| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ
9. Mahallakavihārasikkhāpadavaṇṇanā
੧੩੫. ਨવਮਸਿਕ੍ਖਾਪਦੇ – ਯਾવ ਦ੍વਾਰਕੋਸਾਤਿ ਏਤ੍ਥ ਦ੍વਾਰਕੋਸੋ ਨਾਮ ਪਿਟ੍ਠਸਙ੍ਘਾਟਸ੍ਸ ਸਮਨ੍ਤਾ ਕવਾਟવਿਤ੍ਥਾਰਪ੍ਪਮਾਣੋ ਓਕਾਸੋ। ਮਹਾਪਚ੍ਚਰਿਯਂ ਪਨ ‘‘ਦ੍વਾਰਬਾਹਤੋ ਪਟ੍ਠਾਯ ਦਿਯਡ੍ਢੋ ਹਤ੍ਥੋ’’ਤਿ વੁਤ੍ਤਂ। ਕੁਰੁਨ੍ਦਿਯਂ ਪਨ ‘‘ਦ੍વਾਰਸ੍ਸ ਉਭੋਸੁ ਪਸ੍ਸੇਸੁ ਕવਾਟਪ੍ਪਮਾਣ’’ਨ੍ਤਿ। ਮਹਾਅਟ੍ਠਕਥਾਯਂ ‘‘ਕવਾਟਂ ਨਾਮ ਦਿਯਡ੍ਢਹਤ੍ਥਮ੍ਪਿ ਹੋਤਿ ਦ੍વਿਹਤ੍ਥਮ੍ਪਿ ਅਡ੍ਢਤੇਯ੍ਯਹਤ੍ਥਮ੍ਪੀ’’ਤਿ વੁਤ੍ਤਂ, ਤਂ ਸੁવੁਤ੍ਤਂ। ਤਦੇવ ਹਿ ਸਨ੍ਧਾਯ ਭਗવਤਾਪਿ ‘‘ਪਿਟ੍ਠਸਙ੍ਘਾਟਸ੍ਸ ਸਮਨ੍ਤਾ ਹਤ੍ਥਪਾਸਾ’’ਤਿ ਅਯਂ ਉਕ੍ਕਟ੍ਠਨਿਦ੍ਦੇਸੋ ਕਤੋ। ਅਗ੍ਗਲ਼ਟ੍ਠਪਨਾਯਾਤਿ ਸਕવਾਟਕਦ੍વਾਰਬਨ੍ਧਟ੍ਠਪਨਾਯ; ਸਕવਾਟਕਸ੍ਸ ਦ੍વਾਰਬਨ੍ਧਸ੍ਸ ਨਿਚ੍ਚਲਭਾવਤ੍ਥਾਯਾਤਿ ਅਤ੍ਥੋ। ਦ੍વਾਰਟ੍ਠਪਨਾਯਾਤਿ ਇਦਮ੍ਪਿ ਹਿ ਪਦਭਾਜਨਂ ਇਮਮੇવਤ੍ਥਂ ਸਨ੍ਧਾਯ ਭਾਸਿਤਂ। ਅਯਂ ਪਨੇਤ੍ਥ ਅਧਿਪ੍ਪਾਯੋ – ਕવਾਟਞ੍ਹਿ ਲਹੁਪਰਿવਟ੍ਟਕਂ વਿવਰਣਕਾਲੇ ਭਿਤ੍ਤਿਂ ਆਹਨਤਿ, ਪਿਦਹਨਕਾਲੇ ਦ੍વਾਰਬਨ੍ਧਂ। ਤੇਨ ਆਹਨਨੇਨ ਭਿਤ੍ਤਿ ਕਮ੍ਪਤਿ, ਤਤੋ ਮਤ੍ਤਿਕਾ ਚਲਤਿ, ਚਲਿਤ੍વਾ ਸਿਥਿਲਾ વਾ ਹੋਤਿ ਪਤਤਿ વਾ। ਤੇਨਾਹ ਭਗવਾ ‘‘ਯਾવ ਦ੍વਾਰਕੋਸਾ ਅਗ੍ਗਲ਼ਟ੍ਠਪਨਾਯਾ’’ਤਿ। ਤਤ੍ਥ ਕਿਞ੍ਚਾਪਿ ‘‘ਇਦਂ ਨਾਮ ਕਤ੍ਤਬ੍ਬ’’ਨ੍ਤਿ ਨੇવ ਮਾਤਿਕਾਯਂ ਨ ਪਦਭਾਜਨੇ વੁਤ੍ਤਂ, ਅਟ੍ਠੁਪ੍ਪਤ੍ਤਿਯਂ ਪਨ ‘‘ਪੁਨਪ੍ਪੁਨਂ ਛਾਦਾਪੇਸਿ ਪੁਨਪ੍ਪੁਨਂ ਲੇਪਾਪੇਸੀ’’ਤਿ ਅਧਿਕਾਰਤੋ ਯਾવ ਦ੍વਾਰਕੋਸਾ ਅਗ੍ਗਲ਼ਟ੍ਠਪਨਾਯ ਪੁਨਪ੍ਪੁਨਂ ਲਿਮ੍ਪਿਤਬ੍ਬੋ વਾ ਲੇਪਾਪੇਤਬ੍ਬੋ વਾਤਿ ਏવਮਤ੍ਥੋ ਦਟ੍ਠਬ੍ਬੋ।
135. Navamasikkhāpade – yāva dvārakosāti ettha dvārakoso nāma piṭṭhasaṅghāṭassa samantā kavāṭavitthārappamāṇo okāso. Mahāpaccariyaṃ pana ‘‘dvārabāhato paṭṭhāya diyaḍḍho hattho’’ti vuttaṃ. Kurundiyaṃ pana ‘‘dvārassa ubhosu passesu kavāṭappamāṇa’’nti. Mahāaṭṭhakathāyaṃ ‘‘kavāṭaṃ nāma diyaḍḍhahatthampi hoti dvihatthampi aḍḍhateyyahatthampī’’ti vuttaṃ, taṃ suvuttaṃ. Tadeva hi sandhāya bhagavatāpi ‘‘piṭṭhasaṅghāṭassa samantā hatthapāsā’’ti ayaṃ ukkaṭṭhaniddeso kato. Aggaḷaṭṭhapanāyāti sakavāṭakadvārabandhaṭṭhapanāya; sakavāṭakassa dvārabandhassa niccalabhāvatthāyāti attho. Dvāraṭṭhapanāyāti idampi hi padabhājanaṃ imamevatthaṃ sandhāya bhāsitaṃ. Ayaṃ panettha adhippāyo – kavāṭañhi lahuparivaṭṭakaṃ vivaraṇakāle bhittiṃ āhanati, pidahanakāle dvārabandhaṃ. Tena āhananena bhitti kampati, tato mattikā calati, calitvā sithilā vā hoti patati vā. Tenāha bhagavā ‘‘yāva dvārakosā aggaḷaṭṭhapanāyā’’ti. Tattha kiñcāpi ‘‘idaṃ nāma kattabba’’nti neva mātikāyaṃ na padabhājane vuttaṃ, aṭṭhuppattiyaṃ pana ‘‘punappunaṃ chādāpesi punappunaṃ lepāpesī’’ti adhikārato yāva dvārakosā aggaḷaṭṭhapanāya punappunaṃ limpitabbo vā lepāpetabbo vāti evamattho daṭṭhabbo.
ਯਂ ਪਨ ਪਦਭਾਜਨੇ ‘‘ਪਿਟ੍ਠਸਙ੍ਘਾਟਸ੍ਸ ਸਮਨ੍ਤਾ ਹਤ੍ਥਪਾਸਾ’’ਤਿ વੁਤ੍ਤਂ। ਤਤ੍ਥ ਯਸ੍ਸ વੇਮਜ੍ਝੇ ਦ੍વਾਰਂ ਹੋਤਿ, ਉਪਰਿਭਾਗੇ ਉਚ੍ਚਾ ਭਿਤ੍ਤਿ, ਤਸ੍ਸ ਤੀਸੁ ਦਿਸਾਸੁ ਸਮਨ੍ਤਾ ਹਤ੍ਥਪਾਸਾ ਉਪਚਾਰੋ ਹੋਤਿ, ਖੁਦ੍ਦਕਸ੍ਸ વਿਹਾਰਸ੍ਸ ਦ੍વੀਸੁ ਦਿਸਾਸੁ ਉਪਚਾਰੋ ਹੋਤਿ। ਤਤ੍ਰਾਪਿ ਯਂ ਭਿਤ੍ਤਿਂ વਿવਰਿਯਮਾਨਂ ਕવਾਟਂ ਆਹਨਤਿ, ਸਾ ਅਪਰਿਪੂਰਉਪਚਾਰਾਪਿ ਹੋਤਿ। ਉਕ੍ਕਟ੍ਠਪਰਿਚ੍ਛੇਦੇਨ ਪਨ ਤੀਸੁ ਦਿਸਾਸੁ ਸਮਨ੍ਤਾ ਹਤ੍ਥਪਾਸਾ ਦ੍વਾਰਸ੍ਸ ਨਿਚ੍ਚਲਭਾવਤ੍ਥਾਯ ਲੇਪੋ ਅਨੁਞ੍ਞਾਤੋ। ਸਚੇ ਪਨਸ੍ਸ ਦ੍વਾਰਸ੍ਸ ਅਧੋਭਾਗੇਪਿ ਲੇਪੋਕਾਸੋ ਅਤ੍ਥਿ, ਤਮ੍ਪਿ ਲਿਮ੍ਪਿਤੁਂ વਟ੍ਟਤਿ। ਆਲੋਕਸਨ੍ਧਿਪਰਿਕਮ੍ਮਾਯਾਤਿ ਏਤ੍ਥ ਆਲੋਕਸਨ੍ਧੀਤਿ વਾਤਪਾਨਕવਾਟਕਾ વੁਚ੍ਚਨ੍ਤਿ, ਤੇਪਿ વਿવਰਣਕਾਲੇ વਿਦਤ੍ਥਿਮਤ੍ਤਮ੍ਪਿ ਅਤਿਰੇਕਮ੍ਪਿ ਭਿਤ੍ਤਿਪ੍ਪਦੇਸਂ ਪਹਰਨ੍ਤਿ। ਉਪਚਾਰੋ ਪਨੇਤ੍ਥ ਸਬ੍ਬਦਿਸਾਸੁ ਲਬ੍ਭਤਿ, ਤਸ੍ਮਾ ਸਬ੍ਬਦਿਸਾਸੁ ਕવਾਟવਿਤ੍ਥਾਰਪ੍ਪਮਾਣੋ ਓਕਾਸੋ ਆਲੋਕਸਨ੍ਧਿਪਰਿਕਮ੍ਮਤ੍ਥਾਯ ਲਿਮ੍ਪਿਤਬ੍ਬੋ વਾ ਲੇਪਾਪੇਤਬ੍ਬੋ વਾਤਿ ਅਯਮੇਤ੍ਥ ਅਧਿਪ੍ਪਾਯੋ।
Yaṃ pana padabhājane ‘‘piṭṭhasaṅghāṭassa samantā hatthapāsā’’ti vuttaṃ. Tattha yassa vemajjhe dvāraṃ hoti, uparibhāge uccā bhitti, tassa tīsu disāsu samantā hatthapāsā upacāro hoti, khuddakassa vihārassa dvīsu disāsu upacāro hoti. Tatrāpi yaṃ bhittiṃ vivariyamānaṃ kavāṭaṃ āhanati, sā aparipūraupacārāpi hoti. Ukkaṭṭhaparicchedena pana tīsu disāsu samantā hatthapāsā dvārassa niccalabhāvatthāya lepo anuññāto. Sace panassa dvārassa adhobhāgepi lepokāso atthi, tampi limpituṃ vaṭṭati. Ālokasandhiparikammāyāti ettha ālokasandhīti vātapānakavāṭakā vuccanti, tepi vivaraṇakāle vidatthimattampi atirekampi bhittippadesaṃ paharanti. Upacāro panettha sabbadisāsu labbhati, tasmā sabbadisāsu kavāṭavitthārappamāṇo okāso ālokasandhiparikammatthāya limpitabbo vā lepāpetabbo vāti ayamettha adhippāyo.
ਸੇਤવਣ੍ਣਨ੍ਤਿਆਦਿਕਂ ਨ ਮਾਤਿਕਾਯ ਪਦਭਾਜਨਂ। ਇਮਿਨਾ ਹਿ વਿਹਾਰਸ੍ਸ ਭਾਰਿਕਤ੍ਤਂ ਨਾਮ ਨਤ੍ਥੀਤਿ ਪਦਭਾਜਨੇਯੇવ ਅਨੁਞ੍ਞਾਤਂ, ਤਸ੍ਮਾ ਸਬ੍ਬਮੇਤਂ ਯਥਾਸੁਖਂ ਕਤ੍ਤਬ੍ਬਂ।
Setavaṇṇantiādikaṃ na mātikāya padabhājanaṃ. Iminā hi vihārassa bhārikattaṃ nāma natthīti padabhājaneyeva anuññātaṃ, tasmā sabbametaṃ yathāsukhaṃ kattabbaṃ.
ਏવਂ ਲੇਪਕਮ੍ਮੇ ਯਂ ਕਤ੍ਤਬ੍ਬਂ, ਤਂ ਦਸ੍ਸੇਤ੍વਾ ਪੁਨ ਛਦਨੇ ਕਤ੍ਤਬ੍ਬਂ ਦਸ੍ਸੇਤੁਂ ‘‘ਦ੍વਤ੍ਤਿਚ੍ਛਦਨਸ੍ਸਾ’’ਤਿਆਦਿ વੁਤ੍ਤਂ। ਤਤ੍ਥ ਦ੍વਤ੍ਤਿਚ੍ਛਦਨਸ੍ਸ ਪਰਿਯਾਯਨ੍ਤਿ ਛਦਨਸ੍ਸ ਦ੍વਤ੍ਤਿਪਰਿਯਾਯਂ; ਪਰਿਯਾਯੋ વੁਚ੍ਚਤਿ ਪਰਿਕ੍ਖੇਪੋ, ਪਰਿਕ੍ਖੇਪਦ੍વਯਂ વਾ ਪਰਿਕ੍ਖੇਪਤ੍ਤਯਂ વਾ ਅਧਿਟ੍ਠਾਤਬ੍ਬਨ੍ਤਿ ਅਤ੍ਥੋ। ਅਪ੍ਪਹਰਿਤੇ ਠਿਤੇਨਾਤਿ ਅਹਰਿਤੇ ਠਿਤੇਨ। ਹਰਿਤਨ੍ਤਿ ਚੇਤ੍ਥ ਸਤ੍ਤਧਞ੍ਞਭੇਦਂ ਪੁਬ੍ਬਣ੍ਣਂ ਮੁਗ੍ਗਮਾਸਤਿਲਕੁਲਤ੍ਥਅਲਾਬੁਕੁਮ੍ਭਣ੍ਡਾਦਿਭੇਦਞ੍ਚ ਅਪਰਣ੍ਣਂ ਅਧਿਪ੍ਪੇਤਂ। ਤੇਨੇવਾਹ – ‘‘ਹਰਿਤਂ ਨਾਮ ਪੁਬ੍ਬਣ੍ਣਂ ਅਪਰਣ੍ਣ’’ਨ੍ਤਿ।
Evaṃ lepakamme yaṃ kattabbaṃ, taṃ dassetvā puna chadane kattabbaṃ dassetuṃ ‘‘dvatticchadanassā’’tiādi vuttaṃ. Tattha dvatticchadanassa pariyāyanti chadanassa dvattipariyāyaṃ; pariyāyo vuccati parikkhepo, parikkhepadvayaṃ vā parikkhepattayaṃ vā adhiṭṭhātabbanti attho. Appaharite ṭhitenāti aharite ṭhitena. Haritanti cettha sattadhaññabhedaṃ pubbaṇṇaṃ muggamāsatilakulatthaalābukumbhaṇḍādibhedañca aparaṇṇaṃ adhippetaṃ. Tenevāha – ‘‘haritaṃ nāma pubbaṇṇaṃ aparaṇṇa’’nti.
ਸਚੇ ਹਰਿਤੇ ਠਿਤੋ ਅਧਿਟ੍ਠਾਤਿ, ਆਪਤ੍ਤਿ ਦੁਕ੍ਕਟਸ੍ਸਾਤਿ ਏਤ੍ਥ ਪਨ ਯਸ੍ਮਿਮ੍ਪਿ ਖੇਤ੍ਤੇ વੁਤ੍ਤਂ ਬੀਜਂ ਨ ਤਾવ ਸਮ੍ਪਜ੍ਜਤਿ, વਸ੍ਸੇ વਾ ਪਨ ਪਤਿਤੇ ਸਮ੍ਪਜ੍ਜਿਸ੍ਸਤਿ, ਤਮ੍ਪਿ ਹਰਿਤਸਙ੍ਖ੍ਯਮੇવ ਗਚ੍ਛਤਿ। ਤਸ੍ਮਾ ਏવਰੂਪੇ ਖੇਤ੍ਤੇਪਿ ਠਿਤੇਨ ਨ ਅਧਿਟ੍ਠਾਤਬ੍ਬਂ, ਅਹਰਿਤੇਯੇવ ਠਿਤੇਨ ਅਧਿਟ੍ਠਾਤਬ੍ਬਂ। ਤਤ੍ਰਾਪਿ ਅਯਂ ਪਰਿਚ੍ਛੇਦੋ, ਪਿਟ੍ਠਿવਂਸਸ੍ਸ વਾ ਕੂਟਾਗਾਰਕਣ੍ਣਿਕਾਯ વਾ ਉਪਰਿ ਥੁਪਿਕਾਯ વਾ ਪਸ੍ਸੇ ਨਿਸਿਨ੍ਨੋ ਛਦਨਮੁਖવਟ੍ਟਿਅਨ੍ਤੇਨ ਓਲੋਕੇਨ੍ਤੋ ਯਸ੍ਮਿਂ ਭੂਮਿਭਾਗੇ ਠਿਤਂ ਪਸ੍ਸਤਿ, ਯਸ੍ਮਿਞ੍ਚ ਭੂਮਿਭਾਗੇ ਠਿਤੋ, ਤਂ ਉਪਰਿ ਨਿਸਿਨ੍ਨਕਂ ਪਸ੍ਸਤਿ, ਤਸ੍ਮਿਂ ਠਾਨੇ ਅਧਿਟ੍ਠਾਤਬ੍ਬਂ। ਤਸ੍ਸ ਅਨ੍ਤੋ ਅਹਰਿਤੇਪਿ ਠਤ੍વਾ ਅਧਿਟ੍ਠਾਤੁਂ ਨ ਲਬ੍ਭਤਿ। ਕਸ੍ਮਾ? વਿਹਾਰਸ੍ਸ ਹਿ ਪਤਨ੍ਤਸ੍ਸ ਅਯਂ ਪਤਨੋਕਾਸੋਤਿ।
Sace harite ṭhitoadhiṭṭhāti, āpatti dukkaṭassāti ettha pana yasmimpi khette vuttaṃ bījaṃ na tāva sampajjati, vasse vā pana patite sampajjissati, tampi haritasaṅkhyameva gacchati. Tasmā evarūpe khettepi ṭhitena na adhiṭṭhātabbaṃ, ahariteyeva ṭhitena adhiṭṭhātabbaṃ. Tatrāpi ayaṃ paricchedo, piṭṭhivaṃsassa vā kūṭāgārakaṇṇikāya vā upari thupikāya vā passe nisinno chadanamukhavaṭṭiantena olokento yasmiṃ bhūmibhāge ṭhitaṃ passati, yasmiñca bhūmibhāge ṭhito, taṃ upari nisinnakaṃ passati, tasmiṃ ṭhāne adhiṭṭhātabbaṃ. Tassa anto aharitepi ṭhatvā adhiṭṭhātuṃ na labbhati. Kasmā? Vihārassa hi patantassa ayaṃ patanokāsoti.
੧੩੬. ਮਗ੍ਗੇਨ ਛਾਦੇਨ੍ਤਸ੍ਸਾਤਿ ਏਤ੍ਥ ਮਗ੍ਗੇਨ ਛਾਦਨਂ ਨਾਮ ਅਪਰਿਕ੍ਖਿਪਿਤ੍વਾ ਉਜੁਕਮੇવ ਛਾਦਨਂ; ਤਂ ਇਟ੍ਠਕਸਿਲਾਸੁਧਾਹਿ ਲਬ੍ਭਤਿ। ਦ੍વੇ ਮਗ੍ਗੇ ਅਧਿਟ੍ਠਹਿਤ੍વਾਤਿ ਦ੍વੇ ਮਗ੍ਗਾ ਸਚੇ ਦੁਚ੍ਛਨ੍ਨਾ ਹੋਨ੍ਤਿ, ਅਪਨੇਤ੍વਾਪਿ ਪੁਨਪ੍ਪੁਨਂ ਛਾਦੇਤੁਂ ਲਬ੍ਭਤਿ, ਤਸ੍ਮਾ ਯਥਾ ਇਚ੍ਛਤਿ; ਤਥਾ ਦ੍વੇ ਮਗ੍ਗੇ ਅਧਿਟ੍ਠਹਿਤ੍વਾ ਤਤਿਯਂਮਗ੍ਗਂ ‘‘ਇਦਾਨਿ ਏવਂ ਛਾਦੇਹੀ’’ਤਿ ਆਣਾਪੇਤ੍વਾ ਪਕ੍ਕਮਿਤਬ੍ਬਂ। ਪਰਿਯਾਯੇਨਾਤਿ ਪਰਿਕ੍ਖੇਪੇਨ। ਏવਂਛਦਨਂ ਪਨ ਤਿਣਪਣ੍ਣੇਹਿ ਲਬ੍ਭਤਿ। ਤਸ੍ਮਾ ਇਧਾਪਿ ਯਥਾ ਇਚ੍ਛਤਿ ਤਥਾ ਦ੍વੇ ਪਰਿਯਾਯੇ ਅਧਿਟ੍ਠਹਿਤ੍વਾ ਤਤਿਯਂ ਪਰਿਯਾਯਂ ‘‘ਇਦਾਨਿ ਏવਂ ਛਾਦੇਹੀ’’ਤਿ ਆਣਾਪੇਤ੍વਾ ਪਕ੍ਕਮਿਤਬ੍ਬਂ। ਸਚੇ ਨ ਪਕ੍ਕਮਤਿ, ਤੁਣ੍ਹੀਭੂਤੇਨ ਠਾਤਬ੍ਬਂ। ਸਬ੍ਬਮ੍ਪਿ ਚੇਤਂ ਛਦਨਂ ਛਦਨੂਪਰਿ વੇਦਿਤਬ੍ਬਂ। ਉਪਰੂਪਰਿਚ੍ਛਨ੍ਨੋ ਹਿ વਿਹਾਰੋ ਚਿਰਂ ਅਨੋવਸ੍ਸਕੋ ਹੋਤੀਤਿ ਮਞ੍ਞਮਾਨਾ ਏવਂ ਛਾਦੇਨ੍ਤਿ। ਤਤੋ ਚੇ ਉਤ੍ਤਰਿਨ੍ਤਿ ਤਿਣ੍ਣਂ ਮਗ੍ਗਾਨਂ વਾ ਪਰਿਯਾਯਾਨਂ વਾ ਉਪਰਿ ਚਤੁਤ੍ਥੇ ਮਗ੍ਗੇ વਾ ਪਰਿਯਾਯੇ વਾ।
136.Maggena chādentassāti ettha maggena chādanaṃ nāma aparikkhipitvā ujukameva chādanaṃ; taṃ iṭṭhakasilāsudhāhi labbhati. Dve magge adhiṭṭhahitvāti dve maggā sace ducchannā honti, apanetvāpi punappunaṃ chādetuṃ labbhati, tasmā yathā icchati; tathā dve magge adhiṭṭhahitvā tatiyaṃmaggaṃ ‘‘idāni evaṃ chādehī’’ti āṇāpetvā pakkamitabbaṃ. Pariyāyenāti parikkhepena. Evaṃchadanaṃ pana tiṇapaṇṇehi labbhati. Tasmā idhāpi yathā icchati tathā dve pariyāye adhiṭṭhahitvā tatiyaṃ pariyāyaṃ ‘‘idāni evaṃ chādehī’’ti āṇāpetvā pakkamitabbaṃ. Sace na pakkamati, tuṇhībhūtena ṭhātabbaṃ. Sabbampi cetaṃ chadanaṃ chadanūpari veditabbaṃ. Uparūparicchanno hi vihāro ciraṃ anovassako hotīti maññamānā evaṃ chādenti. Tato ce uttarinti tiṇṇaṃ maggānaṃ vā pariyāyānaṃ vā upari catutthe magge vā pariyāye vā.
੧੩੭. ਕਰਲ਼ੇ ਕਰਲ਼ੇਤਿ ਤਿਣਮੁਟ੍ਠਿਯਂ ਤਿਣਮੁਟ੍ਠਿਯਂ। ਸੇਸਮੇਤ੍ਥ ਉਤ੍ਤਾਨਮੇવਾਤਿ। ਛਸਮੁਟ੍ਠਾਨਂ – ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
137.Karaḷe karaḷeti tiṇamuṭṭhiyaṃ tiṇamuṭṭhiyaṃ. Sesamettha uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
ਮਹਲ੍ਲਕવਿਹਾਰਸਿਕ੍ਖਾਪਦਂ ਨવਮਂ।
Mahallakavihārasikkhāpadaṃ navamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੯. ਮਹਲ੍ਲਕવਿਹਾਰਸਿਕ੍ਖਾਪਦવਣ੍ਣਨਾ • 9. Mahallakavihārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੯. ਮਹਲ੍ਲਕવਿਹਾਰਸਿਕ੍ਖਾਪਦਂ • 9. Mahallakavihārasikkhāpadaṃ
