| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
71. махаагарун̣аан̃аан̣анид̣̇д̣̇зсаван̣н̣анаа
71. Mahākaruṇāñāṇaniddesavaṇṇanā
117. махаагарун̣аан̃аан̣анид̣̇д̣̇зсз б̣ахугзхи аагаарзхийд̇и ид̣̇аани вужжамаанзхи згуунанавуд̇ияаа багаарзхи. бассанд̇аананд̇и н̃аан̣ажагкунаа жа б̣уд̣̇д̇хажагкунаа жа ологзнд̇аанам̣. оггамад̇ийд̇и од̇арад̇и бависад̇и. аад̣̇ид̇д̇од̇и д̣̇угкалагкан̣авасзна бийл̣ааяог̇ад̇о санд̇аабанадтзна аад̣̇ийбид̇о. ‘‘яад̣̇анижжам̣, д̇ам̣ д̣̇угка’’нд̇и (сам̣. ни. 3.15) вуд̇д̇ад̇д̇аа саб̣б̣асан̇кад̇асса жзва д̣̇угкалагкан̣авасзна бийл̣ид̇ад̇д̇аа д̣̇угкасса жа гарун̣ааяа муулабхууд̇ад̇д̇аа батамам̣ д̣̇угкалагкан̣авасзна ‘‘аад̣̇ид̇д̇о’’д̇и вуд̇д̇анд̇и взд̣̇ид̇аб̣б̣ам̣. рааг̇аад̣̇ийхи аад̣̇ид̇д̇ад̇ам̣ бана убари вагкад̇и. ат̇а ваа аад̣̇ид̇д̇од̇и рааг̇аад̣̇ийхиязва аад̣̇ид̇д̇о. убари бана ‘‘д̇асса над̇т̇ан̃н̃о гожи ниб̣б̣аабзд̇аа’’д̇и ад̇т̇аабзгканавасзна буна вуд̇д̇анд̇и взд̣̇ид̇аб̣б̣ам̣ . логасанниваасод̇и бан̃жагканд̇хаа луж̇ж̇анабалуж̇ж̇анадтзна лого, д̇ан̣хаад̣̇идтивасзна саннивасанд̇и зд̇т̇а сад̇д̇аад̇и санниваасо, логова санниваасо логасанниваасо. д̣̇угкид̇ам̣ канд̇хасанд̇аанам̣ убаад̣̇ааяа сад̇д̇авохаарасаб̣бхаавад̇о логасанниваасаяог̇ад̇о сад̇д̇асамуухоби логасанниваасо. соби жа сахаканд̇хагоязва. уяяуд̇д̇од̇и анзгзсу гижжзсу нижжаб̣яаабаарад̇ааяа гад̇аяог̇о гад̇ауссаахо, сад̇ад̇агижжзсу сауссуггод̇и ад̇т̇о. гхадданаяуд̇д̇од̇и ваа уяяуд̇д̇о. баяаад̇од̇и баб̣б̣ад̇зяяаа над̣̇ий вияа анавадтид̇аг̇аманзна маран̣ааяа яаад̇ум̣ аарад̣̇д̇хо. гуммаг̇г̇аббадибаннод̇и гужчид̇ам̣ мижчаамаг̇г̇ам̣ бадибанно. убари бана ‘‘вибат̇абагканд̣̇о’’д̇и наанаабад̣̇зхи висзсзд̇ваа вуд̇д̇ам̣.
117. Mahākaruṇāñāṇaniddese bahukehi ākārehīti idāni vuccamānehi ekūnanavutiyā pakārehi. Passantānanti ñāṇacakkhunā ca buddhacakkhunā ca olokentānaṃ. Okkamatīti otarati pavisati. Ādittoti dukkhalakkhaṇavasena pīḷāyogato santāpanaṭṭhena ādīpito. ‘‘Yadaniccaṃ, taṃ dukkha’’nti (saṃ. ni. 3.15) vuttattā sabbasaṅkhatassa ceva dukkhalakkhaṇavasena pīḷitattā dukkhassa ca karuṇāya mūlabhūtattā paṭhamaṃ dukkhalakkhaṇavasena ‘‘āditto’’ti vuttanti veditabbaṃ. Rāgādīhi ādittataṃ pana upari vakkhati. Atha vā ādittoti rāgādīhiyeva āditto. Upari pana ‘‘tassa natthañño koci nibbāpetā’’ti atthāpekkhanavasena puna vuttanti veditabbaṃ . Lokasannivāsoti pañcakkhandhā lujjanapalujjanaṭṭhena loko, taṇhādiṭṭhivasena sannivasanti ettha sattāti sannivāso, lokova sannivāso lokasannivāso. Dukkhitaṃ khandhasantānaṃ upādāya sattavohārasabbhāvato lokasannivāsayogato sattasamūhopi lokasannivāso. Sopi ca sahakhandhakoyeva. Uyyuttoti anekesu kiccesu niccabyāpāratāya katayogo kataussāho, satatakiccesu saussukkoti attho. Ghaṭṭanayuttoti vā uyyutto. Payātoti pabbateyyā nadī viya anavaṭṭhitagamanena maraṇāya yātuṃ āraddho. Kummaggappaṭipannoti kucchitaṃ micchāmaggaṃ paṭipanno. Upari pana ‘‘vipathapakkhando’’ti nānāpadehi visesetvā vuttaṃ.
убанийяад̇ийд̇и ж̇араавасзна маран̣ааяа убанийяад̇и харийяад̇и. ж̇араа хи ‘‘ааяуно сам̣хааний’’д̇и (сам̣. ни. 2.2) вуд̇д̇аа. ад̣̇д̇хувод̇и на т̇иро, сад̣̇аа д̇ат̇зва на ход̇и. яасмаа ад̣̇д̇хуво, д̇асмаа убанийяад̇ийд̇и буримасса гааран̣аважанамзд̇ам̣. зд̇зна сагааран̣ам̣ ж̇араад̣̇угкам̣ вуд̇д̇ам̣. д̇ам̣ ж̇араад̣̇угкам̣ д̣̇исваа ж̇араабаариж̇ун̃н̃арахид̇ааби вин̃н̃уу баб̣б̣аж̇анд̇и. ад̇аан̣од̇и д̇ааяид̇ум̣ рагкид̇ум̣ самад̇т̇зна рахид̇о, анаарагкод̇и вуд̇д̇ам̣ ход̇и. анабхиссарод̇и абхисарид̇ваа абхиг̇анд̇ваа б̣яаахаран̣зна ассаасзд̇ум̣ самад̇т̇зна рахид̇о, асахааяод̇и ваа ад̇т̇о. яасмаа анабхиссаро, д̇асмаа ад̇аан̣од̇и буримасса гааран̣аважанамзд̇ам̣. зд̇зна сагааран̣ам̣ бияавиббаяог̇ад̣̇угкам̣ вуд̇д̇ам̣. д̇ам̣ бияавиббаяог̇ад̣̇угкам̣ д̣̇исваа н̃аад̇ибаариж̇ун̃н̃арахид̇ааби вин̃н̃уу баб̣б̣аж̇анд̇и. ассагод̇и сагабхан̣д̣арахид̇о. саб̣б̣ам̣ бахааяа г̇аманийяанд̇и сагабхан̣д̣анд̇и саллагкид̇ам̣ саб̣б̣ам̣ бахааяа логзна г̇анд̇аб̣б̣ам̣. яасмаа саб̣б̣ам̣ бахааяа г̇аманийяам̣, д̇асмаа ассагод̇и буримасса гааран̣аважанамзд̇ам̣. зд̇зна сагааран̣ам̣ маран̣ад̣̇угкам̣ вуд̇д̇ам̣. д̇ам̣ д̣̇исваа бхог̇абаариж̇ун̃н̃арахид̇ааби вин̃н̃уу баб̣б̣аж̇анд̇и. ан̃н̃ад̇т̇а ‘‘гаммассагаа маан̣авасад̇д̇аа’’д̇и (ма. ни. 3.289) вуд̇д̇ам̣, ид̇ха жа радтабааласуд̇д̇з жа ‘‘ассаго лого’’д̇и (ма. ни. 2.305) вуд̇д̇ам̣, д̇ам̣ гат̇ам̣ яуж̇ж̇ад̇ийд̇и жз? бахааяа г̇аманийяам̣ санд̇хааяа ‘‘ассаго’’д̇и вуд̇д̇ам̣, гаммам̣ бана на бахааяа г̇аманийяам̣. д̇асмаа ‘‘гаммассагаа’’д̇и вуд̇д̇ам̣. радтабааласуд̇д̇зязва жа звамзд̇ам̣ вуд̇д̇ам̣ ‘‘д̇вам̣ бана яат̇аагаммам̣ г̇амиссасий’’д̇и (ма. ни. 2.306). уунод̇и баарибуурирахид̇о. ад̇ид̇д̇од̇и бхияяо бхияяо бад̇т̇анааяаби на сухид̇о . ид̣̇ам̣ уунабхаавасса гааран̣аважанам̣. д̇ан̣хаад̣̇аасод̇и д̇ан̣хааяа васз вад̇д̇анад̇о д̇ан̣хааяа д̣̇аасабхууд̇о. ид̣̇ам̣ ад̇ид̇д̇абхаавасса гааран̣аважанам̣. зд̇зна ижчаарог̇аабад̣̇зсзна сагааран̣ам̣ б̣яаад̇хид̣̇угкам̣ вуд̇д̇ам̣. д̇ам̣ б̣яаад̇хид̣̇угкам̣ д̣̇исваа б̣яаад̇хибаариж̇ун̃н̃арахид̇ааби вин̃н̃уу баб̣б̣аж̇анд̇и. ад̇ааяанод̇и буд̇д̇аад̣̇ийхиби д̇ааяанасса абхаавад̇о ад̇ааяано анаарагко, алаб̣бханзяяакзмо ваа. алзн̣од̇и аллийяид̇ум̣ ниссид̇ум̣ анарахо аллийнаанамби жа лзн̣агижжаагаараго. асаран̣од̇и ниссид̇аанам̣ на бхаяасаараго на бхаяавинаасаго. асаран̣ийбхууд̇од̇и бурз уббад̇д̇ияаа ад̇д̇ано абхаавзнзва асаран̣о, уббад̇д̇исамагааламзва асаран̣ийбхууд̇од̇и ад̇т̇о.
Upanīyatīti jarāvasena maraṇāya upanīyati harīyati. Jarā hi ‘‘āyuno saṃhānī’’ti (saṃ. ni. 2.2) vuttā. Addhuvoti na thiro, sadā tatheva na hoti. Yasmā addhuvo, tasmā upanīyatīti purimassa kāraṇavacanametaṃ. Etena sakāraṇaṃ jarādukkhaṃ vuttaṃ. Taṃ jarādukkhaṃ disvā jarāpārijuññarahitāpi viññū pabbajanti. Atāṇoti tāyituṃ rakkhituṃ samatthena rahito, anārakkhoti vuttaṃ hoti. Anabhissaroti abhisaritvā abhigantvā byāharaṇena assāsetuṃ samatthena rahito, asahāyoti vā attho. Yasmā anabhissaro, tasmā atāṇoti purimassa kāraṇavacanametaṃ. Etena sakāraṇaṃ piyavippayogadukkhaṃ vuttaṃ. Taṃ piyavippayogadukkhaṃ disvā ñātipārijuññarahitāpi viññū pabbajanti. Assakoti sakabhaṇḍarahito. Sabbaṃ pahāya gamanīyanti sakabhaṇḍanti sallakkhitaṃ sabbaṃ pahāya lokena gantabbaṃ. Yasmā sabbaṃ pahāya gamanīyaṃ, tasmā assakoti purimassa kāraṇavacanametaṃ. Etena sakāraṇaṃ maraṇadukkhaṃ vuttaṃ. Taṃ disvā bhogapārijuññarahitāpi viññū pabbajanti. Aññattha ‘‘kammassakā māṇavasattā’’ti (ma. ni. 3.289) vuttaṃ, idha ca raṭṭhapālasutte ca ‘‘assako loko’’ti (ma. ni. 2.305) vuttaṃ, taṃ kathaṃ yujjatīti ce? Pahāya gamanīyaṃ sandhāya ‘‘assako’’ti vuttaṃ, kammaṃ pana na pahāya gamanīyaṃ. Tasmā ‘‘kammassakā’’ti vuttaṃ. Raṭṭhapālasutteyeva ca evametaṃ vuttaṃ ‘‘tvaṃ pana yathākammaṃ gamissasī’’ti (ma. ni. 2.306). Ūnoti pāripūrirahito. Atittoti bhiyyo bhiyyo patthanāyapi na suhito . Idaṃ ūnabhāvassa kāraṇavacanaṃ. Taṇhādāsoti taṇhāya vase vattanato taṇhāya dāsabhūto. Idaṃ atittabhāvassa kāraṇavacanaṃ. Etena icchārogāpadesena sakāraṇaṃ byādhidukkhaṃ vuttaṃ. Taṃ byādhidukkhaṃ disvā byādhipārijuññarahitāpi viññū pabbajanti. Atāyanoti puttādīhipi tāyanassa abhāvato atāyano anārakkho, alabbhaneyyakhemo vā. Aleṇoti allīyituṃ nissituṃ anaraho allīnānampi ca leṇakiccākārako. Asaraṇoti nissitānaṃ na bhayasārako na bhayavināsako. Asaraṇībhūtoti pure uppattiyā attano abhāveneva asaraṇo, uppattisamakālameva asaraṇībhūtoti attho.
уд̣̇д̇хад̇од̇и саб̣б̣аагусалзсу уд̣̇д̇хажжасса уббаж̇ж̇анад̇о сад̇д̇асанд̇аанз жа агусалуббад̇д̇иб̣аахуллад̇о агусаласаман̇г̇ийлого д̇зна уд̣̇д̇хажжзна уд̣̇д̇хад̇о. авуубасанд̇од̇и авуубасаманалагкан̣асса уд̣̇д̇хажжассзва яог̇зна авуубасанд̇о бханд̇амиг̇абадибхааг̇о. ‘‘убанийяад̇и лого’’д̇иаад̣̇ийсу жад̇уусу жа ‘‘уд̣̇д̇хад̇о лого’’д̇и жа бан̃жасу таанзсу логод̇и ааг̇ад̇ам̣, сзсзсу логасанниваасод̇и. убхаяат̇ааби логоязва. сасаллод̇и бийл̣ааж̇анагад̇ааяа анд̇од̇уд̣̇анад̇ааяа д̣̇уннийхаран̣ийяад̇ааяа жа саллаад̇и сан̇кам̣ г̇ад̇зхи рааг̇аад̣̇ийхи саллзхи сахавад̇д̇анаго. вид̣̇д̇ход̇и миг̇аад̣̇аяо гад̣̇аажи барзхи вид̣̇д̇хаа хонд̇и, аяам̣ бана лого нижжам̣ ад̇д̇анаава вид̣̇д̇хо. бут̇усаллзхийд̇и ‘‘сад̇д̇а саллаани – рааг̇асаллам̣, д̣̇осасаллам̣, мохасаллам̣, маанасаллам̣, д̣̇идтисаллам̣, гилзсасаллам̣, д̣̇ужжарид̇асалла’’нд̇и (махаани. 174) вуд̇д̇зхи сад̇д̇ахи саллзхи. д̇ассаад̇и д̇асса логасанниваасасса. саллаанам̣ уд̣̇д̇хад̇аад̇и д̇зсам̣ саллаанам̣ сад̇д̇асанд̇аанад̇о уд̣̇д̇харид̇аа буг̇г̇ало. ан̃н̃ад̇ра маяаад̇и мам̣ табзд̇ваа. язби бхаг̇авад̇о саавагаа саллаани уд̣̇д̇харанд̇и, д̇зсам̣ бхаг̇авад̇о важанзнзва уд̣̇д̇харан̣ад̇о бхаг̇аваава уд̣̇д̇харад̇и наама. авиж̇ж̇анд̇хагаарааваран̣од̇и авиж̇ж̇аа зва сабхаавад̣̇ассанажчаад̣̇анзна анд̇хам̣ вияа гарод̇ийд̇и авиж̇ж̇анд̇хагааро, сова сабхаавааваг̇амананивааран̣зна ааваран̣ам̣ зд̇ассаад̇и авиж̇ж̇анд̇хагаарааваран̣о. гилзсабан̃ж̇арабагкид̇д̇од̇и гилзсаа зва гусалаг̇аманасаннируж̇жханадтзна бан̃ж̇арод̇и гилзсабан̃ж̇аро, авиж̇ж̇аабабхавз гилзсабан̃ж̇арз багкид̇д̇о баад̇ид̇о. аалогам̣ д̣̇ассзд̇аад̇и бан̃н̃аалогам̣ д̣̇ассанасийло, бан̃н̃аалогасса д̣̇ассзд̇аад̇и ваа ад̇т̇о. авиж̇ж̇ааг̇ад̇од̇и авиж̇ж̇ам̣ г̇ад̇о бавидто. на гзвалам̣ авиж̇ж̇ааяа ааваран̣амад̇д̇амзва, ат̇а ко г̇аханаг̇ад̇о вияа авиж̇ж̇аагосасса анд̇о бавидтод̇и буримад̇о висзсо. ан̣д̣абхууд̇од̇иаад̣̇аяо жа висзсааязва. ан̣д̣абхууд̇од̇и ан̣д̣з бхууд̇о ниб̣б̣ад̇д̇о. яат̇аа хи ан̣д̣з ниб̣б̣ад̇д̇аа згажжз сад̇д̇аа ‘‘ан̣д̣абхууд̇аа’’д̇и вужжанд̇и, звамаяам̣ лого авиж̇ж̇ан̣д̣агосз ниб̣б̣ад̇д̇ад̇д̇аа ‘‘ан̣д̣абхууд̇о’’д̇и вужжад̇и. барияонад̣̇д̇ход̇и д̇зна авиж̇ж̇ан̣д̣агосзна саманд̇ад̇о онад̣̇д̇хо б̣ад̣̇д̇хо взтид̇о.
Uddhatoti sabbākusalesu uddhaccassa uppajjanato sattasantāne ca akusaluppattibāhullato akusalasamaṅgīloko tena uddhaccena uddhato. Avūpasantoti avūpasamanalakkhaṇassa uddhaccasseva yogena avūpasanto bhantamigapaṭibhāgo. ‘‘Upanīyati loko’’tiādīsu catūsu ca ‘‘uddhato loko’’ti ca pañcasu ṭhānesu lokoti āgataṃ, sesesu lokasannivāsoti. Ubhayathāpi lokoyeva. Sasalloti pīḷājanakatāya antotudanatāya dunnīharaṇīyatāya ca sallāti saṅkhaṃ gatehi rāgādīhi sallehi sahavattanako. Viddhoti migādayo kadāci parehi viddhā honti, ayaṃ pana loko niccaṃ attanāva viddho. Puthusallehīti ‘‘satta sallāni – rāgasallaṃ, dosasallaṃ, mohasallaṃ, mānasallaṃ, diṭṭhisallaṃ, kilesasallaṃ, duccaritasalla’’nti (mahāni. 174) vuttehi sattahi sallehi. Tassāti tassa lokasannivāsassa. Sallānaṃ uddhatāti tesaṃ sallānaṃ sattasantānato uddharitā puggalo. Aññatra mayāti maṃ ṭhapetvā. Yepi bhagavato sāvakā sallāni uddharanti, tesaṃ bhagavato vacaneneva uddharaṇato bhagavāva uddharati nāma. Avijjandhakārāvaraṇoti avijjā eva sabhāvadassanacchādanena andhaṃ viya karotīti avijjandhakāro, sova sabhāvāvagamananivāraṇena āvaraṇaṃ etassāti avijjandhakārāvaraṇo. Kilesapañjarapakkhittoti kilesā eva kusalagamanasannirujjhanaṭṭhena pañjaroti kilesapañjaro, avijjāpabhave kilesapañjare pakkhitto pātito. Ālokaṃ dassetāti paññālokaṃ dassanasīlo, paññālokassa dassetāti vā attho. Avijjāgatoti avijjaṃ gato paviṭṭho. Na kevalaṃ avijjāya āvaraṇamattameva, atha kho gahanagato viya avijjākosassa anto paviṭṭhoti purimato viseso. Aṇḍabhūtotiādayo ca visesāyeva. Aṇḍabhūtoti aṇḍe bhūto nibbatto. Yathā hi aṇḍe nibbattā ekacce sattā ‘‘aṇḍabhūtā’’ti vuccanti, evamayaṃ loko avijjaṇḍakose nibbattattā ‘‘aṇḍabhūto’’ti vuccati. Pariyonaddhoti tena avijjaṇḍakosena samantato onaddho baddho veṭhito.
д̇анд̇аагулагаж̇аад̇од̇и д̇анд̇ам̣ вияа аагулабхууд̇о. яат̇аа наама д̣̇уннигкид̇д̇ам̣ муусигажчиннам̣ бзсагаараанам̣ д̇анд̇ам̣ д̇ахим̣ д̇ахим̣ аагулам̣ ход̇и, ид̣̇ам̣ аг̇г̇ам̣ ид̣̇ам̣ мууланд̇и аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггарам̣ ход̇и, звамзва сад̇д̇аа бажжаяаагаарз калид̇аа аагулаа б̣яаагулаа хонд̇и, на саггонд̇и бажжаяаагаарам̣ уж̇ум̣ гаад̇ум̣. д̇ад̇т̇а д̇анд̇ам̣ бажжад̇д̇абурисагаарз тад̇ваа саггааби бхавзяяа уж̇ум̣ гаад̇ум̣, табзд̇ваа бана д̣̇вз б̣од̇хисад̇д̇з ан̃н̃о сад̇д̇о ад̇д̇ано д̇хаммад̇ааяа бажжаяаагаарам̣ уж̇ум̣ гаад̇ум̣ самад̇т̇о наама над̇т̇и. яат̇аа бана аагулам̣ д̇анд̇ам̣ ган̃ж̇игам̣ д̣̇ад̇ваа гожчзна бахадам̣ д̇ад̇т̇а д̇ад̇т̇а гулагаж̇аад̇ам̣ ход̇и г̇ан̣тиб̣ад̣̇д̇хам̣, звамаяам̣ лого бажжаязсу багкалид̇ваа бажжаяз уж̇ум̣ гаад̇ум̣ асаггонд̇о д̣̇ваасадтид̣̇идтиг̇ад̇авасзна гулагаж̇аад̇о ход̇и г̇ан̣тиб̣ад̣̇д̇хо. яз хи гзжи д̣̇идтияо ниссид̇аа, саб̣б̣з д̇з бажжаяам̣ уж̇ум̣ гаад̇ум̣ на саггонд̇иязва. гулааг̇ан̣тигаж̇аад̇од̇и гулааг̇ан̣тигам̣ вияа бхууд̇о. гулааг̇ан̣тигам̣ вужжад̇и бзсагаараган̃ж̇игасуд̇д̇ам̣. ‘‘гулаа наама сагун̣игаа, д̇ассаа гулааваго’’д̇иби згз. яат̇аа д̇ад̣̇убхаяамби аагулам̣ аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггаранд̇и буриманаязнзва яож̇зд̇аб̣б̣ам̣. мун̃ж̇абаб̣б̣аж̇абхууд̇од̇и мун̃ж̇ад̇ин̣ам̣ вияа баб̣б̣аж̇ад̇ин̣ам̣ вияа жа бхууд̇о мун̃ж̇ад̇ин̣абаб̣б̣аж̇ад̇ин̣асад̣̇исо ж̇аад̇о. яат̇аа д̇аани д̇ин̣аани годдзд̇ваа годдзд̇ваа гад̇араж̇ж̇у ж̇ин̣н̣агаалз гад̇т̇ажи бад̇ид̇ам̣ г̇ахзд̇ваа д̇зсам̣ д̇ин̣аанам̣ ‘‘ид̣̇ам̣ аг̇г̇ам̣ ид̣̇ам̣ муула’’нд̇и аг̇г̇зна ваа аг̇г̇ам̣, муулзна ваа муулам̣ самаанзд̇ум̣ д̣̇уггарам̣, д̇амби бажжад̇д̇абурисагаарз тад̇ваа саггаа бхавзяяа уж̇ум̣ гаад̇ум̣, табзд̇ваа бана д̣̇вз б̣од̇хисад̇д̇з ан̃н̃о сад̇д̇о ад̇д̇ано д̇хаммад̇ааяа бажжаяаагаарам̣ уж̇ум̣ гаад̇ум̣ самад̇т̇о наама над̇т̇и. звамаяам̣ лого бажжаяаагаарам̣ уж̇ум̣ гаад̇ум̣ асаггонд̇о д̣̇ваасадтид̣̇идтиг̇ад̇авасзна г̇ан̣тиж̇аад̇о худ̇ваа абааяам̣ д̣̇уг̇г̇ад̇им̣ винибаад̇ам̣ сам̣саарам̣ наад̇ивад̇д̇ад̇и.
Tantākulakajātoti tantaṃ viya ākulabhūto. Yathā nāma dunnikkhittaṃ mūsikacchinnaṃ pesakārānaṃ tantaṃ tahiṃ tahiṃ ākulaṃ hoti, idaṃ aggaṃ idaṃ mūlanti aggena vā aggaṃ, mūlena vā mūlaṃ samānetuṃ dukkaraṃ hoti, evameva sattā paccayākāre khalitā ākulā byākulā honti, na sakkonti paccayākāraṃ ujuṃ kātuṃ. Tattha tantaṃ paccattapurisakāre ṭhatvā sakkāpi bhaveyya ujuṃ kātuṃ, ṭhapetvā pana dve bodhisatte añño satto attano dhammatāya paccayākāraṃ ujuṃ kātuṃ samattho nāma natthi. Yathā pana ākulaṃ tantaṃ kañjikaṃ datvā kocchena pahaṭaṃ tattha tattha kulakajātaṃ hoti gaṇṭhibaddhaṃ, evamayaṃ loko paccayesu pakkhalitvā paccaye ujuṃ kātuṃ asakkonto dvāsaṭṭhidiṭṭhigatavasena kulakajāto hoti gaṇṭhibaddho. Ye hi keci diṭṭhiyo nissitā, sabbe te paccayaṃ ujuṃ kātuṃ na sakkontiyeva. Kulāgaṇṭhikajātoti kulāgaṇṭhikaṃ viya bhūto. Kulāgaṇṭhikaṃ vuccati pesakārakañjikasuttaṃ. ‘‘Kulā nāma sakuṇikā, tassā kulāvako’’tipi eke. Yathā tadubhayampi ākulaṃ aggena vā aggaṃ, mūlena vā mūlaṃ samānetuṃ dukkaranti purimanayeneva yojetabbaṃ. Muñjapabbajabhūtoti muñjatiṇaṃ viya pabbajatiṇaṃ viya ca bhūto muñjatiṇapabbajatiṇasadiso jāto. Yathā tāni tiṇāni koṭṭetvā koṭṭetvā katarajju jiṇṇakāle katthaci patitaṃ gahetvā tesaṃ tiṇānaṃ ‘‘idaṃ aggaṃ idaṃ mūla’’nti aggena vā aggaṃ, mūlena vā mūlaṃ samānetuṃ dukkaraṃ, tampi paccattapurisakāre ṭhatvā sakkā bhaveyya ujuṃ kātuṃ, ṭhapetvā pana dve bodhisatte añño satto attano dhammatāya paccayākāraṃ ujuṃ kātuṃ samattho nāma natthi. Evamayaṃ loko paccayākāraṃ ujuṃ kātuṃ asakkonto dvāsaṭṭhidiṭṭhigatavasena gaṇṭhijāto hutvā apāyaṃ duggatiṃ vinipātaṃ saṃsāraṃ nātivattati.
д̇ад̇т̇а абааяод̇и нираяо д̇иражчаанаяони бзд̇д̇ивисаяо асурагааяо. саб̣б̣зби хи д̇з вад̣дхисан̇каад̇асса ааяасса абхаавад̇о ‘‘абааяо’’д̇и вужжанд̇и. д̇ат̇аа д̣̇угкасса г̇ад̇ибхаавад̇о д̣̇уг̇г̇ад̇и. сукасамуссаяад̇о винибад̇ид̇ад̇д̇аа винибаад̇о. ид̇аро бана –
Tattha apāyoti nirayo tiracchānayoni pettivisayo asurakāyo. Sabbepi hi te vaḍḍhisaṅkhātassa āyassa abhāvato ‘‘apāyo’’ti vuccanti. Tathā dukkhassa gatibhāvato duggati. Sukhasamussayato vinipatitattā vinipāto. Itaro pana –
‘‘канд̇хаанан̃жа бадибаади, д̇хаад̇уааяад̇анаана жа;
‘‘Khandhānañca paṭipāṭi, dhātuāyatanāna ca;
аб̣б̣ожчиннам̣ вад̇д̇амаанаа, сам̣саарод̇и бавужжад̇и’’.
Abbocchinnaṃ vattamānā, saṃsāroti pavuccati’’.
д̇ам̣ саб̣б̣амби наад̇ивад̇д̇ад̇и наад̇иггамад̇и. ат̇а ко жуд̇ид̇о бадисанд̇хим̣, бадисанд̇хид̇о жуд̇инд̇и звам̣ бунаббунам̣ жуд̇ибадисанд̇хияо г̇ан̣хамаано д̇ийсу бхавзсу жад̇уусу яонийсу бан̃жасу г̇ад̇ийсу сад̇д̇асу вин̃н̃аан̣адтид̇ийсу навасу сад̇д̇ааваасзсу махаасамуд̣̇д̣̇з ваад̇угкид̇д̇анааваа вияа яанд̇аг̇он̣о вияа жа бариб̣бхамад̇иязва. авиж̇ж̇аависад̣̇осасаллид̇д̇од̇и авиж̇ж̇ааязва агусалуббаад̣̇анзна гусалаж̇ийвид̇анаасанад̇о висанд̇и авиж̇ж̇аависам̣, д̇ад̣̇зва санд̇аанад̣̇уусанад̇о авиж̇ж̇аависад̣̇осо, д̇зна анусаяабарияудтаанад̣̇ужжарид̇абхууд̇зна бхусам̣ лид̇д̇о магкид̇од̇и авиж̇ж̇аависад̣̇осасаллид̇д̇о. гилзсагалалийбхууд̇од̇и авиж̇ж̇аад̣̇имуулагаа гилзсаа зва осийд̣̇анадтзна галалам̣ гад̣̇д̣̇амод̇и гилзсагалалам̣, д̇ад̣̇асса ад̇т̇ийд̇и гилзсагалалий, звам̣бхууд̇о. рааг̇ад̣̇осамохаж̇адааж̇адид̇од̇и лобхабадигхаавиж̇ж̇аасан̇каад̇аа рааг̇ад̣̇осамохаа зва руубаад̣̇ийсу аарамман̣зсу хздтубарияавасзна бунаббунам̣ уббаж̇ж̇анад̇о сам̣сиб̣б̣анадтзна взл̣уг̇умб̣аад̣̇ийнам̣ саакааж̇ааласан̇каад̇аа ж̇адаа вияаад̇и ж̇адаа, д̇ааяа рааг̇ад̣̇осамохаж̇адааяа ж̇адид̇о. яат̇аа наама взл̣уж̇адаад̣̇ийхи взл̣уаад̣̇аяо, звам̣ д̇ааяа ж̇адааяа аяам̣ лого ж̇адид̇о винад̣̇д̇хо сам̣сиб̣б̣ид̇од̇и ад̇т̇о. ж̇адам̣ виж̇адзд̇аад̇и имам̣ звам̣ д̇зд̇хаад̇угам̣ логам̣ ж̇адзд̇ваа тид̇ам̣ ж̇адам̣ виж̇адзд̇аа сам̣чинд̣̇ид̇аа самбад̣̇аалаяид̇аа.
Taṃ sabbampi nātivattati nātikkamati. Atha kho cutito paṭisandhiṃ, paṭisandhito cutinti evaṃ punappunaṃ cutipaṭisandhiyo gaṇhamāno tīsu bhavesu catūsu yonīsu pañcasu gatīsu sattasu viññāṇaṭṭhitīsu navasu sattāvāsesu mahāsamudde vātukkhittanāvā viya yantagoṇo viya ca paribbhamatiyeva. Avijjāvisadosasallittoti avijjāyeva akusaluppādanena kusalajīvitanāsanato visanti avijjāvisaṃ, tadeva santānadūsanato avijjāvisadoso, tena anusayapariyuṭṭhānaduccaritabhūtena bhusaṃ litto makkhitoti avijjāvisadosasallitto. Kilesakalalībhūtoti avijjādimūlakā kilesā eva osīdanaṭṭhena kalalaṃ kaddamoti kilesakalalaṃ, tadassa atthīti kilesakalalī, evaṃbhūto. Rāgadosamohajaṭājaṭitoti lobhapaṭighāvijjāsaṅkhātā rāgadosamohā eva rūpādīsu ārammaṇesu heṭṭhupariyavasena punappunaṃ uppajjanato saṃsibbanaṭṭhena veḷugumbādīnaṃ sākhājālasaṅkhātā jaṭā viyāti jaṭā, tāya rāgadosamohajaṭāya jaṭito. Yathā nāma veḷujaṭādīhi veḷuādayo, evaṃ tāya jaṭāya ayaṃ loko jaṭito vinaddho saṃsibbitoti attho. Jaṭaṃ vijaṭetāti imaṃ evaṃ tedhātukaṃ lokaṃ jaṭetvā ṭhitaṃ jaṭaṃ vijaṭetā saṃchinditā sampadālayitā.
д̇ан̣хаасан̇гхаадабадимуггод̇и д̇ан̣хаа зва аб̣б̣ожчиннам̣ бавад̇д̇ид̇о сан̇гхадид̇адтзна сан̇гхаадод̇и д̇ан̣хаасан̇гхаадо, д̇асмим̣ д̇ан̣хаасан̇гхаадз бадимугго анубавидто анд̇ог̇ад̇од̇и д̇ан̣хаасан̇гхаадабадимугго. д̇ан̣хааж̇аалзна од̇т̇адод̇и д̇ан̣хаа зва буб̣б̣з вуд̇д̇анаязна сам̣сиб̣б̣анадтзна ж̇ааланд̇и д̇ан̣хааж̇аалам̣, д̇зна д̇ан̣хааж̇аалзна од̇т̇адо саманд̇ад̇о чаад̣̇ид̇о баливзтид̇о. д̇ан̣хаасод̇зна вуяхад̇ийд̇и д̇ан̣хаа зва сам̣саарз аагад̣дханадтзна сод̇од̇и д̇ан̣хаасод̇о, д̇зна д̇ан̣хаасод̇зна вуяхад̇и аагад̣дхийяад̇и. д̇ан̣хаасан̃н̃ож̇анзна сан̃н̃уд̇д̇од̇и д̇ан̣хаа зва логам̣ ваддасмим̣ сам̣яож̇анад̇о б̣анд̇ханад̇о сам̣яож̇ананд̇и д̇ан̣хаасам̣яож̇анам̣, д̇зна д̇ан̣хаасам̣яож̇анзна сан̃н̃уд̇д̇о б̣ад̣̇д̇хо. д̇ан̣хаанусаязна анусадод̇и д̇ан̣хаа зва анусаяанадтзна анусаяод̇и д̇ан̣хаанусаяо, д̇зна д̇ан̣хаанусаязна анусадо ануг̇ад̇о т̇аамаг̇ад̇о. д̇ан̣хаасанд̇аабзна санд̇аббад̇ийд̇и д̇ан̣хаа зва бавад̇д̇игаалз палагаалз жа логам̣ санд̇аабзд̇ийд̇и санд̇аабо, д̇зна д̇ан̣хаасанд̇аабзна санд̇аббад̇и санд̇аабийяад̇и. д̇ан̣хаабарил̣аахзна барид̣аяхад̇ийд̇и д̇ан̣хаа зва б̣алавабхууд̇аа бавад̇д̇игаалз палагаалз жа саманд̇ад̇о д̣̇аханадтзна махаабарил̣ааход̇и д̇ан̣хаабарил̣аахо, д̇зна д̇ан̣хаабарил̣аахзна барид̣аяхад̇и саманд̇ад̇о д̣ахийяад̇и. д̣̇идтисан̇гхаадаад̣̇аяо иминаава наязна яож̇зд̇аб̣б̣аа.
Taṇhāsaṅghāṭapaṭimukkoti taṇhā eva abbocchinnaṃ pavattito saṅghaṭitaṭṭhena saṅghāṭoti taṇhāsaṅghāṭo, tasmiṃ taṇhāsaṅghāṭe paṭimukko anupaviṭṭho antogatoti taṇhāsaṅghāṭapaṭimukko. Taṇhājālena otthaṭoti taṇhā eva pubbe vuttanayena saṃsibbanaṭṭhena jālanti taṇhājālaṃ, tena taṇhājālena otthaṭo samantato chādito paliveṭhito. Taṇhāsotena vuyhatīti taṇhā eva saṃsāre ākaḍḍhanaṭṭhena sototi taṇhāsoto, tena taṇhāsotena vuyhati ākaḍḍhīyati. Taṇhāsaññojanena saññuttoti taṇhā eva lokaṃ vaṭṭasmiṃ saṃyojanato bandhanato saṃyojananti taṇhāsaṃyojanaṃ, tena taṇhāsaṃyojanena saññutto baddho. Taṇhānusayena anusaṭoti taṇhā eva anusayanaṭṭhena anusayoti taṇhānusayo, tena taṇhānusayena anusaṭo anugato thāmagato. Taṇhāsantāpena santappatīti taṇhā eva pavattikāle phalakāle ca lokaṃ santāpetīti santāpo, tena taṇhāsantāpena santappati santāpīyati. Taṇhāpariḷāhena pariḍayhatīti taṇhā eva balavabhūtā pavattikāle phalakāle ca samantato dahanaṭṭhena mahāpariḷāhoti taṇhāpariḷāho, tena taṇhāpariḷāhena pariḍayhati samantato ḍahīyati. Diṭṭhisaṅghāṭādayo imināva nayena yojetabbā.
ануг̇ад̇од̇и анубавидто. анусадод̇и ануд̇хаавид̇о. абхибхууд̇од̇и бийл̣ид̇о. аб̣бхаахад̇од̇и абхиаахад̇о абхимукам̣ бхусам̣ бахад̇о. д̣̇угкз бад̇идтид̇од̇и д̣̇угкз канд̇хабан̃жагз сукавибаллаасзна бад̇идтид̇о абхинивидто.
Anugatoti anupaviṭṭho. Anusaṭoti anudhāvito. Abhibhūtoti pīḷito. Abbhāhatoti abhiāhato abhimukhaṃ bhusaṃ pahato. Dukkhe patiṭṭhitoti dukkhe khandhapañcake sukhavipallāsena patiṭṭhito abhiniviṭṭho.
д̇ан̣хааяа уд̣д̣ид̇од̇и д̇ан̣хааяа уллан̇гхид̇о. жагку хи д̇ан̣хаараж̇ж̇унаа аавунид̇ваа руубанааг̇ад̣̇анд̇з уд̣д̣ид̇ам̣, сод̇аад̣̇ийни д̇ан̣хаараж̇ж̇унаа аавунид̇ваа сад̣̇д̣̇аад̣̇инааг̇ад̣̇анд̇зсу уд̣д̣ид̇аани. д̇ам̣саман̇г̇ийлогоби уд̣д̣ид̇оязва наама. ж̇араабаагаарабаригкид̇д̇од̇и анад̇иггаманийяадтзна баагаарабхууд̇ааяа ж̇арааяа бариваарид̇о. мажжубаасзна баригкид̇д̇од̇и д̣̇умможанийяадтзна баасабхууд̇зна маран̣зна б̣ад̣̇д̇хо. махааб̣анд̇ханаб̣ад̣̇д̇ход̇и д̣̇ал̣хад̇д̇аа д̣̇ужчзд̣̇ад̇д̇аа жа маханд̇зхи б̣анд̇ханзхи б̣ад̣̇д̇хо. рааг̇аб̣анд̇ханзнаад̇и рааг̇о зва б̣анд̇хад̇и сам̣саарад̇о жалид̇ум̣ на д̣̇зд̇ийд̇и рааг̇аб̣анд̇ханам̣. д̇зна рааг̇аб̣анд̇ханзна. сзсзсуби зсзва наяо. гилзсаб̣анд̇ханзнаад̇и вуд̇д̇аавасзсзна гилзсаб̣анд̇ханзна. д̣̇ужжарид̇аб̣анд̇ханзнаад̇и д̇ивид̇хзна. сужарид̇ам̣ бана б̣анд̇ханамогкасса хзд̇убхууд̇ам̣ б̣анд̇ханамогкабхууд̇ан̃жа ад̇т̇и. д̇асмаа д̇ам̣ на г̇ахзд̇аб̣б̣ам̣.
Taṇhāya uḍḍitoti taṇhāya ullaṅghito. Cakkhu hi taṇhārajjunā āvunitvā rūpanāgadante uḍḍitaṃ, sotādīni taṇhārajjunā āvunitvā saddādināgadantesu uḍḍitāni. Taṃsamaṅgīlokopi uḍḍitoyeva nāma. Jarāpākāraparikkhittoti anatikkamanīyaṭṭhena pākārabhūtāya jarāya parivārito. Maccupāsena parikkhittoti dummocanīyaṭṭhena pāsabhūtena maraṇena baddho. Mahābandhanabaddhoti daḷhattā ducchedattā ca mahantehi bandhanehi baddho. Rāgabandhanenāti rāgo eva bandhati saṃsārato calituṃ na detīti rāgabandhanaṃ. Tena rāgabandhanena. Sesesupi eseva nayo. Kilesabandhanenāti vuttāvasesena kilesabandhanena. Duccaritabandhanenāti tividhena. Sucaritaṃ pana bandhanamokkhassa hetubhūtaṃ bandhanamokkhabhūtañca atthi. Tasmā taṃ na gahetabbaṃ.
б̣анд̇ханам̣ можзд̇аад̇и д̇асса б̣анд̇ханам̣ можзд̇аа. б̣анд̇ханаа можзд̇аад̇иби баато, б̣анд̇ханад̇о д̇ам̣ можзд̇аад̇и ад̇т̇о. махаасамб̣аад̇хаббадибаннод̇и гусаласан̃жаарабийл̣анзна махаасамб̣аад̇хасан̇каад̇ам̣ рааг̇ад̣̇осамохамаанад̣̇идтигилзсад̣̇ужжарид̇аг̇аханам̣ бадибанно. огаасам̣ д̣̇ассзд̇аад̇и логияалогуд̇д̇арасамаад̇хибан̃н̃ааогаасам̣ д̣̇ассзд̇аа. махаабалиб̣од̇хзна балиб̣уд̣̇д̇ход̇и махаанивааран̣зна нивуд̇о. махаалзбзна ваа лид̇д̇о. балиб̣од̇ход̇и жа рааг̇аад̣̇исад̇д̇авид̇хо зва. ‘‘д̇ан̣хаад̣̇идтибалиб̣од̇хо’’д̇и згз. балиб̣од̇хам̣ чзд̇аад̇и д̇ам̣ балиб̣од̇хам̣ чинд̣̇ид̇аа. махаабабаад̇зд̇и бан̃жаг̇ад̇ибабаад̇з, ж̇аад̇иж̇араамаран̣абабаад̇з ваа. д̇ам̣ саб̣б̣амби д̣̇уруд̇д̇аран̣адтзна бабаад̇о. бабаад̇аа уд̣̇д̇хад̇аад̇и д̇амхаа бабаад̇ад̇о уд̣̇д̇харид̇аа. махааганд̇аараббадибаннод̇и ж̇аад̇иж̇арааб̣яаад̇химаран̣асогабарид̣̇звад̣̇угкад̣̇оманассубааяаасаганд̇аарам̣ бадибанно. саб̣б̣амби д̇ам̣ д̣̇урад̇иггаманадтзна ганд̇ааро, д̇ам̣ ганд̇аарам̣ д̇аарзд̇аа. ганд̇аараа д̇аарзд̇аад̇и ваа баато. махаасам̣саараббадибаннод̇и аб̣б̣ожчиннам̣ канд̇хасанд̇аанам̣ бадибанно. сам̣саараа можзд̇аад̇и сам̣саарад̇о можзд̇аа. сам̣саарам̣ можзд̇аад̇и ваа баато. махаавид̣̇уг̇г̇зд̇и сам̣сааравид̣̇уг̇г̇з. сам̣саароязва хи д̣̇уг̇г̇аманадтзна вид̣̇уг̇г̇о. самбаривад̇д̇ад̇ийд̇и бхусам̣ нивад̇д̇ид̇ваа жарад̇и. махаабалибзд̇и маханд̇з гаамагад̣̇д̣̇амз. гаамо хи осийд̣̇анадтзна балибо. балибаннод̇и лаг̇г̇о. махаабалибабалибаннод̇иби баато.
Bandhanaṃmocetāti tassa bandhanaṃ mocetā. Bandhanā mocetātipi pāṭho, bandhanato taṃ mocetāti attho. Mahāsambādhappaṭipannoti kusalasañcārapīḷanena mahāsambādhasaṅkhātaṃ rāgadosamohamānadiṭṭhikilesaduccaritagahanaṃ paṭipanno. Okāsaṃ dassetāti lokiyalokuttarasamādhipaññāokāsaṃ dassetā. Mahāpalibodhena palibuddhoti mahānivāraṇena nivuto. Mahālepena vā litto. Palibodhoti ca rāgādisattavidho eva. ‘‘Taṇhādiṭṭhipalibodho’’ti eke. Palibodhaṃ chetāti taṃ palibodhaṃ chinditā. Mahāpapāteti pañcagatipapāte, jātijarāmaraṇapapāte vā. Taṃ sabbampi duruttaraṇaṭṭhena papāto. Papātā uddhatāti tamhā papātato uddharitā. Mahākantārappaṭipannoti jātijarābyādhimaraṇasokaparidevadukkhadomanassupāyāsakantāraṃ paṭipanno. Sabbampi taṃ duratikkamanaṭṭhena kantāro, taṃ kantāraṃ tāretā. Kantārā tāretāti vā pāṭho. Mahāsaṃsārappaṭipannoti abbocchinnaṃ khandhasantānaṃ paṭipanno. Saṃsārā mocetāti saṃsārato mocetā. Saṃsāraṃ mocetāti vā pāṭho. Mahāviduggeti saṃsāravidugge. Saṃsāroyeva hi duggamanaṭṭhena viduggo. Samparivattatīti bhusaṃ nivattitvā carati. Mahāpalipeti mahante kāmakaddame. Kāmo hi osīdanaṭṭhena palipo. Palipannoti laggo. Mahāpalipapalipannotipi pāṭho.
аб̣бхаахад̇од̇и саб̣б̣обад̣̇д̣̇авзхи аб̣бхаахад̇о. рааг̇аг̇г̇инаад̇и рааг̇аад̣̇аяоязва ануд̣̇аханадтзна аг̇г̇и, д̇зна рааг̇аг̇г̇инаа. сзсзсуби зсзва наяо. уннийд̇агод̇и уг̇г̇ахзд̇ваа нийд̇о, ж̇аад̇ияаа уг̇г̇ахзд̇ваа ж̇араад̣̇иубад̣̇д̣̇авааяа нийд̇од̇и ад̇т̇о. га-гааро банзд̇т̇а анугамбааяа д̣̇адтаб̣б̣о. хан̃н̃ад̇и нижжамад̇аан̣од̇и барид̇д̇ааяагзна рахид̇о сад̇ад̇ам̣ бийл̣ийяад̇и. бад̇д̇ад̣̇ан̣д̣од̇и рааж̇аад̣̇ийхи лад̣̇д̇хааан̣о. д̇аггарод̇и жоро. важ̇ж̇аб̣анд̇ханаб̣ад̣̇д̇ход̇и рааг̇аад̣̇иваж̇ж̇аб̣анд̇ханзхи б̣ад̣̇д̇хо. аагхаад̇анабажжубадтид̇од̇и маран̣ад̇хаммаг̇ан̣тигадтаанам̣ убзжжа тид̇о. гожи б̣анд̇ханаа можзд̇аа. гожи б̣анд̇ханам̣ можзд̇аад̇иби баато. анаат̇од̇и над̇т̇и зд̇асса наат̇о иссаро, саяам̣ ваа на наат̇о на иссарод̇и анаат̇о, асаран̣од̇и ваа ад̇т̇о. барамагаабан̃н̃аббад̇д̇од̇и ж̇араад̣̇ибадиб̣ааханз аббахуд̇ааяа ад̇ийва габан̣абхаавам̣ бад̇д̇о. д̇ааязд̇аад̇и рагкид̇аа. д̇ааяид̇аад̇и ваа баато сунд̣̇аро . д̣̇угкаабхид̇уннод̇и ж̇аад̇ид̣̇угкаад̣̇ийхи анзгзхи д̣̇угкзхи абхид̇унно ад̇иб̣яаад̇хид̇о ад̇игамбид̇о жа. жирарад̇д̇ам̣ бийл̣ид̇од̇и д̣̇угкзхзва д̣̇ийгхамад̣̇д̇хаанам̣ бийл̣ид̇о гхаддид̇о. г̇ад̇хид̇од̇и г̇зд̇хзна г̇ид̣̇д̇хо, абхиж̇жхаагааяаг̇ант̇зна ваа г̇ант̇ид̇о. нижжам̣ бибаасид̇од̇и баад̇ум̣ бхун̃ж̇ид̇ум̣ ижчаа бибаасаа, саа д̇ан̣хаа зва, д̇ан̣хаабибаасааяа ниранд̇арам̣ бибаасид̇о.
Abbhāhatoti sabbopaddavehi abbhāhato. Rāgaggināti rāgādayoyeva anudahanaṭṭhena aggi, tena rāgagginā. Sesesupi eseva nayo. Unnītakoti uggahetvā nīto, jātiyā uggahetvā jarādiupaddavāya nītoti attho. Ka-kāro panettha anukampāya daṭṭhabbo. Haññati niccamatāṇoti parittāyakena rahito satataṃ pīḷīyati. Pattadaṇḍoti rājādīhi laddhaāṇo. Takkaroti coro. Vajjabandhanabaddhoti rāgādivajjabandhanehi baddho. Āghātanapaccupaṭṭhitoti maraṇadhammagaṇṭhikaṭṭhānaṃ upecca ṭhito. Koci bandhanā mocetā. Koci bandhanaṃ mocetātipi pāṭho. Anāthoti natthi etassa nātho issaro, sayaṃ vā na nātho na issaroti anātho, asaraṇoti vā attho. Paramakāpaññappattoti jarādipaṭibāhane appahutāya atīva kapaṇabhāvaṃ patto. Tāyetāti rakkhitā. Tāyitāti vā pāṭho sundaro . Dukkhābhitunnoti jātidukkhādīhi anekehi dukkhehi abhitunno atibyādhito atikampito ca. Cirarattaṃ pīḷitoti dukkheheva dīghamaddhānaṃ pīḷito ghaṭṭito. Gadhitoti gedhena giddho, abhijjhākāyaganthena vā ganthito. Niccaṃ pipāsitoti pātuṃ bhuñjituṃ icchā pipāsā, sā taṇhā eva, taṇhāpipāsāya nirantaraṃ pipāsito.
анд̇ход̇и д̣̇ассанадтзна жагкууд̇и сан̇кам̣ г̇ад̇ааяа бан̃н̃ааяа абхаавад̇о гаан̣о. бан̃н̃аа хи д̇хаммасабхаавам̣ бассад̇и. ажагкугод̇и д̇ам̣ бана анд̇хад̇д̇ам̣ на бажчаа самбхууд̇ам̣, багад̇ияаа зва авиж̇ж̇амаанажагкугод̇и д̇амзва анд̇хад̇д̇ам̣ висзсзд̇и. хад̇анзд̇д̇од̇и наяанадтзна нзд̇д̇анд̇и сан̇кам̣ г̇ад̇ааяа бан̃н̃ааяа абхаавад̇оязва винадтанзд̇д̇аго. самависамам̣ д̣̇ассзнд̇ам̣ ад̇д̇абхаавам̣ нзд̇ийд̇и нзд̇д̇анд̇и хи вуд̇д̇ам̣. бан̃н̃ааяа суг̇ад̇ин̃жа аг̇ад̇ин̃жа наяад̇и. хад̇анзд̇д̇ад̇д̇ааязвасса нзд̇уабхаавам̣ д̣̇ассзнд̇о абарин̣ааяагод̇и ааха, авиж̇ж̇амаананзд̇д̇агод̇и ад̇т̇о. ан̃н̃обисса нзд̇аа на виж̇ж̇ад̇ийд̇и вуд̇д̇ам̣ ход̇и. вибат̇абагканд̣̇од̇и вибарийд̇о, висамо ваа бат̇о вибат̇о, д̇ам̣ вибат̇ам̣ багканд̣̇о бавидто бадибаннод̇и вибат̇абагканд̣̇о, мижчаабат̇асан̇каад̇ам̣ мижчаад̣̇идтим̣ бадибаннод̇и ад̇т̇о. ан̃ж̇асаабарад̣̇д̇ход̇и ан̃ж̇асз уж̇умаг̇г̇асмим̣ маж̇жхимабадибад̣̇ааяа абарад̣̇д̇хо вирад̣̇д̇хо. арияабат̇ам̣ аанзд̇аад̇и арияам̣ адтан̇г̇игам̣ маг̇г̇ам̣ убанзд̇аа бадибаад̣̇аяид̇аа. махогхабагканд̣̇од̇и яасса сам̣виж̇ж̇анд̇и, д̇ам̣ ваддасмим̣ охананд̇и осийд̣̇аабзнд̇ийд̇и огхаа, багад̇иогхад̇о маханд̇аа огхаад̇и махогхаа. д̇з гаамогхо бхавогхо д̣̇идтогхо авиж̇ж̇огход̇и жад̇уббабхзд̣̇аа. д̇з махогхз багканд̣̇о бавидтод̇и махогхабагканд̣̇о, сам̣саарасан̇каад̇ам̣ махогхам̣ ваа багканд̣̇од̇и.
Andhoti dassanaṭṭhena cakkhūti saṅkhaṃ gatāya paññāya abhāvato kāṇo. Paññā hi dhammasabhāvaṃ passati. Acakkhukoti taṃ pana andhattaṃ na pacchā sambhūtaṃ, pakatiyā eva avijjamānacakkhukoti tameva andhattaṃ viseseti. Hatanettoti nayanaṭṭhena nettanti saṅkhaṃ gatāya paññāya abhāvatoyeva vinaṭṭhanettako. Samavisamaṃ dassentaṃ attabhāvaṃ netīti nettanti hi vuttaṃ. Paññāya sugatiñca agatiñca nayati. Hatanettattāyevassa netuabhāvaṃ dassento apariṇāyakoti āha, avijjamānanettakoti attho. Aññopissa netā na vijjatīti vuttaṃ hoti. Vipathapakkhandoti viparīto, visamo vā patho vipatho, taṃ vipathaṃ pakkhando paviṭṭho paṭipannoti vipathapakkhando, micchāpathasaṅkhātaṃ micchādiṭṭhiṃ paṭipannoti attho. Añjasāparaddhoti añjase ujumaggasmiṃ majjhimapaṭipadāya aparaddho viraddho. Ariyapathaṃ ānetāti ariyaṃ aṭṭhaṅgikaṃ maggaṃ upanetā paṭipādayitā. Mahoghapakkhandoti yassa saṃvijjanti, taṃ vaṭṭasmiṃ ohananti osīdāpentīti oghā, pakatioghato mahantā oghāti mahoghā. Te kāmogho bhavogho diṭṭhogho avijjoghoti catuppabhedā. Te mahoghe pakkhando paviṭṭhoti mahoghapakkhando, saṃsārasaṅkhātaṃ mahoghaṃ vā pakkhandoti.
118. ид̣̇аани згуд̇д̇ариганаяо. д̇ад̇т̇а д̣̇вийхи д̣̇идтиг̇ад̇зхийд̇и сассад̇ужчзд̣̇ад̣̇идтийхи. д̇ад̇т̇а д̣̇идтиязва д̣̇идтиг̇ад̇ам̣ ‘‘г̇уут̇аг̇ад̇ам̣ муд̇д̇аг̇ад̇а’’нд̇иаад̣̇ийни (а. ни. 9.11) вияа. г̇анд̇аб̣б̣аабхаавад̇о ваа д̣̇идтияаа г̇ад̇амад̇д̇амзвзд̇анд̇и д̣̇идтиг̇ад̇ам̣, д̣̇идтийсу г̇ад̇ам̣ ид̣̇ам̣ д̣̇ассанам̣ д̣̇ваасадтид̣̇идтианд̇ог̇ад̇хад̇д̇аад̇иби д̣̇идтиг̇ад̇ам̣. д̣̇ваасадтид̇зсадтид̣̇идтияоби хи сассад̇ад̣̇идти ужчзд̣̇ад̣̇идтийд̇и д̣̇взва д̣̇идтияо хонд̇и. д̇асмаа сан̇кзбзна саб̣б̣аа д̣̇идтияо анд̇о гаронд̇о ‘‘д̣̇вийхи д̣̇идтиг̇ад̇зхий’’д̇и вуд̇д̇ам̣ . барияудтид̇од̇и барияудтаанам̣ бад̇д̇о самуд̣̇аажаарам̣ бад̇д̇о, уббаж̇ж̇ид̇ум̣ аббад̣̇аанзна гусалажаарасса г̇ахан̣ам̣ бад̇д̇од̇и ад̇т̇о. вуд̇д̇ан̃хзд̇ам̣ бхаг̇авад̇аа – ‘‘д̣̇вийхи, бхигкавз, д̣̇идтиг̇ад̇зхи барияудтид̇аа д̣̇звамануссаа олийяанд̇и згз, ад̇ид̇хааванд̇и згз, жагкуманд̇о жа бассанд̇ий’’д̇иаад̣̇и (ид̇иву. 49).
118. Idāni ekuttarikanayo. Tattha dvīhi diṭṭhigatehīti sassatucchedadiṭṭhīhi. Tattha diṭṭhiyeva diṭṭhigataṃ ‘‘gūthagataṃ muttagata’’ntiādīni (a. ni. 9.11) viya. Gantabbābhāvato vā diṭṭhiyā gatamattamevetanti diṭṭhigataṃ, diṭṭhīsu gataṃ idaṃ dassanaṃ dvāsaṭṭhidiṭṭhiantogadhattātipi diṭṭhigataṃ. Dvāsaṭṭhitesaṭṭhidiṭṭhiyopi hi sassatadiṭṭhi ucchedadiṭṭhīti dveva diṭṭhiyo honti. Tasmā saṅkhepena sabbā diṭṭhiyo anto karonto ‘‘dvīhi diṭṭhigatehī’’ti vuttaṃ . Pariyuṭṭhitoti pariyuṭṭhānaṃ patto samudācāraṃ patto, uppajjituṃ appadānena kusalacārassa gahaṇaṃ pattoti attho. Vuttañhetaṃ bhagavatā – ‘‘dvīhi, bhikkhave, diṭṭhigatehi pariyuṭṭhitā devamanussā olīyanti eke, atidhāvanti eke, cakkhumanto ca passantī’’tiādi (itivu. 49).
д̇ийхи д̣̇ужжарид̇зхийд̇и д̇ивид̇хагааяад̣̇ужжарид̇зна жад̇уб̣б̣ид̇хаважийд̣̇ужжарид̇зна д̇ивид̇хаманод̣̇ужжарид̇зна. виббадибаннод̇и вируубам̣ бадибанно, мижчаабадибаннод̇и ад̇т̇о. яог̇зхи яуд̇д̇од̇и ваддасмим̣ яож̇знд̇ийд̇и яог̇аа, ийд̇иад̇т̇зна ваа яог̇аа, д̇зхи яог̇зхи яуд̇д̇о самаббид̇о. жад̇уяог̇аяож̇ид̇од̇и гаамаяог̇о, бхаваяог̇о, д̣̇идтияог̇о, авиж̇ж̇ааяог̇од̇и имзхи жад̇уухи яог̇зхи сагадасмим̣ яог̇о вияа ваддасмим̣ яож̇ид̇о. бан̃жагаамаг̇ун̣иго рааг̇о гаамаяог̇о. руубааруубабхавзсу чанд̣̇арааг̇о, жхаананиганд̇и жа, сассад̇ад̣̇идтисахаж̇аад̇о рааг̇о бхававасзна бад̇т̇анаа бхаваяог̇о. д̣̇ваасадти д̣̇идтияо д̣̇идтияог̇о. адтасу таанзсу ан̃н̃аан̣ам̣ авиж̇ж̇ааяог̇о. д̇з зва жад̇д̇ааро б̣алавабхууд̇аа огхаа, д̣̇уб̣б̣алабхууд̇аа яог̇аа.
Tīhi duccaritehīti tividhakāyaduccaritena catubbidhavacīduccaritena tividhamanoduccaritena. Vippaṭipannoti virūpaṃ paṭipanno, micchāpaṭipannoti attho. Yogehi yuttoti vaṭṭasmiṃ yojentīti yogā, ītiatthena vā yogā, tehi yogehi yutto samappito. Catuyogayojitoti kāmayogo, bhavayogo, diṭṭhiyogo, avijjāyogoti imehi catūhi yogehi sakaṭasmiṃ yogo viya vaṭṭasmiṃ yojito. Pañcakāmaguṇiko rāgo kāmayogo. Rūpārūpabhavesu chandarāgo, jhānanikanti ca, sassatadiṭṭhisahajāto rāgo bhavavasena patthanā bhavayogo. Dvāsaṭṭhi diṭṭhiyo diṭṭhiyogo. Aṭṭhasu ṭhānesu aññāṇaṃ avijjāyogo. Te eva cattāro balavabhūtā oghā, dubbalabhūtā yogā.
жад̇уухи г̇ант̇зхийд̇и яасса сам̣виж̇ж̇анд̇и, д̇ам̣ жуд̇ибадисанд̇хивасзна ваддасмим̣ г̇ант̇знд̇и гхадзнд̇ийд̇и г̇ант̇аа. д̇з абхиж̇жхаа гааяаг̇ант̇о, б̣яаабаад̣̇о гааяаг̇ант̇о, сийлаб̣б̣ад̇абараамаасо гааяаг̇ант̇о, ид̣̇ам̣сажжаабхинивзсо гааяаг̇ант̇од̇и жад̇уббабхзд̣̇аа. абхиж̇жхааяанд̇и зд̇ааяа, саяам̣ ваа абхиж̇жхааяад̇и, абхиж̇жхааяанамад̇д̇амзва ваа зсаад̇и абхиж̇жхаа, лобхоязва. наамагааяам̣ г̇ант̇зд̇и жуд̇ибадисанд̇хивасзна ваддасмим̣ гхадзд̇ийд̇и гааяаг̇ант̇о. б̣яаабаж̇ж̇ад̇и д̇зна жид̇д̇ам̣ бууд̇ибхаавам̣ г̇ажчад̇и, б̣яаабаад̣̇аяад̇и ваа винаяаажаараруубасамбад̇д̇ихид̇асукаад̣̇ийнийд̇и б̣яаабаад̣̇о. ид̇о б̣ахид̣̇д̇хаа саман̣аб̣раахман̣аанам̣ сийлзна суд̣̇д̇хи вад̇зна суд̣̇д̇хи сийлавад̇зна суд̣̇д̇хийд̇и бараамасанам̣ сийлаб̣б̣ад̇абараамаасо. саб̣б̣ан̃н̃убхаасид̇амби бадигкибид̇ваа ‘‘сассад̇о лого , ид̣̇амзва сажжам̣ могхаман̃н̃а’’нд̇иаад̣̇инаа аагаарзна абхинивисад̇ийд̇и ид̣̇ам̣сажжаабхинивзсо. д̇зхи жад̇уухи г̇ант̇зхи г̇ант̇ид̇о, б̣ад̣̇д̇ход̇и ад̇т̇о.
Catūhi ganthehīti yassa saṃvijjanti, taṃ cutipaṭisandhivasena vaṭṭasmiṃ ganthenti ghaṭentīti ganthā. Te abhijjhā kāyagantho, byāpādo kāyagantho, sīlabbataparāmāso kāyagantho, idaṃsaccābhiniveso kāyaganthoti catuppabhedā. Abhijjhāyanti etāya, sayaṃ vā abhijjhāyati, abhijjhāyanamattameva vā esāti abhijjhā, lobhoyeva. Nāmakāyaṃ gantheti cutipaṭisandhivasena vaṭṭasmiṃ ghaṭetīti kāyagantho. Byāpajjati tena cittaṃ pūtibhāvaṃ gacchati, byāpādayati vā vinayācārarūpasampattihitasukhādīnīti byāpādo. Ito bahiddhā samaṇabrāhmaṇānaṃ sīlena suddhi vatena suddhi sīlavatena suddhīti parāmasanaṃ sīlabbataparāmāso. Sabbaññubhāsitampi paṭikkhipitvā ‘‘sassato loko , idameva saccaṃ moghamañña’’ntiādinā ākārena abhinivisatīti idaṃsaccābhiniveso. Tehi catūhi ganthehi ganthito, baddhoti attho.
жад̇уухи убаад̣̇аанзхийд̇и бхусам̣ аад̣̇ияанд̇и д̣̇ал̣хаг̇г̇аахам̣ г̇ан̣ханд̇ийд̇и убаад̣̇аанаа. д̇з гаамубаад̣̇аанам̣ д̣̇идтубаад̣̇аанам̣ сийлаб̣б̣ад̇убаад̣̇аанам̣ ад̇д̇аваад̣̇убаад̣̇аананд̇и жад̇уббабхзд̣̇аа. вад̇т̇усан̇каад̇ам̣ гаамам̣ убаад̣̇ияад̇ийд̇и гаамубаад̣̇аанам̣, гаамо жа со убаад̣̇аанан̃жаад̇иби гаамубаад̣̇аанам̣. д̣̇идти жа саа убаад̣̇аанан̃жаад̇и д̣̇идтубаад̣̇аанам̣, д̣̇идтим̣ убаад̣̇ияад̇ийд̇иби д̣̇идтубаад̣̇аанам̣. ‘‘сассад̇о ад̇д̇аа жа лого жаа’’д̇иаад̣̇ийсу (бади. ма. 1.147) хи буримад̣̇идтим̣ уд̇д̇арад̣̇идти убаад̣̇ияад̇и. сийлаб̣б̣ад̇ам̣ убаад̣̇ияад̇ийд̇и сийлаб̣б̣ад̇убаад̣̇аанам̣, сийлаб̣б̣ад̇ан̃жа д̇ам̣ убаад̣̇аанан̃жаад̇иби сийлаб̣б̣ад̇убаад̣̇аанам̣. г̇осийлаг̇овад̇аад̣̇ийни хи звам̣ висуд̣̇д̇хийд̇и абхинивзсад̇о саяамзва убаад̣̇аанаани. вад̣̇анд̇и зд̇знаад̇и ваад̣̇о, убаад̣̇ияанд̇и зд̇знаад̇и убаад̣̇аанам̣. гим̣ вад̣̇анд̇и, убаад̣̇ияанд̇и ваа? ад̇д̇аанам̣. ад̇д̇ано ваад̣̇убаад̣̇аанам̣ ад̇д̇аваад̣̇убаад̣̇аанам̣, ад̇д̇аваад̣̇амад̇д̇амзва ваа ад̇д̇аад̇и убаад̣̇ияанд̇и зд̇знаад̇и ад̇д̇аваад̣̇убаад̣̇аанам̣. табзд̇ваа имаа д̣̇вз д̣̇идтияо саб̣б̣ааби д̣̇идтий д̣̇идтубаад̣̇аанам̣. д̇зхи жад̇уухи убаад̣̇аанзхи. убаад̣̇ийяад̇ийд̇и бхусам̣ г̇ан̣хийяад̇и. убаад̣̇ияад̇ийд̇и ваа баато, лого убаад̣̇аанзхи д̇ам̣ д̇ам̣ аарамман̣ам̣ бхусам̣ г̇ан̣хаад̇ийд̇и ад̇т̇о.
Catūhi upādānehīti bhusaṃ ādiyanti daḷhaggāhaṃ gaṇhantīti upādānā. Te kāmupādānaṃ diṭṭhupādānaṃ sīlabbatupādānaṃ attavādupādānanti catuppabhedā. Vatthusaṅkhātaṃ kāmaṃ upādiyatīti kāmupādānaṃ, kāmo ca so upādānañcātipi kāmupādānaṃ. Diṭṭhi ca sā upādānañcāti diṭṭhupādānaṃ, diṭṭhiṃ upādiyatītipi diṭṭhupādānaṃ. ‘‘Sassato attā ca loko cā’’tiādīsu (paṭi. ma. 1.147) hi purimadiṭṭhiṃ uttaradiṭṭhi upādiyati. Sīlabbataṃ upādiyatīti sīlabbatupādānaṃ, sīlabbatañca taṃ upādānañcātipi sīlabbatupādānaṃ. Gosīlagovatādīni hi evaṃ visuddhīti abhinivesato sayameva upādānāni. Vadanti etenāti vādo, upādiyanti etenāti upādānaṃ. Kiṃ vadanti, upādiyanti vā? Attānaṃ. Attano vādupādānaṃ attavādupādānaṃ, attavādamattameva vā attāti upādiyanti etenāti attavādupādānaṃ. Ṭhapetvā imā dve diṭṭhiyo sabbāpi diṭṭhī diṭṭhupādānaṃ. Tehi catūhi upādānehi. Upādīyatīti bhusaṃ gaṇhīyati. Upādiyatīti vā pāṭho, loko upādānehi taṃ taṃ ārammaṇaṃ bhusaṃ gaṇhātīti attho.
бан̃жаг̇ад̇исамаарул̣ход̇и сугад̇ад̣̇уггадагааран̣зхи г̇аммад̇и убасан̇гамийяад̇ийд̇и г̇ад̇и, сахогаасагаа канд̇хаа. нираяо д̇иражчаанаяони бзд̇д̇ивисаяо мануссаа д̣̇зваад̇и имаа бан̃жа г̇ад̇ияо воггаманабхаавзна бхусам̣ аарул̣хо. бан̃жахи гаамаг̇ун̣зхийд̇и руубасад̣̇д̣̇аг̇анд̇харасаподтаб̣б̣асан̇каад̇зхи бан̃жахи вад̇т̇угаамагодтаасзхи. раж̇ж̇ад̇ийд̇и аяонисоманасигаарам̣ бадижжа рааг̇уббаад̣̇анзна д̇зхи ран̃ж̇ийяад̇и, саарад̇д̇о гарийяад̇ийд̇и ад̇т̇о. бан̃жахи нийваран̣зхийд̇и жид̇д̇ам̣ нийваранд̇и барияонанд̇ханд̇ийд̇и нийваран̣аа. гаамажчанд̣̇аб̣яаабаад̣̇ат̇инамид̣̇д̇хауд̣̇д̇хажжагуггужжавижигижчаасан̇каад̇зхи бан̃жахи нийваран̣зхи. од̇т̇адод̇и убарид̇о бихид̇о.
Pañcagatisamāruḷhoti sukatadukkaṭakāraṇehi gammati upasaṅkamīyatīti gati, sahokāsakā khandhā. Nirayo tiracchānayoni pettivisayo manussā devāti imā pañca gatiyo vokkamanabhāvena bhusaṃ āruḷho. Pañcahi kāmaguṇehīti rūpasaddagandharasaphoṭṭhabbasaṅkhātehi pañcahi vatthukāmakoṭṭhāsehi. Rajjatīti ayonisomanasikāraṃ paṭicca rāguppādanena tehi rañjīyati, sāratto karīyatīti attho. Pañcahi nīvaraṇehīti cittaṃ nīvaranti pariyonandhantīti nīvaraṇā. Kāmacchandabyāpādathinamiddhauddhaccakukkuccavicikicchāsaṅkhātehi pañcahi nīvaraṇehi. Otthaṭoti uparito pihito.
чахи виваад̣̇амуулзхийд̇и чахи виваад̣̇асса муулзхи. яат̇ааха –
Chahi vivādamūlehīti chahi vivādassa mūlehi. Yathāha –
‘‘чаяимаани, бхигкавз, виваад̣̇амуулаани. гад̇амаани ча? ид̇ха, бхигкавз, бхигку год̇хано ход̇и убанаахий. яо со, бхигкавз, бхигку год̇хано ход̇и убанаахий. со сад̇т̇ариби аг̇аараво вихарад̇и аббад̇иссо, д̇хаммзби, сан̇гхзби, сигкааяаби на барибуурагаарий. яо со, бхигкавз, бхигку сад̇т̇ари аг̇аараво вихарад̇и аббад̇иссо, д̇хаммзби, сан̇гхзби, сигкааяаби на барибуурагаарий, со сан̇гхз виваад̣̇ам̣ ж̇анзд̇и. яо ход̇и виваад̣̇о б̣ахуж̇анаахид̇ааяа б̣ахуж̇анаасукааяа б̣ахуно ж̇анасса анад̇т̇ааяа ахид̇ааяа д̣̇угкааяа д̣̇звамануссаанам̣. зваруубам̣ жз д̇умхз, бхигкавз, виваад̣̇амуулам̣ аж̇жхад̇д̇ам̣ ваа б̣ахид̣̇д̇хаа ваа саманубассзяяаат̇а, д̇ад̇ра д̇умхз, бхигкавз, д̇ассзва баабагасса виваад̣̇амууласса бахаанааяа вааяамзяяаат̇а. зваруубам̣ жз д̇умхз, бхигкавз, виваад̣̇амуулам̣ аж̇жхад̇д̇ам̣ ваа б̣ахид̣̇д̇хаа ваа на саманубассзяяаат̇а. д̇ад̇ра д̇умхз, бхигкавз, д̇ассзва баабагасса виваад̣̇амууласса ааяад̇им̣ анавассавааяа бадибаж̇ж̇зяяаат̇а. звамзд̇асса баабагасса виваад̣̇амууласса бахаанам̣ ход̇и. звамзд̇асса баабагасса виваад̣̇амууласса ааяад̇им̣ анавассаво ход̇и.
‘‘Chayimāni, bhikkhave, vivādamūlāni. Katamāni cha? Idha, bhikkhave, bhikkhu kodhano hoti upanāhī. Yo so, bhikkhave, bhikkhu kodhano hoti upanāhī. So sattharipi agāravo viharati appatisso, dhammepi, saṅghepi, sikkhāyapi na paripūrakārī. Yo so, bhikkhave, bhikkhu satthari agāravo viharati appatisso, dhammepi, saṅghepi, sikkhāyapi na paripūrakārī, so saṅghe vivādaṃ janeti. Yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaṃ. Evarūpaṃ ce tumhe, bhikkhave, vivādamūlaṃ ajjhattaṃ vā bahiddhā vā samanupasseyyātha, tatra tumhe, bhikkhave, tasseva pāpakassa vivādamūlassa pahānāya vāyameyyātha. Evarūpaṃ ce tumhe, bhikkhave, vivādamūlaṃ ajjhattaṃ vā bahiddhā vā na samanupasseyyātha. Tatra tumhe, bhikkhave, tasseva pāpakassa vivādamūlassa āyatiṃ anavassavāya paṭipajjeyyātha. Evametassa pāpakassa vivādamūlassa pahānaṃ hoti. Evametassa pāpakassa vivādamūlassa āyatiṃ anavassavo hoti.
‘‘буна жабарам̣, бхигкавз, бхигку магкий ход̇и бал̣аасий. иссугий ход̇и мажчарий. сато ход̇и мааяаавий. баабижчо ход̇и мижчаад̣̇идти. санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий. яо со, бхигкавз, бхигку санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий, со сад̇т̇ариби…бз… ааяад̇им̣ анавассаво ход̇ий’’д̇и (бари. 272; а. ни. 6.36).
‘‘Puna caparaṃ, bhikkhave, bhikkhu makkhī hoti paḷāsī. Issukī hoti maccharī. Saṭho hoti māyāvī. Pāpiccho hoti micchādiṭṭhi. Sandiṭṭhiparāmāsī hoti ādhānaggāhī duppaṭinissaggī. Yo so, bhikkhave, bhikkhu sandiṭṭhiparāmāsī hoti ādhānaggāhī duppaṭinissaggī, so sattharipi…pe… āyatiṃ anavassavo hotī’’ti (pari. 272; a. ni. 6.36).
д̇ад̇т̇а год̇ханод̇и гуж̇жханалагкан̣зна год̇хзна саманнааг̇ад̇о. убанаахийд̇и взрааббадиниссаж̇ж̇аналагкан̣зна убанаахзна саманнааг̇ад̇о. ахид̇ааяа д̣̇угкааяа д̣̇звамануссаананд̇и д̣̇виннам̣ бхигкуунам̣ виваад̣̇о гат̇ам̣ д̣̇звамануссаанам̣ ахид̇ааяа д̣̇угкааяа сам̣вад̇д̇ад̇ийд̇и? госамб̣агагканд̇хагз (махаава. 451 аад̣̇аяо) вияа д̣̇вийсу бхигкуусу виваад̣̇ам̣ аабаннзсу д̇асмим̣ вихаарз д̇зсам̣ анд̇зваасигаа вивад̣̇анд̇и, д̇зсам̣ оваад̣̇ам̣ г̇ан̣ханд̇о бхигкунисан̇гхо вивад̣̇ад̇и, д̇ад̇о д̇зсам̣ убадтаагааби вивад̣̇анд̇и. ат̇а мануссаанам̣ аарагкад̣̇звад̇аа д̣̇вз годтаасаа хонд̇и. д̇хаммаваад̣̇ийнам̣ аарагкад̣̇звад̇аа д̇хаммаваад̣̇инияо хонд̇и ад̇хаммаваад̣̇ийнам̣ ад̇хаммаваад̣̇инияо. д̇ад̇о аарагкад̣̇звад̇аанам̣ мид̇д̇аа бхуммадтад̣̇звад̇аа бхиж̇ж̇анд̇и. звам̣ барамбарааяа яаава б̣рахмалогаа табзд̇ваа арияасаавагз саб̣б̣з д̣̇звамануссаа д̣̇вз годтаасаа хонд̇и. д̇хаммаваад̣̇ийхи бана ад̇хаммаваад̣̇инова б̣ахуд̇араа хонд̇и. д̇ад̇о яам̣ б̣ахугзхи г̇ахид̇ам̣, саб̣б̣ам̣ д̇ам̣ сажжанд̇и д̇хаммам̣ виссаж̇ж̇зд̇ваа б̣ахуд̇араава ад̇хаммам̣ г̇ан̣ханд̇и. д̇з ад̇хаммам̣ бурагкад̇ваа вихаранд̇аа абааязсу ниб̣б̣ад̇д̇анд̇и. звам̣ д̣̇виннам̣ бхигкуунам̣ виваад̣̇о д̣̇звамануссаанам̣ ахид̇ааяа д̣̇угкааяа ход̇и. аж̇жхад̇д̇ам̣ ваад̇и д̇умхаагам̣ аб̣бханд̇арабарисааяа ваа. б̣ахид̣̇д̇хаа ваад̇и барзсам̣ барисааяа ваа. магкийд̇и барзсам̣ г̇ун̣амагкан̣алагкан̣зна магкзна саманнааг̇ад̇о. бал̣аасийд̇и яуг̇аг̇г̇аахалагкан̣зна бал̣аасзна саманнааг̇ад̇о. иссугийд̇и барзсам̣ саггаараад̣̇ииссааяаналагкан̣ааяа иссааяа саманнааг̇ад̇о. мажчарийд̇и ааваасамажчарияаад̣̇ийхи бан̃жахи мажчариязхи саманнааг̇ад̇о. сатод̇и гзраадиго. мааяаавийд̇и гад̇абаабабадижчаад̣̇аго. баабижчод̇и асанд̇асамбхааванижчаго д̣̇уссийло. мижчаад̣̇идтийд̇и над̇т̇игаваад̣̇ий ахзд̇угаваад̣̇ий агирияаваад̣̇ий. санд̣̇идтибараамаасийд̇и саяам̣ д̣̇идтимзва бараамасад̇и. аад̇хаанаг̇г̇аахийд̇и д̣̇ал̣хаг̇г̇аахий. д̣̇уббадиниссаг̇г̇ийд̇и на саггаа ход̇и г̇ахид̇ам̣ виссаж̇ж̇аабзд̇ум̣. куд̣̇д̣̇агавад̇т̇увибхан̇г̇з бана ‘‘д̇ад̇т̇а гад̇амаани ча виваад̣̇амуулаани? год̇хо магко иссаа саатзяяам̣ баабижчад̇аа санд̣̇идтибараамаасид̇аа, имаани ча виваад̣̇амуулааний’’д̇и (вибха. 944) бад̇хаанавасзна згзгоязва д̇хаммо вуд̇д̇о.
Tattha kodhanoti kujjhanalakkhaṇena kodhena samannāgato. Upanāhīti veraappaṭinissajjanalakkhaṇena upanāhena samannāgato. Ahitāya dukkhāya devamanussānanti dvinnaṃ bhikkhūnaṃ vivādo kathaṃ devamanussānaṃ ahitāya dukkhāya saṃvattatīti? Kosambakakkhandhake (mahāva. 451 ādayo) viya dvīsu bhikkhūsu vivādaṃ āpannesu tasmiṃ vihāre tesaṃ antevāsikā vivadanti, tesaṃ ovādaṃ gaṇhanto bhikkhunisaṅgho vivadati, tato tesaṃ upaṭṭhākāpi vivadanti. Atha manussānaṃ ārakkhadevatā dve koṭṭhāsā honti. Dhammavādīnaṃ ārakkhadevatā dhammavādiniyo honti adhammavādīnaṃ adhammavādiniyo. Tato ārakkhadevatānaṃ mittā bhummaṭṭhadevatā bhijjanti. Evaṃ paramparāya yāva brahmalokā ṭhapetvā ariyasāvake sabbe devamanussā dve koṭṭhāsā honti. Dhammavādīhi pana adhammavādinova bahutarā honti. Tato yaṃ bahukehi gahitaṃ, sabbaṃ taṃ saccanti dhammaṃ vissajjetvā bahutarāva adhammaṃ gaṇhanti. Te adhammaṃ purakkhatvā viharantā apāyesu nibbattanti. Evaṃ dvinnaṃ bhikkhūnaṃ vivādo devamanussānaṃ ahitāya dukkhāya hoti. Ajjhattaṃ vāti tumhākaṃ abbhantaraparisāya vā. Bahiddhā vāti paresaṃ parisāya vā. Makkhīti paresaṃ guṇamakkhaṇalakkhaṇena makkhena samannāgato. Paḷāsīti yugaggāhalakkhaṇena paḷāsena samannāgato. Issukīti paresaṃ sakkārādiissāyanalakkhaṇāya issāya samannāgato. Maccharīti āvāsamacchariyādīhi pañcahi macchariyehi samannāgato. Saṭhoti kerāṭiko. Māyāvīti katapāpapaṭicchādako. Pāpicchoti asantasambhāvanicchako dussīlo. Micchādiṭṭhīti natthikavādī ahetukavādī akiriyavādī. Sandiṭṭhiparāmāsīti sayaṃ diṭṭhimeva parāmasati. Ādhānaggāhīti daḷhaggāhī. Duppaṭinissaggīti na sakkā hoti gahitaṃ vissajjāpetuṃ. Khuddakavatthuvibhaṅge pana ‘‘tattha katamāni cha vivādamūlāni? Kodho makkho issā sāṭheyyaṃ pāpicchatā sandiṭṭhiparāmāsitā, imāni cha vivādamūlānī’’ti (vibha. 944) padhānavasena ekekoyeva dhammo vutto.
чахи д̇ан̣хаагааязхийд̇и ‘‘руубад̇ан̣хаа, сад̣̇д̣̇ад̇ан̣хаа, г̇анд̇хад̇ан̣хаа, расад̇ан̣хаа, подтаб̣б̣ад̇ан̣хаа, д̇хаммад̇ан̣хаа’’д̇и (вибха. 944) вуд̇д̇аахи чахи д̇ан̣хаахи. д̇ад̇т̇а яасмаа згзгааязва д̇ан̣хаа анзгависаяад̇д̇аа згзгасмимби висаяз бунаббунам̣ уббад̇д̇ид̇о анзгаа хонд̇и, д̇асмаа самуухадтзна гааяасад̣̇д̣̇зна яож̇зд̇ваа д̇ан̣хаагааяаад̇и вуд̇д̇ам̣. д̇ан̣хаагааяаад̇и вуд̇д̇зби д̇ан̣хаа зва. раж̇ж̇ад̇ийд̇и саяам̣ аарамман̣з раж̇ж̇ад̇и, саарад̇д̇о ход̇и.
Chahi taṇhākāyehīti ‘‘rūpataṇhā, saddataṇhā, gandhataṇhā, rasataṇhā, phoṭṭhabbataṇhā, dhammataṇhā’’ti (vibha. 944) vuttāhi chahi taṇhāhi. Tattha yasmā ekekāyeva taṇhā anekavisayattā ekekasmimpi visaye punappunaṃ uppattito anekā honti, tasmā samūhaṭṭhena kāyasaddena yojetvā taṇhākāyāti vuttaṃ. Taṇhākāyāti vuttepi taṇhā eva. Rajjatīti sayaṃ ārammaṇe rajjati, sāratto hoti.
чахи д̣̇идтиг̇ад̇зхийд̇и саб̣б̣аасавасуд̇д̇з вуд̇д̇зхи. вуд̇д̇ан̃хи д̇ад̇т̇а –
Chahi diṭṭhigatehīti sabbāsavasutte vuttehi. Vuttañhi tattha –
‘‘д̇асса звам̣ аяонисо манасигарод̇о чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇и. ‘ад̇т̇и мз ад̇д̇аа’д̇и ваа асса сажжад̇о т̇зд̇ад̇о д̣̇идти уббаж̇ж̇ад̇и, ‘над̇т̇и мз ад̇д̇аа’д̇и ваа асса сажжад̇о т̇зд̇ад̇о д̣̇идти уббаж̇ж̇ад̇и, ‘ад̇д̇анаава ад̇д̇аанам̣ сан̃ж̇аанаамий’д̇и ваа асса сажжад̇о т̇зд̇ад̇о д̣̇идти уббаж̇ж̇ад̇и, ‘ад̇д̇анаава анад̇д̇аанам̣ сан̃ж̇аанаамий’д̇и ваа асса сажжад̇о т̇зд̇ад̇о д̣̇идти уббаж̇ж̇ад̇и, ‘анад̇д̇анаава ад̇д̇аанам̣ сан̃ж̇аанаамий’д̇и ваа асса сажжад̇о т̇зд̇ад̇о д̣̇идти уббаж̇ж̇ад̇и. ат̇а ваа банасса звам̣ д̣̇идти ход̇и ‘яо мз аяам̣ ад̇д̇аа вад̣̇о взд̣̇зяяо д̇ад̇ра д̇ад̇ра галяаан̣абаабагаанам̣ гаммаанам̣ вибаагам̣ бадисам̣взд̣̇зд̇и, со жа ко бана мз аяам̣ ад̇д̇аа нижжо д̇хуво сассад̇о авибарин̣аамад̇хаммо сассад̇исамам̣ д̇ат̇зва тассад̇ий’’’д̇и (ма. ни. 1.19).
‘‘Tassa evaṃ ayoniso manasikaroto channaṃ diṭṭhīnaṃ aññatarā diṭṭhi uppajjati. ‘Atthi me attā’ti vā assa saccato thetato diṭṭhi uppajjati, ‘natthi me attā’ti vā assa saccato thetato diṭṭhi uppajjati, ‘attanāva attānaṃ sañjānāmī’ti vā assa saccato thetato diṭṭhi uppajjati, ‘attanāva anattānaṃ sañjānāmī’ti vā assa saccato thetato diṭṭhi uppajjati, ‘anattanāva attānaṃ sañjānāmī’ti vā assa saccato thetato diṭṭhi uppajjati. Atha vā panassa evaṃ diṭṭhi hoti ‘yo me ayaṃ attā vado vedeyyo tatra tatra kalyāṇapāpakānaṃ kammānaṃ vipākaṃ paṭisaṃvedeti, so ca kho pana me ayaṃ attā nicco dhuvo sassato avipariṇāmadhammo sassatisamaṃ tatheva ṭhassatī’’’ti (ma. ni. 1.19).
д̇ад̇т̇а ад̇т̇и мз ад̇д̇аад̇и сассад̇ад̣̇идти саб̣б̣агаалзсу ад̇д̇ано ад̇т̇ид̇ам̣ г̇ан̣хаад̇и. сажжад̇о т̇зд̇ад̇од̇и бхууд̇ад̇о жа т̇ирад̇о жа, ‘‘ид̣̇ам̣ сажжа’’нд̇и судту д̣̇ал̣хабхаавзнаад̇и вуд̇д̇ам̣ ход̇и. над̇т̇и мз ад̇д̇аад̇и ужчзд̣̇ад̣̇идти сад̇о сад̇д̇асса д̇ад̇т̇а д̇ад̇т̇а вибхаваг̇г̇ахан̣ад̇о. ат̇а ваа буримааби д̇ийсу гаалзсу ад̇т̇ийд̇и г̇ахан̣ад̇о сассад̇ад̣̇идти, бажжуббаннамзва ад̇т̇ийд̇и г̇ан̣ханд̇ий ужчзд̣̇ад̣̇идти, бажчимааби ад̇ийд̇аанааг̇ад̇зсу над̇т̇ийд̇и г̇ахан̣ад̇о ‘‘бхассанд̇аа аахуд̇ияо’’д̇и г̇ахид̇ад̣̇идтиг̇ад̇игаанам̣ вияа ужчзд̣̇ад̣̇идти. ад̇ийд̇з зва над̇т̇ийд̇и г̇ан̣ханд̇ий ад̇хижжасамуббаннагасса вияа сассад̇ад̣̇идти. ад̇д̇анаава ад̇д̇аанам̣ сан̃ж̇аанаамийд̇и сан̃н̃аагканд̇хасийсзна канд̇хз ад̇д̇аад̇и г̇ахзд̇ваа сан̃н̃ааяа авасзсагканд̇хз сан̃ж̇аанад̇о иминаа ад̇д̇анаа имам̣ ад̇д̇аанам̣ сан̃ж̇аанаамийд̇и ход̇и. ад̇д̇анаава анад̇д̇аананд̇и сан̃н̃аагканд̇хам̣язва ад̇д̇аад̇и г̇ахзд̇ваа, ид̇арз жад̇д̇аароби анад̇д̇аад̇и г̇ахзд̇ваа сан̃н̃ааяа д̇з сан̃ж̇аанад̇о звам̣ ход̇и. анад̇д̇анаава ад̇д̇аананд̇и сан̃н̃аагканд̇хам̣ анад̇д̇аад̇и г̇ахзд̇ваа, ид̇арз жад̇д̇аароби ад̇д̇аад̇и г̇ахзд̇ваа сан̃н̃ааяа д̇з сан̃ж̇аанад̇о звам̣ ход̇и. саб̣б̣ааби сассад̇ужчзд̣̇ад̣̇идтияова. вад̣̇о взд̣̇зяяод̇иаад̣̇аяо бана сассад̇ад̣̇идтияаа зва абхинивзсаагаараа. д̇ад̇т̇а вад̣̇ад̇ийд̇и вад̣̇о, важийгаммасса гаарагод̇и вуд̇д̇ам̣ ход̇и. взд̣̇аяад̇ийд̇и взд̣̇зяяо, ж̇аанаад̇и анубхавад̇и жаад̇и вуд̇д̇ам̣ ход̇и. гим̣ взд̣̇зд̇ийд̇и? д̇ад̇ра д̇ад̇ра галяаан̣абаабагаанам̣ гаммаанам̣ вибаагам̣ бадисам̣взд̣̇зд̇и . д̇ад̇ра д̇ад̇раад̇и д̇зсу д̇зсу яониг̇ад̇итид̇иниваасанигааязсу аарамман̣зсу ваа. нижжод̇и уббаад̣̇аваяарахид̇о. д̇хувод̇и т̇иро саарабхууд̇о. сассад̇од̇и саб̣б̣агаалиго. авибарин̣аамад̇хаммод̇и ад̇д̇ано багад̇ибхаавам̣ авиж̇аханад̇хаммо, гаган̣даго вияа наанаббагаарад̇ам̣ наабаж̇ж̇ад̇и. сассад̇исаманд̇и жанд̣̇асуурияасамуд̣̇д̣̇амахаабат̇авийбаб̣б̣ад̇аа логавохаарзна сассад̇ияод̇и вужжанд̇и. сассад̇ийхи самам̣ сассад̇исамам̣. яаава сассад̇ияо д̇идтанд̇и, д̇аава д̇ат̇зва тассад̇ийд̇и г̇ан̣хад̇о звам̣ д̣̇идти ход̇и.
Tattha atthi me attāti sassatadiṭṭhi sabbakālesu attano atthitaṃ gaṇhāti. Saccato thetatoti bhūtato ca thirato ca, ‘‘idaṃ sacca’’nti suṭṭhu daḷhabhāvenāti vuttaṃ hoti. Natthi me attāti ucchedadiṭṭhi sato sattassa tattha tattha vibhavaggahaṇato. Atha vā purimāpi tīsu kālesu atthīti gahaṇato sassatadiṭṭhi, paccuppannameva atthīti gaṇhantī ucchedadiṭṭhi, pacchimāpi atītānāgatesu natthīti gahaṇato ‘‘bhassantā āhutiyo’’ti gahitadiṭṭhigatikānaṃ viya ucchedadiṭṭhi. Atīte eva natthīti gaṇhantī adhiccasamuppannakassa viya sassatadiṭṭhi. Attanāva attānaṃ sañjānāmīti saññākkhandhasīsena khandhe attāti gahetvā saññāya avasesakkhandhe sañjānato iminā attanā imaṃ attānaṃ sañjānāmīti hoti. Attanāva anattānanti saññākkhandhaṃyeva attāti gahetvā, itare cattāropi anattāti gahetvā saññāya te sañjānato evaṃ hoti. Anattanāva attānanti saññākkhandhaṃ anattāti gahetvā, itare cattāropi attāti gahetvā saññāya te sañjānato evaṃ hoti. Sabbāpi sassatucchedadiṭṭhiyova. Vado vedeyyotiādayo pana sassatadiṭṭhiyā eva abhinivesākārā. Tattha vadatīti vado, vacīkammassa kārakoti vuttaṃ hoti. Vedayatīti vedeyyo, jānāti anubhavati cāti vuttaṃ hoti. Kiṃ vedetīti? Tatra tatra kalyāṇapāpakānaṃ kammānaṃ vipākaṃ paṭisaṃvedeti . Tatra tatrāti tesu tesu yonigatiṭhitinivāsanikāyesu ārammaṇesu vā. Niccoti uppādavayarahito. Dhuvoti thiro sārabhūto. Sassatoti sabbakāliko. Avipariṇāmadhammoti attano pakatibhāvaṃ avijahanadhammo, kakaṇṭako viya nānappakārataṃ nāpajjati. Sassatisamanti candasūriyasamuddamahāpathavīpabbatā lokavohārena sassatiyoti vuccanti. Sassatīhi samaṃ sassatisamaṃ. Yāva sassatiyo tiṭṭhanti, tāva tatheva ṭhassatīti gaṇhato evaṃ diṭṭhi hoti.
куд̣̇д̣̇агавад̇т̇увибхан̇г̇з бана ‘‘д̇ад̇ра д̇ад̇ра д̣̇ийгхарад̇д̇ам̣ галяаан̣абаабагаанам̣ гаммаанам̣ вибаагам̣ бажжанубход̇и, на со ж̇аад̇о наахоси, на со ж̇аад̇о на бхависсад̇и, нижжо д̇хуво сассад̇о авибарин̣аамад̇хаммод̇и ваа банасса сажжад̇о т̇зд̇ад̇о д̣̇идти уббаж̇ж̇ад̇ий’’д̇и (вибха. 948) ча д̣̇идтий звам̣ висзсзд̇ваа вуд̇д̇аа.
Khuddakavatthuvibhaṅge pana ‘‘tatra tatra dīgharattaṃ kalyāṇapāpakānaṃ kammānaṃ vipākaṃ paccanubhoti, na so jāto nāhosi, na so jāto na bhavissati, nicco dhuvo sassato avipariṇāmadhammoti vā panassa saccato thetato diṭṭhi uppajjatī’’ti (vibha. 948) cha diṭṭhī evaṃ visesetvā vuttā.
д̇ад̇т̇а на со ж̇аад̇о наахосийд̇и со ад̇д̇аа аж̇аад̇ид̇хаммад̇о на ж̇аад̇о наама, сад̣̇аа виж̇ж̇амааноязваад̇и ад̇т̇о. д̇знзва ад̇ийд̇з наахоси, анааг̇ад̇з на бхависсад̇и. яо хи ж̇аад̇о, со ахоси. яо жа ж̇ааяиссад̇и, со бхависсад̇ийд̇и вужжад̇и. ат̇а ваа на со ж̇аад̇о наахосийд̇и со сад̣̇аа виж̇ж̇амаанад̇д̇аа ад̇ийд̇зби на ж̇аад̇у на ахоси, анааг̇ад̇зби на ж̇аад̇у на бхависсад̇и. анусаяаа вуд̇д̇ад̇т̇аа.
Tattha na so jāto nāhosīti so attā ajātidhammato na jāto nāma, sadā vijjamānoyevāti attho. Teneva atīte nāhosi, anāgate na bhavissati. Yo hi jāto, so ahosi. Yo ca jāyissati, so bhavissatīti vuccati. Atha vā na so jāto nāhosīti so sadā vijjamānattā atītepi na jātu na ahosi, anāgatepi na jātu na bhavissati. Anusayā vuttatthā.
сад̇д̇ахи сан̃н̃ож̇анзхийд̇и сад̇д̇аганибаад̇з вуд̇д̇зхи. вуд̇д̇ан̃хи д̇ад̇т̇а –
Sattahi saññojanehīti sattakanipāte vuttehi. Vuttañhi tattha –
‘‘сад̇д̇имаани, бхигкавз, сам̣яож̇анаани. гад̇амаани сад̇д̇а? анунаяасам̣яож̇анам̣, бадигхасам̣яож̇анам̣, д̣̇идтисам̣яож̇анам̣, вижигижчаасам̣яож̇анам̣, маанасам̣яож̇анам̣, бхаварааг̇асам̣яож̇анам̣, авиж̇ж̇аасам̣яож̇анам̣. имаани ко, бхигкавз, сад̇д̇а сам̣яож̇анааний’’д̇и (а. ни. 7.8).
‘‘Sattimāni, bhikkhave, saṃyojanāni. Katamāni satta? Anunayasaṃyojanaṃ, paṭighasaṃyojanaṃ, diṭṭhisaṃyojanaṃ, vicikicchāsaṃyojanaṃ, mānasaṃyojanaṃ, bhavarāgasaṃyojanaṃ, avijjāsaṃyojanaṃ. Imāni kho, bhikkhave, satta saṃyojanānī’’ti (a. ni. 7.8).
д̇ад̇т̇а анунаяасам̣яож̇ананд̇и гаамарааг̇асам̣яож̇анам̣. саб̣б̣аанзвзд̇аани б̣анд̇ханадтзна сам̣яож̇анаани.
Tattha anunayasaṃyojananti kāmarāgasaṃyojanaṃ. Sabbānevetāni bandhanaṭṭhena saṃyojanāni.
сад̇д̇ахи маанзхийд̇и куд̣̇д̣̇агавад̇т̇увибхан̇г̇з вуд̇д̇зхи. вуд̇д̇ан̃хи д̇ад̇т̇а –
Sattahi mānehīti khuddakavatthuvibhaṅge vuttehi. Vuttañhi tattha –
‘‘маано , ад̇имаано, маанаад̇имаано, омаано, ад̇химаано, асмимаано, мижчаамаано’’д̇и (вибха. 950).
‘‘Māno , atimāno, mānātimāno, omāno, adhimāno, asmimāno, micchāmāno’’ti (vibha. 950).
д̇ад̇т̇а маанод̇и сзяяаад̣̇ивасзна буг̇г̇алам̣ анаамасид̇ваа ж̇аад̇иаад̣̇ийсу вад̇т̇увасзнзва уннад̇и. ад̇имаанод̇и ж̇аад̇иаад̣̇ийхи ‘‘маяаа сад̣̇исо над̇т̇ий’’д̇и ад̇иггамид̇ваа уннад̇и. маанаад̇имаанод̇и ‘‘аяам̣ буб̣б̣з маяаа сад̣̇исо, ид̣̇аани ахам̣ сздто, аяам̣ хийнад̇аро’’д̇и уббаннамаано. омаанод̇и ж̇аад̇иаад̣̇ийхи ад̇д̇аанам̣ хздтаа гад̇ваа бавад̇д̇амаано, хийнохамасмийд̇и мааноязва. ад̇химаанод̇и анад̇хиг̇ад̇зязва жад̇усажжад̇хаммз ад̇хиг̇ад̇од̇и маано. аяам̣ бана ад̇химаано барисуд̣̇д̇хасийласса гаммадтаанз аббамад̇д̇асса наамаруубам̣ вавад̇т̇абзд̇ваа бажжаяабариг̇г̇ахзна вид̇ин̣н̣аган̇касса д̇илагкан̣ам̣ ааробзд̇ваа сан̇каарз саммасанд̇асса аарад̣̇д̇хавибассагасса бут̇уж̇ж̇анасса уббаж̇ж̇ад̇и, на ан̃н̃зсам̣. асмимаанод̇и руубаад̣̇ийсу канд̇хзсу асмийд̇и маано, ‘‘ахам̣ рууба’’нд̇иаад̣̇ивасзна уббаннамаанод̇и вуд̇д̇ам̣ ход̇и. мижчаамаанод̇и баабагзна гаммааяад̇анаад̣̇инаа уббаннамаано.
Tattha mānoti seyyādivasena puggalaṃ anāmasitvā jātiādīsu vatthuvaseneva unnati. Atimānoti jātiādīhi ‘‘mayā sadiso natthī’’ti atikkamitvā unnati. Mānātimānoti ‘‘ayaṃ pubbe mayā sadiso, idāni ahaṃ seṭṭho, ayaṃ hīnataro’’ti uppannamāno. Omānoti jātiādīhi attānaṃ heṭṭhā katvā pavattamāno, hīnohamasmīti mānoyeva. Adhimānoti anadhigateyeva catusaccadhamme adhigatoti māno. Ayaṃ pana adhimāno parisuddhasīlassa kammaṭṭhāne appamattassa nāmarūpaṃ vavatthapetvā paccayapariggahena vitiṇṇakaṅkhassa tilakkhaṇaṃ āropetvā saṅkhāre sammasantassa āraddhavipassakassa puthujjanassa uppajjati, na aññesaṃ. Asmimānoti rūpādīsu khandhesu asmīti māno, ‘‘ahaṃ rūpa’’ntiādivasena uppannamānoti vuttaṃ hoti. Micchāmānoti pāpakena kammāyatanādinā uppannamāno.
логад̇хаммаа вуд̇д̇ад̇т̇аа. самбаривад̇д̇ад̇ийд̇и логад̇хаммзхи хзд̇убхууд̇зхи лаабхаад̣̇ийсу жад̇уусу анурод̇хавасзна, алаабхаад̣̇ийсу жад̇уусу бадивирод̇хавасзна бхусам̣ нивад̇д̇ад̇и, багад̇ибхаавам̣ ж̇ахаад̇ийд̇и ад̇т̇о. мижчад̇д̇ааби вуд̇д̇ад̇т̇аа. нияяаад̇од̇и г̇ад̇о багканд̣̇о, абхибхууд̇од̇и ад̇т̇о.
Lokadhammā vuttatthā. Samparivattatīti lokadhammehi hetubhūtehi lābhādīsu catūsu anurodhavasena, alābhādīsu catūsu paṭivirodhavasena bhusaṃ nivattati, pakatibhāvaṃ jahātīti attho. Micchattāpi vuttatthā. Niyyātoti gato pakkhando, abhibhūtoti attho.
адтахи бурисад̣̇осзхийд̇и адтаганибаад̇з убамаахи саха, куд̣̇д̣̇агавад̇т̇увибхан̇г̇з убамам̣ винаа вуд̇д̇зхи. вуд̇д̇ан̃хи д̇ад̇т̇а –
Aṭṭhahi purisadosehīti aṭṭhakanipāte upamāhi saha, khuddakavatthuvibhaṅge upamaṃ vinā vuttehi. Vuttañhi tattha –
‘‘гад̇амз адта бурисад̣̇осаа? ид̇ха бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано ‘на сараами на сараамий’д̇и ассад̇ияаава ниб̣б̣зтзд̇и. аяам̣ батамо бурисад̣̇осо.
‘‘Katame aṭṭha purisadosā? Idha bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno ‘na sarāmi na sarāmī’ti assatiyāva nibbeṭheti. Ayaṃ paṭhamo purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано жод̣̇агам̣язва бадибпарад̇и ‘гим̣ ну ко д̇уяхам̣ б̣ааласса аб̣яад̇д̇асса бхан̣ид̇зна, д̇вамби наама мам̣ бхан̣ид̇аб̣б̣ам̣ ман̃н̃асий’д̇и? аяам̣ д̣̇уд̇ияо бурисад̣̇осо.
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno codakaṃyeva paṭippharati ‘kiṃ nu kho tuyhaṃ bālassa abyattassa bhaṇitena, tvampi nāma maṃ bhaṇitabbaṃ maññasī’ti? Ayaṃ dutiyo purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано жод̣̇агам̣язва бажжааробзд̇и ‘д̇вамби коси ид̇т̇аннаамам̣ аабад̇д̇им̣ аабанно, д̇вам̣ д̇аава батамам̣ бадигарохий’д̇и. аяам̣ д̇ад̇ияо бурисад̣̇осо.
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno codakaṃyeva paccāropeti ‘tvampi khosi itthannāmaṃ āpattiṃ āpanno, tvaṃ tāva paṭhamaṃ paṭikarohī’ti. Ayaṃ tatiyo purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и. аяам̣ жад̇уд̇т̇о бурисад̣̇осо.
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti. Ayaṃ catuttho purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано сан̇гхамаж̇жхз б̣аахаавигкзбагам̣ бхан̣ад̇и. аяам̣ бан̃жамо бурисад̣̇осо.
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno saṅghamajjhe bāhāvikkhepakaṃ bhaṇati. Ayaṃ pañcamo purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано анаад̣̇ияид̇ваа сан̇гхам̣ анаад̣̇ияид̇ваа жод̣̇агам̣ саабад̇д̇игова язна гаамам̣ баггамад̇и. аяам̣ чадто бурисад̣̇осо.
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno anādiyitvā saṅghaṃ anādiyitvā codakaṃ sāpattikova yena kāmaṃ pakkamati. Ayaṃ chaṭṭho purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано ‘нзваахам̣ аабанномхи, на банаахам̣ анаабанномхий’д̇и со д̇ун̣хийбхууд̇о сан̇гхам̣ вихзсзд̇и. аяам̣ сад̇д̇амо бурисад̣̇осо.
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno ‘nevāhaṃ āpannomhi, na panāhaṃ anāpannomhī’ti so tuṇhībhūto saṅghaṃ viheseti. Ayaṃ sattamo purisadoso.
‘‘буна жабарам̣ бхигкуу бхигкум̣ аабад̇д̇ияаа жод̣̇знд̇и. со бхигку бхигкуухи аабад̇д̇ияаа жод̣̇ияамаано звамааха – ‘гим̣ ну ко д̇умхз ааяасманд̇о ад̇иб̣аал̣хам̣ маяи б̣яаавадаа? ид̣̇аанаахам̣ сигкам̣ бажжагкааяа хийнааяаавад̇д̇иссаамий’д̇и. со сигкам̣ бажжагкааяа хийнааяаавад̇д̇ид̇ваа звамааха ‘ид̣̇аани ко д̇умхз ааяасманд̇о ад̇д̇аманаа хот̇аа’д̇и. аяам̣ адтамо бурисад̣̇осо. имз адта бурисад̣̇осаа’’д̇и (вибха. 957; а. ни. 8.14).
‘‘Puna caparaṃ bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno evamāha – ‘kiṃ nu kho tumhe āyasmanto atibāḷhaṃ mayi byāvaṭā? Idānāhaṃ sikkhaṃ paccakkhāya hīnāyāvattissāmī’ti. So sikkhaṃ paccakkhāya hīnāyāvattitvā evamāha ‘idāni kho tumhe āyasmanto attamanā hothā’ti. Ayaṃ aṭṭhamo purisadoso. Ime aṭṭha purisadosā’’ti (vibha. 957; a. ni. 8.14).
д̇ад̇т̇а бурисад̣̇осаад̇и бурисаанам̣ д̣̇осаа, д̇з бана бурисасанд̇аанам̣ д̣̇уусзнд̇ийд̇и д̣̇осаа. на сараами на сараамийд̇и ‘‘маяаа зд̇асса гаммасса гад̇адтаанам̣ нассараами на саллагкзмий’’д̇и звам̣ ассад̇ибхаавзна ниб̣б̣зтзд̇и можзд̇и. жод̣̇агам̣язва бадибпарад̇ийд̇и бадивируд̣̇д̇хо худ̇ваа парад̇и, бадиаан̣ибхаавзна д̇идтад̇и. гим̣ ну ко д̇уяханд̇и д̇уяхам̣ б̣ааласса аб̣яад̇д̇асса бхан̣ид̇зна наама гим̣, яо д̇вам̣ нзва вад̇т̇ум̣, на аабад̇д̇им̣, на жод̣̇анам̣ ж̇аанаасийд̇и д̣̇ийбзд̇и. д̇вамби наама звам̣ гин̃жи аж̇аананд̇о бхан̣ид̇аб̣б̣ам̣ ман̃н̃асийд̇и аж̇жход̇т̇арад̇и. бажжааробзд̇ийд̇и ‘‘д̇вамби косий’’д̇иаад̣̇ийни вад̣̇анд̇о бад̇иааробзд̇и. бадигарохийд̇и д̣̇зсанааг̇ааминим̣ д̣̇зсзхи, вудтаанаг̇ааминид̇о вудтаахи, д̇ад̇о суд̣̇д̇ханд̇з бад̇идтид̇о ан̃н̃ам̣ жод̣̇зссасийд̇и д̣̇ийбзд̇и. ан̃н̃знан̃н̃ам̣ бадижарад̇ийд̇и ан̃н̃зна гааран̣зна, важанзна ваа ан̃н̃ам̣ гааран̣ам̣, важанам̣ ваа бадижчаад̣̇зд̇и. ‘‘аабад̇д̇им̣ аабанносий’’д̇и вуд̇д̇о ‘‘го аабанно, гим̣ аабанно, гисмим̣ аабанно, гат̇ам̣ аабанно, гам̣ бхан̣ат̇а, гим̣ бхан̣ат̇аа’’д̇и бхан̣ад̇и. ‘‘зваруубам̣ гин̃жи д̇аяаа д̣̇идта’’нд̇и вуд̇д̇з ‘‘на сун̣аамий’’д̇и сод̇ам̣ убанзд̇и. б̣ахид̣̇д̇хаа гат̇ам̣ абанаамзд̇ийд̇и ‘‘ид̇т̇аннаамам̣ аабад̇д̇им̣ аабанносий’’д̇и будто ‘‘баадалибуд̇д̇ам̣ г̇ад̇омхий’’д̇и вад̇ваа буна ‘‘на д̇ава баадалибуд̇д̇аг̇аманам̣ бужчаамаа’’д̇и вуд̇д̇з д̇ад̇о рааж̇аг̇ахам̣ г̇ад̇омхийд̇и. ‘‘рааж̇аг̇ахам̣ ваа яаахи б̣раахман̣аг̇зхам̣ ваа, аабад̇д̇им̣ аабанносий’’д̇и. ‘‘д̇ад̇т̇а мз суугарамам̣сам̣ лад̣̇д̇ха’’нд̇иаад̣̇ийни вад̣̇анд̇о гат̇ам̣ б̣ахид̣̇д̇хаа вигкибад̇и. гобанд̇и губид̇абхаавам̣, д̣̇осанд̇и д̣̇удтабхаавам̣. убхаяамбзд̇ам̣ год̇хассзва наамам̣. аббажжаяанд̇и асанд̇удтаагаарам̣, д̣̇оманассассзд̇ам̣ наамам̣. баад̇угарод̇ийд̇и д̣̇ассзд̇и багаасзд̇и. б̣аахаавигкзбагам̣ бхан̣ад̇ийд̇и б̣аахам̣ вигкибид̇ваа вигкибид̇ваа алаж̇ж̇иважанам̣ вад̣̇ад̇и. анаад̣̇ияид̇ваад̇и жид̇д̇ийгаарзна аг̇г̇ахзд̇ваа аваж̇аанид̇ваа, анаад̣̇аро худ̇ваад̇и ад̇т̇о. вихзсзд̇ийд̇и вихзтзд̇и б̣аад̇хад̇и. ад̇иб̣аал̣ханд̇и ад̇ид̣̇ал̣хам̣ ад̇иббамаан̣ам̣. маяи б̣яаавадаад̇и маяи б̣яаабаарам̣ аабаннаа. хийнааяаавад̇д̇ид̇ваад̇и хийнасса г̇ихибхаавасса ад̇т̇ааяа аавад̇д̇ид̇ваа, г̇ихий худ̇ваад̇и ад̇т̇о. ад̇д̇аманаа хот̇аад̇и д̇удтажид̇д̇аа хот̇а, ‘‘маяаа лабхид̇аб̣б̣ам̣ лабхат̇а, маяаа васид̇аб̣б̣адтаанз васат̇а, паасувихааро во маяаа гад̇о’’д̇и ад̇хиббааязна вад̣̇ад̇и. д̣̇уссад̇ийд̇и д̣̇удто ход̇и.
Tattha purisadosāti purisānaṃ dosā, te pana purisasantānaṃ dūsentīti dosā. Na sarāmi na sarāmīti ‘‘mayā etassa kammassa kataṭṭhānaṃ nassarāmi na sallakkhemī’’ti evaṃ assatibhāvena nibbeṭheti moceti. Codakaṃyeva paṭippharatīti paṭiviruddho hutvā pharati, paṭiāṇibhāvena tiṭṭhati. Kiṃ nu kho tuyhanti tuyhaṃ bālassa abyattassa bhaṇitena nāma kiṃ, yo tvaṃ neva vatthuṃ, na āpattiṃ, na codanaṃ jānāsīti dīpeti. Tvampi nāma evaṃ kiñci ajānanto bhaṇitabbaṃ maññasīti ajjhottharati. Paccāropetīti ‘‘tvampi khosī’’tiādīni vadanto patiāropeti. Paṭikarohīti desanāgāminiṃ desehi, vuṭṭhānagāminito vuṭṭhāhi, tato suddhante patiṭṭhito aññaṃ codessasīti dīpeti. Aññenaññaṃ paṭicaratīti aññena kāraṇena, vacanena vā aññaṃ kāraṇaṃ, vacanaṃ vā paṭicchādeti. ‘‘Āpattiṃ āpannosī’’ti vutto ‘‘ko āpanno, kiṃ āpanno, kismiṃ āpanno, kathaṃ āpanno, kaṃ bhaṇatha, kiṃ bhaṇathā’’ti bhaṇati. ‘‘Evarūpaṃ kiñci tayā diṭṭha’’nti vutte ‘‘na suṇāmī’’ti sotaṃ upaneti. Bahiddhā kathaṃ apanāmetīti ‘‘itthannāmaṃ āpattiṃ āpannosī’’ti puṭṭho ‘‘pāṭaliputtaṃ gatomhī’’ti vatvā puna ‘‘na tava pāṭaliputtagamanaṃ pucchāmā’’ti vutte tato rājagahaṃ gatomhīti. ‘‘Rājagahaṃ vā yāhi brāhmaṇagehaṃ vā, āpattiṃ āpannosī’’ti. ‘‘Tattha me sūkaramaṃsaṃ laddha’’ntiādīni vadanto kathaṃ bahiddhā vikkhipati. Kopanti kupitabhāvaṃ, dosanti duṭṭhabhāvaṃ. Ubhayampetaṃ kodhasseva nāmaṃ. Appaccayanti asantuṭṭhākāraṃ, domanassassetaṃ nāmaṃ. Pātukarotīti dasseti pakāseti. Bāhāvikkhepakaṃ bhaṇatīti bāhaṃ vikkhipitvā vikkhipitvā alajjivacanaṃ vadati. Anādiyitvāti cittīkārena aggahetvā avajānitvā, anādaro hutvāti attho. Vihesetīti viheṭheti bādhati. Atibāḷhanti atidaḷhaṃ atippamāṇaṃ. Mayi byāvaṭāti mayi byāpāraṃ āpannā. Hīnāyāvattitvāti hīnassa gihibhāvassa atthāya āvattitvā, gihī hutvāti attho. Attamanā hothāti tuṭṭhacittā hotha, ‘‘mayā labhitabbaṃ labhatha, mayā vasitabbaṭṭhāne vasatha, phāsuvihāro vo mayā kato’’ti adhippāyena vadati. Dussatīti duṭṭho hoti.
навахи аагхаад̇авад̇т̇уухийд̇и сад̇д̇зсу уббад̇д̇ивасзнзва гат̇ид̇аани. яат̇ааха –
Navahi āghātavatthūhīti sattesu uppattivaseneva kathitāni. Yathāha –
‘‘наваяимаани, бхигкавз, аагхаад̇авад̇т̇ууни. гад̇амаани нава? ‘анад̇т̇ам̣ мз ажарий’д̇и аагхаад̇ам̣ б̣анд̇хад̇и, ‘анад̇т̇ам̣ мз жарад̇ий’д̇и аагхаад̇ам̣ б̣анд̇хад̇и, ‘анад̇т̇ам̣ мз жариссад̇ий’д̇и аагхаад̇ам̣ б̣анд̇хад̇и, ‘бияасса мз манаабасса анад̇т̇ам̣ ажари, анад̇т̇ам̣ жарад̇и, анад̇т̇ам̣ жариссад̇ий’д̇и аагхаад̇ам̣ б̣анд̇хад̇и, ‘аббияасса мз аманаабасса ад̇т̇ам̣ ажари, ад̇т̇ам̣ жарад̇и, ад̇т̇ам̣ жариссад̇ий’д̇и аагхаад̇ам̣ б̣анд̇хад̇и. имаани ко, бхигкавз, нава аагхаад̇авад̇т̇ууний’’д̇и (а. ни. 9.29).
‘‘Navayimāni, bhikkhave, āghātavatthūni. Katamāni nava? ‘Anatthaṃ me acarī’ti āghātaṃ bandhati, ‘anatthaṃ me caratī’ti āghātaṃ bandhati, ‘anatthaṃ me carissatī’ti āghātaṃ bandhati, ‘piyassa me manāpassa anatthaṃ acari, anatthaṃ carati, anatthaṃ carissatī’ti āghātaṃ bandhati, ‘appiyassa me amanāpassa atthaṃ acari, atthaṃ carati, atthaṃ carissatī’ti āghātaṃ bandhati. Imāni kho, bhikkhave, nava āghātavatthūnī’’ti (a. ni. 9.29).
д̇ад̇т̇а аагхаад̇авад̇т̇уунийд̇и аагхаад̇агааран̣аани. аагхаад̇анд̇и жзд̇т̇а гобо, соязва убаруубари гобасса вад̇т̇уд̇д̇аа аагхаад̇авад̇т̇у. аагхаад̇ам̣ б̣анд̇хад̇ийд̇и гобам̣ б̣анд̇хад̇и гарод̇и уббаад̣̇зд̇и. ‘‘ад̇т̇ам̣ мз наажари, на жарад̇и, на жариссад̇и. бияасса мз манаабасса ад̇т̇ам̣ наажари, на жарад̇и, на жариссад̇и. аббияасса мз аманаабасса анад̇т̇ам̣ наажари, на жарад̇и, на жариссад̇ий’’д̇и (махаани. 85; вибха. 960; д̇ха. са. 1066) нид̣̇д̣̇зсз вуд̇д̇аани абарааниби нава аагхаад̇авад̇т̇ууни имзхзва навахи сан̇г̇ахид̇аани. аагхаад̇ид̇од̇и гхаддид̇о.
Tattha āghātavatthūnīti āghātakāraṇāni. Āghātanti cettha kopo, soyeva uparūpari kopassa vatthuttā āghātavatthu. Āghātaṃ bandhatīti kopaṃ bandhati karoti uppādeti. ‘‘Atthaṃ me nācari, na carati, na carissati. Piyassa me manāpassa atthaṃ nācari, na carati, na carissati. Appiyassa me amanāpassa anatthaṃ nācari, na carati, na carissatī’’ti (mahāni. 85; vibha. 960; dha. sa. 1066) niddese vuttāni aparānipi nava āghātavatthūni imeheva navahi saṅgahitāni. Āghātitoti ghaṭṭito.
нававид̇хамаанзхийд̇и гад̇амз нававид̇хамаанаа? сзяяасса сзяяохамасмийд̇и маано, сзяяасса сад̣̇исохамасмийд̇и маано, сзяяасса хийнохамасмийд̇и маано. сад̣̇исасса сзяяохамасмийд̇и маано, сад̣̇исасса сад̣̇исохамасмийд̇и маано, сад̣̇исасса хийнохамасмийд̇и маано. хийнасса сзяяохамасмийд̇и маано, хийнасса сад̣̇исохамасмийд̇и маано, хийнасса хийнохамасмийд̇и маано. имз нававид̇хамаанаа (вибха. 962).
Navavidhamānehīti katame navavidhamānā? Seyyassa seyyohamasmīti māno, seyyassa sadisohamasmīti māno, seyyassa hīnohamasmīti māno. Sadisassa seyyohamasmīti māno, sadisassa sadisohamasmīti māno, sadisassa hīnohamasmīti māno. Hīnassa seyyohamasmīti māno, hīnassa sadisohamasmīti māno, hīnassa hīnohamasmīti māno. Ime navavidhamānā (vibha. 962).
зд̇т̇а бана сзяяасса сзяяохамасмийд̇и маано рааж̇уунан̃жзва баб̣б̣аж̇ид̇аанан̃жа уббаж̇ж̇ад̇и. рааж̇аа хи ‘‘радтзна ваа д̇ханзна ваа вааханзхи ваа го маяаа сад̣̇исо ад̇т̇ий’’д̇и зд̇ам̣ маанам̣ гарод̇и, баб̣б̣аж̇ид̇оби ‘‘сийлад̇худ̇ан̇г̇аад̣̇ийхи го маяаа сад̣̇исо ад̇т̇ий’’д̇и зд̇ам̣ маанам̣ гарод̇и.
Ettha pana seyyassa seyyohamasmīti māno rājūnañceva pabbajitānañca uppajjati. Rājā hi ‘‘raṭṭhena vā dhanena vā vāhanehi vā ko mayā sadiso atthī’’ti etaṃ mānaṃ karoti, pabbajitopi ‘‘sīladhutaṅgādīhi ko mayā sadiso atthī’’ti etaṃ mānaṃ karoti.
сзяяасса сад̣̇исохамасмийд̇и мааноби зд̇зсам̣язва уббаж̇ж̇ад̇и. рааж̇аа хи ‘‘радтзна ваа д̇ханзна ваа вааханзхи ваа ан̃н̃арааж̇уухи сад̣̇д̇хим̣ маяхам̣ гим̣ наанаагаран̣а’’нд̇и зд̇ам̣ маанам̣ гарод̇и, баб̣б̣аж̇ид̇оби ‘‘сийлад̇худ̇ан̇г̇аад̣̇ийхи ан̃н̃зна бхигкунаа маяхам̣ гим̣ наанаагаран̣а’’нд̇и зд̇ам̣ маанам̣ гарод̇и.
Seyyassa sadisohamasmīti mānopi etesaṃyeva uppajjati. Rājā hi ‘‘raṭṭhena vā dhanena vā vāhanehi vā aññarājūhi saddhiṃ mayhaṃ kiṃ nānākaraṇa’’nti etaṃ mānaṃ karoti, pabbajitopi ‘‘sīladhutaṅgādīhi aññena bhikkhunā mayhaṃ kiṃ nānākaraṇa’’nti etaṃ mānaṃ karoti.
сзяяасса хийнохамасмийд̇и мааноби зд̇зсам̣язва уббаж̇ж̇ад̇и. яасса хи ран̃н̃о радтам̣ ваа д̇ханам̣ ваа вааханаад̣̇ийни ваа наад̇исамбаннаани хонд̇и, со ‘‘маяхам̣ рааж̇аад̇и вохаарасукамад̇д̇агамзва, гим̣ рааж̇аа наама аха’’нд̇и зд̇ам̣ маанам̣ гарод̇и, баб̣б̣аж̇ид̇оби аббалаабхасаггааро ‘‘ахам̣ д̇хаммагат̇иго б̣ахуссуд̇о махаат̇зрод̇и гат̇аамад̇д̇амзва, гим̣ д̇хаммагат̇иго наамаахам̣, гим̣ б̣ахуссуд̇о наамаахам̣, гим̣ махаат̇зро наамаахам̣, яасса мз лаабхасаггааро над̇т̇ий’’д̇и зд̇ам̣ маанам̣ гарод̇и.
Seyyassa hīnohamasmīti mānopi etesaṃyeva uppajjati. Yassa hi rañño raṭṭhaṃ vā dhanaṃ vā vāhanādīni vā nātisampannāni honti, so ‘‘mayhaṃ rājāti vohārasukhamattakameva, kiṃ rājā nāma aha’’nti etaṃ mānaṃ karoti, pabbajitopi appalābhasakkāro ‘‘ahaṃ dhammakathiko bahussuto mahātheroti kathāmattameva, kiṃ dhammakathiko nāmāhaṃ, kiṃ bahussuto nāmāhaṃ, kiṃ mahāthero nāmāhaṃ, yassa me lābhasakkāro natthī’’ti etaṃ mānaṃ karoti.
сад̣̇исасса сзяяохамасмийд̇и маанаад̣̇аяо амажжаад̣̇ийнам̣ уббаж̇ж̇анд̇и. амажжо ваа хи радтияо ваа ‘‘бхог̇аяаанавааханаад̣̇ийхи го маяаа сад̣̇исо ан̃н̃о рааж̇абурисо ад̇т̇ий’’д̇и ваа, ‘‘маяхам̣ ан̃н̃зхи сад̣̇д̇хим̣ гим̣ наанаагаран̣а’’нд̇и ваа, ‘‘амажжод̇и наамамзва маяхам̣, гхаасажчаад̣̇анамад̇д̇амби мз над̇т̇и, гим̣ амажжо наамааха’’нд̇и ваа зд̇ам̣ маанам̣ гарод̇и.
Sadisassaseyyohamasmīti mānādayo amaccādīnaṃ uppajjanti. Amacco vā hi raṭṭhiyo vā ‘‘bhogayānavāhanādīhi ko mayā sadiso añño rājapuriso atthī’’ti vā, ‘‘mayhaṃ aññehi saddhiṃ kiṃ nānākaraṇa’’nti vā, ‘‘amaccoti nāmameva mayhaṃ, ghāsacchādanamattampi me natthi, kiṃ amacco nāmāha’’nti vā etaṃ mānaṃ karoti.
хийнасса сзяяохамасмийд̇и маанаад̣̇аяо д̣̇аасаад̣̇ийнам̣ уббаж̇ж̇анд̇и. д̣̇аасо хи ‘‘маад̇ид̇о ваа бид̇ид̇о ваа го маяаа сад̣̇исо ан̃н̃о д̣̇аасо наама ад̇т̇и, ан̃н̃з ж̇ийвид̇ум̣ асаггонд̇аа гужчихзд̇у д̣̇аасаа наама ж̇аад̇аа, ахам̣ бана бавзн̣иааг̇ад̇ад̇д̇аа сзяяо’’д̇и ваа, ‘‘бавзн̣иааг̇ад̇абхаавзна убхад̇осуд̣̇д̇хигад̣̇аасад̇д̇зна асугад̣̇аасзна наама сад̣̇д̇хим̣ маяхам̣ гим̣ наанаагаран̣а’’нд̇и ваа, ‘‘гужчивасзнаахам̣ д̣̇аасаб̣яам̣ убаг̇ад̇о, маад̇аабид̇угодияаа бана мз д̣̇аасадтаанам̣ над̇т̇и, гим̣ д̣̇аасо наама аха’’нд̇и ваа зд̇ам̣ маанам̣ гарод̇и. яат̇аа жа д̣̇аасо, звам̣ буггусажан̣д̣аалаад̣̇аяоби зд̇ам̣ маанам̣ гаронд̇иязва. зд̇т̇а жа сзяяасса сзяяохамасмийд̇и уббаннамаанова яаат̇аавамаано, ид̇арз д̣̇вз аяаат̇аавамаанаа. д̇ат̇аа сад̣̇исасса сад̣̇исохамасмийд̇и хийнасса хийнохамасмийд̇и уббаннамаанова яаат̇аавамаано, ид̇арз д̣̇вз аяаат̇аавамаанаа. д̇ад̇т̇а яаат̇аавамаанаа арахад̇д̇амаг̇г̇аваж̇жхаа, аяаат̇аавамаанаа сод̇аабад̇д̇имаг̇г̇аваж̇жхаад̇и.
Hīnassaseyyohamasmīti mānādayo dāsādīnaṃ uppajjanti. Dāso hi ‘‘mātito vā pitito vā ko mayā sadiso añño dāso nāma atthi, aññe jīvituṃ asakkontā kucchihetu dāsā nāma jātā, ahaṃ pana paveṇiāgatattā seyyo’’ti vā, ‘‘paveṇiāgatabhāvena ubhatosuddhikadāsattena asukadāsena nāma saddhiṃ mayhaṃ kiṃ nānākaraṇa’’nti vā, ‘‘kucchivasenāhaṃ dāsabyaṃ upagato, mātāpitukoṭiyā pana me dāsaṭṭhānaṃ natthi, kiṃ dāso nāma aha’’nti vā etaṃ mānaṃ karoti. Yathā ca dāso, evaṃ pukkusacaṇḍālādayopi etaṃ mānaṃ karontiyeva. Ettha ca seyyassa seyyohamasmīti uppannamānova yāthāvamāno, itare dve ayāthāvamānā. Tathā sadisassa sadisohamasmīti hīnassa hīnohamasmīti uppannamānova yāthāvamāno, itare dve ayāthāvamānā. Tattha yāthāvamānā arahattamaggavajjhā, ayāthāvamānā sotāpattimaggavajjhāti.
д̇ан̣хаамуулагаа вуд̇д̇ааязва. раж̇ж̇ад̇ийд̇и на гзвалам̣ рааг̇знзва раж̇ж̇ад̇и, ат̇а ко д̇ан̣хаамуулагаанам̣ бариязсанаад̣̇ийнамби самбхавад̇о д̇ан̣хаамуулагзхи саб̣б̣зхи агусалад̇хаммзхи раж̇ж̇ад̇и, яуж̇ж̇ад̇и б̣аж̇жхад̇ийд̇и ад̇хиббааяо.
Taṇhāmūlakā vuttāyeva. Rajjatīti na kevalaṃ rāgeneva rajjati, atha kho taṇhāmūlakānaṃ pariyesanādīnampi sambhavato taṇhāmūlakehi sabbehi akusaladhammehi rajjati, yujjati bajjhatīti adhippāyo.
д̣̇асахи гилзсавад̇т̇уухийд̇и гад̇амаани д̣̇аса гилзсавад̇т̇ууни? лобхо, д̣̇осо, мохо, маано, д̣̇идти, вижигижчаа, т̇инам̣, уд̣̇д̇хажжам̣, ахиригам̣, анод̇д̇аббанд̇и имаани д̣̇аса гилзсавад̇т̇ууни (вибха. 966).
Dasahikilesavatthūhīti katamāni dasa kilesavatthūni? Lobho, doso, moho, māno, diṭṭhi, vicikicchā, thinaṃ, uddhaccaṃ, ahirikaṃ, anottappanti imāni dasa kilesavatthūni (vibha. 966).
д̇ад̇т̇а гилзсаа зва гилзсавад̇т̇ууни, васанд̇и ваа зд̇т̇а акийн̣аасаваа сад̇д̇аа лобхаад̣̇ийсу бад̇идтид̇ад̇д̇аад̇и вад̇т̇ууни, гилзсаа жа д̇з д̇аббад̇идтаанам̣ сад̇д̇аанам̣ вад̇т̇ууни жаад̇и гилзсавад̇т̇ууни. яасмаа жзд̇т̇а ананд̇арабажжаяаад̣̇ибхаавзна уббаж̇ж̇амаанааби гилзсаа васанд̇и зва наама, д̇асмаа гилзсаанам̣ вад̇т̇уунийд̇иби гилзсавад̇т̇ууни. луб̣бханд̇и д̇зна, саяам̣ ваа луб̣бхад̇и, луб̣бханамад̇д̇амзва ваа д̇анд̇и лобхо. д̣̇уссанд̇и д̇зна, саяам̣ ваа д̣̇уссад̇и, д̣̇уссанамад̇д̇амзва ваа д̇анд̇и д̣̇осо. муяханд̇и д̇зна, саяам̣ ваа муяхад̇и, муяханамад̇д̇амзва ваа д̇анд̇и мохо. ман̃н̃ад̇ийд̇и маано. д̣̇идтиаад̣̇аяо вуд̇д̇ад̇т̇аава . на хирийяад̇ийд̇и ахириго, д̇асса бхааво ахиригам̣. на од̇д̇аббад̇ийд̇и анод̇д̇аббий, д̇асса бхааво анод̇д̇аббам̣. д̇зсу ахиригам̣ гааяад̣̇ужжарид̇аад̣̇ийхи аж̇иг̇ужчаналагкан̣ам̣, анод̇д̇аббам̣ д̇зхзва асаараж̇ж̇аналагкан̣ам̣, гилиссад̇ийд̇и убад̇аабийяад̇и виб̣аад̇хийяад̇и.
Tattha kilesā eva kilesavatthūni, vasanti vā ettha akhīṇāsavā sattā lobhādīsu patiṭṭhitattāti vatthūni, kilesā ca te tappatiṭṭhānaṃ sattānaṃ vatthūni cāti kilesavatthūni. Yasmā cettha anantarapaccayādibhāvena uppajjamānāpi kilesā vasanti eva nāma, tasmā kilesānaṃ vatthūnītipi kilesavatthūni. Lubbhanti tena, sayaṃ vā lubbhati, lubbhanamattameva vā tanti lobho. Dussanti tena, sayaṃ vā dussati, dussanamattameva vā tanti doso. Muyhanti tena, sayaṃ vā muyhati, muyhanamattameva vā tanti moho. Maññatīti māno. Diṭṭhiādayo vuttatthāva . Na hirīyatīti ahiriko, tassa bhāvo ahirikaṃ. Na ottappatīti anottappī, tassa bhāvo anottappaṃ. Tesu ahirikaṃ kāyaduccaritādīhi ajigucchanalakkhaṇaṃ, anottappaṃ teheva asārajjanalakkhaṇaṃ, kilissatīti upatāpīyati vibādhīyati.
д̣̇асахи аагхаад̇авад̇т̇уухийд̇и буб̣б̣з вуд̇д̇зхи навахи жа ‘‘адтаанз ваа банаагхаад̇о ж̇ааяад̇ий’’д̇и (д̇ха. са. 1066) вуд̇д̇зна жаад̇и д̣̇асахи. анад̇т̇ам̣ мз ажарийд̇иаад̣̇ийниби хи авигаббзд̇ваа каан̣уган̣дагаад̣̇имхиби адтаанз аагхаад̇о уббаж̇ж̇ад̇и.
Dasahi āghātavatthūhīti pubbe vuttehi navahi ca ‘‘aṭṭhāne vā panāghāto jāyatī’’ti (dha. sa. 1066) vuttena cāti dasahi. Anatthaṃ me acarītiādīnipi hi avikappetvā khāṇukaṇṭakādimhipi aṭṭhāne āghāto uppajjati.
д̣̇асахи агусалагаммабат̇зхийд̇и гад̇амз д̣̇аса агусалагаммабат̇аа (д̣̇ий. ни. 3.360)? баан̣аад̇ибаад̇о, ад̣̇иннаад̣̇аанам̣, гаамзсумижчаажааро, мусааваад̣̇о, бисун̣аа ваажаа, парусаа ваажаа, сампаббалаабо, абхиж̇жхаа, б̣яаабаад̣̇о, мижчаад̣̇идти. имз д̣̇аса агусалагаммабат̇аа. д̇ад̇т̇а агусалагаммаани жа д̇аани бат̇аа жа д̣̇уг̇г̇ад̇ияаад̇и агусалагаммабат̇аа. саманнааг̇ад̇од̇и саман̇г̇ийбхууд̇о.
Dasahi akusalakammapathehīti katame dasa akusalakammapathā (dī. ni. 3.360)? Pāṇātipāto, adinnādānaṃ, kāmesumicchācāro, musāvādo, pisuṇā vācā, pharusā vācā, samphappalāpo, abhijjhā, byāpādo, micchādiṭṭhi. Ime dasa akusalakammapathā. Tattha akusalakammāni ca tāni pathā ca duggatiyāti akusalakammapathā. Samannāgatoti samaṅgībhūto.
д̣̇асахи сан̃н̃ож̇анзхийд̇и гад̇амаани д̣̇аса сам̣яож̇анаани (д̇ха. са. 1118)? гаамарааг̇асам̣яож̇анам̣, бадигхасам̣яож̇анам̣, маанасам̣яож̇анам̣, д̣̇идтисам̣яож̇анам̣, вижигижчаасам̣яож̇анам̣, сийлаб̣б̣ад̇абараамаасасам̣яож̇анам̣, бхаварааг̇асам̣яож̇анам̣, иссаасам̣яож̇анам̣, мажчарияасам̣яож̇анам̣, авиж̇ж̇аасам̣яож̇анам̣, имаани д̣̇аса сам̣яож̇анаани. мижчад̇д̇аа вуд̇д̇ааязва.
Dasahi saññojanehīti katamāni dasa saṃyojanāni (dha. sa. 1118)? Kāmarāgasaṃyojanaṃ, paṭighasaṃyojanaṃ, mānasaṃyojanaṃ, diṭṭhisaṃyojanaṃ, vicikicchāsaṃyojanaṃ, sīlabbataparāmāsasaṃyojanaṃ, bhavarāgasaṃyojanaṃ, issāsaṃyojanaṃ, macchariyasaṃyojanaṃ, avijjāsaṃyojanaṃ, imāni dasa saṃyojanāni. Micchattā vuttāyeva.
д̣̇асавад̇т̇угааяа мижчаад̣̇идтияаад̇и гад̇амаа д̣̇асавад̇т̇угаа мижчаад̣̇идти (вибха. 971)? над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇и. аяам̣ д̣̇асавад̇т̇угаа мижчаад̣̇идти.
Dasavatthukāya micchādiṭṭhiyāti katamā dasavatthukā micchādiṭṭhi (vibha. 971)? Natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedenti. Ayaṃ dasavatthukā micchādiṭṭhi.
д̇ад̇т̇а д̣̇асавад̇т̇угаад̇и д̣̇аса вад̇т̇ууни зд̇иссаад̇и д̣̇асавад̇т̇угаа. над̇т̇и д̣̇иннанд̇и д̣̇иннам̣ наама ад̇т̇и, саггаа гассажи гин̃жи д̣̇аад̇унд̇и ж̇аанаад̇и. д̣̇иннасса бана палам̣ вибааго над̇т̇ийд̇и г̇ан̣хаад̇и. над̇т̇и яидтанд̇и яидтам̣ вужжад̇и махааяааг̇о, д̇ам̣ яаж̇ид̇ум̣ саггаад̇и ж̇аанаад̇и. яидтасса бана палам̣ вибааго над̇т̇ийд̇и г̇ан̣хаад̇и. худ̇анд̇и аахунабаахунаман̇г̇алагирияаа, д̇ам̣ гаад̇ум̣ саггаад̇и ж̇аанаад̇и. д̇асса бана палам̣ вибааго над̇т̇ийд̇и г̇ан̣хаад̇и. сугад̇ад̣̇уггадаананд̇и зд̇т̇а д̣̇аса гусалагаммабат̇аа сугад̇агаммаани наама, д̣̇аса агусалагаммабат̇аа д̣̇уггадагаммаани наама. д̇зсам̣ ад̇т̇ибхаавам̣ ж̇аанаад̇и. палам̣ вибааго бана над̇т̇ийд̇и г̇ан̣хаад̇и. над̇т̇и аяам̣ логод̇и баралогз тид̇о имам̣ логам̣ над̇т̇ийд̇и г̇ан̣хаад̇и. над̇т̇и баро логод̇и ид̇халогз тид̇о баралогам̣ над̇т̇ийд̇и г̇ан̣хаад̇и. над̇т̇и маад̇аа над̇т̇и бид̇аад̇и маад̇аабид̇уунам̣ ад̇т̇ибхаавам̣ ж̇аанаад̇и. д̇зсу гад̇аббажжаязна гожи палам̣ вибааго над̇т̇ийд̇и г̇ан̣хаад̇и. над̇т̇и сад̇д̇аа обабаад̇игаад̇и жаванагаубабаж̇ж̇анагасад̇д̇аа над̇т̇ийд̇и г̇ан̣хаад̇и. саммаг̇г̇ад̇аа саммаабадибаннаад̇и ануломабадибад̣̇ам̣ бадибаннаа д̇хаммигасаман̣аб̣раахман̣аа логасмим̣ над̇т̇ийд̇и г̇ан̣хаад̇и. яз иман̃жа логам̣…бз… бавзд̣̇знд̇ийд̇и иман̃жа баран̃жа логам̣ ад̇д̇анаава абхивисидтзна н̃аан̣зна н̃ад̇ваа бавзд̣̇анасамад̇т̇о саб̣б̣ан̃н̃уу б̣уд̣̇д̇хо над̇т̇ийд̇и г̇ан̣хаад̇и.
Tattha dasavatthukāti dasa vatthūni etissāti dasavatthukā. Natthi dinnanti dinnaṃ nāma atthi, sakkā kassaci kiñci dātunti jānāti. Dinnassa pana phalaṃ vipāko natthīti gaṇhāti. Natthi yiṭṭhanti yiṭṭhaṃ vuccati mahāyāgo, taṃ yajituṃ sakkāti jānāti. Yiṭṭhassa pana phalaṃ vipāko natthīti gaṇhāti. Hutanti āhunapāhunamaṅgalakiriyā, taṃ kātuṃ sakkāti jānāti. Tassa pana phalaṃ vipāko natthīti gaṇhāti. Sukatadukkaṭānanti ettha dasa kusalakammapathā sukatakammāni nāma, dasa akusalakammapathā dukkaṭakammāni nāma. Tesaṃ atthibhāvaṃ jānāti. Phalaṃ vipāko pana natthīti gaṇhāti. Natthi ayaṃ lokoti paraloke ṭhito imaṃ lokaṃ natthīti gaṇhāti. Natthi paro lokoti idhaloke ṭhito paralokaṃ natthīti gaṇhāti. Natthi mātā natthi pitāti mātāpitūnaṃ atthibhāvaṃ jānāti. Tesu katappaccayena koci phalaṃ vipāko natthīti gaṇhāti. Natthi sattā opapātikāti cavanakaupapajjanakasattā natthīti gaṇhāti. Sammaggatā sammāpaṭipannāti anulomapaṭipadaṃ paṭipannā dhammikasamaṇabrāhmaṇā lokasmiṃ natthīti gaṇhāti. Ye imañca lokaṃ…pe… pavedentīti imañca parañca lokaṃ attanāva abhivisiṭṭhena ñāṇena ñatvā pavedanasamattho sabbaññū buddho natthīti gaṇhāti.
анд̇аг̇г̇аахигааяа д̣̇идтияаад̇и ‘‘сассад̇о лого’’д̇иаад̣̇игам̣ згзгам̣ анд̇ам̣ бхааг̇ам̣ г̇ан̣хаад̇ийд̇и анд̇аг̇г̇аахигаа. ат̇а ваа анд̇асса г̇аахо анд̇аг̇г̇аахо, анд̇аг̇г̇аахо ассаа ад̇т̇ийд̇и анд̇аг̇г̇аахигаа. д̇ааяа анд̇аг̇г̇аахигааяа. саа бана вуд̇д̇ааязва.
Antaggāhikāya diṭṭhiyāti ‘‘sassato loko’’tiādikaṃ ekekaṃ antaṃ bhāgaṃ gaṇhātīti antaggāhikā. Atha vā antassa gāho antaggāho, antaggāho assā atthīti antaggāhikā. Tāya antaggāhikāya. Sā pana vuttāyeva.
адтасад̇ад̇ан̣хаабабан̃жасад̇зхийд̇и адтуд̇д̇арам̣ сад̇ам̣ адтасад̇ам̣. сам̣саарз бабан̃жзд̇и жирам̣ васаабзд̇ийд̇и бабан̃жо, д̇ан̣хаа зва бабан̃жо д̇ан̣хаабабан̃жо, аарамман̣абхзд̣̇зна бунаббунам̣ уббад̇д̇ивасзна жа д̇ан̣хаанам̣ б̣ахугад̇д̇аа б̣ахуважанам̣ гад̇ваа д̇ан̣хаабабан̃жаанам̣ сад̇ам̣ д̇ан̣хаабабан̃жасад̇ам̣. д̇зна ‘‘д̇ан̣хаабабан̃жасад̇знаа’’д̇и вад̇д̇аб̣б̣з важанавибаллаасавасзна ‘‘д̇ан̣хаабабан̃жасад̇зхий’’д̇и б̣ахуважананид̣̇д̣̇зсо гад̇о. адтасад̇анд̇и сан̇каад̇зна д̇ан̣хаабабан̃жасад̇знаад̇и ад̇т̇о д̣̇адтаб̣б̣о. адта аб̣б̣охааригаани гад̇ваа сад̇амзва г̇ахид̇анд̇и взд̣̇ид̇аб̣б̣ам̣. куд̣̇д̣̇агавад̇т̇увибхан̇г̇з бана д̇ан̣хаавижарид̇аанийд̇и ааг̇ад̇ам̣. яат̇ааха –
Aṭṭhasatataṇhāpapañcasatehīti aṭṭhuttaraṃ sataṃ aṭṭhasataṃ. Saṃsāre papañceti ciraṃ vasāpetīti papañco, taṇhā eva papañco taṇhāpapañco, ārammaṇabhedena punappunaṃ uppattivasena ca taṇhānaṃ bahukattā bahuvacanaṃ katvā taṇhāpapañcānaṃ sataṃ taṇhāpapañcasataṃ. Tena ‘‘taṇhāpapañcasatenā’’ti vattabbe vacanavipallāsavasena ‘‘taṇhāpapañcasatehī’’ti bahuvacananiddeso kato. Aṭṭhasatanti saṅkhātena taṇhāpapañcasatenāti attho daṭṭhabbo. Aṭṭha abbohārikāni katvā satameva gahitanti veditabbaṃ. Khuddakavatthuvibhaṅge pana taṇhāvicaritānīti āgataṃ. Yathāha –
‘‘адтаараса д̇ан̣хаавижарид̇аани аж̇жхад̇д̇игасса убаад̣̇ааяа, адтаараса д̇ан̣хаавижарид̇аани б̣аахирасса убаад̣̇ааяа, д̇ад̣̇згаж̇жхам̣ абхисан̃н̃ухид̇ваа абхисан̇кибид̇ваа чад̇д̇им̣са д̇ан̣хаавижарид̇аани хонд̇и. ид̇и ад̇ийд̇аани чад̇д̇им̣са д̇ан̣хаавижарид̇аани, анааг̇ад̇аани чад̇д̇им̣са д̇ан̣хаавижарид̇аани, бажжуббаннаани чад̇д̇им̣са д̇ан̣хаавижарид̇аани д̇ад̣̇згаж̇жхам̣ абхисан̃н̃ухид̇ваа абхисан̇кибид̇ваа адтад̇ан̣хаавижарид̇асад̇ам̣ ход̇ий’’д̇и (вибха. 842).
‘‘Aṭṭhārasa taṇhāvicaritāni ajjhattikassa upādāya, aṭṭhārasa taṇhāvicaritāni bāhirassa upādāya, tadekajjhaṃ abhisaññuhitvā abhisaṅkhipitvā chattiṃsa taṇhāvicaritāni honti. Iti atītāni chattiṃsa taṇhāvicaritāni, anāgatāni chattiṃsa taṇhāvicaritāni, paccuppannāni chattiṃsa taṇhāvicaritāni tadekajjhaṃ abhisaññuhitvā abhisaṅkhipitvā aṭṭhataṇhāvicaritasataṃ hotī’’ti (vibha. 842).
д̇ан̣хаабабан̃жааязва банзд̇т̇а д̇ан̣хаавижарид̇аанийд̇и вуд̇д̇аа. д̇ан̣хаасамуд̣̇аажаараа д̇ан̣хаабавад̇д̇ияод̇и ад̇т̇о. аж̇жхад̇д̇игасса убаад̣̇ааяаад̇и аж̇жхад̇д̇игам̣ канд̇хабан̃жагам̣ убаад̣̇ааяа. ид̣̇ан̃хи убаяог̇ад̇т̇з саамиважанам̣. вид̇т̇ааро банасса д̇асса нид̣̇д̣̇зсз (вибха. 973) вуд̇д̇анаязнзва взд̣̇ид̇аб̣б̣о. аяам̣ бана абаро наяо – руубаарамман̣ааязва гаамад̇ан̣хаа, бхавад̇ан̣хаа, вибхавад̇ан̣хаад̇и д̇иссо д̇ан̣хаа хонд̇и, д̇ат̇аа сад̣̇д̣̇аад̣̇иаарамман̣аад̇и часу аарамман̣зсу адтаараса д̇ан̣хаа хонд̇и, аж̇жхад̇д̇аарамман̣аа адтаараса, б̣ахид̣̇д̇хаарамман̣аа адтаарасаад̇и чад̇д̇им̣са хонд̇и. д̇аа зва ад̇ийд̇аарамман̣аа чад̇д̇им̣са, анааг̇ад̇аарамман̣аа чад̇д̇им̣са, бажжуббаннаарамман̣аа чад̇д̇им̣саад̇и адтад̇ан̣хаавижарид̇асад̇ам̣ ход̇и. бабан̃жид̇од̇и аарамман̣з, сам̣саарз ваа бабан̃жид̇о жираваасид̇о.
Taṇhāpapañcāyeva panettha taṇhāvicaritānīti vuttā. Taṇhāsamudācārā taṇhāpavattiyoti attho. Ajjhattikassa upādāyāti ajjhattikaṃ khandhapañcakaṃ upādāya. Idañhi upayogatthe sāmivacanaṃ. Vitthāro panassa tassa niddese (vibha. 973) vuttanayeneva veditabbo. Ayaṃ pana aparo nayo – rūpārammaṇāyeva kāmataṇhā, bhavataṇhā, vibhavataṇhāti tisso taṇhā honti, tathā saddādiārammaṇāti chasu ārammaṇesu aṭṭhārasa taṇhā honti, ajjhattārammaṇā aṭṭhārasa, bahiddhārammaṇā aṭṭhārasāti chattiṃsa honti. Tā eva atītārammaṇā chattiṃsa, anāgatārammaṇā chattiṃsa, paccuppannārammaṇā chattiṃsāti aṭṭhataṇhāvicaritasataṃ hoti. Papañcitoti ārammaṇe, saṃsāre vā papañcito ciravāsito.
д̣̇ваасадтияаа д̣̇идтиг̇ад̇зхийд̇и ‘‘гад̇амаани д̣̇ваасадти д̣̇идтиг̇ад̇аани б̣рахмаж̇аалз взяяаагаран̣з вуд̇д̇аани бхаг̇авад̇аа? жад̇д̇ааро сассад̇аваад̣̇аа, жад̇д̇ааро згажжасассад̇аваад̣̇аа, жад̇д̇ааро анд̇аананд̇игаа , жад̇д̇ааро амараавигкзбигаа, д̣̇вз ад̇хижжасамуббаннигаа, сол̣аса сан̃н̃ийваад̣̇аа, адта асан̃н̃ийваад̣̇аа, адта нзвасан̃н̃ийнаасан̃н̃ийваад̣̇аа, сад̇д̇а ужчзд̣̇аваад̣̇аа, бан̃жа д̣̇идтад̇хамманиб̣б̣аанаваад̣̇аад̇и имаани д̣̇ваасадти д̣̇идтиг̇ад̇аани б̣рахмаж̇аалз взяяаагаран̣з вуд̇д̇аани бхаг̇авад̇аа’’д̇и (вибха. 977). вид̇т̇ааро банзд̇т̇а б̣рахмаж̇ааласуд̇д̇з вуд̇д̇анаязнзва взд̣̇ид̇аб̣б̣о.
Dvāsaṭṭhiyā diṭṭhigatehīti ‘‘katamāni dvāsaṭṭhi diṭṭhigatāni brahmajāle veyyākaraṇe vuttāni bhagavatā? Cattāro sassatavādā, cattāro ekaccasassatavādā, cattāro antānantikā , cattāro amarāvikkhepikā, dve adhiccasamuppannikā, soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca diṭṭhadhammanibbānavādāti imāni dvāsaṭṭhi diṭṭhigatāni brahmajāle veyyākaraṇe vuttāni bhagavatā’’ti (vibha. 977). Vitthāro panettha brahmajālasutte vuttanayeneva veditabbo.
ахан̃жамхи д̇ин̣н̣од̇и ахан̃жа жад̇урогхам̣, сам̣саарасамуд̣̇д̣̇ам̣ ваа д̇ин̣н̣о амхи бхаваами. муд̇д̇од̇и рааг̇аад̣̇иб̣анд̇ханзхи муд̇д̇о. д̣̇анд̇од̇и ниб̣б̣исзвано ниббарибпанд̣̇о. санд̇од̇и сийд̇ийбхууд̇о. ассад̇т̇од̇и ниб̣б̣аанад̣̇ассанз лад̣̇д̇хассаасо. бариниб̣б̣уд̇од̇и гилзсабариниб̣б̣аанзна бариниб̣б̣уд̇о. бахомийд̇и самад̇т̇омхи. коид̇и згам̣сад̇т̇з нибаад̇о. барз жа бариниб̣б̣аабзд̇унд̇и зд̇т̇а барз жа-сад̣̇д̣̇о ‘‘барз жа д̇аарзд̇у’’нд̇иаад̣̇ийхиби яож̇зд̇аб̣б̣од̇и.
Ahañcamhi tiṇṇoti ahañca caturoghaṃ, saṃsārasamuddaṃ vā tiṇṇo amhi bhavāmi. Muttoti rāgādibandhanehi mutto. Dantoti nibbisevano nipparipphando. Santoti sītībhūto. Assatthoti nibbānadassane laddhassāso. Parinibbutoti kilesaparinibbānena parinibbuto. Pahomīti samatthomhi. Khoiti ekaṃsatthe nipāto. Pare ca parinibbāpetunti ettha pare ca-saddo ‘‘pare ca tāretu’’ntiādīhipi yojetabboti.
махаагарун̣аан̃аан̣анид̣̇д̣̇зсаван̣н̣анаа нидтид̇аа.
Mahākaruṇāñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 71. махаагарун̣аан̃аан̣анид̣̇д̣̇зсо • 71. Mahākaruṇāñāṇaniddeso
