| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. မဟာလိသုတ္တဝဏ္ဏနာ
3. Mahālisuttavaṇṇanā
၂၅၉. သောတိ သက္ကော ဒေဝရာဇာ။ ဗဟုဝစနေ ဝတ္တဗ္ဗေ ဧကဝစနံ ဝုတ္တံ။ ဝုစ္စတီတိ ဝစနံ, အတ္ထော။ တသ္မာ ဗဟုဝစနေတိ ဗဟုမ္ဟိ အတ္ထေတိ အတ္ထော ။ ယထာ ပဋိပဇ္ဇန္တော အနုက္ကမေန တေ ဓမ္မေ သမာဒိယိတ္ဝာ သက္ကော သက္ကတ္တံ အဇ္ဈဂာ, တံ ပဋိပတ္တိံ ဒသ္သေတုံ ‘‘သက္ကော ကိရာ’’တိအာဒိ ဝုတ္တံ။ အနန္တရေတိ သက္ကဘာဝသ္သ အတီတာနန္တရေ အတ္တဘာဝေ။ တံ သဗ္ဗန္တိ သက္ကသ္သ မဃမာဏဝကာလေ သမ္မာပဋိပတ္တိံ, တာယ သက္ကဘာဝူပဂမနဉ္စာတိ တံ သဗ္ဗံ။ ဝုတ္တော, တသ္မာ တတ္ထ ဝုတ္တနယေနေဝ ဝေဒိတဗ္ဗောတိ အဓိပ္ပာယော။
259.Soti sakko devarājā. Bahuvacane vattabbe ekavacanaṃ vuttaṃ. Vuccatīti vacanaṃ, attho. Tasmā bahuvacaneti bahumhi attheti attho . Yathā paṭipajjanto anukkamena te dhamme samādiyitvā sakko sakkattaṃ ajjhagā, taṃ paṭipattiṃ dassetuṃ ‘‘sakko kirā’’tiādi vuttaṃ. Anantareti sakkabhāvassa atītānantare attabhāve. Taṃ sabbanti sakkassa maghamāṇavakāle sammāpaṭipattiṃ, tāya sakkabhāvūpagamanañcāti taṃ sabbaṃ. Vutto, tasmā tattha vuttanayeneva veditabboti adhippāyo.
မဟာလိသုတ္တဝဏ္ဏနာ နိဋ္ဌိတာ။
Mahālisuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. မဟာလိသုတ္တံ • 3. Mahālisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. မဟာလိသုတ္တဝဏ္ဏနာ • 3. Mahālisuttavaṇṇanā
