| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. махаагажжаанабхад̣̇д̣̇згарад̇д̇асуд̇д̇аван̣н̣анаа
3. Mahākaccānabhaddekarattasuttavaṇṇanā
279. ун̣хабхаавзна д̇абанад̇о д̇абам̣ уд̣̇агам̣ зд̇ассаад̇и д̇абод̣̇аа, рахад̣̇о. д̇знааха ‘‘д̇ад̇д̇од̣̇агасса рахад̣̇ассаа’’д̇и. сан̇кзбзна вуд̇д̇амад̇т̇ам̣ вид̇т̇аарад̇о д̣̇ассзд̇ум̣, ‘‘взбхаарабаб̣б̣ад̇ассаа’’д̇иаад̣̇и вуд̇д̇ам̣. д̇ад̇о уд̣̇агарахад̣̇ад̇о, д̇ам̣ рахад̣̇ам̣ убаниссааяаад̇и ад̇т̇о. нааг̇абхаванааг̇ад̇оби хи со рахад̣̇о д̇ад̇о убари мануссалогз ж̇алаасаязна самб̣ад̣̇д̇хо ход̇и. д̇зна вуд̇д̇ам̣ – ‘‘д̇абод̣̇аа наама над̣̇ий санд̣̇ад̇ий’’д̇и. зд̣̇исаад̇и гут̇ид̇аа ун̣хаа, анвад̇т̇анаамавасзна д̇абод̣̇аад̇и жа вужжад̇ийд̇и ад̇т̇о. бзд̇алогод̇и бзд̇аанам̣ васанадтаанам̣ бажжзганираяам̣ санд̇хааяааха. имасса бана аараамассаад̇и д̇абод̣̇аараамасса. д̇ад̇од̇и д̇абод̣̇аасан̇каад̇анад̣̇ид̇о. махаауд̣̇агарахад̣̇од̇и махаауд̣̇агабхарид̇ам̣ баллалам̣.
279. Uṇhabhāvena tapanato tapaṃ udakaṃ etassāti tapodā, rahado. Tenāha ‘‘tattodakassa rahadassā’’ti. Saṅkhepena vuttamatthaṃ vitthārato dassetuṃ, ‘‘vebhārapabbatassā’’tiādi vuttaṃ. Tato udakarahadato, taṃ rahadaṃ upanissāyāti attho. Nāgabhavanāgatopi hi so rahado tato upari manussaloke jalāsayena sambaddho hoti. Tena vuttaṃ – ‘‘tapodā nāma nadī sandatī’’ti. Edisāti kuthitā uṇhā, anvatthanāmavasena tapodāti ca vuccatīti attho. Petalokoti petānaṃ vasanaṭṭhānaṃ paccekanirayaṃ sandhāyāha. Imassa pana ārāmassāti tapodārāmassa. Tatoti tapodāsaṅkhātanadito. Mahāudakarahadoti mahāudakabharitaṃ pallalaṃ.
280. самид̣̇д̇ход̇и ул̣ааро, барибун̣н̣оязваад̇и ад̇т̇о. аад̣̇имхи б̣рахмажарияамассаад̇и аад̣̇иб̣рахмажарияо, со зва аад̣̇иб̣рахмажарияаго. д̇знааха ‘‘буб̣б̣абхааг̇аббадибад̇д̇ибхууд̇о’’д̇и. ‘‘ад̇ийд̇ам̣ анааг̇ад̇ам̣ бажжуббанна’’нд̇и ад̣̇д̇хабхзд̣̇амукзна сан̇кад̇ад̇хаммаб̣од̇хаважанам̣.
280.Samiddhoti uḷāro, paripuṇṇoyevāti attho. Ādimhi brahmacariyamassāti ādibrahmacariyo, so eva ādibrahmacariyako. Tenāha ‘‘pubbabhāgappaṭipattibhūto’’ti. ‘‘Atītaṃ anāgataṃ paccuppanna’’nti addhabhedamukhena saṅkhatadhammabodhavacanaṃ.
282. гаамам̣ канд̇хаад̣̇ивасзна вибхаж̇анам̣ саад̇хааран̣ам̣, батамад̣̇уд̇ияажад̇уд̇т̇асуд̇д̇зсу бана канд̇хавасзна вибхаж̇анам̣ гад̇ваа ид̇ха д̇ат̇аа агад̇ваа звам̣ д̣̇зсанааяа табанам̣ д̇ад̇о ан̃н̃ат̇аа ааяад̇анавасзна вибхаж̇анад̇т̇ам̣. звам̣ вибхиннаа хи сан̇кзбавид̇т̇аарад̇о анавасзсаа саммасанубаг̇аа д̇хаммаа вибхаж̇ид̇ваа д̣̇ассид̇аа хонд̇и; аяам̣ гирзд̇т̇а бхаг̇авад̇о аж̇жхаасаяо т̇зрзна наяад̇о г̇ахид̇од̇и д̣̇ассзд̇ум̣, ‘‘имасмим̣ гираа’’д̇иаад̣̇и вуд̇д̇ам̣. д̇ад̇т̇а д̣̇ваад̣̇асааяад̇анавасзнзва маад̇игам̣ табзсийд̇и логияаани д̣̇ваад̣̇асааяад̇анаани зва санд̇хааяа маад̇игам̣ табзси, яат̇аа д̇ийсу суд̇д̇зсу канд̇хавасзна вибхад̇д̇ам̣, звам̣ яад̣̇и бхаг̇авад̇аа ид̇хааби вибхаж̇анам̣ ижчид̇ам̣ сияаа, д̇ат̇аа вибхаж̇зяяа, яасмаа бана д̇ат̇аа авибхаж̇ид̇ваава г̇анд̇хагудим̣ бавидто, д̇асмаа д̣̇ваад̣̇асааяад̇анавасзнзвзд̇т̇а вибхаж̇анам̣ бхаг̇авад̇аа жа ад̇хиббзд̇анд̇и наяаг̇г̇аахз тад̇ваа т̇зро вибхаж̇и. д̇знааха – ‘‘наяам̣ бадилабхид̇ваа звамаахаа’’д̇и. бхаарияам̣ гад̇анд̇и д̣̇уггарам̣ гад̇ам̣. абад̣̇з бад̣̇ам̣ д̣̇ассид̇ам̣ аагаасз бад̣̇ам̣ гад̇ам̣ саад̇хааран̣асса ад̇т̇асса висидтависаяад̇ааяа д̣̇ассид̇ад̇д̇аа. ниганд̇ивин̃н̃аан̣анд̇и ниганд̇ид̇ан̣хааяа самбаяуд̇д̇ам̣ вин̃н̃аан̣ам̣, ‘‘чанд̣̇арааг̇аббадиб̣ад̣̇д̇хам̣ ход̇ий’’д̇и важанад̇о. манод̇и бхаван̇г̇ажид̇д̇ам̣ манод̣̇вааригаж̇аванаанам̣ д̣̇ваарабхууд̇ам̣.
282. Kāmaṃ khandhādivasena vibhajanaṃ sādhāraṇaṃ, paṭhamadutiyacatutthasuttesu pana khandhavasena vibhajanaṃ katvā idha tathā akatvā evaṃ desanāya ṭhapanaṃ tato aññathā āyatanavasena vibhajanatthaṃ. Evaṃ vibhinnā hi saṅkhepavitthārato anavasesā sammasanupagā dhammā vibhajitvā dassitā honti; ayaṃ kirettha bhagavato ajjhāsayo therena nayato gahitoti dassetuṃ, ‘‘imasmiṃ kirā’’tiādi vuttaṃ. Tattha dvādasāyatanavaseneva mātikaṃ ṭhapesīti lokiyāni dvādasāyatanāni eva sandhāya mātikaṃ ṭhapesi, yathā tīsu suttesu khandhavasena vibhattaṃ, evaṃ yadi bhagavatā idhāpi vibhajanaṃ icchitaṃ siyā, tathā vibhajeyya, yasmā pana tathā avibhajitvāva gandhakuṭiṃ paviṭṭho, tasmā dvādasāyatanavasenevettha vibhajanaṃ bhagavatā ca adhippetanti nayaggāhe ṭhatvā thero vibhaji. Tenāha – ‘‘nayaṃ paṭilabhitvā evamāhā’’ti. Bhāriyaṃ katanti dukkaraṃ kataṃ. Apade padaṃ dassitaṃ ākāse padaṃ kataṃ sādhāraṇassa atthassa visiṭṭhavisayatāya dassitattā. Nikantiviññāṇanti nikantitaṇhāya sampayuttaṃ viññāṇaṃ, ‘‘chandarāgappaṭibaddhaṃ hotī’’ti vacanato. Manoti bhavaṅgacittaṃ manodvārikajavanānaṃ dvārabhūtaṃ.
283. бад̇т̇анаавасзна табзсийд̇и бад̇т̇анаавасзна жид̇д̇ам̣ бавад̇д̇зси.
283.Patthanāvasena ṭhapesīti patthanāvasena cittaṃ pavattesi.
махаагажжаанабхад̣̇д̣̇згарад̇д̇асуд̇д̇аван̣н̣анааяа лийнад̇т̇аббагаасанаа
Mahākaccānabhaddekarattasuttavaṇṇanāya līnatthappakāsanā
самад̇д̇аа.
Samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. махаагажжаанабхад̣̇д̣̇згарад̇д̇асуд̇д̇ам̣ • 3. Mahākaccānabhaddekarattasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. махаагажжаанабхад̣̇д̣̇згарад̇д̇асуд̇д̇аван̣н̣анаа • 3. Mahākaccānabhaddekarattasuttavaṇṇanā
