| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. махаллагавихаарасигкаабад̣̇аван̣н̣анаа
9. Mahallakavihārasikkhāpadavaṇṇanā
135. навамасигкаабад̣̇з – яаава д̣̇ваарагосаад̇и зд̇т̇а д̣̇ваарагосо наама бидтасан̇гхаадасса саманд̇аа гаваадавид̇т̇аараббамаан̣о огаасо. махаабажжарияам̣ бана ‘‘д̣̇ваараб̣аахад̇о бадтааяа д̣̇ияад̣дхо хад̇т̇о’’д̇и вуд̇д̇ам̣. гурунд̣̇ияам̣ бана ‘‘д̣̇ваарасса убхосу бассзсу гаваадаббамаан̣а’’нд̇и. махааадтагат̇ааяам̣ ‘‘гаваадам̣ наама д̣̇ияад̣дхахад̇т̇амби ход̇и д̣̇вихад̇т̇амби ад̣дхад̇зяяахад̇т̇амбий’’д̇и вуд̇д̇ам̣, д̇ам̣ сувуд̇д̇ам̣. д̇ад̣̇зва хи санд̇хааяа бхаг̇авад̇ааби ‘‘бидтасан̇гхаадасса саманд̇аа хад̇т̇абаасаа’’д̇и аяам̣ уггадтанид̣̇д̣̇зсо гад̇о. аг̇г̇ал̣адтабанааяаад̇и сагаваадагад̣̇ваараб̣анд̇хадтабанааяа; сагаваадагасса д̣̇ваараб̣анд̇хасса нижжалабхаавад̇т̇ааяаад̇и ад̇т̇о. д̣̇ваарадтабанааяаад̇и ид̣̇амби хи бад̣̇абхааж̇анам̣ имамзвад̇т̇ам̣ санд̇хааяа бхаасид̇ам̣. аяам̣ банзд̇т̇а ад̇хиббааяо – гаваадан̃хи лахубариваддагам̣ виваран̣агаалз бхид̇д̇им̣ ааханад̇и, бид̣̇аханагаалз д̣̇ваараб̣анд̇хам̣. д̇зна аахананзна бхид̇д̇и гамбад̇и, д̇ад̇о мад̇д̇игаа жалад̇и, жалид̇ваа сит̇илаа ваа ход̇и бад̇ад̇и ваа. д̇знааха бхаг̇аваа ‘‘яаава д̣̇ваарагосаа аг̇г̇ал̣адтабанааяаа’’д̇и. д̇ад̇т̇а гин̃жааби ‘‘ид̣̇ам̣ наама гад̇д̇аб̣б̣а’’нд̇и нзва маад̇игааяам̣ на бад̣̇абхааж̇анз вуд̇д̇ам̣, адтуббад̇д̇ияам̣ бана ‘‘бунаббунам̣ чаад̣̇аабзси бунаббунам̣ лзбаабзсий’’д̇и ад̇хигаарад̇о яаава д̣̇ваарагосаа аг̇г̇ал̣адтабанааяа бунаббунам̣ лимбид̇аб̣б̣о ваа лзбаабзд̇аб̣б̣о ваад̇и звамад̇т̇о д̣̇адтаб̣б̣о.
135. Navamasikkhāpade – yāva dvārakosāti ettha dvārakoso nāma piṭṭhasaṅghāṭassa samantā kavāṭavitthārappamāṇo okāso. Mahāpaccariyaṃ pana ‘‘dvārabāhato paṭṭhāya diyaḍḍho hattho’’ti vuttaṃ. Kurundiyaṃ pana ‘‘dvārassa ubhosu passesu kavāṭappamāṇa’’nti. Mahāaṭṭhakathāyaṃ ‘‘kavāṭaṃ nāma diyaḍḍhahatthampi hoti dvihatthampi aḍḍhateyyahatthampī’’ti vuttaṃ, taṃ suvuttaṃ. Tadeva hi sandhāya bhagavatāpi ‘‘piṭṭhasaṅghāṭassa samantā hatthapāsā’’ti ayaṃ ukkaṭṭhaniddeso kato. Aggaḷaṭṭhapanāyāti sakavāṭakadvārabandhaṭṭhapanāya; sakavāṭakassa dvārabandhassa niccalabhāvatthāyāti attho. Dvāraṭṭhapanāyāti idampi hi padabhājanaṃ imamevatthaṃ sandhāya bhāsitaṃ. Ayaṃ panettha adhippāyo – kavāṭañhi lahuparivaṭṭakaṃ vivaraṇakāle bhittiṃ āhanati, pidahanakāle dvārabandhaṃ. Tena āhananena bhitti kampati, tato mattikā calati, calitvā sithilā vā hoti patati vā. Tenāha bhagavā ‘‘yāva dvārakosā aggaḷaṭṭhapanāyā’’ti. Tattha kiñcāpi ‘‘idaṃ nāma kattabba’’nti neva mātikāyaṃ na padabhājane vuttaṃ, aṭṭhuppattiyaṃ pana ‘‘punappunaṃ chādāpesi punappunaṃ lepāpesī’’ti adhikārato yāva dvārakosā aggaḷaṭṭhapanāya punappunaṃ limpitabbo vā lepāpetabbo vāti evamattho daṭṭhabbo.
яам̣ бана бад̣̇абхааж̇анз ‘‘бидтасан̇гхаадасса саманд̇аа хад̇т̇абаасаа’’д̇и вуд̇д̇ам̣. д̇ад̇т̇а яасса взмаж̇жхз д̣̇ваарам̣ ход̇и, убарибхааг̇з ужжаа бхид̇д̇и, д̇асса д̇ийсу д̣̇исаасу саманд̇аа хад̇т̇абаасаа убажааро ход̇и, куд̣̇д̣̇агасса вихаарасса д̣̇вийсу д̣̇исаасу убажааро ход̇и. д̇ад̇рааби яам̣ бхид̇д̇им̣ виварияамаанам̣ гаваадам̣ ааханад̇и, саа абарибуураубажаарааби ход̇и. уггадтабарижчзд̣̇зна бана д̇ийсу д̣̇исаасу саманд̇аа хад̇т̇абаасаа д̣̇ваарасса нижжалабхаавад̇т̇ааяа лзбо анун̃н̃аад̇о. сажз банасса д̣̇ваарасса ад̇хобхааг̇зби лзбогаасо ад̇т̇и, д̇амби лимбид̇ум̣ ваддад̇и. аалогасанд̇хибаригаммааяаад̇и зд̇т̇а аалогасанд̇хийд̇и ваад̇абаанагаваадагаа вужжанд̇и, д̇зби виваран̣агаалз вид̣̇ад̇т̇имад̇д̇амби ад̇ирзгамби бхид̇д̇иббад̣̇зсам̣ бахаранд̇и. убажааро банзд̇т̇а саб̣б̣ад̣̇исаасу лаб̣бхад̇и, д̇асмаа саб̣б̣ад̣̇исаасу гаваадавид̇т̇аараббамаан̣о огаасо аалогасанд̇хибаригаммад̇т̇ааяа лимбид̇аб̣б̣о ваа лзбаабзд̇аб̣б̣о ваад̇и аяамзд̇т̇а ад̇хиббааяо.
Yaṃ pana padabhājane ‘‘piṭṭhasaṅghāṭassa samantā hatthapāsā’’ti vuttaṃ. Tattha yassa vemajjhe dvāraṃ hoti, uparibhāge uccā bhitti, tassa tīsu disāsu samantā hatthapāsā upacāro hoti, khuddakassa vihārassa dvīsu disāsu upacāro hoti. Tatrāpi yaṃ bhittiṃ vivariyamānaṃ kavāṭaṃ āhanati, sā aparipūraupacārāpi hoti. Ukkaṭṭhaparicchedena pana tīsu disāsu samantā hatthapāsā dvārassa niccalabhāvatthāya lepo anuññāto. Sace panassa dvārassa adhobhāgepi lepokāso atthi, tampi limpituṃ vaṭṭati. Ālokasandhiparikammāyāti ettha ālokasandhīti vātapānakavāṭakā vuccanti, tepi vivaraṇakāle vidatthimattampi atirekampi bhittippadesaṃ paharanti. Upacāro panettha sabbadisāsu labbhati, tasmā sabbadisāsu kavāṭavitthārappamāṇo okāso ālokasandhiparikammatthāya limpitabbo vā lepāpetabbo vāti ayamettha adhippāyo.
сзд̇аван̣н̣анд̇иаад̣̇игам̣ на маад̇игааяа бад̣̇абхааж̇анам̣. иминаа хи вихаарасса бхааригад̇д̇ам̣ наама над̇т̇ийд̇и бад̣̇абхааж̇анзязва анун̃н̃аад̇ам̣, д̇асмаа саб̣б̣амзд̇ам̣ яат̇аасукам̣ гад̇д̇аб̣б̣ам̣.
Setavaṇṇantiādikaṃ na mātikāya padabhājanaṃ. Iminā hi vihārassa bhārikattaṃ nāma natthīti padabhājaneyeva anuññātaṃ, tasmā sabbametaṃ yathāsukhaṃ kattabbaṃ.
звам̣ лзбагаммз яам̣ гад̇д̇аб̣б̣ам̣, д̇ам̣ д̣̇ассзд̇ваа буна чад̣̇анз гад̇д̇аб̣б̣ам̣ д̣̇ассзд̇ум̣ ‘‘д̣̇вад̇д̇ижчад̣̇анассаа’’д̇иаад̣̇и вуд̇д̇ам̣. д̇ад̇т̇а д̣̇вад̇д̇ижчад̣̇анасса барияааяанд̇и чад̣̇анасса д̣̇вад̇д̇ибарияааяам̣; барияааяо вужжад̇и баригкзбо, баригкзбад̣̇ваяам̣ ваа баригкзбад̇д̇аяам̣ ваа ад̇хидтаад̇аб̣б̣анд̇и ад̇т̇о. аббахарид̇з тид̇знаад̇и ахарид̇з тид̇зна. харид̇анд̇и жзд̇т̇а сад̇д̇ад̇хан̃н̃абхзд̣̇ам̣ буб̣б̣ан̣н̣ам̣ муг̇г̇амаасад̇илагулад̇т̇аалааб̣угумбхан̣д̣аад̣̇ибхзд̣̇ан̃жа абаран̣н̣ам̣ ад̇хиббзд̇ам̣. д̇знзвааха – ‘‘харид̇ам̣ наама буб̣б̣ан̣н̣ам̣ абаран̣н̣а’’нд̇и.
Evaṃ lepakamme yaṃ kattabbaṃ, taṃ dassetvā puna chadane kattabbaṃ dassetuṃ ‘‘dvatticchadanassā’’tiādi vuttaṃ. Tattha dvatticchadanassa pariyāyanti chadanassa dvattipariyāyaṃ; pariyāyo vuccati parikkhepo, parikkhepadvayaṃ vā parikkhepattayaṃ vā adhiṭṭhātabbanti attho. Appaharite ṭhitenāti aharite ṭhitena. Haritanti cettha sattadhaññabhedaṃ pubbaṇṇaṃ muggamāsatilakulatthaalābukumbhaṇḍādibhedañca aparaṇṇaṃ adhippetaṃ. Tenevāha – ‘‘haritaṃ nāma pubbaṇṇaṃ aparaṇṇa’’nti.
сажз харид̇з тид̇о ад̇хидтаад̇и, аабад̇д̇и д̣̇уггадассаад̇и зд̇т̇а бана яасмимби кзд̇д̇з вуд̇д̇ам̣ б̣ийж̇ам̣ на д̇аава самбаж̇ж̇ад̇и, вассз ваа бана бад̇ид̇з самбаж̇ж̇иссад̇и, д̇амби харид̇асан̇кяамзва г̇ажчад̇и. д̇асмаа зваруубз кзд̇д̇зби тид̇зна на ад̇хидтаад̇аб̣б̣ам̣, ахарид̇зязва тид̇зна ад̇хидтаад̇аб̣б̣ам̣. д̇ад̇рааби аяам̣ барижчзд̣̇о, бидтивам̣сасса ваа гуудааг̇аараган̣н̣игааяа ваа убари т̇убигааяа ваа бассз нисинно чад̣̇анамукаваддианд̇зна ологзнд̇о яасмим̣ бхуумибхааг̇з тид̇ам̣ бассад̇и, яасмин̃жа бхуумибхааг̇з тид̇о, д̇ам̣ убари нисиннагам̣ бассад̇и, д̇асмим̣ таанз ад̇хидтаад̇аб̣б̣ам̣. д̇асса анд̇о ахарид̇зби тад̇ваа ад̇хидтаад̇ум̣ на лаб̣бхад̇и. гасмаа? вихаарасса хи бад̇анд̇асса аяам̣ бад̇аногаасод̇и.
Sace harite ṭhitoadhiṭṭhāti, āpatti dukkaṭassāti ettha pana yasmimpi khette vuttaṃ bījaṃ na tāva sampajjati, vasse vā pana patite sampajjissati, tampi haritasaṅkhyameva gacchati. Tasmā evarūpe khettepi ṭhitena na adhiṭṭhātabbaṃ, ahariteyeva ṭhitena adhiṭṭhātabbaṃ. Tatrāpi ayaṃ paricchedo, piṭṭhivaṃsassa vā kūṭāgārakaṇṇikāya vā upari thupikāya vā passe nisinno chadanamukhavaṭṭiantena olokento yasmiṃ bhūmibhāge ṭhitaṃ passati, yasmiñca bhūmibhāge ṭhito, taṃ upari nisinnakaṃ passati, tasmiṃ ṭhāne adhiṭṭhātabbaṃ. Tassa anto aharitepi ṭhatvā adhiṭṭhātuṃ na labbhati. Kasmā? Vihārassa hi patantassa ayaṃ patanokāsoti.
136. маг̇г̇зна чаад̣̇знд̇ассаад̇и зд̇т̇а маг̇г̇зна чаад̣̇анам̣ наама абаригкибид̇ваа уж̇угамзва чаад̣̇анам̣; д̇ам̣ идтагасилаасуд̇хаахи лаб̣бхад̇и. д̣̇вз маг̇г̇з ад̇хидтахид̇ваад̇и д̣̇вз маг̇г̇аа сажз д̣̇ужчаннаа хонд̇и, абанзд̇вааби бунаббунам̣ чаад̣̇зд̇ум̣ лаб̣бхад̇и, д̇асмаа яат̇аа ижчад̇и; д̇ат̇аа д̣̇вз маг̇г̇з ад̇хидтахид̇ваа д̇ад̇ияам̣маг̇г̇ам̣ ‘‘ид̣̇аани звам̣ чаад̣̇зхий’’д̇и аан̣аабзд̇ваа баггамид̇аб̣б̣ам̣. барияааязнаад̇и баригкзбзна. звам̣чад̣̇анам̣ бана д̇ин̣абан̣н̣зхи лаб̣бхад̇и. д̇асмаа ид̇хааби яат̇аа ижчад̇и д̇ат̇аа д̣̇вз барияааяз ад̇хидтахид̇ваа д̇ад̇ияам̣ барияааяам̣ ‘‘ид̣̇аани звам̣ чаад̣̇зхий’’д̇и аан̣аабзд̇ваа баггамид̇аб̣б̣ам̣. сажз на баггамад̇и, д̇ун̣хийбхууд̇зна таад̇аб̣б̣ам̣. саб̣б̣амби жзд̇ам̣ чад̣̇анам̣ чад̣̇ануубари взд̣̇ид̇аб̣б̣ам̣. убаруубарижчанно хи вихааро жирам̣ ановассаго ход̇ийд̇и ман̃н̃амаанаа звам̣ чаад̣̇знд̇и. д̇ад̇о жз уд̇д̇аринд̇и д̇ин̣н̣ам̣ маг̇г̇аанам̣ ваа барияааяаанам̣ ваа убари жад̇уд̇т̇з маг̇г̇з ваа барияааяз ваа.
136.Maggena chādentassāti ettha maggena chādanaṃ nāma aparikkhipitvā ujukameva chādanaṃ; taṃ iṭṭhakasilāsudhāhi labbhati. Dve magge adhiṭṭhahitvāti dve maggā sace ducchannā honti, apanetvāpi punappunaṃ chādetuṃ labbhati, tasmā yathā icchati; tathā dve magge adhiṭṭhahitvā tatiyaṃmaggaṃ ‘‘idāni evaṃ chādehī’’ti āṇāpetvā pakkamitabbaṃ. Pariyāyenāti parikkhepena. Evaṃchadanaṃ pana tiṇapaṇṇehi labbhati. Tasmā idhāpi yathā icchati tathā dve pariyāye adhiṭṭhahitvā tatiyaṃ pariyāyaṃ ‘‘idāni evaṃ chādehī’’ti āṇāpetvā pakkamitabbaṃ. Sace na pakkamati, tuṇhībhūtena ṭhātabbaṃ. Sabbampi cetaṃ chadanaṃ chadanūpari veditabbaṃ. Uparūparicchanno hi vihāro ciraṃ anovassako hotīti maññamānā evaṃ chādenti. Tato ce uttarinti tiṇṇaṃ maggānaṃ vā pariyāyānaṃ vā upari catutthe magge vā pariyāye vā.
137. гарал̣з гарал̣зд̇и д̇ин̣амудтияам̣ д̇ин̣амудтияам̣. сзсамзд̇т̇а уд̇д̇аанамзваад̇и. часамудтаанам̣ – гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммам̣, важийгаммам̣, д̇ижид̇д̇ам̣, д̇ивзд̣̇ананд̇и.
137.Karaḷe karaḷeti tiṇamuṭṭhiyaṃ tiṇamuṭṭhiyaṃ. Sesamettha uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
махаллагавихаарасигкаабад̣̇ам̣ навамам̣.
Mahallakavihārasikkhāpadaṃ navamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. махаллагавихаарасигкаабад̣̇ам̣ • 9. Mahallakavihārasikkhāpadaṃ
