| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. махаахад̇т̇ибад̣̇обамасуд̇д̇ам̣
8. Mahāhatthipadopamasuttaṃ
300. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко ааяасмаа саарибуд̇д̇о бхигкуу ааманд̇зси – ‘‘аавусо бхигкавз’’д̇и. ‘‘аавусо’’д̇и ко д̇з бхигкуу ааяасмад̇о саарибуд̇д̇асса бажжассосум̣. ааяасмаа саарибуд̇д̇о зд̇ад̣̇авожа – ‘‘сзяяат̇ааби, аавусо, яаани гаанижи ж̇ан̇г̇алаанам̣ баан̣аанам̣ бад̣̇аж̇аад̇аани саб̣б̣аани д̇аани хад̇т̇ибад̣̇з самод̇хаанам̣ г̇ажчанд̇и, хад̇т̇ибад̣̇ам̣ д̇зсам̣ аг̇г̇амагкааяад̇и яад̣̇ид̣̇ам̣ маханд̇ад̇д̇зна; звамзва ко, аавусо, яз гзжи гусалаа д̇хаммаа саб̣б̣зд̇з жад̇уусу арияасажжзсу сан̇г̇ахам̣ г̇ажчанд̇и. гад̇амзсу жад̇уусу? д̣̇угкз арияасажжз , д̣̇угкасамуд̣̇аяз арияасажжз, д̣̇угканирод̇хз арияасажжз, д̣̇угканирод̇хаг̇ааминияаа бадибад̣̇ааяа арияасажжз’’.
300. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho āyasmā sāriputto bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato sāriputtassa paccassosuṃ. Āyasmā sāriputto etadavoca – ‘‘seyyathāpi, āvuso, yāni kānici jaṅgalānaṃ pāṇānaṃ padajātāni sabbāni tāni hatthipade samodhānaṃ gacchanti, hatthipadaṃ tesaṃ aggamakkhāyati yadidaṃ mahantattena; evameva kho, āvuso, ye keci kusalā dhammā sabbete catūsu ariyasaccesu saṅgahaṃ gacchanti. Katamesu catūsu? Dukkhe ariyasacce , dukkhasamudaye ariyasacce, dukkhanirodhe ariyasacce, dukkhanirodhagāminiyā paṭipadāya ariyasacce’’.
301. ‘‘гад̇аман̃жаавусо, д̣̇угкам̣ арияасажжам̣? ж̇аад̇иби д̣̇угкаа, ж̇арааби д̣̇угкаа, маран̣амби д̣̇угкам̣, согабарид̣̇звад̣̇угкад̣̇оманассубааяаасааби д̣̇угкаа, яамбижчам̣ на лабхад̇и д̇амби д̣̇угкам̣; сам̣кид̇д̇зна, бан̃жубаад̣̇аанагканд̇хаа д̣̇угкаа. гад̇амз жаавусо, бан̃жубаад̣̇аанагканд̇хаа? сзяяат̇ид̣̇ам̣ – руубубаад̣̇аанагканд̇хо, взд̣̇анубаад̣̇аанагканд̇хо, сан̃н̃убаад̣̇аанагканд̇хо, сан̇каарубаад̣̇аанагканд̇хо, вин̃н̃аан̣убаад̣̇аанагканд̇хо.
301. ‘‘Katamañcāvuso, dukkhaṃ ariyasaccaṃ? Jātipi dukkhā, jarāpi dukkhā, maraṇampi dukkhaṃ, sokaparidevadukkhadomanassupāyāsāpi dukkhā, yampicchaṃ na labhati tampi dukkhaṃ; saṃkhittena, pañcupādānakkhandhā dukkhā. Katame cāvuso, pañcupādānakkhandhā? Seyyathidaṃ – rūpupādānakkhandho, vedanupādānakkhandho, saññupādānakkhandho, saṅkhārupādānakkhandho, viññāṇupādānakkhandho.
‘‘гад̇амо жаавусо, руубубаад̣̇аанагканд̇хо? жад̇д̇аари жа махаабхууд̇аани, жад̇уннан̃жа махаабхууд̇аанам̣ убаад̣̇ааяа руубам̣.
‘‘Katamo cāvuso, rūpupādānakkhandho? Cattāri ca mahābhūtāni, catunnañca mahābhūtānaṃ upādāya rūpaṃ.
‘‘гад̇амаа жаавусо, жад̇д̇ааро махаабхууд̇аа? бат̇авийд̇хаад̇у, аабод̇хаад̇у , д̇зж̇од̇хаад̇у, вааяод̇хаад̇у.
‘‘Katamā cāvuso, cattāro mahābhūtā? Pathavīdhātu, āpodhātu , tejodhātu, vāyodhātu.
302. ‘‘гад̇амаа жаавусо, бат̇авийд̇хаад̇у? бат̇авийд̇хаад̇у сияаа аж̇жхад̇д̇игаа, сияаа б̣аахираа. гад̇амаа жаавусо, аж̇жхад̇д̇игаа бат̇авийд̇хаад̇у? яам̣ аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ убаад̣̇иннам̣, сзяяат̇ид̣̇ам̣ – гзсаа ломаа накаа д̣̇анд̇аа д̇ажо мам̣сам̣ нхаару адти адтимин̃ж̇ам̣ ваггам̣ хад̣̇аяам̣ яаганам̣ гиломагам̣ бихагам̣ бабпаасам̣ анд̇ам̣ анд̇аг̇ун̣ам̣ уд̣̇арияам̣ гарийсам̣, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇ам̣ убаад̣̇иннам̣. аяам̣ вужжад̇аавусо, аж̇жхад̇д̇игаа бат̇авийд̇хаад̇у. яаа жзва ко бана аж̇жхад̇д̇игаа бат̇авийд̇хаад̇у, яаа жа б̣аахираа бат̇авийд̇хаад̇у, бат̇авийд̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и – звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа бат̇авийд̇хаад̇уяаа ниб̣б̣инд̣̇ад̇и, бат̇авийд̇хаад̇уяаа жид̇д̇ам̣ вирааж̇зд̇и.
302. ‘‘Katamā cāvuso, pathavīdhātu? Pathavīdhātu siyā ajjhattikā, siyā bāhirā. Katamā cāvuso, ajjhattikā pathavīdhātu? Yaṃ ajjhattaṃ paccattaṃ kakkhaḷaṃ kharigataṃ upādinnaṃ, seyyathidaṃ – kesā lomā nakhā dantā taco maṃsaṃ nhāru aṭṭhi aṭṭhimiñjaṃ vakkaṃ hadayaṃ yakanaṃ kilomakaṃ pihakaṃ papphāsaṃ antaṃ antaguṇaṃ udariyaṃ karīsaṃ, yaṃ vā panaññampi kiñci ajjhattaṃ paccattaṃ kakkhaḷaṃ kharigataṃ upādinnaṃ. Ayaṃ vuccatāvuso, ajjhattikā pathavīdhātu. Yā ceva kho pana ajjhattikā pathavīdhātu, yā ca bāhirā pathavīdhātu, pathavīdhāturevesā. ‘Taṃ netaṃ mama, nesohamasmi, na meso attā’ti – evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā pathavīdhātuyā nibbindati, pathavīdhātuyā cittaṃ virājeti.
‘‘ход̇и ко со, аавусо, самаяо яам̣ б̣аахираа аабод̇хаад̇у багуббад̇и 1. анд̇арахид̇аа д̇асмим̣ самаяз б̣аахираа бат̇авийд̇хаад̇у ход̇и. д̇ассаа хи наама, аавусо, б̣аахирааяа бат̇авийд̇хаад̇уяаа д̇аава махаллигааяа анижжад̇аа бан̃н̃ааяиссад̇и, каяад̇хаммад̇аа бан̃н̃ааяиссад̇и, ваяад̇хаммад̇аа бан̃н̃ааяиссад̇и, вибарин̣аамад̇хаммад̇аа бан̃н̃ааяиссад̇и. гим̣ банимасса мад̇д̇адтагасса гааяасса д̇ан̣хубаад̣̇иннасса ‘аханд̇и ваа маманд̇и ваа асмий’д̇и ваа? ат̇а кваасса нод̇звзд̇т̇а ход̇и.
‘‘Hoti kho so, āvuso, samayo yaṃ bāhirā āpodhātu pakuppati 2. Antarahitā tasmiṃ samaye bāhirā pathavīdhātu hoti. Tassā hi nāma, āvuso, bāhirāya pathavīdhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmī’ti vā? Atha khvāssa notevettha hoti.
‘‘д̇ан̃жз, аавусо, бхигкум̣ барз аггосанд̇и барибхаасанд̇и росзнд̇и вихзсзнд̇и, со звам̣ баж̇аанаад̇и – ‘уббаннаа ко мз аяам̣ сод̇асампассаж̇аа д̣̇угкавзд̣̇анаа . саа жа ко бадижжа, но абадижжа. гим̣ бадижжа? пассам̣ бадижжа’. со 3 пассо анижжод̇и бассад̇и, взд̣̇анаа анижжаад̇и бассад̇и, сан̃н̃аа анижжаад̇и бассад̇и, сан̇каараа анижжаад̇и бассад̇и, вин̃н̃аан̣ам̣ анижжанд̇и бассад̇и. д̇асса д̇хаад̇аарамман̣амзва жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и.
‘‘Tañce, āvuso, bhikkhuṃ pare akkosanti paribhāsanti rosenti vihesenti, so evaṃ pajānāti – ‘uppannā kho me ayaṃ sotasamphassajā dukkhavedanā . Sā ca kho paṭicca, no apaṭicca. Kiṃ paṭicca? Phassaṃ paṭicca’. So 4 phasso aniccoti passati, vedanā aniccāti passati, saññā aniccāti passati, saṅkhārā aniccāti passati, viññāṇaṃ aniccanti passati. Tassa dhātārammaṇameva cittaṃ pakkhandati pasīdati santiṭṭhati adhimuccati.
‘‘д̇ан̃жз, аавусо, бхигкум̣ барз анидтзхи аганд̇зхи аманаабзхи самуд̣̇аажаранд̇и – баан̣исампассзнаби лзд̣д̣усампассзнаби д̣̇ан̣д̣асампассзнаби сад̇т̇асампассзнаби. со звам̣ баж̇аанаад̇и – ‘д̇ат̇аабхууд̇о ко аяам̣ гааяо яат̇аабхууд̇асмим̣ гааяз баан̣исампассааби гаманд̇и, лзд̣д̣усампассааби гаманд̇и, д̣̇ан̣д̣асампассааби гаманд̇и, сад̇т̇асампассааби гаманд̇и. вуд̇д̇ам̣ ко банзд̇ам̣ бхаг̇авад̇аа гагажуубамоваад̣̇з – ‘‘убхад̇од̣̇ан̣д̣агзна жзби, бхигкавз, гагажзна жораа ожарагаа ан̇г̇аман̇г̇аани оганд̇зяяум̣, д̇ад̇рааби яо мано бад̣̇уусзяяа на мз со д̇зна саасанагаро’’д̇и. аарад̣̇д̇хам̣ ко бана мз вийрияам̣ бхависсад̇и асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. гаамам̣ д̣̇аани имасмим̣ гааяз баан̣исампассааби гаманд̇у, лзд̣д̣усампассааби гаманд̇у, д̣̇ан̣д̣асампассааби гаманд̇у, сад̇т̇асампассааби гаманд̇у, гарийяад̇и хид̣̇ам̣ б̣уд̣̇д̇хаанам̣ саасана’нд̇и.
‘‘Tañce, āvuso, bhikkhuṃ pare aniṭṭhehi akantehi amanāpehi samudācaranti – pāṇisamphassenapi leḍḍusamphassenapi daṇḍasamphassenapi satthasamphassenapi. So evaṃ pajānāti – ‘tathābhūto kho ayaṃ kāyo yathābhūtasmiṃ kāye pāṇisamphassāpi kamanti, leḍḍusamphassāpi kamanti, daṇḍasamphassāpi kamanti, satthasamphassāpi kamanti. Vuttaṃ kho panetaṃ bhagavatā kakacūpamovāde – ‘‘ubhatodaṇḍakena cepi, bhikkhave, kakacena corā ocarakā aṅgamaṅgāni okanteyyuṃ, tatrāpi yo mano padūseyya na me so tena sāsanakaro’’ti. Āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Kāmaṃ dāni imasmiṃ kāye pāṇisamphassāpi kamantu, leḍḍusamphassāpi kamantu, daṇḍasamphassāpi kamantu, satthasamphassāpi kamantu, karīyati hidaṃ buddhānaṃ sāsana’nti.
‘‘д̇асса жз, аавусо, бхигкуно звам̣ б̣уд̣̇д̇хам̣ ануссарад̇о звам̣ д̇хаммам̣ ануссарад̇о звам̣ сан̇гхам̣ ануссарад̇о убзгкаа гусаланиссид̇аа на сан̣таад̇и. со д̇зна сам̣виж̇ж̇ад̇и сам̣взг̇ам̣ аабаж̇ж̇ад̇и – ‘алаабхаа вад̇а мз, на вад̇а мз лаабхаа, д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣, яасса мз звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о, убзгкаа гусаланиссид̇аа на сан̣таад̇ий’д̇и. сзяяат̇ааби, аавусо, сун̣исаа сасурам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и; звамзва ко, аавусо, д̇асса жз бхигкуно звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о, убзгкаа гусаланиссид̇аа на сан̣таад̇и, со д̇зна сам̣виж̇ж̇ад̇и сам̣взг̇ам̣ аабаж̇ж̇ад̇и – ‘алаабхаа вад̇а мз на вад̇а мз лаабхаа, д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣, яасса мз звам̣ б̣уд̣̇д̇хам̣ ануссарад̇о звам̣ д̇хаммам̣ ануссарад̇о, звам̣ сан̇гхам̣ ануссарад̇о, убзгкаа гусаланиссид̇аа на сан̣таад̇ий’д̇и. д̇асса жз, аавусо, бхигкуно звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о убзгкаа гусаланиссид̇аа сан̣таад̇и, со д̇зна ад̇д̇амано ход̇и. зд̇д̇аавад̇ааби ко, аавусо, бхигкуно б̣ахугад̇ам̣ ход̇и.
‘‘Tassa ce, āvuso, bhikkhuno evaṃ buddhaṃ anussarato evaṃ dhammaṃ anussarato evaṃ saṅghaṃ anussarato upekkhā kusalanissitā na saṇṭhāti. So tena saṃvijjati saṃvegaṃ āpajjati – ‘alābhā vata me, na vata me lābhā, dulladdhaṃ vata me, na vata me suladdhaṃ, yassa me evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhātī’ti. Seyyathāpi, āvuso, suṇisā sasuraṃ disvā saṃvijjati saṃvegaṃ āpajjati; evameva kho, āvuso, tassa ce bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhāti, so tena saṃvijjati saṃvegaṃ āpajjati – ‘alābhā vata me na vata me lābhā, dulladdhaṃ vata me, na vata me suladdhaṃ, yassa me evaṃ buddhaṃ anussarato evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhātī’ti. Tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā saṇṭhāti, so tena attamano hoti. Ettāvatāpi kho, āvuso, bhikkhuno bahukataṃ hoti.
303. ‘‘гад̇амаа жаавусо, аабод̇хаад̇у? аабод̇хаад̇у сияаа аж̇жхад̇д̇игаа, сияаа б̣аахираа. гад̇амаа жаавусо аж̇жхад̇д̇игаа аабод̇хаад̇у? яам̣ аж̇жхад̇д̇ам̣ бажжад̇д̇ам̣ аабо аабог̇ад̇ам̣ убаад̣̇иннам̣, сзяяат̇ид̣̇ам̣ – бид̇д̇ам̣ сзмхам̣ буб̣б̣о лохид̇ам̣ сзд̣̇о мзд̣̇о ассу васаа кзл̣о син̇гхаан̣игаа ласигаа муд̇д̇ам̣, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ аабо аабог̇ад̇ам̣ убаад̣̇иннам̣ – аяам̣ вужжад̇аавусо, аж̇жхад̇д̇игаа аабод̇хаад̇у. яаа жзва ко бана аж̇жхад̇д̇игаа аабод̇хаад̇у яаа жа б̣аахираа аабод̇хаад̇у, аабод̇хаад̇урзвзсаа. ‘д̇ам̣ нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа аабод̇хаад̇уяаа ниб̣б̣инд̣̇ад̇и, аабод̇хаад̇уяаа жид̇д̇ам̣ вирааж̇зд̇и.
303. ‘‘Katamā cāvuso, āpodhātu? Āpodhātu siyā ajjhattikā, siyā bāhirā. Katamā cāvuso ajjhattikā āpodhātu? Yaṃ ajjhattaṃ paccattaṃ āpo āpogataṃ upādinnaṃ, seyyathidaṃ – pittaṃ semhaṃ pubbo lohitaṃ sedo medo assu vasā kheḷo siṅghāṇikā lasikā muttaṃ, yaṃ vā panaññampi kiñci ajjhattaṃ paccattaṃ āpo āpogataṃ upādinnaṃ – ayaṃ vuccatāvuso, ajjhattikā āpodhātu. Yā ceva kho pana ajjhattikā āpodhātu yā ca bāhirā āpodhātu, āpodhāturevesā. ‘Taṃ netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā āpodhātuyā nibbindati, āpodhātuyā cittaṃ virājeti.
‘‘ход̇и ко со, аавусо, самаяо яам̣ б̣аахираа аабод̇хаад̇у багуббад̇и. саа г̇аамамби вахад̇и, ниг̇амамби вахад̇и, наг̇арамби вахад̇и, ж̇анабад̣̇амби вахад̇и, ж̇анабад̣̇абад̣̇зсамби вахад̇и. ход̇и ко со, аавусо, самаяо яам̣ махаасамуд̣̇д̣̇з яож̇анасад̇игааниби уд̣̇агаани ог̇ажчанд̇и, д̣̇вияож̇анасад̇игааниби уд̣̇агаани ог̇ажчанд̇и, д̇ияож̇анасад̇игааниби уд̣̇агаани ог̇ажчанд̇и, жад̇уяож̇анасад̇игааниби уд̣̇агаани ог̇ажчанд̇и, бан̃жаяож̇анасад̇игааниби уд̣̇агаани ог̇ажчанд̇и, чаяож̇анасад̇игааниби уд̣̇агаани ог̇ажчанд̇и, сад̇д̇аяож̇анасад̇игааниби уд̣̇агаани ог̇ажчанд̇и. ход̇и ко со, аавусо, самаяо яам̣ махаасамуд̣̇д̣̇з сад̇д̇ад̇ааламби уд̣̇агам̣ сан̣таад̇и, чад̇д̇ааламби уд̣̇агам̣ сан̣таад̇и, бан̃жад̇ааламби уд̣̇агам̣ сан̣таад̇и, жад̇уд̇д̇ааламби уд̣̇агам̣ сан̣таад̇и, д̇ид̇ааламби уд̣̇агам̣ сан̣таад̇и, д̣̇вид̇ааламби уд̣̇агам̣ сан̣таад̇и, д̇ааламад̇д̇амби 5 уд̣̇агам̣ сан̣таад̇и. ход̇и ко со, аавусо, самаяо яам̣ махаасамуд̣̇д̣̇з сад̇д̇аборисамби уд̣̇агам̣ сан̣таад̇и, чабборисамби уд̣̇агам̣ сан̣таад̇и, бан̃жаборисамби уд̣̇агам̣ сан̣таад̇и, жад̇убборисамби уд̣̇агам̣ сан̣таад̇и, д̇иборисамби уд̣̇агам̣ сан̣таад̇и, д̣̇виборисамби уд̣̇агам̣ сан̣таад̇и, борисамад̇д̇амби 6 уд̣̇агам̣ сан̣таад̇и. ход̇и ко со, аавусо, самаяо яам̣ махаасамуд̣̇д̣̇з ад̣дхаборисамби уд̣̇агам̣ сан̣таад̇и, гадимад̇д̇амби уд̣̇агам̣ сан̣таад̇и, ж̇аан̣угамад̇д̇амби уд̣̇агам̣ сан̣таад̇и, г̇обпагамад̇д̇амби уд̣̇агам̣ сан̣таад̇и. ход̇и ко со, аавусо, самаяо, яам̣ махаасамуд̣̇д̣̇з ан̇г̇улибаб̣б̣ад̇зманамад̇д̇амби уд̣̇агам̣ на ход̇и. д̇ассаа хи наама, аавусо, б̣аахирааяа аабод̇хаад̇уяаа д̇аава махаллигааяа анижжад̇аа бан̃н̃ааяиссад̇и, каяад̇хаммад̇аа бан̃н̃ааяиссад̇и, ваяад̇хаммад̇аа бан̃н̃ааяиссад̇и, вибарин̣аамад̇хаммад̇аа бан̃н̃ааяиссад̇и. гим̣ банимасса мад̇д̇адтагасса гааяасса д̇ан̣хубаад̣̇иннасса ‘аханд̇и ваа маманд̇и ваа асмийд̇и’ ваа? ат̇а кваасса нод̇звзд̇т̇а ход̇и…бз… д̇асса жз, аавусо, бхигкуно звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о убзгкаа гусаланиссид̇аа сан̣таад̇и. со д̇зна ад̇д̇амано ход̇и. зд̇д̇аавад̇ааби ко, аавусо, бхигкуно б̣ахугад̇ам̣ ход̇и.
‘‘Hoti kho so, āvuso, samayo yaṃ bāhirā āpodhātu pakuppati. Sā gāmampi vahati, nigamampi vahati, nagarampi vahati, janapadampi vahati, janapadapadesampi vahati. Hoti kho so, āvuso, samayo yaṃ mahāsamudde yojanasatikānipi udakāni ogacchanti, dviyojanasatikānipi udakāni ogacchanti, tiyojanasatikānipi udakāni ogacchanti, catuyojanasatikānipi udakāni ogacchanti, pañcayojanasatikānipi udakāni ogacchanti, chayojanasatikānipi udakāni ogacchanti, sattayojanasatikānipi udakāni ogacchanti. Hoti kho so, āvuso, samayo yaṃ mahāsamudde sattatālampi udakaṃ saṇṭhāti, chattālampi udakaṃ saṇṭhāti, pañcatālampi udakaṃ saṇṭhāti, catuttālampi udakaṃ saṇṭhāti, titālampi udakaṃ saṇṭhāti, dvitālampi udakaṃ saṇṭhāti, tālamattampi 7 udakaṃ saṇṭhāti. Hoti kho so, āvuso, samayo yaṃ mahāsamudde sattaporisampi udakaṃ saṇṭhāti, chapporisampi udakaṃ saṇṭhāti, pañcaporisampi udakaṃ saṇṭhāti, catupporisampi udakaṃ saṇṭhāti, tiporisampi udakaṃ saṇṭhāti, dviporisampi udakaṃ saṇṭhāti, porisamattampi 8 udakaṃ saṇṭhāti. Hoti kho so, āvuso, samayo yaṃ mahāsamudde aḍḍhaporisampi udakaṃ saṇṭhāti, kaṭimattampi udakaṃ saṇṭhāti, jāṇukamattampi udakaṃ saṇṭhāti, gopphakamattampi udakaṃ saṇṭhāti. Hoti kho so, āvuso, samayo, yaṃ mahāsamudde aṅgulipabbatemanamattampi udakaṃ na hoti. Tassā hi nāma, āvuso, bāhirāya āpodhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmīti’ vā? Atha khvāssa notevettha hoti…pe… tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā saṇṭhāti. So tena attamano hoti. Ettāvatāpi kho, āvuso, bhikkhuno bahukataṃ hoti.
304. ‘‘гад̇амаа жаавусо, д̇зж̇од̇хаад̇у? д̇зж̇од̇хаад̇у сияаа аж̇жхад̇д̇игаа, сияаа б̣аахираа. гад̇амаа жаавусо, аж̇жхад̇д̇игаа д̇зж̇од̇хаад̇у? яам̣ аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ убаад̣̇иннам̣, сзяяат̇ид̣̇ам̣ – язна жа санд̇аббад̇и, язна жа ж̇ийрийяад̇и, язна жа барид̣аяхад̇и, язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ д̇зж̇о д̇зж̇ог̇ад̇ам̣ убаад̣̇иннам̣ – аяам̣ вужжад̇аавусо, аж̇жхад̇д̇игаа д̇зж̇од̇хаад̇у. яаа жзва ко бана аж̇жхад̇д̇игаа д̇зж̇од̇хаад̇у яаа жа б̣аахираа д̇зж̇од̇хаад̇у, д̇зж̇од̇хаад̇урзвзсаа. ‘д̇ам̣ нзд̇ам̣ мама , нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа д̇зж̇од̇хаад̇уяаа ниб̣б̣инд̣̇ад̇и, д̇зж̇од̇хаад̇уяаа жид̇д̇ам̣ вирааж̇зд̇и.
304. ‘‘Katamā cāvuso, tejodhātu? Tejodhātu siyā ajjhattikā, siyā bāhirā. Katamā cāvuso, ajjhattikā tejodhātu? Yaṃ ajjhattaṃ paccattaṃ tejo tejogataṃ upādinnaṃ, seyyathidaṃ – yena ca santappati, yena ca jīrīyati, yena ca pariḍayhati, yena ca asitapītakhāyitasāyitaṃ sammā pariṇāmaṃ gacchati, yaṃ vā panaññampi kiñci ajjhattaṃ paccattaṃ tejo tejogataṃ upādinnaṃ – ayaṃ vuccatāvuso, ajjhattikā tejodhātu. Yā ceva kho pana ajjhattikā tejodhātu yā ca bāhirā tejodhātu, tejodhāturevesā. ‘Taṃ netaṃ mama , nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā tejodhātuyā nibbindati, tejodhātuyā cittaṃ virājeti.
‘‘ход̇и ко со, аавусо, самаяо яам̣ б̣аахираа д̇зж̇од̇хаад̇у багуббад̇и. саа г̇аамамби д̣̇ахад̇и, ниг̇амамби д̣̇ахад̇и, наг̇арамби д̣̇ахад̇и, ж̇анабад̣̇амби д̣̇ахад̇и, ж̇анабад̣̇абад̣̇зсамби д̣̇ахад̇и. саа харид̇анд̇ам̣ ваа бант̇анд̇ам̣ ваа сзланд̇ам̣ ваа уд̣̇аганд̇ам̣ ваа раман̣ийяам̣ ваа бхуумибхааг̇ам̣ ааг̇амма анаахаараа ниб̣б̣ааяад̇и. ход̇и ко со, аавусо, самаяо яам̣ гуггудабад̇д̇знаби нхааруд̣̇ад̣̇д̣̇улзнаби аг̇г̇им̣ г̇авзсанд̇и . д̇ассаа хи наама, аавусо, б̣аахирааяа д̇зж̇од̇хаад̇уяаа д̇аава махаллигааяа анижжад̇аа бан̃н̃ааяиссад̇и, каяад̇хаммад̇аа бан̃н̃ааяиссад̇и, ваяад̇хаммад̇аа бан̃н̃ааяиссад̇и, вибарин̣аамад̇хаммад̇аа бан̃н̃ааяиссад̇и. гим̣ банимасса мад̇д̇адтагасса гааяасса д̇ан̣хубаад̣̇иннасса ‘аханд̇и ваа маманд̇и ваа асмий’д̇и ваа? ат̇а кваасса нод̇звзд̇т̇а ход̇и…бз… д̇асса жз, аавусо, бхигкуно звам̣ б̣уд̣̇д̇хам̣ ануссарад̇о звам̣ д̇хаммам̣ ануссарад̇о звам̣ сан̇гхам̣ ануссарад̇о убзгкаа гусаланиссид̇аа сан̣таад̇и, со д̇зна ад̇д̇амано ход̇и. зд̇д̇аавад̇ааби ко, аавусо, бхигкуно б̣ахугад̇ам̣ ход̇и.
‘‘Hoti kho so, āvuso, samayo yaṃ bāhirā tejodhātu pakuppati. Sā gāmampi dahati, nigamampi dahati, nagarampi dahati, janapadampi dahati, janapadapadesampi dahati. Sā haritantaṃ vā panthantaṃ vā selantaṃ vā udakantaṃ vā ramaṇīyaṃ vā bhūmibhāgaṃ āgamma anāhārā nibbāyati. Hoti kho so, āvuso, samayo yaṃ kukkuṭapattenapi nhārudaddulenapi aggiṃ gavesanti . Tassā hi nāma, āvuso, bāhirāya tejodhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmī’ti vā? Atha khvāssa notevettha hoti…pe… tassa ce, āvuso, bhikkhuno evaṃ buddhaṃ anussarato evaṃ dhammaṃ anussarato evaṃ saṅghaṃ anussarato upekkhā kusalanissitā saṇṭhāti, so tena attamano hoti. Ettāvatāpi kho, āvuso, bhikkhuno bahukataṃ hoti.
305. ‘‘гад̇амаа жаавусо, вааяод̇хаад̇у? вааяод̇хаад̇у сияаа аж̇жхад̇д̇игаа, сияаа б̣аахираа. гад̇амаа жаавусо, аж̇жхад̇д̇игаа вааяод̇хаад̇у? яам̣ аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ убаад̣̇иннам̣, сзяяат̇ид̣̇ам̣ – уд̣̇д̇хан̇г̇амаа ваад̇аа, ад̇хог̇амаа ваад̇аа, гужчисаяаа ваад̇аа, годтаасаяаа 9 ваад̇аа, ан̇г̇аман̇г̇аанусаарино ваад̇аа, ассаасо бассаасо ид̇и, яам̣ ваа банан̃н̃амби гин̃жи аж̇жхад̇д̇ам̣ бажжад̇д̇ам̣ вааяо вааяог̇ад̇ам̣ убаад̣̇иннам̣ – аяам̣ вужжад̇аавусо, аж̇жхад̇д̇игаа вааяод̇хаад̇у. яаа жзва ко бана аж̇жхад̇д̇игаа вааяод̇хаад̇у, яаа жа б̣аахираа вааяод̇хаад̇у, вааяод̇хаад̇урзвзсаа. ‘д̇ам̣ нзд̇ам̣ мама нзсохамасми на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звамзд̇ам̣ яат̇аабхууд̇ам̣ саммаббан̃н̃ааяа д̣̇исваа вааяод̇хаад̇уяаа ниб̣б̣инд̣̇ад̇и вааяод̇хаад̇уяаа жид̇д̇ам̣ вирааж̇зд̇и.
305. ‘‘Katamā cāvuso, vāyodhātu? Vāyodhātu siyā ajjhattikā, siyā bāhirā. Katamā cāvuso, ajjhattikā vāyodhātu? Yaṃ ajjhattaṃ paccattaṃ vāyo vāyogataṃ upādinnaṃ, seyyathidaṃ – uddhaṅgamā vātā, adhogamā vātā, kucchisayā vātā, koṭṭhāsayā 10 vātā, aṅgamaṅgānusārino vātā, assāso passāso iti, yaṃ vā panaññampi kiñci ajjhattaṃ paccattaṃ vāyo vāyogataṃ upādinnaṃ – ayaṃ vuccatāvuso, ajjhattikā vāyodhātu. Yā ceva kho pana ajjhattikā vāyodhātu, yā ca bāhirā vāyodhātu, vāyodhāturevesā. ‘Taṃ netaṃ mama nesohamasmi na meso attā’ti evametaṃ yathābhūtaṃ sammappaññāya daṭṭhabbaṃ. Evametaṃ yathābhūtaṃ sammappaññāya disvā vāyodhātuyā nibbindati vāyodhātuyā cittaṃ virājeti.
‘‘ход̇и ко со, аавусо, самаяо яам̣ б̣аахираа вааяод̇хаад̇у багуббад̇и. саа г̇аамамби вахад̇и, ниг̇амамби вахад̇и, наг̇арамби вахад̇и, ж̇анабад̣̇амби вахад̇и, ж̇анабад̣̇абад̣̇зсамби вахад̇и. ход̇и ко со, аавусо, самаяо яам̣ г̇имхаанам̣ бажчимз маасз д̇аалаван̣дзнаби вид̇хуубанзнаби ваад̇ам̣ бариязсанд̇и, оссаванзби д̇ин̣аани на ижчанд̇и. д̇ассаа хи наама, аавусо, б̣аахирааяа вааяод̇хаад̇уяаа д̇аава махаллигааяа анижжад̇аа бан̃н̃ааяиссад̇и, каяад̇хаммад̇аа бан̃н̃ааяиссад̇и, ваяад̇хаммад̇аа бан̃н̃ааяиссад̇и, вибарин̣аамад̇хаммад̇аа бан̃н̃ааяиссад̇и. гим̣ банимасса мад̇д̇адтагасса гааяасса д̇ан̣хубаад̣̇иннасса ‘аханд̇и ваа маманд̇и ваа асмий’д̇и ваа? ат̇а кваасса нод̇звзд̇т̇а ход̇и.
‘‘Hoti kho so, āvuso, samayo yaṃ bāhirā vāyodhātu pakuppati. Sā gāmampi vahati, nigamampi vahati, nagarampi vahati, janapadampi vahati, janapadapadesampi vahati. Hoti kho so, āvuso, samayo yaṃ gimhānaṃ pacchime māse tālavaṇṭenapi vidhūpanenapi vātaṃ pariyesanti, ossavanepi tiṇāni na icchanti. Tassā hi nāma, āvuso, bāhirāya vāyodhātuyā tāva mahallikāya aniccatā paññāyissati, khayadhammatā paññāyissati, vayadhammatā paññāyissati, vipariṇāmadhammatā paññāyissati. Kiṃ panimassa mattaṭṭhakassa kāyassa taṇhupādinnassa ‘ahanti vā mamanti vā asmī’ti vā? Atha khvāssa notevettha hoti.
‘‘д̇ан̃жз, аавусо, бхигкум̣ барз аггосанд̇и барибхаасанд̇и росзнд̇и вихзсзнд̇и. со звам̣ баж̇аанаад̇и, уббаннаа ко мз аяам̣ сод̇асампассаж̇аа д̣̇угкаа взд̣̇анаа. саа жа ко бадижжа, но абадижжа. гим̣ бадижжа? пассам̣ бадижжа. соби пассо анижжод̇и бассад̇и, взд̣̇анаа анижжаад̇и бассад̇и , сан̃н̃аа анижжаад̇и бассад̇и, сан̇каараа анижжаад̇и бассад̇и, вин̃н̃аан̣ам̣ анижжанд̇и бассад̇и. д̇асса д̇хаад̇аарамман̣амзва жид̇д̇ам̣ багканд̣̇ад̇и басийд̣̇ад̇и санд̇идтад̇и ад̇химужжад̇и.
‘‘Tañce, āvuso, bhikkhuṃ pare akkosanti paribhāsanti rosenti vihesenti. So evaṃ pajānāti, uppannā kho me ayaṃ sotasamphassajā dukkhā vedanā. Sā ca kho paṭicca, no apaṭicca. Kiṃ paṭicca? Phassaṃ paṭicca. Sopi phasso aniccoti passati, vedanā aniccāti passati , saññā aniccāti passati, saṅkhārā aniccāti passati, viññāṇaṃ aniccanti passati. Tassa dhātārammaṇameva cittaṃ pakkhandati pasīdati santiṭṭhati adhimuccati.
‘‘д̇ан̃жз, аавусо, бхигкум̣ барз анидтзхи аганд̇зхи аманаабзхи самуд̣̇аажаранд̇и, баан̣исампассзнаби лзд̣д̣усампассзнаби д̣̇ан̣д̣асампассзнаби сад̇т̇асампассзнаби. со звам̣ баж̇аанаад̇и ‘д̇ат̇аабхууд̇о ко аяам̣ гааяо яат̇аабхууд̇асмим̣ гааяз баан̣исампассааби гаманд̇и, лзд̣д̣усампассааби гаманд̇и, д̣̇ан̣д̣асампассааби гаманд̇и, сад̇т̇асампассааби гаманд̇и. вуд̇д̇ам̣ ко банзд̇ам̣ бхаг̇авад̇аа гагажуубамоваад̣̇з ‘‘убхад̇од̣̇ан̣д̣агзна жзби, бхигкавз, гагажзна жораа ожарагаа ан̇г̇аман̇г̇аани оганд̇зяяум̣. д̇ад̇рааби яо мано бад̣̇уусзяяа, на мз со д̇зна саасанагаро’’д̇и. аарад̣̇д̇хам̣ ко бана мз вийрияам̣ бхависсад̇и асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. гаамам̣ д̣̇аани имасмим̣ гааяз баан̣исампассааби гаманд̇у, лзд̣д̣усампассааби гаманд̇у, д̣̇ан̣д̣асампассааби гаманд̇у, сад̇т̇асампассааби гаманд̇у. гарийяад̇и хид̣̇ам̣ б̣уд̣̇д̇хаанам̣ саасана’нд̇и.
‘‘Tañce, āvuso, bhikkhuṃ pare aniṭṭhehi akantehi amanāpehi samudācaranti, pāṇisamphassenapi leḍḍusamphassenapi daṇḍasamphassenapi satthasamphassenapi. So evaṃ pajānāti ‘tathābhūto kho ayaṃ kāyo yathābhūtasmiṃ kāye pāṇisamphassāpi kamanti, leḍḍusamphassāpi kamanti, daṇḍasamphassāpi kamanti, satthasamphassāpi kamanti. Vuttaṃ kho panetaṃ bhagavatā kakacūpamovāde ‘‘ubhatodaṇḍakena cepi, bhikkhave, kakacena corā ocarakā aṅgamaṅgāni okanteyyuṃ. Tatrāpi yo mano padūseyya, na me so tena sāsanakaro’’ti. Āraddhaṃ kho pana me vīriyaṃ bhavissati asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Kāmaṃ dāni imasmiṃ kāye pāṇisamphassāpi kamantu, leḍḍusamphassāpi kamantu, daṇḍasamphassāpi kamantu, satthasamphassāpi kamantu. Karīyati hidaṃ buddhānaṃ sāsana’nti.
‘‘д̇асса жз, аавусо, бхигкуно звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о убзгкаа гусаланиссид̇аа на сан̣таад̇и. со д̇зна сам̣виж̇ж̇ад̇и сам̣взг̇ам̣ аабаж̇ж̇ад̇и – ‘алаабхаа вад̇а мз, на вад̇а мз лаабхаа, д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣. яасса мз звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о убзгкаа гусаланиссид̇аа на сан̣таад̇ий’д̇и. сзяяат̇ааби, аавусо, сун̣исаа сасурам̣ д̣̇исваа сам̣виж̇ж̇ад̇и сам̣взг̇ам̣ аабаж̇ж̇ад̇и; звамзва ко, аавусо, д̇асса жз бхигкуно звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о, убзгкаа гусаланиссид̇аа на сан̣таад̇и. со д̇зна сам̣виж̇ж̇ад̇и сам̣взг̇ам̣ аабаж̇ж̇ад̇и – ‘алаабхаа вад̇а мз, на вад̇а мз лаабхаа, д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣. яасса мз звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о, убзгкаа гусаланиссид̇аа на сан̣таад̇ий’д̇и. д̇асса жз, аавусо, бхигкуно звам̣ б̣уд̣̇д̇хам̣ ануссарад̇о, звам̣ д̇хаммам̣ ануссарад̇о, звам̣ сан̇гхам̣ ануссарад̇о, убзгкаа гусаланиссид̇аа сан̣таад̇и, со д̇зна ад̇д̇амано ход̇и. зд̇д̇аавад̇ааби ко, аавусо, бхигкуно б̣ахугад̇ам̣ ход̇и.
‘‘Tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā na saṇṭhāti. So tena saṃvijjati saṃvegaṃ āpajjati – ‘alābhā vata me, na vata me lābhā, dulladdhaṃ vata me, na vata me suladdhaṃ. Yassa me evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato upekkhā kusalanissitā na saṇṭhātī’ti. Seyyathāpi, āvuso, suṇisā sasuraṃ disvā saṃvijjati saṃvegaṃ āpajjati; evameva kho, āvuso, tassa ce bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhāti. So tena saṃvijjati saṃvegaṃ āpajjati – ‘alābhā vata me, na vata me lābhā, dulladdhaṃ vata me, na vata me suladdhaṃ. Yassa me evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā na saṇṭhātī’ti. Tassa ce, āvuso, bhikkhuno evaṃ buddhaṃ anussarato, evaṃ dhammaṃ anussarato, evaṃ saṅghaṃ anussarato, upekkhā kusalanissitā saṇṭhāti, so tena attamano hoti. Ettāvatāpi kho, āvuso, bhikkhuno bahukataṃ hoti.
306. ‘‘сзяяат̇ааби, аавусо, гадтан̃жа бадижжа валлин̃жа бадижжа д̇ин̣ан̃жа бадижжа мад̇д̇иган̃жа бадижжа аагаасо бариваарид̇о аг̇аарам̣ д̇взва сан̇кам̣ г̇ажчад̇и; звамзва ко, аавусо, адтин̃жа бадижжа нхаарун̃жа бадижжа мам̣сан̃жа бадижжа жамман̃жа бадижжа аагаасо бариваарид̇о руубам̣ д̇взва сан̇кам̣ г̇ажчад̇и. аж̇жхад̇д̇иган̃жзва, аавусо, жагкум̣ абарибхиннам̣ ход̇и, б̣аахираа жа руубаа на аабаат̇ам̣ ааг̇ажчанд̇и, но жа д̇аж̇ж̇о саманнаахааро ход̇и, нзва д̇аава д̇аж̇ж̇асса вин̃н̃аан̣абхааг̇асса баад̇убхааво ход̇и. аж̇жхад̇д̇иган̃жзва 11, аавусо, жагкум̣ абарибхиннам̣ ход̇и б̣аахираа жа руубаа аабаат̇ам̣ ааг̇ажчанд̇и, но жа д̇аж̇ж̇о саманнаахааро ход̇и, нзва д̇аава д̇аж̇ж̇асса вин̃н̃аан̣абхааг̇асса баад̇убхааво ход̇и. яад̇о жа ко, аавусо, аж̇жхад̇д̇иган̃жзва жагкум̣ абарибхиннам̣ ход̇и, б̣аахираа жа руубаа аабаат̇ам̣ ааг̇ажчанд̇и, д̇аж̇ж̇о жа саманнаахааро ход̇и. звам̣ д̇аж̇ж̇асса вин̃н̃аан̣абхааг̇асса баад̇убхааво ход̇и. яам̣ д̇ат̇аабхууд̇асса руубам̣ д̇ам̣ руубубаад̣̇аанагканд̇хз сан̇г̇ахам̣ г̇ажчад̇и, яаа д̇ат̇аабхууд̇асса взд̣̇анаа саа взд̣̇анубаад̣̇аанагканд̇хз сан̇г̇ахам̣ г̇ажчад̇и, яаа д̇ат̇аабхууд̇асса сан̃н̃аа саа сан̃н̃убаад̣̇аанагканд̇хз сан̇г̇ахам̣ г̇ажчад̇и, яз д̇ат̇аабхууд̇асса сан̇каараа д̇з сан̇каарубаад̣̇аанагканд̇хз сан̇г̇ахам̣ г̇ажчанд̇и, яам̣ д̇ат̇аабхууд̇асса вин̃н̃аан̣ам̣ д̇ам̣ вин̃н̃аан̣убаад̣̇аанагканд̇хз сан̇г̇ахам̣ г̇ажчад̇и.
306. ‘‘Seyyathāpi, āvuso, kaṭṭhañca paṭicca valliñca paṭicca tiṇañca paṭicca mattikañca paṭicca ākāso parivārito agāraṃ tveva saṅkhaṃ gacchati; evameva kho, āvuso, aṭṭhiñca paṭicca nhāruñca paṭicca maṃsañca paṭicca cammañca paṭicca ākāso parivārito rūpaṃ tveva saṅkhaṃ gacchati. Ajjhattikañceva, āvuso, cakkhuṃ aparibhinnaṃ hoti, bāhirā ca rūpā na āpāthaṃ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Ajjhattikañceva 12, āvuso, cakkhuṃ aparibhinnaṃ hoti bāhirā ca rūpā āpāthaṃ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Yato ca kho, āvuso, ajjhattikañceva cakkhuṃ aparibhinnaṃ hoti, bāhirā ca rūpā āpāthaṃ āgacchanti, tajjo ca samannāhāro hoti. Evaṃ tajjassa viññāṇabhāgassa pātubhāvo hoti. Yaṃ tathābhūtassa rūpaṃ taṃ rūpupādānakkhandhe saṅgahaṃ gacchati, yā tathābhūtassa vedanā sā vedanupādānakkhandhe saṅgahaṃ gacchati, yā tathābhūtassa saññā sā saññupādānakkhandhe saṅgahaṃ gacchati, ye tathābhūtassa saṅkhārā te saṅkhārupādānakkhandhe saṅgahaṃ gacchanti, yaṃ tathābhūtassa viññāṇaṃ taṃ viññāṇupādānakkhandhe saṅgahaṃ gacchati.
‘‘со звам̣ баж̇аанаад̇и – ‘зван̃хи гира имзсам̣ бан̃жаннам̣ убаад̣̇аанагканд̇хаанам̣ сан̇г̇ахо саннибаад̇о самавааяо ход̇и. вуд̇д̇ам̣ ко банзд̇ам̣ бхаг̇авад̇аа – ‘яо бадижжасамуббаад̣̇ам̣ бассад̇и со д̇хаммам̣ бассад̇и; яо д̇хаммам̣ бассад̇и со бадижжасамуббаад̣̇ам̣ бассад̇ийд̇и. бадижжасамуббаннаа ко банимз яад̣̇ид̣̇ам̣ бан̃жубаад̣̇аанагканд̇хаа. яо имзсу бан̃жасу убаад̣̇аанагканд̇хзсу чанд̣̇о аалаяо анунаяо аж̇жхосаанам̣ со д̣̇угкасамуд̣̇аяо. яо имзсу бан̃жасу убаад̣̇аанагканд̇хзсу чанд̣̇арааг̇авинаяо чанд̣̇арааг̇аббахаанам̣, со д̣̇угканирод̇хо’д̇и. зд̇д̇аавад̇ааби ко, аавусо, бхигкуно б̣ахугад̇ам̣ ход̇и.
‘‘So evaṃ pajānāti – ‘evañhi kira imesaṃ pañcannaṃ upādānakkhandhānaṃ saṅgaho sannipāto samavāyo hoti. Vuttaṃ kho panetaṃ bhagavatā – ‘yo paṭiccasamuppādaṃ passati so dhammaṃ passati; yo dhammaṃ passati so paṭiccasamuppādaṃ passatīti. Paṭiccasamuppannā kho panime yadidaṃ pañcupādānakkhandhā. Yo imesu pañcasu upādānakkhandhesu chando ālayo anunayo ajjhosānaṃ so dukkhasamudayo. Yo imesu pañcasu upādānakkhandhesu chandarāgavinayo chandarāgappahānaṃ, so dukkhanirodho’ti. Ettāvatāpi kho, āvuso, bhikkhuno bahukataṃ hoti.
‘‘аж̇жхад̇д̇иган̃жзва, аавусо, сод̇ам̣ абарибхиннам̣ ход̇и…бз… гхаанам̣ абарибхиннам̣ ход̇и… ж̇ивхаа абарибхиннаа ход̇и… гааяо абарибхинно ход̇и… мано абарибхинно ход̇и, б̣аахираа жа д̇хаммаа на аабаат̇ам̣ ааг̇ажчанд̇и но жа д̇аж̇ж̇о саманнаахааро ход̇и, нзва д̇аава д̇аж̇ж̇асса вин̃н̃аан̣абхааг̇асса баад̇убхааво ход̇и. аж̇жхад̇д̇иго жзва, аавусо, мано абарибхинно ход̇и, б̣аахираа жа д̇хаммаа аабаат̇ам̣ ааг̇ажчанд̇и, но жа д̇аж̇ж̇о саманнаахааро ход̇и, нзва д̇аава д̇аж̇ж̇асса вин̃н̃аан̣абхааг̇асса баад̇убхааво ход̇и. яад̇о жа ко, аавусо, аж̇жхад̇д̇иго жзва мано абарибхинно ход̇и, б̣аахираа жа д̇хаммаа аабаат̇ам̣ ааг̇ажчанд̇и, д̇аж̇ж̇о жа саманнаахааро ход̇и, звам̣ д̇аж̇ж̇асса вин̃н̃аан̣абхааг̇асса баад̇убхааво ход̇и. яам̣ д̇ат̇аабхууд̇асса руубам̣ д̇ам̣ руубубаад̣̇аанагканд̇хз сан̇г̇ахам̣ г̇ажчад̇и, яаа д̇ат̇аабхууд̇асса взд̣̇анаа саа взд̣̇анубаад̣̇аанагканд̇хз сан̇г̇ахам̣ г̇ажчад̇и, яаа д̇ат̇аабхууд̇асса сан̃н̃аа саа сан̃н̃убаад̣̇аанагканд̇хз сан̇г̇ахам̣ г̇ажчад̇и, яз д̇ат̇аабхууд̇асса сан̇каараа д̇з сан̇каарубаад̣̇аанагканд̇хз сан̇г̇ахам̣ г̇ажчанд̇и, яам̣ д̇ат̇аабхууд̇асса вин̃н̃аан̣ам̣ д̇ам̣ вин̃н̃аан̣убаад̣̇аанагканд̇хз сан̇г̇ахам̣ г̇ажчад̇и. со звам̣ баж̇аанаад̇и – ‘зван̃хи гира имзсам̣ бан̃жаннам̣ убаад̣̇аанагканд̇хаанам̣ сан̇г̇ахо саннибаад̇о самавааяо ход̇и. вуд̇д̇ам̣ ко банзд̇ам̣ бхаг̇авад̇аа – ‘‘яо бадижжасамуббаад̣̇ам̣ бассад̇и со д̇хаммам̣ бассад̇и; яо д̇хаммам̣ бассад̇и со бадижжасамуббаад̣̇ам̣ бассад̇ий’’д̇и. бадижжасамуббаннаа ко банимз яад̣̇ид̣̇ам̣ бан̃жубаад̣̇аанагканд̇хаа. яо имзсу бан̃жасу убаад̣̇аанагканд̇хзсу чанд̣̇о аалаяо анунаяо аж̇жхосаанам̣ со д̣̇угкасамуд̣̇аяо. яо имзсу бан̃жасу убаад̣̇аанагканд̇хзсу чанд̣̇арааг̇авинаяо чанд̣̇арааг̇аббахаанам̣ со д̣̇угканирод̇хо’д̇и. зд̇д̇аавад̇ааби ко, аавусо, бхигкуно б̣ахугад̇ам̣ ход̇ий’’д̇и.
‘‘Ajjhattikañceva, āvuso, sotaṃ aparibhinnaṃ hoti…pe… ghānaṃ aparibhinnaṃ hoti… jivhā aparibhinnā hoti… kāyo aparibhinno hoti… mano aparibhinno hoti, bāhirā ca dhammā na āpāthaṃ āgacchanti no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Ajjhattiko ceva, āvuso, mano aparibhinno hoti, bāhirā ca dhammā āpāthaṃ āgacchanti, no ca tajjo samannāhāro hoti, neva tāva tajjassa viññāṇabhāgassa pātubhāvo hoti. Yato ca kho, āvuso, ajjhattiko ceva mano aparibhinno hoti, bāhirā ca dhammā āpāthaṃ āgacchanti, tajjo ca samannāhāro hoti, evaṃ tajjassa viññāṇabhāgassa pātubhāvo hoti. Yaṃ tathābhūtassa rūpaṃ taṃ rūpupādānakkhandhe saṅgahaṃ gacchati, yā tathābhūtassa vedanā sā vedanupādānakkhandhe saṅgahaṃ gacchati, yā tathābhūtassa saññā sā saññupādānakkhandhe saṅgahaṃ gacchati, ye tathābhūtassa saṅkhārā te saṅkhārupādānakkhandhe saṅgahaṃ gacchanti, yaṃ tathābhūtassa viññāṇaṃ taṃ viññāṇupādānakkhandhe saṅgahaṃ gacchati. So evaṃ pajānāti – ‘evañhi kira imesaṃ pañcannaṃ upādānakkhandhānaṃ saṅgaho sannipāto samavāyo hoti. Vuttaṃ kho panetaṃ bhagavatā – ‘‘yo paṭiccasamuppādaṃ passati so dhammaṃ passati; yo dhammaṃ passati so paṭiccasamuppādaṃ passatī’’ti. Paṭiccasamuppannā kho panime yadidaṃ pañcupādānakkhandhā. Yo imesu pañcasu upādānakkhandhesu chando ālayo anunayo ajjhosānaṃ so dukkhasamudayo. Yo imesu pañcasu upādānakkhandhesu chandarāgavinayo chandarāgappahānaṃ so dukkhanirodho’ti. Ettāvatāpi kho, āvuso, bhikkhuno bahukataṃ hotī’’ti.
ид̣̇амавожа ааяасмаа саарибуд̇д̇о. ад̇д̇аманаа д̇з бхигкуу ааяасмад̇о саарибуд̇д̇асса бхаасид̇ам̣ абхинанд̣̇унд̇и.
Idamavoca āyasmā sāriputto. Attamanā te bhikkhū āyasmato sāriputtassa bhāsitaṃ abhinandunti.
махаахад̇т̇ибад̣̇обамасуд̇д̇ам̣ нидтид̇ам̣ адтамам̣.
Mahāhatthipadopamasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. махаахад̇т̇ибад̣̇обамасуд̇д̇аван̣н̣анаа • 8. Mahāhatthipadopamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. махаахад̇т̇ибад̣̇обамасуд̇д̇аван̣н̣анаа • 8. Mahāhatthipadopamasuttavaṇṇanā
