| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. махаагодтигасуд̇д̇аван̣н̣анаа
3. Mahākoṭṭhikasuttavaṇṇanā
173. д̇ад̇ияз пассааяад̇анаананд̇и пассаагараанам̣, пассасса уббад̇д̇идтаанаананд̇и ад̇т̇о. ад̇т̇ан̃н̃ам̣ гин̃жийд̇и зд̇зсу асзсад̇о нируд̣̇д̇хзсу д̇ад̇о барам̣ гожи аббамад̇д̇агоби гилзсо ад̇т̇ийд̇и бужчад̇и. над̇т̇ан̃н̃ам̣ гин̃жийд̇и ид̇хааби ‘‘аббамад̇д̇агоби гилзсо над̇т̇ий’’д̇и бужчад̇и. сзсад̣̇ваязби зсзва наяо. имз бана жад̇д̇аароби бан̃хз сассад̇ужчзд̣̇азгажжасассад̇аамараавигкзбавасзна бужчад̇и. д̇знасса т̇зро бужчид̇абужчид̇ам̣ бадиб̣ааханд̇о маа хзванд̇и ааха. зд̇т̇а хиид̇и нибаад̇амад̇д̇ам̣, звам̣ маа бхан̣ийд̇и ад̇т̇о. ад̇д̇уубалад̣̇д̇хивасзнзва ‘‘ад̇т̇ан̃н̃ам̣ гин̃жи ан̃н̃о гожи ад̇д̇аа наама ад̇т̇ий’’д̇и сассад̇аад̣̇иаагаарзна бужчад̇и. гим̣ банзса ад̇д̇уубалад̣̇д̇хигод̇и? на ад̇д̇уубалад̣̇д̇хиго. звам̣лад̣̇д̇хиго бана д̇ад̇т̇зго бхигку нисинно, со бужчид̇ум̣ на саггод̇и. д̇асса лад̣̇д̇хим̣ виссаж̇ж̇аабанад̇т̇ам̣ звам̣ бужчад̇и. язби жа анааг̇ад̇з звам̣лад̣̇д̇хигаа бхависсанд̇и, д̇зсам̣ ‘‘б̣уд̣̇д̇хагаалзбзсо бан̃хо махаасаавагзхи виссаж̇ж̇ид̇о’’д̇и важаногаасубажчзд̣̇анад̇т̇ам̣ бужчад̇иязва.
173. Tatiye phassāyatanānanti phassākarānaṃ, phassassa uppattiṭṭhānānanti attho. Atthaññaṃ kiñcīti etesu asesato niruddhesu tato paraṃ koci appamattakopi kileso atthīti pucchati. Natthaññaṃ kiñcīti idhāpi ‘‘appamattakopi kileso natthī’’ti pucchati. Sesadvayepi eseva nayo. Ime pana cattāropi pañhe sassatucchedaekaccasassataamarāvikkhepavasena pucchati. Tenassa thero pucchitapucchitaṃ paṭibāhanto mā hevanti āha. Ettha hiiti nipātamattaṃ, evaṃ mā bhaṇīti attho. Attūpaladdhivaseneva ‘‘atthaññaṃ kiñci añño koci attā nāma atthī’’ti sassatādiākārena pucchati. Kiṃ panesa attūpaladdhikoti? Na attūpaladdhiko. Evaṃladdhiko pana tattheko bhikkhu nisinno, so pucchituṃ na sakkoti. Tassa laddhiṃ vissajjāpanatthaṃ evaṃ pucchati. Yepi ca anāgate evaṃladdhikā bhavissanti, tesaṃ ‘‘buddhakālepeso pañho mahāsāvakehi vissajjito’’ti vacanokāsupacchedanatthaṃ pucchatiyeva.
аббабан̃жам̣ бабан̃жзд̇ийд̇и на бабан̃жзд̇аб̣б̣адтаанз бабан̃жам̣ гарод̇и, анаажарид̇аб̣б̣ам̣ маг̇г̇ам̣ жарад̇и. д̇аавад̇аа бабан̃жасса г̇ад̇ийд̇и яад̇д̇агаа чаннам̣ пассааяад̇анаанам̣ г̇ад̇и, д̇ад̇д̇агаава д̇ан̣хаад̣̇идтимаанаббабхзд̣̇асса бабан̃жасса г̇ад̇и. чаннам̣, аавусо, пассааяад̇анаанам̣ асзсавирааг̇анирод̇хаа бабан̃жанирод̇хо бабан̃жавуубасамод̇и зд̇зсу часу ааяад̇анзсу саб̣б̣асо нируд̣̇д̇хзсу бабан̃жааби нируд̣̇д̇хаава хонд̇и, вуубасанд̇аава хонд̇ийд̇и ад̇т̇о. ааруббз бана бут̇уж̇ж̇анад̣̇звад̇аанам̣ гин̃жааби бан̃жа пассааяад̇анаани нируд̣̇д̇хаани, чадтасса бана анируд̣̇д̇хад̇д̇аа д̇аяоби бабан̃жаа аббахийнаава. абижа бан̃жавогаарабхававасзнзва бан̃хо гат̇ид̇од̇и. жад̇уд̇т̇з иминаава наязна ад̇т̇о взд̣̇ид̇аб̣б̣о.
Appapañcaṃpapañcetīti na papañcetabbaṭṭhāne papañcaṃ karoti, anācaritabbaṃ maggaṃ carati. Tāvatā papañcassa gatīti yattakā channaṃ phassāyatanānaṃ gati, tattakāva taṇhādiṭṭhimānappabhedassa papañcassa gati. Channaṃ, āvuso, phassāyatanānaṃ asesavirāganirodhā papañcanirodho papañcavūpasamoti etesu chasu āyatanesu sabbaso niruddhesu papañcāpi niruddhāva honti, vūpasantāva hontīti attho. Āruppe pana puthujjanadevatānaṃ kiñcāpi pañca phassāyatanāni niruddhāni, chaṭṭhassa pana aniruddhattā tayopi papañcā appahīnāva. Apica pañcavokārabhavavaseneva pañho kathitoti. Catutthe imināva nayena attho veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. махаагодтигасуд̇д̇ам̣ • 3. Mahākoṭṭhikasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. махаагодтигасуд̇д̇аад̣̇иван̣н̣анаа • 3-4. Mahākoṭṭhikasuttādivaṇṇanā
