| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
70. махаагаббинавад̇т̇у
70. Mahākappinavatthu
137. д̇зна ко бана самаязна ааяасмаа махаагаббино рааж̇аг̇ахз вихарад̇и мад̣̇д̣̇агужчимхи миг̇ад̣̇ааяз. ат̇а ко ааяасмад̇о махаагаббинасса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘г̇ажчзяяам̣ ваахам̣ убосат̇ам̣ на ваа г̇ажчзяяам̣, г̇ажчзяяам̣ ваахам̣ сан̇гхагаммам̣ на ваа г̇ажчзяяам̣, ат̇а кваахам̣ висуд̣̇д̇хо барамааяа висуд̣̇д̇хияаа’’д̇и? ат̇а ко бхаг̇аваа ааяасмад̇о махаагаббинасса жзд̇асаа жзд̇обаривид̇аггаман̃н̃ааяа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – г̇иж̇жхагуудз баб̣б̣ад̇з анд̇арахид̇о мад̣̇д̣̇агужчимхи миг̇ад̣̇ааяз ааяасмад̇о махаагаббинасса саммукз баад̇урахоси. нисийд̣̇и бхаг̇аваа бан̃н̃ад̇д̇з аасанз. ааяасмааби ко махаагаббино бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ махаагаббинам̣ бхаг̇аваа зд̇ад̣̇авожа – ‘‘нану д̇з, габбина, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – г̇ажчзяяам̣ ваахам̣ убосат̇ам̣ на ваа г̇ажчзяяам̣, г̇ажчзяяам̣ ваахам̣ сан̇гхагаммам̣ на ваа г̇ажчзяяам̣, ат̇а кваахам̣ висуд̣̇д̇хо барамааяа висуд̣̇д̇хияаа’’д̇и? ‘‘звам̣, бханд̇з’’. ‘‘д̇умхз жз б̣раахман̣аа убосат̇ам̣ на саггариссат̇а на г̇аругариссат̇а 1 на маанзссат̇а на бууж̇зссат̇а, ат̇а го жарахи убосат̇ам̣ саггариссад̇и г̇аругариссад̇и маанзссад̇и бууж̇зссад̇и? г̇ажча д̇вам̣, б̣раахман̣а, убосат̇ам̣, маа но аг̇амааси. г̇ажча д̇вам̣ сан̇гхагаммам̣, маа но аг̇амаасий’’д̇и. ‘‘звам̣, бханд̇з’’д̇и ко ааяасмаа махаагаббино бхаг̇авад̇о бажжассоси. ат̇а ко бхаг̇аваа ааяасманд̇ам̣ махаагаббинам̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа – сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа, звамзва – мад̣̇д̣̇агужчимхи миг̇ад̣̇ааяз ааяасмад̇о махаагаббинасса саммукз анд̇арахид̇о г̇иж̇жхагуудз баб̣б̣ад̇з баад̇урахоси.
137. Tena kho pana samayena āyasmā mahākappino rājagahe viharati maddakucchimhi migadāye. Atha kho āyasmato mahākappinassa rahogatassa paṭisallīnassa evaṃ cetaso parivitakko udapādi – ‘‘gaccheyyaṃ vāhaṃ uposathaṃ na vā gaccheyyaṃ, gaccheyyaṃ vāhaṃ saṅghakammaṃ na vā gaccheyyaṃ, atha khvāhaṃ visuddho paramāya visuddhiyā’’ti? Atha kho bhagavā āyasmato mahākappinassa cetasā cetoparivitakkamaññāya – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – gijjhakūṭe pabbate antarahito maddakucchimhi migadāye āyasmato mahākappinassa sammukhe pāturahosi. Nisīdi bhagavā paññatte āsane. Āyasmāpi kho mahākappino bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ mahākappinaṃ bhagavā etadavoca – ‘‘nanu te, kappina, rahogatassa paṭisallīnassa evaṃ cetaso parivitakko udapādi – gaccheyyaṃ vāhaṃ uposathaṃ na vā gaccheyyaṃ, gaccheyyaṃ vāhaṃ saṅghakammaṃ na vā gaccheyyaṃ, atha khvāhaṃ visuddho paramāya visuddhiyā’’ti? ‘‘Evaṃ, bhante’’. ‘‘Tumhe ce brāhmaṇā uposathaṃ na sakkarissatha na garukarissatha 2 na mānessatha na pūjessatha, atha ko carahi uposathaṃ sakkarissati garukarissati mānessati pūjessati? Gaccha tvaṃ, brāhmaṇa, uposathaṃ, mā no agamāsi. Gaccha tvaṃ saṅghakammaṃ, mā no agamāsī’’ti. ‘‘Evaṃ, bhante’’ti kho āyasmā mahākappino bhagavato paccassosi. Atha kho bhagavā āyasmantaṃ mahākappinaṃ dhammiyā kathāya sandassetvā samādapetvā samuttejetvā sampahaṃsetvā – seyyathāpi nāma balavā puriso samiñjitaṃ vā bāhaṃ pasāreyya, pasāritaṃ vā bāhaṃ samiñjeyya, evameva – maddakucchimhi migadāye āyasmato mahākappinassa sammukhe antarahito gijjhakūṭe pabbate pāturahosi.
Footnotes:
Related texts:
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саннибаад̇аануж̇аананаад̣̇игат̇ааван̣н̣анаа • Sannipātānujānanādikathāvaṇṇanā
