| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
9. махаллагавихаарасигкаабад̣̇аван̣н̣анаа
9. Mahallakavihārasikkhāpadavaṇṇanā
135. навамз ‘‘махаллаго наама вихааро сассаамиго’’д̇и вуд̇д̇ад̇д̇аа сан̃н̃аажигааяа гудияаа анаабад̇д̇ийд̇и вад̣̇анд̇и. яассаад̇и вихаарасса. саа абарибууруубажаарааби ход̇ийд̇и виварияамаанам̣ гаваадам̣ яам̣ бхид̇д̇им̣ ааханад̇и, саа сааманд̇аа гаваадавид̇т̇аараббамаан̣аа убажаарарахид̇ааби ход̇ийд̇и ад̇т̇о. аалогам̣ ваад̇абаанам̣ санд̇хзд̇и гхадаяад̇ийд̇и аалогасанд̇хийд̇и гаваадам̣ вужжад̇и. д̣̇ваараваад̇абаануубажаарад̇о ан̃н̃ад̇т̇а бунаббунам̣ лимбанаад̣̇им̣ гаронд̇асса бин̣д̣аг̇ан̣анааяа баажид̇д̇ияам̣.
135. Navame ‘‘mahallako nāma vihāro sassāmiko’’ti vuttattā saññācikāya kuṭiyā anāpattīti vadanti. Yassāti vihārassa. Sā aparipūrūpacārāpi hotīti vivariyamānaṃ kavāṭaṃ yaṃ bhittiṃ āhanati, sā sāmantā kavāṭavitthārappamāṇā upacārarahitāpi hotīti attho. Ālokaṃ vātapānaṃ sandheti ghaṭayatīti ālokasandhīti kavāṭaṃ vuccati. Dvāravātapānūpacārato aññattha punappunaṃ limpanādiṃ karontassa piṇḍagaṇanāya pācittiyaṃ.
гзжи бана ‘‘баал̣ияам̣ баажид̇д̇ияасса авуд̇д̇ад̇д̇аа д̣̇уггада’’нд̇и вад̣̇анд̇и. ад̇хидтаад̇аб̣б̣анд̇и сам̣вид̇хаад̇аб̣б̣ам̣. харид̇з тид̇о ад̇хидтаад̇и. аабад̇д̇и д̣̇уггадассаад̇и харид̇аяуд̇д̇з кзд̇д̇з тад̇ваа чаад̣̇знд̇асса д̣̇уггаданд̇и ад̇т̇о. гзжи бана ‘‘д̇аад̣̇исз кзд̇д̇з вихаарам̣ гаронд̇асса д̣̇уггада’’нд̇и вад̣̇анд̇и, д̇ам̣ баал̣ияаа на самзд̇и.
Keci pana ‘‘pāḷiyaṃ pācittiyassa avuttattā dukkaṭa’’nti vadanti. Adhiṭṭhātabbanti saṃvidhātabbaṃ. Harite ṭhito adhiṭṭhāti. Āpatti dukkaṭassāti haritayutte khette ṭhatvā chādentassa dukkaṭanti attho. Keci pana ‘‘tādise khette vihāraṃ karontassa dukkaṭa’’nti vadanti, taṃ pāḷiyā na sameti.
136. уж̇угамзва чаад̣̇ананд̇и чаад̣̇анамукаваддид̇о бадтааяа яаава бидтивам̣сагуудааг̇аараган̣н̣игаад̣̇и, д̇аава идтагаад̣̇ийхи уж̇угам̣ чаад̣̇анам̣. иминаа бана язна саб̣б̣асмим̣ вихаарз згаваарам̣ чаад̣̇ид̇з д̇ам̣ чаад̣̇анам̣ згамаг̇г̇анд̇и г̇ахзд̇ваа баал̣ияам̣ ‘‘д̣̇вз маг̇г̇з’’д̇иаад̣̇и вуд̇д̇ам̣. барияааязна чаад̣̇анамби иминаава наязна яож̇зд̇аб̣б̣анд̇и вад̣̇анд̇и, д̇ам̣ ‘‘бунаббунам̣ чаад̣̇аабзсий’’д̇и имааяа баал̣ияаа жа ‘‘саб̣б̣амби жзд̇ам̣ чад̣̇анам̣ чад̣̇ануубари взд̣̇ид̇аб̣б̣а’’нд̇и иминаа адтагат̇ааважанзна жа самзд̇и.
136.Ujukameva chādananti chādanamukhavaṭṭito paṭṭhāya yāva piṭṭhivaṃsakūṭāgārakaṇṇikādi, tāva iṭṭhakādīhi ujukaṃ chādanaṃ. Iminā pana yena sabbasmiṃ vihāre ekavāraṃ chādite taṃ chādanaṃ ekamagganti gahetvā pāḷiyaṃ ‘‘dve magge’’tiādi vuttaṃ. Pariyāyena chādanampi imināva nayena yojetabbanti vadanti, taṃ ‘‘punappunaṃ chādāpesī’’ti imāya pāḷiyā ca ‘‘sabbampi cetaṃ chadanaṃ chadanūpari veditabba’’nti iminā aṭṭhakathāvacanena ca sameti.
баал̣ияам̣ ‘‘маг̇г̇зна чаад̣̇знд̇асса барияааязна чаад̣̇знд̇ассаа’’д̇и ид̣̇ан̃жа идтагаад̣̇ийхи, д̇ин̣абан̣н̣зхи жа чаад̣̇анаббагаарабхзд̣̇ад̣̇ассанад̇т̇ам̣ вуд̇д̇ам̣. гзжи бана ‘‘банд̇ияаа чаад̣̇ид̇асса чад̣̇анасса убари чад̣̇анамукаваддид̇о бадтааяа уд̣̇д̇хам̣ уж̇угамзва згаваарам̣ чаад̣̇анам̣ згамаг̇г̇анд̇и г̇ахзд̇ваа ‘д̣̇вз маг̇г̇з’д̇иаад̣̇и вуд̇д̇ам̣, на бана сагалавихаарачаад̣̇анам̣. зса наяо барияааязна чаад̣̇анзбий’’д̇и вад̣̇анд̇и, д̇ам̣ баал̣иадтагат̇аахи на самзд̇и.
Pāḷiyaṃ ‘‘maggena chādentassa pariyāyena chādentassā’’ti idañca iṭṭhakādīhi, tiṇapaṇṇehi ca chādanappakārabhedadassanatthaṃ vuttaṃ. Keci pana ‘‘pantiyā chāditassa chadanassa upari chadanamukhavaṭṭito paṭṭhāya uddhaṃ ujukameva ekavāraṃ chādanaṃ ekamagganti gahetvā ‘dve magge’tiādi vuttaṃ, na pana sakalavihārachādanaṃ. Esa nayo pariyāyena chādanepī’’ti vadanti, taṃ pāḷiaṭṭhakathāhi na sameti.
д̇ад̇ияааяа маг̇г̇анд̇и зд̇т̇а д̇ад̇ияааяаад̇и убаяог̇ад̇т̇з самбад̣̇аанаважанам̣, д̇ад̇ияам̣ маг̇г̇анд̇и ад̇т̇о. аяамзва ваа баато. д̇ин̣абан̣н̣зхи лаб̣бхад̇ийд̇и д̇ин̣абан̣н̣зхи чаад̣̇зд̇ваа убари уллид̇д̇аавалид̇д̇агаран̣ам̣ санд̇хааяа вуд̇д̇ам̣. гзвалам̣ д̇ин̣агудияаа хи анаабад̇д̇и вуд̇д̇аа. д̇ин̣н̣ам̣ маг̇г̇аананд̇и маг̇г̇авасзна чаад̣̇ид̇аанам̣ д̇ин̣н̣ам̣ чад̣̇анаанам̣. д̇ин̣н̣ам̣ барияааяаананд̇и зд̇т̇ааби зсзва наяо. махаллагавихаарад̇аа, ад̇д̇ано ваасааг̇аарад̇аа, уд̇д̇ари ад̇хидтаананд̇и имаанзд̇т̇а д̇ийн̣и ан̇г̇аани.
Tatiyāya magganti ettha tatiyāyāti upayogatthe sampadānavacanaṃ, tatiyaṃ magganti attho. Ayameva vā pāṭho. Tiṇapaṇṇehi labbhatīti tiṇapaṇṇehi chādetvā upari ullittāvalittakaraṇaṃ sandhāya vuttaṃ. Kevalaṃ tiṇakuṭiyā hi anāpatti vuttā. Tiṇṇaṃ maggānanti maggavasena chāditānaṃ tiṇṇaṃ chadanānaṃ. Tiṇṇaṃ pariyāyānanti etthāpi eseva nayo. Mahallakavihāratā, attano vāsāgāratā, uttari adhiṭṭhānanti imānettha tīṇi aṅgāni.
махаллагавихаарасигкаабад̣̇аван̣н̣анаа нидтид̇аа.
Mahallakavihārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. махаллагавихаарасигкаабад̣̇ам̣ • 9. Mahallakavihārasikkhāpadaṃ
