| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. махаагаммавибхан̇г̇асуд̇д̇аван̣н̣анаа
6. Mahākammavibhaṅgasuttavaṇṇanā
298. звам̣ мз суд̇анд̇и махаагаммавибхан̇г̇асуд̇д̇ам̣. д̇ад̇т̇а могханд̇и д̇ужчам̣ апалам̣. сажжанд̇и д̇ат̇ам̣ бхууд̇ам̣. ид̣̇ан̃жа зд̇зна на саммукаа суд̇ам̣, убаалисуд̇д̇з (ма. ни. 2.56) бана – ‘‘маногаммам̣ махаасааваж̇ж̇ад̇арам̣ бан̃н̃абзми баабасса гаммасса гирияааяа баабасса гаммасса бавад̇д̇ияаа, но д̇ат̇аа гааяагаммам̣ но д̇ат̇аа важийгамма’’нд̇и бхаг̇авад̇аа вуд̇д̇ам̣ ад̇т̇и, саа гат̇аа д̇ид̇т̇ияаанам̣ анд̇арз баагадаа ж̇аад̇аа, д̇ам̣ г̇ахзд̇ваа зса вад̣̇ад̇и. ад̇т̇и жа саа самаабад̇д̇ийд̇и ид̣̇ам̣ – ‘‘гат̇ам̣ ну ко, бхо, абхисан̃н̃аанирод̇хо ход̇ий’’д̇и бодтабаад̣̇асуд̇д̇з (д̣̇ий. ни. 1.406 аад̣̇аяо) уббаннам̣ абхисан̃н̃аанирод̇хагат̇ам̣ санд̇хааяа вад̣̇ад̇и. на гин̃жи взд̣̇ияад̇ийд̇и згавзд̣̇анамби на взд̣̇ияад̇и. ад̇т̇и жа код̇и т̇зро нирод̇хасамаабад̇д̇им̣ санд̇хааяа ануж̇аанаад̇и. барирагкид̇аб̣б̣анд̇и г̇арахад̇о можанзна рагкид̇аб̣б̣ам̣. сан̃жзд̇анаа асса ад̇т̇ийд̇и сан̃жзд̇анигам̣, саабхисанд̇хигам̣ сан̃жзд̇анигагаммам̣ гад̇ваад̇и ад̇т̇о. д̣̇угкам̣ сод̇и т̇зро ‘‘агусаламзва санд̇хааяа бариб̣б̣ааж̇аго бужчад̇ий’’д̇и сан̃н̃ааяа звам̣ вад̣̇ад̇и.
298.Evaṃme sutanti mahākammavibhaṅgasuttaṃ. Tattha moghanti tucchaṃ aphalaṃ. Saccanti tathaṃ bhūtaṃ. Idañca etena na sammukhā sutaṃ, upālisutte (ma. ni. 2.56) pana – ‘‘manokammaṃ mahāsāvajjataraṃ paññapemi pāpassa kammassa kiriyāya pāpassa kammassa pavattiyā, no tathā kāyakammaṃ no tathā vacīkamma’’nti bhagavatā vuttaṃ atthi, sā kathā titthiyānaṃ antare pākaṭā jātā, taṃ gahetvā esa vadati. Atthi ca sā samāpattīti idaṃ – ‘‘kathaṃ nu kho, bho, abhisaññānirodho hotī’’ti poṭṭhapādasutte (dī. ni. 1.406 ādayo) uppannaṃ abhisaññānirodhakathaṃ sandhāya vadati. Na kiñci vediyatīti ekavedanampi na vediyati. Atthi ca khoti thero nirodhasamāpattiṃ sandhāya anujānāti. Parirakkhitabbanti garahato mocanena rakkhitabbaṃ. Sañcetanā assa atthīti sañcetanikaṃ, sābhisandhikaṃ sañcetanikakammaṃ katvāti attho. Dukkhaṃ soti thero ‘‘akusalameva sandhāya paribbājako pucchatī’’ti saññāya evaṃ vadati.
д̣̇ассанамби ко аханд̇и бхаг̇аваа жад̇уран̇г̇зби анд̇хагаарз саманд̇аа яож̇анадтаанз д̇иламад̇д̇амби сан̇каарам̣ мам̣сажагкунаава бассад̇и, аяан̃жа бариб̣б̣ааж̇аго на д̣̇уурз г̇аавуд̇амад̇д̇аб̣бханд̇арз васад̇и, гасмаа бхаг̇аваа звамаахаад̇и? самааг̇амад̣̇ассанам̣ санд̇хааязвамааха.
Dassanampi kho ahanti bhagavā caturaṅgepi andhakāre samantā yojanaṭṭhāne tilamattampi saṅkhāraṃ maṃsacakkhunāva passati, ayañca paribbājako na dūre gāvutamattabbhantare vasati, kasmā bhagavā evamāhāti? Samāgamadassanaṃ sandhāyevamāha.
299. уд̣̇ааяийд̇и лаалуд̣̇ааяий. д̇ам̣ д̣̇угкасминд̇и саб̣б̣ам̣ д̇ам̣ д̣̇угкамзва. ид̇и имам̣ ваддад̣̇угкам̣ гилзсад̣̇угкам̣ сан̇каарад̣̇угкам̣ санд̇хааяа ‘‘сажз бхаасид̇ам̣ бхавзяяа бхаг̇аваа’’д̇и бужчад̇и.
299.Udāyīti lāludāyī. Taṃ dukkhasminti sabbaṃ taṃ dukkhameva. Iti imaṃ vaṭṭadukkhaṃ kilesadukkhaṃ saṅkhāradukkhaṃ sandhāya ‘‘sace bhāsitaṃ bhaveyya bhagavā’’ti pucchati.
300. умман̇г̇анд̇и бан̃хааумман̇г̇ам̣. уммуж̇ж̇амаанод̇и сийсам̣ нийхарамаано. аяонисо уммуж̇ж̇иссад̇ийд̇и анубааязна сийсам̣ нийхариссад̇и. ид̣̇ан̃жа бана бхаг̇аваа ж̇аананд̇о нзва д̣̇иб̣б̣ажагкунаа на жзд̇обарияан̃аан̣зна на саб̣б̣ан̃н̃уд̇ан̃аан̣зна ж̇аани, ад̇хиббааязнзва бана ан̃н̃ааси. гат̇знд̇асса хи ад̇хиббааяо наама сувиж̇аано ход̇и, гат̇зд̇угаамо г̇ийвам̣ баг̇г̇ан̣хаад̇и, ханугам̣ жаалзд̇и, мукамасса панд̣̇ад̇и, саннисийд̣̇ид̇ум̣ на саггод̇и. бхаг̇аваа д̇асса д̇ам̣ аагаарам̣ д̣̇исваа ‘‘аяам̣ уд̣̇ааяий саннисийд̣̇ид̇ум̣ на саггод̇и, яам̣ абхууд̇ам̣, д̇ад̣̇зва гат̇зссад̇ий’’д̇и ологзд̇ваава ан̃н̃ааси. аад̣̇им̣ язваад̇иаад̣̇имхиязва. д̇иссо взд̣̇анаад̇и ‘‘гим̣ со взд̣̇ияад̇ий’’д̇и? бужчанд̇зна ‘‘д̇иссо взд̣̇анаа бужчаамий’’д̇и звам̣ вавад̇т̇абзд̇ваава д̇иссо взд̣̇анаа бужчид̇аа. сукавзд̣̇анияанд̇и сукавзд̣̇анааяа бажжаяабхууд̇ам̣. сзсзсуби зсзва наяо.
300.Ummaṅganti pañhāummaṅgaṃ. Ummujjamānoti sīsaṃ nīharamāno. Ayoniso ummujjissatīti anupāyena sīsaṃ nīharissati. Idañca pana bhagavā jānanto neva dibbacakkhunā na cetopariyañāṇena na sabbaññutañāṇena jāni, adhippāyeneva pana aññāsi. Kathentassa hi adhippāyo nāma suvijāno hoti, kathetukāmo gīvaṃ paggaṇhāti, hanukaṃ cāleti, mukhamassa phandati, sannisīdituṃ na sakkoti. Bhagavā tassa taṃ ākāraṃ disvā ‘‘ayaṃ udāyī sannisīdituṃ na sakkoti, yaṃ abhūtaṃ, tadeva kathessatī’’ti oloketvāva aññāsi. Ādiṃ yevātiādimhiyeva. Tisso vedanāti ‘‘kiṃ so vediyatī’’ti? Pucchantena ‘‘tisso vedanā pucchāmī’’ti evaṃ vavatthapetvāva tisso vedanā pucchitā. Sukhavedaniyanti sukhavedanāya paccayabhūtaṃ. Sesesupi eseva nayo.
зд̇т̇а жа гаамааважарагусалад̇о соманассасахаг̇ад̇ажид̇д̇асамбаяуд̇д̇аа жад̇ассо жзд̇анаа, хздтаа д̇игаж̇жхаанажзд̇анаад̇и звам̣ бадисанд̇хибавад̇д̇зсу сукавзд̣̇анааяа ж̇ананад̇о сукавзд̣̇анияам̣ гаммам̣ наама. гаамааважаран̃жзд̇т̇а бадисанд̇хияам̣язва зганд̇зна сукам̣ ж̇анзд̇и, бавад̇д̇з идтамаж̇жхад̇д̇аарамман̣з ад̣̇угкамасукамби.
Ettha ca kāmāvacarakusalato somanassasahagatacittasampayuttā catasso cetanā, heṭṭhā tikajjhānacetanāti evaṃ paṭisandhipavattesu sukhavedanāya jananato sukhavedaniyaṃ kammaṃ nāma. Kāmāvacarañcettha paṭisandhiyaṃyeva ekantena sukhaṃ janeti, pavatte iṭṭhamajjhattārammaṇe adukkhamasukhampi.
агусалажзд̇анаа бадисанд̇хибавад̇д̇зсу д̣̇угкассзва ж̇ананад̇о д̣̇угкавзд̣̇анияам̣ гаммам̣ наама. гааяад̣̇ваарз бавад̇д̇зязва жзд̇ам̣ зганд̇зна д̣̇угкам̣ ж̇анзд̇и, ан̃н̃ад̇т̇а ад̣̇угкамасукамби, саа бана взд̣̇анаа анидтаанидтамаж̇жхад̇д̇зсуязва аарамман̣зсу уббаж̇ж̇анад̇о д̣̇угкаад̇взва сан̇кам̣ г̇ад̇аа.
Akusalacetanā paṭisandhipavattesu dukkhasseva jananato dukkhavedaniyaṃ kammaṃ nāma. Kāyadvāre pavatteyeva cetaṃ ekantena dukkhaṃ janeti, aññattha adukkhamasukhampi, sā pana vedanā aniṭṭhāniṭṭhamajjhattesuyeva ārammaṇesu uppajjanato dukkhātveva saṅkhaṃ gatā.
гаамааважарагусалад̇о бана убзгкаасахаг̇ад̇ажид̇д̇асамбаяуд̇д̇аа жад̇ассо жзд̇анаа, руубааважарагусалад̇о жад̇уд̇т̇аж̇жхаанажзд̇анаад̇и звам̣ бадисанд̇хибавад̇д̇зсу д̇ад̇ияавзд̣̇анааяа ж̇ананад̇о ад̣̇угкамасукавзд̣̇анияам̣ гаммам̣ наама. зд̇т̇а жа гаамааважарам̣ бадисанд̇хияам̣язва зганд̇зна ад̣̇угкамасукам̣ ж̇анзд̇и, бавад̇д̇з идтаарамман̣з сукамби. абижа сукавзд̣̇анияагаммам̣ бадисанд̇хибавад̇д̇ивасзна ваддад̇и, д̇ат̇аа ад̣̇угкамасукавзд̣̇анияам̣, д̣̇угкавзд̣̇анияам̣ бавад̇д̇ивасзнзва ваддад̇и. зд̇асса бана васзна саб̣б̣ам̣ бавад̇д̇ивасзнзва ваддад̇и.
Kāmāvacarakusalato pana upekkhāsahagatacittasampayuttā catasso cetanā, rūpāvacarakusalato catutthajjhānacetanāti evaṃ paṭisandhipavattesu tatiyavedanāya jananato adukkhamasukhavedaniyaṃ kammaṃ nāma. Ettha ca kāmāvacaraṃ paṭisandhiyaṃyeva ekantena adukkhamasukhaṃ janeti, pavatte iṭṭhārammaṇe sukhampi. Apica sukhavedaniyakammaṃ paṭisandhipavattivasena vaṭṭati, tathā adukkhamasukhavedaniyaṃ, dukkhavedaniyaṃ pavattivaseneva vaṭṭati. Etassa pana vasena sabbaṃ pavattivaseneva vaṭṭati.
зд̇асса бхаг̇аваад̇и т̇зро д̇ат̇ааг̇ад̇зна махаагаммавибхан̇г̇агат̇анад̇т̇ам̣ аалаяо д̣̇ассид̇о, д̇ат̇ааг̇ад̇ам̣ яаажид̇ваа махаагаммавибхан̇г̇ан̃аан̣ам̣ бхигкусан̇гхасса баагадам̣ гариссаамийд̇и жинд̇зд̇ваа анусанд̇хигусалад̇ааяа звамааха. д̇ад̇т̇а махаагаммавибхан̇г̇анд̇и махаагаммавибхаж̇анам̣. гад̇амз жад̇д̇ааро…бз… ид̇хаананд̣̇а, згажжо буг̇г̇ало…бз… нираяам̣ убабаж̇ж̇ад̇ийд̇и ид̣̇ам̣ на махаагаммавибхан̇г̇ан̃аан̣абхааж̇анам̣, махаагаммавибхан̇г̇ан̃аан̣абхааж̇анад̇т̇ааяа бана маад̇игаадтабанам̣.
Etassa bhagavāti thero tathāgatena mahākammavibhaṅgakathanatthaṃ ālayo dassito, tathāgataṃ yācitvā mahākammavibhaṅgañāṇaṃ bhikkhusaṅghassa pākaṭaṃ karissāmīti cintetvā anusandhikusalatāya evamāha. Tattha mahākammavibhaṅganti mahākammavibhajanaṃ. Katame cattāro…pe… idhānanda, ekacco puggalo…pe… nirayaṃ upapajjatīti idaṃ na mahākammavibhaṅgañāṇabhājanaṃ, mahākammavibhaṅgañāṇabhājanatthāya pana mātikāṭṭhapanaṃ.
301. ид̇хаананд̣̇а , згажжо саман̣о ваад̇и баадиязгго анусанд̇хи. ид̣̇ан̃хи бхаг̇аваа – ‘‘д̣̇иб̣б̣ажагкугаа саман̣аб̣раахман̣аа ид̣̇ам̣ аарамман̣ам̣ гад̇ваа имам̣ бажжаяам̣ лабхид̇ваа ид̣̇ам̣ д̣̇ассанам̣ г̇ан̣ханд̇ий’’д̇и багаасанад̇т̇ам̣ аарабхи. д̇ад̇т̇а аад̇аббанд̇иаад̣̇ийни бан̃жаби вийрияассзва наамаани. жзд̇осамаад̇хинд̇и д̣̇иб̣б̣ажагкусамаад̇хим̣. бассад̇ийд̇и ‘‘со сад̇д̇о гухим̣ ниб̣б̣ад̇д̇о’’д̇и ологзнд̇о бассад̇и. яз ан̃н̃ат̇аад̇и яз ‘‘д̣̇асаннам̣ гусалаанам̣ гаммабат̇аанам̣ буурид̇ад̇д̇аа нираяам̣ убабаж̇ж̇ад̇ий’’д̇и ж̇аананд̇и, мижчаа д̇зсам̣ н̃аан̣анд̇и вад̣̇ад̇и. иминаа наязна саб̣б̣аваарзсу ад̇т̇о взд̣̇ид̇аб̣б̣о. вид̣̇ид̇анд̇и баагадам̣. т̇аамасаад̇и д̣̇идтит̇аамзна. бараамаасаад̇и д̣̇идтибараамаасзна. абхинивисса вохарад̇ийд̇и ад̇хидтахид̇ваа аад̣̇ияид̇ваа вохарад̇и.
301.Idhānanda, ekacco samaṇo vāti pāṭiyekko anusandhi. Idañhi bhagavā – ‘‘dibbacakkhukā samaṇabrāhmaṇā idaṃ ārammaṇaṃ katvā imaṃ paccayaṃ labhitvā idaṃ dassanaṃ gaṇhantī’’ti pakāsanatthaṃ ārabhi. Tattha ātappantiādīni pañcapi vīriyasseva nāmāni. Cetosamādhinti dibbacakkhusamādhiṃ. Passatīti ‘‘so satto kuhiṃ nibbatto’’ti olokento passati. Ye aññathāti ye ‘‘dasannaṃ kusalānaṃ kammapathānaṃ pūritattā nirayaṃ upapajjatī’’ti jānanti, micchā tesaṃ ñāṇanti vadati. Iminā nayena sabbavāresu attho veditabbo. Viditanti pākaṭaṃ. Thāmasāti diṭṭhithāmena. Parāmāsāti diṭṭhiparāmāsena. Abhinivissa voharatīti adhiṭṭhahitvā ādiyitvā voharati.
302. д̇ад̇раананд̣̇аад̇и ид̣̇амби на махаагаммавибхан̇г̇ан̃аан̣асса бхааж̇анам̣, ат̇а кваасса маад̇игаадтабанамзва. зд̇т̇а бана зд̇зсам̣ д̣̇иб̣б̣ажагкугаанам̣ важанз зд̇д̇агаа анун̃н̃аад̇аа, зд̇д̇агаа ананун̃н̃аад̇аад̇и ид̣̇ам̣ д̣̇ассид̇ам̣. д̇ад̇т̇а д̇ад̇раад̇и д̇зсу жад̇уусу саман̣аб̣раахман̣зсу. ид̣̇амассаад̇и ид̣̇ам̣ важанам̣ асса. ан̃н̃ат̇аад̇и ан̃н̃знаагаарзна. ид̇и имзсам̣ саман̣аб̣раахман̣аанам̣ ваад̣̇з д̣̇вийсу таанзсу анун̃н̃аад̇аа, д̇ийсу ананун̃н̃аад̇аад̇и звам̣ саб̣б̣ад̇т̇а анун̃н̃аа наанун̃н̃аа взд̣̇ид̇аб̣б̣аа.
302.Tatrānandāti idampi na mahākammavibhaṅgañāṇassa bhājanaṃ, atha khvāssa mātikāṭṭhapanameva. Ettha pana etesaṃ dibbacakkhukānaṃ vacane ettakā anuññātā, ettakā ananuññātāti idaṃ dassitaṃ. Tattha tatrāti tesu catūsu samaṇabrāhmaṇesu. Idamassāti idaṃ vacanaṃ assa. Aññathāti aññenākārena. Iti imesaṃ samaṇabrāhmaṇānaṃ vāde dvīsu ṭhānesu anuññātā, tīsu ananuññātāti evaṃ sabbattha anuññā nānuññā veditabbā.
303. звам̣ д̣̇иб̣б̣ажагкугаанам̣ важанз анун̃н̃аа жа ананун̃н̃аа жа д̣̇ассзд̇ваа ид̣̇аани махаагаммавибхан̇г̇ан̃аан̣ам̣ вибхаж̇анд̇о д̇ад̇раананд̣̇а, явааяам̣ буг̇г̇алод̇иаад̣̇имааха.
303. Evaṃ dibbacakkhukānaṃ vacane anuññā ca ananuññā ca dassetvā idāni mahākammavibhaṅgañāṇaṃ vibhajanto tatrānanda, yvāyaṃ puggalotiādimāha.
буб̣б̣з ваасса д̇ам̣ гад̇ам̣ ход̇ийд̇и яам̣ иминаа д̣̇иб̣б̣ажагкугзна гаммам̣ гаронд̇о д̣̇идто, д̇ад̇о буб̣б̣з гад̇ам̣. буб̣б̣з гад̇знаби хи нираяз ниб̣б̣ад̇д̇ад̇и, бажчаа гад̇знаби ниб̣б̣ад̇д̇ад̇и, маран̣агаалз ваа бана – ‘‘канд̣̇о сздто сиво сздто, бид̇аамахо сздто, иссараад̣̇ийхи ваа лого висадто’’д̇иаад̣̇инаа мижчаад̣̇ассанзнаби ниб̣б̣ад̇д̇ад̇зва. д̣̇идтзва д̇хаммзд̇и яам̣ д̇ад̇т̇а д̣̇идтад̇хаммавзд̣̇анийяам̣ ход̇и, д̇асса д̣̇идтзва д̇хаммз, яам̣ убабаж̇ж̇авзд̣̇анийяам̣, д̇асса убабаж̇ж̇ид̇ваа, яам̣ абараабарияавзд̣̇анийяам̣, д̇асса абарасмим̣ барияааяз вибаагам̣ бадисам̣взд̣̇зд̇и.
Pubbe vāssa taṃ kataṃ hotīti yaṃ iminā dibbacakkhukena kammaṃ karonto diṭṭho, tato pubbe kataṃ. Pubbe katenapi hi niraye nibbattati, pacchā katenapi nibbattati, maraṇakāle vā pana – ‘‘khando seṭṭho sivo seṭṭho, pitāmaho seṭṭho, issarādīhi vā loko visaṭṭho’’tiādinā micchādassanenapi nibbattateva. Diṭṭheva dhammeti yaṃ tattha diṭṭhadhammavedanīyaṃ hoti, tassa diṭṭheva dhamme, yaṃ upapajjavedanīyaṃ, tassa upapajjitvā, yaṃ aparāpariyavedanīyaṃ, tassa aparasmiṃ pariyāye vipākaṃ paṭisaṃvedeti.
ид̇и аяам̣ саман̣о ваа б̣раахман̣о ваа згам̣ гаммараасим̣ зган̃жа вибаагараасим̣ ад̣̇д̣̇аса, саммаасамб̣уд̣̇д̇хо иминаа ад̣̇идтз д̇аяо гаммараасий, д̣̇вз жа вибаагараасий ад̣̇д̣̇аса. иминаа бана д̣̇идтз ад̣̇идтз жа жад̇д̇ааро гаммараасий д̇аяо жа вибаагараасий ад̣̇д̣̇аса. имаани сад̇д̇а таанаани ж̇аананан̃аан̣ам̣ д̇ат̇ааг̇ад̇асса махаагаммавибхан̇г̇ан̃аан̣ам̣ наама. д̣̇уд̇ияаваарз д̣̇иб̣б̣ажагкугзна гин̃жи на д̣̇идтам̣ , д̇ат̇ааг̇ад̇зна бана д̇аяо гаммараасий, д̣̇вз жа вибаагараасий д̣̇идтаад̇и. имааниби бан̃жа бажжад̇д̇адтаанаани ж̇аананан̃аан̣ам̣ д̇ат̇ааг̇ад̇асса махаагаммавибхан̇г̇ан̃аан̣ам̣ наама. сзсаваарад̣̇ваязби зсзва наяо.
Iti ayaṃ samaṇo vā brāhmaṇo vā ekaṃ kammarāsiṃ ekañca vipākarāsiṃ addasa, sammāsambuddho iminā adiṭṭhe tayo kammarāsī, dve ca vipākarāsī addasa. Iminā pana diṭṭhe adiṭṭhe ca cattāro kammarāsī tayo ca vipākarāsī addasa. Imāni satta ṭhānāni jānanañāṇaṃ tathāgatassa mahākammavibhaṅgañāṇaṃ nāma. Dutiyavāre dibbacakkhukena kiñci na diṭṭhaṃ , tathāgatena pana tayo kammarāsī, dve ca vipākarāsī diṭṭhāti. Imānipi pañca paccattaṭṭhānāni jānanañāṇaṃ tathāgatassa mahākammavibhaṅgañāṇaṃ nāma. Sesavāradvayepi eseva nayo.
абхаб̣б̣анд̇и бхууд̇авирахид̇ам̣ агусалам̣. абхаб̣б̣аабхаасанд̇и абхаб̣б̣ам̣ аабхаасад̇и абхибхавад̇и бадиб̣аахад̇ийд̇и ад̇т̇о. б̣ахугасмин̃хи агусалагаммз ааяуухид̇з б̣алавагаммам̣ д̣̇уб̣б̣алагаммасса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и ид̣̇ам̣ абхаб̣б̣ан̃жзва абхаб̣б̣аабхаасан̃жа. гусалам̣ бана ааяуухид̇ваа аасаннз агусалам̣ гад̇ам̣ ход̇и, д̇ам̣ гусаласса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и, ид̣̇ам̣ абхаб̣б̣ам̣ бхаб̣б̣аабхаасам̣. б̣ахумхи гусалз ааяуухид̇зби б̣алавагаммам̣ д̣̇уб̣б̣алагаммасса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и, ид̣̇ам̣ бхаб̣б̣ан̃жзва бхаб̣б̣аабхаасан̃жа. агусалам̣ бана ааяуухид̇ваа аасаннз гусалам̣ гад̇ам̣ ход̇и, д̇ам̣ агусаласса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и, ид̣̇ам̣ бхаб̣б̣ам̣ абхаб̣б̣аабхаасам̣.
Abhabbanti bhūtavirahitaṃ akusalaṃ. Abhabbābhāsanti abhabbaṃ ābhāsati abhibhavati paṭibāhatīti attho. Bahukasmiñhi akusalakamme āyūhite balavakammaṃ dubbalakammassa vipākaṃ paṭibāhitvā attano vipākassa okāsaṃ karoti idaṃ abhabbañceva abhabbābhāsañca. Kusalaṃ pana āyūhitvā āsanne akusalaṃ kataṃ hoti, taṃ kusalassa vipākaṃ paṭibāhitvā attano vipākassa okāsaṃ karoti, idaṃ abhabbaṃ bhabbābhāsaṃ. Bahumhi kusale āyūhitepi balavakammaṃ dubbalakammassa vipākaṃ paṭibāhitvā attano vipākassa okāsaṃ karoti, idaṃ bhabbañceva bhabbābhāsañca. Akusalaṃ pana āyūhitvā āsanne kusalaṃ kataṃ hoti, taṃ akusalassa vipākaṃ paṭibāhitvā attano vipākassa okāsaṃ karoti, idaṃ bhabbaṃ abhabbābhāsaṃ.
абижа убадтаанаагаарзнабзд̇т̇а ад̇т̇о взд̣̇ид̇аб̣б̣о. ид̣̇ан̃хи вуд̇д̇ам̣ ход̇и, абхаб̣б̣ад̇о аабхаасад̇и убадтаад̇ийд̇и абхаб̣б̣аабхаасам̣. д̇ад̇т̇а ‘‘явааяам̣ буг̇г̇ало ид̇ха баан̣аад̇ибаад̇ий’’д̇иаад̣̇инаа наязна жад̇д̇ааро буг̇г̇алаа вуд̇д̇аа, д̇зсу батамасса гаммам̣ абхаб̣б̣ам̣ абхаб̣б̣аабхаасам̣, д̇ан̃хи агусалад̇д̇аа абхаб̣б̣ам̣, д̇асса жа нираяз ниб̣б̣ад̇д̇ад̇д̇аа д̇ад̇т̇а ниб̣б̣ад̇д̇игааран̣абхууд̇ам̣ агусалам̣ худ̇ваа убадтаад̇и. д̣̇уд̇ияасса гаммам̣ абхаб̣б̣ам̣ бхаб̣б̣аабхаасам̣, д̇ан̃хи агусалад̇д̇аа абхаб̣б̣ам̣. д̇асса бана саг̇г̇з ниб̣б̣ад̇д̇ад̇д̇аа ан̃н̃ад̇ид̇т̇ияаанам̣ саг̇г̇з ниб̣б̣ад̇д̇игааран̣абхууд̇ам̣ гусалам̣ худ̇ваа убадтаад̇и. ид̇арасмимби гаммад̣̇ваяз зсзва наяо. сзсам̣ саб̣б̣ад̇т̇а уд̇д̇аанамзваад̇и.
Apica upaṭṭhānākārenapettha attho veditabbo. Idañhi vuttaṃ hoti, abhabbato ābhāsati upaṭṭhātīti abhabbābhāsaṃ. Tattha ‘‘yvāyaṃ puggalo idha pāṇātipātī’’tiādinā nayena cattāro puggalā vuttā, tesu paṭhamassa kammaṃ abhabbaṃ abhabbābhāsaṃ, tañhi akusalattā abhabbaṃ, tassa ca niraye nibbattattā tattha nibbattikāraṇabhūtaṃ akusalaṃ hutvā upaṭṭhāti. Dutiyassa kammaṃ abhabbaṃ bhabbābhāsaṃ, tañhi akusalattā abhabbaṃ. Tassa pana sagge nibbattattā aññatitthiyānaṃ sagge nibbattikāraṇabhūtaṃ kusalaṃ hutvā upaṭṭhāti. Itarasmimpi kammadvaye eseva nayo. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаагаммавибхан̇г̇асуд̇д̇аван̣н̣анаа нидтид̇аа.
Mahākammavibhaṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. махаагаммавибхан̇г̇асуд̇д̇ам̣ • 6. Mahākammavibhaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. махаагаммавибхан̇г̇асуд̇д̇аван̣н̣анаа • 6. Mahākammavibhaṅgasuttavaṇṇanā
