| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. மஹாகச்சானஸுத்தவண்ணனா
6. Mahākaccānasuttavaṇṇanā
26. ச²ட்டே² ஸம்பா³தே⁴தி பஞ்சகாமகு³ணஸம்பா³தே⁴. ஓகாஸாதி⁴க³மோதி எத்த² ஓகாஸா வுச்சந்தி ச² அனுஸ்ஸதிட்டா²னானி, தேஸங் அதி⁴க³மோ. விஸுத்³தி⁴யாதி விஸுஜ்ஜ²னத்தா²ய. ஸோகபரிதே³வானங் ஸமதிக்கமாயாதி ஸோகானஞ்ச பரிதே³வானஞ்ச ஸமதிக்கமத்தா²ய. அத்த²ங்க³மாயாதி அத்த²ங் க³மனத்தா²ய . ஞாயஸ்ஸ அதி⁴க³மாயாதி ஸஹவிபஸ்ஸனகஸ்ஸ மக்³க³ஸ்ஸ அதி⁴க³மனத்தா²ய. நிப்³பா³னஸ்ஸ ஸச்சி²கிரியாயாதி அபச்சயபரினிப்³பா³னஸ்ஸ பச்சக்க²கிரியத்தா²ய.
26. Chaṭṭhe sambādheti pañcakāmaguṇasambādhe. Okāsādhigamoti ettha okāsā vuccanti cha anussatiṭṭhānāni, tesaṃ adhigamo. Visuddhiyāti visujjhanatthāya. Sokaparidevānaṃ samatikkamāyāti sokānañca paridevānañca samatikkamatthāya. Atthaṅgamāyāti atthaṃ gamanatthāya . Ñāyassa adhigamāyāti sahavipassanakassa maggassa adhigamanatthāya. Nibbānassa sacchikiriyāyāti apaccayaparinibbānassa paccakkhakiriyatthāya.
ஸப்³ப³ஸோதி ஸப்³பா³காரேன. ஆகாஸஸமேனாதி அலக்³க³னட்டே²ன சேவ அபலிபு³த்³த⁴ட்டே²ன ச ஆகாஸஸதி³ஸேன. விபுலேனாதி ந பரித்தகேன. மஹக்³க³தேனாதி மஹந்தபா⁴வங் க³தேன, மஹந்தேஹி வா அரியஸாவகேஹி க³தேன, படிபன்னேனாதி அத்தோ². அப்பமாணேனாதி ப²ரணஅப்பமாணதாய அப்பமாணேன. அவேரேனாதி அகுஸலவேரபுக்³க³லவேரரஹிதேன. அப்³யாபஜ்ஜே²னாதி கோத⁴து³க்க²வஜ்ஜிதேன. ஸப்³ப³மேதங் பு³த்³தா⁴னுஸ்ஸதிசித்தமேவ ஸந்தா⁴ய வுத்தங். பரதோபி ஏஸேவ நயோ. விஸுத்³தி⁴த⁴ம்மாதி விஸுஜ்ஜ²னஸபா⁴வா. இமஸ்மிம்பி ஸுத்தே ச² அனுஸ்ஸதிட்டா²னானி மிஸ்ஸகானேவ கதி²தானீதி.
Sabbasoti sabbākārena. Ākāsasamenāti alagganaṭṭhena ceva apalibuddhaṭṭhena ca ākāsasadisena. Vipulenāti na parittakena. Mahaggatenāti mahantabhāvaṃ gatena, mahantehi vā ariyasāvakehi gatena, paṭipannenāti attho. Appamāṇenāti pharaṇaappamāṇatāya appamāṇena. Averenāti akusalaverapuggalaverarahitena. Abyāpajjhenāti kodhadukkhavajjitena. Sabbametaṃ buddhānussaticittameva sandhāya vuttaṃ. Paratopi eseva nayo. Visuddhidhammāti visujjhanasabhāvā. Imasmimpi sutte cha anussatiṭṭhānāni missakāneva kathitānīti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. மஹாகச்சானஸுத்தங் • 6. Mahākaccānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாகச்சானஸுத்தவண்ணனா • 6. Mahākaccānasuttavaṇṇanā
