| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
6. махаалисуд̇д̇аван̣н̣анаа
6. Mahālisuttavaṇṇanā
б̣раахман̣ад̣̇ууд̇авад̇т̇уван̣н̣анаа
Brāhmaṇadūtavatthuvaṇṇanā
359. бунаббунам̣ висаалийбхаавуубаг̇аманад̇од̇и буб̣б̣з гира буд̇д̇ад̇хийд̇увасзна д̣̇вз д̣̇вз худ̇ваа сол̣асагкад̇д̇ум̣ ж̇аад̇аанам̣ лижчавийрааж̇агумаараанам̣ сабариваараанам̣ ануггамзнзва вад̣дханд̇аанам̣ ниваасанадтаанаараамуяяаанабогкаран̣ийаад̣̇ийнам̣ бад̇идтаанасса аббахонагад̇ааяа наг̇арам̣ д̇игкад̇д̇ум̣ г̇аавуд̇анд̇арзна г̇аавуд̇анд̇арзна баригкибим̣су, д̇знасса бунаббунам̣ висаалийбхаавам̣ г̇ад̇ад̇д̇аа ‘‘взсаалий’’ д̇взва наамам̣ ж̇аад̇ам̣, д̇зна вуд̇д̇ам̣ ‘‘бунаббунам̣ висаалийбхаавуубаг̇аманад̇о взсаалийд̇и лад̣̇д̇ханаамагз наг̇арз’’д̇и. саяам̣ж̇аад̇анд̇и саяамзва ж̇аад̇ам̣ аробимам̣. маханд̇абхаавзнзваад̇и ругкаг̇ажчаанам̣, тид̇огаасасса жа маханд̇абхаавзна, д̇знааха ‘‘химаванд̇зна сад̣̇д̇хим̣ згааб̣ад̣̇д̇хам̣ худ̇ваа’’д̇и. гуудааг̇аарасаалаасан̇кзбзнаад̇и хам̣саваддагажчаннзна гуудааг̇аарасаалаанияаамзна. госалзсу ж̇аад̇аа, бхаваа ваа, д̇ам̣ ваа радтам̣ ниваасо зд̇зсанд̇и госалагаа. звам̣ мааг̇ад̇хагаа взд̣̇ид̇аб̣б̣аа. яасса агаран̣з буг̇г̇ало махааж̇аанияо ход̇и, д̇ам̣ гаран̣ам̣ арахад̇ийд̇и гаран̣ийяам̣ д̇зна гаран̣ийязна, д̇знааха ‘‘авассам̣ гад̇д̇аб̣б̣агаммзнаа’’д̇и. д̇ам̣ гижжанд̇и вужжад̇и сад̇и самавааяз гаад̇аб̣б̣ад̇о.
359.Punappunaṃvisālībhāvūpagamanatoti pubbe kira puttadhītuvasena dve dve hutvā soḷasakkhattuṃ jātānaṃ licchavīrājakumārānaṃ saparivārānaṃ anukkameneva vaḍḍhantānaṃ nivāsanaṭṭhānārāmuyyānapokkharaṇīādīnaṃ patiṭṭhānassa appahonakatāya nagaraṃ tikkhattuṃ gāvutantarena gāvutantarena parikkhipiṃsu, tenassa punappunaṃ visālībhāvaṃ gatattā ‘‘vesālī’’ tveva nāmaṃ jātaṃ, tena vuttaṃ ‘‘punappunaṃ visālībhāvūpagamanato vesālīti laddhanāmake nagare’’ti. Sayaṃjātanti sayameva jātaṃ aropimaṃ. Mahantabhāvenevāti rukkhagacchānaṃ, ṭhitokāsassa ca mahantabhāvena, tenāha ‘‘himavantena saddhiṃ ekābaddhaṃ hutvā’’ti. Kūṭāgārasālāsaṅkhepenāti haṃsavaṭṭakacchannena kūṭāgārasālāniyāmena. Kosalesu jātā, bhavā vā, taṃ vā raṭṭhaṃ nivāso etesanti kosalakā. Evaṃ māgadhakā veditabbā. Yassa akaraṇe puggalo mahājāniyo hoti, taṃ karaṇaṃ arahatīti karaṇīyaṃ tena karaṇīyena, tenāha ‘‘avassaṃ kattabbakammenā’’ti. Taṃ kiccanti vuccati sati samavāye kātabbato.
360. яаа б̣уд̣̇д̇хаанам̣ уббаж̇ж̇анаарахаа наанад̇д̇асан̃н̃аа, д̇аасам̣ васзна наанаарамман̣аажаарад̇о. самбхаванд̇ассзва бадисзд̇хо. бадиггаммаад̇и нивад̇д̇ид̇ваа д̇ат̇аа жид̇д̇ам̣ ануббаад̣̇зд̇ваа. саллийнод̇и жхаанасамаабад̇д̇ияаа згад̇д̇аарамман̣ам̣ аллийно.
360. Yā buddhānaṃ uppajjanārahā nānattasaññā, tāsaṃ vasena nānārammaṇācārato. Sambhavantasseva paṭisedho. Paṭikkammāti nivattitvā tathā cittaṃ anuppādetvā. Sallīnoti jhānasamāpattiyā ekattārammaṇaṃ allīno.
одтад̣̇д̇халижчавийвад̇т̇уван̣н̣анаа
Oṭṭhaddhalicchavīvatthuvaṇṇanā
361. ад̣̇д̇ходтад̇ааяаад̇и д̇асса гира уд̇д̇ародтам̣ аббагад̇ааяа д̇ирияам̣ паалзд̇ваа абанийд̇ад̣̇д̇хам̣ вияа кааяад̇и жад̇д̇ааро д̣̇анд̇з, д̣̇вз жа д̣̇аатаа на чаад̣̇зд̇и, д̇зна нам̣ ‘‘одтад̣̇д̇хо’’д̇и вохаранд̇и. аяам̣ гира убаасаго сад̣̇д̇хо басанно д̣̇ааяаго д̣̇аанабад̇и б̣уд̣̇д̇хамаамаго д̇хаммамаамаго сан̇гхамаамаго, д̇знааха бурзбхад̇д̇анд̇иаад̣̇и.
361.Addhoṭṭhatāyāti tassa kira uttaroṭṭhaṃ appakatāya tiriyaṃ phāletvā apanītaddhaṃ viya khāyati cattāro dante, dve ca dāṭhā na chādeti, tena naṃ ‘‘oṭṭhaddho’’ti voharanti. Ayaṃ kira upāsako saddho pasanno dāyako dānapati buddhamāmako dhammamāmako saṅghamāmako, tenāha purebhattantiādi.
362. саасанз яуд̇д̇абаяуд̇д̇од̇и бхааванам̣ ануяуд̇д̇о. саб̣б̣ад̇т̇а сийхасамаанавуд̇д̇иноби бхаг̇авад̇о барисааяа маханд̇з сад̇и д̇ад̣̇аж̇жхаасаяаануруубам̣ бавад̇д̇ияамаанааяа д̇хаммад̣̇зсанааяа висзсо ход̇ийд̇и ааха ‘‘маханд̇зна уссаахзна д̇хаммам̣ д̣̇зсзссад̇ий’’д̇и.
362.Sāsaneyuttapayuttoti bhāvanaṃ anuyutto. Sabbattha sīhasamānavuttinopi bhagavato parisāya mahante sati tadajjhāsayānurūpaṃ pavattiyamānāya dhammadesanāya viseso hotīti āha ‘‘mahantena ussāhena dhammaṃ desessatī’’ti.
‘‘виссаасиго’’д̇и вад̇ваа д̇амасса виссаасигабхаавам̣ вибхаавзд̇ум̣ ‘‘аяан̃хий’’д̇иаад̣̇и вуд̇д̇ам̣. т̇зрасса кийн̣аа савассасад̇о ааласияабхааво ‘‘аббахийно’’д̇и на вад̇д̇аб̣б̣о, ваасанаалзсам̣ бана убаад̣̇ааяааха ‘‘ийсагам̣ аббахийно вияа ход̇ий’’д̇и. на хи саавагаанам̣ саваасанаа гилзсаа бахийяанд̇и.
‘‘Vissāsiko’’ti vatvā tamassa vissāsikabhāvaṃ vibhāvetuṃ ‘‘ayañhī’’tiādi vuttaṃ. Therassa khīṇā savassasato ālasiyabhāvo ‘‘appahīno’’ti na vattabbo, vāsanālesaṃ pana upādāyāha ‘‘īsakaṃ appahīno viya hotī’’ti. Na hi sāvakānaṃ savāsanā kilesā pahīyanti.
363. винзяяаж̇анаанурод̇хзна б̣уд̣̇д̇хаанам̣ баадихаарияавиж̇амбханам̣ ход̇ийд̇и вуд̇д̇ам̣ ‘‘ат̇а ко бхаг̇аваа’’д̇иаад̣̇и, д̇знзвааха ‘‘сам̣суужид̇анигкамано’’д̇и. г̇анд̇хагудид̇о нигкаманавзлааяан̃хи чаб̣б̣ан̣н̣аа б̣уд̣̇д̇харасмияо аавзл̣аавзл̣ааяамалааяамалаа худ̇ваа сависзсаа бабхассараа винижчарим̣су.
363. Vineyyajanānurodhena buddhānaṃ pāṭihāriyavijambhanaṃ hotīti vuttaṃ ‘‘atha kho bhagavā’’tiādi, tenevāha ‘‘saṃsūcitanikkhamano’’ti. Gandhakuṭito nikkhamanavelāyañhi chabbaṇṇā buddharasmiyo āveḷāveḷāyamalāyamalā hutvā savisesā pabhassarā vinicchariṃsu.
364. д̇ад̇о баранд̇и ‘‘хияяо’’д̇и вуд̇д̇ад̣̇ивасад̇о ананд̇арам̣ барам̣ буримад̇арам̣ ад̇исаязна буримад̇д̇аа. ид̇и имзсу д̣̇вийсу вавад̇т̇ид̇о яат̇ааггамам̣ буримабуримад̇арабхааво. звам̣ санд̇зби яад̣̇зд̇т̇а ‘‘буримад̇ара’’нд̇и вуд̇д̇ам̣, д̇ад̇о бабхуд̇и яам̣ яам̣ орам̣, д̇ам̣ д̇ам̣ буримам̣, яам̣ яам̣ барам̣, д̇ам̣ д̇ам̣ буримад̇арам̣, орабаарабхаавасса вияа буримабуримад̇арабхаавасса жа абзгкаасид̣̇д̇хид̇о, д̇знааха ‘‘д̇ад̇о бадтааяаа’’д̇иаад̣̇и. муулад̣̇ивасад̇о бадтааяаад̇иаад̣̇ид̣̇ивасад̇о бадтааяа. аг̇г̇анд̇и батамам̣. д̇ам̣ банзд̇т̇а бараа ад̇ийд̇аа годи ход̇ийд̇и ааха ‘‘барагодим̣ гад̇ваа’’д̇и. яам̣-сад̣̇д̣̇аяог̇зна жааяам̣ ‘‘вихараамий’’д̇и вад̇д̇амаанаббаяог̇о, ад̇т̇о бана ад̇ийд̇агаалавасзнзва взд̣̇ид̇аб̣б̣о, д̇знааха ‘‘вихаасинд̇и вуд̇д̇ам̣ ход̇ий’’д̇и. батамавигаббз ‘‘вихараамий’’д̇и бад̣̇асса ‘‘яад̣̇аг̇г̇з’’д̇и иминаа уж̇угам̣ самб̣анд̇хо д̣̇ассид̇о, д̣̇уд̇ияавигаббз бана ‘‘д̇ийн̣и вассааний’’д̇и иминааби.
364.Tato paranti ‘‘hiyyo’’ti vuttadivasato anantaraṃ paraṃ purimataraṃ atisayena purimattā. Iti imesu dvīsu vavatthito yathākkamaṃ purimapurimatarabhāvo. Evaṃ santepi yadettha ‘‘purimatara’’nti vuttaṃ, tato pabhuti yaṃ yaṃ oraṃ, taṃ taṃ purimaṃ, yaṃ yaṃ paraṃ, taṃ taṃ purimataraṃ, orapārabhāvassa viya purimapurimatarabhāvassa ca apekkhāsiddhito, tenāha ‘‘tato paṭṭhāyā’’tiādi. Mūladivasato paṭṭhāyātiādidivasato paṭṭhāya. Agganti paṭhamaṃ. Taṃ panettha parā atītā koṭi hotīti āha ‘‘parakoṭiṃ katvā’’ti. Yaṃ-saddayogena cāyaṃ ‘‘viharāmī’’ti vattamānappayogo, attho pana atītakālavaseneva veditabbo, tenāha ‘‘vihāsinti vuttaṃ hotī’’ti. Paṭhamavikappe ‘‘viharāmī’’ti padassa ‘‘yadagge’’ti iminā ujukaṃ sambandho dassito, dutiyavikappe pana ‘‘tīṇi vassānī’’ti imināpi.
бияаж̇аад̇игаанийд̇и идтасабхааваани. саад̇аж̇аад̇игаанийд̇и мад̇хурасабхааваани. мад̇хурам̣ вияаад̇и хи ‘‘мад̇хура’’нд̇и вужжад̇и манорамам̣ яам̣ гин̃жи. гаамуубасан̃хид̇аанийд̇и аарамман̣ам̣ гаронд̇зна гаамзна убасам̣хид̇аани, гааманийяаанийд̇и ад̇т̇о, д̇знааха ‘‘гаамассаад̣̇аяуд̇д̇ааний’’д̇и, гаамассаад̣̇асса яуд̇д̇аани яог̇яаанийд̇и ад̇т̇о. сарийрасан̣таанзд̇и сарийраб̣имб̣з, аад̇хаарз жзд̇ам̣ бхуммам̣. д̇асмаа сад̣̇д̣̇знаад̇и д̇ам̣ ниссааяа д̇ад̇о уббаннзна сад̣̇д̣̇знаад̇и ад̇т̇о. мад̇хурзнаад̇и идтзна. зд̇д̇аавад̇аад̇и д̣̇иб̣б̣асод̇ан̃аан̣асса баригаммаагат̇анамад̇д̇зна. ‘‘ад̇д̇анаа н̃аад̇амби на гат̇зд̇и, гимасса саасанз ад̇хидтаанзнаа’’д̇и гуж̇жханд̇о аагхаад̇ам̣ б̣анд̇хид̇ваа саха гуж̇жханзнзва жхаанаабхин̃н̃аахи барихааяи. жинд̇зсийд̇и ‘‘гасмаа ну ко маяхам̣ д̇ам̣ баригаммам̣ на гат̇зсий’’д̇и баривид̇аггзнд̇о аяонисо уммуж̇ж̇анавасзна жинд̇зси. ануггамзнаад̇и баат̇игасуд̇д̇з ааг̇ад̇анаязна д̇ам̣ д̇ам̣ аяуд̇д̇амзва жинд̇знд̇о, бхаасанд̇о, гаронд̇о жа ануггамзна. бхаг̇авад̇и б̣ад̣̇д̇хаагхаад̇ад̇ааяа саасанз бад̇идтам̣ алабханд̇о г̇ихибхаавам̣ бад̇ваа.
Piyajātikānīti iṭṭhasabhāvāni. Sātajātikānīti madhurasabhāvāni. Madhuraṃ viyāti hi ‘‘madhura’’nti vuccati manoramaṃ yaṃ kiñci. Kāmūpasañhitānīti ārammaṇaṃ karontena kāmena upasaṃhitāni, kāmanīyānīti attho, tenāha ‘‘kāmassādayuttānī’’ti, kāmassādassa yuttāni yogyānīti attho. Sarīrasaṇṭhāneti sarīrabimbe, ādhāre cetaṃ bhummaṃ. Tasmā saddenāti taṃ nissāya tato uppannena saddenāti attho. Madhurenāti iṭṭhena. Ettāvatāti dibbasotañāṇassa parikammākathanamattena. ‘‘Attanā ñātampi na katheti, kimassa sāsane adhiṭṭhānenā’’ti kujjhanto āghātaṃ bandhitvā saha kujjhaneneva jhānābhiññāhi parihāyi. Cintesīti ‘‘kasmā nu kho mayhaṃ taṃ parikammaṃ na kathesī’’ti parivitakkento ayoniso ummujjanavasena cintesi. Anukkamenāti pāthikasutte āgatanayena taṃ taṃ ayuttameva cintento, bhāsanto, karonto ca anukkamena. Bhagavati baddhāghātatāya sāsane patiṭṭhaṃ alabhanto gihibhāvaṃ patvā.
згам̣сабхаавид̇асамаад̇хиван̣н̣анаа
Ekaṃsabhāvitasamādhivaṇṇanā
366-371. згам̣сааяаад̇и д̇ад̣̇ад̇т̇зязва жад̇уд̇т̇ий, д̇асмаа згам̣сад̇т̇анд̇и ад̇т̇о. ам̣са-сад̣̇д̣̇о жзд̇т̇а годтаасабарияааяо, со жа ад̇хигаарад̇о д̣̇иб̣б̣аруубад̣̇ассанад̣̇иб̣б̣асад̣̇д̣̇ассаванавасзна взд̣̇ид̇аб̣б̣од̇и ааха ‘‘згагодтаасааяаа’’д̇иаад̣̇и. ануд̣̇исааяаад̇и бурад̇т̇имад̣̇агкин̣аад̣̇ибхзд̣̇ааяа жад̇уб̣б̣ид̇хааяа ануд̣̇исааяа. убхаяагодтаасааяаад̇и д̣̇иб̣б̣аруубад̣̇ассанад̇т̇ааяа, д̣̇иб̣б̣асад̣̇д̣̇ассаванад̇т̇ааяа жа. бхаавид̇од̇и яат̇аа д̣̇иб̣б̣ажагкун̃аан̣ам̣, д̣̇иб̣б̣асод̇ан̃аан̣ан̃жа самад̇хиг̇ад̇ам̣ ход̇и, звам̣ бхаавид̇о. д̇аяид̣̇ам̣ висум̣ висум̣ баригаммагаран̣зна иж̇жханд̇ийсу вад̇д̇аб̣б̣ам̣ над̇т̇и, згаж̇жхам̣ иж̇жханд̇ийсуби гамзнзва гижжасид̣̇д̇хи згаж̇жхам̣ гижжасид̣̇д̇хияаа асамбхавад̇о. баал̣ияамби згасса убхаяасамад̇т̇ад̇аасанд̣̇ассанад̇т̇амзва ‘‘д̣̇иб̣б̣аанан̃жа руубаанам̣ д̣̇ассанааяа, д̣̇иб̣б̣аанан̃жа сад̣̇д̣̇аанам̣ саванааяаа’’д̇и вуд̇д̇ам̣, на згаж̇жхам̣ гижжасид̣̇д̇хисамбхавад̇о. ‘‘згам̣сабхаавид̇о самаад̇хихзд̇уу’’д̇и иминаа сунагкад̇д̇о д̣̇иб̣б̣ажагкун̃аан̣ааяа зва баригаммасса гад̇ад̇д̇аа виж̇ж̇амаанамби д̣̇иб̣б̣асад̣̇д̣̇ам̣ наассоссийд̇и д̣̇ассзд̇и. абан̣н̣аганд̇и авираж̇жханагам̣, анаваж̇ж̇анд̇и ваа ад̇т̇о.
366-371.Ekaṃsāyāti tadattheyeva catutthī, tasmā ekaṃsatthanti attho. Aṃsa-saddo cettha koṭṭhāsapariyāyo, so ca adhikārato dibbarūpadassanadibbasaddassavanavasena veditabboti āha ‘‘ekakoṭṭhāsāyā’’tiādi. Anudisāyāti puratthimadakkhiṇādibhedāya catubbidhāya anudisāya. Ubhayakoṭṭhāsāyāti dibbarūpadassanatthāya, dibbasaddassavanatthāya ca. Bhāvitoti yathā dibbacakkhuñāṇaṃ, dibbasotañāṇañca samadhigataṃ hoti, evaṃ bhāvito. Tayidaṃ visuṃ visuṃ parikammakaraṇena ijjhantīsu vattabbaṃ natthi, ekajjhaṃ ijjhantīsupi kameneva kiccasiddhi ekajjhaṃ kiccasiddhiyā asambhavato. Pāḷiyampi ekassa ubhayasamatthatāsandassanatthameva ‘‘dibbānañca rūpānaṃ dassanāya, dibbānañca saddānaṃ savanāyā’’ti vuttaṃ, na ekajjhaṃ kiccasiddhisambhavato. ‘‘Ekaṃsabhāvito samādhihetū’’ti iminā sunakkhatto dibbacakkhuñāṇāya eva parikammassa katattā vijjamānampi dibbasaddaṃ nāssossīti dasseti. Apaṇṇakanti avirajjhanakaṃ, anavajjanti vā attho.
372. ‘‘самаад̇хи зва’’ бхаавзд̇аб̣б̣адтзна самаад̇хибхааванаа. ‘‘д̣̇иб̣б̣асод̇ан̃аан̣ам̣ сздта’’нд̇и ман̃н̃амаанзнааби махаалинаа д̣̇иб̣б̣ажагкун̃аан̣амби д̇зна саха г̇ахзд̇ваа ‘‘зд̇аасам̣ нууна бханд̇з’’д̇иаад̣̇инаа бужчид̇анд̇и ‘‘убхаяам̣сабхаавид̇аанам̣ самаад̇хийнанд̇и ад̇т̇о’’д̇и вуд̇д̇ам̣. б̣аахираа зд̇аа самаад̇хибхааванаа анияяаанигад̇д̇аа. д̇аа хи ид̇о б̣аахирагаанамби иж̇жханд̇и. на аж̇жхад̇д̇игаа бхаг̇авад̇о саамуггам̣сигабхаавзна аббавзд̣̇ид̇ад̇д̇аа. яад̣̇ад̇т̇анд̇и язсам̣ ад̇т̇ааяа. д̇зд̇и д̇з арияапалад̇хаммз. д̇з хи сажчигаад̇аб̣б̣аад̇и.
372. ‘‘Samādhi eva’’ bhāvetabbaṭṭhena samādhibhāvanā. ‘‘Dibbasotañāṇaṃ seṭṭha’’nti maññamānenāpi mahālinā dibbacakkhuñāṇampi tena saha gahetvā ‘‘etāsaṃ nūna bhante’’tiādinā pucchitanti ‘‘ubhayaṃsabhāvitānaṃ samādhīnanti attho’’ti vuttaṃ. Bāhirāetā samādhibhāvanā aniyyānikattā. Tā hi ito bāhirakānampi ijjhanti. Na ajjhattikā bhagavato sāmukkaṃsikabhāvena appaveditattā. Yadatthanti yesaṃ atthāya. Teti te ariyaphaladhamme. Te hi sacchikātabbāti.
жад̇уарияапалаван̣н̣анаа
Catuariyaphalavaṇṇanā
373. д̇асмаад̇и ваддад̣̇угкз сам̣яож̇анад̇о. ‘‘маг̇г̇асод̇ам̣ аабанно’’д̇и паладтасса васзна вуд̇д̇ам̣. маг̇г̇адто хи маг̇г̇асод̇ам̣ аабаж̇ж̇ад̇и. д̇знзвааха ‘‘сод̇аабаннз’’д̇и, ‘‘сод̇аабад̇д̇ипаласажчигирияааяа бадибаннз’’д̇и (ма. ни. 3.379) жа. абад̇анад̇хаммод̇и ануббаж̇ж̇ана- (ма. ни. 3.379) сабхааво. д̇хамманияаамзнаад̇и маг̇г̇ад̇хамманияаамзна. хздтиманд̇ад̇о сад̇д̇амабхавад̇о убари ануббаж̇ж̇анад̇хаммад̇ааяа ваа нияад̇о. барам̣ аяанам̣ барааг̇ад̇и.
373.Tasmāti vaṭṭadukkhe saṃyojanato. ‘‘Maggasotaṃ āpanno’’ti phalaṭṭhassa vasena vuttaṃ. Maggaṭṭho hi maggasotaṃ āpajjati. Tenevāha ‘‘sotāpanne’’ti, ‘‘sotāpattiphalasacchikiriyāya paṭipanne’’ti (ma. ni. 3.379) ca. Apatanadhammoti anuppajjana- (ma. ni. 3.379) sabhāvo. Dhammaniyāmenāti maggadhammaniyāmena. Heṭṭhimantato sattamabhavato upari anuppajjanadhammatāya vā niyato. Paraṃ ayanaṃ parāgati.
д̇ануд̇д̇ам̣ наама бавад̇д̇ияаа манд̣̇ад̇аа, вирал̣ад̇аа жаад̇и ааха ‘‘д̇ануд̇д̇аа’’д̇иаад̣̇и. хздтаабхааг̇ияаананд̇и хздтаабхааг̇асса гаамабхавассабажжаяабхаавзна хид̇аанам̣. обабаад̇игод̇и убабаад̇иго убабад̇анз саад̇хугаарийд̇и гад̇ваа. вимужжад̇ийд̇и вимуд̇д̇и, жид̇д̇амзва вимуд̇д̇и жзд̇овимуд̇д̇ийд̇и ааха ‘‘саб̣б̣агилзса…бз… ад̇хиважана’’нд̇и. жид̇д̇асийсзна жзд̇т̇а самаад̇хи г̇ахид̇о ‘‘жид̇д̇ам̣ бан̃н̃ан̃жа бхааваяа’’нд̇и. аад̣̇ийсу (сам̣. ни. 1.23; бздаго. 22; ми. ба. 2.9) вияа. бан̃н̃аавимуд̇д̇ийд̇и зд̇т̇ааби зсзва наяо, д̇знааха ‘‘бан̃н̃аава бан̃н̃аавимуд̇д̇ий’’д̇и. сааманд̇и ад̇д̇анаава, абараббажжаязнаад̇и ад̇т̇о. абхин̃н̃аад̇и яа-гааралобзна нид̣̇д̣̇зсод̇и ааха ‘‘абхиж̇аанид̇ваа’’д̇и.
Tanuttaṃ nāma pavattiyā mandatā, viraḷatā cāti āha ‘‘tanuttā’’tiādi. Heṭṭhābhāgiyānanti heṭṭhābhāgassa kāmabhavassapaccayabhāvena hitānaṃ. Opapātikoti upapātiko upapatane sādhukārīti katvā. Vimuccatīti vimutti, cittameva vimutti cetovimuttīti āha ‘‘sabbakilesa…pe… adhivacana’’nti. Cittasīsena cettha samādhi gahito ‘‘cittaṃ paññañca bhāvaya’’nti. Ādīsu (saṃ. ni. 1.23; peṭako. 22; mi. pa. 2.9) viya. Paññāvimuttīti etthāpi eseva nayo, tenāha ‘‘paññāva paññāvimuttī’’ti. Sāmanti attanāva, aparappaccayenāti attho. Abhiññāti ya-kāralopena niddesoti āha ‘‘abhijānitvā’’ti.
арияаадтан̇г̇игамаг̇г̇аван̣н̣анаа
Ariyaaṭṭhaṅgikamaggavaṇṇanā
374-5. арияасааваго ниб̣б̣аанам̣, арияапалан̃жа бадибаж̇ж̇ад̇и зд̇ааяаад̇и бадибад̣̇аа, саа жа д̇асса буб̣б̣абхааг̇о зваад̇и ид̇ха ‘‘буб̣б̣абхааг̇абадибад̣̇ааяаа’’д̇и арияамаг̇г̇амааха. ‘‘адта ан̇г̇аани ассаа’’д̇и ан̃н̃абад̣̇ад̇т̇асамаасам̣ агад̇ваа адтан̇г̇аани асса санд̇ийд̇и адтан̇г̇игод̇и бад̣̇асид̣̇д̇хи д̣̇адтаб̣б̣аа.
374-5. Ariyasāvako nibbānaṃ, ariyaphalañca paṭipajjati etāyāti paṭipadā, sā ca tassa pubbabhāgo evāti idha ‘‘pubbabhāgapaṭipadāyā’’ti ariyamaggamāha. ‘‘Aṭṭha aṅgāni assā’’ti aññapadatthasamāsaṃ akatvā aṭṭhaṅgāni assa santīti aṭṭhaṅgikoti padasiddhi daṭṭhabbā.
саммаа авибарийд̇ам̣ яаат̇аавад̇о жад̇уннам̣ арияасажжаанам̣ бажжагкад̇о д̣̇ассанасабхааваа саммаа д̣̇ассаналагкан̣аа. саммад̣̇зва ниб̣б̣аанаарамман̣з жид̇д̇асса абхиниробанасабхааво саммаа абхиниробаналагкан̣о. жад̇уран̇г̇асаманнааг̇ад̇аа ваажаа ж̇анам̣ сан̇г̇ан̣хаад̇ийд̇и д̇аб̣б̣ибагкавирад̇исабхааваа саммааваажаа бхзд̣̇агарамижчааваажаабахаанзна ж̇анз самбаяуд̇д̇з жа бариг̇г̇ан̣ханагижжавад̇ий ход̇ийд̇и саммаа бариг̇г̇ахан̣алагкан̣аа. яат̇аа жийварагаммаад̣̇иго гамманд̇о згам̣ гаад̇аб̣б̣ам̣ самудтаабзд̇и, д̇ам̣ д̇ам̣ гирияаанибпаад̣̇аго ваа жзд̇анаасан̇каад̇о гамманд̇о хад̇т̇абаад̣̇ажаланаад̣̇игам̣ гирияам̣ самудтаабзд̇и, звам̣ сааваж̇ж̇агад̇д̇аб̣б̣агирияаасамудтаабагамижчаагамманд̇аббахаанзна саммаагамманд̇о нираваж̇ж̇асамудтаабанагижжаваа ход̇и, самбаяуд̇д̇з жа самудтаабзнд̇о зва бавад̇д̇ад̇ийд̇и саммаа самудтаабаналагкан̣о саммаагамманд̇о. гааяаваажаанам̣, канд̇хасанд̇аанасса жа сам̣гилзсабхууд̇амижчааж̇ийваббахаанзна саммаа вод̣̇аабаналагкан̣о саммааааж̇ийво. госаж̇ж̇абагкад̇о бад̇ид̇ум̣ ад̣̇ад̇ваа самбаяуд̇д̇ад̇хаммаанам̣ баг̇г̇ан̣ханасабхаавод̇и саммаа баг̇г̇аахалагкан̣о саммаавааяаамо. саммад̣̇зва убадтаанасабхааваад̇и саммаа убадтааналагкан̣аа саммаасад̇и. вигкзбавид̣̇д̇хам̣санзна саммад̣̇зва жид̇д̇асса самаад̣̇аханасабхаавод̇и саммаа самаад̇хааналагкан̣о саммаасамаад̇хи.
Sammā aviparītaṃ yāthāvato catunnaṃ ariyasaccānaṃ paccakkhato dassanasabhāvā sammā dassanalakkhaṇā. Sammadeva nibbānārammaṇe cittassa abhiniropanasabhāvo sammā abhiniropanalakkhaṇo. Caturaṅgasamannāgatā vācā janaṃ saṅgaṇhātīti tabbipakkhaviratisabhāvā sammāvācā bhedakaramicchāvācāpahānena jane sampayutte ca pariggaṇhanakiccavatī hotīti sammā pariggahaṇalakkhaṇā. Yathā cīvarakammādiko kammanto ekaṃ kātabbaṃ samuṭṭhāpeti, taṃ taṃ kiriyānipphādako vā cetanāsaṅkhāto kammanto hatthapādacalanādikaṃ kiriyaṃ samuṭṭhāpeti, evaṃ sāvajjakattabbakiriyāsamuṭṭhāpakamicchākammantappahānena sammākammanto niravajjasamuṭṭhāpanakiccavā hoti, sampayutte ca samuṭṭhāpento eva pavattatīti sammā samuṭṭhāpanalakkhaṇo sammākammanto. Kāyavācānaṃ, khandhasantānassa ca saṃkilesabhūtamicchājīvappahānena sammā vodāpanalakkhaṇo sammāājīvo. Kosajjapakkhato patituṃ adatvā sampayuttadhammānaṃ paggaṇhanasabhāvoti sammā paggāhalakkhaṇo sammāvāyāmo. Sammadeva upaṭṭhānasabhāvāti sammā upaṭṭhānalakkhaṇā sammāsati. Vikkhepaviddhaṃsanena sammadeva cittassa samādahanasabhāvoti sammā samādhānalakkhaṇo sammāsamādhi.
ад̇д̇ано бажжанийгагилзсаа д̣̇идтзгадтаа авиж̇ж̇аад̣̇аяо. бассад̇ийд̇и багаасзд̇и гижжабадивзд̇хзна бадивиж̇жхад̇и, д̇знааха ‘‘д̇аббадижчаад̣̇ага…бз… асаммохад̇о’’д̇и. д̇знзва хи саммаад̣̇идтисан̇каад̇зна ан̇г̇зна д̇ад̇т̇а бажжавзгкан̣аа бавад̇д̇ад̇ийд̇и д̇ат̇зваад̇и ад̇д̇ано бажжанийгагилзсзхи сад̣̇д̇хинд̇и ад̇т̇о.
Attano paccanīkakilesā diṭṭhekaṭṭhā avijjādayo. Passatīti pakāseti kiccapaṭivedhena paṭivijjhati, tenāha ‘‘tappaṭicchādaka…pe… asammohato’’ti. Teneva hi sammādiṭṭhisaṅkhātena aṅgena tattha paccavekkhaṇā pavattatīti tathevāti attano paccanīkakilesehi saddhinti attho.
гижжад̇од̇и буб̣б̣абхааг̇зхи д̣̇угкаад̣̇ин̃аан̣зхи гаад̇аб̣б̣асса гижжасса ид̇ха саад̇исаяам̣ нибпад̇д̇ид̇о имассзва ваа н̃аан̣асса д̣̇угкаад̣̇иббагаасанагижжад̇о. жад̇д̇аари наамаани лабхад̇и жад̇уусу сажжзсу гаад̇аб̣б̣агижжанибпад̇д̇ид̇о. д̇ийн̣и наамаани лабхад̇и гаамасан̇габбаад̣̇иббахаанагижжанибпад̇д̇ид̇о. сигкаабад̣̇авибхан̇г̇з (вибха. 703) ‘‘вирад̇ижзд̇анаа, саб̣б̣з самбаяуд̇д̇ад̇хаммаа жа сигкаабад̣̇ааний’’д̇и вужжанд̇ийд̇и д̇ад̇т̇а бад̇хаанаанам̣ вирад̇ижзд̇анаанам̣ васзна ‘‘вирад̇ияоби хонд̇и жзд̇анааяобий’’д̇и ааха. мусааваад̣̇аад̣̇ийхи вираман̣агаалз ваа вирад̇ияо, субхаасид̇аад̣̇иваажаабхаасанаад̣̇игаалз жа жзд̇анааяо яож̇зд̇аб̣б̣аа. маг̇г̇агкан̣з вирад̇ияова жзд̇анаанам̣ амаг̇г̇ан̇г̇ад̇д̇аа згасса н̃аан̣асса д̣̇угкаад̣̇ин̃аан̣ад̇аа вияа, згааяа вирад̇ияаа мусааваад̣̇аад̣̇ивирад̇ибхааво вияа жа згааяа жзд̇анааяа саммааваажаад̣̇игижжад̇д̇аяасаад̇ханасабхааваабхааваа саммааваажаад̣̇ибхааваасид̣̇д̇хид̇о, д̇ам̣сид̣̇д̇хияан̃жа ан̇г̇ад̇д̇аяад̇д̇аасид̣̇д̇хид̇о жа. саммаббад̇хаанасад̇ибадтаанавасзнаад̇и жад̇усаммаббад̇хаанажад̇усад̇ибадтаанабхаававасзна.
Kiccatoti pubbabhāgehi dukkhādiñāṇehi kātabbassa kiccassa idha sātisayaṃ nipphattito imasseva vā ñāṇassa dukkhādippakāsanakiccato. Cattāri nāmāni labhati catūsu saccesu kātabbakiccanipphattito. Tīṇi nāmāni labhati kāmasaṅkappādippahānakiccanipphattito. Sikkhāpadavibhaṅge (vibha. 703) ‘‘viraticetanā, sabbe sampayuttadhammā ca sikkhāpadānī’’ti vuccantīti tattha padhānānaṃ viraticetanānaṃ vasena ‘‘viratiyopihonti cetanāyopī’’ti āha. Musāvādādīhi viramaṇakāle vā viratiyo, subhāsitādivācābhāsanādikāle ca cetanāyo yojetabbā. Maggakkhaṇe viratiyova cetanānaṃ amaggaṅgattā ekassa ñāṇassa dukkhādiñāṇatā viya, ekāya viratiyā musāvādādiviratibhāvo viya ca ekāya cetanāya sammāvācādikiccattayasādhanasabhāvābhāvā sammāvācādibhāvāsiddhito, taṃsiddhiyañca aṅgattayattāsiddhito ca. Sammappadhānasatipaṭṭhānavasenāti catusammappadhānacatusatipaṭṭhānabhāvavasena.
буб̣б̣абхааг̇зби маг̇г̇агкан̣зби саммаасамаад̇хиязваад̇и. яад̣̇иби самаад̇хиубагаарагаанам̣ абхиниробанаанумаж̇ж̇анасамбияааяанаб̣рууханасанд̇асукаанам̣ вид̇аггаад̣̇ийнам̣ васзна жад̇уухи жхаанзхи саммаасамаад̇хи вибхад̇д̇о, д̇ат̇ааби вааяаамо вияа ануббаннаагусалаануббаад̣̇анаад̣̇ижад̇увааяаамагижжам̣, сад̇и вияа жа асубхаасукаанижжаанад̇д̇зсу гааяаад̣̇ийсу субхаад̣̇исан̃н̃аабахаанажад̇усад̇игижжам̣ зго самаад̇хи жад̇уггаж̇жхаанасамаад̇хигижжам̣ на саад̇хзд̇ийд̇и буб̣б̣абхааг̇зби батамаж̇жхаанасамаад̇хи батамаж̇жхаанасамаад̇хи зва маг̇г̇агкан̣зби, д̇ат̇аа буб̣б̣абхааг̇зби жад̇уд̇т̇аж̇жхаанасамаад̇хи жад̇уд̇т̇аж̇жхаанасамаад̇хи зва маг̇г̇агкан̣збийд̇и ад̇т̇о.
Pubbabhāgepi maggakkhaṇepi sammāsamādhiyevāti. Yadipi samādhiupakārakānaṃ abhiniropanānumajjanasampiyāyanabrūhanasantasukhānaṃ vitakkādīnaṃ vasena catūhi jhānehi sammāsamādhi vibhatto, tathāpi vāyāmo viya anuppannākusalānuppādanādicatuvāyāmakiccaṃ, sati viya ca asubhāsukhāniccānattesu kāyādīsu subhādisaññāpahānacatusatikiccaṃ eko samādhi catukkajjhānasamādhikiccaṃ na sādhetīti pubbabhāgepi paṭhamajjhānasamādhi paṭhamajjhānasamādhi eva maggakkhaṇepi, tathā pubbabhāgepi catutthajjhānasamādhi catutthajjhānasamādhi eva maggakkhaṇepīti attho.
д̇асмаад̇и бан̃н̃аабаж̇ж̇од̇ад̇д̇аа авиж̇ж̇анд̇хагаарам̣ вид̇хамид̇ваа бан̃н̃аасад̇т̇ад̇д̇аа гилзсажорз гхаад̇знд̇о. б̣ахугаарад̇д̇аад̇и явааяам̣ анаад̣̇имад̇и сам̣саарз иминаа гад̣̇аажиби асамуг̇гхаадид̇абуб̣б̣о гилзсаг̇ан̣о д̇асса самуг̇гхаадаго арияамаг̇г̇о . д̇ад̇т̇а жааяам̣ саммаад̣̇идти барин̃н̃аабхисамаяаад̣̇ивасзна бавад̇д̇ияаа буб̣б̣ан̇г̇амаа ход̇ийд̇и б̣ахугаараа, д̇асмаа б̣ахугаарад̇д̇аа.
Tasmāti paññāpajjotattā avijjandhakāraṃ vidhamitvā paññāsatthattā kilesacore ghātento. Bahukārattāti yvāyaṃ anādimati saṃsāre iminā kadācipi asamugghāṭitapubbo kilesagaṇo tassa samugghāṭako ariyamaggo . Tattha cāyaṃ sammādiṭṭhi pariññābhisamayādivasena pavattiyā pubbaṅgamā hotīti bahukārā, tasmā bahukārattā.
д̇ассаад̇и саммаад̣̇идтияаа. ‘‘б̣ахугааро’’д̇и вад̇ваа д̇ам̣ б̣ахугаарад̇ам̣ убамааяа вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. ‘‘аяам̣’’ д̇амб̣агам̣саад̣̇имаяад̇д̇аа гуудо. аяам̣ самасаарад̇ааяа махаасаарад̇ааяа чзго. званд̇и яат̇аа хзран̃н̃игасса жагкунаа д̣̇исваа гахаабан̣авибхааг̇аж̇аананз гаран̣анд̇арам̣ б̣ахугаарам̣ яад̣̇ид̣̇ам̣ хад̇т̇о, звам̣ яог̇ааважарасса бан̃н̃ааяа ологзд̇ваа д̇хаммавибхааг̇аж̇аананз д̇хамманд̇арам̣ б̣ахугаарам̣ яад̣̇ид̣̇ам̣ вид̇агго вид̇аггзд̇ваа д̇ад̣̇аваб̣од̇хад̇о, д̇асмаа саммаасан̇габбо саммаад̣̇идтияаа б̣ахугаарод̇и ад̇хиббааяо. д̣̇уд̇ияаубамааяам̣ званд̇и яат̇аа д̇ажчаго барзна баривад̇д̇зд̇ваа баривад̇д̇зд̇ваа д̣̇иннам̣ д̣̇аб̣б̣асамбхаарам̣ ваасияаа д̇ажчзд̇ваа г̇зхагаран̣агаммз убанзд̇и, звам̣ яог̇ааважаро вид̇аггзна лагкан̣аад̣̇ид̇о вид̇аггзд̇ваа д̣̇иннад̇хаммз яаат̇аавад̇о барижчинд̣̇ид̇ваа барин̃н̃аабхисамаяаад̣̇игаммз убанзд̇ийд̇и яож̇анаа. важийбхзд̣̇асса убагаараго вид̇агго сааваж̇ж̇аанаваж̇ж̇аважийбхзд̣̇анивад̇д̇анабавад̇д̇анагарааяа саммааваажааяаби убагаараго зваад̇и ‘‘свааяа’’нд̇иаад̣̇и вуд̇д̇ам̣.
Tassāti sammādiṭṭhiyā. ‘‘Bahukāro’’ti vatvā taṃ bahukārataṃ upamāya vibhāvetuṃ ‘‘yathā hī’’tiādi vuttaṃ. ‘‘Ayaṃ’’ tambakaṃsādimayattā kūṭo. Ayaṃ samasāratāya mahāsāratāya cheko. Evanti yathā heraññikassa cakkhunā disvā kahāpaṇavibhāgajānane karaṇantaraṃ bahukāraṃ yadidaṃ hattho, evaṃ yogāvacarassa paññāya oloketvā dhammavibhāgajānane dhammantaraṃ bahukāraṃ yadidaṃ vitakko vitakketvā tadavabodhato, tasmā sammāsaṅkappo sammādiṭṭhiyā bahukāroti adhippāyo. Dutiyaupamāyaṃ evanti yathā tacchako parena parivattetvā parivattetvā dinnaṃ dabbasambhāraṃ vāsiyā tacchetvā gehakaraṇakamme upaneti, evaṃ yogāvacaro vitakkena lakkhaṇādito vitakketvā dinnadhamme yāthāvato paricchinditvā pariññābhisamayādikamme upanetīti yojanā. Vacībhedassa upakārako vitakko sāvajjānavajjavacībhedanivattanapavattanakarāya sammāvācāyapi upakārako evāti ‘‘svāya’’ntiādi vuttaṃ.
важийбхзд̣̇асса нияаамигаа ваажаа гааяигагирияаанияаамагасса гамманд̇асса убагааригаа. д̇ад̣̇убхаяаананд̇аранд̇и д̣̇ужжарид̇ад̣̇ваяабахааяагасса сужарид̇ад̣̇ваяабаарибуурихзд̇убхууд̇асса саммааваажаасаммаагамманд̇ад̣̇ваяасса ананд̇арам̣. ид̣̇ам̣ вийрияанд̇и жад̇уб̣б̣ид̇хам̣ саммаббад̇хаанавийрияам̣. инд̣̇рияасамад̇аад̣̇аяо самаад̇хисса убагаарад̇хаммаа. д̇аб̣б̣ибарияааяад̇о абагаарад̇хаммаа взд̣̇ид̇аб̣б̣аа. г̇ад̇ияод̇и нибпад̇д̇ияо, гижжаад̣̇исабхаавз ваа. саманнзсид̇ваад̇и убад̇хаарзд̇ваа.
Vacībhedassa niyāmikā vācā kāyikakiriyāniyāmakassa kammantassa upakārikā. Tadubhayānantaranti duccaritadvayapahāyakassa sucaritadvayapāripūrihetubhūtassa sammāvācāsammākammantadvayassa anantaraṃ. Idaṃ vīriyanti catubbidhaṃ sammappadhānavīriyaṃ. Indriyasamatādayo samādhissa upakāradhammā. Tabbipariyāyato apakāradhammā veditabbā. Gatiyoti nipphattiyo, kiccādisabhāve vā. Samannesitvāti upadhāretvā.
д̣̇взбаб̣б̣аж̇ид̇авад̇т̇уван̣н̣анаа
Dvepabbajitavatthuvaṇṇanā
376-7. ‘‘гасмаа аарад̣̇д̇ха’’нд̇и анусанд̇хигааран̣ам̣ бужчид̇ваа д̇ам̣ вибхаавзд̇ум̣ ‘‘аяам̣ гираа’’д̇иаад̣̇и вуд̇д̇ам̣, д̇зна аж̇жхаасаяаанусанд̇хивасзна убари д̣̇зсанаа бавад̇д̇аад̇и д̣̇ассзд̇и. д̇знаад̇и д̇ат̇аалад̣̇д̇хигад̇д̇аа. ассаад̇и лижчавийран̃н̃о. д̣̇зсанааяаад̇и сан̣хасукумааяам̣ сун̃н̃ад̇абадисам̣яуд̇д̇ааяам̣ яат̇аад̣̇зсид̇ад̣̇зсанааяам̣. наад̇химужжад̇ийд̇и на сад̣̇д̣̇ахад̇и на басийд̣̇ад̇и. д̇анд̇ид̇хаммам̣ наама гат̇знд̇од̇и язсам̣ ад̇т̇ааяа д̇хаммо гат̇ийяад̇и, д̇асмим̣ д̇зсам̣ асад̇иби маг̇г̇абадивзд̇хз гзвалам̣ саасанз д̇анд̇ид̇хаммам̣ гад̇ваа гат̇знд̇о. зваруубассаад̇и саммаасамб̣уд̣̇д̇хад̇д̇аа авибарийд̇ад̇хаммад̣̇зсанад̇ааяа звам̣баагадад̇хаммагааяасса сад̇т̇у. яуд̇д̇ам̣ ну ко зд̇ам̣ ассаад̇и асса батамаж̇жхаанаад̣̇исамад̇хиг̇амзна самаахид̇ажид̇д̇асса гулабуд̇д̇асса зд̇ам̣ ‘‘д̇ам̣ ж̇ийва’’нд̇иаад̣̇инаа ужчзд̣̇аад̣̇иг̇аахаг̇ахан̣ам̣ аби ну яуд̇д̇анд̇и бужчад̇и. лад̣̇д̇хияаа бана жхаанаад̇хиг̇амамад̇д̇зна на д̇аава вивзжид̇ад̇д̇аа ‘‘д̇зхи яуд̇д̇а’’нд̇и вуд̇д̇ам̣ д̇ам̣ ваад̣̇ам̣ бадигкибид̇ваад̇и жхааналаабхиноби д̇ам̣ г̇ахан̣ам̣ ‘‘аяуд̇д̇амзваа’’д̇и д̇ам̣ ужчзд̣̇аваад̣̇ам̣ сассад̇аваад̣̇ам̣ ваа бадигкибид̇ваа. ад̇д̇аманаа ахзсунд̇и яасмаа кийн̣аасаво виг̇ад̇асаммохо д̇ин̣н̣авижигижчо, ‘‘д̇асмаа д̇асса д̇ат̇аа вад̇д̇ум̣ на яуд̇д̇а’’нд̇и уббаннанижчаяад̇ааяа д̇ам̣ мама важанам̣ суд̇ваа ад̇д̇аманаа ахзсунд̇и ад̇т̇о. соби лижчавий рааж̇аа д̇з вияа сан̃ж̇аад̇анижчаяад̇д̇аа ад̇д̇амано ахоси. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
376-7.‘‘Kasmā āraddha’’nti anusandhikāraṇaṃ pucchitvā taṃ vibhāvetuṃ ‘‘ayaṃ kirā’’tiādi vuttaṃ, tena ajjhāsayānusandhivasena upari desanā pavattāti dasseti. Tenāti tathāladdhikattā. Assāti licchavīrañño. Desanāyāti saṇhasukhumāyaṃ suññatapaṭisaṃyuttāyaṃ yathādesitadesanāyaṃ. Nādhimuccatīti na saddahati na pasīdati. Tantidhammaṃ nāma kathentoti yesaṃ atthāya dhammo kathīyati, tasmiṃ tesaṃ asatipi maggapaṭivedhe kevalaṃ sāsane tantidhammaṃ katvā kathento. Evarūpassāti sammāsambuddhattā aviparītadhammadesanatāya evaṃpākaṭadhammakāyassa satthu. Yuttaṃnu kho etaṃ assāti assa paṭhamajjhānādisamadhigamena samāhitacittassa kulaputtassa etaṃ ‘‘taṃ jīva’’ntiādinā ucchedādigāhagahaṇaṃ api nu yuttanti pucchati. Laddhiyā pana jhānādhigamamattena na tāva vivecitattā ‘‘tehi yutta’’nti vuttaṃ taṃ vādaṃ paṭikkhipitvāti jhānalābhinopi taṃ gahaṇaṃ ‘‘ayuttamevā’’ti taṃ ucchedavādaṃ sassatavādaṃ vā paṭikkhipitvā. Attamanā ahesunti yasmā khīṇāsavo vigatasammoho tiṇṇavicikiccho, ‘‘tasmā tassa tathā vattuṃ na yutta’’nti uppannanicchayatāya taṃ mama vacanaṃ sutvā attamanā ahesunti attho. Sopi licchavī rājā te viya sañjātanicchayattā attamano ahosi. Yaṃ panettha atthato avibhattaṃ, taṃ suviññeyyameva.
махаалисуд̇д̇аван̣н̣анааяа лийнад̇т̇аббагаасанаа.
Mahālisuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 6. махаалисуд̇д̇ам̣ • 6. Mahālisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 6. махаалисуд̇д̇аван̣н̣анаа • 6. Mahālisuttavaṇṇanā
