| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
6. махаалисуд̇д̇ам̣
6. Mahālisuttaṃ
б̣раахман̣ад̣̇ууд̇авад̇т̇у
Brāhmaṇadūtavatthu
359. звам̣ мз суд̇ам̣ – узгам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна самб̣ахулаа госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа взсаалияам̣ бадивасанд̇и гзнажид̣̇зва гаран̣ийязна. ассосум̣ ко д̇з госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа – ‘‘саман̣о калу, бхо, г̇од̇амо сагяабуд̇д̇о сагяагулаа баб̣б̣аж̇ид̇о взсаалияам̣ вихарад̇и махааванз гуудааг̇аарасаалааяам̣. д̇ам̣ ко бана бхаванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и.
359. Evaṃ me sutaṃ – uekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena sambahulā kosalakā ca brāhmaṇadūtā māgadhakā ca brāhmaṇadūtā vesāliyaṃ paṭivasanti kenacideva karaṇīyena. Assosuṃ kho te kosalakā ca brāhmaṇadūtā māgadhakā ca brāhmaṇadūtā – ‘‘samaṇo khalu, bho, gotamo sakyaputto sakyakulā pabbajito vesāliyaṃ viharati mahāvane kūṭāgārasālāyaṃ. Taṃ kho pana bhavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti.
360. ат̇а ко д̇з госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа язна махааванам̣ гуудааг̇аарасаалаа д̇знубасан̇гамим̣су. д̇зна ко бана самаязна ааяасмаа нааг̇ид̇о бхаг̇авад̇о убадтааго ход̇и. ат̇а ко д̇з госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа язнааяасмаа нааг̇ид̇о д̇знубасан̇гамим̣су. убасан̇гамид̇ваа ааяасманд̇ам̣ нааг̇ид̇ам̣ зд̇ад̣̇авожум̣ – ‘‘гахам̣ ну ко, бхо нааг̇ид̇а, зд̇арахи со бхавам̣ г̇од̇амо вихарад̇и? д̣̇ассанагаамаа хи маяам̣ д̇ам̣ бхаванд̇ам̣ г̇од̇ама’’нд̇и. ‘‘агаало ко, аавусо, бхаг̇аванд̇ам̣ д̣̇ассанааяа, бадисаллийно бхаг̇аваа’’д̇и. ат̇а ко д̇з госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа д̇ад̇т̇зва згаманд̇ам̣ нисийд̣̇им̣су – ‘‘д̣̇исваава маяам̣ д̇ам̣ бхаванд̇ам̣ г̇од̇амам̣ г̇амиссаамаа’’д̇и.
360. Atha kho te kosalakā ca brāhmaṇadūtā māgadhakā ca brāhmaṇadūtā yena mahāvanaṃ kūṭāgārasālā tenupasaṅkamiṃsu. Tena kho pana samayena āyasmā nāgito bhagavato upaṭṭhāko hoti. Atha kho te kosalakā ca brāhmaṇadūtā māgadhakā ca brāhmaṇadūtā yenāyasmā nāgito tenupasaṅkamiṃsu. Upasaṅkamitvā āyasmantaṃ nāgitaṃ etadavocuṃ – ‘‘kahaṃ nu kho, bho nāgita, etarahi so bhavaṃ gotamo viharati? Dassanakāmā hi mayaṃ taṃ bhavantaṃ gotama’’nti. ‘‘Akālo kho, āvuso, bhagavantaṃ dassanāya, paṭisallīno bhagavā’’ti. Atha kho te kosalakā ca brāhmaṇadūtā māgadhakā ca brāhmaṇadūtā tattheva ekamantaṃ nisīdiṃsu – ‘‘disvāva mayaṃ taṃ bhavantaṃ gotamaṃ gamissāmā’’ti.
одтад̣̇д̇халижчавийвад̇т̇у
Oṭṭhaddhalicchavīvatthu
361. одтад̣̇д̇хоби лижчавий махад̇ияаа лижчавийбарисааяа сад̣̇д̇хим̣ язна махааванам̣ гуудааг̇аарасаалаа язнааяасмаа нааг̇ид̇о д̇знубасан̇гами; убасан̇гамид̇ваа ааяасманд̇ам̣ нааг̇ид̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко одтад̣̇д̇хоби лижчавий ааяасманд̇ам̣ нааг̇ид̇ам̣ зд̇ад̣̇авожа – ‘‘гахам̣ ну ко, бханд̇з нааг̇ид̇а, зд̇арахи со бхаг̇аваа вихарад̇и арахам̣ саммаасамб̣уд̣̇д̇хо, д̣̇ассанагаамаа хи маяам̣ д̇ам̣ бхаг̇аванд̇ам̣ араханд̇ам̣ саммаасамб̣уд̣̇д̇ха’’нд̇и. ‘‘агаало ко, махаали, бхаг̇аванд̇ам̣ д̣̇ассанааяа, бадисаллийно бхаг̇аваа’’д̇и. одтад̣̇д̇хоби лижчавий д̇ад̇т̇зва згаманд̇ам̣ нисийд̣̇и – ‘‘д̣̇исваава ахам̣ д̇ам̣ бхаг̇аванд̇ам̣ г̇амиссаами араханд̇ам̣ саммаасамб̣уд̣̇д̇ха’’нд̇и.
361. Oṭṭhaddhopi licchavī mahatiyā licchavīparisāya saddhiṃ yena mahāvanaṃ kūṭāgārasālā yenāyasmā nāgito tenupasaṅkami; upasaṅkamitvā āyasmantaṃ nāgitaṃ abhivādetvā ekamantaṃ aṭṭhāsi. Ekamantaṃ ṭhito kho oṭṭhaddhopi licchavī āyasmantaṃ nāgitaṃ etadavoca – ‘‘kahaṃ nu kho, bhante nāgita, etarahi so bhagavā viharati arahaṃ sammāsambuddho, dassanakāmā hi mayaṃ taṃ bhagavantaṃ arahantaṃ sammāsambuddha’’nti. ‘‘Akālo kho, mahāli, bhagavantaṃ dassanāya, paṭisallīno bhagavā’’ti. Oṭṭhaddhopi licchavī tattheva ekamantaṃ nisīdi – ‘‘disvāva ahaṃ taṃ bhagavantaṃ gamissāmi arahantaṃ sammāsambuddha’’nti.
362. ат̇а ко сийхо саман̣уд̣̇д̣̇зсо язнааяасмаа нааг̇ид̇о д̇знубасан̇гами; убасан̇гамид̇ваа ааяасманд̇ам̣ нааг̇ид̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко сийхо саман̣уд̣̇д̣̇зсо ааяасманд̇ам̣ нааг̇ид̇ам̣ зд̇ад̣̇авожа – ‘‘зд̇з, бханд̇з гассаба, самб̣ахулаа госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа ид̇хуубасан̇ганд̇аа бхаг̇аванд̇ам̣ д̣̇ассанааяа; одтад̣̇д̇хоби лижчавий махад̇ияаа лижчавийбарисааяа сад̣̇д̇хим̣ ид̇хуубасан̇ганд̇о бхаг̇аванд̇ам̣ д̣̇ассанааяа, саад̇ху, бханд̇з гассаба, лабхад̇ам̣ зсаа ж̇анад̇аа бхаг̇аванд̇ам̣ д̣̇ассанааяаа’’д̇и.
362. Atha kho sīho samaṇuddeso yenāyasmā nāgito tenupasaṅkami; upasaṅkamitvā āyasmantaṃ nāgitaṃ abhivādetvā ekamantaṃ aṭṭhāsi. Ekamantaṃ ṭhito kho sīho samaṇuddeso āyasmantaṃ nāgitaṃ etadavoca – ‘‘ete, bhante kassapa, sambahulā kosalakā ca brāhmaṇadūtā māgadhakā ca brāhmaṇadūtā idhūpasaṅkantā bhagavantaṃ dassanāya; oṭṭhaddhopi licchavī mahatiyā licchavīparisāya saddhiṃ idhūpasaṅkanto bhagavantaṃ dassanāya, sādhu, bhante kassapa, labhataṃ esā janatā bhagavantaṃ dassanāyā’’ti.
‘‘д̇зна хи, сийха, д̇ван̃н̃зва бхаг̇авад̇о аарожзхий’’д̇и. ‘‘звам̣, бханд̇з’’д̇и ко сийхо саман̣уд̣̇д̣̇зсо ааяасмад̇о нааг̇ид̇асса бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко сийхо саман̣уд̣̇д̣̇зсо бхаг̇аванд̇ам̣ зд̇ад̣̇авожа – ‘‘зд̇з, бханд̇з, самб̣ахулаа госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа ид̇хуубасан̇ганд̇аа бхаг̇аванд̇ам̣ д̣̇ассанааяа, одтад̣̇д̇хоби лижчавий махад̇ияаа лижчавийбарисааяа сад̣̇д̇хим̣ ид̇хуубасан̇ганд̇о бхаг̇аванд̇ам̣ д̣̇ассанааяа. саад̇ху, бханд̇з, лабхад̇ам̣ зсаа ж̇анад̇аа бхаг̇аванд̇ам̣ д̣̇ассанааяаа’’д̇и. ‘‘д̇зна хи, сийха, вихаарабажчааяааяам̣ аасанам̣ бан̃н̃абзхий’’д̇и. ‘‘звам̣, бханд̇з’’д̇и ко сийхо саман̣уд̣̇д̣̇зсо бхаг̇авад̇о бадиссуд̇ваа вихаарабажчааяааяам̣ аасанам̣ бан̃н̃абзси.
‘‘Tena hi, sīha, tvaññeva bhagavato ārocehī’’ti. ‘‘Evaṃ, bhante’’ti kho sīho samaṇuddeso āyasmato nāgitassa paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sīho samaṇuddeso bhagavantaṃ etadavoca – ‘‘ete, bhante, sambahulā kosalakā ca brāhmaṇadūtā māgadhakā ca brāhmaṇadūtā idhūpasaṅkantā bhagavantaṃ dassanāya, oṭṭhaddhopi licchavī mahatiyā licchavīparisāya saddhiṃ idhūpasaṅkanto bhagavantaṃ dassanāya. Sādhu, bhante, labhataṃ esā janatā bhagavantaṃ dassanāyā’’ti. ‘‘Tena hi, sīha, vihārapacchāyāyaṃ āsanaṃ paññapehī’’ti. ‘‘Evaṃ, bhante’’ti kho sīho samaṇuddeso bhagavato paṭissutvā vihārapacchāyāyaṃ āsanaṃ paññapesi.
363. ат̇а ко бхаг̇аваа вихаараа нигкамма вихаарабажчааяааяам̣ бан̃н̃ад̇д̇з аасанз нисийд̣̇и. ат̇а ко д̇з госалагаа жа б̣раахман̣ад̣̇ууд̇аа мааг̇ад̇хагаа жа б̣раахман̣ад̣̇ууд̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇аа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. одтад̣̇д̇хоби лижчавий махад̇ияаа лижчавийбарисааяа сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и.
363. Atha kho bhagavā vihārā nikkhamma vihārapacchāyāyaṃ paññatte āsane nisīdi. Atha kho te kosalakā ca brāhmaṇadūtā māgadhakā ca brāhmaṇadūtā yena bhagavā tenupasaṅkamiṃsu; upasaṅkamitvā bhagavatā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Oṭṭhaddhopi licchavī mahatiyā licchavīparisāya saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi.
364. згаманд̇ам̣ нисинно ко одтад̣̇д̇хо лижчавий бхаг̇аванд̇ам̣ зд̇ад̣̇авожа – ‘‘буримаани, бханд̇з, д̣̇ивасаани буримад̇араани сунагкад̇д̇о лижчавибуд̇д̇о язнаахам̣ д̇знубасан̇гами; убасан̇гамид̇ваа мам̣ зд̇ад̣̇авожа – ‘яад̣̇аг̇г̇з ахам̣, махаали, бхаг̇аванд̇ам̣ убаниссааяа вихараами, на жирам̣ д̇ийн̣и вассаани, д̣̇иб̣б̣аани хи ко руубаани бассаами бияаруубаани гаамуубасам̣хид̇аани раж̇анийяаани, но жа ко д̣̇иб̣б̣аани сад̣̇д̣̇аани сун̣аами бияаруубаани гаамуубасам̣хид̇аани раж̇анийяааний’д̇и. санд̇аанзва ну ко, бханд̇з, сунагкад̇д̇о лижчавибуд̇д̇о д̣̇иб̣б̣аани сад̣̇д̣̇аани наассоси бияаруубаани гаамуубасам̣хид̇аани раж̇анийяаани, уд̣̇ааху асанд̇ааний’’д̇и?
364. Ekamantaṃ nisinno kho oṭṭhaddho licchavī bhagavantaṃ etadavoca – ‘‘purimāni, bhante, divasāni purimatarāni sunakkhatto licchaviputto yenāhaṃ tenupasaṅkami; upasaṅkamitvā maṃ etadavoca – ‘yadagge ahaṃ, mahāli, bhagavantaṃ upanissāya viharāmi, na ciraṃ tīṇi vassāni, dibbāni hi kho rūpāni passāmi piyarūpāni kāmūpasaṃhitāni rajanīyāni, no ca kho dibbāni saddāni suṇāmi piyarūpāni kāmūpasaṃhitāni rajanīyānī’ti. Santāneva nu kho, bhante, sunakkhatto licchaviputto dibbāni saddāni nāssosi piyarūpāni kāmūpasaṃhitāni rajanīyāni, udāhu asantānī’’ti?
згам̣сабхаавид̇асамаад̇хи
Ekaṃsabhāvitasamādhi
365. ‘‘санд̇аанзва ко, махаали, сунагкад̇д̇о лижчавибуд̇д̇о д̣̇иб̣б̣аани сад̣̇д̣̇аани наассоси бияаруубаани гаамуубасам̣хид̇аани раж̇анийяаани, но асанд̇ааний’’д̇и. ‘‘го ну ко, бханд̇з, хзд̇у, го бажжаяо, язна санд̇аанзва сунагкад̇д̇о лижчавибуд̇д̇о д̣̇иб̣б̣аани сад̣̇д̣̇аани наассоси бияаруубаани гаамуубасам̣хид̇аани раж̇анийяаани, но асанд̇ааний’’д̇и?
365. ‘‘Santāneva kho, mahāli, sunakkhatto licchaviputto dibbāni saddāni nāssosi piyarūpāni kāmūpasaṃhitāni rajanīyāni, no asantānī’’ti. ‘‘Ko nu kho, bhante, hetu, ko paccayo, yena santāneva sunakkhatto licchaviputto dibbāni saddāni nāssosi piyarūpāni kāmūpasaṃhitāni rajanīyāni, no asantānī’’ti?
366. ‘‘ид̇ха , махаали, бхигкуно бурад̇т̇имааяа д̣̇исааяа згам̣сабхаавид̇о самаад̇хи ход̇и д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. со бурад̇т̇имааяа д̣̇исааяа згам̣сабхаавид̇з самаад̇химхи д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. бурад̇т̇имааяа д̣̇исааяа д̣̇иб̣б̣аани руубаани бассад̇и бияаруубаани гаамуубасам̣хид̇аани раж̇анийяаани, но жа ко д̣̇иб̣б̣аани сад̣̇д̣̇аани сун̣аад̇и бияаруубаани гаамуубасам̣хид̇аани раж̇анийяаани. д̇ам̣ гисса хзд̇у? зван̃хзд̇ам̣, махаали, ход̇и бхигкуно бурад̇т̇имааяа д̣̇исааяа згам̣сабхаавид̇з самаад̇химхи д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣.
366. ‘‘Idha , mahāli, bhikkhuno puratthimāya disāya ekaṃsabhāvito samādhi hoti dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ. So puratthimāya disāya ekaṃsabhāvite samādhimhi dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ. Puratthimāya disāya dibbāni rūpāni passati piyarūpāni kāmūpasaṃhitāni rajanīyāni, no ca kho dibbāni saddāni suṇāti piyarūpāni kāmūpasaṃhitāni rajanīyāni. Taṃ kissa hetu? Evañhetaṃ, mahāli, hoti bhikkhuno puratthimāya disāya ekaṃsabhāvite samādhimhi dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ.
367. ‘‘буна жабарам̣, махаали, бхигкуно д̣̇агкин̣ааяа д̣̇исааяа…бз… бажчимааяа д̣̇исааяа … уд̇д̇арааяа д̣̇исааяа… уд̣̇д̇хамад̇хо д̇ирияам̣ згам̣сабхаавид̇о самаад̇хи ход̇и д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. со уд̣̇д̇хамад̇хо д̇ирияам̣ згам̣сабхаавид̇з самаад̇химхи д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. уд̣̇д̇хамад̇хо д̇ирияам̣ д̣̇иб̣б̣аани руубаани бассад̇и бияаруубаани гаамуубасам̣хид̇аани раж̇анийяаани, но жа ко д̣̇иб̣б̣аани сад̣̇д̣̇аани сун̣аад̇и бияаруубаани гаамуубасам̣хид̇аани раж̇анийяаани. д̇ам̣ гисса хзд̇у? зван̃хзд̇ам̣, махаали, ход̇и бхигкуно уд̣̇д̇хамад̇хо д̇ирияам̣ згам̣сабхаавид̇з самаад̇химхи д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣.
367. ‘‘Puna caparaṃ, mahāli, bhikkhuno dakkhiṇāya disāya…pe… pacchimāya disāya … uttarāya disāya… uddhamadho tiriyaṃ ekaṃsabhāvito samādhi hoti dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ. So uddhamadho tiriyaṃ ekaṃsabhāvite samādhimhi dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ. Uddhamadho tiriyaṃ dibbāni rūpāni passati piyarūpāni kāmūpasaṃhitāni rajanīyāni, no ca kho dibbāni saddāni suṇāti piyarūpāni kāmūpasaṃhitāni rajanīyāni. Taṃ kissa hetu? Evañhetaṃ, mahāli, hoti bhikkhuno uddhamadho tiriyaṃ ekaṃsabhāvite samādhimhi dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ.
368. ‘‘ид̇ха , махаали, бхигкуно бурад̇т̇имааяа д̣̇исааяа згам̣сабхаавид̇о самаад̇хи ход̇и д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣. со бурад̇т̇имааяа д̣̇исааяа згам̣сабхаавид̇з самаад̇химхи д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣. бурад̇т̇имааяа д̣̇исааяа д̣̇иб̣б̣аани сад̣̇д̣̇аани сун̣аад̇и бияаруубаани гаамуубасам̣хид̇аани раж̇анийяаани, но жа ко д̣̇иб̣б̣аани руубаани бассад̇и бияаруубаани гаамуубасам̣хид̇аани раж̇анийяаани. д̇ам̣ гисса хзд̇у? зван̃хзд̇ам̣, махаали, ход̇и бхигкуно бурад̇т̇имааяа д̣̇исааяа згам̣сабхаавид̇з самаад̇химхи д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣.
368. ‘‘Idha , mahāli, bhikkhuno puratthimāya disāya ekaṃsabhāvito samādhi hoti dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ. So puratthimāya disāya ekaṃsabhāvite samādhimhi dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ. Puratthimāya disāya dibbāni saddāni suṇāti piyarūpāni kāmūpasaṃhitāni rajanīyāni, no ca kho dibbāni rūpāni passati piyarūpāni kāmūpasaṃhitāni rajanīyāni. Taṃ kissa hetu? Evañhetaṃ, mahāli, hoti bhikkhuno puratthimāya disāya ekaṃsabhāvite samādhimhi dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ.
369. ‘‘буна жабарам̣, махаали, бхигкуно д̣̇агкин̣ааяа д̣̇исааяа…бз… бажчимааяа д̣̇исааяа… уд̇д̇арааяа д̣̇исааяа… уд̣̇д̇хамад̇хо д̇ирияам̣ згам̣сабхаавид̇о самаад̇хи ход̇и д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣. со уд̣̇д̇хамад̇хо д̇ирияам̣ згам̣сабхаавид̇з самаад̇химхи д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣. уд̣̇д̇хамад̇хо д̇ирияам̣ д̣̇иб̣б̣аани сад̣̇д̣̇аани сун̣аад̇и бияаруубаани гаамуубасам̣хид̇аани раж̇анийяаани, но жа ко д̣̇иб̣б̣аани руубаани бассад̇и бияаруубаани гаамуубасам̣хид̇аани раж̇анийяаани. д̇ам̣ гисса хзд̇у? зван̃хзд̇ам̣, махаали, ход̇и бхигкуно уд̣̇д̇хамад̇хо д̇ирияам̣ згам̣сабхаавид̇з самаад̇химхи д̣̇иб̣б̣аанам̣ сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣, но жа ко д̣̇иб̣б̣аанам̣ руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣.
369. ‘‘Puna caparaṃ, mahāli, bhikkhuno dakkhiṇāya disāya…pe… pacchimāya disāya… uttarāya disāya… uddhamadho tiriyaṃ ekaṃsabhāvito samādhi hoti dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ. So uddhamadho tiriyaṃ ekaṃsabhāvite samādhimhi dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ. Uddhamadho tiriyaṃ dibbāni saddāni suṇāti piyarūpāni kāmūpasaṃhitāni rajanīyāni, no ca kho dibbāni rūpāni passati piyarūpāni kāmūpasaṃhitāni rajanīyāni. Taṃ kissa hetu? Evañhetaṃ, mahāli, hoti bhikkhuno uddhamadho tiriyaṃ ekaṃsabhāvite samādhimhi dibbānaṃ saddānaṃ savanāya piyarūpānaṃ kāmūpasaṃhitānaṃ rajanīyānaṃ, no ca kho dibbānaṃ rūpānaṃ dassanāya piyarūpānaṃ kāmūpasaṃhitānaṃ rajanīyānaṃ.
370. ‘‘ид̇ха , махаали, бхигкуно бурад̇т̇имааяа д̣̇исааяа убхаяам̣сабхаавид̇о самаад̇хи ход̇и д̣̇иб̣б̣аанан̃жа руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣ д̣̇иб̣б̣аанан̃жа сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. со бурад̇т̇имааяа д̣̇исааяа убхаяам̣сабхаавид̇з самаад̇химхи д̣̇иб̣б̣аанан̃жа руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, д̣̇иб̣б̣аанан̃жа сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. бурад̇т̇имааяа д̣̇исааяа д̣̇иб̣б̣аани жа руубаани бассад̇и бияаруубаани гаамуубасам̣хид̇аани раж̇анийяаани, д̣̇иб̣б̣аани жа сад̣̇д̣̇аани сун̣аад̇и бияаруубаани гаамуубасам̣хид̇аани раж̇анийяаани. д̇ам̣ гисса хзд̇у? зван̃хзд̇ам̣, махаали, ход̇и бхигкуно бурад̇т̇имааяа д̣̇исааяа убхаяам̣сабхаавид̇з самаад̇химхи д̣̇иб̣б̣аанан̃жа руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣ д̣̇иб̣б̣аанан̃жа сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣.
370. ‘‘Idha , mahāli, bhikkhuno puratthimāya disāya ubhayaṃsabhāvito samādhi hoti dibbānañca rūpānaṃ dassanāya piyarūpānaṃ kāmūpasaṃhitānaṃ rajanīyānaṃ dibbānañca saddānaṃ savanāya piyarūpānaṃ kāmūpasaṃhitānaṃ rajanīyānaṃ. So puratthimāya disāya ubhayaṃsabhāvite samādhimhi dibbānañca rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, dibbānañca saddānaṃ savanāya piyarūpānaṃ kāmūpasaṃhitānaṃ rajanīyānaṃ. Puratthimāya disāya dibbāni ca rūpāni passati piyarūpāni kāmūpasaṃhitāni rajanīyāni, dibbāni ca saddāni suṇāti piyarūpāni kāmūpasaṃhitāni rajanīyāni. Taṃ kissa hetu? Evañhetaṃ, mahāli, hoti bhikkhuno puratthimāya disāya ubhayaṃsabhāvite samādhimhi dibbānañca rūpānaṃ dassanāya piyarūpānaṃ kāmūpasaṃhitānaṃ rajanīyānaṃ dibbānañca saddānaṃ savanāya piyarūpānaṃ kāmūpasaṃhitānaṃ rajanīyānaṃ.
371. ‘‘буна жабарам̣, махаали, бхигкуно д̣̇агкин̣ааяа д̣̇исааяа…бз… бажчимааяа д̣̇исааяа… уд̇д̇арааяа д̣̇исааяа… уд̣̇д̇хамад̇хо д̇ирияам̣ убхаяам̣сабхаавид̇о самаад̇хи ход̇и д̣̇иб̣б̣аанан̃жа руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, д̣̇иб̣б̣аанан̃жа сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. со уд̣̇д̇хамад̇хо д̇ирияам̣ убхаяам̣сабхаавид̇з самаад̇химхи д̣̇иб̣б̣аанан̃жа руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣ д̣̇иб̣б̣аанан̃жа сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. уд̣̇д̇хамад̇хо д̇ирияам̣ д̣̇иб̣б̣аани жа руубаани бассад̇и бияаруубаани гаамуубасам̣хид̇аани раж̇анийяаани, д̣̇иб̣б̣аани жа сад̣̇д̣̇аани сун̣аад̇и бияаруубаани гаамуубасам̣хид̇аани раж̇анийяаани. д̇ам̣ гисса хзд̇у? зван̃хзд̇ам̣, махаали, ход̇и бхигкуно уд̣̇д̇хамад̇хо д̇ирияам̣ убхаяам̣сабхаавид̇з самаад̇химхи д̣̇иб̣б̣аанан̃жа руубаанам̣ д̣̇ассанааяа бияаруубаанам̣ гаамуубасам̣хид̇аанам̣ раж̇анийяаанам̣, д̣̇иб̣б̣аанан̃жа сад̣̇д̣̇аанам̣ саванааяа бияаруубаанам̣ гаамуубасам̣хид̇аанам̣ раж̇анийяаанам̣. аяам̣ ко махаали, хзд̇у, аяам̣ бажжаяо, язна санд̇аанзва сунагкад̇д̇о лижчавибуд̇д̇о д̣̇иб̣б̣аани сад̣̇д̣̇аани наассоси бияаруубаани гаамуубасам̣хид̇аани раж̇анийяаани, но асанд̇ааний’’д̇и.
371. ‘‘Puna caparaṃ, mahāli, bhikkhuno dakkhiṇāya disāya…pe… pacchimāya disāya… uttarāya disāya… uddhamadho tiriyaṃ ubhayaṃsabhāvito samādhi hoti dibbānañca rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, dibbānañca saddānaṃ savanāya piyarūpānaṃ kāmūpasaṃhitānaṃ rajanīyānaṃ. So uddhamadho tiriyaṃ ubhayaṃsabhāvite samādhimhi dibbānañca rūpānaṃ dassanāya piyarūpānaṃ kāmūpasaṃhitānaṃ rajanīyānaṃ dibbānañca saddānaṃ savanāya piyarūpānaṃ kāmūpasaṃhitānaṃ rajanīyānaṃ. Uddhamadho tiriyaṃ dibbāni ca rūpāni passati piyarūpāni kāmūpasaṃhitāni rajanīyāni, dibbāni ca saddāni suṇāti piyarūpāni kāmūpasaṃhitāni rajanīyāni. Taṃ kissa hetu? Evañhetaṃ, mahāli, hoti bhikkhuno uddhamadho tiriyaṃ ubhayaṃsabhāvite samādhimhi dibbānañca rūpānaṃ dassanāya piyarūpānaṃ kāmūpasaṃhitānaṃ rajanīyānaṃ, dibbānañca saddānaṃ savanāya piyarūpānaṃ kāmūpasaṃhitānaṃ rajanīyānaṃ. Ayaṃ kho mahāli, hetu, ayaṃ paccayo, yena santāneva sunakkhatto licchaviputto dibbāni saddāni nāssosi piyarūpāni kāmūpasaṃhitāni rajanīyāni, no asantānī’’ti.
372. ‘‘зд̇аасам̣ нууна, бханд̇з, самаад̇хибхааванаанам̣ сажчигирияаахзд̇у бхигкуу бхаг̇авад̇и б̣рахмажарияам̣ жаранд̇ий’’д̇и. ‘‘на ко, махаали, зд̇аасам̣ самаад̇хибхааванаанам̣ сажчигирияаахзд̇у бхигкуу маяи б̣рахмажарияам̣ жаранд̇и. ад̇т̇и ко, махаали, ан̃н̃зва д̇хаммаа уд̇д̇арид̇араа жа бан̣ийд̇ад̇араа жа, язсам̣ сажчигирияаахзд̇у бхигкуу маяи б̣рахмажарияам̣ жаранд̇ий’’д̇и.
372. ‘‘Etāsaṃ nūna, bhante, samādhibhāvanānaṃ sacchikiriyāhetu bhikkhū bhagavati brahmacariyaṃ carantī’’ti. ‘‘Na kho, mahāli, etāsaṃ samādhibhāvanānaṃ sacchikiriyāhetu bhikkhū mayi brahmacariyaṃ caranti. Atthi kho, mahāli, aññeva dhammā uttaritarā ca paṇītatarā ca, yesaṃ sacchikiriyāhetu bhikkhū mayi brahmacariyaṃ carantī’’ti.
жад̇уарияапалам̣
Catuariyaphalaṃ
373. ‘‘гад̇амз бана д̇з, бханд̇з, д̇хаммаа уд̇д̇арид̇араа жа бан̣ийд̇ад̇араа жа, язсам̣ сажчигирияаахзд̇у бхигкуу бхаг̇авад̇и б̣рахмажарияам̣ жаранд̇ий’’д̇и? ‘‘ид̇ха, махаали, бхигку д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о. аяамби ко, махаали, д̇хаммо уд̇д̇арид̇аро жа бан̣ийд̇ад̇аро жа, яасса сажчигирияаахзд̇у бхигкуу маяи б̣рахмажарияам̣ жаранд̇и.
373. ‘‘Katame pana te, bhante, dhammā uttaritarā ca paṇītatarā ca, yesaṃ sacchikiriyāhetu bhikkhū bhagavati brahmacariyaṃ carantī’’ti? ‘‘Idha, mahāli, bhikkhu tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo. Ayampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṃ caranti.
‘‘буна жабарам̣, махаали, бхигку д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва 1 имам̣ логам̣ ааг̇анд̇ваа д̣̇угкассанд̇ам̣ гарод̇и. аяамби ко, махаали, д̇хаммо уд̇д̇арид̇аро жа бан̣ийд̇ад̇аро жа, яасса сажчигирияаахзд̇у бхигкуу маяи б̣рахмажарияам̣ жаранд̇и.
‘‘Puna caparaṃ, mahāli, bhikkhu tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva 2 imaṃ lokaṃ āgantvā dukkhassantaṃ karoti. Ayampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṃ caranti.
‘‘буна жабарам̣, махаали, бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и, д̇ад̇т̇а бариниб̣б̣ааяий, анаавад̇д̇ид̇хаммо д̇асмаа логаа. аяамби ко, махаали, д̇хаммо уд̇д̇арид̇аро жа бан̣ийд̇ад̇аро жа, яасса сажчигирияаахзд̇у бхигкуу маяи б̣рахмажарияам̣ жаранд̇и.
‘‘Puna caparaṃ, mahāli, bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti, tattha parinibbāyī, anāvattidhammo tasmā lokā. Ayampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṃ caranti.
‘‘буна жабарам̣, махаали, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяамби ко, махаали, д̇хаммо уд̇д̇арид̇аро жа бан̣ийд̇ад̇аро жа, яасса сажчигирияаахзд̇у бхигкуу маяи б̣рахмажарияам̣ жаранд̇и. имз ко д̇з, махаали, д̇хаммаа уд̇д̇арид̇араа жа бан̣ийд̇ад̇араа жа, язсам̣ сажчигирияаахзд̇у бхигкуу маяи б̣рахмажарияам̣ жаранд̇ий’’д̇и.
‘‘Puna caparaṃ, mahāli, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayampi kho, mahāli, dhammo uttaritaro ca paṇītataro ca, yassa sacchikiriyāhetu bhikkhū mayi brahmacariyaṃ caranti. Ime kho te, mahāli, dhammā uttaritarā ca paṇītatarā ca, yesaṃ sacchikiriyāhetu bhikkhū mayi brahmacariyaṃ carantī’’ti.
арияаадтан̇г̇игамаг̇г̇о
Ariyaaṭṭhaṅgikamaggo
374. ‘‘ад̇т̇и бана, бханд̇з, маг̇г̇о ад̇т̇и бадибад̣̇аа зд̇зсам̣ д̇хаммаанам̣ сажчигирияааяаа’’д̇и? ‘‘ад̇т̇и ко, махаали, маг̇г̇о ад̇т̇и бадибад̣̇аа зд̇зсам̣ д̇хаммаанам̣ сажчигирияааяаа’’д̇и.
374. ‘‘Atthi pana, bhante, maggo atthi paṭipadā etesaṃ dhammānaṃ sacchikiriyāyā’’ti? ‘‘Atthi kho, mahāli, maggo atthi paṭipadā etesaṃ dhammānaṃ sacchikiriyāyā’’ti.
375. ‘‘гад̇амо бана, бханд̇з, маг̇г̇о гад̇амаа бадибад̣̇аа зд̇зсам̣ д̇хаммаанам̣ сажчигирияааяаа’’д̇и? ‘‘аяамзва арияо адтан̇г̇иго маг̇г̇о. сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, махаали, маг̇г̇о аяам̣ бадибад̣̇аа зд̇зсам̣ д̇хаммаанам̣ сажчигирияааяа.
375. ‘‘Katamo pana, bhante, maggo katamā paṭipadā etesaṃ dhammānaṃ sacchikiriyāyā’’ti? ‘‘Ayameva ariyo aṭṭhaṅgiko maggo. Seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, mahāli, maggo ayaṃ paṭipadā etesaṃ dhammānaṃ sacchikiriyāya.
д̣̇взбаб̣б̣аж̇ид̇авад̇т̇у
Dvepabbajitavatthu
376. ‘‘згамид̣̇аахам̣, махаали, самаяам̣ госамб̣ияам̣ вихараами гхосид̇аараамз . ат̇а ко д̣̇вз баб̣б̣аж̇ид̇аа – мун̣д̣ияо жа бариб̣б̣ааж̇аго ж̇аалияо жа д̣̇аарубад̇д̇иганд̇зваасий язнаахам̣ д̇знубасан̇гамим̣су. убасан̇гамид̇ваа маяаа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтам̣су. згаманд̇ам̣ тид̇аа ко д̇з д̣̇вз баб̣б̣аж̇ид̇аа мам̣ зд̇ад̣̇авожум̣ – ‘гим̣ ну ко, аавусо г̇од̇ама, д̇ам̣ ж̇ийвам̣ д̇ам̣ сарийрам̣, уд̣̇ааху ан̃н̃ам̣ ж̇ийвам̣ ан̃н̃ам̣ сарийра’нд̇и?
376. ‘‘Ekamidāhaṃ, mahāli, samayaṃ kosambiyaṃ viharāmi ghositārāme . Atha kho dve pabbajitā – muṇḍiyo ca paribbājako jāliyo ca dārupattikantevāsī yenāhaṃ tenupasaṅkamiṃsu. Upasaṅkamitvā mayā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhaṃsu. Ekamantaṃ ṭhitā kho te dve pabbajitā maṃ etadavocuṃ – ‘kiṃ nu kho, āvuso gotama, taṃ jīvaṃ taṃ sarīraṃ, udāhu aññaṃ jīvaṃ aññaṃ sarīra’nti?
377. ‘‘‘д̇зна хаавусо, сун̣аат̇а саад̇хугам̣ манаси гарот̇а бхаасиссаамий’’д̇и. ‘звамаавусо’д̇и ко д̇з д̣̇вз баб̣б̣аж̇ид̇аа мама бажжассосум̣. ахам̣ зд̇ад̣̇авожам̣ – ид̇хаавусо д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо…бз… (яат̇аа 190-212 анужчзд̣̇зсу звам̣ вид̇т̇аарзд̇аб̣б̣ам̣). звам̣ ко, аавусо, бхигку сийласамбанно ход̇и…бз… батамам̣ жхаанам̣ убасамбаж̇ж̇а вихарад̇и. яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и? яо со, аавусо, бхигку звам̣ ж̇аанаад̇и звам̣ бассад̇и, галлам̣ д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа, ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и? яо со, аавусо, бхигку звам̣ ж̇аанаад̇и звам̣ бассад̇и , галлам̣ д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа…бз… н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇и…бз… яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и? яо со, аавусо, бхигку звам̣ ж̇аанаад̇и звам̣ бассад̇и, галлам̣ 3 д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа…бз… наабарам̣ ид̇т̇ад̇д̇ааяаад̇и баж̇аанаад̇и. яо ко, аавусо, бхигку звам̣ ж̇аанаад̇и звам̣ бассад̇и, галлам̣ ну ко д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и? яо со, аавусо, бхигку звам̣ ж̇аанаад̇и звам̣ бассад̇и на галлам̣ д̇ассзд̇ам̣ важанааяа – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваад̇и. ахам̣ ко банзд̇ам̣, аавусо, звам̣ ж̇аанаами звам̣ бассаами. ат̇а жа банаахам̣ на вад̣̇аами – ‘д̇ам̣ ж̇ийвам̣ д̇ам̣ сарийра’нд̇и ваа ‘ан̃н̃ам̣ ж̇ийвам̣ ан̃н̃ам̣ сарийра’нд̇и ваа’’д̇и. ид̣̇амавожа бхаг̇аваа. ад̇д̇амано одтад̣̇д̇хо лижчавий бхаг̇авад̇о бхаасид̇ам̣ абхинанд̣̇ийд̇и.
377. ‘‘‘Tena hāvuso, suṇātha sādhukaṃ manasi karotha bhāsissāmī’’ti. ‘Evamāvuso’ti kho te dve pabbajitā mama paccassosuṃ. Ahaṃ etadavocaṃ – idhāvuso tathāgato loke uppajjati arahaṃ sammāsambuddho…pe… (yathā 190-212 anucchedesu evaṃ vitthāretabbaṃ). Evaṃ kho, āvuso, bhikkhu sīlasampanno hoti…pe… paṭhamaṃ jhānaṃ upasampajja viharati. Yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti? Yo so, āvuso, bhikkhu evaṃ jānāti evaṃ passati, kallaṃ tassetaṃ vacanāya – ‘taṃ jīvaṃ taṃ sarīra’nti vā, ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti? Yo so, āvuso, bhikkhu evaṃ jānāti evaṃ passati , kallaṃ tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā…pe… ñāṇadassanāya cittaṃ abhinīharati abhininnāmeti…pe… yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti? Yo so, āvuso, bhikkhu evaṃ jānāti evaṃ passati, kallaṃ 4 tassetaṃ vacanāya – ‘taṃ jīvaṃ taṃ sarīra’’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā…pe… nāparaṃ itthattāyāti pajānāti. Yo kho, āvuso, bhikkhu evaṃ jānāti evaṃ passati, kallaṃ nu kho tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti? Yo so, āvuso, bhikkhu evaṃ jānāti evaṃ passati na kallaṃ tassetaṃ vacanāya – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vāti. Ahaṃ kho panetaṃ, āvuso, evaṃ jānāmi evaṃ passāmi. Atha ca panāhaṃ na vadāmi – ‘taṃ jīvaṃ taṃ sarīra’nti vā ‘aññaṃ jīvaṃ aññaṃ sarīra’nti vā’’ti. Idamavoca bhagavā. Attamano oṭṭhaddho licchavī bhagavato bhāsitaṃ abhinandīti.
махаалисуд̇д̇ам̣ нидтид̇ам̣ чадтам̣.
Mahālisuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 6. махаалисуд̇д̇аван̣н̣анаа • 6. Mahālisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 6. махаалисуд̇д̇аван̣н̣анаа • 6. Mahālisuttavaṇṇanā
