| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៣-៤. មហាកោដ្ឋិកសុត្តាទិវណ្ណនា
3-4. Mahākoṭṭhikasuttādivaṇṇanā
១៧៣-៤. តតិយេ ផស្សាយតនានន្តិ ឯត្ថ អាករដ្ឋោ អាយតនសទ្ទោតិ អាហ ‘‘ផស្សាករាន’’ន្តិអាទិ។ ‘‘សុវណ្ណាយតនំ, រជតាយតន’’ន្តិអាទីសុ អាករោបិ ‘‘អាយតន’’ន្តិ វុត្តោ, សញ្ជាតិសមោសរណាទិវសេនបិ អាយតនដ្ឋោ លព្ភតិយេវ។ មា-ឥតិ បដិសេធេ និបាតោ។ ស្វាយំ ឆន្នំ ផស្សាយតនានំ អសេសំ វិរាគនិរោធា អត្ថញ្ញំ វចនំ កិញ្ចីតិ សន្ធាយាហាតិ អាហ ‘‘មា ភណីតិ អត្ថោ’’តិ។ បញ្ចផស្សាយតនានិ និរុទ្ធានីតិ ចក្ខាទីនញ្ច តត្ថ អភាវំ សន្ធាយ វទតិ។ ឆដ្ឋស្សាតិ មនាយតនស្ស។ ចតុត្ថេ នត្ថិ វត្តព្ពំ។
173-4. Tatiye phassāyatanānanti ettha ākaraṭṭho āyatanasaddoti āha ‘‘phassākarāna’’ntiādi. ‘‘Suvaṇṇāyatanaṃ, rajatāyatana’’ntiādīsu ākaropi ‘‘āyatana’’nti vutto, sañjātisamosaraṇādivasenapi āyatanaṭṭho labbhatiyeva. Mā-iti paṭisedhe nipāto. Svāyaṃ channaṃ phassāyatanānaṃ asesaṃ virāganirodhā atthaññaṃ vacanaṃ kiñcīti sandhāyāhāti āha ‘‘mā bhaṇīti attho’’ti. Pañcaphassāyatanāni niruddhānīti cakkhādīnañca tattha abhāvaṃ sandhāya vadati. Chaṭṭhassāti manāyatanassa. Catutthe natthi vattabbaṃ.
មហាកោដ្ឋិកសុត្តាទិវណ្ណនា និដ្ឋិតា។
Mahākoṭṭhikasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៣. មហាកោដ្ឋិកសុត្តំ • 3. Mahākoṭṭhikasuttaṃ
៤. អានន្ទសុត្តំ • 4. Ānandasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៣. មហាកោដ្ឋិកសុត្តវណ្ណនា • 3. Mahākoṭṭhikasuttavaṇṇanā
