| Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
6. махаалисуд̇д̇аван̣н̣анаа
6. Mahālisuttavaṇṇanā
б̣раахман̣ад̣̇ууд̇авад̇т̇уван̣н̣анаа
Brāhmaṇadūtavatthuvaṇṇanā
359. звам̣ мз суд̇ам̣ – згам̣ самаяам̣ бхаг̇аваа взсаалияанд̇и махаалисуд̇д̇ам̣. д̇ад̇рааяам̣ абуб̣б̣абад̣̇аван̣н̣анаа. взсаалияанд̇и бунаббунам̣ висаалабхаавуубаг̇аманад̇о взсаалийд̇и лад̣̇д̇ханаамагз наг̇арз. махааванзд̇и б̣ахинаг̇арз химаванд̇зна сад̣̇д̇хим̣ згааб̣ад̣̇д̇хам̣ худ̇ваа тид̇ам̣ саяам̣ ж̇аад̇аванам̣ ад̇т̇и, яам̣ маханд̇абхаавзнзва махаавананд̇и вужжад̇и, д̇асмим̣ махааванз. гуудааг̇аарасаалааяанд̇и д̇асмим̣ ванасан̣д̣з сан̇гхаараамам̣ бад̇идтабзсум̣. д̇ад̇т̇а ган̣н̣игам̣ яож̇зд̇ваа т̇амбхаанам̣ убари гуудааг̇аарасаалаасан̇кзбзна д̣̇звавимаанасад̣̇исам̣ баасаад̣̇ам̣ агам̣су, д̇ам̣ убаад̣̇ааяа сагалоби сан̇гхаараамо ‘‘гуудааг̇аарасаалаа’’д̇и бан̃н̃ааяид̇т̇а. бхаг̇аваа д̇ам̣ взсаалим̣ убаниссааяа д̇асмим̣ сан̇гхаараамз вихарад̇и. д̇зна вуд̇д̇ам̣ – ‘‘взсаалияам̣ вихарад̇и махааванз гуудааг̇аарасаалааяа’’нд̇и. госалагаад̇и госаларадтаваасино. мааг̇ад̇хагаад̇и маг̇ад̇харадтаваасино. гаран̣ийязнаад̇и авассам̣ гад̇д̇аб̣б̣агаммзна. яан̃хи агаад̇умби ваддад̇и, д̇ам̣ гижжанд̇и вужжад̇и, яам̣ авассам̣ гаад̇аб̣б̣амзва, д̇ам̣ гаран̣ийяам̣ наама.
359.Evaṃme sutaṃ – ekaṃ samayaṃ bhagavā vesāliyanti mahālisuttaṃ. Tatrāyaṃ apubbapadavaṇṇanā. Vesāliyanti punappunaṃ visālabhāvūpagamanato vesālīti laddhanāmake nagare. Mahāvaneti bahinagare himavantena saddhiṃ ekābaddhaṃ hutvā ṭhitaṃ sayaṃ jātavanaṃ atthi, yaṃ mahantabhāveneva mahāvananti vuccati, tasmiṃ mahāvane. Kūṭāgārasālāyanti tasmiṃ vanasaṇḍe saṅghārāmaṃ patiṭṭhapesuṃ. Tattha kaṇṇikaṃ yojetvā thambhānaṃ upari kūṭāgārasālāsaṅkhepena devavimānasadisaṃ pāsādaṃ akaṃsu, taṃ upādāya sakalopi saṅghārāmo ‘‘kūṭāgārasālā’’ti paññāyittha. Bhagavā taṃ vesāliṃ upanissāya tasmiṃ saṅghārāme viharati. Tena vuttaṃ – ‘‘vesāliyaṃ viharati mahāvane kūṭāgārasālāya’’nti. Kosalakāti kosalaraṭṭhavāsino. Māgadhakāti magadharaṭṭhavāsino. Karaṇīyenāti avassaṃ kattabbakammena. Yañhi akātumpi vaṭṭati, taṃ kiccanti vuccati, yaṃ avassaṃ kātabbameva, taṃ karaṇīyaṃ nāma.
360. бадисаллийно бхаг̇аваад̇и наанаарамман̣ажаарад̇о бадиггамма саллийно нилийно, згийбхаавам̣ убаг̇амма згад̇д̇аарамман̣з жхаанарад̇им̣ анубхавад̇ийд̇и ад̇т̇о. д̇ад̇т̇зваад̇и д̇асмин̃н̃зва вихаарз. згаманд̇анд̇и д̇асмаа таанаа абаггамма д̇аасу д̇аасу ругкажчааяаасу нисийд̣̇им̣су.
360.Paṭisallīno bhagavāti nānārammaṇacārato paṭikkamma sallīno nilīno, ekībhāvaṃ upagamma ekattārammaṇe jhānaratiṃ anubhavatīti attho. Tatthevāti tasmiññeva vihāre. Ekamantanti tasmā ṭhānā apakkamma tāsu tāsu rukkhacchāyāsu nisīdiṃsu.
одтад̣̇д̇халижчавийвад̇т̇уван̣н̣анаа
Oṭṭhaddhalicchavīvatthuvaṇṇanā
361. одтад̣̇д̇ход̇и ад̣̇д̇ходтад̇ааяа звам̣лад̣̇д̇ханаамо. махад̇ияаа лижчавийбарисааяаад̇и бурзбхад̇д̇ам̣ б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа бхаг̇авад̇о санд̇игз убосат̇ан̇г̇аани ад̇хидтахид̇ваа г̇анд̇хамаалаад̣̇ийни г̇аахаабзд̇ваа уг̇гхосанааяа махад̇им̣ лижчавирааж̇абарисам̣ саннибаад̇аабзд̇ваа д̇ааяа нийлабийд̇аад̣̇иван̣н̣авад̇т̇аабхаран̣авилзбанабадиман̣д̣ид̇ааяа д̇аавад̇им̣сабарисасаббадибхааг̇ааяа махад̇ияаа лижчавибарисааяа сад̣̇д̇хим̣ убасан̇гами. агаало ко махаалийд̇и д̇асса одтад̣̇д̇хасса махаалийд̇и мууланаамам̣, д̇зна мууланаамамад̇д̇зна нам̣ т̇зро махаалийд̇и аалабад̇и. згаманд̇ам̣ нисийд̣̇ийд̇и бад̇ируубаасу ругкажчааяаасу д̇ааяа лижчавибарисааяа сад̣̇д̇хим̣ рад̇анад̇д̇аяасса ван̣н̣ам̣ гат̇аяанд̇о нисийд̣̇и.
361.Oṭṭhaddhoti addhoṭṭhatāya evaṃladdhanāmo. Mahatiyā licchavīparisāyāti purebhattaṃ buddhappamukhassa bhikkhusaṅghassa dānaṃ datvā bhagavato santike uposathaṅgāni adhiṭṭhahitvā gandhamālādīni gāhāpetvā ugghosanāya mahatiṃ licchavirājaparisaṃ sannipātāpetvā tāya nīlapītādivaṇṇavatthābharaṇavilepanapaṭimaṇḍitāya tāvatiṃsaparisasappaṭibhāgāya mahatiyā licchaviparisāya saddhiṃ upasaṅkami. Akālo kho mahālīti tassa oṭṭhaddhassa mahālīti mūlanāmaṃ, tena mūlanāmamattena naṃ thero mahālīti ālapati. Ekamantaṃ nisīdīti patirūpāsu rukkhacchāyāsu tāya licchaviparisāya saddhiṃ ratanattayassa vaṇṇaṃ kathayanto nisīdi.
362. сийхо саман̣уд̣̇д̣̇зсод̇и ааяасмад̇о нааг̇ид̇асса бхааг̇инзяяо сад̇д̇авассагаалз баб̣б̣аж̇ид̇ваа саасанз яуд̇д̇абаяуд̇д̇о ‘‘сийхо’’д̇и звам̣наамаго сааман̣зро, со гира д̇ам̣ махаабарисам̣ д̣̇исваа – ‘‘аяам̣ барисаа махад̇ий, сагалам̣ вихаарам̣ буурзд̇ваа нисиннаа, ад̣̇д̇хаа бхаг̇аваа аж̇ж̇а имиссаа барисааяа маханд̇зна уссаахзна д̇хаммам̣ д̣̇зсзссад̇и, яам̣нуунаахам̣ убаж̇жхааяассаажигкид̇ваа бхаг̇авад̇о махаабарисааяа саннибад̇ид̇абхаавам̣ аарожаабзяяа’’нд̇и жинд̇зд̇ваа язнааяасмаа нааг̇ид̇о д̇знубасан̇гами. бханд̇з гассабаад̇и т̇зрам̣ г̇од̇д̇зна аалабад̇и. зсаа ж̇анад̇аад̇и зсо ж̇анасамуухо.
362.Sīho samaṇuddesoti āyasmato nāgitassa bhāgineyyo sattavassakāle pabbajitvā sāsane yuttapayutto ‘‘sīho’’ti evaṃnāmako sāmaṇero, so kira taṃ mahāparisaṃ disvā – ‘‘ayaṃ parisā mahatī, sakalaṃ vihāraṃ pūretvā nisinnā, addhā bhagavā ajja imissā parisāya mahantena ussāhena dhammaṃ desessati, yaṃnūnāhaṃ upajjhāyassācikkhitvā bhagavato mahāparisāya sannipatitabhāvaṃ ārocāpeyya’’nti cintetvā yenāyasmā nāgito tenupasaṅkami. Bhante kassapāti theraṃ gottena ālapati. Esā janatāti eso janasamūho.
д̇ван̃н̃зва бхаг̇авад̇о аарожзхийд̇и сийхо гира бхаг̇авад̇о виссаасиго, аяан̃хи т̇зро т̇ууласарийро, д̇знасса сарийраг̇аруд̇ааяа удтаананисаж̇ж̇аад̣̇ийсу ааласияабхааво ийсагам̣ аббахийно вияа ход̇и. ат̇ааяам̣ сааман̣зро бхаг̇авад̇о гаалзна гаалам̣ вад̇д̇ам̣ гарод̇и. д̇зна нам̣ т̇зро ‘‘д̇вамби д̣̇асаб̣аласса виссаасиго’’д̇и вад̇ваа г̇ажча д̇ван̃н̃зваарожзхийд̇и ааха. вихаарабажчааяааяанд̇и вихаарачааяааяам̣, гуудааг̇аарамахааг̇зхажчааяааяа парид̇огаасзд̇и ад̇т̇о. саа гира гуудааг̇аарасаалаа д̣̇агкин̣уд̇д̇арад̇о д̣̇ийгхаа баажийнамукаа, д̇знассаа бурад̇о махад̇ий чааяаа бад̇т̇адаа ход̇и, сийхо д̇ад̇т̇а бхаг̇авад̇о аасанам̣ бан̃н̃абзси.
Tvaññeva bhagavato ārocehīti sīho kira bhagavato vissāsiko, ayañhi thero thūlasarīro, tenassa sarīragarutāya uṭṭhānanisajjādīsu ālasiyabhāvo īsakaṃ appahīno viya hoti. Athāyaṃ sāmaṇero bhagavato kālena kālaṃ vattaṃ karoti. Tena naṃ thero ‘‘tvampi dasabalassa vissāsiko’’ti vatvā gaccha tvaññevārocehīti āha. Vihārapacchāyāyanti vihārachāyāyaṃ, kūṭāgāramahāgehacchāyāya pharitokāseti attho. Sā kira kūṭāgārasālā dakkhiṇuttarato dīghā pācīnamukhā, tenassā purato mahatī chāyā patthaṭā hoti, sīho tattha bhagavato āsanaṃ paññapesi.
363. ат̇а ко бхаг̇аваа д̣̇вааранд̇арзхи жзва ваад̇абаананд̇арзхи жа нигкамид̇ваа вид̇хааванд̇аахи вибпаранд̇ийхи чаб̣б̣ан̣н̣аахи б̣уд̣̇д̇харасмийхи сам̣суужид̇анигкамано валаахаганд̇арад̇о бун̣н̣ажанд̣̇о вияа гуудааг̇аарасаалад̇о нигкамид̇ваа бан̃н̃ад̇д̇авараб̣уд̣̇д̇хаасанз нисийд̣̇и. д̇зна вуд̇д̇ам̣ – ‘‘ат̇а ко бхаг̇аваа вихаараа нигкамма вихаарабажчааяааяа бан̃н̃ад̇д̇з аасанз нисийд̣̇ий’’д̇и.
363. Atha kho bhagavā dvārantarehi ceva vātapānantarehi ca nikkhamitvā vidhāvantāhi vippharantīhi chabbaṇṇāhi buddharasmīhi saṃsūcitanikkhamano valāhakantarato puṇṇacando viya kūṭāgārasālato nikkhamitvā paññattavarabuddhāsane nisīdi. Tena vuttaṃ – ‘‘atha kho bhagavā vihārā nikkhamma vihārapacchāyāya paññatte āsane nisīdī’’ti.
364-365. буримаани , бханд̇з, д̣̇ивасаани буримад̇араанийд̇и зд̇т̇а хияяо д̣̇ивасам̣ буримам̣ наама, д̇ад̇о барам̣ буримад̇арам̣. д̇ад̇о бадтааяа бана саб̣б̣аани буримаани жзва буримад̇араани жа хонд̇и. яад̣̇аг̇г̇зд̇и муулад̣̇ивасад̇о бадтааяа яам̣ д̣̇ивасам̣ аг̇г̇ам̣ барагодим̣ гад̇ваа вихараамийд̇и ад̇т̇о, яаава вихаасинд̇и вуд̇д̇ам̣ ход̇и. ид̣̇аани д̇асса баримаан̣ам̣ д̣̇ассзнд̇о ‘‘нажирам̣ д̇ийн̣и вассааний’’д̇и ааха. ат̇а ваа яад̣̇аг̇г̇зд̇и яам̣ д̣̇ивасам̣ аг̇г̇ам̣ гад̇ваа нажирам̣ д̇ийн̣и вассаани вихараамийд̇иби ад̇т̇о . яам̣ д̣̇ивасам̣ аад̣̇им̣ гад̇ваа нажирам̣ вихаасим̣ д̇ийн̣иязва вассаанийд̇и вуд̇д̇ам̣ ход̇и. аяам̣ гира бхаг̇авад̇о бад̇д̇ажийварам̣ г̇ан̣ханд̇о д̇ийн̣и сам̣важчараани бхаг̇аванд̇ам̣ убадтааси, д̇ам̣ санд̇хааяа звам̣ вад̣̇ад̇и. бияаруубаанийд̇и бияаж̇аад̇игаани саад̇аж̇аад̇игаани. гаамуубасам̣хид̇аанийд̇и гаамассаад̣̇аяуд̇д̇аани. раж̇анийяаанийд̇и рааг̇аж̇анагаани. но жа ко д̣̇иб̣б̣аани сад̣̇д̣̇аанийд̇и гасмаа сунагкад̇д̇о д̇аани на сун̣аад̇и? со гира бхаг̇аванд̇ам̣ убасан̇гамид̇ваа д̣̇иб̣б̣ажагкубаригаммам̣ яаажи, д̇асса бхаг̇аваа аажигки, со яат̇аанусидтам̣ бадибанно д̣̇иб̣б̣ажагкум̣ уббаад̣̇зд̇ваа д̣̇звад̇аанам̣ руубаани д̣̇исваа жинд̇зси ‘‘имасмим̣ сарийрасан̣таанз сад̣̇д̣̇зна мад̇хурзна бхавид̇аб̣б̣ам̣, гат̇ам̣ ну ко нам̣ сун̣зяяа’’нд̇и бхаг̇аванд̇ам̣ убасан̇гамид̇ваа д̣̇иб̣б̣асод̇абаригаммам̣ бужчи. аяан̃жа ад̇ийд̇з згам̣ сийлаванд̇ам̣ бхигкум̣ ган̣н̣асагкалияам̣ бахарид̇ваа б̣ад̇хирамагааси. д̇асмаа баригаммам̣ гаронд̇оби абхаб̣б̣о д̣̇иб̣б̣асод̇аад̇хиг̇амааяа. д̇знасса на бхаг̇аваа баригаммам̣ гат̇зси. со зд̇д̇аавад̇аа бхаг̇авад̇и аагхаад̇ам̣ б̣анд̇хид̇ваа жинд̇зси – ‘‘ад̣̇д̇хаа саман̣асса г̇од̇амасса звам̣ ход̇и – ‘ахамби кад̇д̇ияо аяамби кад̇д̇ияо, сажасса н̃аан̣ам̣ вад̣дхиссад̇и, аяамби саб̣б̣ан̃н̃уу бхависсад̇ий’д̇и усууяааяа маяхам̣ на гат̇зсий’’д̇и. со ануггамзна г̇ихибхаавам̣ бад̇ваа д̇амад̇т̇ам̣ махаалилижчавино гат̇знд̇о звамааха.
364-365.Purimāni, bhante, divasāni purimatarānīti ettha hiyyo divasaṃ purimaṃ nāma, tato paraṃ purimataraṃ. Tato paṭṭhāya pana sabbāni purimāni ceva purimatarāni ca honti. Yadaggeti mūladivasato paṭṭhāya yaṃ divasaṃ aggaṃ parakoṭiṃ katvā viharāmīti attho, yāva vihāsinti vuttaṃ hoti. Idāni tassa parimāṇaṃ dassento ‘‘naciraṃ tīṇi vassānī’’ti āha. Atha vā yadaggeti yaṃ divasaṃ aggaṃ katvā naciraṃ tīṇi vassāni viharāmītipi attho . Yaṃ divasaṃ ādiṃ katvā naciraṃ vihāsiṃ tīṇiyeva vassānīti vuttaṃ hoti. Ayaṃ kira bhagavato pattacīvaraṃ gaṇhanto tīṇi saṃvaccharāni bhagavantaṃ upaṭṭhāsi, taṃ sandhāya evaṃ vadati. Piyarūpānīti piyajātikāni sātajātikāni. Kāmūpasaṃhitānīti kāmassādayuttāni. Rajanīyānīti rāgajanakāni. No ca kho dibbāni saddānīti kasmā sunakkhatto tāni na suṇāti? So kira bhagavantaṃ upasaṅkamitvā dibbacakkhuparikammaṃ yāci, tassa bhagavā ācikkhi, so yathānusiṭṭhaṃ paṭipanno dibbacakkhuṃ uppādetvā devatānaṃ rūpāni disvā cintesi ‘‘imasmiṃ sarīrasaṇṭhāne saddena madhurena bhavitabbaṃ, kathaṃ nu kho naṃ suṇeyya’’nti bhagavantaṃ upasaṅkamitvā dibbasotaparikammaṃ pucchi. Ayañca atīte ekaṃ sīlavantaṃ bhikkhuṃ kaṇṇasakkhaliyaṃ paharitvā badhiramakāsi. Tasmā parikammaṃ karontopi abhabbo dibbasotādhigamāya. Tenassa na bhagavā parikammaṃ kathesi. So ettāvatā bhagavati āghātaṃ bandhitvā cintesi – ‘‘addhā samaṇassa gotamassa evaṃ hoti – ‘ahampi khattiyo ayampi khattiyo, sacassa ñāṇaṃ vaḍḍhissati, ayampi sabbaññū bhavissatī’ti usūyāya mayhaṃ na kathesī’’ti. So anukkamena gihibhāvaṃ patvā tamatthaṃ mahālilicchavino kathento evamāha.
366-371. згам̣сабхаавид̇од̇и згам̣сааяа згагодтаасааяа бхаавид̇о, д̣̇иб̣б̣аанам̣ ваа руубаанам̣ д̣̇ассанад̇т̇ааяа д̣̇иб̣б̣аанам̣ ваа сад̣̇д̣̇аанам̣ саванад̇т̇ааяа бхаавид̇од̇и ад̇т̇о. д̇ирияанд̇и ануд̣̇исааяа. убхаяам̣сабхаавид̇од̇и убхаяам̣сааяа убхаяагодтаасааяа бхаавид̇од̇и ад̇т̇о. аяам̣ ко махаали хзд̇ууд̇и аяам̣ д̣̇иб̣б̣аанам̣язва руубаанам̣ д̣̇ассанааяа згам̣сабхаавид̇о самаад̇хи хзд̇у. имамад̇т̇ам̣ суд̇ваа со лижчавий жинд̇зси – ‘‘ид̣̇ам̣ д̣̇иб̣б̣асод̇зна сад̣̇д̣̇асун̣анам̣ имасмим̣ саасанз уд̇д̇амад̇т̇абхууд̇ам̣ ман̃н̃з имасса нууна ад̇т̇ааяа зд̇з бхигкуу бан̃н̃аасамби садтиби вассаани абан̣н̣агам̣ б̣рахмажарияам̣ жаранд̇и, яам̣нуунаахам̣ д̣̇асаб̣алам̣ зд̇амад̇т̇ам̣ бужчзяяа’’нд̇и.
366-371.Ekaṃsabhāvitoti ekaṃsāya ekakoṭṭhāsāya bhāvito, dibbānaṃ vā rūpānaṃ dassanatthāya dibbānaṃ vā saddānaṃ savanatthāya bhāvitoti attho. Tiriyanti anudisāya. Ubhayaṃsabhāvitoti ubhayaṃsāya ubhayakoṭṭhāsāya bhāvitoti attho. Ayaṃ kho mahāli hetūti ayaṃ dibbānaṃyeva rūpānaṃ dassanāya ekaṃsabhāvito samādhi hetu. Imamatthaṃ sutvā so licchavī cintesi – ‘‘idaṃ dibbasotena saddasuṇanaṃ imasmiṃ sāsane uttamatthabhūtaṃ maññe imassa nūna atthāya ete bhikkhū paññāsampi saṭṭhipi vassāni apaṇṇakaṃ brahmacariyaṃ caranti, yaṃnūnāhaṃ dasabalaṃ etamatthaṃ puccheyya’’nti.
372. д̇ад̇о д̇амад̇т̇ам̣ бужчанд̇о ‘‘зд̇аасам̣ нууна, бханд̇з’’д̇иаад̣̇имааха. самаад̇хибхааванаананд̇и зд̇т̇а самаад̇хиязва самаад̇хибхааванаа, убхаяам̣сабхаавид̇аанам̣ самаад̇хийнанд̇и ад̇т̇о. ат̇а яасмаа саасанад̇о б̣аахираа зд̇аа самаад̇хибхааванаа, на аж̇жхад̇д̇игаа. д̇асмаа д̇аа бадигкибид̇ваа яад̣̇ад̇т̇ам̣ бхигкуу б̣рахмажарияам̣ жаранд̇и, д̇ам̣ д̣̇ассзнд̇о бхаг̇аваа ‘‘на ко махаалий’’д̇иаад̣̇имааха.
372. Tato tamatthaṃ pucchanto ‘‘etāsaṃ nūna, bhante’’tiādimāha. Samādhibhāvanānanti ettha samādhiyeva samādhibhāvanā, ubhayaṃsabhāvitānaṃ samādhīnanti attho. Atha yasmā sāsanato bāhirā etā samādhibhāvanā, na ajjhattikā. Tasmā tā paṭikkhipitvā yadatthaṃ bhikkhū brahmacariyaṃ caranti, taṃ dassento bhagavā ‘‘na kho mahālī’’tiādimāha.
жад̇уарияапалаван̣н̣анаа
Catuariyaphalavaṇṇanā
373. д̇ин̣н̣ам̣ сам̣яож̇анаананд̇и саггааяад̣̇идтиаад̣̇ийнам̣ д̇ин̣н̣ам̣ б̣анд̇ханаанам̣. д̇аани хи ваддад̣̇угкамаяз рат̇з сад̇д̇з сам̣яож̇знд̇и, д̇асмаа сам̣яож̇анаанийд̇и вужжанд̇и. сод̇аабанно ход̇ийд̇и маг̇г̇асод̇ам̣ аабанно ход̇и. авинибаад̇ад̇хаммод̇и жад̇уусу абааязсу абад̇анад̇хаммо. нияад̇од̇и д̇хамманияаамзна нияад̇о. самб̣од̇хибарааяан̣од̇и убаримаг̇г̇ад̇д̇аяасан̇каад̇аа самб̣од̇хи барам̣ аяанам̣ асса, анзна ваа бад̇д̇аб̣б̣аад̇и самб̣од̇хибарааяан̣о.
373.Tiṇṇaṃsaṃyojanānanti sakkāyadiṭṭhiādīnaṃ tiṇṇaṃ bandhanānaṃ. Tāni hi vaṭṭadukkhamaye rathe satte saṃyojenti, tasmā saṃyojanānīti vuccanti. Sotāpannohotīti maggasotaṃ āpanno hoti. Avinipātadhammoti catūsu apāyesu apatanadhammo. Niyatoti dhammaniyāmena niyato. Sambodhiparāyaṇoti uparimaggattayasaṅkhātā sambodhi paraṃ ayanaṃ assa, anena vā pattabbāti sambodhiparāyaṇo.
д̇ануд̇д̇аад̇и барияудтаанаманд̣̇ад̇ааяа жа гад̣̇аажи гарахажи уббад̇д̇ияаа жа д̇анубхааваа. орамбхааг̇ияаананд̇и хздтаабхааг̇ияаанам̣, яз хи б̣ад̣̇д̇хо убари суд̣̇д̇хааваасабхуумияам̣ ниб̣б̣ад̇д̇ид̇ум̣ на саггод̇и. обабаад̇игод̇и сзсаяонибадигкзбаважанамзд̇ам̣. д̇ад̇т̇а бариниб̣б̣ааяийд̇и д̇асмим̣ убарибхавзязва бариниб̣б̣аанад̇хаммо. анаавад̇д̇ид̇хаммод̇и д̇ад̇о б̣рахмалогаа буна бадисанд̇хивасзна анаавад̇д̇анад̇хаммо. жзд̇овимуд̇д̇инд̇и жид̇д̇ависуд̣̇д̇хим̣, саб̣б̣агилзсаб̣анд̇ханавимуд̇д̇асса арахад̇д̇апалажид̇д̇ассзд̇ам̣ ад̇хиважанам̣. бан̃н̃аавимуд̇д̇инд̇и зд̇т̇ааби саб̣б̣агилзсаб̣анд̇ханавимуд̇д̇аа арахад̇д̇апалабан̃н̃аава бан̃н̃аавимуд̇д̇ийд̇и взд̣̇ид̇аб̣б̣аа. д̣̇идтзва д̇хаммзд̇и имасмим̣язва ад̇д̇абхаавз. саяанд̇и саамам̣. абхин̃н̃аад̇и абхиж̇аанид̇ваа. сажчигад̇ваад̇и бажжагкам̣ гад̇ваа. ат̇а ваа абхин̃н̃аа сажчигад̇ваад̇и абхин̃н̃ааяа абхивисидтзна н̃аан̣зна сажчигарид̇ваад̇иби ад̇т̇о. убасамбаж̇ж̇аад̇и бад̇ваа бадилабхид̇ваа. ид̣̇ам̣ суд̇ваа лижчавирааж̇аа жинд̇зси – ‘‘аяам̣ бана д̇хаммо на сагун̣зна вияа уббад̇ид̇ваа, нааби г̇од̇хааяа вияа урзна г̇анд̇ваа саггаа бадивиж̇жхид̇ум̣ , ад̣̇д̇хаа бана имам̣ бадивиж̇жханд̇асса буб̣б̣абхааг̇аббадибад̣̇ааяа бхавид̇аб̣б̣ам̣, бужчаами д̇аава на’’нд̇и.
Tanuttāti pariyuṭṭhānamandatāya ca kadāci karahaci uppattiyā ca tanubhāvā. Orambhāgiyānanti heṭṭhābhāgiyānaṃ, ye hi baddho upari suddhāvāsabhūmiyaṃ nibbattituṃ na sakkoti. Opapātikoti sesayonipaṭikkhepavacanametaṃ. Tattha parinibbāyīti tasmiṃ uparibhaveyeva parinibbānadhammo. Anāvattidhammoti tato brahmalokā puna paṭisandhivasena anāvattanadhammo. Cetovimuttinti cittavisuddhiṃ, sabbakilesabandhanavimuttassa arahattaphalacittassetaṃ adhivacanaṃ. Paññāvimuttinti etthāpi sabbakilesabandhanavimuttā arahattaphalapaññāva paññāvimuttīti veditabbā. Diṭṭheva dhammeti imasmiṃyeva attabhāve. Sayanti sāmaṃ. Abhiññāti abhijānitvā. Sacchikatvāti paccakkhaṃ katvā. Atha vā abhiññā sacchikatvāti abhiññāya abhivisiṭṭhena ñāṇena sacchikaritvātipi attho. Upasampajjāti patvā paṭilabhitvā. Idaṃ sutvā licchavirājā cintesi – ‘‘ayaṃ pana dhammo na sakuṇena viya uppatitvā, nāpi godhāya viya urena gantvā sakkā paṭivijjhituṃ , addhā pana imaṃ paṭivijjhantassa pubbabhāgappaṭipadāya bhavitabbaṃ, pucchāmi tāva na’’nti.
арияаадтан̇г̇игамаг̇г̇аван̣н̣анаа
Ariyaaṭṭhaṅgikamaggavaṇṇanā
374-375. д̇ад̇о бхаг̇аванд̇ам̣ бужчанд̇о ‘‘ад̇т̇и бана бханд̇з’’д̇иаад̣̇имааха. адтан̇г̇игод̇и бан̃жан̇г̇игам̣ д̇урияам̣ вияа адтан̇г̇иго г̇аамо вияа жа адтан̇г̇амад̇д̇оязва худ̇ваа адтан̇г̇иго, на ан̇г̇ад̇о ан̃н̃о маг̇г̇о наама ад̇т̇и. д̇знзвааха – ‘‘сзяяат̇ид̣̇ам̣, саммаад̣̇идти…бз… саммаасамаад̇хий’’д̇и. д̇ад̇т̇а саммаад̣̇ассаналагкан̣аа саммаад̣̇идти. саммаа абхиниробаналагкан̣о саммаасан̇габбо. саммаа бариг̇г̇ахан̣алагкан̣аа саммааваажаа. саммаа самудтаабаналагкан̣о саммаагамманд̇о. саммаа вод̣̇аабаналагкан̣о саммааааж̇ийво. саммаа баг̇г̇ахалагкан̣о саммаавааяаамо. саммаа убадтааналагкан̣аа саммаасад̇и. саммаа самаад̇хааналагкан̣о саммаасамаад̇хи. зд̇зсу згзгасса д̇ийн̣и д̇ийн̣и гижжаани хонд̇и. сзяяат̇ид̣̇ам̣, саммаад̣̇идти д̇аава ан̃н̃зхиби ад̇д̇ано бажжанийгагилзсзхи сад̣̇д̇хим̣ мижчаад̣̇идтим̣ баж̇ахад̇и, нирод̇хам̣ аарамман̣ам̣ гарод̇и, самбаяуд̇д̇ад̇хаммз жа бассад̇и д̇аббадижчаад̣̇агамохавид̇хаманавасзна асаммохад̇о. саммаасан̇габбаад̣̇аяоби д̇ат̇зва мижчаасан̇габбаад̣̇ийни баж̇аханд̇и, нирод̇хан̃жа аарамман̣ам̣ гаронд̇и, висзсад̇о банзд̇т̇а саммаасан̇габбо сахаж̇аад̇ад̇хаммз абхиниробзд̇и. саммааваажаа саммаа бариг̇г̇ан̣хад̇и. саммаагамманд̇о саммаа самудтаабзд̇и. саммааааж̇ийво саммаа вод̣̇аабзд̇и. саммаавааяаамо саммаа баг̇г̇ан̣хад̇и. саммаасад̇и саммаа убадтаабзд̇и. саммаасамаад̇хи саммаа бад̣̇ахад̇и.
374-375. Tato bhagavantaṃ pucchanto ‘‘atthi pana bhante’’tiādimāha. Aṭṭhaṅgikoti pañcaṅgikaṃ turiyaṃ viya aṭṭhaṅgiko gāmo viya ca aṭṭhaṅgamattoyeva hutvā aṭṭhaṅgiko, na aṅgato añño maggo nāma atthi. Tenevāha – ‘‘seyyathidaṃ, sammādiṭṭhi…pe… sammāsamādhī’’ti. Tattha sammādassanalakkhaṇā sammādiṭṭhi. Sammā abhiniropanalakkhaṇo sammāsaṅkappo. Sammā pariggahaṇalakkhaṇā sammāvācā. Sammā samuṭṭhāpanalakkhaṇo sammākammanto. Sammā vodāpanalakkhaṇo sammāājīvo. Sammā paggahalakkhaṇo sammāvāyāmo. Sammā upaṭṭhānalakkhaṇā sammāsati. Sammā samādhānalakkhaṇo sammāsamādhi. Etesu ekekassa tīṇi tīṇi kiccāni honti. Seyyathidaṃ, sammādiṭṭhi tāva aññehipi attano paccanīkakilesehi saddhiṃ micchādiṭṭhiṃ pajahati, nirodhaṃ ārammaṇaṃ karoti, sampayuttadhamme ca passati tappaṭicchādakamohavidhamanavasena asammohato. Sammāsaṅkappādayopi tatheva micchāsaṅkappādīni pajahanti, nirodhañca ārammaṇaṃ karonti, visesato panettha sammāsaṅkappo sahajātadhamme abhiniropeti. Sammāvācā sammā pariggaṇhati. Sammākammanto sammā samuṭṭhāpeti. Sammāājīvo sammā vodāpeti. Sammāvāyāmo sammā paggaṇhati. Sammāsati sammā upaṭṭhāpeti. Sammāsamādhi sammā padahati.
аби жзсаа саммаад̣̇идти наама буб̣б̣абхааг̇з наанаагкан̣аа наанаарамман̣аа ход̇и, маг̇г̇агкан̣з згагкан̣аа згаарамман̣аа. гижжад̇о бана ‘‘д̣̇угкз н̃аан̣а’’нд̇иаад̣̇ийни жад̇д̇аари наамаани лабхад̇и. саммаасан̇габбаад̣̇аяоби буб̣б̣абхааг̇з наанаагкан̣аа наанаарамман̣аа хонд̇и. маг̇г̇агкан̣з згагкан̣аа згаарамман̣аа. д̇зсу саммаасан̇габбо гижжад̇о ‘‘нзгкаммасан̇габбо’’д̇иаад̣̇ийни д̇ийн̣и наамаани лабхад̇и. саммаа ваажаад̣̇аяо д̇иссо вирад̇ияоби хонд̇и, жзд̇анаад̣̇аяоби хонд̇и, маг̇г̇агкан̣з бана вирад̇иязва. саммаавааяаамо саммаасад̇ийд̇и ид̣̇амби д̣̇ваяам̣ гижжад̇о саммаббад̇хаанасад̇ибадтаанавасзна жад̇д̇аари наамаани лабхад̇и. саммаасамаад̇хи бана буб̣б̣абхааг̇зби маг̇г̇агкан̣зби саммаасамаад̇хиязва.
Api cesā sammādiṭṭhi nāma pubbabhāge nānākkhaṇā nānārammaṇā hoti, maggakkhaṇe ekakkhaṇā ekārammaṇā. Kiccato pana ‘‘dukkhe ñāṇa’’ntiādīni cattāri nāmāni labhati. Sammāsaṅkappādayopi pubbabhāge nānākkhaṇā nānārammaṇā honti. Maggakkhaṇe ekakkhaṇā ekārammaṇā. Tesu sammāsaṅkappo kiccato ‘‘nekkhammasaṅkappo’’tiādīni tīṇi nāmāni labhati. Sammā vācādayo tisso viratiyopi honti, cetanādayopi honti, maggakkhaṇe pana viratiyeva. Sammāvāyāmo sammāsatīti idampi dvayaṃ kiccato sammappadhānasatipaṭṭhānavasena cattāri nāmāni labhati. Sammāsamādhi pana pubbabhāgepi maggakkhaṇepi sammāsamādhiyeva.
ид̇и имзсу адтасу д̇хаммзсу бхаг̇авад̇аа ниб̣б̣аанаад̇хиг̇амааяа бадибаннасса яог̇ино б̣ахугаарад̇д̇аа батамам̣ саммаад̣̇идти д̣̇зсид̇аа. аяан̃хи ‘‘бан̃н̃аабаж̇ж̇од̇о бан̃н̃аасад̇т̇а’’нд̇и (д̇ха. са. 20) жа вуд̇д̇аа. д̇асмаа зд̇ааяа буб̣б̣абхааг̇з вибассанаан̃аан̣асан̇каад̇ааяа саммаад̣̇идтияаа авиж̇ж̇анд̇хагаарам̣ вид̇хамид̇ваа гилзсажорз гхаад̇знд̇о кзмзна яог̇ааважаро ниб̣б̣аанам̣ баабун̣аад̇и. д̇зна вуд̇д̇ам̣ – ‘‘ниб̣б̣аанаад̇хиг̇амааяа бадибаннасса яог̇ино б̣ахугаарад̇д̇аа батамам̣ саммаад̣̇идти д̣̇зсид̇аа’’д̇и.
Iti imesu aṭṭhasu dhammesu bhagavatā nibbānādhigamāya paṭipannassa yogino bahukārattā paṭhamaṃ sammādiṭṭhi desitā. Ayañhi ‘‘paññāpajjoto paññāsattha’’nti (dha. sa. 20) ca vuttā. Tasmā etāya pubbabhāge vipassanāñāṇasaṅkhātāya sammādiṭṭhiyā avijjandhakāraṃ vidhamitvā kilesacore ghātento khemena yogāvacaro nibbānaṃ pāpuṇāti. Tena vuttaṃ – ‘‘nibbānādhigamāya paṭipannassa yogino bahukārattā paṭhamaṃ sammādiṭṭhi desitā’’ti.
саммаасан̇габбо бана д̇ассаа б̣ахугааро, д̇асмаа д̇ад̣̇ананд̇арам̣ вуд̇д̇о. яат̇аа хи хзран̃н̃иго хад̇т̇зна бариваддзд̇ваа бариваддзд̇ваа жагкунаа гахаабан̣ам̣ ологзнд̇о – ‘‘аяам̣ чзго, аяам̣ гуудо’’д̇и ж̇аанаад̇и. звам̣ яог̇ааважароби буб̣б̣абхааг̇з вид̇аггзна вид̇аггзд̇ваа вибассанаабан̃н̃ааяа ологаяамаано – ‘‘имз д̇хаммаа гаамааважараа, имз д̇хаммаа руубааважараад̣̇аяо’’д̇и баж̇аанаад̇и. яат̇аа ваа бана бурисзна годияам̣ г̇ахзд̇ваа бариваддзд̇ваа бариваддзд̇ваа д̣̇иннам̣ махааругкам̣ д̇ажчаго ваасияаа д̇ажчзд̇ваа гаммз убанзд̇и, звам̣ вид̇аггзна вид̇аггзд̇ваа вид̇аггзд̇ваа д̣̇иннз д̇хаммз яог̇ааважаро бан̃н̃ааяа – ‘‘имз гаамааважараа, имз руубааважараа’’д̇иаад̣̇инаа наязна барижчинд̣̇ид̇ваа гаммз убанзд̇и . д̇зна вуд̇д̇ам̣ – ‘‘саммаасан̇габбо бана д̇ассаа б̣ахугааро, д̇асмаа д̇ад̣̇ананд̇арам̣ вуд̇д̇о’’д̇и. свааяам̣ яат̇аа саммаад̣̇идтияаа звам̣ саммааваажааяаби убагаараго. яат̇ааха – ‘‘буб̣б̣з ко, висаака, вид̇аггзд̇ваа вижаарзд̇ваа бажчаа ваажам̣ бхинд̣̇ад̇ий’’д̇и, (ма. ни. 1.463) д̇асмаа д̇ад̣̇ананд̇арам̣ саммааваажаа вуд̇д̇аа.
Sammāsaṅkappo pana tassā bahukāro, tasmā tadanantaraṃ vutto. Yathā hi heraññiko hatthena parivaṭṭetvā parivaṭṭetvā cakkhunā kahāpaṇaṃ olokento – ‘‘ayaṃ cheko, ayaṃ kūṭo’’ti jānāti. Evaṃ yogāvacaropi pubbabhāge vitakkena vitakketvā vipassanāpaññāya olokayamāno – ‘‘ime dhammā kāmāvacarā, ime dhammā rūpāvacarādayo’’ti pajānāti. Yathā vā pana purisena koṭiyaṃ gahetvā parivaṭṭetvā parivaṭṭetvā dinnaṃ mahārukkhaṃ tacchako vāsiyā tacchetvā kamme upaneti, evaṃ vitakkena vitakketvā vitakketvā dinne dhamme yogāvacaro paññāya – ‘‘ime kāmāvacarā, ime rūpāvacarā’’tiādinā nayena paricchinditvā kamme upaneti . Tena vuttaṃ – ‘‘sammāsaṅkappo pana tassā bahukāro, tasmā tadanantaraṃ vutto’’ti. Svāyaṃ yathā sammādiṭṭhiyā evaṃ sammāvācāyapi upakārako. Yathāha – ‘‘pubbe kho, visākha, vitakketvā vicāretvā pacchā vācaṃ bhindatī’’ti, (ma. ni. 1.463) tasmā tadanantaraṃ sammāvācā vuttā.
яасмаа бана – ‘‘ид̣̇ан̃жид̣̇ан̃жа гариссаамаа’’д̇и батамам̣ ваажааяа сам̣вид̣̇ахид̇ваа логз гамманд̇з баяож̇знд̇и; д̇асмаа ваажаа гааяагаммасса убагааригаад̇и саммааваажааяа ананд̇арам̣ саммаагамманд̇о вуд̇д̇о. жад̇уб̣б̣ид̇хам̣ бана важийд̣̇ужжарид̇ам̣, д̇ивид̇хан̃жа гааяад̣̇ужжарид̇ам̣ бахааяа убхаяам̣ сужарид̇ам̣ буурзнд̇ассзва яасмаа ааж̇ийвадтамагам̣ сийлам̣ буурзд̇и, на ид̇арасса, д̇асмаа д̇ад̣̇убхаяаананд̇арам̣ саммааааж̇ийво вуд̇д̇о. звам̣ висуд̣̇д̇хааж̇ийвзна бана ‘‘барисуд̣̇д̇хо мз ааж̇ийво’’д̇и зд̇д̇аавад̇аа жа барид̇осам̣ гад̇ваа суд̇д̇абамад̇д̇зна вихарид̇ум̣ на яуд̇д̇ам̣, ат̇а ко ‘‘саб̣б̣ирияаабат̇зсу ид̣̇ам̣ вийрияам̣ самаарабхид̇аб̣б̣а’’нд̇и д̣̇ассзд̇ум̣ д̇ад̣̇ананд̇арам̣ саммаавааяаамо вуд̇д̇о. д̇ад̇о ‘‘аарад̣̇д̇хавийриязнаби гааяаад̣̇ийсу жад̇уусу вад̇т̇уусу сад̇и суубадтид̇аа гаад̇аб̣б̣аа’’д̇и д̣̇ассанад̇т̇ам̣ д̇ад̣̇ананд̇арам̣ саммаасад̇и д̣̇зсид̇аа. яасмаа банзвам̣ суубадтид̇аа сад̇и самаад̇хиссубагаараанубагаараанам̣ д̇хаммаанам̣ г̇ад̇ияо саманнзсид̇ваа баход̇и згад̇д̇аарамман̣з жид̇д̇ам̣ самаад̇хаад̇ум̣, д̇асмаа саммаасад̇ияаа ананд̇арам̣ саммаасамаад̇хи д̣̇зсид̇од̇и взд̣̇ид̇аб̣б̣о. зд̇зсам̣ д̇хаммаанам̣ сажчигирияааяаад̇и зд̇зсам̣ сод̇аабад̇д̇ипалаад̣̇ийнам̣ бажжагкагирияад̇т̇ааяа.
Yasmā pana – ‘‘idañcidañca karissāmā’’ti paṭhamaṃ vācāya saṃvidahitvā loke kammante payojenti; tasmā vācā kāyakammassa upakārikāti sammāvācāya anantaraṃ sammākammanto vutto. Catubbidhaṃ pana vacīduccaritaṃ, tividhañca kāyaduccaritaṃ pahāya ubhayaṃ sucaritaṃ pūrentasseva yasmā ājīvaṭṭhamakaṃ sīlaṃ pūreti, na itarassa, tasmā tadubhayānantaraṃ sammāājīvo vutto. Evaṃ visuddhājīvena pana ‘‘parisuddho me ājīvo’’ti ettāvatā ca paritosaṃ katvā suttapamattena viharituṃ na yuttaṃ, atha kho ‘‘sabbiriyāpathesu idaṃ vīriyaṃ samārabhitabba’’nti dassetuṃ tadanantaraṃ sammāvāyāmo vutto. Tato ‘‘āraddhavīriyenapi kāyādīsu catūsu vatthūsu sati sūpaṭṭhitā kātabbā’’ti dassanatthaṃ tadanantaraṃ sammāsati desitā. Yasmā panevaṃ sūpaṭṭhitā sati samādhissupakārānupakārānaṃ dhammānaṃ gatiyo samannesitvā pahoti ekattārammaṇe cittaṃ samādhātuṃ, tasmā sammāsatiyā anantaraṃ sammāsamādhi desitoti veditabbo. Etesaṃ dhammānaṃ sacchikiriyāyāti etesaṃ sotāpattiphalādīnaṃ paccakkhakiriyatthāya.
д̣̇вз баб̣б̣аж̇ид̇авад̇т̇уван̣н̣анаа
Dve pabbajitavatthuvaṇṇanā
376-377. згамид̣̇ааханд̇и ид̣̇ам̣ гасмаа аарад̣̇д̇хам̣? аяам̣ гира рааж̇аа – ‘‘руубам̣ ад̇д̇аа’’д̇и звам̣лад̣̇д̇хиго, д̇знасса д̣̇зсанааяа жид̇д̇ам̣ наад̇химужжад̇и. ат̇а бхаг̇авад̇аа д̇асса лад̣̇д̇хияаа аавигаран̣ад̇т̇ам̣ згам̣ гааран̣ам̣ аахарид̇ум̣ ид̣̇амаарад̣̇д̇хам̣. д̇ад̇рааяам̣ сан̇кзбад̇т̇о – ‘‘ахам̣ згам̣ самаяам̣ гхосид̇аараамз вихараами, д̇ад̇ра васанд̇ам̣ мам̣ д̇з д̣̇вз баб̣б̣аж̇ид̇аа звам̣ бужчим̣су. ат̇аахам̣ д̇зсам̣ б̣уд̣̇д̇хуббаад̣̇ам̣ д̣̇ассзд̇ваа д̇анд̇ид̇хаммам̣ наама гат̇знд̇о ид̣̇амавожам̣ – ‘‘аавусо, сад̣̇д̇хаасамбанно наама гулабуд̇д̇о зваруубасса сад̇т̇у саасанз баб̣б̣аж̇ид̇о, звам̣ д̇ивид̇хам̣ сийлам̣ буурзд̇ваа батамаж̇жхаанаад̣̇ийни бад̇ваа тид̇о ‘д̇ам̣ ж̇ийва’нд̇иаад̣̇ийни вад̣̇зяяа, яуд̇д̇ам̣ ну ко зд̇амассаа’’д̇и? д̇ад̇о д̇зхи ‘‘яуд̇д̇а’’нд̇и вуд̇д̇з ‘‘ахам̣ ко банзд̇ам̣, аавусо, звам̣ ж̇аанаами, звам̣ бассаами, ат̇а жа банаахам̣ на вад̣̇аамий’’д̇и д̇ам̣ ваад̣̇ам̣ бадигкибид̇ваа уд̇д̇ари кийн̣аасавам̣ д̣̇ассзд̇ваа ‘‘имасса звам̣ вад̇д̇ум̣ на яуд̇д̇а’’нд̇и авожам̣. д̇з мама важанам̣ суд̇ваа ад̇д̇аманаа ахзсунд̇и. звам̣ вуд̇д̇з соби ад̇д̇амано ахоси . д̇знааха – ‘‘ид̣̇амавожа бхаг̇аваа. ад̇д̇амано одтад̣̇д̇хо лижчавий бхаг̇авад̇о бхаасид̇ам̣ абхинанд̣̇ий’’д̇и.
376-377.Ekamidāhanti idaṃ kasmā āraddhaṃ? Ayaṃ kira rājā – ‘‘rūpaṃ attā’’ti evaṃladdhiko, tenassa desanāya cittaṃ nādhimuccati. Atha bhagavatā tassa laddhiyā āvikaraṇatthaṃ ekaṃ kāraṇaṃ āharituṃ idamāraddhaṃ. Tatrāyaṃ saṅkhepattho – ‘‘ahaṃ ekaṃ samayaṃ ghositārāme viharāmi, tatra vasantaṃ maṃ te dve pabbajitā evaṃ pucchiṃsu. Athāhaṃ tesaṃ buddhuppādaṃ dassetvā tantidhammaṃ nāma kathento idamavocaṃ – ‘‘āvuso, saddhāsampanno nāma kulaputto evarūpassa satthu sāsane pabbajito, evaṃ tividhaṃ sīlaṃ pūretvā paṭhamajjhānādīni patvā ṭhito ‘taṃ jīva’ntiādīni vadeyya, yuttaṃ nu kho etamassā’’ti? Tato tehi ‘‘yutta’’nti vutte ‘‘ahaṃ kho panetaṃ, āvuso, evaṃ jānāmi, evaṃ passāmi, atha ca panāhaṃ na vadāmī’’ti taṃ vādaṃ paṭikkhipitvā uttari khīṇāsavaṃ dassetvā ‘‘imassa evaṃ vattuṃ na yutta’’nti avocaṃ. Te mama vacanaṃ sutvā attamanā ahesunti. Evaṃ vutte sopi attamano ahosi . Tenāha – ‘‘idamavoca bhagavā. Attamano oṭṭhaddho licchavī bhagavato bhāsitaṃ abhinandī’’ti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
махаалисуд̇д̇аван̣н̣анаа нидтид̇аа.
Mahālisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 6. махаалисуд̇д̇ам̣ • 6. Mahālisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 6. махаалисуд̇д̇аван̣н̣анаа • 6. Mahālisuttavaṇṇanā
