| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. மஹகபாடிஹாரியஸுத்தவண்ணனா
4. Mahakapāṭihāriyasuttavaṇṇanā
346. சதுத்தே² ஸேஸகங் விஸ்ஸஜ்ஜேதா²தி தஸ்ஸ கிர தே²ரேஹி ஸத்³தி⁴ங்யேவ கங்ஸதா²லங் பமஜ்ஜித்வா பாயாஸங் வட்³டெ⁴த்வா அத³ங்ஸு. ஸோ பு⁴த்தபாயாஸோ தே²ரேஹியேவ ஸத்³தி⁴ங் க³ந்துகாமோ சிந்தேஸி ‘‘க⁴ரே தாவ உபாஸிகா ஸேஸகங் விசாரேதி, இத⁴ பனிமே தா³ஸகம்மகாரா மயா அவுத்தா ந விசாரெஸ்ஸந்தி, ஏவாயங் பணீதபாயாஸோ நஸ்ஸிஸ்ஸதீ’’தி தேஸங் அனுஜானந்தோ ஏவமாஹ. குதி²தந்தி குதி⁴தங், ஹெட்டா² ஸந்தத்தாய வாலிகாய உபரி ஆதபேன ச அதிதிகி²ணந்தி அத்தோ². இத³ங் பன தேபிடகே பு³த்³த⁴வசனே அஸம்பி⁴ன்னபத³ங். பவேலியமானேனாதி படிலியமானேன ஸாது⁴ க்²வஸ்ஸ ப⁴ந்தேதி ‘‘பா²ஸுவிஹாரங் கரிஸ்ஸாமி நேஸ’’ந்தி சிந்தெத்வா ஏவமாஹ.
346. Catutthe sesakaṃ vissajjethāti tassa kira therehi saddhiṃyeva kaṃsathālaṃ pamajjitvā pāyāsaṃ vaḍḍhetvā adaṃsu. So bhuttapāyāso therehiyeva saddhiṃ gantukāmo cintesi ‘‘ghare tāva upāsikā sesakaṃ vicāreti, idha panime dāsakammakārā mayā avuttā na vicāressanti, evāyaṃ paṇītapāyāso nassissatī’’ti tesaṃ anujānanto evamāha. Kuthitanti kudhitaṃ, heṭṭhā santattāya vālikāya upari ātapena ca atitikhiṇanti attho. Idaṃ pana tepiṭake buddhavacane asambhinnapadaṃ. Paveliyamānenāti paṭiliyamānena sādhu khvassa bhanteti ‘‘phāsuvihāraṃ karissāmi nesa’’nti cintetvā evamāha.
இத்³தா⁴பி⁴ஸங்கா²ரங் அபி⁴ஸங்க²ரீதி அதி⁴ட்டா²னித்³தி⁴ங் அகாஸி. எத்த² ச ‘‘மந்த³மந்தோ³ ஸீதகவாதோ வாயது, அப்³ப⁴மண்ட³பங் கத்வா தே³வோ ஏகமேகங் பு²ஸாயதூ’’தி ஏவங் நானாபரிகம்மங் – ‘‘ஸவாதோ தே³வோ வஸ்ஸதூ’’தி ஏவங் அதி⁴ட்டா²னங் ஏகதோபி ஹோதி. ‘‘ஸவாதோ தே³வோ வஸ்ஸதூதி ஏகதோபரிகம்மங், மந்த³மந்தோ³ ஸீதகவாதோ வாயது, அப்³ப⁴மண்ட³பங் கத்வா தே³வோ ஏகமேகங் பு²ஸாயதூ’’தி ஏவங் நானாஅதி⁴ட்டா²னங் ஹோதி. வுத்தனயேனேவ நானாபரிகம்மங் நானாதி⁴ட்டா²னங், ஏகதோ பரிகம்மங் ஏகதோ அதி⁴ட்டா²னம்பி ஹோதியேவ. யதா² ததா² கரொந்தஸ்ஸ பன பாத³கஜ்ஜா²னதோ வுட்டா²ய கதபரிகம்மஸ்ஸ பரிகம்மானந்தரேன மஹக்³க³தஅதி⁴ட்டா²னசித்தேனேவ தங் இஜ்ஜ²தி. ஓகாஸேஸீதி விப்பகிரி.
Iddhābhisaṅkhāraṃ abhisaṅkharīti adhiṭṭhāniddhiṃ akāsi. Ettha ca ‘‘mandamando sītakavāto vāyatu, abbhamaṇḍapaṃ katvā devo ekamekaṃ phusāyatū’’ti evaṃ nānāparikammaṃ – ‘‘savāto devo vassatū’’ti evaṃ adhiṭṭhānaṃ ekatopi hoti. ‘‘Savāto devo vassatūti ekatoparikammaṃ, mandamando sītakavāto vāyatu, abbhamaṇḍapaṃ katvā devo ekamekaṃ phusāyatū’’ti evaṃ nānāadhiṭṭhānaṃ hoti. Vuttanayeneva nānāparikammaṃ nānādhiṭṭhānaṃ, ekato parikammaṃ ekato adhiṭṭhānampi hotiyeva. Yathā tathā karontassa pana pādakajjhānato vuṭṭhāya kataparikammassa parikammānantarena mahaggataadhiṭṭhānacitteneva taṃ ijjhati. Okāsesīti vippakiri.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. மஹகபாடிஹாரியஸுத்தங் • 4. Mahakapāṭihāriyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. மஹகபாடிஹாரியஸுத்தவண்ணனா • 4. Mahakapāṭihāriyasuttavaṇṇanā
