| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
534. махаахам̣саж̇аад̇агам̣ (2)
534. Mahāhaṃsajātakaṃ (2)
89.
89.
‘‘зд̇з хам̣саа баггаманд̇и, вагган̇г̇аа бхаяамзрид̇аа;
‘‘Ete haṃsā pakkamanti, vakkaṅgā bhayameritā;
харид̇д̇ажа хзмаван̣н̣а, гаамам̣ сумука баггама.
Harittaca hemavaṇṇa, kāmaṃ sumukha pakkama.
90.
90.
‘‘охааяа мам̣ н̃аад̇иг̇ан̣аа, згам̣ баасавасам̣ г̇ад̇ам̣;
‘‘Ohāya maṃ ñātigaṇā, ekaṃ pāsavasaṃ gataṃ;
анабзгкамаанаа г̇ажчанд̇и, гим̣ зго авахийяаси.
Anapekkhamānā gacchanti, kiṃ eko avahīyasi.
91.
91.
‘‘бад̇зва бад̇ад̇ам̣ сздта, над̇т̇и б̣ад̣̇д̇хз сахааяад̇аа;
‘‘Pateva patataṃ seṭṭha, natthi baddhe sahāyatā;
маа анийгхааяа хаабзси, гаамам̣ сумука баггама’’.
Mā anīghāya hāpesi, kāmaṃ sumukha pakkama’’.
92.
92.
ж̇ийвид̇ам̣ маран̣ам̣ ваа мз, д̇аяаа сад̣̇д̇хим̣ бхависсад̇и.
Jīvitaṃ maraṇaṃ vā me, tayā saddhiṃ bhavissati.
93.
93.
‘‘наахам̣ д̣̇угкабарзд̇оби, д̇хад̇арадта д̇увам̣ ж̇ахз;
‘‘Nāhaṃ dukkhaparetopi, dhataraṭṭha tuvaṃ jahe;
на мам̣ анарияасам̣яуд̇д̇з, гаммз яож̇зд̇умарахаси.
Na maṃ anariyasaṃyutte, kamme yojetumarahasi.
94.
94.
‘‘сагумааро сакаа д̇яасми, сажид̇д̇з жасми д̇з 5 тид̇о;
‘‘Sakumāro sakhā tyasmi, sacitte casmi te 6 ṭhito;
н̃аад̇о сзнаабад̇и д̇яаахам̣, хам̣саанам̣ баваруд̇д̇ама.
Ñāto senāpati tyāhaṃ, haṃsānaṃ pavaruttama.
95.
95.
‘‘гат̇ам̣ ахам̣ вигад̇т̇иссам̣ 7, н̃аад̇имаж̇жхз ид̇о г̇ад̇о;
‘‘Kathaṃ ahaṃ vikatthissaṃ 8, ñātimajjhe ito gato;
д̇ам̣ хид̇ваа бад̇ад̇ам̣ сздта, гим̣ д̇з вагкаамид̇о г̇ад̇о;
Taṃ hitvā patataṃ seṭṭha, kiṃ te vakkhāmito gato;
ид̇ха баан̣ам̣ жаж̇иссаами, наанарияам̣ 9 гад̇д̇умуссахз’’.
Idha pāṇaṃ cajissāmi, nānariyaṃ 10 kattumussahe’’.
96.
96.
‘‘зсо хи д̇хаммо сумука, яам̣ д̇вам̣ арияабат̇з тид̇о;
‘‘Eso hi dhammo sumukha, yaṃ tvaṃ ariyapathe ṭhito;
яо бхад̇д̇аарам̣ сакаарам̣ мам̣, на барижжад̇д̇умуссахз.
Yo bhattāraṃ sakhāraṃ maṃ, na pariccattumussahe.
97.
97.
‘‘д̇ан̃хи мз бзгкамаанасса, бхаяам̣ над̇взва ж̇ааяад̇и;
‘‘Tañhi me pekkhamānassa, bhayaṃ natveva jāyati;
ад̇хиг̇ажчаси д̇вам̣ маяхам̣, звам̣ бхууд̇асса ж̇ийвид̇ам̣’’.
Adhigacchasi tvaṃ mayhaṃ, evaṃ bhūtassa jīvitaṃ’’.
98.
98.
‘‘ижжзвам̣ 11 манд̇аяанд̇аанам̣, арияаанам̣ арияавуд̇д̇инам̣;
‘‘Iccevaṃ 12 mantayantānaṃ, ariyānaṃ ariyavuttinaṃ;
д̣̇ан̣д̣амаад̣̇ааяа нзсаад̣̇о, аабад̇ий 13 д̇урид̇о бхусам̣.
Daṇḍamādāya nesādo, āpatī 14 turito bhusaṃ.
99.
99.
‘‘д̇амаабад̇анд̇ам̣ д̣̇исваана, сумуко ад̇иб̣руухаяи 15;
‘‘Tamāpatantaṃ disvāna, sumukho atibrūhayi 16;
адтааси бурад̇о ран̃н̃о, хам̣со виссаасаяам̣ б̣яад̇хам̣ 17.
Aṭṭhāsi purato rañño, haṃso vissāsayaṃ byadhaṃ 18.
100.
100.
‘‘маа бхааяи бад̇ад̇ам̣ сздта, на хи бхааяанд̇и д̇аад̣̇исаа;
‘‘Mā bhāyi patataṃ seṭṭha, na hi bhāyanti tādisā;
ахам̣ яог̇ам̣ баяун̃ж̇иссам̣, яуд̇д̇ам̣ д̇хаммуубасам̣хид̇ам̣;
Ahaṃ yogaṃ payuñjissaṃ, yuttaṃ dhammūpasaṃhitaṃ;
д̇зна барияаабад̣̇аанзна 19, киббам̣ баасаа бамогкаси’’.
Tena pariyāpadānena 20, khippaṃ pāsā pamokkhasi’’.
101.
101.
‘‘д̇асса д̇ам̣ важанам̣ суд̇ваа, сумукасса субхаасид̇ам̣;
‘‘Tassa taṃ vacanaṃ sutvā, sumukhassa subhāsitaṃ;
бахадталомо нзсаад̣̇о, ан̃ж̇алисса бан̣аамаяи.
Pahaṭṭhalomo nesādo, añjalissa paṇāmayi.
102.
102.
‘‘на мз суд̇ам̣ ваа д̣̇идтам̣ ваа, бхаасанд̇о маанусим̣ д̣̇иж̇о;
‘‘Na me sutaṃ vā diṭṭhaṃ vā, bhāsanto mānusiṃ dijo;
арияам̣ б̣руваано 21 вагган̇г̇о, жаж̇анд̇о маанусим̣ г̇ирам̣.
Ariyaṃ bruvāno 22 vakkaṅgo, cajanto mānusiṃ giraṃ.
103.
103.
‘‘гинну д̇ааяам̣ д̣̇иж̇о ход̇и, муд̇д̇о б̣ад̣̇д̇хам̣ убаасаси;
‘‘Kinnu tāyaṃ dijo hoti, mutto baddhaṃ upāsasi;
охааяа сагун̣аа яанд̇и, гим̣ зго авахийяаси’’.
Ohāya sakuṇā yanti, kiṃ eko avahīyasi’’.
104.
104.
‘‘рааж̇аа мз со д̣̇иж̇аамид̇д̇а, сзнаабажжасса гаараяим̣;
‘‘Rājā me so dijāmitta, senāpaccassa kārayiṃ;
д̇амаабад̣̇з барижжад̇д̇ум̣, нуссахз вихаг̇аад̇хибам̣.
Tamāpade pariccattuṃ, nussahe vihagādhipaṃ.
105.
105.
‘‘махааг̇ан̣ааяа бхад̇д̇аа мз, маа зго б̣яасанам̣ аг̇аа;
‘‘Mahāgaṇāya bhattā me, mā eko byasanaṃ agā;
д̇ат̇аа д̇ам̣ самма нзсаад̣̇а, бхад̇д̇ааяам̣ абхид̇о рамз’’.
Tathā taṃ samma nesāda, bhattāyaṃ abhito rame’’.
106.
106.
‘‘арияавад̇д̇аси вагган̇г̇а, яо бин̣д̣амабажааяаси;
‘‘Ariyavattasi vakkaṅga, yo piṇḍamapacāyasi;
жаж̇аами д̇з д̇ам̣ бхад̇д̇аарам̣, г̇ажчат̇уубхо 23 яат̇аасукам̣’’.
Cajāmi te taṃ bhattāraṃ, gacchathūbho 24 yathāsukhaṃ’’.
107.
107.
‘‘сажз ад̇д̇аббаяог̇зна, охид̇о хам̣сабагкинам̣;
‘‘Sace attappayogena, ohito haṃsapakkhinaṃ;
бадиг̇ан̣хаама д̇з самма, зд̇ам̣ абхаяад̣̇агкин̣ам̣.
Paṭigaṇhāma te samma, etaṃ abhayadakkhiṇaṃ.
108.
108.
‘‘но жз ад̇д̇аббаяог̇зна, охид̇о хам̣сабагкинам̣;
‘‘No ce attappayogena, ohito haṃsapakkhinaṃ;
аниссаро мун̃жамамхз, т̇зяяам̣ гаяирааси луд̣̇д̣̇ага’’.
Anissaro muñcamamhe, theyyaṃ kayirāsi luddaka’’.
109.
109.
‘‘яасса д̇вам̣ бхад̇аго 25 ран̃н̃о, гаамам̣ д̇ассзва баабаяа;
‘‘Yassa tvaṃ bhatako 26 rañño, kāmaṃ tasseva pāpaya;
д̇ад̇т̇а сам̣яамано 27 рааж̇аа, яат̇аабхин̃н̃ам̣ гариссад̇и’’.
Tattha saṃyamano 28 rājā, yathābhiññaṃ karissati’’.
110.
110.
‘‘ижжзвам̣ вуд̇д̇о нзсаад̣̇о, хзмаван̣н̣з харид̇д̇ажз;
‘‘Iccevaṃ vutto nesādo, hemavaṇṇe harittace;
убхо хад̇т̇зхи сан̇г̇аяха 29, бан̃ж̇арз аж̇жхавод̣̇ахи.
Ubho hatthehi saṅgayha 30, pañjare ajjhavodahi.
111.
111.
‘‘д̇з бан̃ж̇араг̇ад̇з багкий, убхо бхассараван̣н̣инз;
‘‘Te pañjaragate pakkhī, ubho bhassaravaṇṇine;
сумукам̣ д̇хад̇арадтан̃жа, луд̣̇д̣̇о аад̣̇ааяа баггами’’.
Sumukhaṃ dhataraṭṭhañca, luddo ādāya pakkami’’.
112.
112.
‘‘харийяамаано д̇хад̇арадто, сумукам̣ зд̇ад̣̇аб̣рави;
‘‘Harīyamāno dhataraṭṭho, sumukhaṃ etadabravi;
б̣аал̣хам̣ бхааяаами сумука, саамааяа лагкан̣ууруяаа;
Bāḷhaṃ bhāyāmi sumukha, sāmāya lakkhaṇūruyā;
асмаагам̣ вад̇хаман̃н̃ааяа, ат̇ад̇д̇аанам̣ вад̇хиссад̇и.
Asmākaṃ vadhamaññāya, athattānaṃ vadhissati.
113.
113.
‘‘баагахам̣саа жа сумука, сухзмаа хзмасуд̇д̇ажаа;
‘‘Pākahaṃsā ca sumukha, suhemā hemasuttacā;
гон̃жий самуд̣̇д̣̇ад̇ийрзва, габан̣аа нууна ружчад̇и’’.
Koñcī samuddatīreva, kapaṇā nūna rucchati’’.
114.
114.
‘‘звам̣ маханд̇о логасса, аббамзяяо махааг̇ан̣ий;
‘‘Evaṃ mahanto lokassa, appameyyo mahāgaṇī;
згид̇т̇иманусожзяяа, наяид̣̇ам̣ бан̃н̃авад̇аамива.
Ekitthimanusoceyya, nayidaṃ paññavatāmiva.
115.
115.
‘‘ваад̇ова г̇анд̇хамаад̣̇зд̇и, убхаяам̣ чзгабаабагам̣;
‘‘Vātova gandhamādeti, ubhayaṃ chekapāpakaṃ;
б̣аало аамагабаггам̣ва, лоло анд̇хова аамисам̣.
Bālo āmakapakkaṃva, lolo andhova āmisaṃ.
116.
116.
‘‘авинижчаяан̃н̃у ад̇т̇зсу, манд̣̇ова бадибхааси 31 мам̣;
‘‘Avinicchayaññu atthesu, mandova paṭibhāsi 32 maṃ;
гижжаагижжам̣ на ж̇аанааси, самбад̇д̇о гаалабарияааяам̣.
Kiccākiccaṃ na jānāsi, sampatto kālapariyāyaṃ.
117.
117.
‘‘ад̣дхуммад̇д̇о уд̣̇ийрзси, яо сзяяаа ман̃н̃асид̇т̇ияо;
‘‘Aḍḍhummatto udīresi, yo seyyā maññasitthiyo;
б̣ахусаад̇хааран̣аа хзд̇аа, сон̣д̣аанам̣ва сураагхарам̣.
Bahusādhāraṇā hetā, soṇḍānaṃva surāgharaṃ.
118.
118.
‘‘мааяаа жзсаа марийжий жа, сого рог̇о жубад̣̇д̣̇аво;
‘‘Māyā cesā marīcī ca, soko rogo cupaddavo;
караа жа б̣анд̇ханаа жзд̇аа, мажжубаасаа г̇ухаасаяаа 33;
Kharā ca bandhanā cetā, maccupāsā guhāsayā 34;
д̇аасу яо виссасз босо, со нарзсу нараад̇хамо’’.
Tāsu yo vissase poso, so naresu narādhamo’’.
119.
119.
‘‘яам̣ вуд̣̇д̇хзхи убан̃н̃аад̇ам̣, го д̇ам̣ нинд̣̇ид̇умарахад̇и;
‘‘Yaṃ vuddhehi upaññātaṃ, ko taṃ ninditumarahati;
махаабхууд̇ид̇т̇ияо наама, логасмим̣ уд̣̇абаж̇ж̇исум̣.
Mahābhūtitthiyo nāma, lokasmiṃ udapajjisuṃ.
120.
120.
‘‘кид̣д̣аа бан̣ихид̇аа д̇яаасу, рад̇и д̇яаасу бад̇идтид̇аа;
‘‘Khiḍḍā paṇihitā tyāsu, rati tyāsu patiṭṭhitā;
б̣ийж̇аани д̇яаасу рууханд̇и, яад̣̇ид̣̇ам̣ сад̇д̇аа баж̇ааяарз;
Bījāni tyāsu rūhanti, yadidaṃ sattā pajāyare;
121.
121.
‘‘д̇вамзва нан̃н̃о сумука, т̇ийнам̣ ад̇т̇зсу яун̃ж̇аси;
‘‘Tvameva nañño sumukha, thīnaṃ atthesu yuñjasi;
д̇асса д̇яаж̇ж̇а бхаяз ж̇аад̇з, бхийд̇зна ж̇ааяад̇з мад̇и.
Tassa tyajja bhaye jāte, bhītena jāyate mati.
122.
122.
‘‘саб̣б̣о хи сам̣саяам̣ бад̇д̇о, бхаяам̣ бхийру д̇ид̇игкад̇и;
‘‘Sabbo hi saṃsayaṃ patto, bhayaṃ bhīru titikkhati;
бан̣д̣ид̇аа жа маханд̇аано 39, ад̇т̇з яун̃ж̇анд̇и д̣̇уяяуж̇з.
Paṇḍitā ca mahantāno 40, atthe yuñjanti duyyuje.
123.
123.
‘‘зд̇ад̣̇ад̇т̇ааяа рааж̇аано, суурамижчанд̇и манд̇инам̣;
‘‘Etadatthāya rājāno, sūramicchanti mantinaṃ;
бадиб̣аахад̇и яам̣ сууро, аабад̣̇ам̣ ад̇д̇абарияааяам̣.
Paṭibāhati yaṃ sūro, āpadaṃ attapariyāyaṃ.
124.
124.
‘‘маа но аж̇ж̇а виганд̇им̣су, ран̃н̃о сууд̣̇аа махаанасз;
‘‘Mā no ajja vikantiṃsu, rañño sūdā mahānase;
д̇ат̇аа хи ван̣н̣о бад̇д̇аанам̣, палам̣ взл̣ум̣ва д̇ам̣ вад̇хи.
Tathā hi vaṇṇo pattānaṃ, phalaṃ veḷuṃva taṃ vadhi.
125.
125.
собаж̇ж̇а сам̣саяам̣ бад̇д̇о, ад̇т̇ам̣ г̇ан̣хаахи маа мукам̣’’.
Sopajja saṃsayaṃ patto, atthaṃ gaṇhāhi mā mukhaṃ’’.
126.
126.
д̇ава барияаабад̣̇аанзна, мама баан̣зсанам̣ жара’’.
Tava pariyāpadānena, mama pāṇesanaṃ cara’’.
127.
127.
‘‘маа бхааяи бад̇ад̇ам̣ сздта, на хи бхааяанд̇и д̇аад̣̇исаа;
‘‘Mā bhāyi patataṃ seṭṭha, na hi bhāyanti tādisā;
ахам̣ яог̇ам̣ баяун̃ж̇иссам̣, яуд̇д̇ам̣ д̇хаммуубасам̣хид̇ам̣ 49;
Ahaṃ yogaṃ payuñjissaṃ, yuttaṃ dhammūpasaṃhitaṃ 50;
мама барияаабад̣̇аанзна, киббам̣ баасаа бамогкаси’’.
Mama pariyāpadānena, khippaṃ pāsā pamokkhasi’’.
128.
128.
бадивзд̣̇зт̇а мам̣ ран̃н̃о, д̇хад̇арадтааяамааг̇ад̇о’’.
Paṭivedetha maṃ rañño, dhataraṭṭhāyamāgato’’.
129.
129.
‘‘д̇з д̣̇исваа бун̃н̃асам̣гаасз, убхо лагкан̣асаммад̇з 55;
‘‘Te disvā puññasaṃkāse, ubho lakkhaṇasammate 56;
калу сам̣яамано рааж̇аа, амажжз аж̇жхабхаасат̇а.
Khalu saṃyamano rājā, amacce ajjhabhāsatha.
130.
130.
‘‘д̣̇зт̇а луд̣̇д̣̇асса вад̇т̇аани, аннам̣ баанан̃жа бхож̇анам̣;
‘‘Detha luddassa vatthāni, annaṃ pānañca bhojanaṃ;
гаамам̣ гаро хиран̃н̃асса, яааванд̇о зса ижчад̇и’’.
Kāmaṃ karo hiraññassa, yāvanto esa icchati’’.
131.
131.
‘‘д̣̇исваа луд̣̇д̣̇ам̣ басаннад̇д̇ам̣, гаасирааж̇аа д̇ад̣̇аб̣рави;
‘‘Disvā luddaṃ pasannattaṃ, kāsirājā tadabravi;
яад̣̇яааяам̣ 57 самма кзмага, бун̣н̣аа хам̣сзхи д̇идтад̇и.
Yadyāyaṃ 58 samma khemaka, puṇṇā haṃsehi tiṭṭhati.
132.
132.
‘‘гат̇ам̣ ружимаж̇жхаг̇ад̇ам̣, баасахад̇т̇о убааг̇ами;
‘‘Kathaṃ rucimajjhagataṃ, pāsahattho upāgami;
огин̣н̣ам̣ н̃аад̇исан̇гхзхи, ниммаж̇жхимам̣ 59 гат̇ам̣ г̇ахи’’.
Okiṇṇaṃ ñātisaṅghehi, nimmajjhimaṃ 60 kathaṃ gahi’’.
133.
133.
бад̣̇амзд̇асса анвзсам̣, аббамад̇д̇о гхадассид̇о.
Padametassa anvesaṃ, appamatto ghaṭassito.
134.
134.
‘‘ат̇асса бад̣̇амад̣̇д̣̇агким̣, жарад̇о ад̣̇анзсанам̣;
‘‘Athassa padamaddakkhiṃ, carato adanesanaṃ;
д̇ад̇т̇аахам̣ од̣̇ахим̣ баасам̣, звам̣ д̇ам̣ 65 д̣̇иж̇амаг̇г̇ахим̣’’.
Tatthāhaṃ odahiṃ pāsaṃ, evaṃ taṃ 66 dijamaggahiṃ’’.
135.
135.
‘‘луд̣̇д̣̇а д̣̇вз имз сагун̣аа, ат̇а згод̇и бхаасаси;
‘‘Ludda dve ime sakuṇā, atha ekoti bhāsasi;
136.
136.
‘‘яасса лохид̇агаа д̇аалаа, д̇абанийяанибхаа субхаа;
‘‘Yassa lohitakā tālā, tapanīyanibhā subhā;
урам̣ сам̣хажжа д̇идтанд̇и, со мз б̣анд̇хам̣ убааг̇ами.
Uraṃ saṃhacca tiṭṭhanti, so me bandhaṃ upāgami.
137.
137.
‘‘ат̇ааяам̣ бхассаро багкий, аб̣ад̣̇д̇хо б̣ад̣̇д̇хамаад̇урам̣;
‘‘Athāyaṃ bhassaro pakkhī, abaddho baddhamāturaṃ;
арияам̣ б̣руваано адтааси, жаж̇анд̇о маанусим̣ г̇ирам̣’’.
Ariyaṃ bruvāno aṭṭhāsi, cajanto mānusiṃ giraṃ’’.
138.
138.
‘‘ат̇а гим̣ 71 д̣̇аани сумука, ханум̣ сам̣хажжа д̇идтаси;
‘‘Atha kiṃ 72 dāni sumukha, hanuṃ saṃhacca tiṭṭhasi;
ад̣̇у мз барисам̣ бад̇д̇о, бхаяаа бхийд̇о на бхаасаси’’.
Adu me parisaṃ patto, bhayā bhīto na bhāsasi’’.
139.
139.
‘‘наахам̣ гаасибад̇и бхийд̇о, ог̇аяха барисам̣ д̇ава;
‘‘Nāhaṃ kāsipati bhīto, ogayha parisaṃ tava;
наахам̣ бхаяаа на бхаасиссам̣, ваагяам̣ ад̇т̇амхи д̇аад̣̇исз’’.
Nāhaṃ bhayā na bhāsissaṃ, vākyaṃ atthamhi tādise’’.
140.
140.
‘‘на д̇з абхисарам̣ бассз, на рат̇з наби бад̇д̇игз;
‘‘Na te abhisaraṃ passe, na rathe napi pattike;
наасса жаммам̣ ва гийдам̣ ваа, ваммид̇з жа д̇хануг̇г̇ахз.
Nāssa cammaṃ va kīṭaṃ vā, vammite ca dhanuggahe.
141.
141.
‘‘на хиран̃н̃ам̣ суван̣н̣ам̣ ваа, наг̇арам̣ ваа сумаабид̇ам̣;
‘‘Na hiraññaṃ suvaṇṇaṃ vā, nagaraṃ vā sumāpitaṃ;
огин̣н̣абарикам̣ д̣̇уг̇г̇ам̣, д̣̇ал̣хамаддаалагодтагам̣;
Okiṇṇaparikhaṃ duggaṃ, daḷhamaṭṭālakoṭṭhakaṃ;
яад̇т̇а бавидто сумука, бхааяид̇аб̣б̣ам̣ на бхааяаси’’.
Yattha paviṭṭho sumukha, bhāyitabbaṃ na bhāyasi’’.
142.
142.
‘‘на мз абхисарзнад̇т̇о, наг̇арзна д̇ханзна ваа;
‘‘Na me abhisarenattho, nagarena dhanena vā;
абат̇зна бат̇ам̣ яаама, анд̇алигкзжараа маяам̣.
Apathena pathaṃ yāma, antalikkhecarā mayaṃ.
143.
143.
‘‘суд̇аа жа бан̣д̣ид̇аа д̇яамхаа, нибун̣аа ад̇т̇ажинд̇агаа 73;
‘‘Sutā ca paṇḍitā tyamhā, nipuṇā atthacintakā 74;
бхаасзмад̇т̇авад̇им̣ ваажам̣, сажжз жасса бад̇идтид̇о.
Bhāsematthavatiṃ vācaṃ, sacce cassa patiṭṭhito.
144.
144.
‘‘гин̃жа д̇уяхам̣ асажжасса, анарияасса гариссад̇и;
‘‘Kiñca tuyhaṃ asaccassa, anariyassa karissati;
мусааваад̣̇исса луд̣̇д̣̇асса, бхан̣ид̇амби субхаасид̇ам̣’’.
Musāvādissa luddassa, bhaṇitampi subhāsitaṃ’’.
145.
145.
‘‘д̇ам̣ б̣раахман̣аанам̣ важанаа, имам̣ кзмамагаараяи 75;
‘‘Taṃ brāhmaṇānaṃ vacanā, imaṃ khemamakārayi 76;
абхаяан̃жа д̇аяаа гхудтам̣, имааяо д̣̇асад̇хаа д̣̇исаа.
Abhayañca tayā ghuṭṭhaṃ, imāyo dasadhā disā.
146.
146.
‘‘ог̇аяха д̇з богкаран̣им̣, виббасаннод̣̇агам̣ сужим̣;
‘‘Ogayha te pokkharaṇiṃ, vippasannodakaṃ suciṃ;
бахууд̇ам̣ жаад̣̇анам̣ д̇ад̇т̇а, ахим̣саа жзд̇т̇а багкинам̣.
Pahūtaṃ cādanaṃ tattha, ahiṃsā cettha pakkhinaṃ.
147.
147.
‘‘ид̣̇ам̣ суд̇ваана ниг̇гхосам̣, ааг̇ад̇амха д̇аванд̇игз;
‘‘Idaṃ sutvāna nigghosaṃ, āgatamha tavantike;
д̇з д̇з б̣анд̇хасма баасзна, зд̇ам̣ д̇з бхаасид̇ам̣ мусаа.
Te te bandhasma pāsena, etaṃ te bhāsitaṃ musā.
148.
148.
‘‘мусааваад̣̇ам̣ бурагкад̇ваа, ижчаалобхан̃жа баабагам̣;
‘‘Musāvādaṃ purakkhatvā, icchālobhañca pāpakaṃ;
убхо санд̇химад̇иггамма, асаад̇ам̣ убабаж̇ж̇ад̇и’’.
Ubho sandhimatikkamma, asātaṃ upapajjati’’.
149.
149.
‘‘наабараж̇жхаама сумука, наби лобхаава маг̇г̇ахим̣;
‘‘Nāparajjhāma sumukha, napi lobhāva maggahiṃ;
суд̇аа жа бан̣д̣ид̇аад̇яад̇т̇а, нибун̣аа ад̇т̇ажинд̇агаа.
Sutā ca paṇḍitātyattha, nipuṇā atthacintakā.
150.
150.
‘‘аббзвад̇т̇авад̇им̣ ваажам̣, б̣яаахарзяяум̣ 77 ид̇хааг̇ад̇аа;
‘‘Appevatthavatiṃ vācaṃ, byāhareyyuṃ 78 idhāgatā;
д̇ат̇аа д̇ам̣ самма нзсаад̣̇о, вуд̇д̇о сумука маг̇г̇ахи’’.
Tathā taṃ samma nesādo, vutto sumukha maggahi’’.
151.
151.
бхаасзмад̇т̇авад̇им̣ ваажам̣, самбад̇д̇аа гаалабарияааяам̣.
Bhāsematthavatiṃ vācaṃ, sampattā kālapariyāyaṃ.
152.
152.
‘‘яо миг̇зна миг̇ам̣ ханд̇и, багким̣ ваа бана багкинаа;
‘‘Yo migena migaṃ hanti, pakkhiṃ vā pana pakkhinā;
суд̇зна ваа суд̇ам̣ гин̣яаа 81, гим̣ анарияад̇арам̣ д̇ад̇о.
Sutena vā sutaṃ kiṇyā 82, kiṃ anariyataraṃ tato.
153.
153.
убхо со д̇хам̣сад̇з логаа, ид̇ха жзва барад̇т̇а жа.
Ubho so dhaṃsate lokā, idha ceva parattha ca.
154.
154.
‘‘на маж̇ж̇зт̇а яасам̣ бад̇д̇о, на б̣яаад̇хз 87 бад̇д̇асам̣саяам̣;
‘‘Na majjetha yasaṃ patto, na byādhe 88 pattasaṃsayaṃ;
вааяамзт̇зва гижжзсу, сам̣варз вивараани жа.
Vāyametheva kiccesu, saṃvare vivarāni ca.
155.
155.
‘‘яз вуд̣̇д̇хаа аб̣бхад̇игганд̇аа 89, самбад̇д̇аа гаалабарияааяам̣;
‘‘Ye vuddhā abbhatikkantā 90, sampattā kālapariyāyaṃ;
ид̇ха д̇хаммам̣ жарид̇ваана, звам̣д̇з 91 д̇ид̣̇ивам̣ г̇ад̇аа.
Idha dhammaṃ caritvāna, evaṃte 92 tidivaṃ gatā.
156.
156.
‘‘ид̣̇ам̣ суд̇ваа гаасибад̇и, д̇хаммамад̇д̇ани баалаяа;
‘‘Idaṃ sutvā kāsipati, dhammamattani pālaya;
д̇хад̇арадтан̃жа мун̃жаахи, хам̣саанам̣ баваруд̇д̇амам̣’’.
Dhataraṭṭhañca muñcāhi, haṃsānaṃ pavaruttamaṃ’’.
157.
157.
‘‘аахаранд̇уд̣̇агам̣ баж̇ж̇ам̣, аасанан̃жа махаарахам̣;
‘‘Āharantudakaṃ pajjaṃ, āsanañca mahārahaṃ;
бан̃ж̇арад̇о бамогкаами, д̇хад̇арадтам̣ яасассинам̣.
Pañjarato pamokkhāmi, dhataraṭṭhaṃ yasassinaṃ.
158.
158.
‘‘д̇ан̃жа сзнаабад̇им̣ д̇хийрам̣, нибун̣ам̣ ад̇т̇ажинд̇агам̣;
‘‘Tañca senāpatiṃ dhīraṃ, nipuṇaṃ atthacintakaṃ;
яо сукз сукид̇о ран̃н̃з 93, д̣̇угкид̇з ход̇и д̣̇угкид̇о.
Yo sukhe sukhito raññe 94, dukkhite hoti dukkhito.
159.
159.
‘‘зд̣̇исо ко арахад̇и, бин̣д̣амаснаад̇у бхад̇д̇уно;
‘‘Ediso kho arahati, piṇḍamasnātu bhattuno;
яат̇ааяам̣ сумуко ран̃н̃о, баан̣асаад̇хааран̣о сакаа’’.
Yathāyaṃ sumukho rañño, pāṇasādhāraṇo sakhā’’.
160.
160.
‘‘бийтан̃жа саб̣б̣асован̣н̣ам̣, адтабаад̣̇ам̣ манорамам̣;
‘‘Pīṭhañca sabbasovaṇṇaṃ, aṭṭhapādaṃ manoramaṃ;
мадтам̣ гаасигамад̇т̇аннам̣ 95, д̇хад̇арадто убаависи.
Maṭṭhaṃ kāsikamatthannaṃ 96, dhataraṭṭho upāvisi.
161.
161.
‘‘гожчан̃жа саб̣б̣асован̣н̣ам̣, взяяаг̇гхабарисиб̣б̣ид̇ам̣;
‘‘Kocchañca sabbasovaṇṇaṃ, veyyagghaparisibbitaṃ;
сумуко аж̇жхубаавзгки, д̇хад̇арадтассананд̇араа 97.
Sumukho ajjhupāvekkhi, dhataraṭṭhassanantarā 98.
162.
162.
‘‘д̇зсам̣ ган̃жанабад̇д̇зхи, бут̇уу аад̣̇ааяа гаасияо;
‘‘Tesaṃ kañcanapattehi, puthū ādāya kāsiyo;
хам̣саанам̣ абхихаарзсум̣, аг̇г̇аран̃н̃о баваасид̇ам̣’’.
Haṃsānaṃ abhihāresuṃ, aggarañño pavāsitaṃ’’.
163.
163.
‘‘д̣̇исваа абхихадам̣ аг̇г̇ам̣, гаасирааж̇зна бзсид̇ам̣;
‘‘Disvā abhihaṭaṃ aggaṃ, kāsirājena pesitaṃ;
гусало кад̇д̇ад̇хаммаанам̣, д̇ад̇о бужчи ананд̇араа.
Kusalo khattadhammānaṃ, tato pucchi anantarā.
164.
164.
‘‘гажжинну бход̇о гусалам̣, гажжи бход̇о анаамаяам̣;
‘‘Kaccinnu bhoto kusalaṃ, kacci bhoto anāmayaṃ;
гажжи радтамид̣̇ам̣ пийд̇ам̣, д̇хаммзна манусаасаси’’.
Kacci raṭṭhamidaṃ phītaṃ, dhammena manusāsasi’’.
165.
165.
‘‘гусалан̃жзва мз хам̣са, ат̇о хам̣са анаамаяам̣;
‘‘Kusalañceva me haṃsa, atho haṃsa anāmayaṃ;
ат̇о радтамид̣̇ам̣ пийд̇ам̣, д̇хаммзнам̣ манусаасахам̣.
Atho raṭṭhamidaṃ phītaṃ, dhammenaṃ manusāsahaṃ.
166.
166.
‘‘гажжи бход̇о амажжзсу, д̣̇осо гожи на виж̇ж̇ад̇и;
‘‘Kacci bhoto amaccesu, doso koci na vijjati;
гажжи жа д̇з д̇авад̇т̇зсу, нааваган̇канд̇и ж̇ийвид̇ам̣’’.
Kacci ca te tavatthesu, nāvakaṅkhanti jīvitaṃ’’.
167.
167.
‘‘ат̇оби мз амажжзсу, д̣̇осо гожи на виж̇ж̇ад̇и;
‘‘Athopi me amaccesu, doso koci na vijjati;
ат̇оби д̇з мамад̇т̇зсу, нааваган̇канд̇и ж̇ийвид̇ам̣’’.
Athopi te mamatthesu, nāvakaṅkhanti jīvitaṃ’’.
168.
168.
‘‘гажжи д̇з саад̣̇исий бхарияаа, ассаваа бияабхаан̣иний;
‘‘Kacci te sādisī bhariyā, assavā piyabhāṇinī;
буд̇д̇аруубаяасуубзд̇аа, д̇ава чанд̣̇авасаануг̇аа’’.
Puttarūpayasūpetā, tava chandavasānugā’’.
169.
169.
‘‘ат̇о мз саад̣̇исий бхарияаа, ассаваа бияабхаан̣иний;
‘‘Atho me sādisī bhariyā, assavā piyabhāṇinī;
буд̇д̇аруубаяасуубзд̇аа, мама чанд̣̇авасаануг̇аа’’.
Puttarūpayasūpetā, mama chandavasānugā’’.
170.
170.
‘‘гажжи радтам̣ ануббийл̣ам̣, агуд̇ожиубад̣̇д̣̇авам̣;
‘‘Kacci raṭṭhaṃ anuppīḷaṃ, akutociupaddavaṃ;
асаахасзна д̇хаммзна, самзна манусаасаси’’.
Asāhasena dhammena, samena manusāsasi’’.
171.
171.
‘‘ат̇о радтам̣ ануббийл̣ам̣, агуд̇ожиубад̣̇д̣̇авам̣;
‘‘Atho raṭṭhaṃ anuppīḷaṃ, akutociupaddavaṃ;
асаахасзна д̇хаммзна, самзна манусаасахам̣’’.
Asāhasena dhammena, samena manusāsahaṃ’’.
172.
172.
‘‘гажжи санд̇о абажид̇аа, асанд̇о бариваж̇ж̇ид̇аа;
‘‘Kacci santo apacitā, asanto parivajjitā;
но жз 99 д̇хаммам̣ нирам̣гад̇ваа, ад̇хаммаманувад̇д̇аси’’.
No ce 100 dhammaṃ niraṃkatvā, adhammamanuvattasi’’.
173.
173.
‘‘санд̇о жа мз абажид̇аа, асанд̇о бариваж̇ж̇ид̇аа;
‘‘Santo ca me apacitā, asanto parivajjitā;
д̇хаммамзваанувад̇д̇аами, ад̇хаммо мз ниран̇гад̇о’’.
Dhammamevānuvattāmi, adhammo me niraṅkato’’.
174.
174.
‘‘гажжи наанааг̇ад̇ам̣ 101 д̣̇ийгхам̣, самавзгкаси кад̇д̇ияа;
‘‘Kacci nānāgataṃ 102 dīghaṃ, samavekkhasi khattiya;
гажжи мад̇д̇о 103 мад̣̇анийяз, баралогам̣ на санд̇аси’’.
Kacci matto 104 madanīye, paralokaṃ na santasi’’.
175.
175.
‘‘наахам̣ анааг̇ад̇ам̣ 105 д̣̇ийгхам̣, самавзгкаами багкима;
‘‘Nāhaṃ anāgataṃ 106 dīghaṃ, samavekkhāmi pakkhima;
тид̇о д̣̇асасу д̇хаммзсу, баралогам̣ на санд̇асз 107.
Ṭhito dasasu dhammesu, paralokaṃ na santase 108.
176.
176.
‘‘д̣̇аанам̣ сийлам̣ барижжааг̇ам̣, аж̇ж̇авам̣ мад̣̇д̣̇авам̣ д̇абам̣;
‘‘Dānaṃ sīlaṃ pariccāgaṃ, ajjavaṃ maddavaṃ tapaṃ;
аггод̇хам̣ авихим̣сан̃жа, канд̇ин̃жа 109 авирод̇ханам̣.
Akkodhaṃ avihiṃsañca, khantiñca 110 avirodhanaṃ.
177.
177.
‘‘ижжзд̇з гусалз д̇хаммз, тид̇з бассаами ад̇д̇ани;
‘‘Iccete kusale dhamme, ṭhite passāmi attani;
д̇ад̇о мз ж̇ааяад̇з бийд̇и, соманассан̃жанаббагам̣.
Tato me jāyate pīti, somanassañcanappakaṃ.
178.
178.
‘‘сумуко жа ажинд̇зд̇ваа, висаж̇ж̇и 111 парусам̣ г̇ирам̣;
‘‘Sumukho ca acintetvā, visajji 112 pharusaṃ giraṃ;
бхаавад̣̇осаманан̃н̃ааяа, асмаагааяам̣ вихан̇г̇амо.
Bhāvadosamanaññāya, asmākāyaṃ vihaṅgamo.
179.
179.
‘‘со гуд̣̇д̇хо парусам̣ ваажам̣, нижчаарзси аяонисо;
‘‘So kuddho pharusaṃ vācaṃ, nicchāresi ayoniso;
180.
180.
‘‘ад̇т̇и мз д̇ам̣ ад̇исаарам̣, взг̇зна мануж̇аад̇хиба;
‘‘Atthi me taṃ atisāraṃ, vegena manujādhipa;
д̇хад̇арадтз жа б̣ад̣̇д̇хасмим̣, д̣̇угкам̣ мз вибулам̣ аху.
Dhataraṭṭhe ca baddhasmiṃ, dukkhaṃ me vipulaṃ ahu.
181.
181.
‘‘д̇вам̣ но бид̇аава буд̇д̇аанам̣, бхууд̇аанам̣ д̇харан̣ийрива;
‘‘Tvaṃ no pitāva puttānaṃ, bhūtānaṃ dharaṇīriva;
асмаагам̣ ад̇хибаннаанам̣, камассу рааж̇агун̃ж̇ара’’.
Asmākaṃ adhipannānaṃ, khamassu rājakuñjara’’.
182.
182.
‘‘зд̇ам̣ 117 д̇з анумод̣̇аама, яам̣ бхаавам̣ на ниг̇уухаси;
‘‘Etaṃ 118 te anumodāma, yaṃ bhāvaṃ na nigūhasi;
килам̣ бабхинд̣̇аси багки, уж̇угоси вихан̇г̇ама’’.
Khilaṃ pabhindasi pakkhi, ujukosi vihaṅgama’’.
183.
183.
‘‘яам̣ гин̃жи рад̇анам̣ ад̇т̇и, гаасирааж̇а нивзсанз;
‘‘Yaṃ kiñci ratanaṃ atthi, kāsirāja nivesane;
раж̇ад̇ам̣ ж̇аад̇аруубан̃жа, муд̇д̇аа взл̣урияаа б̣ахуу.
Rajataṃ jātarūpañca, muttā veḷuriyā bahū.
184.
184.
‘‘ман̣аяо сан̇камуд̇д̇ан̃жа, вад̇т̇агам̣ харижанд̣̇анам̣;
‘‘Maṇayo saṅkhamuttañca, vatthakaṃ haricandanaṃ;
аж̇инам̣ д̣̇анд̇абхан̣д̣ан̃жа, лохам̣ гаал̣ааяасам̣ б̣ахум̣;
Ajinaṃ dantabhaṇḍañca, lohaṃ kāḷāyasaṃ bahuṃ;
зд̇ам̣ д̣̇ад̣̇аами во вид̇д̇ам̣, иссарияам̣ 119 виссаж̇аами во’’.
Etaṃ dadāmi vo vittaṃ, issariyaṃ 120 vissajāmi vo’’.
185.
185.
‘‘ад̣̇д̇хаа абажид̇аа д̇яамхаа, саггад̇аа жа рат̇зсабха;
‘‘Addhā apacitā tyamhā, sakkatā ca rathesabha;
д̇хаммзсу вад̇д̇амаанаанам̣, д̇вам̣ но аажарияо бхава.
Dhammesu vattamānānaṃ, tvaṃ no ācariyo bhava.
186.
186.
‘‘аажарияа саманун̃н̃аад̇аа, д̇аяаа анумад̇аа маяам̣;
‘‘Ācariya samanuññātā, tayā anumatā mayaṃ;
187.
187.
‘‘саб̣б̣арад̇д̇им̣ жинд̇аяид̇ваа, манд̇аяид̇ваа яат̇аад̇ат̇ам̣;
‘‘Sabbarattiṃ cintayitvā, mantayitvā yathātathaṃ;
гаасирааж̇аа анун̃н̃ааси, хам̣саанам̣ баваруд̇д̇амам̣’’.
Kāsirājā anuññāsi, haṃsānaṃ pavaruttamaṃ’’.
188.
188.
‘‘д̇ад̇о рад̇яаа вивасаанз, суурияуг̇г̇аманам̣ 125 бад̇и;
‘‘Tato ratyā vivasāne, sūriyuggamanaṃ 126 pati;
бзгкад̇о гаасирааж̇асса, бхаванаа д̇з 127 виг̇аахисум̣’’.
Pekkhato kāsirājassa, bhavanā te 128 vigāhisuṃ’’.
189.
189.
‘‘д̇з арог̇з ануббад̇д̇з, д̣̇исваана барамз д̣̇иж̇з;
‘‘Te aroge anuppatte, disvāna parame dije;
гзгаад̇и магарум̣ хам̣саа, бут̇усад̣̇д̣̇о аж̇ааяат̇а.
Kekāti makaruṃ haṃsā, puthusaddo ajāyatha.
190.
190.
‘‘д̇з бад̇ийд̇аа бамуд̇д̇зна, бхад̇д̇унаа бхад̇д̇уг̇аараваа;
‘‘Te patītā pamuttena, bhattunā bhattugāravā;
саманд̇аа баригирим̣су, ан̣д̣аж̇аа лад̣̇д̇хабажжаяаа’’.
Samantā parikiriṃsu, aṇḍajā laddhapaccayā’’.
191.
191.
‘‘звам̣ мид̇д̇авад̇ам̣ ад̇т̇аа, саб̣б̣з хонд̇и бад̣̇агкин̣аа;
‘‘Evaṃ mittavataṃ atthā, sabbe honti padakkhiṇā;
хам̣саа яат̇аа д̇хад̇арадтаа, н̃аад̇исан̇гхам̣ убааг̇аму’’нд̇и.
Haṃsā yathā dhataraṭṭhā, ñātisaṅghaṃ upāgamu’’nti.
махаахам̣саж̇аад̇агам̣ д̣̇уд̇ияам̣.
Mahāhaṃsajātakaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [534] 2. махаахам̣саж̇аад̇агаван̣н̣анаа • [534] 2. Mahāhaṃsajātakavaṇṇanā
