| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. махаагажжаанад̇т̇зраабад̣̇аанаван̣н̣анаа
3. Mahākaccānattheraapadānavaṇṇanā
бад̣̇умуд̇д̇аранаат̇ассаад̇иаад̣̇игам̣ ааяасмад̇о гажжаанад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз г̇ахабад̇имахаасаалагулаг̇зхз ниб̣б̣ад̇д̇зд̇ваа вуд̣̇д̇хиббад̇д̇о згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ аг̇г̇адтаанз табзнд̇ам̣ д̣̇исваа саяамби д̇ам̣ таананд̇арам̣ бад̇т̇знд̇о д̣̇аанаад̣̇ийни бун̃н̃аани гад̇ваа д̣̇звамануссзсу сам̣саранд̇о сумзд̇хасса бхаг̇авад̇о гаалз виж̇ж̇аад̇харо худ̇ваа аагаасзна г̇ажчанд̇о сад̇т̇аарам̣ згасмим̣ ванасан̣д̣з нисиннам̣ д̣̇исваа басаннамаанасо ган̣игаарабубпзхи бууж̇ам̣ агааси.
Padumuttaranāthassātiādikaṃ āyasmato kaccānattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatimahāsālakulagehe nibbattetvā vuddhippatto ekadivasaṃ satthu santike dhammaṃ suṇanto satthāraṃ ekaṃ bhikkhuṃ saṃkhittena bhāsitassa vitthārena atthaṃ vibhajantānaṃ aggaṭṭhāne ṭhapentaṃ disvā sayampi taṃ ṭhānantaraṃ patthento dānādīni puññāni katvā devamanussesu saṃsaranto sumedhassa bhagavato kāle vijjādharo hutvā ākāsena gacchanto satthāraṃ ekasmiṃ vanasaṇḍe nisinnaṃ disvā pasannamānaso kaṇikārapupphehi pūjaṃ akāsi.
со д̇зна бун̃н̃агаммзна абараабарам̣ суг̇ад̇ийсуязва баривад̇д̇зд̇ваа гассабад̣̇асаб̣аласса гаалз б̣аараан̣асияам̣ гулагхарз ниб̣б̣ад̇д̇ид̇ваа бариниб̣б̣уд̇з бхаг̇авад̇и суван̣н̣ажзд̇ияагаран̣адтаанам̣ д̣̇асасахассаг̇гханигааяа суван̣н̣идтагааяа бууж̇ам̣ гад̇ваа ‘‘бхаг̇аваа маяхам̣ ниб̣б̣ад̇д̇аниб̣б̣ад̇д̇адтаанз сарийрам̣ суван̣н̣аван̣н̣ам̣ ход̇уу’’д̇и бад̇т̇арам̣ агааси. д̇ад̇о яааваж̇ийвам̣ гусалам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з уж̇ж̇знияам̣ ран̃н̃о жан̣д̣абаж̇ж̇од̇асса бурохид̇асса г̇зхз ниб̣б̣ад̇д̇и, д̇асса наамаг̇г̇ахан̣ад̣̇ивасз маад̇аабид̇аро ‘‘амхаагам̣ буд̇д̇о суван̣н̣аван̣н̣о ад̇д̇ано наамам̣ г̇ахзд̇ваа ааг̇ад̇о’’д̇и ган̃жанамаан̣авод̇взва наамам̣ гарим̣су. со вуд̣̇д̇химанвааяа д̇аяо взд̣̇з уг̇г̇ан̣хид̇ваа бид̇у ажжаязна бурохид̇адтаанам̣ лабхи. со г̇од̇д̇авасзна гажжаанод̇и бан̃н̃ааяид̇т̇а.
So tena puññakammena aparāparaṃ sugatīsuyeva parivattetvā kassapadasabalassa kāle bārāṇasiyaṃ kulaghare nibbattitvā parinibbute bhagavati suvaṇṇacetiyakaraṇaṭṭhānaṃ dasasahassagghanikāya suvaṇṇiṭṭhakāya pūjaṃ katvā ‘‘bhagavā mayhaṃ nibbattanibbattaṭṭhāne sarīraṃ suvaṇṇavaṇṇaṃ hotū’’ti pattharaṃ akāsi. Tato yāvajīvaṃ kusalaṃ katvā ekaṃ buddhantaraṃ devamanussesu saṃsaritvā imasmiṃ buddhuppāde ujjeniyaṃ rañño caṇḍapajjotassa purohitassa gehe nibbatti, tassa nāmaggahaṇadivase mātāpitaro ‘‘amhākaṃ putto suvaṇṇavaṇṇo attano nāmaṃ gahetvā āgato’’ti kañcanamāṇavotveva nāmaṃ kariṃsu. So vuddhimanvāya tayo vede uggaṇhitvā pitu accayena purohitaṭṭhānaṃ labhi. So gottavasena kaccānoti paññāyittha.
рааж̇аа жан̣д̣абаж̇ж̇од̇о б̣уд̣̇д̇хуббаад̣̇ам̣ суд̇ваа, ‘‘аажарияа, д̇вам̣ д̇ад̇т̇а г̇анд̇ваа сад̇т̇аарам̣ ид̇хаанзхий’’д̇и бзсзси. со ад̇д̇адтамо сад̇т̇у санд̇игам̣ убаг̇ад̇о. д̇асса сад̇т̇аа д̇хаммам̣ д̣̇зсзси. д̣̇зсанаабарияосаанз со сад̇д̇ахи ж̇анзхи сад̣̇д̇хим̣ сахабадисамбхид̣̇аахи арахад̇д̇з бад̇идтааси. ат̇а сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. д̇з д̇аавад̣̇зва д̣̇ван̇г̇уламад̇д̇агзсамассугаа ид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. звам̣ т̇зро сад̣̇ад̇т̇ам̣ нибпаад̣̇зд̇ваа, ‘‘бханд̇з, рааж̇аа баж̇ж̇од̇о д̇умхаагам̣ баад̣̇з ванд̣̇ид̇ум̣ д̇хамман̃жа сод̇ум̣ ижчад̇ий’’д̇и сад̇т̇у аарожзси. сад̇т̇аа ‘‘д̇вам̣язва бхигку д̇ад̇т̇а г̇ажча, д̇аяи г̇ад̇зби рааж̇аа басийд̣̇иссад̇ий’’д̇и ааха. т̇зро ад̇д̇адтамо д̇ад̇т̇а г̇анд̇ваа рааж̇аанам̣ басаад̣̇зд̇ваа аванд̇ийсу саасанам̣ бад̇идтаабзд̇ваа буна сад̇т̇у санд̇игамзва г̇ад̇о.
Rājā caṇḍapajjoto buddhuppādaṃ sutvā, ‘‘ācariya, tvaṃ tattha gantvā satthāraṃ idhānehī’’ti pesesi. So attaṭṭhamo satthu santikaṃ upagato. Tassa satthā dhammaṃ desesi. Desanāpariyosāne so sattahi janehi saddhiṃ sahapaṭisambhidāhi arahatte patiṭṭhāsi. Atha satthā ‘‘etha, bhikkhavo’’ti hatthaṃ pasāresi. Te tāvadeva dvaṅgulamattakesamassukā iddhimayapattacīvaradharā vassasaṭṭhikattherā viya ahesuṃ. Evaṃ thero sadatthaṃ nipphādetvā, ‘‘bhante, rājā pajjoto tumhākaṃ pāde vandituṃ dhammañca sotuṃ icchatī’’ti satthu ārocesi. Satthā ‘‘tvaṃyeva bhikkhu tattha gaccha, tayi gatepi rājā pasīdissatī’’ti āha. Thero attaṭṭhamo tattha gantvā rājānaṃ pasādetvā avantīsu sāsanaṃ patiṭṭhāpetvā puna satthu santikameva gato.
31. звам̣ со бад̇д̇аарахад̇д̇апало ‘‘зд̇ад̣̇аг̇г̇ам̣, бхигкавз, мама саавагаанам̣ сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ яад̣̇ид̣̇ам̣ махаагажжаано’’д̇и (а. ни. 1.188, 197) зд̇ад̣̇аг̇г̇адтаанам̣ бад̇ваа ад̇д̇ано буб̣б̣агаммам̣ сарид̇ваа буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аранаат̇ассаад̇иаад̣̇имааха. д̇ад̇т̇а бад̣̇умам̣ наама жзд̇ияанд̇и бад̣̇умзхи чаад̣̇ид̇ад̇д̇аа ваа бад̣̇умаагаарзхи гад̇ад̇д̇аа ваа бхаг̇авад̇о васанаг̇анд̇хагудивихаарова бууж̇анийяабхаавзна жзд̇ияам̣, яат̇аа ‘‘г̇од̇амагажзд̇ияам̣, аал̣авагажзд̇ияа’’нд̇и вуд̇д̇з д̇зсам̣ яагкаанам̣ нивасанадтаанам̣ бууж̇анийяадтаанад̇д̇аа жзд̇ияанд̇и вужжад̇и, звамид̣̇ам̣ бхаг̇авад̇о васанадтаанам̣ жзд̇ияанд̇и вужжад̇и, на д̇хаад̇унид̇хааяагажзд̇ияанд̇и взд̣̇ид̇аб̣б̣ам̣. на хи абариниб̣б̣уд̇асса бхаг̇авад̇о сарийрад̇хаад̇уунам̣ абхааваа д̇хаад̇ужзд̇ияам̣ агари. силаасанам̣ гаараяид̇ваад̇и д̇ассаа бад̣̇уманаамигааяа г̇анд̇хагудияаа бубпаад̇хаарад̇т̇ааяа хздтаа палигамаяам̣ силаасанам̣ гаарзд̇ваа. суван̣н̣знаабхилзбаяинд̇и д̇ам̣ силаасанам̣ ж̇амб̣онад̣̇асуван̣н̣зна абхивисзсзна лзбаяим̣ чаад̣̇зсинд̇и ад̇т̇о.
31. Evaṃ so pattaarahattaphalo ‘‘etadaggaṃ, bhikkhave, mama sāvakānaṃ saṃkhittena bhāsitassa vitthārena atthaṃ vibhajantānaṃ yadidaṃ mahākaccāno’’ti (a. ni. 1.188, 197) etadaggaṭṭhānaṃ patvā attano pubbakammaṃ saritvā pubbacaritāpadānaṃ pakāsento padumuttaranāthassātiādimāha. Tattha padumaṃ nāma cetiyanti padumehi chāditattā vā padumākārehi katattā vā bhagavato vasanagandhakuṭivihārova pūjanīyabhāvena cetiyaṃ, yathā ‘‘gotamakacetiyaṃ, āḷavakacetiya’’nti vutte tesaṃ yakkhānaṃ nivasanaṭṭhānaṃ pūjanīyaṭṭhānattā cetiyanti vuccati, evamidaṃ bhagavato vasanaṭṭhānaṃ cetiyanti vuccati, na dhātunidhāyakacetiyanti veditabbaṃ. Na hi aparinibbutassa bhagavato sarīradhātūnaṃ abhāvā dhātucetiyaṃ akari. Silāsanaṃ kārayitvāti tassā padumanāmikāya gandhakuṭiyā pupphādhāratthāya heṭṭhā phalikamayaṃ silāsanaṃ kāretvā. Suvaṇṇenābhilepayinti taṃ silāsanaṃ jambonadasuvaṇṇena abhivisesena lepayiṃ chādesinti attho.
32. рад̇анаамаяам̣ сад̇д̇ахи рад̇анзхи гад̇ам̣ чад̇д̇ам̣ баг̇г̇аяха муд̣̇д̇хани д̇хаарзд̇ваа ваал̣аб̣ийж̇анин̃жа сзд̇абаваражаамарин̃жа баг̇г̇аяха б̣уд̣̇д̇хасса абхиробаяим̣. логаб̣анд̇хусса д̇аад̣̇инод̇и сагалалогаб̣анд̇хусад̣̇исасса д̇аад̣̇иг̇ун̣асаман̇г̇исса б̣уд̣̇д̇хасса д̇хаарзсинд̇и ад̇т̇о. сзсам̣ уд̇д̇аанад̇т̇амзваад̇и.
32.Ratanāmayaṃ sattahi ratanehi kataṃ chattaṃ paggayha muddhani dhāretvā vāḷabījaniñca setapavaracāmariñca paggayha buddhassa abhiropayiṃ. Lokabandhussa tādinoti sakalalokabandhusadisassa tādiguṇasamaṅgissa buddhassa dhāresinti attho. Sesaṃ uttānatthamevāti.
махаагажжаанад̇т̇зраабад̣̇аанаван̣н̣анаа самад̇д̇аа.
Mahākaccānattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. махаагажжаанад̇т̇зраабад̣̇аанам̣ • 3. Mahākaccānattheraapadānaṃ
