| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๖. มหากจฺจานสุตฺตวณฺณนา
6. Mahākaccānasuttavaṇṇanā
๒๖. ฉเฎฺฐ สมฺพาเธติ ปญฺจกามคุณสมฺพาเธฯ โอกาสาธิคโมติ เอตฺถ โอกาสา วุจฺจนฺติ ฉ อนุสฺสติฎฺฐานานิ, เตสํ อธิคโมฯ วิสุทฺธิยาติ วิสุชฺฌนตฺถายฯ โสกปริเทวานํ สมติกฺกมายาติ โสกานญฺจ ปริเทวานญฺจ สมติกฺกมตฺถายฯ อตฺถงฺคมายาติ อตฺถํ คมนตฺถาย ฯ ญายสฺส อธิคมายาติ สหวิปสฺสนกสฺส มคฺคสฺส อธิคมนตฺถายฯ นิพฺพานสฺส สจฺฉิกิริยายาติ อปจฺจยปรินิพฺพานสฺส ปจฺจกฺขกิริยตฺถายฯ
26. Chaṭṭhe sambādheti pañcakāmaguṇasambādhe. Okāsādhigamoti ettha okāsā vuccanti cha anussatiṭṭhānāni, tesaṃ adhigamo. Visuddhiyāti visujjhanatthāya. Sokaparidevānaṃ samatikkamāyāti sokānañca paridevānañca samatikkamatthāya. Atthaṅgamāyāti atthaṃ gamanatthāya . Ñāyassa adhigamāyāti sahavipassanakassa maggassa adhigamanatthāya. Nibbānassa sacchikiriyāyāti apaccayaparinibbānassa paccakkhakiriyatthāya.
สพฺพโสติ สพฺพากาเรนฯ อากาสสเมนาติ อลคฺคนเฎฺฐน เจว อปลิพุทฺธเฎฺฐน จ อากาสสทิเสนฯ วิปุเลนาติ น ปริตฺตเกนฯ มหคฺคเตนาติ มหนฺตภาวํ คเตน, มหเนฺตหิ วา อริยสาวเกหิ คเตน, ปฎิปเนฺนนาติ อโตฺถฯ อปฺปมาเณนาติ ผรณอปฺปมาณตาย อปฺปมาเณนฯ อเวเรนาติ อกุสลเวรปุคฺคลเวรรหิเตนฯ อพฺยาปเชฺฌนาติ โกธทุกฺขวชฺชิเตนฯ สพฺพเมตํ พุทฺธานุสฺสติจิตฺตเมว สนฺธาย วุตฺตํฯ ปรโตปิ เอเสว นโยฯ วิสุทฺธิธมฺมาติ วิสุชฺฌนสภาวาฯ อิมสฺมิมฺปิ สุเตฺต ฉ อนุสฺสติฎฺฐานานิ มิสฺสกาเนว กถิตานีติฯ
Sabbasoti sabbākārena. Ākāsasamenāti alagganaṭṭhena ceva apalibuddhaṭṭhena ca ākāsasadisena. Vipulenāti na parittakena. Mahaggatenāti mahantabhāvaṃ gatena, mahantehi vā ariyasāvakehi gatena, paṭipannenāti attho. Appamāṇenāti pharaṇaappamāṇatāya appamāṇena. Averenāti akusalaverapuggalaverarahitena. Abyāpajjhenāti kodhadukkhavajjitena. Sabbametaṃ buddhānussaticittameva sandhāya vuttaṃ. Paratopi eseva nayo. Visuddhidhammāti visujjhanasabhāvā. Imasmimpi sutte cha anussatiṭṭhānāni missakāneva kathitānīti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๖. มหากจฺจานสุตฺตํ • 6. Mahākaccānasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖. มหากจฺจานสุตฺตวณฺณนา • 6. Mahākaccānasuttavaṇṇanā
