| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၉. မဟလ္လကဝိဟာရသိက္ခာပဒဝဏ္ဏနာ
9. Mahallakavihārasikkhāpadavaṇṇanā
၁၃၅. ယာဝ ဒ္ဝာရကောသာတိ ဒ္ဝာရသမီပာ, ယာဝ ဘိတ္တီတိ အတ္ထော, တံ သုဝုတ္တံ။ ကဝာဋဝိတ္ထာရပ္ပမာဏောတိ ဟတ္ထပာသသ္သာဓိပ္ပေတတ္တာ, သမန္တာ ကဝာဋဝိတ္ထာရပ္ပမာဏဥပစာရသ္သ ဂဟိတတ္တာ အပရိပူရဥပစာရာပိ ဟောတိ။ အာလောကံ ကရောတီတိ အာလောကံ သန္ဓေတိ ပိဓေတီတိ သန္ဓိ ဧဝ အာလောကသန္ဓိနာမကာ ဟောန္တိ။ ဝာတပာနကဝာဋလေပကမ္မေ အပ္ပဟရိတဋ္ဌာနကိစ္စံ နတ္ထိ။
135.Yāvadvārakosāti dvārasamīpā, yāva bhittīti attho, taṃ suvuttaṃ. Kavāṭavitthārappamāṇoti hatthapāsassādhippetattā, samantā kavāṭavitthārappamāṇaupacārassa gahitattā aparipūraupacārāpi hoti. Ālokaṃ karotīti ālokaṃ sandheti pidhetīti sandhi eva ālokasandhināmakā honti. Vātapānakavāṭalepakamme appaharitaṭṭhānakiccaṃ natthi.
၁၃၆. ဣဋ္ဌကာတိ ဆဒနကပာလာသိလာဒိဣဋ္ဌကာ။ ဆဒနူပရီတိ ဧတ္ထ ပဌမံ တာဝ ဧကဝာရံ အပရိသေသံ ဆာဒေတ္ဝာ ပုန ဆာဒနဒဏ္ဍကေ ဗန္ဓိတ္ဝာ ဒုတိယဝာရံ တထေဝ ဆာဒေတဗ္ဗံ။ ‘‘တတိယဝာရစတုတ္ထဝာရေ သမ္ပတ္တေ ဒ္ဝေ မဂ္ဂေ အဓိဋ္ဌဟိတ္ဝာ တတိယမဂ္ဂံ အာဏာပေတ္ဝာ ပက္ကမိတဗ္ဗ’’န္တိ ဝုတ္တံ, တံ ‘‘ပုနပ္ပုနံ ဆာဒာပေတီ’’တိ ဣမိနာ ယုဇ္ဇတိ။
136.Iṭṭhakāti chadanakapālāsilādiiṭṭhakā. Chadanūparīti ettha paṭhamaṃ tāva ekavāraṃ aparisesaṃ chādetvā puna chādanadaṇḍake bandhitvā dutiyavāraṃ tatheva chādetabbaṃ. ‘‘Tatiyavāracatutthavāre sampatte dve magge adhiṭṭhahitvā tatiyamaggaṃ āṇāpetvā pakkamitabba’’nti vuttaṃ, taṃ ‘‘punappunaṃ chādāpetī’’ti iminā yujjati.
ပောရာဏာ ပန ‘‘ပဌမဝာရေယေဝ တယော မဂ္ဂေ အဓိဋ္ဌာတုံ ဝဋ္ဋတိ, စတုတ္ထတော ပဋ္ဌာယ အာပတ္တိ ပာစိတ္တိယံ, စတုတ္ထလေပတော ပဋ္ဌာယ အာပတ္တီ’’တိ ဝဒန္တိ။ တတ္ထ ဆဒနေ ဝုတ္တဝိဓိနိဒာနေန သမေတိ, လေပေ ဝုတ္တဝိဓိတိကစ္ဆေဒေန သမေတိ။ တထာပိ သော န ယုတ္တောဝ။ နိဒာနေ, အဋ္ဌကထာယဉ္စ သိဒ္ဓလေပတ္တာ သဗ္ဗသောဝာပိ အစ္ဆန္နေ, ဆန္နေဝာပိ အနေကသော ပရိယာယသ္သ တတိယသ္သေဝ အဓိဋ္ဌာနန္တိ နော သမေတီတိ အာစရိယော။ ‘‘ဒ္ဝေ မဂ္ဂေ’’တိ, ‘‘ဒ္ဝေ ဆဒနေ’’တိ စ ‘‘တတိယဝာရတော ပဋ္ဌာယ ဧဝံ ဆာဒာပေဟီ’တိ အာဏာပေတ္ဝာ ပက္ကမိတဗ္ဗ’’န္တိ စ ဥပတိသ္သတ္ထေရော ဝဒတိ ကိရ။
Porāṇā pana ‘‘paṭhamavāreyeva tayo magge adhiṭṭhātuṃ vaṭṭati, catutthato paṭṭhāya āpatti pācittiyaṃ, catutthalepato paṭṭhāya āpattī’’ti vadanti. Tattha chadane vuttavidhinidānena sameti, lepe vuttavidhitikacchedena sameti. Tathāpi so na yuttova. Nidāne, aṭṭhakathāyañca siddhalepattā sabbasovāpi acchanne, channevāpi anekaso pariyāyassa tatiyasseva adhiṭṭhānanti no sametīti ācariyo. ‘‘Dve magge’’ti, ‘‘dve chadane’’ti ca ‘‘tatiyavārato paṭṭhāya evaṃ chādāpehī’ti āṇāpetvā pakkamitabba’’nti ca upatissatthero vadati kira.
မဟလ္လကဝိဟာရသိက္ခာပဒဝဏ္ဏနာ နိဋ္ဌိတာ။
Mahallakavihārasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဘူတဂာမဝဂ္ဂော • 2. Bhūtagāmavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၉. မဟလ္လကဝိဟာရသိက္ခာပဒဝဏ္ဏနာ • 9. Mahallakavihārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၉. မဟလ္လကဝိဟာရသိက္ခာပဒဝဏ္ဏနာ • 9. Mahallakavihārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၉. မဟလ္လကဝိဟာရသိက္ခာပဒဝဏ္ဏနာ • 9. Mahallakavihārasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၉. မဟလ္လကဝိဟာရသိက္ခာပဒံ • 9. Mahallakavihārasikkhāpadaṃ
