| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
৯. মহল্লকৰিহারসিক্খাপদৰণ্ণনা
9. Mahallakavihārasikkhāpadavaṇṇanā
১৩৫. যাৰ দ্ৰারকোসাতি দ্ৰারসমীপা, যাৰ ভিত্তীতি অত্থো, তং সুৰুত্তং। কৰাটৰিত্থারপ্পমাণোতি হত্থপাসস্সাধিপ্পেতত্তা, সমন্তা কৰাটৰিত্থারপ্পমাণউপচারস্স গহিতত্তা অপরিপূরউপচারাপি হোতি। আলোকং করোতীতি আলোকং সন্ধেতি পিধেতীতি সন্ধি এৰ আলোকসন্ধিনামকা হোন্তি। ৰাতপানকৰাটলেপকম্মে অপ্পহরিতট্ঠানকিচ্চং নত্থি।
135.Yāvadvārakosāti dvārasamīpā, yāva bhittīti attho, taṃ suvuttaṃ. Kavāṭavitthārappamāṇoti hatthapāsassādhippetattā, samantā kavāṭavitthārappamāṇaupacārassa gahitattā aparipūraupacārāpi hoti. Ālokaṃ karotīti ālokaṃ sandheti pidhetīti sandhi eva ālokasandhināmakā honti. Vātapānakavāṭalepakamme appaharitaṭṭhānakiccaṃ natthi.
১৩৬. ইট্ঠকাতি ছদনকপালাসিলাদিইট্ঠকা। ছদনূপরীতি এত্থ পঠমং তাৰ একৰারং অপরিসেসং ছাদেত্ৰা পুন ছাদনদণ্ডকে বন্ধিত্ৰা দুতিযৰারং তথেৰ ছাদেতব্বং। ‘‘ততিযৰারচতুত্থৰারে সম্পত্তে দ্ৰে মগ্গে অধিট্ঠহিত্ৰা ততিযমগ্গং আণাপেত্ৰা পক্কমিতব্ব’’ন্তি ৰুত্তং, তং ‘‘পুনপ্পুনং ছাদাপেতী’’তি ইমিনা যুজ্জতি।
136.Iṭṭhakāti chadanakapālāsilādiiṭṭhakā. Chadanūparīti ettha paṭhamaṃ tāva ekavāraṃ aparisesaṃ chādetvā puna chādanadaṇḍake bandhitvā dutiyavāraṃ tatheva chādetabbaṃ. ‘‘Tatiyavāracatutthavāre sampatte dve magge adhiṭṭhahitvā tatiyamaggaṃ āṇāpetvā pakkamitabba’’nti vuttaṃ, taṃ ‘‘punappunaṃ chādāpetī’’ti iminā yujjati.
পোরাণা পন ‘‘পঠমৰারেযেৰ তযো মগ্গে অধিট্ঠাতুং ৰট্টতি, চতুত্থতো পট্ঠায আপত্তি পাচিত্তিযং, চতুত্থলেপতো পট্ঠায আপত্তী’’তি ৰদন্তি। তত্থ ছদনে ৰুত্তৰিধিনিদানেন সমেতি, লেপে ৰুত্তৰিধিতিকচ্ছেদেন সমেতি। তথাপি সো ন যুত্তোৰ। নিদানে, অট্ঠকথাযঞ্চ সিদ্ধলেপত্তা সব্বসোৰাপি অচ্ছন্নে, ছন্নেৰাপি অনেকসো পরিযাযস্স ততিযস্সেৰ অধিট্ঠানন্তি নো সমেতীতি আচরিযো। ‘‘দ্ৰে মগ্গে’’তি, ‘‘দ্ৰে ছদনে’’তি চ ‘‘ততিযৰারতো পট্ঠায এৰং ছাদাপেহী’তি আণাপেত্ৰা পক্কমিতব্ব’’ন্তি চ উপতিস্সত্থেরো ৰদতি কির।
Porāṇā pana ‘‘paṭhamavāreyeva tayo magge adhiṭṭhātuṃ vaṭṭati, catutthato paṭṭhāya āpatti pācittiyaṃ, catutthalepato paṭṭhāya āpattī’’ti vadanti. Tattha chadane vuttavidhinidānena sameti, lepe vuttavidhitikacchedena sameti. Tathāpi so na yuttova. Nidāne, aṭṭhakathāyañca siddhalepattā sabbasovāpi acchanne, channevāpi anekaso pariyāyassa tatiyasseva adhiṭṭhānanti no sametīti ācariyo. ‘‘Dve magge’’ti, ‘‘dve chadane’’ti ca ‘‘tatiyavārato paṭṭhāya evaṃ chādāpehī’ti āṇāpetvā pakkamitabba’’nti ca upatissatthero vadati kira.
মহল্লকৰিহারসিক্খাপদৰণ্ণনা নিট্ঠিতা।
Mahallakavihārasikkhāpadavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. ভূতগামৰগ্গো • 2. Bhūtagāmavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৯. মহল্লকৰিহারসিক্খাপদৰণ্ণনা • 9. Mahallakavihārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৯. মহল্লকৰিহারসিক্খাপদৰণ্ণনা • 9. Mahallakavihārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৯. মহল্লকৰিহারসিক্খাপদৰণ্ণনা • 9. Mahallakavihārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৯. মহল্লকৰিহারসিক্খাপদং • 9. Mahallakavihārasikkhāpadaṃ
