| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
11. махаагаббинасуд̇д̇аван̣н̣анаа
11. Mahākappinasuttavaṇṇanā
245. згаад̣̇асамз махаагаббинод̇и звам̣наамаго абхин̃н̃ааб̣алаббад̇д̇о асийд̇имахаасаавагаанам̣ аб̣бханд̇аро махаат̇зро. со гира г̇ихигаалз гуггудавад̇ийнаг̇арз д̇ияож̇анасад̇игам̣ раж̇ж̇ам̣ агааси. бажчимабхавигад̇д̇аа бана д̇ат̇ааруубам̣ саасанам̣ сод̇ум̣ охид̇асод̇о вижарад̇и. ат̇згад̣̇ивасам̣ амажжасахассабаривуд̇о уяяаанагийл̣игам̣ аг̇амааси. д̇ад̣̇аа жа маж̇жхимад̣̇зсад̇о ж̇ан̇гхаваан̣иж̇аа д̇ам̣ наг̇арам̣ г̇анд̇ваа, бхан̣д̣ам̣ бадисаамзд̇ваа, ‘‘рааж̇аанам̣ бассиссаамаа’’д̇и бан̣н̣аагаарахад̇т̇аа рааж̇агулад̣̇ваарам̣ г̇анд̇ваа, ‘‘рааж̇аа уяяаанам̣ г̇ад̇о’’д̇и суд̇ваа, уяяаанам̣ г̇анд̇ваа, д̣̇ваарз тид̇аа, бадихаарасса аарожаяим̣су. ат̇а ран̃н̃о нивзд̣̇ид̇з рааж̇аа баггосаабзд̇ваа нияяаад̇ид̇абан̣н̣аагаарз ванд̣̇ид̇ваа тид̇з, ‘‘д̇аад̇аа, гуд̇о ааг̇ад̇ад̇т̇аа’’д̇и? бужчи. ‘‘саавад̇т̇ид̇о д̣̇зваа’’д̇и. ‘‘гажжи во радтам̣ субхигкам̣, д̇хаммиго рааж̇аа’’д̇и? ‘‘аама, д̣̇зваа’’д̇и. ‘‘ад̇т̇и бана д̇умхаагам̣ д̣̇зсз гин̃жи саасана’’нд̇и? ‘‘ад̇т̇и, д̣̇зва, на бана саггаа ужчидтамукзхи гат̇зд̇у’’нд̇и. рааж̇аа суван̣н̣абхин̇г̇аарзна уд̣̇агам̣ д̣̇аабзси. д̇з мукам̣ вигкаалзд̇ваа д̣̇асаб̣алаабхимукаа ан̃ж̇алим̣ баг̇г̇ан̣хид̇ваа, ‘‘д̣̇зва, амхаагам̣ д̣̇зсз б̣уд̣̇д̇харад̇анам̣ наама уббанна’’нд̇и аахам̣су. ран̃н̃о ‘‘б̣уд̣̇д̇хо’’д̇и важанз суд̇амад̇д̇з сагаласарийрам̣ парамаанаа бийд̇и уббаж̇ж̇и. д̇ад̇о ‘‘б̣уд̣̇д̇ход̇и, д̇аад̇аа, вад̣̇ат̇аа’’д̇и? ааха. ‘‘б̣уд̣̇д̇ход̇и д̣̇зва вад̣̇аамаа’’д̇и. звам̣ д̇игкад̇д̇ум̣ вад̣̇аабзд̇ваа, ‘‘б̣уд̣̇д̇ход̇и бад̣̇ам̣ абаримаан̣ам̣, наасса саггаа баримаан̣ам̣ гаад̇у’’нд̇и д̇асмим̣язва басанно сад̇асахассам̣ д̣̇ад̇ваа буна ‘‘ан̃н̃ам̣ гим̣ саасана’’нд̇и? бужчи. ‘‘д̣̇зва д̇хаммарад̇анам̣ наама уббанна’’нд̇и. д̇амби суд̇ваа д̇ат̇зва д̇игкад̇д̇ум̣ бадин̃н̃ам̣ г̇ахзд̇ваа абарамби сад̇асахассам̣ д̣̇ад̇ваа буна ‘‘ан̃н̃ам̣ гим̣ саасана’’нд̇и? бужчи. ‘‘сан̇гхарад̇анам̣ д̣̇зва уббанна’’нд̇и. д̇амби суд̇ваа д̇ат̇зва д̇игкад̇д̇ум̣ бадин̃н̃ам̣ г̇ахзд̇ваа абарамби сад̇асахассам̣ д̣̇ад̇ваа д̣̇иннабхаавам̣ бан̣н̣з ликид̇ваа, ‘‘д̇аад̇аа, д̣̇звияаа санд̇игам̣ г̇ажчат̇аа’’д̇и бзсзси. д̇зсу г̇ад̇зсу амажжз бужчи, ‘‘д̇аад̇аа, б̣уд̣̇д̇хо логз уббанно, д̇умхз гим̣ гариссат̇аа’’д̇и? ‘‘д̣̇зва д̇умхз гим̣ гад̇д̇угаамаа’’д̇и? ‘‘ахам̣ баб̣б̣аж̇иссаамий’’д̇и. ‘‘маяамби баб̣б̣аж̇иссаамаа’’д̇и. д̇з саб̣б̣зби гхарам̣ ваа гудумб̣ам̣ ваа анабалогзд̇ваа яз ассз ааруяха г̇ад̇аа, д̇зхзва нигкамим̣су.
245. Ekādasame mahākappinoti evaṃnāmako abhiññābalappatto asītimahāsāvakānaṃ abbhantaro mahāthero. So kira gihikāle kukkuṭavatīnagare tiyojanasatikaṃ rajjaṃ akāsi. Pacchimabhavikattā pana tathārūpaṃ sāsanaṃ sotuṃ ohitasoto vicarati. Athekadivasaṃ amaccasahassaparivuto uyyānakīḷikaṃ agamāsi. Tadā ca majjhimadesato jaṅghavāṇijā taṃ nagaraṃ gantvā, bhaṇḍaṃ paṭisāmetvā, ‘‘rājānaṃ passissāmā’’ti paṇṇākārahatthā rājakuladvāraṃ gantvā, ‘‘rājā uyyānaṃ gato’’ti sutvā, uyyānaṃ gantvā, dvāre ṭhitā, paṭihārassa ārocayiṃsu. Atha rañño nivedite rājā pakkosāpetvā niyyātitapaṇṇākāre vanditvā ṭhite, ‘‘tātā, kuto āgatatthā’’ti? Pucchi. ‘‘Sāvatthito devā’’ti. ‘‘Kacci vo raṭṭhaṃ subhikkhaṃ, dhammiko rājā’’ti? ‘‘Āma, devā’’ti. ‘‘Atthi pana tumhākaṃ dese kiñci sāsana’’nti? ‘‘Atthi, deva, na pana sakkā ucchiṭṭhamukhehi kathetu’’nti. Rājā suvaṇṇabhiṅgārena udakaṃ dāpesi. Te mukhaṃ vikkhāletvā dasabalābhimukhā añjaliṃ paggaṇhitvā, ‘‘deva, amhākaṃ dese buddharatanaṃ nāma uppanna’’nti āhaṃsu. Rañño ‘‘buddho’’ti vacane sutamatte sakalasarīraṃ pharamānā pīti uppajji. Tato ‘‘buddhoti, tātā, vadathā’’ti? Āha. ‘‘Buddhoti deva vadāmā’’ti. Evaṃ tikkhattuṃ vadāpetvā, ‘‘buddhoti padaṃ aparimāṇaṃ, nāssa sakkā parimāṇaṃ kātu’’nti tasmiṃyeva pasanno satasahassaṃ datvā puna ‘‘aññaṃ kiṃ sāsana’’nti? Pucchi. ‘‘Deva dhammaratanaṃ nāma uppanna’’nti. Tampi sutvā tatheva tikkhattuṃ paṭiññaṃ gahetvā aparampi satasahassaṃ datvā puna ‘‘aññaṃ kiṃ sāsana’’nti? Pucchi. ‘‘Saṅgharatanaṃ deva uppanna’’nti. Tampi sutvā tatheva tikkhattuṃ paṭiññaṃ gahetvā aparampi satasahassaṃ datvā dinnabhāvaṃ paṇṇe likhitvā, ‘‘tātā, deviyā santikaṃ gacchathā’’ti pesesi. Tesu gatesu amacce pucchi, ‘‘tātā, buddho loke uppanno, tumhe kiṃ karissathā’’ti? ‘‘Deva tumhe kiṃ kattukāmā’’ti? ‘‘Ahaṃ pabbajissāmī’’ti. ‘‘Mayampi pabbajissāmā’’ti. Te sabbepi gharaṃ vā kuṭumbaṃ vā anapaloketvā ye asse āruyha gatā, teheva nikkhamiṃsu.
ваан̣иж̇аа анож̇аад̣̇звияаа санд̇игам̣ г̇анд̇ваа бан̣н̣ам̣ д̣̇ассзсум̣. саа ваажзд̇ваа ‘‘ран̃н̃аа д̇умхаагам̣ б̣ахуу гахаабан̣аа д̣̇иннаа, гим̣ д̇умхзхи гад̇ам̣, д̇аад̇аа’’д̇и? бужчи. ‘‘бияасаасанам̣ д̣̇зви аанийд̇а’’нд̇и. ‘‘амхзби саггаа, д̇аад̇аа, сун̣аабзд̇у’’нд̇и. ‘‘саггаа д̣̇зви, ужчидтамукзхи бана вад̇д̇ум̣ на саггаа’’д̇и. саа суван̣н̣абхин̇г̇аарзна уд̣̇агам̣ д̣̇аабзси. д̇з мукам̣ вигкаалзд̇ваа ран̃н̃о аарожид̇анаязнзва аарожзсум̣. сааби суд̇ваа уббаннабаамож̇ж̇аа д̇знзва наязна згзгасмим̣ бад̣̇з д̇игкад̇д̇ум̣ бадин̃н̃ам̣ г̇ахзд̇ваа бадин̃н̃ааг̇ан̣анааяа д̇ийн̣и д̇ийн̣и гад̇ваа навасад̇асахассаани ад̣̇ааси. ваан̣иж̇аа саб̣б̣ааниби д̣̇ваад̣̇асасад̇асахассаани лабхим̣су. ат̇а нз ‘‘рааж̇аа гахам̣, д̇аад̇аа’’д̇и, бужчи. ‘‘баб̣б̣аж̇иссаамийд̇и нигканд̇о д̣̇звий’’д̇и. ‘‘д̇зна хи, д̇аад̇аа, д̇умхз г̇ажчат̇аа’’д̇и д̇з уяяож̇зд̇ваа ран̃н̃аа сад̣̇д̇хим̣ г̇ад̇аанам̣ амажжаанам̣ маад̇уг̇аамз баггосаабзд̇ваа, ‘‘д̇умхз ад̇д̇ано саамигаанам̣ г̇ад̇адтаанам̣ ж̇аанаат̇а аммаа’’д̇и бужчи. ‘‘ж̇аанаама аяяз, ран̃н̃аа сад̣̇д̇хим̣ уяяаанагийл̣игам̣ г̇ад̇аа’’д̇и. аама г̇ад̇аа, д̇ад̇т̇а бана г̇анд̇ваа, ‘‘б̣уд̣̇д̇хо уббанно, д̇хаммо уббанно, сан̇гхо уббанно’’д̇и суд̇ваа, ‘‘д̣̇асаб̣аласса санд̇игз баб̣б̣аж̇иссаамаа’’д̇и г̇ад̇аа. ‘‘д̇умхз гим̣ гариссат̇аа’’д̇и? ‘‘д̇умхз бана аяяз гим̣ гад̇д̇угаамаа’’д̇и? ‘‘ахам̣ баб̣б̣аж̇иссаами, на д̇зхи ванд̇аваманам̣ ж̇ивхаг̇г̇з табзяяа’’нд̇и. ‘‘яад̣̇и звам̣, маяамби баб̣б̣аж̇иссаамаа’’д̇и саб̣б̣аа рат̇з яож̇аабзд̇ваа нигкамим̣су.
Vāṇijā anojādeviyā santikaṃ gantvā paṇṇaṃ dassesuṃ. Sā vācetvā ‘‘raññā tumhākaṃ bahū kahāpaṇā dinnā, kiṃ tumhehi kataṃ, tātā’’ti? Pucchi. ‘‘Piyasāsanaṃ devi ānīta’’nti. ‘‘Amhepi sakkā, tātā, suṇāpetu’’nti. ‘‘Sakkā devi, ucchiṭṭhamukhehi pana vattuṃ na sakkā’’ti. Sā suvaṇṇabhiṅgārena udakaṃ dāpesi. Te mukhaṃ vikkhāletvā rañño ārocitanayeneva ārocesuṃ. Sāpi sutvā uppannapāmojjā teneva nayena ekekasmiṃ pade tikkhattuṃ paṭiññaṃ gahetvā paṭiññāgaṇanāya tīṇi tīṇi katvā navasatasahassāni adāsi. Vāṇijā sabbānipi dvādasasatasahassāni labhiṃsu. Atha ne ‘‘rājā kahaṃ, tātā’’ti, pucchi. ‘‘Pabbajissāmīti nikkhanto devī’’ti. ‘‘Tena hi, tātā, tumhe gacchathā’’ti te uyyojetvā raññā saddhiṃ gatānaṃ amaccānaṃ mātugāme pakkosāpetvā, ‘‘tumhe attano sāmikānaṃ gataṭṭhānaṃ jānātha ammā’’ti pucchi. ‘‘Jānāma ayye, raññā saddhiṃ uyyānakīḷikaṃ gatā’’ti. Āma gatā, tattha pana gantvā, ‘‘buddho uppanno, dhammo uppanno, saṅgho uppanno’’ti sutvā, ‘‘dasabalassa santike pabbajissāmā’’ti gatā. ‘‘Tumhe kiṃ karissathā’’ti? ‘‘Tumhe pana ayye kiṃ kattukāmā’’ti? ‘‘Ahaṃ pabbajissāmi, na tehi vantavamanaṃ jivhagge ṭhapeyya’’nti. ‘‘Yadi evaṃ, mayampi pabbajissāmā’’ti sabbā rathe yojāpetvā nikkhamiṃsu.
рааж̇ааби амажжасахассзна сад̣̇д̇хим̣ г̇ан̇г̇ааяа д̇ийрам̣ баабун̣и. д̇асмин̃жа самаяз г̇ан̇г̇аа буураа ход̇и. ат̇а нам̣ д̣̇исваа, ‘‘аяам̣ г̇ан̇г̇аа буураа жан̣д̣амажчаагин̣н̣аа, амхзхи сад̣̇д̇хим̣ ааг̇ад̇аа д̣̇аасаа ваа мануссаа ваа над̇т̇и, яз но наавам̣ ваа ул̣умбам̣ ваа гад̇ваа д̣̇ад̣̇зяяум̣, зд̇асса бана сад̇т̇у г̇ун̣аа наама хздтаа авийжид̇о убари яаава бхаваг̇г̇аа бад̇т̇адаа, сажз зса сад̇т̇аа саммаасамб̣уд̣̇д̇хо, имзсам̣ ассаанам̣ курабидтаани маа д̇змзнд̇уу’’д̇и уд̣̇агабидтзна ассз багканд̣̇аабзсум̣ . згаассассааби курабидтамад̇д̇ам̣ на д̇зми, рааж̇амаг̇г̇зна г̇ажчанд̇аа вияа барад̇ийрам̣ бад̇ваа бурад̇о ан̃н̃ам̣ махаанад̣̇им̣ баабун̣им̣су. д̇ад̇т̇а ан̃н̃аа сажжагирияаа над̇т̇и, д̇ааяа зва сажжагирияааяа д̇амби ад̣дхаяож̇анавид̇т̇аарам̣ над̣̇им̣ ад̇иггамим̣су. ат̇а д̇ад̇ияам̣ жанд̣̇абхааг̇ам̣ наама махаанад̣̇им̣ бад̇ваа д̇амби д̇ааяа зва сажжагирияааяа ад̇иггамим̣су.
Rājāpi amaccasahassena saddhiṃ gaṅgāya tīraṃ pāpuṇi. Tasmiñca samaye gaṅgā pūrā hoti. Atha naṃ disvā, ‘‘ayaṃ gaṅgā pūrā caṇḍamacchākiṇṇā, amhehi saddhiṃ āgatā dāsā vā manussā vā natthi, ye no nāvaṃ vā uḷumpaṃ vā katvā dadeyyuṃ, etassa pana satthu guṇā nāma heṭṭhā avīcito upari yāva bhavaggā patthaṭā, sace esa satthā sammāsambuddho, imesaṃ assānaṃ khurapiṭṭhāni mā tementū’’ti udakapiṭṭhena asse pakkhandāpesuṃ . Ekaassassāpi khurapiṭṭhamattaṃ na temi, rājamaggena gacchantā viya paratīraṃ patvā purato aññaṃ mahānadiṃ pāpuṇiṃsu. Tattha aññā saccakiriyā natthi, tāya eva saccakiriyāya tampi aḍḍhayojanavitthāraṃ nadiṃ atikkamiṃsu. Atha tatiyaṃ candabhāgaṃ nāma mahānadiṃ patvā tampi tāya eva saccakiriyāya atikkamiṃsu.
сад̇т̇ааби д̇ам̣д̣̇ивасам̣ бажжуусасамаяз махаагарун̣аасамаабад̇д̇ид̇о вудтааяа логам̣ ологзнд̇о ‘‘аж̇ж̇а махаагаббино д̇ияож̇анасад̇игам̣ раж̇ж̇ам̣ бахааяа амажжасахассабаривааро мама санд̇игз баб̣б̣аж̇ид̇ум̣ ааг̇ажчад̇ий’’д̇и д̣̇исваа, ‘‘маяаа д̇зсам̣ бажжуг̇г̇аманам̣ гаад̇ум̣ яуд̇д̇а’’нд̇и баад̇ова сарийрабадиж̇аг̇г̇анам̣ гад̇ваа, бхигкусан̇гхабаривааро саавад̇т̇ияам̣ бин̣д̣ааяа жарид̇ваа, бажчаабхад̇д̇ам̣ бин̣д̣абаад̇абадигганд̇о саяамзва бад̇д̇ажийварам̣ г̇ахзд̇ваа, аагаасз уббад̇ид̇ваа жанд̣̇абхааг̇ааяа над̣̇ияаа д̇ийрз д̇зсам̣ уд̇д̇аран̣ад̇ид̇т̇асса абхимукз таанз махааниг̇род̇харугко ад̇т̇и, д̇ад̇т̇а баллан̇гзна нисийд̣̇ид̇ваа баримукам̣ сад̇им̣ убадтабзд̇ваа чаб̣б̣ан̣н̣аб̣уд̣̇д̇харасмияо виссаж̇ж̇зси. д̇з д̇зна д̇ид̇т̇зна уд̇д̇аранд̇аа жа чаб̣б̣ан̣н̣аб̣уд̣̇д̇харасмияо ид̇о жид̇о жа вид̇хааванд̇ияо ологзнд̇аа д̣̇асаб̣аласса бун̣н̣ажанд̣̇асассиригам̣ мукам̣ д̣̇исваа, ‘‘яам̣ сад̇т̇аарам̣ уд̣̇д̣̇исса маяам̣ баб̣б̣аж̇ид̇аа, ад̣̇д̇хаа со зсо’’д̇и д̣̇ассанзнзва нидтам̣ г̇анд̇ваа д̣̇идтадтаанад̇о бадтааяа онад̇аа ванд̣̇амаанаа ааг̇амма сад̇т̇аарам̣ ванд̣̇им̣су. рааж̇аа г̇обпагзсу г̇ахзд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и сад̣̇д̇хим̣ амажжасахассзна. сад̇т̇аа д̇зсам̣ д̇хаммам̣ гат̇зси. д̣̇зсанаабарияосаанз саб̣б̣з арахад̇д̇з бад̇идтааяа сад̇т̇аарам̣ баб̣б̣аж̇ж̇ам̣ яаажим̣су. сад̇т̇аа ‘‘буб̣б̣з имз жийварад̣̇аанасса д̣̇иннад̇д̇аа ад̇д̇ано жийвараани г̇ахзд̇ваава ааг̇ад̇аа’’д̇и суван̣н̣аван̣н̣ам̣ хад̇т̇ам̣ басаарзд̇ваа, ‘‘зт̇а бхигкаво сваагкаад̇о д̇хаммо, жарат̇а б̣рахмажарияам̣ саммаа д̣̇угкасса анд̇агирияааяаа’’д̇и ааха. саава д̇зсам̣ ааяасманд̇аанам̣ баб̣б̣аж̇ж̇аа жа убасамбад̣̇аа жа ахоси, вассасадтигад̇т̇зраа вияа сад̇т̇аарам̣ бариваараяим̣су.
Satthāpi taṃdivasaṃ paccūsasamaye mahākaruṇāsamāpattito vuṭṭhāya lokaṃ olokento ‘‘ajja mahākappino tiyojanasatikaṃ rajjaṃ pahāya amaccasahassaparivāro mama santike pabbajituṃ āgacchatī’’ti disvā, ‘‘mayā tesaṃ paccuggamanaṃ kātuṃ yutta’’nti pātova sarīrapaṭijagganaṃ katvā, bhikkhusaṅghaparivāro sāvatthiyaṃ piṇḍāya caritvā, pacchābhattaṃ piṇḍapātapaṭikkanto sayameva pattacīvaraṃ gahetvā, ākāse uppatitvā candabhāgāya nadiyā tīre tesaṃ uttaraṇatitthassa abhimukhe ṭhāne mahānigrodharukkho atthi, tattha pallaṅkena nisīditvā parimukhaṃ satiṃ upaṭṭhapetvā chabbaṇṇabuddharasmiyo vissajjesi. Te tena titthena uttarantā ca chabbaṇṇabuddharasmiyo ito cito ca vidhāvantiyo olokentā dasabalassa puṇṇacandasassirikaṃ mukhaṃ disvā, ‘‘yaṃ satthāraṃ uddissa mayaṃ pabbajitā, addhā so eso’’ti dassaneneva niṭṭhaṃ gantvā diṭṭhaṭṭhānato paṭṭhāya onatā vandamānā āgamma satthāraṃ vandiṃsu. Rājā gopphakesu gahetvā satthāraṃ vanditvā ekamantaṃ nisīdi saddhiṃ amaccasahassena. Satthā tesaṃ dhammaṃ kathesi. Desanāpariyosāne sabbe arahatte patiṭṭhāya satthāraṃ pabbajjaṃ yāciṃsu. Satthā ‘‘pubbe ime cīvaradānassa dinnattā attano cīvarāni gahetvāva āgatā’’ti suvaṇṇavaṇṇaṃ hatthaṃ pasāretvā, ‘‘etha bhikkhavo svākkhāto dhammo, caratha brahmacariyaṃ sammā dukkhassa antakiriyāyā’’ti āha. Sāva tesaṃ āyasmantānaṃ pabbajjā ca upasampadā ca ahosi, vassasaṭṭhikattherā viya satthāraṃ parivārayiṃsu.
анож̇ааби д̣̇звий рат̇асахассабариваараа г̇ан̇г̇аад̇ийрам̣ бад̇ваа ран̃н̃о ад̇т̇ааяа аабхад̇ам̣ наавам̣ ваа ул̣умбам̣ ваа ад̣̇исваа ад̇д̇ано б̣яад̇д̇ад̇ааяа жинд̇зси – ‘‘рааж̇аа сажжагирияам̣ гад̇ваа г̇ад̇о бхависсад̇и, со бана сад̇т̇аа на гзвалам̣ д̇зсам̣язва ад̇т̇ааяа ниб̣б̣ад̇д̇о, сажз со сад̇т̇аа саммаасамб̣уд̣̇д̇хо, амхаагам̣ рат̇аа маа уд̣̇агз нимуж̇ж̇им̣суу’’д̇и уд̣̇агабидтз рат̇з багканд̣̇аабзси. рат̇аанам̣ нзмиваддимад̇д̇амби на д̇зми. д̣̇уд̇ияад̇ад̇ияанад̣̇ийби д̇знзва сажжагаарзна уд̇д̇арамаанааязва ниг̇род̇харугкамуулз сад̇т̇аарам̣ ад̣̇д̣̇аса. сад̇т̇аа ‘‘имаасам̣ ад̇д̇ано саамигз бассанд̇ийнам̣ чанд̣̇арааг̇о уббаж̇ж̇ид̇ваа маг̇г̇апалаанам̣ анд̇арааяам̣ гарзяяа, со звам̣ гаад̇ум̣ на сагкиссад̇ий’’д̇и яат̇аа ан̃н̃аман̃н̃з на бассанд̇и, д̇ат̇аа агааси. д̇аа саб̣б̣ааби д̇ид̇т̇ад̇о уд̇д̇арид̇ваа д̣̇асаб̣алам̣ ванд̣̇ид̇ваа нисийд̣̇им̣су. сад̇т̇аа д̇аасам̣ д̇хаммам̣ гат̇зси, д̣̇зсанаабарияосаанз саб̣б̣ааби сод̇аабад̇д̇ипалз бад̇идтааяа ан̃н̃аман̃н̃з бассим̣су. сад̇т̇аа ‘‘уббалаван̣н̣аа ааг̇ажчад̇уу’’д̇и жинд̇зси. т̇зрий ааг̇анд̇ваа саб̣б̣аа баб̣б̣ааж̇зд̇ваа аад̣̇ааяа бхигкунийнам̣ убассаяам̣ г̇ад̇аа. сад̇т̇аа бхигкусахассам̣ г̇ахзд̇ваа аагаасзна ж̇зд̇аванам̣ аг̇амааси. имам̣ санд̇хааязд̇ам̣ вуд̇д̇ам̣ – ‘‘махаагаббинод̇и звам̣ наамаго абхин̃н̃ааб̣алаббад̇д̇о асийд̇имахаасаавагаанам̣ аб̣бханд̇аро махаат̇зро’’д̇и.
Anojāpi devī rathasahassaparivārā gaṅgātīraṃ patvā rañño atthāya ābhataṃ nāvaṃ vā uḷumpaṃ vā adisvā attano byattatāya cintesi – ‘‘rājā saccakiriyaṃ katvā gato bhavissati, so pana satthā na kevalaṃ tesaṃyeva atthāya nibbatto, sace so satthā sammāsambuddho, amhākaṃ rathā mā udake nimujjiṃsū’’ti udakapiṭṭhe rathe pakkhandāpesi. Rathānaṃ nemivaṭṭimattampi na temi. Dutiyatatiyanadīpi teneva saccakārena uttaramānāyeva nigrodharukkhamūle satthāraṃ addasa. Satthā ‘‘imāsaṃ attano sāmike passantīnaṃ chandarāgo uppajjitvā maggaphalānaṃ antarāyaṃ kareyya, so evaṃ kātuṃ na sakkhissatī’’ti yathā aññamaññe na passanti, tathā akāsi. Tā sabbāpi titthato uttaritvā dasabalaṃ vanditvā nisīdiṃsu. Satthā tāsaṃ dhammaṃ kathesi, desanāpariyosāne sabbāpi sotāpattiphale patiṭṭhāya aññamaññe passiṃsu. Satthā ‘‘uppalavaṇṇā āgacchatū’’ti cintesi. Therī āgantvā sabbā pabbājetvā ādāya bhikkhunīnaṃ upassayaṃ gatā. Satthā bhikkhusahassaṃ gahetvā ākāsena jetavanaṃ agamāsi. Imaṃ sandhāyetaṃ vuttaṃ – ‘‘mahākappinoti evaṃ nāmako abhiññābalappatto asītimahāsāvakānaṃ abbhantaro mahāthero’’ti.
ж̇анзд̇асминд̇и ж̇анид̇з баж̇ааяаад̇и ад̇т̇о. яз г̇од̇д̇абадисааринод̇и яз ‘‘маяам̣ ваасздтаа г̇од̇амаа’’д̇и г̇од̇д̇ам̣ бадисаранд̇и бадиж̇аананд̇и, д̇зсам̣ кад̇д̇ияо сздтод̇и ад̇т̇о. виж̇ж̇аажаран̣асамбаннод̇и адтахи виж̇ж̇аахи жзва баннарасад̇хаммабхзд̣̇зна жаран̣зна жа саманнааг̇ад̇о. д̇абад̇ийд̇и вирожад̇и. жхааяий д̇абад̇и б̣раахман̣од̇и кийн̣аасаваб̣раахман̣о д̣̇увид̇хзна жхаанзна жхааяамаано д̇абад̇и вирожад̇и. д̇асмим̣ бана кан̣з гаалуд̣̇ааяид̇т̇зро д̣̇увид̇хзна жхаанзна жхааяамаано авид̣̇уурз нисинно ход̇и. б̣уд̣̇д̇хо д̇абад̇ийд̇и саб̣б̣ан̃н̃уб̣уд̣̇д̇хо вирожад̇и. саб̣б̣аман̇г̇алаг̇аат̇аа гирзсаа. бхаад̇игарааж̇аа гира згам̣ бууж̇ам̣ гаарзд̇ваа аажарияагам̣ ааха – ‘‘д̇ийхи рад̇анзхи амуд̇д̇ам̣ згам̣ ж̇аяаман̇г̇алам̣ вад̣̇ат̇аа’’д̇и. со д̇збидагам̣ б̣уд̣̇д̇хаважанам̣ саммасид̇ваа имам̣ г̇аат̇ам̣ вад̣̇анд̇о ‘‘д̣̇иваа д̇абад̇и аад̣̇ижжо’’д̇и вад̇ваа ад̇т̇ан̇г̇амзнд̇асса суурияасса ан̃ж̇алим̣ баг̇г̇ан̣хи. ‘‘рад̇д̇имаабхаад̇и жанд̣̇имаа’’д̇и, удтаханд̇асса жанд̣̇асса ан̃ж̇алим̣ баг̇г̇ан̣хи. ‘‘саннад̣̇д̇хо кад̇д̇ияо д̇абад̇ий’’д̇и ран̃н̃о ан̃ж̇алим̣ баг̇г̇ан̣хи. ‘‘жхааяий д̇абад̇и б̣раахман̣о’’д̇и бхигкусан̇гхасса ан̃ж̇алим̣ баг̇г̇ан̣хи. ‘‘б̣уд̣̇д̇хо д̇абад̇и д̇зж̇асаа’’д̇и вад̇ваа бана махаажзд̇ияасса ан̃ж̇алим̣ баг̇г̇ан̣хи. ат̇а нам̣ рааж̇аа ‘‘маа хад̇т̇ам̣ од̇аарзхий’’д̇и угкид̇д̇асмим̣язва хад̇т̇з сахассам̣ табзси. згаад̣̇асамам̣.
Janetasminti janite pajāyāti attho. Ye gottapaṭisārinoti ye ‘‘mayaṃ vāseṭṭhā gotamā’’ti gottaṃ paṭisaranti paṭijānanti, tesaṃ khattiyo seṭṭhoti attho. Vijjācaraṇasampannoti aṭṭhahi vijjāhi ceva pannarasadhammabhedena caraṇena ca samannāgato. Tapatīti virocati. Jhāyī tapati brāhmaṇoti khīṇāsavabrāhmaṇo duvidhena jhānena jhāyamāno tapati virocati. Tasmiṃ pana khaṇe kāludāyitthero duvidhena jhānena jhāyamāno avidūre nisinno hoti. Buddho tapatīti sabbaññubuddho virocati. Sabbamaṅgalagāthā kiresā. Bhātikarājā kira ekaṃ pūjaṃ kāretvā ācariyakaṃ āha – ‘‘tīhi ratanehi amuttaṃ ekaṃ jayamaṅgalaṃ vadathā’’ti. So tepiṭakaṃ buddhavacanaṃ sammasitvā imaṃ gāthaṃ vadanto ‘‘divā tapati ādicco’’ti vatvā atthaṅgamentassa sūriyassa añjaliṃ paggaṇhi. ‘‘Rattimābhāti candimā’’ti, uṭṭhahantassa candassa añjaliṃ paggaṇhi. ‘‘Sannaddho khattiyo tapatī’’ti rañño añjaliṃ paggaṇhi. ‘‘Jhāyī tapati brāhmaṇo’’ti bhikkhusaṅghassa añjaliṃ paggaṇhi. ‘‘Buddho tapati tejasā’’ti vatvā pana mahācetiyassa añjaliṃ paggaṇhi. Atha naṃ rājā ‘‘mā hatthaṃ otārehī’’ti ukkhittasmiṃyeva hatthe sahassaṃ ṭhapesi. Ekādasamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 11. махаагаббинасуд̇д̇ам̣ • 11. Mahākappinasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. махаагаббинасуд̇д̇аван̣н̣анаа • 11. Mahākappinasuttavaṇṇanā
