| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
54. гажжааяанаваг̇г̇о
54. Kaccāyanavaggo
1. махаагажжааяанад̇т̇зраабад̣̇аанаван̣н̣анаа
1. Mahākaccāyanattheraapadānavaṇṇanā
жад̇убан̃н̃аасамаваг̇г̇з батамаабад̣̇аанз бад̣̇умуд̇д̇аро наама ж̇инод̇иаад̣̇игам̣ ааяасмад̇о махаагажжааяанад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз г̇ахабад̇имахаасаалагулз ниб̣б̣ад̇д̇ид̇ваа вуд̣̇д̇хиббад̇д̇о згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аараа сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ аг̇г̇адтаанз табияамаанам̣ згам̣ бхигкум̣ д̣̇исваа саяамби д̇ам̣ таананд̇арам̣ бад̇т̇знд̇о бан̣ид̇хаанам̣ гад̇ваа д̣̇аанаад̣̇ийни бун̃н̃аани гад̇ваа д̣̇звамануссзсу сам̣саранд̇о сумзд̇хасса бхаг̇авад̇о гаалз виж̇ж̇аад̇харо худ̇ваа аагаасзна г̇ажчанд̇о згасмим̣ ванасан̣д̣з нисиннам̣ бхаг̇аванд̇ам̣ д̣̇исваа басаннамаанасо ган̣игаарабубпзхи бууж̇ам̣ агааси.
Catupaññāsamavagge paṭhamāpadāne padumuttaro nāma jinotiādikaṃ āyasmato mahākaccāyanattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatimahāsālakule nibbattitvā vuddhippatto ekadivasaṃ satthu santike dhammaṃ suṇanto satthārā saṃkhittena bhāsitassa vitthārena atthaṃ vibhajantānaṃ aggaṭṭhāne ṭhapiyamānaṃ ekaṃ bhikkhuṃ disvā sayampi taṃ ṭhānantaraṃ patthento paṇidhānaṃ katvā dānādīni puññāni katvā devamanussesu saṃsaranto sumedhassa bhagavato kāle vijjādharo hutvā ākāsena gacchanto ekasmiṃ vanasaṇḍe nisinnaṃ bhagavantaṃ disvā pasannamānaso kaṇikārapupphehi pūjaṃ akāsi.
со д̇зна бун̃н̃зна абараабарам̣ суг̇ад̇ийсуязва баривад̇д̇знд̇о гассабад̣̇асаб̣аласса гаалз б̣аараан̣асияам̣ гулаг̇зхз ниб̣б̣ад̇д̇ид̇ваа бариниб̣б̣уд̇з бхаг̇авад̇и суван̣н̣ажзд̇ияагаммадтаанз сад̇асахассаг̇гханигааяа суван̣н̣идтагааяа бууж̇ам̣ гад̇ваа ‘‘имасса ниссанд̣̇зна ниб̣б̣ад̇д̇аниб̣б̣ад̇д̇адтаанз сарийрам̣ мз суван̣н̣аван̣н̣ам̣ ход̇уу’’д̇и бад̇т̇анам̣ агааси. д̇ад̇о яааваж̇ийвам̣ гусалагаммам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з уж̇ж̇знияам̣ ран̃н̃о жан̣д̣абаж̇ж̇од̇асса бурохид̇аг̇зхз ниб̣б̣ад̇д̇и, д̇асса наамаг̇г̇ахан̣ад̣̇ивасз маад̇аа ‘‘маяхам̣ буд̇д̇о суван̣н̣аван̣н̣о, ад̇д̇ано наамам̣ г̇ахзд̇ваа ааг̇ад̇о’’д̇и ган̃жанамаан̣авод̇взва наамам̣ агааси. со вуд̣̇д̇химанвааяа д̇аяо взд̣̇з уг̇г̇ан̣хид̇ваа бид̇у ажжаязна бурохид̇адтаанам̣ лабхи. со г̇од̇д̇авасзна гажжааяанод̇и бан̃н̃ааяид̇т̇а. ат̇а рааж̇аа жан̣д̣абаж̇ж̇од̇о б̣уд̣̇д̇хуббаад̣̇ам̣ суд̇ваа, ‘‘аажарияа, д̇умхз д̇ад̇т̇а г̇анд̇ваа сад̇т̇аарам̣ ид̇хаанзт̇аа’’д̇и бзсзси. со ад̇д̇адтамо сад̇т̇у санд̇игам̣ убаг̇ад̇о д̇асса сад̇т̇аа д̇хаммам̣ д̣̇зсзси, д̣̇зсанаабарияосаанз сад̇д̇ахи ж̇анзхи сад̣̇д̇хим̣ саха бадисамбхид̣̇аахи арахад̇д̇з бад̇идтааси.
So tena puññena aparāparaṃ sugatīsuyeva parivattento kassapadasabalassa kāle bārāṇasiyaṃ kulagehe nibbattitvā parinibbute bhagavati suvaṇṇacetiyakammaṭṭhāne satasahassagghanikāya suvaṇṇiṭṭhakāya pūjaṃ katvā ‘‘imassa nissandena nibbattanibbattaṭṭhāne sarīraṃ me suvaṇṇavaṇṇaṃ hotū’’ti patthanaṃ akāsi. Tato yāvajīvaṃ kusalakammaṃ katvā ekaṃ buddhantaraṃ devamanussesu saṃsaritvā imasmiṃ buddhuppāde ujjeniyaṃ rañño caṇḍapajjotassa purohitagehe nibbatti, tassa nāmaggahaṇadivase mātā ‘‘mayhaṃ putto suvaṇṇavaṇṇo, attano nāmaṃ gahetvā āgato’’ti kañcanamāṇavotveva nāmaṃ akāsi. So vuddhimanvāya tayo vede uggaṇhitvā pitu accayena purohitaṭṭhānaṃ labhi. So gottavasena kaccāyanoti paññāyittha. Atha rājā caṇḍapajjoto buddhuppādaṃ sutvā, ‘‘ācariya, tumhe tattha gantvā satthāraṃ idhānethā’’ti pesesi. So attaṭṭhamo satthu santikaṃ upagato tassa satthā dhammaṃ desesi, desanāpariyosāne sattahi janehi saddhiṃ saha paṭisambhidāhi arahatte patiṭṭhāsi.
1. со звам̣ бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. д̇ам̣ хздтаа вуд̇д̇ад̇т̇амзва. ат̇а сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. д̇з д̇аавад̣̇зва д̣̇ван̇г̇уламад̇д̇агзсамассуид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. звам̣ т̇зро сад̣̇ад̇т̇ам̣ нибпаад̣̇зд̇ваа, ‘‘бханд̇з, рааж̇аа баж̇ж̇од̇о д̇умхаагам̣ баад̣̇з ванд̣̇ид̇ум̣ д̇хамман̃жа сод̇ум̣ ижчад̇ий’’д̇и аарожзси. сад̇т̇аа ‘‘д̇вам̣язва, гажжаана, д̇ад̇т̇а г̇ажча, д̇аяи г̇ад̇з рааж̇аа басийд̣̇иссад̇ий’’д̇и ааха. т̇зро сад̇т̇у аан̣ааяа ад̇д̇адтамо д̇ад̇т̇а г̇анд̇ваа рааж̇аанам̣ басаад̣̇зд̇ваа аванд̇ийсу саасанам̣ бад̇идтаабзд̇ваа буна сад̇т̇у санд̇игамзва ааг̇ад̇о. ад̇д̇ано буб̣б̣абад̇т̇анаавасзна гажжааяанаббагаран̣ам̣ махаанируд̇д̇иббагаран̣ам̣ нзд̇д̇иббагаран̣анд̇и багаран̣ад̇д̇аяам̣ сан̇гхамаж̇жхз б̣яаагааси. ат̇а санд̇удтзна бхаг̇авад̇аа ‘‘зд̇ад̣̇аг̇г̇ам̣, бхигкавз, мама саавагаанам̣ сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ яад̣̇ид̣̇ам̣ махаагажжаано’’д̇и (а. ни. 1.188, 197) зд̇ад̣̇аг̇г̇адтаанз табид̇о аг̇г̇апаласукзна вихаасийд̇и.
1. So evaṃ pattaarahattaphalo attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ heṭṭhā vuttatthameva. Atha satthā ‘‘etha, bhikkhavo’’ti hatthaṃ pasāresi. Te tāvadeva dvaṅgulamattakesamassuiddhimayapattacīvaradharā vassasaṭṭhikattherā viya ahesuṃ. Evaṃ thero sadatthaṃ nipphādetvā, ‘‘bhante, rājā pajjoto tumhākaṃ pāde vandituṃ dhammañca sotuṃ icchatī’’ti ārocesi. Satthā ‘‘tvaṃyeva, kaccāna, tattha gaccha, tayi gate rājā pasīdissatī’’ti āha. Thero satthu āṇāya attaṭṭhamo tattha gantvā rājānaṃ pasādetvā avantīsu sāsanaṃ patiṭṭhāpetvā puna satthu santikameva āgato. Attano pubbapatthanāvasena kaccāyanappakaraṇaṃ mahāniruttippakaraṇaṃ nettippakaraṇanti pakaraṇattayaṃ saṅghamajjhe byākāsi. Atha santuṭṭhena bhagavatā ‘‘etadaggaṃ, bhikkhave, mama sāvakānaṃ saṃkhittena bhāsitassa vitthārena atthaṃ vibhajantānaṃ yadidaṃ mahākaccāno’’ti (a. ni. 1.188, 197) etadaggaṭṭhāne ṭhapito aggaphalasukhena vihāsīti.
махаагажжааяанад̇т̇зраабад̣̇аанаван̣н̣анаа самад̇д̇аа.
Mahākaccāyanattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. махаагажжааяанад̇т̇зраабад̣̇аанам̣ • 1. Mahākaccāyanattheraapadānaṃ
