| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
9. மஹல்லகவிஹாரஸிக்கா²பத³வண்ணனா
9. Mahallakavihārasikkhāpadavaṇṇanā
135. யாவ த்³வாரகோஸாதி த்³வாரஸமீபா, யாவ பி⁴த்தீதி அத்தோ², தங் ஸுவுத்தங். கவாடவித்தா²ரப்பமாணோதி ஹத்த²பாஸஸ்ஸாதி⁴ப்பேதத்தா, ஸமந்தா கவாடவித்தா²ரப்பமாணஉபசாரஸ்ஸ க³ஹிதத்தா அபரிபூரஉபசாராபி ஹோதி. ஆலோகங் கரோதீதி ஆலோகங் ஸந்தே⁴தி பிதே⁴தீதி ஸந்தி⁴ ஏவ ஆலோகஸந்தி⁴னாமகா ஹொந்தி. வாதபானகவாடலேபகம்மே அப்பஹரிதட்டா²னகிச்சங் நத்தி².
135.Yāvadvārakosāti dvārasamīpā, yāva bhittīti attho, taṃ suvuttaṃ. Kavāṭavitthārappamāṇoti hatthapāsassādhippetattā, samantā kavāṭavitthārappamāṇaupacārassa gahitattā aparipūraupacārāpi hoti. Ālokaṃ karotīti ālokaṃ sandheti pidhetīti sandhi eva ālokasandhināmakā honti. Vātapānakavāṭalepakamme appaharitaṭṭhānakiccaṃ natthi.
136. இட்ட²காதி ச²த³னகபாலாஸிலாதி³இட்ட²கா. ச²த³னூபரீதி எத்த² பட²மங் தாவ ஏகவாரங் அபரிஸேஸங் சா²தெ³த்வா புன சா²த³னத³ண்ட³கே ப³ந்தி⁴த்வா து³தியவாரங் ததே²வ சா²தே³தப்³ப³ங். ‘‘ததியவாரசதுத்த²வாரே ஸம்பத்தே த்³வே மக்³கே³ அதி⁴ட்ட²ஹித்வா ததியமக்³க³ங் ஆணாபெத்வா பக்கமிதப்³ப³’’ந்தி வுத்தங், தங் ‘‘புனப்புனங் சா²தா³பேதீ’’தி இமினா யுஜ்ஜதி.
136.Iṭṭhakāti chadanakapālāsilādiiṭṭhakā. Chadanūparīti ettha paṭhamaṃ tāva ekavāraṃ aparisesaṃ chādetvā puna chādanadaṇḍake bandhitvā dutiyavāraṃ tatheva chādetabbaṃ. ‘‘Tatiyavāracatutthavāre sampatte dve magge adhiṭṭhahitvā tatiyamaggaṃ āṇāpetvā pakkamitabba’’nti vuttaṃ, taṃ ‘‘punappunaṃ chādāpetī’’ti iminā yujjati.
போராணா பன ‘‘பட²மவாரேயேவ தயோ மக்³கே³ அதி⁴ட்டா²துங் வட்டதி, சதுத்த²தோ பட்டா²ய ஆபத்தி பாசித்தியங், சதுத்த²லேபதோ பட்டா²ய ஆபத்தீ’’தி வத³ந்தி. தத்த² ச²த³னே வுத்தவிதி⁴னிதா³னேன ஸமேதி, லேபே வுத்தவிதி⁴திகச்சே²தே³ன ஸமேதி. ததா²பி ஸோ ந யுத்தோவ. நிதா³னே, அட்ட²கதா²யஞ்ச ஸித்³த⁴லேபத்தா ஸப்³ப³ஸோவாபி அச்ச²ன்னே, ச²ன்னேவாபி அனேகஸோ பரியாயஸ்ஸ ததியஸ்ஸேவ அதி⁴ட்டா²னந்தி நோ ஸமேதீதி ஆசரியோ. ‘‘த்³வே மக்³கே³’’தி, ‘‘த்³வே ச²த³னே’’தி ச ‘‘ததியவாரதோ பட்டா²ய ஏவங் சா²தா³பேஹீ’தி ஆணாபெத்வா பக்கமிதப்³ப³’’ந்தி ச உபதிஸ்ஸத்தே²ரோ வத³தி கிர.
Porāṇā pana ‘‘paṭhamavāreyeva tayo magge adhiṭṭhātuṃ vaṭṭati, catutthato paṭṭhāya āpatti pācittiyaṃ, catutthalepato paṭṭhāya āpattī’’ti vadanti. Tattha chadane vuttavidhinidānena sameti, lepe vuttavidhitikacchedena sameti. Tathāpi so na yuttova. Nidāne, aṭṭhakathāyañca siddhalepattā sabbasovāpi acchanne, channevāpi anekaso pariyāyassa tatiyasseva adhiṭṭhānanti no sametīti ācariyo. ‘‘Dve magge’’ti, ‘‘dve chadane’’ti ca ‘‘tatiyavārato paṭṭhāya evaṃ chādāpehī’ti āṇāpetvā pakkamitabba’’nti ca upatissatthero vadati kira.
மஹல்லகவிஹாரஸிக்கா²பத³வண்ணனா நிட்டி²தா.
Mahallakavihārasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. மஹல்லகவிஹாரஸிக்கா²பத³வண்ணனா • 9. Mahallakavihārasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. மஹல்லகவிஹாரஸிக்கா²பத³வண்ணனா • 9. Mahallakavihārasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 9. மஹல்லகவிஹாரஸிக்கா²பத³வண்ணனா • 9. Mahallakavihārasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 9. மஹல்லகவிஹாரஸிக்கா²பத³ங் • 9. Mahallakavihārasikkhāpadaṃ
