| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. махаалисуд̇д̇ам̣
8. Mahālisuttaṃ
60. звам̣ мз суд̇ам̣ – згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко махаали лижчави язна бхаг̇аваа д̇знубасан̇гами …бз… згаманд̇ам̣ нисинно ко махаали лижчави бхаг̇аванд̇ам̣ зд̇ад̣̇авожа –
60. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho mahāli licchavi yena bhagavā tenupasaṅkami …pe… ekamantaṃ nisinno kho mahāli licchavi bhagavantaṃ etadavoca –
‘‘бууран̣о, бханд̇з, гассабо звамааха – ‘над̇т̇и хзд̇у над̇т̇и бажжаяо сад̇д̇аанам̣ сам̣гилзсааяа; ахзд̇уу аббажжаяаа сад̇д̇аа сам̣гилиссанд̇и. над̇т̇и хзд̇у над̇т̇и бажжаяо сад̇д̇аанам̣ висуд̣̇д̇хияаа; ахзд̇уу аббажжаяаа сад̇д̇аа висуж̇жханд̇ий’д̇и. ид̇ха, бхаг̇аваа гимаахаа’’д̇и?
‘‘Pūraṇo, bhante, kassapo evamāha – ‘natthi hetu natthi paccayo sattānaṃ saṃkilesāya; ahetū appaccayā sattā saṃkilissanti. Natthi hetu natthi paccayo sattānaṃ visuddhiyā; ahetū appaccayā sattā visujjhantī’ti. Idha, bhagavā kimāhā’’ti?
‘‘ад̇т̇и, махаали, хзд̇у ад̇т̇и бажжаяо сад̇д̇аанам̣ сам̣гилзсааяа; сахзд̇уу саббажжаяаа сад̇д̇аа сам̣гилиссанд̇и. ад̇т̇и, махаали, хзд̇у, ад̇т̇и бажжаяо сад̇д̇аанам̣ висуд̣̇д̇хияаа; сахзд̇уу саббажжаяаа сад̇д̇аа висуж̇жханд̇ий’’д̇и.
‘‘Atthi, mahāli, hetu atthi paccayo sattānaṃ saṃkilesāya; sahetū sappaccayā sattā saṃkilissanti. Atthi, mahāli, hetu, atthi paccayo sattānaṃ visuddhiyā; sahetū sappaccayā sattā visujjhantī’’ti.
‘‘гад̇амо бана, бханд̇з, хзд̇у гад̇амо бажжаяо сад̇д̇аанам̣ сам̣гилзсааяа; гат̇ам̣ сахзд̇уу саббажжаяаа сад̇д̇аа сам̣гилиссанд̇ий’’д̇и?
‘‘Katamo pana, bhante, hetu katamo paccayo sattānaṃ saṃkilesāya; kathaṃ sahetū sappaccayā sattā saṃkilissantī’’ti?
‘‘руубан̃жа хид̣̇ам̣, махаали, зганд̇ад̣̇угкам̣ абхависса д̣̇угкаанубад̇ид̇ам̣ д̣̇угкаавагганд̇ам̣ анавагганд̇ам̣ сукзна, наяид̣̇ам̣ сад̇д̇аа руубасмим̣ саараж̇ж̇зяяум̣. яасмаа жа ко, махаали, руубам̣ сукам̣ сукаанубад̇ид̇ам̣ сукаавагганд̇ам̣ анавагганд̇ам̣ д̣̇угкзна, д̇асмаа сад̇д̇аа руубасмим̣ саараж̇ж̇анд̇и; саарааг̇аа сам̣яуж̇ж̇анд̇и; сам̣яог̇аа сам̣гилиссанд̇и. аяам̣ ко, махаали, хзд̇у, аяам̣ бажжаяо сад̇д̇аанам̣ сам̣гилзсааяа; звам̣ сахзд̇уу саббажжаяаа сад̇д̇аа сам̣гилиссанд̇и.
‘‘Rūpañca hidaṃ, mahāli, ekantadukkhaṃ abhavissa dukkhānupatitaṃ dukkhāvakkantaṃ anavakkantaṃ sukhena, nayidaṃ sattā rūpasmiṃ sārajjeyyuṃ. Yasmā ca kho, mahāli, rūpaṃ sukhaṃ sukhānupatitaṃ sukhāvakkantaṃ anavakkantaṃ dukkhena, tasmā sattā rūpasmiṃ sārajjanti; sārāgā saṃyujjanti; saṃyogā saṃkilissanti. Ayaṃ kho, mahāli, hetu, ayaṃ paccayo sattānaṃ saṃkilesāya; evaṃ sahetū sappaccayā sattā saṃkilissanti.
‘‘взд̣̇анаа жа хид̣̇ам̣, махаали, зганд̇ад̣̇угкаа абхависса д̣̇угкаанубад̇ид̇аа д̣̇угкаавагганд̇аа анавагганд̇аа сукзна, наяид̣̇ам̣ сад̇д̇аа взд̣̇анааяа саараж̇ж̇зяяум̣. яасмаа жа ко, махаали, взд̣̇анаа сукаа сукаанубад̇ид̇аа сукаавагганд̇аа анавагганд̇аа д̣̇угкзна, д̇асмаа сад̇д̇аа взд̣̇анааяа саараж̇ж̇анд̇и; саарааг̇аа сам̣яуж̇ж̇анд̇и; сам̣яог̇аа сам̣гилиссанд̇и. аяамби ко, махаали, хзд̇у, аяам̣ бажжаяо сад̇д̇аанам̣ сам̣гилзсааяа. звамби сахзд̇уу саббажжаяаа сад̇д̇аа сам̣гилиссанд̇и.
‘‘Vedanā ca hidaṃ, mahāli, ekantadukkhā abhavissa dukkhānupatitā dukkhāvakkantā anavakkantā sukhena, nayidaṃ sattā vedanāya sārajjeyyuṃ. Yasmā ca kho, mahāli, vedanā sukhā sukhānupatitā sukhāvakkantā anavakkantā dukkhena, tasmā sattā vedanāya sārajjanti; sārāgā saṃyujjanti; saṃyogā saṃkilissanti. Ayampi kho, mahāli, hetu, ayaṃ paccayo sattānaṃ saṃkilesāya. Evampi sahetū sappaccayā sattā saṃkilissanti.
‘‘сан̃н̃аа жа хид̣̇ам̣, махаали…бз… сан̇каараа жа хид̣̇ам̣, махаали, зганд̇ад̣̇угкаа абхависсам̣су д̣̇угкаанубад̇ид̇аа д̣̇угкаавагганд̇аа анавагганд̇аа сукзна, наяид̣̇ам̣ сад̇д̇аа сан̇каарзсу саараж̇ж̇зяяум̣. яасмаа жа ко, махаали, сан̇каараа сукаа сукаанубад̇ид̇аа сукаавагганд̇аа анавагганд̇аа д̣̇угкзна, д̇асмаа сад̇д̇аа сан̇каарзсу саараж̇ж̇анд̇и; саарааг̇аа сам̣яуж̇ж̇анд̇и; сам̣яог̇аа сам̣гилиссанд̇и. аяамби ко, махаали, хзд̇у, аяам̣ бажжаяо сад̇д̇аанам̣ сам̣гилзсааяа. звамби сахзд̇уу саббажжаяаа сад̇д̇аа сам̣гилиссанд̇и.
‘‘Saññā ca hidaṃ, mahāli…pe… saṅkhārā ca hidaṃ, mahāli, ekantadukkhā abhavissaṃsu dukkhānupatitā dukkhāvakkantā anavakkantā sukhena, nayidaṃ sattā saṅkhāresu sārajjeyyuṃ. Yasmā ca kho, mahāli, saṅkhārā sukhā sukhānupatitā sukhāvakkantā anavakkantā dukkhena, tasmā sattā saṅkhāresu sārajjanti; sārāgā saṃyujjanti; saṃyogā saṃkilissanti. Ayampi kho, mahāli, hetu, ayaṃ paccayo sattānaṃ saṃkilesāya. Evampi sahetū sappaccayā sattā saṃkilissanti.
‘‘вин̃н̃аан̣ан̃жа хид̣̇ам̣, махаали, зганд̇ад̣̇угкам̣ абхависса д̣̇угкаанубад̇ид̇ам̣ д̣̇угкаавагганд̇ам̣ анавагганд̇ам̣ сукзна, наяид̣̇ам̣ сад̇д̇аа вин̃н̃аан̣асмим̣ саараж̇ж̇зяяум̣. яасмаа жа ко , махаали, вин̃н̃аан̣ам̣ сукам̣ сукаанубад̇ид̇ам̣ сукаавагганд̇ам̣ анавагганд̇ам̣ д̣̇угкзна, д̇асмаа сад̇д̇аа вин̃н̃аан̣асмим̣ саараж̇ж̇анд̇и; саарааг̇аа сам̣яуж̇ж̇анд̇и; сам̣яог̇аа сам̣гилиссанд̇и. аяамби ко, махаали, хзд̇у аяам̣ бажжаяо сад̇д̇аанам̣ сам̣гилзсааяа. звамби сахзд̇уу саббажжаяаа сад̇д̇аа сам̣гилиссанд̇ий’’д̇и.
‘‘Viññāṇañca hidaṃ, mahāli, ekantadukkhaṃ abhavissa dukkhānupatitaṃ dukkhāvakkantaṃ anavakkantaṃ sukhena, nayidaṃ sattā viññāṇasmiṃ sārajjeyyuṃ. Yasmā ca kho , mahāli, viññāṇaṃ sukhaṃ sukhānupatitaṃ sukhāvakkantaṃ anavakkantaṃ dukkhena, tasmā sattā viññāṇasmiṃ sārajjanti; sārāgā saṃyujjanti; saṃyogā saṃkilissanti. Ayampi kho, mahāli, hetu ayaṃ paccayo sattānaṃ saṃkilesāya. Evampi sahetū sappaccayā sattā saṃkilissantī’’ti.
‘‘гад̇амо бана, бханд̇з, хзд̇у гад̇амо бажжаяо сад̇д̇аанам̣ висуд̣̇д̇хияаа; гат̇ам̣ сахзд̇уу саббажжаяаа сад̇д̇аа висуж̇жханд̇ий’’д̇и? ‘‘руубан̃жа хид̣̇ам̣, махаали, зганд̇асукам̣ абхависса сукаанубад̇ид̇ам̣ сукаавагганд̇ам̣ анавагганд̇ам̣ д̣̇угкзна, наяид̣̇ам̣ сад̇д̇аа руубасмим̣ ниб̣б̣инд̣̇зяяум̣. яасмаа жа ко, махаали, руубам̣ д̣̇угкам̣ д̣̇угкаанубад̇ид̇ам̣ д̣̇угкаавагганд̇ам̣ анавагганд̇ам̣ сукзна, д̇асмаа сад̇д̇аа руубасмим̣ ниб̣б̣инд̣̇анд̇и; ниб̣б̣инд̣̇ам̣ вираж̇ж̇анд̇и; вирааг̇аа висуж̇жханд̇и. аяам̣ ко, махаали, хзд̇у, аяам̣ бажжаяо, сад̇д̇аанам̣ висуд̣̇д̇хияаа. звам̣ сахзд̇уу саббажжаяаа сад̇д̇аа висуж̇жханд̇и’’.
‘‘Katamo pana, bhante, hetu katamo paccayo sattānaṃ visuddhiyā; kathaṃ sahetū sappaccayā sattā visujjhantī’’ti? ‘‘Rūpañca hidaṃ, mahāli, ekantasukhaṃ abhavissa sukhānupatitaṃ sukhāvakkantaṃ anavakkantaṃ dukkhena, nayidaṃ sattā rūpasmiṃ nibbindeyyuṃ. Yasmā ca kho, mahāli, rūpaṃ dukkhaṃ dukkhānupatitaṃ dukkhāvakkantaṃ anavakkantaṃ sukhena, tasmā sattā rūpasmiṃ nibbindanti; nibbindaṃ virajjanti; virāgā visujjhanti. Ayaṃ kho, mahāli, hetu, ayaṃ paccayo, sattānaṃ visuddhiyā. Evaṃ sahetū sappaccayā sattā visujjhanti’’.
‘‘взд̣̇анаа жа хид̣̇ам̣, махаали, зганд̇асукаа абхависса…бз… сан̃н̃аа жа хид̣̇ам̣, махаали…бз… сан̇каараа жа хид̣̇ам̣, махаали, зганд̇асукаа абхависсам̣су…бз… вин̃н̃аан̣ан̃жа хид̣̇ам̣, махаали, зганд̇асукам̣ абхависса сукаанубад̇ид̇ам̣ сукаавагганд̇ам̣ анавагганд̇ам̣ д̣̇угкзна, наяид̣̇ам̣ сад̇д̇аа вин̃н̃аан̣асмим̣ ниб̣б̣инд̣̇зяяум̣. яасмаа жа ко, махаали, вин̃н̃аан̣ам̣ д̣̇угкам̣ д̣̇угкаанубад̇ид̇ам̣ д̣̇угкаавагганд̇ам̣ анавагганд̇ам̣ сукзна, д̇асмаа сад̇д̇аа вин̃н̃аан̣асмим̣ ниб̣б̣инд̣̇анд̇и; ниб̣б̣инд̣̇ам̣ вираж̇ж̇анд̇и; вирааг̇аа висуж̇жханд̇и. аяам̣ ко, махаали, хзд̇у, аяам̣ бажжаяо, сад̇д̇аанам̣ висуд̣̇д̇хияаа . звамби сахзд̇уу саббажжаяаа сад̇д̇аа висуж̇жханд̇ий’’д̇и. адтамам̣.
‘‘Vedanā ca hidaṃ, mahāli, ekantasukhā abhavissa…pe… saññā ca hidaṃ, mahāli…pe… saṅkhārā ca hidaṃ, mahāli, ekantasukhā abhavissaṃsu…pe… viññāṇañca hidaṃ, mahāli, ekantasukhaṃ abhavissa sukhānupatitaṃ sukhāvakkantaṃ anavakkantaṃ dukkhena, nayidaṃ sattā viññāṇasmiṃ nibbindeyyuṃ. Yasmā ca kho, mahāli, viññāṇaṃ dukkhaṃ dukkhānupatitaṃ dukkhāvakkantaṃ anavakkantaṃ sukhena, tasmā sattā viññāṇasmiṃ nibbindanti; nibbindaṃ virajjanti; virāgā visujjhanti. Ayaṃ kho, mahāli, hetu, ayaṃ paccayo, sattānaṃ visuddhiyā . Evampi sahetū sappaccayā sattā visujjhantī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. махаалисуд̇д̇аван̣н̣анаа • 8. Mahālisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. махаалисуд̇д̇аван̣н̣анаа • 8. Mahālisuttavaṇṇanā
