| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๔. มหกปาฎิหาริยสุตฺตวณฺณนา
4. Mahakapāṭihāriyasuttavaṇṇanā
๓๔๖. เตสํ อนุชานโนฺตติ เตสํ ทาสกมฺมกรานํ เสสเก ยถารุจิ วิจารณํ อนุชานโนฺตฯ กุธิตนฺติ พลวตา สูริยสนฺตาเปน สงฺกุถิตํ ฯ เตนาห ‘‘เหฎฺฐา’’ติอาทิฯ อติติขิณนฺติ อติวิย ติกฺขธาตุกํฯ อสมฺภินฺนปทนฺติ อญฺญตฺถ อนาคตตฺตา ติปิฎเก อโวมิสฺสกปทํ, อิเธว อาคตปทนฺติ อโตฺถฯ ปฎิลียมาเนนาติ ปฎิกํเสน วิเสสเนน วิลียมาเนน กาเยนฯ
346.Tesaṃ anujānantoti tesaṃ dāsakammakarānaṃ sesake yathāruci vicāraṇaṃ anujānanto. Kudhitanti balavatā sūriyasantāpena saṅkuthitaṃ . Tenāha ‘‘heṭṭhā’’tiādi. Atitikhiṇanti ativiya tikkhadhātukaṃ. Asambhinnapadanti aññattha anāgatattā tipiṭake avomissakapadaṃ, idheva āgatapadanti attho. Paṭilīyamānenāti paṭikaṃsena visesanena vilīyamānena kāyena.
เอตฺถ จาติ เอตสฺมิํ อธิฎฺฐานิทฺธิกรเณฯ อพฺภมณฺฑปํ กตฺวาติ สมนฺตโต ฉาทนวเสน มณฺฑปํ วิย เมฆปฎลํ อุปฺปาเทตฺวาฯ เทโวติ เมโฆฯ เอกเมกํ ผุสิตกํ ผุสายตุ ชาลวินทฺธํ วิย วสฺสตุฯ เอวํ วุตฺตปฺปกาเรน นานาปริกมฺมํ นานาธิฎฺฐานํ เอกโต ปริกมฺมํ เอกโต อธิฎฺฐานนฺติ จตุกฺกเมตฺถ สมฺภวตีติ ทเสฺสติ ‘‘เอตฺถ จา’’ติอาทินาฯ ยถา ตถาติ ยถาวุเตฺตสุ จตูสุ ปกาเรสุ เยน วา เตน วา ปกาเรน กโรนฺตสฺสฯ กตปริกมฺมสฺสาติ ‘‘เอวํ วา เอวํ วา โหตู’’ติ ปวตฺติตปริกมฺมจิตฺตสฺสฯ ‘‘ปริกมฺมานนฺตเรนาติ อธิฎฺฐานจิตฺตุปฺปาทนตฺถํ สมาปนฺนปาทกชฺฌานโต วุฎฺฐาย อธิฎฺฐานจิตฺตสฺส เอกาวชฺชนวีถิยํ ปวตฺตปริกมฺมํ สนฺธาย วุตฺต’’นฺติ วทนฺติฯ
Ettha cāti etasmiṃ adhiṭṭhāniddhikaraṇe. Abbhamaṇḍapaṃ katvāti samantato chādanavasena maṇḍapaṃ viya meghapaṭalaṃ uppādetvā. Devoti megho. Ekamekaṃ phusitakaṃ phusāyatu jālavinaddhaṃ viya vassatu. Evaṃ vuttappakārena nānāparikammaṃ nānādhiṭṭhānaṃ ekato parikammaṃ ekato adhiṭṭhānanti catukkamettha sambhavatīti dasseti ‘‘ettha cā’’tiādinā. Yathā tathāti yathāvuttesu catūsu pakāresu yena vā tena vā pakārena karontassa. Kataparikammassāti ‘‘evaṃ vā evaṃ vā hotū’’ti pavattitaparikammacittassa. ‘‘Parikammānantarenāti adhiṭṭhānacittuppādanatthaṃ samāpannapādakajjhānato vuṭṭhāya adhiṭṭhānacittassa ekāvajjanavīthiyaṃ pavattaparikammaṃ sandhāya vutta’’nti vadanti.
มหกปาฎิหาริยสุตฺตวณฺณนา นิฎฺฐิตาฯ
Mahakapāṭihāriyasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๔. มหกปาฎิหาริยสุตฺตํ • 4. Mahakapāṭihāriyasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๔. มหกปาฎิหาริยสุตฺตวณฺณนา • 4. Mahakapāṭihāriyasuttavaṇṇanā
