| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൩-൪. മഹാകോട്ഠികസുത്താദിവണ്ണനാ
3-4. Mahākoṭṭhikasuttādivaṇṇanā
൧൭൩-൪. തതിയേ ഫസ്സായതനാനന്തി ഏത്ഥ ആകരട്ഠോ ആയതനസദ്ദോതി ആഹ ‘‘ഫസ്സാകരാന’’ന്തിആദി. ‘‘സുവണ്ണായതനം, രജതായതന’’ന്തിആദീസു ആകരോപി ‘‘ആയതന’’ന്തി വുത്തോ, സഞ്ജാതിസമോസരണാദിവസേനപി ആയതനട്ഠോ ലബ്ഭതിയേവ. മാ-ഇതി പടിസേധേ നിപാതോ. സ്വായം ഛന്നം ഫസ്സായതനാനം അസേസം വിരാഗനിരോധാ അത്ഥഞ്ഞം വചനം കിഞ്ചീതി സന്ധായാഹാതി ആഹ ‘‘മാ ഭണീതി അത്ഥോ’’തി. പഞ്ചഫസ്സായതനാനി നിരുദ്ധാനീതി ചക്ഖാദീനഞ്ച തത്ഥ അഭാവം സന്ധായ വദതി. ഛട്ഠസ്സാതി മനായതനസ്സ. ചതുത്ഥേ നത്ഥി വത്തബ്ബം.
173-4. Tatiye phassāyatanānanti ettha ākaraṭṭho āyatanasaddoti āha ‘‘phassākarāna’’ntiādi. ‘‘Suvaṇṇāyatanaṃ, rajatāyatana’’ntiādīsu ākaropi ‘‘āyatana’’nti vutto, sañjātisamosaraṇādivasenapi āyatanaṭṭho labbhatiyeva. Mā-iti paṭisedhe nipāto. Svāyaṃ channaṃ phassāyatanānaṃ asesaṃ virāganirodhā atthaññaṃ vacanaṃ kiñcīti sandhāyāhāti āha ‘‘mā bhaṇīti attho’’ti. Pañcaphassāyatanāni niruddhānīti cakkhādīnañca tattha abhāvaṃ sandhāya vadati. Chaṭṭhassāti manāyatanassa. Catutthe natthi vattabbaṃ.
മഹാകോട്ഠികസുത്താദിവണ്ണനാ നിട്ഠിതാ.
Mahākoṭṭhikasuttādivaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൩. മഹാകോട്ഠികസുത്തം • 3. Mahākoṭṭhikasuttaṃ
൪. ആനന്ദസുത്തം • 4. Ānandasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൩. മഹാകോട്ഠികസുത്തവണ്ണനാ • 3. Mahākoṭṭhikasuttavaṇṇanā
