Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[539] 2. махааж̇анагаж̇аад̇агаван̣н̣анаа

[539] 2. Mahājanakajātakavaṇṇanā

гояам̣ маж̇жхз самуд̣̇д̣̇асминд̇и ид̣̇ам̣ сад̇т̇аа ж̇зд̇аванз вихаранд̇о махаабхинигкаманам̣ аараб̣бха гат̇зси. згад̣̇ивасан̃хи бхигкуу д̇хаммасабхааяам̣ саннисиннаа д̇ат̇ааг̇ад̇асса махаабхинигкаманам̣ ван̣н̣аяанд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа д̇зхи яаажид̇о ад̇ийд̇ам̣ аахари.

Koyaṃ majjhe samuddasminti idaṃ satthā jetavane viharanto mahābhinikkhamanaṃ ārabbha kathesi. Ekadivasañhi bhikkhū dhammasabhāyaṃ sannisinnā tathāgatassa mahābhinikkhamanaṃ vaṇṇayantā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā tehi yācito atītaṃ āhari.

ад̇ийд̇з вид̣̇зхарадтз мит̇илааяам̣ махааж̇анаго наама рааж̇аа раж̇ж̇ам̣ гаарзси. д̇асса д̣̇вз буд̇д̇аа ахзсум̣ аридтаж̇анаго жа болаж̇анаго жаад̇и. д̇зсу рааж̇аа ж̇здтабуд̇д̇асса убараж̇ж̇ам̣ ад̣̇ааси, ганидтасса сзнаабад̇идтаанам̣ ад̣̇ааси. абарабхааг̇з махааж̇анаго гааламагааси. д̇асса сарийрагижжам̣ гад̇ваа ран̃н̃о ажжаязна аридтаж̇анаго рааж̇аа худ̇ваа ид̇арасса убараж̇ж̇ам̣ ад̣̇ааси. д̇ассзго баад̣̇амуулиго амажжо ран̃н̃о санд̇игам̣ г̇анд̇ваа ‘‘д̣̇зва, убарааж̇аа д̇умхз гхаад̇зд̇угаамо’’д̇и ааха. рааж̇аа д̇асса бунаббунам̣ гат̇ам̣ суд̇ваа ганидтасса синзхам̣ бхинд̣̇ид̇ваа болаж̇анагам̣ сан̇калигаахи б̣анд̇хаабзд̇ваа рааж̇анивзсанад̇о авид̣̇уурз згасмим̣ г̇зхз васаабзд̇ваа аарагкам̣ табзси. гумааро ‘‘сажаахам̣ бхаад̇у взриймхи, сан̇калигааби мз хад̇т̇абаад̣̇аа маа мужжанд̇у, д̣̇ваарамби маа виварийяад̇у, сажз но взриймхи, сан̇калигааби мз хад̇т̇абаад̣̇аа мужжанд̇у, д̣̇ваарамби виварийяад̇уу’’д̇и сажжагирияамагааси. д̇аавад̣̇зва сан̇калигааби кан̣д̣аакан̣д̣ам̣ чиж̇ж̇им̣су, д̣̇ваарамби вивадам̣. со нигкамид̇ваа згам̣ бажжанд̇аг̇аамам̣ г̇анд̇ваа ваасам̣ габбзси.

Atīte videharaṭṭhe mithilāyaṃ mahājanako nāma rājā rajjaṃ kāresi. Tassa dve puttā ahesuṃ ariṭṭhajanako ca polajanako cāti. Tesu rājā jeṭṭhaputtassa uparajjaṃ adāsi, kaniṭṭhassa senāpatiṭṭhānaṃ adāsi. Aparabhāge mahājanako kālamakāsi. Tassa sarīrakiccaṃ katvā rañño accayena ariṭṭhajanako rājā hutvā itarassa uparajjaṃ adāsi. Tasseko pādamūliko amacco rañño santikaṃ gantvā ‘‘deva, uparājā tumhe ghātetukāmo’’ti āha. Rājā tassa punappunaṃ kathaṃ sutvā kaniṭṭhassa sinehaṃ bhinditvā polajanakaṃ saṅkhalikāhi bandhāpetvā rājanivesanato avidūre ekasmiṃ gehe vasāpetvā ārakkhaṃ ṭhapesi. Kumāro ‘‘sacāhaṃ bhātu verīmhi, saṅkhalikāpi me hatthapādā mā muccantu, dvārampi mā vivarīyatu, sace no verīmhi, saṅkhalikāpi me hatthapādā muccantu, dvārampi vivarīyatū’’ti saccakiriyamakāsi. Tāvadeva saṅkhalikāpi khaṇḍākhaṇḍaṃ chijjiṃsu, dvārampi vivaṭaṃ. So nikkhamitvā ekaṃ paccantagāmaṃ gantvā vāsaṃ kappesi.

бажжанд̇аг̇аамаваасино д̇ам̣ сан̃ж̇аанид̇ваа убадтахим̣су. рааж̇ааби д̇ам̣ г̇аахаабзд̇ум̣ наасагки. со анубуб̣б̣зна бажжанд̇аж̇анабад̣̇ам̣ хад̇т̇аг̇ад̇ам̣ гад̇ваа махаабаривааро худ̇ваа ‘‘ахам̣ буб̣б̣з бхаад̇у на взрий, ид̣̇аани бана взриймхий’’д̇и махааж̇анабаривуд̇о мит̇илам̣ г̇анд̇ваа б̣ахинаг̇арз канд̇хааваарам̣ гад̇ваа ваасам̣ габбзси. наг̇араваасино яод̇хаа ‘‘гумааро гира ааг̇ад̇о’’д̇и суд̇ваа язбхуяязна хад̇т̇иассавааханаад̣̇ийни г̇ахзд̇ваа д̇ассзва санд̇игам̣ ааг̇амим̣су, ан̃н̃зби нааг̇араа ааг̇амим̣су. со бхаад̇у саасанам̣ бзсзси ‘‘наахам̣ буб̣б̣з д̇умхаагам̣ взрий, ид̣̇аани бана взриймхи, чад̇д̇ам̣ ваа мз д̣̇зт̇а, яуд̣̇д̇хам̣ ваа’’д̇и. рааж̇аа д̇ам̣ суд̇ваа яуд̣̇д̇хам̣ гаад̇ум̣ ижчанд̇о аг̇г̇амахзсим̣ ааманд̇зд̇ваа ‘‘бхад̣̇д̣̇з, яуд̣̇д̇хз ж̇аяабарааж̇аяо наама на саггаа н̃аад̇ум̣, сажз мама анд̇арааяо ход̇и, д̇вам̣ г̇аб̣бхам̣ рагкзяяаасий’’д̇и вад̇ваа махад̇ияаа сзнааяа баривуд̇о наг̇араа нигками.

Paccantagāmavāsino taṃ sañjānitvā upaṭṭhahiṃsu. Rājāpi taṃ gāhāpetuṃ nāsakkhi. So anupubbena paccantajanapadaṃ hatthagataṃ katvā mahāparivāro hutvā ‘‘ahaṃ pubbe bhātu na verī, idāni pana verīmhī’’ti mahājanaparivuto mithilaṃ gantvā bahinagare khandhāvāraṃ katvā vāsaṃ kappesi. Nagaravāsino yodhā ‘‘kumāro kira āgato’’ti sutvā yebhuyyena hatthiassavāhanādīni gahetvā tasseva santikaṃ āgamiṃsu, aññepi nāgarā āgamiṃsu. So bhātu sāsanaṃ pesesi ‘‘nāhaṃ pubbe tumhākaṃ verī, idāni pana verīmhi, chattaṃ vā me detha, yuddhaṃ vā’’ti. Rājā taṃ sutvā yuddhaṃ kātuṃ icchanto aggamahesiṃ āmantetvā ‘‘bhadde, yuddhe jayaparājayo nāma na sakkā ñātuṃ, sace mama antarāyo hoti, tvaṃ gabbhaṃ rakkheyyāsī’’ti vatvā mahatiyā senāya parivuto nagarā nikkhami.

ат̇а нам̣ яуд̣̇д̇хз болаж̇анагасса яод̇хаа ж̇ийвид̇агкаяам̣ баабзсум̣. д̇ад̣̇аа ‘‘рааж̇аа мад̇о’’д̇и сагаланаг̇арз згаголаахалам̣ ж̇аад̇ам̣. д̣̇звийби д̇асса мад̇абхаавам̣ н̃ад̇ваа сийгхам̣ сийгхам̣ суван̣н̣асаараад̣̇ийни г̇ахзд̇ваа бажчияам̣ багкибид̇ваа мад̇т̇агз гилидтабилод̇игам̣ ад̇т̇арид̇ваа убари д̇ан̣д̣улз огирид̇ваа гилидтабилод̇игам̣ ниваасзд̇ваа сарийрам̣ вируубам̣ гад̇ваа бажчим̣ сийсз табзд̇ваа д̣̇иваа д̣̇ивассзва нигками, на гожи нам̣ сан̃ж̇аани. саа уд̇д̇арад̣̇ваарзна нигкамид̇ваа гад̇т̇ажи аг̇ад̇абуб̣б̣ад̇д̇аа маг̇г̇ам̣ аж̇аананд̇ий д̣̇исам̣ вавад̇т̇аабзд̇ум̣ асаггонд̇ий гзвалам̣ ‘‘гаалажамбаанаг̇арам̣ наама ад̇т̇ий’’д̇и суд̇ад̇д̇аа ‘‘гаалажамбаанаг̇арам̣ г̇амигаа наама ад̇т̇ий’’д̇и бужчамаанаа згигаа саалааяам̣ нисийд̣̇и. гужчимхи банассаа ниб̣б̣ад̇д̇асад̇д̇о на яо ваа со ваа, буурид̇абаарамий махаасад̇д̇о ниб̣б̣ад̇д̇и.

Atha naṃ yuddhe polajanakassa yodhā jīvitakkhayaṃ pāpesuṃ. Tadā ‘‘rājā mato’’ti sakalanagare ekakolāhalaṃ jātaṃ. Devīpi tassa matabhāvaṃ ñatvā sīghaṃ sīghaṃ suvaṇṇasārādīni gahetvā pacchiyaṃ pakkhipitvā matthake kiliṭṭhapilotikaṃ attharitvā upari taṇḍule okiritvā kiliṭṭhapilotikaṃ nivāsetvā sarīraṃ virūpaṃ katvā pacchiṃ sīse ṭhapetvā divā divasseva nikkhami, na koci naṃ sañjāni. Sā uttaradvārena nikkhamitvā katthaci agatapubbattā maggaṃ ajānantī disaṃ vavatthāpetuṃ asakkontī kevalaṃ ‘‘kālacampānagaraṃ nāma atthī’’ti sutattā ‘‘kālacampānagaraṃ gamikā nāma atthī’’ti pucchamānā ekikā sālāyaṃ nisīdi. Kucchimhi panassā nibbattasatto na yo vā so vā, pūritapāramī mahāsatto nibbatti.

д̇асса д̇зж̇зна саггасса бхаванам̣ гамби. сагго ааваж̇ж̇знд̇о д̇ам̣ гааран̣ам̣ н̃ад̇ваа ‘‘д̇ассаа гужчияам̣ ниб̣б̣ад̇д̇асад̇д̇о махаабун̃н̃о, маяаа г̇анд̇ум̣ ваддад̇ий’’д̇и жинд̇зд̇ваа бадижчаннаяог̇г̇ам̣ маабзд̇ваа д̇ад̇т̇а ман̃жам̣ бан̃н̃аабзд̇ваа махаллагабурисо вияа яог̇г̇ам̣ бааж̇знд̇о д̇ааяа нисиннасаалааяа д̣̇ваарз тад̇ваа ‘‘гаалажамбаанаг̇арам̣ г̇амигаа наама ад̇т̇ий’’д̇и бужчи. ‘‘ахам̣, д̇аад̇а, г̇амиссаамий’’д̇и. ‘‘д̇зна хи яог̇г̇ам̣ ааруяха нисийд̣̇а, аммаа’’д̇и. ‘‘д̇аад̇а, ахам̣ барибун̣н̣аг̇аб̣бхаа, на саггаа маяаа яог̇г̇ам̣ абхирухид̇ум̣, бажчад̇о бажчад̇о г̇амиссаами, имиссаа бана мз бажчияаа огаасам̣ д̣̇зхий’’д̇и. ‘‘амма, гим̣ вад̣̇зси, яог̇г̇ам̣ бааж̇зд̇ум̣ ж̇аананасамад̇т̇о наама маяаа сад̣̇исо над̇т̇и. амма, маа бхааяи, ааруяха нисийд̣̇аа’’д̇и. саа ‘‘д̇аад̇а, саад̇хуу’’д̇и вад̣̇ад̇и. со д̇ассаа аароханагаалз ад̇д̇ано аанубхаавзна ваад̇абун̣н̣абхасд̇ажаммам̣ вияа бат̇авим̣ уннаамзд̇ваа яог̇г̇асса бажчиманд̇з бахараабзси. саа абхируяха саяанз нибаж̇ж̇ид̇ваава ‘‘аяам̣ д̣̇звад̇аа бхависсад̇ий’’д̇и ан̃н̃ааси. саа д̣̇иб̣б̣асаяанз нибаннамад̇д̇аава нид̣̇д̣̇ам̣ оггами.

Tassa tejena sakkassa bhavanaṃ kampi. Sakko āvajjento taṃ kāraṇaṃ ñatvā ‘‘tassā kucchiyaṃ nibbattasatto mahāpuñño, mayā gantuṃ vaṭṭatī’’ti cintetvā paṭicchannayoggaṃ māpetvā tattha mañcaṃ paññāpetvā mahallakapuriso viya yoggaṃ pājento tāya nisinnasālāya dvāre ṭhatvā ‘‘kālacampānagaraṃ gamikā nāma atthī’’ti pucchi. ‘‘Ahaṃ, tāta, gamissāmī’’ti. ‘‘Tena hi yoggaṃ āruyha nisīda, ammā’’ti. ‘‘Tāta, ahaṃ paripuṇṇagabbhā, na sakkā mayā yoggaṃ abhiruhituṃ, pacchato pacchato gamissāmi, imissā pana me pacchiyā okāsaṃ dehī’’ti. ‘‘Amma, kiṃ vadesi, yoggaṃ pājetuṃ jānanasamattho nāma mayā sadiso natthi. Amma, mā bhāyi, āruyha nisīdā’’ti. Sā ‘‘tāta, sādhū’’ti vadati. So tassā ārohanakāle attano ānubhāvena vātapuṇṇabhastacammaṃ viya pathaviṃ unnāmetvā yoggassa pacchimante paharāpesi. Sā abhiruyha sayane nipajjitvāva ‘‘ayaṃ devatā bhavissatī’’ti aññāsi. Sā dibbasayane nipannamattāva niddaṃ okkami.

ат̇а нам̣ сагго д̇им̣саяож̇анамад̇т̇агз згам̣ над̣̇им̣ бад̇ваа баб̣од̇хзд̇ваа ‘‘амма, од̇арид̇ваа над̣̇ияам̣ нхааяид̇ваа уссийсагз саадагаяуг̇ам̣ ад̇т̇и, д̇ам̣ ниваасзхи, анд̇ояог̇г̇з будабхад̇д̇ам̣ ад̇т̇и, д̇ам̣ бхун̃ж̇аахий’’д̇и ааха. саа д̇ат̇аа гад̇ваа буна нибаж̇ж̇ид̇ваа сааяанхасамаяз гаалажамбаанаг̇арам̣ бад̇ваа д̣̇ваараддаалагабаагаарз д̣̇исваа ‘‘д̇аад̇а, гим̣ наама наг̇арамзд̇а’’нд̇и бужчи. ‘‘гаалажамбаанаг̇арам̣, аммаа’’д̇и. ‘‘гим̣ вад̣̇зси, д̇аад̇а, нану амхаагам̣ наг̇арад̇о гаалажамбаанаг̇арам̣ садтияож̇анамад̇т̇агз ход̇ий’’д̇и? ‘‘звам̣, амма, ахам̣ бана уж̇умаг̇г̇ам̣ ж̇аанаамий’’д̇и. ат̇а нам̣ д̣̇агкин̣ад̣̇ваарасамийбз од̇аарзд̇ваа ‘‘амма, амхаагам̣ г̇аамо бурад̇о ад̇т̇и, д̇вам̣ г̇анд̇ваа наг̇арам̣ бависаахий’’д̇и вад̇ваа бурад̇о г̇анд̇ваа вияа сагго анд̇арад̇хааяид̇ваа сагадтаанамзва г̇ад̇о.

Atha naṃ sakko tiṃsayojanamatthake ekaṃ nadiṃ patvā pabodhetvā ‘‘amma, otaritvā nadiyaṃ nhāyitvā ussīsake sāṭakayugaṃ atthi, taṃ nivāsehi, antoyogge puṭabhattaṃ atthi, taṃ bhuñjāhī’’ti āha. Sā tathā katvā puna nipajjitvā sāyanhasamaye kālacampānagaraṃ patvā dvāraṭṭālakapākāre disvā ‘‘tāta, kiṃ nāma nagarameta’’nti pucchi. ‘‘Kālacampānagaraṃ, ammā’’ti. ‘‘Kiṃ vadesi, tāta, nanu amhākaṃ nagarato kālacampānagaraṃ saṭṭhiyojanamatthake hotī’’ti? ‘‘Evaṃ, amma, ahaṃ pana ujumaggaṃ jānāmī’’ti. Atha naṃ dakkhiṇadvārasamīpe otāretvā ‘‘amma, amhākaṃ gāmo purato atthi, tvaṃ gantvā nagaraṃ pavisāhī’’ti vatvā purato gantvā viya sakko antaradhāyitvā sakaṭṭhānameva gato.

д̣̇звийби згигаава саалааяам̣ нисийд̣̇и. д̇асмим̣ кан̣з зго д̣̇исаабаамогко аажарияо гаалажамбаанаг̇араваасий манд̇аж̇жхааяаго б̣раахман̣о бан̃жахи маан̣авагасад̇зхи баривуд̇о нхаанад̇т̇ааяа г̇ажчанд̇о д̣̇уурад̇ова ологзд̇ваа д̇ам̣ абхируубам̣ собхаг̇г̇аббад̇д̇ам̣ д̇ад̇т̇а нисиннам̣ д̣̇исваа д̇ассаа гужчияам̣ махаасад̇д̇ассаанубхаавзна саха д̣̇ассанзнзва ганидтабхаг̇инисинзхам̣ уббаад̣̇зд̇ваа маан̣авагз б̣ахи табзд̇ваа згагова саалам̣ бависид̇ваа ‘‘бхаг̇ини, гад̇араг̇аамаваасигаа д̇ва’’нд̇и бужчи. ‘‘д̇аад̇а, мит̇илааяам̣ аридтаж̇анагаран̃н̃о аг̇г̇амахзсиймхий’’д̇и. ‘‘амма, ид̇ха гасмаа ааг̇ад̇аасий’’д̇и? ‘‘д̇аад̇а, болаж̇анагзна рааж̇аа маарид̇о, ат̇аахам̣ бхийд̇аа ‘г̇аб̣бхам̣ анурагкиссаамий’д̇и ааг̇ад̇аа’’д̇и. ‘‘амма, имасмим̣ бана д̇з наг̇арз гожи н̃аад̇аго ад̇т̇ий’’д̇и? ‘‘над̇т̇и, д̇аад̇аа’’д̇и. д̇зна хи маа жинд̇аяи, ахам̣ уд̣̇ижжаб̣раахман̣о махаасаало д̣̇исаабаамогкааажарияо, ахам̣ д̇ам̣ бхаг̇инидтаанз табзд̇ваа бадиж̇аг̇г̇иссаами, д̇вам̣ ‘‘бхаад̇игаа’’д̇и мам̣ вад̇ваа баад̣̇зсу г̇ахзд̇ваа барид̣̇зваад̇и. саа махаасад̣̇д̣̇ам̣ гад̇ваа д̇асса баад̣̇зсу г̇ахзд̇ваа барид̣̇зви. д̇з д̣̇взби ан̃н̃аман̃н̃ам̣ барид̣̇звим̣су.

Devīpi ekikāva sālāyaṃ nisīdi. Tasmiṃ khaṇe eko disāpāmokkho ācariyo kālacampānagaravāsī mantajjhāyako brāhmaṇo pañcahi māṇavakasatehi parivuto nhānatthāya gacchanto dūratova oloketvā taṃ abhirūpaṃ sobhaggappattaṃ tattha nisinnaṃ disvā tassā kucchiyaṃ mahāsattassānubhāvena saha dassaneneva kaniṭṭhabhaginisinehaṃ uppādetvā māṇavake bahi ṭhapetvā ekakova sālaṃ pavisitvā ‘‘bhagini, kataragāmavāsikā tva’’nti pucchi. ‘‘Tāta, mithilāyaṃ ariṭṭhajanakarañño aggamahesīmhī’’ti. ‘‘Amma, idha kasmā āgatāsī’’ti? ‘‘Tāta, polajanakena rājā mārito, athāhaṃ bhītā ‘gabbhaṃ anurakkhissāmī’ti āgatā’’ti. ‘‘Amma, imasmiṃ pana te nagare koci ñātako atthī’’ti? ‘‘Natthi, tātā’’ti. Tena hi mā cintayi, ahaṃ udiccabrāhmaṇo mahāsālo disāpāmokkhaācariyo, ahaṃ taṃ bhaginiṭṭhāne ṭhapetvā paṭijaggissāmi, tvaṃ ‘‘bhātikā’’ti maṃ vatvā pādesu gahetvā paridevāti. Sā mahāsaddaṃ katvā tassa pādesu gahetvā paridevi. Te dvepi aññamaññaṃ parideviṃsu.

ат̇асса анд̇зваасигаа махаасад̣̇д̣̇ам̣ суд̇ваа киббам̣ убад̇хаавид̇ваа ‘‘аажарияа, гим̣ д̇з ход̇ий’’д̇и бужчим̣су. со ааха – ‘‘ганидтабхаг̇иний мз зсаа, асугагаалз наама маяаа винаа ж̇аад̇аа’’д̇и. ат̇а маан̣аваа ‘‘д̇ава бхаг̇иним̣ д̣̇идтагаалад̇о бадтааяа маа жинд̇аяид̇т̇а аажарияаа’’д̇и аахам̣су. со маан̣авз бадижчаннаяог̇г̇ам̣ аахараабзд̇ваа д̇ам̣ д̇ад̇т̇а нисийд̣̇аабзд̇ваа ‘‘д̇аад̇аа, во г̇анд̇ваа б̣раахман̣ияаа мама ганидтабхаг̇инибхаавам̣ гат̇зд̇ваа саб̣б̣агижжаани гаад̇ум̣ вад̣̇зт̇аа’’д̇и вад̇ваа г̇зхам̣ бзсзси. д̇з г̇анд̇ваа б̣раахман̣ияаа гат̇зсум̣. ат̇а нам̣ б̣раахман̣ийби ун̣ход̣̇агзна нхаабзд̇ваа саяанам̣ бан̃н̃аабзд̇ваа нибаж̇ж̇аабзси. ат̇а б̣раахман̣оби нхаад̇ваа ааг̇ад̇о бхож̇анагаалз ‘‘бхаг̇иним̣ мз баггосат̇аа’’д̇и баггосаабзд̇ваа д̇ааяа сад̣̇д̇хим̣ згад̇о бхун̃ж̇ид̇ваа анд̇онивзсанзязва д̇ам̣ бадиж̇аг̇г̇и.

Athassa antevāsikā mahāsaddaṃ sutvā khippaṃ upadhāvitvā ‘‘ācariya, kiṃ te hotī’’ti pucchiṃsu. So āha – ‘‘kaniṭṭhabhaginī me esā, asukakāle nāma mayā vinā jātā’’ti. Atha māṇavā ‘‘tava bhaginiṃ diṭṭhakālato paṭṭhāya mā cintayittha ācariyā’’ti āhaṃsu. So māṇave paṭicchannayoggaṃ āharāpetvā taṃ tattha nisīdāpetvā ‘‘tātā, vo gantvā brāhmaṇiyā mama kaniṭṭhabhaginibhāvaṃ kathetvā sabbakiccāni kātuṃ vadethā’’ti vatvā gehaṃ pesesi. Te gantvā brāhmaṇiyā kathesuṃ. Atha naṃ brāhmaṇīpi uṇhodakena nhāpetvā sayanaṃ paññāpetvā nipajjāpesi. Atha brāhmaṇopi nhātvā āgato bhojanakāle ‘‘bhaginiṃ me pakkosathā’’ti pakkosāpetvā tāya saddhiṃ ekato bhuñjitvā antonivesaneyeva taṃ paṭijaggi.

саа на жирассзва суван̣н̣аван̣н̣ам̣ буд̇д̇ам̣ виж̇ааяи, ‘‘махааж̇анагагумааро’’д̇исса аяяагасанд̇агам̣ наамамагааси. со вад̣дхамаано д̣̇аарагзхи сад̣̇д̇хим̣ гийл̣анд̇о яз д̇ам̣ росзнд̇и, д̇з асамбхиннакад̇д̇ияагулз ж̇аад̇ад̇д̇аа махааб̣алавад̇ааяа жзва маанат̇ад̣̇д̇хад̇ааяа жа д̣̇ал̣хам̣ г̇ахзд̇ваа бахарад̇и. д̇ад̣̇аа д̇з махаасад̣̇д̣̇зна род̣̇анд̇аа ‘‘гзна бахадаа’’д̇и вуд̇д̇з ‘‘вид̇хаваабуд̇д̇знаа’’д̇и вад̣̇анд̇и. ат̇а гумааро жинд̇зси ‘‘имз мам̣ ‘вид̇хаваабуд̇д̇о’д̇и абхин̣хам̣ вад̣̇анд̇и, ход̇у, мама маад̇арам̣ бужчиссаамий’’д̇и. со згад̣̇ивасам̣ маад̇арам̣ бужчи ‘‘амма, го маяхам̣ бид̇аа’’д̇и? ат̇а нам̣ маад̇аа ‘‘д̇аад̇а, б̣раахман̣о д̇з бид̇аа’’д̇и ван̃жзси. со бунад̣̇ивасзби д̣̇аарагз бахаранд̇о ‘‘вид̇хаваабуд̇д̇о’’д̇и вуд̇д̇з ‘‘нану б̣раахман̣о мз бид̇аа’’д̇и вад̇ваа ‘‘б̣раахман̣о гим̣ д̇з ход̇ий’’д̇и вуд̇д̇з жинд̇зси ‘‘имз мам̣, б̣раахман̣о д̇з гим̣ ход̇ий’д̇и абхин̣хам̣ вад̣̇анд̇и, маад̇аа мз ид̣̇ам̣ гааран̣ам̣ яат̇аабхууд̇ам̣ на гат̇зси, саа ад̇д̇ано манзна мз на гат̇зссад̇и, ход̇у, гат̇аабзссаами на’’нд̇и. со т̇ан̃н̃ам̣ биванд̇о т̇анам̣ д̣̇анд̇зхи д̣ам̣сид̇ваа ‘‘амма, мз бид̇арам̣ гат̇зхи, сажз на гат̇зссаси, т̇анам̣ д̇з чинд̣̇иссаамий’’д̇и ааха. саа буд̇д̇ам̣ ван̃жзд̇ум̣ асаггонд̇ий ‘‘д̇аад̇а, д̇вам̣ мит̇илааяам̣ аридтаж̇анагаран̃н̃о буд̇д̇о, бид̇аа д̇з болаж̇анагзна маарид̇о, ахам̣ д̇ам̣ анурагканд̇ий имам̣ наг̇арам̣ ааг̇ад̇аа, аяам̣ б̣раахман̣о мам̣ бхаг̇инидтаанз табзд̇ваа бадиж̇аг̇г̇ад̇ий’’д̇и гат̇зси. со д̇ам̣ суд̇ваа д̇ад̇о бадтааяа ‘‘вид̇хаваабуд̇д̇о’’д̇и вуд̇д̇зби на гуж̇жхи.

Sā na cirasseva suvaṇṇavaṇṇaṃ puttaṃ vijāyi, ‘‘mahājanakakumāro’’tissa ayyakasantakaṃ nāmamakāsi. So vaḍḍhamāno dārakehi saddhiṃ kīḷanto ye taṃ rosenti, te asambhinnakhattiyakule jātattā mahābalavatāya ceva mānathaddhatāya ca daḷhaṃ gahetvā paharati. Tadā te mahāsaddena rodantā ‘‘kena pahaṭā’’ti vutte ‘‘vidhavāputtenā’’ti vadanti. Atha kumāro cintesi ‘‘ime maṃ ‘vidhavāputto’ti abhiṇhaṃ vadanti, hotu, mama mātaraṃ pucchissāmī’’ti. So ekadivasaṃ mātaraṃ pucchi ‘‘amma, ko mayhaṃ pitā’’ti? Atha naṃ mātā ‘‘tāta, brāhmaṇo te pitā’’ti vañcesi. So punadivasepi dārake paharanto ‘‘vidhavāputto’’ti vutte ‘‘nanu brāhmaṇo me pitā’’ti vatvā ‘‘brāhmaṇo kiṃ te hotī’’ti vutte cintesi ‘‘ime maṃ, brāhmaṇo te kiṃ hotī’ti abhiṇhaṃ vadanti, mātā me idaṃ kāraṇaṃ yathābhūtaṃ na kathesi, sā attano manena me na kathessati, hotu, kathāpessāmi na’’nti. So thaññaṃ pivanto thanaṃ dantehi ḍaṃsitvā ‘‘amma, me pitaraṃ kathehi, sace na kathessasi, thanaṃ te chindissāmī’’ti āha. Sā puttaṃ vañcetuṃ asakkontī ‘‘tāta, tvaṃ mithilāyaṃ ariṭṭhajanakarañño putto, pitā te polajanakena mārito, ahaṃ taṃ anurakkhantī imaṃ nagaraṃ āgatā, ayaṃ brāhmaṇo maṃ bhaginiṭṭhāne ṭhapetvā paṭijaggatī’’ti kathesi. So taṃ sutvā tato paṭṭhāya ‘‘vidhavāputto’’ti vuttepi na kujjhi.

со сол̣асавассаб̣бханд̇арзязва д̇аяо взд̣̇з жа саб̣б̣асиббаани жа уг̇г̇ан̣хи , сол̣асавассигагаалз бана уд̇д̇амаруубад̇харо ахоси. ат̇а со ‘‘бид̇у санд̇агам̣ раж̇ж̇ам̣ г̇ан̣хиссаамий’’д̇и жинд̇зд̇ваа маад̇арам̣ бужчи ‘‘амма, гин̃жи д̇ханам̣ д̇з хад̇т̇з ад̇т̇и, уд̣̇ааху но, ахам̣ вохаарам̣ гад̇ваа д̇ханам̣ уббаад̣̇зд̇ваа бид̇у санд̇агам̣ раж̇ж̇ам̣ г̇ан̣хиссаамий’’д̇и. ат̇а нам̣ маад̇аа ааха – ‘‘д̇аад̇а, наахам̣ д̇ужчахад̇т̇аа ааг̇ад̇аа, д̇аяо мз хад̇т̇з д̇ханасаараа ад̇т̇и, муд̇д̇асааро, ман̣исааро, важ̇ирасаарод̇и, д̇зсу згзго раж̇ж̇аг̇г̇ахан̣аббамаан̣о, д̇ам̣ г̇ахзд̇ваа раж̇ж̇ам̣ г̇ан̣ха, маа вохаарам̣ гарий’’д̇и. ‘‘амма, ид̣̇амби д̇ханам̣ маяхамзва убад̣дхам̣ гад̇ваа д̣̇зхи, д̇ам̣ бана г̇ахзд̇ваа суван̣н̣абхуумим̣ г̇анд̇ваа б̣ахум̣ д̇ханам̣ аахарид̇ваа раж̇ж̇ам̣ г̇ан̣хиссаамий’’д̇и. со убад̣дхам̣ аахараабзд̇ваа бхан̣д̣игам̣ гад̇ваа суван̣н̣абхуумим̣ г̇амигзхи ваан̣иж̇зхи сад̣̇д̇хим̣ наавааяа бхан̣д̣ам̣ ааробзд̇ваа буна нивад̇д̇ид̇ваа маад̇арам̣ ванд̣̇ид̇ваа ‘‘амма, ахам̣ суван̣н̣абхуумим̣ г̇амиссаамий’’д̇и ааха. ат̇а нам̣ маад̇аа ааха – ‘‘д̇аад̇а, самуд̣̇д̣̇о наама аббасид̣̇д̇хиго б̣ахуанд̇арааяо, маа г̇ажча, раж̇ж̇аг̇г̇ахан̣ааяа д̇з д̇ханам̣ б̣ахуу’’д̇и. со ‘‘г̇ажчиссаамзва аммаа’’д̇и маад̇арам̣ ванд̣̇ид̇ваа г̇зхаа нигкамма наавам̣ абхирухи.

So soḷasavassabbhantareyeva tayo vede ca sabbasippāni ca uggaṇhi , soḷasavassikakāle pana uttamarūpadharo ahosi. Atha so ‘‘pitu santakaṃ rajjaṃ gaṇhissāmī’’ti cintetvā mātaraṃ pucchi ‘‘amma, kiñci dhanaṃ te hatthe atthi, udāhu no, ahaṃ vohāraṃ katvā dhanaṃ uppādetvā pitu santakaṃ rajjaṃ gaṇhissāmī’’ti. Atha naṃ mātā āha – ‘‘tāta, nāhaṃ tucchahatthā āgatā, tayo me hatthe dhanasārā atthi, muttasāro, maṇisāro, vajirasāroti, tesu ekeko rajjaggahaṇappamāṇo, taṃ gahetvā rajjaṃ gaṇha, mā vohāraṃ karī’’ti. ‘‘Amma, idampi dhanaṃ mayhameva upaḍḍhaṃ katvā dehi, taṃ pana gahetvā suvaṇṇabhūmiṃ gantvā bahuṃ dhanaṃ āharitvā rajjaṃ gaṇhissāmī’’ti. So upaḍḍhaṃ āharāpetvā bhaṇḍikaṃ katvā suvaṇṇabhūmiṃ gamikehi vāṇijehi saddhiṃ nāvāya bhaṇḍaṃ āropetvā puna nivattitvā mātaraṃ vanditvā ‘‘amma, ahaṃ suvaṇṇabhūmiṃ gamissāmī’’ti āha. Atha naṃ mātā āha – ‘‘tāta, samuddo nāma appasiddhiko bahuantarāyo, mā gaccha, rajjaggahaṇāya te dhanaṃ bahū’’ti. So ‘‘gacchissāmeva ammā’’ti mātaraṃ vanditvā gehā nikkhamma nāvaṃ abhiruhi.

д̇ам̣ д̣̇ивасамзва болаж̇анагасса сарийрз рог̇о уббаж̇ж̇и, анудтаанасзяяам̣ саяи. д̇ад̣̇аа сад̇д̇а ж̇ан̇гхасад̇аани наавам̣ абхирухим̣су. нааваа сад̇д̇ад̣̇ивасзхи сад̇д̇а яож̇анасад̇аани г̇ад̇аа. саа ад̇ижан̣д̣авзг̇зна г̇анд̇ваа ад̇д̇аанам̣ вахид̇ум̣ наасагки, палагаани бхиннаани, д̇ад̇о д̇ад̇о уд̣̇агам̣ уг̇г̇ад̇ам̣, нааваа самуд̣̇д̣̇амаж̇жхз нимуг̇г̇аа. махааж̇анаа род̣̇анд̇и барид̣̇званд̇и, наанаад̣̇звад̇ааяо намассанд̇и. махаасад̇д̇о бана нзва род̣̇ад̇и на барид̣̇звад̇и, на д̣̇звад̇ааяо намассад̇и, наавааяа бана нимуж̇ж̇анабхаавам̣ н̃ад̇ваа саббинаа сагкарам̣ омад̣̇д̣̇ид̇ваа гужчибуурам̣ каад̣̇ид̇ваа д̣̇вз мадтагасаадагз д̇злзна д̇змзд̇ваа д̣̇ал̣хам̣ ниваасзд̇ваа гуубагам̣ ниссааяа тид̇о наавааяа нимуж̇ж̇анасамаяз гуубагам̣ абхирухи. махааж̇анаа мажчагажчабабхагкаа ж̇аад̇аа, саманд̇аа уд̣̇агам̣ ад̣дхуусабхамад̇д̇ам̣ лохид̇ам̣ ахоси. махаасад̇д̇о гуубагамад̇т̇агз тид̇ова ‘‘имааяа наама д̣̇исааяа мит̇иланаг̇ара’’нд̇и д̣̇исам̣ вавад̇т̇абзд̇ваа гуубагамад̇т̇агаа уббад̇ид̇ваа мажчагажчабз ад̇иггамма махааб̣алавад̇ааяа усабхамад̇т̇агз бад̇и. д̇ам̣ д̣̇ивасамзва болаж̇анаго гааламагааси. д̇ад̇о бадтааяа махаасад̇д̇о ман̣иван̣н̣аасу уумийсу баривад̇д̇анд̇о суван̣н̣агканд̇хо вияа самуд̣̇д̣̇ам̣ д̇арад̇и. со яат̇аа згад̣̇ивасам̣, звам̣ сад̇д̇аахам̣ д̇арад̇и, ‘‘ид̣̇аани бун̣н̣амийд̣̇ивасо’’д̇и взлам̣ бана ологзд̇ваа лон̣од̣̇агзна мукам̣ вигкаалзд̇ваа убосат̇иго ход̇и.

Taṃ divasameva polajanakassa sarīre rogo uppajji, anuṭṭhānaseyyaṃ sayi. Tadā satta jaṅghasatāni nāvaṃ abhiruhiṃsu. Nāvā sattadivasehi satta yojanasatāni gatā. Sā aticaṇḍavegena gantvā attānaṃ vahituṃ nāsakkhi, phalakāni bhinnāni, tato tato udakaṃ uggataṃ, nāvā samuddamajjhe nimuggā. Mahājanā rodanti paridevanti, nānādevatāyo namassanti. Mahāsatto pana neva rodati na paridevati, na devatāyo namassati, nāvāya pana nimujjanabhāvaṃ ñatvā sappinā sakkharaṃ omadditvā kucchipūraṃ khāditvā dve maṭṭhakasāṭake telena temetvā daḷhaṃ nivāsetvā kūpakaṃ nissāya ṭhito nāvāya nimujjanasamaye kūpakaṃ abhiruhi. Mahājanā macchakacchapabhakkhā jātā, samantā udakaṃ aḍḍhūsabhamattaṃ lohitaṃ ahosi. Mahāsatto kūpakamatthake ṭhitova ‘‘imāya nāma disāya mithilanagara’’nti disaṃ vavatthapetvā kūpakamatthakā uppatitvā macchakacchape atikkamma mahābalavatāya usabhamatthake pati. Taṃ divasameva polajanako kālamakāsi. Tato paṭṭhāya mahāsatto maṇivaṇṇāsu ūmīsu parivattanto suvaṇṇakkhandho viya samuddaṃ tarati. So yathā ekadivasaṃ, evaṃ sattāhaṃ tarati, ‘‘idāni puṇṇamīdivaso’’ti velaṃ pana oloketvā loṇodakena mukhaṃ vikkhāletvā uposathiko hoti.

д̇ад̣̇аа жа ‘‘яз маад̇убадтаанаад̣̇иг̇ун̣аяуд̇д̇аа самуд̣̇д̣̇з марид̇ум̣ ананужчавигаа сад̇д̇аа, д̇з уд̣̇д̇хаарзхий’’д̇и жад̇уухи логабаалзхи ман̣имзкалаа наама д̣̇звад̇хийд̇аа самуд̣̇д̣̇арагкигаа табид̇аа ход̇и. саа сад̇д̇а д̣̇ивасаани самуд̣̇д̣̇ам̣ на ологзси, д̣̇иб̣б̣асамбад̇д̇им̣ анубхаванд̇ияаа гирассаа сад̇и бамудтаа. ‘‘д̣̇звасамааг̇амам̣ г̇ад̇аа’’д̇иби вад̣̇анд̇и. ат̇а саа ‘‘аж̇ж̇а мз сад̇д̇амо д̣̇ивасо самуд̣̇д̣̇ам̣ анологзнд̇ияаа, гаа ну ко бавад̇д̇ий’’д̇и ологзнд̇ий махаасад̇д̇ам̣ д̣̇исваа ‘‘сажз махааж̇анагагумааро самуд̣̇д̣̇з нассисса, д̣̇звасамааг̇амабавзсанам̣ на лабхисса’’нд̇и жинд̇зд̇ваа махаасад̇д̇асса авид̣̇уурз алан̇гад̇зна сарийрзна аагаасз тад̇ваа махаасад̇д̇ам̣ виймам̣самаанаа батамам̣ г̇аат̇амааха –

Tadā ca ‘‘ye mātupaṭṭhānādiguṇayuttā samudde marituṃ ananucchavikā sattā, te uddhārehī’’ti catūhi lokapālehi maṇimekhalā nāma devadhītā samuddarakkhikā ṭhapitā hoti. Sā satta divasāni samuddaṃ na olokesi, dibbasampattiṃ anubhavantiyā kirassā sati pamuṭṭhā. ‘‘Devasamāgamaṃ gatā’’tipi vadanti. Atha sā ‘‘ajja me sattamo divaso samuddaṃ anolokentiyā, kā nu kho pavattī’’ti olokentī mahāsattaṃ disvā ‘‘sace mahājanakakumāro samudde nassissa, devasamāgamapavesanaṃ na labhissa’’nti cintetvā mahāsattassa avidūre alaṅkatena sarīrena ākāse ṭhatvā mahāsattaṃ vīmaṃsamānā paṭhamaṃ gāthamāha –

123.

‘‘гояам̣ маж̇жхз самуд̣̇д̣̇асмим̣, абассам̣ д̇ийрамааяухз;

‘‘Koyaṃ majjhe samuddasmiṃ, apassaṃ tīramāyuhe;

гам̣ д̇вам̣ ад̇т̇авасам̣ н̃ад̇ваа, звам̣ вааяамасз бхуса’’нд̇и.

Kaṃ tvaṃ atthavasaṃ ñatvā, evaṃ vāyamase bhusa’’nti.

д̇ад̇т̇а абассам̣ д̇ийрамааяухзд̇и д̇ийрам̣ абассанд̇ова ааяуухад̇и вийрияам̣ гарод̇и.

Tattha apassaṃ tīramāyuheti tīraṃ apassantova āyūhati vīriyaṃ karoti.

ат̇а махаасад̇д̇о д̇ассаа важанам̣ суд̇ваа ‘‘аж̇ж̇а мз сад̇д̇амо д̣̇ивасо самуд̣̇д̣̇ам̣ д̇аранд̇асса, на мз д̣̇уд̇ияо сад̇д̇о д̣̇идтабуб̣б̣о, го ну мам̣ вад̣̇ад̇ий’’д̇и аагаасам̣ ологзнд̇о д̇ам̣ д̣̇исваа д̣̇уд̇ияам̣ г̇аат̇амааха –

Atha mahāsatto tassā vacanaṃ sutvā ‘‘ajja me sattamo divaso samuddaṃ tarantassa, na me dutiyo satto diṭṭhapubbo, ko nu maṃ vadatī’’ti ākāsaṃ olokento taṃ disvā dutiyaṃ gāthamāha –

124.

‘‘нисамма вад̇д̇ам̣ логасса, вааяаамасса жа д̣̇звад̇з;

‘‘Nisamma vattaṃ lokassa, vāyāmassa ca devate;

д̇асмаа маж̇жхз самуд̣̇д̣̇асмим̣, абассам̣ д̇ийрамааяухз’’д̇и.

Tasmā majjhe samuddasmiṃ, apassaṃ tīramāyuhe’’ti.

д̇ад̇т̇а нисамма вад̇д̇ам̣ логассаад̇и ахам̣ логасса вад̇д̇агирияам̣ д̣̇исваа убад̇хаарзд̇ваа вихараамийд̇и ад̇т̇о. вааяаамасса жаад̇и вааяаамасса жа аанисам̣сам̣ нисаамзд̇ваа вихараамийд̇и д̣̇ийбзд̇и. д̇асмаад̇и яасмаа нисамма вихараами, ‘‘бурисагааро наама на нассад̇и, сукз бад̇идтаабзд̇ий’’д̇и ж̇аанаами, д̇асмаа д̇ийрам̣ абассанд̇оби ааяуухаами вийрияам̣ гароми, на угган̣таамийд̇и.

Tattha nisamma vattaṃ lokassāti ahaṃ lokassa vattakiriyaṃ disvā upadhāretvā viharāmīti attho. Vāyāmassa cāti vāyāmassa ca ānisaṃsaṃ nisāmetvā viharāmīti dīpeti. Tasmāti yasmā nisamma viharāmi, ‘‘purisakāro nāma na nassati, sukhe patiṭṭhāpetī’’ti jānāmi, tasmā tīraṃ apassantopi āyūhāmi vīriyaṃ karomi, na ukkaṇṭhāmīti.

саа д̇асса д̇хаммагат̇ам̣ суд̇ваа уд̇д̇ари сод̇угаамаа худ̇ваа буна г̇аат̇амааха –

Sā tassa dhammakathaṃ sutvā uttari sotukāmā hutvā puna gāthamāha –

125.

‘‘г̇амбхийрз аббамзяяасмим̣, д̇ийрам̣ яасса на д̣̇иссад̇и;

‘‘Gambhīre appameyyasmiṃ, tīraṃ yassa na dissati;

могхо д̇з бурисавааяаамо, аббад̇ваава мариссасий’’д̇и.

Mogho te purisavāyāmo, appatvāva marissasī’’ti.

д̇ад̇т̇а аббад̇ваад̇и д̇ийрам̣ аббад̇вааязва.

Tattha appatvāti tīraṃ appatvāyeva.

ат̇а нам̣ махаасад̇д̇о ‘‘д̣̇звад̇з, гим̣ наамзд̇ам̣ гат̇зси, вааяаамам̣ гад̇ваа маранд̇оби г̇арахад̇о мужжиссаамий’’д̇и вад̇ваа г̇аат̇амааха –

Atha naṃ mahāsatto ‘‘devate, kiṃ nāmetaṃ kathesi, vāyāmaṃ katvā marantopi garahato muccissāmī’’ti vatvā gāthamāha –

126.

‘‘анан̣о н̃аад̇инам̣ ход̇и, д̣̇зваанам̣ бид̇унан̃жа со;

‘‘Anaṇo ñātinaṃ hoti, devānaṃ pitunañca so;

гарам̣ бурисагижжаани, на жа бажчаануд̇аббад̇ий’’д̇и.

Karaṃ purisakiccāni, na ca pacchānutappatī’’ti.

д̇ад̇т̇а анан̣од̇и вааяаамам̣ гаронд̇о н̃аад̇ийнан̃жзва д̣̇звад̇аанан̃жа б̣рахмаанан̃жа анд̇арз анан̣о ход̇и аг̇арахид̇о анинд̣̇ид̇о. гарам̣ бурисагижжаанийд̇и яат̇аа со буг̇г̇ало бурисзхи гад̇д̇аб̣б̣аани гаммаани гарам̣ бажчаагаалз на жа ануд̇аббад̇и, яат̇аа наанусожад̇и, зваахамби вийрияам̣ гаронд̇о бажчаагаалз наануд̇аббаами наанусожаамийд̇и ад̇т̇о.

Tattha anaṇoti vāyāmaṃ karonto ñātīnañceva devatānañca brahmānañca antare anaṇo hoti agarahito anindito. Karaṃ purisakiccānīti yathā so puggalo purisehi kattabbāni kammāni karaṃ pacchākāle na ca anutappati, yathā nānusocati, evāhampi vīriyaṃ karonto pacchākāle nānutappāmi nānusocāmīti attho.

ат̇а нам̣ д̣̇звад̇хийд̇аа г̇аат̇амааха –

Atha naṃ devadhītā gāthamāha –

127.

‘‘абааранзяяам̣ яам̣ гаммам̣, апалам̣ гиламат̇уд̣̇д̣̇аяам̣;

‘‘Apāraneyyaṃ yaṃ kammaṃ, aphalaṃ kilamathuddayaṃ;

д̇ад̇т̇а го вааяаамзнад̇т̇о, мажжу яассаабхиниббад̇а’’нд̇и.

Tattha ko vāyāmenattho, maccu yassābhinippata’’nti.

д̇ад̇т̇а абааранзяяанд̇и вааяаамзна мад̇т̇агам̣ абаабзд̇аб̣б̣ам̣. мажжу яассаабхиниббад̇анд̇и яасса адтаанз вааяаамагаран̣асса маран̣амзва нибпаннам̣, д̇ад̇т̇а го вааяаамзнад̇т̇од̇и.

Tattha apāraneyyanti vāyāmena matthakaṃ apāpetabbaṃ. Maccu yassābhinippatanti yassa aṭṭhāne vāyāmakaraṇassa maraṇameva nipphannaṃ, tattha ko vāyāmenatthoti.

звам̣ д̣̇звад̇хийд̇ааяа вуд̇д̇з д̇ам̣ аббадибхаанам̣ гаронд̇о махаасад̇д̇о уд̇д̇ари г̇аат̇аа ааха –

Evaṃ devadhītāya vutte taṃ appaṭibhānaṃ karonto mahāsatto uttari gāthā āha –

128.

‘‘абааранзяяамажжанд̇ам̣ , яо вид̣̇ид̇ваана д̣̇звад̇з;

‘‘Apāraneyyamaccantaṃ , yo viditvāna devate;

на рагкз ад̇д̇ано баан̣ам̣, ж̇ан̃н̃аа со яад̣̇и хаабаяз.

Na rakkhe attano pāṇaṃ, jaññā so yadi hāpaye.

129.

‘‘ад̇хиббааяапалам̣ згз, асмим̣ логасми д̣̇звад̇з;

‘‘Adhippāyaphalaṃ eke, asmiṃ lokasmi devate;

баяож̇аяанд̇и гаммаани, д̇аани иж̇жханд̇и ваа на ваа.

Payojayanti kammāni, tāni ijjhanti vā na vā.

130.

‘‘санд̣̇идтигам̣ гаммапалам̣, нану бассаси д̣̇звад̇з;

‘‘Sandiṭṭhikaṃ kammaphalaṃ, nanu passasi devate;

саннаа ан̃н̃з д̇араамахам̣, д̇ан̃жа бассаами санд̇игз.

Sannā aññe tarāmahaṃ, tañca passāmi santike.

131.

‘‘со ахам̣ вааяамиссаами, яат̇аасад̇д̇и яат̇ааб̣алам̣;

‘‘So ahaṃ vāyamissāmi, yathāsatti yathābalaṃ;

г̇ажчам̣ баарам̣ самуд̣̇д̣̇асса, гассам̣ бурисагаарияа’’нд̇и.

Gacchaṃ pāraṃ samuddassa, kassaṃ purisakāriya’’nti.

д̇ад̇т̇а ажжанд̇анд̇и яо ‘‘ид̣̇ам̣ гаммам̣ вийрияам̣ гад̇ваа нибпаад̣̇зд̇ум̣ на саггаа, ажжанд̇амзва абааранзяяа’’нд̇и вид̣̇ид̇ваа жан̣д̣ахад̇т̇иаад̣̇аяо абарихаранд̇о ад̇д̇ано баан̣ам̣ на рагкад̇и. ж̇ан̃н̃аа со яад̣̇и хаабаязд̇и со яад̣̇и д̇аад̣̇исзсу таанзсу вийрияам̣ хаабзяяа, ж̇аанзяяа д̇асса гусийд̇абхаавасса палам̣. д̇вам̣ яам̣ ваа д̇ам̣ ваа нирад̇т̇агам̣ вад̣̇асийд̇и д̣̇ийбзд̇и. баал̣ияам̣ бана ‘‘ж̇ан̃н̃аа со яад̣̇и хаабаяа’’нд̇и ликид̇ам̣, д̇ам̣ адтагат̇аасу над̇т̇и. ад̇хиббааяапаланд̇и ад̇д̇ано ад̇хиббааяапалам̣ самбассамаанаа згажжз бурисаа гасиван̣иж̇ж̇аад̣̇ийни гаммаани баяож̇аяанд̇и, д̇аани иж̇жханд̇и ваа на ваа иж̇жханд̇и. ‘‘зд̇т̇а г̇амиссаами, ид̣̇ам̣ уг̇г̇ахзссаамий’’д̇и бана гааяигажзд̇асигавийрияам̣ гаронд̇асса д̇ам̣ иж̇жхад̇зва, д̇асмаа д̇ам̣ гаад̇ум̣ ваддад̇иязваад̇и д̣̇ассзд̇и. саннаа ан̃н̃з д̇араамаханд̇и ан̃н̃з ж̇анаа махаасамуд̣̇д̣̇з саннаа нимуг̇г̇аа вийрияам̣ агаронд̇аа мажчагажчабабхагкаа ж̇аад̇аа, ахам̣ бана згагова д̇араами. д̇ан̃жа бассаами санд̇игзд̇и ид̣̇ам̣ мз вийрияапалам̣ басса, маяаа иминаа ад̇д̇абхаавзна д̣̇звад̇аа наама на д̣̇идтабуб̣б̣аа, сохам̣ д̇ан̃жа иминаа д̣̇иб̣б̣аруубзна мама санд̇игз тид̇ам̣ бассаами. яат̇аасад̇д̇и яат̇ааб̣аланд̇и ад̇д̇ано сад̇д̇ияаа жа б̣аласса жа ануруубам̣. гассанд̇и гариссаами.

Tattha accantanti yo ‘‘idaṃ kammaṃ vīriyaṃ katvā nipphādetuṃ na sakkā, accantameva apāraneyya’’nti viditvā caṇḍahatthiādayo apariharanto attano pāṇaṃ na rakkhati. Jaññā so yadi hāpayeti so yadi tādisesu ṭhānesu vīriyaṃ hāpeyya, jāneyya tassa kusītabhāvassa phalaṃ. Tvaṃ yaṃ vā taṃ vā niratthakaṃ vadasīti dīpeti. Pāḷiyaṃ pana ‘‘jaññā so yadi hāpaya’’nti likhitaṃ, taṃ aṭṭhakathāsu natthi. Adhippāyaphalanti attano adhippāyaphalaṃ sampassamānā ekacce purisā kasivaṇijjādīni kammāni payojayanti, tāni ijjhanti vā na vā ijjhanti. ‘‘Ettha gamissāmi, idaṃ uggahessāmī’’ti pana kāyikacetasikavīriyaṃ karontassa taṃ ijjhateva, tasmā taṃ kātuṃ vaṭṭatiyevāti dasseti. Sannā aññe tarāmahanti aññe janā mahāsamudde sannā nimuggā vīriyaṃ akarontā macchakacchapabhakkhā jātā, ahaṃ pana ekakova tarāmi. Tañca passāmi santiketi idaṃ me vīriyaphalaṃ passa, mayā iminā attabhāvena devatā nāma na diṭṭhapubbā, sohaṃ tañca iminā dibbarūpena mama santike ṭhitaṃ passāmi. Yathāsatti yathābalanti attano sattiyā ca balassa ca anurūpaṃ. Kassanti karissāmi.

д̇ад̇о д̣̇звад̇аа д̇асса д̇ам̣ д̣̇ал̣хаважанам̣ суд̇ваа т̇уд̇им̣ гаронд̇ий г̇аат̇амааха –

Tato devatā tassa taṃ daḷhavacanaṃ sutvā thutiṃ karontī gāthamāha –

132.

‘‘яо д̇вам̣ звам̣ г̇ад̇з огхз, аббамзяяз махан̣н̣авз;

‘‘Yo tvaṃ evaṃ gate oghe, appameyye mahaṇṇave;

д̇хаммавааяаамасамбанно, гаммунаа наавасийд̣̇аси;

Dhammavāyāmasampanno, kammunā nāvasīdasi;

со д̇вам̣ д̇ад̇т̇зва г̇ажчаахи, яад̇т̇а д̇з нирад̇о мано’’д̇и.

So tvaṃ tattheva gacchāhi, yattha te nirato mano’’ti.

д̇ад̇т̇а звам̣ г̇ад̇зд̇и зваруубз г̇амбхийрз вид̇т̇ад̇з махаасамуд̣̇д̣̇з. д̇хаммавааяаамасамбаннод̇и д̇хаммавааяаамзна саманнааг̇ад̇о. гаммунаад̇и ад̇д̇ано бурисагаарагаммзна. наавасийд̣̇асийд̇и на авасийд̣̇аси. яад̇т̇а д̇зд̇и яасмим̣ таанз д̇ава мано нирад̇о, д̇ад̇т̇зва г̇ажчаахийд̇и.

Tattha evaṃ gateti evarūpe gambhīre vitthate mahāsamudde. Dhammavāyāmasampannoti dhammavāyāmena samannāgato. Kammunāti attano purisakārakammena. Nāvasīdasīti na avasīdasi. Yattha teti yasmiṃ ṭhāne tava mano nirato, tattheva gacchāhīti.

саа зван̃жа бана вад̇ваа ‘‘бан̣д̣ид̇а махаабараггама, гухим̣ д̇ам̣ нзмий’’д̇и бужчи. ‘‘мит̇иланаг̇ара’’нд̇и вуд̇д̇з саа махаасад̇д̇ам̣ бубпагалаабам̣ вияа угкибид̇ваа убхохи хад̇т̇зхи бариг̇г̇аяха урз нибаж̇ж̇аабзд̇ваа бияабуд̇д̇ам̣ аад̣̇ааяа г̇ажчанд̇ий вияа аагаасз багканд̣̇и. махаасад̇д̇о сад̇д̇аахам̣ лон̣од̣̇агзна убаггасарийро худ̇ваа д̣̇иб̣б̣апассзна пудто нид̣̇д̣̇ам̣ оггами. ат̇а нам̣ саа мит̇илам̣ нзд̇ваа амб̣авануяяаанз ман̇г̇аласилаабаддз д̣̇агкин̣абассзна нибаж̇ж̇аабзд̇ваа уяяаанад̣̇звад̇аахи д̇асса аарагкам̣ г̇аахаабзд̇ваа сагадтаанамзва г̇ад̇аа.

Sā evañca pana vatvā ‘‘paṇḍita mahāparakkama, kuhiṃ taṃ nemī’’ti pucchi. ‘‘Mithilanagara’’nti vutte sā mahāsattaṃ pupphakalāpaṃ viya ukkhipitvā ubhohi hatthehi pariggayha ure nipajjāpetvā piyaputtaṃ ādāya gacchantī viya ākāse pakkhandi. Mahāsatto sattāhaṃ loṇodakena upakkasarīro hutvā dibbaphassena phuṭṭho niddaṃ okkami. Atha naṃ sā mithilaṃ netvā ambavanuyyāne maṅgalasilāpaṭṭe dakkhiṇapassena nipajjāpetvā uyyānadevatāhi tassa ārakkhaṃ gāhāpetvā sakaṭṭhānameva gatā.

д̇ад̣̇аа болаж̇анагасса буд̇д̇о над̇т̇и. згаа банасса д̇хийд̇аа ахоси, саа сийвалид̣̇звий наама бан̣д̣ид̇аа б̣яад̇д̇аа. амажжаа д̇амзнам̣ маран̣аман̃жз нибаннам̣ бужчим̣су ‘‘махаарааж̇а, д̇умхзсу д̣̇иван̇г̇ад̇зсу раж̇ж̇ам̣ гасса д̣̇ассаамаа’’д̇и? ат̇а нз рааж̇аа ‘‘д̇аад̇аа, мама д̇хийд̇арам̣ сийвалид̣̇звим̣ аараад̇хзд̇ум̣ самад̇т̇асса раж̇ж̇ам̣ д̣̇зт̇а, яо ваа бана жад̇урассабаллан̇гасса уссийсагам̣ ж̇аанаад̇и, яо ваа бана сахассат̇аамад̇ханум̣ ааробзд̇ум̣ саггод̇и, яо ваа бана сол̣аса махаанид̇хий нийхарид̇ум̣ саггод̇и, д̇асса раж̇ж̇ам̣ д̣̇зт̇аа’’д̇и ааха. амажжаа ‘‘д̣̇зва, д̇зсам̣ но нид̇хийнам̣ уд̣̇д̣̇аанам̣ гат̇зт̇аа’’д̇и аахам̣су. ат̇а рааж̇аа –

Tadā polajanakassa putto natthi. Ekā panassa dhītā ahosi, sā sīvalidevī nāma paṇḍitā byattā. Amaccā tamenaṃ maraṇamañce nipannaṃ pucchiṃsu ‘‘mahārāja, tumhesu divaṅgatesu rajjaṃ kassa dassāmā’’ti? Atha ne rājā ‘‘tātā, mama dhītaraṃ sīvalideviṃ ārādhetuṃ samatthassa rajjaṃ detha, yo vā pana caturassapallaṅkassa ussīsakaṃ jānāti, yo vā pana sahassathāmadhanuṃ āropetuṃ sakkoti, yo vā pana soḷasa mahānidhī nīharituṃ sakkoti, tassa rajjaṃ dethā’’ti āha. Amaccā ‘‘deva, tesaṃ no nidhīnaṃ uddānaṃ kathethā’’ti āhaṃsu. Atha rājā –

‘‘суурияуг̇г̇аманз нид̇хи, ат̇о оггаманз нид̇хи;

‘‘Sūriyuggamane nidhi, atho okkamane nidhi;

анд̇о нид̇хи б̣ахи нид̇хи, на анд̇о на б̣ахи нид̇хи.

Anto nidhi bahi nidhi, na anto na bahi nidhi.

‘‘аароханз махаанид̇хи, ат̇о ороханз нид̇хи;

‘‘Ārohane mahānidhi, atho orohane nidhi;

жад̇уусу махаасаалзсу, саманд̇аа яож̇анз нид̇хи.

Catūsu mahāsālesu, samantā yojane nidhi.

‘‘д̣̇анд̇аг̇г̇зсу махаанид̇хи, ваалаг̇г̇зсу жа гзбугз;

‘‘Dantaggesu mahānidhi, vālaggesu ca kepuke;

ругкаг̇г̇зсу махаанид̇хи, сол̣асзд̇з махаанид̇хий.

Rukkhaggesu mahānidhi, soḷasete mahānidhī.

‘‘сахассат̇аамо баллан̇го, сийвалиаараад̇ханзна жаа’’д̇и. –

‘‘Sahassathāmo pallaṅko, sīvaliārādhanena cā’’ti. –

махаанид̇хийхи сад̣̇д̇хим̣ ид̇арзсамби уд̣̇д̣̇аанам̣ гат̇зси. рааж̇аа имам̣ гат̇ам̣ вад̇ваа гааламагааси.

Mahānidhīhi saddhiṃ itaresampi uddānaṃ kathesi. Rājā imaṃ kathaṃ vatvā kālamakāsi.

амажжаа ран̃н̃о ажжаязна д̇асса мад̇агижжам̣ гад̇ваа сад̇д̇амз д̣̇ивасз саннибад̇ид̇ваа манд̇аяим̣су ‘‘амбхо ран̃н̃аа ‘ад̇д̇ано д̇хийд̇арам̣ аараад̇хзд̇ум̣ самад̇т̇асса раж̇ж̇ам̣ д̣̇аад̇аб̣б̣а’нд̇и вуд̇д̇ам̣, го д̇ам̣ аараад̇хзд̇ум̣ сагкиссад̇ий’’д̇и. д̇з ‘‘сзнаабад̇и валлабхо’’д̇и вад̇ваа д̇асса саасанам̣ бзсзсум̣. со саасанам̣ суд̇ваа ‘‘саад̇хуу’’д̇и самбадижчид̇ваа раж̇ж̇ад̇т̇ааяа рааж̇ад̣̇ваарам̣ г̇анд̇ваа ад̇д̇ано ааг̇ад̇абхаавам̣ рааж̇ад̇хийд̇ааяа аарожаабзси. саа д̇асса ааг̇ад̇абхаавам̣ н̃ад̇ваа ‘‘ад̇т̇и ну квасса сзд̇ажчад̇д̇асирим̣ д̇хаарзд̇ум̣ д̇хид̇ий’’д̇и д̇асса виймам̣санад̇т̇ааяа ‘‘киббам̣ ааг̇ажчад̇уу’’д̇и ааха. со д̇ассаа саасанам̣ суд̇ваа д̇ам̣ аараад̇хзд̇угаамо собаанабаад̣̇амуулад̇о бадтааяа ж̇авзнааг̇анд̇ваа д̇ассаа санд̇игз адтааси. ат̇а нам̣ саа виймам̣самаанаа ‘‘махаад̇алз ж̇авзна д̇хааваа’’д̇и ааха. со ‘‘рааж̇ад̇хийд̇арам̣ д̇осзссаамий’’д̇и взг̇зна багканд̣̇и. ат̇а нам̣ ‘‘буна зхий’’д̇и ааха. со буна взг̇зна ааг̇ад̇о. саа д̇асса д̇хид̇ияаа вирахид̇абхаавам̣ н̃ад̇ваа ‘‘зхи самма, баад̣̇з мз самб̣аахаа’’д̇и ааха. со д̇ассаа аараад̇ханад̇т̇ам̣ нисийд̣̇ид̇ваа баад̣̇з самб̣аахи. ат̇а нам̣ саа урз баад̣̇зна бахарид̇ваа уд̇д̇аанагам̣ баад̇зд̇ваа ‘‘имам̣ анд̇хаб̣аалабурисам̣ д̇хид̇ивирахид̇ам̣ бот̇зд̇ваа г̇ийвааяам̣ г̇ахзд̇ваа нийхарат̇аа’’д̇и д̣̇аасийнам̣ сан̃н̃ам̣ ад̣̇ааси. д̇аа д̇ат̇аа гарим̣су. со д̇зхи ‘‘гим̣ сзнаабад̇ий’’д̇и будто ‘‘маа гат̇зт̇а, саа нзва мануссид̇т̇ий, яагкиний’’д̇и ааха. д̇ад̇о бхан̣д̣ааг̇аариго г̇ад̇о, д̇амби д̇ат̇зва лаж̇ж̇аабзси. д̇ат̇аа сздтим̣, чад̇д̇аг̇г̇аахам̣, асиг̇г̇ааханд̇и саб̣б̣зби д̇з лаж̇ж̇аабзсиязва.

Amaccā rañño accayena tassa matakiccaṃ katvā sattame divase sannipatitvā mantayiṃsu ‘‘ambho raññā ‘attano dhītaraṃ ārādhetuṃ samatthassa rajjaṃ dātabba’nti vuttaṃ, ko taṃ ārādhetuṃ sakkhissatī’’ti. Te ‘‘senāpati vallabho’’ti vatvā tassa sāsanaṃ pesesuṃ. So sāsanaṃ sutvā ‘‘sādhū’’ti sampaṭicchitvā rajjatthāya rājadvāraṃ gantvā attano āgatabhāvaṃ rājadhītāya ārocāpesi. Sā tassa āgatabhāvaṃ ñatvā ‘‘atthi nu khvassa setacchattasiriṃ dhāretuṃ dhitī’’ti tassa vīmaṃsanatthāya ‘‘khippaṃ āgacchatū’’ti āha. So tassā sāsanaṃ sutvā taṃ ārādhetukāmo sopānapādamūlato paṭṭhāya javenāgantvā tassā santike aṭṭhāsi. Atha naṃ sā vīmaṃsamānā ‘‘mahātale javena dhāvā’’ti āha. So ‘‘rājadhītaraṃ tosessāmī’’ti vegena pakkhandi. Atha naṃ ‘‘puna ehī’’ti āha. So puna vegena āgato. Sā tassa dhitiyā virahitabhāvaṃ ñatvā ‘‘ehi samma, pāde me sambāhā’’ti āha. So tassā ārādhanatthaṃ nisīditvā pāde sambāhi. Atha naṃ sā ure pādena paharitvā uttānakaṃ pātetvā ‘‘imaṃ andhabālapurisaṃ dhitivirahitaṃ pothetvā gīvāyaṃ gahetvā nīharathā’’ti dāsīnaṃ saññaṃ adāsi. Tā tathā kariṃsu. So tehi ‘‘kiṃ senāpatī’’ti puṭṭho ‘‘mā kathetha, sā neva manussitthī, yakkhinī’’ti āha. Tato bhaṇḍāgāriko gato, tampi tatheva lajjāpesi. Tathā seṭṭhiṃ, chattaggāhaṃ, asiggāhanti sabbepi te lajjāpesiyeva.

ат̇а амажжаа саннибад̇ид̇ваа ‘‘рааж̇ад̇хийд̇арам̣ аараад̇хзд̇ум̣ самад̇т̇о наама над̇т̇и, сахассат̇аамад̇ханум̣ ааробзд̇ум̣ самад̇т̇асса раж̇ж̇ам̣ д̣̇зт̇аа’’д̇и ааха, д̇амби гожи ааробзд̇ум̣ наасагки. д̇ад̇о ‘‘жад̇урассабаллан̇гасса уссийсагам̣ ж̇аананд̇асса раж̇ж̇ам̣ д̣̇зт̇аа’’д̇и ааха, д̇амби гожи на ж̇аанаад̇и. д̇ад̇о сол̣аса махаанид̇хий нийхарид̇ум̣ самад̇т̇асса раж̇ж̇ам̣ д̣̇зт̇аа’’д̇и ааха, д̇зби гожи нийхарид̇ум̣ наасагки. д̇ад̇о ‘‘амбхо арааж̇игам̣ наама радтам̣ баалзд̇ум̣ на саггаа, гим̣ ну ко гаад̇аб̣б̣а’’нд̇и манд̇аяим̣су. ат̇а нз бурохид̇о ааха – ‘‘бхо д̇умхз маа жинд̇аяид̇т̇а, пуссарат̇ам̣ наама виссаж̇ж̇зд̇ум̣ ваддад̇и, пуссарат̇зна хи лад̣̇д̇харааж̇аа сагалаж̇амб̣уд̣̇ийбз раж̇ж̇ам̣ гаарзд̇ум̣ самад̇т̇о ход̇ий’’д̇и. д̇з ‘‘саад̇хуу’’д̇и самбадижчид̇ваа наг̇арам̣ алан̇гаараабзд̇ваа ман̇г̇аларат̇з жад̇д̇ааро гумуд̣̇аван̣н̣з ассз яож̇зд̇ваа уд̇д̇амабажжад̇т̇аран̣ам̣ ад̇т̇арид̇ваа бан̃жа рааж̇агагуд̇хабхан̣д̣аани ааробзд̇ваа жад̇уран̇г̇инияаа сзнааяа бариваарзсум̣. ‘‘сасаамигасса рат̇асса бурад̇о д̇уурияаани важ̇ж̇анд̇и, асаамигасса бажчад̇о важ̇ж̇анд̇и, д̇асмаа саб̣б̣ад̇уурияаани бажчад̇о ваад̣̇зт̇аа’’д̇и вад̇ваа суван̣н̣абхин̇гаарзна рат̇ад̇хуран̃жа бад̇од̣̇ан̃жа абхисин̃жид̇ваа ‘‘яасса раж̇ж̇ам̣ гаарзд̇ум̣ бун̃н̃ам̣ ад̇т̇и, д̇асса санд̇игам̣ г̇ажчад̇уу’’д̇и рат̇ам̣ виссаж̇ж̇зсум̣. ат̇а рат̇о рааж̇аг̇зхам̣ бад̣̇агкин̣ам̣ гад̇ваа взг̇зна махаавийт̇им̣ абхирухи.

Atha amaccā sannipatitvā ‘‘rājadhītaraṃ ārādhetuṃ samattho nāma natthi, sahassathāmadhanuṃ āropetuṃ samatthassa rajjaṃ dethā’’ti āha, tampi koci āropetuṃ nāsakkhi. Tato ‘‘caturassapallaṅkassa ussīsakaṃ jānantassa rajjaṃ dethā’’ti āha, tampi koci na jānāti. Tato soḷasa mahānidhī nīharituṃ samatthassa rajjaṃ dethā’’ti āha, tepi koci nīharituṃ nāsakkhi. Tato ‘‘ambho arājikaṃ nāma raṭṭhaṃ pāletuṃ na sakkā, kiṃ nu kho kātabba’’nti mantayiṃsu. Atha ne purohito āha – ‘‘bho tumhe mā cintayittha, phussarathaṃ nāma vissajjetuṃ vaṭṭati, phussarathena hi laddharājā sakalajambudīpe rajjaṃ kāretuṃ samattho hotī’’ti. Te ‘‘sādhū’’ti sampaṭicchitvā nagaraṃ alaṅkārāpetvā maṅgalarathe cattāro kumudavaṇṇe asse yojetvā uttamapaccattharaṇaṃ attharitvā pañca rājakakudhabhaṇḍāni āropetvā caturaṅginiyā senāya parivāresuṃ. ‘‘Sasāmikassa rathassa purato tūriyāni vajjanti, asāmikassa pacchato vajjanti, tasmā sabbatūriyāni pacchato vādethā’’ti vatvā suvaṇṇabhiṅkārena rathadhurañca patodañca abhisiñcitvā ‘‘yassa rajjaṃ kāretuṃ puññaṃ atthi, tassa santikaṃ gacchatū’’ti rathaṃ vissajjesuṃ. Atha ratho rājagehaṃ padakkhiṇaṃ katvā vegena mahāvīthiṃ abhiruhi.

сзнаабад̇иаад̣̇аяо ‘‘пуссарат̇о мама санд̇игам̣ ааг̇ажчад̇уу’’д̇и жинд̇аяим̣су. со саб̣б̣зсам̣ г̇зхаани ад̇иггамид̇ваа наг̇арам̣ бад̣̇агкин̣ам̣ гад̇ваа баажийнад̣̇ваарзна нигкамид̇ваа уяяаанаабхимуко бааяааси. ат̇а нам̣ взг̇зна г̇ажчанд̇ам̣ д̣̇исваа ‘‘нивад̇д̇зт̇аа’’д̇и аахам̣су. бурохид̇о ‘‘маа нивад̇д̇аяид̇т̇а, ижчанд̇о яож̇анасад̇амби г̇ажчад̇у, маа ниваарзт̇аа’’д̇и ааха. рат̇о уяяаанам̣ бависид̇ваа ман̇г̇аласилаабаддам̣ бад̣̇агкин̣ам̣ гад̇ваа аароханасаж̇ж̇о худ̇ваа адтааси. бурохид̇о махаасад̇д̇ам̣ нибаннагам̣ д̣̇исваа амажжз ааманд̇зд̇ваа ‘‘амбхо зго силаабаддз нибаннаго бурисо д̣̇иссад̇и, сзд̇ажчад̇д̇аанужчавигаа банасса д̇хид̇и ад̇т̇ийд̇и ваа над̇т̇ийд̇и ваа на ж̇аанаама, сажз зса бун̃н̃аваа бхависсад̇и, амхз на ологзссад̇и, гаал̣аган̣н̣исад̇д̇о сажз бхависсад̇и, бхийд̇ад̇асид̇о удтааяа гамбамаано ологзссад̇и, д̇асмаа киббам̣ саб̣б̣ад̇уурияаани баг̇г̇ан̣хат̇аа’’д̇и ааха. д̇аавад̣̇зва анзгасад̇аани д̇уурияаани баг̇г̇ан̣хим̣су. д̇ад̣̇аа д̇уурияасад̣̇д̣̇о сааг̇арагхосо вияа ахоси.

Senāpatiādayo ‘‘phussaratho mama santikaṃ āgacchatū’’ti cintayiṃsu. So sabbesaṃ gehāni atikkamitvā nagaraṃ padakkhiṇaṃ katvā pācīnadvārena nikkhamitvā uyyānābhimukho pāyāsi. Atha naṃ vegena gacchantaṃ disvā ‘‘nivattethā’’ti āhaṃsu. Purohito ‘‘mā nivattayittha, icchanto yojanasatampi gacchatu, mā nivārethā’’ti āha. Ratho uyyānaṃ pavisitvā maṅgalasilāpaṭṭaṃ padakkhiṇaṃ katvā ārohanasajjo hutvā aṭṭhāsi. Purohito mahāsattaṃ nipannakaṃ disvā amacce āmantetvā ‘‘ambho eko silāpaṭṭe nipannako puriso dissati, setacchattānucchavikā panassa dhiti atthīti vā natthīti vā na jānāma, sace esa puññavā bhavissati, amhe na olokessati, kāḷakaṇṇisatto sace bhavissati, bhītatasito uṭṭhāya kampamāno olokessati, tasmā khippaṃ sabbatūriyāni paggaṇhathā’’ti āha. Tāvadeva anekasatāni tūriyāni paggaṇhiṃsu. Tadā tūriyasaddo sāgaraghoso viya ahosi.

махаасад̇д̇о д̇зна сад̣̇д̣̇зна баб̣уж̇жхид̇ваа сийсам̣ виварид̇ваа ологзнд̇о махааж̇анам̣ д̣̇исваа ‘‘сзд̇ажчад̇д̇зна мз ааг̇ад̇зна бхавид̇аб̣б̣а’’нд̇и жинд̇зд̇ваа буна сийсам̣ баарубид̇ваа баривад̇д̇ид̇ваа ваамабассзна нибаж̇ж̇и. бурохид̇о д̇асса баад̣̇з виварид̇ваа лагкан̣аани ологзнд̇о ‘‘д̇идтад̇у аяам̣ зго д̣̇ийбо, жад̇уннамби махаад̣̇ийбаанам̣ раж̇ж̇ам̣ гаарзд̇ум̣ самад̇т̇о ход̇ий’’д̇и буна д̇уурияаани баг̇г̇ан̣хаабзси. ат̇а махаасад̇д̇о мукам̣ виварид̇ваа баривад̇д̇ид̇ваа д̣̇агкин̣абассзна нибаж̇ж̇ид̇ваа махааж̇анам̣ ологзси. д̇ад̣̇аа бурохид̇о барисам̣ уссаарзд̇ваа ан̃ж̇алим̣ баг̇г̇аяха авагуж̇ж̇о худ̇ваа ‘‘удтзхи, д̣̇зва, раж̇ж̇ам̣ д̇з баабун̣аад̇ий’’д̇и ааха. ат̇а нам̣ махаасад̇д̇о ‘‘рааж̇аа во гухий’’нд̇и бужчид̇ваа ‘‘гаалагад̇о д̣̇зваа’’д̇и вуд̇д̇з ‘‘д̇асса буд̇д̇о ваа бхаад̇аа ваа над̇т̇ий’’д̇и бужчид̇ваа ‘‘над̇т̇и д̣̇зваа’’д̇и вуд̇д̇з ‘‘д̇зна хи саад̇ху раж̇ж̇ам̣ гаарзссаамий’’д̇и вад̇ваа удтааяа силаабаддз баллан̇гзна нисийд̣̇и. ат̇а нам̣ д̇ад̇т̇зва абхисин̃жим̣су. со махааж̇анаго наама рааж̇аа ахоси. со рат̇аварам̣ абхируяха маханд̇зна сиривибхавзна наг̇арам̣ бависид̇ваа рааж̇анивзсанам̣ абхируханд̇о ‘‘сзнаабад̇иаад̣̇ийнам̣ д̇аанзва таанаани хонд̇уу’’д̇и вижаарзд̇ваа махаад̇алам̣ абхирухи.

Mahāsatto tena saddena pabujjhitvā sīsaṃ vivaritvā olokento mahājanaṃ disvā ‘‘setacchattena me āgatena bhavitabba’’nti cintetvā puna sīsaṃ pārupitvā parivattitvā vāmapassena nipajji. Purohito tassa pāde vivaritvā lakkhaṇāni olokento ‘‘tiṭṭhatu ayaṃ eko dīpo, catunnampi mahādīpānaṃ rajjaṃ kāretuṃ samattho hotī’’ti puna tūriyāni paggaṇhāpesi. Atha mahāsatto mukhaṃ vivaritvā parivattitvā dakkhiṇapassena nipajjitvā mahājanaṃ olokesi. Tadā purohito parisaṃ ussāretvā añjaliṃ paggayha avakujjo hutvā ‘‘uṭṭhehi, deva, rajjaṃ te pāpuṇātī’’ti āha. Atha naṃ mahāsatto ‘‘rājā vo kuhī’’nti pucchitvā ‘‘kālakato devā’’ti vutte ‘‘tassa putto vā bhātā vā natthī’’ti pucchitvā ‘‘natthi devā’’ti vutte ‘‘tena hi sādhu rajjaṃ kāressāmī’’ti vatvā uṭṭhāya silāpaṭṭe pallaṅkena nisīdi. Atha naṃ tattheva abhisiñciṃsu. So mahājanako nāma rājā ahosi. So rathavaraṃ abhiruyha mahantena sirivibhavena nagaraṃ pavisitvā rājanivesanaṃ abhiruhanto ‘‘senāpatiādīnaṃ tāneva ṭhānāni hontū’’ti vicāretvā mahātalaṃ abhiruhi.

рааж̇ад̇хийд̇аа бана буримасан̃н̃ааяа зва д̇асса виймам̣санад̇т̇ам̣ згам̣ бурисам̣ аан̣аабзси ‘‘д̇аад̇а, д̇вам̣ г̇ажча, рааж̇аанам̣ убасан̇гамид̇ваа звам̣ вад̣̇зхи ‘д̣̇зва, сийвалид̣̇звий д̇умхз баггосад̇и, киббам̣ гирааг̇ажчад̇уу’’’д̇и. со г̇анд̇ваа д̇ат̇аа аарожзси. рааж̇аа бан̣д̣ид̇о д̇асса важанам̣ суд̇вааби ассун̣анд̇о вияа ‘‘ахо собхано вад̇ааяам̣ баасаад̣̇о’’д̇и баасаад̣̇амзва ван̣н̣зд̇и. со д̇ам̣ саавзд̇ум̣ асаггонд̇о г̇анд̇ваа рааж̇ад̇хийд̇ааяа д̇ам̣ бавад̇д̇им̣ аарожзси ‘‘аяяз, рааж̇аа д̇умхаагам̣ важанам̣ на сун̣аад̇и, баасаад̣̇амзва ван̣н̣зд̇и, д̇умхаагам̣ важанам̣ д̇ин̣ам̣ вияа на г̇ан̣зд̇ий’’д̇и. саа д̇асса важанам̣ суд̇ваа ‘‘со махаж̇жхаасаяо бурисо бхависсад̇ий’’д̇и жинд̇зд̇ваа д̣̇уд̇ияамби д̇ад̇ияамби бзсзси. рааж̇ааби ад̇д̇ано ружияаа багад̇иг̇аманзна сийхо вияа виж̇амбхамаано баасаад̣̇ам̣ абхирухи. д̇асмим̣ убасан̇гаманд̇з рааж̇ад̇хийд̇аа д̇асса д̇зж̇зна сагабхаавзна сан̣таад̇ум̣ асаггонд̇ий ааг̇анд̇ваа хад̇т̇ааламб̣агам̣ ад̣̇ааси.

Rājadhītā pana purimasaññāya eva tassa vīmaṃsanatthaṃ ekaṃ purisaṃ āṇāpesi ‘‘tāta, tvaṃ gaccha, rājānaṃ upasaṅkamitvā evaṃ vadehi ‘deva, sīvalidevī tumhe pakkosati, khippaṃ kirāgacchatū’’’ti. So gantvā tathā ārocesi. Rājā paṇḍito tassa vacanaṃ sutvāpi assuṇanto viya ‘‘aho sobhano vatāyaṃ pāsādo’’ti pāsādameva vaṇṇeti. So taṃ sāvetuṃ asakkonto gantvā rājadhītāya taṃ pavattiṃ ārocesi ‘‘ayye, rājā tumhākaṃ vacanaṃ na suṇāti, pāsādameva vaṇṇeti, tumhākaṃ vacanaṃ tiṇaṃ viya na gaṇetī’’ti. Sā tassa vacanaṃ sutvā ‘‘so mahajjhāsayo puriso bhavissatī’’ti cintetvā dutiyampi tatiyampi pesesi. Rājāpi attano ruciyā pakatigamanena sīho viya vijambhamāno pāsādaṃ abhiruhi. Tasmiṃ upasaṅkamante rājadhītā tassa tejena sakabhāvena saṇṭhātuṃ asakkontī āgantvā hatthālambakaṃ adāsi.

со д̇ассаа хад̇т̇ам̣ оламб̣ид̇ваа махаад̇алам̣ абхирухид̇ваа самуссид̇асзд̇ажчад̇д̇з рааж̇абаллан̇гз нисийд̣̇ид̇ваа амажжз ааманд̇зд̇ваа ‘‘амбхо, ад̇т̇и бана во ран̃н̃аа гаалам̣ гаронд̇зна гожи оваад̣̇о д̣̇инно’’д̇и бужчид̇ваа ‘‘аама, д̣̇зваа’’д̇и вуд̇д̇з ‘‘д̇зна хи вад̣̇зт̇аа’’д̇и ааха. д̣̇зва ‘‘сийвалид̣̇звим̣ аараад̇хзд̇ум̣ самад̇т̇асса раж̇ж̇ам̣ д̣̇зт̇аа’’д̇и д̇зна вуд̇д̇анд̇и. сийвалид̣̇звияаа ааг̇анд̇ваа хад̇т̇ааламб̣аго д̣̇инно, аяам̣ д̇аава аараад̇хид̇аа наама, ан̃н̃ам̣ вад̣̇зт̇аад̇и. д̣̇зва ‘‘жад̇урассабаллан̇гасса уссийсагам̣ ж̇аанид̇ум̣ самад̇т̇асса раж̇ж̇ам̣ д̣̇зт̇аа’’д̇и д̇зна вуд̇д̇анд̇и. рааж̇аа ‘‘ид̣̇ам̣ д̣̇уж̇ж̇аанам̣, убааязна саггаа ж̇аанид̇у’’нд̇и жинд̇зд̇ваа сийсад̇о суван̣н̣асуужим̣ нийхарид̇ваа сийвалид̣̇звияаа хад̇т̇з табзси ‘‘имам̣ табзхий’’д̇и . саа д̇ам̣ г̇ахзд̇ваа баллан̇гасса уссийсагз табзси. ‘‘каг̇г̇ам̣ ад̣̇аасий’’д̇иби вад̣̇анд̇иязва. со д̇ааяа сан̃н̃ааяа ‘‘ид̣̇ам̣ уссийсага’’нд̇и н̃ад̇ваа д̇зсам̣ гат̇ам̣ ассун̣анд̇о вияа ‘‘гим̣ гат̇зт̇аа’’д̇и вад̇ваа буна д̇зхи д̇ат̇аа вуд̇д̇з ‘‘ид̣̇ам̣ ж̇аанид̇ум̣ на г̇ару, зд̇ам̣ уссийсага’’нд̇и вад̇ваа ‘‘ан̃н̃ам̣ вад̣̇зт̇аа’’д̇и ааха. д̣̇зва, ‘‘сахассат̇аамад̇ханум̣ ааробзд̇ум̣ самад̇т̇асса раж̇ж̇ам̣ д̣̇зт̇аа’’д̇и д̇зна вуд̇д̇анд̇и. ‘‘д̇зна хи аахарат̇а на’’нд̇и аахараабзд̇ваа со д̇ханум̣ баллан̇гз яат̇аанисиннова ид̇т̇ийнам̣ габбаасаподанад̇ханум̣ вияа ааробзд̇ваа ‘‘ан̃н̃ам̣ вад̣̇зт̇аа’’д̇и ааха. ‘‘д̣̇зва, сол̣аса махаанид̇хий нийхарид̇ум̣ самад̇т̇асса раж̇ж̇ам̣ д̣̇зт̇аа’’д̇и д̇зна вуд̇д̇анд̇и. ‘‘д̇зсам̣ гин̃жи уд̣̇д̣̇аанам̣ ад̇т̇ий’’д̇и бужчид̇ваа ‘‘аама, д̣̇зваа’’д̇и вуд̇д̇з ‘‘д̇зна хи нам̣ гат̇зт̇аа’’д̇и ааха. д̇з ‘‘суурияуг̇г̇аманз нид̇хий’’д̇и уд̣̇д̣̇аанам̣ гат̇аяим̣су. д̇асса д̇ам̣ сун̣анд̇ассзва г̇аг̇анад̇алз бун̣н̣ажанд̣̇о вияа со ад̇т̇о баагадо ахоси.

So tassā hatthaṃ olambitvā mahātalaṃ abhiruhitvā samussitasetacchatte rājapallaṅke nisīditvā amacce āmantetvā ‘‘ambho, atthi pana vo raññā kālaṃ karontena koci ovādo dinno’’ti pucchitvā ‘‘āma, devā’’ti vutte ‘‘tena hi vadethā’’ti āha. Deva ‘‘sīvalideviṃ ārādhetuṃ samatthassa rajjaṃ dethā’’ti tena vuttanti. Sīvalideviyā āgantvā hatthālambako dinno, ayaṃ tāva ārādhitā nāma, aññaṃ vadethāti. Deva ‘‘caturassapallaṅkassa ussīsakaṃ jānituṃ samatthassa rajjaṃ dethā’’ti tena vuttanti. Rājā ‘‘idaṃ dujjānaṃ, upāyena sakkā jānitu’’nti cintetvā sīsato suvaṇṇasūciṃ nīharitvā sīvalideviyā hatthe ṭhapesi ‘‘imaṃ ṭhapehī’’ti . Sā taṃ gahetvā pallaṅkassa ussīsake ṭhapesi. ‘‘Khaggaṃ adāsī’’tipi vadantiyeva. So tāya saññāya ‘‘idaṃ ussīsaka’’nti ñatvā tesaṃ kathaṃ assuṇanto viya ‘‘kiṃ kathethā’’ti vatvā puna tehi tathā vutte ‘‘idaṃ jānituṃ na garu, etaṃ ussīsaka’’nti vatvā ‘‘aññaṃ vadethā’’ti āha. Deva, ‘‘sahassathāmadhanuṃ āropetuṃ samatthassa rajjaṃ dethā’’ti tena vuttanti. ‘‘Tena hi āharatha na’’nti āharāpetvā so dhanuṃ pallaṅke yathānisinnova itthīnaṃ kappāsaphoṭanadhanuṃ viya āropetvā ‘‘aññaṃ vadethā’’ti āha. ‘‘Deva, soḷasa mahānidhī nīharituṃ samatthassa rajjaṃ dethā’’ti tena vuttanti. ‘‘Tesaṃ kiñci uddānaṃ atthī’’ti pucchitvā ‘‘āma, devā’’ti vutte ‘‘tena hi naṃ kathethā’’ti āha. Te ‘‘sūriyuggamane nidhī’’ti uddānaṃ kathayiṃsu. Tassa taṃ suṇantasseva gaganatale puṇṇacando viya so attho pākaṭo ahosi.

ат̇а нз рааж̇аа ааха – ‘‘аж̇ж̇а, бхан̣з, взлаа над̇т̇и, свз нид̇хий г̇ан̣хиссаамий’’д̇и. со бунад̣̇ивасз амажжз саннибаад̇зд̇ваа бужчи ‘‘д̇умхаагам̣ рааж̇аа бажжзгаб̣уд̣̇д̇хз бхож̇зсий’’д̇и? ‘‘аама, д̣̇зваа’’д̇и. со жинд̇зси ‘‘суурияод̇и нааяам̣ суурияо, суурияасад̣̇исад̇д̇аа бана бажжзгаб̣уд̣̇д̇хаа суурияаа наама, д̇зсам̣ бажжуг̇г̇аманадтаанз нид̇хинаа бхавид̇аб̣б̣а’’нд̇и. д̇ад̇о рааж̇аа ‘‘д̇зсу бажжзгаб̣уд̣̇д̇хзсу ааг̇ажчанд̇зсу бажжуг̇г̇аманам̣ гаронд̇о гад̇арам̣ таанам̣ г̇ажчад̇ий’’д̇и бужчид̇ваа ‘‘асугадтаанам̣ наама д̣̇зваа’’д̇и вуд̇д̇з ‘‘д̇ам̣ таанам̣ кан̣ид̇ваа нид̇хим̣ нийхарат̇аа’’д̇и нид̇хим̣ нийхараабзси. ‘‘г̇аманагаалз ануг̇ажчанд̇о гад̇т̇а тад̇ваа уяяож̇зсий’’д̇и бужчид̇ваа ‘‘асугадтаанз наамаа’’д̇и вуд̇д̇з ‘‘д̇ад̇оби нид̇хим̣ нийхарат̇аа’’д̇и нид̇хим̣ нийхараабзси. ат̇а махааж̇анаа уггудтисахассаани бавад̇д̇знд̇аа ‘‘суурияуг̇г̇аманз нид̇хий’’д̇и вуд̇д̇ад̇д̇аа суурияуг̇г̇аманад̣̇исааяам̣ кан̣анд̇аа вижарим̣су. ат̇о ‘‘оггаманз нид̇хий’’д̇и вуд̇д̇ад̇д̇аа суурияад̇т̇ан̇г̇аманад̣̇исааяам̣ кан̣анд̇аа вижарим̣су. ‘‘ид̣̇ам̣ бана д̇ханам̣ ид̇хзва ход̇и, ахо ажчарияа’’нд̇и бийд̇исоманассам̣ бавад̇д̇аяим̣су. анд̇онид̇хийд̇и рааж̇аг̇зхз махаад̣̇ваарасса анд̇оуммаараа нид̇хим̣ нийхараабзси. б̣ахи нид̇хийд̇и б̣ахиуммаараа нид̇хим̣ нийхараабзси. на анд̇о на б̣ахи нид̇хийд̇и хздтаауммаарад̇о нид̇хим̣ нийхараабзси . аароханз нид̇хийд̇и ман̇г̇алахад̇т̇им̣ аароханагаалз суван̣н̣аниссзн̣ияаа ад̇т̇аран̣адтаанад̇о нид̇хим̣ нийхараабзси. ат̇о ороханз нид̇хийд̇и хад̇т̇игканд̇хад̇о ороханадтаанад̇о нид̇хим̣ нийхараабзси. жад̇уусу махаасаалзсууд̇и бхуумияам̣ гад̇аубадтаанадтаанз сирисаяанасса жад̇д̇ааро ман̃жабаад̣̇аа сааламаяаа, д̇зсам̣ хздтаа жад̇ассо нид̇хигумбхияо нийхараабзси. саманд̇ааяож̇анз нид̇хийд̇и яож̇анам̣ наама рат̇аяуг̇абамаан̣ам̣, сирисаяанасса саманд̇аа рат̇аяуг̇аббамаан̣ад̇о нид̇хим̣ нийхараабзси. д̣̇анд̇аг̇г̇зсу махаанид̇хийд̇и ман̇г̇алахад̇т̇идтаанз д̇асса д̣̇виннам̣ д̣̇анд̇аанам̣ абхимукадтаанад̇о нид̇хим̣ нийхараабзси. ваалаг̇г̇зсууд̇и ман̇г̇алахад̇т̇идтаанз д̇асса ваалад̇хисаммукадтаанад̇о нид̇хим̣ нийхараабзси. гзбугзд̇и гзбугам̣ вужжад̇и уд̣̇агам̣, ман̇г̇алабогкаран̣ид̇о уд̣̇агам̣ нийхараабзд̇ваа нид̇хим̣ д̣̇ассзси. ругкаг̇г̇зсу махаанид̇хийд̇и уяяаанз махаасааларугкамуулз тид̇амаж̇жханхигасамаяз бариман̣д̣алааяа ругкажчааяааяа анд̇о нид̇хим̣ нийхараабзси. звам̣ сол̣аса махаанид̇хаяо нийхараабзд̇ваа ‘‘ан̃н̃ам̣ гин̃жи ад̇т̇ий’’д̇и бужчи. ‘‘над̇т̇и д̣̇зваа’’д̇и вад̣̇им̣су. махааж̇ано хадтад̇удто ахоси.

Atha ne rājā āha – ‘‘ajja, bhaṇe, velā natthi, sve nidhī gaṇhissāmī’’ti. So punadivase amacce sannipātetvā pucchi ‘‘tumhākaṃ rājā paccekabuddhe bhojesī’’ti? ‘‘Āma, devā’’ti. So cintesi ‘‘sūriyoti nāyaṃ sūriyo, sūriyasadisattā pana paccekabuddhā sūriyā nāma, tesaṃ paccuggamanaṭṭhāne nidhinā bhavitabba’’nti. Tato rājā ‘‘tesu paccekabuddhesu āgacchantesu paccuggamanaṃ karonto kataraṃ ṭhānaṃ gacchatī’’ti pucchitvā ‘‘asukaṭṭhānaṃ nāma devā’’ti vutte ‘‘taṃ ṭhānaṃ khaṇitvā nidhiṃ nīharathā’’ti nidhiṃ nīharāpesi. ‘‘Gamanakāle anugacchanto kattha ṭhatvā uyyojesī’’ti pucchitvā ‘‘asukaṭṭhāne nāmā’’ti vutte ‘‘tatopi nidhiṃ nīharathā’’ti nidhiṃ nīharāpesi. Atha mahājanā ukkuṭṭhisahassāni pavattentā ‘‘sūriyuggamane nidhī’’ti vuttattā sūriyuggamanadisāyaṃ khaṇantā vicariṃsu. Atho ‘‘okkamane nidhī’’ti vuttattā sūriyatthaṅgamanadisāyaṃ khaṇantā vicariṃsu. ‘‘Idaṃ pana dhanaṃ idheva hoti, aho acchariya’’nti pītisomanassaṃ pavattayiṃsu. Antonidhīti rājagehe mahādvārassa antoummārā nidhiṃ nīharāpesi. Bahi nidhīti bahiummārā nidhiṃ nīharāpesi. Na anto na bahi nidhīti heṭṭhāummārato nidhiṃ nīharāpesi . Ārohane nidhīti maṅgalahatthiṃ ārohanakāle suvaṇṇanisseṇiyā attharaṇaṭṭhānato nidhiṃ nīharāpesi. Atho orohane nidhīti hatthikkhandhato orohanaṭṭhānato nidhiṃ nīharāpesi. Catūsu mahāsālesūti bhūmiyaṃ kataupaṭṭhānaṭṭhāne sirisayanassa cattāro mañcapādā sālamayā, tesaṃ heṭṭhā catasso nidhikumbhiyo nīharāpesi. Samantāyojane nidhīti yojanaṃ nāma rathayugapamāṇaṃ, sirisayanassa samantā rathayugappamāṇato nidhiṃ nīharāpesi. Dantaggesu mahānidhīti maṅgalahatthiṭṭhāne tassa dvinnaṃ dantānaṃ abhimukhaṭṭhānato nidhiṃ nīharāpesi. Vālaggesūti maṅgalahatthiṭṭhāne tassa vāladhisammukhaṭṭhānato nidhiṃ nīharāpesi. Kepuketi kepukaṃ vuccati udakaṃ, maṅgalapokkharaṇito udakaṃ nīharāpetvā nidhiṃ dassesi. Rukkhaggesu mahānidhīti uyyāne mahāsālarukkhamūle ṭhitamajjhanhikasamaye parimaṇḍalāya rukkhacchāyāya anto nidhiṃ nīharāpesi. Evaṃ soḷasa mahānidhayo nīharāpetvā ‘‘aññaṃ kiñci atthī’’ti pucchi. ‘‘Natthi devā’’ti vadiṃsu. Mahājano haṭṭhatuṭṭho ahosi.

ат̇а рааж̇аа ‘‘ид̣̇ам̣ д̇ханам̣ д̣̇аанамукз вигириссаамий’’д̇и наг̇арамаж̇жхз жзва жад̇уусу наг̇арад̣̇ваарзсу жаад̇и бан̃жасу таанзсу бан̃жа д̣̇аанасаалааяо гаараабзд̇ваа махаад̣̇аанам̣ бадтабзси, гаалажамбаанаг̇арад̇о ад̇д̇ано маад̇аран̃жа б̣раахман̣ан̃жа баггосаабзд̇ваа маханд̇ам̣ саггаарам̣ агааси. д̇асса д̇арун̣араж̇ж̇зязва сагалам̣ вид̣̇зхарадтам̣ ‘‘аридтаж̇анагаран̃н̃о гира буд̇д̇о махааж̇анаго наама рааж̇аа раж̇ж̇ам̣ гаарзд̇и, со гира бан̣д̣ид̇о убааяагусало, бассиссаама на’’нд̇и д̣̇ассанад̇т̇ааяа сан̇кубхид̇ам̣ ахоси. д̇ад̇о д̇ад̇о б̣ахум̣ бан̣н̣аагаарам̣ г̇ахзд̇ваа ааг̇амим̣су, нааг̇арааби махаачан̣ам̣ саж̇ж̇аяим̣су. рааж̇анивзсанз ад̇т̇аран̣аад̣̇ийни сант̇арид̇ваа г̇анд̇хад̣̇аамамаалаад̣̇аамаад̣̇ийни осаарзд̇ваа виббагин̣н̣алааж̇аагусумаваасад̇хуумаг̇анд̇хаагаарам̣ гаарзд̇ваа наанаббагаарам̣ баанабхож̇анам̣ убадтаабзсум̣. ран̃н̃о бан̣н̣аагаарад̇т̇ааяа раж̇ад̇асуван̣н̣абхааж̇анаад̣̇ийсу анзгаббагаараани каад̣̇анийяабхож̇анийяамад̇хупаан̣ид̇апалаад̣̇ийни г̇ахзд̇ваа д̇ад̇т̇а д̇ад̇т̇а бариваарзд̇ваа адтам̣су. згад̇о амажжаман̣д̣алам̣ нисийд̣̇и, згад̇о б̣раахман̣аг̇ан̣о, згад̇о сздтиаад̣̇аяо нисийд̣̇им̣су, згад̇о уд̇д̇амаруубад̇хараа наадагид̇т̇ияо нисийд̣̇им̣су, б̣раахман̣ааби сод̇т̇игаарзна мукаман̇г̇алигаани гат̇знд̇и, нажжаг̇ийд̇аад̣̇ийсу гусалаа нажжаг̇ийд̇аад̣̇ийни бавад̇д̇аяим̣су, анзгасад̇аани д̇уурияаани баваж̇ж̇им̣суу. д̇ад̣̇аа рааж̇анивзсанам̣ яуг̇анд̇хараваад̇авзг̇зна бахадаа сааг̇арагужчи вияа зганиннаад̣̇ам̣ ахоси. ологид̇ологид̇адтаанам̣ гамбад̇и.

Atha rājā ‘‘idaṃ dhanaṃ dānamukhe vikirissāmī’’ti nagaramajjhe ceva catūsu nagaradvāresu cāti pañcasu ṭhānesu pañca dānasālāyo kārāpetvā mahādānaṃ paṭṭhapesi, kālacampānagarato attano mātarañca brāhmaṇañca pakkosāpetvā mahantaṃ sakkāraṃ akāsi. Tassa taruṇarajjeyeva sakalaṃ videharaṭṭhaṃ ‘‘ariṭṭhajanakarañño kira putto mahājanako nāma rājā rajjaṃ kāreti, so kira paṇḍito upāyakusalo, passissāma na’’nti dassanatthāya saṅkhubhitaṃ ahosi. Tato tato bahuṃ paṇṇākāraṃ gahetvā āgamiṃsu, nāgarāpi mahāchaṇaṃ sajjayiṃsu. Rājanivesane attharaṇādīni santharitvā gandhadāmamālādāmādīni osāretvā vippakiṇṇalājākusumavāsadhūmagandhākāraṃ kāretvā nānappakāraṃ pānabhojanaṃ upaṭṭhāpesuṃ. Rañño paṇṇākāratthāya rajatasuvaṇṇabhājanādīsu anekappakārāni khādanīyabhojanīyamadhuphāṇitaphalādīni gahetvā tattha tattha parivāretvā aṭṭhaṃsu. Ekato amaccamaṇḍalaṃ nisīdi, ekato brāhmaṇagaṇo, ekato seṭṭhiādayo nisīdiṃsu, ekato uttamarūpadharā nāṭakitthiyo nisīdiṃsu, brāhmaṇāpi sotthikārena mukhamaṅgalikāni kathenti, naccagītādīsu kusalā naccagītādīni pavattayiṃsu, anekasatāni tūriyāni pavajjiṃsū. Tadā rājanivesanaṃ yugandharavātavegena pahaṭā sāgarakucchi viya ekaninnādaṃ ahosi. Olokitolokitaṭṭhānaṃ kampati.

ат̇а махаасад̇д̇о сзд̇ажчад̇д̇асса хздтаа рааж̇аасанз нисиннова саггасирисад̣̇исам̣ маханд̇ам̣ сиривилаасам̣ ологзд̇ваа ад̇д̇ано махаасамуд̣̇д̣̇з гад̇авааяаамам̣ ануссари. д̇асса ‘‘вийрияам̣ наама гад̇д̇аб̣б̣аяуд̇д̇агам̣, сажаахам̣ махаасамуд̣̇д̣̇з вийрияам̣ наагариссам̣, на имам̣ самбад̇д̇им̣ алабхисса’’нд̇и д̇ам̣ вааяаамам̣ ануссаранд̇асса бийд̇и уббаж̇ж̇и. со бийд̇ивзг̇зна уд̣̇аанам̣ уд̣̇аанзнд̇о ааха –

Atha mahāsatto setacchattassa heṭṭhā rājāsane nisinnova sakkasirisadisaṃ mahantaṃ sirivilāsaṃ oloketvā attano mahāsamudde katavāyāmaṃ anussari. Tassa ‘‘vīriyaṃ nāma kattabbayuttakaṃ, sacāhaṃ mahāsamudde vīriyaṃ nākarissaṃ, na imaṃ sampattiṃ alabhissa’’nti taṃ vāyāmaṃ anussarantassa pīti uppajji. So pītivegena udānaṃ udānento āha –

133.

‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;

‘‘Āsīsetheva puriso, na nibbindeyya paṇḍito;

бассаами вохам̣ ад̇д̇аанам̣, яат̇аа ижчим̣ д̇ат̇аа аху.

Passāmi vohaṃ attānaṃ, yathā icchiṃ tathā ahu.

134.

‘‘аасийсзт̇зва бурисо, на ниб̣б̣инд̣̇зяяа бан̣д̣ид̇о;

‘‘Āsīsetheva puriso, na nibbindeyya paṇḍito;

бассаами вохам̣ ад̇д̇аанам̣, уд̣̇агаа т̇аламуб̣бхад̇ам̣.

Passāmi vohaṃ attānaṃ, udakā thalamubbhataṃ.

135.

‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;

‘‘Vāyametheva puriso, na nibbindeyya paṇḍito;

бассаами вохам̣ ад̇д̇аанам̣, яат̇аа ижчим̣ д̇ат̇аа аху.

Passāmi vohaṃ attānaṃ, yathā icchiṃ tathā ahu.

136.

‘‘вааяамзт̇зва бурисо, на ниб̣б̣инд̣̇зяяа бан̣д̣ид̇о;

‘‘Vāyametheva puriso, na nibbindeyya paṇḍito;

бассаами вохам̣ ад̇д̇аанам̣, уд̣̇агаа т̇аламуб̣бхад̇ам̣.

Passāmi vohaṃ attānaṃ, udakā thalamubbhataṃ.

137.

‘‘д̣̇угкуубанийд̇оби наро сабан̃н̃о, аасам̣ на чинд̣̇зяяа сукааг̇амааяа;

‘‘Dukkhūpanītopi naro sapañño, āsaṃ na chindeyya sukhāgamāya;

б̣ахуу хи пассаа ахид̇аа хид̇аа жа, авид̇аггид̇аа мажжумубаб̣б̣аж̇анд̇и.

Bahū hi phassā ahitā hitā ca, avitakkitā maccumupabbajanti.

138.

‘‘ажинд̇ид̇амби бхавад̇и, жинд̇ид̇амби винассад̇и;

‘‘Acintitampi bhavati, cintitampi vinassati;

на хи жинд̇аамаяаа бхог̇аа, ид̇т̇ияаа бурисасса ваа’’д̇и.

Na hi cintāmayā bhogā, itthiyā purisassa vā’’ti.

д̇ад̇т̇а аасийсзт̇зваад̇и аасаачзд̣̇агаммам̣ агад̇ваа ад̇д̇ано гаммам̣ аасам̣ гарот̇зва. на ниб̣б̣инд̣̇зяяаад̇и вийрияам̣ гаронд̇о на ниб̣б̣инд̣̇зяяа на аласзяяа. яат̇аа ижчинд̇и яат̇аа рааж̇абхаавам̣ ижчим̣, д̇ат̇зва рааж̇аа ж̇аад̇омхи. уб̣бхад̇анд̇и нийхадам̣. д̣̇угкуубанийд̇од̇и гааяигажзд̇асигад̣̇угкзна пудтобийд̇и ад̇т̇о. ахид̇аа хид̇аа жаад̇и д̣̇угкапассаа ахид̇аа, сукапассаа хид̇аа. авид̇аггид̇аад̇и авид̇аггид̇ааро ажинд̇ид̇ааро. ид̣̇ам̣ вуд̇д̇ам̣ ход̇и – д̇зсу пассзсу ахид̇апассзна пудтаа сад̇д̇аа ‘‘хид̇апассоби ад̇т̇ийд̇и вийрияам̣ гаронд̇аа д̇ам̣ баабун̣анд̇ий’’д̇и ажинд̇зд̇ваа вийрияам̣ на гаронд̇и, д̇з имасса ад̇т̇асса авид̇аггид̇ааро хид̇апассам̣ алабхид̇ваава мажжумубаб̣б̣аж̇анд̇и маран̣ам̣ баабун̣анд̇и, д̇асмаа вийрияам̣ гад̇д̇аб̣б̣амзваад̇и.

Tattha āsīsethevāti āsāchedakammaṃ akatvā attano kammaṃ āsaṃ karotheva. Na nibbindeyyāti vīriyaṃ karonto na nibbindeyya na alaseyya. Yathā icchinti yathā rājabhāvaṃ icchiṃ, tatheva rājā jātomhi. Ubbhatanti nīhaṭaṃ. Dukkhūpanītoti kāyikacetasikadukkhena phuṭṭhopīti attho. Ahitā hitā cāti dukkhaphassā ahitā, sukhaphassā hitā. Avitakkitāti avitakkitāro acintitāro. Idaṃ vuttaṃ hoti – tesu phassesu ahitaphassena phuṭṭhā sattā ‘‘hitaphassopi atthīti vīriyaṃ karontā taṃ pāpuṇantī’’ti acintetvā vīriyaṃ na karonti, te imassa atthassa avitakkitāro hitaphassaṃ alabhitvāva maccumupabbajanti maraṇaṃ pāpuṇanti, tasmā vīriyaṃ kattabbamevāti.

ажинд̇ид̇амбийд̇и имзсам̣ сад̇д̇аанам̣ ажинд̇ид̇амби ход̇и, жинд̇ид̇амби винассад̇и. маяааби хи ‘‘аяуж̇жхид̇ваава раж̇ж̇ам̣ лабхиссаамий’’д̇и ид̣̇ам̣ ажинд̇ид̇ам̣, ‘‘суван̣н̣абхуумид̇о д̇ханам̣ аахарид̇ваа яуж̇жхид̇ваа бид̇у санд̇агам̣ раж̇ж̇ам̣ г̇ан̣хиссаамий’’д̇и бана жинд̇ид̇ам̣, ид̣̇аани мз жинд̇ид̇ам̣ надтам̣, ажинд̇ид̇ам̣ ж̇аад̇ам̣. на хи жинд̇аамаяаа бхог̇аад̇и имзсам̣ сад̇д̇аанан̃хи бхог̇аа жинд̇ааяа анибпаж̇ж̇анад̇о жинд̇аамаяаа наама на хонд̇и, д̇асмаа вийрияамзва гад̇д̇аб̣б̣ам̣. вийрияавад̇о хи ажинд̇ид̇амби ход̇ийд̇и.

Acintitampīti imesaṃ sattānaṃ acintitampi hoti, cintitampi vinassati. Mayāpi hi ‘‘ayujjhitvāva rajjaṃ labhissāmī’’ti idaṃ acintitaṃ, ‘‘suvaṇṇabhūmito dhanaṃ āharitvā yujjhitvā pitu santakaṃ rajjaṃ gaṇhissāmī’’ti pana cintitaṃ, idāni me cintitaṃ naṭṭhaṃ, acintitaṃ jātaṃ. Na hi cintāmayā bhogāti imesaṃ sattānañhi bhogā cintāya anipphajjanato cintāmayā nāma na honti, tasmā vīriyameva kattabbaṃ. Vīriyavato hi acintitampi hotīti.

со д̇ад̇о бадтааяа д̣̇аса рааж̇ад̇хаммз агобзд̇ваа д̇хаммзна самзна раж̇ж̇ам̣ гаарзси, бажжзгаб̣уд̣̇д̇хз жа убадтааси. абарабхааг̇з сийвалид̣̇звий д̇хан̃н̃абун̃н̃алагкан̣асамбаннам̣ буд̇д̇ам̣ виж̇ааяи, ‘‘д̣̇ийгхаавугумааро’’д̇исса наамам̣ гарим̣су. д̇асса ваяаббад̇д̇асса рааж̇аа убараж̇ж̇ам̣ д̣̇ад̇ваа сад̇д̇авассасахассаани раж̇ж̇ам̣ гаарзси. со згад̣̇ивасам̣ уяяаанабаалзна палаапалзсу жзва наанаабубпзсу жа аабхад̇зсу д̇аани д̣̇исваа д̇удто худ̇ваа д̇асса саммаанам̣ гаарзд̇ваа ‘‘самма уяяаанабаала, ахам̣ уяяаанам̣ бассиссаами, д̇вам̣ алан̇гарохи на’’нд̇и ааха. со ‘‘саад̇ху, д̣̇зваа’’д̇и самбадижчид̇ваа д̇ат̇аа гад̇ваа ран̃н̃о бадивзд̣̇зси. со хад̇т̇игканд̇хавараг̇ад̇о маханд̇зна бариваарзна наг̇араа нигкамид̇ваа уяяаанад̣̇ваарам̣ баабун̣и. д̇ад̇ра жа д̣̇вз амб̣аа ад̇т̇и нийлобхаасаа. зго апало, зго палад̇харо. со бана ад̇имад̇хуро, ран̃н̃аа аг̇г̇апаласса абарибхуд̇д̇ад̇д̇аа д̇ад̇о гожи палам̣ г̇ахзд̇ум̣ на уссахад̇и. рааж̇аа хад̇т̇игканд̇хавараг̇ад̇ова д̇ад̇о згам̣ палам̣ г̇ахзд̇ваа барибхун̃ж̇и, д̇асса д̇ам̣ ж̇ивхаг̇г̇з табид̇амад̇д̇амзва д̣̇иб̣б̣ож̇ам̣ вияа убадтааси. со ‘‘нивад̇д̇анагаалз б̣ахуу каад̣̇иссаамий’’д̇и жинд̇зси. ‘‘ран̃н̃аа аг̇г̇апалам̣ барибхуд̇д̇а’’нд̇и н̃ад̇ваа убарааж̇аанам̣ аад̣̇им̣ гад̇ваа анд̇амасо хад̇т̇имзн̣д̣аассамзн̣д̣аад̣̇аяоби палам̣ г̇ахзд̇ваа барибхун̃ж̇им̣су. ан̃н̃з палам̣ алабханд̇аа д̣̇ан̣д̣зхи саакам̣ бхинд̣̇ид̇ваа нибан̣н̣амагам̣су. ругко обхаг̇г̇авибхаг̇г̇о адтааси, ид̇аро бана ман̣ибаб̣б̣ад̇о вияа вилаасамаано тид̇о.

So tato paṭṭhāya dasa rājadhamme akopetvā dhammena samena rajjaṃ kāresi, paccekabuddhe ca upaṭṭhāsi. Aparabhāge sīvalidevī dhaññapuññalakkhaṇasampannaṃ puttaṃ vijāyi, ‘‘dīghāvukumāro’’tissa nāmaṃ kariṃsu. Tassa vayappattassa rājā uparajjaṃ datvā sattavassasahassāni rajjaṃ kāresi. So ekadivasaṃ uyyānapālena phalāphalesu ceva nānāpupphesu ca ābhatesu tāni disvā tuṭṭho hutvā tassa sammānaṃ kāretvā ‘‘samma uyyānapāla, ahaṃ uyyānaṃ passissāmi, tvaṃ alaṅkarohi na’’nti āha. So ‘‘sādhu, devā’’ti sampaṭicchitvā tathā katvā rañño paṭivedesi. So hatthikkhandhavaragato mahantena parivārena nagarā nikkhamitvā uyyānadvāraṃ pāpuṇi. Tatra ca dve ambā atthi nīlobhāsā. Eko aphalo, eko phaladharo. So pana atimadhuro, raññā aggaphalassa aparibhuttattā tato koci phalaṃ gahetuṃ na ussahati. Rājā hatthikkhandhavaragatova tato ekaṃ phalaṃ gahetvā paribhuñji, tassa taṃ jivhagge ṭhapitamattameva dibbojaṃ viya upaṭṭhāsi. So ‘‘nivattanakāle bahū khādissāmī’’ti cintesi. ‘‘Raññā aggaphalaṃ paribhutta’’nti ñatvā uparājānaṃ ādiṃ katvā antamaso hatthimeṇḍaassameṇḍādayopi phalaṃ gahetvā paribhuñjiṃsu. Aññe phalaṃ alabhantā daṇḍehi sākhaṃ bhinditvā nipaṇṇamakaṃsu. Rukkho obhaggavibhaggo aṭṭhāsi, itaro pana maṇipabbato viya vilāsamāno ṭhito.

рааж̇аа уяяаанаа нигканд̇о д̇ам̣ д̣̇исваа ‘‘ид̣̇ам̣ ги’’нд̇и амажжз бужчад̇и. ‘‘д̣̇звзна аг̇г̇апалам̣ барибхуд̇д̇анд̇и махааж̇анзна вилумбид̇о д̣̇зваа’’д̇и аахам̣су. ‘‘гим̣ ну ко бхан̣з, имасса бана нзва бад̇д̇ам̣, на ван̣н̣о кийн̣о’’д̇и? ‘‘нибпалад̇ааяа на кийн̣о, д̣̇зваа’’д̇и. д̇ам̣ суд̇ваа рааж̇аа сам̣взг̇ам̣ бадилабхид̇ваа ‘‘аяам̣ ругко нибпалад̇ааяа нийлобхаасо тид̇о, аяам̣ бана сапалад̇ааяа обхаг̇г̇авибхаг̇г̇о тид̇о. ид̣̇амби раж̇ж̇ам̣ сапаларугкасад̣̇исам̣, баб̣б̣аж̇ж̇аа бана нибпаларугкасад̣̇исаа. сагин̃жанассзва бхаяам̣, наагин̃жанасса. д̇асмаа ахам̣ паларугко вияа ахуд̇ваа нибпаларугкасад̣̇исо бхависсаами, имам̣ самбад̇д̇им̣ жаж̇ид̇ваа нигкамма баб̣б̣аж̇иссаамий’’д̇и д̣̇ал̣хам̣ самаад̣̇аанам̣ гад̇ваа манам̣ ад̇хидтахид̇ваа наг̇арам̣ бависид̇ваа баасаад̣̇ад̣̇ваарз тид̇ова сзнаабад̇им̣ баггосаабзд̇ваа ‘‘махаасзнаабад̇и, аж̇ж̇а мз бадтааяа бхад̇д̇ахаараган̃жзва мукод̣̇агад̣̇анд̇агадтад̣̇ааяаган̃жа згам̣ убадтаагам̣ табзд̇ваа ан̃н̃з мам̣ д̣̇адтум̣ маа лабханд̇у, бораан̣агавинижчаяаамажжз г̇ахзд̇ваа раж̇ж̇ам̣ анусаасат̇а, ахам̣ ид̇о бадтааяа убарибаасаад̣̇ад̇алз саман̣ад̇хаммам̣ гариссаамий’’д̇и вад̇ваа баасаад̣̇амааруяха згагова саман̣ад̇хаммам̣ агааси. звам̣ г̇ад̇з гаалз махааж̇ано рааж̇ан̇г̇ан̣з саннибад̇ид̇ваа махаасад̇д̇ам̣ ад̣̇исваа ‘‘на но рааж̇аа бораан̣аго вияа ход̇ий’’д̇и вад̇ваа г̇аат̇аад̣̇ваяамааха –

Rājā uyyānā nikkhanto taṃ disvā ‘‘idaṃ ki’’nti amacce pucchati. ‘‘Devena aggaphalaṃ paribhuttanti mahājanena vilumpito devā’’ti āhaṃsu. ‘‘Kiṃ nu kho bhaṇe, imassa pana neva pattaṃ, na vaṇṇo khīṇo’’ti? ‘‘Nipphalatāya na khīṇo, devā’’ti. Taṃ sutvā rājā saṃvegaṃ paṭilabhitvā ‘‘ayaṃ rukkho nipphalatāya nīlobhāso ṭhito, ayaṃ pana saphalatāya obhaggavibhaggo ṭhito. Idampi rajjaṃ saphalarukkhasadisaṃ, pabbajjā pana nipphalarukkhasadisā. Sakiñcanasseva bhayaṃ, nākiñcanassa. Tasmā ahaṃ phalarukkho viya ahutvā nipphalarukkhasadiso bhavissāmi, imaṃ sampattiṃ cajitvā nikkhamma pabbajissāmī’’ti daḷhaṃ samādānaṃ katvā manaṃ adhiṭṭhahitvā nagaraṃ pavisitvā pāsādadvāre ṭhitova senāpatiṃ pakkosāpetvā ‘‘mahāsenāpati, ajja me paṭṭhāya bhattahārakañceva mukhodakadantakaṭṭhadāyakañca ekaṃ upaṭṭhākaṃ ṭhapetvā aññe maṃ daṭṭhuṃ mā labhantu, porāṇakavinicchayāmacce gahetvā rajjaṃ anusāsatha, ahaṃ ito paṭṭhāya uparipāsādatale samaṇadhammaṃ karissāmī’’ti vatvā pāsādamāruyha ekakova samaṇadhammaṃ akāsi. Evaṃ gate kāle mahājano rājaṅgaṇe sannipatitvā mahāsattaṃ adisvā ‘‘na no rājā porāṇako viya hotī’’ti vatvā gāthādvayamāha –

139.

‘‘абораан̣ам̣ вад̇а бхо рааж̇аа, саб̣б̣абхуммо д̣̇исамбад̇и;

‘‘Aporāṇaṃ vata bho rājā, sabbabhummo disampati;

наж̇ж̇а нажжз нисаамзд̇и, на г̇ийд̇з гуруд̇з мано.

Najja nacce nisāmeti, na gīte kurute mano.

140.

‘‘на миг̇з наби уяяаанз, наби хам̣сз уд̣̇игкад̇и;

‘‘Na mige napi uyyāne, napi haṃse udikkhati;

мууг̇ова д̇ун̣химаасийно, на ад̇т̇аманусаасад̇ий’’д̇и.

Mūgova tuṇhimāsīno, na atthamanusāsatī’’ti.

д̇ад̇т̇а миг̇зд̇и саб̣б̣асан̇г̇аахигаважанам̣, буб̣б̣з хад̇т̇ий яуж̇жхаабзд̇и, мзн̣д̣з яуж̇жхаабзд̇и, аж̇ж̇а д̇зби на ологзд̇ийд̇и ад̇т̇о. уяяаанзд̇и уяяаанагийл̣амби наанубход̇и. хам̣сзд̇и бан̃жабад̣̇умасан̃чаннаасу уяяаанабогкаран̣ийсу хам̣саг̇ан̣ам̣ на ологзд̇и. мууг̇оваад̇и бхад̇д̇ахаараган̃жа убадтааган̃жа бужчим̣су ‘‘бхо рааж̇аа, д̇умхзхи сад̣̇д̇хим̣ гин̃жи ад̇т̇ам̣ манд̇зд̇ий’’д̇и. д̇з ‘‘на манд̇зд̇ий’’д̇и вад̣̇им̣су. д̇асмаа звамаахам̣су.

Tattha migeti sabbasaṅgāhikavacanaṃ, pubbe hatthī yujjhāpeti, meṇḍe yujjhāpeti, ajja tepi na oloketīti attho. Uyyāneti uyyānakīḷampi nānubhoti. Haṃseti pañcapadumasañchannāsu uyyānapokkharaṇīsu haṃsagaṇaṃ na oloketi. Mūgovāti bhattahārakañca upaṭṭhākañca pucchiṃsu ‘‘bho rājā, tumhehi saddhiṃ kiñci atthaṃ mantetī’’ti. Te ‘‘na mantetī’’ti vadiṃsu. Tasmā evamāhaṃsu.

рааж̇аа гаамзсу аналлийяанд̇зна вивзганиннзна жид̇д̇зна ад̇д̇ано гулуубагабажжзгаб̣уд̣̇д̇хз ануссарид̇ваа ‘‘го ну ко мз д̇зсам̣ сийлаад̣̇иг̇ун̣аяуд̇д̇аанам̣ агин̃жанаанам̣ васанадтаанам̣ аажигкиссад̇ий’’д̇и д̇ийхи г̇аат̇аахи уд̣̇аанам̣ уд̣̇аанзси –

Rājā kāmesu anallīyantena vivekaninnena cittena attano kulūpakapaccekabuddhe anussaritvā ‘‘ko nu kho me tesaṃ sīlādiguṇayuttānaṃ akiñcanānaṃ vasanaṭṭhānaṃ ācikkhissatī’’ti tīhi gāthāhi udānaṃ udānesi –

141.

‘‘сукагаамаа рахосийлаа, вад̇хаб̣анд̇хаа убаарад̇аа;

‘‘Sukhakāmā rahosīlā, vadhabandhā upāratā;

гасса ну аж̇ж̇а аараамз, д̣̇ахараа вуд̣̇д̇хаа жа ажчарз.

Kassa nu ajja ārāme, daharā vuddhā ca acchare.

142.

‘‘ад̇игганд̇аванат̇аа д̇хийраа, намо д̇зсам̣ махзсинам̣;

‘‘Atikkantavanathā dhīrā, namo tesaṃ mahesinaṃ;

яз уссугамхи логамхи, вихаранд̇и мануссугаа.

Ye ussukamhi lokamhi, viharanti manussukā.

143.

‘‘д̇з чзд̇ваа мажжуно ж̇аалам̣, д̇ад̇ам̣ мааяаавино д̣̇ал̣хам̣;

‘‘Te chetvā maccuno jālaṃ, tataṃ māyāvino daḷhaṃ;

чиннаалаяад̇д̇аа г̇ажчанд̇и, го д̇зсам̣ г̇ад̇имаабаяз’’д̇и.

Chinnālayattā gacchanti, ko tesaṃ gatimāpaye’’ti.

д̇ад̇т̇а сукагаамаад̇и ниб̣б̣аанасукагаамаа. рахосийлаад̇и бадижчаннасийлаа на ад̇д̇ано г̇ун̣аббагаасанаа. д̣̇ахараа вуд̣дхаа жаад̇и д̣̇ахараа жзва махаллагаа жа. ажчарзд̇и васанд̇и.

Tattha sukhakāmāti nibbānasukhakāmā. Rahosīlāti paṭicchannasīlā na attano guṇappakāsanā. Daharā vuḍḍhā cāti daharā ceva mahallakā ca. Acchareti vasanti.

д̇ассзвам̣ д̇зсам̣ г̇ун̣з ануссаранд̇асса махад̇ий бийд̇и уббаж̇ж̇и. ат̇а махаасад̇д̇о баллан̇гад̇о удтааяа уд̇д̇арасийхабан̃ж̇арам̣ виварид̇ваа уд̇д̇арад̣̇исаабхимуко сираси ан̃ж̇алим̣ бад̇идтаабзд̇ваа ‘‘зваруубзхи г̇ун̣зхи саманнааг̇ад̇аа бажжзгаб̣уд̣̇д̇хаа’’д̇и намассамаано ‘‘ад̇игганд̇аванат̇аа’’д̇иаад̣̇имааха. д̇ад̇т̇а ад̇игганд̇аванат̇аад̇и бахийнад̇ан̣хаа. махзсинанд̇и маханд̇з сийлагканд̇хаад̣̇аяо г̇ун̣з зсид̇ваа тид̇аанам̣. уссугамхийд̇и рааг̇аад̣̇ийхи уссуггам̣ аабаннз логасмим̣. мажжуно ж̇ааланд̇и гилзсамаарзна басаарид̇ам̣ д̇ан̣хааж̇аалам̣. д̇ад̇ам̣ мааяаавинод̇и ад̇имааяаавино. го д̇зсам̣ г̇ад̇имаабаязд̇и го мам̣ д̇зсам̣ бажжзгаб̣уд̣̇д̇хаанам̣ ниваасадтаанам̣ баабзяяа, г̇ахзд̇ваа г̇ажчзяяаад̇и ад̇т̇о.

Tassevaṃ tesaṃ guṇe anussarantassa mahatī pīti uppajji. Atha mahāsatto pallaṅkato uṭṭhāya uttarasīhapañjaraṃ vivaritvā uttaradisābhimukho sirasi añjaliṃ patiṭṭhāpetvā ‘‘evarūpehi guṇehi samannāgatā paccekabuddhā’’ti namassamāno ‘‘atikkantavanathā’’tiādimāha. Tattha atikkantavanathāti pahīnataṇhā. Mahesinanti mahante sīlakkhandhādayo guṇe esitvā ṭhitānaṃ. Ussukamhīti rāgādīhi ussukkaṃ āpanne lokasmiṃ. Maccuno jālanti kilesamārena pasāritaṃ taṇhājālaṃ. Tataṃ māyāvinoti atimāyāvino. Ko tesaṃ gatimāpayeti ko maṃ tesaṃ paccekabuddhānaṃ nivāsaṭṭhānaṃ pāpeyya, gahetvā gaccheyyāti attho.

д̇асса баасаад̣̇зязва саман̣ад̇хаммам̣ гаронд̇асса жад̇д̇ааро маасаа ад̇ийд̇аа. ат̇асса ад̇ивияа баб̣б̣аж̇ж̇ааяа жид̇д̇ам̣ нами, аг̇аарам̣ логанд̇ариганираяо вияа кааяи, д̇аяо бхаваа аад̣̇ид̇д̇аа вияа убадтахим̣су. со баб̣б̣аж̇ж̇аабхимукзна жид̇д̇зна ‘‘гад̣̇аа ну ко имам̣ саггабхаванам̣ вияа алан̇гад̇аббадияад̇д̇ам̣ мит̇илам̣ бахааяа химаванд̇ам̣ бависид̇ваа баб̣б̣аж̇ид̇авзсаг̇ахан̣агаало маяхам̣ бхависсад̇ий’’д̇и жинд̇зд̇ваа мит̇илаван̣н̣анам̣ наама аарабхи –

Tassa pāsādeyeva samaṇadhammaṃ karontassa cattāro māsā atītā. Athassa ativiya pabbajjāya cittaṃ nami, agāraṃ lokantarikanirayo viya khāyi, tayo bhavā ādittā viya upaṭṭhahiṃsu. So pabbajjābhimukhena cittena ‘‘kadā nu kho imaṃ sakkabhavanaṃ viya alaṅkatappaṭiyattaṃ mithilaṃ pahāya himavantaṃ pavisitvā pabbajitavesagahaṇakālo mayhaṃ bhavissatī’’ti cintetvā mithilavaṇṇanaṃ nāma ārabhi –

144.

‘‘гад̣̇аахам̣ мит̇илам̣ пийд̇ам̣, вибхад̇д̇ам̣ бхааг̇асо мид̇ам̣;

‘‘Kadāhaṃ mithilaṃ phītaṃ, vibhattaṃ bhāgaso mitaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

145.

‘‘гад̣̇аахам̣ мит̇илам̣ пийд̇ам̣, висаалам̣ саб̣б̣ад̇обабхам̣;

‘‘Kadāhaṃ mithilaṃ phītaṃ, visālaṃ sabbatopabhaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

146.

‘‘гад̣̇аахам̣ мит̇илам̣ пийд̇ам̣, б̣ахубаагаарад̇оран̣ам̣;

‘‘Kadāhaṃ mithilaṃ phītaṃ, bahupākāratoraṇaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

147.

‘‘гад̣̇аахам̣ мит̇илам̣ пийд̇ам̣, д̣̇ал̣хамаддаалагодтагам̣;

‘‘Kadāhaṃ mithilaṃ phītaṃ, daḷhamaṭṭālakoṭṭhakaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

148.

‘‘гад̣̇аахам̣ мит̇илам̣ пийд̇ам̣, сувибхад̇д̇ам̣ махаабат̇ам̣;

‘‘Kadāhaṃ mithilaṃ phītaṃ, suvibhattaṃ mahāpathaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

149.

‘‘гад̣̇аахам̣ мит̇илам̣ пийд̇ам̣, сувибхад̇д̇анд̇араабан̣ам̣;

‘‘Kadāhaṃ mithilaṃ phītaṃ, suvibhattantarāpaṇaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

150.

‘‘гад̣̇аахам̣ мит̇илам̣ пийд̇ам̣, г̇аваассарат̇абийл̣ид̇ам̣;

‘‘Kadāhaṃ mithilaṃ phītaṃ, gavāssarathapīḷitaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

151.

‘‘гад̣̇аахам̣ мит̇илам̣ пийд̇ам̣, аараамаванамаалиним̣;

‘‘Kadāhaṃ mithilaṃ phītaṃ, ārāmavanamāliniṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

152.

‘‘гад̣̇аахам̣ мит̇илам̣ пийд̇ам̣, уяяаанаванамаалиним̣;

‘‘Kadāhaṃ mithilaṃ phītaṃ, uyyānavanamāliniṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

153.

‘‘гад̣̇аахам̣ мит̇илам̣ пийд̇ам̣, баасаад̣̇аванамаалиним̣;

‘‘Kadāhaṃ mithilaṃ phītaṃ, pāsādavanamāliniṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

154.

‘‘гад̣̇аахам̣ мит̇илам̣ пийд̇ам̣, д̇ибурам̣ рааж̇аб̣анд̇хуним̣;

‘‘Kadāhaṃ mithilaṃ phītaṃ, tipuraṃ rājabandhuniṃ;

маабид̇ам̣ соманассзна, взд̣̇зхзна яасассинаа;

Māpitaṃ somanassena, vedehena yasassinā;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

155.

‘‘гад̣̇аахам̣ взд̣̇зхз пийд̇з, нижид̇з д̇хаммарагкид̇з;

‘‘Kadāhaṃ vedehe phīte, nicite dhammarakkhite;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

156.

‘‘гад̣̇аахам̣ взд̣̇зхз пийд̇з, аж̇зяяз д̇хаммарагкид̇з;

‘‘Kadāhaṃ vedehe phīte, ajeyye dhammarakkhite;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

157.

‘‘гад̣̇аахам̣ анд̇збурам̣ раммам̣, вибхад̇д̇ам̣ бхааг̇асо мид̇ам̣;

‘‘Kadāhaṃ antepuraṃ rammaṃ, vibhattaṃ bhāgaso mitaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

158.

‘‘гад̣̇аахам̣ анд̇збурам̣ раммам̣, суд̇хаамад̇д̇игалзбанам̣;

‘‘Kadāhaṃ antepuraṃ rammaṃ, sudhāmattikalepanaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

159.

‘‘гад̣̇аахам̣ анд̇збурам̣ раммам̣, сужиг̇анд̇хам̣ манорамам̣;

‘‘Kadāhaṃ antepuraṃ rammaṃ, sucigandhaṃ manoramaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

160.

‘‘гад̣̇аахам̣ гуудааг̇аарз жа, вибхад̇д̇з бхааг̇асо мид̇з;

‘‘Kadāhaṃ kūṭāgāre ca, vibhatte bhāgaso mite;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

161.

‘‘гад̣̇аахам̣ гуудааг̇аарз жа, суд̇хаамад̇д̇игалзбанз;

‘‘Kadāhaṃ kūṭāgāre ca, sudhāmattikalepane;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

162.

‘‘гад̣̇аахам̣ гуудааг̇аарз жа, сужиг̇анд̇хз манорамз;

‘‘Kadāhaṃ kūṭāgāre ca, sucigandhe manorame;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

163.

‘‘гад̣̇аахам̣ гуудааг̇аарз жа, лид̇д̇з жанд̣̇анапосид̇з;

‘‘Kadāhaṃ kūṭāgāre ca, litte candanaphosite;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

164.

‘‘гад̣̇аахам̣ сон̣н̣абаллан̇гз, г̇онагз жид̇д̇асант̇ад̇з;

‘‘Kadāhaṃ soṇṇapallaṅke, gonake cittasanthate;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

165.

‘‘гад̣̇аахам̣ ман̣ибаллан̇гз, г̇онагз жид̇д̇асант̇ад̇з;

‘‘Kadāhaṃ maṇipallaṅke, gonake cittasanthate;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

166.

‘‘гад̣̇аахам̣ габбаасагосзяяам̣, комагодумб̣араани жа;

‘‘Kadāhaṃ kappāsakoseyyaṃ, khomakoṭumbarāni ca;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

167.

‘‘гад̣̇аахам̣ богкаран̣ий раммаа, жаггаваагабагууж̇ид̇аа;

‘‘Kadāhaṃ pokkharaṇī rammā, cakkavākapakūjitā;

манд̣̇аалагзхи сан̃чаннаа, бад̣̇умуббалагзхи жа;

Mandālakehi sañchannā, padumuppalakehi ca;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

168.

‘‘гад̣̇аахам̣ хад̇т̇иг̇умб̣з жа, саб̣б̣аалан̇гаарабхуусид̇з;

‘‘Kadāhaṃ hatthigumbe ca, sabbālaṅkārabhūsite;

суван̣н̣агажчз маад̇ан̇г̇з, хзмагаббанаваасасз.

Suvaṇṇakacche mātaṅge, hemakappanavāsase.

169.

‘‘ааруул̣хз г̇ааман̣ийязхи, д̇омаран̇гусабаан̣ибхи;

‘‘Ārūḷhe gāmaṇīyehi, tomaraṅkusapāṇibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

170.

‘‘гад̣̇аахам̣ ассаг̇умб̣з жа, саб̣б̣аалан̇гаарабхуусид̇з;

‘‘Kadāhaṃ assagumbe ca, sabbālaṅkārabhūsite;

ааж̇аанийязва ж̇аад̇ияаа, синд̇хавз сийгхавааханз.

Ājānīyeva jātiyā, sindhave sīghavāhane.

171.

‘‘ааруул̣хз г̇ааман̣ийязхи, иллияаажаабад̇хаарибхи;

‘‘Ārūḷhe gāmaṇīyehi, illiyācāpadhāribhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

172.

‘‘гад̣̇аахам̣ рат̇асзнияо, саннад̣̇д̇хз уссид̇ад̣̇д̇хаж̇з;

‘‘Kadāhaṃ rathaseniyo, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

173.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

174.

‘‘гад̣̇аахам̣ сован̣н̣арат̇з, саннад̣̇д̇хз уссид̇ад̣̇д̇хаж̇з;

‘‘Kadāhaṃ sovaṇṇarathe, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

175.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

176.

‘‘гад̣̇аахам̣ саж̇жхурат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ sajjhurathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

177.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

178.

‘‘гад̣̇аахам̣ ассарат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ assarathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

179.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

180.

‘‘гад̣̇аахам̣ одтарат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ oṭṭharathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

181.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

182.

‘‘гад̣̇аахам̣ г̇он̣арат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ goṇarathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

183.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

184.

‘‘гад̣̇аахам̣ аж̇арат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ ajarathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

185.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

186.

‘‘гад̣̇аахам̣ мзн̣д̣арат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ meṇḍarathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

187.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

188.

‘‘гад̣̇аахам̣ миг̇арат̇з жа, саннад̣̇д̇хз уссид̇ад̣̇д̇хаж̇з;

‘‘Kadāhaṃ migarathe ca, sannaddhe ussitaddhaje;

д̣̇ийбз ат̇оби взяяаг̇гхз, саб̣б̣аалан̇гаарабхуусид̇з.

Dīpe athopi veyyagghe, sabbālaṅkārabhūsite.

189.

‘‘ааруул̣хз г̇ааман̣ийязхи, жаабахад̇т̇зхи ваммибхи;

‘‘Ārūḷhe gāmaṇīyehi, cāpahatthehi vammibhi;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

190.

‘‘гад̣̇аахам̣ хад̇т̇аарохз жа, саб̣б̣аалан̇гаарабхуусид̇з;

‘‘Kadāhaṃ hatthārohe ca, sabbālaṅkārabhūsite;

нийлаваммад̇харз суурз, д̇омаран̇гусабаан̣инз;

Nīlavammadhare sūre, tomaraṅkusapāṇine;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

191.

‘‘гад̣̇аахам̣ ассаарохз жа, саб̣б̣аалан̇гаарабхуусид̇з;

‘‘Kadāhaṃ assārohe ca, sabbālaṅkārabhūsite;

нийлаваммад̇харз суурз, иллияаажаабад̇хааринз;

Nīlavammadhare sūre, illiyācāpadhārine;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

192.

‘‘гад̣̇аахам̣ рат̇аарохз жа, саб̣б̣аалан̇гаарабхуусид̇з;

‘‘Kadāhaṃ rathārohe ca, sabbālaṅkārabhūsite;

нийлаваммад̇харз суурз, жаабахад̇т̇з галаабинз;

Nīlavammadhare sūre, cāpahatthe kalāpine;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

193.

‘‘гад̣̇аахам̣ д̇хануг̇г̇ахз жа, саб̣б̣аалан̇гаарабхуусид̇з;

‘‘Kadāhaṃ dhanuggahe ca, sabbālaṅkārabhūsite;

нийлаваммад̇харз суурз, жаабахад̇т̇з галаабинз;

Nīlavammadhare sūre, cāpahatthe kalāpine;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

194.

‘‘гад̣̇аахам̣ рааж̇абуд̇д̇з жа, саб̣б̣аалан̇гаарабхуусид̇з;

‘‘Kadāhaṃ rājaputte ca, sabbālaṅkārabhūsite;

жид̇раваммад̇харз суурз, ган̃жанаавзл̣ад̇хааринз;

Citravammadhare sūre, kañcanāveḷadhārine;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

195.

‘‘гад̣̇аахам̣ арияаг̇ан̣з жа, вад̇аванд̇з алан̇гад̇з;

‘‘Kadāhaṃ ariyagaṇe ca, vatavante alaṅkate;

харижанд̣̇аналид̇д̇ан̇г̇з, гаасигуд̇д̇амад̇хааринз;

Haricandanalittaṅge, kāsikuttamadhārine;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

196.

‘‘гад̣̇аахам̣ амажжаг̇ан̣з жа, саб̣б̣аалан̇гаарабхуусид̇з;

‘‘Kadāhaṃ amaccagaṇe ca, sabbālaṅkārabhūsite;

бийд̇аваммад̇харз суурз, бурад̇о г̇ажчамаалинз;

Pītavammadhare sūre, purato gacchamāline;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

197.

‘‘гад̣̇аахам̣ сад̇д̇асад̇аа бхарияаа, саб̣б̣аалан̇гаарабхуусид̇аа;

‘‘Kadāhaṃ sattasatā bhariyā, sabbālaṅkārabhūsitā;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

198.

‘‘гад̣̇аахам̣ сад̇д̇асад̇аа бхарияаа, сусан̃н̃аа д̇анумаж̇жхимаа;

‘‘Kadāhaṃ sattasatā bhariyā, susaññā tanumajjhimā;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

199.

‘‘гад̣̇аахам̣ сад̇д̇асад̇аа бхарияаа, ассаваа бияабхаан̣иний;

‘‘Kadāhaṃ sattasatā bhariyā, assavā piyabhāṇinī;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

200.

‘‘гад̣̇аахам̣ сад̇абалам̣ гам̣сам̣, сован̣н̣ам̣ сад̇арааж̇игам̣;

‘‘Kadāhaṃ satapalaṃ kaṃsaṃ, sovaṇṇaṃ satarājikaṃ;

бахааяа баб̣б̣аж̇иссаами, д̇ам̣ гуд̣̇аассу бхависсад̇и.

Pahāya pabbajissāmi, taṃ kudāssu bhavissati.

201.

‘‘гад̣̇аассу мам̣ хад̇т̇иг̇умб̣аа, саб̣б̣аалан̇гаарабхуусид̇аа;

‘‘Kadāssu maṃ hatthigumbā, sabbālaṅkārabhūsitā;

суван̣н̣агажчаа маад̇ан̇г̇аа, хзмагаббанаваасасаа.

Suvaṇṇakacchā mātaṅgā, hemakappanavāsasā.

202.

‘‘ааруул̣хаа г̇ааман̣ийязхи, д̇омаран̇гусабаан̣ибхи;

‘‘Ārūḷhā gāmaṇīyehi, tomaraṅkusapāṇibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

203.

‘‘гад̣̇аассу мам̣ ассаг̇умб̣аа, саб̣б̣аалан̇гаарабхуусид̇аа;

‘‘Kadāssu maṃ assagumbā, sabbālaṅkārabhūsitā;

ааж̇аанийяаава ж̇аад̇ияаа, синд̇хаваа сийгхавааханаа.

Ājānīyāva jātiyā, sindhavā sīghavāhanā.

204.

‘‘ааруул̣хаа г̇ааман̣ийязхи, иллияаажаабад̇хаарибхи;

‘‘Ārūḷhā gāmaṇīyehi, illiyācāpadhāribhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

205.

‘‘гад̣̇аассу мам̣ рат̇асзний, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ rathasenī, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

206.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

207.

‘‘гад̣̇аассу мам̣ сон̣н̣арат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ soṇṇarathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

208.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

209.

‘‘гад̣̇аассу мам̣ саж̇жхурат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ sajjhurathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

210.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

211.

‘‘гад̣̇аассу мам̣ ассарат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ assarathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

212.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

213.

‘‘гад̣̇аассу мам̣ одтарат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ oṭṭharathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

214.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

215.

‘‘гад̣̇аассу мам̣ г̇он̣арат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ goṇarathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

216.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

217.

‘‘гад̣̇аассу мам̣ аж̇арат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ ajarathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

218.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

219.

‘‘гад̣̇аассу мам̣ мзн̣д̣арат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ meṇḍarathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

220.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

221.

‘‘гад̣̇аассу мам̣ миг̇арат̇аа, саннад̣̇д̇хаа уссид̇ад̣̇д̇хаж̇аа;

‘‘Kadāssu maṃ migarathā, sannaddhā ussitaddhajā;

д̣̇ийбаа ат̇оби взяяаг̇гхаа, саб̣б̣аалан̇гаарабхуусид̇аа.

Dīpā athopi veyyagghā, sabbālaṅkārabhūsitā.

222.

‘‘ааруул̣хаа г̇ааман̣ийязхи, жаабахад̇т̇зхи ваммибхи;

‘‘Ārūḷhā gāmaṇīyehi, cāpahatthehi vammibhi;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

223.

‘‘гад̣̇аассу мам̣ хад̇т̇аарохаа, саб̣б̣аалан̇гаарабхуусид̇аа;

‘‘Kadāssu maṃ hatthārohā, sabbālaṅkārabhūsitā;

нийлаваммад̇хараа суураа, д̇омаран̇гусабаан̣ино;

Nīlavammadharā sūrā, tomaraṅkusapāṇino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

224.

‘‘гад̣̇аассу мам̣ ассаарохаа, саб̣б̣аалан̇гаарабхуусид̇аа;

‘‘Kadāssu maṃ assārohā, sabbālaṅkārabhūsitā;

нийлаваммад̇хараа суураа, иллияаажаабад̇хаарино;

Nīlavammadharā sūrā, illiyācāpadhārino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

225.

‘‘гад̣̇аассу мам̣ рат̇аарохаа, саб̣б̣аалан̇гаарабхуусид̇аа;

‘‘Kadāssu maṃ rathārohā, sabbālaṅkārabhūsitā;

нийлаваммад̇хараа суураа, жаабахад̇т̇аа галаабино;

Nīlavammadharā sūrā, cāpahatthā kalāpino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

226.

‘‘гад̣̇аассу мам̣ д̇хануг̇г̇ахаа, саб̣б̣аалан̇гаарабхуусид̇аа;

‘‘Kadāssu maṃ dhanuggahā, sabbālaṅkārabhūsitā;

нийлаваммад̇хараа суураа, жаабахад̇т̇аа галаабино;

Nīlavammadharā sūrā, cāpahatthā kalāpino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

227.

‘‘гад̣̇аассу мам̣ рааж̇абуд̇д̇аа, саб̣б̣аалан̇гаарабхуусид̇аа;

‘‘Kadāssu maṃ rājaputtā, sabbālaṅkārabhūsitā;

жид̇раваммад̇хараа суураа, ган̃жанаавзл̣ад̇хаарино;

Citravammadharā sūrā, kañcanāveḷadhārino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

228.

‘‘гад̣̇аассу мам̣ арияаг̇ан̣аа, вад̇аванд̇аа алан̇гад̇аа;

‘‘Kadāssu maṃ ariyagaṇā, vatavantā alaṅkatā;

харижанд̣̇аналид̇д̇ан̇г̇аа, гаасигуд̇д̇амад̇хаарино;

Haricandanalittaṅgā, kāsikuttamadhārino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

229.

‘‘гад̣̇аассу мам̣ амажжаг̇ан̣аа, саб̣б̣аалан̇гаарабхуусид̇аа;

‘‘Kadāssu maṃ amaccagaṇā, sabbālaṅkārabhūsitā;

бийд̇аваммад̇хараа суураа, бурад̇о г̇ажчамаалино;

Pītavammadharā sūrā, purato gacchamālino;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

230.

‘‘гад̣̇аассу мам̣ сад̇д̇асад̇аа бхарияаа, саб̣б̣аалан̇гаарабхуусид̇аа;

‘‘Kadāssu maṃ sattasatā bhariyā, sabbālaṅkārabhūsitā;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

231.

‘‘гад̣̇аассу мам̣ сад̇д̇асад̇аа бхарияаа, сусан̃н̃аа д̇анумаж̇жхимаа;

‘‘Kadāssu maṃ sattasatā bhariyā, susaññā tanumajjhimā;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

232.

‘‘гад̣̇аассу мам̣ сад̇д̇асад̇аа бхарияаа, ассаваа бияабхаан̣иний;

‘‘Kadāssu maṃ sattasatā bhariyā, assavā piyabhāṇinī;

яанд̇ам̣ мам̣ наануяиссанд̇и, д̇ам̣ гуд̣̇аассу бхависсад̇и.

Yantaṃ maṃ nānuyissanti, taṃ kudāssu bhavissati.

233.

‘‘гад̣̇аахам̣ бад̇д̇ам̣ г̇ахзд̇ваана, мун̣д̣о сан̇гхаадибааруд̇о;

‘‘Kadāhaṃ pattaṃ gahetvāna, muṇḍo saṅghāṭipāruto;

бин̣д̣игааяа жариссаами, д̇ам̣ гуд̣̇аассу бхависсад̇и.

Piṇḍikāya carissāmi, taṃ kudāssu bhavissati.

234.

‘‘гад̣̇аахам̣ бам̣сугуулаанам̣, уж̇жхид̇аанам̣ махаабат̇з;

‘‘Kadāhaṃ paṃsukūlānaṃ, ujjhitānaṃ mahāpathe;

сан̇гхаадим̣ д̇хаараяиссаами, д̇ам̣ гуд̣̇аассу бхависсад̇и.

Saṅghāṭiṃ dhārayissāmi, taṃ kudāssu bhavissati.

235.

‘‘гад̣̇аахам̣ сад̇д̇аахасаммзгхз, овадто аллажийваро;

‘‘Kadāhaṃ sattāhasammeghe, ovaṭṭho allacīvaro;

бин̣д̣игааяа жариссаами, д̇ам̣ гуд̣̇аассу бхависсад̇и.

Piṇḍikāya carissāmi, taṃ kudāssu bhavissati.

236.

‘‘гад̣̇аахам̣ саб̣б̣ад̇т̇а г̇анд̇ваа, ругкаа ругкам̣ ванаа ванам̣;

‘‘Kadāhaṃ sabbattha gantvā, rukkhā rukkhaṃ vanā vanaṃ;

анабзгко г̇амиссаами, д̇ам̣ гуд̣̇аассу бхависсад̇и.

Anapekkho gamissāmi, taṃ kudāssu bhavissati.

237.

‘‘гад̣̇аахам̣ г̇ирид̣̇уг̇г̇зсу, бахийнабхаяабхзраво;

‘‘Kadāhaṃ giriduggesu, pahīnabhayabheravo;

ад̣̇уд̇ияо г̇амиссаами, д̇ам̣ гуд̣̇аассу бхависсад̇и.

Adutiyo gamissāmi, taṃ kudāssu bhavissati.

238.

‘‘гад̣̇аахам̣ вийн̣ам̣ва руж̇ж̇аго, сад̇д̇ад̇анд̇им̣ манорамам̣;

‘‘Kadāhaṃ vīṇaṃva rujjako, sattatantiṃ manoramaṃ;

жид̇д̇ам̣ уж̇ум̣ гариссаами, д̇ам̣ гуд̣̇аассу бхависсад̇и.

Cittaṃ ujuṃ karissāmi, taṃ kudāssu bhavissati.

239.

‘‘гад̣̇аахам̣ рат̇агаарова, бариганд̇ам̣ убааханам̣;

‘‘Kadāhaṃ rathakārova, parikantaṃ upāhanaṃ;

гаамасан̃н̃ож̇анз чзжчам̣, яз д̣̇иб̣б̣з яз жа маанусз’’д̇и.

Kāmasaññojane checchaṃ, ye dibbe ye ca mānuse’’ti.

д̇ад̇т̇а гад̣̇аад̇и гаалабаривид̇агго. пийд̇анд̇и вад̇т̇аалан̇гаараад̣̇ийхи субубпид̇ам̣. вибхад̇д̇ам̣ бхааг̇асо мид̇анд̇и чзгзхи наг̇арамаабагзхи рааж̇анивзсанаад̣̇ийнам̣ васзна вибхад̇д̇ам̣ д̣̇вааравийт̇ийнам̣ васзна годтаасад̇о мид̇ам̣. д̇ам̣ гуд̣̇аассу бхависсад̇ийд̇и д̇ам̣ зваруубам̣ наг̇арам̣ бахааяа баб̣б̣аж̇анам̣ гуд̣̇аа наама мз бхависсад̇и . саб̣б̣ад̇обабханд̇и саманд̇ад̇о алан̇гааробхаасзна яуд̇д̇ам̣. б̣ахубаагаарад̇оран̣анд̇и б̣ахалзна бут̇улзна баагаарзна жзва д̣̇ваарад̇оран̣зхи жа саманнааг̇ад̇ам̣. д̣̇ал̣хамаддаалагодтаганд̇и д̣̇ал̣хзхи аддаалагзхи д̣̇ваарагодтагзхи жа саманнааг̇ад̇ам̣. бийл̣ид̇анд̇и самаагин̣н̣ам̣. д̇ибуранд̇и д̇ийхи бурзхи саманнааг̇ад̇ам̣, д̇ибаагааранд̇и ад̇т̇о. ат̇а ваа д̇ибуранд̇и д̇игкад̇д̇ум̣ бун̣н̣ам̣. рааж̇аб̣анд̇хунийнд̇и рааж̇ан̃н̃ад̇агзхзва бун̣н̣ам̣. соманассзнаад̇и звам̣наамагзна вид̣̇зхарааж̇зна.

Tattha kadāti kālaparivitakko. Phītanti vatthālaṅkārādīhi supupphitaṃ. Vibhattaṃ bhāgaso mitanti chekehi nagaramāpakehi rājanivesanādīnaṃ vasena vibhattaṃ dvāravīthīnaṃ vasena koṭṭhāsato mitaṃ. Taṃ kudāssu bhavissatīti taṃ evarūpaṃ nagaraṃ pahāya pabbajanaṃ kudā nāma me bhavissati . Sabbatopabhanti samantato alaṅkārobhāsena yuttaṃ. Bahupākāratoraṇanti bahalena puthulena pākārena ceva dvāratoraṇehi ca samannāgataṃ. Daḷhamaṭṭālakoṭṭhakanti daḷhehi aṭṭālakehi dvārakoṭṭhakehi ca samannāgataṃ. Pīḷitanti samākiṇṇaṃ. Tipuranti tīhi purehi samannāgataṃ, tipākāranti attho. Atha vā tipuranti tikkhattuṃ puṇṇaṃ. Rājabandhunīnti rājaññatakeheva puṇṇaṃ. Somanassenāti evaṃnāmakena videharājena.

нижид̇зд̇и д̇ханад̇хан̃н̃анижаяаад̣̇инаа самбаннз. аж̇зяязд̇и бажжаамид̇д̇зхи аж̇зд̇аб̣б̣з. жанд̣̇анапосид̇зд̇и лохид̇ажанд̣̇анзна барибпосид̇з. годумб̣араанийд̇и годумб̣арарадтз удтид̇авад̇т̇аани. хад̇т̇иг̇умб̣зд̇и хад̇т̇игхадааяо. хзмагаббанаваасасзд̇и хзмамаязна сийсаалан̇гаарасан̇каад̇зна габбанзна жа хзмаж̇аалзна жа саманнааг̇ад̇з. г̇ааман̣ийязхийд̇и хад̇т̇аажариязхи. ааж̇аанийязва ж̇аад̇ияаад̇и ж̇аад̇ияаа гааран̣аагааран̣аж̇аананад̇ааяа ааж̇аанийязва, д̇аад̣̇исаанам̣ ассаанам̣ г̇умб̣з. г̇ааман̣ийязхийд̇и ассаажариязхи. иллияаажаабад̇хаарибхийд̇и иллияан̃жа жаабан̃жа д̇хаарзнд̇зхи. рат̇асзнияод̇и рат̇агхадааяо. саннанд̇хзд̇и судту над̣̇д̇хз. д̣̇ийбз ат̇оби взяяаг̇гхзд̇и д̣̇ийбиб̣яаг̇гхажаммабаригкид̇д̇з. г̇ааман̣ийязхийд̇и рат̇аажариязхи. саж̇жхурат̇зд̇и раж̇ад̇арат̇з. аж̇арат̇амзн̣д̣арат̇амиг̇арат̇з собханад̇т̇ааяа яож̇знд̇и.

Niciteti dhanadhaññanicayādinā sampanne. Ajeyyeti paccāmittehi ajetabbe. Candanaphositeti lohitacandanena paripphosite. Koṭumbarānīti koṭumbararaṭṭhe uṭṭhitavatthāni. Hatthigumbeti hatthighaṭāyo. Hemakappanavāsaseti hemamayena sīsālaṅkārasaṅkhātena kappanena ca hemajālena ca samannāgate. Gāmaṇīyehīti hatthācariyehi. Ājānīyeva jātiyāti jātiyā kāraṇākāraṇajānanatāya ājānīyeva, tādisānaṃ assānaṃ gumbe. Gāmaṇīyehīti assācariyehi. Illiyācāpadhāribhīti illiyañca cāpañca dhārentehi. Rathaseniyoti rathaghaṭāyo. Sannandheti suṭṭhu naddhe. Dīpe athopi veyyaggheti dīpibyagghacammaparikkhitte. Gāmaṇīyehīti rathācariyehi. Sajjhuratheti rajatarathe. Ajarathameṇḍarathamigarathe sobhanatthāya yojenti.

арияаг̇ан̣зд̇и б̣раахман̣аг̇ан̣з. д̇з гира д̇ад̣̇аа арияаажаараа ахзсум̣, д̇зна д̇з звамааха. харижанд̣̇аналид̇д̇ан̇г̇зд̇и ган̃жанаван̣н̣зна жанд̣̇анзна лид̇д̇асарийрз. сад̇д̇асад̇аа бхарияаад̇и бияабхарияааязва санд̇хааяааха. сусан̃н̃аад̇и судту сан̃н̃ид̇аа. ассаваад̇и саамигасса важанагааригаа. сад̇абаланд̇и баласад̇зна суван̣н̣зна гаарид̇ам̣. гам̣санд̇и баад̇им̣. сад̇арааж̇иганд̇и бидтибассз рааж̇исад̇зна саманнааг̇ад̇ам̣. яанд̇ам̣ манд̇и анид̇т̇иг̇анд̇хаванасан̣д̣з згамзва г̇ажчанд̇ам̣ мам̣ гад̣̇аа ну д̇з наануяиссанд̇и. сад̇д̇аахасаммзгхзд̇и сад̇д̇аахам̣ самудтид̇з махаамзгхз, сад̇д̇аахавад̣̇д̣̇алигзд̇и ад̇т̇о. овадтод̇и онад̇асийсо. саб̣б̣ад̇т̇аад̇и саб̣б̣ад̣̇исам̣. руж̇ж̇агод̇и вийн̣ааваад̣̇аго. гаамасам̣яож̇анзд̇и гаамасам̣яож̇анам̣. д̣̇иб̣б̣зд̇и д̣̇иб̣б̣ам̣. маанусзд̇и маанусам̣.

Ariyagaṇeti brāhmaṇagaṇe. Te kira tadā ariyācārā ahesuṃ, tena te evamāha. Haricandanalittaṅgeti kañcanavaṇṇena candanena littasarīre. Sattasatā bhariyāti piyabhariyāyeva sandhāyāha. Susaññāti suṭṭhu saññitā. Assavāti sāmikassa vacanakārikā. Satapalanti palasatena suvaṇṇena kāritaṃ. Kaṃsanti pātiṃ. Satarājikanti piṭṭhipasse rājisatena samannāgataṃ. Yantaṃ manti anitthigandhavanasaṇḍe ekameva gacchantaṃ maṃ kadā nu te nānuyissanti. Sattāhasammegheti sattāhaṃ samuṭṭhite mahāmeghe, sattāhavaddaliketi attho. Ovaṭṭhoti onatasīso. Sabbatthāti sabbadisaṃ. Rujjakoti vīṇāvādako. Kāmasaṃyojaneti kāmasaṃyojanaṃ. Dibbeti dibbaṃ. Mānuseti mānusaṃ.

со гира д̣̇асавассасахассааяугагаалз ниб̣б̣ад̇д̇о сад̇д̇авассасахассаани раж̇ж̇ам̣ гаарзд̇ваа д̇ивассасахассаавасидтз ааяумхи баб̣б̣аж̇ид̇о. баб̣б̣аж̇анд̇о банзса уяяаанад̣̇ваарз амб̣аругкасса д̣̇идтагаалад̇о бадтааяа жад̇д̇ааро маасз аг̇аарз васид̇ваа ‘‘имамхаа рааж̇авзсаа баб̣б̣аж̇ид̇авзсо варад̇аро, баб̣б̣аж̇иссаамий’’д̇и жинд̇зд̇ваа убадтаагам̣ рахассзна аан̣аабзси ‘‘д̇аад̇а, ган̃жи аж̇аанаабзд̇ваа анд̇араабан̣ад̇о гаасааяавад̇т̇аани жзва мад̇д̇игаабад̇д̇ан̃жа гин̣ид̇ваа аахараа’’д̇и. со д̇ат̇аа агааси. рааж̇аа габбагам̣ баггосаабзд̇ваа гзсамассум̣ охаараабзд̇ваа габбагасса г̇аамаварам̣ д̣̇ад̇ваа габбагам̣ уяяож̇зд̇ваа згам̣ гаасаавам̣ ниваасзд̇ваа згам̣ баарубид̇ваа згам̣ ам̣сз гад̇ваа мад̇д̇игаабад̇д̇амби т̇авигааяа осаарзд̇ваа ам̣сз лаг̇г̇зси. д̇ад̇о гад̇д̇арад̣̇ан̣д̣ам̣ г̇ахзд̇ваа махаад̇алз гад̇ибаяз ваарз бажжзгаб̣уд̣̇д̇халийлааяа абараабарам̣ жан̇гами. со д̇ам̣ д̣̇ивасам̣ д̇ад̇т̇зва васид̇ваа бунад̣̇ивасз суурияуг̇г̇аманавзлааяа баасаад̣̇аа од̇арид̇ум̣ аарабхи.

So kira dasavassasahassāyukakāle nibbatto sattavassasahassāni rajjaṃ kāretvā tivassasahassāvasiṭṭhe āyumhi pabbajito. Pabbajanto panesa uyyānadvāre ambarukkhassa diṭṭhakālato paṭṭhāya cattāro māse agāre vasitvā ‘‘imamhā rājavesā pabbajitaveso varataro, pabbajissāmī’’ti cintetvā upaṭṭhākaṃ rahassena āṇāpesi ‘‘tāta, kañci ajānāpetvā antarāpaṇato kāsāyavatthāni ceva mattikāpattañca kiṇitvā āharā’’ti. So tathā akāsi. Rājā kappakaṃ pakkosāpetvā kesamassuṃ ohārāpetvā kappakassa gāmavaraṃ datvā kappakaṃ uyyojetvā ekaṃ kāsāvaṃ nivāsetvā ekaṃ pārupitvā ekaṃ aṃse katvā mattikāpattampi thavikāya osāretvā aṃse laggesi. Tato kattaradaṇḍaṃ gahetvā mahātale katipaye vāre paccekabuddhalīlāya aparāparaṃ caṅkami. So taṃ divasaṃ tattheva vasitvā punadivase sūriyuggamanavelāya pāsādā otarituṃ ārabhi.

д̇ад̣̇аа сийвалид̣̇звий д̇аа сад̇д̇асад̇аа валлабхид̇т̇ияо баггосаабзд̇ваа ‘‘жирам̣ д̣̇идто но рааж̇аа, жад̇д̇ааро маасаа ад̇ийд̇аа, аж̇ж̇а нам̣ бассиссаама, саб̣б̣аалан̇гаарзхи алан̇гарид̇ваа яат̇ааб̣алам̣ ид̇т̇игуд̇д̇ахаасавилаасз д̣̇ассзд̇ваа гилзсаб̣анд̇ханзна б̣анд̇хид̇ум̣ вааяамзяяаат̇аа’’д̇и вад̇ваа алан̇гад̇аббадияад̇д̇аахи д̇аахи сад̣̇д̇хим̣ ‘‘рааж̇аанам̣ бассиссаамаа’’д̇и баасаад̣̇ам̣ абхируханд̇ий д̇ам̣ од̇аранд̇ам̣ д̣̇исвааби на сан̃ж̇аани. ‘‘ран̃н̃о оваад̣̇ам̣ д̣̇аад̇ум̣ ааг̇ад̇о бажжзгаб̣уд̣̇д̇хо бхависсад̇ий’’д̇и сан̃н̃ааяа ванд̣̇ид̇ваа згаманд̇ам̣ адтааси. махаасад̇д̇оби баасаад̣̇аа од̇ари. ид̇арааби баасаад̣̇ам̣ абхирухид̇ваа сирисаяанабидтз бхамараван̣н̣агзсз жа басаад̇ханабхан̣д̣ан̃жа д̣̇исваа ‘‘на со бажжзгаб̣уд̣̇д̇хо, амхаагам̣ бияасаамиго бхависсад̇и, зт̇а нам̣ яаажид̇ваа нивад̇д̇аабзссаамий’’д̇и махаад̇алаа од̇арид̇ваа рааж̇ан̇г̇ан̣ам̣ самбаабун̣и. баабун̣ид̇ваа жа бана саб̣б̣аахи д̇аахи сад̣̇д̇хим̣ гзсз можзд̇ваа бидтияам̣ вигирид̇ваа убхохи хад̇т̇зхи урам̣ сам̣сумбхид̇ваа ‘‘гасмаа зваруубам̣ гаммам̣ гарот̇а, махаарааж̇аа’’д̇и ад̇игарун̣ам̣ барид̣̇звамаанаа рааж̇аанам̣ ануб̣анд̇хи, сагаланаг̇арам̣ сан̇кубхид̇ам̣ ахоси. д̇зби ‘‘рааж̇аа гира но баб̣б̣аж̇ид̇о, гуд̇о бана зваруубам̣ д̇хаммигарааж̇аанам̣ лабхиссаамаа’’д̇и род̣̇амаанаа рааж̇аанам̣ ануб̣анд̇хим̣су. д̇ад̇ра д̇аасам̣ ид̇т̇ийнам̣ барид̣̇званан̃жзва барид̣̇званд̇ияоби д̇аа бахааяа ран̃н̃о г̇аманан̃жа аавигаронд̇о сад̇т̇аа ааха –

Tadā sīvalidevī tā sattasatā vallabhitthiyo pakkosāpetvā ‘‘ciraṃ diṭṭho no rājā, cattāro māsā atītā, ajja naṃ passissāma, sabbālaṅkārehi alaṅkaritvā yathābalaṃ itthikuttahāsavilāse dassetvā kilesabandhanena bandhituṃ vāyameyyāthā’’ti vatvā alaṅkatappaṭiyattāhi tāhi saddhiṃ ‘‘rājānaṃ passissāmā’’ti pāsādaṃ abhiruhantī taṃ otarantaṃ disvāpi na sañjāni. ‘‘Rañño ovādaṃ dātuṃ āgato paccekabuddho bhavissatī’’ti saññāya vanditvā ekamantaṃ aṭṭhāsi. Mahāsattopi pāsādā otari. Itarāpi pāsādaṃ abhiruhitvā sirisayanapiṭṭhe bhamaravaṇṇakese ca pasādhanabhaṇḍañca disvā ‘‘na so paccekabuddho, amhākaṃ piyasāmiko bhavissati, etha naṃ yācitvā nivattāpessāmī’’ti mahātalā otaritvā rājaṅgaṇaṃ sampāpuṇi. Pāpuṇitvā ca pana sabbāhi tāhi saddhiṃ kese mocetvā piṭṭhiyaṃ vikiritvā ubhohi hatthehi uraṃ saṃsumbhitvā ‘‘kasmā evarūpaṃ kammaṃ karotha, mahārājā’’ti atikaruṇaṃ paridevamānā rājānaṃ anubandhi, sakalanagaraṃ saṅkhubhitaṃ ahosi. Tepi ‘‘rājā kira no pabbajito, kuto pana evarūpaṃ dhammikarājānaṃ labhissāmā’’ti rodamānā rājānaṃ anubandhiṃsu. Tatra tāsaṃ itthīnaṃ paridevanañceva paridevantiyopi tā pahāya rañño gamanañca āvikaronto satthā āha –

240.

‘‘д̇аа жа сад̇д̇асад̇аа бхарияаа, саб̣б̣аалан̇гаарабхуусид̇аа;

‘‘Tā ca sattasatā bhariyā, sabbālaṅkārabhūsitā;

б̣аахаа баг̇г̇аяха багганд̣̇ум̣, гасмаа но виж̇ахиссаси.

Bāhā paggayha pakkanduṃ, kasmā no vijahissasi.

241.

‘‘д̇аа жа сад̇д̇асад̇аа бхарияаа, сусан̃н̃аа д̇анумаж̇жхимаа;

‘‘Tā ca sattasatā bhariyā, susaññā tanumajjhimā;

б̣аахаа баг̇г̇аяха багганд̣̇ум̣, гасмаа но виж̇ахиссаси.

Bāhā paggayha pakkanduṃ, kasmā no vijahissasi.

242.

‘‘д̇аа жа сад̇д̇асад̇аа бхарияаа, ассаваа бияабхаан̣иний;

‘‘Tā ca sattasatā bhariyā, assavā piyabhāṇinī;

б̣аахаа баг̇г̇аяха багганд̣̇ум̣, гасмаа но виж̇ахиссаси.

Bāhā paggayha pakkanduṃ, kasmā no vijahissasi.

243.

‘‘д̇аа жа сад̇д̇асад̇аа бхарияаа, саб̣б̣аалан̇гаарабхуусид̇аа;

‘‘Tā ca sattasatā bhariyā, sabbālaṅkārabhūsitā;

хид̇ваа самбад̣̇д̣̇авий рааж̇аа, баб̣б̣аж̇ж̇ааяа бурагкад̇о.

Hitvā sampaddavī rājā, pabbajjāya purakkhato.

244.

‘‘д̇аа жа сад̇д̇асад̇аа бхарияаа, сусан̃н̃аа д̇анумаж̇жхимаа;

‘‘Tā ca sattasatā bhariyā, susaññā tanumajjhimā;

хид̇ваа самбад̣̇д̣̇авий рааж̇аа, баб̣б̣аж̇ж̇ааяа бурагкад̇о.

Hitvā sampaddavī rājā, pabbajjāya purakkhato.

245.

‘‘д̇аа жа сад̇д̇асад̇аа бхарияаа, ассаваа бияабхаан̣иний;

‘‘Tā ca sattasatā bhariyā, assavā piyabhāṇinī;

хид̇ваа самбад̣̇д̣̇авий рааж̇аа, баб̣б̣аж̇ж̇ааяа бурагкад̇о.

Hitvā sampaddavī rājā, pabbajjāya purakkhato.

246.

‘‘хид̇ваа сад̇абалам̣ гам̣сам̣, сован̣н̣ам̣ сад̇арааж̇игам̣;

‘‘Hitvā satapalaṃ kaṃsaṃ, sovaṇṇaṃ satarājikaṃ;

аг̇г̇ахий мад̇д̇игам̣ бад̇д̇ам̣, д̇ам̣ д̣̇уд̇ияаабхисзжана’’нд̇и.

Aggahī mattikaṃ pattaṃ, taṃ dutiyābhisecana’’nti.

д̇ад̇т̇а б̣аахаа баг̇г̇аяхаад̇и б̣аахаа угкибид̇ваа. самбад̣̇д̣̇авийд̇и бхигкавз, со махааж̇анаго рааж̇аа, д̇аа жа сад̇д̇асад̇аа бхарияаа ‘‘гим̣ но, д̣̇зва, бахааяа г̇ажчаси, го амхаагам̣ д̣̇осо’’д̇и вилабанд̇ияова чад̣д̣зд̇ваа самбад̣̇д̣̇авий г̇ад̇о, ‘‘баб̣б̣аж̇ж̇ааяа яаахий’’д̇и жод̣̇ияамаано вияа бурагкад̇о худ̇ваа г̇ад̇од̇и ад̇т̇о. д̇ам̣ д̣̇уд̇ияаабхисзжананд̇и бхигкавз, д̇ам̣ мад̇д̇игаабад̇д̇аг̇г̇ахан̣ам̣ д̣̇уд̇ияаабхисзжанам̣ гад̇ваа со рааж̇аа нигканд̇од̇и.

Tattha bāhā paggayhāti bāhā ukkhipitvā. Sampaddavīti bhikkhave, so mahājanako rājā, tā ca sattasatā bhariyā ‘‘kiṃ no, deva, pahāya gacchasi, ko amhākaṃ doso’’ti vilapantiyova chaḍḍetvā sampaddavī gato, ‘‘pabbajjāya yāhī’’ti codiyamāno viya purakkhato hutvā gatoti attho. Taṃ dutiyābhisecananti bhikkhave, taṃ mattikāpattaggahaṇaṃ dutiyābhisecanaṃ katvā so rājā nikkhantoti.

сийвалид̣̇звийби барид̣̇звамаанаа рааж̇аанам̣ нивад̇д̇зд̇ум̣ асаггонд̇ий ‘‘ад̇т̇зсо убааяо’’д̇и жинд̇зд̇ваа махаасзнаг̇уд̇д̇ам̣ баггосаабзд̇ваа ‘‘д̇аад̇а, ран̃н̃о бурад̇о г̇аманад̣̇исаабхааг̇з ж̇ин̣н̣агхараж̇ин̣н̣асаалаад̣̇ийсу аг̇г̇им̣ д̣̇зхи, д̇ин̣абан̣н̣аани сам̣харид̇ваа д̇асмим̣ д̇асмим̣ таанз д̇хуумам̣ гаарзхий’’д̇и аан̣аабзси. со д̇ат̇аа гаарзси. саа ран̃н̃о санд̇игам̣ г̇анд̇ваа баад̣̇зсу бад̇ид̇ваа мит̇илааяа аад̣̇ид̇д̇абхаавам̣ аарожзнд̇ий г̇аат̇аад̣̇ваяамааха –

Sīvalidevīpi paridevamānā rājānaṃ nivattetuṃ asakkontī ‘‘attheso upāyo’’ti cintetvā mahāsenaguttaṃ pakkosāpetvā ‘‘tāta, rañño purato gamanadisābhāge jiṇṇagharajiṇṇasālādīsu aggiṃ dehi, tiṇapaṇṇāni saṃharitvā tasmiṃ tasmiṃ ṭhāne dhūmaṃ kārehī’’ti āṇāpesi. So tathā kāresi. Sā rañño santikaṃ gantvā pādesu patitvā mithilāya ādittabhāvaṃ ārocentī gāthādvayamāha –

247.

‘‘бхзсмаа аг̇г̇исамаа ж̇аалаа, госаа д̣аяханд̇и бхааг̇асо;

‘‘Bhesmā aggisamā jālā, kosā ḍayhanti bhāgaso;

раж̇ад̇ам̣ ж̇аад̇аруубан̃жа, муд̇д̇аа взл̣урияаа б̣ахуу.

Rajataṃ jātarūpañca, muttā veḷuriyā bahū.

248.

‘‘ман̣аяо сан̇камуд̇д̇аа жа, вад̇т̇игам̣ харижанд̣̇анам̣;

‘‘Maṇayo saṅkhamuttā ca, vatthikaṃ haricandanaṃ;

аж̇инам̣ д̣̇анд̇абхан̣д̣ан̃жа, лохам̣ гаал̣ааяасам̣ б̣ахуу;

Ajinaṃ dantabhaṇḍañca, lohaṃ kāḷāyasaṃ bahū;

зхи рааж̇а нивад̇д̇ассу, маа д̇зд̇ам̣ винасаа д̇хана’’нд̇и.

Ehi rāja nivattassu, mā tetaṃ vinasā dhana’’nti.

д̇ад̇т̇а бхзсмаад̇и бхаяаанагаа. аг̇г̇исамаа ж̇аалаад̇и д̇зсам̣ д̇зсам̣ мануссаанам̣ г̇зхаани аг̇г̇и г̇ан̣хи, со зса махааж̇аалод̇и ад̇т̇о. госаад̇и суван̣н̣араж̇ад̇агодтааг̇аараад̣̇ийни. бхааг̇асод̇и годтаасад̇о сувибхад̇д̇ааби но зд̇з аг̇г̇инаа д̣аяханд̇и, д̣̇зваад̇и. лоханд̇и д̇амб̣алохаад̣̇игам̣. маа д̇зд̇ам̣ винасаа д̇хананд̇и маа д̇з зд̇ам̣ д̇ханам̣ винассад̇у, зхи нам̣ ниб̣б̣аабзд̇и, бажчаа г̇амиссаси, ‘‘махааж̇анаго наг̇арам̣ д̣аяхамаанам̣ анологзд̇ваава нигканд̇о’’д̇и д̇умхаагам̣ г̇арахаа бхависсад̇и, д̇ааяа д̇з лаж̇ж̇ааби виббадисаароби бхависсад̇и, зхи амажжз аан̣аабзд̇ваа аг̇г̇им̣ ниб̣б̣аабзхи, д̣̇зваад̇и.

Tattha bhesmāti bhayānakā. Aggisamā jālāti tesaṃ tesaṃ manussānaṃ gehāni aggi gaṇhi, so esa mahājāloti attho. Kosāti suvaṇṇarajatakoṭṭhāgārādīni. Bhāgasoti koṭṭhāsato suvibhattāpi no ete agginā ḍayhanti, devāti. Lohanti tambalohādikaṃ. Mā tetaṃ vinasā dhananti mā te etaṃ dhanaṃ vinassatu, ehi naṃ nibbāpeti, pacchā gamissasi, ‘‘mahājanako nagaraṃ ḍayhamānaṃ anoloketvāva nikkhanto’’ti tumhākaṃ garahā bhavissati, tāya te lajjāpi vippaṭisāropi bhavissati, ehi amacce āṇāpetvā aggiṃ nibbāpehi, devāti.

ат̇а махаасад̇д̇о ‘‘д̣̇зви, гим̣ гат̇зси, язсам̣ гин̃жанам̣ ад̇т̇и, д̇зсам̣ д̇ам̣ д̣аяхад̇и, маяам̣ бана агин̃жанаа’’д̇и д̣̇ийбзнд̇о г̇аат̇амааха –

Atha mahāsatto ‘‘devi, kiṃ kathesi, yesaṃ kiñcanaṃ atthi, tesaṃ taṃ ḍayhati, mayaṃ pana akiñcanā’’ti dīpento gāthamāha –

249.

‘‘сусукам̣ вад̇а ж̇ийваама, язсам̣ но над̇т̇и гин̃жанам̣;

‘‘Susukhaṃ vata jīvāma, yesaṃ no natthi kiñcanaṃ;

мит̇илаа д̣аяхамаанааяа, на мз гин̃жи ад̣аяхат̇аа’’д̇и.

Mithilā ḍayhamānāya, na me kiñci aḍayhathā’’ti.

д̇ад̇т̇а гин̃жананд̇и язсам̣ амхаагам̣ балиб̣уд̣̇д̇хагилзсасан̇каад̇ам̣ гин̃жанам̣ над̇т̇и, д̇з маяам̣ д̇зна агин̃жанабхаавзна сусукам̣ вад̇а ж̇ийваама. д̇знзва гааран̣зна мит̇илааяа д̣аяхамаанааяа на мз гин̃жи ад̣аяхат̇а, аббамад̇д̇агамби ад̇д̇ано бхан̣д̣агам̣ д̣аяхамаанам̣ на бассаамийд̇и вад̣̇ад̇и.

Tattha kiñcananti yesaṃ amhākaṃ palibuddhakilesasaṅkhātaṃ kiñcanaṃ natthi, te mayaṃ tena akiñcanabhāvena susukhaṃ vata jīvāma. Teneva kāraṇena mithilāya ḍayhamānāya na me kiñci aḍayhatha, appamattakampi attano bhaṇḍakaṃ ḍayhamānaṃ na passāmīti vadati.

зван̃жа бана вад̇ваа махаасад̇д̇о уд̇д̇арад̣̇ваарзна нигками. д̇аабисса сад̇д̇асад̇аа бхарияаа нигкамим̣су. буна сийвалид̣̇звий згам̣ убааяам̣ жинд̇зд̇ваа ‘‘г̇аамагхаад̇арадтавилумбанаагаарам̣ вияа д̣̇ассзт̇аа’’д̇и амажжз аан̣аабзси. д̇ам̣кан̣ам̣язва аавуд̇хахад̇т̇з бурисз д̇ад̇о д̇ад̇о аад̇хааванд̇з барид̇хааванд̇з вилумбанд̇з вияа сарийрз лаакаарасам̣ син̃жид̇ваа лад̣̇д̇хаббахаарз вияа палагз нибаж̇ж̇аабзд̇ваа вуяханд̇з мад̇з вияа жа ран̃н̃о д̣̇ассзсум̣. махааж̇ано убаггоси ‘‘махаарааж̇а, д̇умхзсу д̇харанд̇зсуязва радтам̣ вилумбанд̇и, махааж̇анам̣ гхаад̇знд̇ий’’д̇и. ат̇а д̣̇звийби рааж̇аанам̣ ванд̣̇ид̇ваа нивад̇д̇анад̇т̇ааяа г̇аат̇амааха –

Evañca pana vatvā mahāsatto uttaradvārena nikkhami. Tāpissa sattasatā bhariyā nikkhamiṃsu. Puna sīvalidevī ekaṃ upāyaṃ cintetvā ‘‘gāmaghātaraṭṭhavilumpanākāraṃ viya dassethā’’ti amacce āṇāpesi. Taṃkhaṇaṃyeva āvudhahatthe purise tato tato ādhāvante paridhāvante vilumpante viya sarīre lākhārasaṃ siñcitvā laddhappahāre viya phalake nipajjāpetvā vuyhante mate viya ca rañño dassesuṃ. Mahājano upakkosi ‘‘mahārāja, tumhesu dharantesuyeva raṭṭhaṃ vilumpanti, mahājanaṃ ghātentī’’ti. Atha devīpi rājānaṃ vanditvā nivattanatthāya gāthamāha –

250.

‘‘адавияо самуббаннаа, радтам̣ вид̣̇д̇хам̣саяанд̇и д̇ам̣;

‘‘Aṭaviyo samuppannā, raṭṭhaṃ viddhaṃsayanti taṃ;

зхи рааж̇а нивад̇д̇ассу, маа радтам̣ винасаа ид̣̇а’’нд̇и.

Ehi rāja nivattassu, mā raṭṭhaṃ vinasā ida’’nti.

д̇ад̇т̇а адавияод̇и махаарааж̇а, д̇умхзсу д̇харанд̇зсуязва адавижораа самуббаннаа самудтид̇аа, д̇ам̣ д̇аяаа д̇хаммарагкид̇ам̣ д̇ава радтам̣ вид̣̇д̇хам̣сзнд̇и.

Tattha aṭaviyoti mahārāja, tumhesu dharantesuyeva aṭavicorā samuppannā samuṭṭhitā, taṃ tayā dhammarakkhitaṃ tava raṭṭhaṃ viddhaṃsenti.

д̇ам̣ суд̇ваа рааж̇аа ‘‘маяи д̇харанд̇зязва жораа удтааяа радтам̣ вид̣̇д̇хам̣сзнд̇аа наама над̇т̇и, сийвалид̣̇звияаа гирияаа зсаа бхависсад̇ий’’д̇и жинд̇зд̇ваа д̇ам̣ аббадибхаанам̣ гаронд̇о ааха –

Taṃ sutvā rājā ‘‘mayi dharanteyeva corā uṭṭhāya raṭṭhaṃ viddhaṃsentā nāma natthi, sīvalideviyā kiriyā esā bhavissatī’’ti cintetvā taṃ appaṭibhānaṃ karonto āha –

251.

‘‘сусукам̣ вад̇а ж̇ийваама, язсам̣ но над̇т̇и гин̃жанам̣;

‘‘Susukhaṃ vata jīvāma, yesaṃ no natthi kiñcanaṃ;

радтз вилумбамаанамхи, на мз гин̃жи ахийрат̇а.

Raṭṭhe vilumpamānamhi, na me kiñci ahīratha.

252.

‘‘сусукам̣ вад̇а ж̇ийваама, язсам̣ но над̇т̇и гин̃жанам̣;

‘‘Susukhaṃ vata jīvāma, yesaṃ no natthi kiñcanaṃ;

бийд̇ибхагкаа бхависсаама, д̣̇зваа аабхассараа яат̇аа’’д̇и.

Pītibhakkhā bhavissāma, devā ābhassarā yathā’’ti.

д̇ад̇т̇а вилумбамаанамхийд̇и вилуббамаанз. аабхассараа яат̇аад̇и яат̇аа д̇з б̣рахмаано бийд̇ибхагкаа худ̇ваа самаабад̇д̇исукзна вийд̇инаамзнд̇и, д̇ат̇аа вийд̇инаамзссаамаад̇и.

Tattha vilumpamānamhīti viluppamāne. Ābhassarā yathāti yathā te brahmāno pītibhakkhā hutvā samāpattisukhena vītināmenti, tathā vītināmessāmāti.

звам̣ вуд̇д̇зби махааж̇ано рааж̇аанам̣ ануб̣анд̇хиязва. ат̇асса зд̇ад̣̇ахоси ‘‘аяам̣ махааж̇ано нивад̇д̇ид̇ум̣ на ижчад̇и, нивад̇д̇зссаами на’’нд̇и. со ад̣дхаг̇аавуд̇амад̇д̇ам̣ г̇ад̇агаалз нивад̇д̇ид̇ваа махаамаг̇г̇з тид̇ова амажжз ‘‘гассид̣̇ам̣ раж̇ж̇а’’нд̇и бужчид̇ваа ‘‘д̇умхаагам̣ , д̣̇зваа’’д̇и вуд̇д̇з ‘‘д̇зна хи имам̣ лзкам̣ анд̇арам̣ гаронд̇асса рааж̇ад̣̇ан̣д̣ам̣ гарот̇аа’’д̇и гад̇д̇арад̣̇ан̣д̣зна д̇ирияам̣ лзкам̣ аагад̣дхи. д̇зна д̇зж̇авад̇аа ран̃н̃аа гад̇ам̣ лзкам̣ гожи анд̇арам̣ гаад̇ум̣ наасагки. махааж̇ано лзкам̣ уссийсагз гад̇ваа б̣аал̣хабарид̣̇звам̣ барид̣̇зви. д̣̇звийби д̇ам̣ лзкам̣ анд̇арам̣ гаад̇ум̣ асаггонд̇ий рааж̇аанам̣ бидтим̣ д̣̇ад̇ваа г̇ажчанд̇ам̣ д̣̇исваа согам̣ санд̇хаарзд̇ум̣ асаггонд̇ий урам̣ бахарид̇ваа махаамаг̇г̇з д̇ирияам̣ бад̇ид̇ваа баривад̇д̇амаанаа аг̇амааси. махааж̇ано ‘‘лзкасаамигзхи лзкаа бхиннаа’’д̇и вад̇ваа д̣̇звияаа г̇ад̇амаг̇г̇знзва г̇ад̇о. ат̇а махаасад̇д̇оби уд̇д̇арахимаванд̇аабхимуко аг̇амааси. д̣̇звийби саб̣б̣ам̣ сзнаавааханам̣ аад̣̇ааяа д̇зна сад̣̇д̇хим̣язва г̇ад̇аа. рааж̇аа махааж̇анам̣ нивад̇д̇зд̇ум̣ асаггонд̇оязва садтияож̇анамаг̇г̇ам̣ г̇ад̇о.

Evaṃ vuttepi mahājano rājānaṃ anubandhiyeva. Athassa etadahosi ‘‘ayaṃ mahājano nivattituṃ na icchati, nivattessāmi na’’nti. So aḍḍhagāvutamattaṃ gatakāle nivattitvā mahāmagge ṭhitova amacce ‘‘kassidaṃ rajja’’nti pucchitvā ‘‘tumhākaṃ , devā’’ti vutte ‘‘tena hi imaṃ lekhaṃ antaraṃ karontassa rājadaṇḍaṃ karothā’’ti kattaradaṇḍena tiriyaṃ lekhaṃ ākaḍḍhi. Tena tejavatā raññā kataṃ lekhaṃ koci antaraṃ kātuṃ nāsakkhi. Mahājano lekhaṃ ussīsake katvā bāḷhaparidevaṃ paridevi. Devīpi taṃ lekhaṃ antaraṃ kātuṃ asakkontī rājānaṃ piṭṭhiṃ datvā gacchantaṃ disvā sokaṃ sandhāretuṃ asakkontī uraṃ paharitvā mahāmagge tiriyaṃ patitvā parivattamānā agamāsi. Mahājano ‘‘lekhasāmikehi lekhā bhinnā’’ti vatvā deviyā gatamaggeneva gato. Atha mahāsattopi uttarahimavantābhimukho agamāsi. Devīpi sabbaṃ senāvāhanaṃ ādāya tena saddhiṃyeva gatā. Rājā mahājanaṃ nivattetuṃ asakkontoyeva saṭṭhiyojanamaggaṃ gato.

д̇ад̣̇аа наарад̣̇о наама д̇аабасо химаванд̇з суван̣н̣аг̇ухааяам̣ васид̇ваа бан̃жаабхин̃н̃о жхаанасукзна вийд̇инаамзд̇ваа сад̇д̇аахам̣ ад̇иггаамзд̇ваа жхаанасукад̇о вудтааяа ‘‘ахо сукам̣, ахо сука’’нд̇и уд̣̇аанам̣ уд̣̇аанзси. со ‘‘ад̇т̇и ну ко гожи ж̇амб̣уд̣̇ийбад̇алз ид̣̇ам̣ сукам̣ бариязсанд̇о’’д̇и д̣̇иб̣б̣ажагкунаа ологзнд̇о махааж̇анагаб̣уд̣̇д̇хан̇гурам̣ д̣̇исваа ‘‘рааж̇аа махаабхинигкаманам̣ нигканд̇оби сийвалид̣̇звиббамукам̣ махааж̇анам̣ нивад̇д̇зд̇ум̣ на саггод̇и, анд̇арааяамбисса гарзяяа, ид̣̇аани г̇анд̇ваа бхияяосо мад̇д̇ааяа д̣̇ал̣хасамаад̣̇аанад̇т̇ам̣ оваад̣̇ам̣ д̣̇ассаамий’’д̇и жинд̇зд̇ваа ид̣̇д̇хиб̣алзна г̇анд̇ваа ран̃н̃о бурад̇о аагаасз тид̇ова д̇асса уссаахам̣ ж̇анзд̇ум̣ имам̣ г̇аат̇амааха –

Tadā nārado nāma tāpaso himavante suvaṇṇaguhāyaṃ vasitvā pañcābhiñño jhānasukhena vītināmetvā sattāhaṃ atikkāmetvā jhānasukhato vuṭṭhāya ‘‘aho sukhaṃ, aho sukha’’nti udānaṃ udānesi. So ‘‘atthi nu kho koci jambudīpatale idaṃ sukhaṃ pariyesanto’’ti dibbacakkhunā olokento mahājanakabuddhaṅkuraṃ disvā ‘‘rājā mahābhinikkhamanaṃ nikkhantopi sīvalidevippamukhaṃ mahājanaṃ nivattetuṃ na sakkoti, antarāyampissa kareyya, idāni gantvā bhiyyoso mattāya daḷhasamādānatthaṃ ovādaṃ dassāmī’’ti cintetvā iddhibalena gantvā rañño purato ākāse ṭhitova tassa ussāhaṃ janetuṃ imaṃ gāthamāha –

253.

‘‘гимхзсо махад̇о гхосо, гаа ну г̇аамзва гийл̣ияаа;

‘‘Kimheso mahato ghoso, kā nu gāmeva kīḷiyā;

саман̣а д̇зва бужчаама, гад̇т̇зсо абхисадо ж̇ано’’д̇и.

Samaṇa teva pucchāma, kattheso abhisaṭo jano’’ti.

д̇асса д̇ам̣ суд̇ваа рааж̇аа ааха –

Tassa taṃ sutvā rājā āha –

254.

‘‘мамам̣ охааяа г̇ажчанд̇ам̣, зд̇т̇зсо абхисадо ж̇ано;

‘‘Mamaṃ ohāya gacchantaṃ, ettheso abhisaṭo jano;

сиймаад̇иггаманам̣ яанд̇ам̣, мунимонасса бад̇д̇ияаа;

Sīmātikkamanaṃ yantaṃ, munimonassa pattiyā;

миссам̣ нанд̣̇ийхи г̇ажчанд̇ам̣, гим̣ ж̇аанаманубужчасий’’д̇и.

Missaṃ nandīhi gacchantaṃ, kiṃ jānamanupucchasī’’ti.

д̇ад̇т̇а гимхзсод̇и гимхи гзна гааран̣зна зсо хад̇т̇игааяаад̣̇ивасзна махад̇о самуухасса гхосо. гаа ну г̇аамзва гийл̣ияаад̇и гаа ну зсаа д̇аяаа сад̣̇д̇хим̣ ааг̇ажчанд̇аанам̣ г̇аамз вияа гийл̣и. гад̇т̇зсод̇и гимад̇т̇ам̣ зса махааж̇ано абхисадо саннибад̇ид̇о, д̇ам̣ бариваарзд̇ваа ааг̇ажчад̇ийд̇и бужчи. маманд̇и яо ахам̣ зд̇ам̣ ж̇анам̣ охааяа г̇ажчаами, д̇ам̣ мам̣ охааяа г̇ажчанд̇ам̣. зд̇т̇аад̇и зд̇асмим̣ таанз зсо махааж̇ано абхисадо ануб̣анд̇ханд̇о ааг̇ад̇о. сиймаад̇иггаманам̣ яанд̇анд̇и д̇вам̣ бана д̇ам̣ мам̣ гилзсасиймам̣ ад̇иггамма анаг̇аарияамунин̃аан̣асан̇каад̇асса монасса бад̇д̇ияаа яанд̇ам̣, ‘‘баб̣б̣аж̇ид̇о вад̇амхий’’д̇и нанд̣̇им̣ авиж̇ахид̇ваа кан̣з кан̣з уббаж̇ж̇амаанаахи нанд̣̇ийхи миссамзва г̇ажчанд̇ам̣ гим̣ ж̇аананд̇о бужчаси, уд̣̇ааху аж̇аананд̇о. махааж̇анаго гира вид̣̇зхарадтам̣ чад̣д̣зд̇ваа баб̣б̣аж̇ид̇од̇и гим̣ на суд̇ам̣ д̇аяаад̇и.

Tattha kimhesoti kimhi kena kāraṇena eso hatthikāyādivasena mahato samūhassa ghoso. Kā nu gāmeva kīḷiyāti kā nu esā tayā saddhiṃ āgacchantānaṃ gāme viya kīḷi. Katthesoti kimatthaṃ esa mahājano abhisaṭo sannipatito, taṃ parivāretvā āgacchatīti pucchi. Mamanti yo ahaṃ etaṃ janaṃ ohāya gacchāmi, taṃ maṃ ohāya gacchantaṃ. Etthāti etasmiṃ ṭhāne eso mahājano abhisaṭo anubandhanto āgato. Sīmātikkamanaṃ yantanti tvaṃ pana taṃ maṃ kilesasīmaṃ atikkamma anagāriyamuniñāṇasaṅkhātassa monassa pattiyā yantaṃ, ‘‘pabbajito vatamhī’’ti nandiṃ avijahitvā khaṇe khaṇe uppajjamānāhi nandīhi missameva gacchantaṃ kiṃ jānanto pucchasi, udāhu ajānanto. Mahājanako kira videharaṭṭhaṃ chaḍḍetvā pabbajitoti kiṃ na sutaṃ tayāti.

ат̇асса со д̣̇ал̣хасамаад̣̇аанад̇т̇ааяа буна г̇аат̇амааха –

Athassa so daḷhasamādānatthāya puna gāthamāha –

255.

‘‘маассу д̇ин̣н̣о аман̃н̃ид̇т̇а, сарийрам̣ д̇хаараяам̣ имам̣;

‘‘Māssu tiṇṇo amaññittha, sarīraṃ dhārayaṃ imaṃ;

ад̇ийран̣зяяа яамид̣̇ам̣, б̣ахуу хи барибант̇аяо’’д̇и.

Atīraṇeyya yamidaṃ, bahū hi paripanthayo’’ti.

д̇ад̇т̇а маассу д̇ин̣н̣о аман̃н̃ид̇т̇аад̇и имам̣ бхан̣д̣угаасааванивад̇т̇ам̣ сарийрам̣ д̇хаарзнд̇о ‘‘иминаа баб̣б̣аж̇ид̇алин̇г̇аг̇г̇ахан̣амад̇д̇знзва гилзсасиймам̣ д̇ин̣н̣о ад̇игганд̇осмий’’д̇и маа аман̃н̃ид̇т̇а. ад̇ийран̣зяяа яамид̣̇анд̇и ид̣̇ам̣ гилзсаж̇аад̇ам̣ наама на зд̇д̇агзна д̇ийрзд̇аб̣б̣ам̣. б̣ахуу хи барибант̇аяод̇и саг̇г̇амаг̇г̇ам̣ ааварид̇ваа тид̇аа д̇ава б̣ахуу гилзсабарибант̇аад̇и.

Tattha māssu tiṇṇo amaññitthāti imaṃ bhaṇḍukāsāvanivatthaṃ sarīraṃ dhārento ‘‘iminā pabbajitaliṅgaggahaṇamatteneva kilesasīmaṃ tiṇṇo atikkantosmī’’ti mā amaññittha. Atīraṇeyyayamidanti idaṃ kilesajātaṃ nāma na ettakena tīretabbaṃ. Bahū hi paripanthayoti saggamaggaṃ āvaritvā ṭhitā tava bahū kilesaparipanthāti.

д̇ад̇о махаасад̇д̇о д̇асса важанам̣ суд̇ваа барибант̇з бужчанд̇о ааха –

Tato mahāsatto tassa vacanaṃ sutvā paripanthe pucchanto āha –

256.

‘‘го ну мз барибант̇асса, мамам̣ звам̣вихаарино;

‘‘Ko nu me paripanthassa, mamaṃ evaṃvihārino;

яо нзва д̣̇идтз наад̣̇идтз, гаамаанамабхибад̇т̇аяз’’д̇и.

Yo neva diṭṭhe nādiṭṭhe, kāmānamabhipatthaye’’ti.

д̇ад̇т̇а яо нзва д̣̇идтз наад̣̇идтзд̇и яо ахам̣ нзва д̣̇идтз мануссалогз, наад̣̇идтз д̣̇звалогз гаамаанам̣ абхибад̇т̇зми, д̇асса мама звам̣ згавихаарино го ну барибант̇о ассаад̇и вад̣̇ад̇и.

Tattha yo neva diṭṭhe nādiṭṭheti yo ahaṃ neva diṭṭhe manussaloke, nādiṭṭhe devaloke kāmānaṃ abhipatthemi, tassa mama evaṃ ekavihārino ko nu paripantho assāti vadati.

ат̇асса со барибант̇з д̣̇ассзнд̇о г̇аат̇амааха –

Athassa so paripanthe dassento gāthamāha –

257.

‘‘нид̣̇д̣̇аа д̇анд̣̇ий виж̇амбхид̇аа, арад̇ий бхад̇д̇асаммад̣̇о;

‘‘Niddā tandī vijambhitā, aratī bhattasammado;

аавасанд̇и сарийрадтаа, б̣ахуу хи барибант̇аяо’’д̇и.

Āvasanti sarīraṭṭhā, bahū hi paripanthayo’’ti.

д̇ад̇т̇а нид̣̇д̣̇аад̇и габинид̣̇д̣̇аа. д̇анд̣̇ийд̇и ааласияам̣. арад̇ийд̇и угган̣тид̇аа. бхад̇д̇асаммад̣̇од̇и бхад̇д̇абарил̣аахо. ид̣̇ам̣ вуд̇д̇ам̣ ход̇и – ‘‘саман̣а, д̇вам̣ баасаад̣̇иго суван̣н̣аван̣н̣о раж̇ж̇ам̣ бахааяа баб̣б̣аж̇ид̇о’’д̇и вуд̇д̇з д̇уяхам̣ бан̣ийд̇ам̣ ож̇аванд̇ам̣ бин̣д̣абаад̇ам̣ д̣̇ассанд̇и, со д̇вам̣ бад̇д̇абуурам̣ аад̣̇ааяа яаавад̣̇ад̇т̇ам̣ барибхун̃ж̇ид̇ваа бан̣н̣асаалам̣ бависид̇ваа гадтад̇т̇аран̣з нибаж̇ж̇ид̇ваа гаагажчамаано нид̣̇д̣̇ам̣ оггамид̇ваа анд̇араа баб̣уд̣̇д̇хо абараабарам̣ баривад̇д̇ид̇ваа хад̇т̇абаад̣̇з басаарзд̇ваа удтааяа жийваравам̣сам̣ г̇ахзд̇ваа лаг̇г̇ажийварам̣ ниваасзд̇ваа ааласияо худ̇ваа нзва саммаж̇ж̇аним̣ аад̣̇ааяа саммаж̇ж̇иссаси, на баанийяам̣ аахариссаси, буна нибаж̇ж̇ид̇ваа нид̣̇д̣̇ааяиссаси , гаамавид̇аггам̣ вид̇аггзссаси, д̇ад̣̇аа баб̣б̣аж̇ж̇ааяа угган̣тиссаси, бхад̇д̇абарил̣аахо д̇з бхависсад̇ийд̇и. аавасанд̇и сарийрадтаад̇и имз зд̇д̇агаа барибант̇аа д̇ава сарийрадтагаа худ̇ваа нивасанд̇и, сарийрзязва д̇з ниб̣б̣ад̇д̇анд̇ийд̇и д̣̇ассзд̇и.

Tattha niddāti kapiniddā. Tandīti ālasiyaṃ. Aratīti ukkaṇṭhitā. Bhattasammadoti bhattapariḷāho. Idaṃ vuttaṃ hoti – ‘‘samaṇa, tvaṃ pāsādiko suvaṇṇavaṇṇo rajjaṃ pahāya pabbajito’’ti vutte tuyhaṃ paṇītaṃ ojavantaṃ piṇḍapātaṃ dassanti, so tvaṃ pattapūraṃ ādāya yāvadatthaṃ paribhuñjitvā paṇṇasālaṃ pavisitvā kaṭṭhattharaṇe nipajjitvā kākacchamāno niddaṃ okkamitvā antarā pabuddho aparāparaṃ parivattitvā hatthapāde pasāretvā uṭṭhāya cīvaravaṃsaṃ gahetvā laggacīvaraṃ nivāsetvā ālasiyo hutvā neva sammajjaniṃ ādāya sammajjissasi, na pānīyaṃ āharissasi, puna nipajjitvā niddāyissasi , kāmavitakkaṃ vitakkessasi, tadā pabbajjāya ukkaṇṭhissasi, bhattapariḷāho te bhavissatīti. Āvasanti sarīraṭṭhāti ime ettakā paripanthā tava sarīraṭṭhakā hutvā nivasanti, sarīreyeva te nibbattantīti dasseti.

ат̇асса махаасад̇д̇о т̇уд̇им̣ гаронд̇о г̇аат̇амааха –

Athassa mahāsatto thutiṃ karonto gāthamāha –

258.

‘‘галяаан̣ам̣ вад̇а мам̣ бхавам̣, б̣раахман̣а манусаасад̇и;

‘‘Kalyāṇaṃ vata maṃ bhavaṃ, brāhmaṇa manusāsati;

б̣раахман̣а д̇зва бужчаами, го ну д̇вамаси маарисаа’’д̇и.

Brāhmaṇa teva pucchāmi, ko nu tvamasi mārisā’’ti.

д̇ад̇т̇а б̣раахман̣а манусаасад̇ийд̇и б̣раахман̣а, галяаан̣ам̣ вад̇а мам̣ бхавам̣ анусаасад̇и.

Tattha brāhmaṇa manusāsatīti brāhmaṇa, kalyāṇaṃ vata maṃ bhavaṃ anusāsati.

д̇ад̇о д̇аабасо ааха –

Tato tāpaso āha –

259.

‘‘наарад̣̇о ид̇и мз наамам̣, гассабо ид̇и мам̣ вид̣̇уу;

‘‘Nārado iti me nāmaṃ, kassapo iti maṃ vidū;

бход̇о сагаасамааг̇ажчим̣, саад̇ху саб̣бхи самааг̇амо.

Bhoto sakāsamāgacchiṃ, sādhu sabbhi samāgamo.

260.

‘‘д̇асса д̇з саб̣б̣о аананд̣̇о, вихааро убавад̇д̇ад̇у;

‘‘Tassa te sabbo ānando, vihāro upavattatu;

яам̣ уунам̣ д̇ам̣ барибуурзхи, канд̇ияаа убасамзна жа.

Yaṃ ūnaṃ taṃ paripūrehi, khantiyā upasamena ca.

261.

‘‘басаараяа саннад̇ан̃жа, уннад̇ан̃жа басаараяа;

‘‘Pasāraya sannatañca, unnatañca pasāraya;

гаммам̣ виж̇ж̇ан̃жа д̇хамман̃жа, саггад̇ваана бариб̣б̣аж̇аа’’д̇и.

Kammaṃ vijjañca dhammañca, sakkatvāna paribbajā’’ti.

д̇ад̇т̇а вид̣̇ууд̇и г̇од̇д̇зна мам̣ ‘‘гассабо’’д̇и ж̇аананд̇и. саб̣бхийд̇и бан̣д̣ид̇зхи сад̣̇д̇хим̣ самааг̇амо наама саад̇ху ход̇ийд̇и ааг̇ад̇омхи. аананд̣̇од̇и д̇асса д̇ава имиссаа баб̣б̣аж̇ж̇ааяа аананд̣̇о д̇удти соманассамзва ход̇у маа угган̣ти. вихаарод̇и жад̇уб̣б̣ид̇хо б̣рахмавихааро. убавад̇д̇ад̇ууд̇и ниб̣б̣ад̇д̇ад̇у. яам̣ уунам̣ д̇анд̇и яам̣ д̇з сийлзна гасин̣абаригаммзна жхаанзна жа уунам̣, д̇ам̣ зд̇зхи сийлаад̣̇ийхи буураяа. канд̇ияаа убасамзна жаад̇и ‘‘ахам̣ рааж̇абаб̣б̣аж̇ид̇о’’д̇и маанам̣ агад̇ваа ад̇хиваасанаканд̇ияаа жа гилзсуубасамзна жа саманнааг̇ад̇о хохи. басаараяаад̇и маа угкиба маа бад̇т̇ара, баж̇ахаад̇и ад̇т̇о. саннад̇ан̃жа уннад̇ан̃жаад̇и ‘‘го наамааха’’нд̇иаад̣̇инаа наязна бавад̇д̇ам̣ омаанан̃жа ‘‘ахамасми ж̇аад̇исамбанно’’д̇иаад̣̇инаа наязна бавад̇д̇ам̣ ад̇имаанан̃жа. гамманд̇и д̣̇асагусалагаммабат̇ам̣. виж̇ж̇анд̇и бан̃жаабхин̃н̃аа-адтасамаабад̇д̇ин̃аан̣ам̣. д̇хамманд̇и гасин̣абаригаммасан̇каад̇ам̣ саман̣ад̇хаммам̣. саггад̇ваана бариб̣б̣аж̇аад̇и зд̇з г̇ун̣з саггад̇ваа вад̇д̇ассу, зд̇з ваа г̇ун̣з саггад̇ваа д̣̇ал̣хам̣ самаад̣̇ааяа бариб̣б̣аж̇а, баб̣б̣аж̇ж̇ам̣ баалзхи, маа угган̣тийд̇и ад̇т̇о.

Tattha vidūti gottena maṃ ‘‘kassapo’’ti jānanti. Sabbhīti paṇḍitehi saddhiṃ samāgamo nāma sādhu hotīti āgatomhi. Ānandoti tassa tava imissā pabbajjāya ānando tuṭṭhi somanassameva hotu mā ukkaṇṭhi. Vihāroti catubbidho brahmavihāro. Upavattatūti nibbattatu. Yaṃ ūnaṃ tanti yaṃ te sīlena kasiṇaparikammena jhānena ca ūnaṃ, taṃ etehi sīlādīhi pūraya. Khantiyā upasamena cāti ‘‘ahaṃ rājapabbajito’’ti mānaṃ akatvā adhivāsanakhantiyā ca kilesūpasamena ca samannāgato hohi. Pasārayāti mā ukkhipa mā patthara, pajahāti attho. Sannatañca unnatañcāti ‘‘ko nāmāha’’ntiādinā nayena pavattaṃ omānañca ‘‘ahamasmi jātisampanno’’tiādinā nayena pavattaṃ atimānañca. Kammanti dasakusalakammapathaṃ. Vijjanti pañcaabhiññā-aṭṭhasamāpattiñāṇaṃ. Dhammanti kasiṇaparikammasaṅkhātaṃ samaṇadhammaṃ. Sakkatvāna paribbajāti ete guṇe sakkatvā vattassu, ete vā guṇe sakkatvā daḷhaṃ samādāya paribbaja, pabbajjaṃ pālehi, mā ukkaṇṭhīti attho.

звам̣ со махаасад̇д̇ам̣ овад̣̇ид̇ваа аагаасзна сагадтаанамзва г̇ад̇о. д̇асмим̣ г̇ад̇з абароби миг̇ааж̇ино наама д̇аабасо д̇ат̇зва самаабад̇д̇ид̇о вудтааяа ологзнд̇о б̣од̇хисад̇д̇ам̣ д̣̇исваа ‘‘махааж̇анам̣ нивад̇д̇анад̇т̇ааяа д̇асса оваад̣̇ам̣ д̣̇ассаамий’’д̇и д̇ад̇т̇звааг̇анд̇ваа аагаасз ад̇д̇аанам̣ д̣̇ассзнд̇о ааха –

Evaṃ so mahāsattaṃ ovaditvā ākāsena sakaṭṭhānameva gato. Tasmiṃ gate aparopi migājino nāma tāpaso tatheva samāpattito vuṭṭhāya olokento bodhisattaṃ disvā ‘‘mahājanaṃ nivattanatthāya tassa ovādaṃ dassāmī’’ti tatthevāgantvā ākāse attānaṃ dassento āha –

262.

‘‘б̣ахуу хад̇т̇ий жа ассз жа, наг̇арз ж̇анабад̣̇аани жа;

‘‘Bahū hatthī ca asse ca, nagare janapadāni ca;

хид̇ваа ж̇анага баб̣б̣аж̇ид̇о, габаалз рад̇имаж̇жхаг̇аа.

Hitvā janaka pabbajito, kapāle ratimajjhagā.

263.

‘‘гажжи ну д̇з ж̇аанабад̣̇аа, мид̇д̇аамажжаа жа н̃аад̇агаа;

‘‘Kacci nu te jānapadā, mittāmaccā ca ñātakā;

д̣̇уб̣бхимагам̣су ж̇анага, гасмаа д̇зд̇ам̣ аружжат̇аа’’д̇и.

Dubbhimakaṃsu janaka, kasmā tetaṃ aruccathā’’ti.

д̇ад̇т̇а габаалзд̇и мад̇д̇игаабад̇д̇ам̣ санд̇хааяааха. ид̣̇ам̣ вуд̇д̇ам̣ ход̇и – махаарааж̇а, д̇вам̣ зваруубам̣ иссарияаад̇хибажжам̣ чад̣д̣зд̇ваа баб̣б̣аж̇ид̇о имасмим̣ габаалз рад̇им̣ аж̇жхаг̇аа ад̇хиг̇ад̇од̇и баб̣б̣аж̇ж̇аагааран̣ам̣ бужчанд̇о звамааха. д̣̇уб̣бхинд̇и гим̣ ну зд̇з д̇ава анд̇арз гин̃жи абараад̇хам̣ гарим̣су, гасмаа д̇ава зваруубам̣ иссарияасукам̣ бахааяа зд̇ам̣ габааламзва аружжид̇т̇аад̇и.

Tattha kapāleti mattikāpattaṃ sandhāyāha. Idaṃ vuttaṃ hoti – mahārāja, tvaṃ evarūpaṃ issariyādhipaccaṃ chaḍḍetvā pabbajito imasmiṃ kapāle ratiṃ ajjhagā adhigatoti pabbajjākāraṇaṃ pucchanto evamāha. Dubbhinti kiṃ nu ete tava antare kiñci aparādhaṃ kariṃsu, kasmā tava evarūpaṃ issariyasukhaṃ pahāya etaṃ kapālameva aruccitthāti.

д̇ад̇о махаасад̇д̇о ааха –

Tato mahāsatto āha –

264.

‘‘на миг̇ааж̇ина ж̇аад̇ужчз, ахам̣ ган̃жи гуд̣̇аажанам̣;

‘‘Na migājina jātucche, ahaṃ kañci kudācanaṃ;

ад̇хаммзна ж̇инз н̃аад̇им̣, на жааби н̃аад̇аяо мама’’нд̇и.

Adhammena jine ñātiṃ, na cāpi ñātayo mama’’nti.

д̇ад̇т̇а на миг̇ааж̇инаад̇и амбхо миг̇ааж̇ина ж̇аад̇ужчз згам̣сзнзва ахам̣ ган̃жи н̃аад̇им̣ гуд̣̇аажанам̣ гисмин̃жи гаалз ад̇хаммзна на ж̇инаами. д̇зби жа н̃аад̇аяо мам̣ ад̇хаммзна на ж̇инанд̇зва, ид̇и на гожи маяи д̣̇уб̣бхим̣ наама агаасийд̇и ад̇т̇о.

Tattha na migājināti ambho migājina jātucche ekaṃseneva ahaṃ kañci ñātiṃ kudācanaṃ kismiñci kāle adhammena na jināmi. Tepi ca ñātayo maṃ adhammena na jinanteva, iti na koci mayi dubbhiṃ nāma akāsīti attho.

звамасса бан̃хам̣ бадигкибид̇ваа ид̣̇аани язна гааран̣зна баб̣б̣аж̇ид̇о, д̇ам̣ д̣̇ассзнд̇о ааха –

Evamassa pañhaṃ paṭikkhipitvā idāni yena kāraṇena pabbajito, taṃ dassento āha –

265.

‘‘д̣̇исваана логавад̇д̇анд̇ам̣, каж̇ж̇анд̇ам̣ гад̣̇д̣̇амийгад̇ам̣;

‘‘Disvāna lokavattantaṃ, khajjantaṃ kaddamīkataṃ;

хан̃н̃арз б̣аж̇жхарз жзд̇т̇а, яад̇т̇а санно бут̇уж̇ж̇ано;

Haññare bajjhare cettha, yattha sanno puthujjano;

зд̇аахам̣ убамам̣ гад̇ваа, бхигкагосми миг̇ааж̇инаа’’д̇и.

Etāhaṃ upamaṃ katvā, bhikkhakosmi migājinā’’ti.

д̇ад̇т̇а д̣̇исваана логавад̇д̇анд̇анд̇и ваддаануг̇ад̇асса б̣аалалогасса вад̇д̇ам̣ д̇анд̇им̣ бавзн̣им̣ ахамад̣̇д̣̇асам̣, д̇ам̣ д̣̇исваа баб̣б̣аж̇ид̇омхийд̇и д̣̇ийбзд̇и. каж̇ж̇анд̇ам̣ гад̣̇д̣̇амийгад̇анд̇и гилзсзхи каж̇ж̇анд̇ам̣ д̇зхзва жа гад̣̇д̣̇амийгад̇ам̣ логам̣ д̣̇исваа. яад̇т̇а санно бут̇уж̇ж̇анод̇и яамхи гилзсавад̇т̇умхи санно лаг̇г̇о бут̇уж̇ж̇ано, д̇ад̇т̇а лаг̇г̇аа б̣ахуу сад̇д̇аа хан̃н̃анд̇и жзва анд̣̇уб̣анд̇ханаад̣̇ийхи жа б̣аж̇жханд̇и. зд̇ааханд̇и ахамби сажз зд̇т̇а б̣аж̇жхиссаами, имз сад̇д̇аа вияа хан̃н̃иссаами жзва б̣аж̇жхиссаами жаад̇и звам̣ зд̇ад̣̇зва гааран̣ам̣ ад̇д̇ано убамам̣ гад̇ваа гад̣̇д̣̇амийгад̇ам̣ логам̣ д̣̇исваа бхигкаго ж̇аад̇од̇и ад̇т̇о. миг̇ааж̇инаад̇и д̇ам̣ наамзна аалабад̇и. гат̇ам̣ бана д̇зна д̇асса наамам̣ н̃аад̇анд̇и? бадисант̇аарагаалз батамамзва бужчид̇ад̇д̇аа.

Tattha disvāna lokavattantanti vaṭṭānugatassa bālalokassa vattaṃ tantiṃ paveṇiṃ ahamaddasaṃ, taṃ disvā pabbajitomhīti dīpeti. Khajjantaṃ kaddamīkatanti kilesehi khajjantaṃ teheva ca kaddamīkataṃ lokaṃ disvā. Yattha sanno puthujjanoti yamhi kilesavatthumhi sanno laggo puthujjano, tattha laggā bahū sattā haññanti ceva andubandhanādīhi ca bajjhanti. Etāhanti ahampi sace ettha bajjhissāmi, ime sattā viya haññissāmi ceva bajjhissāmi cāti evaṃ etadeva kāraṇaṃ attano upamaṃ katvā kaddamīkataṃ lokaṃ disvā bhikkhako jātoti attho. Migājināti taṃ nāmena ālapati. Kathaṃ pana tena tassa nāmaṃ ñātanti? Paṭisanthārakāle paṭhamameva pucchitattā.

д̇аабасо д̇ам̣ гааран̣ам̣ вид̇т̇аарад̇о сод̇угаамо худ̇ваа г̇аат̇амааха –

Tāpaso taṃ kāraṇaṃ vitthārato sotukāmo hutvā gāthamāha –

266.

‘‘го ну д̇з бхаг̇аваа сад̇т̇аа, гассзд̇ам̣ важанам̣ сужи;

‘‘Ko nu te bhagavā satthā, kassetaṃ vacanaṃ suci;

на хи габбам̣ ваа виж̇ж̇ам̣ ваа, бажжагкааяа рат̇зсабха;

Na hi kappaṃ vā vijjaṃ vā, paccakkhāya rathesabha;

саман̣ам̣ ааху вад̇д̇анд̇ам̣, яат̇аа д̣̇угкассад̇иггамо’’д̇и.

Samaṇaṃ āhu vattantaṃ, yathā dukkhassatikkamo’’ti.

д̇ад̇т̇а гассзд̇анд̇и зд̇ам̣ д̇аяаа вуд̇д̇ам̣ суживажанам̣ гасса важанам̣ наама. габбанд̇и габбзд̇ваа габбзд̇ваа бавад̇д̇ид̇аанам̣ абхин̃н̃аасамаабад̇д̇ийнам̣ лаабхим̣ гаммаваад̣̇им̣ д̇аабасам̣. виж̇ж̇анд̇и аасавагкаяан̃аан̣авиж̇ж̇ааяа саманнааг̇ад̇ам̣ бажжзгаб̣уд̣̇д̇хам̣. ид̣̇ам̣ вуд̇д̇ам̣ ход̇и – рат̇зсабха махаарааж̇а, на хи габбасаман̣ам̣ ваа виж̇ж̇аасаман̣ам̣ ваа бажжагкааяа д̇ассоваад̣̇ам̣ винаа звам̣ бадибаж̇ж̇ид̇ум̣ саггаа. яат̇аа д̣̇угкасса ад̇иггамо ход̇и, звам̣ вад̇д̇анд̇ам̣ саман̣ам̣ ааху. д̇зсам̣ бана важанам̣ суд̇ваа саггаа звам̣ бадибаж̇ж̇ид̇ум̣, д̇асмаа вад̣̇зхи, го ну д̇з бхаг̇аваа сад̇т̇аад̇и.

Tattha kassetanti etaṃ tayā vuttaṃ sucivacanaṃ kassa vacanaṃ nāma. Kappanti kappetvā kappetvā pavattitānaṃ abhiññāsamāpattīnaṃ lābhiṃ kammavādiṃ tāpasaṃ. Vijjanti āsavakkhayañāṇavijjāya samannāgataṃ paccekabuddhaṃ. Idaṃ vuttaṃ hoti – rathesabha mahārāja, na hi kappasamaṇaṃ vā vijjāsamaṇaṃ vā paccakkhāya tassovādaṃ vinā evaṃ paṭipajjituṃ sakkā. Yathā dukkhassa atikkamo hoti, evaṃ vattantaṃ samaṇaṃ āhu. Tesaṃ pana vacanaṃ sutvā sakkā evaṃ paṭipajjituṃ, tasmā vadehi, ko nu te bhagavā satthāti.

махаасад̇д̇о ааха –

Mahāsatto āha –

267.

‘‘на миг̇ааж̇ина ж̇аад̇ужчз, ахам̣ ган̃жи гуд̣̇аажанам̣;

‘‘Na migājina jātucche, ahaṃ kañci kudācanaṃ;

саман̣ам̣ б̣раахман̣ам̣ вааби, саггад̇ваа анубаависи’’нд̇и.

Samaṇaṃ brāhmaṇaṃ vāpi, sakkatvā anupāvisi’’nti.

д̇ад̇т̇а саггад̇ваад̇и баб̣б̣аж̇ж̇ааяа г̇ун̣абужчанад̇т̇ааяа бууж̇зд̇ваа. анубаависинд̇и на ган̃жи анубавидтабуб̣б̣осми, на маяаа ан̃н̃о гожи саман̣о бужчид̇абуб̣б̣од̇и вад̣̇ад̇и. иминаа хи бажжзгаб̣уд̣̇д̇хаанам̣ санд̇игз д̇хаммам̣ сун̣анд̇знаби на гад̣̇аажи од̣̇иссагавасзна баб̣б̣аж̇ж̇ааяа г̇ун̣о бужчид̇абуб̣б̣о, д̇асмаа звамааха.

Tattha sakkatvāti pabbajjāya guṇapucchanatthāya pūjetvā. Anupāvisinti na kañci anupaviṭṭhapubbosmi, na mayā añño koci samaṇo pucchitapubboti vadati. Iminā hi paccekabuddhānaṃ santike dhammaṃ suṇantenapi na kadāci odissakavasena pabbajjāya guṇo pucchitapubbo, tasmā evamāha.

зван̃жа бана вад̇ваа язна гааран̣зна баб̣б̣аж̇ид̇о, д̇ам̣ аад̣̇ид̇о бадтааяа д̣̇ийбзнд̇о ааха –

Evañca pana vatvā yena kāraṇena pabbajito, taṃ ādito paṭṭhāya dīpento āha –

268.

‘‘махад̇аа жаанубхаавзна, г̇ажчанд̇о сирияаа ж̇алам̣;

‘‘Mahatā cānubhāvena, gacchanto siriyā jalaṃ;

г̇ийяамаанзсу г̇ийд̇зсу, важ̇ж̇амаанзсу ваг̇г̇усу.

Gīyamānesu gītesu, vajjamānesu vaggusu.

269.

‘‘д̇уурияад̇аал̣асан̇гхудтз, саммад̇ааласамаахид̇з;

‘‘Tūriyatāḷasaṅghuṭṭhe, sammatālasamāhite;

са миг̇ааж̇ина мад̣̇д̣̇агким̣, палим̣ амб̣ам̣ д̇ирожчад̣̇ам̣;

Sa migājina maddakkhiṃ, phaliṃ ambaṃ tirocchadaṃ;

хан̃н̃амаанам̣ мануссзхи, палагаамзхи ж̇анд̇убхи.

Haññamānaṃ manussehi, phalakāmehi jantubhi.

270.

‘‘со кохам̣ д̇ам̣ сирим̣ хид̇ваа, орохид̇ваа миг̇ааж̇ина;

‘‘So khohaṃ taṃ siriṃ hitvā, orohitvā migājina;

муулам̣ амб̣ассубааг̇ажчим̣, палино нибпаласса жа.

Mūlaṃ ambassupāgacchiṃ, phalino nipphalassa ca.

271.

‘‘палим̣ амб̣ам̣ хад̇ам̣ д̣̇исваа, вид̣̇д̇хасд̇ам̣ винал̣ийгад̇ам̣;

‘‘Phaliṃ ambaṃ hataṃ disvā, viddhastaṃ vinaḷīkataṃ;

ат̇згам̣ ид̇арам̣ амб̣ам̣, нийлобхаасам̣ манорамам̣.

Athekaṃ itaraṃ ambaṃ, nīlobhāsaṃ manoramaṃ.

272.

‘‘звамзва нуунамхзби, иссарз б̣ахуган̣дагз;

‘‘Evameva nūnamhepi, issare bahukaṇṭake;

амид̇д̇аа но вад̇хиссанд̇и, яат̇аа амб̣о палий хад̇о.

Amittā no vadhissanti, yathā ambo phalī hato.

273.

‘‘аж̇инамхи хан̃н̃ад̇з д̣̇ийби, нааг̇о д̣̇анд̇зхи хан̃н̃ад̇з;

‘‘Ajinamhi haññate dīpi, nāgo dantehi haññate;

д̇ханамхи д̇ханино ханд̇и, анигзд̇амасант̇авам̣;

Dhanamhi dhanino hanti, aniketamasanthavaṃ;

палий амб̣о апало жа, д̇з сад̇т̇ааро убхо мамаа’’д̇и.

Phalī ambo aphalo ca, te satthāro ubho mamā’’ti.

д̇ад̇т̇а ваг̇г̇усууд̇и мад̇хурассарзсу д̇ууриязсу важ̇ж̇амаанзсу. д̇уурияад̇аал̣асан̇гхудтзд̇и д̇уурияаанам̣ д̇аал̣ид̇зхи сан̇гхудтз уяяаанз. саммад̇ааласамаахид̇зд̇и саммзхи жа д̇аалзхи жа саманнааг̇ад̇з. са миг̇ааж̇инаад̇и миг̇ааж̇ина, со ахам̣ ад̣̇агким̣. палим̣ амб̣анд̇и палид̇ам̣ амб̣аругканд̇и ад̇т̇о. д̇ирожчад̣̇анд̇и д̇иробаагаарам̣ уяяаанасса анд̇отид̇ам̣ б̣ахибаагаарам̣ ниссааяа ж̇аад̇ам̣ амб̣аругкам̣. хан̃н̃амаананд̇и бот̇ияамаанам̣. орохид̇ваад̇и хад̇т̇игканд̇хаа од̇арид̇ваа. винал̣ийгад̇анд̇и нибад̇д̇анал̣ам̣ гад̇ам̣.

Tattha vaggusūti madhurassaresu tūriyesu vajjamānesu. Tūriyatāḷasaṅghuṭṭheti tūriyānaṃ tāḷitehi saṅghuṭṭhe uyyāne. Sammatālasamāhiteti sammehi ca tālehi ca samannāgate. Sa migājināti migājina, so ahaṃ adakkhiṃ. Phaliṃ ambanti phalitaṃ ambarukkhanti attho. Tirocchadanti tiropākāraṃ uyyānassa antoṭhitaṃ bahipākāraṃ nissāya jātaṃ ambarukkhaṃ. Haññamānanti pothiyamānaṃ. Orohitvāti hatthikkhandhā otaritvā. Vinaḷīkatanti nipattanaḷaṃ kataṃ.

звамзваад̇и звам̣ зва. палийд̇и паласамбанно. аж̇инамхийд̇и жаммад̇т̇ааяа жаммагааран̣аа. д̣̇анд̇зхийд̇и ад̇д̇ано д̣̇анд̇зхи, хан̃н̃ад̇з д̣̇анд̇анимид̇д̇ам̣ хан̃н̃ад̇зд̇и ад̇т̇о. ханд̇ийд̇и хан̃н̃ад̇и. анигзд̇амасант̇аванд̇и яо бана нигзд̇ам̣ бахааяа баб̣б̣аж̇ид̇ад̇д̇аа анигзд̇о наама сад̇д̇асан̇кааравад̇т̇угасса д̇ан̣хаасант̇авасса абхааваа асант̇аво наама, д̇ам̣ анигзд̇ам̣ асант̇авам̣ го ханиссад̇ийд̇и ад̇хиббааяо. д̇з сад̇т̇аарод̇и д̇з д̣̇вз ругкаа мама сад̇т̇ааро ахзсунд̇и вад̣̇ад̇и.

Evamevāti evaṃ eva. Phalīti phalasampanno. Ajinamhīti cammatthāya cammakāraṇā. Dantehīti attano dantehi, haññate dantanimittaṃ haññateti attho. Hantīti haññati. Aniketamasanthavanti yo pana niketaṃ pahāya pabbajitattā aniketo nāma sattasaṅkhāravatthukassa taṇhāsanthavassa abhāvā asanthavo nāma, taṃ aniketaṃ asanthavaṃ ko hanissatīti adhippāyo. Te satthāroti te dve rukkhā mama satthāro ahesunti vadati.

д̇ам̣ суд̇ваа миг̇ааж̇ино ‘‘аббамад̇д̇о хохий’’д̇и ран̃н̃о оваад̣̇ам̣ д̣̇ад̇ваа сагадтаанамзва г̇ад̇о. д̇асмим̣ г̇ад̇з сийвалид̣̇звий ран̃н̃о баад̣̇амуулз бад̇ид̇ваа ааха –

Taṃ sutvā migājino ‘‘appamatto hohī’’ti rañño ovādaṃ datvā sakaṭṭhānameva gato. Tasmiṃ gate sīvalidevī rañño pādamūle patitvā āha –

274.

‘‘саб̣б̣о ж̇ано баб̣яат̇ид̇о, рааж̇аа баб̣б̣аж̇ид̇о ид̇и;

‘‘Sabbo jano pabyathito, rājā pabbajito iti;

хад̇т̇аарохаа анийгадтаа, рат̇игаа бад̇д̇игаарагаа.

Hatthārohā anīkaṭṭhā, rathikā pattikārakā.

275.

‘‘ассаасаяид̇ваа ж̇анад̇ам̣, табаяид̇ваа бадижчад̣̇ам̣;

‘‘Assāsayitvā janataṃ, ṭhapayitvā paṭicchadaṃ;

буд̇д̇ам̣ раж̇ж̇з табзд̇ваана, ат̇а бажчаа баб̣б̣аж̇иссасий’’д̇и.

Puttaṃ rajje ṭhapetvāna, atha pacchā pabbajissasī’’ti.

д̇ад̇т̇а баб̣яат̇ид̇од̇и бхийд̇о уд̇расд̇о. бадижчад̣̇анд̇и амхз д̣аяхамаанзби вилуббамаанзби рааж̇аа на ологзд̇ийд̇и баб̣яат̇ид̇асса махааж̇анасса ааваран̣ам̣ рагкам̣ табзд̇ваа буд̇д̇ам̣ д̣̇ийгхаавугумаарам̣ раж̇ж̇з табзд̇ваа абхисин̃жид̇ваа бажчаа баб̣б̣аж̇иссасийд̇и ад̇т̇о.

Tattha pabyathitoti bhīto utrasto. Paṭicchadanti amhe ḍayhamānepi viluppamānepi rājā na oloketīti pabyathitassa mahājanassa āvaraṇaṃ rakkhaṃ ṭhapetvā puttaṃ dīghāvukumāraṃ rajje ṭhapetvā abhisiñcitvā pacchā pabbajissasīti attho.

д̇ад̇о б̣од̇хисад̇д̇о ааха –

Tato bodhisatto āha –

276.

‘‘жад̇д̇аа маяаа ж̇аанабад̣̇аа, мид̇д̇аамажжаа жа н̃аад̇агаа;

‘‘Cattā mayā jānapadā, mittāmaccā ca ñātakā;

санд̇и буд̇д̇аа вид̣̇зхаанам̣, д̣̇ийгхааву радтавад̣дхано;

Santi puttā videhānaṃ, dīghāvu raṭṭhavaḍḍhano;

д̇з раж̇ж̇ам̣ гаараяиссанд̇и, мит̇илааяам̣ баж̇аабад̇ий’’д̇и.

Te rajjaṃ kārayissanti, mithilāyaṃ pajāpatī’’ti.

д̇ад̇т̇а санд̇и буд̇д̇аад̇и сийвали саман̣аанам̣ буд̇д̇аа наама над̇т̇и, вид̣̇зхарадтаваасийнам̣ бана буд̇д̇аа д̣̇ийгхааву ад̇т̇и, д̇з раж̇ж̇ам̣ гаараяиссанд̇и. баж̇аабад̇ийд̇и д̣̇звим̣ аалабад̇и.

Tattha santi puttāti sīvali samaṇānaṃ puttā nāma natthi, videharaṭṭhavāsīnaṃ pana puttā dīghāvu atthi, te rajjaṃ kārayissanti. Pajāpatīti deviṃ ālapati.

д̣̇звий ааха ‘‘д̣̇зва, д̇умхзсу д̇аава баб̣б̣аж̇ид̇зсу ахам̣ гим̣ гаромий’’д̇и. ат̇а нам̣ со ‘‘бхад̣̇д̣̇з, ахам̣ д̇ам̣ анусигкаами, важанам̣ мз гарохий’’д̇и вад̇ваа г̇аат̇амааха –

Devī āha ‘‘deva, tumhesu tāva pabbajitesu ahaṃ kiṃ karomī’’ti. Atha naṃ so ‘‘bhadde, ahaṃ taṃ anusikkhāmi, vacanaṃ me karohī’’ti vatvā gāthamāha –

277.

‘‘зхи д̇ам̣ анусигкаами, яам̣ ваагяам̣ мама ружжад̇и;

‘‘Ehi taṃ anusikkhāmi, yaṃ vākyaṃ mama ruccati;

раж̇ж̇ам̣ д̇увам̣ гаараяаси, баабам̣ д̣̇ужжарид̇ам̣ б̣ахум̣;

Rajjaṃ tuvaṃ kārayasi, pāpaṃ duccaritaṃ bahuṃ;

гааязна ваажаа манасаа, язна г̇ажчаси д̣̇уг̇г̇ад̇им̣.

Kāyena vācā manasā, yena gacchasi duggatiṃ.

278.

‘‘барад̣̇иннагзна баранидтид̇зна, бин̣д̣зна яаабзхи са д̇хийрад̇хаммо’’д̇и.

‘‘Paradinnakena paraniṭṭhitena, piṇḍena yāpehi sa dhīradhammo’’ti.

д̇ад̇т̇а д̇уванд̇и д̇вам̣ буд̇д̇асса чад̇д̇ам̣ уссаабзд̇ваа ‘‘мама буд̇д̇асса раж̇ж̇а’’нд̇и раж̇ж̇ам̣ анусаасамаанаа б̣ахум̣ баабам̣ гариссаси. г̇ажчасийд̇и язна гааяаад̣̇ийхи гад̇зна б̣ахубаабзна д̣̇уг̇г̇ад̇им̣ г̇амиссаси. са д̇хийрад̇хаммод̇и бин̣д̣ияаалобзна яаабзд̇аб̣б̣ам̣, зса бан̣д̣ид̇аанам̣ д̇хаммод̇и.

Tattha tuvanti tvaṃ puttassa chattaṃ ussāpetvā ‘‘mama puttassa rajja’’nti rajjaṃ anusāsamānā bahuṃ pāpaṃ karissasi. Gacchasīti yena kāyādīhi katena bahupāpena duggatiṃ gamissasi. Sa dhīradhammoti piṇḍiyālopena yāpetabbaṃ, esa paṇḍitānaṃ dhammoti.

звам̣ махаасад̇д̇о д̇ассаа оваад̣̇ам̣ ад̣̇ааси. д̇зсам̣ ан̃н̃аман̃н̃ам̣ саллабанд̇аанам̣ г̇ажчанд̇аанан̃н̃зва суурияо ад̇т̇ан̇г̇ад̇о. д̣̇звий бад̇ируубз таанз канд̇хааваарам̣ ниваасаабзси. махаасад̇д̇оби згам̣ ругкамуулам̣ убаг̇ад̇о. со д̇ад̇т̇а рад̇д̇им̣ васид̇ваа бунад̣̇ивасз сарийрабадиж̇аг̇г̇анам̣ гад̇ваа маг̇г̇ам̣ бадибаж̇ж̇и. д̣̇звийби ‘‘сзнаа бажчад̇ова ааг̇ажчад̇уу’’д̇и вад̇ваа д̇асса бажчад̇ова ахоси. д̇з бхигкаажааравзлааяам̣ т̇уун̣ам̣ наама наг̇арам̣ баабун̣им̣су. д̇асмим̣ кан̣з анд̇онаг̇арз зго бурисо суун̣ад̇о маханд̇ам̣ мам̣сакан̣д̣ам̣ гин̣ид̇ваа суулзна ан̇г̇аарзсу бажаабзд̇ваа ниб̣б̣аабанад̇т̇ааяа палагагодияам̣ табзд̇ваа адтааси. д̇асса ан̃н̃авихид̇асса зго сунако д̇ам̣ аад̣̇ааяа балааяи. со н̃ад̇ваа д̇ам̣ ануб̣анд̇ханд̇о яаава б̣ахид̣̇агкин̣ад̣̇ваарам̣ г̇анд̇ваа ниб̣б̣инд̣̇о нивад̇д̇и. рааж̇аа жа д̣̇звий жа сунакасса бурад̇о г̇ажчанд̇аа д̣̇вид̇хаа ахзсум̣ . со бхаязна мам̣сакан̣д̣ам̣ чад̣д̣зд̇ваа балааяи.

Evaṃ mahāsatto tassā ovādaṃ adāsi. Tesaṃ aññamaññaṃ sallapantānaṃ gacchantānaññeva sūriyo atthaṅgato. Devī patirūpe ṭhāne khandhāvāraṃ nivāsāpesi. Mahāsattopi ekaṃ rukkhamūlaṃ upagato. So tattha rattiṃ vasitvā punadivase sarīrapaṭijagganaṃ katvā maggaṃ paṭipajji. Devīpi ‘‘senā pacchatova āgacchatū’’ti vatvā tassa pacchatova ahosi. Te bhikkhācāravelāyaṃ thūṇaṃ nāma nagaraṃ pāpuṇiṃsu. Tasmiṃ khaṇe antonagare eko puriso sūṇato mahantaṃ maṃsakhaṇḍaṃ kiṇitvā sūlena aṅgāresu pacāpetvā nibbāpanatthāya phalakakoṭiyaṃ ṭhapetvā aṭṭhāsi. Tassa aññavihitassa eko sunakho taṃ ādāya palāyi. So ñatvā taṃ anubandhanto yāva bahidakkhiṇadvāraṃ gantvā nibbindo nivatti. Rājā ca devī ca sunakhassa purato gacchantā dvidhā ahesuṃ . So bhayena maṃsakhaṇḍaṃ chaḍḍetvā palāyi.

махаасад̇д̇о д̇ам̣ д̣̇исваа жинд̇зси ‘‘аяам̣ сунако чад̣д̣зд̇ваа анабзгко балаад̇о, ан̃н̃обисса саамиго на бан̃н̃ааяад̇и, зваруубо анаваж̇ж̇о бам̣сугуулабин̣д̣абаад̇о наама над̇т̇и, барибхун̃ж̇иссаами на’’нд̇и. со мад̇д̇игаабад̇д̇ам̣ нийхарид̇ваа д̇ам̣ мам̣сакан̣д̣ам̣ аад̣̇ааяа бун̃чид̇ваа бад̇д̇з багкибид̇ваа уд̣̇агапаасугадтаанам̣ г̇анд̇ваа барибхун̃ж̇ид̇ум̣ аарабхи. д̇ад̇о д̣̇звий ‘‘сажз зса раж̇ж̇знад̇т̇иго бхавзяяа, зваруубам̣ ж̇зг̇ужчам̣ бам̣сумагкид̇ам̣ сунакужчидтагам̣ на каад̣̇зяяа. сажз каад̣̇зяяа, ид̣̇аанзса амхаагам̣ саамиго на бхависсад̇ий’’д̇и жинд̇зд̇ваа ‘‘махаарааж̇а, зваруубам̣ ж̇зг̇ужчам̣ каад̣̇асий’’д̇и ааха. ‘‘д̣̇зви, д̇вам̣ анд̇хаб̣аалад̇ааяа имасса бин̣д̣абаад̇асса висзсам̣ на ж̇аанаасий’’д̇и вад̇ваа д̇ассзва бад̇ид̇адтаанам̣ бажжавзгкид̇ваа амад̇ам̣ вияа барибхун̃ж̇ид̇ваа мукам̣ вигкаалзд̇ваа хад̇т̇з д̇ховад̇и. д̇асмим̣ кан̣з д̣̇звий нинд̣̇амаанаа ааха –

Mahāsatto taṃ disvā cintesi ‘‘ayaṃ sunakho chaḍḍetvā anapekkho palāto, aññopissa sāmiko na paññāyati, evarūpo anavajjo paṃsukūlapiṇḍapāto nāma natthi, paribhuñjissāmi na’’nti. So mattikāpattaṃ nīharitvā taṃ maṃsakhaṇḍaṃ ādāya puñchitvā patte pakkhipitvā udakaphāsukaṭṭhānaṃ gantvā paribhuñjituṃ ārabhi. Tato devī ‘‘sace esa rajjenatthiko bhaveyya, evarūpaṃ jegucchaṃ paṃsumakkhitaṃ sunakhucchiṭṭhakaṃ na khādeyya. Sace khādeyya, idānesa amhākaṃ sāmiko na bhavissatī’’ti cintetvā ‘‘mahārāja, evarūpaṃ jegucchaṃ khādasī’’ti āha. ‘‘Devi, tvaṃ andhabālatāya imassa piṇḍapātassa visesaṃ na jānāsī’’ti vatvā tasseva patitaṭṭhānaṃ paccavekkhitvā amataṃ viya paribhuñjitvā mukhaṃ vikkhāletvā hatthe dhovati. Tasmiṃ khaṇe devī nindamānā āha –

279.

‘‘яоби жад̇уд̇т̇з бхад̇д̇агаалз на бхун̃ж̇з, аж̇удтамаарийва куд̣̇ааяа мияяз;

‘‘Yopi catutthe bhattakāle na bhuñje, ajuṭṭhamārīva khudāya miyye;

на д̇взва бин̣д̣ам̣ лул̣ид̇ам̣ анарияам̣, гулабуд̇д̇аруубо саббурисо на сзвз;

Na tveva piṇḍaṃ luḷitaṃ anariyaṃ, kulaputtarūpo sappuriso na seve;

д̇аяид̣̇ам̣ на саад̇ху д̇аяид̣̇ам̣ на судту, сунакужчидтагам̣ ж̇анага бхун̃ж̇асз д̇ува’’нд̇и.

Tayidaṃ na sādhu tayidaṃ na suṭṭhu, sunakhucchiṭṭhakaṃ janaka bhuñjase tuva’’nti.

д̇ад̇т̇а аж̇удтамаарийваад̇и анаат̇амаран̣амзва. лул̣ид̇анд̇и бам̣сумагкид̇ам̣. анарияанд̇и асунд̣̇арам̣. на сзвзд̇и на-гааро барибужчанад̇т̇з нибаад̇о. ид̣̇ам̣ вуд̇д̇ам̣ ход̇и – сажз жад̇уд̇т̇зби бхад̇д̇агаалз на бхун̃ж̇зяяа, куд̣̇ааяа марзяяа, нану звам̣ санд̇зби гулабуд̇д̇аруубо саббурисо зваруубам̣ бин̣д̣ам̣ на д̇взва сзвзяяаад̇и. д̇аяид̣̇анд̇и д̇ам̣ ид̣̇ам̣.

Tattha ajuṭṭhamārīvāti anāthamaraṇameva. Luḷitanti paṃsumakkhitaṃ. Anariyanti asundaraṃ. Na seveti na-kāro paripucchanatthe nipāto. Idaṃ vuttaṃ hoti – sace catutthepi bhattakāle na bhuñjeyya, khudāya mareyya, nanu evaṃ santepi kulaputtarūpo sappuriso evarūpaṃ piṇḍaṃ na tveva seveyyāti. Tayidanti taṃ idaṃ.

махаасад̇д̇о ааха –

Mahāsatto āha –

280.

‘‘на жааби мз сийвали со абхагко, яам̣ ход̇и жад̇д̇ам̣ г̇ихино сунасса ваа;

‘‘Na cāpi me sīvali so abhakkho, yaṃ hoti cattaṃ gihino sunassa vā;

яз гзжи бхог̇аа ид̇ха д̇хаммалад̣̇д̇хаа, саб̣б̣о со бхагко анаваяод̇и вуд̇д̇о’’д̇и.

Ye keci bhogā idha dhammaladdhā, sabbo so bhakkho anavayoti vutto’’ti.

д̇ад̇т̇а абхагкод̇и со бин̣д̣абаад̇о мама абхагко наама на ход̇и. яам̣ ход̇ийд̇и яам̣ г̇ихино ваа сунасса ваа жад̇д̇ам̣ ход̇и, д̇ам̣ бам̣сугуулам̣ наама асаамигад̇д̇аа анаваж̇ж̇амзва ход̇и. яз гзжийд̇и д̇асмаа ан̃н̃зби яз гзжи д̇хаммзна лад̣̇д̇хаа бхог̇аа, саб̣б̣о со бхагко. анаваяод̇и ануаваяо, анубунаббунам̣ ологияамааноби аваяо барибун̣н̣аг̇ун̣о анаваж̇ж̇о, ад̇хаммалад̣̇д̇хам̣ бана сахассаг̇гханагамби ж̇иг̇ужчанийяамзваад̇и.

Tattha abhakkhoti so piṇḍapāto mama abhakkho nāma na hoti. Yaṃ hotīti yaṃ gihino vā sunassa vā cattaṃ hoti, taṃ paṃsukūlaṃ nāma asāmikattā anavajjameva hoti. Ye kecīti tasmā aññepi ye keci dhammena laddhā bhogā, sabbo so bhakkho. Anavayoti anuavayo, anupunappunaṃ olokiyamānopi avayo paripuṇṇaguṇo anavajjo, adhammaladdhaṃ pana sahassagghanakampi jigucchanīyamevāti.

звам̣ д̇з ан̃н̃аман̃н̃ам̣ гат̇знд̇аава т̇уун̣анаг̇арад̣̇ваарам̣ самбаабун̣им̣су. д̇ад̇ра д̣̇ааригаасу гийл̣анд̇ийсу згаа гумааригаа куд̣̇д̣̇агагуллагзна ваалугам̣ бабподзд̇и. д̇ассаа згасмим̣ хад̇т̇з згам̣ валаяам̣, згасмим̣ д̣̇вз валаяаани. д̇аани ан̃н̃аман̃н̃ам̣ сан̇гхаддзнд̇и, ид̇арам̣ ниссад̣̇д̣̇ам̣. рааж̇аа д̇ам̣ гааран̣ам̣ н̃ад̇ваа ‘‘сийвалид̣̇звий мама бажчад̇о жарад̇и, ид̇т̇ий жа наама баб̣б̣аж̇ид̇асса малам̣, ‘аяам̣ баб̣б̣аж̇ид̇вааби бхарияам̣ ж̇ахид̇ум̣ на саггод̇ий’д̇и г̇арахиссанд̇и мам̣. сажааяам̣ гумааригаа бан̣д̣ид̇аа бхависсад̇и, сийвалид̣̇звияаа нивад̇д̇анагааран̣ам̣ гат̇зссад̇и, имиссаа гат̇ам̣ суд̇ваа сийвалид̣̇звим̣ уяяож̇зссаамий’’д̇и жинд̇зд̇ваа ааха –

Evaṃ te aññamaññaṃ kathentāva thūṇanagaradvāraṃ sampāpuṇiṃsu. Tatra dārikāsu kīḷantīsu ekā kumārikā khuddakakullakena vālukaṃ papphoṭeti. Tassā ekasmiṃ hatthe ekaṃ valayaṃ, ekasmiṃ dve valayāni. Tāni aññamaññaṃ saṅghaṭṭenti, itaraṃ nissaddaṃ. Rājā taṃ kāraṇaṃ ñatvā ‘‘sīvalidevī mama pacchato carati, itthī ca nāma pabbajitassa malaṃ, ‘ayaṃ pabbajitvāpi bhariyaṃ jahituṃ na sakkotī’ti garahissanti maṃ. Sacāyaṃ kumārikā paṇḍitā bhavissati, sīvalideviyā nivattanakāraṇaṃ kathessati, imissā kathaṃ sutvā sīvalideviṃ uyyojessāmī’’ti cintetvā āha –

281.

‘‘гумааригз убасзнияз, нижжам̣ ниг̇г̇ал̣аман̣д̣ид̇з;

‘‘Kumārike upaseniye, niccaṃ niggaḷamaṇḍite;

гасмаа д̇з зго бхуж̇о ж̇анад̇и, зго д̇з на ж̇анад̇ий бхуж̇о’’д̇и.

Kasmā te eko bhujo janati, eko te na janatī bhujo’’ti.

д̇ад̇т̇а убасзниязд̇и маад̇арам̣ убаг̇анд̇ваа сзнигз. ниг̇г̇ал̣аман̣д̣ид̇зд̇и аг̇алид̇аман̣д̣анзна ман̣д̣анасийлигзд̇и вад̣̇ад̇и. ж̇анад̇ийд̇и сад̣̇д̣̇ам̣ гарод̇и.

Tattha upaseniyeti mātaraṃ upagantvā senike. Niggaḷamaṇḍiteti agalitamaṇḍanena maṇḍanasīliketi vadati. Janatīti saddaṃ karoti.

гумааригаа ааха –

Kumārikā āha –

282.

‘‘имасмим̣ мз саман̣а хад̇т̇з, бадимуггаа д̣̇унийвараа;

‘‘Imasmiṃ me samaṇa hatthe, paṭimukkā dunīvarā;

сан̇гхаад̇аа ж̇ааяад̇з сад̣̇д̣̇о, д̣̇уд̇ияассзва саа г̇ад̇и.

Saṅghātā jāyate saddo, dutiyasseva sā gati.

283.

‘‘имасмим̣ мз саман̣а хад̇т̇з, бадимугго зганийваро;

‘‘Imasmiṃ me samaṇa hatthe, paṭimukko ekanīvaro;

со ад̣̇уд̇ияо на ж̇анад̇и, мунибхууд̇ова д̇идтад̇и.

So adutiyo na janati, munibhūtova tiṭṭhati.

284.

‘‘виваад̣̇аббад̇д̇о д̣̇уд̇ияо, гзнзго вивад̣̇иссад̇и;

‘‘Vivādappatto dutiyo, keneko vivadissati;

д̇асса д̇з саг̇г̇агаамасса, згад̇д̇амубарожад̇а’’нд̇и.

Tassa te saggakāmassa, ekattamuparocata’’nti.

д̇ад̇т̇а д̣̇унийвараад̇и д̣̇вз валаяаани. сан̇гхаад̇аад̇и сам̣хананад̇о сан̇гхадданад̇од̇и ад̇т̇о. г̇ад̇ийд̇и ниб̣б̣ад̇д̇и. д̣̇уд̇ияассзва хи зваруубаа ниб̣б̣ад̇д̇и ход̇ийд̇и ад̇т̇о. сод̇и со нийваро. мунибхууд̇оваад̇и бахийнасаб̣б̣агилзсо арияабуг̇г̇ало вияа д̇идтад̇и. виваад̣̇аббад̇д̇од̇и саман̣а д̣̇уд̇ияаго наама виваад̣̇амаабанно ход̇и, галахам̣ гарод̇и, наанааг̇аахам̣ г̇ан̣хаад̇и. гзнзгод̇и згаго бана гзна сад̣̇д̇хим̣ вивад̣̇иссад̇и. згад̇д̇амубарожад̇анд̇и згийбхааво д̇з ружжад̇у. саман̣аа наама бхаг̇инимби аад̣̇ааяа на жаранд̇и, гим̣ бана д̇вам̣ зваруубам̣ уд̇д̇амаруубад̇харам̣ бхарияам̣ аад̣̇ааяа вижараси, аяам̣ д̇з анд̇арааяам̣ гариссад̇и, имам̣ нийхарид̇ваа згагова саман̣агаммам̣ гарохийд̇и нам̣ овад̣̇ад̇и.

Tattha dunīvarāti dve valayāni. Saṅghātāti saṃhananato saṅghaṭṭanatoti attho. Gatīti nibbatti. Dutiyasseva hi evarūpā nibbatti hotīti attho. Soti so nīvaro. Munibhūtovāti pahīnasabbakileso ariyapuggalo viya tiṭṭhati. Vivādappattoti samaṇa dutiyako nāma vivādamāpanno hoti, kalahaṃ karoti, nānāgāhaṃ gaṇhāti. Kenekoti ekako pana kena saddhiṃ vivadissati. Ekattamuparocatanti ekībhāvo te ruccatu. Samaṇā nāma bhaginimpi ādāya na caranti, kiṃ pana tvaṃ evarūpaṃ uttamarūpadharaṃ bhariyaṃ ādāya vicarasi, ayaṃ te antarāyaṃ karissati, imaṃ nīharitvā ekakova samaṇakammaṃ karohīti naṃ ovadati.

со д̇ассаа гумааригааяа важанам̣ суд̇ваа бажжаяам̣ лабхид̇ваа д̣̇звияаа сад̣̇д̇хим̣ гат̇знд̇о ааха –

So tassā kumārikāya vacanaṃ sutvā paccayaṃ labhitvā deviyā saddhiṃ kathento āha –

285.

‘‘сун̣ааси сийвали гат̇аа, гумаарияаа бавзд̣̇ид̇аа;

‘‘Suṇāsi sīvali kathā, kumāriyā paveditā;

бзсияаа мам̣ г̇арахид̇т̇о, д̣̇уд̇ияассзва саа г̇ад̇и.

Pesiyā maṃ garahittho, dutiyasseva sā gati.

286.

‘‘аяам̣ д̣̇взд̇хаабат̇о бхад̣̇д̣̇з, анужин̣н̣о бат̇аавихи;

‘‘Ayaṃ dvedhāpatho bhadde, anuciṇṇo pathāvihi;

д̇зсам̣ д̇вам̣ згам̣ г̇ан̣хаахи, ахамзгам̣ бунаабарам̣.

Tesaṃ tvaṃ ekaṃ gaṇhāhi, ahamekaṃ punāparaṃ.

287.

‘‘мааважа мам̣ д̇вам̣ ‘бад̇и мз’д̇и, наахам̣ ‘бхарияаа’д̇и ваа бунаа’’д̇и.

‘‘Māvaca maṃ tvaṃ ‘pati me’ti, nāhaṃ ‘bhariyā’ti vā punā’’ti.

д̇ад̇т̇а гумаарияаа бавзд̣̇ид̇аад̇и гумааригааяа гат̇ид̇аа. бзсияаад̇и сажаахам̣ раж̇ж̇ам̣ гаарзяяам̣, зсаа мз бзсияаа важанагааригаа бхавзяяа, ологзд̇умби мам̣ на висахзяяа. ид̣̇аани бана ад̇д̇ано бзсияам̣ вияа жа ман̃н̃ад̇и, ‘‘д̣̇уд̇ияассзва саа г̇ад̇ий’’д̇и мам̣ овад̣̇ад̇и. анужин̣н̣од̇и анусан̃жарид̇о. бат̇аавихийд̇и бат̇игзхи. зганд̇и д̇ава ружжанагам̣ згам̣ маг̇г̇ам̣ г̇ан̣ха, ахам̣ бана д̇аяаа г̇ахид̇аавасзсам̣ абарам̣ г̇ан̣хиссаами. мааважа мам̣ д̇ванд̇и сийвали ид̇о бадтааяа буна мам̣ ‘‘бад̇и мз’’д̇и маа аважа, ахам̣ ваа д̇вам̣ ‘‘бхарияаа мз’’д̇и нааважам̣.

Tattha kumāriyā paveditāti kumārikāya kathitā. Pesiyāti sacāhaṃ rajjaṃ kāreyyaṃ, esā me pesiyā vacanakārikā bhaveyya, oloketumpi maṃ na visaheyya. Idāni pana attano pesiyaṃ viya ca maññati, ‘‘dutiyasseva sā gatī’’ti maṃ ovadati. Anuciṇṇoti anusañcarito. Pathāvihīti pathikehi. Ekanti tava ruccanakaṃ ekaṃ maggaṃ gaṇha, ahaṃ pana tayā gahitāvasesaṃ aparaṃ gaṇhissāmi. Māvaca maṃ tvanti sīvali ito paṭṭhāya puna maṃ ‘‘pati me’’ti mā avaca, ahaṃ vā tvaṃ ‘‘bhariyā me’’ti nāvacaṃ.

саа д̇асса важанам̣ суд̇ваа ‘‘д̣̇зва, д̇умхз уд̇д̇амаа, д̣̇агкин̣амаг̇г̇ам̣ г̇ан̣хат̇а, ахам̣ ваамамаг̇г̇ам̣ г̇ан̣хиссаамий’’д̇и вад̇ваа т̇огам̣ г̇анд̇ваа согам̣ санд̇хаарзд̇ум̣ асаггонд̇ий бунааг̇анд̇ваа ран̃н̃аа сад̣̇д̇хим̣ гат̇знд̇ий згад̇ова наг̇арам̣ баависи. д̇амад̇т̇ам̣ багаасзнд̇о сад̇т̇аа убад̣дхаг̇аат̇амааха –

Sā tassa vacanaṃ sutvā ‘‘deva, tumhe uttamā, dakkhiṇamaggaṃ gaṇhatha, ahaṃ vāmamaggaṃ gaṇhissāmī’’ti vatvā thokaṃ gantvā sokaṃ sandhāretuṃ asakkontī punāgantvā raññā saddhiṃ kathentī ekatova nagaraṃ pāvisi. Tamatthaṃ pakāsento satthā upaḍḍhagāthamāha –

‘‘имамзва гат̇аяанд̇аа, т̇уун̣ам̣ наг̇арубааг̇аму’’нд̇и.

‘‘Imameva kathayantā, thūṇaṃ nagarupāgamu’’nti.

д̇ад̇т̇а наг̇арубааг̇амунд̇и наг̇арам̣ бавидтаа.

Tattha nagarupāgamunti nagaraṃ paviṭṭhā.

бависид̇ваа жа бана махаасад̇д̇о бин̣д̣ад̇т̇ааяа жаранд̇о усугаарасса г̇зхад̣̇ваарам̣ бад̇д̇о. сийвалид̣̇звийби згаманд̇ам̣ адтааси. д̇асмим̣ самаяз усугааро ан̇г̇аарагабаллз усум̣ д̇аабзд̇ваа ган̃ж̇иязна д̇змзд̇ваа згам̣ агким̣ нимийлзд̇ваа згзна агкинаа ологзнд̇о уж̇ум̣ гарод̇и. д̇ам̣ д̣̇исваа махаасад̇д̇о жинд̇зси ‘‘сажааяам̣ бан̣д̣ид̇о бхависсад̇и, маяхам̣ згам̣ гааран̣ам̣ гат̇зссад̇и, бужчиссаами на’’нд̇и. со убасан̇гамид̇ваа бужчад̇и. д̇амад̇т̇ам̣ багаасзнд̇о сад̇т̇аа ааха –

Pavisitvā ca pana mahāsatto piṇḍatthāya caranto usukārassa gehadvāraṃ patto. Sīvalidevīpi ekamantaṃ aṭṭhāsi. Tasmiṃ samaye usukāro aṅgārakapalle usuṃ tāpetvā kañjiyena temetvā ekaṃ akkhiṃ nimīletvā ekena akkhinā olokento ujuṃ karoti. Taṃ disvā mahāsatto cintesi ‘‘sacāyaṃ paṇḍito bhavissati, mayhaṃ ekaṃ kāraṇaṃ kathessati, pucchissāmi na’’nti. So upasaṅkamitvā pucchati. Tamatthaṃ pakāsento satthā āha –

288.

‘‘годтагз усугаарасса, бхад̇д̇агаалз убадтид̇з;

‘‘Koṭṭhake usukārassa, bhattakāle upaṭṭhite;

д̇ад̇раа жа со усугааро, згам̣ д̣̇ан̣д̣ам̣ уж̇ум̣ гад̇ам̣;

Tatrā ca so usukāro, ekaṃ daṇḍaṃ ujuṃ kataṃ;

зган̃жа жагкум̣ ниг̇г̇аяха, ж̇имхамзгзна бзгкад̇ий’’д̇и.

Ekañca cakkhuṃ niggayha, jimhamekena pekkhatī’’ti.

д̇ад̇т̇а годтагзд̇и бхигкавз, со рааж̇аа ад̇д̇ано бхад̇д̇агаалз убадтид̇з усугаарасса годтагз адтааси. д̇ад̇раа жаад̇и д̇асмин̃жа годтагз. ниг̇г̇аяхаад̇и нимийлзд̇ваа. ж̇имхамзгзнаад̇и згзна агкинаа ван̇гам̣ сарам̣ бзгкад̇и.

Tattha koṭṭhaketi bhikkhave, so rājā attano bhattakāle upaṭṭhite usukārassa koṭṭhake aṭṭhāsi. Tatrā cāti tasmiñca koṭṭhake. Niggayhāti nimīletvā. Jimhamekenāti ekena akkhinā vaṅkaṃ saraṃ pekkhati.

ат̇а нам̣ махаасад̇д̇о ааха –

Atha naṃ mahāsatto āha –

289.

‘‘звам̣ но саад̇ху бассаси, усугаара сун̣охи мз;

‘‘Evaṃ no sādhu passasi, usukāra suṇohi me;

яад̣̇згам̣ жагкум̣ ниг̇г̇аяха, ж̇имхамзгзна бзгкасий’’д̇и.

Yadekaṃ cakkhuṃ niggayha, jimhamekena pekkhasī’’ti.

д̇ассад̇т̇о – самма усугаара, звам̣ ну д̇вам̣ саад̇ху бассаси, яам̣ згам̣ жагкум̣ нимийлзд̇ваа згзна жагкунаа ван̇гам̣ сарам̣ бзгкасийд̇и.

Tassattho – samma usukāra, evaṃ nu tvaṃ sādhu passasi, yaṃ ekaṃ cakkhuṃ nimīletvā ekena cakkhunā vaṅkaṃ saraṃ pekkhasīti.

ат̇асса со гат̇знд̇о ааха –

Athassa so kathento āha –

290.

‘‘д̣̇вийхи саман̣а жагкуухи, висаалам̣ вияа кааяад̇и;

‘‘Dvīhi samaṇa cakkhūhi, visālaṃ viya khāyati;

асамбад̇ваа барамам̣ лин̇г̇ам̣, нуж̇убхаавааяа габбад̇и.

Asampatvā paramaṃ liṅgaṃ, nujubhāvāya kappati.

291.

‘‘зган̃жа жагкум̣ ниг̇г̇аяха, ж̇имхамзгзна бзгкад̇о;

‘‘Ekañca cakkhuṃ niggayha, jimhamekena pekkhato;

самбад̇ваа барамам̣ лин̇г̇ам̣, уж̇убхаавааяа габбад̇и.

Sampatvā paramaṃ liṅgaṃ, ujubhāvāya kappati.

292.

‘‘виваад̣̇аббад̇д̇о д̣̇уд̇ияо, гзнзго вивад̣̇иссад̇и;

‘‘Vivādappatto dutiyo, keneko vivadissati;

д̇асса д̇з саг̇г̇агаамасса, згад̇д̇амубарожад̇а’’нд̇и.

Tassa te saggakāmassa, ekattamuparocata’’nti.

д̇ад̇т̇а висаалам̣ вияаад̇и вид̇т̇ин̣н̣ам̣ вияа худ̇ваа кааяад̇и. асамбад̇ваа барамам̣ лин̇г̇анд̇и барад̇о ван̇гадтаанам̣ аббад̇ваа. нуж̇убхаавааяаад̇и на уж̇убхаавааяа. ид̣̇ам̣ вуд̇д̇ам̣ ход̇и – висаалз кааяамаанз барад̇о уж̇удтаанам̣ ваа ван̇гадтаанам̣ ваа на баабун̣зяяа, д̇асмим̣ асамбад̇д̇з ад̣̇иссамаанз уж̇убхаавааяа гижжам̣ на габбад̇и на самбаж̇ж̇ад̇ийд̇и. самбад̇ваад̇и жагкунаа бад̇ваа , д̣̇исваад̇и ад̇т̇о. виваад̣̇аббад̇д̇од̇и яат̇аа д̣̇уд̇ияз агкимхи уммийлид̇з лин̇г̇ам̣ на бан̃н̃ааяад̇и, ван̇гадтаанамби уж̇угам̣ бан̃н̃ааяад̇и, уж̇удтаанамби ван̇гам̣ бан̃н̃ааяад̇ийд̇и виваад̣̇о ход̇и, звам̣ саман̣ассаби д̣̇уд̇ияо наама виваад̣̇амаабанно ход̇и, галахам̣ гарод̇и, наанааг̇аахам̣ г̇ан̣хаад̇и. гзнзгод̇и зго бана гзна сад̣̇д̇хим̣ вивад̣̇иссад̇и. згад̇д̇амубарожад̇анд̇и згийбхааво д̇з ружжад̇у. саман̣аа наама бхаг̇инимби аад̣̇ааяа на жаранд̇и, гим̣ бана д̇вам̣ зваруубам̣ уд̇д̇амаруубад̇харам̣ бхарияам̣ аад̣̇ааяа вижараси. аяам̣ д̇з анд̇арааяам̣ гариссад̇и, имам̣ нийхарид̇ваа згагова саман̣ад̇хаммам̣ гарохийд̇и со д̇ам̣ овад̣̇ад̇и.

Tattha visālaṃ viyāti vitthiṇṇaṃ viya hutvā khāyati. Asampatvā paramaṃ liṅganti parato vaṅkaṭṭhānaṃ appatvā. Nujubhāvāyāti na ujubhāvāya. Idaṃ vuttaṃ hoti – visāle khāyamāne parato ujuṭṭhānaṃ vā vaṅkaṭṭhānaṃ vā na pāpuṇeyya, tasmiṃ asampatte adissamāne ujubhāvāya kiccaṃ na kappati na sampajjatīti. Sampatvāti cakkhunā patvā , disvāti attho. Vivādappattoti yathā dutiye akkhimhi ummīlite liṅgaṃ na paññāyati, vaṅkaṭṭhānampi ujukaṃ paññāyati, ujuṭṭhānampi vaṅkaṃ paññāyatīti vivādo hoti, evaṃ samaṇassapi dutiyo nāma vivādamāpanno hoti, kalahaṃ karoti, nānāgāhaṃ gaṇhāti. Kenekoti eko pana kena saddhiṃ vivadissati. Ekattamuparocatanti ekībhāvo te ruccatu. Samaṇā nāma bhaginimpi ādāya na caranti, kiṃ pana tvaṃ evarūpaṃ uttamarūpadharaṃ bhariyaṃ ādāya vicarasi. Ayaṃ te antarāyaṃ karissati, imaṃ nīharitvā ekakova samaṇadhammaṃ karohīti so taṃ ovadati.

звамасса со оваад̣̇ам̣ д̣̇ад̇ваа д̇ун̣хий ахоси. махаасад̇д̇оби бин̣д̣ааяа жарид̇ваа миссагабхад̇д̇ам̣ сам̣гад̣дхид̇ваа наг̇араа нигкамид̇ваа уд̣̇агапаасугадтаанз нисийд̣̇ид̇ваа гад̇абхад̇д̇агижжо мукам̣ вигкаалзд̇ваа бад̇д̇ам̣ т̇авигааяа осаарзд̇ваа сийвалид̣̇звим̣ ааманд̇зд̇ваа ааха –

Evamassa so ovādaṃ datvā tuṇhī ahosi. Mahāsattopi piṇḍāya caritvā missakabhattaṃ saṃkaḍḍhitvā nagarā nikkhamitvā udakaphāsukaṭṭhāne nisīditvā katabhattakicco mukhaṃ vikkhāletvā pattaṃ thavikāya osāretvā sīvalideviṃ āmantetvā āha –

293.

‘‘сун̣ааси сийвали гат̇аа, усугаарзна взд̣̇ид̇аа;

‘‘Suṇāsi sīvali kathā, usukārena veditā;

бзсияаа мам̣ г̇арахид̇т̇о, д̣̇уд̇ияассзва саа г̇ад̇и.

Pesiyā maṃ garahittho, dutiyasseva sā gati.

294.

‘‘аяам̣ д̣̇взд̇хаабат̇о бхад̣̇д̣̇з, анужин̣н̣о бат̇аавихи;

‘‘Ayaṃ dvedhāpatho bhadde, anuciṇṇo pathāvihi;

д̇зсам̣ д̇вам̣ згам̣ г̇ан̣хаахи, ахамзгам̣ бунаабарам̣.

Tesaṃ tvaṃ ekaṃ gaṇhāhi, ahamekaṃ punāparaṃ.

295.

‘‘мааважа мам̣ д̇вам̣ ‘бад̇и мз’д̇и, наахам̣ ‘бхарияаа’д̇и ваа бунаа’’д̇и.

‘‘Māvaca maṃ tvaṃ ‘pati me’ti, nāhaṃ ‘bhariyā’ti vā punā’’ti.

д̇ад̇т̇а сун̣аасийд̇и сун̣а, д̇вам̣ гат̇аа. ‘‘бзсияаа ма’’нд̇и ид̣̇ам̣ бана гумааригааяа оваад̣̇амзва санд̇хааяааха.

Tattha suṇāsīti suṇa, tvaṃ kathā. ‘‘Pesiyā ma’’nti idaṃ pana kumārikāya ovādameva sandhāyāha.

саа гира ‘‘мааважа мам̣ д̇вам̣ ‘бад̇и мз’д̇и’’ вуд̇д̇ааби махаасад̇д̇ам̣ ануб̣анд̇хиязва. рааж̇аа нам̣ нивад̇д̇зд̇ум̣ на саггод̇и. махааж̇аноби ануб̣анд̇хи. д̇ад̇о бана адавий авид̣̇уурз ход̇и. махаасад̇д̇о нийлаванарааж̇им̣ д̣̇исваа д̇ам̣ нивад̇д̇зд̇угаамо худ̇ваа г̇ажчанд̇оязва маг̇г̇асамийбз мун̃ж̇ад̇ин̣ам̣ ад̣̇д̣̇аса. со д̇ад̇о ийсигам̣ лун̃жид̇ваа ‘‘бассаси сийвали, аяам̣ ид̇ха буна гхадзд̇ум̣ на саггаа, звамзва буна маяхам̣ д̇аяаа сад̣̇д̇хим̣ сам̣ваасо наама гхадзд̇ум̣ на саггаа’’д̇и вад̇ваа имам̣ убад̣дхаг̇аат̇амааха –

Sā kira ‘‘māvaca maṃ tvaṃ ‘pati me’ti’’ vuttāpi mahāsattaṃ anubandhiyeva. Rājā naṃ nivattetuṃ na sakkoti. Mahājanopi anubandhi. Tato pana aṭavī avidūre hoti. Mahāsatto nīlavanarājiṃ disvā taṃ nivattetukāmo hutvā gacchantoyeva maggasamīpe muñjatiṇaṃ addasa. So tato īsikaṃ luñcitvā ‘‘passasi sīvali, ayaṃ idha puna ghaṭetuṃ na sakkā, evameva puna mayhaṃ tayā saddhiṃ saṃvāso nāma ghaṭetuṃ na sakkā’’ti vatvā imaṃ upaḍḍhagāthamāha –

‘‘мун̃ж̇аавзсигаа баваал̣хаа, згаа вихара сийвалий’’д̇и.

‘‘Muñjāvesikā pavāḷhā, ekā vihara sīvalī’’ti.

д̇ад̇т̇а згаа вихараад̇и ахам̣ згийбхаавзна вихариссаами, д̇вамби згаа вихараахийд̇и д̇ассаа оваад̣̇амад̣̇ааси.

Tattha ekā viharāti ahaṃ ekībhāvena viharissāmi, tvampi ekā viharāhīti tassā ovādamadāsi.

д̇ам̣ суд̇ваа сийвалид̣̇звий ‘‘ид̇од̣̇аани бадтааяа над̇т̇и маяхам̣ махааж̇анаганаринд̣̇зна сад̣̇д̇хим̣ сам̣ваасо’’д̇и согам̣ санд̇хаарзд̇ум̣ асаггонд̇ий убхохи хад̇т̇зхи урам̣ бахарид̇ваа махаамаг̇г̇з бад̇и. махаасад̇д̇о д̇ассаа висан̃н̃ибхаавам̣ н̃ад̇ваа бад̣̇ам̣ вигобзд̇ваа аран̃н̃ам̣ баависи. амажжаа ааг̇анд̇ваа д̇ассаа сарийрам̣ уд̣̇агзна син̃жид̇ваа хад̇т̇абаад̣̇з баримаж̇ж̇ид̇ваа сан̃н̃ам̣ лабхаабзсум̣. саа ‘‘д̇аад̇аа, гухим̣ рааж̇аа’’д̇и бужчи. ‘‘нану д̇умхзва ж̇аанаат̇аа’’д̇и? ‘‘убад̇хаарзт̇а д̇аад̇аа’’д̇и. д̇з ид̇о жид̇о д̇хаавид̇ваа вижинанд̇ааби махаасад̇д̇ам̣ на бассим̣су. д̣̇звий махаабарид̣̇звам̣ барид̣̇звид̇ваа ран̃н̃о тид̇адтаанз жзд̇ияам̣ гаарзд̇ваа г̇анд̇хамаалаад̣̇ийхи бууж̇зд̇ваа нивад̇д̇и. махаасад̇д̇оби химаванд̇ам̣ бависид̇ваа сад̇д̇аахаб̣бханд̇арзязва бан̃жа абхин̃н̃аа жа, адта самаабад̇д̇ияо жа ниб̣б̣ад̇д̇зд̇ваа буна мануссабат̇ам̣ нааг̇ами. д̣̇звийби усугаарзна сад̣̇д̇хим̣ гат̇ид̇адтаанз, гумааригааяа сад̣̇д̇хим̣ гат̇ид̇адтаанз, мам̣сабарибхог̇адтаанз, миг̇ааж̇инзна сад̣̇д̇хим̣ гат̇ид̇адтаанз, наарад̣̇зна сад̣̇д̇хим̣ гат̇ид̇адтаанз жаад̇и саб̣б̣адтаанзсу жзд̇ияаани гаарзд̇ваа г̇анд̇хамаалаад̣̇ийхи бууж̇зд̇ваа сзнан̇г̇абаривуд̇аа мит̇илам̣ бад̇ваа амб̣авануяяаанз буд̇д̇асса абхисзгам̣ гаарзд̇ваа д̇ам̣ сзнан̇г̇абаривуд̇ам̣ наг̇арам̣ бзсзд̇ваа саяам̣ исибаб̣б̣аж̇ж̇ам̣ баб̣б̣аж̇ид̇ваа д̇ад̇т̇зва уяяаанз васанд̇ий гасин̣абаригаммам̣ гад̇ваа жхаанам̣ ниб̣б̣ад̇д̇зд̇ваа б̣рахмалогабарааяан̣аа ахоси. махаасад̇д̇оби абарихийнаж̇жхаано худ̇ваа б̣рахмалогабарааяан̣о ахоси.

Taṃ sutvā sīvalidevī ‘‘itodāni paṭṭhāya natthi mayhaṃ mahājanakanarindena saddhiṃ saṃvāso’’ti sokaṃ sandhāretuṃ asakkontī ubhohi hatthehi uraṃ paharitvā mahāmagge pati. Mahāsatto tassā visaññibhāvaṃ ñatvā padaṃ vikopetvā araññaṃ pāvisi. Amaccā āgantvā tassā sarīraṃ udakena siñcitvā hatthapāde parimajjitvā saññaṃ labhāpesuṃ. Sā ‘‘tātā, kuhiṃ rājā’’ti pucchi. ‘‘Nanu tumheva jānāthā’’ti? ‘‘Upadhāretha tātā’’ti. Te ito cito dhāvitvā vicinantāpi mahāsattaṃ na passiṃsu. Devī mahāparidevaṃ paridevitvā rañño ṭhitaṭṭhāne cetiyaṃ kāretvā gandhamālādīhi pūjetvā nivatti. Mahāsattopi himavantaṃ pavisitvā sattāhabbhantareyeva pañca abhiññā ca, aṭṭha samāpattiyo ca nibbattetvā puna manussapathaṃ nāgami. Devīpi usukārena saddhiṃ kathitaṭṭhāne, kumārikāya saddhiṃ kathitaṭṭhāne, maṃsaparibhogaṭṭhāne, migājinena saddhiṃ kathitaṭṭhāne, nāradena saddhiṃ kathitaṭṭhāne cāti sabbaṭṭhānesu cetiyāni kāretvā gandhamālādīhi pūjetvā senaṅgaparivutā mithilaṃ patvā ambavanuyyāne puttassa abhisekaṃ kāretvā taṃ senaṅgaparivutaṃ nagaraṃ pesetvā sayaṃ isipabbajjaṃ pabbajitvā tattheva uyyāne vasantī kasiṇaparikammaṃ katvā jhānaṃ nibbattetvā brahmalokaparāyaṇā ahosi. Mahāsattopi aparihīnajjhāno hutvā brahmalokaparāyaṇo ahosi.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о махаабхинигкаманам̣ нигканд̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа самуд̣̇д̣̇арагкигаа д̣̇звад̇хийд̇аа уббалаван̣н̣аа ахоси, наарад̣̇о саарибуд̇д̇о, миг̇ааж̇ино мог̇г̇аллаано, гумааригаа кзмаа бхигкуний, усугааро аананд̣̇о, сийвалид̣̇звий раахуламаад̇аа, д̣̇ийгхаавугумааро раахуло, маад̇аабид̇аро махаарааж̇агулаани, махааж̇анаганаринд̣̇о бана ахамзва саммаасамб̣уд̣̇д̇хо ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepi tathāgato mahābhinikkhamanaṃ nikkhantoyevā’’ti vatvā jātakaṃ samodhānesi – ‘‘tadā samuddarakkhikā devadhītā uppalavaṇṇā ahosi, nārado sāriputto, migājino moggallāno, kumārikā khemā bhikkhunī, usukāro ānando, sīvalidevī rāhulamātā, dīghāvukumāro rāhulo, mātāpitaro mahārājakulāni, mahājanakanarindo pana ahameva sammāsambuddho ahosi’’nti.

махааж̇анагаж̇аад̇агаван̣н̣анаа д̣̇уд̇ияаа.

Mahājanakajātakavaṇṇanā dutiyā.

Next: [540] 3. суван̣н̣асаамаж̇аад̇агаван̣н̣анаа • [540] 3. Suvaṇṇasāmajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 539. махааж̇анагаж̇аад̇агам̣ • 539. Mahājanakajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact