| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਮਹਾਕਚ੍ਚਾਨਸੁਤ੍ਤવਣ੍ਣਨਾ
6. Mahākaccānasuttavaṇṇanā
੨੬. ਛਟ੍ਠੇ ਸਮ੍ਬਾਧੇਤਿ વਾ ਤਣ੍ਹਾਸਂਕਿਲੇਸਾਦੀਨਂ ਸਮ੍ਪੀਲ਼ੇ ਸਙ੍ਕਰੇ ਘਰਾવਾਸੇ। ਓਕਾਸਾ વੁਚ੍ਚਨ੍ਤੀਤਿ ਮਗ੍ਗਫਲਸੁਖਾਧਿਗਮਾਯ ਓਕਾਸਭਾવਤੋ ਓਕਾਸਾਤਿ વੁਚ੍ਚਨ੍ਤਿ। ਓਕਾਸਾਧਿਗਮੋਤਿ ਲੋਕੁਤ੍ਤਰਧਮ੍ਮਸ੍ਸ ਅਧਿਗਮਾਯ ਅਧਿਗਨ੍ਤਬ੍ਬਓਕਾਸੋ। વਿਸੁਜ੍ਝਨਤ੍ਥਾਯਾਤਿ ਰਾਗਾਦੀਹਿ ਮਲੇਹਿ ਅਭਿਜ੍ਝਾવਿਸਮਲੋਭਾਦੀਹਿ ਚ ਉਪਕ੍ਕਿਲਿਟ੍ਠਚਿਤ੍ਤਾਨਂ વਿਸੁਦ੍ਧਤ੍ਥਾਯ। ਸਾ ਪਨਾਯਂ ਚਿਤ੍ਤਸ੍ਸ વਿਸੁਦ੍ਧਿ ਸਿਜ੍ਝਮਾਨਾ ਯਸ੍ਮਾ ਸੋਕਾਦੀਨਂ ਅਨੁਪਾਦਾਯ ਸਂવਤ੍ਤਤਿ, ਤਸ੍ਮਾ વੁਤ੍ਤਂ ‘‘ਸੋਕਪਰਿਦੇવਾਨਂ ਸਮਤਿਕ੍ਕਮਾਯਾ’’ਤਿਆਦਿ। ਤਤ੍ਥ ਸੋਚਨਂ ਞਾਤਿਬ੍ਯਸਨਾਦਿਨਿਮਿਤ੍ਤਂ ਚੇਤਸੋ ਸਨ੍ਤਾਪੋ ਅਨ੍ਤੋਤਾਪੋ ਅਨ੍ਤੋਨਿਜ੍ਝਾਨਂ ਸੋਕੋ, ਞਾਤਿਬ੍ਯਸਨਾਦਿਨਿਮਿਤ੍ਤਮੇવ ਸੋਚਿਕਤਾ। ‘‘ਕਹਂ ਏਕਪੁਤ੍ਤਕਾ’’ਤਿਆਦਿਨਾ (ਮ॰ ਨਿ॰ ੨.੩੫੩-੩੫੪; ਸਂ॰ ਨਿ॰ ੨.੬੩) ਪਰਿਦੇવਨવਸੇਨ ਲਪਨਂ ਪਰਿਦੇવੋ। ਸਮਤਿਕ੍ਕਮਨਤ੍ਥਾਯਾਤਿ ਪਹਾਨਾਯ। ਆਯਤਿਂ ਅਨੁਪ੍ਪਜ੍ਜਨਞ੍ਹਿ ਇਧ ਸਮਤਿਕ੍ਕਮੋ। ਦੁਕ੍ਖਦੋਮਨਸ੍ਸਾਨਂ ਅਤ੍ਥਙ੍ਗਮਾਯਾਤਿ ਕਾਯਿਕਦੁਕ੍ਖਸ੍ਸ ਚ ਚੇਤਸਿਕਦੋਮਨਸ੍ਸਸ੍ਸ ਚਾਤਿ ਇਮੇਸਂ ਦ੍વਿਨ੍ਨਂ ਅਤ੍ਥਙ੍ਗਮਾਯ, ਨਿਰੋਧਾਯਾਤਿ ਅਤ੍ਥੋ। ਞਾਯਤਿ ਨਿਚ੍ਛਯੇਨ ਕਮਤਿ ਨਿਬ੍ਬਾਨਂ, ਤਂ વਾ ਞਾਯਤਿ ਪਟਿવਿਜ੍ਝਤਿ ਏਤੇਨਾਤਿ ਞਾਯੋ, ਅਰਿਯਮਗ੍ਗੋ। ਇਧ ਪਨ ਸਹ ਪੁਬ੍ਬਭਾਗੇਨ ਅਰਿਯਮਗ੍ਗੋ ਗਹਿਤੋਤਿ ਆਹ ‘‘ਸਹવਿਪਸ੍ਸਨਕਸ੍ਸ ਮਗ੍ਗਸ੍ਸ ਅਧਿਗਮਨਤ੍ਥਾਯਾ’’ਤਿ। ਅਪਚ੍ਚਯਪਰਿਨਿਬ੍ਬਾਨਸ੍ਸਾਤਿ ਅਨੁਪਾਦਿਸੇਸਨਿਬ੍ਬਾਨਂ ਸਨ੍ਧਾਯ વਦਤਿ। ਪਚ੍ਚਯવਸੇਨ ਅਨੁਪ੍ਪਨ੍ਨਂ ਅਸਙ੍ਖਤਂ ਅਮਤਧਾਤੁਮੇવ। ਸੇਸਮੇਤ੍ਥ ਉਤ੍ਤਾਨਮੇવ।
26. Chaṭṭhe sambādheti vā taṇhāsaṃkilesādīnaṃ sampīḷe saṅkare gharāvāse. Okāsā vuccantīti maggaphalasukhādhigamāya okāsabhāvato okāsāti vuccanti. Okāsādhigamoti lokuttaradhammassa adhigamāya adhigantabbaokāso. Visujjhanatthāyāti rāgādīhi malehi abhijjhāvisamalobhādīhi ca upakkiliṭṭhacittānaṃ visuddhatthāya. Sā panāyaṃ cittassa visuddhi sijjhamānā yasmā sokādīnaṃ anupādāya saṃvattati, tasmā vuttaṃ ‘‘sokaparidevānaṃ samatikkamāyā’’tiādi. Tattha socanaṃ ñātibyasanādinimittaṃ cetaso santāpo antotāpo antonijjhānaṃ soko, ñātibyasanādinimittameva socikatā. ‘‘Kahaṃ ekaputtakā’’tiādinā (ma. ni. 2.353-354; saṃ. ni. 2.63) paridevanavasena lapanaṃ paridevo. Samatikkamanatthāyāti pahānāya. Āyatiṃ anuppajjanañhi idha samatikkamo. Dukkhadomanassānaṃ atthaṅgamāyāti kāyikadukkhassa ca cetasikadomanassassa cāti imesaṃ dvinnaṃ atthaṅgamāya, nirodhāyāti attho. Ñāyati nicchayena kamati nibbānaṃ, taṃ vā ñāyati paṭivijjhati etenāti ñāyo, ariyamaggo. Idha pana saha pubbabhāgena ariyamaggo gahitoti āha ‘‘sahavipassanakassa maggassa adhigamanatthāyā’’ti. Apaccayaparinibbānassāti anupādisesanibbānaṃ sandhāya vadati. Paccayavasena anuppannaṃ asaṅkhataṃ amatadhātumeva. Sesamettha uttānameva.
ਮਹਾਕਚ੍ਚਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mahākaccānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਮਹਾਕਚ੍ਚਾਨਸੁਤ੍ਤਂ • 6. Mahākaccānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਮਹਾਕਚ੍ਚਾਨਸੁਤ੍ਤવਣ੍ਣਨਾ • 6. Mahākaccānasuttavaṇṇanā
