| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੪. ਮਹਕਪਾਟਿਹਾਰਿਯਸੁਤ੍ਤવਣ੍ਣਨਾ
4. Mahakapāṭihāriyasuttavaṇṇanā
੩੪੬. ਚਤੁਤ੍ਥੇ ਸੇਸਕਂ વਿਸ੍ਸਜ੍ਜੇਥਾਤਿ ਤਸ੍ਸ ਕਿਰ ਥੇਰੇਹਿ ਸਦ੍ਧਿਂਯੇવ ਕਂਸਥਾਲਂ ਪਮਜ੍ਜਿਤ੍વਾ ਪਾਯਾਸਂ વਡ੍ਢੇਤ੍વਾ ਅਦਂਸੁ। ਸੋ ਭੁਤ੍ਤਪਾਯਾਸੋ ਥੇਰੇਹਿਯੇવ ਸਦ੍ਧਿਂ ਗਨ੍ਤੁਕਾਮੋ ਚਿਨ੍ਤੇਸਿ ‘‘ਘਰੇ ਤਾવ ਉਪਾਸਿਕਾ ਸੇਸਕਂ વਿਚਾਰੇਤਿ, ਇਧ ਪਨਿਮੇ ਦਾਸਕਮ੍ਮਕਾਰਾ ਮਯਾ ਅવੁਤ੍ਤਾ ਨ વਿਚਾਰੇਸ੍ਸਨ੍ਤਿ, ਏવਾਯਂ ਪਣੀਤਪਾਯਾਸੋ ਨਸ੍ਸਿਸ੍ਸਤੀ’’ਤਿ ਤੇਸਂ ਅਨੁਜਾਨਨ੍ਤੋ ਏવਮਾਹ। ਕੁਥਿਤਨ੍ਤਿ ਕੁਧਿਤਂ, ਹੇਟ੍ਠਾ ਸਨ੍ਤਤ੍ਤਾਯ વਾਲਿਕਾਯ ਉਪਰਿ ਆਤਪੇਨ ਚ ਅਤਿਤਿਖਿਣਨ੍ਤਿ ਅਤ੍ਥੋ। ਇਦਂ ਪਨ ਤੇਪਿਟਕੇ ਬੁਦ੍ਧવਚਨੇ ਅਸਮ੍ਭਿਨ੍ਨਪਦਂ। ਪવੇਲਿਯਮਾਨੇਨਾਤਿ ਪਟਿਲਿਯਮਾਨੇਨ ਸਾਧੁ ਖ੍વਸ੍ਸ ਭਨ੍ਤੇਤਿ ‘‘ਫਾਸੁવਿਹਾਰਂ ਕਰਿਸ੍ਸਾਮਿ ਨੇਸ’’ਨ੍ਤਿ ਚਿਨ੍ਤੇਤ੍વਾ ਏવਮਾਹ।
346. Catutthe sesakaṃ vissajjethāti tassa kira therehi saddhiṃyeva kaṃsathālaṃ pamajjitvā pāyāsaṃ vaḍḍhetvā adaṃsu. So bhuttapāyāso therehiyeva saddhiṃ gantukāmo cintesi ‘‘ghare tāva upāsikā sesakaṃ vicāreti, idha panime dāsakammakārā mayā avuttā na vicāressanti, evāyaṃ paṇītapāyāso nassissatī’’ti tesaṃ anujānanto evamāha. Kuthitanti kudhitaṃ, heṭṭhā santattāya vālikāya upari ātapena ca atitikhiṇanti attho. Idaṃ pana tepiṭake buddhavacane asambhinnapadaṃ. Paveliyamānenāti paṭiliyamānena sādhu khvassa bhanteti ‘‘phāsuvihāraṃ karissāmi nesa’’nti cintetvā evamāha.
ਇਦ੍ਧਾਭਿਸਙ੍ਖਾਰਂ ਅਭਿਸਙ੍ਖਰੀਤਿ ਅਧਿਟ੍ਠਾਨਿਦ੍ਧਿਂ ਅਕਾਸਿ। ਏਤ੍ਥ ਚ ‘‘ਮਨ੍ਦਮਨ੍ਦੋ ਸੀਤਕવਾਤੋ વਾਯਤੁ, ਅਬ੍ਭਮਣ੍ਡਪਂ ਕਤ੍વਾ ਦੇવੋ ਏਕਮੇਕਂ ਫੁਸਾਯਤੂ’’ਤਿ ਏવਂ ਨਾਨਾਪਰਿਕਮ੍ਮਂ – ‘‘ਸવਾਤੋ ਦੇવੋ વਸ੍ਸਤੂ’’ਤਿ ਏવਂ ਅਧਿਟ੍ਠਾਨਂ ਏਕਤੋਪਿ ਹੋਤਿ। ‘‘ਸવਾਤੋ ਦੇવੋ વਸ੍ਸਤੂਤਿ ਏਕਤੋਪਰਿਕਮ੍ਮਂ, ਮਨ੍ਦਮਨ੍ਦੋ ਸੀਤਕવਾਤੋ વਾਯਤੁ, ਅਬ੍ਭਮਣ੍ਡਪਂ ਕਤ੍વਾ ਦੇવੋ ਏਕਮੇਕਂ ਫੁਸਾਯਤੂ’’ਤਿ ਏવਂ ਨਾਨਾਅਧਿਟ੍ਠਾਨਂ ਹੋਤਿ। વੁਤ੍ਤਨਯੇਨੇવ ਨਾਨਾਪਰਿਕਮ੍ਮਂ ਨਾਨਾਧਿਟ੍ਠਾਨਂ, ਏਕਤੋ ਪਰਿਕਮ੍ਮਂ ਏਕਤੋ ਅਧਿਟ੍ਠਾਨਮ੍ਪਿ ਹੋਤਿਯੇવ। ਯਥਾ ਤਥਾ ਕਰੋਨ੍ਤਸ੍ਸ ਪਨ ਪਾਦਕਜ੍ਝਾਨਤੋ વੁਟ੍ਠਾਯ ਕਤਪਰਿਕਮ੍ਮਸ੍ਸ ਪਰਿਕਮ੍ਮਾਨਨ੍ਤਰੇਨ ਮਹਗ੍ਗਤਅਧਿਟ੍ਠਾਨਚਿਤ੍ਤੇਨੇવ ਤਂ ਇਜ੍ਝਤਿ। ਓਕਾਸੇਸੀਤਿ વਿਪ੍ਪਕਿਰਿ।
Iddhābhisaṅkhāraṃ abhisaṅkharīti adhiṭṭhāniddhiṃ akāsi. Ettha ca ‘‘mandamando sītakavāto vāyatu, abbhamaṇḍapaṃ katvā devo ekamekaṃ phusāyatū’’ti evaṃ nānāparikammaṃ – ‘‘savāto devo vassatū’’ti evaṃ adhiṭṭhānaṃ ekatopi hoti. ‘‘Savāto devo vassatūti ekatoparikammaṃ, mandamando sītakavāto vāyatu, abbhamaṇḍapaṃ katvā devo ekamekaṃ phusāyatū’’ti evaṃ nānāadhiṭṭhānaṃ hoti. Vuttanayeneva nānāparikammaṃ nānādhiṭṭhānaṃ, ekato parikammaṃ ekato adhiṭṭhānampi hotiyeva. Yathā tathā karontassa pana pādakajjhānato vuṭṭhāya kataparikammassa parikammānantarena mahaggataadhiṭṭhānacitteneva taṃ ijjhati. Okāsesīti vippakiri.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੪. ਮਹਕਪਾਟਿਹਾਰਿਯਸੁਤ੍ਤਂ • 4. Mahakapāṭihāriyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੪. ਮਹਕਪਾਟਿਹਾਰਿਯਸੁਤ੍ਤવਣ੍ਣਨਾ • 4. Mahakapāṭihāriyasuttavaṇṇanā
