| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃-၄. မဟာကောဋ္ဌိကသုတ္တာဒိဝဏ္ဏနာ
3-4. Mahākoṭṭhikasuttādivaṇṇanā
၁၇၃-၄. တတိယေ ဖသ္သာယတနာနန္တိ ဧတ္ထ အာကရဋ္ဌော အာယတနသဒ္ဒောတိ အာဟ ‘‘ဖသ္သာကရာန’’န္တိအာဒိ။ ‘‘သုဝဏ္ဏာယတနံ, ရဇတာယတန’’န္တိအာဒီသု အာကရောပိ ‘‘အာယတန’’န္တိ ဝုတ္တော, သဉ္ဇာတိသမောသရဏာဒိဝသေနပိ အာယတနဋ္ဌော လဗ္ဘတိယေဝ။ မာ-ဣတိ ပဋိသေဓေ နိပာတော။ သ္ဝာယံ ဆန္နံ ဖသ္သာယတနာနံ အသေသံ ဝိရာဂနိရောဓာ အတ္ထညံ ဝစနံ ကိဉ္စီတိ သန္ဓာယာဟာတိ အာဟ ‘‘မာ ဘဏီတိ အတ္ထော’’တိ။ ပဉ္စဖသ္သာယတနာနိ နိရုဒ္ဓာနီတိ စက္ခာဒီနဉ္စ တတ္ထ အဘာဝံ သန္ဓာယ ဝဒတိ။ ဆဋ္ဌသ္သာတိ မနာယတနသ္သ။ စတုတ္ထေ နတ္ထိ ဝတ္တဗ္ဗံ။
173-4. Tatiye phassāyatanānanti ettha ākaraṭṭho āyatanasaddoti āha ‘‘phassākarāna’’ntiādi. ‘‘Suvaṇṇāyatanaṃ, rajatāyatana’’ntiādīsu ākaropi ‘‘āyatana’’nti vutto, sañjātisamosaraṇādivasenapi āyatanaṭṭho labbhatiyeva. Mā-iti paṭisedhe nipāto. Svāyaṃ channaṃ phassāyatanānaṃ asesaṃ virāganirodhā atthaññaṃ vacanaṃ kiñcīti sandhāyāhāti āha ‘‘mā bhaṇīti attho’’ti. Pañcaphassāyatanāni niruddhānīti cakkhādīnañca tattha abhāvaṃ sandhāya vadati. Chaṭṭhassāti manāyatanassa. Catutthe natthi vattabbaṃ.
မဟာကောဋ္ဌိကသုတ္တာဒိဝဏ္ဏနာ နိဋ္ဌိတာ။
Mahākoṭṭhikasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၃. မဟာကောဋ္ဌိကသုတ္တံ • 3. Mahākoṭṭhikasuttaṃ
၄. အာနန္ဒသုတ္တံ • 4. Ānandasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. မဟာကောဋ္ဌိကသုတ္တဝဏ္ဏနာ • 3. Mahākoṭṭhikasuttavaṇṇanā
