| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. махаагаммавибхан̇г̇асуд̇д̇ам̣
6. Mahākammavibhaṅgasuttaṃ
298. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа самид̣̇д̇хи аран̃н̃агудигааяам̣ вихарад̇и. ат̇а ко бод̇алибуд̇д̇о бариб̣б̣ааж̇аго ж̇ан̇гхаавихаарам̣ анужан̇гамамаано анувижарамаано язнааяасмаа самид̣̇д̇хи д̇знубасан̇гами; убасан̇гамид̇ваа ааяасмад̇аа самид̣̇д̇хинаа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко бод̇алибуд̇д̇о бариб̣б̣ааж̇аго ааяасманд̇ам̣ самид̣̇д̇хим̣ зд̇ад̣̇авожа – ‘‘саммукаа мзд̇ам̣, аавусо самид̣̇д̇хи, саман̣асса г̇од̇амасса суд̇ам̣, саммукаа бадиг̇г̇ахид̇ам̣ – ‘могхам̣ гааяагаммам̣ могхам̣ важийгаммам̣, маногаммамзва сажжа’нд̇и. ад̇т̇и жа саа 1 самаабад̇д̇и яам̣ самаабад̇д̇им̣ самаабанно на гин̃жи взд̣̇ияад̇ий’’д̇и? ‘‘маа хзвам̣, аавусо бод̇алибуд̇д̇а, аважа; (маа хзвам̣, аавусо бод̇алибуд̇д̇а, аважа;) 2 маа бхаг̇аванд̇ам̣ аб̣бхаажигки. на хи саад̇ху бхаг̇авад̇о аб̣бхагкаанам̣. на хи бхаг̇аваа звам̣ вад̣̇зяяа – ‘могхам̣ гааяагаммам̣ могхам̣ важийгаммам̣, маногаммамзва сажжа’нд̇и. ад̇т̇и жа ко 3 саа, аавусо, самаабад̇д̇и яам̣ самаабад̇д̇им̣ самаабанно на гин̃жи взд̣̇ияад̇ий’’д̇и. ‘‘гийважирам̣ баб̣б̣аж̇ид̇оси, аавусо самид̣̇д̇хий’’д̇и? ‘‘на жирам̣, аавусо! д̇ийн̣и вассааний’’д̇и. ‘‘зд̇т̇а д̣̇аани маяам̣ т̇зрз бхигкуу гим̣ вагкаама, яад̇ра хи наама звам̣наво бхигку 4 сад̇т̇аарам̣ барирагкид̇аб̣б̣ам̣ ман̃н̃иссад̇и. сан̃жзд̇анигам̣, аавусо самид̣̇д̇хи, гаммам̣ гад̇ваа гааязна ваажааяа манасаа гим̣ со взд̣̇ияад̇ий’’д̇и? ‘‘сан̃жзд̇анигам̣, аавусо бод̇алибуд̇д̇а, гаммам̣ гад̇ваа гааязна ваажааяа манасаа д̣̇угкам̣ со взд̣̇ияад̇ий’’д̇и. ат̇а ко бод̇алибуд̇д̇о бариб̣б̣ааж̇аго ааяасмад̇о самид̣̇д̇хисса бхаасид̇ам̣ нзва абхинанд̣̇и наббадиггоси; анабхинанд̣̇ид̇ваа аббадиггосид̇ваа удтааяаасанаа баггаами.
298. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā samiddhi araññakuṭikāyaṃ viharati. Atha kho potaliputto paribbājako jaṅghāvihāraṃ anucaṅkamamāno anuvicaramāno yenāyasmā samiddhi tenupasaṅkami; upasaṅkamitvā āyasmatā samiddhinā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho potaliputto paribbājako āyasmantaṃ samiddhiṃ etadavoca – ‘‘sammukhā metaṃ, āvuso samiddhi, samaṇassa gotamassa sutaṃ, sammukhā paṭiggahitaṃ – ‘moghaṃ kāyakammaṃ moghaṃ vacīkammaṃ, manokammameva sacca’nti. Atthi ca sā 5 samāpatti yaṃ samāpattiṃ samāpanno na kiñci vediyatī’’ti? ‘‘Mā hevaṃ, āvuso potaliputta, avaca; (mā hevaṃ, āvuso potaliputta, avaca;) 6 mā bhagavantaṃ abbhācikkhi. Na hi sādhu bhagavato abbhakkhānaṃ. Na hi bhagavā evaṃ vadeyya – ‘moghaṃ kāyakammaṃ moghaṃ vacīkammaṃ, manokammameva sacca’nti. Atthi ca kho 7 sā, āvuso, samāpatti yaṃ samāpattiṃ samāpanno na kiñci vediyatī’’ti. ‘‘Kīvaciraṃ pabbajitosi, āvuso samiddhī’’ti? ‘‘Na ciraṃ, āvuso! Tīṇi vassānī’’ti. ‘‘Ettha dāni mayaṃ there bhikkhū kiṃ vakkhāma, yatra hi nāma evaṃnavo bhikkhu 8 satthāraṃ parirakkhitabbaṃ maññissati. Sañcetanikaṃ, āvuso samiddhi, kammaṃ katvā kāyena vācāya manasā kiṃ so vediyatī’’ti? ‘‘Sañcetanikaṃ, āvuso potaliputta, kammaṃ katvā kāyena vācāya manasā dukkhaṃ so vediyatī’’ti. Atha kho potaliputto paribbājako āyasmato samiddhissa bhāsitaṃ neva abhinandi nappaṭikkosi; anabhinanditvā appaṭikkositvā uṭṭhāyāsanā pakkāmi.
299. ат̇а ко ааяасмаа самид̣̇д̇хи ажирабагганд̇з бод̇алибуд̇д̇з бариб̣б̣ааж̇агз язнааяасмаа аананд̣̇о д̇знубасан̇гами; убасан̇гамид̇ваа ааяасмад̇аа аананд̣̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа самид̣̇д̇хи яаавад̇аго ахоси бод̇алибуд̇д̇зна бариб̣б̣ааж̇агзна сад̣̇д̇хим̣ гат̇аасаллаабо д̇ам̣ саб̣б̣ам̣ ааяасмад̇о аананд̣̇асса аарожзси.
299. Atha kho āyasmā samiddhi acirapakkante potaliputte paribbājake yenāyasmā ānando tenupasaṅkami; upasaṅkamitvā āyasmatā ānandena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā samiddhi yāvatako ahosi potaliputtena paribbājakena saddhiṃ kathāsallāpo taṃ sabbaṃ āyasmato ānandassa ārocesi.
звам̣ вуд̇д̇з, ааяасмаа аананд̣̇о ааяасманд̇ам̣ самид̣̇д̇хим̣ зд̇ад̣̇авожа – ‘‘ад̇т̇и ко ид̣̇ам̣, аавусо самид̣̇д̇хи, гат̇аабаабхад̇ам̣ бхаг̇аванд̇ам̣ д̣̇ассанааяа. ааяаамаавусо самид̣̇д̇хи, язна бхаг̇аваа д̇знубасан̇гамиссаама; убасан̇гамид̇ваа зд̇амад̇т̇ам̣ бхаг̇авад̇о аарожзссаама. яат̇аа но бхаг̇аваа б̣яаагариссад̇и д̇ат̇аа нам̣ д̇хаарзссаамаа’’д̇и. ‘‘звамаавусо’’д̇и ко ааяасмаа самид̣̇д̇хи ааяасмад̇о аананд̣̇асса бажжассоси.
Evaṃ vutte, āyasmā ānando āyasmantaṃ samiddhiṃ etadavoca – ‘‘atthi kho idaṃ, āvuso samiddhi, kathāpābhataṃ bhagavantaṃ dassanāya. Āyāmāvuso samiddhi, yena bhagavā tenupasaṅkamissāma; upasaṅkamitvā etamatthaṃ bhagavato ārocessāma. Yathā no bhagavā byākarissati tathā naṃ dhāressāmā’’ti. ‘‘Evamāvuso’’ti kho āyasmā samiddhi āyasmato ānandassa paccassosi.
ат̇а ко ааяасмаа жа аананд̣̇о ааяасмаа жа самид̣̇д̇хи язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко ааяасмаа аананд̣̇о яаавад̇аго ахоси ааяасмад̇о самид̣̇д̇хисса бод̇алибуд̇д̇зна бариб̣б̣ааж̇агзна сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси. звам̣ вуд̇д̇з, бхаг̇аваа ааяасманд̇ам̣ аананд̣̇ам̣ зд̇ад̣̇авожа – ‘‘д̣̇ассанамби ко ахам̣, аананд̣̇а, бод̇алибуд̇д̇асса бариб̣б̣ааж̇агасса наабхиж̇аанаами, гуд̇о банзваруубам̣ гат̇аасаллаабам̣? иминаа жа, аананд̣̇а, самид̣̇д̇хинаа могхабурисзна бод̇алибуд̇д̇асса бариб̣б̣ааж̇агасса вибхаж̇ж̇аб̣яаагаран̣ийяо бан̃хо згам̣сзна б̣яаагад̇о’’д̇и. звам̣ вуд̇д̇з, ааяасмаа уд̣̇ааяий бхаг̇аванд̇ам̣ зд̇ад̣̇авожа – ‘‘сажз бана 9, бханд̇з, ааяасмад̇аа самид̣̇д̇хинаа ид̣̇ам̣ санд̇хааяа бхаасид̇ам̣ – яам̣ гин̃жи взд̣̇аяид̇ам̣ д̇ам̣ д̣̇угкасми’’нд̇и.
Atha kho āyasmā ca ānando āyasmā ca samiddhi yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā ānando yāvatako ahosi āyasmato samiddhissa potaliputtena paribbājakena saddhiṃ kathāsallāpo taṃ sabbaṃ bhagavato ārocesi. Evaṃ vutte, bhagavā āyasmantaṃ ānandaṃ etadavoca – ‘‘dassanampi kho ahaṃ, ānanda, potaliputtassa paribbājakassa nābhijānāmi, kuto panevarūpaṃ kathāsallāpaṃ? Iminā ca, ānanda, samiddhinā moghapurisena potaliputtassa paribbājakassa vibhajjabyākaraṇīyo pañho ekaṃsena byākato’’ti. Evaṃ vutte, āyasmā udāyī bhagavantaṃ etadavoca – ‘‘sace pana 10, bhante, āyasmatā samiddhinā idaṃ sandhāya bhāsitaṃ – yaṃ kiñci vedayitaṃ taṃ dukkhasmi’’nti.
300. ат̇а ко 11 бхаг̇аваа ааяасманд̇ам̣ аананд̣̇ам̣ ааманд̇зси – ‘‘бассаси но д̇вам̣, аананд̣̇а, имасса уд̣̇ааяисса могхабурисасса умман̇г̇ам̣ 12? ан̃н̃аасим̣ ко ахам̣, аананд̣̇а – ‘ид̣̇аанзвааяам̣ уд̣̇ааяий могхабурисо уммуж̇ж̇амаано аяонисо уммуж̇ж̇иссад̇ий’д̇и. аад̣̇им̣язва 13, аананд̣̇а, бод̇алибуд̇д̇зна бариб̣б̣ааж̇агзна д̇иссо взд̣̇анаа бужчид̇аа. сажааяам̣, аананд̣̇а, самид̣̇д̇хи могхабурисо бод̇алибуд̇д̇асса бариб̣б̣ааж̇агасса звам̣ будто звам̣ б̣яаагарзяяа – ‘сан̃жзд̇анигам̣, аавусо бод̇алибуд̇д̇а, гаммам̣ гад̇ваа гааязна ваажааяа манасаа сукавзд̣̇анийяам̣ сукам̣ со взд̣̇аяад̇и; сан̃жзд̇анигам̣, аавусо бод̇алибуд̇д̇а, гаммам̣ гад̇ваа гааязна ваажааяа манасаа д̣̇угкавзд̣̇анийяам̣ д̣̇угкам̣ со взд̣̇аяад̇и; сан̃жзд̇анигам̣, аавусо бод̇алибуд̇д̇а, гаммам̣ гад̇ваа гааязна ваажааяа манасаа ад̣̇угкамасукавзд̣̇анийяам̣ ад̣̇угкамасукам̣ со взд̣̇аяад̇ий’д̇и. звам̣ б̣яаагарамаано ко, аананд̣̇а, самид̣̇д̇хи могхабурисо бод̇алибуд̇д̇асса бариб̣б̣ааж̇агасса саммаа (б̣яаагарамаано) 14 б̣яаагарзяяа. аби жа, аананд̣̇а, гз жа 15 ан̃н̃ад̇ид̇т̇ияаа бариб̣б̣ааж̇агаа б̣аалаа аб̣яад̇д̇аа гз жа д̇ат̇ааг̇ад̇асса махаагаммавибхан̇г̇ам̣ ж̇ааниссанд̇и? сажз д̇умхз, аананд̣̇а, сун̣зяяаат̇а д̇ат̇ааг̇ад̇асса махаагаммавибхан̇г̇ам̣ вибхаж̇анд̇ассаа’’д̇и.
300. Atha kho 16 bhagavā āyasmantaṃ ānandaṃ āmantesi – ‘‘passasi no tvaṃ, ānanda, imassa udāyissa moghapurisassa ummaṅgaṃ 17? Aññāsiṃ kho ahaṃ, ānanda – ‘idānevāyaṃ udāyī moghapuriso ummujjamāno ayoniso ummujjissatī’ti. Ādiṃyeva 18, ānanda, potaliputtena paribbājakena tisso vedanā pucchitā. Sacāyaṃ, ānanda, samiddhi moghapuriso potaliputtassa paribbājakassa evaṃ puṭṭho evaṃ byākareyya – ‘sañcetanikaṃ, āvuso potaliputta, kammaṃ katvā kāyena vācāya manasā sukhavedanīyaṃ sukhaṃ so vedayati; sañcetanikaṃ, āvuso potaliputta, kammaṃ katvā kāyena vācāya manasā dukkhavedanīyaṃ dukkhaṃ so vedayati; sañcetanikaṃ, āvuso potaliputta, kammaṃ katvā kāyena vācāya manasā adukkhamasukhavedanīyaṃ adukkhamasukhaṃ so vedayatī’ti. Evaṃ byākaramāno kho, ānanda, samiddhi moghapuriso potaliputtassa paribbājakassa sammā (byākaramāno) 19 byākareyya. Api ca, ānanda, ke ca 20 aññatitthiyā paribbājakā bālā abyattā ke ca tathāgatassa mahākammavibhaṅgaṃ jānissanti? Sace tumhe, ānanda, suṇeyyātha tathāgatassa mahākammavibhaṅgaṃ vibhajantassā’’ti.
‘‘зд̇асса, бхаг̇аваа, гаало, зд̇асса, суг̇ад̇а, гаало яам̣ бхаг̇аваа махаагаммавибхан̇г̇ам̣ вибхаж̇зяяа . бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хаананд̣̇а, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. бхаг̇аваа зд̇ад̣̇авожа –
‘‘Etassa, bhagavā, kālo, etassa, sugata, kālo yaṃ bhagavā mahākammavibhaṅgaṃ vibhajeyya . Bhagavato sutvā bhikkhū dhāressantī’’ti. ‘‘Tena hānanda, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā ānando bhagavato paccassosi. Bhagavā etadavoca –
‘‘жад̇д̇ааромз, аананд̣̇а, буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? ид̇хаананд̣̇а, згажжо буг̇г̇ало ид̇ха баан̣аад̇ибаад̇ий ход̇и, ад̣̇иннаад̣̇ааяий ход̇и, гаамзсумижчаажаарий ход̇и, мусааваад̣̇ий ход̇и, бисун̣аваажо ход̇и, парусаваажо ход̇и, сампаббалаабий ход̇и, абхиж̇жхаалу ход̇и, б̣яаабаннажид̇д̇о ход̇и, мижчаад̣̇идти ход̇и. со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и.
‘‘Cattārome, ānanda, puggalā santo saṃvijjamānā lokasmiṃ. Katame cattāro? Idhānanda, ekacco puggalo idha pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhi hoti. So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati.
‘‘ид̇ха банаананд̣̇а, згажжо буг̇г̇ало ид̇ха баан̣аад̇ибаад̇ий ход̇и, ад̣̇иннаад̣̇ааяий ход̇и, гаамзсумижчаажаарий ход̇и, мусааваад̣̇ий ход̇и, бисун̣аваажо ход̇и, парусаваажо ход̇и, сампаббалаабий ход̇и, абхиж̇жхаалу ход̇и, б̣яаабаннажид̇д̇о ход̇и, мижчаад̣̇идти ход̇и. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и.
‘‘Idha panānanda, ekacco puggalo idha pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhi hoti. So kāyassa bhedā paraṃ maraṇā sugatiṃ saggaṃ lokaṃ upapajjati.
‘‘ид̇хаананд̣̇а, згажжо буг̇г̇ало ид̇ха баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и, анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идти ход̇и. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и.
‘‘Idhānanda, ekacco puggalo idha pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti. So kāyassa bhedā paraṃ maraṇā sugatiṃ saggaṃ lokaṃ upapajjati.
‘‘ид̇ха банаананд̣̇а, згажжо буг̇г̇ало ид̇ха баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и, анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идти ход̇и. со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и.
‘‘Idha panānanda, ekacco puggalo idha pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi hoti. So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati.
301. ‘‘ид̇хаананд̣̇а, згажжо саман̣о ваа б̣раахман̣о ваа аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и яат̇аасамаахид̇з жид̇д̇з д̣̇иб̣б̣зна жагкунаа висуд̣̇д̇хзна ад̇игганд̇амаанусагзна амум̣ буг̇г̇алам̣ бассад̇и – ид̇ха баан̣аад̇ибаад̇им̣ ад̣̇иннаад̣̇ааяим̣ гаамзсумижчаажаарим̣ мусааваад̣̇им̣ бисун̣аваажам̣ парусаваажам̣ сампаббалаабим̣ абхиж̇жхаалум̣ б̣яаабаннажид̇д̇ам̣ мижчаад̣̇идтим̣ гааяасса бхзд̣̇аа барам̣ маран̣аа бассад̇и абааяам̣ д̣̇уг̇г̇ад̇им̣ винибаад̇ам̣ нираяам̣ убабаннам̣. со звамааха – ‘ад̇т̇и гира, бхо, баабагаани гаммаани, ад̇т̇и д̣̇ужжарид̇асса вибааго. амаахам̣ 21 буг̇г̇алам̣ ад̣̇д̣̇асам̣ ид̇ха баан̣аад̇ибаад̇им̣ ад̣̇иннаад̣̇ааяим̣…бз… мижчаад̣̇идтим̣ гааяасса бхзд̣̇аа барам̣ маран̣аа бассаами абааяам̣ д̣̇уг̇г̇ад̇им̣ винибаад̇ам̣ нираяам̣ убабанна’нд̇и. со звамааха – ‘яо гира, бхо, баан̣аад̇ибаад̇ий ад̣̇иннаад̣̇ааяий…бз… мижчаад̣̇идти, саб̣б̣о со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. яз звам̣ ж̇аананд̇и, д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и 22. ид̇и со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа 23 абхинивисса вохарад̇и – ‘ид̣̇амзва сажжам̣, могхаман̃н̃а’’’нд̇и.
301. ‘‘Idhānanda, ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati yathāsamāhite citte dibbena cakkhunā visuddhena atikkantamānusakena amuṃ puggalaṃ passati – idha pāṇātipātiṃ adinnādāyiṃ kāmesumicchācāriṃ musāvādiṃ pisuṇavācaṃ pharusavācaṃ samphappalāpiṃ abhijjhāluṃ byāpannacittaṃ micchādiṭṭhiṃ kāyassa bhedā paraṃ maraṇā passati apāyaṃ duggatiṃ vinipātaṃ nirayaṃ upapannaṃ. So evamāha – ‘atthi kira, bho, pāpakāni kammāni, atthi duccaritassa vipāko. Amāhaṃ 24 puggalaṃ addasaṃ idha pāṇātipātiṃ adinnādāyiṃ…pe… micchādiṭṭhiṃ kāyassa bhedā paraṃ maraṇā passāmi apāyaṃ duggatiṃ vinipātaṃ nirayaṃ upapanna’nti. So evamāha – ‘yo kira, bho, pāṇātipātī adinnādāyī…pe… micchādiṭṭhi, sabbo so kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ye evaṃ jānanti, te sammā jānanti; ye aññathā jānanti, micchā tesaṃ ñāṇa’nti 25. Iti so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā 26 abhinivissa voharati – ‘idameva saccaṃ, moghamañña’’’nti.
‘‘ид̇ха банаананд̣̇а, згажжо саман̣о ваа б̣раахман̣о ваа аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и яат̇аасамаахид̇з жид̇д̇з д̣̇иб̣б̣зна жагкунаа висуд̣̇д̇хзна ад̇игганд̇амаанусагзна амум̣ буг̇г̇алам̣ бассад̇и – ид̇ха баан̣аад̇ибаад̇им̣ ад̣̇иннаад̣̇ааяим̣…бз… мижчаад̣̇идтим̣, гааяасса бхзд̣̇аа барам̣ маран̣аа бассад̇и суг̇ад̇им̣ саг̇г̇ам̣ логам̣ убабаннам̣. со звамааха – ‘над̇т̇и гира, бхо, баабагаани гаммаани, над̇т̇и д̣̇ужжарид̇асса вибааго. амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇им̣ ад̣̇иннаад̣̇ааяим̣…бз… мижчаад̣̇идтим̣, гааяасса бхзд̣̇аа барам̣ маран̣аа бассаами суг̇ад̇им̣ саг̇г̇ам̣ логам̣ убабанна’нд̇и. со звамааха – ‘яо гира, бхо, баан̣аад̇ибаад̇ий ад̣̇иннаад̣̇ааяий…бз… мижчаад̣̇идти, саб̣б̣о со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и. ид̇и со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’’’нд̇и.
‘‘Idha panānanda, ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati yathāsamāhite citte dibbena cakkhunā visuddhena atikkantamānusakena amuṃ puggalaṃ passati – idha pāṇātipātiṃ adinnādāyiṃ…pe… micchādiṭṭhiṃ, kāyassa bhedā paraṃ maraṇā passati sugatiṃ saggaṃ lokaṃ upapannaṃ. So evamāha – ‘natthi kira, bho, pāpakāni kammāni, natthi duccaritassa vipāko. Amāhaṃ puggalaṃ addasaṃ – idha pāṇātipātiṃ adinnādāyiṃ…pe… micchādiṭṭhiṃ, kāyassa bhedā paraṃ maraṇā passāmi sugatiṃ saggaṃ lokaṃ upapanna’nti. So evamāha – ‘yo kira, bho, pāṇātipātī adinnādāyī…pe… micchādiṭṭhi, sabbo so kāyassa bhedā paraṃ maraṇā sugatiṃ saggaṃ lokaṃ upapajjati. Ye evaṃ jānanti te sammā jānanti; ye aññathā jānanti, micchā tesaṃ ñāṇa’nti. Iti so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’’’nti.
‘‘ид̇хаананд̣̇а, згажжо саман̣о ваа б̣раахман̣о ваа аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и яат̇аасамаахид̇з жид̇д̇з д̣̇иб̣б̣зна жагкунаа висуд̣̇д̇хзна ад̇игганд̇амаанусагзна амум̣ буг̇г̇алам̣ бассад̇и – ид̇ха баан̣аад̇ибаад̇аа бадивирад̇ам̣ ад̣̇иннаад̣̇аанаа бадивирад̇ам̣ гаамзсумижчаажаараа бадивирад̇ам̣ мусааваад̣̇аа бадивирад̇ам̣ бисун̣ааяа ваажааяа бадивирад̇ам̣ парусааяа ваажааяа бадивирад̇ам̣ сампаббалаабаа бадивирад̇ам̣ анабхиж̇жхаалум̣ аб̣яаабаннажид̇д̇ам̣ саммаад̣̇идтим̣, гааяасса бхзд̣̇аа барам̣ маран̣аа бассад̇и суг̇ад̇им̣ саг̇г̇ам̣ логам̣ убабаннам̣. со звамааха – ‘ад̇т̇и гира, бхо, галяаан̣аани гаммаани, ад̇т̇и сужарид̇асса вибааго. амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇аа бадивирад̇ам̣ ад̣̇иннаад̣̇аанаа бадивирад̇ам̣…бз… саммаад̣̇идтим̣, гааяасса бхзд̣̇аа барам̣ маран̣аа бассаами суг̇ад̇им̣ саг̇г̇ам̣ логам̣ убабанна’нд̇и. со звамааха – ‘яо гира, бхо, баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти саб̣б̣о со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и. ид̇и со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’’’нд̇и.
‘‘Idhānanda, ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati yathāsamāhite citte dibbena cakkhunā visuddhena atikkantamānusakena amuṃ puggalaṃ passati – idha pāṇātipātā paṭivirataṃ adinnādānā paṭivirataṃ kāmesumicchācārā paṭivirataṃ musāvādā paṭivirataṃ pisuṇāya vācāya paṭivirataṃ pharusāya vācāya paṭivirataṃ samphappalāpā paṭivirataṃ anabhijjhāluṃ abyāpannacittaṃ sammādiṭṭhiṃ, kāyassa bhedā paraṃ maraṇā passati sugatiṃ saggaṃ lokaṃ upapannaṃ. So evamāha – ‘atthi kira, bho, kalyāṇāni kammāni, atthi sucaritassa vipāko. Amāhaṃ puggalaṃ addasaṃ – idha pāṇātipātā paṭivirataṃ adinnādānā paṭivirataṃ…pe… sammādiṭṭhiṃ, kāyassa bhedā paraṃ maraṇā passāmi sugatiṃ saggaṃ lokaṃ upapanna’nti. So evamāha – ‘yo kira, bho, pāṇātipātā paṭivirato adinnādānā paṭivirato…pe… sammādiṭṭhi sabbo so kāyassa bhedā paraṃ maraṇā sugatiṃ saggaṃ lokaṃ upapajjati. Ye evaṃ jānanti te sammā jānanti; ye aññathā jānanti, micchā tesaṃ ñāṇa’nti. Iti so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’’’nti.
‘‘ид̇ха банаананд̣̇а, згажжо саман̣о ваа б̣раахман̣о ваа аад̇аббаманвааяа бад̇хаанаманвааяа ануяог̇аманвааяа аббамаад̣̇аманвааяа саммааманасигаараманвааяа д̇ат̇ааруубам̣ жзд̇осамаад̇хим̣ пусад̇и яат̇аасамаахид̇з жид̇д̇з д̣̇иб̣б̣зна жагкунаа висуд̣̇д̇хзна ад̇игганд̇амаанусагзна амум̣ буг̇г̇алам̣ бассад̇и – ид̇ха баан̣аад̇ибаад̇аа бадивирад̇ам̣…бз… саммаад̣̇идтим̣, гааяасса бхзд̣̇аа барам̣ маран̣аа бассад̇и абааяам̣ д̣̇уг̇г̇ад̇им̣ винибаад̇ам̣ нираяам̣ убабаннам̣. со звамааха – ‘над̇т̇и гира, бхо галяаан̣аани гаммаани, над̇т̇и сужарид̇асса вибааго. амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇аа бадивирад̇ам̣ ад̣̇иннаад̣̇аанаа бадивирад̇ам̣…бз… саммаад̣̇идтим̣, гааяасса бхзд̣̇аа барам̣ маран̣аа бассаами абааяам̣ д̣̇уг̇г̇ад̇им̣ винибаад̇ам̣ нираяам̣ убабанна’нд̇и. со звамааха – ‘яо гира, бхо, баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти, саб̣б̣о со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и. ид̇и со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’’’нд̇и.
‘‘Idha panānanda, ekacco samaṇo vā brāhmaṇo vā ātappamanvāya padhānamanvāya anuyogamanvāya appamādamanvāya sammāmanasikāramanvāya tathārūpaṃ cetosamādhiṃ phusati yathāsamāhite citte dibbena cakkhunā visuddhena atikkantamānusakena amuṃ puggalaṃ passati – idha pāṇātipātā paṭivirataṃ…pe… sammādiṭṭhiṃ, kāyassa bhedā paraṃ maraṇā passati apāyaṃ duggatiṃ vinipātaṃ nirayaṃ upapannaṃ. So evamāha – ‘natthi kira, bho kalyāṇāni kammāni, natthi sucaritassa vipāko. Amāhaṃ puggalaṃ addasaṃ – idha pāṇātipātā paṭivirataṃ adinnādānā paṭivirataṃ…pe… sammādiṭṭhiṃ, kāyassa bhedā paraṃ maraṇā passāmi apāyaṃ duggatiṃ vinipātaṃ nirayaṃ upapanna’nti. So evamāha – ‘yo kira, bho, pāṇātipātā paṭivirato adinnādānā paṭivirato…pe… sammādiṭṭhi, sabbo so kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ye evaṃ jānanti te sammā jānanti; ye aññathā jānanti, micchā tesaṃ ñāṇa’nti. Iti so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’’’nti.
302. ‘‘д̇ад̇раананд̣̇а, явааяам̣ саман̣о ваа б̣раахман̣о ваа звамааха – ‘ад̇т̇и гира, бхо, баабагаани гаммаани, ад̇т̇и д̣̇ужжарид̇асса вибааго’д̇и ид̣̇амасса ануж̇аанаами; яамби со звамааха – ‘амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇им̣ ад̣̇иннаад̣̇ааяим̣…бз… мижчаад̣̇идтим̣, гааяасса бхзд̣̇аа барам̣ маран̣аа бассаами абааяам̣ д̣̇уг̇г̇ад̇им̣ винибаад̇ам̣ нираяам̣ убабанна’нд̇и ид̣̇амбисса ануж̇аанаами; яан̃жа ко со звамааха – ‘яо гира, бхо, баан̣аад̇ибаад̇ий ад̣̇иннаад̣̇ааяий…бз… мижчаад̣̇идти, саб̣б̣о со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’д̇и ид̣̇амасса наануж̇аанаами; яамби со звамааха – ‘яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и ид̣̇амбисса наануж̇аанаами; яамби со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’нд̇и ид̣̇амбисса наануж̇аанаами. д̇ам̣ гисса хзд̇у? ан̃н̃ат̇аа хи, аананд̣̇а, д̇ат̇ааг̇ад̇асса махаагаммавибхан̇г̇з н̃аан̣ам̣ ход̇и.
302. ‘‘Tatrānanda, yvāyaṃ samaṇo vā brāhmaṇo vā evamāha – ‘atthi kira, bho, pāpakāni kammāni, atthi duccaritassa vipāko’ti idamassa anujānāmi; yampi so evamāha – ‘amāhaṃ puggalaṃ addasaṃ – idha pāṇātipātiṃ adinnādāyiṃ…pe… micchādiṭṭhiṃ, kāyassa bhedā paraṃ maraṇā passāmi apāyaṃ duggatiṃ vinipātaṃ nirayaṃ upapanna’nti idampissa anujānāmi; yañca kho so evamāha – ‘yo kira, bho, pāṇātipātī adinnādāyī…pe… micchādiṭṭhi, sabbo so kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’ti idamassa nānujānāmi; yampi so evamāha – ‘ye evaṃ jānanti te sammā jānanti; ye aññathā jānanti, micchā tesaṃ ñāṇa’nti idampissa nānujānāmi; yampi so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’nti idampissa nānujānāmi. Taṃ kissa hetu? Aññathā hi, ānanda, tathāgatassa mahākammavibhaṅge ñāṇaṃ hoti.
‘‘д̇ад̇раананд̣̇а, явааяам̣ саман̣о ваа б̣раахман̣о ваа звамааха – ‘над̇т̇и гира, бхо, баабагаани гаммаани, над̇т̇и д̣̇ужжарид̇асса вибааго’д̇и ид̣̇амасса наануж̇аанаами; яан̃жа ко со звамааха – ‘амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇им̣ ад̣̇иннаад̣̇ааяим̣…бз… мижчаад̣̇идтим̣ гааяасса бхзд̣̇аа барам̣ маран̣аа бассаами суг̇ад̇им̣ саг̇г̇ам̣ логам̣ убабанна’нд̇и ид̣̇амасса ануж̇аанаами; яан̃жа ко со звамааха – ‘яо гира, бхо, баан̣аад̇ибаад̇ий ад̣̇иннаад̣̇ааяий…бз… мижчаад̣̇идти, саб̣б̣о со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’д̇и ид̣̇амасса наануж̇аанаами; яамби со звамааха – ‘яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и ид̣̇амбисса наануж̇аанаами; яамби со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’нд̇и ид̣̇амбисса наануж̇аанаами. д̇ам̣ гисса хзд̇у? ан̃н̃ат̇аа хи, аананд̣̇а, д̇ат̇ааг̇ад̇асса махаагаммавибхан̇г̇з н̃аан̣ам̣ ход̇и.
‘‘Tatrānanda, yvāyaṃ samaṇo vā brāhmaṇo vā evamāha – ‘natthi kira, bho, pāpakāni kammāni, natthi duccaritassa vipāko’ti idamassa nānujānāmi; yañca kho so evamāha – ‘amāhaṃ puggalaṃ addasaṃ – idha pāṇātipātiṃ adinnādāyiṃ…pe… micchādiṭṭhiṃ kāyassa bhedā paraṃ maraṇā passāmi sugatiṃ saggaṃ lokaṃ upapanna’nti idamassa anujānāmi; yañca kho so evamāha – ‘yo kira, bho, pāṇātipātī adinnādāyī…pe… micchādiṭṭhi, sabbo so kāyassa bhedā paraṃ maraṇā sugatiṃ saggaṃ lokaṃ upapajjatī’ti idamassa nānujānāmi; yampi so evamāha – ‘ye evaṃ jānanti te sammā jānanti; ye aññathā jānanti, micchā tesaṃ ñāṇa’nti idampissa nānujānāmi; yampi so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’nti idampissa nānujānāmi. Taṃ kissa hetu? Aññathā hi, ānanda, tathāgatassa mahākammavibhaṅge ñāṇaṃ hoti.
‘‘д̇ад̇раананд̣̇а, явааяам̣ саман̣о ваа б̣раахман̣о ваа звамааха – ‘ад̇т̇и гира, бхо, галяаан̣аани гаммаани, ад̇т̇и сужарид̇асса вибааго’д̇и ид̣̇амасса ануж̇аанаами; яамби со звамааха – ‘амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇аа бадивирад̇ам̣ ад̣̇иннаад̣̇аанаа бадивирад̇ам̣…бз… саммаад̣̇идтим̣, гааяасса бхзд̣̇аа барам̣ маран̣аа бассаами суг̇ад̇им̣ саг̇г̇ам̣ логам̣ убабанна’нд̇и ид̣̇амбисса ануж̇аанаами; яан̃жа ко со звамааха – ‘яо гира, бхо, баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти, саб̣б̣о со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇ий’д̇и ид̣̇амасса наануж̇аанаами; яамби со звамааха – ‘яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и ид̣̇амбисса наануж̇аанаами; яамби со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’нд̇и ид̣̇амбисса наануж̇аанаами. д̇ам̣ гисса хзд̇у? ан̃н̃ат̇аа хи, аананд̣̇а, д̇ат̇ааг̇ад̇асса махаагаммавибхан̇г̇з н̃аан̣ам̣ ход̇и.
‘‘Tatrānanda, yvāyaṃ samaṇo vā brāhmaṇo vā evamāha – ‘atthi kira, bho, kalyāṇāni kammāni, atthi sucaritassa vipāko’ti idamassa anujānāmi; yampi so evamāha – ‘amāhaṃ puggalaṃ addasaṃ – idha pāṇātipātā paṭivirataṃ adinnādānā paṭivirataṃ…pe… sammādiṭṭhiṃ, kāyassa bhedā paraṃ maraṇā passāmi sugatiṃ saggaṃ lokaṃ upapanna’nti idampissa anujānāmi; yañca kho so evamāha – ‘yo kira, bho, pāṇātipātā paṭivirato adinnādānā paṭivirato…pe… sammādiṭṭhi, sabbo so kāyassa bhedā paraṃ maraṇā sugatiṃ saggaṃ lokaṃ upapajjatī’ti idamassa nānujānāmi; yampi so evamāha – ‘ye evaṃ jānanti te sammā jānanti; ye aññathā jānanti, micchā tesaṃ ñāṇa’nti idampissa nānujānāmi; yampi so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’nti idampissa nānujānāmi. Taṃ kissa hetu? Aññathā hi, ānanda, tathāgatassa mahākammavibhaṅge ñāṇaṃ hoti.
‘‘д̇ад̇раананд̣̇а, явааяам̣ саман̣о ваа б̣раахман̣о ваа звамааха – ‘над̇т̇и гира, бхо, галяаан̣аани гаммаани, над̇т̇и сужарид̇асса вибааго’д̇и ид̣̇амасса наануж̇аанаами; яан̃жа ко со звамааха – ‘амаахам̣ буг̇г̇алам̣ ад̣̇д̣̇асам̣ – ид̇ха баан̣аад̇ибаад̇аа бадивирад̇ам̣ ад̣̇иннаад̣̇аанаа бадивирад̇ам̣…бз… саммаад̣̇идтим̣, гааяасса бхзд̣̇аа барам̣ маран̣аа бассаами абааяам̣ д̣̇уг̇г̇ад̇им̣ винибаад̇ам̣ нираяам̣ убабанна’нд̇и ид̣̇амасса ануж̇аанаами; яан̃жа ко со звамааха – ‘яо гира, бхо, баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти, саб̣б̣о со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇ий’д̇и ид̣̇амасса наануж̇аанаами; яан̃жа ко со звамааха – ‘яз звам̣ ж̇аананд̇и д̇з саммаа ж̇аананд̇и; яз ан̃н̃ат̇аа ж̇аананд̇и, мижчаа д̇зсам̣ н̃аан̣а’нд̇и ид̣̇амбисса наануж̇аанаами; яамби со яад̣̇зва д̇асса саамам̣ н̃аад̇ам̣ саамам̣ д̣̇идтам̣ саамам̣ вид̣̇ид̇ам̣ д̇ад̣̇зва д̇ад̇т̇а т̇аамасаа бараамаасаа абхинивисса вохарад̇и – ‘ид̣̇амзва сажжам̣, могхаман̃н̃а’нд̇и ид̣̇амбисса наануж̇аанаами. д̇ам̣ гисса хзд̇у? ан̃н̃ат̇аа хи, аананд̣̇а, д̇ат̇ааг̇ад̇асса махаагаммавибхан̇г̇з н̃аан̣ам̣ ход̇и.
‘‘Tatrānanda, yvāyaṃ samaṇo vā brāhmaṇo vā evamāha – ‘natthi kira, bho, kalyāṇāni kammāni, natthi sucaritassa vipāko’ti idamassa nānujānāmi; yañca kho so evamāha – ‘amāhaṃ puggalaṃ addasaṃ – idha pāṇātipātā paṭivirataṃ adinnādānā paṭivirataṃ…pe… sammādiṭṭhiṃ, kāyassa bhedā paraṃ maraṇā passāmi apāyaṃ duggatiṃ vinipātaṃ nirayaṃ upapanna’nti idamassa anujānāmi; yañca kho so evamāha – ‘yo kira, bho, pāṇātipātā paṭivirato adinnādānā paṭivirato…pe… sammādiṭṭhi, sabbo so kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī’ti idamassa nānujānāmi; yañca kho so evamāha – ‘ye evaṃ jānanti te sammā jānanti; ye aññathā jānanti, micchā tesaṃ ñāṇa’nti idampissa nānujānāmi; yampi so yadeva tassa sāmaṃ ñātaṃ sāmaṃ diṭṭhaṃ sāmaṃ viditaṃ tadeva tattha thāmasā parāmāsā abhinivissa voharati – ‘idameva saccaṃ, moghamañña’nti idampissa nānujānāmi. Taṃ kissa hetu? Aññathā hi, ānanda, tathāgatassa mahākammavibhaṅge ñāṇaṃ hoti.
303. ‘‘д̇ад̇раананд̣̇а, явааяам̣ буг̇г̇ало ид̇ха баан̣аад̇ибаад̇ий ад̣̇иннаад̣̇ааяий…бз… мижчаад̣̇идти, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, буб̣б̣з ваасса д̇ам̣ гад̇ам̣ ход̇и баабагаммам̣ д̣̇угкавзд̣̇анийяам̣, бажчаа ваасса д̇ам̣ гад̇ам̣ ход̇и баабагаммам̣ д̣̇угкавзд̣̇анийяам̣, маран̣агаалз ваасса ход̇и мижчаад̣̇идти самад̇д̇аа самаад̣̇иннаа. д̇зна со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. яан̃жа ко со ид̇ха баан̣аад̇ибаад̇ий ход̇и ад̣̇иннаад̣̇ааяий ход̇и…бз… мижчаад̣̇идти ход̇и д̇асса д̣̇идтзва д̇хаммз вибаагам̣ бадисам̣взд̣̇зд̇и убабаж̇ж̇а ваа 27 абарз ваа барияааяз.
303. ‘‘Tatrānanda, yvāyaṃ puggalo idha pāṇātipātī adinnādāyī…pe… micchādiṭṭhi, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, pubbe vāssa taṃ kataṃ hoti pāpakammaṃ dukkhavedanīyaṃ, pacchā vāssa taṃ kataṃ hoti pāpakammaṃ dukkhavedanīyaṃ, maraṇakāle vāssa hoti micchādiṭṭhi samattā samādinnā. Tena so kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yañca kho so idha pāṇātipātī hoti adinnādāyī hoti…pe… micchādiṭṭhi hoti tassa diṭṭheva dhamme vipākaṃ paṭisaṃvedeti upapajja vā 28 apare vā pariyāye.
‘‘д̇ад̇раананд̣̇а, явааяам̣ буг̇г̇ало ид̇ха баан̣аад̇ибаад̇ий ад̣̇иннаад̣̇ааяий…бз… мижчаад̣̇идти гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, буб̣б̣з ваасса д̇ам̣ гад̇ам̣ ход̇и галяаан̣агаммам̣ сукавзд̣̇анийяам̣, бажчаа ваасса д̇ам̣ гад̇ам̣ ход̇и галяаан̣агаммам̣ сукавзд̣̇анийяам̣, маран̣агаалз ваасса ход̇и саммаад̣̇идти самад̇д̇аа самаад̣̇иннаа. д̇зна со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. яан̃жа ко со ид̇ха баан̣аад̇ибаад̇ий ход̇и ад̣̇иннаад̣̇ааяий ход̇и…бз… мижчаад̣̇идти ход̇и д̇асса д̣̇идтзва д̇хаммз вибаагам̣ бадисам̣взд̣̇зд̇и убабаж̇ж̇а ваа абарз ваа барияааяз.
‘‘Tatrānanda, yvāyaṃ puggalo idha pāṇātipātī adinnādāyī…pe… micchādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjati, pubbe vāssa taṃ kataṃ hoti kalyāṇakammaṃ sukhavedanīyaṃ, pacchā vāssa taṃ kataṃ hoti kalyāṇakammaṃ sukhavedanīyaṃ, maraṇakāle vāssa hoti sammādiṭṭhi samattā samādinnā. Tena so kāyassa bhedā paraṃ maraṇā sugatiṃ saggaṃ lokaṃ upapajjati. Yañca kho so idha pāṇātipātī hoti adinnādāyī hoti…pe… micchādiṭṭhi hoti tassa diṭṭheva dhamme vipākaṃ paṭisaṃvedeti upapajja vā apare vā pariyāye.
‘‘д̇ад̇раананд̣̇а , явааяам̣ буг̇г̇ало ид̇ха баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти, гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, буб̣б̣з ваасса д̇ам̣ гад̇ам̣ ход̇и галяаан̣агаммам̣ сукавзд̣̇анийяам̣, бажчаа ваасса д̇ам̣ гад̇ам̣ ход̇и галяаан̣агаммам̣ сукавзд̣̇анийяам̣, маран̣агаалз ваасса ход̇и саммаад̣̇идти самад̇д̇аа самаад̣̇иннаа. д̇зна со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. яан̃жа ко со ид̇ха баан̣аад̇ибаад̇аа бадивирад̇о ход̇и ад̣̇иннаад̣̇аанаа бадивирад̇о ход̇и…бз… саммаад̣̇идти ход̇и, д̇асса д̣̇идтзва д̇хаммз вибаагам̣ бадисам̣взд̣̇зд̇и убабаж̇ж̇а ваа абарз ваа барияааяз.
‘‘Tatrānanda , yvāyaṃ puggalo idha pāṇātipātā paṭivirato adinnādānā paṭivirato…pe… sammādiṭṭhi, kāyassa bhedā paraṃ maraṇā sugatiṃ saggaṃ lokaṃ upapajjati, pubbe vāssa taṃ kataṃ hoti kalyāṇakammaṃ sukhavedanīyaṃ, pacchā vāssa taṃ kataṃ hoti kalyāṇakammaṃ sukhavedanīyaṃ, maraṇakāle vāssa hoti sammādiṭṭhi samattā samādinnā. Tena so kāyassa bhedā paraṃ maraṇā sugatiṃ saggaṃ lokaṃ upapajjati. Yañca kho so idha pāṇātipātā paṭivirato hoti adinnādānā paṭivirato hoti…pe… sammādiṭṭhi hoti, tassa diṭṭheva dhamme vipākaṃ paṭisaṃvedeti upapajja vā apare vā pariyāye.
‘‘д̇ад̇раананд̣̇а , явааяам̣ буг̇г̇ало ид̇ха баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти, гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, буб̣б̣з ваасса д̇ам̣ гад̇ам̣ ход̇и баабагаммам̣ д̣̇угкавзд̣̇анийяам̣, бажчаа ваасса д̇ам̣ гад̇ам̣ ход̇и баабагаммам̣ д̣̇угкавзд̣̇анийяам̣, маран̣агаалз ваасса ход̇и мижчаад̣̇идти самад̇д̇аа самаад̣̇иннаа. д̇зна со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. яан̃жа ко со ид̇ха баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и…бз… саммаад̣̇идти ход̇и, д̇асса д̣̇идтзва д̇хаммз вибаагам̣ бадисам̣взд̣̇зд̇и убабаж̇ж̇а ваа абарз ваа барияааяз.
‘‘Tatrānanda , yvāyaṃ puggalo idha pāṇātipātā paṭivirato adinnādānā paṭivirato…pe… sammādiṭṭhi, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, pubbe vāssa taṃ kataṃ hoti pāpakammaṃ dukkhavedanīyaṃ, pacchā vāssa taṃ kataṃ hoti pāpakammaṃ dukkhavedanīyaṃ, maraṇakāle vāssa hoti micchādiṭṭhi samattā samādinnā. Tena so kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Yañca kho so idha pāṇātipātā paṭivirato hoti, adinnādānā paṭivirato hoti…pe… sammādiṭṭhi hoti, tassa diṭṭheva dhamme vipākaṃ paṭisaṃvedeti upapajja vā apare vā pariyāye.
‘‘ид̇и ко, аананд̣̇а, ад̇т̇и гаммам̣ абхаб̣б̣ам̣ абхаб̣б̣аабхаасам̣, ад̇т̇и гаммам̣ абхаб̣б̣ам̣ бхаб̣б̣аабхаасам̣, ад̇т̇и гаммам̣ бхаб̣б̣ан̃жзва бхаб̣б̣аабхаасан̃жа, ад̇т̇и гаммам̣ бхаб̣б̣ам̣ абхаб̣б̣аабхааса’’нд̇и.
‘‘Iti kho, ānanda, atthi kammaṃ abhabbaṃ abhabbābhāsaṃ, atthi kammaṃ abhabbaṃ bhabbābhāsaṃ, atthi kammaṃ bhabbañceva bhabbābhāsañca, atthi kammaṃ bhabbaṃ abhabbābhāsa’’nti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
махаагаммавибхан̇г̇асуд̇д̇ам̣ нидтид̇ам̣ чадтам̣.
Mahākammavibhaṅgasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. махаагаммавибхан̇г̇асуд̇д̇аван̣н̣анаа • 6. Mahākammavibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. махаагаммавибхан̇г̇асуд̇д̇аван̣н̣анаа • 6. Mahākammavibhaṅgasuttavaṇṇanā
