| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਮਹਾਕੋਟ੍ਠਿਕਸੁਤ੍ਤવਣ੍ਣਨਾ
3. Mahākoṭṭhikasuttavaṇṇanā
੧੭੩. ਤਤਿਯੇ ਫਸ੍ਸਾਯਤਨਾਨਨ੍ਤਿ ਫਸ੍ਸਾਕਰਾਨਂ, ਫਸ੍ਸਸ੍ਸ ਉਪ੍ਪਤ੍ਤਿਟ੍ਠਾਨਾਨਨ੍ਤਿ ਅਤ੍ਥੋ। ਅਤ੍ਥਞ੍ਞਂ ਕਿਞ੍ਚੀਤਿ ਏਤੇਸੁ ਅਸੇਸਤੋ ਨਿਰੁਦ੍ਧੇਸੁ ਤਤੋ ਪਰਂ ਕੋਚਿ ਅਪ੍ਪਮਤ੍ਤਕੋਪਿ ਕਿਲੇਸੋ ਅਤ੍ਥੀਤਿ ਪੁਚ੍ਛਤਿ। ਨਤ੍ਥਞ੍ਞਂ ਕਿਞ੍ਚੀਤਿ ਇਧਾਪਿ ‘‘ਅਪ੍ਪਮਤ੍ਤਕੋਪਿ ਕਿਲੇਸੋ ਨਤ੍ਥੀ’’ਤਿ ਪੁਚ੍ਛਤਿ। ਸੇਸਦ੍વਯੇਪਿ ਏਸੇવ ਨਯੋ। ਇਮੇ ਪਨ ਚਤ੍ਤਾਰੋਪਿ ਪਞ੍ਹੇ ਸਸ੍ਸਤੁਚ੍ਛੇਦਏਕਚ੍ਚਸਸ੍ਸਤਅਮਰਾવਿਕ੍ਖੇਪવਸੇਨ ਪੁਚ੍ਛਤਿ। ਤੇਨਸ੍ਸ ਥੇਰੋ ਪੁਚ੍ਛਿਤਪੁਚ੍ਛਿਤਂ ਪਟਿਬਾਹਨ੍ਤੋ ਮਾ ਹੇવਨ੍ਤਿ ਆਹ। ਏਤ੍ਥ ਹਿਇਤਿ ਨਿਪਾਤਮਤ੍ਤਂ, ਏવਂ ਮਾ ਭਣੀਤਿ ਅਤ੍ਥੋ। ਅਤ੍ਤੂਪਲਦ੍ਧਿવਸੇਨੇવ ‘‘ਅਤ੍ਥਞ੍ਞਂ ਕਿਞ੍ਚਿ ਅਞ੍ਞੋ ਕੋਚਿ ਅਤ੍ਤਾ ਨਾਮ ਅਤ੍ਥੀ’’ਤਿ ਸਸ੍ਸਤਾਦਿਆਕਾਰੇਨ ਪੁਚ੍ਛਤਿ। ਕਿਂ ਪਨੇਸ ਅਤ੍ਤੂਪਲਦ੍ਧਿਕੋਤਿ? ਨ ਅਤ੍ਤੂਪਲਦ੍ਧਿਕੋ। ਏવਂਲਦ੍ਧਿਕੋ ਪਨ ਤਤ੍ਥੇਕੋ ਭਿਕ੍ਖੁ ਨਿਸਿਨ੍ਨੋ, ਸੋ ਪੁਚ੍ਛਿਤੁਂ ਨ ਸਕ੍ਕੋਤਿ। ਤਸ੍ਸ ਲਦ੍ਧਿਂ વਿਸ੍ਸਜ੍ਜਾਪਨਤ੍ਥਂ ਏવਂ ਪੁਚ੍ਛਤਿ। ਯੇਪਿ ਚ ਅਨਾਗਤੇ ਏવਂਲਦ੍ਧਿਕਾ ਭવਿਸ੍ਸਨ੍ਤਿ, ਤੇਸਂ ‘‘ਬੁਦ੍ਧਕਾਲੇਪੇਸੋ ਪਞ੍ਹੋ ਮਹਾਸਾવਕੇਹਿ વਿਸ੍ਸਜ੍ਜਿਤੋ’’ਤਿ વਚਨੋਕਾਸੁਪਚ੍ਛੇਦਨਤ੍ਥਂ ਪੁਚ੍ਛਤਿਯੇવ।
173. Tatiye phassāyatanānanti phassākarānaṃ, phassassa uppattiṭṭhānānanti attho. Atthaññaṃ kiñcīti etesu asesato niruddhesu tato paraṃ koci appamattakopi kileso atthīti pucchati. Natthaññaṃ kiñcīti idhāpi ‘‘appamattakopi kileso natthī’’ti pucchati. Sesadvayepi eseva nayo. Ime pana cattāropi pañhe sassatucchedaekaccasassataamarāvikkhepavasena pucchati. Tenassa thero pucchitapucchitaṃ paṭibāhanto mā hevanti āha. Ettha hiiti nipātamattaṃ, evaṃ mā bhaṇīti attho. Attūpaladdhivaseneva ‘‘atthaññaṃ kiñci añño koci attā nāma atthī’’ti sassatādiākārena pucchati. Kiṃ panesa attūpaladdhikoti? Na attūpaladdhiko. Evaṃladdhiko pana tattheko bhikkhu nisinno, so pucchituṃ na sakkoti. Tassa laddhiṃ vissajjāpanatthaṃ evaṃ pucchati. Yepi ca anāgate evaṃladdhikā bhavissanti, tesaṃ ‘‘buddhakālepeso pañho mahāsāvakehi vissajjito’’ti vacanokāsupacchedanatthaṃ pucchatiyeva.
ਅਪ੍ਪਪਞ੍ਚਂ ਪਪਞ੍ਚੇਤੀਤਿ ਨ ਪਪਞ੍ਚੇਤਬ੍ਬਟ੍ਠਾਨੇ ਪਪਞ੍ਚਂ ਕਰੋਤਿ, ਅਨਾਚਰਿਤਬ੍ਬਂ ਮਗ੍ਗਂ ਚਰਤਿ। ਤਾવਤਾ ਪਪਞ੍ਚਸ੍ਸ ਗਤੀਤਿ ਯਤ੍ਤਕਾ ਛਨ੍ਨਂ ਫਸ੍ਸਾਯਤਨਾਨਂ ਗਤਿ, ਤਤ੍ਤਕਾવ ਤਣ੍ਹਾਦਿਟ੍ਠਿਮਾਨਪ੍ਪਭੇਦਸ੍ਸ ਪਪਞ੍ਚਸ੍ਸ ਗਤਿ। ਛਨ੍ਨਂ, ਆવੁਸੋ, ਫਸ੍ਸਾਯਤਨਾਨਂ ਅਸੇਸવਿਰਾਗਨਿਰੋਧਾ ਪਪਞ੍ਚਨਿਰੋਧੋ ਪਪਞ੍ਚવੂਪਸਮੋਤਿ ਏਤੇਸੁ ਛਸੁ ਆਯਤਨੇਸੁ ਸਬ੍ਬਸੋ ਨਿਰੁਦ੍ਧੇਸੁ ਪਪਞ੍ਚਾਪਿ ਨਿਰੁਦ੍ਧਾવ ਹੋਨ੍ਤਿ, વੂਪਸਨ੍ਤਾવ ਹੋਨ੍ਤੀਤਿ ਅਤ੍ਥੋ। ਆਰੁਪ੍ਪੇ ਪਨ ਪੁਥੁਜ੍ਜਨਦੇવਤਾਨਂ ਕਿਞ੍ਚਾਪਿ ਪਞ੍ਚ ਫਸ੍ਸਾਯਤਨਾਨਿ ਨਿਰੁਦ੍ਧਾਨਿ, ਛਟ੍ਠਸ੍ਸ ਪਨ ਅਨਿਰੁਦ੍ਧਤ੍ਤਾ ਤਯੋਪਿ ਪਪਞ੍ਚਾ ਅਪ੍ਪਹੀਨਾવ। ਅਪਿਚ ਪਞ੍ਚવੋਕਾਰਭવવਸੇਨੇવ ਪਞ੍ਹੋ ਕਥਿਤੋਤਿ। ਚਤੁਤ੍ਥੇ ਇਮਿਨਾવ ਨਯੇਨ ਅਤ੍ਥੋ વੇਦਿਤਬ੍ਬੋ।
Appapañcaṃpapañcetīti na papañcetabbaṭṭhāne papañcaṃ karoti, anācaritabbaṃ maggaṃ carati. Tāvatā papañcassa gatīti yattakā channaṃ phassāyatanānaṃ gati, tattakāva taṇhādiṭṭhimānappabhedassa papañcassa gati. Channaṃ, āvuso, phassāyatanānaṃ asesavirāganirodhā papañcanirodho papañcavūpasamoti etesu chasu āyatanesu sabbaso niruddhesu papañcāpi niruddhāva honti, vūpasantāva hontīti attho. Āruppe pana puthujjanadevatānaṃ kiñcāpi pañca phassāyatanāni niruddhāni, chaṭṭhassa pana aniruddhattā tayopi papañcā appahīnāva. Apica pañcavokārabhavavaseneva pañho kathitoti. Catutthe imināva nayena attho veditabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਮਹਾਕੋਟ੍ਠਿਕਸੁਤ੍ਤਂ • 3. Mahākoṭṭhikasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਮਹਾਕੋਟ੍ਠਿਕਸੁਤ੍ਤਾਦਿવਣ੍ਣਨਾ • 3-4. Mahākoṭṭhikasuttādivaṇṇanā
