| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. махаагаал̣ад̇т̇зраг̇аат̇ааван̣н̣анаа
6. Mahākāḷattheragāthāvaṇṇanā
гаал̣ий ид̇т̇ийд̇и ааяасмад̇о махаагаал̣ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о зганавуд̇з габбз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о гзнажид̣̇зва гаран̣ийязна аран̃н̃ам̣ г̇ад̇о д̇ад̇т̇а ан̃н̃ад̇арасса ругкасса саакааяа оламб̣амаанам̣ бам̣сугуулажийварам̣ д̣̇исваа ‘‘арияад̣̇д̇хаж̇о оламб̣ад̇ий’’д̇и басаннажид̇д̇о гин̇ган̣ибубпаани г̇ахзд̇ваа бам̣сугуулам̣ бууж̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з сзд̇аб̣яанаг̇арз сад̇т̇аваахагулз ниб̣б̣ад̇д̇ид̇ваа махаагаал̣од̇и лад̣̇д̇ханаамо вин̃н̃уд̇ам̣ бад̇ваа гхарааваасам̣ васанд̇о бан̃жахи сагадасад̇зхи бхан̣д̣ам̣ г̇ахзд̇ваа ваан̣иж̇ж̇авасзна саавад̇т̇им̣ г̇ад̇о згаманд̇ам̣ сагадасад̇т̇ам̣ нивзсзд̇ваа ад̣̇д̇хаанабариссамам̣ винод̣̇зд̇ваа ад̇д̇ано барисааяа сад̣̇д̇хим̣ нисинно сааяанхасамаяам̣ г̇анд̇хамаалаад̣̇ихад̇т̇з убаасагз ж̇зд̇аванам̣ г̇ажчанд̇з д̣̇исваа саяамби д̇зхи сад̣̇д̇хим̣ вихаарам̣ г̇анд̇ваа сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа сосааниган̇г̇ам̣ ад̇хидтааяа сусаанз васад̇и. ат̇згад̣̇ивасам̣ гаал̣ий наама згаа ид̇т̇ий чавад̣аахигаа т̇зрасса гаммадтаанад̇т̇ааяа ажирамад̇асарийрам̣ убхо сад̇т̇ий бхинд̣̇ид̇ваа убхо жа б̣аахуу бхинд̣̇ид̇ваа сийсан̃жа д̣̇ад̇хит̇аалагам̣ вияа бхинд̣̇ид̇ваа саб̣б̣ам̣ ан̇г̇абажжан̇г̇ам̣ самб̣анд̇хамзва гад̇ваа т̇зрасса ологзд̇ум̣ яог̇яадтаанз табзд̇ваа згаманд̇ам̣ нисийд̣̇и. т̇зро д̇ам̣ д̣̇исваа ад̇д̇аанам̣ овад̣̇анд̇о –
Kāḷīitthīti āyasmato mahākāḷattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekanavute kappe kulagehe nibbattitvā viññutaṃ patto kenacideva karaṇīyena araññaṃ gato tattha aññatarassa rukkhassa sākhāya olambamānaṃ paṃsukūlacīvaraṃ disvā ‘‘ariyaddhajo olambatī’’ti pasannacitto kiṅkaṇipupphāni gahetvā paṃsukūlaṃ pūjesi. So tena puññakammena devamanussesu saṃsaranto imasmiṃ buddhuppāde setabyanagare satthavāhakule nibbattitvā mahākāḷoti laddhanāmo viññutaṃ patvā gharāvāsaṃ vasanto pañcahi sakaṭasatehi bhaṇḍaṃ gahetvā vāṇijjavasena sāvatthiṃ gato ekamantaṃ sakaṭasatthaṃ nivesetvā addhānaparissamaṃ vinodetvā attano parisāya saddhiṃ nisinno sāyanhasamayaṃ gandhamālādihatthe upāsake jetavanaṃ gacchante disvā sayampi tehi saddhiṃ vihāraṃ gantvā satthu santike dhammaṃ sutvā paṭiladdhasaddho pabbajitvā sosānikaṅgaṃ adhiṭṭhāya susāne vasati. Athekadivasaṃ kāḷī nāma ekā itthī chavaḍāhikā therassa kammaṭṭhānatthāya aciramatasarīraṃ ubho satthī bhinditvā ubho ca bāhū bhinditvā sīsañca dadhithālakaṃ viya bhinditvā sabbaṃ aṅgapaccaṅgaṃ sambandhameva katvā therassa oloketuṃ yogyaṭṭhāne ṭhapetvā ekamantaṃ nisīdi. Thero taṃ disvā attānaṃ ovadanto –
151.
151.
‘‘гаал̣ий ид̇т̇ий б̣рахад̇ий д̇хан̇гаруубаа, сад̇т̇ин̃жа бхзд̇ваа абаран̃жа сад̇т̇им̣;
‘‘Kāḷī itthī brahatī dhaṅkarūpā, satthiñca bhetvā aparañca satthiṃ;
б̣аахан̃жа бхзд̇ваа абаран̃жа б̣аахам̣, сийсан̃жа бхзд̇ваа д̣̇ад̇хит̇аалагам̣ва;
Bāhañca bhetvā aparañca bāhaṃ, sīsañca bhetvā dadhithālakaṃva;
зсаа нисиннаа абхисанд̣̇ахид̇ваа.
Esā nisinnā abhisandahitvā.
152.
152.
‘‘яо вз авид̣̇ваа убад̇хим̣ гарод̇и, бунаббунам̣ д̣̇угкамубзд̇и манд̣̇о;
‘‘Yo ve avidvā upadhiṃ karoti, punappunaṃ dukkhamupeti mando;
д̇асмаа баж̇аанам̣ убад̇хим̣ на гаяираа, маахам̣ буна бхиннасиро саяисса’’нд̇и. –
Tasmā pajānaṃ upadhiṃ na kayirā, māhaṃ puna bhinnasiro sayissa’’nti. –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а гаал̣ийд̇и д̇ассаа наамам̣, гаал̣аван̣н̣ад̇д̇аа ваа звам̣ вуд̇д̇ам̣. б̣рахад̇ийд̇и махаасарийраа аарохабарин̣аахавад̇ий. д̇хан̇гаруубаад̇и гаал̣аван̣н̣ад̇д̇аа зва гаагасад̣̇исаруубаа. сад̇т̇ин̃жа бхзд̇ваад̇и мад̇асарийрасса сад̇т̇им̣ ж̇ан̣н̣убхзд̣̇анзна бхан̃ж̇ид̇ваа. абаран̃жа сад̇т̇инд̇и ид̇аран̃жа сад̇т̇им̣ бхан̃ж̇ид̇ваа. б̣аахан̃жа бхзд̇ваад̇и б̣аахадтин̃жа аг̇г̇аб̣аахадтаанзязва бхан̃ж̇ид̇ваа. сийсан̃жа бхзд̇ваа д̣̇ад̇хит̇аалагам̣ваад̇и мад̇асарийрасса сийсам̣ бхинд̣̇ид̇ваа бхиннад̇д̇аа зва лзд̣д̣уд̣̇ан̣д̣аад̣̇ийхи баг̇гхаранд̇ам̣ д̣̇ад̇хит̇аалагам̣ вияа, баг̇гхаранд̇ам̣ мад̇т̇алун̇г̇ам̣ гад̇ваад̇и ад̇т̇о. зсаа нисиннаа абхисанд̣̇ахид̇ваад̇и чиннабхиннааваяавам̣ мад̇асарийрам̣ д̇з аваяавз яат̇аатаанзязва табанзна санд̣̇ахид̇ваа сахид̇ам̣ гад̇ваа мам̣саабан̣ам̣ басаарзнд̇ий вияа зсаа нисиннаа.
Tattha kāḷīti tassā nāmaṃ, kāḷavaṇṇattā vā evaṃ vuttaṃ. Brahatīti mahāsarīrā ārohapariṇāhavatī. Dhaṅkarūpāti kāḷavaṇṇattā eva kākasadisarūpā. Satthiñca bhetvāti matasarīrassa satthiṃ jaṇṇubhedanena bhañjitvā. Aparañca satthinti itarañca satthiṃ bhañjitvā. Bāhañca bhetvāti bāhaṭṭhiñca aggabāhaṭṭhāneyeva bhañjitvā. Sīsañca bhetvā dadhithālakaṃvāti matasarīrassa sīsaṃ bhinditvā bhinnattā eva leḍḍudaṇḍādīhi paggharantaṃ dadhithālakaṃ viya, paggharantaṃ matthaluṅgaṃ katvāti attho. Esā nisinnā abhisandahitvāti chinnabhinnāvayavaṃ matasarīraṃ te avayave yathāṭhāneyeva ṭhapanena sandahitvā sahitaṃ katvā maṃsāpaṇaṃ pasārentī viya esā nisinnā.
яо вз авид̣̇ваа убад̇хим̣ гарод̇ийд̇и яо имааяа убадтаабид̇ам̣ гаммадтаанам̣ д̣̇исвааби авид̣̇ваа агусало гаммадтаанам̣ чад̣д̣зд̇ваа аяонисоманасигаарзна гилзсуубад̇хим̣ уббаад̣̇зд̇и, со манд̣̇о манд̣̇абан̃н̃о сам̣саарасса анад̇ивад̇д̇анад̇о бунаббунам̣ абараабарам̣ нираяаад̣̇ийсу д̣̇угкам̣ убзд̇и. д̇асмаа баж̇аанам̣ убад̇хим̣ на гаяираад̇и д̇асмаад̇и яасмаа жзд̇ад̣̇звам̣, д̇асмаа. баж̇аанам̣ убад̇хинд̇и ‘‘ид̇ха яам̣ д̣̇угкам̣ самбход̇ий’’д̇и баж̇аананд̇о яонисо манасигаронд̇о гилзсуубад̇хим̣ на гаяираа на уббаад̣̇зяяа. гасмаа? маахам̣ буна бхиннасиро саяиссанд̇и яат̇аяид̣̇ам̣ мад̇асарийрам̣ бхиннасарийрам̣ саяад̇и, звам̣ гилзсуубад̇хийхи сам̣саарз бунаббунам̣ уббад̇д̇ияаа гадасивад̣дхаго худ̇ваа бхиннасиро ахам̣ маа саяиссанд̇и. звам̣ вад̣̇анд̇о зва т̇зро вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.8-14) –
Yo ve avidvā upadhiṃ karotīti yo imāya upaṭṭhāpitaṃ kammaṭṭhānaṃ disvāpi avidvā akusalo kammaṭṭhānaṃ chaḍḍetvā ayonisomanasikārena kilesūpadhiṃ uppādeti, so mando mandapañño saṃsārassa anativattanato punappunaṃ aparāparaṃ nirayādīsu dukkhaṃ upeti. Tasmā pajānaṃ upadhiṃ na kayirāti tasmāti yasmā cetadevaṃ, tasmā. Pajānaṃ upadhinti ‘‘idha yaṃ dukkhaṃ sambhotī’’ti pajānanto yoniso manasikaronto kilesūpadhiṃ na kayirā na uppādeyya. Kasmā? Māhaṃ puna bhinnasiro sayissanti yathayidaṃ matasarīraṃ bhinnasarīraṃ sayati, evaṃ kilesūpadhīhi saṃsāre punappunaṃ uppattiyā kaṭasivaḍḍhako hutvā bhinnasiro ahaṃ mā sayissanti. Evaṃ vadanto eva thero vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 2.50.8-14) –
‘‘химаванд̇ассаавид̣̇уурз , уд̣̇ан̇г̇ан̣о наама баб̣б̣ад̇о;
‘‘Himavantassāvidūre , udaṅgaṇo nāma pabbato;
д̇ад̇т̇ад̣̇д̣̇асам̣ бам̣сугуулам̣, д̣̇умаг̇г̇амхи виламб̣ид̇ам̣.
Tatthaddasaṃ paṃsukūlaṃ, dumaggamhi vilambitaṃ.
‘‘д̇ийн̣и гин̇ган̣ибубпаани, ожинид̇ваанахам̣ д̇ад̣̇аа;
‘‘Tīṇi kiṅkaṇipupphāni, ocinitvānahaṃ tadā;
хадто хадтзна жид̇д̇зна, бам̣сугууламабууж̇аяим̣.
Haṭṭho haṭṭhena cittena, paṃsukūlamapūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘зганавуд̇ид̇о габбз, яам̣ гаммамагарим̣ д̇ад̣̇аа;
‘‘Ekanavutito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, бууж̇ид̇ваа арахад̣̇д̇хаж̇ам̣.
Duggatiṃ nābhijānāmi, pūjitvā arahaddhajaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
махаагаал̣ад̇т̇зраг̇аат̇ааван̣н̣анаа нидтид̇аа.
Mahākāḷattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. махаагаал̣ад̇т̇зраг̇аат̇аа • 6. Mahākāḷattheragāthā
