṃ. Saṃsandati yujjati paṭipajjitabbatāpaṭipajjanehi aññamaññānucchavikatāya.
бадибад̣̇ааяа тид̇аананд̇и бадибад̣̇ам̣ маг̇г̇абадибад̇д̇им̣ бадибаж̇ж̇амаанаанам̣. вусид̇авад̇анд̇и б̣рахмажарияаваасам̣ вусид̇аванд̇аанам̣ зд̇зсам̣. лад̣̇д̇хасахааяод̇и зд̇аасам̣ бадибад̣̇аанам̣ васзна лад̣̇д̇хасахааяо. д̇ад̇т̇а д̇ад̇т̇а саавагзхи сад̇т̇у гаад̇аб̣б̣агижжз. ид̣̇ам̣ бана ‘‘ад̣̇уд̇ияо’’д̇иаад̣̇и суд̇д̇анд̇арз ааг̇ад̇аважанам̣ ан̃н̃зхи асад̣̇исадтзна вуд̇д̇ам̣, на яат̇аавуд̇д̇асахааяаабхаавад̇о. абануж̇ж̇аад̇и абанийяа виваж̇ж̇зд̇ваа. ‘‘абануж̇ж̇аа’’д̇и жа анд̇ог̇ад̇хаавад̇хааран̣ам̣ ид̣̇ам̣ важанам̣ зганд̇игад̇д̇аа д̇асса абанод̣̇ассаад̇и вуд̇д̇ам̣ ‘‘абануж̇ж̇зваа’’д̇и.
Paṭipadāya ṭhitānanti paṭipadaṃ maggapaṭipattiṃ paṭipajjamānānaṃ. Vusitavatanti brahmacariyavāsaṃ vusitavantānaṃ etesaṃ. Laddhasahāyoti etāsaṃ paṭipadānaṃ vasena laddhasahāyo. Tattha tattha sāvakehi satthu kātabbakicce. Idaṃ pana ‘‘adutiyo’’tiādi suttantare āgatavacanaṃ aññehi asadisaṭṭhena vuttaṃ, na yathāvuttasahāyābhāvato. Apanujjāti apanīya vivajjetvā. ‘‘Apanujjā’’ti ca antogadhāvadhāraṇaṃ idaṃ vacanaṃ ekantikattā tassa apanodassāti vuttaṃ ‘‘apanujjevā’’ti.
лаб̣бхад̇ийд̇и лаабхо, со бана уггам̣саг̇ад̇ивиж̇аананзна саад̇исаяо, вибуло зва жа ид̇хаад̇хиббзд̇од̇и ааха ‘‘махаалаабхо уббанно’’д̇и. уссаннабун̃н̃аниссанд̣̇асамуббаннод̇и яат̇аавуд̇д̇агаалам̣ самбхад̇асувибулаул̣аарад̇арабун̃н̃аабхисанд̣̇ад̇о ниб̣б̣ад̇д̇о.‘‘имз ниб̣б̣ад̇д̇аа, ид̇о барам̣ маяхам̣ огаасо над̇т̇ий’’д̇и уссаахаж̇аад̇о вияа убаруубари вад̣дхамаано уд̣̇абаад̣̇и. саб̣б̣ад̣̇исаасу хи яамагамахаамзгхо удтахид̇ваа махаамзгхам̣ вияа саб̣б̣абаарамияо ‘‘згасмим̣ ад̇д̇абхаавз вибаагам̣ д̣̇ассаамаа’’д̇и самбин̣д̣ид̇аа вияа бхаг̇авад̇о ид̣̇ам̣ лаабхасаггаарасилогам̣ ниб̣б̣ад̇д̇аяим̣су, д̇ад̇о аннабаанавад̇т̇аяаанамаалааг̇анд̇хавилзбанаад̣̇ихад̇т̇аа кад̇д̇ияаб̣раахман̣аад̣̇аяо убаг̇анд̇ваа ‘‘гахам̣ б̣уд̣̇д̇хо, гахам̣ бхаг̇аваа, гахам̣ д̣̇звад̣̇зво, гахам̣ нараасабхо, гахам̣ бурисасийхо’’д̇и бхаг̇аванд̇ам̣ бариязсанд̇и, сагадасад̇зхиби бажжаяз аахарид̇ваа огаасам̣ алабхамаанаа саманд̇аа г̇аавуд̇аббамаан̣амби сагадад̇хурзна сагадад̇хурам̣ аахажжа д̇идтанд̇и жзва ануб̣анд̇ханд̇и жа анд̇хагавинд̣̇аб̣раахман̣аад̣̇аяо вияа. саб̣б̣ам̣ канд̇хагз, д̇зсу д̇зсу жа суд̇д̇зсу ааг̇ад̇анаязна взд̣̇ид̇аб̣б̣ам̣. д̇знааха ‘‘лаабхасаггааро махогхо вияаа’’д̇иаад̣̇и.
Labbhatīti lābho, so pana ukkaṃsagativijānanena sātisayo, vipulo eva ca idhādhippetoti āha ‘‘mahālābho uppanno’’ti. Ussannapuññanissandasamuppannoti yathāvuttakālaṃ sambhatasuvipulauḷāratarapuññābhisandato nibbatto.‘‘Ime nibbattā, ito paraṃ mayhaṃ okāso natthī’’ti ussāhajāto viya uparūpari vaḍḍhamāno udapādi. Sabbadisāsu hi yamakamahāmegho uṭṭhahitvā mahāmeghaṃ viya sabbapāramiyo ‘‘ekasmiṃ attabhāve vipākaṃ dassāmā’’ti sampiṇḍitā viya bhagavato idaṃ lābhasakkārasilokaṃ nibbattayiṃsu, tato annapānavatthayānamālāgandhavilepanādihatthā khattiyabrāhmaṇādayo upagantvā ‘‘kahaṃ buddho, kahaṃ bhagavā, kahaṃ devadevo, kahaṃ narāsabho, kahaṃ purisasīho’’ti bhagavantaṃ pariyesanti, sakaṭasatehipi paccaye āharitvā okāsaṃ alabhamānā samantā gāvutappamāṇampi sakaṭadhurena sakaṭadhuraṃ āhacca tiṭṭhanti ceva anubandhanti ca andhakavindabrāhmaṇādayo viya. Sabbaṃ khandhake, tesu tesu ca suttesu āgatanayena veditabbaṃ. Tenāha ‘‘lābhasakkāro mahogho viyā’’tiādi.
бадибаадибхад̇д̇анд̇и б̣ахуусу ‘‘д̣̇аанам̣ д̣̇ассаамаа’’д̇и аахадабадибаадигааяа удтид̇зсу анубадибаадияаа д̣̇аад̇аб̣б̣а бхад̇д̇ам̣.
Paṭipāṭibhattanti bahūsu ‘‘dānaṃ dassāmā’’ti āhaṭapaṭipāṭikāya uṭṭhitesu anupaṭipāṭiyā dātabba bhattaṃ.
мад̇т̇агам̣ бад̇д̇о анан̃н̃асаад̇хааран̣ад̇д̇аа д̇асса д̣̇аанасса. убааяам̣ аажигки нааг̇араанам̣ асаггун̣зяяаруубзна д̣̇аанам̣ д̣̇аабзд̇ум̣. саалагаляаан̣иругкаа рааж̇абариг̇г̇ахаа ан̃н̃зхи асаад̇хааран̣аа, д̇асмаа д̇зсам̣ бад̣̇арзхи ман̣д̣або гаарид̇о, хад̇т̇ино жа рааж̇абхан̣д̣абхууд̇аа нааг̇арзхи на саггаа лад̣̇д̇хунд̇и д̇зхи чад̇д̇ам̣ д̇хаараабид̇ам̣, д̇ат̇аа кад̇д̇ияад̇хийд̇аахи взяяааважжам̣ гаарид̇ам̣. ‘‘бан̃жа аасанасад̇ааний’’д̇и ид̣̇ам̣ саалагаляаан̣иман̣д̣абз бан̃н̃ад̇д̇з санд̇хааяа вуд̇д̇ам̣, д̇ад̇о б̣ахи бана б̣ахууни бан̃н̃ад̇д̇аани ахзсум̣ . жад̇уж̇ж̇аад̇ияаг̇анд̇хам̣ бисад̇и б̣уд̣̇д̇хаббамукасса сан̇гхасса бууж̇анад̇т̇ан̃жзва бад̇д̇асса уб̣б̣аданад̇т̇ан̃жа. уд̣̇аганд̇и бад̇д̇ад̇хованауд̣̇агам̣. анаг̇гхаани ахзсум̣ анаг̇гхарад̇анаабхисан̇кад̇ад̇д̇аа.
Matthakaṃ patto anaññasādhāraṇattā tassa dānassa. Upāyaṃ ācikkhi nāgarānaṃ asakkuṇeyyarūpena dānaṃ dāpetuṃ. Sālakalyāṇirukkhā rājapariggahā aññehi asādhāraṇā, tasmā tesaṃ padarehi maṇḍapo kārito, hatthino ca rājabhaṇḍabhūtā nāgarehi na sakkā laddhunti tehi chattaṃ dhārāpitaṃ, tathā khattiyadhītāhi veyyāvaccaṃ kāritaṃ. ‘‘Pañca āsanasatānī’’ti idaṃ sālakalyāṇimaṇḍape paññatte sandhāya vuttaṃ, tato bahi pana bahūni paññattāni ahesuṃ . Catujjātiyagandhaṃ pisati buddhappamukhassa saṅghassa pūjanatthañceva pattassa ubbaṭanatthañca. Udakanti pattadhovanaudakaṃ. Anagghāni ahesuṃ anaggharatanābhisaṅkhatattā.
сад̇д̇ад̇хаа муд̣̇д̇хаа палиссад̇и анаад̣̇арагааран̣аад̣̇инаа. гаал̣ам̣ ологзссаамийд̇и гаал̣ам̣ звам̣ анубзгкиссаами, д̇асса уббаж̇ж̇анагам̣ анад̇т̇ам̣ барихариссаамийд̇и ад̇т̇о.
Sattadhā muddhā phalissati anādarakāraṇādinā. Kāḷaṃ olokessāmīti kāḷaṃ evaṃ anupekkhissāmi, tassa uppajjanakaṃ anatthaṃ pariharissāmīti attho.
гад̣̇арияаад̇и т̇ад̣̇д̇хамажчарино бун̃н̃агаммавимукаа. д̣̇звалогам̣ на важ̇анд̇и бун̃н̃асса агад̇ад̇д̇аа, мажчарибхаавзна жа баабасса басуд̇ад̇д̇аа. б̣аалаад̇и д̣̇ужжинд̇ид̇ажинд̇анаад̣̇инаа б̣аалалагкан̣аяуд̇д̇аа. наббасам̣санд̇и д̣̇аанам̣ басам̣сид̇умби на висаханд̇и. д̇хийрод̇и д̇хийд̇исамбанно ул̣аарабан̃н̃о барзхи гад̇ам̣ д̣̇аанам̣ анумод̣̇амааноби, д̇знзва д̣̇аанаанумод̣̇анзнзва. сукий барад̇т̇аад̇и баралогз гааяигажзд̇асигасукасаман̇г̇ий ход̇и.
Kadariyāti thaddhamaccharino puññakammavimukhā. Devalokaṃ na vajanti puññassa akatattā, maccharibhāvena ca pāpassa pasutattā. Bālāti duccintitacintanādinā bālalakkhaṇayuttā. Nappasaṃsanti dānaṃ pasaṃsitumpi na visahanti. Dhīroti dhītisampanno uḷārapañño parehi kataṃ dānaṃanumodamānopi, teneva dānānumodaneneva. Sukhī paratthāti paraloke kāyikacetasikasukhasamaṅgī hoti.
варарож̇о наама д̇асмим̣ гаалз зго кад̇д̇ияо, д̇асса варарож̇асса. анаваж̇ж̇а…бз… палзяяа абхууд̇аваад̣̇ибхаавад̇од̇и ад̇хиббааяо. ад̇ирзгабад̣̇асахассзна д̇им̣саад̇хигзна ад̣дхад̇зяяаг̇аат̇аасад̇зна ван̣н̣амзва гат̇зси руубаббасаннад̇ааяа жа.
Vararojo nāma tasmiṃ kāle eko khattiyo, tassa vararojassa. Anavajja…pe… phaleyya abhūtavādibhāvatoti adhippāyo. Atirekapadasahassena tiṃsādhikena aḍḍhateyyagāthāsatena vaṇṇameva kathesi rūpappasannatāya ca.
яаава ман̃н̃з кад̇д̇ияаад̇и зд̇т̇а яааваад̇и авад̇хибарижчзд̣̇аважанам̣, ан̃н̃зд̇и нибаад̇амад̇д̇ам̣, яаава кад̇д̇ияаа кад̇д̇ияз авад̇хим̣ гад̇ваа саб̣б̣з д̣̇звамануссаад̇и ад̇хиббааяо. д̇знааха ‘‘кад̇д̇ияаа б̣раахман̣аа’’д̇иаад̣̇и. мад̣̇абамад̇д̇од̇и лаабхасаггаарасилогамад̣̇зна бамад̇д̇о жзва д̇ад̣̇анваязна бамаад̣̇зна бамад̇д̇о жа худ̇ваа.
Yāva maññe khattiyāti ettha yāvāti avadhiparicchedavacanaṃ, aññeti nipātamattaṃ, yāva khattiyā khattiye avadhiṃ katvā sabbe devamanussāti adhippāyo. Tenāha ‘‘khattiyā brāhmaṇā’’tiādi. Madapamattoti lābhasakkārasilokamadena pamatto ceva tadanvayena pamādena pamatto ca hutvā.
д̇ад̣̇анваяамзваад̇и д̇ад̣̇ануг̇ад̇амзва. ваажаа…бз… самзд̇ийд̇и важийгаммагааяагаммаани ан̃н̃аман̃н̃ам̣ авируд̣̇д̇хаани, ан̃н̃ад̣̇ад̇т̇у сам̣санд̣̇анд̇и. аж̇аа зва миг̇аад̇и аж̇аамиг̇аа, д̇з аж̇аамиг̇з.
Tadanvayamevāti tadanugatameva. Vācā…pe… sametīti vacīkammakāyakammāni aññamaññaṃ aviruddhāni, aññadatthu saṃsandanti. Ajā eva migāti ajāmigā, te ajāmige.
д̇ин̣н̣авижигижчо саб̣б̣асо ад̇игганд̇авижигижчааганд̇ааро . нану жа саб̣б̣зби сод̇аабаннаа д̇ин̣н̣авижигижчаа, виг̇ад̇агат̇ам̣гат̇аа жа? сажжамзд̇ам̣, ид̣̇ам̣ бана на д̇аад̣̇исам̣ д̇ин̣н̣авижигижчад̇ам̣ санд̇хааяа вуд̇д̇ам̣, ат̇а ко саб̣б̣асмим̣ н̃зяяад̇хаммз саб̣б̣аагаарааваб̣од̇хасан̇каад̇асаннидтаанавасзна саб̣б̣асо нираагад̇ам̣ санд̇хааяаад̇и д̣̇ассзнд̇о ‘‘яат̇аа хий’’д̇и аад̣̇имааха. уссаннуссаннад̇д̇аад̇и баробарабхаавад̇о, аяан̃жа ад̇т̇о бхаг̇авад̇о анзгад̇хаад̇унаанаад̇хаад̇ун̃аан̣аб̣алзнаби иж̇жхад̇и. саб̣б̣ад̇т̇а виг̇ад̇агат̇ам̣гат̇о саб̣б̣ад̣̇ассаавибхаавад̇о. саб̣б̣зсам̣ барамад̇т̇ад̇хаммаанам̣ сажжаабхисамаяавасзна бадивид̣̇д̇хад̇д̇аа вуд̇д̇ам̣ ‘‘вохааравасзнаа’’д̇и ваа наамаг̇од̇д̇аад̣̇ивасзнаад̇и ад̇т̇о.
Tiṇṇavicikiccho sabbaso atikkantavicikicchākantāro . Nanu ca sabbepi sotāpannā tiṇṇavicikicchā, vigatakathaṃkathā ca? Saccametaṃ, idaṃ pana na tādisaṃ tiṇṇavicikicchataṃ sandhāya vuttaṃ, atha kho sabbasmiṃ ñeyyadhamme sabbākārāvabodhasaṅkhātasanniṭṭhānavasena sabbaso nirākataṃ sandhāyāti dassento ‘‘yathā hī’’ti ādimāha. Ussannussannattāti paroparabhāvato, ayañca attho bhagavato anekadhātunānādhātuñāṇabalenapi ijjhati. Sabbattha vigatakathaṃkatho sabbadassāvibhāvato. Sabbesaṃ paramatthadhammānaṃ saccābhisamayavasena paṭividdhattā vuttaṃ ‘‘vohāravasenā’’ti vā nāmagottādivasenāti attho.
барияосид̇асан̇габбод̇и саб̣б̣асо нидтид̇аманорат̇о. нану жа арияамаг̇г̇зна барияосид̇асан̇габбад̇аа наама сол̣асагижжасид̣̇д̇хияаа гад̇агаран̣ийяабхаавзна, на саб̣б̣ан̃зяяад̇хаммааваб̣од̇хзнаад̇и жод̣̇анам̣ санд̇хааяааха ‘‘буб̣б̣з анануссуд̇зсуу’’д̇иаад̣̇и. саавагаанам̣ саавагабаарамин̃аан̣ам̣ вияа, хи бажжзгаб̣уд̣̇д̇хаанам̣ бажжзгаб̣од̇хин̃аан̣ам̣ вияа жа саммаасамб̣уд̣̇д̇хаанам̣ саб̣б̣ан̃н̃уд̇ан̃н̃аан̣ам̣ жад̇усажжаабхисамб̣од̇хабуб̣б̣агамзваад̇и. анануссуд̇зсууд̇и на ануссуд̇зсу. сааманд̇и саяамзва. бад̣̇ад̣̇ваязнааби барад̇о гхосзна винаад̇и д̣̇ассзд̇и. д̇ад̇т̇аад̇и нимид̇д̇ад̇т̇з бхуммам̣, сажжаабхисамб̣од̇ханимид̇д̇анд̇и ад̇т̇о. сажжаабхисамб̣од̇хо жа аг̇г̇амаг̇г̇авасзнаад̇и д̣̇адтаб̣б̣ам̣. б̣алзсу жа васийбхааванд̇и д̣̇асаннам̣ б̣алан̃аан̣аанам̣ яат̇ааружи бавад̇д̇и. ж̇аад̇ад̇д̇аа ж̇аад̇аад̇и саммаасамб̣уд̣̇д̇хз вад̣̇ад̇и.
Pariyositasaṅkappoti sabbaso niṭṭhitamanoratho. Nanu ca ariyamaggena pariyositasaṅkappatā nāma soḷasakiccasiddhiyā katakaraṇīyabhāvena, na sabbañeyyadhammāvabodhenāti codanaṃ sandhāyāha ‘‘pubbeananussutesū’’tiādi. Sāvakānaṃ sāvakapāramiñāṇaṃ viya, hi paccekabuddhānaṃ paccekabodhiñāṇaṃ viya ca sammāsambuddhānaṃ sabbaññutaññāṇaṃ catusaccābhisambodhapubbakamevāti. Ananussutesūti na anussutesu. Sāmanti sayameva. Padadvayenāpi parato ghosena vināti dasseti. Tatthāti nimittatthe bhummaṃ, saccābhisambodhanimittanti attho. Saccābhisambodho ca aggamaggavasenāti daṭṭhabbaṃ. Balesu ca vasībhāvanti dasannaṃ balañāṇānaṃ yathāruci pavatti. Jātattā jātāti sammāsambuddhe vadati.
297. д̇ад̇т̇а д̇ад̇т̇а рааж̇ад̇хааниаад̣̇игз ниб̣ад̣̇д̇хаваасам̣ васанд̇о. д̇ийсу ман̣д̣алзсу яат̇аагаалам̣ жааригам̣ жаранд̇о.
297. Tattha tattha rājadhāniādike nibaddhavāsaṃ vasanto. Tīsu maṇḍalesu yathākālaṃ cārikaṃ caranto.
298. ассаад̇и паласса. д̇анд̇и гааран̣ам̣. д̣̇виннамби згад̇о уббад̇д̇ияаа гааран̣ам̣ над̇т̇и, баг̇зва д̇ин̣н̣ам̣, жад̇уннам̣ ваад̇и. ‘‘зд̇т̇а жаа’’д̇иаад̣̇и ‘‘згиссаа логад̇хаад̇уяаа’’д̇и вуд̇д̇алогад̇хаад̇уяаа бамаан̣абарижчзд̣̇ад̣̇ассанад̇т̇ам̣ аарад̣̇д̇хам̣.
298.Assāti phalassa. Tanti kāraṇaṃ. Dvinnampi ekato uppattiyā kāraṇaṃ natthi, pageva tiṇṇaṃ, catunnaṃ vāti. ‘‘Ettha cā’’tiādi ‘‘ekissā lokadhātuyā’’ti vuttalokadhātuyā pamāṇaparicchedadassanatthaṃ āraddhaṃ.
яаавад̇аад̇и яад̇д̇агзна таанзна. барихаранд̇ийд̇и синзрум̣ баригкибанд̇аа баривад̇д̇анд̇и. д̣̇исаад̇и д̣̇исаасу, бхуммад̇т̇з зд̇ам̣ бажжад̇д̇аважанам̣. бханд̇и д̣̇иб̣б̣анд̇и. вирожанаад̇и обхаасанд̇аа, вирожанаа ваа собхамаанаа жанд̣̇имасуурияаа бханд̇и, д̇ад̇о зва д̣̇исаа жа бханд̇и. д̇аава сахассад̇хаад̇и д̇ад̇д̇аго сахассалого.
Yāvatāti yattakena ṭhānena. Pariharantīti sineruṃ parikkhipantā parivattanti. Disāti disāsu, bhummatthe etaṃ paccattavacanaṃ. Bhanti dibbanti. Virocanāti obhāsantā, virocanā vā sobhamānā candimasūriyā bhanti, tato eva disā ca bhanti.Tāva sahassadhāti tattako sahassaloko.
зд̇д̇аганд̇и имам̣ жаггаваал̣ам̣ маж̇жхз гад̇ваа иминаава сад̣̇д̇хим̣ жаггаваал̣ам̣ д̣̇асасахассам̣. яам̣ банзд̇т̇а вад̇д̇аб̣б̣ам̣, д̇ам̣ махаабад̣̇аанаван̣н̣анааяам̣ вуд̇д̇амзва. на бан̃н̃ааяад̇ийд̇и д̇ийсу бидагзсу анааг̇ад̇ад̇д̇аа.
Ettakanti imaṃ cakkavāḷaṃ majjhe katvā imināva saddhiṃ cakkavāḷaṃ dasasahassaṃ. Yaṃ panettha vattabbaṃ, taṃ mahāpadānavaṇṇanāyaṃ vuttameva. Na paññāyatīti tīsu piṭakesu anāgatattā.
санан̇гумаарагат̇ааван̣н̣анаа
Sanaṅkumārakathāvaṇṇanā
300. ван̣н̣знаад̇и руубасамбад̇д̇ияаа. сувин̃н̃зяяад̇д̇аа д̇ам̣ анаамасид̇ваа яасасад̣̇д̣̇ассзва ад̇т̇амааха. алан̇гаарабариваарзнаад̇и алан̇гаарзна жа бариваарзна жа. бун̃н̃асирияаад̇и бун̃н̃ид̣̇д̇хияаа.
300.Vaṇṇenāti rūpasampattiyā. Suviññeyyattā taṃ anāmasitvā yasasaddasseva atthamāha. Alaṅkāraparivārenāti alaṅkārena ca parivārena ca. Puññasiriyāti puññiddhiyā.
301. самбасаад̣̇анзд̇и самбасаад̣̇аж̇ананз. сам̣буб̣б̣о каа-сад̣̇д̣̇о ж̇аананад̇т̇о ‘‘сан̇кааязд̇ам̣ бадисзвад̇ий’’д̇иаад̣̇ийсу (ма. ни. 2.168) вияаад̇и ааха ‘‘ж̇аанид̇ваа мод̣̇аамаа’’д̇и.
301.Sampasādaneti sampasādajanane. Saṃpubbo khā-saddo jānanattho ‘‘saṅkhāyetaṃ paṭisevatī’’tiādīsu (ma. ni. 2.168) viyāti āha ‘‘jānitvā modāmā’’ti.
г̇овинд̣̇аб̣раахман̣авад̇т̇уван̣н̣анаа
Govindabrāhmaṇavatthuvaṇṇanā
304. яаава д̣̇ийгхарад̇д̇анд̇и яаава баримаан̣ад̇о, абаримид̇агаалабарид̣̇ийбанамзд̇анд̇и ааха ‘‘зд̇д̇аганд̇и…бз… ад̇ижирарад̇д̇а’’нд̇и. махаабан̃н̃ова со бхаг̇аваад̇и д̇зна б̣рахмунаа анумад̇ибужчаавасзна д̣̇зваанам̣ вуд̇д̇анд̇и д̣̇ассзнд̇о ‘‘махаабан̃н̃ова со бхаг̇аваа. нод̇и гат̇ам̣ д̇умхз ман̃н̃ат̇аа’’д̇и ааха. саяамзвзд̇ам̣ бан̃хам̣ б̣яаагаад̇угаамо ‘‘бхууд̇абуб̣б̣ам̣ бхо’’д̇и аад̣̇им̣ аахаад̇и самб̣анд̇хо. звам̣ бана б̣яаагаронд̇зна ад̇т̇ад̇о аяамби ад̇т̇о вуд̇д̇о наама ход̇ийд̇и д̣̇ассзнд̇о ‘‘анажчарияамзд̇а’’нд̇и аад̣̇имааха. д̇ин̣н̣ам̣ маараананд̇и гилзсаабхисан̇каарад̣̇звабуд̇д̇амаараанам̣. ‘‘анажчарияамзд̇а’’нд̇и вуд̇д̇амзвад̇т̇ам̣ ниг̇аманавасзна ‘‘гимзд̇т̇а ажчарияа’’нд̇и бунаби вуд̇д̇ам̣.
304.Yāvadīgharattanti yāva parimāṇato, aparimitakālaparidīpanametanti āha ‘‘ettakanti…pe… aticiraratta’’nti. Mahāpaññova so bhagavāti tena brahmunā anumatipucchāvasena devānaṃ vuttanti dassento ‘‘mahāpaññova so bhagavā. Noti kathaṃ tumhe maññathā’’ti āha. Sayamevetaṃ pañhaṃ byākātukāmo ‘‘bhūtapubbaṃ bho’’ti ādiṃ āhāti sambandho. Evaṃ pana byākarontena atthato ayampi attho vutto nāma hotīti dassento ‘‘anacchariyameta’’nti ādimāha. Tiṇṇaṃ mārānanti kilesābhisaṅkhāradevaputtamārānaṃ. ‘‘Anacchariyameta’’nti vuttamevatthaṃ nigamanavasena ‘‘kimettha acchariya’’nti punapi vuttaṃ.
ран̃н̃о д̣̇идтад̇хаммигасамбарааяигаад̇т̇аанам̣ буро д̇хаанад̇о бурз бурз сам̣вид̇хаанад̇о бурохид̇од̇и ааха ‘‘саб̣б̣агижжаани анусаасанабурохид̇о’’д̇и. г̇овинд̣̇ияаабхисзгзнаад̇и г̇овинд̣̇асса таанз табанаабхисзгзна. д̇ам̣ гира д̇асса б̣раахман̣асса гулабарамбарааг̇ад̇ам̣ таананд̇арам̣. ж̇од̇ид̇ад̇д̇аад̇и аавуд̇хаанам̣ ж̇од̇ид̇ад̇д̇аа. бааланасамад̇т̇ад̇ааяаад̇и ран̃н̃о, абаримид̇асса жа сад̇д̇агааяасса анад̇т̇ад̇о барибааланасамад̇т̇ад̇ааяа.
Rañño diṭṭhadhammikasamparāyikaatthānaṃ puro dhānato pure pure saṃvidhānato purohitoti āha ‘‘sabbakiccānianusāsanapurohito’’ti. Govindiyābhisekenāti govindassa ṭhāne ṭhapanābhisekena. Taṃ kira tassa brāhmaṇassa kulaparamparāgataṃ ṭhānantaraṃ. Jotitattāti āvudhānaṃ jotitattā. Pālanasamatthatāyāti rañño, aparimitassa ca sattakāyassa anatthato paripālanasamatthatāya.
саммаа воссаж̇ж̇ид̇ваад̇и судту д̇ассзвааг̇ааравабхаавзна виссаж̇ж̇ид̇ваа нияяаад̇зд̇ваа. д̇ам̣ д̇амад̇т̇ам̣ гижжам̣ бассад̇ийд̇и ад̇т̇ад̣̇асо.
Sammā vossajjitvāti suṭṭhu tassevāgāravabhāvena vissajjitvā niyyātetvā. Taṃ tamatthaṃ kiccaṃ passatīti atthadaso.
305. бхаванам̣ вад̣дханам̣ бхаво, бхавад̇и зд̇знаад̇и ваа бхаво, вад̣дхигааран̣ам̣ санд̇хивасзна ма-гаарааг̇амо, о-гаарасса жа а-гаараад̣̇зсам̣ гад̇ваа ‘‘бхавамад̇т̇уу’’д̇и вуд̇д̇ам̣. бхаванд̇ам̣ ж̇од̇ибааланд̇и бана саамиад̇т̇з убаяог̇аважананд̇и ааха ‘‘бход̇о’’д̇и. маа бажжаб̣яаахаасийд̇и маа бадигкибийд̇и ад̇т̇о. со бана бадигкзбо бадиважанам̣ ход̇ийд̇и ааха ‘‘маа бадиб̣яаахаасий’’д̇и. абхисамбхосийд̇и гамманд̇аанам̣ сам̣вид̇хаанз самад̇т̇о ход̇ийд̇и ааха ‘‘сам̣вид̣̇ахид̇ваа’’д̇и. бхаваабхавам̣, бан̃н̃ан̃жа винд̣̇и бадилабхийд̇и г̇овинд̣̇о, маханд̇о г̇овинд̣̇о махааг̇овинд̣̇о. ‘‘г̇о’’д̇и хи бан̃н̃ааязд̇ам̣ ад̇хиважанам̣ г̇ажчад̇и ад̇т̇з б̣уж̇жхад̇ийд̇и.
305. Bhavanaṃ vaḍḍhanaṃ bhavo, bhavati etenāti vā bhavo, vaḍḍhikāraṇaṃ sandhivasena ma-kārāgamo, o-kārassa ca a-kārādesaṃ katvā ‘‘bhavamatthū’’ti vuttaṃ. Bhavantaṃ jotipālanti pana sāmiatthe upayogavacananti āha ‘‘bhoto’’ti. Mā paccabyāhāsīti mā paṭikkhipīti attho. So pana paṭikkhepo paṭivacanaṃ hotīti āha ‘‘mā paṭibyāhāsī’’ti. Abhisambhosīti kammantānaṃ saṃvidhāne samattho hotīti āha ‘‘saṃvidahitvā’’ti. Bhavābhavaṃ, paññañca vindi paṭilabhīti govindo, mahanto govindo mahāgovindo. ‘‘Go’’ti hi paññāyetaṃ adhivacanaṃ gacchati atthe bujjhatīti.
раж̇ж̇асам̣вибхаж̇анаван̣н̣анаа
Rajjasaṃvibhajanavaṇṇanā
306. згабид̇игаа взмаад̇угаа ганидтабхаад̇аро. аяам̣ абхисид̇д̇од̇и аяам̣ рзн̣у рааж̇агумааро бид̇у ажжаязна раж̇ж̇з абхисид̇д̇о. рааж̇агаарагаад̇и рааж̇абуд̇д̇ам̣ раж̇ж̇з бад̇идтаабзд̇ааро.
306.Ekapitikā vemātukā kaniṭṭhabhātaro. Ayaṃ abhisittoti ayaṃ reṇu rājakumāro pitu accayena rajje abhisitto. Rājakārakāti rājaputtaṃ rajje patiṭṭhāpetāro.
307. мад̣̇знд̇ийд̇и мад̣̇анийяаад̇и гад̇д̇усаад̇ханад̇ам̣ д̣̇ассзнд̇о ‘‘мад̣̇агараа’’д̇и ааха. мад̣̇агаран̣ам̣ бана бамаад̣̇асса висзсагааран̣анд̇и вуд̇д̇ам̣ ‘‘бамаад̣̇агараа’’д̇и.
307. Madentīti madanīyāti kattusādhanataṃ dassento ‘‘madakarā’’ti āha. Madakaraṇaṃ pana pamādassa visesakāraṇanti vuttaṃ ‘‘pamādakarā’’ti.
308. рзн̣усса раж̇ж̇асамийбз д̣̇асаг̇аавуд̇амад̇д̇авид̇т̇ад̇аани худ̇ваа абарабхааг̇з д̇ияож̇анасад̇ам̣ вид̇т̇ад̇ад̇д̇аа саб̣б̣аани ча раж̇ж̇аани сагадамукаани бадтабзси. вид̇аанасад̣̇исам̣ жад̇урассабхаавад̇о.
308. Reṇussa rajjasamīpe dasagāvutamattavitthatāni hutvā aparabhāge tiyojanasataṃ vitthatattā sabbāni cha rajjāni sakaṭamukhāni paṭṭhapesi. Vitānasadisaṃ caturassabhāvato.
310. сахаад̇и г̇аат̇ааяа бад̣̇абарибууран̣ад̇т̇ам̣ вуд̇д̇ам̣. д̇асса ад̇т̇ам̣ д̣̇ассзнд̇о ‘‘д̇знзва сахаа’’д̇и ааха. сахаад̇и ваа авинаабхаавад̇т̇з нибаад̇о, со саха аасум̣ сад̇д̇а бхаарад̇хаад̇и яож̇зд̇аб̣б̣о, д̇зна д̇з д̣̇зсанд̇арз васанд̇аа вижид̇д̇зна сахабхаавино авинаабхаавинод̇и д̣̇ийбзд̇и. раж̇ж̇абхаарам̣ д̇хаарзнд̇и ад̇д̇ани ааробзнд̇и ваханд̇ийд̇и бхаарад̇хаа.
310.Sahāti gāthāya padaparipūraṇatthaṃ vuttaṃ. Tassa atthaṃ dassento ‘‘teneva sahā’’ti āha. Sahāti vā avinābhāvatthe nipāto, so saha āsuṃ satta bhāradhāti yojetabbo, tena te desantare vasantā vicittena sahabhāvino avinābhāvinoti dīpeti. Rajjabhāraṃ dhārenti attani āropenti vahantīti bhāradhā.
батамабхаан̣аваараван̣н̣анаа нидтид̇аа.
Paṭhamabhāṇavāravaṇṇanā niṭṭhitā.
гид̇д̇исад̣̇д̣̇ааб̣бхуг̇г̇аманаван̣н̣анаа
Kittisaddaabbhuggamanavaṇṇanā
311. анубурохид̇з табзсийд̇и анубурохид̇з гад̇ваа табзси, анубурохид̇з ваа таанз табзси. д̇исаванам̣ гаронд̇з санд̇хааяа ‘‘д̣̇ивасасса д̇игкад̇д̇у’’нд̇и вуд̇д̇ам̣. д̣̇вийсу санд̇хийсу саванам̣ гаронд̇з санд̇хааяа ‘‘сааяам̣, баад̇о ваа’’д̇и вуд̇д̇ам̣. д̇ад̇о бадтааяаад̇и вад̇ажарияам̣ мад̇т̇агам̣ баабзд̇ваа нхаад̇агаалад̇о бабхуд̇и.
311.Anupurohite ṭhapesīti anupurohite katvā ṭhapesi, anupurohite vā ṭhāne ṭhapesi. Tisavanaṃ karonte sandhāya ‘‘divasassa tikkhattu’’nti vuttaṃ. Dvīsu sandhīsu savanaṃ karonte sandhāya ‘‘sāyaṃ, pāto vā’’ti vuttaṃ. Tato paṭṭhāyāti vatacariyaṃ matthakaṃ pāpetvā nhātakālato pabhuti.
312. абхиуг̇г̇ажчийд̇и удтахи уд̣̇абаад̣̇и. ажинд̇зд̇ваад̇и ‘‘гат̇ам̣ ко ахам̣ б̣рахмунаа сад̣̇д̇хим̣ манд̇зяяа’’нд̇и ажинд̇зд̇ваа звам̣ жид̇д̇амби ануббаад̣̇зд̇ваа. д̇зна самааг̇аманассзва абхаавад̇о аманд̇зд̇ваа. д̇ам̣ д̣̇исваад̇и д̇ам̣ гарун̣ааб̣рахмавихаарабхааванам̣ б̣рахмад̣̇ассануубааяам̣ д̣̇исваа н̃аан̣ажагкунаа.
312.Abhiuggacchīti uṭṭhahi udapādi. Acintetvāti ‘‘kathaṃ kho ahaṃ brahmunā saddhiṃ manteyya’’nti acintetvā evaṃ cittampi anuppādetvā. Tena samāgamanasseva abhāvato amantetvā. Taṃ disvāti taṃ karuṇābrahmavihārabhāvanaṃ brahmadassanūpāyaṃ disvā ñāṇacakkhunā.
313. званд̇и звам̣ ран̃н̃о аарожзд̇ваа бадисаллаанам̣ убаг̇ад̇з. саб̣б̣ад̇т̇аад̇и саб̣б̣зсу чаннам̣ кад̇д̇ияаанам̣, сад̇д̇аннам̣ б̣раахман̣амахаасаалаанам̣ , сад̇д̇аннам̣ наадагасад̇аанам̣, жад̇д̇аарийсааяа жа бхарияаанам̣ аабужчанаваарзсу.
313.Evanti evaṃ rañño ārocetvā paṭisallānaṃ upagate. Sabbatthāti sabbesu channaṃ khattiyānaṃ, sattannaṃ brāhmaṇamahāsālānaṃ , sattannaṃ nāṭakasatānaṃ, cattārīsāya ca bhariyānaṃ āpucchanavāresu.
316. саад̣̇исияод̇и ж̇аад̇ияаа саад̣̇исияод̇и ааха ‘‘самаван̣н̣аа самаж̇аад̇игаа’’д̇и.
316.Sādisiyoti jātiyā sādisiyoti āha ‘‘samavaṇṇā samajātikā’’ti.
317. сант̇ааг̇ааранд̇и жхаанаманасигаарзна б̣ахи висадавид̇аггавуубасаманзна жид̇д̇асса сант̇амбханам̣ аг̇аарам̣, жхаанасааланд̇и ад̇т̇о. г̇ахид̇ааваад̇и бхааванаануяог̇зна махаасад̇д̇зна ад̇д̇ано жид̇д̇асанд̇аанз уббаад̣̇анавасзна г̇ахид̇аа зва. над̇т̇и жхаанзнзва вигкамбхид̇ад̇д̇аа. висзсад̇о хисса гарун̣ааяа бхаавид̇ад̇д̇аа анабхирад̇и угган̣танаа над̇т̇и, мзд̇д̇ааяа бхаавид̇ад̇д̇аа бхаяабарид̇ассанаа над̇т̇и. угган̣танаад̇и бана б̣рахмад̣̇ассанз уссуггам̣, барид̇ассанаад̇и д̇ад̣̇абхибад̇т̇анаад̇и ааха ‘‘б̣рахмуно банаа’’д̇иаад̣̇и.
317.Santhāgāranti jhānamanasikārena bahi visaṭavitakkavūpasamanena cittassa santhambhanaṃ agāraṃ, jhānasālanti attho. Gahitāvāti bhāvanānuyogena mahāsattena attano cittasantāne uppādanavasena gahitā eva. Natthi jhāneneva vikkhambhitattā. Visesato hissa karuṇāya bhāvitattā anabhirati ukkaṇṭhanā natthi, mettāya bhāvitattā bhayaparitassanā natthi. Ukkaṇṭhanāti pana brahmadassane ussukkaṃ, paritassanāti tadabhipatthanāti āha ‘‘brahmuno panā’’tiādi.
б̣рахмунаасаагажчааван̣н̣анаа
Brahmunāsākacchāvaṇṇanā
318. жид̇д̇уд̇раасод̇и жид̇д̇асса уд̇раасанамад̇д̇ам̣. гат̇анд̇и сад̇д̇анигааяаниваасадтаананаамаг̇од̇д̇аад̣̇ийнам̣ васзна гзна багаарзна. д̇знааха ‘‘ги’’нд̇иаад̣̇и.
318.Cittutrāsoti cittassa utrāsanamattaṃ. Kathanti sattanikāyanivāsaṭṭhānanāmagottādīnaṃ vasena kena pakārena. Tenāha ‘‘ki’’ntiādi.
сод̇и яз д̇з банаганасананд̇аб̣анд̇хасад̇анасанан̇гумаарагааланаамагаа логз баагадаа бан̃н̃аад̇аа б̣рахмаано, д̇зсу санан̇гумааро наамааханд̇и д̣̇ассзд̇и.
Soti ye te panakanasanantabandhasatanasanaṅkumārakālanāmakā loke pākaṭā paññātā brahmāno, tesu sanaṅkumāro nāmāhanti dasseti.
аг̇гханд̇и г̇арудтаанияаанам̣ д̣̇аад̇аб̣б̣ам̣аахаарам̣. мад̇хусааганд̇и мад̇хураахаарам̣, яам̣ гин̃жи ад̇ит̇ино д̣̇аад̇аб̣б̣ам̣ аахаарам̣ убажааравасзна звам̣ вад̣̇ад̇и. д̇знааха ‘‘мад̇хусаагам̣ банаа’’д̇иаад̣̇и. бужчаамаад̇и ниманд̇анавасзна бужчаама.
Agghanti garuṭṭhāniyānaṃ dātabbaṃāhāraṃ. Madhusākanti madhurāhāraṃ, yaṃ kiñci atithino dātabbaṃ āhāraṃ upacāravasena evaṃ vadati. Tenāha ‘‘madhusākaṃ panā’’tiādi. Pucchāmāti nimantanavasena pucchāma.
319. махаасад̇д̇о жад̇д̇ааро б̣рахмавихаарз бхаавзд̇ваа тид̇оби д̇зсу ‘‘б̣рахмасахаб̣яад̇ааяа маг̇г̇о’’д̇и аниб̣б̣змад̇игад̇ааяа ‘‘ган̇кий’’д̇и авожа. гзжи бана ‘‘д̇абогаммзна баригкийн̣асарийрад̇ааяа, б̣рахмасамааг̇амзна бхаяаад̣̇исамуббад̇д̇ияаа жа бадилад̣̇д̇хамад̇д̇зхи б̣рахмавихаарзхи барихийно ахоси, д̇асмаа авигкамбхид̇авижигижчад̇ааяа ‘ган̇кий’д̇и авожаа’’д̇и вад̣̇анд̇и. барасса взд̣̇ияаа вид̣̇ид̇аа баравзд̣̇ияаа, д̇з бана д̇асса баагадаа вибхууд̇аад̇и ааха ‘‘барасса баагадзсу баравзд̣̇иязсуу’’д̇и. д̇ад̇т̇а гааран̣амааха ‘‘барзна саяам̣ абхисан̇кад̇ад̇д̇аа’’д̇и. мамаад̇и гаммам̣ мамам̣гааро, мамад̇д̇анд̇и ааха ‘‘ид̣̇ам̣ мама…бз… д̇ан̣ха’’нд̇и. ‘‘мама’’нд̇и гарод̇и зд̇знаад̇и хи мамам̣гааро, д̇ат̇аабавад̇д̇аа д̇ан̣хаа. мануж̇зсууд̇и нид̣̇д̇хааран̣з бхуммам̣, на висаязд̇и ааха ‘‘мануж̇зсу яо гожий’’д̇и. ‘‘згод̣̇ибхууд̇о’’д̇и бад̣̇асса бхаавад̇т̇ам̣ д̇аава д̣̇ассзнд̇о ‘‘згийбхууд̇о’’д̇и вад̇ваа буна д̇ам̣ виваранд̇о ‘‘зго д̇идтанд̇о зго нисийд̣̇анд̇о’’д̇и ааха. д̇аад̣̇исод̇и зго худ̇ваа бавад̇д̇анаго. бхууд̇од̇и ж̇аад̇о. жхаанз ад̇химуд̇д̇и наама д̇асмим̣ ниб̣б̣ад̇д̇ид̇з, аниб̣б̣ад̇д̇ид̇з гуд̇о ад̇химуд̇д̇ийд̇и ааха ‘‘жхаанам̣ ниб̣б̣ад̇д̇зд̇ваад̇и ад̇т̇о’’д̇и. виссаг̇анд̇хо наама год̇хаад̣̇игилзсабарибхааванаад̇и д̇зсам̣ вигкамбханзна виссаг̇анд̇хавирахид̇о. зд̇зсу д̇хаммзсууд̇и баб̣б̣аж̇ж̇аанам̣ вивзгаваасагарун̣ааб̣рахмавихаараад̣̇ид̇хаммзсу.
319. Mahāsatto cattāro brahmavihāre bhāvetvā ṭhitopi tesu ‘‘brahmasahabyatāya maggo’’ti anibbematikatāya ‘‘kaṅkhī’’ti avoca. Keci pana ‘‘tapokammena parikkhīṇasarīratāya, brahmasamāgamena bhayādisamuppattiyā ca paṭiladdhamattehi brahmavihārehi parihīno ahosi, tasmā avikkhambhitavicikicchatāya ‘kaṅkhī’ti avocā’’ti vadanti. Parassa vediyā viditā paravediyā, te pana tassa pākaṭā vibhūtāti āha ‘‘parassapākaṭesu paravediyesū’’ti. Tattha kāraṇamāha ‘‘parena sayaṃ abhisaṅkhatattā’’ti. Mamāti kammaṃ mamaṃkāro, mamattanti āha ‘‘idaṃ mama…pe… taṇha’’nti. ‘‘Mama’’nti karoti etenāti hi mamaṃkāro, tathāpavattā taṇhā. Manujesūti niddhāraṇe bhummaṃ, na visayeti āha ‘‘manujesu yo kocī’’ti. ‘‘Ekodibhūto’’ti padassa bhāvatthaṃ tāva dassento ‘‘ekībhūto’’ti vatvā puna taṃ vivaranto ‘‘eko tiṭṭhanto eko nisīdanto’’ti āha. Tādisoti eko hutvā pavattanako. Bhūtoti jāto. Jhāne adhimutti nāma tasmiṃ nibbattite, anibbattite kuto adhimuttīti āha ‘‘jhānaṃ nibbattetvāti attho’’ti. Vissagandho nāma kodhādikilesaparibhāvanāti tesaṃ vikkhambhanena vissagandhavirahito. Etesu dhammesūti pabbajjānaṃ vivekavāsakaruṇābrahmavihārādidhammesu.
320. авид̣̇ваад̇и на вид̣̇ид̇аваа. ааварид̇аад̇и гусалаанам̣ уд̇д̇аримануссад̇хаммаанам̣ уббад̇д̇инивааран̣зна ааварид̇аа. бууд̇игаад̇и б̣яаабаннажид̇д̇ад̇аад̣̇инаа бууд̇ибхууд̇аа. гилзсавасзна д̣̇уг̇г̇анд̇хам̣ виссаг̇анд̇хам̣ вааяад̇и. нираяаад̣̇иабааязсу ниб̣б̣ад̇д̇анасийлад̇ааяа аабааяигаад̇и ааха ‘‘абааяуубаг̇аа’’д̇и. жораад̣̇ийхи убад̣̇д̣̇уд̇асса бависид̇угаамасса баагаарагаваадабарикаад̣̇ийхи вияа наг̇арам̣ год̇хаад̣̇ийхи нивуд̇о бихид̇о б̣рахмалого ассаад̇и нивуд̇аб̣рахмалого. бужчад̇и ‘‘гзнаавадаа’’д̇и вад̣̇анд̇о.
320.Avidvāti na viditavā. Āvaritāti kusalānaṃ uttarimanussadhammānaṃ uppattinivāraṇena āvaritā. Pūtikāti byāpannacittatādinā pūtibhūtā. Kilesavasena duggandhaṃ vissagandhaṃ vāyati. Nirayādiapāyesu nibbattanasīlatāya āpāyikāti āha ‘‘apāyūpagā’’ti. Corādīhi upaddutassa pavisitukāmassa pākārakavāṭaparikhādīhi viya nagaraṃ kodhādīhi nivuto pihito brahmaloko assāti nivutabrahmaloko. Pucchati ‘‘kenāvaṭā’’ti vadanto.
мусааваад̣̇ова мосаваж̇ж̇ам̣ яат̇аа бхисаггамзва бхзсаж̇ж̇ам̣. гуж̇жханам̣ д̣̇уссанам̣. д̣̇идтаад̣̇ийсу ад̣̇идтаад̣̇иваад̣̇ид̇аавасзна барзсам̣ висам̣ваад̣̇анам̣ барависам̣ваад̣̇анам̣. сад̣̇исам̣ бад̇ируубам̣ д̣̇ассзд̇ваа балобханам̣ сад̣̇исам̣ д̣̇ассзд̇ваа ван̃жанам̣. мид̇д̇аанам̣ вихим̣санам̣ мзд̇д̇ибхзд̣̇о мид̇д̇ад̣̇уб̣бханам̣. д̣̇ал̣хамажчарид̇аа т̇ад̣̇д̇хамажчарияам̣. ад̇д̇ани виж̇ж̇амаанам̣ нихийнад̇ам̣, сад̣̇исад̇ам̣ ваа ад̇иггамид̇ваа ман̃н̃анам̣. барзсам̣ самбад̇д̇ияаа асаханам̣ кийяанам̣. ад̇д̇асамбад̇д̇ияаа ниг̇ууханавасзна, барзхи саад̇хааран̣абхааваасаханавасзна жа вивид̇хаа ижчаа ружи зд̇ассаад̇и вивижчаа. гад̣̇арияад̇ааяа муд̣̇угам̣ мажчарияам̣. яад̇т̇а гад̇т̇ажийд̇и сагасанд̇агз, барасанд̇агз, хийнаад̇игз жаад̇и яад̇т̇а гад̇т̇ажи аарамман̣з. луб̣бханам̣ аарамман̣асса г̇ахан̣ам̣ абхиг̇иж̇жханам̣. маж̇ж̇анам̣ сзяяаад̣̇ивасзна мад̣̇анам̣ самбаг̇г̇ахо. муяханам̣ аарамман̣асса анаваб̣од̇хо. зд̇зсууд̇и зд̇зсу яат̇аавуд̇д̇зсу год̇хаад̣̇ийсу сад̇д̇асанд̇аанасса гилиссанад̇о виб̣аад̇ханад̇о, убад̇аабанад̇о жа гилзсасан̃н̃ид̇зсу баабад̇хаммзсу. яуд̇д̇аа баяуд̇д̇аа самбаяуд̇д̇аа авирахид̇аа.
Musāvādova mosavajjaṃ yathā bhisakkameva bhesajjaṃ. Kujjhanaṃ dussanaṃ. Diṭṭhādīsu adiṭṭhādivāditāvasena paresaṃ visaṃvādanaṃ paravisaṃvādanaṃ. Sadisaṃ patirūpaṃ dassetvā palobhanaṃ sadisaṃ dassetvā vañcanaṃ. Mittānaṃ vihiṃsanaṃ mettibhedo mittadubbhanaṃ. Daḷhamaccharitā thaddhamacchariyaṃ. Attani vijjamānaṃ nihīnataṃ, sadisataṃ vā atikkamitvā maññanaṃ. Paresaṃ sampattiyā asahanaṃ khīyanaṃ. Attasampattiyā nigūhanavasena, parehi sādhāraṇabhāvāsahanavasena ca vividhā icchā ruci etassāti vivicchā. Kadariyatāya mudukaṃ macchariyaṃ. Yattha katthacīti sakasantake, parasantake, hīnātike cāti yattha katthaci ārammaṇe. Lubbhanaṃ ārammaṇassa gahaṇaṃ abhigijjhanaṃ. Majjanaṃ seyyādivasena madanaṃ sampaggaho. Muyhanaṃ ārammaṇassa anavabodho. Etesūti etesu yathāvuttesu kodhādīsu sattasantānassa kilissanato vibādhanato, upatāpanato ca kilesasaññitesu pāpadhammesu. Yuttā payuttā sampayuttā avirahitā.
зд̇т̇а жааяам̣ б̣рахмаа махаасад̇д̇зна аамаг̇анд̇хз субудто ад̇д̇ано яат̇ааубадтид̇з баабад̇хаммз жуд̣̇д̣̇асахи бад̣̇зхи вибхаж̇ид̇ваа гат̇зси, д̇з бана д̇аад̣̇исам̣ бавад̇д̇ивисзсам̣ убаад̣̇ааяа вуд̇д̇ааби гзжи буна вуд̇д̇аа, аамаг̇анд̇хасуд̇д̇з (су. ни. 242) бана вуд̇д̇ааби гзжи ид̇ха саб̣б̣асо на вуд̇д̇аа, звам̣ санд̇зби лагкан̣ахааранаязна, д̇ад̣̇згадтад̇ааяа ваа д̇зсам̣ бзд̇т̇а сан̇г̇ахо д̣̇адтаб̣б̣о. д̇знааха ‘‘ид̣̇ам̣ бана суд̇д̇а’’нд̇иаад̣̇и. д̇ад̇т̇а аамаг̇анд̇хасуд̇д̇зна д̣̇ийбзд̇ваад̇и ид̇ха саруубад̇о авуд̇д̇з аамаг̇анд̇хзби вуд̇д̇зхи згалагкан̣ад̇аад̣̇инаа аамаг̇анд̇хасуд̇д̇зна багаасзд̇ваа гат̇зд̇аб̣б̣ам̣ д̇ад̇т̇а нзсам̣ саруубад̇о гат̇ид̇ад̇д̇аа. аамаг̇анд̇хасуд̇д̇амби иминаа д̣̇ийбзд̇аб̣б̣ам̣ ид̇ха вуд̇д̇аанамби гзсан̃жи аамаг̇анд̇хаанам̣ д̇ад̇т̇а авуд̇д̇абхаавад̇о. яасмаа аамаг̇анд̇хасуд̇д̇з вуд̇д̇ааби аамаг̇анд̇хаа ад̇т̇ад̇о ид̇ха сан̇г̇ахам̣ самосаран̣ам̣ г̇ажчанд̇и, д̇асмаа ид̇ха вуд̇д̇з барихаран̣авасзна д̣̇ассзнд̇зна яасмаа жзд̇т̇а гзжи абхид̇хамманаязна агилзсасабхаавааби сад̇д̇асанд̇аанасса виб̣аад̇ханадтзна ‘‘гилзсаа’’д̇и вад̇д̇аб̣б̣ад̇ам̣ араханд̇и, д̇асмаа ‘‘жуд̣̇д̣̇асасу гилзсзсуу’’д̇и вуд̇д̇ам̣.
Ettha cāyaṃ brahmā mahāsattena āmagandhe supuṭṭho attano yathāupaṭṭhite pāpadhamme cuddasahi padehi vibhajitvā kathesi, te pana tādisaṃ pavattivisesaṃ upādāya vuttāpi keci puna vuttā, āmagandhasutte (su. ni. 242) pana vuttāpi keci idha sabbaso na vuttā, evaṃ santepi lakkhaṇahāranayena, tadekaṭṭhatāya vā tesaṃ pettha saṅgaho daṭṭhabbo. Tenāha ‘‘idaṃ pana sutta’’ntiādi. Tattha āmagandhasuttena dīpetvāti idha sarūpato avutte āmagandhepi vuttehi ekalakkhaṇatādinā āmagandhasuttena pakāsetvā kathetabbaṃ tattha nesaṃ sarūpato kathitattā. Āmagandhasuttampi iminā dīpetabbaṃ idha vuttānampi kesañci āmagandhānaṃ tattha avuttabhāvato. Yasmā āmagandhasutte vuttāpi āmagandhā atthato idha saṅgahaṃ samosaraṇaṃ gacchanti, tasmā idha vutte pariharaṇavasena dassentena yasmā cettha keci abhidhammanayena akilesasabhāvāpi sattasantānassa vibādhanaṭṭhena ‘‘kilesā’’ti vattabbataṃ arahanti, tasmā ‘‘cuddasasu kilesesū’’ti vuttaṃ.
ниммаад̣̇ам̣ милаабанам̣ кзбананд̇и ааха ‘‘ниммаад̣̇зд̇аб̣б̣аа бахаад̇аб̣б̣аа’’д̇и. б̣уд̣̇д̇хад̇анд̇ийд̇и б̣уд̣̇д̇хабхаавийнам̣ бавзн̣ий, б̣уд̣̇д̇хабхаавиноби ‘‘б̣уд̣̇д̇хаа’’д̇и вужжанд̇и яат̇аа ‘‘аг̇амаа рааж̇аг̇ахам̣ б̣уд̣̇д̇хо’’д̇и. махаабурисасса д̣̇ал̣хийгаммам̣ гад̇ваад̇и махаабурисасса ‘‘баб̣б̣аж̇иссаамаха’’нд̇и бавад̇д̇ажид̇д̇уббаад̣̇асса д̣̇ал̣хийгаммам̣ гад̇ваа.
Nimmādaṃ milāpanaṃ khepananti āha ‘‘nimmādetabbā pahātabbā’’ti. Buddhatantīti buddhabhāvīnaṃ paveṇī, buddhabhāvinopi ‘‘buddhā’’ti vuccanti yathā ‘‘agamā rājagahaṃ buddho’’ti. Mahāpurisassa daḷhīkammaṃ katvāti mahāpurisassa ‘‘pabbajissāmaha’’nti pavattacittuppādassa daḷhīkammaṃ katvā.
рзн̣урааж̇аааманд̇анааван̣н̣анаа
Reṇurājaāmantanāvaṇṇanā
321. мама манам̣ харид̇ваад̇и мама жид̇д̇ам̣ абанзд̇ваа д̇асса васзна авад̇д̇ид̇ваа.
321.Mama manaṃ haritvāti mama cittaṃ apanetvā tassa vasena avattitvā.
згийбхаавам̣ убаг̇анд̇ваа вуд̇т̇ассаад̇и гааяавивзгабариб̣рууханзна згийбхаавам̣ убаг̇анд̇ваа д̇абогаммавасзна вуд̇т̇асса. гусабад̇д̇зхи барид̇т̇ад̇од̇и б̣арихисзхи взд̣̇ияаа саманд̇ад̇о сант̇арид̇о. агаажод̇и ван̣о ван̣асад̣̇исакан̣д̣ижжавирахид̇о. д̇знааха ‘‘агаггасо’’д̇и.
Ekībhāvaṃ upagantvā vutthassāti kāyavivekaparibrūhanena ekībhāvaṃ upagantvā tapokammavasena vutthassa. Kusapattehi paritthatoti barihisehi vediyā samantato santharito. Akācoti vaṇo vaṇasadisakhaṇḍiccavirahito. Tenāha ‘‘akakkaso’’ti.
чакад̇д̇ияаааманд̇анааван̣н̣анаа
Chakhattiyaāmantanāvaṇṇanā
322. сигкзяяаамаад̇и сигкаабзяяаама, сигкаабанан̃жзд̇т̇а ад̇т̇ибхааваабаад̣̇ананд̇и ааха ‘‘убалаабзяяаамаа’’д̇и.
322.Sikkheyyāmāti sikkhāpeyyāma, sikkhāpanañcettha atthibhāvāpādananti āha ‘‘upalāpeyyāmā’’ti.
323. яасса вийрияаарамбхасса, канд̇иб̣аласса жа абхаавзна баб̣б̣аж̇ид̇аанам̣ саман̣ад̇хаммо барибун̣н̣о, барисуд̣̇д̇хо жа на ход̇и, д̇зсу вийрияаарамбхаканд̇иб̣алзсу д̇з д̇з нияож̇зд̇ум̣ ‘‘аарамбхавхо’’д̇иаад̣̇и вуд̇д̇ам̣.
323. Yassa vīriyārambhassa, khantibalassa ca abhāvena pabbajitānaṃ samaṇadhammo paripuṇṇo, parisuddho ca na hoti, tesu vīriyārambhakhantibalesu te te niyojetuṃ ‘‘ārambhavho’’tiādi vuttaṃ.
гарун̣аажхаанамаг̇г̇од̇и гарун̣аажхаанасан̇каад̇о маг̇г̇о. уж̇умаг̇г̇од̇и б̣рахмалогаг̇аманз уж̇убхууд̇о маг̇г̇о. ануд̇д̇арод̇и сздто б̣рахмавихаарасабхаавад̇о. д̇знааха ‘‘уд̇д̇амамаг̇г̇о наамаа’’д̇и. саб̣бхи рагкид̇о саад̇хуухи яат̇аа барихаани на ход̇и, звам̣ бадибагкад̣̇уурийгаран̣зна рагкид̇о г̇обид̇о. ‘‘сад̣̇д̇хаммо саб̣бхи вагкид̇о’’д̇и гзжи батанд̇и, д̇зсам̣ сабарахид̇асаад̇ханзна саад̇хуухи б̣уд̣̇д̇хаад̣̇ийхи гат̇ид̇о бавзд̣̇ид̇од̇и ад̇т̇о.
Karuṇājhānamaggoti karuṇājhānasaṅkhāto maggo. Ujumaggoti brahmalokagamane ujubhūto maggo. Anuttaroti seṭṭho brahmavihārasabhāvato. Tenāha ‘‘uttamamaggo nāmā’’ti. Sabbhi rakkhito sādhūhi yathā parihāni na hoti, evaṃ paṭipakkhadūrīkaraṇena rakkhito gopito. ‘‘Saddhammo sabbhi vakkhito’’ti keci paṭhanti, tesaṃ saparahitasādhanena sādhūhi buddhādīhi kathito paveditoti attho.
д̇ан̇кан̣авид̣̇д̇хам̣санад̇хамманд̇и яасмим̣ кан̣з вирод̇хид̇хаммасамааяог̇о, д̇асмим̣язва кан̣з винассанасабхаавам̣, яо ваа со г̇аманассаад̣̇аанам̣ д̣̇звабуд̇д̇аанам̣ хздтубариязна бадимукам̣ д̇хааванд̇аанам̣ сираси, баад̣̇з жа б̣ад̣̇д̇хакурад̇хаараасамааг̇аманад̇оби сийгхад̇арад̇ааяа ад̇иид̇д̇аро бавад̇д̇игкан̣о, д̇знзва винассанасабхаавам̣. д̇асса ж̇ийвид̇асса. г̇ад̇инд̇и нидтам̣. манд̇ааяанд̇и манд̇зяяанд̇и вуд̇д̇ам̣ ход̇ийд̇и ааха ‘‘манд̇зд̇аб̣б̣а’’нд̇и. гаран̣ад̇т̇з ваа бхумманд̇и ‘‘манд̇ааяа’’нд̇и ид̣̇ам̣ бхуммам̣ гаран̣ад̇т̇з д̣̇адтаб̣б̣ам̣ яат̇аа ‘‘н̃аад̇ааяа’’нд̇и. саб̣б̣абалиб̣од̇хзд̇и саб̣б̣зби гусалагирияааяа виб̣анд̇хз убарод̇хз.
Taṅkhaṇaviddhaṃsanadhammanti yasmiṃ khaṇe virodhidhammasamāyogo, tasmiṃyeva khaṇe vinassanasabhāvaṃ, yo vā so gamanassādānaṃ devaputtānaṃ heṭṭhupariyena paṭimukhaṃ dhāvantānaṃ sirasi, pāde ca baddhakhuradhārāsamāgamanatopi sīghataratāya atiittaro pavattikkhaṇo, teneva vinassanasabhāvaṃ. Tassa jīvitassa. Gatinti niṭṭhaṃ. Mantāyanti manteyyanti vuttaṃ hotīti āha ‘‘mantetabba’’nti. Karaṇatthe vā bhummanti ‘‘mantāya’’nti idaṃ bhummaṃ karaṇatthe daṭṭhabbaṃ yathā ‘‘ñātāya’’nti. Sabbapalibodheti sabbepi kusalakiriyāya vibandhe uparodhe.
б̣раахман̣амахаасаалаад̣̇ийнам̣ ааманд̇анааван̣н̣анаа
Brāhmaṇamahāsālādīnaṃ āmantanāvaṇṇanā
324. аббзсагкаад̇и аббаанубхааваад̇и ааха ‘‘баб̣б̣аж̇ид̇агаалад̇о бадтааяаа’’д̇иаад̣̇и.
324.Appesakkhāti appānubhāvāti āha ‘‘pabbajitakālato paṭṭhāyā’’tiādi.
жаггавад̇д̇и рааж̇аа вияа самбхаавид̇о.
Cakkavatti rājā viya sambhāvito.
махааг̇овинд̣̇абаб̣б̣аж̇ж̇ааван̣н̣анаа
Mahāgovindapabbajjāvaṇṇanā
328. самаабад̇д̇ийнам̣ ааж̇аананам̣ наама ад̇д̇абажжагкад̇аа, сажчигирияаад̇и ааха ‘‘на сагким̣су ниб̣б̣ад̇д̇зд̇у’’нд̇и.
328. Samāpattīnaṃ ājānanaṃ nāma attapaccakkhatā, sacchikiriyāti āha ‘‘na sakkhiṃsu nibbattetu’’nti.
329. иминаад̇и ‘‘сараамаха’’нд̇и иминаа бад̣̇зна. ‘‘сараамаха’’нд̇и хи вад̣̇анд̇зна бхаг̇авад̇о махааб̣рахмунаа гат̇ид̇ам̣ ‘‘д̇ат̇зва д̇а’’нд̇и бхаг̇авад̇аа бадин̃н̃аад̇амзва ж̇аад̇анд̇и. на ваддз ниб̣б̣инд̣̇анад̇т̇ааяа жад̇усажжагаммадтаанагат̇ааяа абхаавад̇о. асад̇и бана ваддз ниб̣б̣ид̣̇ааяа вирааг̇аанам̣ асамбхаво зваад̇и ааха ‘‘на вирааг̇ааяаа’’д̇иаад̣̇и. зганд̇амзва ваддз ниб̣б̣инд̣̇анад̇т̇ааяа анзгаагааравогаараваддз аад̣̇ийнававибхааванад̇о.
329.Imināti ‘‘sarāmaha’’nti iminā padena. ‘‘Sarāmaha’’nti hi vadantena bhagavato mahābrahmunā kathitaṃ ‘‘tatheva ta’’nti bhagavatā paṭiññātameva jātanti. Na vaṭṭe nibbindanatthāya catusaccakammaṭṭhānakathāya abhāvato. Asati pana vaṭṭe nibbidāya virāgānaṃ asambhavo evāti āha ‘‘na virāgāyā’’tiādi. Ekantameva vaṭṭe nibbindanatthāya anekākāravokāravaṭṭe ādīnavavibhāvanato.
‘‘ниб̣б̣ид̣̇ааяаа’’д̇и иминаа бад̣̇зна вибассанаа вуд̇д̇аа. зса наяо сзсзсуби. вавад̇т̇аанагат̇аад̇и вибассанаамаг̇г̇аниб̣б̣аанаанам̣ д̇ам̣д̇ам̣бад̣̇зхи вавад̇т̇абзд̇ваа гат̇аа. аяамзд̇т̇а ниббарияааяагат̇аад̇и ааха ‘‘барияааязна банаа’’д̇иаад̣̇и.
‘‘Nibbidāyā’’ti iminā padena vipassanā vuttā. Esa nayo sesesupi. Vavatthānakathāti vipassanāmagganibbānānaṃ taṃtaṃpadehi vavatthapetvā kathā. Ayamettha nippariyāyakathāti āha ‘‘pariyāyena panā’’tiādi.
330. барибуурзд̇унд̇и бхааванаабаарибууривасзна барибун̣н̣з гаад̇ум̣, ниб̣б̣ад̇д̇зд̇унд̇и ад̇т̇о. б̣рахмажарияажин̣н̣агулабуд̇д̇аананд̇и жин̣н̣амаг̇г̇аб̣рахмажарияаанам̣ гулабуд̇д̇аананд̇и уггадтанид̣̇д̣̇зсзна арахад̇д̇анигуудзна д̣̇зсанам̣ нидтабзси.
330.Paripūretunti bhāvanāpāripūrivasena paripuṇṇe kātuṃ, nibbattetunti attho. Brahmacariyaciṇṇakulaputtānanti ciṇṇamaggabrahmacariyānaṃ kulaputtānanti ukkaṭṭhaniddesena arahattanikūṭena desanaṃ niṭṭhapesi.
абхинанд̣̇анам̣ наама самбадижчанам̣ ‘‘абхинанд̣̇анд̇и ааг̇ад̇а’’нд̇иаад̣̇ийсу вияа, д̇ан̃жзд̇т̇а ад̇т̇ад̇о жид̇д̇асса ад̇д̇аманад̇аад̇и ааха ‘‘жид̇д̇зна самбадижчанд̇о абхинанд̣̇ид̇ваа’’д̇и. ‘‘саад̇ху саад̇хуу’’д̇и ваажааяа самбахам̣санаа анумод̣̇анаад̇и ааха ‘‘ваажааяа самбахам̣самаано анумод̣̇ид̇ваа’’д̇и.
Abhinandanaṃ nāma sampaṭicchanaṃ ‘‘abhinandanti āgata’’ntiādīsu viya, tañcettha atthato cittassa attamanatāti āha ‘‘cittena sampaṭicchanto abhinanditvā’’ti. ‘‘Sādhu sādhū’’ti vācāya sampahaṃsanā anumodanāti āha ‘‘vācāya sampahaṃsamāno anumoditvā’’ti.
махааг̇овинд̣̇асуд̇д̇аван̣н̣анааяа лийнад̇т̇аббагаасанаа.
Mahāgovindasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 6. махааг̇овинд̣̇асуд̇д̇ам̣ • 6. Mahāgovindasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 6. махааг̇овинд̣̇асуд̇д̇аван̣н̣анаа • 6. Mahāgovindasuttavaṇṇanā
