| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. адтаганибаад̇о
8. Aṭṭhakanipāto
1. махаагажжааяанад̇т̇зраг̇аат̇ааван̣н̣анаа
1. Mahākaccāyanattheragāthāvaṇṇanā
адтаганибаад̇з гаммам̣ б̣ахуганд̇иаад̣̇игаа ааяасмад̇о махаагажжааяанад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро бад̣̇умуд̇д̇арасса бхаг̇авад̇о гаалз г̇ахабад̇имахаасаалагулз ниб̣б̣ад̇д̇ид̇ваа вуд̣̇д̇хиббад̇д̇о, згад̣̇ивасам̣ сад̇т̇у санд̇игз д̇хаммам̣ сун̣анд̇о сад̇т̇аараа сам̣кид̇д̇зна бхаасид̇асса вид̇т̇аарзна ад̇т̇ам̣ вибхаж̇анд̇аанам̣ аг̇г̇адтаанз табияамаанам̣ згам̣ бхигкум̣ д̣̇исваа, саяамби д̇ам̣ таанам̣ бад̇т̇знд̇о бан̣ид̇хаанам̣ гад̇ваа, д̣̇аанаад̣̇ийни бун̃н̃аани гад̇ваа, д̣̇звамануссзсу сам̣саранд̇о сумзд̇хасса бхаг̇авад̇о гаалз виж̇ж̇аад̇харо худ̇ваа аагаасзна г̇ажчанд̇о сад̇т̇аарам̣ химаванд̇абаб̣б̣ад̇з згасмим̣ ванасан̣д̣з нисиннам̣ д̣̇исваа басаннамаанасо ган̣игаарабубпзхи бууж̇ам̣ агааси.
Aṭṭhakanipāte kammaṃ bahukantiādikā āyasmato mahākaccāyanattherassa gāthā. Kā uppatti? Ayampi purimabuddhesu katādhikāro padumuttarassa bhagavato kāle gahapatimahāsālakule nibbattitvā vuddhippatto, ekadivasaṃ satthu santike dhammaṃ suṇanto satthārā saṃkhittena bhāsitassa vitthārena atthaṃ vibhajantānaṃ aggaṭṭhāne ṭhapiyamānaṃ ekaṃ bhikkhuṃ disvā, sayampi taṃ ṭhānaṃ patthento paṇidhānaṃ katvā, dānādīni puññāni katvā, devamanussesu saṃsaranto sumedhassa bhagavato kāle vijjādharo hutvā ākāsena gacchanto satthāraṃ himavantapabbate ekasmiṃ vanasaṇḍe nisinnaṃ disvā pasannamānaso kaṇikārapupphehi pūjaṃ akāsi.
со д̇зна бун̃н̃агаммзна абараабарам̣ суг̇ад̇ийсуязва баривад̇д̇знд̇о гассабад̣̇асаб̣аласса гаалз б̣аараан̣асияам̣ гулагхарз ниб̣б̣ад̇д̇ид̇ваа бариниб̣б̣уд̇з бхаг̇авад̇и суван̣н̣ажзд̇ияагаран̣адтаанз сад̇асахассаг̇гханигааяа суван̣н̣идтагааяа бууж̇ам̣ гад̇ваа, ‘‘бхаг̇аваа маяхам̣ ниб̣б̣ад̇д̇аниб̣б̣ад̇д̇адтаанз сарийрам̣ суван̣н̣аван̣н̣ам̣ ход̇уу’’д̇и бад̇т̇анам̣ агааси.
So tena puññakammena aparāparaṃ sugatīsuyeva parivattento kassapadasabalassa kāle bārāṇasiyaṃ kulaghare nibbattitvā parinibbute bhagavati suvaṇṇacetiyakaraṇaṭṭhāne satasahassagghanikāya suvaṇṇiṭṭhakāya pūjaṃ katvā, ‘‘bhagavā mayhaṃ nibbattanibbattaṭṭhāne sarīraṃ suvaṇṇavaṇṇaṃ hotū’’ti patthanaṃ akāsi.
д̇ад̇о яааваж̇ийвам̣ гусалагаммам̣ гад̇ваа згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з уж̇ж̇знияам̣ ран̃н̃о жан̣д̣абаж̇ж̇од̇асса бурохид̇аг̇зхз ниб̣б̣ад̇д̇и. д̇асса наамаг̇г̇ахан̣ад̣̇ивасз маад̇аа ‘‘маяхам̣ буд̇д̇о суван̣н̣аван̣н̣о, ад̇д̇ано наамам̣ г̇ахзд̇ваа ааг̇ад̇о’’д̇и ган̃жанамаан̣аво д̇взва наамам̣ агааси. со вуд̣дхиманвааяа д̇аяо взд̣̇з уг̇г̇ахзд̇ваа бид̇у ажжаязна бурохид̇адтаанам̣ лабхи. со г̇од̇д̇авасзна гажжааяанод̇и бан̃н̃ааяид̇т̇а. д̇ам̣ рааж̇аа жан̣д̣абаж̇ж̇од̇о б̣уд̣̇д̇хуббаад̣̇ам̣ суд̇ваа, ‘‘аажарияа, д̇вам̣ д̇ад̇т̇а г̇анд̇ваа сад̇т̇аарам̣ ид̇хаанзхий’’д̇и бзсзси. со ад̇д̇адтамо сад̇т̇у санд̇игам̣ убаг̇ад̇о. д̇асса сад̇т̇аа д̇хаммам̣ д̣̇зсзд̇и. д̣̇зсанаабарияосаанз со сад̇д̇ахи ж̇анзхи сад̣̇д̇хим̣ саха бадисамбхид̣̇аахи арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 2.54.1-27) –
Tato yāvajīvaṃ kusalakammaṃ katvā ekaṃ buddhantaraṃ devamanussesu saṃsaritvā imasmiṃ buddhuppāde ujjeniyaṃ rañño caṇḍapajjotassa purohitagehe nibbatti. Tassa nāmaggahaṇadivase mātā ‘‘mayhaṃ putto suvaṇṇavaṇṇo, attano nāmaṃ gahetvā āgato’’ti kañcanamāṇavo tveva nāmaṃ akāsi. So vuḍḍhimanvāya tayo vede uggahetvā pitu accayena purohitaṭṭhānaṃ labhi. So gottavasena kaccāyanoti paññāyittha. Taṃ rājā caṇḍapajjoto buddhuppādaṃ sutvā, ‘‘ācariya, tvaṃ tattha gantvā satthāraṃ idhānehī’’ti pesesi. So attaṭṭhamo satthu santikaṃ upagato. Tassa satthā dhammaṃ deseti. Desanāpariyosāne so sattahi janehi saddhiṃ saha paṭisambhidāhi arahatte patiṭṭhāsi. Tena vuttaṃ apadāne (apa. thera 2.54.1-27) –
‘‘бад̣̇умуд̇д̇аро наама ж̇ино, анзж̇о аж̇ид̇ам̣ ж̇аяо;
‘‘Padumuttaro nāma jino, anejo ajitaṃ jayo;
сад̇асахассз габбаанам̣, ид̇о уббаж̇ж̇и нааяаго.
Satasahasse kappānaṃ, ito uppajji nāyako.
‘‘вийро гамалабад̇д̇агко, сасан̇гавималаанано;
‘‘Vīro kamalapattakkho, sasaṅkavimalānano;
ганагаажаласан̇гаасо, равид̣̇ид̇д̇исамаббабхо.
Kanakācalasaṅkāso, ravidittisamappabho.
‘‘сад̇д̇анзд̇д̇аманохаарий, варалагкан̣абхуусид̇о;
‘‘Sattanettamanohārī, varalakkhaṇabhūsito;
саб̣б̣аваагяабат̇аад̇ийд̇о, мануж̇аамарасаггад̇о.
Sabbavākyapathātīto, manujāmarasakkato.
‘‘самб̣уд̣̇д̇хо б̣од̇хаяам̣ сад̇д̇з, вааг̇ийсо мад̇хурассаро;
‘‘Sambuddho bodhayaṃ satte, vāgīso madhurassaro;
гарун̣ааниб̣анд̇хасанд̇аано, барисаасу висаарад̣̇о.
Karuṇānibandhasantāno, parisāsu visārado.
‘‘д̣̇зсзд̇и мад̇хурам̣ д̇хаммам̣, жад̇усажжуубасам̣хид̇ам̣;
‘‘Deseti madhuraṃ dhammaṃ, catusaccūpasaṃhitaṃ;
нимуг̇г̇з мохабан̇гамхи, самуд̣̇д̇харад̇и баан̣инз.
Nimugge mohapaṅkamhi, samuddharati pāṇine.
‘‘д̇ад̣̇аа згажаро худ̇ваа, д̇аабасо химаваалаяо;
‘‘Tadā ekacaro hutvā, tāpaso himavālayo;
набхасаа маанусам̣ логам̣, г̇ажчанд̇о ж̇инамад̣̇д̣̇асам̣.
Nabhasā mānusaṃ lokaṃ, gacchanto jinamaddasaṃ.
‘‘убзжжа санд̇игам̣ д̇асса, ассосим̣ д̇хаммад̣̇зсанам̣;
‘‘Upecca santikaṃ tassa, assosiṃ dhammadesanaṃ;
ван̣н̣аяанд̇асса вийрасса, саавагасса махааг̇ун̣ам̣.
Vaṇṇayantassa vīrassa, sāvakassa mahāguṇaṃ.
‘‘сам̣кид̇д̇зна маяаа вуд̇д̇ам̣, вид̇т̇аарзна багаасаяам̣;
‘‘Saṃkhittena mayā vuttaṃ, vitthārena pakāsayaṃ;
барисам̣ ман̃жа д̇осзд̇и, яат̇аа гажжааяано аяам̣.
Parisaṃ mañca toseti, yathā kaccāyano ayaṃ.
‘‘наахам̣ звамид̇хзгажжам̣, ан̃н̃ам̣ бассаами саавагам̣;
‘‘Nāhaṃ evamidhekaccaṃ, aññaṃ passāmi sāvakaṃ;
д̇асмаад̇ад̣̇аг̇г̇з зсаг̇г̇о, звам̣ д̇хаарзт̇а бхигкаво.
Tasmātadagge esaggo, evaṃ dhāretha bhikkhavo.
‘‘д̇ад̣̇аахам̣ вимхид̇о худ̇ваа, суд̇ваа ваагяам̣ манорамам̣;
‘‘Tadāhaṃ vimhito hutvā, sutvā vākyaṃ manoramaṃ;
химаванд̇ам̣ г̇амид̇ваана, аахид̇ваа бубпасан̃жаяам̣.
Himavantaṃ gamitvāna, āhitvā pupphasañcayaṃ.
‘‘бууж̇зд̇ваа логасаран̣ам̣, д̇ам̣ таанамабхибад̇т̇аяим̣;
‘‘Pūjetvā lokasaraṇaṃ, taṃ ṭhānamabhipatthayiṃ;
д̇ад̣̇аа мамаасаяам̣ н̃ад̇ваа, б̣яаагааси са ран̣ан̃ж̇ахо.
Tadā mamāsayaṃ ñatvā, byākāsi sa raṇañjaho.
‘‘бассат̇зд̇ам̣ исиварам̣, нид̣̇д̇ханд̇аганагад̇д̇ажам̣;
‘‘Passathetaṃ isivaraṃ, niddhantakanakattacaṃ;
уд̣̇д̇хаг̇г̇аломам̣ бийн̣ам̣сам̣, ажалам̣ бан̃ж̇алим̣ тид̇ам̣.
Uddhaggalomaṃ pīṇaṃsaṃ, acalaṃ pañjaliṃ ṭhitaṃ.
‘‘хаасам̣ субун̣н̣анаяанам̣, б̣уд̣̇д̇хаван̣н̣аг̇ад̇аасаяам̣;
‘‘Hāsaṃ supuṇṇanayanaṃ, buddhavaṇṇagatāsayaṃ;
д̇хаммаж̇ам̣ уг̇г̇ахад̣̇аяам̣, амад̇аасид̇д̇асаннибхам̣.
Dhammajaṃ uggahadayaṃ, amatāsittasannibhaṃ.
‘‘гажжаанасса г̇ун̣ам̣ суд̇ваа, д̇ам̣ таанам̣ бад̇т̇аяам̣ тид̇о;
‘‘Kaccānassa guṇaṃ sutvā, taṃ ṭhānaṃ patthayaṃ ṭhito;
анааг̇ад̇амхи ад̣̇д̇хаанз, г̇од̇амасса махаамунз.
Anāgatamhi addhāne, gotamassa mahāmune.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
гажжаано наама наамзна, хзссад̇и сад̇т̇у сааваго.
Kaccāno nāma nāmena, hessati satthu sāvako.
‘‘б̣ахуссуд̇о махаан̃аан̣ий, ад̇хиббааяавид̣̇уу мунз;
‘‘Bahussuto mahāñāṇī, adhippāyavidū mune;
баабун̣иссад̇и д̇ам̣ таанам̣, яат̇ааяам̣ б̣яаагад̇о маяаа.
Pāpuṇissati taṃ ṭhānaṃ, yathāyaṃ byākato mayā.
‘‘сад̇асахассид̇о габбз, яам̣ гаммамагарим̣ д̇ад̣̇аа;
‘‘Satasahassito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘д̣̇увз бхавз сам̣сараами, д̣̇звад̇д̇з ат̇а маанусз;
‘‘Duve bhave saṃsarāmi, devatte atha mānuse;
ан̃н̃ам̣ г̇ад̇им̣ на г̇ажчаами, б̣уд̣̇д̇хабууж̇ааяид̣̇ам̣ палам̣.
Aññaṃ gatiṃ na gacchāmi, buddhapūjāyidaṃ phalaṃ.
‘‘д̣̇увз гулз баж̇ааяаами, кад̇д̇ияз ат̇а б̣раахман̣з;
‘‘Duve kule pajāyāmi, khattiye atha brāhmaṇe;
нийжз гулз на ж̇ааяаами, б̣уд̣̇д̇хабууж̇ааяид̣̇ам̣ палам̣.
Nīce kule na jāyāmi, buddhapūjāyidaṃ phalaṃ.
‘‘бажчимз жа бхавз д̣̇аани, ж̇аад̇о уж̇ж̇знияам̣ бурз;
‘‘Pacchime ca bhave dāni, jāto ujjeniyaṃ pure;
баж̇ж̇од̇асса жа жан̣д̣асса, бурохид̇ад̣̇иж̇аад̇хино.
Pajjotassa ca caṇḍassa, purohitadijādhino.
‘‘буд̇д̇о д̇иридиважчасса, нибун̣о взд̣̇абаараг̇уу;
‘‘Putto tiriṭivacchassa, nipuṇo vedapāragū;
маад̇аа жа жанд̣̇имаа наама, гажжаанохам̣ варад̇д̇ажо.
Mātā ca candimā nāma, kaccānohaṃ varattaco.
‘‘виймам̣санад̇т̇ам̣ б̣уд̣̇д̇хасса, бхуумибаалзна бзсид̇о;
‘‘Vīmaṃsanatthaṃ buddhassa, bhūmipālena pesito;
д̣̇исваа могкабурад̣̇ваарам̣, нааяагам̣ г̇ун̣асан̃жаяам̣.
Disvā mokkhapuradvāraṃ, nāyakaṃ guṇasañcayaṃ.
‘‘суд̇ваа жа вималам̣ ваагяам̣, г̇ад̇ибан̇гависосанам̣;
‘‘Sutvā ca vimalaṃ vākyaṃ, gatipaṅkavisosanaṃ;
баабун̣им̣ амад̇ам̣ санд̇ам̣, сзсзхи саха сад̇д̇ахи.
Pāpuṇiṃ amataṃ santaṃ, sesehi saha sattahi.
‘‘ад̇хиббааяавид̣̇уу ж̇аад̇о, суг̇ад̇асса махаамад̇з.
‘‘Adhippāyavidū jāto, sugatassa mahāmate.
табид̇о зд̇ад̣̇аг̇г̇з жа, сусамид̣̇д̇хаманорат̇о.
Ṭhapito etadagge ca, susamiddhamanoratho.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
ат̇а сад̇т̇аа ‘‘зт̇а, бхигкаво’’д̇и хад̇т̇ам̣ басаарзси. д̇з д̇аавад̣̇зва д̣̇ван̇г̇уламад̇д̇агзсамассугаа ид̣̇д̇химаяабад̇д̇ажийварад̇хараа вассасадтигад̇т̇зраа вияа ахзсум̣. звам̣ т̇зро сад̣̇ад̇т̇ам̣ нибпаад̣̇зд̇ваа, ‘‘бханд̇з, рааж̇аа баж̇ж̇од̇о д̇умхаагам̣ баад̣̇з ванд̣̇ид̇ум̣ д̇хамман̃жа сод̇ум̣ ижчад̇ий’’д̇и сад̇т̇у аарожзси. сад̇т̇аа, ‘‘д̇вам̣язва, бхигку, д̇ад̇т̇а г̇ажча, д̇аяи г̇ад̇зби рааж̇аа басийд̣̇иссад̇ий’’д̇и ааха. т̇зро сад̇т̇у аан̣ааяа ад̇д̇адтамо д̇ад̇т̇а г̇анд̇ваа рааж̇аанам̣ басаад̣̇зд̇ваа аванд̇ийсу саасанам̣ бад̇идтаабзд̇ваа буна сад̇т̇у санд̇игамзва г̇ад̇о. со згад̣̇ивасам̣ самб̣ахулз бхигкуу саман̣ад̇хаммам̣ бахааяа гаммаараамз сан̇г̇ан̣игаараамз расад̇ан̣хаануг̇ад̇з жа бамаад̣̇авихаарино д̣̇исваа д̇зсам̣ оваад̣̇авасзна –
Atha satthā ‘‘etha, bhikkhavo’’ti hatthaṃ pasāresi. Te tāvadeva dvaṅgulamattakesamassukā iddhimayapattacīvaradharā vassasaṭṭhikattherā viya ahesuṃ. Evaṃ thero sadatthaṃ nipphādetvā, ‘‘bhante, rājā pajjoto tumhākaṃ pāde vandituṃ dhammañca sotuṃ icchatī’’ti satthu ārocesi. Satthā, ‘‘tvaṃyeva, bhikkhu, tattha gaccha, tayi gatepi rājā pasīdissatī’’ti āha. Thero satthu āṇāya attaṭṭhamo tattha gantvā rājānaṃ pasādetvā avantīsu sāsanaṃ patiṭṭhāpetvā puna satthu santikameva gato. So ekadivasaṃ sambahule bhikkhū samaṇadhammaṃ pahāya kammārāme saṅgaṇikārāme rasataṇhānugate ca pamādavihārino disvā tesaṃ ovādavasena –
494.
494.
‘‘гаммам̣ б̣ахугам̣ на гаараяз, бариваж̇ж̇зяяа ж̇анам̣ на уяяамз;
‘‘Kammaṃ bahukaṃ na kāraye, parivajjeyya janaṃ na uyyame;
со уссугго расаануг̇ид̣̇д̇хо, ад̇т̇ам̣ рин̃жад̇и яо сукаад̇хиваахо.
So ussukko rasānugiddho, atthaṃ riñcati yo sukhādhivāho.
495.
495.
‘‘бан̇год̇и хи нам̣ авзд̣̇аяум̣, яааяам̣ ванд̣̇анабууж̇анаа гулзсу;
‘‘Paṅkoti hi naṃ avedayuṃ, yāyaṃ vandanapūjanā kulesu;
сукумам̣ саллам̣ д̣̇уруб̣б̣ахам̣, саггааро гаабурисзна д̣̇уж̇ж̇ахо’’д̇и. –
Sukhumaṃ sallaṃ durubbahaṃ, sakkāro kāpurisena dujjaho’’ti. –
д̣̇вз г̇аат̇аа абхааси.
Dve gāthā abhāsi.
д̇ад̇т̇а гаммам̣ б̣ахугам̣ на гаараязд̇и навааваасагаараабанаад̣̇им̣ саман̣ад̇хаммагаран̣асса бариб̣анд̇хабхууд̇ам̣ маханд̇ам̣ навагаммам̣ на бадтабзяяа, куд̣̇д̣̇агам̣ аббасамаарамбхам̣ кан̣д̣апуллабадисан̇каран̣аад̣̇им̣ сад̇т̇у важанабадибууж̇анад̇т̇ам̣ гаад̇аб̣б̣амзва. бариваж̇ж̇зяяа ж̇ананд̇и г̇ан̣асан̇г̇ан̣игавасзна ж̇анам̣ виваж̇ж̇зяяа. ж̇ананд̇и ваа яаад̣̇исам̣ сам̣сзвад̇о бхаж̇ад̇о баяирубаасад̇о гусалаа д̇хаммаа барихааяанд̇и, агусалаа д̇хаммаа абхивад̣дханд̇и, д̇аад̣̇исам̣ агаляаан̣амид̇д̇абхууд̇ам̣ ж̇анам̣ бариваж̇ж̇зяяа. на уяяамзд̇и, бажжаяуббаад̣̇анад̇т̇ам̣ гуласан̇г̇ан̣ханавасзна на вааяамзяяа, яасмаа со уссугго расаануг̇ид̣̇д̇хо, ад̇т̇ам̣ рин̃жад̇и яо сукаад̇хивааход̇и яо расаануг̇ид̣̇д̇хо расад̇ан̣хаавасиго бхигку бажжаяуббаад̣̇анабасуд̇о, со гуласан̇г̇ан̣ханад̇т̇ам̣ уссугго, д̇зсу сукид̇зсу сукид̇о, д̣̇угкид̇зсу д̣̇угкид̇о, уббаннзсу гижжагаран̣ийязсу ад̇д̇анаа яог̇ам̣ аабаж̇ж̇ад̇и, яо сукаад̇хиваахо самат̇авибассанаамаг̇г̇апаланиб̣б̣аанасукаавахо сийлаад̣̇иад̇т̇о, д̇ам̣ рин̃жад̇и баж̇ахад̇и згам̣сзна ад̇д̇аанам̣ д̇ад̇о вивзжзд̇ийд̇и ад̇т̇о.
Tattha kammaṃ bahukaṃ na kārayeti navāvāsakārāpanādiṃ samaṇadhammakaraṇassa paribandhabhūtaṃ mahantaṃ navakammaṃ na paṭṭhapeyya, khuddakaṃ appasamārambhaṃ khaṇḍaphullapaṭisaṅkharaṇādiṃ satthu vacanapaṭipūjanatthaṃ kātabbameva. Parivajjeyya jananti gaṇasaṅgaṇikavasena janaṃ vivajjeyya. Jananti vā yādisaṃ saṃsevato bhajato payirupāsato kusalā dhammā parihāyanti, akusalā dhammā abhivaḍḍhanti, tādisaṃ akalyāṇamittabhūtaṃ janaṃ parivajjeyya. Na uyyameti, paccayuppādanatthaṃ kulasaṅgaṇhanavasena na vāyameyya, yasmā so ussukko rasānugiddho, atthaṃ riñcati yo sukhādhivāhoti yo rasānugiddho rasataṇhāvasiko bhikkhu paccayuppādanapasuto, so kulasaṅgaṇhanatthaṃ ussukko, tesu sukhitesu sukhito, dukkhitesu dukkhito, uppannesu kiccakaraṇīyesu attanā yogaṃ āpajjati, yo sukhādhivāho samathavipassanāmaggaphalanibbānasukhāvaho sīlādiattho, taṃ riñcati pajahati ekaṃsena attānaṃ tato vivecetīti attho.
звам̣ батамаг̇аат̇ааяа ‘‘гаммаараамад̇ам̣ сан̇г̇ан̣игаараамад̇ам̣ бажжаяаг̇зд̇хан̃жа важ̇ж̇зт̇аа’’д̇и овад̣̇ид̇ваа ид̣̇аани саггаараабхилаасам̣ г̇араханд̇о д̣̇уд̇ияам̣ г̇аат̇амааха. д̇ассад̇т̇о – яаа аяам̣ бхигкааяа убаг̇ад̇аанам̣ баб̣б̣аж̇ид̇аанам̣ гулзсу г̇зхаваасийхи г̇ун̣асамбхааванааяа гарийяамаанаа ванд̣̇анаа бууж̇анаа жа, яасмаа д̇ам̣ абхаавид̇ад̇д̇аанам̣ осийд̣̇аабанадтзна малинабхаавагаран̣адтзна жа бан̇го гад̣̇д̣̇амод̇и б̣уд̣̇д̇хаад̣̇аяо арияаа бавзд̣̇аяум̣ аб̣бхан̃н̃ам̣су бавзд̣̇зсум̣ ваа, яасмаа жа абарин̃н̃аад̇агканд̇хаанам̣ анд̇хабут̇уж̇ж̇анаанам̣ саггаараабхилаасам̣ д̣̇увин̃н̃зяяасабхаавад̇ааяа бийл̣ааж̇ананад̇о анд̇о д̇уд̣̇анад̇о д̣̇уруд̣̇д̇харан̣ад̇о жа сукумам̣ саллам̣ д̣̇уруб̣б̣ахам̣ бавзд̣̇аяум̣, д̇ад̇о зва саггааро гаабурисзна д̣̇уж̇ж̇ахо д̣̇уббаж̇ахзяяо д̇асса бахаанабадибад̇д̇ияаа аббадибаж̇ж̇анад̇о. саггаараабхилаасаббахаанзна хи саггааро бахийно ход̇и, д̇асмаа д̇асса бахаанааяа ааяог̇о гаран̣ийяод̇и д̣̇ассзд̇и –
Evaṃ paṭhamagāthāya ‘‘kammārāmataṃ saṅgaṇikārāmataṃ paccayagedhañca vajjethā’’ti ovaditvā idāni sakkārābhilāsaṃ garahanto dutiyaṃ gāthamāha. Tassattho – yā ayaṃ bhikkhāya upagatānaṃ pabbajitānaṃ kulesu gehavāsīhi guṇasambhāvanāya karīyamānā vandanā pūjanā ca, yasmā taṃ abhāvitattānaṃ osīdāpanaṭṭhena malinabhāvakaraṇaṭṭhena ca paṅko kaddamoti buddhādayo ariyā pavedayuṃ abbhaññaṃsu pavedesuṃ vā, yasmā ca apariññātakkhandhānaṃ andhaputhujjanānaṃ sakkārābhilāsaṃ duviññeyyasabhāvatāya pīḷājananato anto tudanato duruddharaṇato ca sukhumaṃ sallaṃ durubbahaṃ pavedayuṃ, tato eva sakkāro kāpurisena dujjaho duppajaheyyo tassa pahānapaṭipattiyā appaṭipajjanato. Sakkārābhilāsappahānena hi sakkāro pahīno hoti, tasmā tassa pahānāya āyogo karaṇīyoti dasseti –
496.
496.
‘‘на барассубанид̇хааяа, гаммам̣ мажжасса баабагам̣;
‘‘Na parassupanidhāya, kammaṃ maccassa pāpakaṃ;
ад̇д̇анаа д̇ам̣ на сзвзяяа, гаммаб̣анд̇хуу хи маад̇ияаа.
Attanā taṃ na seveyya, kammabandhū hi mātiyā.
497.
497.
‘‘на барз важанаа жоро, на барз важанаа муни;
‘‘Na pare vacanā coro, na pare vacanā muni;
ад̇д̇аа жа нам̣ яат̇аа взд̣̇и, д̣̇звааби нам̣ д̇ат̇аа вид̣̇уу.
Attā ca naṃ yathā vedi, devāpi naṃ tathā vidū.
498.
498.
‘‘барз жа на виж̇аананд̇и, маяамзд̇т̇а яамаамасз;
‘‘Pare ca na vijānanti, mayamettha yamāmase;
яз жа д̇ад̇т̇а виж̇аананд̇и, д̇ад̇о самманд̇и мзд̇хаг̇аа.
Ye ca tattha vijānanti, tato sammanti medhagā.
499.
499.
‘‘ж̇ийвад̇з вааби саббан̃н̃о, аби вид̇д̇абаригкаяо;
‘‘Jīvate vāpi sappañño, api vittaparikkhayo;
бан̃н̃ааяа жа алаабхзна, вид̇д̇авааби на ж̇ийвад̇и.
Paññāya ca alābhena, vittavāpi na jīvati.
500.
500.
‘‘саб̣б̣ам̣ сун̣аад̇и сод̇зна, саб̣б̣ам̣ бассад̇и жагкунаа;
‘‘Sabbaṃ suṇāti sotena, sabbaṃ passati cakkhunā;
на жа д̣̇идтам̣ суд̇ам̣ д̇хийро, саб̣б̣ам̣ уж̇жхид̇умарахад̇и.
Na ca diṭṭhaṃ sutaṃ dhīro, sabbaṃ ujjhitumarahati.
501.
501.
‘‘жагкумаасса яат̇аа анд̇хо, сод̇аваа б̣ад̇хиро яат̇аа;
‘‘Cakkhumāssa yathā andho, sotavā badhiro yathā;
бан̃н̃аваасса яат̇аа мууг̇о, б̣алаваа д̣̇уб̣б̣алорива;
Paññavāssa yathā mūgo, balavā dubbaloriva;
ат̇а ад̇т̇з самуббаннз, саязт̇а мад̇асааяига’’нд̇и. –
Atha atthe samuppanne, sayetha matasāyika’’nti. –
имаа ча г̇аат̇аа ран̃н̃о баж̇ж̇од̇асса оваад̣̇авасзна абхааси. со гира б̣раахман̣з сад̣̇д̣̇ахид̇ваа басугхаад̇аяан̃н̃ам̣ гаарзд̇и, гаммам̣ асод̇хзд̇ваава ажорз жорасан̃н̃ааяа д̣̇ан̣д̣зси, аддагаран̣з жа ассаамигз саамигз гарод̇и, саамигз жа ассаамигз. д̇ад̇о нам̣ т̇зро вивзжзд̇ум̣ ‘‘на барассаа’’д̇иаад̣̇инаа ча г̇аат̇аа абхааси.
Imā cha gāthā rañño pajjotassa ovādavasena abhāsi. So kira brāhmaṇe saddahitvā pasughātayaññaṃ kāreti, kammaṃ asodhetvāva acore corasaññāya daṇḍesi, aṭṭakaraṇe ca assāmike sāmike karoti, sāmike ca assāmike. Tato naṃ thero vivecetuṃ ‘‘na parassā’’tiādinā cha gāthā abhāsi.
д̇ад̇т̇а на барассубанид̇хааяа, гаммам̣ мажжасса баабаганд̇и барасса мажжасса сад̇д̇асса убанид̇хааяа уд̣̇д̣̇исса гааран̣ам̣ гад̇ваа баабагам̣ вад̇хаб̣анд̇хаад̣̇игаммам̣ на сзвзяяа, барзна на гаараабзяяаад̇и ад̇т̇о. ад̇д̇анаа д̇ам̣ на сзвзяяаад̇и ад̇д̇анааби д̇ам̣ баабагам̣ на гарзяяа. гасмаа? гаммаб̣анд̇хуу хи маад̇ияаа имз маад̇ияаа мажжаа гаммад̣̇ааяаад̣̇аа, д̇асмаа ад̇д̇анаа жа гин̃жи баабагаммам̣ на гарзяяа, барзнаби на гаараабзяяаад̇и ад̇т̇о.
Tattha na parassupanidhāya, kammaṃ maccassa pāpakanti parassa maccassa sattassa upanidhāya uddissa kāraṇaṃ katvā pāpakaṃ vadhabandhādikammaṃ na seveyya, parena na kārāpeyyāti attho. Attanā taṃ na seveyyāti attanāpi taṃ pāpakaṃ na kareyya. Kasmā? Kammabandhū hi mātiyā ime mātiyā maccā kammadāyādā, tasmā attanā ca kiñci pāpakammaṃ na kareyya, parenapi na kārāpeyyāti attho.
на барз важанаа жород̇и ад̇д̇анаа жорияам̣ агад̇ваа бараважанаа барасса важанамад̇д̇зна жоро наама на ход̇и, д̇ат̇аа на барз важанаа муни барасса важанамад̇д̇зна муни сувисуд̣̇д̇хагааяаважийманосамаажааро на ход̇и. зд̇т̇а хи барзд̇и вибхад̇д̇иалобам̣ гад̇ваа нид̣̇д̣̇зсо. гзжи бана ‘‘барзсанд̇и вад̇д̇аб̣б̣з барзд̇и сам̣-гааралобам̣ гад̇ваа нид̣̇д̣̇идта’’нд̇и вад̣̇анд̇и. ад̇д̇аа жа нам̣ яат̇аа взд̣̇ийд̇и нам̣ сад̇д̇ам̣ д̇асса ад̇д̇аа жид̇д̇ам̣ яат̇аа ‘‘ахам̣ барисуд̣̇д̇хо, абарисуд̣̇д̇хо ваа’’д̇и яаат̇аавад̇о авзд̣̇и ж̇аанаад̇и. д̣̇звааби нам̣ д̇ат̇аа вид̣̇ууд̇и висуд̣̇д̇хид̣̇зваа, убабад̇д̇ид̣̇зваа жа д̇ат̇аа вид̣̇уу вид̣̇анд̇и ж̇аананд̇и, д̇асмаа саяам̣ д̇аад̣̇исаа д̣̇зваа жа бамаан̣ам̣ суд̣̇д̇хаасуд̣̇д̇хаанам̣ суд̣̇д̇хаасуд̣̇д̇хабхааваж̇аананз, на яз гзжи ижчаад̣̇осабарзд̇аа сад̇д̇аад̇и ад̇хиббааяо.
Na pare vacanā coroti attanā coriyaṃ akatvā paravacanā parassa vacanamattena coro nāma na hoti, tathā na pare vacanā muni parassa vacanamattena muni suvisuddhakāyavacīmanosamācāro na hoti. Ettha hi pareti vibhattialopaṃ katvā niddeso. Keci pana ‘‘paresanti vattabbe pareti saṃ-kāralopaṃ katvā niddiṭṭha’’nti vadanti. Attā ca naṃ yathā vedīti naṃ sattaṃ tassa attā cittaṃ yathā ‘‘ahaṃ parisuddho, aparisuddho vā’’ti yāthāvato avedi jānāti. Devāpi naṃ tathā vidūti visuddhidevā, upapattidevā ca tathā vidū vidanti jānanti, tasmā sayaṃ tādisā devā ca pamāṇaṃ suddhāsuddhānaṃ suddhāsuddhabhāvajānane, na ye keci icchādosaparetā sattāti adhippāyo.
барзд̇и бан̣д̣ид̇з табзд̇ваа д̇ад̇о ан̃н̃з, гусалаагусаласааваж̇ж̇аанаваж̇ж̇ам̣ гаммам̣ гаммапалам̣ гааяасса асубхад̇ам̣ сан̇каараанам̣ анижжад̇ам̣ аж̇аананд̇аа ид̇ха барз наама. д̇з маяамзд̇т̇а имасмим̣ ж̇ийвалогз яамаама убарамаама, ‘‘сад̇ад̇ам̣ самид̇ам̣ мажжу санд̇игам̣ г̇ажчаамаа’’д̇и на ж̇аананд̇и. яз жа д̇ад̇т̇а виж̇аананд̇ийд̇и яз жа д̇ад̇т̇а бан̣д̣ид̇аа ‘‘маяам̣ мажжу самийбам̣ г̇ажчаамаа’’д̇и виж̇аананд̇и. д̇ад̇о самманд̇и мзд̇хаг̇аад̇и зван̃хи д̇з ж̇аананд̇аа мзд̇хаг̇аанам̣ баравихим̣санаанам̣ вуубасамааяа бадибаж̇ж̇анд̇и, ад̇д̇анаа барз жа ан̃н̃з на мзд̇ханд̇и на б̣аад̇хзнд̇ийд̇и ад̇т̇о. д̇вам̣ бана ж̇ийвид̇анимид̇д̇ам̣ ажорз жорз гаронд̇оби д̣̇ан̣д̣анзна саамигз ассаамигз гаронд̇оби д̇ханаж̇аанияаа б̣аад̇хаси бан̃н̃аавзгаллад̇о. д̇ат̇аа агаронд̇оби ж̇ийвад̇з вааби саббан̃н̃о, аби вид̇д̇абаригкаяо баригкийн̣ад̇ханоби саббан̃н̃аж̇аад̇иго ид̇арийд̇арасанд̇осзна санд̇удто анаваж̇ж̇ааяа ж̇ийвигааяа ж̇ийвад̇иязва. д̇асса хи ж̇ийвид̇ам̣ наама. д̇знааха бхаг̇аваа – ‘‘бан̃н̃ааж̇ийвим̣ ж̇ийвид̇амааху сздта’’нд̇и (сам̣. ни. 1.73, 246; су. ни. 184). д̣̇уммзд̇хабуг̇г̇ало бана бан̃н̃ааяа жа алаабхзна д̣̇идтад̇хаммигам̣ самбарааяиган̃жа ад̇т̇ам̣ вираад̇хзнд̇о вид̇д̇авааби на ж̇ийвад̇и г̇арахаад̣̇ибавад̇д̇ияаа ж̇ийванд̇о наама на ход̇и, анубааяан̃н̃уд̇ааяа яат̇аад̇хиг̇ад̇ам̣ д̇ханам̣ наасзнд̇о ж̇ийвид̇амби санд̇хаарзд̇ум̣ на саггод̇иязва.
Pareti paṇḍite ṭhapetvā tato aññe, kusalākusalasāvajjānavajjaṃ kammaṃ kammaphalaṃ kāyassa asubhataṃ saṅkhārānaṃ aniccataṃ ajānantā idha pare nāma. Te mayamettha imasmiṃ jīvaloke yamāma uparamāma, ‘‘satataṃ samitaṃ maccu santikaṃ gacchāmā’’ti na jānanti. Ye ca tattha vijānantīti ye ca tattha paṇḍitā ‘‘mayaṃ maccu samīpaṃ gacchāmā’’ti vijānanti. Tato sammanti medhagāti evañhi te jānantā medhagānaṃ paravihiṃsanānaṃ vūpasamāya paṭipajjanti, attanā pare ca aññe na medhanti na bādhentīti attho. Tvaṃ pana jīvitanimittaṃ acore core karontopi daṇḍanena sāmike assāmike karontopi dhanajāniyā bādhasi paññāvekallato. Tathā akarontopi jīvate vāpi sappañño, api vittaparikkhayo parikkhīṇadhanopi sappaññajātiko itarītarasantosena santuṭṭho anavajjāya jīvikāya jīvatiyeva. Tassa hi jīvitaṃ nāma. Tenāha bhagavā – ‘‘paññājīviṃ jīvitamāhu seṭṭha’’nti (saṃ. ni. 1.73, 246; su. ni. 184). Dummedhapuggalo pana paññāya ca alābhena diṭṭhadhammikaṃ samparāyikañca atthaṃ virādhento vittavāpi na jīvati garahādipavattiyā jīvanto nāma na hoti, anupāyaññutāya yathādhigataṃ dhanaṃ nāsento jīvitampi sandhāretuṃ na sakkotiyeva.
имаа гира жад̇ассоби г̇аат̇аа т̇зро субинанд̇зна ран̃н̃о гат̇зси. рааж̇аа субинам̣ д̣̇исваа т̇зрам̣ намассанд̇оязва баб̣уж̇жхид̇ваа бабхаад̇ааяа рад̇д̇ияаа т̇зрам̣ убасан̇гамид̇ваа ванд̣̇ид̇ваа ад̇д̇анаа д̣̇идтанияаамзна субинам̣ гат̇зси. д̇ам̣ суд̇ваа т̇зро д̇аа г̇аат̇аа бажжунубхаасид̇ваа ‘‘саб̣б̣ам̣ сун̣аад̇ий’’д̇иаад̣̇инаа д̣̇вийхи г̇аат̇аахи рааж̇аанам̣ овад̣̇и. д̇ад̇т̇а саб̣б̣ам̣ сун̣аад̇и сод̇знаад̇и ид̇ха сод̇аб̣б̣ам̣ сад̣̇д̣̇ам̣ аабаат̇аг̇ад̇ам̣ саб̣б̣ам̣ субхаасид̇ам̣ д̣̇уб̣бхаасид̇ан̃жа аб̣ад̇хиро сод̇зна сун̣аад̇и. д̇ат̇аа саб̣б̣ам̣ руубам̣ сунд̣̇арам̣ асунд̣̇арамби жагкунаа ананд̇хо бассад̇и, аяаминд̣̇рияаанам̣ сабхааво. д̇ад̇т̇а бана на жа д̣̇идтам̣ суд̇ам̣ д̇хийро, саб̣б̣ам̣ уж̇жхид̇унд̇и жа нид̣̇ассанамад̇д̇амзд̇ам̣. яан̃хи д̇ам̣ д̣̇идтам̣ суд̇ам̣ ваа, на д̇ам̣ саб̣б̣ам̣ д̇хийро саббан̃н̃о уж̇жхид̇ум̣ барижжаж̇ид̇ум̣ г̇ахзд̇ум̣ ваа арахад̇и. г̇ун̣ааг̇ун̣ам̣ бана д̇ад̇т̇а убабаригкид̇ваа уж̇жхид̇аб̣б̣амзва уж̇жхид̇ум̣ г̇ахзд̇аб̣б̣ан̃жа г̇ахзд̇ум̣ арахад̇и, д̇асмаа жагкумаасса яат̇аа анд̇хо жагкумааби самаано уж̇жхид̇аб̣б̣з д̣̇идтз анд̇хо яат̇аа асса абассанд̇о вияа бхавзяяа, д̇ат̇аа уж̇жхид̇аб̣б̣з суд̇з сод̇авааби б̣ад̇хиро яат̇аа асса асун̣анд̇о вияа бхавзяяа. бан̃н̃аваасса яат̇аа мууг̇од̇и вижааран̣абан̃н̃ааяа бан̃н̃аваа важанагусалоби авад̇д̇аб̣б̣з мууг̇о вияа бхавзяяа. б̣алаваа т̇аамасамбанноби агад̇д̇аб̣б̣з д̣̇уб̣б̣алорива, рагааро бад̣̇асанд̇хигаро, асамад̇т̇о вияа бхавзяяа. ат̇а ад̇т̇з самуббаннз, саязт̇а мад̇асааяиганд̇и ад̇д̇анаа гаад̇аб̣б̣агижжз уббаннз убадтид̇з мад̇асааяигам̣ саязт̇а, мад̇асааяигам̣ саяид̇вааби д̇ам̣ гижжам̣ д̇ийрзд̇аб̣б̣амзва, на вираад̇хзд̇аб̣б̣ам̣. ат̇а ваа ат̇а ад̇т̇з самуббаннзд̇и ад̇д̇анаа агаран̣ийяз ад̇т̇з гижжз уббаннз убадтид̇з мад̇асааяигам̣ саязт̇а, мад̇асааяигам̣ саяид̇вааби д̇ам̣ на гаад̇аб̣б̣амзва. на хи бан̣д̣ид̇о аяуд̇д̇ам̣ гаад̇умарахад̇ийд̇и звам̣ т̇зрзна овад̣̇ид̇о рааж̇аа агад̇д̇аб̣б̣ам̣ бахааяа гаад̇аб̣б̣зязва яуд̇д̇аббаяуд̇д̇о ахосийд̇и.
Imā kira catassopi gāthā thero supinantena rañño kathesi. Rājā supinaṃ disvā theraṃ namassantoyeva pabujjhitvā pabhātāya rattiyā theraṃ upasaṅkamitvā vanditvā attanā diṭṭhaniyāmena supinaṃ kathesi. Taṃ sutvā thero tā gāthā paccunubhāsitvā ‘‘sabbaṃ suṇātī’’tiādinā dvīhi gāthāhi rājānaṃ ovadi. Tattha sabbaṃ suṇāti sotenāti idha sotabbaṃ saddaṃ āpāthagataṃ sabbaṃ subhāsitaṃ dubbhāsitañca abadhiro sotena suṇāti. Tathā sabbaṃ rūpaṃ sundaraṃ asundarampi cakkhunā anandho passati, ayamindriyānaṃ sabhāvo. Tattha pana na ca diṭṭhaṃ sutaṃ dhīro, sabbaṃ ujjhitunti ca nidassanamattametaṃ. Yañhi taṃ diṭṭhaṃ sutaṃ vā, na taṃ sabbaṃ dhīro sappañño ujjhituṃ pariccajituṃ gahetuṃ vā arahati. Guṇāguṇaṃ pana tattha upaparikkhitvā ujjhitabbameva ujjhituṃ gahetabbañca gahetuṃ arahati, tasmā cakkhumāssa yathā andho cakkhumāpi samāno ujjhitabbe diṭṭhe andho yathā assa apassanto viya bhaveyya, tathā ujjhitabbe sute sotavāpi badhiro yathā assa asuṇanto viya bhaveyya. Paññavāssa yathā mūgoti vicāraṇapaññāya paññavā vacanakusalopi avattabbe mūgo viya bhaveyya. Balavā thāmasampannopi akattabbe dubbaloriva, rakāro padasandhikaro, asamattho viya bhaveyya. Atha atthe samuppanne, sayetha matasāyikanti attanā kātabbakicce uppanne upaṭṭhite matasāyikaṃ sayetha, matasāyikaṃ sayitvāpi taṃ kiccaṃ tīretabbameva, na virādhetabbaṃ. Atha vā atha atthe samuppanneti attanā akaraṇīye atthe kicce uppanne upaṭṭhite matasāyikaṃ sayetha, matasāyikaṃ sayitvāpi taṃ na kātabbameva. Na hi paṇḍito ayuttaṃ kātumarahatīti evaṃ therena ovadito rājā akattabbaṃ pahāya kātabbeyeva yuttappayutto ahosīti.
махаагажжааяанад̇т̇зраг̇аат̇ааван̣н̣анаа нидтид̇аа.
Mahākaccāyanattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. махаагажжааяанад̇т̇зраг̇аат̇аа • 1. Mahākaccāyanattheragāthā
