Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[534] 2. махаахам̣саж̇аад̇агаван̣н̣анаа

[534] 2. Mahāhaṃsajātakavaṇṇanā

зд̇з хам̣саа баггаманд̇ийд̇и ид̣̇ам̣ сад̇т̇аа взл̣уванз вихаранд̇о аананд̣̇ат̇зрасса ж̇ийвид̇абарижжааг̇амзва аараб̣бха гат̇зси. вад̇т̇у хздтаа вуд̇д̇асад̣̇исамзва, ид̇ха бана сад̇т̇аа ад̇ийд̇ам̣ аахаранд̇о ид̣̇амаахари.

Ete haṃsā pakkamantīti idaṃ satthā veḷuvane viharanto ānandatherassa jīvitapariccāgameva ārabbha kathesi. Vatthu heṭṭhā vuttasadisameva, idha pana satthā atītaṃ āharanto idamāhari.

ад̇ийд̇з б̣аараан̣асияам̣ сам̣яамасса наама б̣аараан̣асиран̃н̃о кзмаа наама аг̇г̇амахзсий ахоси. д̇ад̣̇аа б̣од̇хисад̇д̇о навуд̇ихам̣сасахассабаривуд̇о жид̇д̇агуудз вихааси. ат̇згад̣̇ивасам̣ кзмаа д̣̇звий бажжуусасамаяз субинам̣ ад̣̇д̣̇аса. суван̣н̣аван̣н̣аа хам̣саа ааг̇анд̇ваа рааж̇абаллан̇гз нисийд̣̇ид̇ваа мад̇хурассарзна д̇хаммагат̇ам̣ гат̇зсум̣. д̣̇звияаа саад̇хугаарам̣ д̣̇ад̇ваа д̇хаммам̣ сун̣анд̇ияаа д̇хаммассаванзна ад̇ид̇д̇ааяа зва рад̇д̇и вибхааяи. хам̣саа д̇хаммам̣ гат̇зд̇ваа сийхабан̃ж̇арзна нигкамид̇ваа аг̇амам̣су. саа взг̇знудтааяа ‘‘балааяамаанз хам̣сз г̇ан̣хат̇а г̇ан̣хат̇аа’’д̇и вад̇ваа хад̇т̇ам̣ басаарзнд̇ийязва баб̣уж̇жхи. д̇ассаа гат̇ам̣ суд̇ваа барижааригааяо ‘‘гухим̣ хам̣саа’’д̇и т̇огам̣ авахасим̣су. саа д̇асмим̣ кан̣з субинабхаавам̣ н̃ад̇ваа жинд̇зси – ‘‘ахам̣ абхууд̇ам̣ на бассаами, ад̣̇д̇хаа имасмим̣ логз суван̣н̣аван̣н̣аа хам̣саа бхависсанд̇и, сажз ко бана ‘суван̣н̣ахам̣саанам̣ д̇хаммам̣ сод̇угаамаамхий’д̇и рааж̇аанам̣ вагкаами, ‘амхзхи суван̣н̣ахам̣саа наама на д̣̇идтабуб̣б̣аа, хам̣саанан̃жа гат̇аа наама абхууд̇ааязваа’д̇и вад̇ваа нируссугго бхависсад̇и, ‘д̣̇охал̣о’д̇и вуд̇д̇з бана язна гзнажи убааязна бариязсиссад̇и, звам̣ мз манорат̇о самиж̇жхиссад̇ий’’д̇и. саа г̇илаанаалаяам̣ д̣̇ассзд̇ваа барижааригаанам̣ сан̃н̃ам̣ д̣̇ад̇ваа нибаж̇ж̇и.

Atīte bārāṇasiyaṃ saṃyamassa nāma bārāṇasirañño khemā nāma aggamahesī ahosi. Tadā bodhisatto navutihaṃsasahassaparivuto cittakūṭe vihāsi. Athekadivasaṃ khemā devī paccūsasamaye supinaṃ addasa. Suvaṇṇavaṇṇā haṃsā āgantvā rājapallaṅke nisīditvā madhurassarena dhammakathaṃ kathesuṃ. Deviyā sādhukāraṃ datvā dhammaṃ suṇantiyā dhammassavanena atittāya eva ratti vibhāyi. Haṃsā dhammaṃ kathetvā sīhapañjarena nikkhamitvā agamaṃsu. Sā vegenuṭṭhāya ‘‘palāyamāne haṃse gaṇhatha gaṇhathā’’ti vatvā hatthaṃ pasārentīyeva pabujjhi. Tassā kathaṃ sutvā paricārikāyo ‘‘kuhiṃ haṃsā’’ti thokaṃ avahasiṃsu. Sā tasmiṃ khaṇe supinabhāvaṃ ñatvā cintesi – ‘‘ahaṃ abhūtaṃ na passāmi, addhā imasmiṃ loke suvaṇṇavaṇṇā haṃsā bhavissanti, sace kho pana ‘suvaṇṇahaṃsānaṃ dhammaṃ sotukāmāmhī’ti rājānaṃ vakkhāmi, ‘amhehi suvaṇṇahaṃsā nāma na diṭṭhapubbā, haṃsānañca kathā nāma abhūtāyevā’ti vatvā nirussukko bhavissati, ‘dohaḷo’ti vutte pana yena kenaci upāyena pariyesissati, evaṃ me manoratho samijjhissatī’’ti. Sā gilānālayaṃ dassetvā paricārikānaṃ saññaṃ datvā nipajji.

рааж̇аа рааж̇аасанз нисинно д̇ассаа д̣̇ассанавзлааяа д̇ам̣ ад̣̇исваа ‘‘гахам̣, кзмаа д̣̇звий’’д̇и бужчид̇ваа ‘‘г̇илаанаа’’д̇и суд̇ваа д̇ассаа санд̇игам̣ г̇анд̇ваа саяанзгад̣̇зсз нисийд̣̇ид̇ваа бидтим̣ баримаж̇ж̇анд̇о ‘‘гим̣ д̇з апаасуга’’нд̇и бужчи. ‘‘д̣̇зва ан̃н̃ам̣ апаасугам̣ над̇т̇и, д̣̇охал̣о бана мз уббанно’’д̇и. д̇зна хи ‘‘бхан̣а, д̣̇зви, яам̣ ижчаси, д̇ам̣ сийгхам̣ д̇з убанаамзссаамий’’д̇и. ‘‘махаарааж̇а, ахамзгасса суван̣н̣ахам̣сасса самуссид̇асзд̇ажчад̇д̇з рааж̇абаллан̇гз нисиннасса г̇анд̇хамаалаад̣̇ийхи бууж̇ам̣ гад̇ваа саад̇хугаарам̣ д̣̇ад̣̇амаанаа д̇хаммагат̇ам̣ сод̇умижчаами, сажз лабхаами, ижжзд̇ам̣ гусалам̣, но жз, ж̇ийвид̇ам̣ мз над̇т̇ий’’д̇и. ат̇а нам̣ рааж̇аа ‘‘сажз мануссалогз ад̇т̇и, лабхиссаси , маа жинд̇аяий’’д̇и ассаасзд̇ваа сириг̇аб̣бхад̇о нигкамма амажжзхи сад̣̇д̇хим̣ манд̇зси – ‘‘амбхо, кзмаа д̣̇звий, ‘суван̣н̣ахам̣сасса д̇хаммагат̇ам̣ сод̇ум̣ лабханд̇ий ж̇ийвиссаами, алабханд̇ияаа мз ж̇ийвид̇ам̣ над̇т̇ий’д̇и вад̣̇ад̇и, ад̇т̇и ну ко суван̣н̣аван̣н̣аа хам̣саа’’д̇и. ‘‘д̣̇зва амхзхи нзва д̣̇идтабуб̣б̣аа на суд̇абуб̣б̣аа’’д̇и. ‘‘гз бана ж̇аанзяяу’’нд̇и? ‘‘б̣раахман̣аа, д̣̇зваа’’д̇и. рааж̇аа б̣раахман̣з баггосаабзд̇ваа саггаарам̣ гад̇ваа бужчи – ‘‘хонд̇и ну ко аажарияаа суван̣н̣аван̣н̣аа хам̣саа’’д̇и? ‘‘аама, махаарааж̇а амхаагам̣ манд̇зсумажчаа, гаггадагаа, гажчабаа, миг̇аа, мораа, хам̣саад̇и ча зд̇з д̇иражчаанаг̇ад̇аа суван̣н̣аван̣н̣аа хонд̇ийд̇и ааг̇ад̇аа, д̇ад̇т̇а д̇хад̇арадтагулахам̣саа наама бан̣д̣ид̇аа н̃аан̣асамбаннаа, ид̇и мануссзхи сад̣̇д̇хим̣ сад̇д̇а суван̣н̣аван̣н̣аа хонд̇ий’’д̇и.

Rājā rājāsane nisinno tassā dassanavelāya taṃ adisvā ‘‘kahaṃ, khemā devī’’ti pucchitvā ‘‘gilānā’’ti sutvā tassā santikaṃ gantvā sayanekadese nisīditvā piṭṭhiṃ parimajjanto ‘‘kiṃ te aphāsuka’’nti pucchi. ‘‘Deva aññaṃ aphāsukaṃ natthi, dohaḷo pana me uppanno’’ti. Tena hi ‘‘bhaṇa, devi, yaṃ icchasi, taṃ sīghaṃ te upanāmessāmī’’ti. ‘‘Mahārāja, ahamekassa suvaṇṇahaṃsassa samussitasetacchatte rājapallaṅke nisinnassa gandhamālādīhi pūjaṃ katvā sādhukāraṃ dadamānā dhammakathaṃ sotumicchāmi, sace labhāmi, iccetaṃ kusalaṃ, no ce, jīvitaṃ me natthī’’ti. Atha naṃ rājā ‘‘sace manussaloke atthi, labhissasi , mā cintayī’’ti assāsetvā sirigabbhato nikkhamma amaccehi saddhiṃ mantesi – ‘‘ambho, khemā devī, ‘suvaṇṇahaṃsassa dhammakathaṃ sotuṃ labhantī jīvissāmi, alabhantiyā me jīvitaṃ natthī’ti vadati, atthi nu kho suvaṇṇavaṇṇā haṃsā’’ti. ‘‘Deva amhehi neva diṭṭhapubbā na sutapubbā’’ti. ‘‘Ke pana jāneyyu’’nti? ‘‘Brāhmaṇā, devā’’ti. Rājā brāhmaṇe pakkosāpetvā sakkāraṃ katvā pucchi – ‘‘honti nu kho ācariyā suvaṇṇavaṇṇā haṃsā’’ti? ‘‘Āma, mahārāja amhākaṃ mantesumacchā, kakkaṭakā, kacchapā, migā, morā, haṃsāti cha ete tiracchānagatā suvaṇṇavaṇṇā hontīti āgatā, tattha dhataraṭṭhakulahaṃsā nāma paṇḍitā ñāṇasampannā, iti manussehi saddhiṃ satta suvaṇṇavaṇṇā hontī’’ti.

д̇ам̣ суд̇ваа рааж̇аа ад̇д̇амано худ̇ваа ‘‘гахам̣ ну ко аажарияаа д̇хад̇арадтахам̣саа васанд̇ий’’д̇и бужчид̇ваа ‘‘на ж̇аанаама, махаарааж̇аа’’д̇и вуд̇д̇з ‘‘ат̇а гз бана ж̇ааниссанд̇ий’’д̇и вад̇ваа ‘‘луд̣̇д̣̇абуд̇д̇аа’’д̇и вуд̇д̇з саб̣б̣з ад̇д̇ано виж̇ид̇з луд̣̇д̣̇агз саннибаад̇аабзд̇ваа бужчи – ‘‘д̇аад̇аа, суван̣н̣аван̣н̣аа д̇хад̇арадтагулахам̣саа наама гахам̣ васанд̇ий’’д̇и? ат̇зго луд̣̇д̣̇о ‘‘химаванд̇з гира, д̣̇зва, жид̇д̇агуудабаб̣б̣ад̇зд̇и но гулабарамбарааяа гат̇знд̇ий’’д̇и ааха. ‘‘ж̇аанааси бана нзсам̣ г̇ахан̣уубааяа’’нд̇и? ‘‘на ж̇аанаами, д̣̇зваа’’д̇и. ‘‘гз бана ж̇ааниссанд̇ий’’д̇и? б̣раахман̣аад̇и. со б̣раахман̣абан̣д̣ид̇з баггосаабзд̇ваа жид̇д̇агуудабаб̣б̣ад̇з суван̣н̣аван̣н̣аанам̣ хам̣саанам̣ ад̇т̇ибхаавам̣ аарожзд̇ваа ‘‘ж̇аанаат̇а ну ко д̇зсам̣ г̇ахан̣уубааяа’’нд̇и бужчи. ‘‘махаарааж̇а, гим̣ д̇зхи г̇анд̇ваа г̇ахид̇зхи, убааязна д̇з наг̇арасамийбам̣ аанзд̇ваа г̇ахзссаамаа’’д̇и. ‘‘го бана убааяо’’д̇и? ‘‘махаарааж̇а, наг̇арад̇о авид̣̇уурз уд̇д̇арзна д̇иг̇аавуд̇амад̇д̇з д̇иг̇аавуд̇аббамаан̣ам̣ кзмам̣ наама сарам̣ гаараабзд̇ваа уд̣̇агасса буурзд̇ваа наанаад̇хан̃н̃аани робзд̇ваа бан̃жаван̣н̣абад̣̇умасан̃чаннам̣ гаараабзд̇ваа згам̣ бан̣д̣ид̇ам̣ нзсаад̣̇ам̣ бадижчаабзд̇ваа мануссаанам̣ убаг̇анд̇ум̣ ад̣̇ад̇ваа жад̇уусу ган̣н̣зсу тид̇зхи абхаяам̣ гхосаабзт̇а, д̇ам̣ суд̇ваа наанаасагун̣аа д̣̇аса д̣̇исаа од̇ариссанд̇и, д̇зби хам̣саа барамбарааяа д̇асса сарасса кзмабхаавам̣ суд̇ваа ааг̇ажчиссанд̇и, ат̇а нз ваалабаасзхи б̣анд̇хаабзд̇ваа г̇ан̣хаабзяяаат̇аа’’д̇и.

Taṃ sutvā rājā attamano hutvā ‘‘kahaṃ nu kho ācariyā dhataraṭṭhahaṃsā vasantī’’ti pucchitvā ‘‘na jānāma, mahārājā’’ti vutte ‘‘atha ke pana jānissantī’’ti vatvā ‘‘luddaputtā’’ti vutte sabbe attano vijite luddake sannipātāpetvā pucchi – ‘‘tātā, suvaṇṇavaṇṇā dhataraṭṭhakulahaṃsā nāma kahaṃ vasantī’’ti? Atheko luddo ‘‘himavante kira, deva, cittakūṭapabbateti no kulaparamparāya kathentī’’ti āha. ‘‘Jānāsi pana nesaṃ gahaṇūpāya’’nti? ‘‘Na jānāmi, devā’’ti. ‘‘Ke pana jānissantī’’ti? Brāhmaṇāti. So brāhmaṇapaṇḍite pakkosāpetvā cittakūṭapabbate suvaṇṇavaṇṇānaṃ haṃsānaṃ atthibhāvaṃ ārocetvā ‘‘jānātha nu kho tesaṃ gahaṇūpāya’’nti pucchi. ‘‘Mahārāja, kiṃ tehi gantvā gahitehi, upāyena te nagarasamīpaṃ ānetvā gahessāmā’’ti. ‘‘Ko pana upāyo’’ti? ‘‘Mahārāja, nagarato avidūre uttarena tigāvutamatte tigāvutappamāṇaṃ khemaṃ nāma saraṃ kārāpetvā udakassa pūretvā nānādhaññāni ropetvā pañcavaṇṇapadumasañchannaṃ kārāpetvā ekaṃ paṇḍitaṃ nesādaṃ paṭicchāpetvā manussānaṃ upagantuṃ adatvā catūsu kaṇṇesu ṭhitehi abhayaṃ ghosāpetha, taṃ sutvā nānāsakuṇā dasa disā otarissanti, tepi haṃsā paramparāya tassa sarassa khemabhāvaṃ sutvā āgacchissanti, atha ne vālapāsehi bandhāpetvā gaṇhāpeyyāthā’’ti.

д̇ам̣ суд̇ваа рааж̇аа д̇зхи вуд̇д̇абад̣̇зсз вуд̇д̇аббагаарам̣ сарам̣ гаараабзд̇ваа чзгам̣ нзсаад̣̇ам̣ баггосаабзд̇ваа д̇асса сахассам̣ д̣̇аабзд̇ваа ‘‘д̇вам̣ ид̇о бадтааяа ад̇д̇ано гаммам̣ маа гари, буд̇д̇ад̣̇аарам̣ д̇з ахам̣ босзссаами, д̇вам̣ аббамад̇д̇о кзмам̣ сарам̣ рагканд̇о мануссз бадиггамаабзд̇ваа жад̇уусу ган̣н̣зсу абхаяам̣ гхосаабзд̇ваа ааг̇ад̇ааг̇ад̇з сагун̣з мама аажигкзяяааси, суван̣н̣ахам̣сзсу ааг̇ад̇зсу маханд̇ам̣ саггаарам̣ лабхиссасий’’д̇и д̇амассаасзд̇ваа кзмам̣ сарам̣ бадижчаабзси. со д̇ад̇о бадтааяа ран̃н̃аа вуд̇д̇анаязнзва д̇ад̇т̇а бадибаж̇ж̇и, ‘‘кзмам̣ сарам̣ рагкад̇ий’’д̇и жасса ‘‘кзманзсаад̣̇о’’д̇взва наамам̣ уд̣̇абаад̣̇и . д̇ад̇о бадтааяа жа наанаббагаараа сагун̣аа од̇арим̣су, ‘‘кзмам̣ ниб̣бхаяам̣ сара’’нд̇и барамбараагхосзна наанаахам̣саа ааг̇амим̣су. батамам̣ д̇аава д̇ин̣ахам̣саа ааг̇амим̣су, д̇зсам̣ гхосзна бан̣д̣ухам̣саа, д̇зсам̣ гхосзна маносилааван̣н̣аа хам̣саа, д̇зсам̣ гхосзна сзд̇ахам̣саа, д̇зсам̣ гхосзна баагахам̣саа ааг̇амим̣су. д̇зсу ааг̇ад̇зсу кзмаго ран̃н̃о аарожзси – ‘‘д̣̇зва, бан̃жаван̣н̣аа хам̣саа ааг̇анд̇ваа сарз г̇ожарам̣ г̇ан̣ханд̇и, баагахам̣саанам̣ ааг̇ад̇ад̇д̇аа ид̣̇аани гад̇ибаахзнзва суван̣н̣ахам̣саа ааг̇амиссанд̇и, маа жинд̇аяид̇т̇а, д̣̇зваа’’д̇и.

Taṃ sutvā rājā tehi vuttapadese vuttappakāraṃ saraṃ kārāpetvā chekaṃ nesādaṃ pakkosāpetvā tassa sahassaṃ dāpetvā ‘‘tvaṃ ito paṭṭhāya attano kammaṃ mā kari, puttadāraṃ te ahaṃ posessāmi, tvaṃ appamatto khemaṃ saraṃ rakkhanto manusse paṭikkamāpetvā catūsu kaṇṇesu abhayaṃ ghosāpetvā āgatāgate sakuṇe mama ācikkheyyāsi, suvaṇṇahaṃsesu āgatesu mahantaṃ sakkāraṃ labhissasī’’ti tamassāsetvā khemaṃ saraṃ paṭicchāpesi. So tato paṭṭhāya raññā vuttanayeneva tattha paṭipajji, ‘‘khemaṃ saraṃ rakkhatī’’ti cassa ‘‘khemanesādo’’tveva nāmaṃ udapādi . Tato paṭṭhāya ca nānappakārā sakuṇā otariṃsu, ‘‘khemaṃ nibbhayaṃ sara’’nti paramparāghosena nānāhaṃsā āgamiṃsu. Paṭhamaṃ tāva tiṇahaṃsā āgamiṃsu, tesaṃ ghosena paṇḍuhaṃsā, tesaṃ ghosena manosilāvaṇṇā haṃsā, tesaṃ ghosena setahaṃsā, tesaṃ ghosena pākahaṃsā āgamiṃsu. Tesu āgatesu khemako rañño ārocesi – ‘‘deva, pañcavaṇṇā haṃsā āgantvā sare gocaraṃ gaṇhanti, pākahaṃsānaṃ āgatattā idāni katipāheneva suvaṇṇahaṃsā āgamissanti, mā cintayittha, devā’’ti.

д̇ам̣ суд̇ваа рааж̇аа ‘‘ан̃н̃зна д̇ад̇т̇а на г̇анд̇аб̣б̣ам̣, яо г̇ажчиссад̇и, хад̇т̇абаад̣̇ачзд̣̇анан̃жа гхаравилобан̃жа баабун̣иссад̇ий’’д̇и наг̇ара бхзрим̣ жараабзси. д̇ад̇о бадтааяа д̇ад̇т̇а гожи на г̇ажчад̇и. жид̇д̇агуудасса банаавид̣̇уурз ган̃жанаг̇ухааяам̣баагахам̣саа васанд̇и, д̇зби махаб̣б̣алаа. д̇хад̇арадтагулзна сад̣̇д̇хим̣ д̇зсам̣ сарийраван̣н̣ова висзсо. баагахам̣саран̃н̃о бана д̇хийд̇аа суван̣н̣аван̣н̣аа ахоси. со д̇ам̣ д̇хад̇арадтамахиссарасса ануруубаад̇и д̇асса баад̣̇абарижааригам̣ гад̇ваа бзсзси. саа д̇асса бияаа ахоси манаабаа, д̇знзва жа гааран̣зна д̇аани д̣̇вз хам̣сагулаани ан̃н̃аман̃н̃ам̣ виссаасигаани ж̇аад̇аани.

Taṃ sutvā rājā ‘‘aññena tattha na gantabbaṃ, yo gacchissati, hatthapādachedanañca gharavilopañca pāpuṇissatī’’ti nagara bheriṃ carāpesi. Tato paṭṭhāya tattha koci na gacchati. Cittakūṭassa panāvidūre kañcanaguhāyaṃpākahaṃsā vasanti, tepi mahabbalā. Dhataraṭṭhakulena saddhiṃ tesaṃ sarīravaṇṇova viseso. Pākahaṃsarañño pana dhītā suvaṇṇavaṇṇā ahosi. So taṃ dhataraṭṭhamahissarassa anurūpāti tassa pādaparicārikaṃ katvā pesesi. Sā tassa piyā ahosi manāpā, teneva ca kāraṇena tāni dve haṃsakulāni aññamaññaṃ vissāsikāni jātāni.

ат̇згад̣̇ивасам̣ б̣од̇хисад̇д̇асса бариваарахам̣саа баагахам̣сз бужчим̣су – ‘‘д̇умхз имзсу д̣̇ивасзсу гахам̣ г̇ожарам̣ г̇ан̣хат̇аа’’д̇и? ‘‘маяам̣ б̣аараан̣асид̇о авид̣̇уурз кзмасарз г̇ожарам̣ г̇ан̣хаама, д̇умхз бана гухим̣ аахин̣д̣ат̇аа’’д̇и. ‘‘асугам̣ наамаа’’д̇и вуд̇д̇з ‘‘гасмаа кзмасарам̣ на г̇ажчат̇а, со хи саро раман̣ийяо наанаасагун̣асамаагин̣н̣о бан̃жаван̣н̣абад̣̇умасан̃чанно наанаад̇хан̃н̃апаласамбанно наанаббагаарабхамараг̇ан̣анигууж̇ид̇о жад̇уусу ган̣н̣зсу нижжам̣ бавад̇д̇аабхаяагхосано, гожи нам̣ убасан̇гамид̇ум̣ самад̇т̇о наама над̇т̇и, баг̇зва ан̃н̃ам̣ убад̣̇д̣̇авам̣ гаад̇ум̣, зваруубо со саро’’д̇и кзмасарам̣ ван̣н̣аяим̣су. д̇з д̇зсам̣ важанам̣ суд̇ваа ‘‘б̣аараан̣асияаа самийбз гира зваруубо кзмо наама саро ад̇т̇и, баагахам̣саа д̇ад̇т̇а г̇анд̇ваа г̇ожарам̣ г̇ан̣ханд̇и, д̇умхзби д̇хад̇арадтамахиссарасса аарожзт̇а, сажз ануж̇аанаад̇и, маяамби д̇ад̇т̇а г̇анд̇ваа г̇ожарам̣ г̇ан̣хзяяаамаа’’д̇и сумукасса гат̇зсум̣. сумуко ран̃н̃о аарожзси. со жинд̇зси – ‘‘мануссаа наама б̣ахумааяаа караманд̇аа убааяагусалаа, бхавид̇аб̣б̣амзд̇т̇а гааран̣зна, зд̇д̇агам̣ гаалам̣ зсо саро над̇т̇и, ид̣̇аани амхаагам̣ г̇ахан̣ад̇т̇ааяа гад̇о бхависсад̇ий’’д̇и. со сумукам̣ ааха – ‘‘маа во д̇ад̇т̇а г̇аманам̣ ружжат̇а, на со саро д̇зхи суд̇хаммад̇ааяа гад̇о, амхаагам̣ г̇ахан̣ад̇т̇ааязва гад̇о, мануссаа наама б̣ахумааяаа караманд̇аа убааяагусалаа, д̇умхз сагзязва г̇ожарз жарат̇аа’’д̇и .

Athekadivasaṃ bodhisattassa parivārahaṃsā pākahaṃse pucchiṃsu – ‘‘tumhe imesu divasesu kahaṃ gocaraṃ gaṇhathā’’ti? ‘‘Mayaṃ bārāṇasito avidūre khemasare gocaraṃ gaṇhāma, tumhe pana kuhiṃ āhiṇḍathā’’ti. ‘‘Asukaṃ nāmā’’ti vutte ‘‘kasmā khemasaraṃ na gacchatha, so hi saro ramaṇīyo nānāsakuṇasamākiṇṇo pañcavaṇṇapadumasañchanno nānādhaññaphalasampanno nānappakārabhamaragaṇanikūjito catūsu kaṇṇesu niccaṃ pavattaabhayaghosano, koci naṃ upasaṅkamituṃ samattho nāma natthi, pageva aññaṃ upaddavaṃ kātuṃ, evarūpo so saro’’ti khemasaraṃ vaṇṇayiṃsu. Te tesaṃ vacanaṃ sutvā ‘‘bārāṇasiyā samīpe kira evarūpo khemo nāma saro atthi, pākahaṃsā tattha gantvā gocaraṃ gaṇhanti, tumhepi dhataraṭṭhamahissarassa ārocetha, sace anujānāti, mayampi tattha gantvā gocaraṃ gaṇheyyāmā’’ti sumukhassa kathesuṃ. Sumukho rañño ārocesi. So cintesi – ‘‘manussā nāma bahumāyā kharamantā upāyakusalā, bhavitabbamettha kāraṇena, ettakaṃ kālaṃ eso saro natthi, idāni amhākaṃ gahaṇatthāya kato bhavissatī’’ti. So sumukhaṃ āha – ‘‘mā vo tattha gamanaṃ ruccatha, na so saro tehi sudhammatāya kato, amhākaṃ gahaṇatthāyeva kato, manussā nāma bahumāyā kharamantā upāyakusalā, tumhe sakeyeva gocare carathā’’ti .

суван̣н̣ахам̣саа ‘‘кзмам̣ сарам̣ г̇анд̇угаамамхаа’’д̇и д̣̇уд̇ияамби д̇ад̇ияамби сумукасса аарожзсум̣. со д̇зсам̣ д̇ад̇т̇а г̇анд̇угаамад̇ам̣ махаасад̇д̇асса аарожзси. ат̇а махаасад̇д̇о ‘‘мама н̃аад̇агаа мам̣ ниссааяа маа гиламанд̇у, д̇зна хи г̇ажчаамаа’’д̇и навуд̇ихам̣сасахассабаривуд̇о д̇ад̇т̇а г̇анд̇ваа г̇ожарам̣ г̇ахзд̇ваа хам̣сагийл̣ам̣ гийл̣ид̇ваа жид̇д̇агуудамзва бажжааг̇ами. кзмаго д̇зсам̣ г̇ожарам̣ жарид̇ваа г̇ад̇агаалз г̇анд̇ваа д̇зсам̣ ааг̇ад̇абхаавам̣ ран̃н̃о аарожзси. рааж̇аа д̇удтажид̇д̇о худ̇ваа, ‘‘самма кзмага, згам̣ ваа д̣̇вз ваа хам̣сз г̇ан̣хид̇ум̣ вааяама, маханд̇ам̣ д̇з яасам̣ д̣̇ассаамий’’д̇и вад̇ваа бариб̣б̣аяам̣ д̣̇ад̇ваа д̇ам̣ уяяож̇зси. со д̇ад̇т̇а г̇анд̇ваа жаадибан̃ж̇арз нисийд̣̇ид̇ваа хам̣саанам̣ жаран̣адтаанам̣ виймам̣си. б̣од̇хисад̇д̇аа наама ниллолуббажаарино хонд̇и, д̇асмаа махаасад̇д̇о од̇ин̣н̣адтаанад̇о бадтааяа сабад̣̇аанам̣ саалим̣ каад̣̇анд̇о аг̇амааси. сзсаа ид̇о жид̇о жа каад̣̇анд̇аа вижарим̣су.

Suvaṇṇahaṃsā ‘‘khemaṃ saraṃ gantukāmamhā’’ti dutiyampi tatiyampi sumukhassa ārocesuṃ. So tesaṃ tattha gantukāmataṃ mahāsattassa ārocesi. Atha mahāsatto ‘‘mama ñātakā maṃ nissāya mā kilamantu, tena hi gacchāmā’’ti navutihaṃsasahassaparivuto tattha gantvā gocaraṃ gahetvā haṃsakīḷaṃ kīḷitvā cittakūṭameva paccāgami. Khemako tesaṃ gocaraṃ caritvā gatakāle gantvā tesaṃ āgatabhāvaṃ rañño ārocesi. Rājā tuṭṭhacitto hutvā, ‘‘samma khemaka, ekaṃ vā dve vā haṃse gaṇhituṃ vāyama, mahantaṃ te yasaṃ dassāmī’’ti vatvā paribbayaṃ datvā taṃ uyyojesi. So tattha gantvā cāṭipañjare nisīditvā haṃsānaṃ caraṇaṭṭhānaṃ vīmaṃsi. Bodhisattā nāma nilloluppacārino honti, tasmā mahāsatto otiṇṇaṭṭhānato paṭṭhāya sapadānaṃ sāliṃ khādanto agamāsi. Sesā ito cito ca khādantā vicariṃsu.

ат̇а луд̣̇д̣̇абуд̇д̇о ‘‘аяам̣ хам̣со ниллолуббажаарий, имам̣ б̣анд̇хид̇ум̣ ваддад̇ий’’д̇и жинд̇зд̇ваа бунад̣̇ивасз хам̣сзсу сарам̣ анод̇ин̣н̣зсуязва жаадибан̃ж̇арз нисинно д̇ам̣ таанам̣ г̇анд̇ваа авид̣̇уурз бан̃ж̇арз ад̇д̇аанам̣ бадижчаад̣̇зд̇ваа чид̣̇д̣̇зна ологзнд̇о ажчи. д̇асмим̣ кан̣з махаасад̇д̇о навуд̇ихам̣сасахассабурагкад̇о хияяо од̇ин̣н̣адтаанзязва од̇арид̇ваа од̇хияам̣ нисийд̣̇ид̇ваа саалим̣ каад̣̇анд̇о бааяааси. нзсаад̣̇о бан̃ж̇арачид̣̇д̣̇зна ологзнд̇о д̇асса руубасобхаг̇г̇аббад̇д̇ам̣ ад̇д̇абхаавам̣ д̣̇исваа ‘‘аяам̣ хам̣со сагаданаабхиббамаан̣асарийро суван̣н̣аван̣н̣о, д̇ийхи рад̇д̇арааж̇ийхи г̇ийвааяам̣ баригкид̇д̇о, д̇иссо рааж̇ияо г̇алзна од̇арид̇ваа уранд̇арзна г̇ад̇аа, д̇иссо бажчаабхааг̇зна ниб̣б̣иж̇жхид̇ваа г̇ад̇аа, рад̇д̇агамб̣аласуд̇д̇асиггааяа табид̇аган̃жанагканд̇хо вияа ад̇ирожад̇и, иминаа зд̇зсам̣ ран̃н̃аа бхавид̇аб̣б̣ам̣, имамзва г̇ан̣хиссаамий’’д̇и жинд̇зси. хам̣сарааж̇ааби б̣ахум̣ г̇ожарам̣ жарид̇ваа ж̇алагийл̣ам̣ гийл̣ид̇ваа хам̣саг̇ан̣абаривуд̇о жид̇д̇агуудамзва аг̇амааси. иминаа нияаамзнзва бан̃жа д̣̇ивасз г̇ожарам̣ г̇ан̣хи. чадтз д̣̇ивасз кзмаго гаал̣аассавааламаяам̣ д̣̇ал̣хам̣ махаараж̇ж̇ум̣ ваддид̇ваа яадтияаа баасам̣ гад̇ваа ‘‘свз хам̣сарааж̇аа имасмим̣ огаасз од̇ариссад̇ий’’д̇и д̇ат̇ад̇о н̃ад̇ваа анд̇оуд̣̇агз яадтибаасам̣ од̣д̣и.

Atha luddaputto ‘‘ayaṃ haṃso nilloluppacārī, imaṃ bandhituṃ vaṭṭatī’’ti cintetvā punadivase haṃsesu saraṃ anotiṇṇesuyeva cāṭipañjare nisinno taṃ ṭhānaṃ gantvā avidūre pañjare attānaṃ paṭicchādetvā chiddena olokento acchi. Tasmiṃ khaṇe mahāsatto navutihaṃsasahassapurakkhato hiyyo otiṇṇaṭṭhāneyeva otaritvā odhiyaṃ nisīditvā sāliṃ khādanto pāyāsi. Nesādo pañjarachiddena olokento tassa rūpasobhaggappattaṃ attabhāvaṃ disvā ‘‘ayaṃ haṃso sakaṭanābhippamāṇasarīro suvaṇṇavaṇṇo, tīhi rattarājīhi gīvāyaṃ parikkhitto, tisso rājiyo galena otaritvā urantarena gatā, tisso pacchābhāgena nibbijjhitvā gatā, rattakambalasuttasikkāya ṭhapitakañcanakkhandho viya atirocati, iminā etesaṃ raññā bhavitabbaṃ, imameva gaṇhissāmī’’ti cintesi. Haṃsarājāpi bahuṃ gocaraṃ caritvā jalakīḷaṃ kīḷitvā haṃsagaṇaparivuto cittakūṭameva agamāsi. Iminā niyāmeneva pañca divase gocaraṃ gaṇhi. Chaṭṭhe divase khemako kāḷaassavālamayaṃ daḷhaṃ mahārajjuṃ vaṭṭitvā yaṭṭhiyā pāsaṃ katvā ‘‘sve haṃsarājā imasmiṃ okāse otarissatī’’ti tathato ñatvā antoudake yaṭṭhipāsaṃ oḍḍi.

бунад̣̇ивасз хам̣сарааж̇аа од̇аранд̇о баад̣̇ам̣ баасз бавзсанд̇оязва од̇ари. ат̇асса баасо баад̣̇ам̣ аяабаддагзна гад̣дханд̇о вияа ааб̣анд̇хид̇ваа г̇ан̣хи. со ‘‘чинд̣̇иссаами на’’нд̇и взг̇ам̣ ж̇анзд̇ваа гад̣дхид̇ваа баад̇зси. батамаваарз суван̣н̣аван̣н̣ам̣ жаммам̣ чиж̇ж̇и, д̣̇уд̇ияаваарз гамб̣алаван̣н̣ам̣ мам̣сам̣ чиж̇ж̇и, д̇ад̇ияаваарз нхаару чиж̇ж̇и, жад̇уд̇т̇аваарз бана ‘‘баад̣̇аа чиж̇ж̇зяяум̣, ран̃н̃о бана хийнан̇г̇ад̇аа наама ананужчавигаа’’д̇и на вааяаамам̣ агааси, б̣алававзд̣̇анаа жа бавад̇д̇им̣су. со жинд̇зси – ‘‘сажаахам̣ б̣ад̣̇д̇харавам̣ рависсаами, н̃аад̇агаа мз н̃ад̇расд̇аа худ̇ваа г̇ожарам̣ аг̇г̇ахзд̇ваа чаад̇аж̇жхад̇д̇аава балааяанд̇аа д̣̇уб̣б̣алад̇д̇аа самуд̣̇д̣̇з бад̇иссанд̇ий’’д̇и. со взд̣̇анам̣ ад̇хиваасзд̇ваа баасавасз вад̇д̇зд̇ваа саалим̣ каад̣̇анд̇о вияа худ̇ваа д̇зсам̣ яаавад̣̇ад̇т̇ам̣ жарид̇ваа хам̣сагийл̣ам̣ гийл̣анагаалз маханд̇зна сад̣̇д̣̇зна б̣ад̣̇д̇харавам̣ рави. д̇ам̣ суд̇ваа хам̣саа маран̣абхаяад̇аж̇ж̇ид̇аа ваг̇г̇аваг̇г̇аа жид̇д̇агуудаабхимукаа буриманаязнзва баггамим̣су.

Punadivase haṃsarājā otaranto pādaṃ pāse pavesantoyeva otari. Athassa pāso pādaṃ ayapaṭṭakena kaḍḍhanto viya ābandhitvā gaṇhi. So ‘‘chindissāmi na’’nti vegaṃ janetvā kaḍḍhitvā pātesi. Paṭhamavāre suvaṇṇavaṇṇaṃ cammaṃ chijji, dutiyavāre kambalavaṇṇaṃ maṃsaṃ chijji, tatiyavāre nhāru chijji, catutthavāre pana ‘‘pādā chijjeyyuṃ, rañño pana hīnaṅgatā nāma ananucchavikā’’ti na vāyāmaṃ akāsi, balavavedanā ca pavattiṃsu. So cintesi – ‘‘sacāhaṃ baddharavaṃ ravissāmi, ñātakā me ñatrastā hutvā gocaraṃ aggahetvā chātajjhattāva palāyantā dubbalattā samudde patissantī’’ti. So vedanaṃ adhivāsetvā pāsavase vattetvā sāliṃ khādanto viya hutvā tesaṃ yāvadatthaṃ caritvā haṃsakīḷaṃ kīḷanakāle mahantena saddena baddharavaṃ ravi. Taṃ sutvā haṃsā maraṇabhayatajjitā vaggavaggā cittakūṭābhimukhā purimanayeneva pakkamiṃsu.

сумукоби хздтаа вуд̇д̇анаязнзва жинд̇зд̇ваа вижинид̇ваа д̇ийсуби годтаасзсу махаасад̇д̇ам̣ ад̣̇исваа ‘‘ад̣̇д̇хаа д̇ассзвзд̣̇ам̣ бхаяам̣ уббанна’’нд̇и нивад̇д̇ид̇ваа ааг̇ад̇о махаасад̇д̇ам̣ баасзна б̣ад̣̇д̇хам̣ лохид̇амагкид̇ам̣ д̣̇угкаад̇урам̣ бан̇габидтз нибаннам̣ д̣̇исваа ‘‘маа бхааяи, махаарааж̇а, ахам̣ мама ж̇ийвид̇ам̣ барижжаж̇ид̇ваа д̇умхз можзссаамий’’д̇и вад̣̇анд̇о од̇арид̇ваа махаасад̇д̇ам̣ ассаасзнд̇о бан̇габидтз нисийд̣̇и. махаасад̇д̇о ‘‘навуд̇ихам̣сасахассзсу мам̣ чад̣д̣зд̇ваа балааяанд̇зсу аяам̣ сумуко згагова ааг̇ад̇о, гим̣ ну ко луд̣̇д̣̇абуд̇д̇асса ааг̇ад̇агаалз мам̣ чад̣д̣зд̇ваа балааяиссад̇и, уд̣̇ааху но’’д̇и виймам̣санавасзна лохид̇амагкид̇о баасаяадтияам̣ оламб̣анд̇оязва д̇иссо г̇аат̇аа абхааси –

Sumukhopi heṭṭhā vuttanayeneva cintetvā vicinitvā tīsupi koṭṭhāsesu mahāsattaṃ adisvā ‘‘addhā tassevedaṃ bhayaṃ uppanna’’nti nivattitvā āgato mahāsattaṃ pāsena baddhaṃ lohitamakkhitaṃ dukkhāturaṃ paṅkapiṭṭhe nipannaṃ disvā ‘‘mā bhāyi, mahārāja, ahaṃ mama jīvitaṃ pariccajitvā tumhe mocessāmī’’ti vadanto otaritvā mahāsattaṃ assāsento paṅkapiṭṭhe nisīdi. Mahāsatto ‘‘navutihaṃsasahassesu maṃ chaḍḍetvā palāyantesu ayaṃ sumukho ekakova āgato, kiṃ nu kho luddaputtassa āgatakāle maṃ chaḍḍetvā palāyissati, udāhu no’’ti vīmaṃsanavasena lohitamakkhito pāsayaṭṭhiyaṃ olambantoyeva tisso gāthā abhāsi –

89.

‘‘зд̇з хам̣саа баггаманд̇и, вагган̇г̇аа бхаяамзрид̇аа;

‘‘Ete haṃsā pakkamanti, vakkaṅgā bhayameritā;

харид̇д̇ажа хзмаван̣н̣а, гаамам̣ сумука баггама.

Harittaca hemavaṇṇa, kāmaṃ sumukha pakkama.

90.

‘‘охааяа мам̣ н̃аад̇иг̇ан̣аа, згам̣ баасавасам̣ г̇ад̇ам̣;

‘‘Ohāya maṃ ñātigaṇā, ekaṃ pāsavasaṃ gataṃ;

анабзгкамаанаа г̇ажчанд̇и, гим̣ зго авахийяаси.

Anapekkhamānā gacchanti, kiṃ eko avahīyasi.

91.

‘‘бад̇зва бад̇ад̇ам̣ сздта, над̇т̇и б̣ад̣̇д̇хз сахааяад̇аа;

‘‘Pateva patataṃ seṭṭha, natthi baddhe sahāyatā;

маа анийгхааяа хаабзси, гаамам̣ сумука баггамаа’’д̇и.

Mā anīghāya hāpesi, kāmaṃ sumukha pakkamā’’ti.

д̇ад̇т̇а бхаяамзрид̇аад̇и бхаязна зрид̇аа бхаяаддид̇аа бхаяажалид̇аа. д̇ад̇ияабад̣̇з ‘‘харий’’д̇иби ‘‘хзма’’нд̇иби суван̣н̣ассзва наамам̣. со жа харид̇д̇ажад̇ааяа хзмаван̣н̣о, д̇зна д̇ам̣ звам̣ аалабад̇и. сумукаад̇и сунд̣̇арамука. анабзгкамаанаад̇и д̇ава н̃аад̇агаа мам̣ анологзнд̇аа нираалаяаа худ̇ваа. бад̇зваад̇и уббад̇аахиязва. маа анийгхааяаад̇и ид̇о г̇анд̇ваа бад̇д̇аб̣б̣ааяа нид̣̇угкабхаавааяа вийрияам̣ маа хаабзси.

Tattha bhayameritāti bhayena eritā bhayaṭṭitā bhayacalitā. Tatiyapade ‘‘harī’’tipi ‘‘hema’’ntipi suvaṇṇasseva nāmaṃ. So ca harittacatāya hemavaṇṇo, tena taṃ evaṃ ālapati. Sumukhāti sundaramukha. Anapekkhamānāti tava ñātakā maṃ anolokentā nirālayā hutvā. Patevāti uppatāhiyeva. Mā anīghāyāti ito gantvā pattabbāya nidukkhabhāvāya vīriyaṃ mā hāpesi.

д̇ам̣ суд̇ваа сумуко ‘‘аяам̣ хам̣сарааж̇аа мама бияамид̇д̇абхаавам̣ на ж̇аанаад̇и, ануббияабхаан̣ий мид̇д̇од̇и мам̣ саллагкзд̇и, синзхабхаавамасса д̣̇ассзссаамий’’д̇и жинд̇зд̇ваа жад̇ассо г̇аат̇аа абхааси –

Taṃ sutvā sumukho ‘‘ayaṃ haṃsarājā mama piyamittabhāvaṃ na jānāti, anuppiyabhāṇī mittoti maṃ sallakkheti, sinehabhāvamassa dassessāmī’’ti cintetvā catasso gāthā abhāsi –

92.

‘‘наахам̣ д̣̇угкабарзд̇оби, д̇хад̇арадта д̇увам̣ ж̇ахз;

‘‘Nāhaṃ dukkhaparetopi, dhataraṭṭha tuvaṃ jahe;

ж̇ийвид̇ам̣ маран̣ам̣ ваа мз, д̇аяаа сад̣̇д̇хим̣ бхависсад̇и.

Jīvitaṃ maraṇaṃ vā me, tayā saddhiṃ bhavissati.

93.

‘‘наахам̣ д̣̇угкабарзд̇оби, д̇хад̇арадта д̇увам̣ ж̇ахз;

‘‘Nāhaṃ dukkhaparetopi, dhataraṭṭha tuvaṃ jahe;

на мам̣ анарияасам̣яуд̇д̇з, гаммз яож̇зд̇умарахаси.

Na maṃ anariyasaṃyutte, kamme yojetumarahasi.

94.

‘‘сагумааро сакаад̇яасми, сажид̇д̇з жасми д̇з тид̇о;

‘‘Sakumāro sakhātyasmi, sacitte casmi te ṭhito;

н̃аад̇о сзнаабад̇ий д̇яаахам̣, хам̣саанам̣ баваруд̇д̇ама.

Ñāto senāpatī tyāhaṃ, haṃsānaṃ pavaruttama.

95.

‘‘гат̇ам̣ ахам̣ вигад̇д̇иссам̣, н̃аад̇имаж̇жхз ид̇о г̇ад̇о;

‘‘Kathaṃ ahaṃ vikattissaṃ, ñātimajjhe ito gato;

д̇ам̣ хид̇ваа бад̇ад̇ам̣ сздта, гим̣ д̇з вагкаамид̇о г̇ад̇о;

Taṃ hitvā patataṃ seṭṭha, kiṃ te vakkhāmito gato;

ид̇ха баан̣ам̣ жаж̇иссаами, наанарияам̣ гад̇д̇умуссахз’’д̇и.

Idha pāṇaṃ cajissāmi, nānariyaṃ kattumussahe’’ti.

д̇ад̇т̇а нааханд̇и ахам̣, махаарааж̇а, гааяигажзд̇асигзна д̣̇угкзна пудтоби д̇ам̣ на ж̇ахаами. анарияасам̣яуд̇д̇зд̇и мид̇д̇ад̣̇уб̣бхийхи ахиригзхи гад̇д̇аб̣б̣ад̇ааяа анарияабхаавзна сам̣яуд̇д̇з. гаммзд̇и д̇ам̣ ж̇ахид̇ваа баггаманагаммз. сагумаарод̇и самаанагумааро, згад̣̇ивасзнзва бадисанд̇хим̣ г̇ахзд̇ваа згад̣̇ивасз ан̣д̣агосам̣ бад̣̇аалзд̇ваа згад̇о вад̣дхид̇агумаарод̇и ад̇т̇о. сакаад̇яасмийд̇и ахам̣ д̇з д̣̇агкин̣агкисамо бияасахааяо. сажид̇д̇зд̇и д̇ава сагз жид̇д̇з ахам̣ тид̇о д̇ава васз вад̇д̇аами, д̇аяи ж̇ийванд̇з ж̇ийваами, на ж̇ийванд̇з на ж̇ийваамийд̇и ад̇т̇о. ‘‘сам̣жид̇д̇з’’д̇иби баато, д̇ава жид̇д̇з ахам̣ сан̣тид̇о судту тид̇од̇и ад̇т̇о. н̃аад̇од̇и саб̣б̣ахам̣саанам̣ анд̇арз бан̃н̃аад̇о. вигад̇д̇иссанд̇и ‘‘гухим̣ хам̣сарааж̇аа’’д̇и бужчид̇о ахам̣ гинд̇и гат̇зссаами. гим̣ д̇з вагкаамийд̇и д̇з д̇ава бавад̇д̇им̣ бужчанд̇з хам̣саг̇ан̣з гим̣ вагкаами.

Tattha nāhanti ahaṃ, mahārāja, kāyikacetasikena dukkhena phuṭṭhopi taṃ na jahāmi. Anariyasaṃyutteti mittadubbhīhi ahirikehi kattabbatāya anariyabhāvena saṃyutte. Kammeti taṃ jahitvā pakkamanakamme. Sakumāroti samānakumāro, ekadivaseneva paṭisandhiṃ gahetvā ekadivase aṇḍakosaṃ padāletvā ekato vaḍḍhitakumāroti attho. Sakhātyasmīti ahaṃ te dakkhiṇakkhisamo piyasahāyo. Sacitteti tava sake citte ahaṃ ṭhito tava vase vattāmi, tayi jīvante jīvāmi, na jīvante na jīvāmīti attho. ‘‘Saṃcitte’’tipi pāṭho, tava citte ahaṃ saṇṭhito suṭṭhu ṭhitoti attho. Ñātoti sabbahaṃsānaṃ antare paññāto. Vikattissanti ‘‘kuhiṃ haṃsarājā’’ti pucchito ahaṃ kinti kathessāmi. Kiṃ te vakkhāmīti te tava pavattiṃ pucchante haṃsagaṇe kiṃ vakkhāmi.

звам̣ сумукзна жад̇уухи г̇аат̇аахи сийханаад̣̇з над̣̇ид̇з д̇асса г̇ун̣ам̣ багаасзнд̇о махаасад̇д̇о ааха –

Evaṃ sumukhena catūhi gāthāhi sīhanāde nadite tassa guṇaṃ pakāsento mahāsatto āha –

96.

‘‘зсо хи д̇хаммо сумука, яам̣ д̇вам̣ арияабат̇з тид̇о;

‘‘Eso hi dhammo sumukha, yaṃ tvaṃ ariyapathe ṭhito;

яо бхад̇д̇аарам̣ сакаарам̣ мам̣, на барижжад̇д̇умуссахз.

Yo bhattāraṃ sakhāraṃ maṃ, na pariccattumussahe.

97.

‘‘д̇ан̃хи мз бзгкамаанасса, бхаяам̣ на д̇взва ж̇ааяад̇и;

‘‘Tañhi me pekkhamānassa, bhayaṃ na tveva jāyati;

ад̇хиг̇ажчаси д̇вам̣ маяхам̣, звам̣бхууд̇асса ж̇ийвид̇а’’нд̇и.

Adhigacchasi tvaṃ mayhaṃ, evaṃbhūtassa jīvita’’nti.

д̇ад̇т̇а зсо д̇хаммод̇и зса бораан̣агабан̣д̣ид̇аанам̣ сабхааво. бхад̇д̇аарам̣ сакаарам̣ манд̇и саамиган̃жа сахааяан̃жа мам̣. бхаяанд̇и жид̇д̇уд̇раасо маяхам̣ на ж̇ааяад̇и, жид̇д̇агуудабаб̣б̣ад̇з хам̣саг̇ан̣амаж̇жхз тид̇о вияа хоми. маяханд̇и мама ж̇ийвид̇ам̣ д̇вам̣ лабхаабзссаси.

Tattha eso dhammoti esa porāṇakapaṇḍitānaṃ sabhāvo. Bhattāraṃ sakhāraṃ manti sāmikañca sahāyañca maṃ. Bhayanti cittutrāso mayhaṃ na jāyati, cittakūṭapabbate haṃsagaṇamajjhe ṭhito viya homi. Mayhanti mama jīvitaṃ tvaṃ labhāpessasi.

звам̣ д̇зсам̣ гат̇знд̇аанан̃н̃зва луд̣̇д̣̇абуд̇д̇о сарабарияанд̇з тид̇о хам̣сз д̇ийхи канд̇хзхи балааяанд̇з д̣̇исваа ‘‘гим̣ ну ко’’д̇и баасадтаанам̣ ологзнд̇о б̣од̇хисад̇д̇ам̣ баасаяадтияам̣ оламб̣анд̇ам̣ д̣̇исваа сан̃ж̇аад̇асоманассо гажчам̣ д̣̇ал̣хам̣ б̣анд̇хид̇ваа муг̇г̇арам̣ г̇ахзд̇ваа габбудтаанаг̇г̇и вияа авад̇т̇арамаано бан̣хияаа агганд̇агалалз убарисийсзна г̇анд̇ваа бурад̇о бад̇анд̇з взг̇зна убасан̇гами. д̇амад̇т̇ам̣ багаасзнд̇о сад̇т̇аа ааха –

Evaṃ tesaṃ kathentānaññeva luddaputto sarapariyante ṭhito haṃse tīhi khandhehi palāyante disvā ‘‘kiṃ nu kho’’ti pāsaṭṭhānaṃ olokento bodhisattaṃ pāsayaṭṭhiyaṃ olambantaṃ disvā sañjātasomanasso kacchaṃ daḷhaṃ bandhitvā muggaraṃ gahetvā kappuṭṭhānaggi viya avattharamāno paṇhiyā akkantakalale uparisīsena gantvā purato patante vegena upasaṅkami. Tamatthaṃ pakāsento satthā āha –

98.

‘‘ижжзвам̣ манд̇аяанд̇аанам̣, арияаанам̣ арияавуд̇д̇инам̣;

‘‘Iccevaṃ mantayantānaṃ, ariyānaṃ ariyavuttinaṃ;

д̣̇ан̣д̣амаад̣̇ааяа нзсаад̣̇о, аабад̇ий д̇урид̇о бхусам̣.

Daṇḍamādāya nesādo, āpatī turito bhusaṃ.

99.

‘‘д̇амаабад̇анд̇ам̣ д̣̇исваана, сумуко ад̇иб̣руухаяи;

‘‘Tamāpatantaṃ disvāna, sumukho atibrūhayi;

адтааси бурад̇о ран̃н̃о, хам̣со виссаасаяам̣ б̣яат̇ам̣.

Aṭṭhāsi purato rañño, haṃso vissāsayaṃ byathaṃ.

100.

‘‘маа бхааяи бад̇ад̇ам̣ сздта, на хи бхааяанд̇и д̇аад̣̇исаа;

‘‘Mā bhāyi patataṃ seṭṭha, na hi bhāyanti tādisā;

ахам̣ яог̇ам̣ баяун̃ж̇иссам̣, яуд̇д̇ам̣ д̇хаммуубасан̃хид̇ам̣;

Ahaṃ yogaṃ payuñjissaṃ, yuttaṃ dhammūpasañhitaṃ;

д̇зна барияаабад̣̇аанзна, киббам̣ баасаа бамогкасий’’д̇и.

Tena pariyāpadānena, khippaṃ pāsā pamokkhasī’’ti.

д̇ад̇т̇а арияавуд̇д̇инанд̇и арияаажаарз вад̇д̇амаанаанам̣. бхусанд̇и д̣̇ал̣хам̣ б̣алавам̣. ад̇иб̣руухаяийд̇и ананд̇араг̇аат̇ааяа ааг̇ад̇ам̣ ‘‘маа бхааяий’’д̇и важанам̣ вад̣̇анд̇о ад̇иб̣руухзси махаасад̣̇д̣̇ам̣ нижчаарзси. адтаасийд̇и сажз нзсаад̣̇о рааж̇аанам̣ бахариссад̇и, ахам̣ бахаарам̣ самбадижчиссаамийд̇и ж̇ийвид̇ам̣ барижжаж̇ид̇ваа бурад̇о адтааси. виссаасаяанд̇и виссаасзнд̇о ассаасзнд̇о. б̣яат̇анд̇и б̣яат̇ид̇ам̣ бхийд̇ам̣ рааж̇аанам̣ ‘‘маа бхааяий’’д̇и иминаа важанзна виссаасзнд̇о. д̇аад̣̇исаад̇и д̇умхаад̣̇исаа н̃аан̣авийрияасамбаннаа. яог̇анд̇и н̃аан̣авийрияаяог̇ам̣. яуд̇д̇анд̇и анужчавигам̣. д̇хаммуубасан̃хид̇анд̇и гааран̣аниссид̇ам̣. д̇зна барияаабад̣̇аанзнаад̇и д̇зна маяаа баяуд̇д̇зна яог̇зна барисуд̣̇д̇хзна. бамогкасийд̇и мужжиссаси.

Tattha ariyavuttinanti ariyācāre vattamānānaṃ. Bhusanti daḷhaṃ balavaṃ. Atibrūhayīti anantaragāthāya āgataṃ ‘‘mā bhāyī’’ti vacanaṃ vadanto atibrūhesi mahāsaddaṃ nicchāresi. Aṭṭhāsīti sace nesādo rājānaṃ paharissati, ahaṃ pahāraṃ sampaṭicchissāmīti jīvitaṃ pariccajitvā purato aṭṭhāsi. Vissāsayanti vissāsento assāsento. Byathanti byathitaṃ bhītaṃ rājānaṃ ‘‘mā bhāyī’’ti iminā vacanena vissāsento. Tādisāti tumhādisā ñāṇavīriyasampannā. Yoganti ñāṇavīriyayogaṃ. Yuttanti anucchavikaṃ. Dhammūpasañhitanti kāraṇanissitaṃ. Tena pariyāpadānenāti tena mayā payuttena yogena parisuddhena. Pamokkhasīti muccissasi.

звам̣ сумуко махаасад̇д̇ам̣ ассаасзд̇ваа луд̣̇д̣̇абуд̇д̇асса санд̇игам̣ г̇анд̇ваа мад̇хурам̣ маанусим̣ ваажам̣ нижчаарзнд̇о, ‘‘самма, д̇вам̣ гонаамосий’’д̇и бужчид̇ваа ‘‘суван̣н̣аван̣н̣ахам̣сарааж̇а, ахам̣ кзмаго наамаа’’д̇и вуд̇д̇з, ‘‘самма кзмага, ‘д̇аяаа од̣д̣ид̇аваалабаасз яо ваа со ваа хам̣со б̣ад̣̇д̇хо’д̇и сан̃н̃ам̣ маа гари, навуд̇ияаа хам̣сасахассаанам̣ баваро д̇хад̇арадтахам̣сарааж̇аа д̇з баасз б̣ад̣̇д̇хо, н̃аан̣асийлаажаарасамбанно сан̇г̇аахагабагкз тид̇о, на д̇ам̣ маарзд̇ум̣ яуд̇д̇о, ахам̣ д̇ава иминаа гад̇д̇аб̣б̣агижжам̣ гариссаами, аяамби суван̣н̣аван̣н̣о, ахамби д̇ат̇зва, ахам̣ зд̇ассад̇т̇ааяа ад̇д̇ано ж̇ийвид̇ам̣ барижжаж̇иссаами, сажз д̇вам̣ зд̇асса бад̇д̇аани г̇ан̣хид̇угаамоси, мама бад̇д̇аани г̇ан̣ха, ат̇оби жаммамам̣санхааруадтийнаман̃н̃ад̇арам̣ г̇ан̣хид̇угаамоси, мамзва сарийрад̇о г̇ан̣ха, ат̇а нам̣ гийл̣аахам̣сам̣ гаад̇угаамоси, ман̃н̃зва гара, ж̇ийванд̇амзва виггин̣ид̇ваа сажз д̇ханам̣ уббаад̣̇зд̇угаамоси, мам̣ ж̇ийванд̇амзва виггин̣ид̇ваа д̇ханам̣ уббаад̣̇зхи, маа зд̇ам̣ н̃аан̣аад̣̇иг̇ун̣асам̣яуд̇д̇ам̣ хам̣сарааж̇аанам̣ авад̇хи, сажз хи нам̣ вад̇хиссаси, нираяаад̣̇ийхи на мужжиссасий’’д̇и д̇ам̣ нираяаад̣̇ибхаязна санд̇аж̇ж̇зд̇ваа ад̇д̇ано мад̇хурагат̇ам̣ г̇ан̣хаабзд̇ваа буна б̣од̇хисад̇д̇асса санд̇игам̣ г̇анд̇ваа д̇ам̣ ассаасзнд̇о адтааси. нзсаад̣̇о д̇асса гат̇ам̣ суд̇ваа ‘‘аяам̣ д̇иражчаанаг̇ад̇о самаано мануссзхиби гаад̇ум̣ асаггун̣зяяам̣ зваруубам̣ мид̇д̇ад̇хаммам̣ гарод̇и, мануссааби звам̣ мид̇д̇ад̇хаммз таад̇ум̣ на саггонд̇и, ахо зса н̃аан̣асамбанно мад̇хурагат̇о д̇хаммиго’’д̇и сагаласарийрам̣ бийд̇исоманассабарибун̣н̣ам̣ гад̇ваа бахадталомо д̣̇ан̣д̣ам̣ чад̣д̣зд̇ваа сираси ан̃ж̇алим̣ бад̇идтабзд̇ваа суурияам̣ намассанд̇о вияа сумукасса г̇ун̣ам̣ гид̇д̇знд̇о адтааси. д̇амад̇т̇ам̣ багаасзнд̇о сад̇т̇аа ааха –

Evaṃ sumukho mahāsattaṃ assāsetvā luddaputtassa santikaṃ gantvā madhuraṃ mānusiṃ vācaṃ nicchārento, ‘‘samma, tvaṃ konāmosī’’ti pucchitvā ‘‘suvaṇṇavaṇṇahaṃsarāja, ahaṃ khemako nāmā’’ti vutte, ‘‘samma khemaka, ‘tayā oḍḍitavālapāse yo vā so vā haṃso baddho’ti saññaṃ mā kari, navutiyā haṃsasahassānaṃ pavaro dhataraṭṭhahaṃsarājā te pāse baddho, ñāṇasīlācārasampanno saṅgāhakapakkhe ṭhito, na taṃ māretuṃ yutto, ahaṃ tava iminā kattabbakiccaṃ karissāmi, ayampi suvaṇṇavaṇṇo, ahampi tatheva, ahaṃ etassatthāya attano jīvitaṃ pariccajissāmi, sace tvaṃ etassa pattāni gaṇhitukāmosi, mama pattāni gaṇha, athopi cammamaṃsanhāruaṭṭhīnamaññataraṃ gaṇhitukāmosi, mameva sarīrato gaṇha, atha naṃ kīḷāhaṃsaṃ kātukāmosi, maññeva kara, jīvantameva vikkiṇitvā sace dhanaṃ uppādetukāmosi, maṃ jīvantameva vikkiṇitvā dhanaṃ uppādehi, mā etaṃ ñāṇādiguṇasaṃyuttaṃ haṃsarājānaṃ avadhi, sace hi naṃ vadhissasi, nirayādīhi na muccissasī’’ti taṃ nirayādibhayena santajjetvā attano madhurakathaṃ gaṇhāpetvā puna bodhisattassa santikaṃ gantvā taṃ assāsento aṭṭhāsi. Nesādo tassa kathaṃ sutvā ‘‘ayaṃ tiracchānagato samāno manussehipi kātuṃ asakkuṇeyyaṃ evarūpaṃ mittadhammaṃ karoti, manussāpi evaṃ mittadhamme ṭhātuṃ na sakkonti, aho esa ñāṇasampanno madhurakatho dhammiko’’ti sakalasarīraṃ pītisomanassaparipuṇṇaṃ katvā pahaṭṭhalomo daṇḍaṃ chaḍḍetvā sirasi añjaliṃ patiṭṭhapetvā sūriyaṃ namassanto viya sumukhassa guṇaṃ kittento aṭṭhāsi. Tamatthaṃ pakāsento satthā āha –

101.

‘‘д̇асса д̇ам̣ важанам̣ суд̇ваа, сумукасса субхаасид̇ам̣;

‘‘Tassa taṃ vacanaṃ sutvā, sumukhassa subhāsitaṃ;

бахадталомо нзсаад̣̇о, ан̃ж̇алисса бан̣аамаяи.

Pahaṭṭhalomo nesādo, añjalissa paṇāmayi.

102.

‘‘на мз суд̇ам̣ ваа д̣̇идтам̣ ваа, бхаасанд̇о маанусим̣ д̣̇иж̇о;

‘‘Na me sutaṃ vā diṭṭhaṃ vā, bhāsanto mānusiṃ dijo;

арияам̣ б̣руваано вагган̇г̇о, жаж̇анд̇о маанусим̣ г̇ирам̣.

Ariyaṃ bruvāno vakkaṅgo, cajanto mānusiṃ giraṃ.

103.

‘‘гим̣ ну д̇ааяам̣ д̣̇иж̇о ход̇и, муд̇д̇о б̣ад̣̇д̇хам̣ убаасаси;

‘‘Kiṃ nu tāyaṃ dijo hoti, mutto baddhaṃ upāsasi;

охааяа сагун̣аа яанд̇и, гим̣ зго авахийяасий’’д̇и.

Ohāya sakuṇā yanti, kiṃ eko avahīyasī’’ti.

д̇ад̇т̇а ан̃ж̇алисса бан̣аамаяийд̇и ан̃ж̇алим̣ асса убанаамаяи, ‘‘на мз’’д̇и г̇аат̇ааяасса т̇уд̇им̣ гарод̇и. д̇ад̇т̇а маанусинд̇и мануссаваажам̣. арияанд̇и сунд̣̇арам̣ нид̣̇д̣̇осам̣. жаж̇анд̇од̇и виссаж̇ж̇знд̇о. ид̣̇ам̣ вуд̇д̇ам̣ ход̇и – самма, д̇вам̣ д̣̇иж̇о самаано аж̇ж̇а маяаа сад̣̇д̇хим̣ маанусим̣ ваажам̣ бхаасанд̇о нид̣̇д̣̇осам̣ б̣руваано маанусим̣ г̇ирам̣ жаж̇анд̇о бажжагкад̇о д̣̇идто, ид̇о буб̣б̣з бана ид̣̇ам̣ ажчарияам̣ маяаа нзва суд̇ам̣ на д̣̇идтанд̇и. гим̣ ну д̇ааяанд̇и яам̣ зд̇ам̣ д̇вам̣ убаасаси, гим̣ ну д̇з аяам̣ ход̇и.

Tattha añjalissa paṇāmayīti añjaliṃ assa upanāmayi, ‘‘na me’’ti gāthāyassa thutiṃ karoti. Tattha mānusinti manussavācaṃ. Ariyanti sundaraṃ niddosaṃ. Cajantoti vissajjento. Idaṃ vuttaṃ hoti – samma, tvaṃ dijo samāno ajja mayā saddhiṃ mānusiṃ vācaṃ bhāsanto niddosaṃ bruvāno mānusiṃ giraṃ cajanto paccakkhato diṭṭho, ito pubbe pana idaṃ acchariyaṃ mayā neva sutaṃ na diṭṭhanti. Kiṃ nu tāyanti yaṃ etaṃ tvaṃ upāsasi, kiṃ nu te ayaṃ hoti.

звам̣ д̇удтажид̇д̇зна нзсаад̣̇зна будто сумуко ‘‘аяам̣ муд̣̇уго ж̇аад̇о, ид̣̇аанисса бхияяосомад̇д̇ааяа муд̣̇убхаавад̇т̇ам̣ мама г̇ун̣ам̣ д̣̇ассзсаамий’’д̇и жинд̇зд̇ваа ааха –

Evaṃ tuṭṭhacittena nesādena puṭṭho sumukho ‘‘ayaṃ muduko jāto, idānissa bhiyyosomattāya mudubhāvatthaṃ mama guṇaṃ dassesāmī’’ti cintetvā āha –

104.

‘‘рааж̇аа мз со д̣̇иж̇аамид̇д̇а, сзнаабажжасса гаараяим̣;

‘‘Rājā me so dijāmitta, senāpaccassa kārayiṃ;

д̇амаабад̣̇з барижжад̇ум̣, нуссахз вихаг̇аад̇хибам̣.

Tamāpade pariccatuṃ, nussahe vihagādhipaṃ.

105.

‘‘махааг̇ан̣ааяа бхад̇д̇аа мз, маа зго б̣яасанам̣ аг̇аа;

‘‘Mahāgaṇāya bhattā me, mā eko byasanaṃ agā;

д̇ат̇аа д̇ам̣ самма нзсаад̣̇а, бхад̇д̇ааяам̣ абхид̇о рамз’’д̇и.

Tathā taṃ samma nesāda, bhattāyaṃ abhito rame’’ti.

д̇ад̇т̇а нуссахзд̇и на самад̇т̇омхи. махааг̇ан̣ааяаад̇и махад̇о хам̣саг̇ан̣асса. маа згод̇и маад̣̇исз сзвагз виж̇ж̇амаанз маа згаго б̣яасанам̣ аг̇аа. д̇ат̇аа д̇анд̇и яат̇аа ахам̣ вад̣̇аами, д̇ат̇зва д̇ам̣. саммаад̇и ваяасса. бхад̇д̇ааяам̣ абхид̇о рамзд̇и бхад̇д̇аа аяам̣ мама, ахамасса абхид̇о рамз санд̇игз рамаами на угган̣таамийд̇и.

Tattha nussaheti na samatthomhi. Mahāgaṇāyāti mahato haṃsagaṇassa. Mā ekoti mādise sevake vijjamāne mā ekako byasanaṃ agā. Tathā tanti yathā ahaṃ vadāmi, tatheva taṃ. Sammāti vayassa. Bhattāyaṃ abhito rameti bhattā ayaṃ mama, ahamassa abhito rame santike ramāmi na ukkaṇṭhāmīti.

нзсаад̣̇о д̇ам̣ д̇асса д̇хамманиссид̇ам̣ мад̇хурагат̇ам̣ суд̇ваа соманассаббад̇д̇о бахадталомо ‘‘сажаахам̣ зд̇ам̣ сийлаад̣̇иг̇ун̣асам̣яуд̇д̇ам̣ хам̣сарааж̇аанам̣ вад̇хиссаами, жад̇уухи абааязхи на мужжиссаами, рааж̇аа мам̣ яад̣̇ижчад̇и, д̇ам̣ гарод̇у, ахамзд̇ам̣ сумукасса д̣̇ааяам̣ гад̇ваа виссаж̇ж̇зссаамий’’д̇и жинд̇зд̇ваа г̇аат̇амааха –

Nesādo taṃ tassa dhammanissitaṃ madhurakathaṃ sutvā somanassappatto pahaṭṭhalomo ‘‘sacāhaṃ etaṃ sīlādiguṇasaṃyuttaṃ haṃsarājānaṃ vadhissāmi, catūhi apāyehi na muccissāmi, rājā maṃ yadicchati, taṃ karotu, ahametaṃ sumukhassa dāyaṃ katvā vissajjessāmī’’ti cintetvā gāthamāha –

106.

‘‘арияавад̇д̇аси вагган̇г̇а, яо бин̣д̣амабажааяаси;

‘‘Ariyavattasi vakkaṅga, yo piṇḍamapacāyasi;

жаж̇аами д̇з д̇ам̣ бхад̇д̇аарам̣, г̇ажчат̇уубхо яат̇аасука’’нд̇и.

Cajāmi te taṃ bhattāraṃ, gacchathūbho yathāsukha’’nti.

д̇ад̇т̇а арияавад̇д̇асийд̇и мид̇д̇ад̇хаммарагкан̣асан̇каад̇зна аажаараарияаанам̣ вад̇д̇зна саманнааг̇ад̇оси. бин̣д̣амабажааяасийд̇и бхад̇д̇у санд̇игаа лад̣̇д̇хам̣ бин̣д̣ам̣ сзнаабад̇идтаанам̣ бууж̇зси. г̇ажчат̇уубход̇и д̣̇взби ж̇анаа ассумукз н̃аад̇исан̇гхз хаасаяамаанаа яат̇аасукам̣ г̇ажчат̇аад̇и.

Tattha ariyavattasīti mittadhammarakkhaṇasaṅkhātena ācāraariyānaṃ vattena samannāgatosi. Piṇḍamapacāyasīti bhattu santikā laddhaṃ piṇḍaṃ senāpatiṭṭhānaṃ pūjesi. Gacchathūbhoti dvepi janā assumukhe ñātisaṅghe hāsayamānā yathāsukhaṃ gacchathāti.

звам̣ вад̇ваа нзсаад̣̇о муд̣̇ужид̇д̇зна махаасад̇д̇ам̣ убасан̇гамид̇ваа яадтим̣ онаамзд̇ваа бан̇габидтз нисийд̣̇аабзд̇ваа баасаяадтияаа можзд̇ваа д̇ам̣ угкибид̇ваа сарад̇о нийхарид̇ваа д̇арун̣ад̣̇аб̣б̣ад̇ин̣абидтз нисийд̣̇аабзд̇ваа баад̣̇з б̣ад̣̇д̇хабаасам̣ сан̣игам̣ можзд̇ваа махаасад̇д̇з б̣алавасинзхам̣ бажжубадтаабзд̇ваа мзд̇д̇ажид̇д̇зна уд̣̇агам̣ аад̣̇ааяа лохид̇ам̣ д̇ховид̇ваа бунаббунам̣ баримаж̇ж̇и, ат̇асса мзд̇д̇аанубхаавзна сирааяа сираа, мам̣сзна мам̣сам̣, жаммзна жаммам̣ гхадид̇ам̣, баад̣̇о баагад̇иго ахоси, ид̇арзна ниб̣б̣исзсо. б̣од̇хисад̇д̇о сукаббад̇д̇о худ̇ваа багад̇ибхаавзна нисийд̣̇и. сумуко ад̇д̇аанам̣ ниссааяа ран̃н̃о сукид̇абхаавам̣ д̣̇исваа сан̃ж̇аад̇асоманассо жинд̇зси – ‘‘иминаа амхаагам̣ махааубагааро гад̇о, амхзхи зд̇асса гад̇о убагааро наама над̇т̇и, сажз зса рааж̇арааж̇амахаамад̇д̇аанам̣ ад̇т̇ааяа амхз г̇ан̣хи, д̇зсам̣ санд̇игам̣ нзд̇ваа б̣ахум̣ д̇ханам̣ лабхиссад̇и, сажз ад̇д̇ано ад̇т̇ааяа г̇ан̣хи, амхз виггин̣ид̇ваа д̇ханам̣ лабхиссад̇зва, бужчиссаами д̇аава на’’нд̇и. ат̇а нам̣ убагаарам̣ гаад̇угаамад̇ааяа бужчанд̇о ааха –

Evaṃ vatvā nesādo muducittena mahāsattaṃ upasaṅkamitvā yaṭṭhiṃ onāmetvā paṅkapiṭṭhe nisīdāpetvā pāsayaṭṭhiyā mocetvā taṃ ukkhipitvā sarato nīharitvā taruṇadabbatiṇapiṭṭhe nisīdāpetvā pāde baddhapāsaṃ saṇikaṃ mocetvā mahāsatte balavasinehaṃ paccupaṭṭhāpetvā mettacittena udakaṃ ādāya lohitaṃ dhovitvā punappunaṃ parimajji, athassa mettānubhāvena sirāya sirā, maṃsena maṃsaṃ, cammena cammaṃ ghaṭitaṃ, pādo pākatiko ahosi, itarena nibbiseso. Bodhisatto sukhappatto hutvā pakatibhāvena nisīdi. Sumukho attānaṃ nissāya rañño sukhitabhāvaṃ disvā sañjātasomanasso cintesi – ‘‘iminā amhākaṃ mahāupakāro kato, amhehi etassa kato upakāro nāma natthi, sace esa rājarājamahāmattānaṃ atthāya amhe gaṇhi, tesaṃ santikaṃ netvā bahuṃ dhanaṃ labhissati, sace attano atthāya gaṇhi, amhe vikkiṇitvā dhanaṃ labhissateva, pucchissāmi tāva na’’nti. Atha naṃ upakāraṃ kātukāmatāya pucchanto āha –

107.

‘‘сажз ад̇д̇аббаяог̇зна, охид̇о хам̣сабагкинам̣;

‘‘Sace attappayogena, ohito haṃsapakkhinaṃ;

бадиг̇г̇ан̣хаама д̇з самма, зд̇ам̣ абхаяад̣̇агкин̣ам̣.

Paṭiggaṇhāma te samma, etaṃ abhayadakkhiṇaṃ.

108.

‘‘но жз ад̇д̇аббаяог̇зна, охид̇о хам̣сабагкинам̣;

‘‘No ce attappayogena, ohito haṃsapakkhinaṃ;

аниссаро мун̃жамамхз, т̇зяяам̣ гаяирааси луд̣̇д̣̇агаа’’д̇и.

Anissaro muñcamamhe, theyyaṃ kayirāsi luddakā’’ti.

д̇ад̇т̇а сажзд̇и, самма нзсаад̣̇а, сажз д̇аяаа ад̇д̇ано баяог̇зна ад̇д̇ано ад̇т̇ааяа хам̣саанан̃жзва сзсабагкийнан̃жа баасо охид̇о. аниссарод̇и аниссаро худ̇ваа амхз мун̃жанд̇о язнааси аан̣ад̇д̇о, д̇ассасанд̇агам̣ г̇ан̣ханд̇о т̇зяяам̣ гаяирааси.

Tattha saceti, samma nesāda, sace tayā attano payogena attano atthāya haṃsānañceva sesapakkhīnañca pāso ohito. Anissaroti anissaro hutvā amhe muñcanto yenāsi āṇatto, tassasantakaṃ gaṇhanto theyyaṃ kayirāsi.

д̇ам̣ суд̇ваа нзсаад̣̇о ‘‘наахам̣ д̇умхз ад̇д̇ано ад̇т̇ааяа г̇ан̣хим̣, б̣аараан̣асиран̃н̃аа бана сам̣яамзна г̇ан̣хаабид̇омхий’’д̇и вад̇ваа д̣̇звияаа д̣̇идтасубинагаалад̇о бадтааяа яаава ран̃н̃аа д̇зсам̣ ааг̇ад̇абхаавам̣ суд̇ваа, ‘‘самма кзмага, згам̣ ваа д̣̇вз ваа хам̣сз г̇ан̣хид̇ум̣ вааяама, маханд̇ам̣ д̇з яасам̣ д̣̇ассаамий’’д̇и вад̇ваа бариб̣б̣аяам̣ д̣̇ад̇ваа уяяож̇ид̇абхааво, д̇аава саб̣б̣ам̣ бавад̇д̇им̣ аарожзси. д̇ам̣ суд̇ваа сумуко ‘‘иминаа нзсаад̣̇зна ад̇д̇ано ж̇ийвид̇ам̣ аг̇ан̣зд̇ваа амхз виссаж̇ж̇знд̇зна д̣̇уггарам̣ гад̇ам̣, сажз маяам̣ ид̇о жид̇д̇агуудам̣ г̇амиссаама, нзва д̇хад̇арадтаран̃н̃о бан̃н̃аанубхааво, на маяхам̣ мид̇д̇ад̇хаммо баагадо бхависсад̇и, на луд̣̇д̣̇абуд̇д̇о маханд̇ам̣ яасам̣ лажчад̇и, на рааж̇аа бан̃жасу сийлзсу бад̇идтахиссад̇и, на д̣̇звияаа манорат̇о мад̇т̇агам̣ баабун̣иссад̇ий’’д̇и жинд̇зд̇ваа , ‘‘самма, звам̣ санд̇з амхз виссаж̇ж̇зд̇ум̣ на лабхаси, ран̃н̃о но д̣̇ассзхи, со амхз яат̇ааружим̣ гариссад̇ий’’д̇и имамад̇т̇ам̣ багаасзнд̇о г̇аат̇амааха –

Taṃ sutvā nesādo ‘‘nāhaṃ tumhe attano atthāya gaṇhiṃ, bārāṇasiraññā pana saṃyamena gaṇhāpitomhī’’ti vatvā deviyā diṭṭhasupinakālato paṭṭhāya yāva raññā tesaṃ āgatabhāvaṃ sutvā, ‘‘samma khemaka, ekaṃ vā dve vā haṃse gaṇhituṃ vāyama, mahantaṃ te yasaṃ dassāmī’’ti vatvā paribbayaṃ datvā uyyojitabhāvo, tāva sabbaṃ pavattiṃ ārocesi. Taṃ sutvā sumukho ‘‘iminā nesādena attano jīvitaṃ agaṇetvā amhe vissajjentena dukkaraṃ kataṃ, sace mayaṃ ito cittakūṭaṃ gamissāma, neva dhataraṭṭharañño paññānubhāvo, na mayhaṃ mittadhammo pākaṭo bhavissati, na luddaputto mahantaṃ yasaṃ lacchati, na rājā pañcasu sīlesu patiṭṭhahissati, na deviyā manoratho matthakaṃ pāpuṇissatī’’ti cintetvā , ‘‘samma, evaṃ sante amhe vissajjetuṃ na labhasi, rañño no dassehi, so amhe yathāruciṃ karissatī’’ti imamatthaṃ pakāsento gāthamāha –

109.

‘‘яасса д̇вам̣ бхад̇аго ран̃н̃о, гаамам̣ д̇ассзва баабаяа;

‘‘Yassa tvaṃ bhatako rañño, kāmaṃ tasseva pāpaya;

д̇ад̇т̇а сам̣яамано рааж̇аа, яат̇аабхин̃н̃ам̣ гариссад̇ий’’д̇и.

Tattha saṃyamano rājā, yathābhiññaṃ karissatī’’ti.

д̇ад̇т̇а д̇ассзваад̇и д̇ассзва санд̇игам̣ нзхи. д̇ад̇т̇аад̇и д̇асмим̣ рааж̇анивзсанз. яат̇аабхин̃н̃анд̇и яат̇аад̇хиббааяам̣ яат̇ааружим̣.

Tattha tassevāti tasseva santikaṃ nehi. Tatthāti tasmiṃ rājanivesane. Yathābhiññanti yathādhippāyaṃ yathāruciṃ.

д̇ам̣ суд̇ваа нзсаад̣̇о ‘‘маа во бхад̣̇д̣̇анд̇з рааж̇ад̣̇ассанам̣ ружжид̇т̇а, рааж̇аано наама саббадибхаяаа, гийл̣аахам̣сз ваа во гарзяяум̣ маарзяяум̣ ваа’’д̇и ааха. ат̇а нам̣ сумуко, ‘‘самма луд̣̇д̣̇ага маа амхаагам̣ жинд̇аяи, ахам̣ д̇аад̣̇исасса гагкал̣асса д̇хаммагат̇ааяа мад̣̇д̣̇авам̣ ж̇анзсим̣, ран̃н̃о гим̣ на ж̇анзссаами, рааж̇аано хи бан̣д̣ид̇аа субхаасид̇ад̣̇уб̣бхаасид̇ан̃н̃у, киббам̣ но ран̃н̃о санд̇игам̣ нзхи, наяанд̇о жа маа б̣анд̇ханзна наяи, бубпабан̃ж̇арз бана нисийд̣̇аабзд̇ваа нзхи, бубпабан̃ж̇арам̣ гаронд̇о д̇хад̇арадтасса маханд̇ам̣ сзд̇абад̣̇умасан̃чаннам̣, мама куд̣̇д̣̇агам̣ рад̇д̇абад̣̇умасан̃чаннам̣ гад̇ваа д̇хад̇арадтам̣ бурад̇о, мамам̣ бажчад̇о нийжад̇арам̣ гад̇ваа аад̣̇ааяа киббам̣ нзд̇ваа ран̃н̃о д̣̇ассзхий’’д̇и ааха. со д̇асса важанам̣ суд̇ваа ‘‘сумуко рааж̇аанам̣ д̣̇исваа мама маханд̇ам̣ яасам̣ д̣̇аад̇угаамо бхависсад̇ий’’д̇и сан̃ж̇аад̇асоманассо муд̣̇уухи лад̇аахи бан̃ж̇арз гад̇ваа бад̣̇умзхи чаад̣̇зд̇ваа вуд̇д̇анаязнзва д̇з г̇ахзд̇ваа аг̇амааси. д̇амад̇т̇ам̣ багаасзнд̇о сад̇т̇аа ааха –

Taṃ sutvā nesādo ‘‘mā vo bhaddante rājadassanaṃ ruccittha, rājāno nāma sappaṭibhayā, kīḷāhaṃse vā vo kareyyuṃ māreyyuṃ vā’’ti āha. Atha naṃ sumukho, ‘‘samma luddaka mā amhākaṃ cintayi, ahaṃ tādisassa kakkhaḷassa dhammakathāya maddavaṃ janesiṃ, rañño kiṃ na janessāmi, rājāno hi paṇḍitā subhāsitadubbhāsitaññu, khippaṃ no rañño santikaṃ nehi, nayanto ca mā bandhanena nayi, pupphapañjare pana nisīdāpetvā nehi, pupphapañjaraṃ karonto dhataraṭṭhassa mahantaṃ setapadumasañchannaṃ, mama khuddakaṃ rattapadumasañchannaṃ katvā dhataraṭṭhaṃ purato, mamaṃ pacchato nīcataraṃ katvā ādāya khippaṃ netvā rañño dassehī’’ti āha. So tassa vacanaṃ sutvā ‘‘sumukho rājānaṃ disvā mama mahantaṃ yasaṃ dātukāmo bhavissatī’’ti sañjātasomanasso mudūhi latāhi pañjare katvā padumehi chādetvā vuttanayeneva te gahetvā agamāsi. Tamatthaṃ pakāsento satthā āha –

110.

‘‘ижжзвам̣ вуд̇д̇о нзсаад̣̇о, хзмаван̣н̣з харид̇д̇ажз;

‘‘Iccevaṃ vutto nesādo, hemavaṇṇe harittace;

убхо хад̇т̇зхи сан̇г̇аяха, бан̃ж̇арз аж̇жхавод̣̇ахи.

Ubho hatthehi saṅgayha, pañjare ajjhavodahi.

111.

‘‘д̇з бан̃ж̇араг̇ад̇з багкий, убхо бхассараван̣н̣инз;

‘‘Te pañjaragate pakkhī, ubho bhassaravaṇṇine;

сумукам̣ д̇хад̇арадтан̃жа, луд̣̇д̣̇о аад̣̇ааяа баггамий’’д̇и.

Sumukhaṃ dhataraṭṭhañca, luddo ādāya pakkamī’’ti.

д̇ад̇т̇а аж̇жхавод̣̇ахийд̇и од̣̇ахи табзси. бхассараван̣н̣инзд̇и бабхаасамбаннаван̣н̣з.

Tattha ajjhavodahīti odahi ṭhapesi. Bhassaravaṇṇineti pabhāsampannavaṇṇe.

звам̣ луд̣̇д̣̇асса д̇з аад̣̇ааяа баггаманагаалз д̇хад̇арадто баагахам̣сарааж̇ад̇хийд̇арам̣ ад̇д̇ано бхарияам̣ сарид̇ваа сумукам̣ ааманд̇зд̇ваа гилзсавасзна вилаби. д̇амад̇т̇ам̣ багаасзнд̇о сад̇т̇аа ааха –

Evaṃ luddassa te ādāya pakkamanakāle dhataraṭṭho pākahaṃsarājadhītaraṃ attano bhariyaṃ saritvā sumukhaṃ āmantetvā kilesavasena vilapi. Tamatthaṃ pakāsento satthā āha –

112.

‘‘харийяамаано д̇хад̇арадто, сумукам̣ зд̇ад̣̇аб̣рави;

‘‘Harīyamāno dhataraṭṭho, sumukhaṃ etadabravi;

б̣аал̣хам̣ бхааяаами сумука, саамааяа лагкан̣ууруяаа;

Bāḷhaṃ bhāyāmi sumukha, sāmāya lakkhaṇūruyā;

асмаагам̣ вад̇хаман̃н̃ааяа, ат̇ад̇д̇аанам̣ вад̇хиссад̇и.

Asmākaṃ vadhamaññāya, athattānaṃ vadhissati.

113.

‘‘баагахам̣саа жа сумука, сухзмаа хзмасуд̇д̇ажаа;

‘‘Pākahaṃsā ca sumukha, suhemā hemasuttacā;

гон̃жий самуд̣̇д̣̇ад̇ийрзва, габан̣аа нууна ружчад̇ий’’д̇и.

Koñcī samuddatīreva, kapaṇā nūna rucchatī’’ti.

д̇ад̇т̇а бхааяаамийд̇и маран̣ад̇о бхааяаами. саамааяаад̇и суван̣н̣аван̣н̣ааяа. лагкан̣ууруяаад̇и лагкан̣асамбаннаууруяаа. важаман̃н̃ааяаад̇и вад̇хам̣ ж̇аанид̇ваа ‘‘мама бияасаамиго маарид̇о’’д̇и сан̃н̃ий худ̇ваа. вад̇хиссад̇ийд̇и гим̣ мз бияасаамигз мад̇з ж̇ийвид̇знаад̇и мариссад̇и. баагахам̣саад̇и баагахам̣сарааж̇ад̇хийд̇аа. сухзмаад̇и звам̣наамигаа. хзмасуд̇д̇ажаад̇и хзмасад̣̇исасунд̣̇арад̇ажаа. ружчад̇ийд̇и яат̇аа лон̣исан̇каад̇ам̣ самуд̣̇д̣̇ам̣ од̇арид̇ваа мад̇з бад̇имхи гон̃жий сагун̣игаа габан̣аа род̣̇ад̇и, звам̣ нууна саа род̣̇иссад̇ийд̇и.

Tattha bhāyāmīti maraṇato bhāyāmi. Sāmāyāti suvaṇṇavaṇṇāya. Lakkhaṇūruyāti lakkhaṇasampannaūruyā. Vacamaññāyāti vadhaṃ jānitvā ‘‘mama piyasāmiko mārito’’ti saññī hutvā. Vadhissatīti kiṃ me piyasāmike mate jīvitenāti marissati. Pākahaṃsāti pākahaṃsarājadhītā. Suhemāti evaṃnāmikā. Hemasuttacāti hemasadisasundaratacā. Rucchatīti yathā loṇisaṅkhātaṃ samuddaṃ otaritvā mate patimhi koñcī sakuṇikā kapaṇā rodati, evaṃ nūna sā rodissatīti.

д̇ам̣ суд̇ваа сумуко ‘‘аяам̣ хам̣сарааж̇аа ан̃н̃з овад̣̇ид̇ум̣ яуд̇д̇о маад̇уг̇аамам̣ ниссааяа гилзсавасзна вилабад̇и, уд̣̇агасса аад̣̇ид̇д̇агаало вияа вад̇ияаа удтааяа гзд̣̇ааракаад̣̇анагаало вияа жа ж̇аад̇о, яам̣нуунаахам̣ ад̇д̇ано б̣алзна маад̇уг̇аамасса д̣̇осам̣ багаасзд̇ваа зд̇ам̣ сан̃н̃аабзяяа’’нд̇и жинд̇зд̇ваа г̇аат̇амааха –

Taṃ sutvā sumukho ‘‘ayaṃ haṃsarājā aññe ovadituṃ yutto mātugāmaṃ nissāya kilesavasena vilapati, udakassa ādittakālo viya vatiyā uṭṭhāya kedārakhādanakālo viya ca jāto, yaṃnūnāhaṃ attano balena mātugāmassa dosaṃ pakāsetvā etaṃ saññāpeyya’’nti cintetvā gāthamāha –

114.

‘‘звам̣ маханд̇о логасса, аббамзяяо махааг̇ан̣ий;

‘‘Evaṃ mahanto lokassa, appameyyo mahāgaṇī;

згид̇т̇иманусожзяяа, наяид̣̇ам̣ бан̃н̃авад̇аамива.

Ekitthimanusoceyya, nayidaṃ paññavatāmiva.

115.

‘‘ваад̇ова г̇анд̇хамаад̣̇зд̇и, убхаяам̣ чзгабаабагам̣;

‘‘Vātova gandhamādeti, ubhayaṃ chekapāpakaṃ;

б̣аало аамагабаггам̣ва, лоло анд̇хова аамисам̣.

Bālo āmakapakkaṃva, lolo andhova āmisaṃ.

116.

‘‘авинижчаяан̃н̃у ад̇т̇зсу, манд̣̇ова бадибхааси мам̣;

‘‘Avinicchayaññu atthesu, mandova paṭibhāsi maṃ;

гижжаагижжам̣ на ж̇аанааси, самбад̇д̇о гаалабарияааяам̣.

Kiccākiccaṃ na jānāsi, sampatto kālapariyāyaṃ.

117.

‘‘ад̣дхуммад̇д̇о уд̣̇ийрзси, яо сзяяаа ман̃н̃асид̇т̇ияо;

‘‘Aḍḍhummatto udīresi, yo seyyā maññasitthiyo;

б̣ахусаад̇хааран̣аа хзд̇аа, сон̣д̣аанам̣ва сураагхарам̣.

Bahusādhāraṇā hetā, soṇḍānaṃva surāgharaṃ.

118.

‘‘мааяаа жзд̇аа марийжий жа, согаа рог̇аа жубад̣̇д̣̇аваа;

‘‘Māyā cetā marīcī ca, sokā rogā cupaddavā;

караа жа б̣анд̇ханаа жзд̇аа, мажжубаасаа г̇ухаасаяаа;

Kharā ca bandhanā cetā, maccupāsā guhāsayā;

д̇аасу яо виссасз босо, со нарзсу нараад̇хамо’’д̇и.

Tāsu yo vissase poso, so naresu narādhamo’’ti.

д̇ад̇т̇а маханд̇од̇и маханд̇о самаано. логассаад̇и хам̣салогасса. аббамзяяод̇и г̇ун̣зхи бамзд̇ум̣ асаггун̣зяяо. махааг̇ан̣ийд̇и маханд̇зна г̇ан̣зна саманнааг̇ад̇о г̇ан̣асад̇т̇аа. згид̇т̇инд̇и яам̣ зваруубо бхавам̣ згам̣ ид̇т̇им̣ анусожзяяа, ид̣̇ам̣ анусожанам̣ на бан̃н̃авад̇ам̣ ива, д̇знаахам̣ аж̇ж̇а д̇ам̣ б̣аалод̇и ман̃н̃аамийд̇и ад̇хиббааязнзвамааха.

Tattha mahantoti mahanto samāno. Lokassāti haṃsalokassa. Appameyyoti guṇehi pametuṃ asakkuṇeyyo. Mahāgaṇīti mahantena gaṇena samannāgato gaṇasatthā. Ekitthinti yaṃ evarūpo bhavaṃ ekaṃ itthiṃ anusoceyya, idaṃ anusocanaṃ na paññavataṃ iva, tenāhaṃ ajja taṃ bāloti maññāmīti adhippāyenevamāha.

аад̣̇зд̇ийд̇и г̇ан̣хаад̇и. чзгабаабаганд̇и сунд̣̇араасунд̣̇арам̣. аамагабаггад̇и аамаган̃жа багган̃жа. лолод̇и расалоло. ид̣̇ам̣ вуд̇д̇ам̣ ход̇и – махаарааж̇а, яат̇аа наама ваад̇о бад̣̇умасараад̣̇ийни бахарид̇ваа суг̇анд̇хамби сан̇гаарадтаанаад̣̇ийни бахарид̇ваа д̣̇уг̇г̇анд̇хамбийд̇и убхаяам̣ чзгабаабагам̣ г̇анд̇хам̣ аад̣̇ияад̇и, яат̇аа жа б̣аало гумаараго амб̣аж̇амб̣уунам̣ хздтаа нисинно хад̇т̇ам̣ басаарзд̇ваа бад̇ид̇абад̇ид̇ам̣ аамагамби баггамби палам̣ г̇ахзд̇ваа каад̣̇ад̇и, яат̇аа жа расалоло анд̇хо бхад̇д̇з убанийд̇з яам̣гин̃жи самагкигамби ниммагкигамби аамисам̣ аад̣̇ияад̇и, звам̣ ид̇т̇ияо наама гилзсавасзна ад̣дхамби д̣̇уг̇г̇ад̇амби гулийнамби агулийнамби абхируубамби вируубамби г̇ан̣ханд̇и бхаж̇анд̇и, д̇аад̣̇исаанам̣ баабад̇хаммаанам̣ ид̇т̇ийнам̣ гим̣гааран̣аа виббалабаси, махаарааж̇аад̇и.

Ādetīti gaṇhāti. Chekapāpakanti sundarāsundaraṃ. Āmakapakkati āmakañca pakkañca. Loloti rasalolo. Idaṃ vuttaṃ hoti – mahārāja, yathā nāma vāto padumasarādīni paharitvā sugandhampi saṅkāraṭṭhānādīni paharitvā duggandhampīti ubhayaṃ chekapāpakaṃ gandhaṃ ādiyati, yathā ca bālo kumārako ambajambūnaṃ heṭṭhā nisinno hatthaṃ pasāretvā patitapatitaṃ āmakampi pakkampi phalaṃ gahetvā khādati, yathā ca rasalolo andho bhatte upanīte yaṃkiñci samakkhikampi nimmakkhikampi āmisaṃ ādiyati, evaṃ itthiyo nāma kilesavasena aḍḍhampi duggatampi kulīnampi akulīnampi abhirūpampi virūpampi gaṇhanti bhajanti, tādisānaṃ pāpadhammānaṃ itthīnaṃ kiṃkāraṇā vippalapasi, mahārājāti.

ад̇т̇зсууд̇и гааран̣аагааран̣зсу. манд̣̇од̇и анд̇хаб̣аало. бадибхааси манд̇и мама убадтааси. гаалабарияааяанд̇и зваруубам̣ маран̣агаалам̣ бад̇д̇о ‘‘имасмим̣ гаалз ид̣̇ам̣ гад̇д̇аб̣б̣ам̣, ид̣̇ам̣ нагад̇д̇аб̣б̣ам̣, ид̣̇ам̣ вад̇д̇аб̣б̣ам̣, ид̣̇ам̣ на вад̇д̇аб̣б̣а’’нд̇и на ж̇аанааси д̣̇зваад̇и. ад̣дхуммад̇д̇од̇и ад̣дхуммад̇д̇аго ман̃н̃з худ̇ваа. уд̣̇ийрзсийд̇и яат̇аа сурам̣ бивид̇ваа наад̇имад̇д̇о бурисо яам̣ ваа д̇ам̣ ваа балабад̇и, звам̣ балабасийд̇и ад̇т̇о. сзяяаад̇и вараа уд̇д̇амаа.

Atthesūti kāraṇākāraṇesu. Mandoti andhabālo. Paṭibhāsi manti mama upaṭṭhāsi. Kālapariyāyanti evarūpaṃ maraṇakālaṃ patto ‘‘imasmiṃ kāle idaṃ kattabbaṃ, idaṃ nakattabbaṃ, idaṃ vattabbaṃ, idaṃ na vattabba’’nti na jānāsi devāti. Aḍḍhummattoti aḍḍhummattako maññe hutvā. Udīresīti yathā suraṃ pivitvā nātimatto puriso yaṃ vā taṃ vā palapati, evaṃ palapasīti attho. Seyyāti varā uttamā.

‘‘мааяаа жаа’’д̇иаад̣̇ийсу, д̣̇зва, ид̇т̇ияо наамзд̇аа ван̃жанадтзна мааяаа, аг̇аяхубаг̇адтзна марийжий, согаад̣̇ийнам̣ бажжаяад̇д̇аа согаа, рог̇аа, анзгаббагаараа убад̣̇д̣̇аваа, год̇хаад̣̇ийхи т̇ад̣̇д̇хабхаавзнзва караа. д̇аа хи ниссааяа анд̣̇уб̣анд̇ханаад̣̇ийхи б̣анд̇ханад̇о б̣анд̇ханаа жзд̇аа, ид̇т̇ияо наама сарийраг̇ухаасаяавасзнзва мажжу наама зд̇аа, д̣̇зваад̇и. ‘‘гаамахзд̇у, гааманид̣̇аанам̣, гаамаад̇хигаран̣ам̣, гаамаанамзва хзд̇у рааж̇аано жорам̣ г̇ахзд̇ваа’’д̇и (ма. ни. 1.168-169) суд̇д̇знабзса ад̇т̇о д̣̇ийбзд̇аб̣б̣о.

‘‘Māyā cā’’tiādīsu, deva, itthiyo nāmetā vañcanaṭṭhena māyā, agayhupagaṭṭhena marīcī, sokādīnaṃ paccayattā sokā, rogā, anekappakārā upaddavā, kodhādīhi thaddhabhāveneva kharā. Tā hi nissāya andubandhanādīhi bandhanato bandhanā cetā, itthiyo nāma sarīraguhāsayavaseneva maccu nāma etā, devāti. ‘‘Kāmahetu, kāmanidānaṃ, kāmādhikaraṇaṃ, kāmānameva hetu rājāno coraṃ gahetvā’’ti (ma. ni. 1.168-169) suttenapesa attho dīpetabbo.

д̇ад̇о д̇хад̇арадто маад̇уг̇аамз бадиб̣ад̣̇д̇хажид̇д̇ад̇ааяа ‘‘д̇вам̣ маад̇уг̇аамасса г̇ун̣ам̣ на ж̇аанааси, бан̣д̣ид̇аа зва зд̇ам̣ ж̇аананд̇и, на хзд̇аа г̇арахид̇аб̣б̣аа’’д̇и д̣̇ийбзнд̇о ааха –

Tato dhataraṭṭho mātugāme paṭibaddhacittatāya ‘‘tvaṃ mātugāmassa guṇaṃ na jānāsi, paṇḍitā eva etaṃ jānanti, na hetā garahitabbā’’ti dīpento āha –

119.

‘‘яам̣ вуд̣̇д̇хзхи убан̃н̃аад̇ам̣, го д̇ам̣ нинд̣̇ид̇умарахад̇и;

‘‘Yaṃ vuddhehi upaññātaṃ, ko taṃ ninditumarahati;

махаабхууд̇ид̇т̇ияо наама, логасмим̣ уд̣̇абаж̇ж̇исум̣.

Mahābhūtitthiyo nāma, lokasmiṃ udapajjisuṃ.

120.

‘‘кид̣д̣аа бан̣ихид̇аа д̇яаасу, рад̇и д̇яаасу бад̇идтид̇аа;

‘‘Khiḍḍā paṇihitā tyāsu, rati tyāsu patiṭṭhitā;

б̣ийж̇аани д̇яаасу рууханд̇и, яад̣̇ид̣̇ам̣ сад̇д̇аа баж̇ааяарз;

Bījāni tyāsu rūhanti, yadidaṃ sattā pajāyare;

д̇аасу го ниб̣б̣ид̣̇з босо, баан̣амаасаж̇ж̇а баан̣ибхи.

Tāsu ko nibbide poso, pāṇamāsajja pāṇibhi.

121.

‘‘д̇вамзва нан̃н̃о сумука, т̇ийнам̣ ад̇т̇зсу яун̃ж̇аси;

‘‘Tvameva nañño sumukha, thīnaṃ atthesu yuñjasi;

д̇асса д̇яаж̇ж̇а бхаяз ж̇аад̇з, бхийд̇з на ж̇ааяад̇з мад̇и.

Tassa tyajja bhaye jāte, bhīte na jāyate mati.

122.

‘‘саб̣б̣о хи сам̣саяам̣ бад̇д̇о, бхаяам̣ бхийруу д̇ид̇игкад̇и;

‘‘Sabbo hi saṃsayaṃ patto, bhayaṃ bhīrū titikkhati;

бан̣д̣ид̇аа жа маханд̇аано, ад̇т̇з яун̃ж̇анд̇и д̣̇уяяуж̇з.

Paṇḍitā ca mahantāno, atthe yuñjanti duyyuje.

123.

‘‘зд̇ад̣̇ад̇т̇ааяа рааж̇аано, суурамижчанд̇и манд̇инам̣;

‘‘Etadatthāya rājāno, sūramicchanti mantinaṃ;

бадиб̣аахад̇и яам̣ сууро, аабад̣̇ам̣ ад̇д̇абарияааяам̣.

Paṭibāhati yaṃ sūro, āpadaṃ attapariyāyaṃ.

124.

‘‘маа но аж̇ж̇а виганд̇им̣су, ран̃н̃о сууд̣̇аа махаанасз;

‘‘Mā no ajja vikantiṃsu, rañño sūdā mahānase;

д̇ат̇аа хи ван̣н̣о бад̇д̇аанам̣, палам̣ взл̣ум̣ва д̇ам̣ вад̇хи.

Tathā hi vaṇṇo pattānaṃ, phalaṃ veḷuṃva taṃ vadhi.

125.

‘‘муд̇д̇оби на ижчи уд̣д̣зд̇ум̣, саяам̣ б̣анд̇хам̣ убааг̇ами;

‘‘Muttopi na icchi uḍḍetuṃ, sayaṃ bandhaṃ upāgami;

собаж̇ж̇а сам̣саяам̣ бад̇д̇о, ад̇т̇ам̣ г̇ан̣хаахи маа мука’’нд̇и.

Sopajja saṃsayaṃ patto, atthaṃ gaṇhāhi mā mukha’’nti.

д̇ад̇т̇а яанд̇и яам̣ маад̇уг̇аамасан̇каад̇ам̣ вад̇т̇у бан̃н̃аавуд̣̇д̇хзхи н̃аад̇ам̣, д̇зсамзва баагадам̣, на б̣аалаанам̣. махаабхууд̇аад̇и махааг̇ун̣аа махаанисам̣саа. уд̣̇абаж̇ж̇исунд̇и батамагаббигагаалз ид̇т̇илин̇г̇ассзва батамам̣ баад̇убхууд̇ад̇д̇аа батамам̣ ниб̣б̣ад̇д̇аад̇и ад̇т̇о. д̇яаасууд̇и сумука д̇аасу ид̇т̇ийсу гааяаважийкид̣д̣аа жа бан̣ихид̇аа охид̇аа табид̇аа, гаамаг̇ун̣арад̇и жа бад̇идтид̇аа. б̣ийж̇аанийд̇и б̣уд̣̇д̇хабажжзгаб̣уд̣̇д̇хаарияасаавагажаггавад̇д̇иаад̣̇иб̣ийж̇аани д̇аасу руханд̇и. яад̣̇ид̣̇анд̇и яз зд̇з саб̣б̣зби сад̇д̇аа. баж̇ааяарзд̇и саб̣б̣з д̇аасан̃н̃зва гужчимхи сам̣вад̣̇д̇хаад̇и д̣̇ийбзд̇и. ниб̣б̣ид̣̇зд̇и ниб̣б̣инд̣̇зяяа. баан̣амаасаж̇ж̇а баан̣ибхийд̇и ад̇д̇ано баан̣зхиби д̇аасам̣ баан̣ам̣ аасаад̣̇зд̇ваа ад̇д̇ано ж̇ийвид̇ам̣ жаж̇анд̇оби д̇аа лабхид̇ваа го ниб̣б̣инд̣̇зяяаад̇и ад̇т̇о.

Tattha yanti yaṃ mātugāmasaṅkhātaṃ vatthu paññāvuddhehi ñātaṃ, tesameva pākaṭaṃ, na bālānaṃ. Mahābhūtāti mahāguṇā mahānisaṃsā. Udapajjisunti paṭhamakappikakāle itthiliṅgasseva paṭhamaṃ pātubhūtattā paṭhamaṃ nibbattāti attho. Tyāsūti sumukha tāsu itthīsu kāyavacīkhiḍḍā ca paṇihitā ohitā ṭhapitā, kāmaguṇarati ca patiṭṭhitā. Bījānīti buddhapaccekabuddhaariyasāvakacakkavattiādibījāni tāsu ruhanti. Yadidanti ye ete sabbepi sattā. Pajāyareti sabbe tāsaññeva kucchimhi saṃvaddhāti dīpeti. Nibbideti nibbindeyya. Pāṇamāsajja pāṇibhīti attano pāṇehipi tāsaṃ pāṇaṃ āsādetvā attano jīvitaṃ cajantopi tā labhitvā ko nibbindeyyāti attho.

нан̃н̃од̇и на ан̃н̃о, сумука, маяаа жид̇д̇агуудад̇алз хам̣саг̇ан̣амаж̇жхз нисиннзна д̇ам̣ ад̣̇исваа ‘‘гахам̣ ну сумуко’’д̇и вуд̇д̇з ‘‘зса маад̇уг̇аамам̣ г̇ахзд̇ваа ган̃жанаг̇ухааяам̣ уд̇д̇амарад̇им̣ анубход̇ий’’д̇и вад̣̇анд̇и, звам̣ д̇вамзва т̇ийнам̣ ад̇т̇зсу яун̃ж̇аси яуд̇д̇абаяуд̇д̇о хоси, на ан̃н̃од̇и ад̇т̇о. д̇асса д̇яаж̇ж̇аад̇и д̇асса д̇з аж̇ж̇а маран̣абхаяз ж̇аад̇з иминаа бхийд̇зна маран̣абхаязна бхийд̇о ман̃н̃з, аяам̣ маад̇уг̇аамасса д̣̇осад̣̇ассанз нибун̣аа мад̇и ж̇ааяад̇зд̇и ад̇хиббааязнзвамааха.

Naññoti na añño, sumukha, mayā cittakūṭatale haṃsagaṇamajjhe nisinnena taṃ adisvā ‘‘kahaṃ nu sumukho’’ti vutte ‘‘esa mātugāmaṃ gahetvā kañcanaguhāyaṃ uttamaratiṃ anubhotī’’ti vadanti, evaṃ tvameva thīnaṃ atthesu yuñjasi yuttapayutto hosi, na aññoti attho. Tassa tyajjāti tassa te ajja maraṇabhaye jāte iminā bhītena maraṇabhayena bhīto maññe, ayaṃ mātugāmassa dosadassane nipuṇā mati jāyateti adhippāyenevamāha.

саб̣б̣о хийд̇и яо хи гожи. сам̣саяам̣ бад̇д̇од̇и ж̇ийвид̇асам̣саяаббад̇д̇о. бхийрууд̇и бхийруу худ̇вааби бхаяам̣ ад̇хиваасзд̇и. маханд̇аанод̇и яз бана бан̣д̣ид̇аа жа хонд̇и маханд̇з жа таанз тид̇аа маханд̇аано, д̇з д̣̇уяяуж̇з ад̇т̇з яун̃ж̇анд̇и гхадзнд̇и вааяаманд̇и, д̇асмаа ‘‘маа бхааяи, д̇хийро хохий’’д̇и д̇ам̣ уссаахзнд̇о звамааха. аабад̣̇анд̇и саамино ааг̇ад̇ам̣ аабад̣̇ам̣ зса сууро бадиб̣аахад̇и, зд̇ад̣̇ад̇т̇ааяа суурам̣ манд̇инам̣ ижчанд̇и. ад̇д̇абарияааяанд̇и ад̇д̇ано барид̇д̇аан̣амби жа гаад̇ум̣ саггод̇ийд̇и ад̇хиббааяо.

Sabbo hīti yo hi koci. Saṃsayaṃ pattoti jīvitasaṃsayappatto. Bhīrūti bhīrū hutvāpi bhayaṃ adhivāseti. Mahantānoti ye pana paṇḍitā ca honti mahante ca ṭhāne ṭhitā mahantāno, te duyyuje atthe yuñjanti ghaṭenti vāyamanti, tasmā ‘‘mā bhāyi, dhīro hohī’’ti taṃ ussāhento evamāha. Āpadanti sāmino āgataṃ āpadaṃ esa sūro paṭibāhati, etadatthāya sūraṃ mantinaṃ icchanti. Attapariyāyanti attano parittāṇampi ca kātuṃ sakkotīti adhippāyo.

виганд̇им̣сууд̇и чинд̣̇им̣су. ид̣̇ам̣ вуд̇д̇ам̣ ход̇и – самма сумука, д̇вам̣ маяаа ад̇д̇ано ананд̇арз таанз табид̇о, д̇асмаа яат̇аа аж̇ж̇а ран̃н̃о сууд̣̇аа амхз мам̣сад̇т̇ааяа на виганд̇им̣су, д̇ат̇аа гарохи, д̇аад̣̇исо хи амхаагам̣ бад̇д̇аван̣н̣о. д̇ам̣ вад̇хийд̇и свааяам̣ ван̣н̣о яат̇аа наама взл̣ум̣ ниссааяа ж̇аад̇ам̣ палам̣ взл̣умзва вад̇хад̇и, д̇ат̇аа маа д̇ам̣ вад̇хи, д̇ан̃жа ман̃жа маа вад̇хийд̇и ад̇хиббааязнзвамааха.

Vikantiṃsūti chindiṃsu. Idaṃ vuttaṃ hoti – samma sumukha, tvaṃ mayā attano anantare ṭhāne ṭhapito, tasmā yathā ajja rañño sūdā amhe maṃsatthāya na vikantiṃsu, tathā karohi, tādiso hi amhākaṃ pattavaṇṇo. Taṃ vadhīti svāyaṃ vaṇṇo yathā nāma veḷuṃ nissāya jātaṃ phalaṃ veḷumeva vadhati, tathā mā taṃ vadhi, tañca mañca mā vadhīti adhippāyenevamāha.

муд̇д̇обийд̇и яат̇аасукам̣ жид̇д̇агуудабаб̣б̣ад̇ам̣ г̇ажчаад̇и звам̣ луд̣̇д̣̇абуд̇д̇зна маяаа сад̣̇д̇хим̣ муд̇д̇о виссаж̇ж̇ид̇о самааноби уд̣д̣ид̇ум̣ на ижчи. саяанд̇и рааж̇аанам̣ д̣̇адтугаамо худ̇ваа саяамзва б̣анд̇хам̣ убаг̇ад̇од̇и звамид̣̇ам̣ амхаагам̣ бхаяам̣ д̇ам̣ ниссааяа ааг̇ад̇ам̣. собаж̇ж̇аад̇и соби аж̇ж̇а ж̇ийвид̇асам̣саяам̣ бад̇д̇о. ад̇т̇ам̣ г̇ан̣хаахи маа муканд̇и ид̣̇аани амхаагам̣ мун̃жанагааран̣ам̣ г̇ан̣ха, яат̇аа мужжаама, д̇ат̇аа вааяама, ‘‘ваад̇ова г̇анд̇хамаад̣̇зд̇ий’’д̇иаад̣̇ийни вад̣̇анд̇о ид̇т̇иг̇арахад̇т̇ааяа мукам̣ маа басаараяи.

Muttopīti yathāsukhaṃ cittakūṭapabbataṃ gacchāti evaṃ luddaputtena mayā saddhiṃ mutto vissajjito samānopi uḍḍituṃ na icchi. Sayanti rājānaṃ daṭṭhukāmo hutvā sayameva bandhaṃ upagatoti evamidaṃ amhākaṃ bhayaṃ taṃ nissāya āgataṃ. Sopajjāti sopi ajja jīvitasaṃsayaṃ patto. Atthaṃ gaṇhāhi mā mukhanti idāni amhākaṃ muñcanakāraṇaṃ gaṇha, yathā muccāma, tathā vāyama, ‘‘vātova gandhamādetī’’tiādīni vadanto itthigarahatthāya mukhaṃ mā pasārayi.

звам̣ махаасад̇д̇о маад̇уг̇аамам̣ ван̣н̣зд̇ваа сумукам̣ аббадибхаан̣ам̣ гад̇ваа д̇асса анад̇д̇аманабхаавам̣ вид̣̇ид̇ваа ид̣̇аани нам̣ баг̇г̇ан̣ханд̇о г̇аат̇амааха –

Evaṃ mahāsatto mātugāmaṃ vaṇṇetvā sumukhaṃ appaṭibhāṇaṃ katvā tassa anattamanabhāvaṃ viditvā idāni naṃ paggaṇhanto gāthamāha –

126.

‘‘со д̇ам̣ яог̇ам̣ баяун̃ж̇ассу, яуд̇д̇ам̣ д̇хаммуубасам̣хид̇ам̣;

‘‘So taṃ yogaṃ payuñjassu, yuttaṃ dhammūpasaṃhitaṃ;

д̇ава барияаабад̣̇аанзна, мама баан̣зсанам̣ жараа’’д̇и.

Tava pariyāpadānena, mama pāṇesanaṃ carā’’ti.

д̇ад̇т̇а сод̇и, самма сумука, со д̇вам̣. д̇ам̣ яог̇анд̇и яам̣ буб̣б̣з ‘‘ахам̣ яог̇ам̣ баяун̃ж̇иссам̣, яуд̇д̇ам̣ д̇хаммуубасам̣хид̇а’’нд̇и аважааси, д̇ам̣ ид̣̇аани баяун̃ж̇ассу. д̇ава барияаабад̣̇аанзнаад̇и д̇ава д̇зна яог̇зна барисуд̣̇д̇хзна. ‘‘барияод̣̇аад̇знаа’’д̇иби баато, барид̇д̇аан̣знаад̇и ад̇т̇о, д̇аяаа гад̇ад̇д̇аа д̇ава санд̇агзна барид̇д̇аан̣зна мама ж̇ийвид̇абариязсанам̣ жараад̇и ад̇хиббааяо.

Tattha soti, samma sumukha, so tvaṃ. Taṃ yoganti yaṃ pubbe ‘‘ahaṃ yogaṃ payuñjissaṃ, yuttaṃ dhammūpasaṃhita’’nti avacāsi, taṃ idāni payuñjassu. Tava pariyāpadānenāti tava tena yogena parisuddhena. ‘‘Pariyodātenā’’tipi pāṭho, parittāṇenāti attho, tayā katattā tava santakena parittāṇena mama jīvitapariyesanaṃ carāti adhippāyo.

ат̇а сумуко ‘‘аяам̣ ад̇ивияа маран̣абхаяабхийд̇о мама н̃аан̣аб̣алам̣ на ж̇аанаад̇и, рааж̇аанам̣ д̣̇исваа т̇огам̣ гат̇ам̣ лабхид̇ваа ж̇ааниссаами, ассаасзссаами д̇аава на’’нд̇и жинд̇зд̇ваа г̇аат̇амааха –

Atha sumukho ‘‘ayaṃ ativiya maraṇabhayabhīto mama ñāṇabalaṃ na jānāti, rājānaṃ disvā thokaṃ kathaṃ labhitvā jānissāmi, assāsessāmi tāva na’’nti cintetvā gāthamāha –

127.

‘‘маа бхааяи бад̇ад̇ам̣ сздта, на хи бхааяанд̇и д̇аад̣̇исаа;

‘‘Mā bhāyi patataṃ seṭṭha, na hi bhāyanti tādisā;

ахам̣ яог̇ам̣ баяун̃ж̇иссам̣, яуд̇д̇ам̣ д̇хаммуубасам̣хид̇ам̣;

Ahaṃ yogaṃ payuñjissaṃ, yuttaṃ dhammūpasaṃhitaṃ;

мама барияаабад̣̇аанзна, киббам̣ баасаа бамогкасий’’д̇и.

Mama pariyāpadānena, khippaṃ pāsā pamokkhasī’’ti.

д̇ад̇т̇а баасаад̇и д̣̇угкабаасад̇о.

Tattha pāsāti dukkhapāsato.

ид̇и д̇зсам̣ сагун̣абхаасааяа гат̇знд̇аанам̣ луд̣̇д̣̇абуд̇д̇о на гин̃жи ан̃н̃ааси, гзвалам̣ бана д̇з гааж̇знаад̣̇ааяа б̣аараан̣асим̣ баависи. ажчарияаб̣бхуд̇аж̇аад̇зна ан̃ж̇алинаа махааж̇анзна ануг̇г̇ажчамаано со рааж̇ад̣̇ваарам̣ бад̇ваа ад̇д̇ано ааг̇ад̇абхаавам̣ ран̃н̃о аарожаабзси. д̇амад̇т̇ам̣ багаасзнд̇о сад̇т̇аа ааха –

Iti tesaṃ sakuṇabhāsāya kathentānaṃ luddaputto na kiñci aññāsi, kevalaṃ pana te kājenādāya bārāṇasiṃ pāvisi. Acchariyabbhutajātena añjalinā mahājanena anuggacchamāno so rājadvāraṃ patvā attano āgatabhāvaṃ rañño ārocāpesi. Tamatthaṃ pakāsento satthā āha –

128.

‘‘со луд̣̇д̣̇о хам̣сагааж̇зна, рааж̇ад̣̇ваарам̣ убааг̇ами;

‘‘So luddo haṃsakājena, rājadvāraṃ upāgami;

бадивзд̣̇зт̇а мам̣ ран̃н̃о, д̇хад̇арадтааяамааг̇ад̇о’’д̇и.

Paṭivedetha maṃ rañño, dhataraṭṭhāyamāgato’’ti.

д̇ад̇т̇а бадивзд̣̇зт̇а манд̇и кзмаго ааг̇ад̇од̇и звам̣ мам̣ ран̃н̃о нивзд̣̇зт̇а. д̇хад̇арадтааяанд̇и аяам̣ д̇хад̇арадто ааг̇ад̇од̇и бадивзд̣̇зт̇а.

Tattha paṭivedetha manti khemako āgatoti evaṃ maṃ rañño nivedetha. Dhataraṭṭhāyanti ayaṃ dhataraṭṭho āgatoti paṭivedetha.

д̣̇оваариго г̇анд̇ваа бадивзд̣̇зси. рааж̇аа сан̃ж̇аад̇асоманассо ‘‘киббам̣ ааг̇ажчад̇уу’’д̇и вад̇ваа амажжаг̇ан̣абаривуд̇о самуссид̇асзд̇ажчад̇д̇з рааж̇абаллан̇гз нисинно кзмагам̣ хам̣сагааж̇ам̣ аад̣̇ааяа махаад̇алам̣ абхирул̣хам̣ д̣̇исваа суван̣н̣аван̣н̣з хам̣сз ологзд̇ваа ‘‘самбун̣н̣о мз манорат̇о’’д̇и д̇асса гад̇д̇аб̣б̣агижжам̣ амажжз аан̣аабзси. д̇амад̇т̇ам̣ багаасзнд̇о сад̇т̇аа ааха –

Dovāriko gantvā paṭivedesi. Rājā sañjātasomanasso ‘‘khippaṃ āgacchatū’’ti vatvā amaccagaṇaparivuto samussitasetacchatte rājapallaṅke nisinno khemakaṃ haṃsakājaṃ ādāya mahātalaṃ abhiruḷhaṃ disvā suvaṇṇavaṇṇe haṃse oloketvā ‘‘sampuṇṇo me manoratho’’ti tassa kattabbakiccaṃ amacce āṇāpesi. Tamatthaṃ pakāsento satthā āha –

129.

‘‘д̇з д̣̇исваа бун̃н̃асан̇гаасз, убхо лагкан̣асаммад̇з;

‘‘Te disvā puññasaṅkāse, ubho lakkhaṇasammate;

калу сам̣яамано рааж̇аа, амажжз аж̇жхабхаасат̇а.

Khalu saṃyamano rājā, amacce ajjhabhāsatha.

130.

‘‘д̣̇зт̇а луд̣̇д̣̇асса вад̇т̇аани, аннам̣ баанан̃жа бхож̇анам̣;

‘‘Detha luddassa vatthāni, annaṃ pānañca bhojanaṃ;

гаамам̣гаро хиран̃н̃асса, яааванд̇о зса ижчад̇ий’’д̇и.

Kāmaṃkaro hiraññassa, yāvanto esa icchatī’’ti.

д̇ад̇т̇а бун̃н̃асан̇гаасзд̇и ад̇д̇ано бун̃н̃асад̣̇исз. лагкан̣асаммад̇зд̇и сздтасаммад̇з абхин̃н̃аад̇з. калууд̇и нибаад̇о, д̇асса ‘‘д̇з калу д̣̇исваа’’д̇и буримабад̣̇зна самб̣анд̇хо. ‘‘д̣̇зт̇аа’’д̇иаад̣̇ийни рааж̇аа басаннаагаарам̣ гаронд̇о ааха. д̇ад̇т̇а гаамам̣гаро хиран̃н̃ассаад̇и хиран̃н̃ам̣ асса гаамагирияаа ад̇т̇у. яааванд̇од̇и яад̇д̇агам̣ зса ижчад̇и, д̇ад̇д̇агам̣ хиран̃н̃амасса д̣̇зт̇аад̇и ад̇т̇о.

Tattha puññasaṅkāseti attano puññasadise. Lakkhaṇasammateti seṭṭhasammate abhiññāte. Khalūti nipāto, tassa ‘‘te khalu disvā’’ti purimapadena sambandho. ‘‘Dethā’’tiādīni rājā pasannākāraṃ karonto āha. Tattha kāmaṃkaro hiraññassāti hiraññaṃ assa kāmakiriyā atthu. Yāvantoti yattakaṃ esa icchati, tattakaṃ hiraññamassa dethāti attho.

звам̣ басаннаагаарам̣ гаарзд̇ваа бийд̇исоманассаасамуссахид̇о ‘‘г̇ажчат̇а нам̣ алан̇гарид̇ваа аанзт̇аа’’д̇и ааха. ат̇а нам̣ амажжаа рааж̇анивзсанаа од̇аарзд̇ваа габбид̇агзсамассум̣ нхаад̇аанулид̇д̇ам̣ саб̣б̣аалан̇гаарабадиман̣д̣ид̇ам̣ гад̇ваа ран̃н̃о д̣̇ассзсум̣. ат̇асса рааж̇аа сам̣важчарз сад̇асахассудтаанагз д̣̇ваад̣̇аса г̇аамз ааж̇ан̃н̃аяуд̇д̇ам̣ рат̇ам̣ алан̇гад̇амахааг̇зхан̃жаад̇и маханд̇ам̣ яасам̣ д̣̇аабзси. со маханд̇ам̣ яасам̣ лабхид̇ваа ад̇д̇ано гаммам̣ багаасзд̇ум̣ ‘‘на д̇з, д̣̇зва, маяаа яо ваа со ваа хам̣со аанийд̇о, аяам̣ бана навуд̇ияаа хам̣сасахассаанам̣ рааж̇аа д̇хад̇арадто наама, аяам̣ сзнаабад̇и сумуко наамаа’’д̇и ааха . ат̇а нам̣ рааж̇аа ‘‘гат̇ам̣ д̇з, самма, зд̇з г̇ахид̇аа’’д̇и бужчи. д̇амад̇т̇ам̣ багаасзнд̇о сад̇т̇аа ааха –

Evaṃ pasannākāraṃ kāretvā pītisomanassāsamussahito ‘‘gacchatha naṃ alaṅkaritvā ānethā’’ti āha. Atha naṃ amaccā rājanivesanā otāretvā kappitakesamassuṃ nhātānulittaṃ sabbālaṅkārapaṭimaṇḍitaṃ katvā rañño dassesuṃ. Athassa rājā saṃvacchare satasahassuṭṭhānake dvādasa gāme ājaññayuttaṃ rathaṃ alaṅkatamahāgehañcāti mahantaṃ yasaṃ dāpesi. So mahantaṃ yasaṃ labhitvā attano kammaṃ pakāsetuṃ ‘‘na te, deva, mayā yo vā so vā haṃso ānīto, ayaṃ pana navutiyā haṃsasahassānaṃ rājā dhataraṭṭho nāma, ayaṃ senāpati sumukho nāmā’’ti āha . Atha naṃ rājā ‘‘kathaṃ te, samma, ete gahitā’’ti pucchi. Tamatthaṃ pakāsento satthā āha –

131.

‘‘д̣̇исваа луд̣̇д̣̇ам̣ басаннад̇д̇ам̣, гаасирааж̇аа д̇ад̣̇аб̣рави;

‘‘Disvā luddaṃ pasannattaṃ, kāsirājā tadabravi;

яад̣̇яааяам̣ самма кзмага, бун̣н̣аа хам̣сзхи д̇идтад̇и.

Yadyāyaṃ samma khemaka, puṇṇā haṃsehi tiṭṭhati.

132.

‘‘гат̇ам̣ ружимаж̇жхаг̇ад̇ам̣, баасахад̇т̇о убааг̇ами;

‘‘Kathaṃ rucimajjhagataṃ, pāsahattho upāgami;

огин̣н̣ам̣ н̃аад̇исан̇гхзхи, ниммаж̇жхимам̣ гат̇ам̣ г̇ахий’’д̇и.

Okiṇṇaṃ ñātisaṅghehi, nimmajjhimaṃ kathaṃ gahī’’ti.

д̇ад̇т̇а басаннад̇д̇анд̇и басаннабхаавам̣ соманассаббад̇д̇ам̣. яад̣̇яааяанд̇и, самма кзмага, яад̣̇и аяам̣ амхаагам̣ богкаран̣ий навуд̇ихам̣сасахассзхи бун̣н̣аа д̇идтад̇и. гат̇ам̣ ружимаж̇жхаг̇ад̇анд̇и звам̣ санд̇з д̇вам̣ д̇зсам̣ ружийнам̣ бияад̣̇ассанаанам̣ хам̣саанам̣ маж̇жхаг̇ад̇ам̣ зд̇ам̣ н̃аад̇исан̇гхзхи огин̣н̣ам̣. ниммаж̇жхиманд̇и нзва маж̇жхимам̣ нзва ганидтам̣ уд̇д̇амам̣ хам̣сарааж̇аанам̣ гат̇ам̣ баасахад̇т̇о убааг̇ами гат̇ам̣ г̇ан̣хийд̇и.

Tattha pasannattanti pasannabhāvaṃ somanassappattaṃ. Yadyāyanti, samma khemaka, yadi ayaṃ amhākaṃ pokkharaṇī navutihaṃsasahassehi puṇṇā tiṭṭhati. Kathaṃ rucimajjhagatanti evaṃ sante tvaṃ tesaṃ rucīnaṃ piyadassanānaṃ haṃsānaṃ majjhagataṃ etaṃ ñātisaṅghehi okiṇṇaṃ. Nimmajjhimanti neva majjhimaṃ neva kaniṭṭhaṃ uttamaṃ haṃsarājānaṃ kathaṃ pāsahattho upāgami kathaṃ gaṇhīti.

со д̇асса гат̇знд̇о ааха –

So tassa kathento āha –

133.

‘‘аж̇ж̇а мз сад̇д̇амаа рад̇д̇и, ад̣̇анаани убаасад̇о;

‘‘Ajja me sattamā ratti, adanāni upāsato;

бад̣̇амзд̇асса анвзсам̣, аббамад̇д̇о гхадассид̇о.

Padametassa anvesaṃ, appamatto ghaṭassito.

134.

‘‘ат̇асса бад̣̇амад̣̇д̣̇агким̣, жарад̇о ад̣̇анзсанам̣;

‘‘Athassa padamaddakkhiṃ, carato adanesanaṃ;

д̇ад̇т̇аахам̣ од̣̇ахим̣ баасам̣, звам̣ д̇ам̣ д̣̇иж̇амаг̇г̇ахи’’нд̇и.

Tatthāhaṃ odahiṃ pāsaṃ, evaṃ taṃ dijamaggahi’’nti.

д̇ад̇т̇а ад̣̇анаанийд̇и аад̣̇аанаани, г̇ожараг̇г̇ахан̣адтаанаанийд̇и ад̇т̇о, аяамзва ваа баато. убаасад̇од̇и убаг̇ажчанд̇асса. бад̣̇анд̇и г̇ожарабхуумияам̣ агганд̇абад̣̇ам̣. гхадассид̇од̇и жаадибан̃ж̇арз ниссид̇о худ̇ваа. ат̇ассаад̇и ат̇а чадтз д̣̇ивасз зд̇асса ад̣̇анзсанам̣ жаранд̇асса бад̣̇ам̣ ад̣̇д̣̇агким̣. звам̣ д̇анд̇и звам̣ д̇ам̣ д̣̇иж̇ам̣ аг̇г̇ахинд̇и саб̣б̣ам̣ г̇ахид̇обааяам̣ аажигки.

Tattha adanānīti ādānāni, gocaraggahaṇaṭṭhānānīti attho, ayameva vā pāṭho. Upāsatoti upagacchantassa. Padanti gocarabhūmiyaṃ akkantapadaṃ. Ghaṭassitoti cāṭipañjare nissito hutvā. Athassāti atha chaṭṭhe divase etassa adanesanaṃ carantassa padaṃ addakkhiṃ. Evaṃ tanti evaṃ taṃ dijaṃ aggahinti sabbaṃ gahitopāyaṃ ācikkhi.

д̇ам̣ суд̇ваа рааж̇аа ‘‘аяам̣ д̣̇ваарз тад̇ваа бадивзд̣̇знд̇оби д̇хад̇арадтассзвааг̇аманам̣ бадивзд̣̇зси, ид̣̇ааниби зд̇ам̣ згамзва г̇ан̣хинд̇и вад̣̇ад̇и, гим̣ ну ко зд̇т̇а гааран̣а’’нд̇и жинд̇зд̇ваа г̇аат̇амааха –

Taṃ sutvā rājā ‘‘ayaṃ dvāre ṭhatvā paṭivedentopi dhataraṭṭhassevāgamanaṃ paṭivedesi, idānipi etaṃ ekameva gaṇhinti vadati, kiṃ nu kho ettha kāraṇa’’nti cintetvā gāthamāha –

135.

‘‘луд̣̇д̣̇а д̣̇вз имз сагун̣аа, ат̇а згод̇и бхаасаси;

‘‘Ludda dve ime sakuṇā, atha ekoti bhāsasi;

жид̇д̇ам̣ ну д̇з вибарияад̇д̇ам̣, ад̣̇у гим̣ ну ж̇иг̇ийсасий’’д̇и.

Cittaṃ nu te vipariyattaṃ, adu kiṃ nu jigīsasī’’ti.

д̇ад̇т̇а вибарияад̇д̇анд̇и вибаллад̇т̇ам̣. ад̣̇у гим̣ ну ж̇иг̇ийсасийд̇и уд̣̇ааху гим̣ ну жинд̇зси, гим̣ ид̇арам̣ г̇ахзд̇ваа ан̃н̃асса д̣̇аад̇угаамо худ̇ваа жинд̇зсийд̇и бужчад̇и.

Tattha vipariyattanti vipallatthaṃ. Adu kiṃ nu jigīsasīti udāhu kiṃ nu cintesi, kiṃ itaraṃ gahetvā aññassa dātukāmo hutvā cintesīti pucchati.

д̇ад̇о луд̣̇д̣̇о ‘‘на мз, д̣̇зва, жид̇д̇ам̣ вибаллад̇т̇ам̣, нааби ахам̣ ид̇арам̣ ан̃н̃асса д̣̇аад̇угаамо, абижа ко бана маяаа охид̇з баасз згова б̣ад̣̇д̇хо’’д̇и аави гаронд̇о ааха –

Tato luddo ‘‘na me, deva, cittaṃ vipallatthaṃ, nāpi ahaṃ itaraṃ aññassa dātukāmo, apica kho pana mayā ohite pāse ekova baddho’’ti āvi karonto āha –

136.

‘‘яасса лохид̇агаа д̇аалаа, д̇абанийяанибхаа субхаа;

‘‘Yassa lohitakā tālā, tapanīyanibhā subhā;

урам̣ сам̣хажжа д̇идтанд̇и, со мз б̣анд̇хам̣ убааг̇ами.

Uraṃ saṃhacca tiṭṭhanti, so me bandhaṃ upāgami.

137.

‘‘ат̇ааяам̣ бхассаро багкий, аб̣ад̣̇д̇хо б̣ад̣̇д̇хамаад̇урам̣;

‘‘Athāyaṃ bhassaro pakkhī, abaddho baddhamāturaṃ;

арияам̣ б̣руваано адтааси, жаж̇анд̇о маанусим̣ г̇ира’’нд̇и.

Ariyaṃ bruvāno aṭṭhāsi, cajanto mānusiṃ gira’’nti.

д̇ад̇т̇а лохид̇агаад̇и рад̇д̇аван̣н̣аа. лаад̇аад̇и рааж̇ияо. урам̣ сам̣хажжаад̇и урам̣ аахажжа. ид̣̇ам̣ вуд̇д̇ам̣ ход̇и – махаарааж̇а, яассзд̇аа рад̇д̇асуван̣н̣асаббадибхааг̇аа д̇иссо лохид̇агаа рааж̇ияо г̇ийвам̣ баригкибид̇ваа урам̣ аахажжа д̇идтанд̇и, со згова мама баасз б̣анд̇хам̣ убааг̇ад̇од̇и. бхассарод̇и барисуд̣̇д̇хо бабхаасамбанно. аад̇уранд̇и г̇илаанам̣ д̣̇угкид̇ам̣ адтаасийд̇и.

Tattha lohitakāti rattavaṇṇā. Lātāti rājiyo. Uraṃ saṃhaccāti uraṃ āhacca. Idaṃ vuttaṃ hoti – mahārāja, yassetā rattasuvaṇṇasappaṭibhāgā tisso lohitakā rājiyo gīvaṃ parikkhipitvā uraṃ āhacca tiṭṭhanti, so ekova mama pāse bandhaṃ upāgatoti. Bhassaroti parisuddho pabhāsampanno. Āturanti gilānaṃ dukkhitaṃ aṭṭhāsīti.

ат̇а д̇хад̇арадтасса б̣ад̣̇д̇хабхаавам̣ н̃ад̇ваа нивад̇д̇ид̇ваа зд̇ам̣ самассаасзд̇ваа мамааг̇аманагаалз жа бажжуг̇г̇аманам̣ гад̇ваа аагаасзязва маяаа сад̣̇д̇хим̣ мад̇хурабадисант̇аарам̣ гад̇ваа мануссабхаасааяа д̇хад̇арадтасса г̇ун̣ам̣ гат̇знд̇о адтааси, мама хад̣̇аяам̣ муд̣̇угам̣ гад̇ваа буна зд̇ассзва бурад̇о адтааси. ат̇аахам̣, д̣̇зва, сумукасса субхаасид̇ам̣ суд̇ваа басаннажид̇д̇о д̇хад̇арадтам̣ виссаж̇ж̇зсим̣, ид̇и д̇хад̇арадтасса баасад̇о могко, имз хам̣сз аад̣̇ааяа мама ид̇хааг̇аманан̃жа сумукзнзва гад̇анд̇и. звам̣ со сумукасса г̇ун̣агат̇ам̣ гат̇зси. д̇ам̣ суд̇ваа рааж̇аа сумукасса д̇хаммагат̇ам̣ сод̇угаамо ахоси. луд̣̇д̣̇абуд̇д̇асса саггаарам̣ гаронд̇ассзва суурияо ад̇т̇ан̇г̇ад̇о, д̣̇ийбаа баж̇ж̇алид̇аа, б̣ахуу кад̇д̇ияаад̣̇аяо саннибад̇ид̇аа, кзмаа д̣̇звийби вивид̇ханаадагабариваараа ран̃н̃о д̣̇агкин̣абассз нисийд̣̇и. д̇асмим̣ кан̣з рааж̇аа сумукам̣ гат̇аабзд̇угаамо г̇аат̇амааха –

Atha dhataraṭṭhassa baddhabhāvaṃ ñatvā nivattitvā etaṃ samassāsetvā mamāgamanakāle ca paccuggamanaṃ katvā ākāseyeva mayā saddhiṃ madhurapaṭisanthāraṃ katvā manussabhāsāya dhataraṭṭhassa guṇaṃ kathento aṭṭhāsi, mama hadayaṃ mudukaṃ katvā puna etasseva purato aṭṭhāsi. Athāhaṃ, deva, sumukhassa subhāsitaṃ sutvā pasannacitto dhataraṭṭhaṃ vissajjesiṃ, iti dhataraṭṭhassa pāsato mokkho, ime haṃse ādāya mama idhāgamanañca sumukheneva katanti. Evaṃ so sumukhassa guṇakathaṃ kathesi. Taṃ sutvā rājā sumukhassa dhammakathaṃ sotukāmo ahosi. Luddaputtassa sakkāraṃ karontasseva sūriyo atthaṅgato, dīpā pajjalitā, bahū khattiyādayo sannipatitā, khemā devīpi vividhanāṭakaparivārā rañño dakkhiṇapasse nisīdi. Tasmiṃ khaṇe rājā sumukhaṃ kathāpetukāmo gāthamāha –

138.

‘‘ат̇а гим̣ д̣̇аани сумука, ханум̣ сам̣хажжа д̇идтаси;

‘‘Atha kiṃ dāni sumukha, hanuṃ saṃhacca tiṭṭhasi;

ад̣̇у мз барисам̣ бад̇д̇о, бхаяаа бхийд̇о на бхаасасий’’д̇и.

Adu me parisaṃ patto, bhayā bhīto na bhāsasī’’ti.

д̇ад̇т̇а ханум̣ сам̣хажжаад̇и мад̇хурагат̇о гира д̇вам̣, ат̇а гасмаа ид̣̇аани мукам̣ бид̇хааяа д̇идтаси. ад̣̇ууд̇и гажжи. бхаяаа бхийд̇од̇и барисасаараж̇ж̇абхаязна бхийд̇о худ̇ваа.

Tattha hanuṃ saṃhaccāti madhurakatho kira tvaṃ, atha kasmā idāni mukhaṃ pidhāya tiṭṭhasi. Adūti kacci. Bhayā bhītoti parisasārajjabhayena bhīto hutvā.

д̇ам̣ суд̇ваа сумуко абхийд̇абхаавам̣ д̣̇ассзнд̇о г̇аат̇амааха –

Taṃ sutvā sumukho abhītabhāvaṃ dassento gāthamāha –

139.

‘‘наахам̣ гаасибад̇и бхийд̇о, ог̇аяха барисам̣ д̇ава;

‘‘Nāhaṃ kāsipati bhīto, ogayha parisaṃ tava;

наахам̣ бхаяаа на бхаасиссам̣, ваагяам̣ ад̇т̇асмим̣ д̇аад̣̇исз’’д̇и.

Nāhaṃ bhayā na bhāsissaṃ, vākyaṃ atthasmiṃ tādise’’ti.

д̇ад̇т̇а д̇аад̣̇исзд̇и абижа ко бана д̇ат̇ааруубз ад̇т̇з уббаннз ваагяам̣ бхаасиссаамийд̇и важаногаасам̣ ологзнд̇о нисинномхийд̇и ад̇т̇о.

Tattha tādiseti apica kho pana tathārūpe atthe uppanne vākyaṃ bhāsissāmīti vacanokāsaṃ olokento nisinnomhīti attho.

д̇ам̣ суд̇ваа рааж̇аа д̇асса гат̇ам̣ вад̣дхзд̇угаамад̇ааяа барихаасам̣ гаронд̇о ааха –

Taṃ sutvā rājā tassa kathaṃ vaḍḍhetukāmatāya parihāsaṃ karonto āha –

140.

‘‘на д̇з абхисарам̣ бассз, на рат̇з наби бад̇д̇игз;

‘‘Na te abhisaraṃ passe, na rathe napi pattike;

наасса жаммам̣ва гийдам̣ ваа, ваммид̇з жа д̇хануг̇г̇ахз.

Nāssa cammaṃva kīṭaṃ vā, vammite ca dhanuggahe.

141.

‘‘на хиран̃н̃ам̣ суван̣н̣ам̣ ваа, наг̇арам̣ ваа сумаабид̇ам̣;

‘‘Na hiraññaṃ suvaṇṇaṃ vā, nagaraṃ vā sumāpitaṃ;

огин̣н̣абарикам̣ д̣̇уг̇г̇ам̣, д̣̇ал̣хамаддаалагодтагам̣;

Okiṇṇaparikhaṃ duggaṃ, daḷhamaṭṭālakoṭṭhakaṃ;

яад̇т̇а бавидто сумука, бхааяид̇аб̣б̣ам̣ на бхааяасий’’д̇и.

Yattha paviṭṭho sumukha, bhāyitabbaṃ na bhāyasī’’ti.

д̇ад̇т̇а абхисаранд̇и рагкан̣ад̇т̇ааяа бариваарзд̇ваа тид̇ам̣ аавуд̇хахад̇т̇ам̣ барисам̣ д̇з на бассаами. наассаад̇и зд̇т̇а ассаад̇и нибаад̇амад̇д̇ам̣. жамманд̇и сарабарид̇д̇аан̣ажаммам̣. гийданд̇и гийдам̣ жаадигабаалаад̣̇и вужжад̇и. жаадигабаалахад̇т̇ааби д̇з санд̇игз над̇т̇ийд̇и д̣̇ийбзд̇и. ваммид̇зд̇и жаммасаннад̣̇д̇хз. на хиран̃н̃анд̇и яам̣ ниссааяа на бхааяаси, д̇ам̣ хиран̃н̃амби д̇з на бассаами.

Tattha abhisaranti rakkhaṇatthāya parivāretvā ṭhitaṃ āvudhahatthaṃ parisaṃ te na passāmi. Nāssāti ettha assāti nipātamattaṃ. Cammanti saraparittāṇacammaṃ. Kīṭanti kīṭaṃ cāṭikapālādi vuccati. Cāṭikapālahatthāpi te santike natthīti dīpeti. Vammiteti cammasannaddhe. Na hiraññanti yaṃ nissāya na bhāyasi, taṃ hiraññampi te na passāmi.

звам̣ ран̃н̃аа ‘‘гим̣ д̇з абхааяанагааран̣а’’нд̇и вуд̇д̇з д̇ам̣ гат̇знд̇о ааха –

Evaṃ raññā ‘‘kiṃ te abhāyanakāraṇa’’nti vutte taṃ kathento āha –

142.

‘‘на мз абхисарзнад̇т̇о, наг̇арзна д̇ханзна ваа;

‘‘Na me abhisarenattho, nagarena dhanena vā;

абат̇зна бат̇ам̣ яаама, анд̇алигкзжараа маяам̣.

Apathena pathaṃ yāma, antalikkhecarā mayaṃ.

143.

‘‘суд̇аа жа бан̣д̣ид̇аа д̇яамхаа, нибун̣аа жад̇т̇ажинд̇агаа;

‘‘Sutā ca paṇḍitā tyamhā, nipuṇā catthacintakā;

бхаасзмад̇т̇авад̇им̣ ваажам̣, сажжз жасса бад̇идтид̇о.

Bhāsematthavatiṃ vācaṃ, sacce cassa patiṭṭhito.

144.

‘‘гин̃жа д̇уяхам̣ асажжасса, анарияасса гариссад̇и;

‘‘Kiñca tuyhaṃ asaccassa, anariyassa karissati;

мусааваад̣̇исса луд̣̇д̣̇асса, бхан̣ид̇амби субхаасид̇а’’нд̇и.

Musāvādissa luddassa, bhaṇitampi subhāsita’’nti.

д̇ад̇т̇а абхисарзнаад̇и аарагкабариваарзна. ад̇т̇од̇и зд̇зна мама гижжам̣ над̇т̇и. гасмаа? яасмаа абат̇зна д̇умхаад̣̇исаанам̣ амаг̇г̇зна бат̇ам̣ маабзд̇ваа яаама, аагаасажаарино маяанд̇и. бан̣д̣ид̇аа д̇яамхаад̇и бан̣д̣ид̇аад̇и д̇аяаа суд̇аамхаа, д̇знзва гааран̣зна амхаагам̣ санд̇игаа д̇хаммам̣ сод̇угаамо гира но г̇аахаабзси. сажжз жассаад̇и сажз бана д̇вам̣ сажжз бад̇идтид̇о асса, ад̇т̇авад̇им̣ гааран̣аниссид̇ам̣ ваажам̣ бхаасзяяаама. асажжассаад̇и важийсажжарахид̇асса д̇ава субхаасид̇ам̣ мун̣д̣асса д̣̇анд̇асуужи вияа гим̣ гариссад̇и.

Tattha abhisarenāti ārakkhaparivārena. Atthoti etena mama kiccaṃ natthi. Kasmā? Yasmā apathena tumhādisānaṃ amaggena pathaṃ māpetvā yāma, ākāsacārino mayanti. Paṇḍitā tyamhāti paṇḍitāti tayā sutāmhā, teneva kāraṇena amhākaṃ santikā dhammaṃ sotukāmo kira no gāhāpesi. Sacce cassāti sace pana tvaṃ sacce patiṭṭhito assa, atthavatiṃ kāraṇanissitaṃ vācaṃ bhāseyyāma. Asaccassāti vacīsaccarahitassa tava subhāsitaṃ muṇḍassa dantasūci viya kiṃ karissati.

д̇ам̣ суд̇ваа рааж̇аа ‘‘гасмаа мам̣ мусааваад̣̇ий анарияод̇и вад̣̇аси, гим̣ маяаа гад̇а’’нд̇и ааха. ат̇а нам̣ сумуко ‘‘д̇зна хи, махаарааж̇а, сун̣аахий’’д̇и вад̇ваа ааха –

Taṃ sutvā rājā ‘‘kasmā maṃ musāvādī anariyoti vadasi, kiṃ mayā kata’’nti āha. Atha naṃ sumukho ‘‘tena hi, mahārāja, suṇāhī’’ti vatvā āha –

145.

‘‘д̇ам̣ б̣раахман̣аанам̣ важанаа, имам̣ кзмамагаараяи;

‘‘Taṃ brāhmaṇānaṃ vacanā, imaṃ khemamakārayi;

абхаяан̃жа д̇аяаа гхудтам̣, имааяо д̣̇асад̇хаа д̣̇исаа.

Abhayañca tayā ghuṭṭhaṃ, imāyo dasadhā disā.

146.

‘‘ог̇аяха д̇з богкаран̣им̣, виббасаннод̣̇агам̣ сужим̣;

‘‘Ogayha te pokkharaṇiṃ, vippasannodakaṃ suciṃ;

бахууд̇ам̣ жаад̣̇анам̣ д̇ад̇т̇а, ахим̣саа жзд̇т̇а багкинам̣.

Pahūtaṃ cādanaṃ tattha, ahiṃsā cettha pakkhinaṃ.

147.

‘‘ид̣̇ам̣ суд̇ваана ниг̇гхосам̣, ааг̇ад̇амха д̇аванд̇игз;

‘‘Idaṃ sutvāna nigghosaṃ, āgatamha tavantike;

д̇з д̇з б̣ад̣̇д̇хасма баасзна, зд̇ам̣ д̇з бхаасид̇ам̣ мусаа.

Te te baddhasma pāsena, etaṃ te bhāsitaṃ musā.

148.

‘‘мусааваад̣̇ам̣ бурагкад̇ваа, ижчаалобхан̃жа баабагам̣;

‘‘Musāvādaṃ purakkhatvā, icchālobhañca pāpakaṃ;

убхосанд̇химад̇иггамма, асаад̇ам̣ убабаж̇ж̇ад̇ий’’д̇и.

Ubhosandhimatikkamma, asātaṃ upapajjatī’’ti.

д̇ад̇т̇а д̇анд̇и д̇вам̣. кзманд̇и звам̣наамигам̣ богкаран̣им̣. гхудтанд̇и жад̇уусу ган̣н̣зсу тад̇ваа гхосаабид̇ам̣. д̣̇асад̇хаад̇и имаасу д̣̇асад̇хаа тид̇аасу д̣̇исаасу д̇аяаа абхаяам̣ гхудтам̣. ог̇аяхаад̇и ог̇аахзд̇ваа ааг̇ад̇аанам̣ санд̇игаа. бахууд̇ам̣ жаад̣̇ананд̇и бахууд̇ан̃жа бад̣̇умабубпасаалиаад̣̇игам̣ ад̣̇анам̣. ид̣̇ам̣ суд̇ваанаад̇и д̇зсам̣ д̇ам̣ богкаран̣им̣ ог̇аахзд̇ваа ааг̇ад̇аанам̣ санд̇игаа ид̣̇ам̣ абхаяам̣ суд̇ваа д̇аванд̇игз д̇ава самийбз д̇аяаа гаарид̇абогкаран̣им̣ ааг̇ад̇аамхаад̇и ад̇т̇о. д̇з д̇зд̇и д̇з маяам̣ д̇ава баасзна б̣ад̣̇д̇хаа. бурагкад̇ваад̇и бурад̇о гад̇ваа . ижчаалобханд̇и ижчаасан̇каад̇ам̣ баабагам̣ лобхам̣. убхосанд̇хинд̇и убхаяам̣ д̣̇звалогз жа мануссалогз жа бадисанд̇хим̣ имз баабад̇хаммз бурад̇о гад̇ваа жаранд̇о буг̇г̇ало суг̇ад̇ибадисанд̇хим̣ ад̇иггамид̇ваа асаад̇ам̣ нираяам̣ убабаж̇ж̇ад̇ийд̇и.

Tattha tanti tvaṃ. Khemanti evaṃnāmikaṃ pokkharaṇiṃ. Ghuṭṭhanti catūsu kaṇṇesu ṭhatvā ghosāpitaṃ. Dasadhāti imāsu dasadhā ṭhitāsu disāsu tayā abhayaṃ ghuṭṭhaṃ. Ogayhāti ogāhetvā āgatānaṃ santikā. Pahūtaṃ cādananti pahūtañca padumapupphasāliādikaṃ adanaṃ. Idaṃ sutvānāti tesaṃ taṃ pokkharaṇiṃ ogāhetvā āgatānaṃ santikā idaṃ abhayaṃ sutvā tavantike tava samīpe tayā kāritapokkharaṇiṃ āgatāmhāti attho. Te teti te mayaṃ tava pāsena baddhā. Purakkhatvāti purato katvā . Icchālobhanti icchāsaṅkhātaṃ pāpakaṃ lobhaṃ. Ubhosandhinti ubhayaṃ devaloke ca manussaloke ca paṭisandhiṃ ime pāpadhamme purato katvā caranto puggalo sugatipaṭisandhiṃ atikkamitvā asātaṃ nirayaṃ upapajjatīti.

звам̣ барисамаж̇жхзязва рааж̇аанам̣ лаж̇ж̇аабзси. ат̇а нам̣ рааж̇аа ‘‘наахам̣, сумука, д̇умхз маарзд̇ваа мам̣сам̣ каад̣̇ид̇угаамо г̇ан̣хаабзсим̣, бан̣д̣ид̇абхаавам̣ бана во суд̇ваа субхаасид̇ам̣ сод̇угаамо г̇ан̣хаабзси’’нд̇и багаасзнд̇о ааха –

Evaṃ parisamajjheyeva rājānaṃ lajjāpesi. Atha naṃ rājā ‘‘nāhaṃ, sumukha, tumhe māretvā maṃsaṃ khāditukāmo gaṇhāpesiṃ, paṇḍitabhāvaṃ pana vo sutvā subhāsitaṃ sotukāmo gaṇhāpesi’’nti pakāsento āha –

149.

‘‘наабараж̇жхаама сумука, наби лобхаава маг̇г̇ахим̣;

‘‘Nāparajjhāma sumukha, napi lobhāva maggahiṃ;

суд̇аа жа бан̣д̣ид̇аад̇яад̇т̇а, нибун̣аа ад̇т̇ажинд̇агаа.

Sutā ca paṇḍitātyattha, nipuṇā atthacintakā.

150.

‘‘аббзвад̇т̇авад̇им̣ ваажам̣, б̣яаахарзяяум̣ ид̇хааг̇ад̇аа;

‘‘Appevatthavatiṃ vācaṃ, byāhareyyuṃ idhāgatā;

д̇ат̇аа д̇ам̣ самма нзсаад̣̇о, вуд̇д̇о сумука маг̇г̇ахий’’д̇и.

Tathā taṃ samma nesādo, vutto sumukha maggahī’’ti.

д̇ад̇т̇а наабараж̇жхаамаад̇и маарзнд̇о абараж̇жхад̇и наама, маяам̣ на маарзма. лобхаава маг̇г̇ахинд̇и мам̣сам̣ каад̣̇ид̇угаамо худ̇ваа лобхаава д̇умхз наахам̣ аг̇г̇ахим̣. бан̣д̣ид̇аад̇яад̇т̇аад̇и бан̣д̣ид̇аад̇и суд̇аа ад̇т̇а. ад̇т̇ажинд̇агаад̇и бадижчаннаанам̣ ад̇т̇аанам̣ жинд̇агаа. ад̇т̇авад̇инд̇и гааран̣аниссид̇ам̣. д̇ат̇аад̇и д̇зна гааран̣зна. вуд̇д̇од̇и маяаа вуд̇д̇о худ̇ваа. сумука, маг̇г̇ахийд̇и, сумукаад̇и аалабад̇и, ма-гааро бад̣̇асанд̇хигаро. аг̇г̇ахийд̇и д̇хаммам̣ д̣̇зсзд̇ум̣ д̇умхз г̇ан̣хи.

Tattha nāparajjhāmāti mārento aparajjhati nāma, mayaṃ na mārema. Lobhāva maggahinti maṃsaṃ khāditukāmo hutvā lobhāva tumhe nāhaṃ aggahiṃ. Paṇḍitātyatthāti paṇḍitāti sutā attha. Atthacintakāti paṭicchannānaṃ atthānaṃ cintakā. Atthavatinti kāraṇanissitaṃ. Tathāti tena kāraṇena. Vuttoti mayā vutto hutvā. Sumukha, maggahīti, sumukhāti ālapati, ma-kāro padasandhikaro. Aggahīti dhammaṃ desetuṃ tumhe gaṇhi.

д̇ам̣ суд̇ваа сумуко ‘‘субхаасид̇ам̣ сод̇угаамзна аяуд̇д̇ам̣ д̇з гад̇ам̣, махаарааж̇аа’’д̇и вад̇ваа ааха –

Taṃ sutvā sumukho ‘‘subhāsitaṃ sotukāmena ayuttaṃ te kataṃ, mahārājā’’ti vatvā āha –

151.

‘‘нзва бхийд̇аа гаасибад̇и, убанийд̇асмим̣ ж̇ийвид̇з;

‘‘Neva bhītā kāsipati, upanītasmiṃ jīvite;

бхаасзмад̇т̇авад̇им̣ ваажам̣, самбад̇д̇аа гаалабарияааяам̣.

Bhāsematthavatiṃ vācaṃ, sampattā kālapariyāyaṃ.

152.

‘‘яо миг̇зна миг̇ам̣ ханд̇и, багким̣ ваа бана багкинаа;

‘‘Yo migena migaṃ hanti, pakkhiṃ vā pana pakkhinā;

суд̇зна ваа суд̇ам̣ гин̣яаа, гим̣ анарияад̇арам̣ д̇ад̇о.

Sutena vā sutaṃ kiṇyā, kiṃ anariyataraṃ tato.

153.

‘‘яо жаарияаруд̣̇ам̣ бхаасз, анарияад̇хаммавассид̇о;

‘‘Yo cāriyarudaṃ bhāse, anariyadhammavassito;

убхо со д̇хам̣сад̇з логаа, ид̇ха жзва барад̇т̇а жа.

Ubho so dhaṃsate lokā, idha ceva parattha ca.

154.

‘‘на маж̇ж̇зт̇а яасам̣ бад̇д̇о, на б̣яаад̇хз бад̇д̇асам̣саяам̣;

‘‘Na majjetha yasaṃ patto, na byādhe pattasaṃsayaṃ;

вааяамзт̇зва гижжзсу, сам̣варз вивараани жа.

Vāyametheva kiccesu, saṃvare vivarāni ca.

155.

‘‘яз вуд̣̇д̇хаа аб̣бхад̇игганд̇аа, самбад̇д̇аа гаалабарияааяам̣;

‘‘Ye vuddhā abbhatikkantā, sampattā kālapariyāyaṃ;

ид̇ха д̇хаммам̣ жарид̇ваана, звам̣д̇з д̇ид̣̇ивам̣ г̇ад̇аа.

Idha dhammaṃ caritvāna, evaṃte tidivaṃ gatā.

156.

‘‘ид̣̇ам̣ суд̇ваа гаасибад̇и, д̇хаммамад̇д̇ани баалаяа;

‘‘Idaṃ sutvā kāsipati, dhammamattani pālaya;

д̇хад̇арадтан̃жа мун̃жаахи, хам̣саанам̣ баваруд̇д̇ама’’нд̇и.

Dhataraṭṭhañca muñcāhi, haṃsānaṃ pavaruttama’’nti.

д̇ад̇т̇а убанийд̇асминд̇и маран̣асанд̇игам̣ убанийд̇з. гаалабарияааяанд̇и маран̣агаалаваарам̣ самбад̇д̇аа самаанаа на бхаасиссаама. на хи д̇хаммагат̇игам̣ б̣анд̇хид̇ваа маран̣абхаязна д̇аж̇ж̇зд̇ваа д̇хаммам̣ сун̣анд̇и, аяуд̇д̇ам̣ д̇з гад̇анд̇и. миг̇знаад̇и судту сигкаабид̇зна д̣̇ийбагамиг̇зна. ханд̇ийд̇и ханад̇и. багкинаад̇и д̣̇ийбагабагкинаа. суд̇знаад̇и кзмам̣ ниб̣бхаяанд̇и виссуд̇зна д̣̇ийбагамиг̇абагкисад̣̇исзна бад̣̇умасарзна. суд̇анд̇и ‘‘бан̣д̣ид̇о жид̇рагат̇ий’’д̇и звам̣ суд̇ам̣ д̇хаммагат̇игам̣. гин̣яаад̇и ‘‘д̇хаммам̣ соссаамий’’д̇и баасаб̣анд̇ханзна яо гин̣зяяа хим̣сзяяа б̣аад̇хзяяа. д̇ад̇од̇и д̇зсам̣ гирияад̇о уд̇д̇ари ан̃н̃ам̣ анарияад̇арам̣ наама гимад̇т̇и.

Tattha upanītasminti maraṇasantikaṃ upanīte. Kālapariyāyanti maraṇakālavāraṃ sampattā samānā na bhāsissāma. Na hi dhammakathikaṃ bandhitvā maraṇabhayena tajjetvā dhammaṃ suṇanti, ayuttaṃ te katanti. Migenāti suṭṭhu sikkhāpitena dīpakamigena. Hantīti hanati. Pakkhināti dīpakapakkhinā. Sutenāti khemaṃ nibbhayanti vissutena dīpakamigapakkhisadisena padumasarena. Sutanti ‘‘paṇḍito citrakathī’’ti evaṃ sutaṃ dhammakathikaṃ. Kiṇyāti ‘‘dhammaṃ sossāmī’’ti pāsabandhanena yo kiṇeyya hiṃseyya bādheyya. Tatoti tesaṃ kiriyato uttari aññaṃ anariyataraṃ nāma kimatthi.

арияаруд̣̇анд̇и мукзна арияаважанам̣ сунд̣̇араважанам̣ бхаасад̇и. анарияад̇хаммавассид̇од̇и гаммзна анарияад̇хаммам̣ авассид̇о. убход̇и д̣̇звалогаа жа мануссалогаа жаад̇и убхаяамхаа. ид̇ха жзваад̇и ид̇ха уббанноби барад̇т̇а уббанноби зваруубо д̣̇вийхи суг̇ад̇илогзхи д̇хам̣сид̇ваа нираяамзва убабаж̇ж̇ад̇и. бад̇д̇асам̣саяанд̇и ж̇ийвид̇асам̣саяамаабаннамби д̣̇угкам̣ бад̇ваа на гиламзяяа. сам̣варз вивараани жаад̇и ад̇д̇ано чид̣̇д̣̇аани д̣̇ваараани сам̣варзяяа бид̣̇ахзяяа. вуд̣̇д̇хаад̇и г̇ун̣авуд̣̇д̇хаа бан̣д̣ид̇аа. аб̣бхад̇игганд̇аад̇и имам̣ мануссалогам̣ ад̇игганд̇аа. гаалабарияааяанд̇и маран̣агаалабарияааяам̣ бад̇д̇аа худ̇ваа. звам̣д̇зд̇и звам̣ зд̇з. ид̣̇анд̇и ид̣̇ам̣ маяаа вуд̇д̇ам̣ ад̇т̇аниссид̇ам̣ важанам̣. д̇хамманд̇и бавзн̣ияад̇хаммамби сужарид̇ад̇хаммамби.

Ariyarudanti mukhena ariyavacanaṃ sundaravacanaṃ bhāsati. Anariyadhammavassitoti kammena anariyadhammaṃ avassito. Ubhoti devalokā ca manussalokā cāti ubhayamhā. Idha cevāti idha uppannopi parattha uppannopi evarūpo dvīhi sugatilokehi dhaṃsitvā nirayameva upapajjati. Pattasaṃsayanti jīvitasaṃsayamāpannampi dukkhaṃ patvā na kilameyya. Saṃvare vivarāni cāti attano chiddāni dvārāni saṃvareyya pidaheyya. Vuddhāti guṇavuddhā paṇḍitā. Abbhatikkantāti imaṃ manussalokaṃ atikkantā. Kālapariyāyanti maraṇakālapariyāyaṃ pattā hutvā. Evaṃteti evaṃ ete. Idanti idaṃ mayā vuttaṃ atthanissitaṃ vacanaṃ. Dhammanti paveṇiyadhammampi sucaritadhammampi.

д̇ам̣ суд̇ваа рааж̇аа ааха –

Taṃ sutvā rājā āha –

157.

‘‘аахаранд̇уд̣̇агам̣ баж̇ж̇ам̣, аасанан̃жа махаарахам̣;

‘‘Āharantudakaṃ pajjaṃ, āsanañca mahārahaṃ;

бан̃ж̇арад̇о бамогкаами, д̇хад̇арадтам̣ яасассинам̣.

Pañjarato pamokkhāmi, dhataraṭṭhaṃ yasassinaṃ.

158.

‘‘д̇ан̃жа сзнаабад̇им̣ д̇хийрам̣, нибун̣ам̣ ад̇т̇ажинд̇агам̣;

‘‘Tañca senāpatiṃ dhīraṃ, nipuṇaṃ atthacintakaṃ;

яо сукз сукид̇о ран̃н̃о, д̣̇угкид̇з ход̇и д̣̇угкид̇о.

Yo sukhe sukhito rañño, dukkhite hoti dukkhito.

159.

‘‘зд̣̇исо ко арахад̇и, бин̣д̣амаснаад̇у бхад̇д̇уно;

‘‘Ediso kho arahati, piṇḍamasnātu bhattuno;

яат̇ааяам̣ сумуко ран̃н̃о, баан̣асаад̇хааран̣о сакаа’’д̇и.

Yathāyaṃ sumukho rañño, pāṇasādhāraṇo sakhā’’ti.

д̇ад̇т̇а уд̣̇аганд̇и баад̣̇ад̇хованам̣. баж̇ж̇анд̇и баад̣̇аб̣бхан̃ж̇анам̣. сукзд̇и сукамхи сад̇и.

Tattha udakanti pādadhovanaṃ. Pajjanti pādabbhañjanaṃ. Sukheti sukhamhi sati.

ран̃н̃о важанам̣ суд̇ваа д̇зсам̣ аасанаани аахарид̇ваа д̇ад̇т̇а нисиннаанам̣ г̇анд̇ход̣̇агзна баад̣̇з д̇ховид̇ваа сад̇абаагзна д̇злзна аб̣бхан̃ж̇им̣су. д̇амад̇т̇ам̣ багаасзнд̇о сад̇т̇аа ааха –

Rañño vacanaṃ sutvā tesaṃ āsanāni āharitvā tattha nisinnānaṃ gandhodakena pāde dhovitvā satapākena telena abbhañjiṃsu. Tamatthaṃ pakāsento satthā āha –

160.

‘‘бийтан̃жа саб̣б̣асован̣н̣ам̣, адтабаад̣̇ам̣ манорамам̣;

‘‘Pīṭhañca sabbasovaṇṇaṃ, aṭṭhapādaṃ manoramaṃ;

мадтам̣ гаасигамад̇т̇аннам̣, д̇хад̇арадто убаависи.

Maṭṭhaṃ kāsikamatthannaṃ, dhataraṭṭho upāvisi.

161.

‘‘гожчан̃жа саб̣б̣асован̣н̣ам̣, взяяаг̇гхабарисиб̣б̣ид̇ам̣;

‘‘Kocchañca sabbasovaṇṇaṃ, veyyagghaparisibbitaṃ;

сумуко аж̇жхубаавзгки, д̇хад̇арадтассананд̇араа.

Sumukho ajjhupāvekkhi, dhataraṭṭhassanantarā.

162.

‘‘д̇зсам̣ ган̃жанабад̇д̇ахи, бут̇уу аад̣̇ааяа гаасияо;

‘‘Tesaṃ kañcanapattahi, puthū ādāya kāsiyo;

хам̣саанам̣ абхихаарзсу, аг̇г̇аран̃н̃о баваасид̇а’’нд̇и.

Haṃsānaṃ abhihāresu, aggarañño pavāsita’’nti.

д̇ад̇т̇а мадтанд̇и гаран̣абаринидтид̇ам̣. гаасигамад̇т̇аннанд̇и гаасигавад̇т̇зна ад̇т̇ад̇ам̣. гожчанд̇и маж̇жхз сам̣кид̇д̇ам̣. взяяаг̇гхабарисиб̣б̣ид̇анд̇и б̣яаг̇гхажаммабарисиб̣б̣ид̇ам̣ ман̇г̇алад̣̇ивасз аг̇г̇амахзсияаа нисиннабийтам̣. ган̃жанабад̇д̇зхийд̇и суван̣н̣абхааж̇анзхи. бут̇ууд̇и б̣ахуу ж̇анаа. гаасияод̇и гаасирадтаваасино. абхихаарзсунд̇и убанаамзсум̣. аг̇г̇аран̃н̃о баваасид̇анд̇и адтасад̇абаласуван̣н̣абаад̇ибаригкид̇д̇ам̣ хам̣саран̃н̃о бан̣н̣аагаарад̇т̇ааяа гаасиран̃н̃аа бзсид̇ам̣ наанаг̇г̇арасабхож̇анам̣.

Tattha maṭṭhanti karaṇapariniṭṭhitaṃ. Kāsikamatthannanti kāsikavatthena atthataṃ. Kocchanti majjhe saṃkhittaṃ. Veyyagghaparisibbitanti byagghacammaparisibbitaṃ maṅgaladivase aggamahesiyā nisinnapīṭhaṃ. Kañcanapattehīti suvaṇṇabhājanehi. Puthūti bahū janā. Kāsiyoti kāsiraṭṭhavāsino. Abhihāresunti upanāmesuṃ. Aggarañño pavāsitanti aṭṭhasatapalasuvaṇṇapātiparikkhittaṃ haṃsarañño paṇṇākāratthāya kāsiraññā pesitaṃ nānaggarasabhojanaṃ.

звам̣ убанийд̇з бана д̇асмим̣ гаасирааж̇аа д̇зсам̣ самбаг̇г̇ахад̇т̇ам̣ саяам̣ суван̣н̣абаад̇им̣ г̇ахзд̇ваа убанаамзси. д̇з д̇ад̇о мад̇хулааж̇з каад̣̇ид̇ваа мад̇хурод̣̇аган̃жа бивим̣су. ат̇а махаасад̇д̇о ран̃н̃о абхихааран̃жа басаад̣̇ан̃жа д̣̇исваа бадисант̇аарамагааси. д̇амад̇т̇ам̣ багаасзнд̇о сад̇т̇аа ааха –

Evaṃ upanīte pana tasmiṃ kāsirājā tesaṃ sampaggahatthaṃ sayaṃ suvaṇṇapātiṃ gahetvā upanāmesi. Te tato madhulāje khāditvā madhurodakañca piviṃsu. Atha mahāsatto rañño abhihārañca pasādañca disvā paṭisanthāramakāsi. Tamatthaṃ pakāsento satthā āha –

163.

‘‘д̣̇исваа абхихадам̣ аг̇г̇ам̣, гаасирааж̇зна бзсид̇ам̣;

‘‘Disvā abhihaṭaṃ aggaṃ, kāsirājena pesitaṃ;

гусало кад̇д̇ад̇хаммаанам̣, д̇ад̇о бужчи ананд̇араа.

Kusalo khattadhammānaṃ, tato pucchi anantarā.

164.

‘‘гажжинну бход̇о гусалам̣, гажжи бход̇о анаамаяам̣;

‘‘Kaccinnu bhoto kusalaṃ, kacci bhoto anāmayaṃ;

гажжи радтамид̣̇ам̣ пийд̇ам̣, д̇хаммзна манусаасаси.

Kacci raṭṭhamidaṃ phītaṃ, dhammena manusāsasi.

165.

‘‘гусалан̃жзва мз хам̣са, ат̇о хам̣са анаамаяам̣;

‘‘Kusalañceva me haṃsa, atho haṃsa anāmayaṃ;

ат̇о радтамид̣̇ам̣ пийд̇ам̣, д̇хаммзна манусаасахам̣.

Atho raṭṭhamidaṃ phītaṃ, dhammena manusāsahaṃ.

166.

‘‘гажжи бход̇о амажжзсу, д̣̇осо гожи на виж̇ж̇ад̇и;

‘‘Kacci bhoto amaccesu, doso koci na vijjati;

гажжи жа д̇з д̇авад̇т̇зсу, нааваган̇канд̇и ж̇ийвид̇ам̣.

Kacci ca te tavatthesu, nāvakaṅkhanti jīvitaṃ.

167.

‘‘ат̇оби мз амажжзсу, д̣̇осо гожи на виж̇ж̇ад̇и;

‘‘Athopi me amaccesu, doso koci na vijjati;

ат̇оби д̇з мамад̇т̇зсу, нааваган̇канд̇и ж̇ийвид̇ам̣.

Athopi te mamatthesu, nāvakaṅkhanti jīvitaṃ.

168.

‘‘гажжи д̇з саад̣̇исий бхарияаа, ассаваа бияабхаан̣иний;

‘‘Kacci te sādisī bhariyā, assavā piyabhāṇinī;

буд̇д̇аруубаяасуубзд̇аа, д̇ава чанд̣̇авасаануг̇аа.

Puttarūpayasūpetā, tava chandavasānugā.

169.

‘‘ат̇о мз саад̣̇исий бхарияаа, ассаваа бияабхаан̣иний;

‘‘Atho me sādisī bhariyā, assavā piyabhāṇinī;

буд̇д̇аруубаяасуубзд̇аа, мама чанд̣̇авасаануг̇аа.

Puttarūpayasūpetā, mama chandavasānugā.

170.

‘‘гажжи радтам̣ ануббийл̣ам̣, агуд̇ожиубад̣̇д̣̇авам̣;

‘‘Kacci raṭṭhaṃ anuppīḷaṃ, akutociupaddavaṃ;

асаахасзна д̇хаммзна, самзна манусаасаси.

Asāhasena dhammena, samena manusāsasi.

171.

‘‘ат̇о радтам̣ ануббийл̣ам̣, агуд̇ожиубад̣̇д̣̇авам̣;

‘‘Atho raṭṭhaṃ anuppīḷaṃ, akutociupaddavaṃ;

асаахасзна д̇хаммзна, самзна манусаасахам̣.

Asāhasena dhammena, samena manusāsahaṃ.

172.

‘‘гажжи санд̇о абажид̇аа, асанд̇о бариваж̇ж̇ид̇аа;

‘‘Kacci santo apacitā, asanto parivajjitā;

но жз д̇хаммам̣ нирам̣гад̇ваа, ад̇хаммаманувад̇д̇аси.

No ce dhammaṃ niraṃkatvā, adhammamanuvattasi.

173.

‘‘санд̇о жа мз абажид̇аа, асанд̇о бариваж̇ж̇ид̇аа;

‘‘Santo ca me apacitā, asanto parivajjitā;

д̇хаммамзваанувад̇д̇аами, ад̇хаммо мз нирам̣гад̇о.

Dhammamevānuvattāmi, adhammo me niraṃkato.

174.

‘‘гажжи наанааг̇ад̇ам̣ д̣̇ийгхам̣, самавзгкаси кад̇д̇ияа;

‘‘Kacci nānāgataṃ dīghaṃ, samavekkhasi khattiya;

гажжимад̇д̇о мад̣̇анийяз, баралогам̣ на санд̇аси.

Kaccimatto madanīye, paralokaṃ na santasi.

175.

‘‘наахам̣ анааг̇ад̇ам̣ д̣̇ийгхам̣, самавзгкаами багкима;

‘‘Nāhaṃ anāgataṃ dīghaṃ, samavekkhāmi pakkhima;

тид̇о д̣̇асасу д̇хаммзсу, баралогам̣ на санд̇асз.

Ṭhito dasasu dhammesu, paralokaṃ na santase.

176.

‘‘д̣̇аанам̣ сийлам̣ барижжааг̇ам̣, аж̇ж̇авам̣ мад̣̇д̣̇авам̣ д̇абам̣;

‘‘Dānaṃ sīlaṃ pariccāgaṃ, ajjavaṃ maddavaṃ tapaṃ;

аггод̇хам̣ авихим̣сан̃жа, канд̇ин̃жа авирод̇ханам̣.

Akkodhaṃ avihiṃsañca, khantiñca avirodhanaṃ.

177.

‘‘ижжзд̇з гусалз д̇хаммз, тид̇з бассаами ад̇д̇ани;

‘‘Iccete kusale dhamme, ṭhite passāmi attani;

д̇ад̇о мз ж̇ааяад̇з бийд̇и, сааманассан̃жанаббагам̣.

Tato me jāyate pīti, sāmanassañcanappakaṃ.

178.

‘‘сумуко жа ажинд̇зд̇ваа, висаж̇ж̇и парусам̣ г̇ирам̣;

‘‘Sumukho ca acintetvā, visajji pharusaṃ giraṃ;

бхаавад̣̇осаманан̃н̃ааяа, асмаагааяам̣ вихан̇г̇амо.

Bhāvadosamanaññāya, asmākāyaṃ vihaṅgamo.

179.

‘‘со гуд̣̇д̇хо парусам̣ ваажам̣, нижчаарзси аяонисо;

‘‘So kuddho pharusaṃ vācaṃ, nicchāresi ayoniso;

яаанасмзсу на виж̇ж̇анд̇и, наяид̣̇ам̣ бан̃н̃авад̇аамиваа’’д̇и.

Yānasmesu na vijjanti, nayidaṃ paññavatāmivā’’ti.

д̇ад̇т̇а д̣̇исваад̇и д̇ам̣ б̣ахум̣ аг̇г̇абаанабхож̇анам̣ д̣̇исваа. бзсид̇анд̇и аахараабзд̇ваа убанийд̇ам̣. кад̇д̇ад̇хаммаананд̇и батамагааран̣зсу бадисант̇аарад̇хаммаанам̣. д̇ад̇о бужчи ананд̇араад̇и д̇асмим̣ гаалз ‘‘гажжи ну, бход̇о’’д̇и анубадибаадияаа бужчи. д̇аа банзд̇аа ча г̇аат̇аа хздтаа вуд̇д̇ад̇т̇ааязва. ануббийл̣анд̇и гажжи радтаваасино яанд̇з ужчум̣ вияа на бийл̣зсийд̇и бужчад̇и. агуд̇ожиубад̣̇д̣̇аванд̇и гуд̇ожи анубад̣̇д̣̇авам̣. д̇хаммзна самзна манусаасасийд̇и гажжи д̇ава радтам̣ д̇хаммзна самзна анусаасаси. санд̇од̇и сийлаад̣̇иг̇ун̣асам̣яуд̇д̇аа саббурисаа. нирам̣гад̇ваад̇и чад̣д̣зд̇ваа. наанааг̇ад̇ам̣ д̣̇ийгханд̇и анааг̇ад̇ам̣ ад̇д̇ано ж̇ийвид̇абавад̇д̇им̣ ‘‘гажжи д̣̇ийгха’’нд̇и на самавзгкаси, ааяусан̇каараанам̣ барид̇д̇абхаавам̣ ж̇аанаасийд̇и бужчад̇и. мад̣̇анийязд̇и мад̣̇аарахз руубаад̣̇иаарамман̣з. на санд̇асийд̇и на бхааяаси. ид̣̇ам̣ вуд̇д̇ам̣ ход̇и – гажжи руубаад̣̇ийсу гаамаг̇ун̣зсу амад̇д̇о аббамад̇д̇о худ̇ваа д̣̇аанаад̣̇ийнам̣ гусалаанам̣ гад̇ад̇д̇аа баралогам̣ на бхааяасийд̇и.

Tattha disvāti taṃ bahuṃ aggapānabhojanaṃ disvā. Pesitanti āharāpetvā upanītaṃ. Khattadhammānanti paṭhamakāraṇesu paṭisanthāradhammānaṃ. Tato pucchi anantarāti tasmiṃ kāle ‘‘kacci nu, bhoto’’ti anupaṭipāṭiyā pucchi. Tā panetā cha gāthā heṭṭhā vuttatthāyeva. Anuppīḷanti kacci raṭṭhavāsino yante ucchuṃ viya na pīḷesīti pucchati. Akutociupaddavanti kutoci anupaddavaṃ. Dhammena samena manusāsasīti kacci tava raṭṭhaṃ dhammena samena anusāsasi. Santoti sīlādiguṇasaṃyuttā sappurisā. Niraṃkatvāti chaḍḍetvā. Nānāgataṃ dīghanti anāgataṃ attano jīvitapavattiṃ ‘‘kacci dīgha’’nti na samavekkhasi, āyusaṅkhārānaṃ parittabhāvaṃ jānāsīti pucchati. Madanīyeti madārahe rūpādiārammaṇe. Na santasīti na bhāyasi. Idaṃ vuttaṃ hoti – kacci rūpādīsu kāmaguṇesu amatto appamatto hutvā dānādīnaṃ kusalānaṃ katattā paralokaṃ na bhāyasīti.

д̣̇асасууд̇и д̣̇асасу рааж̇ад̇хаммзсу. д̣̇аанаад̣̇ийсу д̣̇асавад̇т̇угаа жзд̇анаа д̣̇аанам̣, бан̃жасийлад̣̇асасийлаани сийлам̣ , д̣̇зяяад̇хаммажааг̇о барижжааг̇о, уж̇убхааво аж̇ж̇авам̣, муд̣̇убхааво мад̣̇д̣̇авам̣, убосат̇агаммам̣ д̇або, мзд̇д̇аабуб̣б̣абхааг̇о аггод̇хо, гарун̣аабуб̣б̣абхааг̇о авихим̣саа, ад̇хиваасанаа канд̇и, авирод̇хо авирод̇ханам̣. ажинд̇зд̇ваад̇и мама имам̣ г̇ун̣асамбад̇д̇им̣ ажинд̇зд̇ваа. бхаавад̣̇осанд̇и жид̇д̇ад̣̇осам̣. анан̃н̃ааяаад̇и аж̇аанид̇ваа. асмааган̃хи жид̇д̇ад̣̇осо наама над̇т̇и, яамзса ж̇аанзяяа, д̇ам̣ аж̇аанид̇ваава парусам̣ гагкал̣ам̣ г̇ирам̣ виссаж̇ж̇зси. аяонисод̇и анубааязна. яаанасмзсууд̇и яаани важ̇ж̇аани амхзсу на виж̇ж̇анд̇и, д̇аани вад̣̇ад̇и. наяид̣̇анд̇и д̇асмаасса ид̣̇ам̣ важанам̣ бан̃н̃авад̇ам̣ ива на ход̇и, д̇знзса мама на бан̣д̣ид̇о вияа убадтаад̇и.

Dasasūti dasasu rājadhammesu. Dānādīsu dasavatthukā cetanā dānaṃ, pañcasīladasasīlāni sīlaṃ, deyyadhammacāgo pariccāgo, ujubhāvo ajjavaṃ, mudubhāvo maddavaṃ, uposathakammaṃ tapo, mettāpubbabhāgo akkodho, karuṇāpubbabhāgo avihiṃsā, adhivāsanā khanti, avirodho avirodhanaṃ. Acintetvāti mama imaṃ guṇasampattiṃ acintetvā. Bhāvadosanti cittadosaṃ. Anaññāyāti ajānitvā. Asmākañhi cittadoso nāma natthi, yamesa jāneyya, taṃ ajānitvāva pharusaṃ kakkhaḷaṃ giraṃ vissajjesi. Ayonisoti anupāyena. Yānasmesūti yāni vajjāni amhesu na vijjanti, tāni vadati. Nayidanti tasmāssa idaṃ vacanaṃ paññavataṃ iva na hoti, tenesa mama na paṇḍito viya upaṭṭhāti.

д̇ам̣ суд̇ваа сумуко ‘‘маяаа г̇ун̣асамбаннова рааж̇аа абасаад̣̇ид̇о, со мз гуд̣̇д̇хо, камаабзссаами на’’нд̇и жинд̇зд̇ваа ааха –

Taṃ sutvā sumukho ‘‘mayā guṇasampannova rājā apasādito, so me kuddho, khamāpessāmi na’’nti cintetvā āha –

180.

‘‘ад̇т̇и мз д̇ам̣ ад̇исаарам̣, взг̇зна мануж̇аад̇хиба;

‘‘Atthi me taṃ atisāraṃ, vegena manujādhipa;

д̇хад̇арадтз жа б̣ад̣̇д̇хасмим̣, д̣̇угкам̣ мз вибулам̣ аху.

Dhataraṭṭhe ca baddhasmiṃ, dukkhaṃ me vipulaṃ ahu.

181.

‘‘д̇вам̣ но бид̇аава буд̇д̇аанам̣, бхууд̇аанам̣ д̇харан̣ийрива;

‘‘Tvaṃ no pitāva puttānaṃ, bhūtānaṃ dharaṇīriva;

асмаагам̣ ад̇хибаннаанам̣, камассу рааж̇агун̃ж̇араа’’д̇и.

Asmākaṃ adhipannānaṃ, khamassu rājakuñjarā’’ti.

д̇ад̇т̇а ад̇исааранд̇и багкалид̇ам̣. взг̇знаад̇и ахам̣ зд̇ам̣ гат̇ам̣ гат̇знд̇о взг̇зна сахасаа гат̇зсим̣. д̣̇угканд̇и жзд̇асигам̣ д̣̇угкам̣ мама вибулам̣ ахоси, д̇асмаа год̇хавасзна яам̣ маяаа вуд̇д̇ам̣, д̇ам̣ мз камат̇а, махаарааж̇аад̇и. буд̇д̇аананд̇и д̇вам̣ амхаагам̣ буд̇д̇аанам̣ бид̇аа вияа. д̇харан̣ийриваад̇и баан̣абхууд̇аанам̣ бад̇идтаа бат̇авий вияа д̇вам̣ амхаагам̣ авассаяо. ад̇хибаннаананд̇и д̣̇осзна абараад̇хзна аж̇жход̇т̇адаанам̣ камассууд̇и ид̣̇ам̣ со аасанаа оруяха багкзхи ан̃ж̇алим̣ гад̇ваа ааха.

Tattha atisāranti pakkhalitaṃ. Vegenāti ahaṃ etaṃ kathaṃ kathento vegena sahasā kathesiṃ. Dukkhanti cetasikaṃ dukkhaṃ mama vipulaṃ ahosi, tasmā kodhavasena yaṃ mayā vuttaṃ, taṃ me khamatha, mahārājāti. Puttānanti tvaṃ amhākaṃ puttānaṃ pitā viya. Dharaṇīrivāti pāṇabhūtānaṃ patiṭṭhā pathavī viya tvaṃ amhākaṃ avassayo. Adhipannānanti dosena aparādhena ajjhotthaṭānaṃ khamassūti idaṃ so āsanā oruyha pakkhehi añjaliṃ katvā āha.

ат̇а нам̣ рааж̇аа аалин̇г̇ид̇ваа аад̣̇ааяа суван̣н̣абийтз нисийд̣̇аабзд̇ваа ажжаяад̣̇зсанам̣ бадиг̇г̇ан̣ханд̇о ааха –

Atha naṃ rājā āliṅgitvā ādāya suvaṇṇapīṭhe nisīdāpetvā accayadesanaṃ paṭiggaṇhanto āha –

182.

‘‘зд̇ам̣ д̇з анумод̣̇аама, яам̣ бхаавам̣ на ниг̇уухаси;

‘‘Etaṃ te anumodāma, yaṃ bhāvaṃ na nigūhasi;

килам̣ бабхинд̣̇аси багки, уж̇угоси вихан̇г̇амаа’’д̇и.

Khilaṃ pabhindasi pakkhi, ujukosi vihaṅgamā’’ti.

д̇ад̇т̇а анумод̣̇аамаад̇и зд̇ам̣ д̇з д̣̇осам̣ камаама. яанд̇и яасмаа д̇вам̣ ад̇д̇ано жид̇д̇абадижчаннабхаавам̣ на ниг̇уухаси. киланд̇и жид̇д̇акилам̣ жид̇д̇акаан̣угам̣.

Tattha anumodāmāti etaṃ te dosaṃ khamāma. Yanti yasmā tvaṃ attano cittapaṭicchannabhāvaṃ na nigūhasi. Khilanti cittakhilaṃ cittakhāṇukaṃ.

ид̣̇ан̃жа бана вад̇ваа рааж̇аа махаасад̇д̇асса д̇хаммагат̇ааяа сумукасса жа уж̇убхаавз басийд̣̇ид̇ваа ‘‘басаннзна наама басаннаагааро гаад̇аб̣б̣о’’д̇и убхиннамби д̇зсам̣ ад̇д̇ано раж̇ж̇асирим̣ нияяаад̣̇знд̇о ааха –

Idañca pana vatvā rājā mahāsattassa dhammakathāya sumukhassa ca ujubhāve pasīditvā ‘‘pasannena nāma pasannākāro kātabbo’’ti ubhinnampi tesaṃ attano rajjasiriṃ niyyādento āha –

183.

‘‘яам̣ гин̃жи рад̇анам̣ ад̇т̇и, гаасирааж̇анивзсанз;

‘‘Yaṃ kiñci ratanaṃ atthi, kāsirājanivesane;

раж̇ад̇ам̣ ж̇аад̇аруубан̃жа, муд̇д̇аа взл̣урияаа б̣ахуу.

Rajataṃ jātarūpañca, muttā veḷuriyā bahū.

184.

‘‘ман̣аяо сан̇камуд̇д̇аа жа, вад̇т̇агам̣ харижанд̣̇анам̣;

‘‘Maṇayo saṅkhamuttā ca, vatthakaṃ haricandanaṃ;

аж̇инам̣ д̣̇анд̇абхан̣д̣ан̃жа, лохам̣ гаал̣ааяасам̣ б̣ахум̣;

Ajinaṃ dantabhaṇḍañca, lohaṃ kāḷāyasaṃ bahuṃ;

зд̇ам̣ д̣̇ад̣̇аами во вид̇д̇ам̣, иссарам̣ виссаж̇аами во’’д̇и.

Etaṃ dadāmi vo vittaṃ, issaraṃ vissajāmi vo’’ti.

д̇ад̇т̇а муд̇д̇аад̇и вид̣̇д̇хаавид̣̇д̇хамуд̇д̇аа. ман̣аяод̇и ман̣ибхан̣д̣агаани. сан̇камуд̇д̇аа жаад̇и д̣̇агкин̣ааваддасан̇карад̇анан̃жа аамалагаваддамуд̇д̇арад̇анан̃жа. вад̇т̇аганд̇и сукумагаасигавад̇т̇аани. аж̇инанд̇и аж̇инамиг̇ажаммам̣. лохам̣ гаал̣ааяасанд̇и д̇амб̣алохан̃жа гаал̣алохан̃жа. иссаранд̇и ган̃жанамаалзна сзд̇ажчад̇д̇зна сад̣̇д̇хим̣ д̣̇ваад̣̇асаяож̇анигз б̣аараан̣асинаг̇арз раж̇ж̇ам̣.

Tattha muttāti viddhāviddhamuttā. Maṇayoti maṇibhaṇḍakāni. Saṅkhamuttā cāti dakkhiṇāvaṭṭasaṅkharatanañca āmalakavaṭṭamuttaratanañca. Vatthakanti sukhumakāsikavatthāni. Ajinanti ajinamigacammaṃ. Lohaṃ kāḷāyasanti tambalohañca kāḷalohañca. Issaranti kañcanamālena setacchattena saddhiṃ dvādasayojanike bārāṇasinagare rajjaṃ.

зван̃жа бана вад̇ваа убхоби д̇з сзд̇ажчад̇д̇зна бууж̇зд̇ваа раж̇ж̇ам̣ бадижчаабзси. ат̇а махаасад̇д̇о ран̃н̃аа сад̣̇д̇хим̣ саллабанд̇о ааха –

Evañca pana vatvā ubhopi te setacchattena pūjetvā rajjaṃ paṭicchāpesi. Atha mahāsatto raññā saddhiṃ sallapanto āha –

185.

‘‘ад̣̇д̇хаа абажид̇аа д̇яамхаа, саггад̇аа жа рат̇зсабха;

‘‘Addhā apacitā tyamhā, sakkatā ca rathesabha;

д̇хаммзсу вад̇д̇амаанаанам̣, д̇вам̣ но аажарияо бхава.

Dhammesu vattamānānaṃ, tvaṃ no ācariyo bhava.

186.

‘‘аажарияа манун̃н̃аад̇аа, д̇аяаа анумад̇аа маяам̣;

‘‘Ācariya manuññātā, tayā anumatā mayaṃ;

д̇ам̣ бад̣̇агкин̣ад̇о гад̇ваа, н̃аад̇им̣ бассзмуринд̣̇амаа’’д̇и.

Taṃ padakkhiṇato katvā, ñātiṃ passemurindamā’’ti.

д̇ад̇т̇а д̇хаммзсууд̇и гусалагаммабат̇ад̇хаммзсу. аажарияод̇и д̇вам̣ амхзхи б̣яад̇д̇ад̇аро, д̇асмаа но аажарияо ход̇и, абижа д̣̇асаннам̣ рааж̇ад̇хаммаанам̣ гат̇ид̇ад̇д̇аа сумукасса д̣̇осам̣ д̣̇ассзд̇ваа ажжаяабадиг̇г̇ахан̣асса гад̇ад̇д̇ааби д̇вам̣ амхаагам̣ аажарияова, д̇асмаа ид̣̇ааниби но аажаарасигкаабанзна аажарияо бхаваад̇и ааха. бассзмуринд̣̇амаад̇и бассзму аринд̣̇ама.

Tattha dhammesūti kusalakammapathadhammesu. Ācariyoti tvaṃ amhehi byattataro, tasmā no ācariyo hoti, apica dasannaṃ rājadhammānaṃ kathitattā sumukhassa dosaṃ dassetvā accayapaṭiggahaṇassa katattāpi tvaṃ amhākaṃ ācariyova, tasmā idānipi no ācārasikkhāpanena ācariyo bhavāti āha. Passemurindamāti passemu arindama.

со д̇зсам̣ г̇аманам̣ ануж̇аани, б̣од̇хисад̇д̇ассаби д̇хаммам̣ гат̇знд̇ассзва арун̣ам̣ удтахи. д̇амад̇т̇ам̣ багаасзнд̇о сад̇т̇аа ааха –

So tesaṃ gamanaṃ anujāni, bodhisattassapi dhammaṃ kathentasseva aruṇaṃ uṭṭhahi. Tamatthaṃ pakāsento satthā āha –

187.

‘‘саб̣б̣арад̇д̇им̣ жинд̇аяид̇ваа, манд̇аяид̇ваа яат̇аагат̇ам̣;

‘‘Sabbarattiṃ cintayitvā, mantayitvā yathākathaṃ;

гаасирааж̇аа анун̃н̃ааси, хам̣саанам̣ баваруд̇д̇ама’’нд̇и.

Kāsirājā anuññāsi, haṃsānaṃ pavaruttama’’nti.

д̇ад̇т̇а яат̇аагат̇анд̇и яам̣гин̃жи ад̇т̇ам̣ д̇зхи сад̣̇д̇хим̣ жинд̇зд̇аб̣б̣ам̣ манд̇зд̇аб̣б̣ан̃жа, саб̣б̣ам̣ д̇ам̣ жинд̇зд̇ваа жа манд̇зд̇ваа жаад̇и ад̇т̇о. анун̃н̃аасийд̇и г̇ажчат̇аад̇и анун̃н̃ааси.

Tattha yathākathanti yaṃkiñci atthaṃ tehi saddhiṃ cintetabbaṃ mantetabbañca, sabbaṃ taṃ cintetvā ca mantetvā cāti attho. Anuññāsīti gacchathāti anuññāsi.

звам̣ д̇зна анун̃н̃аад̇о б̣од̇хисад̇д̇о рааж̇аанам̣ ‘‘аббамад̇д̇о д̇хаммзна раж̇ж̇ам̣ гаарзхий’’д̇и овад̣̇ид̇ваа бан̃жасу сийлзсу бад̇идтаабзси. рааж̇аа д̇зсам̣ ган̃жанабхааж̇анзхи мад̇хулааж̇ан̃жа мад̇хурод̣̇аган̃жа убанаамзд̇ваа нидтид̇аахаарагижжз г̇анд̇хамаалаад̣̇ийхи бууж̇зд̇ваа б̣од̇хисад̇д̇ам̣ суван̣н̣ажан̇годагзна саяам̣ угкиби, кзмаа д̣̇звий сумукам̣ угкиби. ат̇а нз сийхабан̃ж̇арам̣ уг̇гхаадзд̇ваа суурияуг̇г̇аманавзлааяа ‘‘г̇ажчат̇а саамино’’д̇и виссаж̇ж̇зсум̣. д̇амад̇т̇ам̣ багаасзнд̇о сад̇т̇аа ааха –

Evaṃ tena anuññāto bodhisatto rājānaṃ ‘‘appamatto dhammena rajjaṃ kārehī’’ti ovaditvā pañcasu sīlesu patiṭṭhāpesi. Rājā tesaṃ kañcanabhājanehi madhulājañca madhurodakañca upanāmetvā niṭṭhitāhārakicce gandhamālādīhi pūjetvā bodhisattaṃ suvaṇṇacaṅkoṭakena sayaṃ ukkhipi, khemā devī sumukhaṃ ukkhipi. Atha ne sīhapañjaraṃ ugghāṭetvā sūriyuggamanavelāya ‘‘gacchatha sāmino’’ti vissajjesuṃ. Tamatthaṃ pakāsento satthā āha –

188.

‘‘д̇ад̇о рад̇яаа вивасаанз, суурияуг̇г̇аманам̣ бад̇и;

‘‘Tato ratyā vivasāne, sūriyuggamanaṃ pati;

бзгкад̇о гаасирааж̇асса, бхаванаа д̇з виг̇аахису’’нд̇и.

Pekkhato kāsirājassa, bhavanā te vigāhisu’’nti.

д̇ад̇т̇а виг̇аахисунд̇и аагаасам̣ багканд̣̇им̣су.

Tattha vigāhisunti ākāsaṃ pakkhandiṃsu.

д̇зсу махаасад̇д̇о суван̣н̣ажан̇годагад̇о уббад̇ид̇ваа аагаасз тад̇ваа ‘‘маа жинд̣̇аяи, махаарааж̇а, аббамад̇д̇о амхаагам̣ оваад̣̇з вад̇д̇зяяаасий’’д̇и рааж̇аанам̣ самассаасзд̇ваа сумукам̣ аад̣̇ааяа жид̇д̇агуудамзва г̇ад̇о. д̇ааниби ко навуд̇и хам̣сасахассаани ган̃жанаг̇ухад̇о нигкамид̇ваа баб̣б̣ад̇ад̇алз нисиннаани д̇з ааг̇ажчанд̇з д̣̇исваа бажжуг̇г̇анд̇ваа бариваарзсум̣. д̇з н̃аад̇иг̇ан̣абаривуд̇аа жид̇д̇агуудад̇алам̣ бависим̣су. д̇амад̇т̇ам̣ багаасзнд̇о сад̇т̇аа ааха –

Tesu mahāsatto suvaṇṇacaṅkoṭakato uppatitvā ākāse ṭhatvā ‘‘mā cindayi, mahārāja, appamatto amhākaṃ ovāde vatteyyāsī’’ti rājānaṃ samassāsetvā sumukhaṃ ādāya cittakūṭameva gato. Tānipi kho navuti haṃsasahassāni kañcanaguhato nikkhamitvā pabbatatale nisinnāni te āgacchante disvā paccuggantvā parivāresuṃ. Te ñātigaṇaparivutā cittakūṭatalaṃ pavisiṃsu. Tamatthaṃ pakāsento satthā āha –

189.

‘‘д̇з арог̇з ануббад̇д̇з, д̣̇исваана барамз д̣̇иж̇з;

‘‘Te aroge anuppatte, disvāna parame dije;

гзгаад̇и магарум̣ хам̣саа, бут̇усад̣̇д̣̇о аж̇ааяат̇а.

Kekāti makaruṃ haṃsā, puthusaddo ajāyatha.

190.

‘‘д̇з бад̇ийд̇аа бамуд̇д̇зна, бхад̇д̇унаа бхад̇д̇уг̇аараваа;

‘‘Te patītā pamuttena, bhattunā bhattugāravā;

саманд̇аа баригирим̣су, ан̣д̣аж̇аа лад̣̇д̇хабажжаяаа’’д̇и.

Samantā parikiriṃsu, aṇḍajā laddhapaccayā’’ti.

звам̣ бариваарзд̇ваа жа бана д̇з хам̣саа ‘‘гат̇ам̣ муд̇д̇оси, махаарааж̇аа’’д̇и бужчим̣су. махаасад̇д̇о сумукам̣ ниссааяа муд̇д̇абхаавам̣ сам̣яамарааж̇алуд̣̇д̣̇абуд̇д̇зхи гад̇агамман̃жа гат̇зси. д̇ам̣ суд̇ваа д̇удтаа хам̣саг̇ан̣аа ‘‘сумуко сзнаабад̇и жа рааж̇аа жа луд̣̇д̣̇абуд̇д̇о жа сукид̇аа нид̣̇д̣̇угкаа жирам̣ ж̇ийванд̇уу’’д̇и аахам̣су. д̇амад̇т̇ам̣ багаасзнд̇о сад̇т̇аа ааха –

Evaṃ parivāretvā ca pana te haṃsā ‘‘kathaṃ muttosi, mahārājā’’ti pucchiṃsu. Mahāsatto sumukhaṃ nissāya muttabhāvaṃ saṃyamarājaluddaputtehi katakammañca kathesi. Taṃ sutvā tuṭṭhā haṃsagaṇā ‘‘sumukho senāpati ca rājā ca luddaputto ca sukhitā niddukkhā ciraṃ jīvantū’’ti āhaṃsu. Tamatthaṃ pakāsento satthā āha –

191.

‘‘звам̣ мид̇д̇авад̇ам̣ ад̇т̇аа, саб̣б̣з хонд̇и бад̣̇агкин̣аа;

‘‘Evaṃ mittavataṃ atthā, sabbe honti padakkhiṇā;

хам̣саа яат̇аа д̇хад̇арадтаа, н̃аад̇исан̇гхамубааг̇аму’’нд̇и.

Haṃsā yathā dhataraṭṭhā, ñātisaṅghamupāgamu’’nti.

д̇ам̣ жуул̣ахам̣саж̇аад̇агз вуд̇д̇ад̇т̇амзва.

Taṃ cūḷahaṃsajātake vuttatthameva.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби аананд̣̇о мамад̇т̇ааяа ад̇д̇ано ж̇ийвид̇ам̣ барижжаж̇ий’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа луд̣̇д̣̇абуд̇д̇о чанно ахоси, кзмаа д̣̇звий, кзмаа бхигкуний, рааж̇аа саарибуд̇д̇о, сумуко аананд̣̇о, сзсабарисаа б̣уд̣̇д̇хабарисаа, д̇хад̇арадтахам̣сарааж̇аа бана ахамзва ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepi ānando mamatthāya attano jīvitaṃ pariccajī’’ti vatvā jātakaṃ samodhānesi ‘‘tadā luddaputto channo ahosi, khemā devī, khemā bhikkhunī, rājā sāriputto, sumukho ānando, sesaparisā buddhaparisā, dhataraṭṭhahaṃsarājā pana ahameva ahosi’’nti.

махаахам̣саж̇аад̇агаван̣н̣анаа д̣̇уд̇ияаа.

Mahāhaṃsajātakavaṇṇanā dutiyā.

Next: [535] 3. суд̇хаабхож̇анаж̇аад̇агаван̣н̣анаа • [535] 3. Sudhābhojanajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 534. махаахам̣саж̇аад̇агам̣ • 534. Mahāhaṃsajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact