| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. махаагодтигад̇т̇зраг̇аат̇ааван̣н̣анаа
2. Mahākoṭṭhikattheragāthāvaṇṇanā
убасанд̇од̇и ааяасмад̇о махаагодтигад̇т̇зрасса г̇аат̇аа. д̇асса гаа уббад̇д̇и? аяамби т̇зро бад̣̇умуд̇д̇арасса бхаг̇авад̇о гаалз хам̣савад̇ийнаг̇арз махаабхог̇агулз ниб̣б̣ад̇д̇ид̇ваа вин̃н̃уд̇ам̣ бад̇д̇о маад̇аабид̇уунам̣ ажжаязна гудумб̣ам̣ сан̣табзд̇ваа гхарааваасам̣ васанд̇о згад̣̇ивасам̣ бад̣̇умуд̇д̇арасса бхаг̇авад̇о д̇хаммад̣̇зсанаагаалз хам̣савад̇ийнаг̇араваасигз г̇анд̇хамаалаад̣̇ихад̇т̇з язна б̣уд̣̇д̇хо язна д̇хаммо язна сан̇гхо, д̇анниннз д̇аббон̣з д̇аббаб̣бхаарз г̇ажчанд̇з д̣̇исваа махааж̇анзна сад̣̇д̇хим̣ убаг̇ад̇о сад̇т̇аарам̣ згам̣ бхигкум̣ бадисамбхид̣̇аабад̇д̇аанам̣ аг̇г̇адтаанз табзнд̇ам̣ д̣̇исваа ‘‘аяам̣ гира имасмим̣ саасанз бадисамбхид̣̇аабад̇д̇аанам̣ аг̇г̇о, ахо вад̇аахамби згасса б̣уд̣̇д̇хасса саасанз аяам̣ вияа бадисамбхид̣̇аабад̇д̇аанам̣ аг̇г̇о бхавзяяа’’нд̇и жинд̇зд̇ваа сад̇т̇у д̣̇зсанаабарияосаанз вудтид̇ааяа барисааяа бхаг̇аванд̇ам̣ убасан̇гамид̇ваа, ‘‘бханд̇з, свз маяхам̣ бхигкам̣ г̇ан̣хат̇аа’’д̇и ниманд̇зси. сад̇т̇аа ад̇хиваасзси. со бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа саганивзсанам̣ г̇анд̇ваа саб̣б̣арад̇д̇им̣ б̣уд̣̇д̇хасса бхигкусан̇гхасса жа нисаж̇ж̇адтаанам̣ г̇анд̇хад̣̇аамамаалаад̣̇аамаад̣̇ийхи алан̇гарид̇ваа бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа д̇ассаа рад̇д̇ияаа ажжаязна сагз нивзсанз бхигкусад̇асахассабариваарам̣ бхаг̇аванд̇ам̣ вивид̇хаяааг̇укаж̇ж̇агабариваарам̣ наанаарасасуубаб̣яан̃ж̇анам̣ г̇анд̇хасаалибхож̇анам̣ бхож̇зд̇ваа бхад̇д̇агижжабарияосаанз жинд̇зси – ‘‘маханд̇ам̣, ко, ахам̣ таананд̇арам̣ бад̇т̇зми на ко бана маяхам̣ яуд̇д̇ам̣ згад̣̇ивасамзва д̣̇аанам̣ д̣̇ад̇ваа д̇ам̣ таананд̇арам̣ бад̇т̇зд̇ум̣, анубадибаадияаа сад̇д̇а д̣̇ивасз д̣̇аанам̣ д̣̇ад̇ваа бад̇т̇зссаамий’’д̇и . со д̇знзва нияаамзна сад̇д̇а д̣̇ивасз махаад̣̇аанаани д̣̇ад̇ваа бхад̇д̇агижжабарияосаанз д̣̇уссагодтааг̇аарам̣ вивараабзд̇ваа уд̇д̇амам̣ д̇ижийвараббахонагам̣ сукумавад̇т̇ам̣ б̣уд̣̇д̇хасса баад̣̇амуулз табзд̇ваа бхигкусад̇асахассасса жа д̇ижийварам̣ д̣̇ад̇ваа д̇ат̇ааг̇ад̇ам̣ убасан̇гамид̇ваа, ‘‘бханд̇з, яо со бхигку д̇умхзхи ид̇о сад̇д̇амад̣̇ивасамад̇т̇агз зд̇ад̣̇аг̇г̇з табид̇о, ахамби со бхигку вияа анааг̇ад̇з уббаж̇ж̇анагаб̣уд̣̇д̇хасса саасанз баб̣б̣аж̇ид̇ваа бадисамбхид̣̇аабад̇д̇аанам̣ аг̇г̇о бхавзяяа’’нд̇и вад̇ваа сад̇т̇у баад̣̇амуулз нибаж̇ж̇ид̇ваа бад̇т̇анам̣ агааси. сад̇т̇аа д̇асса бад̇т̇анааяа самиж̇жханабхаавам̣ д̣̇исваа ‘‘анааг̇ад̇з ид̇о габбасад̇асахассамад̇т̇агз г̇од̇амо наама б̣уд̣̇д̇хо логз уббаж̇ж̇иссад̇и, д̇асса саасанз д̇ава бад̇т̇анаа самиж̇жхиссад̇ий’’д̇и б̣яаагааси. вуд̇д̇амби жзд̇ам̣ абад̣̇аанз (аба. т̇зра 2.54.221-250) –
Upasantoti āyasmato mahākoṭṭhikattherassa gāthā. Tassa kā uppatti? Ayampi thero padumuttarassa bhagavato kāle haṃsavatīnagare mahābhogakule nibbattitvā viññutaṃ patto mātāpitūnaṃ accayena kuṭumbaṃ saṇṭhapetvā gharāvāsaṃ vasanto ekadivasaṃ padumuttarassa bhagavato dhammadesanākāle haṃsavatīnagaravāsike gandhamālādihatthe yena buddho yena dhammo yena saṅgho, tanninne tappoṇe tappabbhāre gacchante disvā mahājanena saddhiṃ upagato satthāraṃ ekaṃ bhikkhuṃ paṭisambhidāpattānaṃ aggaṭṭhāne ṭhapentaṃ disvā ‘‘ayaṃ kira imasmiṃ sāsane paṭisambhidāpattānaṃ aggo, aho vatāhampi ekassa buddhassa sāsane ayaṃ viya paṭisambhidāpattānaṃ aggo bhaveyya’’nti cintetvā satthu desanāpariyosāne vuṭṭhitāya parisāya bhagavantaṃ upasaṅkamitvā, ‘‘bhante, sve mayhaṃ bhikkhaṃ gaṇhathā’’ti nimantesi. Satthā adhivāsesi. So bhagavantaṃ abhivādetvā padakkhiṇaṃ katvā sakanivesanaṃ gantvā sabbarattiṃ buddhassa bhikkhusaṅghassa ca nisajjaṭṭhānaṃ gandhadāmamālādāmādīhi alaṅkaritvā paṇītaṃ khādanīyaṃ bhojanīyaṃ paṭiyādāpetvā tassā rattiyā accayena sake nivesane bhikkhusatasahassaparivāraṃ bhagavantaṃ vividhayāgukhajjakaparivāraṃ nānārasasūpabyañjanaṃ gandhasālibhojanaṃ bhojetvā bhattakiccapariyosāne cintesi – ‘‘mahantaṃ, kho, ahaṃ ṭhānantaraṃ patthemi na kho pana mayhaṃ yuttaṃ ekadivasameva dānaṃ datvā taṃ ṭhānantaraṃ patthetuṃ, anupaṭipāṭiyā satta divase dānaṃ datvā patthessāmī’’ti . So teneva niyāmena satta divase mahādānāni datvā bhattakiccapariyosāne dussakoṭṭhāgāraṃ vivarāpetvā uttamaṃ ticīvarappahonakaṃ sukhumavatthaṃ buddhassa pādamūle ṭhapetvā bhikkhusatasahassassa ca ticīvaraṃ datvā tathāgataṃ upasaṅkamitvā, ‘‘bhante, yo so bhikkhu tumhehi ito sattamadivasamatthake etadagge ṭhapito, ahampi so bhikkhu viya anāgate uppajjanakabuddhassa sāsane pabbajitvā paṭisambhidāpattānaṃ aggo bhaveyya’’nti vatvā satthu pādamūle nipajjitvā patthanaṃ akāsi. Satthā tassa patthanāya samijjhanabhāvaṃ disvā ‘‘anāgate ito kappasatasahassamatthake gotamo nāma buddho loke uppajjissati, tassa sāsane tava patthanā samijjhissatī’’ti byākāsi. Vuttampi cetaṃ apadāne (apa. thera 2.54.221-250) –
‘‘бад̣̇умуд̇д̇аро наама ж̇ино, саб̣б̣алогавид̣̇уу муни;
‘‘Padumuttaro nāma jino, sabbalokavidū muni;
ид̇о сад̇асахассамхи, габбз уббаж̇ж̇и жагкумаа.
Ito satasahassamhi, kappe uppajji cakkhumā.
‘‘оваад̣̇аго вин̃н̃аабаго, д̇аараго саб̣б̣абаан̣инам̣;
‘‘Ovādako viññāpako, tārako sabbapāṇinaṃ;
д̣̇зсанаагусало б̣уд̣̇д̇хо, д̇аарзси ж̇анад̇ам̣ б̣ахум̣.
Desanākusalo buddho, tāresi janataṃ bahuṃ.
‘‘анугамбаго гаарун̣иго, хид̇зсий саб̣б̣абаан̣инам̣;
‘‘Anukampako kāruṇiko, hitesī sabbapāṇinaṃ;
самбад̇д̇з д̇ид̇т̇ияз саб̣б̣з, бан̃жасийлз бад̇идтаби.
Sampatte titthiye sabbe, pañcasīle patiṭṭhapi.
‘‘звам̣ нираагулам̣ ааси, сун̃н̃ад̇ам̣ д̇ид̇т̇иязхи жа;
‘‘Evaṃ nirākulaṃ āsi, suññataṃ titthiyehi ca;
вижид̇д̇ам̣ араханд̇зхи, васийбхууд̇зхи д̇аад̣̇ибхи.
Vicittaṃ arahantehi, vasībhūtehi tādibhi.
‘‘рад̇анаанадтабан̃н̃аасам̣, уг̇г̇ад̇о со махаамуни;
‘‘Ratanānaṭṭhapaññāsaṃ, uggato so mahāmuni;
ган̃жанаг̇гхияасан̇гаасо, б̣аад̇д̇им̣саваралагкан̣о.
Kañcanagghiyasaṅkāso, bāttiṃsavaralakkhaṇo.
‘‘вассасад̇асахассаани, ааяу виж̇ж̇ад̇и д̇аавад̣̇з;
‘‘Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
‘‘д̇ад̣̇аахам̣ хам̣савад̇ияам̣, б̣раахман̣о взд̣̇абаараг̇уу;
‘‘Tadāhaṃ haṃsavatiyaṃ, brāhmaṇo vedapāragū;
убзжжа саб̣б̣алогаг̇г̇ам̣, ассосим̣ д̇хаммад̣̇зсанам̣.
Upecca sabbalokaggaṃ, assosiṃ dhammadesanaṃ.
‘‘д̇ад̣̇аа со саавагам̣ вийро, бабхиннамад̇иг̇ожарам̣;
‘‘Tadā so sāvakaṃ vīro, pabhinnamatigocaraṃ;
ад̇т̇з д̇хаммз нируд̇д̇з жа, бадибхаанз жа говид̣̇ам̣.
Atthe dhamme nirutte ca, paṭibhāne ca kovidaṃ.
‘‘табзси зд̇ад̣̇аг̇г̇амхи, д̇ам̣ суд̇ваа муд̣̇ид̇о ахам̣;
‘‘Ṭhapesi etadaggamhi, taṃ sutvā mudito ahaṃ;
сасаавагам̣ ж̇инаварам̣, сад̇д̇аахам̣ бхож̇аяим̣ д̇ад̣̇аа.
Sasāvakaṃ jinavaraṃ, sattāhaṃ bhojayiṃ tadā.
‘‘д̣̇уссзхажчаад̣̇аяид̇ваана, сасиссам̣ б̣уд̣̇д̇хисааг̇арам̣;
‘‘Dussehacchādayitvāna, sasissaṃ buddhisāgaraṃ;
нибажжа баад̣̇амууламхи, д̇ам̣ таанам̣ бад̇т̇аяим̣ ахам̣.
Nipacca pādamūlamhi, taṃ ṭhānaṃ patthayiṃ ahaṃ.
‘‘д̇ад̇о авожа логаг̇г̇о, бассат̇зд̇ам̣ д̣̇иж̇уд̇д̇амам̣;
‘‘Tato avoca lokaggo, passathetaṃ dijuttamaṃ;
винад̇ам̣ баад̣̇амуулз мз, гамалод̣̇арасаббабхам̣.
Vinataṃ pādamūle me, kamalodarasappabhaṃ.
‘‘б̣уд̣̇д̇хасздтасса бхигкусса, таанам̣ бад̇т̇аяад̇з аяам̣;
‘‘Buddhaseṭṭhassa bhikkhussa, ṭhānaṃ patthayate ayaṃ;
д̇ааяа сад̣̇д̇хааяа жааг̇зна, сад̣̇д̇хаммассаванзна жа.
Tāya saddhāya cāgena, saddhammassavanena ca.
‘‘саб̣б̣ад̇т̇а сукид̇о худ̇ваа, сам̣сарид̇ваа бхаваабхавз;
‘‘Sabbattha sukhito hutvā, saṃsaritvā bhavābhave;
анааг̇ад̇амхи ад̣̇д̇хаанз, лажчасзд̇ам̣ манорат̇ам̣.
Anāgatamhi addhāne, lacchasetaṃ manorathaṃ.
‘‘сад̇асахассид̇о габбз, оггаагагуласамбхаво;
‘‘Satasahassito kappe, okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘д̇асса д̇хаммзсу д̣̇ааяаад̣̇о, орасо д̇хамманиммид̇о;
‘‘Tassa dhammesu dāyādo, oraso dhammanimmito;
годтиго наама наамзна, хзссад̇и сад̇т̇у сааваго.
Koṭṭhiko nāma nāmena, hessati satthu sāvako.
‘‘д̇ам̣ суд̇ваа муд̣̇ид̇о худ̇ваа, яааваж̇ийвам̣ д̇ад̣̇аа ж̇инам̣;
‘‘Taṃ sutvā mudito hutvā, yāvajīvaṃ tadā jinaṃ;
мзд̇д̇ажид̇д̇о барижарим̣, сад̇о бан̃н̃аа самаахид̇о.
Mettacitto paricariṃ, sato paññā samāhito.
‘‘д̇зна гаммавибаагзна, жзд̇анаабан̣ид̇хийхи жа;
‘‘Tena kammavipākena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘сад̇аанам̣ д̇ийн̣игкад̇д̇ун̃жа, д̣̇звараж̇ж̇амагаараяим̣;
‘‘Satānaṃ tīṇikkhattuñca, devarajjamakārayiṃ;
сад̇аанам̣ бан̃жагкад̇д̇ун̃жа, жаггавад̇д̇ий ахосахам̣.
Satānaṃ pañcakkhattuñca, cakkavattī ahosahaṃ.
‘‘бад̣̇зсараж̇ж̇ам̣ вибулам̣, г̇ан̣анаад̇о асан̇кияам̣;
‘‘Padesarajjaṃ vipulaṃ, gaṇanāto asaṅkhiyaṃ;
саб̣б̣ад̇т̇а сукид̇о аасим̣, д̇асса гаммасса ваахасаа.
Sabbattha sukhito āsiṃ, tassa kammassa vāhasā.
‘‘д̣̇увз бхавз сам̣сараами, д̣̇звад̇д̇з ат̇а маанусз;
‘‘Duve bhave saṃsarāmi, devatte atha mānuse;
ан̃н̃ам̣ г̇ад̇им̣ на г̇ажчаами, сужин̣н̣асса ид̣̇ам̣ палам̣.
Aññaṃ gatiṃ na gacchāmi, suciṇṇassa idaṃ phalaṃ.
‘‘д̣̇увз гулз баж̇ааяаами, кад̇д̇ияз ат̇а б̣раахман̣з;
‘‘Duve kule pajāyāmi, khattiye atha brāhmaṇe;
нийжз гулз на ж̇ааяаами, сужин̣н̣асса ид̣̇ам̣ палам̣.
Nīce kule na jāyāmi, suciṇṇassa idaṃ phalaṃ.
‘‘бажчимз бхавз самбад̇д̇з, б̣рахмаб̣анд̇ху ахосахам̣;
‘‘Pacchime bhave sampatte, brahmabandhu ahosahaṃ;
саавад̇т̇ияам̣ виббагулз, бажжааж̇аад̇о махад̣̇д̇ханз.
Sāvatthiyaṃ vippakule, paccājāto mahaddhane.
‘‘маад̇аа жанд̣̇авад̇ий наама, бид̇аа мз ассалааяано;
‘‘Mātā candavatī nāma, pitā me assalāyano;
яад̣̇аа мз бид̇арам̣ б̣уд̣̇д̇хо, винаяий саб̣б̣асуд̣̇д̇хияаа.
Yadā me pitaraṃ buddho, vinayī sabbasuddhiyā.
‘‘д̇ад̣̇аа басанно суг̇ад̇з, баб̣б̣аж̇им̣ анаг̇аарияам̣;
‘‘Tadā pasanno sugate, pabbajiṃ anagāriyaṃ;
мог̇г̇аллаано аажарияо, убаж̇жхаа саарисамбхаво.
Moggallāno ācariyo, upajjhā sārisambhavo.
‘‘гзсзсу чиж̇ж̇амаанзсу, д̣̇идти чиннаа самуулигаа;
‘‘Kesesu chijjamānesu, diṭṭhi chinnā samūlikā;
ниваасзнд̇о жа гаасаавам̣, арахад̇д̇амабаабун̣им̣.
Nivāsento ca kāsāvaṃ, arahattamapāpuṇiṃ.
‘‘ад̇т̇ад̇хамманируд̇д̇ийсу, бадибхаанз жа мз мад̇и;
‘‘Atthadhammaniruttīsu, paṭibhāne ca me mati;
бабхиннаа д̇зна логаг̇г̇о, зд̇ад̣̇аг̇г̇з табзси мам̣.
Pabhinnā tena lokaggo, etadagge ṭhapesi maṃ.
‘‘асанд̣̇идтам̣ вияаагаасим̣, убад̇иссзна бужчид̇о;
‘‘Asandiṭṭhaṃ viyākāsiṃ, upatissena pucchito;
бадисамбхид̣̇аасу д̇знаахам̣, аг̇г̇о самб̣уд̣̇д̇хасаасанз.
Paṭisambhidāsu tenāhaṃ, aggo sambuddhasāsane.
‘‘гилзсаа жхаабид̇аа маяхам̣, бхаваа саб̣б̣з самуухад̇аа;
‘‘Kilesā jhāpitā mayhaṃ, bhavā sabbe samūhatā;
нааг̇ова б̣анд̇ханам̣ чзд̇ваа, вихараами анаасаво.
Nāgova bandhanaṃ chetvā, viharāmi anāsavo.
‘‘свааг̇ад̇ам̣ вад̇а мз ааси, мама б̣уд̣̇д̇хасса санд̇игз;
‘‘Svāgataṃ vata me āsi, mama buddhassa santike;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасана’’нд̇и.
Chaḷabhiññā sacchikatā, kataṃ buddhassa sāsana’’nti.
звам̣ со д̇ад̇т̇а д̇ад̇т̇а бхавз бун̃н̃ан̃аан̣асамбхаарам̣ самбхаранд̇о абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣амахаасаалагулз ниб̣б̣ад̇д̇и. годтигод̇исса наамам̣ агам̣су. со ваяаббад̇д̇о д̇аяо взд̣̇з уг̇г̇ахзд̇ваа б̣раахман̣асиббз нибпад̇д̇им̣ г̇ад̇о згад̣̇ивасам̣ сад̇т̇у санд̇игам̣ г̇анд̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа убасамбаннагаалад̇о бадтааяа вибассанааяа гаммам̣ гаронд̇о саха бадисамбхид̣̇аахи арахад̇д̇ам̣ бад̇ваа бадисамбхид̣̇аасу жин̣н̣авасий худ̇ваа абхин̃н̃аад̇з абхин̃н̃аад̇з махаат̇зрз убасан̇гамид̇ваа бан̃хам̣ бужчанд̇оби д̣̇асаб̣алам̣ убасан̇гамид̇ваа бан̃хам̣ бужчанд̇оби бадисамбхид̣̇аасуязва бан̃хам̣ бужчи. звамаяам̣ т̇зро д̇ад̇т̇а гад̇аад̇хигаарад̇ааяа жин̣н̣авасийбхаавзна жа бадисамбхид̣̇аабад̇д̇аанам̣ аг̇г̇о ж̇аад̇о. ат̇а нам̣ сад̇т̇аа махаавзд̣̇алласуд̇д̇ам̣ (ма. ни. 1.449 аад̣̇аяо) адтуббад̇д̇им̣ гад̇ваа бадисамбхид̣̇аабад̇д̇аанам̣ аг̇г̇адтаанз табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ бадисамбхид̣̇аабад̇д̇аанам̣ яад̣̇ид̣̇ам̣ махаагодтиго’’д̇и (а. ни. 1.209, 218). со абарзна самаязна вимуд̇д̇исукам̣ бадисам̣взд̣̇знд̇о уд̣̇аанавасзна –
Evaṃ so tattha tattha bhave puññañāṇasambhāraṃ sambharanto aparāparaṃ devamanussesu saṃsaranto imasmiṃ buddhuppāde sāvatthiyaṃ brāhmaṇamahāsālakule nibbatti. Koṭṭhikotissa nāmaṃ akaṃsu. So vayappatto tayo vede uggahetvā brāhmaṇasippe nipphattiṃ gato ekadivasaṃ satthu santikaṃ gantvā dhammaṃ sutvā paṭiladdhasaddho pabbajitvā upasampannakālato paṭṭhāya vipassanāya kammaṃ karonto saha paṭisambhidāhi arahattaṃ patvā paṭisambhidāsu ciṇṇavasī hutvā abhiññāte abhiññāte mahāthere upasaṅkamitvā pañhaṃ pucchantopi dasabalaṃ upasaṅkamitvā pañhaṃ pucchantopi paṭisambhidāsuyeva pañhaṃ pucchi. Evamayaṃ thero tattha katādhikāratāya ciṇṇavasībhāvena ca paṭisambhidāpattānaṃ aggo jāto. Atha naṃ satthā mahāvedallasuttaṃ (ma. ni. 1.449 ādayo) aṭṭhuppattiṃ katvā paṭisambhidāpattānaṃ aggaṭṭhāne ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ paṭisambhidāpattānaṃ yadidaṃ mahākoṭṭhiko’’ti (a. ni. 1.209, 218). So aparena samayena vimuttisukhaṃ paṭisaṃvedento udānavasena –
2.
2.
‘‘убасанд̇о убарад̇о, манд̇абхаан̣ий ануд̣̇д̇хад̇о;
‘‘Upasanto uparato, mantabhāṇī anuddhato;
д̇хунаад̇и баабагз д̇хаммз, д̣̇умабад̇д̇ам̣ва маалуд̇о’’д̇и. –
Dhunāti pāpake dhamme, dumapattaṃva māluto’’ti. –
ид̇т̇ам̣ суд̣̇ам̣ ааяасмаа махаагодтигад̇т̇зро г̇аат̇ам̣ абхааси.
Itthaṃ sudaṃ āyasmā mahākoṭṭhikatthero gāthaṃ abhāsi.
д̇ад̇т̇а убасанд̇од̇и манажчадтаанам̣ инд̣̇рияаанам̣ убасаманзна ниб̣б̣исзванабхаавагаран̣зна убасанд̇о. убарад̇од̇и саб̣б̣асмаа баабагаран̣ад̇о орад̇о вирад̇о. манд̇абхаан̣ийд̇и манд̇аа вужжад̇и бан̃н̃аа, д̇ааяа бана убабаригкид̇ваа бхан̣ад̇ийд̇и манд̇абхаан̣ий, гаалаваад̣̇ийаад̣̇ибхаавам̣ ависсаж̇ж̇знд̇оязва бхан̣ад̇ийд̇и ад̇т̇о. манд̇абхан̣анавасзна ваа бхан̣ад̇ийд̇и манд̇абхаан̣ий, д̣̇уб̣бхаасид̇ад̇о винаа ад̇д̇ано бхаасанавасзна жад̇уран̇г̇асаманнааг̇ад̇ам̣ субхаасид̇ам̣язва бхан̣ад̇ийд̇и ад̇т̇о. ж̇аад̇иаад̣̇ивасзна ад̇д̇ано ануггам̣санад̇о на уд̣̇д̇хад̇од̇и ануд̣̇д̇хад̇о ат̇а ваа д̇ин̣н̣ам̣ гааяад̣̇ужжарид̇аанам̣ вуубасаманзна д̇ад̇о бадивирад̇ияаа убасанд̇о, д̇ин̣н̣ам̣ манод̣̇ужжарид̇аанам̣ убараман̣зна баж̇аханзна убарад̇о, жад̇уннам̣ важийд̣̇ужжарид̇аанам̣ аббавад̇д̇ияаа баримид̇абхаан̣ид̇ааяа манд̇абхаан̣ий, д̇ивид̇хад̣̇ужжарид̇анимид̇д̇ауббаж̇ж̇анагасса уд̣̇д̇хажжасса абхаавад̇о ануд̣̇д̇хад̇о. звам̣ бана д̇ивид̇хад̣̇ужжарид̇аббахаанзна суд̣̇д̇хз сийлз бад̇идтид̇о, уд̣̇д̇хажжаббахаанзна самаахид̇о, д̇амзва самаад̇хим̣ бад̣̇адтаанам̣ гад̇ваа вибассанам̣ вад̣дхзд̇ваа маг̇г̇абадибаадияаа д̇хунаад̇и баабагз д̇хаммз лаамагадтзна баабагз саб̣б̣зби сам̣гилзсад̇хаммз нид̣̇д̇хунаад̇и, самужчзд̣̇авасзна баж̇ахад̇и . яат̇аа гим̣? д̣̇умабад̇д̇ам̣ва маалуд̇о, яат̇аа наама д̣̇умасса ругкасса бад̇д̇ам̣ бан̣д̣убалаасам̣ маалуд̇о ваад̇о д̇хунаад̇и, б̣анд̇ханад̇о вияож̇знд̇о нийхарад̇и, звам̣ яат̇аавуд̇д̇абадибад̇д̇ияам̣ тид̇о баабад̇хаммз ад̇д̇ано санд̇аанад̇о нийхарад̇и, звамаяам̣ т̇зрасса ан̃н̃аабад̣̇зсзна ан̃н̃ааб̣яаагаран̣аг̇аат̇ааби ход̇ийд̇и взд̣̇ид̇аб̣б̣аа.
Tattha upasantoti manacchaṭṭhānaṃ indriyānaṃ upasamanena nibbisevanabhāvakaraṇena upasanto. Uparatoti sabbasmā pāpakaraṇato orato virato. Mantabhāṇīti mantā vuccati paññā, tāya pana upaparikkhitvā bhaṇatīti mantabhāṇī, kālavādīādibhāvaṃ avissajjentoyeva bhaṇatīti attho. Mantabhaṇanavasena vā bhaṇatīti mantabhāṇī, dubbhāsitato vinā attano bhāsanavasena caturaṅgasamannāgataṃ subhāsitaṃyeva bhaṇatīti attho. Jātiādivasena attano anukkaṃsanato na uddhatoti anuddhato atha vā tiṇṇaṃ kāyaduccaritānaṃ vūpasamanena tato paṭiviratiyā upasanto, tiṇṇaṃ manoduccaritānaṃ uparamaṇena pajahanena uparato, catunnaṃ vacīduccaritānaṃ appavattiyā parimitabhāṇitāya mantabhāṇī, tividhaduccaritanimittauppajjanakassa uddhaccassa abhāvato anuddhato. Evaṃ pana tividhaduccaritappahānena suddhe sīle patiṭṭhito, uddhaccappahānena samāhito, tameva samādhiṃ padaṭṭhānaṃ katvā vipassanaṃ vaḍḍhetvā maggapaṭipāṭiyā dhunāti pāpake dhamme lāmakaṭṭhena pāpake sabbepi saṃkilesadhamme niddhunāti, samucchedavasena pajahati . Yathā kiṃ? Dumapattaṃva māluto, yathā nāma dumassa rukkhassa pattaṃ paṇḍupalāsaṃ māluto vāto dhunāti, bandhanato viyojento nīharati, evaṃ yathāvuttapaṭipattiyaṃ ṭhito pāpadhamme attano santānato nīharati, evamayaṃ therassa aññāpadesena aññābyākaraṇagāthāpi hotīti veditabbā.
зд̇т̇а жа гааяаважийд̣̇ужжарид̇аббахаанаважанзна баяог̇асуд̣̇д̇хим̣ д̣̇ассзд̇и, манод̣̇ужжарид̇аббахаанаважанзна аасаяасуд̣̇д̇хим̣. звам̣ баяог̇аасаяасуд̣̇д̇хасса ‘‘ануд̣̇д̇хад̇о’’д̇и иминаа уд̣̇д̇хажжаабхаававажанзна д̇ад̣̇згадтад̇ааяа нийваран̣аббахаанам̣ д̣̇ассзд̇и. д̇зсу баяог̇асуд̣̇д̇хияаа сийласамбад̇д̇и вибхаавид̇аа, аасаяасуд̣̇д̇хияаа самат̇абхааванааяа убагаарагад̇хаммабариг̇г̇ахо, нийваран̣аббахаанзна самаад̇хибхааванаа, ‘‘д̇хунаад̇и баабагз д̇хаммз’’д̇и иминаа бан̃н̃аабхааванаа вибхаавид̇аа ход̇и. звам̣ ад̇хисийласигкаад̣̇аяо д̇иссо сигкаа, д̇ивид̇хагаляаан̣ам̣ саасанам̣, д̇ад̣̇ан̇г̇аббахаанаад̣̇ийни д̇ийн̣и бахаанаани, анд̇ад̣̇ваяабариваж̇ж̇анзна сад̣̇д̇хим̣ маж̇жхимааяа бадибад̇д̇ияаа бадибаж̇ж̇анам̣, абааяабхаваад̣̇ийнам̣ самад̇иггамануубааяо жа яат̇аарахам̣ нид̣̇д̇хаарзд̇ваа яож̇зд̇аб̣б̣аа. иминаа наязна сзсаг̇аат̇аасуби яат̇аарахам̣ ад̇т̇аяож̇анаа взд̣̇ид̇аб̣б̣аа. ад̇т̇амад̇д̇амзва бана д̇ад̇т̇а д̇ад̇т̇а абуб̣б̣ам̣ ван̣н̣аяиссаама. ‘‘ид̇т̇ам̣ суд̣̇ам̣ ааяасмаа махаагодтиго’’д̇и ид̣̇ам̣ бууж̇ааважанам̣, яат̇аа д̇ам̣ махаамог̇г̇аллаанод̇и.
Ettha ca kāyavacīduccaritappahānavacanena payogasuddhiṃ dasseti, manoduccaritappahānavacanena āsayasuddhiṃ. Evaṃ payogāsayasuddhassa ‘‘anuddhato’’ti iminā uddhaccābhāvavacanena tadekaṭṭhatāya nīvaraṇappahānaṃ dasseti. Tesu payogasuddhiyā sīlasampatti vibhāvitā, āsayasuddhiyā samathabhāvanāya upakārakadhammapariggaho, nīvaraṇappahānena samādhibhāvanā, ‘‘dhunāti pāpake dhamme’’ti iminā paññābhāvanā vibhāvitā hoti. Evaṃ adhisīlasikkhādayo tisso sikkhā, tividhakalyāṇaṃ sāsanaṃ, tadaṅgappahānādīni tīṇi pahānāni, antadvayaparivajjanena saddhiṃ majjhimāya paṭipattiyā paṭipajjanaṃ, apāyabhavādīnaṃ samatikkamanūpāyo ca yathārahaṃ niddhāretvā yojetabbā. Iminā nayena sesagāthāsupi yathārahaṃ atthayojanā veditabbā. Atthamattameva pana tattha tattha apubbaṃ vaṇṇayissāma. ‘‘Itthaṃ sudaṃ āyasmā mahākoṭṭhiko’’ti idaṃ pūjāvacanaṃ, yathā taṃ mahāmoggallānoti.
махаагодтигад̇т̇зраг̇аат̇ааван̣н̣анаа нидтид̇аа.
Mahākoṭṭhikattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. махаагодтигад̇т̇зраг̇аат̇аа • 2. Mahākoṭṭhikattheragāthā
