| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. махаллагавихаарасигкаабад̣̇аван̣н̣анаа
9. Mahallakavihārasikkhāpadavaṇṇanā
135. навамз ‘‘махаллаго наама вихааро сасаамиго’’д̇и вуд̇д̇ад̇д̇аа сан̃н̃аажигааяа гудияаа анаабад̇д̇и. ‘‘ад̣дхад̇зяяахад̇т̇амбий’’д̇и уггадтабарижчзд̣̇зна вуд̇д̇аважанам̣ баал̣ияаа самзд̇ийд̇и ааха ‘‘д̇ам̣ сувуд̇д̇а’’нд̇и. ‘‘баал̣ияам̣ адтагат̇ааяан̃жа уггадтабарижчзд̣̇зна ад̣дхад̇зяяахад̇т̇аббамаан̣асса огаасасса д̣̇ассид̇ад̇д̇аа гаваадам̣ ад̣дхад̇зяяахад̇т̇авид̇т̇аарад̇о уунагам̣ ваа ход̇у ад̇хигам̣ ваа, ад̣дхад̇зяяахад̇т̇аббамаан̣ам̣язва огаасо’’д̇и вад̣̇анд̇и.
135. Navame ‘‘mahallako nāma vihāro sasāmiko’’ti vuttattā saññācikāya kuṭiyā anāpatti. ‘‘Aḍḍhateyyahatthampī’’ti ukkaṭṭhaparicchedena vuttavacanaṃ pāḷiyā sametīti āha ‘‘taṃ suvutta’’nti. ‘‘Pāḷiyaṃ aṭṭhakathāyañca ukkaṭṭhaparicchedena aḍḍhateyyahatthappamāṇassa okāsassa dassitattā kavāṭaṃ aḍḍhateyyahatthavitthārato ūnakaṃ vā hotu adhikaṃ vā, aḍḍhateyyahatthappamāṇaṃyeva okāso’’ti vadanti.
яасса взмаж̇жхзд̇и яасса вихаарасса взмаж̇жхз. саа абарибуураубажаарааби ход̇ийд̇и виварияамаанам̣ гаваадам̣ яам̣ бхид̇д̇им̣ ааханад̇и, саа саманд̇аа гаваадавид̇т̇аараббамаан̣аубажаарарахид̇ааби ход̇ийд̇и ад̇т̇о. аалогам̣ санд̇хзд̇и бид̇хзд̇ийд̇и аалогасанд̇хи. ‘‘бунаббунам̣ чаад̣̇аабзси, бунаббунам̣ лимбаабзсийд̇и имасмим̣ вад̇т̇усмим̣ уббаннад̣̇осзна сигкаабад̣̇асса бан̃н̃ад̇д̇ад̇д̇аа лзбам̣ ануж̇аананд̇зна жа д̣̇ваараб̣анд̇хасса саманд̇аа ад̣дхад̇зяяахад̇т̇аббамаан̣зязва бад̣̇зсз бунаббунам̣ лзбасса анун̃н̃аад̇ад̇д̇аа д̇ад̇о ан̃н̃ад̇т̇а бунаббунам̣ лимбзнд̇асса ваа лимбаабзнд̇асса ваа бхид̇д̇ияам̣ мад̇д̇игааяа гад̇д̇аб̣б̣агижжам̣ нидтаабзд̇ваа буна жад̇уд̇т̇алзбз д̣̇иннз баажид̇д̇иязна бхавид̇аб̣б̣а’’нд̇и вад̣̇анд̇и. г̇ан̣тибад̣̇зсу бана д̇ийсуби ‘‘бунаббунам̣ лзбад̣̇аанасса вуд̇д̇аббамаан̣ад̇о ан̃н̃ад̇т̇а бадигкид̇д̇амад̇д̇ам̣ табзд̇ваа баажид̇д̇ияасса авуд̇д̇ад̇д̇аа д̣̇уггадам̣ анурууба’’нд̇и вуд̇д̇ам̣.
Yassa vemajjheti yassa vihārassa vemajjhe. Sā aparipūraupacārāpi hotīti vivariyamānaṃ kavāṭaṃ yaṃ bhittiṃ āhanati, sā samantā kavāṭavitthārappamāṇaupacārarahitāpi hotīti attho. Ālokaṃ sandheti pidhetīti ālokasandhi. ‘‘Punappunaṃ chādāpesi, punappunaṃ limpāpesīti imasmiṃ vatthusmiṃ uppannadosena sikkhāpadassa paññattattā lepaṃ anujānantena ca dvārabandhassa samantā aḍḍhateyyahatthappamāṇeyeva padese punappunaṃ lepassa anuññātattā tato aññattha punappunaṃ limpentassa vā limpāpentassa vā bhittiyaṃ mattikāya kattabbakiccaṃ niṭṭhāpetvā puna catutthalepe dinne pācittiyena bhavitabba’’nti vadanti. Gaṇṭhipadesu pana tīsupi ‘‘punappunaṃ lepadānassa vuttappamāṇato aññattha paṭikkhittamattaṃ ṭhapetvā pācittiyassa avuttattā dukkaṭaṃ anurūpa’’nti vuttaṃ.
ад̇хидтаад̇аб̣б̣анд̇и сам̣вид̇хаад̇аб̣б̣ам̣. аббахарид̇зд̇и зд̇т̇а абба-сад̣̇д̣̇о ‘‘аббижчо’’д̇иаад̣̇ийсу вияа абхаавад̇т̇од̇и ааха ‘‘ахарид̇з’’д̇и. бад̇аногаасод̇и бад̇аногаасад̇д̇аа д̇ад̇ра тид̇асса бхигкуно убари бад̇зяяаад̇и ад̇хиббааяо. сажз харид̇з тид̇о ад̇хидтзд̇и, аабад̇д̇и д̣̇уггадассаад̇и важанзна имамад̇т̇ам̣ д̣̇ийбзд̇и – сажз вихаарасса саманд̇аа вуд̇д̇аббамаан̣з барижчзд̣̇з буб̣б̣ан̣н̣аад̣̇ийни на санд̇и, д̇ад̇т̇а вихааро гаарзд̇аб̣б̣о. яад̇т̇а бана санд̇и, д̇ад̇т̇а гаараабзнд̇асса д̣̇уггаданд̇и.
Adhiṭṭhātabbanti saṃvidhātabbaṃ. Appahariteti ettha appa-saddo ‘‘appiccho’’tiādīsu viya abhāvatthoti āha ‘‘aharite’’ti. Patanokāsoti patanokāsattā tatra ṭhitassa bhikkhuno upari pateyyāti adhippāyo. Sace harite ṭhito adhiṭṭheti, āpatti dukkaṭassāti vacanena imamatthaṃ dīpeti – sace vihārassa samantā vuttappamāṇe paricchede pubbaṇṇādīni na santi, tattha vihāro kāretabbo. Yattha pana santi, tattha kārāpentassa dukkaṭanti.
136. згзгам̣ маг̇г̇ам̣ уж̇угамзва удтабзд̇ваа чаад̣̇анам̣ маг̇г̇зна чаад̣̇анам̣ наама ход̇ийд̇и д̣̇ассзд̇ум̣ ‘‘маг̇г̇зна чаад̣̇знд̇ассаа’’д̇и вуд̇д̇ам̣. иминаа бана наязна саб̣б̣асмим̣ вихаарз згаваарам̣ чаад̣̇ид̇з д̇ам̣ чад̣̇анам̣ згамаг̇г̇анд̇и г̇ахзд̇ваа ‘‘д̣̇вз маг̇г̇з’’д̇иаад̣̇и вуд̇д̇ам̣. ‘‘барияааязна чаад̣̇анзби иминаава наязна яож̇зд̇аб̣б̣а’’нд̇и д̇ийсуби г̇ан̣тибад̣̇зсу вуд̇д̇ам̣, д̇ам̣ ‘‘бунаббунам̣ чаад̣̇аабзсий’’д̇и имааяа баал̣ияаа ‘‘саб̣б̣амби жзд̇ам̣ чад̣̇анам̣ чад̣̇ануубари взд̣̇ид̇аб̣б̣а’’нд̇и иминаа адтагат̇ааважанзна жа самзд̇и, д̇асмаа д̣̇вз маг̇г̇з ад̇хидтахид̇ваа д̇ад̇ияааяа маг̇г̇ам̣ аан̣аабзд̇ваа баггамид̇аб̣б̣анд̇и зд̇т̇а д̣̇вз чад̣̇анаани ад̇хидтахид̇ваа д̇ад̇ияам̣ чад̣̇анам̣ ‘‘звам̣ чаад̣̇зхий’’д̇и аан̣аабзд̇ваа баггамид̇аб̣б̣анд̇и звамад̇т̇о г̇ахзд̇аб̣б̣о.
136. Ekekaṃ maggaṃ ujukameva uṭṭhapetvā chādanaṃ maggena chādanaṃ nāma hotīti dassetuṃ ‘‘maggena chādentassā’’ti vuttaṃ. Iminā pana nayena sabbasmiṃ vihāre ekavāraṃ chādite taṃ chadanaṃ ekamagganti gahetvā ‘‘dve magge’’tiādi vuttaṃ. ‘‘Pariyāyena chādanepi imināva nayena yojetabba’’nti tīsupi gaṇṭhipadesu vuttaṃ, taṃ ‘‘punappunaṃ chādāpesī’’ti imāya pāḷiyā ‘‘sabbampi cetaṃ chadanaṃ chadanūpari veditabba’’nti iminā aṭṭhakathāvacanena ca sameti, tasmā dve magge adhiṭṭhahitvā tatiyāya maggaṃ āṇāpetvā pakkamitabbanti ettha dve chadanāni adhiṭṭhahitvā tatiyaṃ chadanaṃ ‘‘evaṃ chādehī’’ti āṇāpetvā pakkamitabbanti evamattho gahetabbo.
гзжи бана ‘‘батамам̣ д̇аава згаваарам̣ абарисзсам̣ чаад̣̇зд̇ваа буна чад̣̇анад̣̇ан̣д̣агз б̣анд̇хид̇ваа д̣̇уд̇ияаваарам̣ д̇ат̇зва чаад̣̇зд̇аб̣б̣ам̣, д̇ад̇ияавааражад̇уд̇т̇аваарз самбад̇д̇з д̣̇вз маг̇г̇з ад̇хидтахид̇ваа аан̣аабзд̇ваа баггамид̇аб̣б̣а’’нд̇и вад̣̇анд̇и. абарз бана ‘‘батамаваарзязва д̇аяоби маг̇г̇з ад̇хидтаад̇ум̣ ваддад̇и, жад̇уд̇т̇ад̇о бадтааяа аабад̇д̇и баажид̇д̇ияа’’нд̇и вад̣̇анд̇и. д̇ад̣̇убхаяамби баал̣ияаа адтагат̇ааяа жа на самзд̇и. д̇ад̇ияааяа маг̇г̇анд̇и зд̇т̇а д̇ад̇ияааяаад̇и убаяог̇ад̇т̇з самбад̣̇аанаважанам̣, д̇ад̇ияам̣ маг̇г̇анд̇и ад̇т̇о. д̇ин̣н̣ам̣ маг̇г̇аананд̇и маг̇г̇авасзна чаад̣̇ид̇аанам̣ д̇ин̣н̣ам̣ чад̣̇анаанам̣. д̇ин̣н̣ам̣ барияааяаананд̇и зд̇т̇ааби зсзва наяо. жад̇уд̇т̇з маг̇г̇з ваа барияааяз ваад̇и жа д̇ат̇аа чаад̣̇знд̇аанам̣ жад̇уд̇т̇ам̣ чаад̣̇анамзва вуд̇д̇ам̣. сзсам̣ уд̇д̇аанамзва. махаллагавихаарад̇аа, ад̇д̇ано ваасааг̇аарад̇аа, уд̇д̇ари ад̇хидтаананд̇и имаани банзд̇т̇а д̇ийн̣и ан̇г̇аани.
Keci pana ‘‘paṭhamaṃ tāva ekavāraṃ aparisesaṃ chādetvā puna chadanadaṇḍake bandhitvā dutiyavāraṃ tatheva chādetabbaṃ, tatiyavāracatutthavāre sampatte dve magge adhiṭṭhahitvā āṇāpetvā pakkamitabba’’nti vadanti. Apare pana ‘‘paṭhamavāreyeva tayopi magge adhiṭṭhātuṃ vaṭṭati, catutthato paṭṭhāya āpatti pācittiya’’nti vadanti. Tadubhayampi pāḷiyā aṭṭhakathāya ca na sameti. Tatiyāya magganti ettha tatiyāyāti upayogatthe sampadānavacanaṃ, tatiyaṃ magganti attho. Tiṇṇaṃ maggānanti maggavasena chāditānaṃ tiṇṇaṃ chadanānaṃ. Tiṇṇaṃ pariyāyānanti etthāpi eseva nayo. Catutthe magge vā pariyāye vāti ca tathā chādentānaṃ catutthaṃ chādanameva vuttaṃ. Sesaṃ uttānameva. Mahallakavihāratā, attano vāsāgāratā, uttari adhiṭṭhānanti imāni panettha tīṇi aṅgāni.
махаллагавихаарасигкаабад̣̇аван̣н̣анаа нидтид̇аа.
Mahallakavihārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. махаллагавихаарасигкаабад̣̇ам̣ • 9. Mahallakavihārasikkhāpadaṃ
