| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
३-४. महाकोट्ठिकसुत्तादिवण्णना
3-4. Mahākoṭṭhikasuttādivaṇṇanā
१७३-४. ततिये फस्सायतनानन्ति एत्थ आकरट्ठो आयतनसद्दोति आह ‘‘फस्साकरान’’न्तिआदि। ‘‘सुवण्णायतनं, रजतायतन’’न्तिआदीसु आकरोपि ‘‘आयतन’’न्ति वुत्तो, सञ्जातिसमोसरणादिवसेनपि आयतनट्ठो लब्भतियेव। मा-इति पटिसेधे निपातो। स्वायं छन्नं फस्सायतनानं असेसं विरागनिरोधा अत्थञ्ञं वचनं किञ्चीति सन्धायाहाति आह ‘‘मा भणीति अत्थो’’ति। पञ्चफस्सायतनानि निरुद्धानीति चक्खादीनञ्च तत्थ अभावं सन्धाय वदति। छट्ठस्साति मनायतनस्स। चतुत्थे नत्थि वत्तब्बं।
173-4. Tatiye phassāyatanānanti ettha ākaraṭṭho āyatanasaddoti āha ‘‘phassākarāna’’ntiādi. ‘‘Suvaṇṇāyatanaṃ, rajatāyatana’’ntiādīsu ākaropi ‘‘āyatana’’nti vutto, sañjātisamosaraṇādivasenapi āyatanaṭṭho labbhatiyeva. Mā-iti paṭisedhe nipāto. Svāyaṃ channaṃ phassāyatanānaṃ asesaṃ virāganirodhā atthaññaṃ vacanaṃ kiñcīti sandhāyāhāti āha ‘‘mā bhaṇīti attho’’ti. Pañcaphassāyatanāni niruddhānīti cakkhādīnañca tattha abhāvaṃ sandhāya vadati. Chaṭṭhassāti manāyatanassa. Catutthe natthi vattabbaṃ.
महाकोट्ठिकसुत्तादिवण्णना निट्ठिता।
Mahākoṭṭhikasuttādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
३. महाकोट्ठिकसुत्तं • 3. Mahākoṭṭhikasuttaṃ
४. आनन्दसुत्तं • 4. Ānandasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ३. महाकोट्ठिकसुत्तवण्णना • 3. Mahākoṭṭhikasuttavaṇṇanā
