| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. махаагаммавибхан̇г̇асуд̇д̇аван̣н̣анаа
6. Mahākammavibhaṅgasuttavaṇṇanā
298. гаммасса могхабхааво наама палзна д̇ужчад̇аа палаабхаавод̇и ааха – ‘‘могханд̇и д̇ужчам̣ апала’’нд̇и. д̇ат̇ам̣ бхууд̇анд̇и сажжасад̣̇д̣̇асса ад̇т̇амааха. бариб̣б̣ааж̇аго бана ‘‘сажжа’’нд̇и иминаа д̇амзва сапаланд̇и вад̣̇ад̇и. сапалан̃хи гаммам̣ сад̇т̇у абхимад̇аманогамманд̇и ад̇хиббааяо. ид̣̇ан̃жа ‘‘могхам̣ гааяагамма’’нд̇иаад̣̇иважанам̣. д̇ам̣ г̇ахзд̇ваад̇и барамбарааяа г̇ахзд̇ваа. зсаад̇и бод̇алибуд̇д̇о бариб̣б̣ааж̇аго. абхисан̃н̃аанирод̇хагат̇ам̣ санд̇хааяа вад̣̇ад̇и. сааби хи д̇ид̇т̇ияаанам̣ анд̇арз баагадаа ж̇аад̇аад̇и. т̇зрод̇и самид̣̇д̇хид̇т̇зро. яат̇аа бхаг̇авад̇аа вуд̇д̇ам̣, д̇ад̇о жа ан̃н̃ат̇аава д̣̇осааробанабхаязна г̇ахзд̇ваа д̇ад̇о бхаг̇аванд̇ам̣ т̇зро рагкад̇ийд̇и ад̇хиббааязна бариб̣б̣ааж̇аго, ‘‘барирагкид̇аб̣б̣ам̣ ман̃н̃иссад̇ий’’д̇и авожаад̇и ааха – ‘‘барирагкид̇аб̣б̣анд̇и г̇арахад̇о можанзна рагкид̇аб̣б̣а’’нд̇и. сан̃жзд̇анаа асса ад̇т̇ийд̇и сан̃жзд̇анигам̣. гамманд̇и сан̃жзд̇анигассаби гаммасса ад̇д̇ано самаяз ижчид̇ад̇д̇аа бариб̣б̣ааж̇агзна вуд̇д̇ам̣.
298. Kammassa moghabhāvo nāma phalena tucchatā phalābhāvoti āha – ‘‘moghanti tucchaṃ aphala’’nti. Tathaṃ bhūtanti saccasaddassa atthamāha. Paribbājako pana ‘‘sacca’’nti iminā tameva saphalanti vadati. Saphalañhi kammaṃ satthu abhimatamanokammanti adhippāyo. Idañca ‘‘moghaṃ kāyakamma’’ntiādivacanaṃ. Taṃ gahetvāti paramparāya gahetvā. Esāti potaliputto paribbājako. Abhisaññānirodhakathaṃ sandhāya vadati. Sāpi hi titthiyānaṃ antare pākaṭā jātāti. Theroti samiddhitthero. Yathā bhagavatā vuttaṃ, tato ca aññathāva dosāropanabhayena gahetvā tato bhagavantaṃ thero rakkhatīti adhippāyena paribbājako, ‘‘parirakkhitabbaṃ maññissatī’’ti avocāti āha – ‘‘parirakkhitabbanti garahato mocanena rakkhitabba’’nti. Sañcetanā assa atthīti sañcetanikaṃ. Kammanti sañcetanikassapi kammassa attano samaye icchitattā paribbājakena vuttaṃ.
сан̇кад̇асан̇каарад̇ааяа руубамзва ‘‘д̇иламад̇д̇амби сан̇каара’’нд̇и вуд̇д̇ам̣. д̇знааха – ‘‘мам̣сажагкунаава бассад̇ий’’д̇и. самааг̇амад̣̇ассанам̣ санд̇хааяаад̇и гад̇т̇ажиби д̇асса д̣̇ассанам̣ санд̇хааяа, на барин̃н̃аад̣̇ассанам̣. д̇знааха бхаг̇аваа – ‘‘гуд̇о банзваруубам̣ гат̇аасаллааба’’нд̇и.
Saṅkhatasaṅkhāratāya rūpameva ‘‘tilamattampi saṅkhāra’’nti vuttaṃ. Tenāha – ‘‘maṃsacakkhunāva passatī’’ti. Samāgamadassanaṃ sandhāyāti katthacipi tassa dassanaṃ sandhāya, na pariññādassanaṃ. Tenāha bhagavā – ‘‘kuto panevarūpaṃ kathāsallāpa’’nti.
299. ваддад̣̇угканд̇и сам̣саарад̣̇угкам̣. гилзсад̣̇угканд̇и гилзсасамбхаварааг̇абарил̣аахад̣̇угкам̣. сан̇каарад̣̇угканд̇и яад̣̇анижжам̣, д̇ам̣ д̣̇угканд̇и звам̣ вуд̇д̇ад̣̇угкам̣. сажз бхаасид̇ам̣ бхавзяяаад̇и имам̣ ийд̣̇исам̣ д̣̇угкам̣ санд̇хааяа ааяасмад̇аа самид̣̇д̇хинаа бхаасид̇ам̣ сияаа ну бхаг̇аваа, авибхаж̇ид̇ваа б̣яаагаран̣ам̣ яуд̇д̇амзваад̇и ад̇хиббааяо.
299.Vaṭṭadukkhanti saṃsāradukkhaṃ. Kilesadukkhanti kilesasambhavarāgapariḷāhadukkhaṃ. Saṅkhāradukkhanti yadaniccaṃ, taṃ dukkhanti evaṃ vuttadukkhaṃ. Sace bhāsitaṃ bhaveyyāti imaṃ īdisaṃ dukkhaṃ sandhāya āyasmatā samiddhinā bhāsitaṃ siyā nu bhagavā, avibhajitvā byākaraṇaṃ yuttamevāti adhippāyo.
300. умман̇г̇анд̇и уммуж̇ж̇анам̣, гат̇аамул̣хзна анд̇араа ан̃н̃аан̣ависаяабан̃хаа умман̇г̇ам̣. д̇знааха – ‘‘бан̃хааумман̇г̇а’’нд̇и нзва д̣̇иб̣б̣ажагкунаад̇и гасмаа вуд̇д̇ам̣. на хи д̇ам̣ аяонисо уммуж̇ж̇анам̣ д̣̇иб̣б̣ажагкувисаяанд̇и? гааман̃жзд̇ам̣ на д̣̇иб̣б̣ажагкувисаяам̣, д̣̇иб̣б̣ажагкубарибхан̣д̣ан̃аависаяам̣ бана сияаад̇и д̇ат̇аа вуд̇д̇ам̣. ад̇хиббааязнзваад̇и уд̣̇ааяид̇т̇зрасса ад̇хиббааязнзва г̇аяхамаанзна д̇ам̣ аяонияо уммуж̇ж̇анам̣ ан̃н̃ааси. саннисийд̣̇ид̇ум̣ буб̣б̣з нисиннаагаарзна саннисийд̣̇ид̇ум̣ на саггод̇и. самид̣̇д̇хид̇т̇зрзна анабхисан̇кад̇ассзва ад̇т̇асса гат̇ид̇ад̇д̇аа, ‘‘яам̣ абхууд̇ам̣, д̇ад̣̇зва гат̇зссад̇ий’’д̇и вуд̇д̇ам̣. д̇знааха ‘‘аяонисо уммуж̇ж̇иссад̇ий’’д̇и. д̇иссо взд̣̇анаа бужчид̇аа, ‘‘гим̣ со взд̣̇ияад̇ий’’д̇и авибхааг̇зна взд̣̇ияамаанасса ж̇аад̇ид̇ад̇д̇аа. сукааяа взд̣̇анааяа хид̇анд̇и сукавзд̣̇анияам̣. д̇знааха – ‘‘сукавзд̣̇анааяа бажжаяабхууд̇а’’нд̇и. сзсзсууд̇и, ‘‘д̣̇угкавзд̣̇анияа’’нд̇иаад̣̇ийсу.
300.Ummaṅganti ummujjanaṃ, kathāmuḷhena antarā aññāṇavisayapañhā ummaṅgaṃ. Tenāha – ‘‘pañhāummaṅga’’nti neva dibbacakkhunāti kasmā vuttaṃ. Na hi taṃ ayoniso ummujjanaṃ dibbacakkhuvisayanti? Kāmañcetaṃ na dibbacakkhuvisayaṃ, dibbacakkhuparibhaṇḍañāvisayaṃ pana siyāti tathā vuttaṃ. Adhippāyenevāti udāyittherassa adhippāyeneva gayhamānena taṃ ayoniyo ummujjanaṃ aññāsi. Sannisīdituṃ pubbe nisinnākārena sannisīdituṃ na sakkoti. Samiddhittherena anabhisaṅkhatasseva atthassa kathitattā, ‘‘yaṃ abhūtaṃ, tadeva kathessatī’’ti vuttaṃ. Tenāha ‘‘ayoniso ummujjissatī’’ti. Tisso vedanā pucchitā, ‘‘kiṃ so vediyatī’’ti avibhāgena vediyamānassa jātitattā. Sukhāya vedanāya hitanti sukhavedaniyaṃ. Tenāha – ‘‘sukhavedanāya paccayabhūta’’nti. Sesesūti, ‘‘dukkhavedaniya’’ntiādīsu.
хздтаа д̇игаж̇жхаанажзд̇анаад̇и зд̇т̇а, ‘‘гусалад̇о’’д̇и ад̇хигаарад̇о руубааважарагусалад̇о хздтаа д̇игаж̇жхаанажзд̇анаад̇и ад̇т̇о. зд̇т̇аад̇и зд̇зсу гаамааважараруубааважарасукавзд̣̇анияагаммзсу. ад̣̇угкамасукамбийд̇и би-сад̣̇д̣̇зна идтаарамман̣з сукамбийд̇и имамад̇т̇ам̣ самбин̣д̣зд̇и.
Heṭṭhā tikajjhānacetanāti ettha, ‘‘kusalato’’ti adhikārato rūpāvacarakusalato heṭṭhā tikajjhānacetanāti attho. Etthāti etesu kāmāvacararūpāvacarasukhavedaniyakammesu. Adukkhamasukhampīti pi-saddena iṭṭhārammaṇe sukhampīti imamatthaṃ sampiṇḍeti.
яад̣̇и гааяад̣̇ваарз бавад̇д̇ад̇о ан̃н̃ад̇т̇а ад̣̇угкамасукам̣ ж̇анзд̇и, ат̇а гасмаа, ‘‘д̣̇угкассзва ж̇ананад̇о’’д̇и вуд̇д̇анд̇и ааха – ‘‘саа бана взд̣̇анаа’’д̇иаад̣̇и.
Yadi kāyadvāre pavattato aññattha adukkhamasukhaṃ janeti, atha kasmā, ‘‘dukkhasseva jananato’’ti vuttanti āha – ‘‘sā pana vedanā’’tiādi.
жад̇уд̇т̇аж̇жхаанажзд̇анаад̇и зд̇т̇а аруубааважарагусалажзд̇анаад̇иби вад̇д̇аб̣б̣ам̣. яат̇аа хи ‘‘гааязна ваажааяа манасаа’’д̇и зд̇т̇а яат̇аалаабхаг̇г̇ахан̣авасзна манасаа сукавзд̣̇анияам̣ ад̣̇угкамасукавзд̣̇анияанд̇и аяамад̇т̇о аруубааважарагусалзби лаб̣бхад̇ийд̇и сукамби ж̇анзд̇и уггадтасса н̃аан̣асамбаяуд̇д̇агусаласса сол̣асавибаагажид̇д̇аниб̣б̣ад̇д̇анад̇о, аяан̃жа наяо хздтаа, ‘‘ад̣̇угкамасукамбий’’д̇и зд̇т̇ааби вад̇д̇аб̣б̣о. буб̣б̣з барияааяад̇о д̣̇угкавзд̣̇анаа вуд̇д̇аа, суд̇д̇анд̇асам̣ван̣н̣анаа хзсаад̇и ид̣̇аани ниббарияааяад̇о буна д̣̇ассзд̇ум̣, ‘‘абижаа’’д̇иаад̣̇и вуд̇д̇ам̣. д̇зна зд̇т̇а д̣̇угкавзд̣̇анияам̣ бавад̇д̇ивасзнзва ваддад̇ийд̇и. зд̇ассаад̇и д̣̇угкавзд̣̇анияасса бавад̇д̇ивасзнзва яуж̇ж̇амаанад̇д̇аа зд̇асса васзна саб̣б̣ам̣ сукавзд̣̇анияам̣ ад̣̇угкамасукавзд̣̇анияан̃жа бавад̇д̇ивасзнзва вад̇д̇ум̣ ваддад̇и.
Catutthajjhānacetanāti ettha arūpāvacarakusalacetanātipi vattabbaṃ. Yathā hi ‘‘kāyena vācāya manasā’’ti ettha yathālābhaggahaṇavasena manasā sukhavedaniyaṃ adukkhamasukhavedaniyanti ayamattho arūpāvacarakusalepi labbhatīti sukhampi janeti ukkaṭṭhassa ñāṇasampayuttakusalassa soḷasavipākacittanibbattanato, ayañca nayo heṭṭhā, ‘‘adukkhamasukhampī’’ti etthāpi vattabbo. Pubbe pariyāyato dukkhavedanā vuttā, suttantasaṃvaṇṇanā hesāti idāni nippariyāyato puna dassetuṃ, ‘‘apicā’’tiādi vuttaṃ. Tena ettha dukkhavedaniyaṃ pavattivaseneva vaṭṭatīti. Etassāti dukkhavedaniyassa pavattivaseneva yujjamānattā etassa vasena sabbaṃ sukhavedaniyaṃ adukkhamasukhavedaniyañca pavattivaseneva vattuṃ vaṭṭati.
аалаяод̇и абхиружи. махаагаммавибхан̇г̇ан̃аан̣анд̇и махад̇и гаммавибхаж̇анз н̃аан̣ам̣, маханд̇ам̣ ваа гаммавибхаж̇анан̃аан̣ам̣. бхааж̇анам̣ наама нид̣̇д̣̇зсо, аяам̣ бана уд̣̇д̣̇зсод̇и гад̇ваа ааха – ‘‘гад̇амз жад̇д̇ааро…бз… маад̇игаадтабана’’нд̇и.
Ālayoti abhiruci. Mahākammavibhaṅgañāṇanti mahati kammavibhajane ñāṇaṃ, mahantaṃ vā kammavibhajanañāṇaṃ. Bhājanaṃ nāma niddeso, ayaṃ pana uddesoti katvā āha – ‘‘katame cattāro…pe… mātikāṭṭhapana’’nti.
301. баадиязгго анусанд̇хи яат̇аауд̣̇д̣̇идтасса махаагаммавибхан̇г̇ан̃аан̣асса абхааж̇анабхаавад̇о, бужчаанусанд̇хиаж̇жхаасаяаанусанд̇хийсу жа ананд̇ог̇ад̇хад̇д̇аа. д̇знааха ‘‘ид̣̇ам̣ хий’’д̇иаад̣̇и. ид̣̇ам̣ аарамман̣ам̣ гад̇ваад̇и ид̇ха, ‘‘баан̣аад̇ибаад̇им̣ ад̣̇иннаад̣̇ааяи’’нд̇иаад̣̇инаа буг̇г̇алаад̇хидтаанзна вуд̇д̇ам̣ гаммавибхан̇г̇ам̣ аараб̣бха. имам̣ бажжаяам̣ лабхид̇ваад̇и д̇ассзва взважанам̣. ид̣̇ам̣ д̣̇ассанам̣ г̇ан̣ханд̇ийд̇и ид̣̇ам̣, ‘‘ад̇т̇и гира, бхо, баабагаани гаммаани, над̇т̇и гира, бхо, баабагаани гаммааний’’д̇и жа аад̣̇ийни хад̇т̇ид̣̇ассагаанд̇хаавияа д̣̇идтамад̇д̇з зва тад̇ваа ажид̇д̇агад̣̇ассанан̃жа г̇ан̣ханд̇и. вийрияам̣ гилзсаанам̣ аад̇аабанавасзна аад̇аббам̣, д̇ад̣̇зва бад̣̇ахавасзна бад̇хаанам̣, бунаббунам̣ яун̃ж̇анавасзна ануяог̇о, д̇ат̇аа бхааванааяа наббамаж̇ж̇ад̇и зд̇знаад̇и аббамаад̣̇о, саммаа яонисо манаси гарод̇и зд̇знаад̇и саммааманасигаарод̇и вужжад̇ийд̇и ад̇хиббааязна, ‘‘бан̃жаби вийрияассзва наамааний’’д̇и ааха. аббамаад̣̇о ваа сад̇ияаа авиббаваасо. яасмим̣ манасигаарз сад̇и д̇асса д̣̇иб̣б̣ажагкун̃аан̣ам̣ иж̇жхад̇и, аяамзд̇т̇а саммааманасигаарод̇и зд̇т̇а ад̇т̇о д̣̇адтаб̣б̣о. жзд̇осамаад̇хинд̇и д̣̇иб̣б̣ажагкун̃аан̣асахаг̇ад̇ам̣ жид̇д̇асамаад̇хим̣. д̇знааха ‘‘д̣̇иб̣б̣ажагкусамаад̇хи’’нд̇и. ан̃н̃ат̇аад̇и агусалагаммагаран̣ад̇о ан̃н̃ат̇аа, д̇ам̣ бана гусалагаммагаран̣ам̣ ход̇ийд̇и ааха – ‘‘яз д̣̇ассаннам̣ гусалаанам̣ гаммабат̇аанам̣ буурид̇ад̇д̇аа’’д̇и д̣̇идтит̇аамзнаад̇и д̣̇идтивасзна д̣̇идтиб̣алзна. д̣̇идтибараамаасзнаад̇и д̣̇идтивасзна д̇хаммасабхаавам̣ ад̇иггамид̇ваа бараамаасзна. ад̇хидтахид̇ваад̇и, ‘‘ид̣̇амзва сажжам̣, могхаман̃н̃а’’нд̇и ад̇хидтааяа абхинивисид̇ваа. аад̣̇ияид̇ваад̇и д̣̇ал̣хаг̇г̇аахам̣ г̇ахзд̇ваа. вохарад̇ийд̇и ад̇д̇ано г̇ахид̇аг̇г̇ахан̣ам̣ барзсам̣ д̣̇ийбзнд̇о вохарад̇и.
301.Pāṭiyekko anusandhi yathāuddiṭṭhassa mahākammavibhaṅgañāṇassa abhājanabhāvato, pucchānusandhiajjhāsayānusandhīsu ca anantogadhattā. Tenāha ‘‘idaṃ hī’’tiādi. Idaṃ ārammaṇaṃ katvāti idha, ‘‘pāṇātipātiṃ adinnādāyi’’ntiādinā puggalādhiṭṭhānena vuttaṃ kammavibhaṅgaṃ ārabbha. Imaṃ paccayaṃ labhitvāti tasseva vevacanaṃ. Idaṃ dassanaṃ gaṇhantīti idaṃ, ‘‘atthi kira, bho, pāpakāni kammāni, natthi kira, bho, pāpakāni kammānī’’ti ca ādīni hatthidassakaandhāviya diṭṭhamatte eva ṭhatvā acittakadassanañca gaṇhanti. Vīriyaṃ kilesānaṃ ātāpanavasena ātappaṃ, tadeva padahavasena padhānaṃ, punappunaṃ yuñjanavasena anuyogo, tathā bhāvanāya nappamajjati etenāti appamādo, sammā yoniso manasi karoti etenāti sammāmanasikāroti vuccatīti adhippāyena, ‘‘pañcapi vīriyasseva nāmānī’’ti āha. Appamādo vā satiyā avippavāso. Yasmiṃ manasikāre sati tassa dibbacakkhuñāṇaṃ ijjhati, ayamettha sammāmanasikāroti ettha attho daṭṭhabbo. Cetosamādhinti dibbacakkhuñāṇasahagataṃ cittasamādhiṃ. Tenāha ‘‘dibbacakkhusamādhi’’nti. Aññathāti akusalakammakaraṇato aññathā, taṃ pana kusalakammakaraṇaṃ hotīti āha – ‘‘ye dassannaṃ kusalānaṃ kammapathānaṃ pūritattā’’ti diṭṭhithāmenāti diṭṭhivasena diṭṭhibalena. Diṭṭhiparāmāsenāti diṭṭhivasena dhammasabhāvaṃ atikkamitvā parāmāsena. Adhiṭṭhahitvāti, ‘‘idameva saccaṃ, moghamañña’’nti adhiṭṭhāya abhinivisitvā. Ādiyitvāti daḷhaggāhaṃ gahetvā. Voharatīti attano gahitaggahaṇaṃ paresaṃ dīpento voharati.
302. д̇ад̇раананд̣̇аад̇и зд̇т̇а ид̇и-сад̣̇д̣̇о аад̣̇иад̇т̇о. ид̣̇амбийд̇и ид̣̇ам̣ важанам̣. ‘‘д̇ад̇раананд̣̇аа’’д̇и звамаад̣̇иважанамбийд̇и ад̇т̇о. на махаагаммавибхан̇г̇ан̃аан̣асса бхааж̇анам̣ д̇асса анид̣̇д̣̇зсабхаавад̇о. ассаад̇и махаагаммавибхан̇г̇ан̃аан̣асса маад̇игаадтабанамзва д̣̇иб̣б̣ажагкугаанам̣ саман̣аб̣раахман̣аанам̣ васзна анун̃н̃аад̇аб̣б̣асса жа д̣̇ассанавасзна уд̣̇д̣̇зсабхаавад̇о. д̇знааха ‘‘зд̇т̇а банаа’’д̇иаад̣̇и. д̇ад̇т̇а зд̇т̇а банаад̇и ‘‘д̇ад̇раананд̣̇аа’’д̇иаад̣̇ибаатз. зд̇зсам̣ д̣̇иб̣б̣ажагкугаананд̇и зд̇зсам̣ хздтаа жад̇уусуби ваарзсу ааг̇ад̇аанам̣ д̣̇иб̣б̣ажагкугаанам̣. зд̇д̇агаад̇и згажжияаа сажжаг̇ираа. анун̃н̃аад̇аад̇и ануж̇аанид̇аа. ананун̃н̃аад̇аад̇и бадигкзбид̇аа. ид̇ха ананун̃н̃аад̇амукзна д̣̇ийбид̇ам̣ ананун̃н̃аад̇абхаавамад̇д̇ам̣. д̇ад̇раананд̣̇аад̇иаад̣̇игз д̇ад̇раад̇и нид̣̇д̇хааран̣з бхумманд̇и д̣̇ассзнд̇о, ‘‘д̇зсу жад̇уусу саман̣аб̣раахман̣зсуу’’д̇и ааха. ид̣̇ам̣ важанам̣ ‘‘ад̇т̇и гира, бхо…бз… вибааго’’д̇и ид̣̇ам̣ звам̣ вуд̇д̇ам̣. ассаад̇и д̇ат̇ааваад̣̇ино саман̣аб̣раахман̣асса. ан̃н̃знаагаарзнаад̇и ‘‘яо гира, бхо’’д̇иаад̣̇инаа вуд̇д̇агааран̣ад̇о ан̃н̃зна гааран̣зна. д̣̇вийсу таанзсууд̇и ‘‘ад̇т̇и гира, бхо…бз… вибааго’’д̇и жа, ‘‘абааяам̣…бз… нираяам̣ убабанна’’нд̇и жа имзсу д̣̇вийсу баатабад̣̇зсзсу. анун̃н̃аад̇аа д̇ад̣̇ад̇т̇асса ад̇т̇ибхаавад̇о. д̇ийсу таанзсууд̇и ‘‘яо гира, бхо…бз… нираяам̣ убабаж̇ж̇ад̇и’’, ‘‘яамби со…бз… д̇з сан̃ж̇аананд̇и’’, ‘‘яамби со яад̣̇зва…бз… могхаман̃н̃а’’нд̇и имзсу д̇ийсу баатабад̣̇зсзсу. ананун̃н̃аад̇аа д̇ад̣̇ад̇т̇ассаанзганд̇игад̇д̇аа мижчаабхинивзсад̇о жа. д̇знааха бхаг̇аваа – ‘‘ан̃н̃ат̇аа хи, аананд̣̇а, д̇ат̇ааг̇ад̇асса махаагаммавибхан̇г̇ан̃аан̣а’’нд̇и. яат̇аа д̇з аббахийнавибаллаасаа бад̣̇зсан̃аан̣асаман̣аб̣раахман̣аа гаммавибхан̇г̇ам̣ сан̃ж̇аананд̇и, д̇ад̇о ан̃н̃ат̇аава саб̣б̣асо бахийнавибаллаасасса д̇ат̇аа ааг̇аманаад̣̇иад̇т̇зна д̇ат̇ааг̇ад̇асса саммаасамб̣уд̣̇д̇хасса махаагаммавибхан̇г̇ан̃аан̣ам̣ ход̇ийд̇и ад̇т̇о.
302.Tatrānandāti ettha iti-saddo ādiattho. Idampīti idaṃ vacanaṃ. ‘‘Tatrānandā’’ti evamādivacanampīti attho. Na mahākammavibhaṅgañāṇassa bhājanaṃ tassa aniddesabhāvato. Assāti mahākammavibhaṅgañāṇassa mātikāṭṭhapanameva dibbacakkhukānaṃ samaṇabrāhmaṇānaṃ vasena anuññātabbassa ca dassanavasena uddesabhāvato. Tenāha ‘‘ettha panā’’tiādi. Tattha ettha panāti ‘‘tatrānandā’’tiādipāṭhe. Etesaṃ dibbacakkhukānanti etesaṃ heṭṭhā catūsupi vāresu āgatānaṃ dibbacakkhukānaṃ. Ettakāti ekacciyā saccagirā. Anuññātāti anujānitā. Ananuññātāti paṭikkhepitā. Idha ananuññātamukhena dīpitaṃ ananuññātabhāvamattaṃ. Tatrānandātiādike tatrāti niddhāraṇe bhummanti dassento, ‘‘tesu catūsu samaṇabrāhmaṇesū’’ti āha. Idaṃ vacanaṃ ‘‘atthi kira, bho…pe… vipāko’’ti idaṃ evaṃ vuttaṃ. Assāti tathāvādino samaṇabrāhmaṇassa. Aññenākārenāti ‘‘yo kira, bho’’tiādinā vuttakāraṇato aññena kāraṇena. Dvīsu ṭhānesūti ‘‘atthi kira, bho…pe… vipāko’’ti ca, ‘‘apāyaṃ…pe… nirayaṃ upapanna’’nti ca imesu dvīsu pāṭhapadesesu. Anuññātā tadatthassa atthibhāvato. Tīsu ṭhānesūti ‘‘yo kira, bho…pe… nirayaṃ upapajjati’’, ‘‘yampi so…pe… te sañjānanti’’, ‘‘yampi so yadeva…pe… moghamañña’’nti imesu tīsu pāṭhapadesesu. Ananuññātā tadatthassānekantikattā micchābhinivesato ca. Tenāha bhagavā – ‘‘aññathā hi, ānanda, tathāgatassa mahākammavibhaṅgañāṇa’’nti. Yathā te appahīnavipallāsā padesañāṇasamaṇabrāhmaṇā kammavibhaṅgaṃ sañjānanti, tato aññathāva sabbaso pahīnavipallāsassa tathā āgamanādiatthena tathāgatassa sammāsambuddhassa mahākammavibhaṅgañāṇaṃ hotīti attho.
303. иминаа д̣̇иб̣б̣ажагкугзна яам̣ гаммам̣ гаронд̇о д̣̇идто, д̇ад̇о буб̣б̣зд̇и яож̇анаа. д̇ад̇од̇и д̇ад̇о гарияамаанагаммад̇о буб̣б̣з. канд̣̇од̇и гумааро. сивод̇и иссаро. бид̇аамаход̇и б̣рахмаа. иссараад̣̇ийхийд̇и иссараб̣рахмабаж̇аабад̇иаад̣̇ийхи. висадтод̇и ниммид̇о. мижчаад̣̇ассанзнаад̇и мижчаад̣̇ассанавасзна. яанд̇и яам̣ гаммам̣. д̇ад̇т̇аад̇и д̇зсу баан̣аад̇ибаад̇аад̣̇ивасзна бавад̇д̇агаммзсу. д̣̇идтзва д̇хаммзд̇и д̇асмим̣язва ад̇д̇абхаавз вибаагам̣ бадисам̣взд̣̇зд̇ийд̇и яож̇анаа. убабаж̇ж̇ид̇ваад̇и д̣̇уд̇ияабхавз ниб̣б̣ад̇д̇ид̇ваа. абарасмим̣ барияааязд̇и ан̃н̃асмим̣ яад̇т̇а гад̇т̇ажи бхавз.
303. Iminā dibbacakkhukena yaṃ kammaṃ karonto diṭṭho, tato pubbeti yojanā. Tatoti tato kariyamānakammato pubbe. Khandoti kumāro. Sivoti issaro. Pitāmahoti brahmā. Issarādīhīti issarabrahmapajāpatiādīhi. Visaṭṭhoti nimmito. Micchādassanenāti micchādassanavasena. Yanti yaṃ kammaṃ. Tatthāti tesu pāṇātipātādivasena pavattakammesu. Diṭṭheva dhammeti tasmiṃyeva attabhāve vipākaṃ paṭisaṃvedetīti yojanā. Upapajjitvāti dutiyabhave nibbattitvā. Aparasmiṃ pariyāyeti aññasmiṃ yattha katthaci bhave.
згам̣ гаммараасинд̇и баан̣аад̇ибаад̇аад̣̇ибхзд̣̇зна згам̣ гаммасамуд̣̇ааяам̣. згам̣ вибаагараасинд̇и д̇ассзва ан̇г̇зна згам̣ вибаагасамуд̣̇ааяам̣. иминаад̇и яат̇аавуд̇д̇зна д̣̇иб̣б̣ажагкугзна саман̣зна б̣раахман̣зна ваа ад̣̇идтаа. д̇аяод̇и ‘‘буб̣б̣з ваасса д̇ам̣ гад̇ам̣ ход̇ий’’д̇иаад̣̇инаа вуд̇д̇аа д̇аяо. д̣̇вз вибаагараасийд̇и д̣̇идтад̇хаммавзд̣̇анияо абараабарияааяавзд̣̇анияод̇и д̣̇вз вибаагараасий. убабаж̇ж̇авзд̣̇анияам̣ бана д̇зна д̣̇идтам̣, д̇асмаа ‘‘д̣̇вз’’д̇и вуд̇д̇ам̣. д̣̇идто зго, ад̣̇идтаа д̇аяод̇и д̣̇идтз жа ад̣̇идтз жа жад̇д̇ааро гаммараасий, д̇ат̇аа д̣̇идто зго, ад̣̇идтаа д̣̇взд̇и д̇аяо вибаагараасий. имаани сад̇д̇а таанаанийд̇и яат̇аавуд̇д̇аани сад̇д̇а н̃аан̣асса бавад̇д̇анадтаанаани. ‘‘имасса наама гаммасса ид̣̇ам̣ палам̣ ниб̣б̣ад̇д̇а’’нд̇и гаммасса, паласса ваа ад̣̇идтад̇д̇аа, ‘‘д̣̇уд̇ияаваарз д̣̇иб̣б̣ажагкугзна гин̃жи на д̣̇идта’’нд̇и вуд̇д̇ам̣. батамам̣ вуд̇д̇анаязна д̇аяо гаммараасий взд̣̇ид̇аб̣б̣аа, ид̇ха д̣̇иб̣б̣ажагкугзна д̣̇идтасса абхаавад̇о, ‘‘бажжад̇д̇адтаанааний’’д̇и вуд̇д̇ам̣.
Ekaṃ kammarāsinti pāṇātipātādibhedena ekaṃ kammasamudāyaṃ. Ekaṃ vipākarāsinti tasseva aṅgena ekaṃ vipākasamudāyaṃ. Imināti yathāvuttena dibbacakkhukena samaṇena brāhmaṇena vā adiṭṭhā. Tayoti ‘‘pubbe vāssa taṃ kataṃ hotī’’tiādinā vuttā tayo. Dve vipākarāsīti diṭṭhadhammavedaniyo aparāpariyāyavedaniyoti dve vipākarāsī. Upapajjavedaniyaṃ pana tena diṭṭhaṃ, tasmā ‘‘dve’’ti vuttaṃ. Diṭṭho eko, adiṭṭhā tayoti diṭṭhe ca adiṭṭhe ca cattāro kammarāsī, tathā diṭṭho eko, adiṭṭhā dveti tayo vipākarāsī. Imāni satta ṭhānānīti yathāvuttāni satta ñāṇassa pavattanaṭṭhānāni. ‘‘Imassa nāma kammassa idaṃ phalaṃ nibbatta’’nti kammassa, phalassa vā adiṭṭhattā, ‘‘dutiyavāre dibbacakkhukena kiñci na diṭṭha’’nti vuttaṃ. Paṭhamaṃ vuttanayena tayo kammarāsī veditabbā, idha dibbacakkhukena diṭṭhassa abhāvato, ‘‘paccattaṭṭhānānī’’ti vuttaṃ.
бхавад̇и вад̣дхад̇и зд̇знаад̇и бхаб̣б̣ам̣, вад̣дхинимид̇д̇ам̣. на бхаб̣б̣ам̣ абхаб̣б̣анд̇и ааха ‘‘бхууд̇авирахид̇а’’нд̇и. ад̇д̇ано палз бхаасанам̣ д̣̇иб̣б̣анам̣ аабхаасананд̇и ааха – ‘‘аабхаасад̇и абхибхавад̇и бадиб̣аахад̇ий’’д̇и. б̣алавагамманд̇и махаасааваж̇ж̇ам̣ гаммам̣ г̇арусамаасзвид̇аад̣̇ибхзд̣̇ам̣. аасаннзд̇и маран̣з, абхин̣хам̣ убадтаанзна ваа д̇асса маран̣ажид̇д̇асса аасаннз. б̣алавагамманд̇и г̇арусамаасзвид̇ад̇аад̣̇ивасзна б̣алавам̣ гусалагаммам̣. д̣̇уб̣б̣алагаммассаад̇и ад̇д̇ано д̣̇уб̣б̣аласса. аасаннз гусалам̣ гад̇анд̇и ид̇хааби аасаннад̇аа буб̣б̣з вуд̇д̇анаязнзва взд̣̇ид̇аб̣б̣аа.
Bhavati vaḍḍhati etenāti bhabbaṃ, vaḍḍhinimittaṃ. Na bhabbaṃ abhabbanti āha ‘‘bhūtavirahita’’nti. Attano phale bhāsanaṃ dibbanaṃ ābhāsananti āha – ‘‘ābhāsati abhibhavati paṭibāhatī’’ti. Balavakammanti mahāsāvajjaṃ kammaṃ garusamāsevitādibhedaṃ. Āsanneti maraṇe, abhiṇhaṃ upaṭṭhānena vā tassa maraṇacittassa āsanne. Balavakammanti garusamāsevitatādivasena balavaṃ kusalakammaṃ. Dubbalakammassāti attano dubbalassa. Āsanne kusalaṃ katanti idhāpi āsannatā pubbe vuttanayeneva veditabbā.
убадтаанаагаарзнаад̇и маран̣асса аасаннагаалз гаммасса убадтаанаагаарзна. д̇ассаад̇и д̇асса буг̇г̇аласса. ниб̣б̣ад̇д̇игааран̣абхууд̇ам̣ худ̇ваа убадтаад̇и агусаланд̇и яож̇анаа. д̇ид̇т̇ияаа гамманд̇аравибааганд̇арзсу агусалад̇ааяа яам̣ гин̃жи гаммам̣ яасса гассажи вибаагасса гааран̣ам̣ гад̇ваа г̇ан̣ханд̇и хад̇т̇ид̣̇ассагаанд̇хаад̣̇аяо вияа д̣̇идтамад̇д̇аабхинивзсинод̇и, ‘‘ан̃н̃ад̇ид̇т̇ияаа…бз… убадтаад̇ий’’д̇и вуд̇д̇ам̣. ид̇арасминд̇и бхаб̣б̣ан̃жзва бхаб̣б̣аабхаасан̃жа, бхаб̣б̣ам̣ абхаб̣б̣аабхаасанд̇и имасмим̣ д̣̇ваяз . зсзва наяо батамад̣̇уд̇ияабуг̇г̇алавасзна буримаанам̣ д̣̇виннам̣ гаммаанам̣ яож̇анаанаяо вуд̇д̇о убадтаанаагааравасзна. аяамзва д̇ад̇ияажад̇уд̇т̇абуг̇г̇алавасзна бажчимаанам̣ д̣̇виннам̣ гаммаанам̣ яож̇анаанаяо. д̇ад̇ияасса хи гаммасса гусалад̇д̇аа д̇асса жа саг̇г̇з ниб̣б̣ад̇д̇ад̇д̇аа д̇ад̇т̇а гааран̣абхууд̇ам̣ гусалам̣ худ̇ваа убадтаад̇и; д̇ат̇аа жад̇уд̇т̇ассаби гаммасса гусалад̇д̇аа, д̇асса бана нираяз ниб̣б̣ад̇д̇ад̇д̇аа д̇ад̇т̇а ниб̣б̣ад̇д̇игааран̣абхууд̇ам̣ ан̃н̃ад̇ид̇т̇ияаанам̣ агусалам̣ худ̇ваа убадтаад̇ийд̇и. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
Upaṭṭhānākārenāti maraṇassa āsannakāle kammassa upaṭṭhānākārena. Tassāti tassa puggalassa. Nibbattikāraṇabhūtaṃ hutvā upaṭṭhāti akusalanti yojanā. Titthiyā kammantaravipākantaresu akusalatāya yaṃ kiñci kammaṃ yassa kassaci vipākassa kāraṇaṃ katvā gaṇhanti hatthidassakaandhādayo viya diṭṭhamattābhinivesinoti, ‘‘aññatitthiyā…pe… upaṭṭhātī’’ti vuttaṃ. Itarasminti bhabbañceva bhabbābhāsañca, bhabbaṃ abhabbābhāsanti imasmiṃ dvaye . Eseva nayo paṭhamadutiyapuggalavasena purimānaṃ dvinnaṃ kammānaṃ yojanānayo vutto upaṭṭhānākāravasena. Ayameva tatiyacatutthapuggalavasena pacchimānaṃ dvinnaṃ kammānaṃ yojanānayo. Tatiyassa hi kammassa kusalattā tassa ca sagge nibbattattā tattha kāraṇabhūtaṃ kusalaṃ hutvā upaṭṭhāti; tathā catutthassapi kammassa kusalattā, tassa pana niraye nibbattattā tattha nibbattikāraṇabhūtaṃ aññatitthiyānaṃ akusalaṃ hutvā upaṭṭhātīti. Yaṃ panettha atthato avibhattaṃ, taṃ suviññeyyameva.
махаагаммавибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Mahākammavibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. махаагаммавибхан̇г̇асуд̇д̇ам̣ • 6. Mahākammavibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. махаагаммавибхан̇г̇асуд̇д̇аван̣н̣анаа • 6. Mahākammavibhaṅgasuttavaṇṇanā
