| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
158. махаагажжаанасса бан̃жаварабарид̣̇ассанаа
158. Mahākaccānassa pañcavaraparidassanā
ат̇а ко ааяасмад̇о сон̣асса вассам̣вудтасса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘суд̇оязва ко мз со бхаг̇аваа зд̣̇исо жа зд̣̇исо жаад̇и, на жа маяаа саммукаа д̣̇идто, г̇ажчзяяаахам̣ д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣, сажз мам̣ убаж̇жхааяо ануж̇аанзяяаа’’д̇и. ат̇а ко ааяасмаа сон̣о сааяанхасамаяам̣ бадисаллаанаа вудтид̇о язнааяасмаа махаагажжаано д̇знубасан̇гами, убасан̇гамид̇ваа ааяасманд̇ам̣ махаагажжаанам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа сон̣о ааяасманд̇ам̣ махаагажжаанам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘суд̇о язва ко мз со бхаг̇аваа зд̣̇исо жа зд̣̇исо жаад̇и, на жа маяаа саммукаа д̣̇идто, г̇ажчзяяаахам̣ д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣, сажз мам̣ убаж̇жхааяо ануж̇аанзяяаа’д̇и; г̇ажчзяяаахам̣, бханд̇з, д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣, сажз мам̣ убаж̇жхааяо ануж̇аанаад̇ий’’д̇и. ‘‘саад̇ху саад̇ху, сон̣а. г̇ажча д̇вам̣, сон̣а, д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣. д̣̇агкиссаси д̇вам̣, сон̣а, д̇ам̣ бхаг̇аванд̇ам̣ баасаад̣̇игам̣ басаад̣̇анийяам̣ санд̇инд̣̇рияам̣ санд̇амаанасам̣ уд̇д̇амад̣̇амат̇асамат̇ам̣ амануббад̇д̇ам̣ д̣̇анд̇ам̣ г̇уд̇д̇ам̣ яад̇инд̣̇рияам̣ нааг̇ам̣. д̇зна хи д̇вам̣, сон̣а, мама важанзна бхаг̇авад̇о баад̣̇з сирасаа ванд̣̇а – ‘убаж̇жхааяо мз, бханд̇з, ааяасмаа махаагажжаано бхаг̇авад̇о баад̣̇з сирасаа ванд̣̇ад̇ий’’’д̇и. зван̃жа вад̣̇зхи – ‘‘аванд̇ид̣̇агкин̣аабат̇о, бханд̇з, аббабхигкуго, д̇ин̣н̣ам̣ мз вассаанам̣ ажжаязна гижчзна гасирзна д̇ад̇о д̇ад̇о д̣̇асаваг̇г̇ам̣ бхигкусан̇гхам̣ саннибаад̇аабзд̇ваа убасамбад̣̇ам̣ алад̇т̇ам̣; аббзва наама бхаг̇аваа аванд̇ид̣̇агкин̣аабат̇з аббад̇арзна г̇ан̣зна убасамбад̣̇ам̣ ануж̇аанзяяа. аванд̇ид̣̇агкин̣аабат̇з, бханд̇з, ган̣худ̇д̇араа бхууми караа г̇оган̣дагахад̇аа; аббзва наама бхаг̇аваа аванд̇ид̣̇агкин̣аабат̇з г̇ун̣ан̇г̇ун̣уубааханам̣ ануж̇аанзяяа. аванд̇ид̣̇агкин̣аабат̇з, бханд̇з, нахаанаг̇аругаа мануссаа уд̣̇агасуд̣̇д̇хигаа; аббзва наама бхаг̇аваа аванд̇ид̣̇агкин̣аабат̇з д̇хуванахаанам̣ ануж̇аанзяяа. аванд̇ид̣̇агкин̣аабат̇з, бханд̇з, жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣. сзяяат̇ааби, бханд̇з, маж̇жхимзсу ж̇анабад̣̇зсу зраг̇уу мораг̇уу маж̇ж̇ааруу 1 ж̇анд̇уу, звамзва ко, бханд̇з, аванд̇ид̣̇агкин̣аабат̇з жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣; аббзва наама бхаг̇аваа аванд̇ид̣̇агкин̣аабат̇з жаммаани ад̇т̇аран̣аани ануж̇аанзяяа, зл̣агажаммам̣ аж̇ажаммам̣ миг̇ажаммам̣. зд̇арахи, бханд̇з, мануссаа ниссиймаг̇ад̇аанам̣ бхигкуунам̣ жийварам̣ д̣̇знд̇и – ‘имам̣ жийварам̣ ид̇т̇аннаамасса д̣̇змаа’’’д̇и. д̇з ааг̇анд̇ваа аарожзнд̇и – ‘ид̇т̇аннаамзхи д̇з, аавусо, мануссзхи жийварам̣ д̣̇инна’нд̇и д̇з гуггужжааяанд̇аа на саад̣̇ияанд̇и – ‘маа но ниссаг̇г̇ияам̣ ахосий’д̇и; аббзва наама бхаг̇аваа жийварз барияааяам̣ аажигкзяяаа’’д̇и. ‘‘звам̣, бханд̇з’’д̇и ко ааяасмаа сон̣о ааяасмад̇о махаагажжаанасса бадиссуд̇ваа удтааяаасанаа ааяасманд̇ам̣ махаагажжаанам̣ абхиваад̣̇зд̇ваа бад̣̇агкин̣ам̣ гад̇ваа сзнаасанам̣ сам̣саамзд̇ваа бад̇д̇ажийварамаад̣̇ааяа язна саавад̇т̇и д̇зна баггаами. анубуб̣б̣зна язна саавад̇т̇и ж̇зд̇аванам̣ анаат̇абин̣д̣игасса аараамо язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. ат̇а ко бхаг̇аваа ааяасманд̇ам̣ аананд̣̇ам̣ ааманд̇зси – ‘‘имасса, аананд̣̇а, ааг̇анд̇угасса бхигкуно сзнаасанам̣ бан̃н̃аабзхий’’д̇и. ат̇а ко ааяасмаа аананд̣̇о – ‘‘яасса ко мам̣ бхаг̇аваа аан̣аабзд̇и, ‘имасса, аананд̣̇а, ааг̇анд̇угасса бхигкуно сзнаасанам̣ бан̃н̃аабзхий’д̇и, ижчад̇и бхаг̇аваа д̇зна бхигкунаа сад̣̇д̇хим̣ згавихаарз вад̇т̇ум̣, ижчад̇и бхаг̇аваа ааяасмад̇аа сон̣зна сад̣̇д̇хим̣ згавихаарз вад̇т̇у’’нд̇и – яасмим̣ вихаарз бхаг̇аваа вихарад̇и д̇асмим̣ вихаарз ааяасмад̇о сон̣асса сзнаасанам̣ бан̃н̃аабзси.
Atha kho āyasmato soṇassa vassaṃvuṭṭhassa rahogatassa paṭisallīnassa evaṃ cetaso parivitakko udapādi – ‘‘sutoyeva kho me so bhagavā ediso ca ediso cāti, na ca mayā sammukhā diṭṭho, gaccheyyāhaṃ taṃ bhagavantaṃ dassanāya arahantaṃ sammāsambuddhaṃ, sace maṃ upajjhāyo anujāneyyā’’ti. Atha kho āyasmā soṇo sāyanhasamayaṃ paṭisallānā vuṭṭhito yenāyasmā mahākaccāno tenupasaṅkami, upasaṅkamitvā āyasmantaṃ mahākaccānaṃ abhivādetvā ekamantaṃ nisīdi. Ekamantaṃ nisinno kho āyasmā soṇo āyasmantaṃ mahākaccānaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘suto yeva kho me so bhagavā ediso ca ediso cāti, na ca mayā sammukhā diṭṭho, gaccheyyāhaṃ taṃ bhagavantaṃ dassanāya arahantaṃ sammāsambuddhaṃ, sace maṃ upajjhāyo anujāneyyā’ti; gaccheyyāhaṃ, bhante, taṃ bhagavantaṃ dassanāya arahantaṃ sammāsambuddhaṃ, sace maṃ upajjhāyo anujānātī’’ti. ‘‘Sādhu sādhu, soṇa. Gaccha tvaṃ, soṇa, taṃ bhagavantaṃ dassanāya arahantaṃ sammāsambuddhaṃ. Dakkhissasi tvaṃ, soṇa, taṃ bhagavantaṃ pāsādikaṃ pasādanīyaṃ santindriyaṃ santamānasaṃ uttamadamathasamathaṃ amanuppattaṃ dantaṃ guttaṃ yatindriyaṃ nāgaṃ. Tena hi tvaṃ, soṇa, mama vacanena bhagavato pāde sirasā vanda – ‘upajjhāyo me, bhante, āyasmā mahākaccāno bhagavato pāde sirasā vandatī’’’ti. Evañca vadehi – ‘‘avantidakkhiṇāpatho, bhante, appabhikkhuko, tiṇṇaṃ me vassānaṃ accayena kicchena kasirena tato tato dasavaggaṃ bhikkhusaṅghaṃ sannipātāpetvā upasampadaṃ alatthaṃ; appeva nāma bhagavā avantidakkhiṇāpathe appatarena gaṇena upasampadaṃ anujāneyya. Avantidakkhiṇāpathe, bhante, kaṇhuttarā bhūmi kharā gokaṇṭakahatā; appeva nāma bhagavā avantidakkhiṇāpathe guṇaṅguṇūpāhanaṃ anujāneyya. Avantidakkhiṇāpathe, bhante, nahānagarukā manussā udakasuddhikā; appeva nāma bhagavā avantidakkhiṇāpathe dhuvanahānaṃ anujāneyya. Avantidakkhiṇāpathe, bhante, cammāni attharaṇāni, eḷakacammaṃ ajacammaṃ migacammaṃ. Seyyathāpi, bhante, majjhimesu janapadesu eragū moragū majjārū 2 jantū, evameva kho, bhante, avantidakkhiṇāpathe cammāni attharaṇāni, eḷakacammaṃ ajacammaṃ migacammaṃ; appeva nāma bhagavā avantidakkhiṇāpathe cammāni attharaṇāni anujāneyya, eḷakacammaṃ ajacammaṃ migacammaṃ. Etarahi, bhante, manussā nissīmagatānaṃ bhikkhūnaṃ cīvaraṃ denti – ‘imaṃ cīvaraṃ itthannāmassa demā’’’ti. Te āgantvā ārocenti – ‘itthannāmehi te, āvuso, manussehi cīvaraṃ dinna’nti te kukkuccāyantā na sādiyanti – ‘mā no nissaggiyaṃ ahosī’ti; appeva nāma bhagavā cīvare pariyāyaṃ ācikkheyyā’’ti. ‘‘Evaṃ, bhante’’ti kho āyasmā soṇo āyasmato mahākaccānassa paṭissutvā uṭṭhāyāsanā āyasmantaṃ mahākaccānaṃ abhivādetvā padakkhiṇaṃ katvā senāsanaṃ saṃsāmetvā pattacīvaramādāya yena sāvatthi tena pakkāmi. Anupubbena yena sāvatthi jetavanaṃ anāthapiṇḍikassa ārāmo yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Atha kho bhagavā āyasmantaṃ ānandaṃ āmantesi – ‘‘imassa, ānanda, āgantukassa bhikkhuno senāsanaṃ paññāpehī’’ti. Atha kho āyasmā ānando – ‘‘yassa kho maṃ bhagavā āṇāpeti, ‘imassa, ānanda, āgantukassa bhikkhuno senāsanaṃ paññāpehī’ti, icchati bhagavā tena bhikkhunā saddhiṃ ekavihāre vatthuṃ, icchati bhagavā āyasmatā soṇena saddhiṃ ekavihāre vatthu’’nti – yasmiṃ vihāre bhagavā viharati tasmiṃ vihāre āyasmato soṇassa senāsanaṃ paññāpesi.
258. ат̇а ко бхаг̇аваа б̣ахуд̣̇зва рад̇д̇им̣ аж̇жхогаасз вийд̇инаамзд̇ваа вихаарам̣ баависи. ааяасмааби ко сон̣о б̣ахуд̣̇зва рад̇д̇им̣ аж̇жхогаасз вийд̇инаамзд̇ваа вихаарам̣ баависи. ат̇а ко бхаг̇аваа рад̇д̇ияаа бажжуусасамаяам̣ бажжудтааяа ааяасманд̇ам̣ сон̣ам̣ аж̇жхзси – ‘‘бадибхаад̇у д̇ам̣, бхигку, д̇хаммо бхаасид̇у’’нд̇и. ‘‘звам̣, бханд̇з’’д̇и ко ааяасмаа сон̣о бхаг̇авад̇о бадиссун̣ид̇ваа саб̣б̣аанзва адтагаваг̇г̇игаани сарзна абхааси. ат̇а ко бхаг̇аваа ааяасмад̇о сон̣асса сарабхан̃н̃абарияосаанз аб̣бхаанумод̣̇и – ‘‘саад̇ху, саад̇ху, бхигку. суг̇г̇ахид̇аани ко д̇з, бхигку, адтагаваг̇г̇игаани , суманасигад̇аани суубад̇хаарид̇аани. галяаан̣ияааби ваажааяа саманнааг̇ад̇о, виссадтааяа, анзлаг̇алааяа 3, ад̇т̇асса вин̃н̃аабанияаа. гад̇ивассоси д̇вам̣, бхигкуу’’д̇и? ‘‘згавассохам̣, бхаг̇аваа’’д̇и. ‘‘гисса бана д̇вам̣, бхигку, звам̣ жирам̣ агаасий’’д̇и? ‘‘жирам̣ д̣̇идто мз, бханд̇з, гаамзсу аад̣̇ийнаво, аби жа самб̣аад̇хаа гхарааваасаа б̣ахугижжаа б̣ахугаран̣ийяаа’’д̇и. ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
258. Atha kho bhagavā bahudeva rattiṃ ajjhokāse vītināmetvā vihāraṃ pāvisi. Āyasmāpi kho soṇo bahudeva rattiṃ ajjhokāse vītināmetvā vihāraṃ pāvisi. Atha kho bhagavā rattiyā paccūsasamayaṃ paccuṭṭhāya āyasmantaṃ soṇaṃ ajjhesi – ‘‘paṭibhātu taṃ, bhikkhu, dhammo bhāsitu’’nti. ‘‘Evaṃ, bhante’’ti kho āyasmā soṇo bhagavato paṭissuṇitvā sabbāneva aṭṭhakavaggikāni sarena abhāsi. Atha kho bhagavā āyasmato soṇassa sarabhaññapariyosāne abbhānumodi – ‘‘sādhu, sādhu, bhikkhu. Suggahitāni kho te, bhikkhu, aṭṭhakavaggikāni , sumanasikatāni sūpadhāritāni. Kalyāṇiyāpi vācāya samannāgato, vissaṭṭhāya, anelagalāya 4, atthassa viññāpaniyā. Kativassosi tvaṃ, bhikkhū’’ti? ‘‘Ekavassohaṃ, bhagavā’’ti. ‘‘Kissa pana tvaṃ, bhikkhu, evaṃ ciraṃ akāsī’’ti? ‘‘Ciraṃ diṭṭho me, bhante, kāmesu ādīnavo, api ca sambādhā gharāvāsā bahukiccā bahukaraṇīyā’’ti. Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
5 ‘‘д̣̇исваа аад̣̇ийнавам̣ логз, н̃ад̇ваа д̇хаммам̣ нируубад̇хим̣;
6 ‘‘Disvā ādīnavaṃ loke, ñatvā dhammaṃ nirūpadhiṃ;
арияо на рамад̇ий баабз, баабз на рамад̇ий сужий’’д̇и.
Ariyo na ramatī pāpe, pāpe na ramatī sucī’’ti.
ат̇а ко ааяасмаа сон̣о – бадисаммод̣̇ад̇и ко мам̣ бхаг̇аваа, аяам̣ квасса гаало яам̣ мз убаж̇жхааяо барид̣̇ассийд̇и – удтааяаасанаа згам̣сам̣ уд̇д̇араасан̇г̇ам̣ гарид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘убаж̇жхааяо мз, бханд̇з, ааяасмаа махаагажжаано бхаг̇авад̇о баад̣̇з сирасаа ванд̣̇ад̇и, зван̃жа вад̣̇зд̇и аванд̇ид̣̇агкин̣аабат̇о, бханд̇з, аббабхигкуго. д̇ин̣н̣ам̣ мз вассаанам̣ ажжаязна гижчзна гасирзна д̇ад̇о д̇ад̇о д̣̇асаваг̇г̇ам̣ бхигкусан̇гхам̣ саннибаад̇аабзд̇ваа убасамбад̣̇ам̣ алад̇т̇ам̣, аббзва наама бхаг̇аваа аванд̇ид̣̇агкин̣аабат̇з аббад̇арзна г̇ан̣зна убасамбад̣̇ам̣ ануж̇аанзяяа. аванд̇ид̣̇агкин̣аабат̇з, бханд̇з, ган̣худ̇д̇араа бхууми караа г̇оган̣дагахад̇аа; аббзва наама бхаг̇аваа аванд̇ид̣̇агкин̣аабат̇з г̇ун̣ан̇г̇ун̣уубааханам̣ ануж̇аанзяяа. аванд̇ид̣̇агкин̣аабат̇з, бханд̇з, нахаанаг̇аругаа мануссаа уд̣̇агасуд̣̇д̇хигаа, аббзва наама бхаг̇аваа аванд̇ид̣̇агкин̣аабат̇з д̇хуванахаанам̣ ануж̇аанзяяа. аванд̇ид̣̇агкин̣аабат̇з, бханд̇з, жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣. сзяяат̇ааби, бханд̇з, маж̇жхимзсу ж̇анабад̣̇зсу зраг̇уу мораг̇уу маж̇ж̇ааруу ж̇анд̇уу , звамзва ко, бханд̇з, аванд̇ид̣̇агкин̣аабат̇з жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣; аббзва наама бхаг̇аваа аванд̇ид̣̇агкин̣аабат̇з жаммаани ад̇т̇аран̣аани ануж̇аанзяяа, зл̣агажаммам̣ аж̇ажаммам̣ миг̇ажаммам̣. зд̇арахи, бханд̇з, мануссаа ниссиймаг̇ад̇аанам̣ бхигкуунам̣ жийварам̣ д̣̇знд̇и – ‘имам̣ жийварам̣ ид̇т̇аннаамасса д̣̇змаа’д̇и. д̇з ааг̇анд̇ваа аарожзнд̇и – ‘ид̇т̇аннаамзхи д̇з, аавусо, мануссзхи жийварам̣ д̣̇инна’нд̇и. д̇з гуггужжааяанд̇аа на саад̣̇ияанд̇и – ‘маа но ниссаг̇г̇ияам̣ ахосий’д̇и; аббзва наама бхаг̇аваа жийварз барияааяам̣ аажигкзяяаа’’д̇и.
Atha kho āyasmā soṇo – paṭisammodati kho maṃ bhagavā, ayaṃ khvassa kālo yaṃ me upajjhāyo paridassīti – uṭṭhāyāsanā ekaṃsaṃ uttarāsaṅgaṃ karitvā bhagavato pādesu sirasā nipatitvā bhagavantaṃ etadavoca – ‘‘upajjhāyo me, bhante, āyasmā mahākaccāno bhagavato pāde sirasā vandati, evañca vadeti avantidakkhiṇāpatho, bhante, appabhikkhuko. Tiṇṇaṃ me vassānaṃ accayena kicchena kasirena tato tato dasavaggaṃ bhikkhusaṅghaṃ sannipātāpetvā upasampadaṃ alatthaṃ, appeva nāma bhagavā avantidakkhiṇāpathe appatarena gaṇena upasampadaṃ anujāneyya. Avantidakkhiṇāpathe, bhante, kaṇhuttarā bhūmi kharā gokaṇṭakahatā; appeva nāma bhagavā avantidakkhiṇāpathe guṇaṅguṇūpāhanaṃ anujāneyya. Avantidakkhiṇāpathe, bhante, nahānagarukā manussā udakasuddhikā, appeva nāma bhagavā avantidakkhiṇāpathe dhuvanahānaṃ anujāneyya. Avantidakkhiṇāpathe, bhante, cammāni attharaṇāni, eḷakacammaṃ ajacammaṃ migacammaṃ. Seyyathāpi, bhante, majjhimesu janapadesu eragū moragū majjārū jantū , evameva kho, bhante, avantidakkhiṇāpathe cammāni attharaṇāni, eḷakacammaṃ ajacammaṃ migacammaṃ; appeva nāma bhagavā avantidakkhiṇāpathe cammāni attharaṇāni anujāneyya, eḷakacammaṃ ajacammaṃ migacammaṃ. Etarahi, bhante, manussā nissīmagatānaṃ bhikkhūnaṃ cīvaraṃ denti – ‘imaṃ cīvaraṃ itthannāmassa demā’ti. Te āgantvā ārocenti – ‘itthannāmehi te, āvuso, manussehi cīvaraṃ dinna’nti. Te kukkuccāyantā na sādiyanti – ‘mā no nissaggiyaṃ ahosī’ti; appeva nāma bhagavā cīvare pariyāyaṃ ācikkheyyā’’ti.
259. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘аванд̇ид̣̇агкин̣аабат̇о, бхигкавз, аббабхигкуго. ануж̇аанаами, бхигкавз, саб̣б̣абажжанд̇имзсу ж̇анабад̣̇зсу винаяад̇харабан̃жамзна г̇ан̣зна убасамбад̣̇ам̣. д̇ад̇римз бажжанд̇имаа ж̇анабад̣̇аа – бурад̇т̇имааяа д̣̇исааяа г̇аж̇ан̇г̇алам̣ 7 наама ниг̇амо, д̇асса барзна махаасаалаа, д̇ад̇о бараа бажжанд̇имаа ж̇анабад̣̇аа, орад̇о маж̇жхз; бурад̇т̇имад̣̇агкин̣ааяа д̣̇исааяа саллавад̇ий 8 наама над̣̇ий, д̇ад̇о бараа бажжанд̇имаа ж̇анабад̣̇аа, орад̇о маж̇жхз; д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о бараа бажжанд̇имаа ж̇анабад̣̇аа, орад̇о маж̇жхз; бажчимааяа д̣̇исааяа т̇уун̣ам̣ наама б̣раахман̣аг̇аамо, д̇ад̇о бараа бажжанд̇имаа ж̇анабад̣̇аа, орад̇о маж̇жхз; уд̇д̇арааяа д̣̇исааяа усийрад̣̇д̇хаж̇о наама баб̣б̣ад̇о, д̇ад̇о бараа бажжанд̇имаа ж̇анабад̣̇аа, орад̇о маж̇жхз . ануж̇аанаами, бхигкавз, зваруубзсу бажжанд̇имзсу ж̇анабад̣̇зсу винаяад̇харабан̃жамзна г̇ан̣зна убасамбад̣̇ам̣. аванд̇ид̣̇агкин̣аабат̇з, бхигкавз, ган̣худ̇д̇араа бхууми караа г̇оган̣дагахад̇аа. ануж̇аанаами, бхигкавз, саб̣б̣абажжанд̇имзсу ж̇анабад̣̇зсу г̇ун̣ан̇г̇ун̣уубааханам̣. аванд̇ид̣̇агкин̣аабат̇з, бхигкавз, нахаанаг̇аругаа мануссаа уд̣̇агасуд̣̇д̇хигаа. ануж̇аанаами, бхигкавз, саб̣б̣абажжанд̇имзсу ж̇анабад̣̇зсу д̇хуванахаанам̣. аванд̇ид̣̇агкин̣аабат̇з, бхигкавз, жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣. сзяяат̇ааби, бхигкавз, маж̇жхимзсу ж̇анабад̣̇зсу зраг̇уу мораг̇уу маж̇ж̇ааруу ж̇анд̇уу, звамзва ко, бхигкавз, аванд̇ид̣̇агкин̣аабат̇з жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣. ануж̇аанаами, бхигкавз, саб̣б̣абажжанд̇имзсу ж̇анабад̣̇зсу жаммаани ад̇т̇аран̣аани, зл̣агажаммам̣ аж̇ажаммам̣ миг̇ажаммам̣. ид̇ха бана, бхигкавз, мануссаа ниссиймаг̇ад̇аанам̣ бхигкуунам̣ жийварам̣ д̣̇знд̇и – ‘имам̣ жийварам̣ ид̇т̇аннаамасса д̣̇змаа’д̇и. ануж̇аанаами, бхигкавз, саад̣̇ид̇ум̣, на д̇аава д̇ам̣ г̇ан̣ануубаг̇ам̣ яаава на хад̇т̇ам̣ г̇ажчад̇ий’’д̇и.
259. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘avantidakkhiṇāpatho, bhikkhave, appabhikkhuko. Anujānāmi, bhikkhave, sabbapaccantimesu janapadesu vinayadharapañcamena gaṇena upasampadaṃ. Tatrime paccantimā janapadā – puratthimāya disāya gajaṅgalaṃ 9 nāma nigamo, tassa parena mahāsālā, tato parā paccantimā janapadā, orato majjhe; puratthimadakkhiṇāya disāya sallavatī 10 nāma nadī, tato parā paccantimā janapadā, orato majjhe; dakkhiṇāya disāya setakaṇṇikaṃ nāma nigamo, tato parā paccantimā janapadā, orato majjhe; pacchimāya disāya thūṇaṃ nāma brāhmaṇagāmo, tato parā paccantimā janapadā, orato majjhe; uttarāya disāya usīraddhajo nāma pabbato, tato parā paccantimā janapadā, orato majjhe . Anujānāmi, bhikkhave, evarūpesu paccantimesu janapadesu vinayadharapañcamena gaṇena upasampadaṃ. Avantidakkhiṇāpathe, bhikkhave, kaṇhuttarā bhūmi kharā gokaṇṭakahatā. Anujānāmi, bhikkhave, sabbapaccantimesu janapadesu guṇaṅguṇūpāhanaṃ. Avantidakkhiṇāpathe, bhikkhave, nahānagarukā manussā udakasuddhikā. Anujānāmi, bhikkhave, sabbapaccantimesu janapadesu dhuvanahānaṃ. Avantidakkhiṇāpathe, bhikkhave, cammāni attharaṇāni, eḷakacammaṃ ajacammaṃ migacammaṃ. Seyyathāpi, bhikkhave, majjhimesu janapadesu eragū moragū majjārū jantū, evameva kho, bhikkhave, avantidakkhiṇāpathe cammāni attharaṇāni, eḷakacammaṃ ajacammaṃ migacammaṃ. Anujānāmi, bhikkhave, sabbapaccantimesu janapadesu cammāni attharaṇāni, eḷakacammaṃ ajacammaṃ migacammaṃ. Idha pana, bhikkhave, manussā nissīmagatānaṃ bhikkhūnaṃ cīvaraṃ denti – ‘imaṃ cīvaraṃ itthannāmassa demā’ti. Anujānāmi, bhikkhave, sādituṃ, na tāva taṃ gaṇanūpagaṃ yāva na hatthaṃ gacchatī’’ti.
махаагажжаанасса бан̃жаварабарид̣̇ассанаа нидтид̇аа.
Mahākaccānassa pañcavaraparidassanā niṭṭhitā.
жаммагканд̇хаго бан̃жамо.
Cammakkhandhako pañcamo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саб̣б̣ажаммабадигкзбаад̣̇игат̇аа • Sabbacammapaṭikkhepādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сон̣агудиган̣н̣авад̇т̇угат̇ааван̣н̣анаа • Soṇakuṭikaṇṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саб̣б̣ажаммабадигкзбаад̣̇игат̇ааван̣н̣анаа • Sabbacammapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇ихивигад̇аанун̃н̃аад̇аад̣̇игат̇ааван̣н̣анаа • Gihivikatānuññātādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 157. сон̣агудиган̣н̣авад̇т̇угат̇аа • 157. Soṇakuṭikaṇṇavatthukathā
